Shri Hanumatkavacham — InfoLyter.in

ॐ

શ્રી હનુમત્કવચમ્

Shri Hanumatkavacham

Hanuman Kavacham Gujarati

અસ્ય શ્રી હનુમત્ કવચસ્તોત્રમહામન્ત્રસ્ય વસિષ્ઠ ઋષિઃ અનુષ્ટુપ્ છન્દઃ શ્રી હનુમાન્ દેવતા મારુતાત્મજ ઇતિ બીજં અઞ્જનાસૂનુરિતિ શક્તિઃ વાયુપુત્ર ઇતિ કીલકં હનુમત્પ્રસાદ સિદ્ધ્યર્થે જપે વિનિયોગઃ ॥

ઉલ્લઙ્ઘ્ય સિન્ધોસ્સલિલં સલીલં

યશ્શોકવહ્નિં જનકાત્મજાયાઃ ।

આદાય તેનૈવ દદાહ લઙ્કાં

નમામિ તં પ્રાઞ્જલિરાઞ્જનેયમ્ ॥ 1

મનોજવં મારુતતુલ્યવેગં

જિતેન્દ્રિયં બુદ્ધિમતાં વરિષ્ઠમ્ ।

વાતાત્મજં વાનરયૂથમુખ્યં

શ્રીરામદૂતં શિરસા નમામિ ॥ 2

ઉદ્યદાદિત્યસઙ્કાશં ઉદારભુજવિક્રમમ્ ।

કન્દર્પકોટિલાવણ્યં સર્વવિદ્યાવિશારદમ્ ॥ 3

શ્રીરામહૃદયાનન્દં ભક્તકલ્પમહીરુહમ્ ।

અભયં વરદં દોર્ભ્યાં કલયે મારુતાત્મજમ્ ॥ 4

શ્રીરામ રામ રામેતિ રમે રામે મનોરમે ।

સહસ્રનામ તત્તુલ્યં રામનામ વરાનને ॥ 5

પાદૌ વાયુસુતઃ પાતુ રામદૂતસ્તદઙ્ગુલીઃ ।

ગુલ્ફૌ હરીશ્વરઃ પાતુ જઙ્ઘે ચાર્ણવલઙ્ઘનઃ ॥ 6

જાનુની મારુતિઃ પાતુ ઊરૂ પાત્વસુરાન્તકઃ ।

ગુહ્યં વજ્રતનુઃ પાતુ જઘનં તુ જગદ્ધિતઃ ॥ 7

આઞ્જનેયઃ કટિં પાતુ નાભિં સૌમિત્રિજીવનઃ ।

ઉદરં પાતુ હૃદ્ગેહી હૃદયં ચ મહાબલઃ ॥ 8

વક્ષો વાલાયુધઃ પાતુ સ્તનૌ ચાઽમિતવિક્રમઃ ।

પાર્શ્વૌ જિતેન્દ્રિયઃ પાતુ બાહૂ સુગ્રીવમન્ત્રકૃત્ ॥ 9

કરાવક્ષ જયી પાતુ હનુમાંશ્ચ તદઙ્ગુલીઃ ।

પૃષ્ઠં ભવિષ્યદ્ર્બહ્મા ચ સ્કન્ધૌ મતિ મતાં વરઃ ॥ 10

કણ્ઠં પાતુ કપિશ્રેષ્ઠો મુખં રાવણદર્પહા ।

વક્ત્રં ચ વક્તૃપ્રવણો નેત્રે દેવગણસ્તુતઃ ॥ 11

બ્રહ્માસ્ત્રસન્માનકરો ભ્રુવૌ મે પાતુ સર્વદા ।

કામરૂપઃ કપોલે મે ફાલં વજ્રનખોઽવતુ ॥ 12

શિરો મે પાતુ સતતં જાનકીશોકનાશનઃ ।

શ્રીરામભક્તપ્રવરઃ પાતુ સર્વકલેબરમ્ ॥ 13

મામહ્નિ પાતુ સર્વજ્ઞઃ પાતુ રાત્રૌ મહાયશાઃ ।

વિવસ્વદન્તેવાસી ચ સન્ધ્યયોઃ પાતુ સર્વદા ॥ 14

બ્રહ્માદિદેવતાદત્તવરઃ પાતુ નિરન્તરમ્ ।

ય ઇદં કવચં નિત્યં પઠેચ્ચ શૃણુયાન્નરઃ ॥ 15

દીર્ઘમાયુરવાપ્નોતિ બલં દૃષ્ટિં ચ વિન્દતિ ।

પાદાક્રાન્તા ભવિષ્યન્તિ પઠતસ્તસ્ય શત્રવઃ ।

સ્થિરાં સુકીર્તિમારોગ્યં લભતે શાશ્વતં સુખમ્ ॥ 16

ઇતિ નિગદિતવાક્યવૃત્ત તુભ્યં

સકલમપિ સ્વયમાઞ્જનેય વૃત્તમ્ ।

અપિ નિજજનરક્ષણૈકદીક્ષો

વશગ તદીય મહામનુપ્રભાવઃ ॥ 17

ઇતિ શ્રી હનુમત્ કવચમ્ ॥

Roman (IAST) Transliteration

asya śrī hanumat kavacastotramahāmantrasya vasiṣṭha ṛṣiḥ anuṣṭup chandaḥ śrī hanumān devatā mārutātmaja iti bījaṃ añjanāsūnuriti śaktiḥ vāyuputra iti kīlakaṃ hanumatprasāda siddhyarthe jape viniyogaḥ ||

ullaṅghya sindhossalilaṃ salīlaṃ

yaśśokavahniṃ janakātmajāyāḥ |

ādāya tenaiva dadāha laṅkāṃ

namāmi taṃ prāñjalirāñjaneyam || 1

manojavaṃ mārutatulyavegaṃ

jitendriyaṃ buddhimatāṃ variṣṭham |

vātātmajaṃ vānarayūthamukhyaṃ

śrīrāmadūtaṃ śirasā namāmi || 2

udyadādityasaṅkāśaṃ udārabhujavikramam |

kandarpakoṭilāvaṇyaṃ sarvavidyāviśāradam || 3

śrīrāmahṛdayānandaṃ bhaktakalpamahīruham |

abhayaṃ varadaṃ dorbhyāṃ kalaye mārutātmajam || 4

śrīrāma rāma rāmeti rame rāme manorame |

sahasranāma tattulyaṃ rāmanāma varānane || 5

pādau vāyusutaḥ pātu rāmadūtastadaṅgulīḥ |

gulphau harīśvaraḥ pātu jaṅghe cārṇavalaṅghanaḥ || 6

jānunī mārutiḥ pātu ūrū pātvasurāntakaḥ |

guhyaṃ vajratanuḥ pātu jaghanaṃ tu jagaddhitaḥ || 7

āñjaneyaḥ kaṭiṃ pātu nābhiṃ saumitrijīvanaḥ |

udaraṃ pātu hṛdgehī hṛdayaṃ ca mahābalaḥ || 8

vakṣo vālāyudhaḥ pātu stanau cā'mitavikramaḥ |

pārśvau jitendriyaḥ pātu bāhū sugrīvamantrakṛt || 9

karāvakṣa jayī pātu hanumāṃśca tadaṅgulīḥ |

pṛṣṭhaṃ bhaviṣyadrbahmā ca skandhau mati matāṃ varaḥ || 10

kaṇṭhaṃ pātu kapiśreṣṭho mukhaṃ rāvaṇadarpahā |

vaktraṃ ca vaktṛpravaṇo netre devagaṇastutaḥ || 11

brahmāstrasanmānakaro bhruvau me pātu sarvadā |

kāmarūpaḥ kapole me phālaṃ vajranakho'vatu || 12

śiro me pātu satataṃ jānakīśokanāśanaḥ |

śrīrāmabhaktapravaraḥ pātu sarvakalebaram || 13

māmahni pātu sarvajñaḥ pātu rātrau mahāyaśāḥ |

vivasvadantevāsī ca sandhyayoḥ pātu sarvadā || 14

brahmādidevatādattavaraḥ pātu nirantaram |

ya idaṃ kavacaṃ nityaṃ paṭhecca śṛṇuyānnaraḥ || 15

dīrghamāyuravāpnoti balaṃ dṛṣṭiṃ ca vindati |

pādākrāntā bhaviṣyanti paṭhatastasya śatravaḥ |

sthirāṃ sukīrtimārogyaṃ labhate śāśvataṃ sukham || 16

iti nigaditavākyavṛtta tubhyaṃ

sakalamapi svayamāñjaneya vṛttam |

api nijajanarakṣaṇaikadīkṣo

vaśaga tadīya mahāmanuprabhāvaḥ || 17

iti śrī hanumat kavacam ||