Amba Pancharatnam — InfoLyter.in

ॐ

અમ્બા પઞ્ચરત્નં

Amba Pancharatnam

Devi Pancharatnam Adi Shankaracharya Gujarati

અમ્બાશમ્બરવૈરિતાતભગિની શ્રીચન્દ્રબિમ્બાનના

બિમ્બોષ્ઠી સ્મિતભાષિણી શુભકરી કાદમ્બવાટ્યાશ્રિતા ।

હ્રીઙ્કારાક્ષરમન્ત્રમધ્યસુભગા શ્રોણીનિતમ્બાઙ્કિતા

મામમ્બાપુરવાસિની ભગવતી હેરમ્બમાતાવતુ ॥ 1 ॥

કલ્યાણી કમનીયસુન્દરવપુઃ કાત્યાયની કાલિકા

કાલા શ્યામલમેચકદ્યુતિમતી કાદિત્રિપઞ્ચાક્ષરી ।

કામાક્ષી કરુણાનિધિઃ કલિમલારણ્યાતિદાવાનલા

મામમ્બાપુરવાસિની ભગવતી હેરમ્બમાતાવતુ ॥ 2 ॥

કાઞ્ચીકઙ્કણહારકુણ્ડલવતી કોટીકિરીટાન્વિતા

કન્દર્પદ્યુતિકોટિકોટિસદના પીયૂષકુમ્ભસ્તના ।

કૌસુમ્ભારુણકાઞ્ચનામ્બરવૃતા કૈલાસવાસપ્રિયા

મામમ્બાપુરવાસિની ભગવતી હેરમ્બમાતાવતુ ॥ 3 ॥

યા સા શુમ્ભનિશુમ્ભદૈત્યશમની યા રક્તબીજાશની

યા શ્રી વિષ્ણુસરોજનેત્રભવના યા બ્રહ્મવિદ્યાઽઽસની ।

યા દેવી મધુકૈટભાસુરરિપુર્યા માહિષધ્વંસિની

મામમ્બાપુરવાસિની ભગવતી હેરમ્બમાતાવતુ ॥ 4 ॥

શ્રીવિદ્યા પરદેવતાઽઽદિજનની દુર્ગા જયા ચણ્ડિકા

બાલા શ્રીત્રિપુરેશ્વરી શિવસતી શ્રીરાજરાજેશ્વરી ।

શ્રીરાજ્ઞી શિવદૂતિકા શ્રુતિનુતા શૃઙ્ગારચૂડામણિઃ

મામમ્બાપુરવાસિની ભગવતી હેરમ્બમાતાવતુ ॥ 5 ॥

અમ્બાપઞ્ચકમદ્ભુતં પઠતિ ચેદ્યો વા પ્રભાતેઽનિશં

દિવ્યૈશ્વર્યશતાયુરુત્તમમતિં વિદ્યાં શ્રિયં શાશ્વતમ્ ।

લબ્ધ્વા ભૂમિતલે સ્વધર્મનિરતાં શ્રીસુન્દરીં ભામિનીં

અન્તે સ્વર્ગફલં લભેત્સ વિબુધૈઃ સંસ્તૂયમાનો નરઃ ॥ 6 ॥

ઇતિ શ્રી અમ્બા પઞ્ચરત્ન સ્તોત્રમ્ ।

Roman (IAST) Transliteration

ambāśambaravairitātabhaginī śrīcandrabimbānanā

bimboṣṭhī smitabhāṣiṇī śubhakarī kādambavāṭyāśritā |

hrīṅkārākṣaramantramadhyasubhagā śroṇīnitambāṅkitā

māmambāpuravāsinī bhagavatī herambamātāvatu || 1 ||

kalyāṇī kamanīyasundaravapuḥ kātyāyanī kālikā

kālā śyāmalamecakadyutimatī kāditripañcākṣarī |

kāmākṣī karuṇānidhiḥ kalimalāraṇyātidāvānalā

māmambāpuravāsinī bhagavatī herambamātāvatu || 2 ||

kāñcīkaṅkaṇahārakuṇḍalavatī koṭīkirīṭānvitā

kandarpadyutikoṭikoṭisadanā pīyūṣakumbhastanā |

kausumbhāruṇakāñcanāmbaravṛtā kailāsavāsapriyā

māmambāpuravāsinī bhagavatī herambamātāvatu || 3 ||

yā sā śumbhaniśumbhadaityaśamanī yā raktabījāśanī

yā śrī viṣṇusarojanetrabhavanā yā brahmavidyā''sanī |

yā devī madhukaiṭabhāsuraripuryā māhiṣadhvaṃsinī

māmambāpuravāsinī bhagavatī herambamātāvatu || 4 ||

śrīvidyā paradevatā''dijananī durgā jayā caṇḍikā

bālā śrītripureśvarī śivasatī śrīrājarājeśvarī |

śrīrājñī śivadūtikā śrutinutā śṛṅgāracūḍāmaṇiḥ

māmambāpuravāsinī bhagavatī herambamātāvatu || 5 ||

ambāpañcakamadbhutaṃ paṭhati cedyo vā prabhāte'niśaṃ

divyaiśvaryaśatāyuruttamamatiṃ vidyāṃ śriyaṃ śāśvatam |

labdhvā bhūmitale svadharmaniratāṃ śrīsundarīṃ bhāminīṃ

ante svargaphalaṃ labhetsa vibudhaiḥ saṃstūyamāno naraḥ || 6 ||

iti śrī ambā pañcaratna stotram |