📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.86 𑌯𑍁𑌦𑍍𑌧𑌕𑌾𑌣𑍍𑌡 - 𑌷𑌡𑌶𑍀𑌤𑌿𑌤𑌮 𑌸𑌰𑍍𑌗𑌃
6.86 Yuddhakanda - Shadashititama Sargah
Valmiki Grantha
𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌷𑌡𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌅𑌥𑌤𑌸𑍍𑌯𑌾𑌮𑌵𑌸𑍍𑌥𑌾𑌯𑌾𑌂𑌲𑌕𑍍𑌷𑍍𑌮𑌣𑌂𑌰𑌾𑌵𑌣𑌾𑌨𑍁𑌜𑌃 ।
𑌪𑌰𑍇𑌷𑌾𑌮𑌹𑌿𑌤𑌂𑌵𑌾𑌕𑍍𑌯𑌮𑌰𑍍𑌥𑌸𑌾𑌧𑌕𑌮𑌬𑍍𑌰𑌵𑍀𑌤𑍍 ॥ 1 ॥
𑌯𑌦𑍇𑌤𑌦𑍍𑌰𑌾𑌕𑍍𑌷𑌸𑌾𑌨𑍀𑌕𑌮𑍍𑌮𑍇𑌘𑌶𑍍𑌯𑌾𑌮𑌂𑌵𑌿𑌲𑍋𑌕𑍍𑌯𑌤𑍇 ।
𑌏𑌤𑌦𑌾𑌯𑍋𑌧𑍍𑌯𑌤𑌾𑌂𑌶𑍀𑌘𑍍𑌰𑌙𑍍𑌕𑌪𑌿𑌭𑌿𑌪𑌾𑌦𑌪𑌾𑌯𑍁𑌧𑍈𑌃 ॥ 2 ॥
𑌅𑌸𑍍𑌯𑌾𑌨𑍀𑌕𑌸𑍍𑌯𑌮𑌹𑌤𑍋𑌭𑍇𑌦𑌨𑍇𑌯𑌤𑌲𑌕𑍍𑌷𑍍𑌮𑌣 ।
𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍁𑌤𑍋𑌽𑌪𑍍𑌯𑌤𑍍𑌰𑌭𑌿𑌨𑍍𑌨𑍇𑌦𑍃𑌶𑍍𑌯𑍋𑌭𑌵𑌿𑌷𑍍𑌯𑌤𑌿 ॥ 3 ॥
𑌸𑌤𑍍𑌵𑌮𑌿𑌨𑍍𑌦𑍍𑌰𑌾𑌶𑌨𑌿𑌪𑍍𑌰𑌖𑍍𑌯𑍈𑌃𑌶𑌰𑍈𑌰𑌵𑌕𑌿𑌰𑌨𑍍𑌪𑌰𑌾𑌨𑍍 ।
𑌅𑌭𑌿𑌦𑍍𑌰𑌵𑌾𑌶𑍁𑌯𑌾𑌵𑌦𑍍𑌵𑍈𑌨𑍈𑌤𑌤𑍍𑌕𑌰𑍍𑌮𑌸𑌮𑌾𑌪𑍍𑌯𑌤𑍇 ॥ 4 ॥
𑌜 𑌹𑌿𑌵𑍀𑌰𑌦𑍁𑌰𑌾𑌤𑍍𑌮𑌾𑌨𑌮𑍍𑌮𑌾𑌯𑌾𑌪𑌰𑌮𑌧𑌾𑌰𑍍𑌮𑌿𑌕𑌮𑍍 ।
𑌰𑌾𑌵𑌣𑌿𑌙𑍍𑌕𑍍𑌰𑍂𑌰𑌕𑌰𑍍𑌮𑌾𑌣𑌂𑌸𑌰𑍍𑌵𑌲𑍋𑌕𑌭𑌯𑌾𑌵𑌹𑌮𑍍 ॥ 5 ॥
𑌵𑌿𑌭𑍀𑌷𑌣𑌵𑌚𑍍𑌶𑍍𑌰𑍁𑌤𑍍𑌵𑌾𑌲𑌕𑍍𑌷𑍍𑌮𑌣𑌶𑍍𑌶𑍁𑌭𑌲𑌕𑍍𑌷𑌣𑌃 ।
𑌵𑌵𑌰𑍍𑌷𑌶𑌰𑌵𑌰𑍍𑌷𑌾𑌣𑌿𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍁𑌤𑌮𑍍𑌪𑍍𑌰𑌤𑌿 ॥ 6 ॥
𑌋𑌕𑍍𑌷𑌾𑌃𑌶𑌾𑌖𑌾𑌮𑍃𑌗𑌾𑌶𑍍𑌚𑍈𑌵𑌦𑍍𑌰𑍁𑌮𑌦𑍍𑌰𑌿𑌨𑌖𑌯𑍋𑌧𑌿𑌨𑌃 ।
𑌅𑌭𑍍𑌯𑌧𑌾𑌵𑌨𑍍𑌤𑌸𑌹𑌿𑌤𑌾𑌸𑍍𑌤𑌦𑌨𑍀𑌕𑌮𑌵𑌸𑍍𑌥𑌿𑌤𑌮𑍍 ॥ 7 ॥
𑌰𑌾𑌕𑍍𑌷𑌸𑌾𑌶𑍍𑌚𑌶𑌿𑌤𑍈𑌰𑍍𑌭𑌾𑌣𑍈𑌰𑌸𑌿𑌭𑌿𑌶𑍍𑌶𑌕𑍍𑌤𑌿𑌤𑍋𑌮𑌰𑍈𑌃 ।
𑌉𑌦𑍍𑌯𑌦𑍈𑌸𑌸𑌂 𑌵𑌰𑍍𑌤𑌨𑍍𑌤𑌸𑌮𑌰𑍇𑌕𑌪𑌿𑌸𑍈𑌨𑍍𑌯𑌜𑌿𑌘𑌾𑌂𑌸𑌵𑌃 ॥ 8 ॥
𑌸 𑌸𑌮𑍍𑌪𑍍𑌰𑌹𑌾𑌰𑌸𑍍𑌤𑍁𑌮𑍁𑌲𑌃𑌸𑌞𑍍𑌜𑌜𑍍𑌞𑍇𑌕𑌪𑌿𑌰𑌕𑍍𑌷𑌸𑌾𑌮𑍍 ।
𑌶𑌬𑍍𑌦𑍇𑌨𑌮𑌹𑌤𑌾𑌲𑌙𑍍𑌕𑌾𑌨𑍍𑌨𑌾𑌦𑌯𑌨𑍍𑌵𑍈𑌸𑌮𑌨𑍍𑌤𑌤𑌃 ॥ 9 ॥
𑌶𑌸𑍍𑌤𑍍𑌰𑌶𑍍𑌚𑌵𑌿𑌵𑌿𑌧𑌾𑌕𑌾𑌰𑍈𑌶𑍍𑌶𑌿𑌤𑍈𑌰𑍍𑌬𑌾𑌣𑍈𑌶𑍍𑌚𑌪𑌾𑌦𑌪𑍈𑌃 ।
𑌉𑌦𑍍𑌯𑌤𑍈𑌰𑍍𑌗𑌿𑌰𑌿𑌶𑍃𑌙𑍍𑌗𑍈𑌶𑍍𑌚𑌘𑍋𑌰𑍈𑌰𑌾𑌕𑌾𑌶𑌮𑌾𑌵𑍃𑌤𑌮𑍍 ॥ 10 ॥
𑌤𑍇𑌰𑌾𑌕𑍍𑌷𑌸𑌾𑌵𑌾𑌨𑌰𑍇𑌷𑍁𑌵𑌿𑌕𑍃𑌤𑌾𑌨𑌨𑌬𑌾𑌹𑌵𑌃 ।
𑌨𑌿𑌵𑍇𑌶𑌯𑌨𑍍𑌤𑌃𑌶𑌸𑍍𑌤𑍍𑌰𑌾𑌣𑌿𑌚𑌕𑍍𑌰𑍁𑌸𑍍𑌤𑍇𑌸𑍁𑌮𑌹𑌦𑍍𑌭𑌯𑌮𑍍 ॥ 11 ॥
𑌤𑌥𑍈𑌵𑌸𑌕𑌲𑍈𑌰𑍍𑌵𑍃𑌕𑍍𑌷𑍈𑌰𑍍𑌗𑌿𑌰𑌿𑌶𑍃𑌙𑍍𑌗𑍈𑌶𑍍𑌚𑌵𑌾𑌨𑌰𑌾𑌃 ।
𑌅𑌭𑌿𑌜𑌘𑍍𑌨𑍁𑌜𑌘𑍍𑌨𑍁𑌶𑍍𑌚𑌸𑌮𑌰𑍇𑌰𑌾𑌕𑍍𑌷𑌸𑌰𑍍𑌷𑌭𑌾𑌨𑍍 ॥ 12 ॥
𑌋𑌕𑍍𑌷𑌵𑌾𑌨𑌰𑌮𑍁𑌖𑍍𑌯𑍈𑌶𑍍𑌚𑌮𑌹𑌾𑌕𑌾𑌯𑍈𑌰𑍍𑌮𑌹𑌾𑌬𑌲𑍈𑌃 ।
𑌰𑌕𑍍𑌷𑌸𑌾𑌂𑌯𑍁𑌧𑍍𑌯𑌮𑌾𑌨𑌾𑌨𑌾𑌮𑍍𑌮𑌹𑌦𑍍𑌭𑌯𑌮𑌜𑌾𑌯𑌤 ॥ 13 ॥
𑌸𑍍𑌵𑌮𑌨𑍀𑌕𑌂𑌵𑌿𑌷𑌣𑍍𑌣𑌨𑍍𑌤𑍁𑌶𑍍𑌰𑍁𑌤𑍍𑌵𑌾𑌶𑌤𑍍𑌰𑍁𑌭𑌿𑌰𑌰𑍍𑌦𑌿𑌤𑌮𑍍 ।
𑌉𑌦𑌤𑌿𑌷𑍍𑌠𑌤𑌦𑍁𑌰𑍍𑌦𑌰𑍍𑌷𑌃 𑌸 𑌕𑌰𑍍𑌮𑌣𑍍𑌯𑌨𑌨𑍁𑌷𑍍𑌠𑌿𑌤𑍇 ॥ 14 ॥
𑌵𑍃𑌕𑍍𑌷𑌾𑌨𑍍𑌧𑌕𑌾𑌰𑌾𑌨𑍍𑌨𑌿𑌰𑍍𑌗𑌮𑍍𑌯𑌜𑌾𑌤𑌕𑍍𑌰𑍋𑌧𑌃 𑌸 𑌰𑌾𑌵𑌣𑌿𑌃 ।
𑌆𑌰𑍁𑌰𑍋𑌹𑌰𑌥𑌂𑌸𑌜𑍍𑌜𑌮𑍍𑌪𑍂𑌰𑍍𑌵𑌯𑍁𑌕𑍍𑌤𑌂𑌸𑍁𑌸𑌂𑌯𑌤𑌮𑍍 ॥ 15 ॥
𑌸 𑌭𑍀𑌮𑌕𑌾𑌰𑍍𑌮𑍁𑌕𑌧𑌰𑌃𑌕𑌾𑌲𑌮𑍇𑌘𑌸𑌮𑌪𑍍𑌰𑌭𑌃 ।
𑌰𑌕𑍍𑌤𑌾𑌸𑍍𑌯𑌨𑌯𑌨𑍋𑌕𑍃𑌦𑍍𑌧𑍋𑌮𑌭𑍗𑌮𑍃𑌤𑍍𑌯𑍁𑌰𑌿𑌵𑌾𑌨𑍍𑌤𑌕𑌃 ॥ 16 ॥
𑌦𑍃𑌷𑍍𑌟𑌵𑍈𑌵𑌤𑍁𑌰𑌥𑌸𑍍𑌥𑌨𑍍𑌤𑌮𑍍𑌪𑌰𑍍𑌯𑌵𑌰𑍍𑌤𑌤𑌤𑌦𑍍𑌬𑌲𑌮𑍍 ।
𑌰𑌕𑍍𑌷𑌸𑌾𑌮𑍍𑌭𑍀𑌮𑌵𑍇𑌗𑌾𑌨𑌾𑌂𑌲𑌕𑍍𑌷𑍍𑌮𑌣𑍇𑌨𑌯𑍁𑌯𑍁𑌤𑍍𑌸𑌤𑌾𑌮𑍍 ॥ 17 ॥
𑌤𑌸𑍍𑌮𑌿𑌨𑍍 𑌕𑌾𑌲𑍇𑌤𑍁𑌹𑌨𑍂𑌮𑌾𑌨𑍁𑌦𑍍𑌯𑌮𑍍𑌯𑌸𑍁𑌦𑍁𑌰𑌾𑌸𑌦𑌮𑍍 ।
𑌧𑌰𑌣𑍀𑌧𑌰𑌸𑌙𑍍𑌕𑌾𑌶𑍋𑌮𑌹𑌾𑌵𑍃𑌕𑍍𑌷𑌮𑌰𑌿𑌨𑍍𑌦𑌮𑌃 ॥ 18 ॥
𑌸 𑌰𑌾𑌕𑍍𑌷𑌸𑌾𑌨𑌾𑌨𑍍𑌤𑌤𑍍𑌸𑍈𑌨𑍍𑌯𑌙𑍍𑌕𑌾𑌲𑌾𑌗𑍍𑌨𑌿𑌰𑌿𑌵𑌨𑌿𑌰𑍍𑌦𑌹𑌨𑍍 ।
𑌚𑌕𑌾𑌰𑌬𑌹𑍁𑌭𑌿𑌰𑍍𑌵𑌕𑍍𑌷𑍈𑌰𑍍𑌨𑌿𑌃𑌸𑌞𑍍𑌜𑍍𑌞𑌂𑌯𑍁𑌧𑌿𑌵𑌾𑌨𑌰𑌃 ॥ 19 ॥
𑌵𑌿𑌧𑍍𑌵𑌂𑌸𑌨𑍍𑌤𑌨𑍍𑌤𑌰𑌸𑌾𑌦𑍃𑌷𑍍𑌟𑌵𑍈𑌵𑌪𑌵𑌨𑌾𑌤𑍍𑌮𑌜𑌮𑍍 ।
𑌰𑌾𑌕𑍍𑌷𑌸𑌾𑌨𑌾𑌂𑌸𑌹𑌸𑍍𑌰𑌾𑌣𑌿𑌹𑌨𑍂𑌮𑌨𑍍𑌤𑌮𑌵𑌾𑌕𑌿𑌰𑌨𑍍 ॥ 20 ॥
𑌶𑌿𑌤𑌶𑍂𑌲𑌧𑌰𑌾𑌶𑍍𑌶𑍂𑌲𑍈𑌰𑌸𑌿𑌭𑌿𑌶𑍍𑌚𑌾𑌸𑌿𑌪𑌾𑌣𑌯𑌃 ।
𑌶𑌕𑍍𑌤𑌿𑌹𑌸𑍍𑌤𑌾𑌶𑍍𑌚𑌭𑌿𑌶𑍍𑌶𑌕𑍍𑌤𑌿𑌪𑌟𑍍𑌟𑌸𑍈𑌃 𑌪𑌟𑍍𑌟𑌸𑌾𑌯𑍁𑌧𑌾𑌃 ॥ 21 ॥
𑌪𑌰𑌿𑌘𑍈𑌶𑍍𑌚𑌗𑌦𑌾𑌭𑌿𑌶𑍍𑌚𑌕𑍁𑌨𑍍𑌤𑍈𑌶𑍍𑌚𑌶𑍁𑌭𑌦𑌰𑍍𑌶𑌨𑍈𑌃 ।
𑌶𑌤𑌶𑌶𑍍𑌚𑌶𑌤𑌘𑍍𑌨𑍀𑌭𑌿𑌰𑌾𑌯𑌸𑍈𑌰𑌪𑌿𑌮𑍁𑌦𑍍𑌗𑌰𑍈𑌃 ॥ 22 ॥
𑌘𑍋𑌰𑍈𑌃𑌪𑌰𑌶𑍁𑌭𑌿𑌶𑍍𑌚𑍈𑌵𑌭𑌿𑌦𑌨𑌿𑌪𑌾𑌲𑍈𑌶𑍍𑌚𑌰𑌾𑌕𑍍𑌷𑌸𑌾𑌃 ।
𑌮𑍁𑌷𑍍𑌟𑌿𑌭𑌿𑌰𑍍𑌵𑌜𑍍𑌰𑌕𑌲𑍍𑌪𑍈𑌶𑍍𑌚𑌤𑌲𑍈𑌰𑌶𑌨𑌿𑌸𑌨𑍍𑌨𑌿𑌭𑍈𑌃 ॥ 23 ॥
𑌅𑌭𑌿𑌜𑌘𑍍𑌨𑍁𑌃𑌸𑌮𑌾𑌸𑌾𑌦𑍍𑌯𑌸𑌮𑌨𑍍𑌤𑌾𑌤𑍍𑌪𑌰𑍍𑌵𑌤𑍋𑌪𑌮𑌮𑍍 ।
𑌤𑍇𑌷𑌾𑌮𑌪𑌿 𑌚 𑌸𑌙𑍍𑌗𑍍𑌰𑍁𑌦𑍍𑌧𑌶𑍍𑌚𑌕𑌾𑌰𑌕𑌦𑌨𑌮𑍍𑌮𑌹𑌤𑍍 ॥ 24 ॥
𑌸 𑌦𑌦𑌰𑍍𑌶𑌕𑌪𑌿𑌶𑍍𑌰𑍇𑌷𑍍𑌠𑌮𑌚𑌲𑍋𑌪𑌮𑌮𑌿𑌨𑍍𑌦𑍍𑌰𑌜𑌿𑌤𑍍 ।
𑌸𑍂𑌦𑌮𑌾𑌨𑌮𑌸𑌨𑍍𑌤𑍍𑌰𑌸𑍍𑌤𑌮𑌮𑌿𑌤𑍍𑌰𑌾𑌨𑍍 𑌪𑌵𑌨𑌾𑌤𑍍𑌮𑌜𑌮𑍍 ॥ 25 ॥
𑌸 𑌸𑌾𑌰𑌥𑌿𑌮𑍁𑌵𑌾𑌚𑍇𑌦𑌂𑌯𑌾𑌹𑌿𑌯𑌤𑍍𑌰𑍈𑌷𑌵𑌾𑌨𑌰𑌃 ।
𑌕𑍍𑌷𑌯𑌮𑍇𑌵𑌹𑌿𑌨𑌃𑌕𑍁𑌰𑍍𑌯𑌾𑌦𑍍𑌰𑌾𑌕𑍍𑌷𑌸𑌾𑌮𑍁𑌪𑍇𑌕𑍍𑌷𑌿𑌤𑌃 ॥ 26 ॥
𑌇𑌤𑍍𑌯𑍁𑌕𑍍𑌤𑌸𑍍𑌸𑌾𑌰𑌥𑌿𑌸𑍍𑌤𑍇𑌨𑌯𑌯𑍗𑌯𑌤𑍍𑌰 𑌨 𑌮𑌾𑌰𑍁𑌤𑌿𑌃 ।
𑌵𑌹𑌨𑍍 𑌪𑌰𑌮𑌦𑍁𑌰𑍍𑌧𑌰𑍍𑌷𑌂𑌸𑍍𑌥𑌿𑌤𑌮𑌿𑌨𑍍𑌦𑍍𑌰𑌜𑌿𑌤𑌂𑌰𑌥𑍇 ॥ 27 ॥
𑌸𑍋𑌽𑌭𑍍𑌯𑍁𑌪𑍇𑌤𑍍𑌯𑌶𑌰𑌾𑌨𑍍𑌖𑌙𑍍𑌗𑌾𑌨𑍍𑌪𑌟𑍍𑌟𑌸𑌾𑌸𑌿𑌪𑌰𑌶𑍍𑌵𑌧𑌾𑌨𑍍 ।
𑌅𑌭𑍍𑌯𑌵𑌰𑍍𑌷𑌤𑌦𑍁𑌰𑍍𑌧𑌰𑍍𑌷𑌃𑌕𑌪𑌿𑌮𑍂𑌰𑍍𑌥𑌨𑌿𑌰𑌾𑌕𑍍𑌷𑌸𑌃 ॥ 28 ॥
𑌤𑌾𑌨𑌿𑌶𑌸𑍍𑌤𑍍𑌰𑌾𑌣𑌿𑌘𑍋𑌰𑌾𑌣𑌿𑌪𑍍𑌰𑌤𑌿𑌗𑍃𑌹𑍍𑌯 𑌸 𑌮𑌾𑌰𑍁𑌤𑌿𑌃 ।
𑌰𑍋𑌷𑍇𑌣𑌮𑌹𑌤𑌾𑌵𑌿𑌷𑍍𑌟𑍋𑌵𑌾𑌕𑍍𑌯𑌞𑍍𑌚𑍇𑌦𑌮𑍁𑌵𑌾𑌚 𑌹 ॥ 29 ॥
𑌯𑍁𑌧𑍍𑌯𑌸𑍍𑌵𑌯𑌦𑌿𑌶𑍂𑌰𑍋𑌽𑌸𑌿𑌰𑌾𑌵𑌣𑌾𑌤𑍍𑌮𑌜𑌦𑍁𑌰𑍍𑌮𑌤𑍇 ।
𑌵𑌾𑌯𑍁𑌪𑍁𑌤𑍍𑌰𑌂𑌸𑌮𑌾𑌸𑌾𑌦𑍍𑌯 𑌨 𑌜𑍀𑌵𑌨𑍍 𑌪𑍍𑌰𑌤𑌿𑌯𑌾𑌸𑍍𑌯𑌸𑌿 ॥ 30 ॥
𑌬𑌾𑌹𑍁𑌭𑍍𑌯𑌾𑌂𑌸𑌮𑍍𑌪𑍍𑌰𑌤𑌿𑌯𑍁𑌧𑍍𑌯𑌸𑍍𑌵𑌯𑌦𑌿𑌮𑍇𑌦𑍍𑌵𑌨𑍍𑌦𑍍𑌵𑌮𑌾𑌹𑌵𑍇 ।
𑌵𑍇𑌗𑌂𑌸𑌹𑌸𑍍𑌵𑌦𑍁𑌰𑍍𑌬𑍁𑌦𑍍𑌧𑍇𑌤𑌤𑌸𑍍𑌤𑍍𑌵𑌂𑌰𑌕𑍍𑌷𑌸𑌾𑌂𑌵𑌰𑌃 ॥ 31 ॥
𑌹𑌨𑍂𑌮𑌨𑍍𑌤𑌞𑍍𑌜𑌿𑌘𑌾𑌂𑌸𑌨𑍍𑌤𑌂𑌸𑌮𑍁𑌦𑍍𑌯𑌤𑌶𑌰𑌾𑌸𑌨𑌮𑍍 ।
𑌰𑌾𑌵𑌣𑌾𑌤𑍍𑌮𑌜𑌮𑌾𑌚𑌷𑍍𑌟𑍇 𑌲𑌕𑍍𑌷𑍍𑌮𑌣𑌾𑌯 𑌵𑌿𑌭𑍀𑌷𑌣𑌃 ॥ 32 ॥
𑌯𑌸𑍍𑌸𑌵𑌾𑌸𑌵𑌨𑌿𑌰𑍍𑌜𑍇𑌤𑌾𑌰𑌾𑌵𑌣𑌸𑍍𑌯𑌾𑌤𑍍𑌮𑌸𑌮𑍍𑌭𑌵𑌃 ।
𑌸 𑌏𑌷𑌰𑌥𑌮𑌾𑌸𑍍𑌥𑌾𑌯𑌹𑌨𑍂𑌮𑌨𑍍𑌤𑌞𑍍𑌜𑌿𑌘𑌾𑌂𑌸𑌤𑌿 ॥ 33 ॥
𑌤𑌮𑌪𑍍𑌰𑌤𑌿𑌮𑌸𑌂𑌸𑍍𑌥𑌾𑌨𑍈𑌶𑍍𑌶𑌰𑍈𑌶𑍍𑌶𑌤𑍍𑌰𑍁𑌨𑌿𑌵𑌾𑌰𑌣𑍈𑌃 ।
𑌜𑍀𑌵𑌿𑌤𑌾𑌨𑍍𑌤𑌕𑌰𑍈𑌰𑍍𑌘𑍋𑌰𑍈𑌃𑌸𑍗𑌮𑌿𑌤𑍍𑌰𑍇𑌰𑌾𑌵𑌣𑌿𑌞𑍍𑌜𑌹𑌿 ॥ 34 ॥
𑌇𑌤𑍍𑌯𑍇𑌵𑌮𑍁𑌕𑍍𑌤𑌸𑍍𑌤𑍁𑌤𑌦𑌾𑌮𑌹𑌾𑌤𑍍𑌮𑌾𑌵𑌿𑌭𑍀𑌷𑌣𑍇𑌨𑌾𑌰𑌿𑌵𑌿𑌭𑍀𑌷𑌣𑍇𑌨 ।
𑌦𑌦𑌰𑍍𑌶𑌤𑌮𑍍𑌪𑌰𑍍𑌵𑌤𑌸𑌨𑍍𑌨𑌿𑌕𑌾𑌶𑌂𑌰𑌥𑌸𑍍𑌥𑌿𑌤𑌮𑍍𑌭𑍀𑌮𑌬𑌲𑌨𑍍𑌦𑍁𑌰𑌾𑌸𑌦𑌮𑍍 ॥ 35 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌷𑌡𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha ṣaḍaśītitamassargaḥ |
athatasyāmavasthāyāṃlakṣmaṇaṃrāvaṇānujaḥ |
pareṣāmahitaṃvākyamarthasādhakamabravīt || 1 ||
yadetadrākṣasānīkammeghaśyāmaṃvilokyate |
etadāyodhyatāṃśīghraṅkapibhipādapāyudhaiḥ || 2 ||
asyānīkasyamahatobhedaneyatalakṣmaṇa |
rākṣasendrasuto'pyatrabhinnedṛśyobhaviṣyati || 3 ||
satvamindrāśaniprakhyaiḥśarairavakiranparān |
abhidravāśuyāvadvainaitatkarmasamāpyate || 4 ||
ja hivīradurātmānammāyāparamadhārmikam |
rāvaṇiṅkrūrakarmāṇaṃsarvalokabhayāvaham || 5 ||
vibhīṣaṇavacśrutvālakṣmaṇaśśubhalakṣaṇaḥ |
vavarṣaśaravarṣāṇirākṣasendrasutamprati || 6 ||
ṛkṣāḥśākhāmṛgāścaivadrumadrinakhayodhinaḥ |
abhyadhāvantasahitāstadanīkamavasthitam || 7 ||
rākṣasāścaśitairbhāṇairasibhiśśaktitomaraiḥ |
udyadaisasaṃ vartantasamarekapisainyajighāṃsavaḥ || 8 ||
sa samprahārastumulaḥsañjajñekapirakṣasām |
śabdenamahatālaṅkānnādayanvaisamantataḥ || 9 ||
śastraścavividhākāraiśśitairbāṇaiścapādapaiḥ |
udyatairgiriśṛṅgaiścaghorairākāśamāvṛtam || 10 ||
terākṣasāvānareṣuvikṛtānanabāhavaḥ |
niveśayantaḥśastrāṇicakrustesumahadbhayam || 11 ||
tathaivasakalairvṛkṣairgiriśṛṅgaiścavānarāḥ |
abhijaghnujaghnuścasamarerākṣasarṣabhān || 12 ||
ṛkṣavānaramukhyaiścamahākāyairmahābalaiḥ |
rakṣasāṃyudhyamānānāmmahadbhayamajāyata || 13 ||
svamanīkaṃviṣaṇṇantuśrutvāśatrubhirarditam |
udatiṣṭhatadurdarṣaḥ sa karmaṇyananuṣṭhite || 14 ||
vṛkṣāndhakārānnirgamyajātakrodhaḥ sa rāvaṇiḥ |
āruroharathaṃsajjampūrvayuktaṃsusaṃyatam || 15 ||
sa bhīmakārmukadharaḥkālameghasamaprabhaḥ |
raktāsyanayanokṛddhomabhaumṛtyurivāntakaḥ || 16 ||
dṛṣṭavaivaturathasthantamparyavartatatadbalam |
rakṣasāmbhīmavegānāṃlakṣmaṇenayuyutsatām || 17 ||
tasmin kāletuhanūmānudyamyasudurāsadam |
dharaṇīdharasaṅkāśomahāvṛkṣamarindamaḥ || 18 ||
sa rākṣasānāntatsainyaṅkālāgnirivanirdahan |
cakārabahubhirvakṣairniḥsañjñaṃyudhivānaraḥ || 19 ||
vidhvaṃsantantarasādṛṣṭavaivapavanātmajam |
rākṣasānāṃsahasrāṇihanūmantamavākiran || 20 ||
śitaśūladharāśśūlairasibhiścāsipāṇayaḥ |
śaktihastāścabhiśśaktipaṭṭasaiḥ paṭṭasāyudhāḥ || 21 ||
parighaiścagadābhiścakuntaiścaśubhadarśanaiḥ |
śataśaścaśataghnībhirāyasairapimudgaraiḥ || 22 ||
ghoraiḥparaśubhiścaivabhidanipālaiścarākṣasāḥ |
muṣṭibhirvajrakalpaiścatalairaśanisannibhaiḥ || 23 ||
abhijaghnuḥsamāsādyasamantātparvatopamam |
teṣāmapi ca saṅgruddhaścakārakadanammahat || 24 ||
sa dadarśakapiśreṣṭhamacalopamamindrajit |
sūdamānamasantrastamamitrān pavanātmajam || 25 ||
sa sārathimuvācedaṃyāhiyatraiṣavānaraḥ |
kṣayamevahinaḥkuryādrākṣasāmupekṣitaḥ || 26 ||
ityuktassārathistenayayauyatra na mārutiḥ |
vahan paramadurdharṣaṃsthitamindrajitaṃrathe || 27 ||
so'bhyupetyaśarānkhaṅgānpaṭṭasāsiparaśvadhān |
abhyavarṣatadurdharṣaḥkapimūrthanirākṣasaḥ || 28 ||
tāniśastrāṇighorāṇipratigṛhya sa mārutiḥ |
roṣeṇamahatāviṣṭovākyañcedamuvāca ha || 29 ||
yudhyasvayadiśūro'sirāvaṇātmajadurmate |
vāyuputraṃsamāsādya na jīvan pratiyāsyasi || 30 ||
bāhubhyāṃsampratiyudhyasvayadimedvandvamāhave |
vegaṃsahasvadurbuddhetatastvaṃrakṣasāṃvaraḥ || 31 ||
hanūmantañjighāṃsantaṃsamudyataśarāsanam |
rāvaṇātmajamācaṣṭe lakṣmaṇāya vibhīṣaṇaḥ || 32 ||
yassavāsavanirjetārāvaṇasyātmasambhavaḥ |
sa eṣarathamāsthāyahanūmantañjighāṃsati || 33 ||
tamapratimasaṃsthānaiśśaraiśśatrunivāraṇaiḥ |
jīvitāntakarairghoraiḥsaumitrerāvaṇiñjahi || 34 ||
ityevamuktastutadāmahātmāvibhīṣaṇenārivibhīṣaṇena |
dadarśatamparvatasannikāśaṃrathasthitambhīmabalandurāsadam || 35 ||
ityārṣe śrīmadrāmāyaṇe vālmīkīya ādikāvye yuddhakāṇḍe ṣaḍaśītitamassargaḥ ||
InfoLyter.in — Sacred Vedic Knowledge Portal · Free forever