📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
બ્રહ્મજ્ઞાનાવલીમાલા
Brahmajnanavalimala
Adi Shankaracharya Gujarati
સકૃચ્છ્રવણમાત્રેણ બ્રહ્મજ્ઞાનં યતો ભવેત્ ।
બ્રહ્મજ્ઞાનાવલીમાલા સર્વેષાં મોક્ષસિદ્ધયે ॥ 1॥
અસઙ્ગોઽહમસઙ્ગોઽહમસઙ્ગોઽહં પુનઃ પુનઃ ।
સચ્ચિદાનન્દરૂપોઽહમહમેવાહમવ્યયઃ ॥ 2॥
નિત્યશુદ્ધવિમુક્તોઽહં નિરાકારોઽહમવ્યયઃ ।
ભૂમાનન્દસ્વરૂપોઽહમહમેવાહમવ્યયઃ ॥ 3॥
નિત્યોઽહં નિરવદ્યોઽહં નિરાકારોઽહમુચ્યતે ।
પરમાનન્દરૂપોઽહમહમેવાહમવ્યયઃ ॥ 4॥
શુદ્ધચૈતન્યરૂપોઽહમાત્મારામોઽહમેવ ચ ।
અખણ્ડાનન્દરૂપોઽહમહમેવાહમવ્યયઃ ॥ 5॥
પ્રત્યક્ચૈતન્યરૂપોઽહં શાન્તોઽહં પ્રકૃતેઃ પરઃ ।
શાશ્વતાનન્દરૂપોઽહમહમેવાહમવ્યયઃ ॥ 6॥
તત્ત્વાતીતઃ પરાત્માહં મધ્યાતીતઃ પરઃ શિવઃ ।
માયાતીતઃ પરઞ્જ્યોતિરહમેવાહમવ્યયઃ ॥ 7॥
નાનારૂપવ્યતીતોઽહં ચિદાકારોઽહમચ્યુતઃ ।
સુખરૂપસ્વરૂપોઽહમહમેવાહમવ્યયઃ ॥ 8॥
માયાતત્કાર્યદેહાદિ મમ નાસ્ત્યેવ સર્વદા ।
સ્વપ્રકાશૈકરૂપોઽહમહમેવાહમવ્યયઃ ॥ 9॥
ગુણત્રયવ્યતીતોઽહં બ્રહ્માદીનાં ચ સાક્ષ્યહમ્ ।
અનન્તાનન્તરૂપોઽહમહમેવાહમવ્યયઃ ॥ 10॥
અન્તર્યામિસ્વરૂપોઽહં કૂટસ્થઃ સર્વગોઽસ્મ્યહમ્ ।
પરમાત્મસ્વરૂપોઽહમહમેવાહમવ્યયઃ ॥ 11॥
નિષ્કલોઽહં નિષ્ક્રિયોઽહં સર્વાત્માદ્યઃ સનાતનઃ ।
અપરોક્ષસ્વરૂપોઽહમહમેવાહમવ્યયઃ ॥ 12॥
દ્વન્દ્વાદિસાક્ષિરૂપોઽહમચલોઽહં સનાતનઃ ।
સર્વસાક્ષિસ્વરૂપોઽહમહમેવાહમવ્યયઃ ॥ 13॥
પ્રજ્ઞાનઘન એવાહં વિજ્ઞાનઘન એવ ચ ।
અકર્તાહમભોક્તાહમહમેવાહમવ્યયઃ ॥ 14॥
નિરાધારસ્વરૂપોઽહં સર્વાધારોઽહમેવ ચ ।
આપ્તકામસ્વરૂપોઽહમહમેવાહમવ્યયઃ ॥ 15॥
તાપત્રયવિનિર્મુક્તો દેહત્રયવિલક્ષણઃ ।
અવસ્થાત્રયસાક્ષ્યસ્મિ ચાહમેવાહમવ્યયઃ ॥ 16॥
દૃગ્દૃશ્યૌ દ્વૌ પદાર્થૌ સ્તઃ પરસ્પરવિલક્ષણૌ ।
દૃગ્બ્રહ્મ દૃશ્યં માયેતિ સર્વવેદાન્તડિણ્ડિમઃ ॥ 17॥
અહં સાક્ષીતિ યો વિદ્યાદ્વિવિચ્યૈવં પુનઃ પુનઃ ।
સ એવ મુક્તઃ સો વિદ્વાનિતિ વેદાન્તડિણ્ડિમઃ ॥ 18॥
ઘટકુડ્યાદિકં સર્વં મૃત્તિકામાત્રમેવ ચ ।
તદ્વદ્બ્રહ્મ જગત્સર્વમિતિ વેદાન્તડિણ્ડિમઃ ॥ 19॥
બ્રહ્મ સત્યં જગન્મિથ્યા જીવો બ્રહ્મૈવ નાપરઃ ।
અનેન વેદ્યં સચ્છાસ્ત્રમિતિ વેદાન્તડિણ્ડિમઃ ॥ 20॥
અન્તર્જ્યોતિર્બહિર્જ્યોતિઃ પ્રત્યગ્જ્યોતિઃ પરાત્પરઃ ।
જ્યોતિર્જ્યોતિઃ સ્વયઞ્જ્યોતિરાત્મજ્યોતિઃ શિવોઽસ્મ્યહમ્ ॥ 21॥
ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છઙ્કરભગવતઃ કૃતૌ
બ્રહ્મજ્ઞાનાવલીમાલા સમ્પૂર્ણા ॥
Roman (IAST) Transliteration
sakṛcchravaṇamātreṇa brahmajñānaṃ yato bhavet |
brahmajñānāvalīmālā sarveṣāṃ mokṣasiddhaye || 1||
asaṅgo'hamasaṅgo'hamasaṅgo'haṃ punaḥ punaḥ |
saccidānandarūpo'hamahamevāhamavyayaḥ || 2||
nityaśuddhavimukto'haṃ nirākāro'hamavyayaḥ |
bhūmānandasvarūpo'hamahamevāhamavyayaḥ || 3||
nityo'haṃ niravadyo'haṃ nirākāro'hamucyate |
paramānandarūpo'hamahamevāhamavyayaḥ || 4||
śuddhacaitanyarūpo'hamātmārāmo'hameva ca |
akhaṇḍānandarūpo'hamahamevāhamavyayaḥ || 5||
pratyakcaitanyarūpo'haṃ śānto'haṃ prakṛteḥ paraḥ |
śāśvatānandarūpo'hamahamevāhamavyayaḥ || 6||
tattvātītaḥ parātmāhaṃ madhyātītaḥ paraḥ śivaḥ |
māyātītaḥ parañjyotirahamevāhamavyayaḥ || 7||
nānārūpavyatīto'haṃ cidākāro'hamacyutaḥ |
sukharūpasvarūpo'hamahamevāhamavyayaḥ || 8||
māyātatkāryadehādi mama nāstyeva sarvadā |
svaprakāśaikarūpo'hamahamevāhamavyayaḥ || 9||
guṇatrayavyatīto'haṃ brahmādīnāṃ ca sākṣyaham |
anantānantarūpo'hamahamevāhamavyayaḥ || 10||
antaryāmisvarūpo'haṃ kūṭasthaḥ sarvago'smyaham |
paramātmasvarūpo'hamahamevāhamavyayaḥ || 11||
niṣkalo'haṃ niṣkriyo'haṃ sarvātmādyaḥ sanātanaḥ |
aparokṣasvarūpo'hamahamevāhamavyayaḥ || 12||
dvandvādisākṣirūpo'hamacalo'haṃ sanātanaḥ |
sarvasākṣisvarūpo'hamahamevāhamavyayaḥ || 13||
prajñānaghana evāhaṃ vijñānaghana eva ca |
akartāhamabhoktāhamahamevāhamavyayaḥ || 14||
nirādhārasvarūpo'haṃ sarvādhāro'hameva ca |
āptakāmasvarūpo'hamahamevāhamavyayaḥ || 15||
tāpatrayavinirmukto dehatrayavilakṣaṇaḥ |
avasthātrayasākṣyasmi cāhamevāhamavyayaḥ || 16||
dṛgdṛśyau dvau padārthau staḥ parasparavilakṣaṇau |
dṛgbrahma dṛśyaṃ māyeti sarvavedāntaḍiṇḍimaḥ || 17||
ahaṃ sākṣīti yo vidyādvivicyaivaṃ punaḥ punaḥ |
sa eva muktaḥ so vidvāniti vedāntaḍiṇḍimaḥ || 18||
ghaṭakuḍyādikaṃ sarvaṃ mṛttikāmātrameva ca |
tadvadbrahma jagatsarvamiti vedāntaḍiṇḍimaḥ || 19||
brahma satyaṃ jaganmithyā jīvo brahmaiva nāparaḥ |
anena vedyaṃ sacchāstramiti vedāntaḍiṇḍimaḥ || 20||
antarjyotirbahirjyotiḥ pratyagjyotiḥ parātparaḥ |
jyotirjyotiḥ svayañjyotirātmajyotiḥ śivo'smyaham || 21||
iti śrīmatparamahaṃsaparivrājakācāryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
brahmajñānāvalīmālā sampūrṇā ||
InfoLyter.in — Sacred Vedic Knowledge Portal · Free forever