Gopala Sahasra Nama Stotram

ॐ

ગોપાલ સહસ્ર નામ સ્તોત્રમ્

Krishna Stotram Gujarati

કૈલાસશિખરે રમ્યે ગૌરી પપ્રચ્છ શઙ્કરમ્ ।

બ્રહ્માણ્ડાખિલનાથસ્ત્વં સૃષ્ટિસંહારકારકઃ ॥ 1 ॥

ત્વમેવ પૂજ્યસે લોકૈર્બ્રહ્મવિષ્ણુસુરાદિભિઃ ।

નિત્યં પઠસિ દેવેશ કસ્ય સ્તોત્રં મહેશ્વર ॥ 2 ॥

આશ્ચર્યમિદમત્યન્તં જાયતે મમ શઙ્કર ।

તત્પ્રાણેશ મહાપ્રાજ્ઞ સંશયં છિન્ધિ મે પ્રભો ॥ 3 ॥

શ્રીમહાદેવ ઉવાચ-

ધન્યાસિ કૃતપુણ્યાસિ પાર્વતિ પ્રાણવલ્લભે ।

રહસ્યાતિરહસ્યં ચ યત્પૃચ્છસિ વરાનને ॥ 4 ॥

સ્ત્રીસ્વભાવાન્મહાદેવિ પુનસ્ત્વં પરિપૃચ્છસિ ।

ગોપનીયં ગોપનીયં ગોપનીયં પ્રયત્નતઃ ॥ 5 ॥

દત્તે ચ સિદ્ધિહાનિઃ સ્યાત્તસ્માદ્યત્નેન ગોપયેત્ ।

ઇદં રહસ્યં પરમં પુરુષાર્થપ્રદાયકમ્ ॥ 6 ॥

ધનરત્નૌઘમાણિક્યં તુરઙ્ગં ચ ગજાદિકમ્ ।

દદાતિ સ્મરણાદેવ મહામોક્ષપ્રદાયકમ્ ॥ 7 ॥

તત્તેઽહં સમ્પ્રવક્ષ્યામિ શૃણુષ્વાવહિતા પ્રિયે ।

યોઽસૌ નિરઞ્જનો દેવશ્ચિત્સ્વરૂપી જનાર્દનઃ ॥ 8 ॥

સંસારસાગરોત્તારકારણાય નૃણાં સદા ।

શ્રીરઙ્ગાદિકરૂપેણ ત્રૈલોક્યં વ્યાપ્ય તિષ્ઠતિ ॥ 9 ॥

તતો લોકા મહામૂઢા વિષ્ણુભક્તિવિવર્જિતાઃ ।

નિશ્ચયં નાધિગચ્છન્તિ પુનર્નારાયણો હરિઃ ॥ 10 ॥

નિરઞ્જનો નિરાકારો ભક્તાનાં પ્રીતિકામદઃ ।

બૃન્દાવનવિહારાય ગોપાલં રૂપમુદ્વહન્ ॥ 11 ॥

મુરલીવાદનાધારી રાધાયૈ પ્રીતિમાવહન્ ।

અંશાંશેભ્યઃ સમુન્મીલ્ય પૂર્ણરૂપકલાયુતઃ ॥ 12 ॥

શ્રીકૃષ્ણચન્દ્રો ભગવાન્ નન્દગોપવરોદ્યતઃ ।

ધરણીરૂપિણી માતા યશોદા નન્દગેહિની ॥ 13 ॥

દ્વાભ્યાં પ્રયાચિતો નાથો દેવક્યાં વસુદેવતઃ ।

બ્રહ્મણાઽભ્યર્થિતો દેવો દેવૈરપિ સુરેશ્વરઃ ॥ 14 ॥

જાતોઽવન્યાં ચ મુદિતો મુરલીવાચનેચ્છયા ।

શ્રિયા સાર્ધં વચઃ કૃત્વા તતો જાતો મહીતલે ॥ 15 ॥

સંસારસારસર્વસ્વં શ્યામલં મહદુજ્જ્વલમ્ ।

એતજ્જ્યોતિરહં વન્દ્યં ચિન્તયામિ સનાતનમ્ ॥ 16 ॥

ગૌરતેજો વિના યસ્તુ શ્યામતેજસ્સમર્ચયેત્ ।

જપેદ્વા ધ્યાયતે વાપિ સ ભવેત્પાતકી શિવે ॥ 17 ॥

સ બ્રહ્મહા સુરાપી ચ સ્વર્ણસ્તેયી ચ પઞ્ચમઃ ।

એતૈર્દોષૈર્વિલિપ્યેત તેજોભેદાન્મહીશ્વરિ ॥ 18 ॥

તસ્માજ્જ્યોતિરભૂદ્દ્વેધા રાધામાધવરૂપકમ્ ।

તસ્માદિદં મહાદેવિ ગોપાલેનૈવ ભાષિતમ્ ॥ 19 ॥

દુર્વાસસો મુનેર્મોહે કાર્તિક્યાં રાસમણ્ડલે ।

તતઃ પૃષ્ટવતી રાધા સન્દેહં ભેદમાત્મનઃ ॥ 20 ॥

નિરઞ્જનાત્સમુત્પન્નં માયાતીતં જગન્મયમ્ ।

શ્રીકૃષ્ણેન તતઃ પ્રોક્તં રાધાયૈ નારદાય ચ ॥ 21 ॥

તતો નારદતસ્સર્વં વિરલા વૈષ્ણવાસ્તથા ।

કલૌ જાનન્તિ દેવેશિ ગોપનીયં પ્રયત્નતઃ ॥ 22 ॥

શઠાય કૃપણાયાથ ડામ્ભિકાય સુરેશ્વરિ ।

બ્રહ્મહત્યામવાપ્નોતિ તસ્માદ્યત્નેન ગોપયેત્ ॥ 23 ॥

ૐ અસ્ય શ્રીગોપાલસહસ્રનામસ્તોત્ર મહામન્ત્રસ્ય શ્રીનારદ ઋષિઃ, અનુષ્ટુપ્ છન્દઃ, શ્રીગોપાલો દેવતા, કામો બીજં, માયા શક્તિઃ, ચન્દ્રઃ કીલકં, શ્રીકૃષ્ણચન્દ્ર ભક્તિરૂપફલપ્રાપ્તયે શ્રીગોપાલસહસ્રનામસ્તોત્રજપે વિનિયોગઃ ।

ૐ ઐં ક્લીં બીજં, શ્રીં હ્રીં શક્તિઃ, શ્રી બૃન્દાવનનિવાસઃ કીલકં, શ્રીરાધાપ્રિયં પરં બ્રહ્મેતિ મન્ત્રઃ, ધર્માદિ ચતુર્વિધ પુરુષાર્થસિદ્ધ્યર્થે જપે વિનિયોગઃ ।

ન્યાસઃ ।

ૐ નારદ ઋષયે નમઃ શિરસિ ।

અનુષ્ટુપ્ છન્દસે નમઃ મુખે ।

શ્રીગોપાલદેવતાયૈ નમઃ હૃદયે ।

ક્લીં કીલકાય નમઃ નાભૌ ।

હ્રીં શક્તયે નમઃ ગુહ્યે ।

શ્રીં કીલકાય નમઃ ફાલયોઃ ।

ૐ ક્લીં કૃષ્ણાય ગોવિન્દાય ગોપીજનવલ્લભાય સ્વાહા ઇતિ મૂલમન્ત્રઃ ।

કરન્યાસઃ ।

ૐ ક્લાં અઙ્ગુષ્ઠાભ્યાં નમઃ ।

ૐ ક્લીં તર્જનીભ્યાં નમઃ ।

ૐ ક્લૂં મધ્યમાભ્યાં નમઃ ।

ૐ ક્લૈં અનામિકાભ્યાં નમઃ ।

ૐ ક્લૌં કનિષ્ઠિકાભ્યાં નમઃ ।

ૐ ક્લઃ કરતલકરપૃષ્ઠાભ્યાં નમઃ ।

હૃદયાદિન્યાસઃ ।

ૐ ક્લાં હૃદયાય નમઃ ।

ૐ ક્લીં શિરસે સ્વાહા ।

ૐ ક્લૂં શિખાયૈ વષટ્ ।

ૐ ક્લૈં કવચાય હુમ્ ।

ૐ ક્લૌં નેત્રત્રયાય વૌષટ્ ।

ૐ ક્લઃ અસ્ત્રાય ફટ્ ।

મૂલમન્ત્રન્યાસઃ ।

ક્લીં અઙ્ગુષ્ઠાભ્યાં નમઃ ।

કૃષ્ણાય તર્જનીભ્યાં નમઃ ।

ગોવિન્દાય મધ્યમાભ્યાં નમઃ ।

ગોપીજન અનામિકાભ્યાં નમઃ ।

વલ્લભાય કનિષ્ઠિકાભ્યાં નમઃ ।

સ્વાહા કરતલકરપૃષ્ઠાભ્યાં નમઃ ।

ક્લીં હૃદયાય નમઃ ।

કૃષ્ણાય શિરસે સ્વાહા ।

ગોવિન્દાય શિખાયૈ વષટ્ ।

ગોપીજન કવચાય હુમ્ ।

વલ્લભાય નેત્રત્રયાય વૌષટ્ ।

સ્વાહા અસ્ત્રાય ફટ્ ।

ધ્યાનમ્ ।

ફુલ્લેન્દીવરકાન્તિમિન્દુવદનં બર્હાવતંસપ્રિયં

શ્રીવત્સાઙ્કમુદારકૌસ્તુભધરં પીતામ્બરં સુન્દરમ્ ।

ગોપીનાં નયનોત્પલાર્ચિતતનું ગોગોપસઙ્ઘાવૃતં

ગોવિન્દં કલવેણુવાદનપરં દિવ્યાઙ્ગભૂષં ભજે ॥ 1 ॥

કસ્તૂરીતિલકં લલાટફલકે વક્ષસ્સ્થલે કૌસ્તુભં

નાસાગ્રે વરમૌક્તિકં કરતલે વેણું કરે કઙ્કણમ્ ।

સર્વાઙ્ગે હરિચન્દનં ચ કલયન્ કણ્ઠે ચ મુક્તાવલિં

ગોપસ્ત્રીપરિવેષ્ટિતો વિજયતે ગોપાલચૂડામણિઃ ॥ 2 ॥

ૐ ક્લીં દેવઃ કામદેવઃ કામબીજશિરોમણિઃ ।

શ્રીગોપાલો મહીપાલો વેદવેદાઙ્ગપારગઃ ॥ 1 ॥

કૃષ્ણઃ કમલપત્રાક્ષઃ પુણ્ડરીકઃ સનાતનઃ ।

ગોપતિર્ભૂપતિઃ શાસ્તા પ્રહર્તા વિશ્વતોમુખઃ ॥ 2 ॥

આદિકર્તા મહાકર્તા મહાકાલઃ પ્રતાપવાન્ ।

જગજ્જીવો જગદ્ધાતા જગદ્ભર્તા જગદ્વસુઃ ॥ 3 ॥

મત્સ્યો ભીમઃ કુહૂભર્તા હર્તા વારાહમૂર્તિમાન્ ।

નારાયણો હૃષીકેશો ગોવિન્દો ગરુડધ્વજઃ ॥ 4 ॥

ગોકુલેશો મહાચન્દ્રઃ શર્વરીપ્રિયકારકઃ ।

કમલામુખલોલાક્ષઃ પુણ્ડરીકઃ શુભાવહઃ ॥ 5 ॥

દુર્વાસાઃ કપિલો ભૌમઃ સિન્ધુસાગરસઙ્ગમઃ ।

ગોવિન્દો ગોપતિર્ગોત્રઃ કાલિન્દીપ્રેમપૂરકઃ ॥ 6 ॥

ગોપસ્વામી ગોકુલેન્દ્રઃ ગોવર્ધનવરપ્રદઃ ।

નન્દાદિગોકુલત્રાતા દાતા દારિદ્ર્યભઞ્જનઃ ॥ 7 ॥

સર્વમઙ્ગલદાતા ચ સર્વકામવરપ્રદઃ ।

આદિકર્તા મહીભર્તા સર્વસાગરસિન્ધુજઃ ॥ 8 ॥

ગજગામી ગજોદ્ધારી કામી કામકલાનિધિઃ ।

કલઙ્કરહિતશ્ચન્દ્રો બિમ્બાસ્યો બિમ્બસત્તમઃ ॥ 9 ॥

માલાકારઃ કૃપાકારઃ કોકિલસ્વરભૂષણઃ ।

રામો નીલામ્બરો દેહી હલી દ્વિવિદમર્દનઃ ॥ 10 ॥

સહસ્રાક્ષપુરીભેત્તા મહામારીવિનાશનઃ ।

શિવઃ શિવતમો ભેત્તા બલારાતિપ્રપૂજકઃ ॥ 11 ॥

કુમારીવરદાયી ચ વરેણ્યો મીનકેતનઃ ।

નરો નારાયણો ધીરો ધરાપતિરુદારધીઃ ॥ 12 ॥

શ્રીપતિઃ શ્રીનિધિઃ શ્રીમાન્ માપતિઃ પ્રતિરાજહા ।

બૃન્દાપતિઃ કુલં ગ્રામી ધામ બ્રહ્મસનાતનઃ ॥ 13 ॥

રેવતીરમણો રામઃ પ્રિયશ્ચઞ્ચલલોચનઃ ।

રામાયણશરીરશ્ચ રામો રામઃ શ્રિયઃપતિઃ ॥ 14 ॥

શર્વરઃ શર્વરી શર્વઃ સર્વત્ર શુભદાયકઃ ।

રાધારાધયિતારાધી રાધાચિત્તપ્રમોદકઃ ॥ 15 ॥

રાધારતિસુખોપેતો રાધામોહનતત્પરઃ ।

રાધાવશીકરો રાધાહૃદયામ્ભોજષટ્પદઃ ॥ 16 ॥

રાધાલિઙ્ગનસમ્મોદો રાધાનર્તનકૌતુકઃ ।

રાધાસઞ્જાતસમ્પ્રીતો રાધાકામફલપ્રદઃ ॥ 17 ॥

બૃન્દાપતિઃ કોકનિધિઃ કોકશોકવિનાશનઃ ।

ચન્દ્રાપતિશ્ચન્દ્રપતિશ્ચણ્ડકોદણ્ડભઞ્જનઃ ॥ 18 ॥

રામો દાશરથી રામો ભૃગુવંશસમુદ્ભવઃ ।

આત્મારામો જિતક્રોધો મોહો મોહાન્ધભઞ્જનઃ ॥ 19 ॥

વૃષભાનુભવો ભાવી કાશ્યપિઃ કરુણાનિધિઃ ।

કોલાહલો હલો હાલી હલી હલધરપ્રિયઃ ॥ 20 ॥

રાધામુખાબ્જમાર્તાણ્ડો ભાસ્કરો રવિજો વિધુઃ ।

વિધિર્વિધાતા વરુણો વારુણો વારુણીપ્રિયઃ ॥ 21 ॥

રોહિણીહૃદયાનન્દી વસુદેવાત્મજો બલિઃ ।

નીલામ્બરો રૌહિણેયો જરાસન્ધવધોઽમલઃ ॥ 22 ॥

નાગો જવામ્ભો વિરુદો વીરહા વરદો બલી ।

ગોપદો વિજયી વિદ્વાન્ શિપિવિષ્ટઃ સનાતનઃ ॥ 23 ॥

પરશુરામવચોગ્રાહી વરગ્રાહી સૃગાલહા ।

દમઘોષોપદેષ્ટા ચ રથગ્રાહી સુદર્શનઃ ॥ 24 ॥

વીરપત્નીયશસ્ત્રાતા જરાવ્યાધિવિઘાતકઃ ।

દ્વારકાવાસતત્ત્વજ્ઞો હુતાશનવરપ્રદઃ ॥ 25 ॥

યમુનાવેગસંહારી નીલામ્બરધરઃ પ્રભુઃ ।

વિભુઃ શરાસનો ધન્વી ગણેશો ગણનાયકઃ ॥ 26 ॥

લક્ષ્મણો લક્ષણો લક્ષ્યો રક્ષોવંશવિનાશકઃ ।

વામનો વામનીભૂતો વમનો વમનારુહઃ ॥ 27 ॥

યશોદાનન્દનઃ કર્તા યમલાર્જુનમુક્તિદઃ ।

ઉલૂખલી મહામાનો દામબદ્ધાહ્વયી શમી ॥ 28 ॥

ભક્તાનુકારી ભગવાન્ કેશવોઽચલધારકઃ ।

કેશિહા મધુહા મોહી વૃષાસુરવિઘાતકઃ ॥ 29 ॥

અઘાસુરવિઘાતી ચ પૂતનામોક્ષદાયકઃ ।

કુબ્જાવિનોદી ભગવાન્ કંસમૃત્યુર્મહામુખી ॥ 30 ॥

અશ્વમેધો વાજપેયો ગોમેધો નરમેધવાન્ ।

કન્દર્પકોટિલાવણ્યશ્ચન્દ્રકોટિસુશીતલઃ ॥ 31 ॥

રવિકોટિપ્રતીકાશો વાયુકોટિમહાબલઃ ।

બ્રહ્મા બ્રહ્માણ્ડકર્તા ચ કમલાવાઞ્છિતપ્રદઃ ॥ 32 ॥

કમલી કમલાક્ષશ્ચ કમલામુખલોલુપઃ ।

કમલાવ્રતધારી ચ કમલાભઃ પુરન્દરઃ ॥ 33 ॥

સૌભાગ્યાધિકચિત્તશ્ચ મહામાયી મદોત્કટઃ ।

તાટકારિઃ સુરત્રાતા મારીચક્ષોભકારકઃ ॥ 34 ॥

વિશ્વામિત્રપ્રિયો દાન્તો રામો રાજીવલોચનઃ ।

લઙ્કાધિપકુલધ્વંસી વિભીષણવરપ્રદઃ ॥ 35 ॥

સીતાનન્દકરો રામો વીરો વારિધિબન્ધનઃ ।

ખરદૂષણસંહારી સાકેતપુરવાસવાન્ ॥ 36 ॥

ચન્દ્રાવલિપતિઃ કૂલઃ કેશિકંસવધોઽમરઃ ।

માધવો મધુહા માધ્વી માધ્વીકો માધવી વિભુઃ ॥ 37 ॥

મુઞ્જાટવીગાહમાનો ધેનુકારિર્દશાત્મજઃ ।

વંશીવટવિહારી ચ ગોવર્ધનવનાશ્રયઃ ॥ 38 ॥

તથા તાલવનોદ્દેશી ભાણ્ડીરવનશઙ્કરઃ ।

તૃણાવર્તકૃપાકારી વૃષભાનુસુતાપતિઃ ॥ 39 ॥

રાધાપ્રાણસમો રાધાવદનાબ્જમધૂત્કટઃ ।

ગોપીરઞ્જનદૈવજ્ઞઃ લીલાકમલપૂજિતઃ ॥ 40 ॥

ક્રીડાકમલસન્દોહો ગોપિકાપ્રીતિરઞ્જનઃ ।

રઞ્જકો રઞ્જનો રઙ્ગો રઙ્ગી રઙ્ગમહીરુહઃ ॥ 41 ॥

કામઃ કામારિભક્તશ્ચ પુરાણપુરુષઃ કવિઃ ।

નારદો દેવલો ભીમો બાલો બાલમુખામ્બુજઃ ॥ 42 ॥

અમ્બુજો બ્રહ્મસાક્ષી ચ યોગી દત્તવરો મુનિઃ ।

ઋષભઃ પર્વતો ગ્રામો નદીપવનવલ્લભઃ ॥ 43 ॥

પદ્મનાભઃ સુરજ્યેષ્ઠો બ્રહ્મા રુદ્રોઽહિભૂષિતઃ ।

ગણાનાં ત્રાણકર્તા ચ ગણેશો ગ્રહિલો ગ્રહિઃ ॥ 44 ॥

ગણાશ્રયો ગણાધ્યક્ષો ક્રોડીકૃતજગત્ત્રયઃ ।

યાદવેન્દ્રો દ્વારકેન્દ્રો મથુરાવલ્લભો ધુરી ॥ 45 ॥

ભ્રમરઃ કુન્તલી કુન્તીસુતરક્ષી મહામનાઃ ।

યમુનાવરદાતા ચ કાશ્યપસ્ય વરપ્રદઃ ॥ 46 ॥

શઙ્ખચૂડવધોદ્દામો ગોપીરક્ષણતત્પરઃ ।

પાઞ્ચજન્યકરો રામી ત્રિરામી વનજો જયઃ ॥ 47 ॥

ફાલ્ગુણઃ ફલ્ગુનસખો વિરાધવધકારકઃ ।

રુક્મિણીપ્રાણનાથશ્ચ સત્યભામાપ્રિયઙ્કરઃ ॥ 48 ॥

કલ્પવૃક્ષો મહાવૃક્ષો દાનવૃક્ષો મહાફલઃ ।

અઙ્કુશો ભૂસુરો ભાવો ભામકો ભ્રામકો હરિઃ ॥ 49 ॥

સરલઃ શાશ્વતો વીરો યદુવંશશિવાત્મકઃ ।

પ્રદ્યુમ્નો બલકર્તા ચ પ્રહર્તા દૈત્યહા પ્રભુઃ ॥ 50 ॥

મહાધનો મહાવીરો વનમાલાવિભૂષણઃ ।

તુલસીદામશોભાઢ્યો જાલન્ધરવિનાશનઃ ॥ 51 ॥

સૂરઃ સૂર્યો મૃકણ્ડુશ્ચ ભાસ્વરો વિશ્વપૂજિતઃ ।

રવિસ્તમોહા વહ્નિશ્ચ બાડબો બડબાનલઃ ॥ 52 ॥

દૈત્યદર્પવિનાશી ચ ગરુડો ગરુડાગ્રજઃ ।

ગોપીનાથો મહીનાથો બૃન્દાનાથોઽવરોધકઃ ॥ 53 ॥

પ્રપઞ્ચી પઞ્ચરૂપશ્ચ લતાગુલ્મશ્ચ ગોમતિઃ ।

ગઙ્ગા ચ યમુનારૂપો ગોદા વેત્રવતી તથા ॥ 54 ॥

કાવેરી નર્મદા તાપી ગણ્ડકી સરયૂ રજઃ ।

રાજસસ્તામસસ્સત્ત્વી સર્વાઙ્ગી સર્વલોચનઃ ॥ 55 ॥

સુધામયોઽમૃતમયો યોગિનાં વલ્લભઃ શિવઃ ।

બુદ્ધો બુદ્ધિમતાં શ્રેષ્ઠો વિષ્ણુર્જિષ્ણુઃ શચીપતિઃ ॥ 56 ॥

વંશી વંશધરો લોકો વિલોકો મોહનાશનઃ ।

રવરાવો રવો રાવો વલો વાલો વલાહકઃ ॥ 57 ॥

શિવો રુદ્રો નલો નીલો લાઙ્ગલી લાઙ્ગલાશ્રયઃ ।

પારદઃ પાવનો હંસો હંસારૂઢો જગત્પતિઃ ॥ 58 ॥

મોહિનીમોહનો માયી મહામાયો મહાસુખી ।

વૃષો વૃષાકપિઃ કાલઃ કાલીદમનકારકઃ ॥ 59 ॥

કુબ્જાભાગ્યપ્રદો વીરો રજકક્ષયકારકઃ ।

કોમલો વારુણી રાજા જલજો જલધારકઃ ॥ 60 ॥

હારકઃ સર્વપાપઘ્નઃ પરમેષ્ઠી પિતામહઃ ।

ખડ્ગધારી કૃપાકારી રાધારમણસુન્દરઃ ॥ 61 ॥

દ્વાદશારણ્યસમ્ભોગી શેષનાગફણાલયઃ ।

કામઃ શ્યામઃ સુખશ્રીદઃ શ્રીપતિઃ શ્રીનિધિઃ કૃતિઃ ॥ 62 ॥

હરિર્હરો નરો નારો નરોત્તમ ઇષુપ્રિયઃ ।

ગોપાલચિત્તહર્તા ચ કર્તા સંસારતારકઃ ॥ 63 ॥

આદિદેવો મહાદેવો ગૌરીગુરુરનાશ્રયઃ ।

સાધુર્મધુર્વિધુર્ધાતા ત્રાતાઽક્રૂરપરાયણઃ ॥ 64 ॥

રોલમ્બી ચ હયગ્રીવો વાનરારિર્વનાશ્રયઃ ।

વનં વની વનાધ્યક્ષો મહાવન્દ્યો મહામુનિઃ ॥ 65 ॥

સ્યમન્તકમણિપ્રાજ્ઞઃ વિજ્ઞો વિઘ્નવિઘાતકઃ ।

ગોવર્ધનો વર્ધનીયો વર્ધની વર્ધનપ્રિયઃ ॥ 66 ॥

વાર્ધન્યો વર્ધનો વર્ધી વર્ધિષ્ણસ્તુ સુખપ્રિયઃ ।

વર્ધિતો વર્ધકો વૃદ્ધો બૃન્દારકજનપ્રિયઃ ॥ 67 ॥

ગોપાલરમણીભર્તા સામ્બકુષ્ઠવિનાશનઃ ।

રુક્મિણીહરણપ્રેમા પ્રેમી ચન્દ્રાવલીપતિઃ ॥ 68 ॥

શ્રીકર્તા વિશ્વભર્તા ચ નારાયણ નરો બલી ।

ગણો ગણપતિશ્ચૈવ દત્તાત્રેયો મહામુનિઃ ॥ 69 ॥

વ્યાસો નારાયણો દિવ્યો ભવ્યો ભાવુકધારકઃ ।

શ્વઃશ્રેયસં શિવં ભદ્રં ભાવુકં ભવુકં શુભમ્ ॥ 70 ॥

શુભાત્મકઃ શુભઃ શાસ્તા પ્રશસ્તો મેઘનાદહા ।

બ્રહ્મણ્યદેવો દીનાનામુદ્ધારકરણક્ષમઃ ॥ 71 ॥

કૃષ્ણઃ કમલપત્રાક્ષઃ કૃષ્ણઃ કમલલોચનઃ ।

કૃષ્ણઃ કામી સદા કૃષ્ણઃ સમસ્તપ્રિયકારકઃ ॥ 72 ॥

નન્દો નન્દી મહાનન્દી માદી માદનકઃ કિલી ।

મીલી હિલી ગિલી ગોલી ગોલો ગોલાલયો ગુલી ॥ 73 ॥

ગુગ્ગુલી મારકી શાખી વટઃ પિપ્પલકઃ કૃતી ।

મ્લેચ્છહા કાલહર્તા ચ યશોદા યશ એવ ચ ॥ 74 ॥

અચ્યુતઃ કેશવો વિષ્ણુઃ હરિઃ સત્યો જનાર્દનઃ ।

હંસો નારાયણો નીલો લીનો ભક્તિપરાયણઃ ॥ 75 ॥

જાનકીવલ્લભો રામો વિરામો વિષનાશનઃ ।

સિંહભાનુર્મહાભાનુ-ર્વીરભાનુર્મહોદધિઃ ॥ 76 ॥

સમુદ્રોઽબ્ધિરકૂપારઃ પારાવારઃ સરિત્પતિઃ ।

ગોકુલાનન્દકારી ચ પ્રતિજ્ઞાપરિપાલકઃ ॥ 77 ॥

સદારામઃ કૃપારામો મહારામો ધનુર્ધરઃ ।

પર્વતઃ પર્વતાકારો ગયો ગેયો દ્વિજપ્રિયઃ ॥ 78 ॥

કમલાશ્વતરો રામો રામાયણપ્રવર્તકઃ ।

દ્યૌર્દિવો દિવસો દિવ્યો ભવ્યો ભાગી ભયાપહઃ ॥ 79 ॥

પાર્વતીભાગ્યસહિતો ભર્તા લક્ષ્મીસહાયવાન્ । [વિલાસવાન્]

વિલાસી સાહસી સર્વી ગર્વી ગર્વિતલોચનઃ ॥ 80 ॥

સુરારિર્લોકધર્મજ્ઞો જીવનો જીવનાન્તકઃ ।

યમો યમારિર્યમનો યમી યામવિઘાતકઃ ॥ 81 ॥

વંશુલી પાંશુલી પાંસુઃ પાણ્ડુરર્જુનવલ્લભઃ ।

લલિતા ચન્દ્રિકામાલા માલી માલામ્બુજાશ્રયઃ ॥ 82 ॥

અમ્બુજાક્ષો મહાયક્ષો દક્ષશ્ચિન્તામણિપ્રભુઃ ।

મણિર્દિનમણિશ્ચૈવ કેદારો બદરીશ્રયઃ ॥ 83 ॥

બદરીવનસમ્પ્રીતો વ્યાસઃ સત્યવતીસુતઃ ।

અમરારિનિહન્તા ચ સુધાસિન્ધુવિધૂદયઃ ॥ 84 ॥

ચન્દ્રો રવિઃ શિવઃ શૂલી ચક્રી ચૈવ ગદાધરઃ ।

શ્રીકર્તા શ્રીપતિઃ શ્રીદઃ શ્રીદેવો દેવકીસુતઃ ॥ 85 ॥

શ્રીપતિઃ પુણ્ડરીકાક્ષઃ પદ્મનાભો જગત્પતિઃ ।

વાસુદેવોઽપ્રમેયાત્મા કેશવો ગરુડધ્વજઃ ॥ 86 ॥

નારાયણઃ પરં ધામ દેવદેવો મહેશ્વરઃ ।

ચક્રપાણિઃ કલાપૂર્ણો વેદવેદ્યો દયાનિધિઃ ॥ 87 ॥

ભગવાન્ સર્વભૂતેશો ગોપાલઃ સર્વપાલકઃ ।

અનન્તો નિર્ગુણો નિત્યો નિર્વિકલ્પો નિરઞ્જનઃ ॥ 88 ॥

નિરાધારો નિરાકારો નિરાભાસો નિરાશ્રયઃ ।

પુરુષઃ પ્રણવાતીતો મુકુન્દઃ પરમેશ્વરઃ ॥ 89 ॥

ક્ષણાવનિઃ સાર્વભૌમો વૈકુણ્ઠો ભક્તવત્સલઃ ।

વિષ્ણુર્દામોદરઃ કૃષ્ણો માધવો મથુરાપતિઃ ॥ 90 ॥

દેવકીગર્ભસમ્ભૂતો યશોદાવત્સલો હરિઃ ।

શિવઃ સઙ્કર્ષણઃ શમ્ભુર્ભૂતનાથો દિવસ્પતિઃ ॥ 91 ॥

અવ્યયઃ સર્વધર્મજ્ઞો નિર્મલો નિરુપદ્રવઃ ।

નિર્વાણનાયકો નિત્યો નીલજીમૂતસન્નિભઃ ॥ 92 ॥

કલાક્ષયશ્ચ સર્વજ્ઞઃ કમલારૂપતત્પરઃ ।

હૃષીકેશઃ પીતવાસા વસુદેવપ્રિયાત્મજઃ ॥ 93 ॥

નન્દગોપકુમારાર્યો નવનીતાશનો વિભુઃ ।

પુરાણઃ પુરુષશ્રેષ્ઠઃ શઙ્ખપાણિઃ સુવિક્રમઃ ॥ 94 ॥

અનિરુદ્ધશ્ચક્રધરઃ શાર્ઙ્ગપાણિશ્ચતુર્ભુજઃ ।

ગદાધરઃ સુરાર્તિઘ્નો ગોવિન્દો નન્દકાયુધઃ ॥ 95 ॥

બૃન્દાવનચરઃ શૌરિર્વેણુવાદ્યવિશારદઃ ।

તૃણાવર્તાન્તકો ભીમસાહસો બહુવિક્રમઃ ॥ 96 ॥

શકટાસુરસંહારી બકાસુરવિનાશનઃ ।

ધેનુકાસુરસંહારી પૂતનારિર્નૃકેસરી ॥ 97 ॥

પિતામહો ગુરુસ્સાક્ષી પ્રત્યગાત્મા સદાશિવઃ ।

અપ્રમેયઃ પ્રભુઃ પ્રાજ્ઞોઽપ્રતર્ક્યઃ સ્વપ્નવર્ધનઃ ॥ 98 ॥

ધન્યો માન્યો ભવો ભાવો ધીરઃ શાન્તો જગદ્ગુરુઃ ।

અન્તર્યામીશ્વરો દિવ્યો દૈવજ્ઞો દેવસંસ્તુતઃ ॥ 99 ॥

ક્ષીરાબ્ધિશયનો ધાતા લક્ષ્મીવાન્ લક્ષ્મણાગ્રજઃ ।

ધાત્રીપતિરમેયાત્મા ચન્દ્રશેખરપૂજિતઃ ॥ 100 ॥

લોકસાક્ષી જગચ્ચક્ષુઃ પુણ્યચારિત્રકીર્તનઃ ।

કોટિમન્મથસૌન્દર્યો જગન્મોહનવિગ્રહઃ ॥ 101 ॥

મન્દસ્મિતતનુર્ગોપગોપિકાપરિવેષ્ટિતઃ ।

ફુલ્લારવિન્દનયનશ્ચાણૂરાન્ધ્રનિષૂદનઃ ॥ 102 ॥

ઇન્દીવરદલશ્યામો બર્હિબર્હાવતંસકઃ ।

મુરલીનિનદાહ્લાદો દિવ્યમાલામ્બરાવૃતઃ ॥ 103 ॥

સુકપોલયુગઃ સુભ્રૂયુગલઃ સુલલાટકમ્ ।

કમ્બુગ્રીવો વિશાલાક્ષો લક્ષ્મીવાઞ્છુભલક્ષણઃ ॥ 104 ॥

પીનવક્ષાશ્ચતુર્બાહુશ્ચતુર્મૂર્તિસ્ત્રિવિક્રમઃ ।

કલઙ્કરહિતઃ શુદ્ધો દુષ્ટશત્રુનિબર્હણઃ ॥ 105 ॥

કિરીટકુણ્ડલધરઃ કટકાઙ્ગદમણ્ડિતઃ ।

મુદ્રિકાભરણોપેતઃ કટિસૂત્રવિરાજિતઃ ॥ 106 ॥

મઞ્જીરરઞ્જિતપદઃ સર્વાભરણભૂષિતઃ ।

વિન્યસ્તપાદયુગલો દિવ્યમઙ્ગલવિગ્રહઃ ॥ 107 ॥

ગોપિકાનયનાનન્દઃ પૂર્ણચન્દ્રનિભાનનઃ ।

સમસ્તજગદાનન્દઃ સુન્દરો લોકનન્દનઃ ॥ 108 ॥

યમુનાતીરસઞ્ચારી રાધામન્મથવૈભવઃ ।

ગોપનારીપ્રિયો દાન્તો ગોપીવસ્ત્રાપહારકઃ ॥ 109 ॥

શૃઙ્ગારમૂર્તિઃ શ્રીધામા તારકો મૂલકારણમ્ ।

સૃષ્ટિસંરક્ષણોપાયઃ ક્રૂરાસુરવિભઞ્જનઃ ॥ 110 ॥

નરકાસુરસંહારી મુરારિર્વૈરિમર્દનઃ ।

આદિતેયપ્રિયો દૈત્યભીકરો યદુશેખરઃ ॥ 111 ॥

જરાસન્ધકુલધ્વંસી કંસારાતિઃ સુવિક્રમઃ ।

પુણ્યશ્લોકઃ કીર્તનીયો યાદવેન્દ્રો જગન્નુતઃ ॥ 112 ॥

રુક્મિણીરમણઃ સત્યભામાજામ્બવતીપ્રિયઃ ।

મિત્રવિન્દાનાગ્નજિતીલક્ષ્મણાસમુપાસિતઃ ॥ 113 ॥

સુધાકરકુલે જાતોઽનન્તઃ પ્રબલવિક્રમઃ ।

સર્વસૌભાગ્યસમ્પન્નો દ્વારકાપટ્ટણસ્થિતઃ ॥ 114 ॥

ભદ્રાસૂર્યસુતાનાથો લીલામાનુષવિગ્રહઃ ।

સહસ્રષોડશસ્ત્રીશો ભોગમોક્ષૈકદાયકઃ ॥ 115 ॥

વેદાન્તવેદ્યઃ સંવેદ્યો વૈદ્યો બ્રહ્માણ્ડનાયકઃ ।

ગોવર્ધનધરો નાથઃ સર્વજીવદયાપરઃ ॥ 116 ॥

મૂર્તિમાન્ સર્વભૂતાત્મા આર્તત્રાણપરાયણઃ ।

સર્વજ્ઞઃ સર્વસુલભઃ સર્વશાસ્ત્રવિશારદઃ ॥ 117 ॥

ષડ્ગુણૈશ્વર્યસમ્પન્નઃ પૂર્ણકામો ધુરન્ધરઃ ।

મહાનુભાવઃ કૈવલ્યદાયકો લોકનાયકઃ ॥ 118 ॥

આદિમધ્યાન્તરહિતઃ શુદ્ધસાત્ત્વિકવિગ્રહઃ ।

અસમાનઃ સમસ્તાત્મા શરણાગતવત્સલઃ ॥ 119 ॥

ઉત્પત્તિસ્થિતિસંહારકારણં સર્વકારણમ્ ।

ગમ્ભીરઃ સર્વભાવજ્ઞઃ સચ્ચિદાનન્દવિગ્રહઃ ॥ 120 ॥

વિષ્વક્સેનઃ સત્યસન્ધઃ સત્યવાક્ સત્યવિક્રમઃ ।

સત્યવ્રતઃ સત્યરતઃ સત્યધર્મપરાયણઃ ॥ 121 ॥

આપન્નાર્તિપ્રશમનઃ દ્રૌપદીમાનરક્ષકઃ ।

કન્દર્પજનકઃ પ્રાજ્ઞો જગન્નાટકવૈભવઃ ॥ 122 ॥

ભક્તિવશ્યો ગુણાતીતઃ સર્વૈશ્વર્યપ્રદાયકઃ ।

દમઘોષસુતદ્વેષી બાણબાહુવિખણ્ડનઃ ॥ 123 ॥

ભીષ્મભક્તિપ્રદો દિવ્યઃ કૌરવાન્વયનાશનઃ ।

કૌન્તેયપ્રિયબન્ધુશ્ચ પાર્થસ્યન્દનસારથિઃ ॥ 124 ॥

નારસિંહો મહાવીરઃ સ્તમ્ભજાતો મહાબલઃ ।

પ્રહ્લાદવરદઃ સત્યો દેવપૂજ્યોઽભયઙ્કરઃ ॥ 125 ॥

ઉપેન્દ્ર ઇન્દ્રાવરજો વામનો બલિબન્ધનઃ ।

ગજેન્દ્રવરદઃ સ્વામી સર્વદેવનમસ્કૃતઃ ॥ 126 ॥

શેષપર્યઙ્કશયનો વૈનતેયરથો જયી ।

અવ્યાહતબલૈશ્વર્યસમ્પન્નઃ પૂર્ણમાનસઃ ॥ 127 ॥

યોગીશ્વરેશ્વરઃ સાક્ષી ક્ષેત્રજ્ઞો જ્ઞાનદાયકઃ ।

યોગિહૃત્પઙ્કજાવાસો યોગમાયાસમન્વિતઃ ॥ 128 ॥

નાદબિન્દુકલાતીતશ્ચતુર્વર્ગફલપ્રદઃ ।

સુષુમ્નામાર્ગસઞ્ચારી દેહસ્યાન્તરસંસ્થિતઃ ॥ 129 ॥

દેહેન્દ્રિયમનઃપ્રાણસાક્ષી ચેતઃપ્રસાદકઃ ।

સૂક્ષ્મઃ સર્વગતો દેહી જ્ઞાનદર્પણગોચરઃ ॥ 130 ॥

તત્ત્વત્રયાત્મકોઽવ્યક્તઃ કુણ્ડલી સમુપાશ્રિતઃ ।

બ્રહ્મણ્યઃ સર્વધર્મજ્ઞઃ શાન્તો દાન્તો ગતક્લમઃ ॥ 131 ॥

શ્રીનિવાસઃ સદાનન્દો વિશ્વમૂર્તિર્મહાપ્રભુઃ ।

સહસ્રશીર્ષા પુરુષઃ સહસ્રાક્ષઃ સહસ્રપાત્ ॥ 132 ॥

સમસ્તભુવનાધારઃ સમસ્તપ્રાણરક્ષકઃ ।

સમસ્તસ્સર્વભાવજ્ઞો ગોપિકાપ્રાણવલ્લભઃ ॥ 133 ॥

નિત્યોત્સવો નિત્યસૌખ્યો નિત્યશ્રીર્નિત્યમઙ્ગલમ્ ।

વ્યૂહાર્ચિતો જગન્નાથઃ શ્રીવૈકુણ્ઠપુરાધિપઃ ॥ 134 ॥

પૂર્ણાનન્દઘનીભૂતો ગોપવેષધરો હરિઃ ।

કલાપકુસુમશ્યામઃ કોમલઃ શાન્તવિગ્રહઃ ॥ 135 ॥

ગોપાઙ્ગનાવૃતોઽનન્તો બૃન્દાવનસમાશ્રયઃ ।

વેણુનાદરતઃ શ્રેષ્ઠો દેવાનાં હિતકારકઃ ॥ 136 ॥

જલક્રીડાસમાસક્તો નવનીતસ્ય તસ્કરઃ ।

ગોપાલકામિનીજારશ્ચોરજારશિખામણિઃ ॥ 137 ॥

પરઞ્જ્યોતિઃ પરાકાશઃ પરાવાસઃ પરિસ્ફુટઃ ।

અષ્ટાદશાક્ષરો મન્ત્રો વ્યાપકો લોકપાવનઃ ॥ 138 ॥

સપ્તકોટિમહામન્ત્રશેખરો દેવશેખરઃ ।

વિજ્ઞાનજ્ઞાનસન્ધાનસ્તેજોરાશિર્જગત્પતિઃ ॥ 139 ॥

ભક્તલોકપ્રસન્નાત્મા ભક્તમન્દારવિગ્રહઃ ।

ભક્તદારિદ્ર્યશમનો ભક્તાનાં પ્રીતિદાયકઃ ॥ 140 ॥

ભક્તાધીનમનાઃ પૂજ્યો ભક્તલોકશિવઙ્કરઃ ।

ભક્તાભીષ્ટપ્રદઃ સર્વભક્તાઘૌઘનિકૃન્તકઃ ॥ 141 ॥

અપારકરુણાસિન્ધુર્ભગવાન્ ભક્તતત્પરઃ ॥ 142 ॥

[ઇતિ શ્રીરાધિકાનાથ નામ્નાં સાહસ્રમીરિતમ્ । ]

સ્મરણાત્પાપરાશીનાં ખણ્ડનં મૃત્યુનાશનમ્ ॥ 1 ॥

વૈષ્ણવાનાં પ્રિયકરં મહાદારિદ્ર્યનાશનમ્ ।

બ્રહ્મહત્યાસુરાપાનં પરસ્ત્રીગમનં તથા ॥ 2 ॥

પરદ્રવ્યાપહરણં પરદ્વેષસમન્વિતમ્ ।

માનસં વાચિકં કાયં યત્પાપં પાપસમ્ભવમ્ ॥ 3 ॥

સહસ્રનામપઠનાત્સર્વે નશ્યન્તિ તત્ક્ષણાત્ ।

મહાદારિદ્ર્યયુક્તો વૈ વૈષ્ણવો વિષ્ણુભક્તિમાન્ ॥ 4 ॥

કાર્તિક્યાં યઃ પઠેદ્રાત્રૌ શતમષ્ટોત્તરં ક્રમાત્ ।

પીતામ્બરધરો ધીમાન્ સુગન્ધી પુષ્પચન્દનૈઃ ॥ 5 ॥

પુસ્તકં પૂજયિત્વા ચ નૈવેદ્યાદિભિરેવ ચ ।

રાધાધ્યાનાઙ્કિતો ધીરો વનમાલાવિભૂષિતઃ ॥ 6 ॥

શતમષ્ટોત્તરં દેવિ પઠેન્નામસહસ્રકમ્ ।

ચૈત્રે કૃષ્ણે ચ શુક્લે ચ કુહૂસઙ્ક્રાન્તિવાસરે ॥ 7 ॥

પઠિતવ્યં પ્રયત્નેન ત્રૈલોક્યં મોહયેત્ ક્ષણાત્ ।

તુલસીમાલયા યુક્તો વૈષ્ણવો ભક્તિતત્પરઃ ॥ 8 ॥

રવિવારે ચ શુક્રે ચ દ્વાદશ્યાં શ્રાદ્ધવાસરે ।

બ્રાહ્મણં પૂજયિત્વા ચ ભોજયિત્વા વિધાનતઃ ॥ 9 ॥

પઠેન્નામસહસ્રં ચ તતઃ સિદ્ધિઃ પ્રજાયતે ।

મહાનિશાયાં સતતં વૈષ્ણવો યઃ પઠેત્સદા ॥ 10 ॥

દેશાન્તરગતા લક્ષ્મીઃ સમાયાતિ ન સંશયઃ ।

ત્રૈલોક્યે તુ મહાદેવિ સુન્દર્યઃ કામમોહિતાઃ ॥ 11 ॥

મુગ્ધાઃ સ્વયં સમાયાન્તિ વૈષ્ણવં ચ ભજન્તિ તાઃ ।

રોગી રોગાત્પ્રમુચ્યેત બદ્ધો મુચ્યેત બન્ધનાત્ ॥ 12 ॥

ગર્ભિણી જનયેત્પુત્રં કન્યા વિન્દતિ સત્પતિમ્ ।

રાજાનો વશતાં યાન્તિ કિં પુનઃ ક્ષુદ્રમાનુષાઃ ॥ 13 ॥

સહસ્રનામશ્રવણાત્ પઠનાત્ પૂજનાત્ પ્રિયે ।

ધારણાત્ સર્વમાપ્નોતિ વૈષ્ણવો નાત્ર સંશયઃ ॥ 14 ॥

વંશીવટે ચાન્યવટે તથા પિપ્પલકેઽથ વા ।

કદમ્બપાદપતલે શ્રીગોપાલસ્ય સન્નિધૌ ॥ 15 ॥

યઃ પઠેદ્વૈષ્ણવો નિત્યં સ યાતિ હરિમન્દિરમ્ ।

કૃષ્ણેનોક્તં રાધિકાયૈ તયા પ્રોક્તં પુરા શિવે ॥ 16 ॥

નારદાય મયા પ્રોક્તં નારદેન પ્રકાશિતમ્ ।

મયા તવ વરારોહે પ્રોક્તમેતત્સુદુર્લભમ્ ॥ 17 ॥

ગોપનીયં પ્રયત્નેન ન પ્રકાશ્યં કદાચન ।

શઠાય પાપિને ચૈવ લમ્પટાય વિશેષતઃ ॥ 18 ॥

ન દાતવ્યં ન દાતવ્યં ન દાતવ્યં કદાચન ।

દેયં શાન્તાય શિષ્યાય વિષ્ણુભક્તિરતાય ચ ॥ 19 ॥

ગોદાનબ્રહ્મયજ્ઞાદેર્વાજપેયશતસ્ય ચ ।

અશ્વમેધસહસ્રસ્ય ફલં પાઠે ભવેદ્ધ્રુવમ્ ॥ 20 ॥

મોહનં સ્તમ્ભનં ચૈવ મારણોચ્ચાટનાદિકમ્ ।

યદ્યદ્વાઞ્છતિ ચિત્તેન તત્તત્પ્રાપ્નોતિ વૈષ્ણવઃ ॥ 21 ॥

એકાદશ્યાં નરઃ સ્નાત્વા સુગન્ધદ્રવ્યતૈલકૈઃ ।

આહારં બ્રાહ્મણે દત્ત્વા દક્ષિણાં સ્વર્ણભૂષણમ્ ॥ 22 ॥

તતઃ પ્રારમ્ભકર્તાસૌ સર્વં પ્રાપ્નોતિ માનવઃ ।

શતાવૃત્ત સહસ્રં ચ યઃ પઠેદ્વૈષ્ણવો જનઃ ॥ 23 ॥

શ્રીબૃન્દાવનચન્દ્રસ્ય પ્રસાદાત્સર્વમાપ્નુયાત્ ।

યદ્ગૃહે પુસ્તકં દેવિ પૂજિતં ચૈવ તિષ્ઠતિ ॥ 24 ॥

ન મારી ન ચ દુર્ભિક્ષં નોપસર્ગભયં ક્વચિત્ ।

સર્પાદિભૂતયક્ષાદ્યા નશ્યન્તે નાત્ર સંશયઃ ॥ 25 ॥

શ્રીગોપાલો મહાદેવિ વસેત્તસ્ય ગૃહે સદા ।

યદ્ગૃહે ચ સહસ્રં ચ નામ્નાં તિષ્ઠતિ પૂજિતમ્ ॥ 26 ॥

ઇતિ શ્રીસમ્મોહનતન્ત્રે હરગૌરીસંવાદે શ્રીગોપાલ સહસ્રનામસ્તોત્રમ્ ।

Roman (IAST) Transliteration

kailāsaśikhare ramye gaurī papraccha śaṅkaram |

brahmāṇḍākhilanāthastvaṃ sṛṣṭisaṃhārakārakaḥ || 1 ||

tvameva pūjyase lokairbrahmaviṣṇusurādibhiḥ |

nityaṃ paṭhasi deveśa kasya stotraṃ maheśvara || 2 ||

āścaryamidamatyantaṃ jāyate mama śaṅkara |

tatprāṇeśa mahāprājña saṃśayaṃ chindhi me prabho || 3 ||

śrīmahādeva uvāca-

dhanyāsi kṛtapuṇyāsi pārvati prāṇavallabhe |

rahasyātirahasyaṃ ca yatpṛcchasi varānane || 4 ||

strīsvabhāvānmahādevi punastvaṃ paripṛcchasi |

gopanīyaṃ gopanīyaṃ gopanīyaṃ prayatnataḥ || 5 ||

datte ca siddhihāniḥ syāttasmādyatnena gopayet |

idaṃ rahasyaṃ paramaṃ puruṣārthapradāyakam || 6 ||

dhanaratnaughamāṇikyaṃ turaṅgaṃ ca gajādikam |

dadāti smaraṇādeva mahāmokṣapradāyakam || 7 ||

tatte'haṃ sampravakṣyāmi śṛṇuṣvāvahitā priye |

yo'sau nirañjano devaścitsvarūpī janārdanaḥ || 8 ||

saṃsārasāgarottārakāraṇāya nṛṇāṃ sadā |

śrīraṅgādikarūpeṇa trailokyaṃ vyāpya tiṣṭhati || 9 ||

tato lokā mahāmūḍhā viṣṇubhaktivivarjitāḥ |

niścayaṃ nādhigacchanti punarnārāyaṇo hariḥ || 10 ||

nirañjano nirākāro bhaktānāṃ prītikāmadaḥ |

bṛndāvanavihārāya gopālaṃ rūpamudvahan || 11 ||

muralīvādanādhārī rādhāyai prītimāvahan |

aṃśāṃśebhyaḥ samunmīlya pūrṇarūpakalāyutaḥ || 12 ||

śrīkṛṣṇacandro bhagavān nandagopavarodyataḥ |

dharaṇīrūpiṇī mātā yaśodā nandagehinī || 13 ||

dvābhyāṃ prayācito nātho devakyāṃ vasudevataḥ |

brahmaṇā'bhyarthito devo devairapi sureśvaraḥ || 14 ||

jāto'vanyāṃ ca mudito muralīvācanecchayā |

śriyā sārdhaṃ vacaḥ kṛtvā tato jāto mahītale || 15 ||

saṃsārasārasarvasvaṃ śyāmalaṃ mahadujjvalam |

etajjyotirahaṃ vandyaṃ cintayāmi sanātanam || 16 ||

gauratejo vinā yastu śyāmatejassamarcayet |

japedvā dhyāyate vāpi sa bhavetpātakī śive || 17 ||

sa brahmahā surāpī ca svarṇasteyī ca pañcamaḥ |

etairdoṣairvilipyeta tejobhedānmahīśvari || 18 ||

tasmājjyotirabhūddvedhā rādhāmādhavarūpakam |

tasmādidaṃ mahādevi gopālenaiva bhāṣitam || 19 ||

durvāsaso munermohe kārtikyāṃ rāsamaṇḍale |

tataḥ pṛṣṭavatī rādhā sandehaṃ bhedamātmanaḥ || 20 ||

nirañjanātsamutpannaṃ māyātītaṃ jaganmayam |

śrīkṛṣṇena tataḥ proktaṃ rādhāyai nāradāya ca || 21 ||

tato nāradatassarvaṃ viralā vaiṣṇavāstathā |

kalau jānanti deveśi gopanīyaṃ prayatnataḥ || 22 ||

śaṭhāya kṛpaṇāyātha ḍāmbhikāya sureśvari |

brahmahatyāmavāpnoti tasmādyatnena gopayet || 23 ||

oṃ asya śrīgopālasahasranāmastotra mahāmantrasya śrīnārada ṛṣiḥ, anuṣṭup chandaḥ, śrīgopālo devatā, kāmo bījaṃ, māyā śaktiḥ, candraḥ kīlakaṃ, śrīkṛṣṇacandra bhaktirūpaphalaprāptaye śrīgopālasahasranāmastotrajape viniyogaḥ |

oṃ aiṃ klīṃ bījaṃ, śrīṃ hrīṃ śaktiḥ, śrī bṛndāvananivāsaḥ kīlakaṃ, śrīrādhāpriyaṃ paraṃ brahmeti mantraḥ, dharmādi caturvidha puruṣārthasiddhyarthe jape viniyogaḥ |

nyāsaḥ |

oṃ nārada ṛṣaye namaḥ śirasi |

anuṣṭup chandase namaḥ mukhe |

śrīgopāladevatāyai namaḥ hṛdaye |

klīṃ kīlakāya namaḥ nābhau |

hrīṃ śaktaye namaḥ guhye |

śrīṃ kīlakāya namaḥ phālayoḥ |

oṃ klīṃ kṛṣṇāya govindāya gopījanavallabhāya svāhā iti mūlamantraḥ |

karanyāsaḥ |

oṃ klāṃ aṅguṣṭhābhyāṃ namaḥ |

oṃ klīṃ tarjanībhyāṃ namaḥ |

oṃ klūṃ madhyamābhyāṃ namaḥ |

oṃ klaiṃ anāmikābhyāṃ namaḥ |

oṃ klauṃ kaniṣṭhikābhyāṃ namaḥ |

oṃ klaḥ karatalakarapṛṣṭhābhyāṃ namaḥ |

hṛdayādinyāsaḥ |

oṃ klāṃ hṛdayāya namaḥ |

oṃ klīṃ śirase svāhā |

oṃ klūṃ śikhāyai vaṣaṭ |

oṃ klaiṃ kavacāya hum |

oṃ klauṃ netratrayāya vauṣaṭ |

oṃ klaḥ astrāya phaṭ |

mūlamantranyāsaḥ |

klīṃ aṅguṣṭhābhyāṃ namaḥ |

kṛṣṇāya tarjanībhyāṃ namaḥ |

govindāya madhyamābhyāṃ namaḥ |

gopījana anāmikābhyāṃ namaḥ |

vallabhāya kaniṣṭhikābhyāṃ namaḥ |

svāhā karatalakarapṛṣṭhābhyāṃ namaḥ |

klīṃ hṛdayāya namaḥ |

kṛṣṇāya śirase svāhā |

govindāya śikhāyai vaṣaṭ |

gopījana kavacāya hum |

vallabhāya netratrayāya vauṣaṭ |

svāhā astrāya phaṭ |

dhyānam |

phullendīvarakāntiminduvadanaṃ barhāvataṃsapriyaṃ

śrīvatsāṅkamudārakaustubhadharaṃ pītāmbaraṃ sundaram |

gopīnāṃ nayanotpalārcitatanuṃ gogopasaṅghāvṛtaṃ

govindaṃ kalaveṇuvādanaparaṃ divyāṅgabhūṣaṃ bhaje || 1 ||

kastūrītilakaṃ lalāṭaphalake vakṣassthale kaustubhaṃ

nāsāgre varamauktikaṃ karatale veṇuṃ kare kaṅkaṇam |

sarvāṅge haricandanaṃ ca kalayan kaṇṭhe ca muktāvaliṃ

gopastrīpariveṣṭito vijayate gopālacūḍāmaṇiḥ || 2 ||

oṃ klīṃ devaḥ kāmadevaḥ kāmabījaśiromaṇiḥ |

śrīgopālo mahīpālo vedavedāṅgapāragaḥ || 1 ||

kṛṣṇaḥ kamalapatrākṣaḥ puṇḍarīkaḥ sanātanaḥ |

gopatirbhūpatiḥ śāstā prahartā viśvatomukhaḥ || 2 ||

ādikartā mahākartā mahākālaḥ pratāpavān |

jagajjīvo jagaddhātā jagadbhartā jagadvasuḥ || 3 ||

matsyo bhīmaḥ kuhūbhartā hartā vārāhamūrtimān |

nārāyaṇo hṛṣīkeśo govindo garuḍadhvajaḥ || 4 ||

gokuleśo mahācandraḥ śarvarīpriyakārakaḥ |

kamalāmukhalolākṣaḥ puṇḍarīkaḥ śubhāvahaḥ || 5 ||

durvāsāḥ kapilo bhaumaḥ sindhusāgarasaṅgamaḥ |

govindo gopatirgotraḥ kālindīpremapūrakaḥ || 6 ||

gopasvāmī gokulendraḥ govardhanavarapradaḥ |

nandādigokulatrātā dātā dāridryabhañjanaḥ || 7 ||

sarvamaṅgaladātā ca sarvakāmavarapradaḥ |

ādikartā mahībhartā sarvasāgarasindhujaḥ || 8 ||

gajagāmī gajoddhārī kāmī kāmakalānidhiḥ |

kalaṅkarahitaścandro bimbāsyo bimbasattamaḥ || 9 ||

mālākāraḥ kṛpākāraḥ kokilasvarabhūṣaṇaḥ |

rāmo nīlāmbaro dehī halī dvividamardanaḥ || 10 ||

sahasrākṣapurībhettā mahāmārīvināśanaḥ |

śivaḥ śivatamo bhettā balārātiprapūjakaḥ || 11 ||

kumārīvaradāyī ca vareṇyo mīnaketanaḥ |

naro nārāyaṇo dhīro dharāpatirudāradhīḥ || 12 ||

śrīpatiḥ śrīnidhiḥ śrīmān māpatiḥ pratirājahā |

bṛndāpatiḥ kulaṃ grāmī dhāma brahmasanātanaḥ || 13 ||

revatīramaṇo rāmaḥ priyaścañcalalocanaḥ |

rāmāyaṇaśarīraśca rāmo rāmaḥ śriyaḥpatiḥ || 14 ||

śarvaraḥ śarvarī śarvaḥ sarvatra śubhadāyakaḥ |

rādhārādhayitārādhī rādhācittapramodakaḥ || 15 ||

rādhāratisukhopeto rādhāmohanatatparaḥ |

rādhāvaśīkaro rādhāhṛdayāmbhojaṣaṭpadaḥ || 16 ||

rādhāliṅganasammodo rādhānartanakautukaḥ |

rādhāsañjātasamprīto rādhākāmaphalapradaḥ || 17 ||

bṛndāpatiḥ kokanidhiḥ kokaśokavināśanaḥ |

candrāpatiścandrapatiścaṇḍakodaṇḍabhañjanaḥ || 18 ||

rāmo dāśarathī rāmo bhṛguvaṃśasamudbhavaḥ |

ātmārāmo jitakrodho moho mohāndhabhañjanaḥ || 19 ||

vṛṣabhānubhavo bhāvī kāśyapiḥ karuṇānidhiḥ |

kolāhalo halo hālī halī haladharapriyaḥ || 20 ||

rādhāmukhābjamārtāṇḍo bhāskaro ravijo vidhuḥ |

vidhirvidhātā varuṇo vāruṇo vāruṇīpriyaḥ || 21 ||

rohiṇīhṛdayānandī vasudevātmajo baliḥ |

nīlāmbaro rauhiṇeyo jarāsandhavadho'malaḥ || 22 ||

nāgo javāmbho virudo vīrahā varado balī |

gopado vijayī vidvān śipiviṣṭaḥ sanātanaḥ || 23 ||

paraśurāmavacogrāhī varagrāhī sṛgālahā |

damaghoṣopadeṣṭā ca rathagrāhī sudarśanaḥ || 24 ||

vīrapatnīyaśastrātā jarāvyādhivighātakaḥ |

dvārakāvāsatattvajño hutāśanavarapradaḥ || 25 ||

yamunāvegasaṃhārī nīlāmbaradharaḥ prabhuḥ |

vibhuḥ śarāsano dhanvī gaṇeśo gaṇanāyakaḥ || 26 ||

lakṣmaṇo lakṣaṇo lakṣyo rakṣovaṃśavināśakaḥ |

vāmano vāmanībhūto vamano vamanāruhaḥ || 27 ||

yaśodānandanaḥ kartā yamalārjunamuktidaḥ |

ulūkhalī mahāmāno dāmabaddhāhvayī śamī || 28 ||

bhaktānukārī bhagavān keśavo'caladhārakaḥ |

keśihā madhuhā mohī vṛṣāsuravighātakaḥ || 29 ||

aghāsuravighātī ca pūtanāmokṣadāyakaḥ |

kubjāvinodī bhagavān kaṃsamṛtyurmahāmukhī || 30 ||

aśvamedho vājapeyo gomedho naramedhavān |

kandarpakoṭilāvaṇyaścandrakoṭisuśītalaḥ || 31 ||

ravikoṭipratīkāśo vāyukoṭimahābalaḥ |

brahmā brahmāṇḍakartā ca kamalāvāñchitapradaḥ || 32 ||

kamalī kamalākṣaśca kamalāmukhalolupaḥ |

kamalāvratadhārī ca kamalābhaḥ purandaraḥ || 33 ||

saubhāgyādhikacittaśca mahāmāyī madotkaṭaḥ |

tāṭakāriḥ suratrātā mārīcakṣobhakārakaḥ || 34 ||

viśvāmitrapriyo dānto rāmo rājīvalocanaḥ |

laṅkādhipakuladhvaṃsī vibhīṣaṇavarapradaḥ || 35 ||

sītānandakaro rāmo vīro vāridhibandhanaḥ |

kharadūṣaṇasaṃhārī sāketapuravāsavān || 36 ||

candrāvalipatiḥ kūlaḥ keśikaṃsavadho'maraḥ |

mādhavo madhuhā mādhvī mādhvīko mādhavī vibhuḥ || 37 ||

muñjāṭavīgāhamāno dhenukārirdaśātmajaḥ |

vaṃśīvaṭavihārī ca govardhanavanāśrayaḥ || 38 ||

tathā tālavanoddeśī bhāṇḍīravanaśaṅkaraḥ |

tṛṇāvartakṛpākārī vṛṣabhānusutāpatiḥ || 39 ||

rādhāprāṇasamo rādhāvadanābjamadhūtkaṭaḥ |

gopīrañjanadaivajñaḥ līlākamalapūjitaḥ || 40 ||

krīḍākamalasandoho gopikāprītirañjanaḥ |

rañjako rañjano raṅgo raṅgī raṅgamahīruhaḥ || 41 ||

kāmaḥ kāmāribhaktaśca purāṇapuruṣaḥ kaviḥ |

nārado devalo bhīmo bālo bālamukhāmbujaḥ || 42 ||

ambujo brahmasākṣī ca yogī dattavaro muniḥ |

ṛṣabhaḥ parvato grāmo nadīpavanavallabhaḥ || 43 ||

padmanābhaḥ surajyeṣṭho brahmā rudro'hibhūṣitaḥ |

gaṇānāṃ trāṇakartā ca gaṇeśo grahilo grahiḥ || 44 ||

gaṇāśrayo gaṇādhyakṣo kroḍīkṛtajagattrayaḥ |

yādavendro dvārakendro mathurāvallabho dhurī || 45 ||

bhramaraḥ kuntalī kuntīsutarakṣī mahāmanāḥ |

yamunāvaradātā ca kāśyapasya varapradaḥ || 46 ||

śaṅkhacūḍavadhoddāmo gopīrakṣaṇatatparaḥ |

pāñcajanyakaro rāmī trirāmī vanajo jayaḥ || 47 ||

phālguṇaḥ phalgunasakho virādhavadhakārakaḥ |

rukmiṇīprāṇanāthaśca satyabhāmāpriyaṅkaraḥ || 48 ||

kalpavṛkṣo mahāvṛkṣo dānavṛkṣo mahāphalaḥ |

aṅkuśo bhūsuro bhāvo bhāmako bhrāmako hariḥ || 49 ||

saralaḥ śāśvato vīro yaduvaṃśaśivātmakaḥ |

pradyumno balakartā ca prahartā daityahā prabhuḥ || 50 ||

mahādhano mahāvīro vanamālāvibhūṣaṇaḥ |

tulasīdāmaśobhāḍhyo jālandharavināśanaḥ || 51 ||

sūraḥ sūryo mṛkaṇḍuśca bhāsvaro viśvapūjitaḥ |

ravistamohā vahniśca bāḍabo baḍabānalaḥ || 52 ||

daityadarpavināśī ca garuḍo garuḍāgrajaḥ |

gopīnātho mahīnātho bṛndānātho'varodhakaḥ || 53 ||

prapañcī pañcarūpaśca latāgulmaśca gomatiḥ |

gaṅgā ca yamunārūpo godā vetravatī tathā || 54 ||

kāverī narmadā tāpī gaṇḍakī sarayū rajaḥ |

rājasastāmasassattvī sarvāṅgī sarvalocanaḥ || 55 ||

sudhāmayo'mṛtamayo yogināṃ vallabhaḥ śivaḥ |

buddho buddhimatāṃ śreṣṭho viṣṇurjiṣṇuḥ śacīpatiḥ || 56 ||

vaṃśī vaṃśadharo loko viloko mohanāśanaḥ |

ravarāvo ravo rāvo valo vālo valāhakaḥ || 57 ||

śivo rudro nalo nīlo lāṅgalī lāṅgalāśrayaḥ |

pāradaḥ pāvano haṃso haṃsārūḍho jagatpatiḥ || 58 ||

mohinīmohano māyī mahāmāyo mahāsukhī |

vṛṣo vṛṣākapiḥ kālaḥ kālīdamanakārakaḥ || 59 ||

kubjābhāgyaprado vīro rajakakṣayakārakaḥ |

komalo vāruṇī rājā jalajo jaladhārakaḥ || 60 ||

hārakaḥ sarvapāpaghnaḥ parameṣṭhī pitāmahaḥ |

khaḍgadhārī kṛpākārī rādhāramaṇasundaraḥ || 61 ||

dvādaśāraṇyasambhogī śeṣanāgaphaṇālayaḥ |

kāmaḥ śyāmaḥ sukhaśrīdaḥ śrīpatiḥ śrīnidhiḥ kṛtiḥ || 62 ||

harirharo naro nāro narottama iṣupriyaḥ |

gopālacittahartā ca kartā saṃsāratārakaḥ || 63 ||

ādidevo mahādevo gaurīgururanāśrayaḥ |

sādhurmadhurvidhurdhātā trātā'krūraparāyaṇaḥ || 64 ||

rolambī ca hayagrīvo vānarārirvanāśrayaḥ |

vanaṃ vanī vanādhyakṣo mahāvandyo mahāmuniḥ || 65 ||

syamantakamaṇiprājñaḥ vijño vighnavighātakaḥ |

govardhano vardhanīyo vardhanī vardhanapriyaḥ || 66 ||

vārdhanyo vardhano vardhī vardhiṣṇastu sukhapriyaḥ |

vardhito vardhako vṛddho bṛndārakajanapriyaḥ || 67 ||

gopālaramaṇībhartā sāmbakuṣṭhavināśanaḥ |

rukmiṇīharaṇapremā premī candrāvalīpatiḥ || 68 ||

śrīkartā viśvabhartā ca nārāyaṇa naro balī |

gaṇo gaṇapatiścaiva dattātreyo mahāmuniḥ || 69 ||

vyāso nārāyaṇo divyo bhavyo bhāvukadhārakaḥ |

śvaḥśreyasaṃ śivaṃ bhadraṃ bhāvukaṃ bhavukaṃ śubham || 70 ||

śubhātmakaḥ śubhaḥ śāstā praśasto meghanādahā |

brahmaṇyadevo dīnānāmuddhārakaraṇakṣamaḥ || 71 ||

kṛṣṇaḥ kamalapatrākṣaḥ kṛṣṇaḥ kamalalocanaḥ |

kṛṣṇaḥ kāmī sadā kṛṣṇaḥ samastapriyakārakaḥ || 72 ||

nando nandī mahānandī mādī mādanakaḥ kilī |

mīlī hilī gilī golī golo golālayo gulī || 73 ||

guggulī mārakī śākhī vaṭaḥ pippalakaḥ kṛtī |

mlecchahā kālahartā ca yaśodā yaśa eva ca || 74 ||

acyutaḥ keśavo viṣṇuḥ hariḥ satyo janārdanaḥ |

haṃso nārāyaṇo nīlo līno bhaktiparāyaṇaḥ || 75 ||

jānakīvallabho rāmo virāmo viṣanāśanaḥ |

siṃhabhānurmahābhānu-rvīrabhānurmahodadhiḥ || 76 ||

samudro'bdhirakūpāraḥ pārāvāraḥ saritpatiḥ |

gokulānandakārī ca pratijñāparipālakaḥ || 77 ||

sadārāmaḥ kṛpārāmo mahārāmo dhanurdharaḥ |

parvataḥ parvatākāro gayo geyo dvijapriyaḥ || 78 ||

kamalāśvataro rāmo rāmāyaṇapravartakaḥ |

dyaurdivo divaso divyo bhavyo bhāgī bhayāpahaḥ || 79 ||

pārvatībhāgyasahito bhartā lakṣmīsahāyavān | [vilāsavān]

vilāsī sāhasī sarvī garvī garvitalocanaḥ || 80 ||

surārirlokadharmajño jīvano jīvanāntakaḥ |

yamo yamāriryamano yamī yāmavighātakaḥ || 81 ||

vaṃśulī pāṃśulī pāṃsuḥ pāṇḍurarjunavallabhaḥ |

lalitā candrikāmālā mālī mālāmbujāśrayaḥ || 82 ||

ambujākṣo mahāyakṣo dakṣaścintāmaṇiprabhuḥ |

maṇirdinamaṇiścaiva kedāro badarīśrayaḥ || 83 ||

badarīvanasamprīto vyāsaḥ satyavatīsutaḥ |

amarārinihantā ca sudhāsindhuvidhūdayaḥ || 84 ||

candro raviḥ śivaḥ śūlī cakrī caiva gadādharaḥ |

śrīkartā śrīpatiḥ śrīdaḥ śrīdevo devakīsutaḥ || 85 ||

śrīpatiḥ puṇḍarīkākṣaḥ padmanābho jagatpatiḥ |

vāsudevo'prameyātmā keśavo garuḍadhvajaḥ || 86 ||

nārāyaṇaḥ paraṃ dhāma devadevo maheśvaraḥ |

cakrapāṇiḥ kalāpūrṇo vedavedyo dayānidhiḥ || 87 ||

bhagavān sarvabhūteśo gopālaḥ sarvapālakaḥ |

ananto nirguṇo nityo nirvikalpo nirañjanaḥ || 88 ||

nirādhāro nirākāro nirābhāso nirāśrayaḥ |

puruṣaḥ praṇavātīto mukundaḥ parameśvaraḥ || 89 ||

kṣaṇāvaniḥ sārvabhaumo vaikuṇṭho bhaktavatsalaḥ |

viṣṇurdāmodaraḥ kṛṣṇo mādhavo mathurāpatiḥ || 90 ||

devakīgarbhasambhūto yaśodāvatsalo hariḥ |

śivaḥ saṅkarṣaṇaḥ śambhurbhūtanātho divaspatiḥ || 91 ||

avyayaḥ sarvadharmajño nirmalo nirupadravaḥ |

nirvāṇanāyako nityo nīlajīmūtasannibhaḥ || 92 ||

kalākṣayaśca sarvajñaḥ kamalārūpatatparaḥ |

hṛṣīkeśaḥ pītavāsā vasudevapriyātmajaḥ || 93 ||

nandagopakumārāryo navanītāśano vibhuḥ |

purāṇaḥ puruṣaśreṣṭhaḥ śaṅkhapāṇiḥ suvikramaḥ || 94 ||

aniruddhaścakradharaḥ śārṅgapāṇiścaturbhujaḥ |

gadādharaḥ surārtighno govindo nandakāyudhaḥ || 95 ||

bṛndāvanacaraḥ śaurirveṇuvādyaviśāradaḥ |

tṛṇāvartāntako bhīmasāhaso bahuvikramaḥ || 96 ||

śakaṭāsurasaṃhārī bakāsuravināśanaḥ |

dhenukāsurasaṃhārī pūtanārirnṛkesarī || 97 ||

pitāmaho gurussākṣī pratyagātmā sadāśivaḥ |

aprameyaḥ prabhuḥ prājño'pratarkyaḥ svapnavardhanaḥ || 98 ||

dhanyo mānyo bhavo bhāvo dhīraḥ śānto jagadguruḥ |

antaryāmīśvaro divyo daivajño devasaṃstutaḥ || 99 ||

kṣīrābdhiśayano dhātā lakṣmīvān lakṣmaṇāgrajaḥ |

dhātrīpatirameyātmā candraśekharapūjitaḥ || 100 ||

lokasākṣī jagaccakṣuḥ puṇyacāritrakīrtanaḥ |

koṭimanmathasaundaryo jaganmohanavigrahaḥ || 101 ||

mandasmitatanurgopagopikāpariveṣṭitaḥ |

phullāravindanayanaścāṇūrāndhraniṣūdanaḥ || 102 ||

indīvaradalaśyāmo barhibarhāvataṃsakaḥ |

muralīninadāhlādo divyamālāmbarāvṛtaḥ || 103 ||

sukapolayugaḥ subhrūyugalaḥ sulalāṭakam |

kambugrīvo viśālākṣo lakṣmīvāñchubhalakṣaṇaḥ || 104 ||

pīnavakṣāścaturbāhuścaturmūrtistrivikramaḥ |

kalaṅkarahitaḥ śuddho duṣṭaśatrunibarhaṇaḥ || 105 ||

kirīṭakuṇḍaladharaḥ kaṭakāṅgadamaṇḍitaḥ |

mudrikābharaṇopetaḥ kaṭisūtravirājitaḥ || 106 ||

mañjīrarañjitapadaḥ sarvābharaṇabhūṣitaḥ |

vinyastapādayugalo divyamaṅgalavigrahaḥ || 107 ||

gopikānayanānandaḥ pūrṇacandranibhānanaḥ |

samastajagadānandaḥ sundaro lokanandanaḥ || 108 ||

yamunātīrasañcārī rādhāmanmathavaibhavaḥ |

gopanārīpriyo dānto gopīvastrāpahārakaḥ || 109 ||

śṛṅgāramūrtiḥ śrīdhāmā tārako mūlakāraṇam |

sṛṣṭisaṃrakṣaṇopāyaḥ krūrāsuravibhañjanaḥ || 110 ||

narakāsurasaṃhārī murārirvairimardanaḥ |

āditeyapriyo daityabhīkaro yaduśekharaḥ || 111 ||

jarāsandhakuladhvaṃsī kaṃsārātiḥ suvikramaḥ |

puṇyaślokaḥ kīrtanīyo yādavendro jagannutaḥ || 112 ||

rukmiṇīramaṇaḥ satyabhāmājāmbavatīpriyaḥ |

mitravindānāgnajitīlakṣmaṇāsamupāsitaḥ || 113 ||

sudhākarakule jāto'nantaḥ prabalavikramaḥ |

sarvasaubhāgyasampanno dvārakāpaṭṭaṇasthitaḥ || 114 ||

bhadrāsūryasutānātho līlāmānuṣavigrahaḥ |

sahasraṣoḍaśastrīśo bhogamokṣaikadāyakaḥ || 115 ||

vedāntavedyaḥ saṃvedyo vaidyo brahmāṇḍanāyakaḥ |

govardhanadharo nāthaḥ sarvajīvadayāparaḥ || 116 ||

mūrtimān sarvabhūtātmā ārtatrāṇaparāyaṇaḥ |

sarvajñaḥ sarvasulabhaḥ sarvaśāstraviśāradaḥ || 117 ||

ṣaḍguṇaiśvaryasampannaḥ pūrṇakāmo dhurandharaḥ |

mahānubhāvaḥ kaivalyadāyako lokanāyakaḥ || 118 ||

ādimadhyāntarahitaḥ śuddhasāttvikavigrahaḥ |

asamānaḥ samastātmā śaraṇāgatavatsalaḥ || 119 ||

utpattisthitisaṃhārakāraṇaṃ sarvakāraṇam |

gambhīraḥ sarvabhāvajñaḥ saccidānandavigrahaḥ || 120 ||

viṣvaksenaḥ satyasandhaḥ satyavāk satyavikramaḥ |

satyavrataḥ satyarataḥ satyadharmaparāyaṇaḥ || 121 ||

āpannārtipraśamanaḥ draupadīmānarakṣakaḥ |

kandarpajanakaḥ prājño jagannāṭakavaibhavaḥ || 122 ||

bhaktivaśyo guṇātītaḥ sarvaiśvaryapradāyakaḥ |

damaghoṣasutadveṣī bāṇabāhuvikhaṇḍanaḥ || 123 ||

bhīṣmabhaktiprado divyaḥ kauravānvayanāśanaḥ |

kaunteyapriyabandhuśca pārthasyandanasārathiḥ || 124 ||

nārasiṃho mahāvīraḥ stambhajāto mahābalaḥ |

prahlādavaradaḥ satyo devapūjyo'bhayaṅkaraḥ || 125 ||

upendra indrāvarajo vāmano balibandhanaḥ |

gajendravaradaḥ svāmī sarvadevanamaskṛtaḥ || 126 ||

śeṣaparyaṅkaśayano vainateyaratho jayī |

avyāhatabalaiśvaryasampannaḥ pūrṇamānasaḥ || 127 ||

yogīśvareśvaraḥ sākṣī kṣetrajño jñānadāyakaḥ |

yogihṛtpaṅkajāvāso yogamāyāsamanvitaḥ || 128 ||

nādabindukalātītaścaturvargaphalapradaḥ |

suṣumnāmārgasañcārī dehasyāntarasaṃsthitaḥ || 129 ||

dehendriyamanaḥprāṇasākṣī cetaḥprasādakaḥ |

sūkṣmaḥ sarvagato dehī jñānadarpaṇagocaraḥ || 130 ||

tattvatrayātmako'vyaktaḥ kuṇḍalī samupāśritaḥ |

brahmaṇyaḥ sarvadharmajñaḥ śānto dānto gataklamaḥ || 131 ||

śrīnivāsaḥ sadānando viśvamūrtirmahāprabhuḥ |

sahasraśīrṣā puruṣaḥ sahasrākṣaḥ sahasrapāt || 132 ||

samastabhuvanādhāraḥ samastaprāṇarakṣakaḥ |

samastassarvabhāvajño gopikāprāṇavallabhaḥ || 133 ||

nityotsavo nityasaukhyo nityaśrīrnityamaṅgalam |

vyūhārcito jagannāthaḥ śrīvaikuṇṭhapurādhipaḥ || 134 ||

pūrṇānandaghanībhūto gopaveṣadharo hariḥ |

kalāpakusumaśyāmaḥ komalaḥ śāntavigrahaḥ || 135 ||

gopāṅganāvṛto'nanto bṛndāvanasamāśrayaḥ |

veṇunādarataḥ śreṣṭho devānāṃ hitakārakaḥ || 136 ||

jalakrīḍāsamāsakto navanītasya taskaraḥ |

gopālakāminījāraścorajāraśikhāmaṇiḥ || 137 ||

parañjyotiḥ parākāśaḥ parāvāsaḥ parisphuṭaḥ |

aṣṭādaśākṣaro mantro vyāpako lokapāvanaḥ || 138 ||

saptakoṭimahāmantraśekharo devaśekharaḥ |

vijñānajñānasandhānastejorāśirjagatpatiḥ || 139 ||

bhaktalokaprasannātmā bhaktamandāravigrahaḥ |

bhaktadāridryaśamano bhaktānāṃ prītidāyakaḥ || 140 ||

bhaktādhīnamanāḥ pūjyo bhaktalokaśivaṅkaraḥ |

bhaktābhīṣṭapradaḥ sarvabhaktāghaughanikṛntakaḥ || 141 ||

apārakaruṇāsindhurbhagavān bhaktatatparaḥ || 142 ||

[iti śrīrādhikānātha nāmnāṃ sāhasramīritam | ]

smaraṇātpāparāśīnāṃ khaṇḍanaṃ mṛtyunāśanam || 1 ||

vaiṣṇavānāṃ priyakaraṃ mahādāridryanāśanam |

brahmahatyāsurāpānaṃ parastrīgamanaṃ tathā || 2 ||

paradravyāpaharaṇaṃ paradveṣasamanvitam |

mānasaṃ vācikaṃ kāyaṃ yatpāpaṃ pāpasambhavam || 3 ||

sahasranāmapaṭhanātsarve naśyanti tatkṣaṇāt |

mahādāridryayukto vai vaiṣṇavo viṣṇubhaktimān || 4 ||

kārtikyāṃ yaḥ paṭhedrātrau śatamaṣṭottaraṃ kramāt |

pītāmbaradharo dhīmān sugandhī puṣpacandanaiḥ || 5 ||

pustakaṃ pūjayitvā ca naivedyādibhireva ca |

rādhādhyānāṅkito dhīro vanamālāvibhūṣitaḥ || 6 ||

śatamaṣṭottaraṃ devi paṭhennāmasahasrakam |

caitre kṛṣṇe ca śukle ca kuhūsaṅkrāntivāsare || 7 ||

paṭhitavyaṃ prayatnena trailokyaṃ mohayet kṣaṇāt |

tulasīmālayā yukto vaiṣṇavo bhaktitatparaḥ || 8 ||

ravivāre ca śukre ca dvādaśyāṃ śrāddhavāsare |

brāhmaṇaṃ pūjayitvā ca bhojayitvā vidhānataḥ || 9 ||

paṭhennāmasahasraṃ ca tataḥ siddhiḥ prajāyate |

mahāniśāyāṃ satataṃ vaiṣṇavo yaḥ paṭhetsadā || 10 ||

deśāntaragatā lakṣmīḥ samāyāti na saṃśayaḥ |

trailokye tu mahādevi sundaryaḥ kāmamohitāḥ || 11 ||

mugdhāḥ svayaṃ samāyānti vaiṣṇavaṃ ca bhajanti tāḥ |

rogī rogātpramucyeta baddho mucyeta bandhanāt || 12 ||

garbhiṇī janayetputraṃ kanyā vindati satpatim |

rājāno vaśatāṃ yānti kiṃ punaḥ kṣudramānuṣāḥ || 13 ||

sahasranāmaśravaṇāt paṭhanāt pūjanāt priye |

dhāraṇāt sarvamāpnoti vaiṣṇavo nātra saṃśayaḥ || 14 ||

vaṃśīvaṭe cānyavaṭe tathā pippalake'tha vā |

kadambapādapatale śrīgopālasya sannidhau || 15 ||

yaḥ paṭhedvaiṣṇavo nityaṃ sa yāti harimandiram |

kṛṣṇenoktaṃ rādhikāyai tayā proktaṃ purā śive || 16 ||

nāradāya mayā proktaṃ nāradena prakāśitam |

mayā tava varārohe proktametatsudurlabham || 17 ||

gopanīyaṃ prayatnena na prakāśyaṃ kadācana |

śaṭhāya pāpine caiva lampaṭāya viśeṣataḥ || 18 ||

na dātavyaṃ na dātavyaṃ na dātavyaṃ kadācana |

deyaṃ śāntāya śiṣyāya viṣṇubhaktiratāya ca || 19 ||

godānabrahmayajñādervājapeyaśatasya ca |

aśvamedhasahasrasya phalaṃ pāṭhe bhaveddhruvam || 20 ||

mohanaṃ stambhanaṃ caiva māraṇoccāṭanādikam |

yadyadvāñchati cittena tattatprāpnoti vaiṣṇavaḥ || 21 ||

ekādaśyāṃ naraḥ snātvā sugandhadravyatailakaiḥ |

āhāraṃ brāhmaṇe dattvā dakṣiṇāṃ svarṇabhūṣaṇam || 22 ||

tataḥ prārambhakartāsau sarvaṃ prāpnoti mānavaḥ |

śatāvṛtta sahasraṃ ca yaḥ paṭhedvaiṣṇavo janaḥ || 23 ||

śrībṛndāvanacandrasya prasādātsarvamāpnuyāt |

yadgṛhe pustakaṃ devi pūjitaṃ caiva tiṣṭhati || 24 ||

na mārī na ca durbhikṣaṃ nopasargabhayaṃ kvacit |

sarpādibhūtayakṣādyā naśyante nātra saṃśayaḥ || 25 ||

śrīgopālo mahādevi vasettasya gṛhe sadā |

yadgṛhe ca sahasraṃ ca nāmnāṃ tiṣṭhati pūjitam || 26 ||

iti śrīsammohanatantre haragaurīsaṃvāde śrīgopāla sahasranāmastotram |