📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ગોવિન્દાષ્ટકમ્
Govindashtakam
Vishnu Ashtakam Adi Shankaracharya Gujarati
સત્યં જ્ઞાનમનન્તં નિત્યમનાકાશં પરમાકાશમ્ ।
ગોષ્ઠપ્રાઙ્ગણરિઙ્ખણલોલમનાયાસં પરમાયાસમ્ ।
માયાકલ્પિતનાનાકારમનાકારં ભુવનાકારમ્ ।
ક્ષ્મામાનાથમનાથં પ્રણમત ગોવિન્દં પરમાનન્દમ્ ॥ 1 ॥
મૃત્સ્નામત્સીહેતિ યશોદાતાડનશૈશવ સન્ત્રાસમ્ ।
વ્યાદિતવક્ત્રાલોકિતલોકાલોકચતુર્દશલોકાલિમ્ ।
લોકત્રયપુરમૂલસ્તમ્ભં લોકાલોકમનાલોકમ્ ।
લોકેશં પરમેશં પ્રણમત ગોવિન્દં પરમાનન્દમ્ ॥ 2 ॥
ત્રૈવિષ્ટપરિપુવીરઘ્નં ક્ષિતિભારઘ્નં ભવરોગઘ્નમ્ ।
કૈવલ્યં નવનીતાહારમનાહારં ભુવનાહારમ્ ।
વૈમલ્યસ્ફુટચેતોવૃત્તિવિશેષાભાસમનાભાસમ્ ।
શૈવં કેવલશાન્તં પ્રણમત ગોવિન્દં પરમાનન્દમ્ ॥ 3 ॥
ગોપાલં પ્રભુલીલાવિગ્રહગોપાલં કુલગોપાલમ્ ।
ગોપીખેલનગોવર્ધનધૃતિલીલાલાલિતગોપાલમ્ ।
ગોભિર્નિગદિત ગોવિન્દસ્ફુટનામાનં બહુનામાનમ્ ।
ગોપીગોચરદૂરં પ્રણમત ગોવિન્દં પરમાનન્દમ્ ॥ 4 ॥
ગોપીમણ્ડલગોષ્ઠીભેદં ભેદાવસ્થમભેદાભમ્ ।
શશ્વદ્ગોખુરનિર્ધૂતોદ્ગત ધૂલીધૂસરસૌભાગ્યમ્ ।
શ્રદ્ધાભક્તિગૃહીતાનન્દમચિન્ત્યં ચિન્તિતસદ્ભાવમ્ ।
ચિન્તામણિમહિમાનં પ્રણમત ગોવિન્દં પરમાનન્દમ્ ॥ 5 ॥
સ્નાનવ્યાકુલયોષિદ્વસ્ત્રમુપાદાયાગમુપારૂઢમ્ ।
વ્યાદિત્સન્તીરથ દિગ્વસ્ત્રા દાતુમુપાકર્ષન્તં તાઃ
નિર્ધૂતદ્વયશોકવિમોહં બુદ્ધં બુદ્ધેરન્તસ્થમ્ ।
સત્તામાત્રશરીરં પ્રણમત ગોવિન્દં પરમાનન્દમ્ ॥ 6 ॥
કાન્તં કારણકારણમાદિમનાદિં કાલધનાભાસમ્ ।
કાલિન્દીગતકાલિયશિરસિ સુનૃત્યન્તં મુહુરત્યન્તમ્ ।
કાલં કાલકલાતીતં કલિતાશેષં કલિદોષઘ્નમ્ ।
કાલત્રયગતિહેતું પ્રણમત ગોવિન્દં પરમાનન્દમ્ ॥ 7 ॥
બૃન્દાવનભુવિ બૃન્દારકગણબૃન્દારાધિતવન્દેહમ્ ।
કુન્દાભામલમન્દસ્મેરસુધાનન્દં સુહૃદાનન્દમ્ ।
વન્દ્યાશેષ મહામુનિ માનસ વન્દ્યાનન્દપદદ્વન્દ્વમ્ ।
વન્દ્યાશેષગુણાબ્ધિં પ્રણમત ગોવિન્દં પરમાનન્દમ્ ॥ 8 ॥
ગોવિન્દાષ્ટકમેતદધીતે ગોવિન્દાર્પિતચેતા યઃ ।
ગોવિન્દાચ્યુત માધવ વિષ્ણો ગોકુલનાયક કૃષ્ણેતિ ।
ગોવિન્દાઙ્ઘ્રિ સરોજધ્યાનસુધાજલધૌતસમસ્તાઘઃ ।
ગોવિન્દં પરમાનન્દામૃતમન્તસ્થં સ તમભ્યેતિ ॥
ઇતિ શ્રી શઙ્કરાચાર્ય વિરચિત શ્રીગોવિન્દાષ્ટકં સમાપ્તં
Roman (IAST) Transliteration
satyaṃ jñānamanantaṃ nityamanākāśaṃ paramākāśam |
goṣṭhaprāṅgaṇariṅkhaṇalolamanāyāsaṃ paramāyāsam |
māyākalpitanānākāramanākāraṃ bhuvanākāram |
kṣmāmānāthamanāthaṃ praṇamata govindaṃ paramānandam || 1 ||
mṛtsnāmatsīheti yaśodātāḍanaśaiśava santrāsam |
vyāditavaktrālokitalokālokacaturdaśalokālim |
lokatrayapuramūlastambhaṃ lokālokamanālokam |
lokeśaṃ parameśaṃ praṇamata govindaṃ paramānandam || 2 ||
traiviṣṭaparipuvīraghnaṃ kṣitibhāraghnaṃ bhavarogaghnam |
kaivalyaṃ navanītāhāramanāhāraṃ bhuvanāhāram |
vaimalyasphuṭacetovṛttiviśeṣābhāsamanābhāsam |
śaivaṃ kevalaśāntaṃ praṇamata govindaṃ paramānandam || 3 ||
gopālaṃ prabhulīlāvigrahagopālaṃ kulagopālam |
gopīkhelanagovardhanadhṛtilīlālālitagopālam |
gobhirnigadita govindasphuṭanāmānaṃ bahunāmānam |
gopīgocaradūraṃ praṇamata govindaṃ paramānandam || 4 ||
gopīmaṇḍalagoṣṭhībhedaṃ bhedāvasthamabhedābham |
śaśvadgokhuranirdhūtodgata dhūlīdhūsarasaubhāgyam |
śraddhābhaktigṛhītānandamacintyaṃ cintitasadbhāvam |
cintāmaṇimahimānaṃ praṇamata govindaṃ paramānandam || 5 ||
snānavyākulayoṣidvastramupādāyāgamupārūḍham |
vyāditsantīratha digvastrā dātumupākarṣantaṃ tāḥ
nirdhūtadvayaśokavimohaṃ buddhaṃ buddherantastham |
sattāmātraśarīraṃ praṇamata govindaṃ paramānandam || 6 ||
kāntaṃ kāraṇakāraṇamādimanādiṃ kāladhanābhāsam |
kālindīgatakāliyaśirasi sunṛtyantaṃ muhuratyantam |
kālaṃ kālakalātītaṃ kalitāśeṣaṃ kalidoṣaghnam |
kālatrayagatihetuṃ praṇamata govindaṃ paramānandam || 7 ||
bṛndāvanabhuvi bṛndārakagaṇabṛndārādhitavandeham |
kundābhāmalamandasmerasudhānandaṃ suhṛdānandam |
vandyāśeṣa mahāmuni mānasa vandyānandapadadvandvam |
vandyāśeṣaguṇābdhiṃ praṇamata govindaṃ paramānandam || 8 ||
govindāṣṭakametadadhīte govindārpitacetā yaḥ |
govindācyuta mādhava viṣṇo gokulanāyaka kṛṣṇeti |
govindāṅghri sarojadhyānasudhājaladhautasamastāghaḥ |
govindaṃ paramānandāmṛtamantasthaṃ sa tamabhyeti ||
iti śrī śaṅkarācārya viracita śrīgovindāṣṭakaṃ samāptaṃ
InfoLyter.in — Sacred Vedic Knowledge Portal · Free forever