Aditya Hridayam — InfoLyter.in

ॐ

આદિત્ય હૃદયમ્

Aditya Hridayam

Surya Hrudayam Valmiki Gujarati

ધ્યાનમ્

નમસ્સવિત્રે જગદેક ચક્ષુસે

જગત્પ્રસૂતિ સ્થિતિ નાશહેતવે

ત્રયીમયાય ત્રિગુણાત્મ ધારિણે

વિરિઞ્ચિ નારાયણ શઙ્કરાત્મને

તતો યુદ્ધ પરિશ્રાન્તં સમરે ચિન્તયાસ્થિતમ્ ।

રાવણં ચાગ્રતો દૃષ્ટ્વા યુદ્ધાય સમુપસ્થિતમ્ ॥ 1 ॥

દૈવતૈશ્ચ સમાગમ્ય દ્રષ્ટુમભ્યાગતો રણમ્ ।

ઉપાગમ્યાબ્રવીદ્રામં અગસ્ત્યો ભગવાન્ ઋષિઃ ॥ 2 ॥

રામ રામ મહાબાહો શૃણુ ગુહ્યં સનાતનમ્ ।

યેન સર્વાનરીન્ વત્સ સમરે વિજયિષ્યસિ ॥ 3 ॥

આદિત્યહૃદયં પુણ્યં સર્વશત્રુ-વિનાશનમ્ ।

જયાવહં જપેન્નિત્યં અક્ષય્યં પરમં શિવમ્ ॥ 4 ॥

સર્વમઙ્ગલ-માઙ્ગલ્યં સર્વપાપ-પ્રણાશનમ્ ।

ચિન્તાશોક-પ્રશમનં આયુર્વર્ધનમુત્તમમ્ ॥ 5 ॥

રશ્મિમન્તં સમુદ્યન્તં દેવાસુર નમસ્કૃતમ્ ।

પૂજયસ્વ વિવસ્વન્તં ભાસ્કરં ભુવનેશ્વરમ્ ॥ 6 ॥

સર્વદેવાત્મકો હ્યેષ તેજસ્વી રશ્મિભાવનઃ ।

એષ દેવાસુર-ગણાન્ લોકાન્ પાતિ ગભસ્તિભિઃ ॥ 7 ॥

એષ બ્રહ્મા ચ વિષ્ણુશ્ચ શિવઃ સ્કન્દઃ પ્રજાપતિઃ ।

મહેન્દ્રો ધનદઃ કાલો યમઃ સોમો હ્યપાં પતિઃ ॥ 8 ॥

પિતરો વસવઃ સાધ્યા હ્યશ્વિનૌ મરુતો મનુઃ ।

વાયુર્વહ્નિઃ પ્રજાપ્રાણઃ ઋતુકર્તા પ્રભાકરઃ ॥ 9 ॥

આદિત્યઃ સવિતા સૂર્યઃ ખગઃ પૂષા ગભસ્તિમાન્ ।

સુવર્ણસદૃશો ભાનુઃ હિરણ્યરેતા દિવાકરઃ ॥ 10 ॥ [સ્વરણરેતા દિવાકરઃ]

હરિદશ્વઃ સહસ્રાર્ચિઃ સપ્તસપ્તિ-ર્મરીચિમાન્ ।

તિમિરોન્મથનઃ શમ્ભુઃ ત્વષ્ટા માર્તાણ્ડકોંઽશુમાન્ ॥ 11 ॥

હિરણ્યગર્ભઃ શિશિરઃ તપનો ભાસ્કરો રવિઃ ।

અગ્નિગર્ભોઽદિતેઃ પુત્રઃ શઙ્ખઃ શિશિરનાશનઃ ॥ 12 ॥

વ્યોમનાથ-સ્તમોભેદી ઋગ્યજુઃસામ-પારગઃ ।

ઘનાવૃષ્ટિરપાં મિત્રઃ વિન્ધ્યવીથી પ્લવઙ્ગમઃ ॥ 13 ॥

આતપી મણ્ડલી મૃત્યુઃ પિઙ્ગલઃ સર્વતાપનઃ ।

કવિર્વિશ્વો મહાતેજા રક્તઃ સર્વભવોદ્ભવઃ ॥ 14 ॥

નક્ષત્ર ગ્રહ તારાણાં અધિપો વિશ્વભાવનઃ ।

તેજસામપિ તેજસ્વી દ્વાદશાત્મ-ન્નમોઽસ્તુ તે ॥ 15 ॥

નમઃ પૂર્વાય ગિરયે પશ્ચિમાયાદ્રયે નમઃ ।

જ્યોતિર્ગણાનાં પતયે દિનાધિપતયે નમઃ ॥ 16 ॥

જયાય જયભદ્રાય હર્યશ્વાય નમો નમઃ ।

નમો નમઃ સહસ્રાંશો આદિત્યાય નમો નમઃ ॥ 17 ॥

નમ ઉગ્રાય વીરાય સારઙ્ગાય નમો નમઃ ।

નમઃ પદ્મપ્રબોધાય માર્તાણ્ડાય નમો નમઃ ॥ 18 ॥

બ્રહ્મેશાનાચ્યુતેશાય સૂર્યાયાદિત્ય-વર્ચસે ।

ભાસ્વતે સર્વભક્ષાય રૌદ્રાય વપુષે નમઃ ॥ 19 ॥

તમોઘ્નાય હિમઘ્નાય શત્રુઘ્નાયા મિતાત્મને ।

કૃતઘ્નઘ્નાય દેવાય જ્યોતિષાં પતયે નમઃ ॥ 20 ॥

તપ્ત ચામીકરાભાય વહ્નયે વિશ્વકર્મણે ।

નમસ્તમોઽભિ નિઘ્નાય રવયે લોકસાક્ષિણે ॥ 21 ॥

નાશયત્યેષ વૈ ભૂતં તદેવ સૃજતિ પ્રભુઃ ।

પાયત્યેષ તપત્યેષ વર્ષત્યેષ ગભસ્તિભિઃ ॥ 22 ॥

એષ સુપ્તેષુ જાગર્તિ ભૂતેષુ પરિનિષ્ઠિતઃ ।

એષ એવાગ્નિહોત્રં ચ ફલં ચૈવાગ્નિ હોત્રિણામ્ ॥ 23 ॥

વેદાશ્ચ ક્રતવશ્ચૈવ ક્રતૂનાં ફલમેવ ચ ।

યાનિ કૃત્યાનિ લોકેષુ સર્વ એષ રવિઃ પ્રભુઃ ॥ 24 ॥

ફલશ્રુતિઃ

એન માપત્સુ કૃચ્છ્રેષુ કાન્તારેષુ ભયેષુ ચ ।

કીર્તયન્ પુરુષઃ કશ્ચિન્નાવશીદતિ રાઘવ ॥ 25 ॥

પૂજયસ્વૈન મેકાગ્રઃ દેવદેવં જગત્પતિમ્ ।

એતત્ ત્રિગુણિતં જપ્ત્વા યુદ્ધેષુ વિજયિષ્યસિ ॥ 26 ॥

અસ્મિન્ ક્ષણે મહાબાહો રાવણં ત્વં વધિષ્યસિ ।

એવમુક્ત્વા તદાગસ્ત્યો જગામ ચ યથાગતમ્ ॥ 27 ॥

એતચ્છ્રુત્વા મહાતેજાઃ નષ્ટશોકોઽભવત્તદા ।

ધારયામાસ સુપ્રીતઃ રાઘવઃ પ્રયતાત્મવાન્ ॥ 28 ॥

આદિત્યં પ્રેક્ષ્ય જપ્ત્વા તુ પરં હર્ષમવાપ્તવાન્ ।

ત્રિરાચમ્ય શુચિર્ભૂત્વા ધનુરાદાય વીર્યવાન્ ॥ 29 ॥

રાવણં પ્રેક્ષ્ય હૃષ્ટાત્મા યુદ્ધાય સમુપાગમત્ ।

સર્વયત્નેન મહતા વધે તસ્ય ધૃતોઽભવત્ ॥ 30 ॥

અધ રવિરવદન્નિરીક્ષ્ય રામં મુદિતમનાઃ પરમં પ્રહૃષ્યમાણઃ ।

નિશિચરપતિ સઙ્ક્ષયં વિદિત્વા સુરગણ મધ્યગતો વચસ્ત્વરેતિ ॥ 31 ॥

ઇત્યાર્ષે શ્રીમદ્રામાયણે વાલ્મિકીયે આદિકાવ્યે યુદ્ધકાણ્ડે પઞ્ચાધિક શતતમઃ સર્ગઃ ॥

Roman (IAST) Transliteration

dhyānam

namassavitre jagadeka cakṣuse

jagatprasūti sthiti nāśahetave

trayīmayāya triguṇātma dhāriṇe

viriñci nārāyaṇa śaṅkarātmane

tato yuddha pariśrāntaṃ samare cintayāsthitam |

rāvaṇaṃ cāgrato dṛṣṭvā yuddhāya samupasthitam || 1 ||

daivataiśca samāgamya draṣṭumabhyāgato raṇam |

upāgamyābravīdrāmaṃ agastyo bhagavān ṛṣiḥ || 2 ||

rāma rāma mahābāho śṛṇu guhyaṃ sanātanam |

yena sarvānarīn vatsa samare vijayiṣyasi || 3 ||

ādityahṛdayaṃ puṇyaṃ sarvaśatru-vināśanam |

jayāvahaṃ japennityaṃ akṣayyaṃ paramaṃ śivam || 4 ||

sarvamaṅgala-māṅgalyaṃ sarvapāpa-praṇāśanam |

cintāśoka-praśamanaṃ āyurvardhanamuttamam || 5 ||

raśmimantaṃ samudyantaṃ devāsura namaskṛtam |

pūjayasva vivasvantaṃ bhāskaraṃ bhuvaneśvaram || 6 ||

sarvadevātmako hyeṣa tejasvī raśmibhāvanaḥ |

eṣa devāsura-gaṇān lokān pāti gabhastibhiḥ || 7 ||

eṣa brahmā ca viṣṇuśca śivaḥ skandaḥ prajāpatiḥ |

mahendro dhanadaḥ kālo yamaḥ somo hyapāṃ patiḥ || 8 ||

pitaro vasavaḥ sādhyā hyaśvinau maruto manuḥ |

vāyurvahniḥ prajāprāṇaḥ ṛtukartā prabhākaraḥ || 9 ||

ādityaḥ savitā sūryaḥ khagaḥ pūṣā gabhastimān |

suvarṇasadṛśo bhānuḥ hiraṇyaretā divākaraḥ || 10 || [svaraṇaretā divākaraḥ]

haridaśvaḥ sahasrārciḥ saptasapti-rmarīcimān |

timironmathanaḥ śambhuḥ tvaṣṭā mārtāṇḍakoṃ'śumān || 11 ||

hiraṇyagarbhaḥ śiśiraḥ tapano bhāskaro raviḥ |

agnigarbho'diteḥ putraḥ śaṅkhaḥ śiśiranāśanaḥ || 12 ||

vyomanātha-stamobhedī ṛgyajuḥsāma-pāragaḥ |

ghanāvṛṣṭirapāṃ mitraḥ vindhyavīthī plavaṅgamaḥ || 13 ||

ātapī maṇḍalī mṛtyuḥ piṅgalaḥ sarvatāpanaḥ |

kavirviśvo mahātejā raktaḥ sarvabhavodbhavaḥ || 14 ||

nakṣatra graha tārāṇāṃ adhipo viśvabhāvanaḥ |

tejasāmapi tejasvī dvādaśātma-nnamo'stu te || 15 ||

namaḥ pūrvāya giraye paścimāyādraye namaḥ |

jyotirgaṇānāṃ pataye dinādhipataye namaḥ || 16 ||

jayāya jayabhadrāya haryaśvāya namo namaḥ |

namo namaḥ sahasrāṃśo ādityāya namo namaḥ || 17 ||

nama ugrāya vīrāya sāraṅgāya namo namaḥ |

namaḥ padmaprabodhāya mārtāṇḍāya namo namaḥ || 18 ||

brahmeśānācyuteśāya sūryāyāditya-varcase |

bhāsvate sarvabhakṣāya raudrāya vapuṣe namaḥ || 19 ||

tamoghnāya himaghnāya śatrughnāyā mitātmane |

kṛtaghnaghnāya devāya jyotiṣāṃ pataye namaḥ || 20 ||

tapta cāmīkarābhāya vahnaye viśvakarmaṇe |

namastamo'bhi nighnāya ravaye lokasākṣiṇe || 21 ||

nāśayatyeṣa vai bhūtaṃ tadeva sṛjati prabhuḥ |

pāyatyeṣa tapatyeṣa varṣatyeṣa gabhastibhiḥ || 22 ||

eṣa supteṣu jāgarti bhūteṣu pariniṣṭhitaḥ |

eṣa evāgnihotraṃ ca phalaṃ caivāgni hotriṇām || 23 ||

vedāśca kratavaścaiva kratūnāṃ phalameva ca |

yāni kṛtyāni lokeṣu sarva eṣa raviḥ prabhuḥ || 24 ||

phalaśrutiḥ

ena māpatsu kṛcchreṣu kāntāreṣu bhayeṣu ca |

kīrtayan puruṣaḥ kaścinnāvaśīdati rāghava || 25 ||

pūjayasvaina mekāgraḥ devadevaṃ jagatpatim |

etat triguṇitaṃ japtvā yuddheṣu vijayiṣyasi || 26 ||

asmin kṣaṇe mahābāho rāvaṇaṃ tvaṃ vadhiṣyasi |

evamuktvā tadāgastyo jagāma ca yathāgatam || 27 ||

etacchrutvā mahātejāḥ naṣṭaśoko'bhavattadā |

dhārayāmāsa suprītaḥ rāghavaḥ prayatātmavān || 28 ||

ādityaṃ prekṣya japtvā tu paraṃ harṣamavāptavān |

trirācamya śucirbhūtvā dhanurādāya vīryavān || 29 ||

rāvaṇaṃ prekṣya hṛṣṭātmā yuddhāya samupāgamat |

sarvayatnena mahatā vadhe tasya dhṛto'bhavat || 30 ||

adha raviravadannirīkṣya rāmaṃ muditamanāḥ paramaṃ prahṛṣyamāṇaḥ |

niśicarapati saṅkṣayaṃ viditvā suragaṇa madhyagato vacastvareti || 31 ||

ityārṣe śrīmadrāmāyaṇe vālmikīye ādikāvye yuddhakāṇḍe pañcādhika śatatamaḥ sargaḥ ||