Bala Raksha (bhagavata Purana)

ॐ

બાલ રક્ષા (ભાગવત પુરાણ)

Vyasa Gujarati

શ્રી ગણેશાય નમઃ ।

અવ્યાદજોઽઙ્ઘ્રિ મણિમાંસ્તવ જાન્વથોરૂ

યજ્ઞોઽચ્યુતઃ કટિતટં જઠરં હયાસ્યઃ ।

હૃત્કેશવસ્ત્વદુર ઈશ ઇનસ્તુ કણ્ઠં

વિષ્ણુર્ભુજં મુખમુરુક્રમ ઈશ્વરઃ કમ્ ॥ 1 ॥

ચક્ર્યગ્રતઃ સહગદો હરિરસ્તુ પશ્ચાત્

ત્વત્પાર્શ્વયોર્ધનુરસી મધુહાજનશ્ચ ।

કોણેષુ શઙ્ખ ઉરુગાય ઉપર્યુપેન્દ્રસ્

તાર્ક્ષ્યઃ ક્ષિતૌ હલધરઃ પુરુષઃ સમન્તાત્ ॥ 2 ॥

ઇન્દ્રિયાણિ હૃષીકેશઃ પ્રાણાન્નારાયણોઽવતુ ।

શ્વેતદ્વીપપતિશ્ચિત્તં મનો યોગેશ્વરોઽવતુ ॥ 3 ॥

પૃશ્નિગર્ભસ્તુ તે બુદ્ધિમાત્માનં ભગવાન્પરઃ ।

ક્રીડન્તં પાતુ ગોવિન્દઃ શયાનં પાતુ માધવઃ ॥ 4 ॥

વ્રજન્તમવ્યાદ્વૈકુણ્ઠ આસીનં ત્વાં શ્રિયઃ પતિઃ ।

ભુઞ્જાનં યજ્ઞભુક્પાતુ સર્વગ્રહભયઙ્કરઃ ॥ 5 ॥

ડાકિન્યો યાતુધાન્યશ્ચ કુષ્માણ્ડા યેઽર્ભકગ્રહાઃ ।

ભૂતપ્રેતપિશાચાશ્ચ યક્ષરક્ષોવિનાયકાઃ ॥ 6 ॥

કોટરા રેવતી જ્યેષ્ઠા પૂતના માતૃકાદયઃ ।

ઉન્માદા યે હ્યપસ્મારા દેહપ્રાણેન્દ્રિયદ્રુહઃ ॥ 7 ॥

સ્વપ્નદૃષ્ટા મહોત્પાતા વૃદ્ધબાલગ્રહાશ્ચ યે ।

સર્વે નશ્યન્તુ તે વિષ્ણોર્નામગ્રહણભીરવઃ ॥ 8 ॥

॥ ઇતિ શ્રીમદ્ભાગવતે દશમસ્કન્ધે ગોપીકૃતબાલરક્ષા સમાપ્તા ॥

Roman (IAST) Transliteration

śrī gaṇeśāya namaḥ |

avyādajo'ṅghri maṇimāṃstava jānvathorū

yajño'cyutaḥ kaṭitaṭaṃ jaṭharaṃ hayāsyaḥ |

hṛtkeśavastvadura īśa inastu kaṇṭhaṃ

viṣṇurbhujaṃ mukhamurukrama īśvaraḥ kam || 1 ||

cakryagrataḥ sahagado harirastu paścāt

tvatpārśvayordhanurasī madhuhājanaśca |

koṇeṣu śaṅkha urugāya uparyupendras

tārkṣyaḥ kṣitau haladharaḥ puruṣaḥ samantāt || 2 ||

indriyāṇi hṛṣīkeśaḥ prāṇānnārāyaṇo'vatu |

śvetadvīpapatiścittaṃ mano yogeśvaro'vatu || 3 ||

pṛśnigarbhastu te buddhimātmānaṃ bhagavānparaḥ |

krīḍantaṃ pātu govindaḥ śayānaṃ pātu mādhavaḥ || 4 ||

vrajantamavyādvaikuṇṭha āsīnaṃ tvāṃ śriyaḥ patiḥ |

bhuñjānaṃ yajñabhukpātu sarvagrahabhayaṅkaraḥ || 5 ||

ḍākinyo yātudhānyaśca kuṣmāṇḍā ye'rbhakagrahāḥ |

bhūtapretapiśācāśca yakṣarakṣovināyakāḥ || 6 ||

koṭarā revatī jyeṣṭhā pūtanā mātṛkādayaḥ |

unmādā ye hyapasmārā dehaprāṇendriyadruhaḥ || 7 ||

svapnadṛṣṭā mahotpātā vṛddhabālagrahāśca ye |

sarve naśyantu te viṣṇornāmagrahaṇabhīravaḥ || 8 ||

|| iti śrīmadbhāgavate daśamaskandhe gopīkṛtabālarakṣā samāptā ||