Dvadasha Aditya Dhyana Shlokah

ॐ

દ્વાદશ આદિત્ય ધ્યાન શ્લોકાઃ

Surya Dhyana Shloka Gujarati

1. ધાતા

ધાતા કૃતસ્થલી હેતિર્વાસુકી રથકૃન્મુને ।

પુલસ્ત્યસ્તુમ્બુરુરિતિ મધુમાસં નયન્ત્યમી ॥

ધાતા શુભસ્ય મે દાતા ભૂયો ભૂયોઽપિ ભૂયસઃ ।

રશ્મિજાલસમાશ્લિષ્ટઃ તમસ્તોમવિનાશનઃ ॥

2. અર્યમ્

અર્યમા પુલહોઽથૌજાઃ પ્રહેતિ પુઞ્જિકસ્થલી ।

નારદઃ કચ્છનીરશ્ચ નયન્ત્યેતે સ્મ માધવમ્ ॥

મેરુશૃઙ્ગાન્તરચરઃ કમલાકરબાન્ધવઃ ।

અર્યમા તુ સદા ભૂત્યૈ ભૂયસ્યૈ પ્રણતસ્ય મે ॥

3. મિત્રઃ

મિત્રોઽત્રિઃ પૌરુષેયોઽથ તક્ષકો મેનકા હહઃ ।

રથસ્વન ઇતિ હ્યેતે શુક્રમાસં નયન્ત્યમી ॥

નિશાનિવારણપટુઃ ઉદયાદ્રિકૃતાશ્રયઃ ।

મિત્રોઽસ્તુ મમ મોદાય તમસ્તોમવિનાશનઃ ॥

4. વરુણઃ

વસિષ્ઠો હ્યરુણો રમ્ભા સહજન્યસ્તથા હુહુઃ ।

શુક્રશ્ચિત્રસ્વનશ્ચૈવ શુચિમાસં નયન્ત્યમી ॥

સૂર્યસ્યન્દનમારૂઢ અર્ચિર્માલી પ્રતાપવાન્ ।

કાલભૂતઃ કામરૂપો હ્યરુણઃ સેવ્યતે મયા ॥

5. ઇન્દ્રઃ

ઇન્દ્રો વિશ્વાવસુઃ શ્રોતા એલાપત્રસ્તથાઽઙ્ગિરાઃ ।

પ્રમ્લોચા રાક્ષસોવર્યો નભોમાસં નયન્ત્યમી ॥

સહસ્રરશ્મિસંવીતં ઇન્દ્રં વરદમાશ્રયે ।

શિરસા પ્રણમામ્યદ્ય શ્રેયો વૃદ્ધિપ્રદાયકમ્ ॥

6. વિવસ્વાન્

વિવસ્વાનુગ્રસેનશ્ચ વ્યાઘ્ર આસારણો ભૃગુઃ ।

અનુમ્લોચાઃ શઙ્ખપાલો નભસ્યાખ્યં નયન્ત્યમી ॥

જગન્નિર્માણકર્તારં સર્વદિગ્વ્યાપ્તતેજસમ્ ।

નભોગ્રહમહાદીપં વિવસ્વન્તં નમામ્યહમ્ ॥

7. ત્વષ્ટા

ત્વષ્ટા ઋચીકતનયઃ કમ્બલાખ્યસ્તિલોત્તમા ।

બ્રહ્માપેતોઽથ શતજિત્ ધૃતરાષ્ટ્ર ઇષમ્ભરા ॥

ત્વષ્ટા શુભાય મે ભૂયાત્ શિષ્ટાવલિનિષેવિતઃ ।

નાનાશિલ્પકરો નાનાધાતુરૂપઃ પ્રભાકરઃ ।

8. વિષ્ણુઃ

વિષ્ણુરશ્વતરો રમ્ભા સૂર્યવર્ચાશ્ચ સત્યજિત્ ।

વિશ્વામિત્રો મખાપેત ઊર્જમાસં નયન્ત્યમી ॥

ભાનુમણ્ડલમધ્યસ્થં વેદત્રયનિષેવિતમ્ ।

ગાયત્રીપ્રતિપાદ્યં તં વિષ્ણું ભક્ત્યા નમામ્યહમ્ ॥

9. અંશુમાન્

અથાંશુઃ કશ્યપસ્તાર્ક્ષ્ય ઋતસેનસ્તથોર્વશી ।

વિદ્યુચ્છત્રુર્મહાશઙ્ખઃ સહોમાસં નયન્ત્યમી ॥

સદા વિદ્રાવણરતો જગન્મઙ્ગલદીપકઃ ।

મુનીન્દ્રનિવહસ્તુત્યો ભૂતિદોઽંશુર્ભવેન્મમ ॥

10. ભગઃ

ભગઃ સ્ફૂર્જોઽરિષ્ટનેમિઃ ઊર્ણ આયુશ્ચ પઞ્ચમઃ ।

કર્કોટકઃ પૂર્વચિત્તિઃ પૌષમાસં નયન્ત્યમી ॥

તિથિ માસ ઋતૂનાં ચ વત્સરાઽયનયોરપિ ।

ઘટિકાનાં ચ યઃ કર્તા ભગો ભાગ્યપ્રદોઽસ્તુ મે ॥

11. પૂષ

પૂષા ધનઞ્જયો વાતઃ સુષેણઃ સુરુચિસ્તથા ।

ઘૃતાચી ગૌતમશ્ચેતિ તપોમાસં નયન્ત્યમી ।

પૂષા તોષાય મે ભૂયાત્ સર્વપાપાઽપનોદનાત્ ।

સહસ્રકરસંવીતઃ સમસ્તાશાન્તરાન્તરઃ ॥

12. પર્જન્યઃ

ક્રતુર્વાર્ચા ભરદ્વાજઃ પર્જન્યઃ સેનજિત્ તથા ।

વિશ્વશ્ચૈરાવતશ્ચૈવ તપસ્યાખ્યં નયન્ત્યમી ॥

પ્રપઞ્ચં પ્રતપન્ ભૂયો વૃષ્ટિભિર્માદયન્ પુનઃ ।

જગદાનન્દજનકઃ પર્જન્યઃ પૂજ્યતે મયા ॥

ધ્યાયેસ્સદા સવિતૃમણ્ડલમધ્યવર્તી

નારાયણસ્સરસિજાસન સન્નિવિષ્ટઃ।

કેયૂરવાન્ મકરકુણ્ડલવાન્ કિરીટી

હારી હિરણ્મયવપુઃ ધૃતશઙ્ખચક્રઃ ॥

Roman (IAST) Transliteration

1. dhātā

dhātā kṛtasthalī hetirvāsukī rathakṛnmune |

pulastyastumbururiti madhumāsaṃ nayantyamī ||

dhātā śubhasya me dātā bhūyo bhūyo'pi bhūyasaḥ |

raśmijālasamāśliṣṭaḥ tamastomavināśanaḥ ||

2. aryam

aryamā pulaho'thaujāḥ praheti puñjikasthalī |

nāradaḥ kacchanīraśca nayantyete sma mādhavam ||

meruśṛṅgāntaracaraḥ kamalākarabāndhavaḥ |

aryamā tu sadā bhūtyai bhūyasyai praṇatasya me ||

3. mitraḥ

mitro'triḥ pauruṣeyo'tha takṣako menakā hahaḥ |

rathasvana iti hyete śukramāsaṃ nayantyamī ||

niśānivāraṇapaṭuḥ udayādrikṛtāśrayaḥ |

mitro'stu mama modāya tamastomavināśanaḥ ||

4. varuṇaḥ

vasiṣṭho hyaruṇo rambhā sahajanyastathā huhuḥ |

śukraścitrasvanaścaiva śucimāsaṃ nayantyamī ||

sūryasyandanamārūḍha arcirmālī pratāpavān |

kālabhūtaḥ kāmarūpo hyaruṇaḥ sevyate mayā ||

5. indraḥ

indro viśvāvasuḥ śrotā elāpatrastathā'ṅgirāḥ |

pramlocā rākṣasovaryo nabhomāsaṃ nayantyamī ||

sahasraraśmisaṃvītaṃ indraṃ varadamāśraye |

śirasā praṇamāmyadya śreyo vṛddhipradāyakam ||

6. vivasvān

vivasvānugrasenaśca vyāghra āsāraṇo bhṛguḥ |

anumlocāḥ śaṅkhapālo nabhasyākhyaṃ nayantyamī ||

jagannirmāṇakartāraṃ sarvadigvyāptatejasam |

nabhograhamahādīpaṃ vivasvantaṃ namāmyaham ||

7. tvaṣṭā

tvaṣṭā ṛcīkatanayaḥ kambalākhyastilottamā |

brahmāpeto'tha śatajit dhṛtarāṣṭra iṣambharā ||

tvaṣṭā śubhāya me bhūyāt śiṣṭāvaliniṣevitaḥ |

nānāśilpakaro nānādhāturūpaḥ prabhākaraḥ |

8. viṣṇuḥ

viṣṇuraśvataro rambhā sūryavarcāśca satyajit |

viśvāmitro makhāpeta ūrjamāsaṃ nayantyamī ||

bhānumaṇḍalamadhyasthaṃ vedatrayaniṣevitam |

gāyatrīpratipādyaṃ taṃ viṣṇuṃ bhaktyā namāmyaham ||

9. aṃśumān

athāṃśuḥ kaśyapastārkṣya ṛtasenastathorvaśī |

vidyucchatrurmahāśaṅkhaḥ sahomāsaṃ nayantyamī ||

sadā vidrāvaṇarato jaganmaṅgaladīpakaḥ |

munīndranivahastutyo bhūtido'ṃśurbhavenmama ||

10. bhagaḥ

bhagaḥ sphūrjo'riṣṭanemiḥ ūrṇa āyuśca pañcamaḥ |

karkoṭakaḥ pūrvacittiḥ pauṣamāsaṃ nayantyamī ||

tithi māsa ṛtūnāṃ ca vatsarā'yanayorapi |

ghaṭikānāṃ ca yaḥ kartā bhago bhāgyaprado'stu me ||

11. pūṣa

pūṣā dhanañjayo vātaḥ suṣeṇaḥ surucistathā |

ghṛtācī gautamaśceti tapomāsaṃ nayantyamī |

pūṣā toṣāya me bhūyāt sarvapāpā'panodanāt |

sahasrakarasaṃvītaḥ samastāśāntarāntaraḥ ||

12. parjanyaḥ

kraturvārcā bharadvājaḥ parjanyaḥ senajit tathā |

viśvaścairāvataścaiva tapasyākhyaṃ nayantyamī ||

prapañcaṃ pratapan bhūyo vṛṣṭibhirmādayan punaḥ |

jagadānandajanakaḥ parjanyaḥ pūjyate mayā ||

dhyāyessadā savitṛmaṇḍalamadhyavartī

nārāyaṇassarasijāsana sanniviṣṭaḥ|

keyūravān makarakuṇḍalavān kirīṭī

hārī hiraṇmayavapuḥ dhṛtaśaṅkhacakraḥ ||