Ganga Ashtakam 2 — InfoLyter.in

ॐ

ગઙ્ગા અષ્ટકં 2

Ganga Ashtakam 2

Ashtakam Gujarati

ભગવતિ ભવલીલામૌલિમાલે તવામ્ભઃ

કણમણુપરિમાણં પ્રાણિનો યે સ્પૃશન્તિ ।

અમરનગરનારીચામરગ્રાહિણીનાં

વિગતકલિકલઙ્કાતઙ્કમઙ્કે લુઠન્તિ ॥ 1 ॥

બ્રહ્માણ્ડં ખણ્ડયન્તી હરશિરસિ જટાવલ્લિમુલ્લાસયન્તી

સ્વર્લોકાદાપતન્તી કનકગિરિગુહાગણ્ડશૈલાત્ સ્ખલન્તી ।

ક્ષોણીપૃષ્ટે લુઠન્તી દુરિતચયચમૂર્નિર્ભરં ભર્ત્સયન્તી

પાથોધિં પૂરયન્તી સુરનગરસરિત્પાવની નઃ પુનાતુ ॥ 2 ॥

મજ્જન્માતઙ્ગકુમ્ભચ્યુતમદમદિરામોદમત્તાલિજાલં

સ્નાનૈઃ સિદ્ધાઙ્ગનાનાં કુચયુગવિગલત્કુઙ્કુમાસઙ્ગપિઙ્ગમ્ ।

સાયં પ્રાતર્મુનીનાં કુશકુસુમચયૈશ્છિન્નતીરસ્થનીરં

પાયાન્નો ગાઙ્ગમમ્ભઃ કરિકરમકરાક્રાન્તરહસ્તરઙ્ગમ્ ॥ 3 ॥

આદાવાદિપિતામહસ્ય નિયમવ્યાપારપાત્રે જલં

પશ્ચાત્પન્નગશાયિનો ભગવતઃ પાદોદકં પાવનમ્ ।

ભૂયઃ શમ્ભુજટાવિભૂષણમણિર્જહ્નોર્મહર્ષેરિયં

કન્યા કલ્મષનાશિની ભગવતી ભાગીરથી પાતુ મામ્ ॥ 4 ॥

શૈલેન્દ્રાદવતારિણી નિજજલે મજ્જજ્જનોત્તારિણી

પારાવારવિહારિણી ભવભયશ્રેણીસમુત્સારિણી ।

શેષાઙ્ગૈરનુકારિણી હરશિરોવલ્લીદલાકારિણી

કાશીપ્રાન્તવિહારિણી વિજયતે ગઙ્ગા મનોહારિણી ॥ 5 ॥

કુતો વીચી વીચિસ્તવ યદિ ગતા લોચનપથં

ત્વમાપીતા પીતામ્બરપુરવાસં વિતરસિ ।

ત્વદુત્સઙ્ગે ગઙ્ગે પતતિ યદિ કાયસ્તનુભૃતાં

તદા માતઃ શાન્તક્રતવપદલાભોઽપ્યતિલઘુઃ ॥ 6 ॥

ભગવતિ તવ તીરે નીરમાત્રાશનોઽહં

વિગતવિષયતૃષ્ણઃ કૃષ્ણમારાધયામિ ।

સકલકલુષભઙ્ગે સ્વર્ગસોપાનસઙ્ગે

તરલતરતરઙ્ગે દેવિ ગઙ્ગે પ્રસીદ ॥ 7 ॥

માતર્જાહ્નવિ શમ્ભુસઙ્ગમિલિતે મૌલૌ નિધાયાઞ્જલિં

ત્વત્તીરે વપુષોઽવસાનસમયે નારાયણાઙ્ઘ્રિદ્વયમ્ ।

સાનન્દં સ્મરતો ભવિષ્યતિ મમ પ્રાણપ્રયાણોત્સવે

ભૂયાદ્ભક્તિરવિચ્યુતા હરિહરાદ્વૈતાત્મિકા શાશ્વતી ॥ 8 ॥

ગઙ્ગાષ્ટકમિદં પુણ્યં યઃ પઠેત્પ્રયતો નરઃ ।

સર્વપાપવિનિર્મુક્તો વિષ્ણુલોકં સ ગચ્છતિ ॥ 9 ॥

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ ગઙ્ગાષ્ટકં સમ્પૂર્ણમ્ ।

Roman (IAST) Transliteration

bhagavati bhavalīlāmaulimāle tavāmbhaḥ

kaṇamaṇuparimāṇaṃ prāṇino ye spṛśanti |

amaranagaranārīcāmaragrāhiṇīnāṃ

vigatakalikalaṅkātaṅkamaṅke luṭhanti || 1 ||

brahmāṇḍaṃ khaṇḍayantī haraśirasi jaṭāvallimullāsayantī

svarlokādāpatantī kanakagiriguhāgaṇḍaśailāt skhalantī |

kṣoṇīpṛṣṭe luṭhantī duritacayacamūrnirbharaṃ bhartsayantī

pāthodhiṃ pūrayantī suranagarasaritpāvanī naḥ punātu || 2 ||

majjanmātaṅgakumbhacyutamadamadirāmodamattālijālaṃ

snānaiḥ siddhāṅganānāṃ kucayugavigalatkuṅkumāsaṅgapiṅgam |

sāyaṃ prātarmunīnāṃ kuśakusumacayaiśchinnatīrasthanīraṃ

pāyānno gāṅgamambhaḥ karikaramakarākrāntarahastaraṅgam || 3 ||

ādāvādipitāmahasya niyamavyāpārapātre jalaṃ

paścātpannagaśāyino bhagavataḥ pādodakaṃ pāvanam |

bhūyaḥ śambhujaṭāvibhūṣaṇamaṇirjahnormaharṣeriyaṃ

kanyā kalmaṣanāśinī bhagavatī bhāgīrathī pātu mām || 4 ||

śailendrādavatāriṇī nijajale majjajjanottāriṇī

pārāvāravihāriṇī bhavabhayaśreṇīsamutsāriṇī |

śeṣāṅgairanukāriṇī haraśirovallīdalākāriṇī

kāśīprāntavihāriṇī vijayate gaṅgā manohāriṇī || 5 ||

kuto vīcī vīcistava yadi gatā locanapathaṃ

tvamāpītā pītāmbarapuravāsaṃ vitarasi |

tvadutsaṅge gaṅge patati yadi kāyastanubhṛtāṃ

tadā mātaḥ śāntakratavapadalābho'pyatilaghuḥ || 6 ||

bhagavati tava tīre nīramātrāśano'haṃ

vigataviṣayatṛṣṇaḥ kṛṣṇamārādhayāmi |

sakalakaluṣabhaṅge svargasopānasaṅge

taralatarataraṅge devi gaṅge prasīda || 7 ||

mātarjāhnavi śambhusaṅgamilite maulau nidhāyāñjaliṃ

tvattīre vapuṣo'vasānasamaye nārāyaṇāṅghridvayam |

sānandaṃ smarato bhaviṣyati mama prāṇaprayāṇotsave

bhūyādbhaktiravicyutā hariharādvaitātmikā śāśvatī || 8 ||

gaṅgāṣṭakamidaṃ puṇyaṃ yaḥ paṭhetprayato naraḥ |

sarvapāpavinirmukto viṣṇulokaṃ sa gacchati || 9 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau gaṅgāṣṭakaṃ sampūrṇam |