Jagannathashtakam — InfoLyter.in

ॐ

જગન્નાથાષ્ટકમ્

Jagannathashtakam

Vishnu Ashtakam Adi Shankaracharya Gujarati

કદાચિત્-કાલિન્દી તટવિપિન સઙ્ગીતકરવો

મુદાભીરી નારીવદન કમલાસ્વાદમધુપઃ ।

રમા શમ્ભુ બ્રહ્મામરપતિ ગણેશાર્ચિત પદો

જગન્નાથઃ સ્વામી નયનપથગામી ભવતુ મે ॥ 1 ॥

ભુજે સવ્યે વેણું શિરસિ શિખિપિઞ્છં કટિતટે

દુકૂલં નેત્રાન્તે સહચરકટાક્ષં વિદધતે ।

સદા શ્રીમદ્વૃન્દાવનવસતિલીલાપરિચયો

જગન્નાથઃ સ્વામી નયનપથગામી ભવતુ મે ॥ 2 ॥

મહામ્ભોધેસ્તીરે કનકરુચિરે નીલશિખરે

વસન્ પ્રાસાદાન્તસ્સહજ બલભદ્રેણ બલિના ।

સુભદ્રા મધ્યસ્થસ્સકલસુર સેવાવસરદો

જગન્નાથઃ સ્વામી નયનપથગામી ભવતુ મે ॥ 3 ॥

કૃપા પારાવારાસ્સજલ જલદ શ્રેણિરુચિરો

રમાવાણી રામસ્ફુરદમલ પઙ્કॆરુહમુખઃ ।

સુરેન્દ્રૈરારાધ્યઃ શ્રુતિગણશિખા ગીત ચરિતો

જગન્નાથઃ સ્વામી નયનપથગામી ભવતુ મે ॥ 4 ॥

રથારૂઢો ગચ્છન્ પથિ મિલિત ભૂદેવપટલૈઃ

સ્તુતિ પ્રાદુર્ભાવં પ્રતિપદમુપાકર્ણ્ય સદયઃ ।

દયાસિન્ધુર્બન્ધુસ્સકલ જગતા સિન્ધુસુતયા

જગન્નાથઃ સ્વામી નયનપથગામી ભવતુ મે ॥ 5 ॥

પરબ્રહ્માપીડઃ કુવલય-દલોત્ફુલ્લનયનો

નિવાસી નીલાદ્રૌ નિહિત-ચરણોઽનન્ત-શિરસિ ।

રસાનન્દો રાધા-સરસ-વપુરાલિઙ્ગન-સખો

જગન્નાથઃ સ્વામી નયનપથગામી ભવતુ મે ॥ 6 ॥

ન વૈ યાચે રાજ્યં ન ચ કનક માણિક્ય વિભવં

ન યાચેઽહં રમ્યાં નિખિલજન-કામ્યાં વરવધૂમ્ ।

સદા કાલે કાલે પ્રમથ-પતિના ગીતચરિતો

જગન્નાથઃ સ્વામી નયનપથગામી ભવતુ મે ॥ 7 ॥

હર ત્વં સંસારં દ્રુતતરમસારં સુરપતે

હર ત્વં પાપાનાં વિતતિમપરાં યાદવપતે ।

અહો દીનોઽનાથે નિહિતચરણો નિશ્ચિતમિદં

જગન્નાથઃ સ્વામી નયનપથગામી ભવતુ મે ॥ 8 ॥

જગન્નાથાષ્ટકં પુણ્યં યઃ પઠેત્ પ્રયતઃ શુચિઃ ।

સર્વપાપ વિશુદ્ધાત્મા વિષ્ણુલોકં સ ગચ્છતિ ॥

ઇતિ શ્રીમદ્ શઙ્કરાચાર્યવિરચિતં જગન્નાથાષ્ટકં સમ્પૂર્ણં॥

Roman (IAST) Transliteration

kadācit-kālindī taṭavipina saṅgītakaravo

mudābhīrī nārīvadana kamalāsvādamadhupaḥ |

ramā śambhu brahmāmarapati gaṇeśārcita pado

jagannāthaḥ svāmī nayanapathagāmī bhavatu me || 1 ||

bhuje savye veṇuṃ śirasi śikhipiñchaṃ kaṭitaṭe

dukūlaṃ netrānte sahacarakaṭākṣaṃ vidadhate |

sadā śrīmadvṛndāvanavasatilīlāparicayo

jagannāthaḥ svāmī nayanapathagāmī bhavatu me || 2 ||

mahāmbhodhestīre kanakarucire nīlaśikhare

vasan prāsādāntassahaja balabhadreṇa balinā |

subhadrā madhyasthassakalasura sevāvasarado

jagannāthaḥ svāmī nayanapathagāmī bhavatu me || 3 ||

kṛpā pārāvārāssajala jalada śreṇiruciro

ramāvāṇī rāmasphuradamala paṅkèruhamukhaḥ |

surendrairārādhyaḥ śrutigaṇaśikhā gīta carito

jagannāthaḥ svāmī nayanapathagāmī bhavatu me || 4 ||

rathārūḍho gacchan pathi milita bhūdevapaṭalaiḥ

stuti prādurbhāvaṃ pratipadamupākarṇya sadayaḥ |

dayāsindhurbandhussakala jagatā sindhusutayā

jagannāthaḥ svāmī nayanapathagāmī bhavatu me || 5 ||

parabrahmāpīḍaḥ kuvalaya-dalotphullanayano

nivāsī nīlādrau nihita-caraṇo'nanta-śirasi |

rasānando rādhā-sarasa-vapurāliṅgana-sakho

jagannāthaḥ svāmī nayanapathagāmī bhavatu me || 6 ||

na vai yāce rājyaṃ na ca kanaka māṇikya vibhavaṃ

na yāce'haṃ ramyāṃ nikhilajana-kāmyāṃ varavadhūm |

sadā kāle kāle pramatha-patinā gītacarito

jagannāthaḥ svāmī nayanapathagāmī bhavatu me || 7 ||

hara tvaṃ saṃsāraṃ drutataramasāraṃ surapate

hara tvaṃ pāpānāṃ vitatimaparāṃ yādavapate |

aho dīno'nāthe nihitacaraṇo niścitamidaṃ

jagannāthaḥ svāmī nayanapathagāmī bhavatu me || 8 ||

jagannāthāṣṭakaṃ puṇyaṃ yaḥ paṭhet prayataḥ śuciḥ |

sarvapāpa viśuddhātmā viṣṇulokaṃ sa gacchati ||

iti śrīmad śaṅkarācāryaviracitaṃ jagannāthāṣṭakaṃ sampūrṇaṃ||