Gayatryashtottarashata Namastotram

ॐ

ગાયત્ર્યષ્ટોત્તરશત નામસ્તોત્રમ્

Tara Ashtottara Sata Namavali Gujarati

તરુણાદિત્યસઙ્કાશા સહસ્રનયનોજ્જ્વલા ।

વિચિત્રમાલ્યાભરણા તુહિનાચલવાસિની ॥ 1 ॥

વરદાભયહસ્તાબ્જા રેવાતીરનિવાસિની ।

પ્રણિત્યયવિશેષજ્ઞા યન્ત્રાકૃતવિરાજિત ॥ 2 ॥

ભદ્રપાદપ્રિયા ચૈવ ગોવિન્દપથગામિની ।

દેવર્ષિગણસંસ્તુત્યા વનમાલાવિભૂષિતા ॥ 3 ॥

સ્યન્દનોત્તમસંસ્થા ચ ધીરજીમૂતનિસ્વના ।

મત્તમાતઙ્ગગમના હિરણ્યકમલાસના ॥ 4 ॥

દીનજનોદ્ધારનિરતા યોગિની યોગધારિણી ।

નટનાટ્યૈકનિરતા પ્રણવાદ્યક્ષરાત્મિકા ॥ 5 ॥

ચોરચારક્રિયાસક્તા દારિદ્ર્યચ્છેદકારિણી ।

યાદવેન્દ્રકુલોદ્ભૂતા તુરીયપથગામિની ॥ 6 ॥

ગાયત્રી ગોમતી ગઙ્ગા ગૌતમી ગરુડાસના ।

ગેયગાનપ્રિયા ગૌરી ગોવિન્દપદપૂજિતા ॥ 7 ॥

ગન્ધર્વનગરાગારા ગૌરવર્ણા ગણેશ્વરી ।

ગદાશ્રયા ગુણવતી ગહ્વરી ગણપૂજિતા ॥ 8 ॥

ગુણત્રયસમાયુક્તા ગુણત્રયવિવર્જિતા ।

ગુહાવાસા ગુણાધારા ગુહ્યા ગન્ધર્વરૂપિણી ॥ 9 ॥

ગાર્ગ્યપ્રિયા ગુરુપદા ગુહલિઙ્ગાઙ્ગધારિણી ।

સાવિત્રી સૂર્યતનયા સુષુમ્નાનાડિભેદિની ॥ 10 ॥

સુપ્રકાશા સુખાસીના સુમતિ-સ્સુરપૂજિતા ।

સુષુપ્ત્યવસ્થા સુદતી સુન્દરી સાગરામ્બરા ॥ 11 ॥

સુધાંશુબિમ્બવદના સુસ્તની સુવિલોચના ।

સીતા સત્ત્વાશ્રયા સન્ધ્યા સુફલા સુવિધાયિની ॥ 12 ॥

સુભ્રૂ-સ્સુવાસા સુશ્રોણી સંસારાર્ણવતારિણી ।

સામગાનપ્રિયા સાધ્વી સર્વાભરણભૂષિતા ॥ 13 ॥

વૈષ્ણવી વિમલાકારા મહેન્દ્રી મન્ત્રરૂપિણી ।

મહલક્ષ્મી-ર્મહાસિદ્ધિ-ર્મહામાયા મહેશ્વરી ॥ 14 ॥

મોહિની મદનાકારા મધુસૂદનચોદિતા ।

મીનાક્ષી મધુરાવાસા નગેન્દ્રતનયા ઉમા ॥ 15 ॥

ત્રિવિક્રમપદાક્રાન્તા ત્રિસ્વરા ત્રિવિલોચના ।

સૂર્યમણ્ડલમધ્યસ્થા ચન્દ્રમણ્ડલસંસ્થિતા ॥ 16 ॥

વહ્નિમણ્ડલમધ્યસ્થા વાયુમણ્ડલસંસ્થિતા ।

વ્યોમમણ્ડલમધ્યસ્થા ચક્રિણી ચક્રરૂપિણી ॥ 17 ॥

કાલચક્રવિતાનસ્થા ચન્દ્રમણ્ડલદર્પણા ।

જ્યોત્સ્નાતપાસુલિપ્તાઙ્ગી મહામારુતવીજિતા ॥ 18 ॥

સર્વમન્ત્રાશ્રયા ધેનુઃ પાપઘ્ની પરમેશ્વરી ।

નમસ્તેઽસ્તુ મહાલક્ષ્મી-ર્મહાસમ્પત્તિદાયિનિ ॥ 19 ॥

નમસ્તે કરુણામૂર્તે નમસ્તે ભક્તવત્સલે ।

ગાયત્ર્યાઃ પ્રજપેદ્યસ્તુ નામ્નામષ્ટોત્તરં શતમ્ ॥ 20 ॥

તસ્ય પુણ્યફલં વક્તું બ્રહ્મણાપિ ન શક્યતે ।

ઇતિ શ્રીગાયત્ર્યષ્ટોત્તરશતનામસ્તોત્રં સમ્પૂર્ણમ્ ।

Roman (IAST) Transliteration

taruṇādityasaṅkāśā sahasranayanojjvalā |

vicitramālyābharaṇā tuhinācalavāsinī || 1 ||

varadābhayahastābjā revātīranivāsinī |

praṇityayaviśeṣajñā yantrākṛtavirājita || 2 ||

bhadrapādapriyā caiva govindapathagāminī |

devarṣigaṇasaṃstutyā vanamālāvibhūṣitā || 3 ||

syandanottamasaṃsthā ca dhīrajīmūtanisvanā |

mattamātaṅgagamanā hiraṇyakamalāsanā || 4 ||

dīnajanoddhāraniratā yoginī yogadhāriṇī |

naṭanāṭyaikaniratā praṇavādyakṣarātmikā || 5 ||

coracārakriyāsaktā dāridryacchedakāriṇī |

yādavendrakulodbhūtā turīyapathagāminī || 6 ||

gāyatrī gomatī gaṅgā gautamī garuḍāsanā |

geyagānapriyā gaurī govindapadapūjitā || 7 ||

gandharvanagarāgārā gauravarṇā gaṇeśvarī |

gadāśrayā guṇavatī gahvarī gaṇapūjitā || 8 ||

guṇatrayasamāyuktā guṇatrayavivarjitā |

guhāvāsā guṇādhārā guhyā gandharvarūpiṇī || 9 ||

gārgyapriyā gurupadā guhaliṅgāṅgadhāriṇī |

sāvitrī sūryatanayā suṣumnānāḍibhedinī || 10 ||

suprakāśā sukhāsīnā sumati-ssurapūjitā |

suṣuptyavasthā sudatī sundarī sāgarāmbarā || 11 ||

sudhāṃśubimbavadanā sustanī suvilocanā |

sītā sattvāśrayā sandhyā suphalā suvidhāyinī || 12 ||

subhrū-ssuvāsā suśroṇī saṃsārārṇavatāriṇī |

sāmagānapriyā sādhvī sarvābharaṇabhūṣitā || 13 ||

vaiṣṇavī vimalākārā mahendrī mantrarūpiṇī |

mahalakṣmī-rmahāsiddhi-rmahāmāyā maheśvarī || 14 ||

mohinī madanākārā madhusūdanacoditā |

mīnākṣī madhurāvāsā nagendratanayā umā || 15 ||

trivikramapadākrāntā trisvarā trivilocanā |

sūryamaṇḍalamadhyasthā candramaṇḍalasaṃsthitā || 16 ||

vahnimaṇḍalamadhyasthā vāyumaṇḍalasaṃsthitā |

vyomamaṇḍalamadhyasthā cakriṇī cakrarūpiṇī || 17 ||

kālacakravitānasthā candramaṇḍaladarpaṇā |

jyotsnātapāsuliptāṅgī mahāmārutavījitā || 18 ||

sarvamantrāśrayā dhenuḥ pāpaghnī parameśvarī |

namaste'stu mahālakṣmī-rmahāsampattidāyini || 19 ||

namaste karuṇāmūrte namaste bhaktavatsale |

gāyatryāḥ prajapedyastu nāmnāmaṣṭottaraṃ śatam || 20 ||

tasya puṇyaphalaṃ vaktuṃ brahmaṇāpi na śakyate |

iti śrīgāyatryaṣṭottaraśatanāmastotraṃ sampūrṇam |