Dvadasha Jyotirlinga Stotram

ॐ

દ્વાદશ જ્યોતિર્લિઙ્ગ સ્તોત્રમ્

Shiva Dwadasanamam Adi Shankaracharya Gujarati

લઘુ સ્તોત્રમ્

સૌરાષ્ટ્રે સોમનાધઞ્ચ શ્રીશૈલે મલ્લિકાર્જુનમ્ ।

ઉજ્જયિન્યાં મહાકાલં ઓઙ્કારેત્વમામલેશ્વરમ્ ॥

પર્લ્યાં વૈદ્યનાધઞ્ચ ઢાકિન્યાં ભીમ શઙ્કરમ્ ।

સેતુબન્ધેતુ રામેશં નાગેશં દારુકાવને ॥

વારણાશ્યાન્તુ વિશ્વેશં ત્રયમ્બકં ગૌતમીતટે ।

હિમાલયેતુ કેદારં ઘૃષ્ણેશન્તુ વિશાલકે ॥

એતાનિ જ્યોતિર્લિઙ્ગાનિ સાયં પ્રાતઃ પઠેન્નરઃ ।

સપ્ત જન્મ કૃતં પાપં સ્મરણેન વિનશ્યતિ ॥

સમ્પૂર્ણ સ્તોત્રમ્

સૌરાષ્ટ્રદેશે વિશદેઽતિરમ્યે જ્યોતિર્મયં ચન્દ્રકલાવતંસમ્ ।

ભક્તપ્રદાનાય કૃપાવતીર્ણં તં સોમનાથં શરણં પ્રપદ્યે ॥ 1 ॥

શ્રીશૈલશૃઙ્ગે વિવિધપ્રસઙ્ગે શેષાદ્રિશૃઙ્ગેઽપિ સદા વસન્તમ્ ।

તમર્જુનં મલ્લિકપૂર્વમેનં નમામિ સંસારસમુદ્રસેતુમ્ ॥ 2 ॥

અવન્તિકાયાં વિહિતાવતારં મુક્તિપ્રદાનાય ચ સજ્જનાનામ્ ।

અકાલમૃત્યોઃ પરિરક્ષણાર્થં વન્દે મહાકાલમહાસુરેશમ્ ॥ 3 ॥

કાવેરિકાનર્મદયોઃ પવિત્રે સમાગમે સજ્જનતારણાય ।

સદૈવ માન્ધાતૃપુરે વસન્તં ઓઙ્કારમીશં શિવમેકમીડે ॥ 4 ॥

પૂર્વોત્તરે પ્રજ્વલિકાનિધાને સદા વસં તં ગિરિજાસમેતમ્ ।

સુરાસુરારાધિતપાદપદ્મં શ્રીવૈદ્યનાથં તમહં નમામિ ॥ 5 ॥

યં ડાકિનિશાકિનિકાસમાજે નિષેવ્યમાણં પિશિતાશનૈશ્ચ ।

સદૈવ ભીમાદિપદપ્રસિદ્ધં તં શઙ્કરં ભક્તહિતં નમામિ ॥ 6 ॥

શ્રીતામ્રપર્ણીજલરાશિયોગે નિબધ્ય સેતું વિશિખૈરસઙ્ખ્યૈઃ ।

શ્રીરામચન્દ્રેણ સમર્પિતં તં રામેશ્વરાખ્યં નિયતં નમામિ ॥ 7 ॥

યામ્યે સદઙ્ગે નગરેઽતિરમ્યે વિભૂષિતાઙ્ગં વિવિધૈશ્ચ ભોગૈઃ ।

સદ્ભક્તિમુક્તિપ્રદમીશમેકં શ્રીનાગનાથં શરણં પ્રપદ્યે ॥ 8 ॥

સાનન્દમાનન્દવને વસન્તં આનન્દકન્દં હતપાપબૃન્દમ્ ।

વારાણસીનાથમનાથનાથં શ્રીવિશ્વનાથં શરણં પ્રપદ્યે ॥ 9 ॥

સહ્યાદ્રિશીર્ષે વિમલે વસન્તં ગોદાવરિતીરપવિત્રદેશે ।

યદ્દર્શનાત્ પાતકં પાશુ નાશં પ્રયાતિ તં ત્ર્યમ્બકમીશમીડે ॥ 10 ॥

મહાદ્રિપાર્શ્વે ચ તટે રમન્તં સમ્પૂજ્યમાનં સતતં મુનીન્દ્રૈઃ ।

સુરાસુરૈર્યક્ષ મહોરગાઢ્યૈઃ કેદારમીશં શિવમેકમીડે ॥ 11 ॥

ઇલાપુરે રમ્યવિશાલકેઽસ્મિન્ સમુલ્લસન્તં ચ જગદ્વરેણ્યમ્ ।

વન્દે મહોદારતરસ્વભાવં ઘૃષ્ણેશ્વરાખ્યં શરણં પ્રપદ્યે ॥ 12 ॥

જ્યોતિર્મયદ્વાદશલિઙ્ગકાનાં શિવાત્મનાં પ્રોક્તમિદં ક્રમેણ ।

સ્તોત્રં પઠિત્વા મનુજોઽતિભક્ત્યા ફલં તદાલોક્ય નિજં ભજેચ્ચ ॥

Roman (IAST) Transliteration

laghu stotram

saurāṣṭre somanādhañca śrīśaile mallikārjunam |

ujjayinyāṃ mahākālaṃ oṅkāretvamāmaleśvaram ||

parlyāṃ vaidyanādhañca ḍhākinyāṃ bhīma śaṅkaram |

setubandhetu rāmeśaṃ nāgeśaṃ dārukāvane ||

vāraṇāśyāntu viśveśaṃ trayambakaṃ gautamītaṭe |

himālayetu kedāraṃ ghṛṣṇeśantu viśālake ||

etāni jyotirliṅgāni sāyaṃ prātaḥ paṭhennaraḥ |

sapta janma kṛtaṃ pāpaṃ smaraṇena vinaśyati ||

sampūrṇa stotram

saurāṣṭradeśe viśade'tiramye jyotirmayaṃ candrakalāvataṃsam |

bhaktapradānāya kṛpāvatīrṇaṃ taṃ somanāthaṃ śaraṇaṃ prapadye || 1 ||

śrīśailaśṛṅge vividhaprasaṅge śeṣādriśṛṅge'pi sadā vasantam |

tamarjunaṃ mallikapūrvamenaṃ namāmi saṃsārasamudrasetum || 2 ||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3 ||

kāverikānarmadayoḥ pavitre samāgame sajjanatāraṇāya |

sadaiva māndhātṛpure vasantaṃ oṅkāramīśaṃ śivamekamīḍe || 4 ||

pūrvottare prajvalikānidhāne sadā vasaṃ taṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5 ||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddhaṃ taṃ śaṅkaraṃ bhaktahitaṃ namāmi || 6 ||

śrītāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 7 ||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 8 ||

sānandamānandavane vasantaṃ ānandakandaṃ hatapāpabṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 9 ||

sahyādriśīrṣe vimale vasantaṃ godāvaritīrapavitradeśe |

yaddarśanāt pātakaṃ pāśu nāśaṃ prayāti taṃ tryambakamīśamīḍe || 10 ||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 11 ||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12 ||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||