📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ગણેશ અષ્ટકમ્
Ganesha Ashtakam
Ganesha Ashtakam Gujarati
સર્વે ઉચુઃ ।
યતોઽનન્તશક્તેરનન્તાશ્ચ જીવા
યતો નિર્ગુણાદપ્રમેયા ગુણાસ્તે ।
યતો ભાતિ સર્વં ત્રિધા ભેદભિન્નં
સદા તં ગણેશં નમામો ભજામઃ ॥ 1 ॥
યતશ્ચાવિરાસીજ્જગત્સર્વમેત-
-ત્તથાબ્જાસનો વિશ્વગો વિશ્વગોપ્તા ।
તથેન્દ્રાદયો દેવસઙ્ઘા મનુષ્યાઃ
સદા તં ગણેશં નમામો ભજામઃ ॥ 2 ॥
યતો વહ્નિભાનૂ ભવો ભૂર્જલં ચ
યતઃ સાગરાશ્ચન્દ્રમા વ્યોમ વાયુઃ ।
યતઃ સ્થાવરા જઙ્ગમા વૃક્ષસઙ્ઘાઃ
સદા તં ગણેશં નમામો ભજામઃ ॥ 3 ॥
યતો દાનવાઃ કિન્નરા યક્ષસઙ્ઘા
યતશ્ચારણા વારણાઃ શ્વાપદાશ્ચ ।
યતઃ પક્ષિકીટા યતો વીરુધશ્ચ
સદા તં ગણેશં નમામો ભજામઃ ॥ 4 ॥
યતો બુદ્ધિરજ્ઞાનનાશો મુમુક્ષો-
-ર્યતઃ સમ્પદો ભક્તસન્તોષદાઃ સ્યુઃ ।
યતો વિઘ્નનાશો યતઃ કાર્યસિદ્ધિઃ
સદા તં ગણેશં નમામો ભજામઃ ॥ 5 ॥
યતઃ પુત્રસમ્પદ્યતો વાઞ્છિતાર્થો
યતોઽભક્તવિઘ્નાસ્તથાઽનેકરૂપાઃ ।
યતઃ શોકમોહૌ યતઃ કામ એવ
સદા તં ગણેશં નમામો ભજામઃ ॥ 6 ॥
યતોઽનન્તશક્તિઃ સ શેષો બભૂવ
ધરાધારણેઽનેકરૂપે ચ શક્તઃ ।
યતોઽનેકધા સ્વર્ગલોકા હિ નાના
સદા તં ગણેશં નમામો ભજામઃ ॥ 7 ॥
યતો વેદવાચો વિકુણ્ઠા મનોભિઃ
સદા નેતિ નેતીતિ યત્તા ગૃણન્તિ ।
પરબ્રહ્મરૂપં ચિદાનન્દભૂતં
સદા તં ગણેશં નમામો ભજામઃ ॥ 8 ॥
શ્રીગણેશ ઉવાચ ।
પુનરૂચે ગણાધીશઃ સ્તોત્રમેતત્પઠેન્નરઃ ।
ત્રિસન્ધ્યં ત્રિદિનં તસ્ય સર્વકાર્યં ભવિષ્યતિ ॥ 9 ॥
યો જપેદષ્ટદિવસં શ્લોકાષ્ટકમિદં શુભમ્ ।
અષ્ટવારં ચતુર્થ્યાં તુ સોઽષ્ટસિદ્ધીરવાપ્નુયાત્ ॥ 10 ॥
યઃ પઠેન્માસમાત્રં તુ દશવારં દિને દિને ।
સ મોચયેદ્બન્ધગતં રાજવધ્યં ન સંશયઃ ॥ 11 ॥
વિદ્યાકામો લભેદ્વિદ્યાં પુત્રાર્થી પુત્રમાપ્નુયાત્ ।
વાઞ્છિતાઁલ્લભતે સર્વાનેકવિંશતિવારતઃ ॥ 12 ॥
યો જપેત્પરયા ભક્ત્યા ગજાનનપરો નરઃ ।
એવમુક્ત્વા તતો દેવશ્ચાન્તર્ધાનં ગતઃ પ્રભુઃ ॥ 13 ॥
ઇતિ શ્રીગણેશપુરાણે ઉપાસનાખણ્ડે શ્રીગણેશાષ્ટકમ્ ।
Roman (IAST) Transliteration
sarve ucuḥ |
yato'nantaśakteranantāśca jīvā
yato nirguṇādaprameyā guṇāste |
yato bhāti sarvaṃ tridhā bhedabhinnaṃ
sadā taṃ gaṇeśaṃ namāmo bhajāmaḥ || 1 ||
yataścāvirāsījjagatsarvameta-
-ttathābjāsano viśvago viśvagoptā |
tathendrādayo devasaṅghā manuṣyāḥ
sadā taṃ gaṇeśaṃ namāmo bhajāmaḥ || 2 ||
yato vahnibhānū bhavo bhūrjalaṃ ca
yataḥ sāgarāścandramā vyoma vāyuḥ |
yataḥ sthāvarā jaṅgamā vṛkṣasaṅghāḥ
sadā taṃ gaṇeśaṃ namāmo bhajāmaḥ || 3 ||
yato dānavāḥ kinnarā yakṣasaṅghā
yataścāraṇā vāraṇāḥ śvāpadāśca |
yataḥ pakṣikīṭā yato vīrudhaśca
sadā taṃ gaṇeśaṃ namāmo bhajāmaḥ || 4 ||
yato buddhirajñānanāśo mumukṣo-
-ryataḥ sampado bhaktasantoṣadāḥ syuḥ |
yato vighnanāśo yataḥ kāryasiddhiḥ
sadā taṃ gaṇeśaṃ namāmo bhajāmaḥ || 5 ||
yataḥ putrasampadyato vāñchitārtho
yato'bhaktavighnāstathā'nekarūpāḥ |
yataḥ śokamohau yataḥ kāma eva
sadā taṃ gaṇeśaṃ namāmo bhajāmaḥ || 6 ||
yato'nantaśaktiḥ sa śeṣo babhūva
dharādhāraṇe'nekarūpe ca śaktaḥ |
yato'nekadhā svargalokā hi nānā
sadā taṃ gaṇeśaṃ namāmo bhajāmaḥ || 7 ||
yato vedavāco vikuṇṭhā manobhiḥ
sadā neti netīti yattā gṛṇanti |
parabrahmarūpaṃ cidānandabhūtaṃ
sadā taṃ gaṇeśaṃ namāmo bhajāmaḥ || 8 ||
śrīgaṇeśa uvāca |
punarūce gaṇādhīśaḥ stotrametatpaṭhennaraḥ |
trisandhyaṃ tridinaṃ tasya sarvakāryaṃ bhaviṣyati || 9 ||
yo japedaṣṭadivasaṃ ślokāṣṭakamidaṃ śubham |
aṣṭavāraṃ caturthyāṃ tu so'ṣṭasiddhīravāpnuyāt || 10 ||
yaḥ paṭhenmāsamātraṃ tu daśavāraṃ dine dine |
sa mocayedbandhagataṃ rājavadhyaṃ na saṃśayaḥ || 11 ||
vidyākāmo labhedvidyāṃ putrārthī putramāpnuyāt |
vāñchitā~llabhate sarvānekaviṃśativārataḥ || 12 ||
yo japetparayā bhaktyā gajānanaparo naraḥ |
evamuktvā tato devaścāntardhānaṃ gataḥ prabhuḥ || 13 ||
iti śrīgaṇeśapurāṇe upāsanākhaṇḍe śrīgaṇeśāṣṭakam |
InfoLyter.in — Sacred Vedic Knowledge Portal · Free forever