📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌯𑌮 𑌅𑌷𑍍𑌟𑌕𑌮𑍍
Yama Ashtakam
Ashtakam Grantha
𑌸𑌾𑌵𑌿𑌤𑍍𑌰𑍍𑌯𑍁𑌵𑌾𑌚 ।
𑌤𑌪𑌸𑌾 𑌧𑌰𑍍𑌮𑌮𑌾𑌰𑌾𑌧𑍍𑌯 𑌪𑍁𑌷𑍍𑌕𑌰𑍇 𑌭𑌾𑌸𑍍𑌕𑌰𑌃 𑌪𑍁𑌰𑌾 ।
𑌧𑌰𑍍𑌮𑌂 𑌸𑍂𑌰𑍍𑌯𑌃𑌸𑍁𑌤𑌂 𑌪𑍍𑌰𑌾𑌪 𑌧𑌰𑍍𑌮𑌰𑌾𑌜𑌂 𑌨𑌮𑌾𑌮𑍍𑌯𑌹𑌮𑍍 ॥ 1 ॥
𑌸𑌮𑌤𑌾 𑌸𑌰𑍍𑌵𑌭𑍂𑌤𑍇𑌷𑍁 𑌯𑌸𑍍𑌯 𑌸𑌰𑍍𑌵𑌸𑍍𑌯 𑌸𑌾𑌕𑍍𑌷𑌿𑌣𑌃 ।
𑌅𑌤𑍋 𑌯𑌨𑍍𑌨𑌾𑌮 𑌶𑌮𑌨𑌮𑌿𑌤𑌿 𑌤𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 2 ॥
𑌯𑍇𑌨𑌾𑌨𑍍𑌤𑌶𑍍𑌚 𑌕𑍃𑌤𑍋 𑌵𑌿𑌶𑍍𑌵𑍇 𑌸𑌰𑍍𑌵𑍇𑌷𑌾𑌂 𑌜𑍀𑌵𑌿𑌨𑌾𑌂 𑌪𑌰𑌮𑍍 ।
𑌕𑌾𑌮𑌾𑌨𑍁𑌰𑍂𑌪𑌂 𑌕𑌾𑌲𑍇𑌨 𑌤𑌂 𑌕𑍃𑌤𑌾𑌨𑍍𑌤𑌂 𑌨𑌮𑌾𑌮𑍍𑌯𑌹𑌮𑍍 ॥ 3 ॥
𑌬𑌿𑌭𑌰𑍍𑌤𑌿 𑌦𑌣𑍍𑌡𑌂 𑌦𑌣𑍍𑌡𑌾𑌯 𑌪𑌾𑌪𑌿𑌨𑌾𑌂 𑌶𑍁𑌦𑍍𑌧𑌿𑌹𑍇𑌤𑌵𑍇 ।
𑌨𑌮𑌾𑌮𑌿 𑌤𑌂 𑌦𑌣𑍍𑌡𑌧𑌰𑌂 𑌯𑌃 𑌶𑌾𑌸𑍍𑌤𑌾 𑌸𑌰𑍍𑌵𑌜𑍀𑌵𑌿𑌨𑌾𑌮𑍍 ॥ 4 ॥
𑌵𑌿𑌶𑍍𑌵𑌂 𑌚 𑌕𑌲𑌯𑌤𑍍𑌯𑍇𑌵 𑌯𑌃 𑌸𑌰𑍍𑌵𑍇𑌷𑍁 𑌚 𑌸𑌨𑍍𑌤𑌤𑌮𑍍 ।
𑌅𑌤𑍀𑌵 𑌦𑍁𑌰𑍍𑌨𑌿𑌵𑌾𑌰𑍍𑌯𑌂 𑌚 𑌤𑌂 𑌕𑌾𑌲𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 5 ॥
𑌤𑌪𑌸𑍍𑌵𑍀 𑌬𑍍𑌰𑌹𑍍𑌮𑌨𑌿𑌷𑍍𑌠𑍋 𑌯𑌃 𑌸𑌂𑌯𑌮𑍀 𑌸𑌞𑍍𑌜𑌿𑌤𑍇𑌨𑍍𑌦𑍍𑌰𑌿𑌯𑌃 ।
𑌜𑍀𑌵𑌾𑌨𑌾𑌂 𑌕𑌰𑍍𑌮𑌫𑌲𑌦𑌸𑍍𑌤𑌂 𑌯𑌮𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 6 ॥
𑌸𑍍𑌵𑌾𑌤𑍍𑌮𑌾𑌰𑌾𑌮𑌶𑍍𑌚 𑌸𑌰𑍍𑌵𑌜𑍍𑌞𑍋 𑌮𑌿𑌤𑍍𑌰𑌂 𑌪𑍁𑌣𑍍𑌯𑌕𑍃𑌤𑌾𑌂 𑌭𑌵𑍇𑌤𑍍 ।
𑌪𑌾𑌪𑌿𑌨𑌾𑌂 𑌕𑍍𑌲𑍇𑌶𑌦𑍋 𑌯𑌸𑍍𑌤𑌂 𑌪𑍁𑌣𑍍𑌯𑌮𑌿𑌤𑍍𑌰𑌂 𑌨𑌮𑌾𑌮𑍍𑌯𑌹𑌮𑍍 ॥ 7 ॥
𑌯𑌜𑍍𑌜𑌨𑍍𑌮 𑌬𑍍𑌰𑌹𑍍𑌮𑌣𑍋𑌂𑌽𑌶𑍇𑌨 𑌜𑍍𑌵𑌲𑌨𑍍𑌤𑌂 𑌬𑍍𑌰𑌹𑍍𑌮𑌤𑍇𑌜𑌸𑌾 ।
𑌯𑍋 𑌧𑍍𑌯𑌾𑌯𑌤𑌿 𑌪𑌰𑌂 𑌬𑍍𑌰𑌹𑍍𑌮 𑌤𑌮𑍀𑌶𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 8 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌸𑌾 𑌚 𑌸𑌾𑌵𑌿𑌤𑍍𑌰𑍀 𑌪𑍍𑌰𑌣𑌨𑌾𑌮 𑌯𑌮𑌂 𑌮𑍁𑌨𑍇 ।
𑌯𑌮𑌸𑍍𑌤𑌾𑌂 𑌶𑌕𑍍𑌤𑌿𑌭𑌜𑌨𑌂 𑌕𑌰𑍍𑌮𑌪𑌾𑌕𑌮𑍁𑌵𑌾𑌚 𑌹 ॥ 9 ॥
𑌇𑌦𑌂 𑌯𑌮𑌷𑍍𑌟𑌕𑌂 𑌨𑌿𑌤𑍍𑌯𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌯𑌃 𑌪𑌠𑍇𑌤𑍍 ।
𑌯𑌮𑌾𑌤𑍍𑌤𑌸𑍍𑌯 𑌭𑌯𑌂 𑌨𑌾𑌸𑍍𑌤𑌿 𑌸𑌰𑍍𑌵𑌪𑌾𑌪𑌾𑌤𑍍𑌪𑍍𑌰𑌮𑍁𑌚𑍍𑌯𑌤𑍇 ॥ 10 ॥
𑌮𑌹𑌾𑌪𑌾𑌪𑍀 𑌯𑌦𑌿 𑌪𑌠𑍇𑌨𑍍𑌨𑌿𑌤𑍍𑌯𑌂 𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑌃 ।
𑌯𑌮𑌃 𑌕𑌰𑍋𑌤𑌿 𑌸𑌂𑌶𑍁𑌦𑍍𑌧𑌂 𑌕𑌾𑌯𑌵𑍍𑌯𑍂𑌹𑍇𑌨 𑌨𑌿𑌶𑍍𑌚𑌿𑌤𑌮𑍍 ॥ 11 ॥
𑌇𑌤𑌿 𑌶𑍍𑌰𑍀𑌮𑌦𑍍𑌦𑍇𑌵𑍀𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌨𑌵𑌮𑌸𑍍𑌕𑌨𑍍𑌧𑍇 𑌏𑌕𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ।
Roman (IAST) Transliteration
sāvitryuvāca |
tapasā dharmamārādhya puṣkare bhāskaraḥ purā |
dharmaṃ sūryaḥsutaṃ prāpa dharmarājaṃ namāmyaham || 1 ||
samatā sarvabhūteṣu yasya sarvasya sākṣiṇaḥ |
ato yannāma śamanamiti taṃ praṇamāmyaham || 2 ||
yenāntaśca kṛto viśve sarveṣāṃ jīvināṃ param |
kāmānurūpaṃ kālena taṃ kṛtāntaṃ namāmyaham || 3 ||
bibharti daṇḍaṃ daṇḍāya pāpināṃ śuddhihetave |
namāmi taṃ daṇḍadharaṃ yaḥ śāstā sarvajīvinām || 4 ||
viśvaṃ ca kalayatyeva yaḥ sarveṣu ca santatam |
atīva durnivāryaṃ ca taṃ kālaṃ praṇamāmyaham || 5 ||
tapasvī brahmaniṣṭho yaḥ saṃyamī sañjitendriyaḥ |
jīvānāṃ karmaphaladastaṃ yamaṃ praṇamāmyaham || 6 ||
svātmārāmaśca sarvajño mitraṃ puṇyakṛtāṃ bhavet |
pāpināṃ kleśado yastaṃ puṇyamitraṃ namāmyaham || 7 ||
yajjanma brahmaṇoṃ'śena jvalantaṃ brahmatejasā |
yo dhyāyati paraṃ brahma tamīśaṃ praṇamāmyaham || 8 ||
ityuktvā sā ca sāvitrī praṇanāma yamaṃ mune |
yamastāṃ śaktibhajanaṃ karmapākamuvāca ha || 9 ||
idaṃ yamaṣṭakaṃ nityaṃ prātarutthāya yaḥ paṭhet |
yamāttasya bhayaṃ nāsti sarvapāpātpramucyate || 10 ||
mahāpāpī yadi paṭhennityaṃ bhaktisamanvitaḥ |
yamaḥ karoti saṃśuddhaṃ kāyavyūhena niścitam || 11 ||
iti śrīmaddevībhāgavate mahāpurāṇe navamaskandhe ekatriṃśo'dhyāyaḥ |
InfoLyter.in — Sacred Vedic Knowledge Portal · Free forever