6.130 Yuddhakanda - Trimshadadhikashatatama Sargah

ॐ

6.130 𑌯𑍁𑌦𑍍𑌧𑌕𑌾𑌣𑍍𑌡 - 𑌤𑍍𑌰𑌿𑌂𑌶𑌦𑌧𑌿𑌕𑌶𑌤𑌤𑌮 𑌸𑌰𑍍𑌗𑌃

Valmiki Grantha

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।

𑌅𑌥 𑌤𑍍𑌰𑌿𑌂𑌶𑌦𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।

𑌶𑍍𑌰𑍁𑌤𑍍𑌵𑌾𑌤𑍁𑌪𑌰𑌮𑌾𑌨𑌨𑍍𑌦𑌮𑍍𑌭𑌰𑌤𑌸𑍍𑌸𑌤𑍍𑌯𑌵𑌿𑌕𑍍𑌰𑌮𑌃 ।

𑌹𑍃𑌷𑍍𑌟𑌮𑌾𑌜𑍍𑌞𑌾𑌪𑌯𑌾𑌮𑌾𑌸𑌶𑌤𑍍𑌰𑍁𑌘𑍍𑌨𑌮𑍍𑌪𑌰𑌵𑍀𑌰𑌹𑌾 ॥ 1 ॥

𑌦𑍈𑌵𑌤𑌾𑌨𑌿 𑌚 𑌸𑌰𑍍𑌵𑌾𑌣𑌿𑌚𑍈𑌤𑍍𑌯𑌾𑌨𑌿𑌨𑌗𑌰𑌸𑍍𑌯 𑌚 ।

𑌸𑍁𑌗𑌨𑍍𑌧𑌮𑌾𑌲𑍍𑌯𑍈𑌰𑍍𑌯𑌾𑌦𑌿𑌤𑍍𑌰𑍈𑌰𑌰𑍍𑌚𑌨𑍍𑌤𑍁 𑌶𑍁𑌚𑌯𑍋 𑌨𑌰𑌾𑌃 ॥ 2 ॥

𑌸𑍂𑌤𑌾𑌸𑍍𑌸𑍍𑌤𑍁𑌤𑌿𑌪𑍁𑌰𑌾𑌣𑌜𑍍𑌞𑌾𑌸𑍍𑌸𑌰𑍍𑌵𑍇𑌵𑍈𑌤𑌾𑌲𑌿𑌕𑌾𑌸𑍍𑌤𑌥𑌾 ।

𑌸𑌰𑍍𑌵𑍇𑌵𑌾𑌦𑌿𑌤𑍍𑌰𑌕𑍁𑌶𑌲𑌾𑌗𑌣𑌿𑌕𑌾𑌶𑍍𑌚𑍈𑌵𑌸𑌙𑍍𑌘𑌶𑌃 ॥ 3 ॥

𑌰𑌾𑌜𑌦𑌾𑌰𑌾𑌸𑍍𑌤𑌥𑌾𑌮𑌾𑌤𑍍𑌯𑌾𑌸𑍍𑌸𑍈𑌨𑍍𑌯𑌾𑌸𑍍𑌸𑍇𑌨𑌾𑌙𑍍𑌗𑌨𑌾𑌗𑌣𑌾𑌃 ।

𑌬𑍍𑌰𑌾𑌹𑍍𑌮𑌣𑌾𑌶𑍍𑌚𑌸𑌰𑌾𑌜𑌨𑍍𑌯𑌾𑌶𑍍𑌰𑍇𑌣𑌿𑌮𑍁𑌖𑍍𑌯𑌾𑌸𑍍𑌤𑌥𑌾𑌗𑌣𑌾𑌃 ॥ 4 ॥

𑌅𑌭𑌿𑌨𑌿𑌰𑍍𑌯𑌾𑌨𑍍𑌤𑍁𑌰𑌾𑌮𑌸𑍍𑌯𑌦𑍍𑌰𑌷𑍍𑌟𑍁𑌂𑌶𑌶𑌿𑌨𑌿𑌭𑌮𑍍𑌮𑍁𑌖𑌮𑍍 ।

𑌭𑌰𑌤𑌸𑍍𑌯𑌵𑌚𑍍𑌶𑍍𑌰𑍁𑌤𑍍𑌵𑌾𑌶𑌤𑍍𑌰𑍁𑌘𑍍𑌨𑌃𑌪𑌰𑌵𑍀𑌰𑌹𑌾 ॥ 5 ॥

𑌵𑌿𑌷𑍍𑌟𑍀𑌰𑌨𑍇𑌕𑌸𑌾𑌹𑌸𑍍𑌰𑍀𑌶𑍍𑌚𑍋𑌦𑌯𑌾𑌮𑌾𑌨𑌭𑌾𑌗𑌶𑌃 ।

𑌸𑌮𑍀𑌕𑍁𑌰𑍁𑌤𑌨𑌿𑌮𑍍𑌨𑌾𑌨𑌿𑌵𑌿𑌷𑌮𑌾𑌨𑌿𑌸𑌮𑌾𑌨𑌿 𑌚 ॥ 6 ॥

𑌸𑍍𑌥𑌾𑌨𑌾𑌨𑌿𑌤𑍁𑌨𑌿𑌰𑌸𑍍𑌯𑌨𑍍𑌤𑌾𑌨𑍍𑌨𑌨𑍍𑌦𑌿𑌗𑍍𑌰𑌾𑌮𑌾𑌦𑌿𑌤𑌃𑌪𑌰𑌮𑍍 ।

𑌸𑌿𑌞𑍍𑌚𑌸𑍍𑌤𑍁𑌪𑍃𑌥𑌿𑌵𑍀𑌙𑍍𑌕𑍃𑌤𑍍𑌸𑍍𑌨𑌾𑌂𑌹𑌿𑌵𑌶𑍀𑌤𑍇𑌵𑌵𑌾𑌰𑌿𑌣𑌾 ॥ 7 ॥

𑌤𑌤𑍋𑌽𑌭𑍍𑌯𑌵𑌕𑌿𑌰𑌨𑍍𑌤𑍍𑌵𑌨𑍍𑌯𑍇𑌲𑌾𑌜𑍈𑌃𑌪𑍁𑌷𑍍𑌪𑍈𑌶𑍍𑌚𑌸𑌰𑍍𑌵𑌤𑌃 ।

𑌸𑍁𑌮𑍁𑌚𑍍𑌛𑍍𑌰𑌿𑌤𑌪𑌤𑌾𑌕𑌾𑌸𑍍𑌤𑍁𑌰𑌥𑍍𑌯𑌾𑌃𑌪𑍁𑌰𑌵𑌰𑍋𑌤𑍍𑌤𑌮𑍇𑌃 ॥ 8 ॥

𑌶𑍋𑌭𑌯𑌨𑍍𑌤𑍁 𑌚 𑌵𑍇𑌶𑍍𑌮𑌾𑌨𑌿𑌸𑍂𑌰𑍍𑌯𑌸𑍍𑌯𑍋𑌦𑌯𑌨𑌮𑍍𑌪𑍍𑌰𑌤𑌿 ।

𑌸𑍍𑌰𑌗𑍍𑌦𑌾𑌮𑌮𑍁𑌕𑍍𑌤𑌪𑍁𑌷𑍍𑌪𑍈𑌶𑍍𑌚𑌸𑍁𑌗𑌨𑍍𑌧𑍈𑌃 𑌪𑌞𑍍𑌚𑌵𑌰𑍍𑌣𑌕𑍈𑌃 ॥ 9 ॥

𑌰𑌾𑌜𑌮𑌾𑌰𑍍𑌗𑌮𑌸𑌮𑍍𑌬𑌾𑌧𑌙𑍍𑌕𑌿𑌰𑌨𑍍𑌤𑍁𑌶𑌤𑌶𑍋𑌨𑌰𑌾𑌃 ।

𑌤𑌸𑍍𑌤𑌚𑍍𑌛𑌾𑌸𑌨𑌂𑌶𑍍𑌰𑍁𑌤𑍍𑌵𑌾𑌶𑌤𑍍𑌰𑍁𑌘𑍍𑌨𑌸𑍍𑌯𑌮𑍁𑌦𑌾𑌨𑍍𑌵𑌿𑌤𑌾𑌃 ॥ 10 ॥

𑌧𑍃𑌷𑍍𑌟𑌿𑌰𑍍𑌜𑌯𑌨𑍍𑌤𑍋𑌵𑌿𑌜𑌯𑌸𑍍𑌸𑌿𑌦𑍍𑌧𑌾𑌰𑍍𑌥𑌶𑍍𑌚𑌾𑌰𑍍𑌥𑌸𑌾𑌧𑌕𑌃 ।

𑌅𑌶𑍋𑌕𑍋𑌮𑌨𑍍𑌤𑍍𑌰𑌪𑌾𑌲𑌶𑍍𑌚𑌸𑍁𑌮𑌨𑍍𑌤𑍍𑌰𑌶𑍍𑌚𑌾𑌪𑌿𑌨𑌿𑌰𑍍𑌯𑌯𑍁𑌃 ॥ 11 ॥

𑌮𑌤𑍍𑌤𑍈𑌰𑍍𑌨𑌾𑌗𑌸𑌹𑌸𑍍𑌰𑍈𑌶𑍍𑌚𑌸𑌧𑍍𑌵𑌜𑍈𑌸𑍍𑌸𑍁𑌵𑌿𑌭𑍂𑌷𑌿𑌤𑍈𑌃 ।

𑌅𑌪𑌰𑍇𑌹𑍇𑌮𑌕𑌕𑍍𑌷𑌾𑌭𑌿𑌸𑍍𑌸𑌗𑌜𑌾𑌭𑌿𑌃𑌕𑌰𑍇𑌣𑍁𑌭𑌿𑌃 ॥ 12 ॥

𑌨𑌿𑌰𑍍𑌯𑌯𑍁𑌸𑍍𑌤𑍁𑌰𑌰𑌥𑍈𑌶𑍍𑌚𑌸𑍁𑌮𑌹𑌾𑌰𑌥𑌾𑌃 ।

𑌶𑌕𑍍𑌤𑍍𑌯𑍃𑌷𑍍𑌟𑌿𑌪𑌾𑌶𑌹𑌸𑍍𑌤𑌾𑌨𑌾𑌂𑌸𑌧𑍍𑌵𑌜𑌾𑌨𑌾𑌮𑍍𑌪𑌤𑌾𑌕𑌿𑌨𑌾𑌮𑍍 ॥ 13 ॥

𑌤𑍁𑌰𑌗𑌾𑌣𑌾𑌂𑌸𑌹𑌸𑍍𑌰𑍈𑌶𑍍𑌚𑌮𑍁𑌖𑍍𑌯𑍈𑌰𑍍𑌮𑍁𑌖𑍍𑌯𑌤𑌰𑌾𑌨𑍍𑌵𑌿𑌤𑍈𑌃 ।

𑌪𑌦𑌾𑌤𑍀𑌨𑌾𑌂𑌸𑌹𑌸𑍍𑌰𑍈𑌶𑍍𑌚𑌵𑍀𑌰𑌾𑌃𑌪𑌰𑌿𑌵𑍃𑌤𑌾𑌯𑌯𑍁𑌃 ॥ 14 ॥

𑌤𑌤𑍋𑌯𑌾𑌨𑌾𑌨𑍍𑌯𑍁𑌪𑌾𑌰𑍂𑌢𑌾𑌸𑍍𑌸𑌰𑍍𑌵𑌾𑌦𑌶𑌰𑌥𑌸𑍍𑌤𑍍𑌰𑌿𑌯𑌃 ।

𑌕𑍗𑌸𑌲𑍍𑌯𑌾𑌮𑍍𑌪𑍍𑌰𑌮𑍁𑌖𑍇𑌕𑍃𑌤𑍍𑌵𑌾𑌸𑍁𑌮𑌿𑌤𑍍𑌰𑌾𑌞𑍍𑌚𑌾𑌪𑌿𑌨𑌿𑌰𑍍𑌯𑌯𑍁𑌃 ॥ 15 ॥

𑌕𑍈𑌕𑍇𑌯𑍍𑌯𑌾𑌸𑌹𑌿𑌤𑌾𑌃𑌸𑌰𑍍𑌵𑌾𑌨𑌨𑍍𑌦𑌿𑌗𑍍𑌰𑌾𑌮𑌮𑍁𑌪𑌾𑌗𑌮𑌨𑍍 ।

𑌦𑍍𑌵𑌿𑌜𑌾𑌤𑌿𑌮𑍁𑌖𑍍𑌯𑍈𑌰𑍍𑌧𑌰𑍍𑌮𑌾𑌤𑍍𑌮𑌾𑌶𑍍𑌰𑍇𑌣𑍀𑌮𑍁𑌖𑍍𑌯𑍈𑌸𑍍𑌸𑌨𑍈𑌗𑌮𑍈𑌃 ॥ 16 ॥

𑌮𑌾𑌲𑍍𑌯𑌮𑍋𑌦𑌕𑌹𑌸𑍍𑌤𑍈𑌶𑍍𑌚𑌮𑌨𑍍𑌤𑍍𑌰𑌿𑌭𑌿𑌰𑍍𑌭𑌰𑌤𑍋𑌵𑍃𑌤𑌃 ।

𑌶𑌙𑍍𑌖𑌭𑍇𑌰𑍀𑌨𑌿𑌨𑌾𑌦𑍈𑌶𑍍𑌚𑌵𑌨𑍍𑌦𑌿𑌭𑌿𑌶𑍍𑌚𑌾𑌭𑌿𑌵𑌨𑌨𑍍𑌦𑌿𑌤𑌃 ॥ 17 ॥

𑌆𑌰𑍍𑌯𑌪𑌾𑌦𑍗𑌗𑍃𑌹𑍀𑌤𑍍𑌵𑌾𑌤𑍗𑌶𑌿𑌰𑌸𑌾𑌧𑌰𑍍𑌮𑌕𑍋𑌵𑌿𑌦𑌃 ।

𑌪𑌾𑌣𑍍𑌡𑍁𑌰𑌞𑍍𑌛𑌤𑍍𑌰𑌮𑌾𑌦𑌾𑌯𑌶𑍁𑌕𑍍𑌲𑌮𑌾𑌲𑍍𑌯𑍋𑌪𑌶𑍋𑌭𑌿𑌤𑌮𑍍 ॥ 18 ॥

𑌶𑍁𑌕𑍍𑌲𑍇 𑌚 𑌵𑌾𑌲𑌵𑍍𑌯𑌜𑌨𑍇𑌰𑌾𑌜𑌾𑌰𑍍𑌹𑍇𑌹𑍇𑌮𑌭𑍂𑌷𑌿𑌤𑍇 ।

𑌉𑌪𑌵𑌾𑌸𑌕𑍃𑌶𑍋𑌦𑍀𑌨𑌶𑍍𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌾𑌮𑍍𑌬𑌰𑌃 ॥ 19 ॥

𑌭𑍍𑌰𑌾𑌤𑍁𑌰𑌾𑌗𑌮𑌨𑌂𑌶𑍍𑌰𑍁𑌤𑍍𑌵𑌾𑌤𑌤𑍍𑌪𑍂𑌰𑍍𑌵𑌂𑌹𑌰𑍍𑌷𑌮𑌾𑌗𑌤𑌃 ।

𑌪𑍍𑌰𑌤𑍍𑌯𑍁𑌦𑍍𑌯𑌯𑍗𑌤𑌦𑌾𑌰𑌾𑌮𑌮𑍍𑌮𑌹𑌾𑌤𑍍𑌮𑌾𑌸𑌚𑌿𑌵𑍈𑌸𑍍𑌸𑌹 ॥ 20 ॥

𑌅𑌶𑍍𑌵𑌾𑌨𑌾𑌙𑍍𑌖𑍁𑌰𑌶𑌬𑍍𑌦𑍈𑌶𑍍𑌚𑌰𑌥𑌨𑍇𑌮𑌿𑌸𑍍𑌵𑌨𑍇𑌨 𑌚 ।

𑌶𑌙𑍍𑌖𑌦𑍁𑌨𑍍𑌦𑍁𑌭𑌿𑌨𑌾𑌦𑍇𑌨𑌸𑌞𑍍𑌚𑌚𑌾𑌲𑍇𑌵𑌮𑍇𑌦𑌿𑌨𑍀 ॥ 21 ॥

𑌕𑍃𑌤𑍍𑌸𑍍𑌨𑌨𑍍𑌤𑍁𑌨𑌗𑌰𑌨𑍍𑌤𑌤𑍍𑌤𑍁𑌨𑌨𑍍𑌦𑌿𑌗𑍍𑌰𑌾𑌮𑌮𑍁𑌪𑌾𑌗𑌮𑌤𑍍 ।

𑌸𑌮𑍀𑌕𑍍𑌷𑍍𑌯𑌭𑌰𑌤𑍋𑌵𑌾𑌕𑍍𑌯𑌮𑍁𑌵𑌾𑌚𑌪𑌵𑌨𑌾𑌤𑍍𑌮𑌜𑌮𑍍 ॥ 22 ॥

𑌕𑌚𑍍𑌚𑌿𑌨𑍍𑌨𑌖𑌲𑍁𑌕𑌾𑌪𑍇𑌯𑍀𑌸𑍇𑌵𑍍𑌯𑌤𑍇𑌚𑌕𑌚𑌿𑌤𑍍𑌤𑌤𑌾 ।

𑌨 𑌹𑌿𑌪𑌶𑍍𑌯𑌾𑌮𑌿𑌕𑌾𑌕𑍁𑌤𑍍𑌸𑍍𑌥𑌂𑌰𑌾𑌮𑌮𑌾𑌰𑍍𑌯𑌮𑍍𑌪𑌰𑌨𑍍𑌤𑌪𑌮𑍍 ॥ 23 ॥

𑌅𑌥𑍈𑌵𑌮𑍁𑌕𑍍𑌤𑍇𑌵𑌚𑌨𑍇𑌹𑌨𑍂𑌮𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ।

𑌅𑌰𑍍𑌥𑍍𑌯𑌂𑌵𑌿𑌜𑍍𑌞𑌾𑌪𑌯𑌨𑍍𑌨𑍇𑌵𑌭𑌰𑌤𑌂𑌸𑌤𑍍𑌯𑌵𑌿𑌕𑍍𑌰𑌮𑌮𑍍 ॥ 24 ॥

𑌸𑌦𑌾𑌫𑌲𑌾𑌨𑍍𑌕𑍁𑌸𑍁𑌮𑌿𑌤𑌾𑌨𑍍𑌵𑍃𑌕𑍍𑌷𑌾𑌨𑍍 𑌪𑍍𑌰𑌾𑌪𑍍𑌯𑌮𑌧𑍁𑌸𑍍𑌰𑌵𑌾𑌨𑍍 ।

𑌭𑌰𑌦𑍍𑌵𑌾𑌜𑌪𑍍𑌰𑌸𑌾𑌦𑍇𑌨𑌮𑌤𑍍𑌤𑌭𑍍𑌰𑌮𑌰𑌨𑌾𑌦𑌿𑌤𑌾𑌨𑍍 ॥ 25 ॥

𑌤𑌸𑍍𑌯𑌚𑍈𑌷𑌵𑌰𑍋𑌦𑌤𑍍𑌤𑍋𑌵𑌾𑌸𑌵𑍇𑌨𑌪𑌰𑌨𑍍𑌤𑌪 ।

𑌸𑌸𑍈𑌨𑍍𑌯𑌸𑍍𑌯𑌤𑌵𑌾𑌤𑌿𑌥𑍍𑌯𑌙𑍍𑌕𑍃𑌤𑌂𑌸𑌰𑍍𑌵𑌗𑍁𑌣𑌾𑌨𑍍𑌵𑌿𑌤𑌮𑍍 ॥ 26 ॥

𑌨𑌿𑌸𑍍𑌸𑍍𑌵𑌨𑍍𑌶𑍍𑌰𑍂𑌯𑌤𑍇𑌭𑍀𑌮𑌃𑌪𑍍𑌰𑌹𑍃𑌷𑍍𑌟𑌾𑌨𑌾𑌂𑌵𑌨𑍗𑌕𑌸𑌾𑌮𑍍 ।

𑌮𑌨𑍍𑌯𑍇𑌵𑌾𑌨𑌰𑌸𑍇𑌨𑌾𑌸𑌾𑌨𑌦𑍀𑌨𑍍𑌤𑌰𑌤𑌿𑌗𑍋𑌮𑌤𑍀𑌮𑍍 ॥ 27 ॥

𑌰𑌜𑍋𑌵𑌰𑍍𑌷𑌂𑌸𑌮𑍁𑌦𑍍𑌭𑍂𑌤𑌮𑍍𑌪𑌶𑍍𑌯𑌸𑌾𑌲𑌵𑌨𑌮𑍍𑌪𑍍𑌰𑌤𑌿 ।

𑌮𑌨𑍍𑌯𑍇𑌸𑌾𑌲𑌵𑌨𑌂𑌰𑌮𑍍𑌯𑌂𑌲𑍋𑌪𑌯𑌨𑍍𑌤𑌿𑌪𑍍𑌲𑌵𑌙𑍍𑌗𑌮𑌾𑌃 ॥ 28 ॥

𑌤𑌦𑍇𑌤𑌦𑍍𑌦𑍃𑌶𑍍𑌯𑌤𑍇𑌦𑍂𑌰𑌾𑌦𑍍𑌵𑌿𑌮𑌾𑌨𑌞𑍍𑌚𑌨𑍍𑌦𑍍𑌰𑌸𑌨𑍍𑌨𑌿𑌭𑌮𑍍 ।

𑌵𑌿𑌮𑌾𑌨𑌮𑍍𑌪𑍁𑌷𑍍𑌪𑌕𑌨𑍍𑌦𑌿𑌵𑍍𑌯𑌮𑍍𑌮𑌨𑌸𑌾𑌬𑍍𑌰𑌹𑍍𑌮𑌨𑌿𑌰𑍍𑌮𑌿𑌤𑌮𑍍 ॥ 29 ॥

𑌰𑌾𑌵𑌣𑌮𑍍𑌬𑌾𑌨𑍍𑌧𑌵𑍈𑌃𑌸𑌾𑌰𑍍𑌥𑌂𑌹𑌤𑍍𑌵𑌾𑌲𑌬𑍍𑌧𑌮𑍍𑌮𑌹𑌾𑌤𑍍𑌮𑌨𑌾 ।

𑌤𑌰𑍁𑌣𑌾𑌦𑌿𑌤𑍍𑌯𑌸𑌙𑍍𑌕𑌾𑌶𑌂𑌵𑌿𑌮𑌾𑌨𑌂𑌰𑌾𑌮𑌵𑌾𑌹𑌨𑌮𑍍 ॥ 30 ॥

𑌧𑌨𑌦𑌸𑍍𑌯𑌪𑍍𑌰𑌸𑌾𑌦𑍇𑌨𑌦𑌿𑌵𑍍𑌯𑌮𑍇𑌤𑌨𑍍𑌮𑌨𑍋𑌜𑌵𑌮𑍍 ।

𑌏𑌤𑌸𑍍𑌮𑌿𑌨𑍍 𑌭𑍍𑌰𑌾𑌤𑌰𑍗𑌵𑍀𑌰𑍗𑌵𑍈𑌦𑍇𑌹𑍍𑌯𑌾𑌸𑌹𑌰𑌾𑌘𑌵𑍗 ॥ 31 ॥

𑌸𑍁𑌗𑍍𑌰𑍀𑌵𑌶𑍍𑌚𑌮𑌹𑌾𑌤𑍇𑌜𑌾𑌰𑌾𑌕𑍍𑌷𑌸𑌶𑍍𑌚𑌵𑌿𑌭𑍀𑌷𑌣𑌃 ।

𑌏𑌤𑍋𑌹𑌰𑍍𑌷𑌸𑌮𑍁𑌦𑍍𑌭𑍂𑌤𑍋𑌨𑌿𑌃𑌸𑍍𑌵𑌨𑍋𑌦𑌿𑌵𑌮𑌸𑍍𑌪𑍃𑌶𑌤𑍍 ॥ 32 ॥

𑌸𑍍𑌤𑍍𑌰𑍀𑌬𑌾𑌲𑌯𑍁𑌵𑌵𑍃𑌦𑍍𑌧𑌾𑌨𑌾𑌂𑌰𑌾𑌮𑍋𑌽𑌯𑌮𑌿𑌤𑌿𑌕𑍀𑌰𑍍𑌤𑌿𑌤𑍇 ।

𑌰𑌥𑌕𑍁𑌞𑍍𑌜𑌰𑌵𑌾𑌜𑌿𑌭𑍍𑌯𑌸𑍍𑌤𑍇𑌽𑌵𑌤𑍀𑌰𑍍𑌯𑌮𑌹𑍀𑌙𑍍𑌗𑌤𑌾𑌃 ॥ 33 ॥

𑌦𑌦𑍃𑌶𑍁𑌸𑍍𑌤𑌂𑌵𑌿𑌮𑌾𑌨𑌸𑍍𑌥𑌨𑍍𑌨𑌰𑌾𑌸𑍍𑌸𑍋𑌮𑌮𑌿𑌵𑌾𑌮𑍍𑌬𑌰𑍇 ।

𑌪𑍍𑌰𑌾𑌜𑍍𑌞𑌲𑌿𑌰𑍍𑌭𑌰𑌤𑍋𑌭𑍂𑌤𑍍𑌵𑌾𑌪𑍍𑌰𑌸𑍃𑌷𑍍𑌟𑍋𑌰𑌾𑌘𑌵𑍋𑌨𑍍𑌮𑍁𑌖𑌃 ॥ 34 ॥

𑌸𑍍𑌵𑌾𑌗𑌤𑍇𑌨𑌯𑌥𑌾𑌰𑍍𑌹𑍇𑌣𑌤𑌤𑍋𑌰𑌾𑌮𑌮𑌪𑍂𑌜𑌯𑌤𑍍 ।

𑌮𑌨𑌸𑌾𑌬𑍍𑌰𑌹𑍍𑌮𑌣𑌾𑌸𑍃𑌷𑍍𑌟𑍇𑌵𑌿𑌮𑌾𑌨𑍇𑌭𑌰𑌤𑌾𑌗𑍍𑌰𑌜𑌃 ॥ 35 ॥

𑌰𑌰𑌾𑌜𑌪𑍃𑌥𑍁𑌦𑍀𑌰𑍍𑌘𑌾𑌕𑍍𑌷𑍋𑌵𑌜𑍍𑌰𑌪𑌾𑌣𑌿𑌰𑌿𑌵𑌾𑌪𑌰𑌃 ।

𑌤𑌤𑍋𑌵𑌿𑌮𑌾𑌨𑌾𑌗𑍍𑌰𑌗𑌤𑌮𑍍𑌭𑌰𑌤𑍋𑌭𑍍𑌰𑌾𑌤𑌰𑌨𑍍𑌤𑌦𑌾 ॥ 36 ॥

𑌵𑌵𑌨𑍍𑌦𑍇𑌪𑍍𑌰𑌣𑌤𑍋𑌰𑌾𑌮𑌮𑍍𑌮𑍇𑌰𑍁𑌸𑍍𑌥𑌮𑌿𑌵𑌭𑌾𑌸𑍍𑌕𑌰𑌮𑍍 ।

𑌤𑌤𑍋𑌰𑌾𑌮𑌾𑌭𑍍𑌯𑌨𑍁𑌜𑍍𑌞𑌾𑌤𑌨𑍍𑌤𑌦𑍍𑌵𑌿𑌮𑌾𑌨𑌮𑌨𑍁𑌤𑍍𑌤𑌮𑌮𑍍 ॥ 37 ॥

𑌹𑌂𑌸𑌯𑍁𑌕𑍍𑌤𑌮𑍍𑌮𑌹𑌾𑌵𑍇𑌗𑌨𑍍𑌨𑌿𑌪𑌪𑌾𑌤𑌮𑌹𑍀𑌤𑌲𑍇 ।

𑌆𑌪𑌿𑌤𑍋𑌵𑌿𑌮𑌾𑌨𑌨𑍍𑌤𑌦𑍍𑌭𑌰𑌤𑌸𑍍𑌸𑌤𑍍𑌯𑌵𑌿𑌕𑍍𑌰𑌮𑌃 ॥ 38 ॥

𑌰𑌾𑌮𑌮𑌾𑌸𑌾𑌦𑍍𑌯𑌮𑍁𑌦𑌿𑌤𑌃𑌪𑍁𑌨𑌰𑍇𑌵𑌾𑌭𑍍𑌯𑌵𑌾𑌦𑌯𑌤𑍍 ।

𑌤𑌂𑌸𑌮𑍁𑌤𑍍𑌥𑌾𑌪𑍍𑌯𑌕𑌾𑌕𑍁𑌤𑍍𑌸𑍍𑌥𑌶𑍍𑌚𑌿𑌰𑌸𑍍𑌯𑌾𑌕𑍍𑌷𑌿𑌰𑌥𑌙𑍍𑌗𑌤𑌮𑍍 ॥ 39 ॥

𑌅𑌙𑍍𑌕𑍇𑌭𑌰𑌤𑌮𑌾𑌰𑍋𑌪𑍍𑌯𑌮𑍁𑌦𑌿𑌤𑌃𑌪𑌰𑌿𑌷𑌸𑍍𑌵𑌜𑍇 ।

𑌤𑌤𑍋𑌲𑌕𑍍𑌷𑍍𑌮𑌣𑌮𑌾𑌸𑌾𑌦𑍍𑌯𑌵𑍈𑌦𑍇𑌹𑍀𑌂 𑌚 𑌪𑌰𑌨𑍍𑌤𑌪𑌃 ॥ 40 ॥

𑌅𑌥𑌾𑌭𑍍𑌯𑌵𑌾𑌦𑌯𑌪𑍍𑌰𑌤𑍀𑌤𑍋𑌭𑌰𑌤𑍋𑌨𑌾𑌮𑌚𑌾𑌬𑍍𑌰𑌵𑍀𑌤𑍍 ।

𑌸𑍁𑌗𑍍𑌰𑍀𑌵𑌙𑍍𑌕𑍇𑌕𑌯𑍀𑌪𑍁𑌤𑍍𑌰𑍋𑌜𑌾𑌮𑍍𑌬𑌵𑌨𑍍𑌤𑌮𑌥𑌾𑌙𑍍𑌗𑌦𑌮𑍍 ॥ 41 ॥

𑌮𑍈𑌨𑍍𑌦𑌂 𑌚 𑌦𑍍𑌵𑌿𑌵𑌿𑌦𑌨𑍍𑌨𑍀𑌲𑌮𑍃𑌷𑌭𑌮𑍍𑌪𑌰𑌿𑌷𑌸𑍍𑌵𑌜𑍇 ।

𑌸𑍁𑌷𑍇𑌣𑌂 𑌚 𑌨𑌲𑌞𑍍𑌚𑍈𑌵𑌗𑌵𑌾𑌕𑍍𑌷𑌙𑍍𑌗𑌨𑍍𑌧𑌮𑌾𑌦𑌨𑌮𑍍 ॥ 42 ॥

𑌶𑌰𑌭𑌮𑍍𑌪𑌨𑌸𑌞𑍍𑌚𑍈𑌵𑌪𑌰𑌿𑌤𑌃𑌪𑌰𑌿𑌷𑌸𑍍𑌵𑌜𑍇 ।

𑌤𑍇𑌕𑍃𑌤𑍍𑌵𑌾𑌮𑌾𑌨𑍁𑌷𑌂𑌰𑍂𑌪𑌂𑌵𑌾𑌨𑌰𑌾𑌃𑌕𑌾𑌮𑌰𑍂𑌪𑌿𑌣𑌃 ॥ 43 ॥

𑌕𑍁𑌶𑌲𑌮𑍍𑌪𑌰𑍍𑌯𑌪𑍃𑌚𑍍𑌛𑌂𑌸𑍍𑌤𑍇𑌪𑍍𑌰𑌹𑍃𑌷𑍍𑌟𑌾𑌭𑌰𑌤𑌨𑍍𑌤𑌦𑌾 ।

𑌅𑌥𑌾𑌬𑍍𑌰𑌵𑍀𑌦𑍍𑌰𑌾𑌜𑌪𑍁𑌤𑍍𑌰𑌸𑍍𑌸𑍁𑌗𑍍𑌰𑍀𑌵𑌂𑌵𑌾𑌨𑌰𑌰𑍍𑌷𑌭𑌮𑍍 ॥ 44 ॥

𑌪𑌰𑌿𑌷𑍍𑌵𑌜𑍍𑌯𑌮𑌹𑌾𑌤𑍇𑌜𑌾𑌭𑌰𑌤𑍋𑌧𑌰𑍍𑌮𑌿𑌣𑌾𑌂𑌵𑌰𑌃 ।

𑌤𑍍𑌵𑌮𑍍𑌸𑍍𑌮𑌾𑌕𑌞𑍍𑌚𑌤𑍁𑌰𑍍𑌣𑌾𑌂𑌵𑍈𑌭𑍍𑌰𑌾𑌤𑌾𑌸𑍁𑌗𑍍𑌰𑍀𑌵𑌪𑌞𑍍𑌚𑌮𑌃 ॥ 45 ॥

𑌸𑍗𑌹𑌾𑌰𑍍𑌦𑌾𑌜𑍍𑌜𑌾𑌯𑌤𑍇𑌮𑌿𑌤𑍍𑌰𑌮𑌪𑌕𑌾𑌰𑍋𑌽𑌰𑌿𑌲𑌕𑍍𑌷𑌣𑌮𑍍 ।

𑌵𑌿𑌭𑍀𑌷𑌣𑌂 𑌚 𑌭𑌰𑌤𑌃𑌸𑌾𑌨𑍍𑌤𑍍𑌵𑌵𑌾𑌕𑍍𑌯𑌮𑌥𑌾𑌬𑍍𑌰𑌵𑍀𑌤𑍍 ॥ 46 ॥

𑌦𑌿𑌷𑍍𑌟𑍍𑌯𑌾𑌤𑍍𑌵𑌯𑌾𑌸𑌹𑌾𑌯𑍇𑌨𑌕𑍃𑌤𑌙𑍍𑌕𑌰𑍍𑌮𑌸𑍁𑌦𑍁𑌷𑍍𑌕𑌰𑌮𑍍 ।

𑌶𑌤𑍍𑌰𑍁𑌘𑍍𑌨𑌶𑍍𑌚𑌤𑌦𑌾𑌰𑌾𑌮𑌮𑌭𑌿𑌵𑌾𑌦𑍍𑌯𑌸𑌲𑌕𑍍𑌷𑍍𑌮𑌣𑌮𑍍 ॥ 47 ॥

𑌸𑍀𑌤𑌾𑌯𑌾𑌶𑍍𑌚𑌰𑌣𑍗𑌵𑍀𑌰𑍋𑌵𑌿𑌨𑌯𑌾𑌦𑌭𑍍𑌯𑌵𑌾𑌦𑌯𑌤𑍍 ।

𑌰𑌾𑌮𑍋𑌮𑌾𑌤𑌰𑌮𑌾𑌸𑌾𑌦𑍍𑌯𑌵𑌿𑌵𑌰𑍍𑌣𑌾𑌂𑌶𑍋𑌕𑌕𑌰𑍍𑌶𑌿𑌤𑌾𑌮𑍍 ॥ 48 ॥

𑌜𑌗𑍍𑌰𑌾𑌹𑌪𑍍𑌰𑌣𑌤𑌃𑌪𑌾𑌦𑍗𑌮𑌨𑍋𑌮𑌾𑌤𑍁𑌃𑌪𑍍𑌰𑌹𑌰𑍍𑌷𑌯𑌨𑍍 ।

𑌅𑌭𑌿𑌵𑌾𑌦𑍍𑌯𑌸𑍁𑌮𑌿𑌤𑍍𑌰𑌾𑌂 𑌚 𑌕𑍈𑌕𑍇𑌯𑍀𑌂 𑌚 𑌯𑌶𑌸𑍍𑌵𑌿𑌨𑍀𑌮𑍍 ॥ 49 ॥

𑌸 𑌮𑌾𑌤𑍍𑌰𑍂𑌶𑍍𑌚𑌤𑌤𑌸𑍍𑌸𑌰𑍍𑌵𑌾𑌪𑍁𑌰𑍋𑌹𑌿𑌤𑌮𑍁𑌪𑌾𑌗𑌮𑌤𑍍 ।

𑌸𑍍𑌵𑌾𑌗𑌤𑌨𑍍𑌤𑍇𑌮𑌹𑌾𑌬𑌾𑌹𑍋𑌕𑍗𑌸𑌲𑍍𑌯𑌾𑌨𑌨𑍍𑌦𑌵𑌰𑍍𑌧𑌨𑌾 ॥ 50 ॥

𑌇𑌤𑌿𑌪𑍍𑌰𑌾𑌞𑍍𑌜𑌲𑌯𑌃𑌸𑌰𑍍𑌵𑍇𑌨𑌾𑌗𑌰𑌾𑌰𑌾𑌮𑌮𑌬𑍍𑌰𑍁𑌵𑌨𑍍 ।

𑌤𑌾𑌨𑍍𑌯𑌞𑍍𑌜𑌲𑌿𑌸𑌹𑌸𑍍𑌰𑌾𑌣𑌿𑌪𑍍𑌰𑌗𑍃𑌹𑍀𑌤𑌾𑌨𑌿𑌨𑌾𑌗𑌰𑍈𑌃 ॥ 51 ॥

𑌵𑍍𑌯𑌾𑌕𑍋𑌚𑌾𑌨𑍀𑌵𑌪𑌦𑍍𑌮𑌾𑌨𑌿𑌦𑌦𑌰𑍍𑌶𑌭𑌰𑌤𑌾𑌗𑍍𑌰𑌜𑌃 ।

𑌪𑌾𑌦𑍁𑌕𑍇𑌤𑍇𑌤𑍁𑌰𑌾𑌮𑌸𑍍𑌯𑌗𑍃𑌹𑍀𑌤𑍍𑌵𑌾𑌭𑌰𑌤𑌸𑍍𑌸𑍍𑌵𑌯𑌮𑍍 ॥ 52 ॥

𑌚𑌰𑌣𑌾𑌭𑍍𑌯𑌾𑌨𑍍𑌨𑌰𑍇𑌨𑍍𑌦𑍍𑌰𑌸𑍍𑌯𑌯𑍋𑌜𑌯𑌾𑌮𑌾𑌸𑌧𑌰𑍍𑌮𑌵𑌿𑌤𑍍 ।

𑌅𑌬𑍍𑌰𑌵𑍀𑌚𑍍𑌚𑌤𑌦𑌾𑌰𑌾𑌮𑌮𑍍𑌭𑌰𑌤𑌃 𑌸 𑌕𑍃𑌤𑌾𑌞𑍍𑌜𑌲𑌿𑌃 ॥ 53 ॥

𑌏𑌤𑌤𑍍𑌤𑍇𑌸𑌕𑌲𑌂𑌰𑌾𑌜𑍍𑌯𑌨𑍍𑌨𑍍𑌯𑌾𑌸𑌨𑍍𑌨𑌿𑌰𑍍𑌯𑌾𑌤𑌿𑌤𑌮𑍍𑌮𑌯𑌾 ।

𑌅𑌦𑍍𑌯𑌜𑌨𑍍𑌮𑌕𑍃𑌤𑌾𑌰𑍍𑌥𑌮𑍍𑌮𑍇𑌸𑌮𑍍𑌵𑍃𑌤𑍍𑌤𑌶𑍍𑌚𑌮𑌨𑍋𑌰𑌥𑌃 ॥ 54 ॥

𑌯𑌤𑍍𑌤𑍍𑌵𑌾𑌮𑍍𑌪𑌶𑍍𑌯𑌾𑌮𑌿𑌰𑌾𑌜𑌾𑌨𑌮𑌯𑍋𑌧𑍍𑌯𑌾𑌮𑍍𑌪𑍁𑌨𑌰𑌾𑌗𑌤𑌮𑍍 ।

𑌅𑌵𑍇𑌕𑍍𑌷𑌤𑌾𑌮𑍍𑌭𑌵𑌾𑌨𑍍𑌶𑍋𑌕𑌙𑍍𑌕𑍋𑌷𑍍𑌠𑌾𑌗𑌾𑌰𑌙𑍍𑌗𑍃𑌹𑌮𑍍𑌬𑌲𑌮𑍍 ॥ 55 ॥

𑌭𑌵𑌤𑌸𑍍𑌤𑍇𑌜𑌸𑌾𑌸𑌰𑍍𑌵𑌙𑍍𑌕𑍃𑌤𑌨𑍍𑌦𑌶𑌗𑍁𑌣𑌮𑍍𑌮𑌯𑌾 ।

𑌤𑌥𑌾𑌬𑍍𑌰𑍁𑌵𑌾𑌣𑌮𑍍𑌭𑌰𑌤𑌨𑍍𑌦𑍃𑌷𑍍𑌟𑌵𑌾𑌤𑌮𑍍𑌭𑍍𑌰𑌾𑌤𑍃𑌵𑌤𑍍𑌸𑌲𑌮𑍍 ॥ 56 ॥

𑌮𑍁𑌮𑍁𑌚𑍁𑌰𑍍𑌵𑌾𑌨𑌰𑌾𑌬𑌾𑌷𑍍𑌪𑌂𑌰𑌾𑌕𑍍𑌷𑌸𑌶𑍍𑌚𑌵𑌿𑌭𑍀𑌷𑌣𑌃 ।

𑌤𑌤𑌃𑌪𑍍𑌰𑌹𑌰𑍍𑌷𑌾𑌦𑍍𑌭𑌰𑌤𑌮𑌙𑍍𑌗𑌮𑌾𑌰𑍋𑌪𑍍𑌯𑌰𑌾𑌘𑌵𑌃 ॥ 57 ॥

𑌯𑌯𑍗𑌤𑍇𑌨𑌵𑌿𑌮𑌾𑌨𑍇𑌨𑌸𑌸𑍈𑌨𑍍𑌯𑍋𑌭𑌰𑌤𑌾𑌶𑍍𑌰𑌮𑌮𑍍 ।

𑌭𑌰𑌤𑌾𑌶𑍍𑌰𑌮𑌮𑌾𑌸𑌾𑌦𑍍𑌯𑌸𑌸𑍈𑌨𑍍𑌯𑍋𑌰𑌾𑌘𑌵𑌸𑍍𑌤𑌦𑌾 ॥ 58 ॥

𑌅𑌵𑌤𑍀𑌰𑍍𑌯𑌵𑌿𑌮𑌾𑌨𑌾𑌗𑍍𑌰𑌾𑌦𑌵𑌤𑌸𑍍𑌥𑍇𑌮𑌹𑍀𑌤𑌲𑍇 ।

𑌅𑌬𑍍𑌰𑌵𑍀𑌤𑍍𑌤𑍁𑌤𑌦𑌾𑌰𑌾𑌮𑌸𑍍𑌤𑌦𑍍𑌵𑌿𑌮𑌾𑌨𑌮𑌨𑍁𑌤𑍍𑌤𑌮𑌮𑍍 ॥ 59 ॥

𑌵𑌹𑌵𑍈𑌶𑍍𑌰𑌵𑌣𑌨𑍍𑌦𑍇𑌵𑌮𑌨𑍁𑌜𑌾𑌨𑌾𑌮𑌿𑌗𑌮𑍍𑌯𑌤𑌾𑌮𑍍 ।

𑌤𑌤𑍋𑌰𑌾𑌮𑌾𑌭𑍍𑌯𑌨𑍁𑌜𑍍𑌞𑌾𑌤𑌨𑍍𑌤𑌦𑍍𑌵𑌿𑌮𑌾𑌨𑌮𑌨𑍁𑌤𑍍𑌤𑌮𑌮𑍍 ॥ 60 ॥

𑌉𑌤𑍍𑌤𑌰𑌾𑌨𑍍𑌦𑌿𑌶𑌮𑍁𑌦𑍍𑌦𑌿𑌶𑍍𑌯𑌜𑌗𑌾𑌮𑌧𑌨𑌦𑌾𑌲𑌯𑌮𑍍 ।

𑌵𑌿𑌮𑌾𑌨𑌮𑍍𑌪𑍁𑌷𑍍𑌪𑌕𑌨𑍍𑌦𑌿𑌵𑍍𑌯𑌂𑌸𑌮𑍍𑌗𑍃𑌹𑍀𑌤𑌨𑍍𑌤𑍁𑌰𑌕𑍍𑌷𑌸𑌾 ॥ 61 ॥

𑌅𑌗𑌮𑌦𑍍𑌧𑌨𑌦𑌂𑌵𑍇𑌗𑌾𑌦𑍍𑌰𑌾𑌮𑌵𑌾𑌕𑍍𑌯𑌪𑍍𑌰𑌚𑍋𑌦𑌿𑌤𑌮𑍍 ।

𑌪𑍁𑌰𑍋𑌹𑌿𑌤𑌸𑍍𑌯𑌾𑌤𑍍𑌮𑌸𑌮𑌸𑍍𑌯𑌰𑌾𑌘𑌵𑍋𑌬𑍃𑌹𑌸𑍍𑌪𑌤𑍇𑌶𑍍𑌶𑌕𑍍𑌰𑍈𑌵𑌾𑌮𑌰𑌾𑌧𑌿𑌪𑌃 ।

𑌨𑌿𑌪𑍀𑌡𑍍𑌯𑌪𑌾𑌦𑍗𑌪𑍃𑌥𑌗𑌾𑌨𑌨𑍇𑌶𑍁𑌭𑍇𑌸𑌹𑍈𑌵𑌤𑍇𑌨𑍋𑌪𑌵𑌿𑌵𑍇𑌶𑌵𑍀𑌰𑍍𑌯𑌵𑌾𑌨𑍍 ॥ 62 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌤𑍍𑌰𑌿𑌂𑌶𑌦𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha triṃśadadhikaśatatamassargaḥ |

śrutvātuparamānandambharatassatyavikramaḥ |

hṛṣṭamājñāpayāmāsaśatrughnamparavīrahā || 1 ||

daivatāni ca sarvāṇicaityāninagarasya ca |

sugandhamālyairyāditrairarcantu śucayo narāḥ || 2 ||

sūtāsstutipurāṇajñāssarvevaitālikāstathā |

sarvevāditrakuśalāgaṇikāścaivasaṅghaśaḥ || 3 ||

rājadārāstathāmātyāssainyāssenāṅganāgaṇāḥ |

brāhmaṇāścasarājanyāśreṇimukhyāstathāgaṇāḥ || 4 ||

abhiniryānturāmasyadraṣṭuṃśaśinibhammukham |

bharatasyavacśrutvāśatrughnaḥparavīrahā || 5 ||

viṣṭīranekasāhasrīścodayāmānabhāgaśaḥ |

samīkurutanimnāniviṣamānisamāni ca || 6 ||

sthānānitunirasyantānnandigrāmāditaḥparam |

siñcastupṛthivīṅkṛtsnāṃhivaśītevavāriṇā || 7 ||

tato'bhyavakirantvanyelājaiḥpuṣpaiścasarvataḥ |

sumucchritapatākāsturathyāḥpuravarottameḥ || 8 ||

śobhayantu ca veśmānisūryasyodayanamprati |

sragdāmamuktapuṣpaiścasugandhaiḥ pañcavarṇakaiḥ || 9 ||

rājamārgamasambādhaṅkirantuśataśonarāḥ |

tastacchāsanaṃśrutvāśatrughnasyamudānvitāḥ || 10 ||

dhṛṣṭirjayantovijayassiddhārthaścārthasādhakaḥ |

aśokomantrapālaścasumantraścāpiniryayuḥ || 11 ||

mattairnāgasahasraiścasadhvajaissuvibhūṣitaiḥ |

aparehemakakṣābhissagajābhiḥkareṇubhiḥ || 12 ||

niryayusturarathaiścasumahārathāḥ |

śaktyṛṣṭipāśahastānāṃsadhvajānāmpatākinām || 13 ||

turagāṇāṃsahasraiścamukhyairmukhyatarānvitaiḥ |

padātīnāṃsahasraiścavīrāḥparivṛtāyayuḥ || 14 ||

tatoyānānyupārūḍhāssarvādaśarathastriyaḥ |

kausalyāmpramukhekṛtvāsumitrāñcāpiniryayuḥ || 15 ||

kaikeyyāsahitāḥsarvānandigrāmamupāgaman |

dvijātimukhyairdharmātmāśreṇīmukhyaissanaigamaiḥ || 16 ||

mālyamodakahastaiścamantribhirbharatovṛtaḥ |

śaṅkhabherīninādaiścavandibhiścābhivananditaḥ || 17 ||

āryapādaugṛhītvātauśirasādharmakovidaḥ |

pāṇḍurañchatramādāyaśuklamālyopaśobhitam || 18 ||

śukle ca vālavyajanerājārhehemabhūṣite |

upavāsakṛśodīnaścīrakṛṣṇājināmbaraḥ || 19 ||

bhrāturāgamanaṃśrutvātatpūrvaṃharṣamāgataḥ |

pratyudyayautadārāmammahātmāsacivaissaha || 20 ||

aśvānāṅkhuraśabdaiścarathanemisvanena ca |

śaṅkhadundubhinādenasañcacālevamedinī || 21 ||

kṛtsnantunagarantattunandigrāmamupāgamat |

samīkṣyabharatovākyamuvācapavanātmajam || 22 ||

kaccinnakhalukāpeyīsevyatecakacittatā |

na hipaśyāmikākutsthaṃrāmamāryamparantapam || 23 ||

athaivamuktevacanehanūmānidamabravīt |

arthyaṃvijñāpayannevabharataṃsatyavikramam || 24 ||

sadāphalānkusumitānvṛkṣān prāpyamadhusravān |

bharadvājaprasādenamattabhramaranāditān || 25 ||

tasyacaiṣavarodattovāsavenaparantapa |

sasainyasyatavātithyaṅkṛtaṃsarvaguṇānvitam || 26 ||

nissvanśrūyatebhīmaḥprahṛṣṭānāṃvanaukasām |

manyevānarasenāsānadīntaratigomatīm || 27 ||

rajovarṣaṃsamudbhūtampaśyasālavanamprati |

manyesālavanaṃramyaṃlopayantiplavaṅgamāḥ || 28 ||

tadetaddṛśyatedūrādvimānañcandrasannibham |

vimānampuṣpakandivyammanasābrahmanirmitam || 29 ||

rāvaṇambāndhavaiḥsārthaṃhatvālabdhammahātmanā |

taruṇādityasaṅkāśaṃvimānaṃrāmavāhanam || 30 ||

dhanadasyaprasādenadivyametanmanojavam |

etasmin bhrātarauvīrauvaidehyāsaharāghavau || 31 ||

sugrīvaścamahātejārākṣasaścavibhīṣaṇaḥ |

etoharṣasamudbhūtoniḥsvanodivamaspṛśat || 32 ||

strībālayuvavṛddhānāṃrāmo'yamitikīrtite |

rathakuñjaravājibhyaste'vatīryamahīṅgatāḥ || 33 ||

dadṛśustaṃvimānasthannarāssomamivāmbare |

prājñalirbharatobhūtvāprasṛṣṭorāghavonmukhaḥ || 34 ||

svāgatenayathārheṇatatorāmamapūjayat |

manasābrahmaṇāsṛṣṭevimānebharatāgrajaḥ || 35 ||

rarājapṛthudīrghākṣovajrapāṇirivāparaḥ |

tatovimānāgragatambharatobhrātarantadā || 36 ||

vavandepraṇatorāmammerusthamivabhāskaram |

tatorāmābhyanujñātantadvimānamanuttamam || 37 ||

haṃsayuktammahāvegannipapātamahītale |

āpitovimānantadbharatassatyavikramaḥ || 38 ||

rāmamāsādyamuditaḥpunarevābhyavādayat |

taṃsamutthāpyakākutsthaścirasyākṣirathaṅgatam || 39 ||

aṅkebharatamāropyamuditaḥpariṣasvaje |

tatolakṣmaṇamāsādyavaidehīṃ ca parantapaḥ || 40 ||

athābhyavādayapratītobharatonāmacābravīt |

sugrīvaṅkekayīputrojāmbavantamathāṅgadam || 41 ||

maindaṃ ca dvividannīlamṛṣabhampariṣasvaje |

suṣeṇaṃ ca nalañcaivagavākṣaṅgandhamādanam || 42 ||

śarabhampanasañcaivaparitaḥpariṣasvaje |

tekṛtvāmānuṣaṃrūpaṃvānarāḥkāmarūpiṇaḥ || 43 ||

kuśalamparyapṛcchaṃsteprahṛṣṭābharatantadā |

athābravīdrājaputrassugrīvaṃvānararṣabham || 44 ||

pariṣvajyamahātejābharatodharmiṇāṃvaraḥ |

tvamsmākañcaturṇāṃvaibhrātāsugrīvapañcamaḥ || 45 ||

sauhārdājjāyatemitramapakāro'rilakṣaṇam |

vibhīṣaṇaṃ ca bharataḥsāntvavākyamathābravīt || 46 ||

diṣṭyātvayāsahāyenakṛtaṅkarmasuduṣkaram |

śatrughnaścatadārāmamabhivādyasalakṣmaṇam || 47 ||

sītāyāścaraṇauvīrovinayādabhyavādayat |

rāmomātaramāsādyavivarṇāṃśokakarśitām || 48 ||

jagrāhapraṇataḥpādaumanomātuḥpraharṣayan |

abhivādyasumitrāṃ ca kaikeyīṃ ca yaśasvinīm || 49 ||

sa mātrūścatatassarvāpurohitamupāgamat |

svāgatantemahābāhokausalyānandavardhanā || 50 ||

itiprāñjalayaḥsarvenāgarārāmamabruvan |

tānyañjalisahasrāṇipragṛhītānināgaraiḥ || 51 ||

vyākocānīvapadmānidadarśabharatāgrajaḥ |

pāduketeturāmasyagṛhītvābharatassvayam || 52 ||

caraṇābhyānnarendrasyayojayāmāsadharmavit |

abravīccatadārāmambharataḥ sa kṛtāñjaliḥ || 53 ||

etattesakalaṃrājyannyāsanniryātitammayā |

adyajanmakṛtārthammesamvṛttaścamanorathaḥ || 54 ||

yattvāmpaśyāmirājānamayodhyāmpunarāgatam |

avekṣatāmbhavānśokaṅkoṣṭhāgāraṅgṛhambalam || 55 ||

bhavatastejasāsarvaṅkṛtandaśaguṇammayā |

tathābruvāṇambharatandṛṣṭavātambhrātṛvatsalam || 56 ||

mumucurvānarābāṣpaṃrākṣasaścavibhīṣaṇaḥ |

tataḥpraharṣādbharatamaṅgamāropyarāghavaḥ || 57 ||

yayautenavimānenasasainyobharatāśramam |

bharatāśramamāsādyasasainyorāghavastadā || 58 ||

avatīryavimānāgrādavatasthemahītale |

abravīttutadārāmastadvimānamanuttamam || 59 ||

vahavaiśravaṇandevamanujānāmigamyatām |

tatorāmābhyanujñātantadvimānamanuttamam || 60 ||

uttarāndiśamuddiśyajagāmadhanadālayam |

vimānampuṣpakandivyaṃsamgṛhītanturakṣasā || 61 ||

agamaddhanadaṃvegādrāmavākyapracoditam |

purohitasyātmasamasyarāghavobṛhaspateśśakraivāmarādhipaḥ |

nipīḍyapādaupṛthagānaneśubhesahaivatenopaviveśavīryavān || 62 ||

ityārṣe śrīmadrāmāyaṇe vālmīkīya ādikāvye yuddhakāṇḍe triṃśadadhikaśatatamassargaḥ ||