📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.100 𑌯𑍁𑌦𑍍𑌧𑌕𑌾𑌣𑍍𑌡 - 𑌶𑌤𑌤𑌮 𑌸𑌰𑍍𑌗𑌃
6.100 Yuddhakanda - Shatatama Sargah
Valmiki Grantha
𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌮𑌹𑍋𑌦𑌰𑌮𑌹𑌾𑌪𑌾𑌰𑍍𑌶𑍍𑌵𑍗𑌹𑌤𑍗𑌦𑍃𑌷𑍍𑌟𑌵𑌾𑌤𑍁𑌰𑌾𑌕𑍍𑌷 ।
𑌤𑌸𑍍𑌮𑌿𑌂𑌶𑍍𑌚𑌨𑌿𑌹𑌤𑍇𑌵𑍀𑌰𑍇𑌵𑌿𑌰𑍂𑌪𑌾𑌕𑍍𑌷𑍇𑌮𑌹𑌾𑌬𑌲𑍇 ॥ 1 ॥
𑌆𑌵𑌿𑌵𑍇𑌶𑌮𑌹𑌾𑌨𑍍 𑌕𑍍𑌰𑍋𑌧𑍋𑌰𑌾𑌵𑌣𑌨𑍍𑌤𑍁𑌮𑌹𑌾𑌮𑍃𑌧𑍇 ।
𑌸𑍂𑌤𑌂 𑌸𑌞𑍍𑌚𑍋𑌦𑌯𑌾𑌮𑌾𑌸 𑌵𑌾𑌕𑍍𑌯𑌂 𑌚𑍇𑌦𑌮𑍁𑌵𑌾𑌚 𑌹 ॥ 2 ॥
𑌨𑌿𑌹𑌤𑌾𑌨𑌾𑌮𑌮𑌾𑌤𑍍𑌯𑌾𑌨𑌾𑌂𑌰𑍁𑌦𑍍𑌧𑌸𑍍𑌯𑌨𑌗𑌰𑌸𑍍𑌯 𑌚 ।
𑌦𑍁𑌃𑌖𑌮𑍇𑌵𑌾𑌪𑌨𑍇𑌷𑍍𑌯𑌾𑌮𑌿 𑌹𑌤𑍍𑌯𑌾 𑌤𑍗 𑌰𑌾𑌮𑌲𑌕𑍍𑌷𑍍𑌮𑌣𑍗 ॥ 3 ॥
𑌰𑌾𑌮𑌵𑍃𑌕𑍍𑌷𑌂𑌰𑌣𑍇𑌹𑌮𑌨𑌿𑌸𑍀𑌤𑌾𑌪𑍁𑌷𑍍𑌪𑌫𑌲𑌪𑍍𑌰𑌦𑌮𑍍 ।
𑌪𑍍𑌰𑌶𑌾𑌖𑌾𑌯𑌸𑍍𑌯𑌸𑍁𑌗𑍍𑌰𑍀𑌵𑍋𑌜𑌾𑌮𑍍𑌬𑌵𑌾𑌨𑍍𑌕𑍁𑌮𑍁𑌦𑍋𑌨𑌲𑌃 ॥ 4 ॥
𑌤𑌦𑌸𑍍𑌤𑍍𑌰𑌨𑍍 𑌰𑌾𑌘𑌵𑌃 𑌶𑍍𑌰𑍀𑌮𑌾𑌨𑍁𑌤𑍍𑌤𑌮𑌾𑌸𑍍𑌤𑍍𑌰𑌵𑌿𑌦𑌾𑌂 𑌵𑌰𑌃 ।
𑌜𑌘𑌾𑌨 𑌪𑌰𑌮𑌾𑌸𑍍𑌤𑍍𑌰𑍇𑌣 𑌗𑌨𑍍𑌧𑌰𑍍𑌵𑍇𑌣 𑌮𑌹𑌾𑌦𑍍𑌯𑍁𑌤𑌿𑌃 ॥ 5 ॥
𑌸 𑌦𑌿𑌶𑍋𑌦𑌶𑌘𑍋𑌷𑍇𑌣𑌰𑌥𑌸𑍍𑌯𑌾𑌤𑌿𑌰𑌥𑍋𑌮𑌹𑌾𑌨𑍍 ।
𑌨𑌾𑌦𑌯𑌨𑍍 𑌪𑍍𑌰𑌯𑌯𑍗𑌤𑍂𑌰𑍍𑌣𑌂𑌰𑌾𑌘𑌵𑌞𑍍𑌚𑌾𑌭𑍍𑌯𑌧𑌾𑌵𑌤 ॥ 6 ॥
𑌪𑍂𑌰𑌿𑌤𑌾𑌤𑍇𑌨𑌶𑌬𑍍𑌦𑍇𑌨𑌸𑌨𑌦𑍀𑌗𑌿𑌰𑌿𑌕𑌾𑌨𑌨𑌾 ।
𑌸𑌞𑍍𑌚𑌚𑌾𑌲 𑌮𑌹𑍀 𑌸𑌰𑍍𑌵𑌾 𑌤𑍍𑌰𑌸𑍍𑌤𑌸𑌿𑌂𑌹𑌮𑍃𑌗𑌦𑍍𑌵𑌿𑌜𑌾 ॥ 7 ॥
𑌤𑌾𑌮𑌸𑌂𑌸𑍁𑌮𑌹𑌾𑌘𑍋𑌰𑌞𑍍𑌚𑌕𑌾𑌰𑌾𑌸𑍍𑌤𑍍𑌰𑌂𑌸𑍁𑌦𑌾𑌰𑍁𑌣𑌮𑍍 ।
𑌨𑌿𑌰𑍍𑌦𑌦𑌾𑌹𑌕𑌪𑍀𑌨𑍍 𑌸𑌰𑍍𑌵𑌾𑌂𑌸𑍍𑌤𑍇𑌪𑍍𑌰𑌪𑍇𑌤𑍁𑌃𑌸𑌮𑌨𑍍𑌤𑌤𑌃 ॥ 8 ॥
𑌉𑌤𑍍𑌪𑌪𑌾𑌤𑌰𑌜𑍋𑌭𑍂𑌮𑍗𑌤𑍈𑌰𑍍𑌭𑌗𑍍𑌨𑍈𑌃𑌸𑌮𑍍𑌪𑍍𑌰𑌧𑌾𑌵𑌿𑌤𑍈𑌃 ।
𑌨 𑌹𑌿𑌤𑌤𑍍𑌸𑌹𑌿𑌤𑍁𑌂𑌶𑍇𑌕𑍁𑌰𑍍𑌭𑍍𑌰𑌹𑍍𑌮𑌣𑌾𑌨𑌿𑌰𑍍𑌮𑌿𑌤𑌂𑌸𑍍𑌵𑌯𑌮𑍍 ॥ 9 ॥
𑌤𑌾𑌨𑍍𑌯𑌨𑍀𑌕𑌾𑌨𑍍𑌯𑌨𑍇𑌕𑌾𑌨𑌿 𑌰𑌾𑌵𑌣𑌸𑍍𑌯 𑌶𑌰𑍋𑌤𑍍𑌤𑌮𑍈𑌃 ।
𑌦𑍃𑌷𑍍𑌟𑌵𑌾𑌭𑌗𑍍𑌨𑌾𑌨𑌿 𑌶𑌤𑌶𑍋 𑌰𑌾𑌘𑌵𑌃 𑌪𑌰𑍍𑌯𑌵𑌸𑍍𑌥𑌿𑌤𑌃 ॥ 10 ॥
𑌤𑌤𑍋𑌰𑌾𑌕𑍍𑌷𑌸𑌶𑌾𑌰𑍍𑌦𑍂𑌲𑍋𑌵𑌿𑌦𑍍𑌰𑌾𑌵𑍍𑌯𑌹𑌰𑌿𑌵𑌾𑌹𑌿𑌨𑍀𑌮𑍍 ।
𑌸 𑌦𑌦𑌰𑍍𑌶𑌤𑌤𑍋𑌰𑌾𑌮𑌨𑍍𑌤𑌿𑌷𑍍𑌠𑌨𑍍𑌤𑌮𑌪𑌰𑌾𑌜𑌿𑌤𑌮𑍍 ॥ 11 ॥
𑌲𑌕𑍍𑌷𑍍𑌮𑌣𑍇𑌨𑌸𑌹𑌭𑍍𑌰𑌾𑌤𑍍𑌰𑌾𑌵𑌿𑌷𑍍𑌣𑍁𑌨𑌾𑌵𑌾𑌸𑌵𑌂𑌯𑌥𑌾 ।
𑌅𑌲𑌿𑌖𑌨𑍍𑌤𑌮𑌿𑌵𑌾𑌕𑌾𑌶𑌮𑌵𑌷𑍍𑌟𑌭𑍍𑌯𑌮𑌹𑌦𑍍𑌧𑌨𑍁𑌃 ॥ 12 ॥
𑌪𑌦𑍍𑌮𑌪𑌤𑍍𑌰𑌵𑌿𑌶𑌾𑌲𑌾𑌕𑍍𑌷𑌨𑍍𑌦𑍀𑌰𑍍𑌘𑌬𑌾𑌹𑍁𑌮𑌰𑌿𑌨𑍍𑌦𑌮𑌮𑍍 ।
𑌤𑌤𑍋𑌰𑌾𑌮𑍋𑌮𑌹𑌾𑌤𑍇𑌜𑌾𑌃𑌸𑍗𑌮𑌿𑌤𑍍𑌰𑌿𑌸𑌹𑌿𑌤𑍋𑌬𑌲𑍀 ॥ 13 ॥
𑌵𑌾𑌨𑌰𑌾𑌂𑌶𑍍𑌚𑌰𑌣𑍇𑌭𑌗𑍍𑌨𑌾𑌨𑌾𑌪𑌤𑌨𑍍𑌤𑌂 𑌚 𑌰𑌾𑌵𑌣𑌮𑍍 ।
𑌸𑌮𑍀𑌕𑍍𑌷𑍍𑌯𑌰𑌾𑌘𑌵𑍋𑌹𑍃𑌷𑍍𑌟𑍋𑌮𑌧𑍍𑌯𑍇𑌜𑌗𑍍𑌰𑌾𑌹𑌕𑌾𑌰𑍍𑌮𑍁𑌕𑌮𑍍 ॥ 14 ॥
𑌵𑌿𑌸𑍍𑌫𑌾𑌰𑌯𑌿𑌤𑍁𑌮𑌾𑌰𑍇𑌭𑍇𑌤𑌤𑌃 𑌸 𑌧𑌨𑍁𑌰𑍁𑌤𑍍𑌤𑌮𑌮𑍍 ।
𑌮𑌹𑌾𑌵𑍇𑌗𑌮𑍍𑌮𑌹𑌾𑌨𑌾𑌦𑌨𑍍𑌨𑌿𑌰𑍍𑌭𑌨𑍍𑌦𑌨𑍍𑌨𑌿𑌵𑌮𑍇𑌦𑌿𑌨𑍀𑌮𑍍 ॥ 15 ॥
𑌰𑌾𑌵𑌣𑌸𑍍𑌯 𑌚 𑌬𑌾𑌣𑍗𑌘𑍈𑌰𑌾𑌮𑌵𑌿𑌸𑍍𑌫𑌾𑌰𑌿𑌤𑍇𑌨 𑌚 ।
𑌶𑌬𑍍𑌦𑍇𑌨𑌰𑌾𑌕𑍍𑌷𑌸𑌾𑌸𑍍𑌤𑍇𑌨 𑌪𑍇𑌤𑍁𑌶𑍍𑌚 𑌶𑌤𑌶𑌸𑍍𑌤𑌦𑌾 ॥ 16 ॥
𑌤𑌯𑍋𑌃𑌶𑌰𑌪𑌥𑌮𑍍𑌪𑍍𑌰𑌾𑌪𑍍𑌯𑌰𑌾𑌵𑌣𑍋𑌰𑌾𑌜𑌪𑍁𑌤𑍍𑌰𑌯𑍋𑌃 ।
𑌸 𑌬𑌭𑍗 𑌚 𑌯𑌥𑌾𑌰𑌾𑌹𑍁𑌃𑌸𑌮𑍀𑌪𑌶𑌶𑌿𑌸𑍂𑌰𑍍𑌯𑌯𑍋𑌃 ॥ 17 ॥
𑌤𑌮𑌿𑌚𑍍𑌛𑌨𑍍 𑌪𑍍𑌰𑌧𑌮𑌂 𑌯𑍋𑌦𑍍𑌧𑍁𑌂𑌲𑌕𑍍𑌷𑍍𑌮𑌣𑍋𑌨𑌿𑌶𑌿𑌤𑍈𑌃𑌶𑌰𑍈𑌃 ।
𑌮𑍁𑌮𑍋𑌚𑌧𑌨𑍁𑌰𑌾𑌯𑌮𑍍𑌯𑌶𑌰𑌾𑌨𑌗𑍍𑌨𑌿𑌶𑌿𑌖𑍋𑌪𑌮𑌾𑌨𑍍 ॥ 18 ॥
𑌤𑌾𑌨𑍍𑌮𑍁𑌕𑍍𑌤𑌮𑌾𑌤𑍍𑌰𑌾𑌨𑌾𑌕𑌾𑌶𑍇 𑌲𑌕𑍍𑌷𑍍𑌮𑌣𑍇𑌨 𑌧𑌨𑍁𑌷𑍍𑌮𑌤𑌾 ।
𑌬𑌾𑌣𑌾𑌨𑍍 𑌬𑌾𑌣𑍈𑌰𑍍𑌮𑌹𑌾𑌤𑍇𑌜𑌾 𑌰𑌾𑌵𑌣𑌃 𑌪𑍍𑌰𑌤𑍍𑌯𑌵𑌾𑌰𑌯𑌤𑍍 ॥ 19 ॥
𑌏𑌕𑌮𑍇𑌕𑍇𑌨𑌬𑌾𑌣𑍇𑌨𑌤𑍍𑌰𑌿𑌭𑌿𑌸𑍍𑌤𑍍𑌰𑍀𑌨𑍍 𑌦𑌶𑌭𑌿𑌰𑍍𑌦𑌶 ।
𑌲𑌕𑍍𑌷𑍍𑌮𑌣𑌸𑍍𑌯 𑌪𑍍𑌰𑌚𑌿𑌚𑍍𑌛𑍇𑌦 𑌦𑌰𑍍𑌶𑌯𑌨𑍍 𑌪𑌾𑌣𑌿𑌲𑌾𑌘𑌵𑌮𑍍 ॥ 20 ॥
𑌅𑌭𑍍𑌯𑌤𑌿𑌕𑍍𑌰𑌮𑍍𑌯𑌸𑍗𑌮𑌿𑌤𑍍𑌰𑌿𑌂𑌰𑌾𑌵𑌣𑌃𑌸𑌮𑌿𑌤𑌿𑌞𑍍𑌜𑌯𑌃 ।
𑌆𑌸𑌸𑌾𑌦𑌰𑌣𑍇𑌰𑌾𑌮𑌂𑌸𑍍𑌥𑌿𑌤𑌂𑌶𑍈𑌲𑌮𑌿𑌵𑌾𑌪𑌰𑌮𑍍 ॥ 21 ॥
𑌸 𑌰𑌾𑌘𑌵𑌂𑌸𑌮𑌾𑌸𑌾𑌦𑍍𑌯𑌕𑍍𑌰𑍋𑌧𑌸𑌂𑌰𑌕𑍍𑌤𑌲𑍋𑌚𑌨𑌃 ।
𑌵𑍍𑌯𑌸𑍃𑌜𑌚𑍍𑌛𑌰𑌵𑌰𑍍𑌷𑌾𑌣𑌿𑌰𑌾𑌵𑌣𑍋 𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ॥ 22 ॥
𑌶𑌰𑌾𑌧𑌾𑌰𑌾𑌸𑍍𑌤𑌤𑍋𑌰𑌾𑌮𑍋𑌰𑌾𑌵𑌣𑌸𑍍𑌯𑌧𑌨𑍁𑌶𑍍𑌚𑍍𑌯𑍁𑌤𑌾𑌃 ।
𑌦𑍃𑌷𑍍𑌟𑌵𑍈𑌵𑌾𑌪𑌤𑌿𑌤𑌾𑌃𑌶𑍀𑌘𑍍𑌰𑌮𑍍𑌭𑌲𑍍𑌲𑌾𑌨𑍍 𑌜𑌗𑍍𑌰𑌾𑌹𑌸𑌤𑍍𑌵𑌰𑌮𑍍 ॥ 23 ॥
𑌤𑌾𑌨𑍍 𑌶𑌰𑍗𑌘𑌾𑌂𑌸𑍍𑌤𑌤𑍋𑌭𑌲𑍍𑌲𑍈𑌸𑍍𑌤𑍀𑌕𑍍𑌷𑍍𑌣𑍈𑌶𑍍𑌚𑌿𑌚𑍍𑌛𑍇𑌦𑌰𑌾𑌘𑌵𑌃 ।
𑌦𑍀𑌪𑍍𑌯𑌮𑌾𑌨𑌾𑌨𑍍 𑌮𑌹𑌾𑌘𑍋𑌰𑌾𑌨𑍍𑌕𑍍𑌰𑍁𑌦𑍍𑌧𑌾𑌨𑌾𑌶𑍀𑌵𑌿𑌷𑌾𑌨𑌿𑌵 ॥ 24 ॥
𑌰𑌾𑌘𑌵𑍋𑌰𑌾𑌵𑌣𑌨𑍍𑌤𑍂𑌰𑍍𑌣𑌂𑌰𑌾𑌵𑌣𑍋𑌰𑌾𑌘𑌵𑌨𑍍𑌤𑌥𑌾 ।
𑌅𑌨𑍍𑌯𑍋𑌨𑍍𑌯𑌂𑌵𑌿𑌵𑌿𑌧𑍈𑌸𑍍𑌤𑍀𑌕𑍍𑌷𑍍𑌣𑍈𑌃𑌶𑌰𑌵𑌰𑍍𑌷𑍈𑌰𑍍𑌵𑌵𑌰𑍍𑌷𑌤𑍁𑌃 ॥ 25 ॥
𑌚𑍇𑌰𑌤𑍁𑌶𑍍𑌚𑌚𑌿𑌰𑌞𑍍𑌚𑌿𑌤𑍍𑌰𑌮𑍍𑌮𑌣𑍍𑌡𑌲𑌂𑌸𑌵𑍍𑌯𑌦𑌕𑍍𑌷𑌿𑌣𑌮𑍍 ।
𑌬𑌾𑌣𑌵𑍇𑌗𑌾𑌤𑍍𑌸𑌮𑍁𑌤𑍍𑌕𑍍𑌷𑌿𑌪𑍍𑌤𑌾𑌵𑌨𑍍𑌯𑍋𑌨𑍍𑌯𑌮𑌪𑌰𑌾𑌜𑌿𑌤𑍗 ॥ 26 ॥
𑌤𑌯𑍋𑌰𑍍𑌭𑍂𑌤𑌾𑌨𑌿𑌵𑌿𑌤𑍍𑌰𑍇𑌸𑍁𑌰𑍍𑌯𑍁𑌗𑌪𑌤𑍍𑌸𑌮𑍍𑌪𑍍𑌰𑌯𑍁𑌧𑍍𑌯𑌤𑍋𑌃 ।
𑌰𑍗𑌦𑍍𑌰𑌯𑍋𑌃𑌸𑌾𑌯𑌕𑌮𑍁𑌚𑍋𑌰𑍍𑌯𑌮𑌾𑌨𑍍𑌤𑌕𑌨𑌿𑌕𑌾𑌶𑌯𑍋𑌃 ॥ 27 ॥
𑌸𑌤𑌤𑌂𑌵𑌿𑌵𑌿𑌧𑍈𑌰𑍍𑌬𑌾𑌣𑍈𑌰𑍍𑌬𑌭𑍂𑌵𑌗𑌗𑌨𑌨𑍍𑌤𑌦𑌾 ।
𑌘𑌨𑍈𑌰𑌿𑌵𑌾𑌤𑌪𑌾𑌪𑌾𑌯𑍇𑌵𑌿𑌦𑍍𑌯𑍁𑌨𑍍𑌮𑌾𑌲𑌾𑌸𑌸𑌮𑌾𑌕𑍁𑌲𑍈𑌃 ॥ 28 ॥
𑌗𑌵𑌾𑌕𑍍𑌷𑌿𑌤𑌮𑌿𑌵𑌾𑌕𑌾𑌶𑌮𑍍𑌬𑌭𑍂𑌵𑌶𑌰𑌵𑍃𑌷𑍍𑌟𑌿𑌭𑌿𑌃 ।
𑌮𑌹𑌾𑌵𑍇𑌗𑍈𑌸𑍍𑌸𑍁𑌤𑍀𑌕𑍍𑌷𑍍𑌣𑍈𑌗𑍍𑌰𑍈𑌰𑍍𑌗𑍃𑌧𑍍𑌰𑌪𑌤𑍍𑌰𑍈𑌃𑌸𑍁𑌵𑌾𑌜𑌿𑌤𑍈𑌃 ॥ 29 ॥
𑌶𑌰𑌾𑌨𑍍𑌧𑌕𑌾𑌰𑌮𑌾𑌕𑌾𑌶𑌞𑍍𑌚𑌕𑍍𑌰𑌤𑍁𑌃𑌪𑍍𑌰𑌥𑌮𑌨𑍍𑌤𑌦𑌾 ।
𑌗𑌤𑍇𑌽𑌸𑍍𑌤𑌂 𑌤𑌪𑌨𑍇 𑌚𑌾𑌪𑌿 𑌮𑌹𑌾𑌮𑍇𑌘𑌾𑌵𑌿𑌵𑍋𑌥𑌤𑌿𑌤𑍗 ॥ 30 ॥
𑌤𑌯𑍋𑌰𑌭𑍂𑌨𑍍𑌮𑌹𑌦𑍍𑌯𑍁𑌦𑍍𑌧𑌮𑌨𑍍𑌯𑍋𑌨𑍍𑌯𑌵𑌥𑌕𑌾𑌙𑍍𑌕𑍍𑌷𑌿𑌣𑍋𑌃 ।
𑌅𑌨𑌾𑌸𑌾𑌦𑍍𑌯𑌮𑌚𑍍𑌨𑌿𑌤𑍍𑌯𑌂 𑌚 𑌵𑍃𑌤𑍍𑌰𑌵𑌾𑌸𑌵𑌯𑍋𑌰𑌿𑌵 ॥ 31 ॥
𑌉𑌭𑍗𑌹𑌿𑌪𑌰𑌮𑍇𑌷𑍍𑌵𑌾𑌸𑌾𑌵𑍁𑌭𑍗𑌯𑍁𑌦𑍍𑌧𑌵𑌿𑌶𑌾𑌰𑌦𑍗 ।
𑌉𑌭𑌾𑌵𑌸𑍍𑌤𑍍𑌰𑌵𑌿𑌦𑌾𑌂 𑌮𑍁𑌖𑍍𑌯𑌾𑌵𑍁𑌭𑍗 𑌯𑍁𑌦𑍍𑌧𑍇𑌵𑌿𑌚𑍇𑌰𑌤𑍁𑌃 ॥ 32 ॥
𑌉𑌭𑍗𑌹𑌿𑌯𑍇𑌨𑌵𑍍𑌰𑌜𑌤𑌸𑍍𑌤𑍇𑌨𑌤𑍇𑌨𑌶𑌰𑍋𑌰𑍍𑌮𑌯𑌃 ।
𑌊𑌰𑍍𑌮𑌯𑍋𑌵𑌾𑌯𑍁𑌨𑌾𑌵𑌿𑌦𑍍𑌧𑌾 𑌜𑌗𑍍𑌮𑍁𑌃 𑌸𑌾𑌗𑌰𑌯𑍋𑌰𑌿𑌵 ॥ 33 ॥
𑌤𑌤𑌃𑌸𑌂𑌸𑌕𑍍𑌤𑌹𑌸𑍍𑌤𑌸𑍍𑌤𑍁𑌰𑌾𑌵𑌣𑍋𑌲𑍋𑌕𑌰𑌾𑌵𑌣𑌃 ।
𑌨𑌰𑌾𑌚𑌮𑌾𑌲𑌾𑌂𑌰𑌾𑌮𑌸𑍍𑌯𑌲𑌲𑌾𑌟𑍇𑌪𑍍𑌰𑌤𑍍𑌯𑌮𑍁𑌞𑍍𑌚𑌤 ॥ 34 ॥
𑌰𑍗𑌦𑍍𑌰𑌚𑌾𑌪𑌪𑍍𑌰𑌯𑍁𑌕𑍍𑌤𑌾𑌨𑍍𑌤𑌾𑌨𑍍𑌨𑍀𑌲𑍋𑌤𑍍𑌪𑌲𑌦𑌲𑌪𑍍𑌰𑌭𑌾𑌮𑍍 ।
𑌶𑌿𑌰𑌸𑌾𑌧𑌾𑌰𑌯𑌦𑍍𑌰𑌾𑌮𑍋 𑌨 𑌵𑍍𑌯𑌥𑌮𑌭𑍍𑌯𑌪𑌦𑍍𑌯𑌤 ॥ 35 ॥
𑌅𑌥𑌮𑌨𑍍𑌤𑍍𑌰𑌾𑌨𑌭𑌿𑌜𑌪𑌨𑍍𑌰𑍗𑌦𑍍𑌰𑌮𑌸𑍍𑌤𑌮𑍁𑌦𑍀𑌰𑌯𑌨𑍍 ।
𑌶𑌰𑌾𑌨𑍍 𑌭𑍂𑌯𑌃𑌸𑌮𑌾𑌦𑌾𑌯 𑌰𑌾𑌮𑌃 𑌕𑍍𑌰𑍋𑌧𑌸𑌮𑌨𑍍𑌵𑌿𑌤𑌃 ॥ 36 ॥
𑌮𑍁𑌮𑍋𑌚 𑌚 𑌮𑌹𑌾𑌤𑍇𑌜𑌾𑌶𑍍𑌚𑌾𑌪𑌮𑌾𑌯𑌮𑍍𑌯𑌵𑍀𑌰𑍍𑌯𑌵𑌾𑌨𑍍 ।
𑌤𑍇𑌮𑌹𑌾𑌮𑍇𑌘𑌸𑌙𑍍𑌕𑌾𑌶𑍇𑌕𑌵𑌚𑍇𑌪𑌤𑌿𑌤𑌾𑌃𑌶𑌰𑌾𑌃 ॥ 37 ॥
𑌅𑌵𑌧𑍍𑌯𑍇𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍍𑌯 𑌨 𑌵𑍍𑌯𑌥𑌾𑌞𑍍𑌜𑌨𑌯𑌂𑌸𑍍𑌤𑌦𑌾 ।
𑌪𑍁𑌨𑌰𑍇𑌵𑌾𑌧𑌤𑌂𑌰𑌾𑌮𑍋𑌰𑌥𑌸𑍍𑌥𑌂𑌰𑌾𑌕𑍍𑌷𑌸𑌾𑌧𑌿𑌪𑌮𑍍 ॥ 38 ॥
𑌲𑌲𑌾𑌟𑍇𑌪𑌰𑌮𑌾𑌸𑍍𑌤𑍍𑌰𑌣𑌸𑌰𑍍𑌵𑌾𑌸𑍍𑌤𑍍𑌰𑌕𑍁𑌶𑌲𑍋𑌽𑌭𑌿𑌨𑌤𑍍 ।
𑌤𑍇𑌭𑌿𑌤𑍍𑌤𑍍𑌵𑌾𑌬𑌾𑌣𑌰𑍂𑌪𑌾𑌣𑌿𑌪𑌞𑍍𑌚𑌶𑍀𑌰𑍍𑌷𑌾𑌇𑌵𑍋𑌰𑌗𑌾𑌃 ॥ 39 ॥
𑌶𑍍𑌵𑌸𑌨𑍍𑌤𑍋𑌵𑌿𑌵𑌿𑌶𑍁𑌰𑍍𑌭𑍂𑌮𑌿𑌂𑌰𑌾𑌵𑌣𑌪𑍍𑌰𑌤𑌿𑌕𑍂𑌲𑌿𑌤𑌾𑌃 ।
𑌨𑌿𑌹𑌤𑍍𑌯𑌰𑌾𑌘𑌵𑌸𑍍𑌯𑌾𑌸𑍍𑌤𑍍𑌰𑌂𑌰𑌾𑌵𑌣𑌃𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌃 ॥ 40 ॥
𑌅𑌸𑍁𑌰𑌂𑌸𑍁𑌮𑌹𑌾𑌘𑍋𑌰𑌮𑌨𑍍𑌯𑌦𑌸𑍍𑌤𑍍𑌰𑌂 𑌚𑌕𑌾𑌰𑌸𑌃 ।
𑌸𑌿𑌂𑌹𑌵𑍍𑌯𑌾𑌘𑍍𑌰𑌮𑍁𑌖𑌾𑌂𑌶𑍍𑌚𑌾𑌪𑌿𑌕𑌙𑍍𑌕𑌕𑌾𑌕𑌮𑍁𑌖𑌾𑌨𑌪𑌿 ॥ 41 ॥
𑌗𑍃𑌧𑍍𑌰𑌶𑍍𑌯𑍇𑌨𑌮𑍁𑌖𑌾𑌂𑌶𑍍𑌚𑌾𑌪𑌿𑌶𑍃𑌗𑌾𑌵𑌵𑌦𑌨𑌾𑌂𑌸𑍍𑌤𑌥𑌾 ।
𑌈𑌹𑌾𑌮𑍃𑌗𑌮𑍁𑌖𑌾𑌂𑌶𑍍𑌚𑌾𑌪𑌿𑌵𑍍𑌯𑌾𑌦𑌿𑌤𑌾𑌸𑍍𑌯𑌾𑌨𑍍 𑌭𑌯𑌾𑌵𑌹𑌾𑌨𑍍 ॥ 42 ॥
𑌪𑌞𑍍𑌚𑌾𑌸𑍍𑌯𑌾𑌨𑍍 𑌲𑍇𑌲𑌿𑌹𑌾𑌨𑌾𑌂𑌶𑍍𑌚𑌸𑌸𑌰𑍍𑌜𑌨𑌿𑌶𑌿𑌤𑌾𑌨𑍍 𑌶𑌰𑌾𑌨𑍍 ।
𑌶𑌰𑌾𑌨𑍍 𑌖𑌰𑌮𑍁𑌖𑌾𑌂𑌶𑍍𑌚𑌾𑌨𑍍𑌯𑌾𑌨𑍍𑌵𑌰𑌾𑌹𑌮𑍁𑌖𑌸𑌂𑌶𑍍𑌰𑌿𑌤𑌾𑌨𑍍 ॥ 43 ॥
𑌶𑍍𑌵𑌾𑌨𑌕𑍁𑌕𑍍𑌕𑍁𑌟𑌵𑌕𑍍𑌤𑍍𑌰𑌾𑌂𑌶𑍍𑌚𑌮𑌕𑌰𑌾𑌶𑍀𑌵𑌿𑌷𑌾𑌨𑌨𑌾𑌨𑍍 ।
𑌏𑌤𑌾𑌂𑌶𑍍𑌚𑌾𑌨𑍍𑌯𑌾𑌂𑌶𑍍𑌚𑌮𑌾𑌯𑌾𑌵𑍀𑌸𑌸𑌰𑍍𑌜𑌨𑌿𑌶𑌿𑌤𑌾𑌨𑍍 𑌶𑌰𑌾𑌨𑍍 ॥ 44 ॥
𑌶𑌰𑌾𑌃 𑌸𑌰𑍍𑌵𑍇𑌷𑍁 𑌗𑌾𑌤𑍍𑌰𑍇𑌷𑍁 𑌪𑌾𑌤𑌿𑌤𑌾 𑌮𑌰𑍍𑌮𑌭𑍇𑌦𑌿𑌨𑌃 ।
𑌅𑌚𑌿𑌨𑍍𑌤𑌯𑌿𑌤𑍍𑌵𑌾 𑌤𑌾𑌨𑍍𑌬𑌾𑌣𑌾𑌨𑍍𑌸𑌮𑌾𑌶𑍍𑌲𑌿𑌷𑍍𑌯𑌾 𑌚 𑌲𑌕𑍍𑌷𑍍𑌮𑌣𑌮𑍍 ॥ 45 ॥
𑌸𑌸𑌰𑍍𑌜𑌾𑌸𑍍𑌤𑍍𑌰𑌂 𑌮𑌹𑍋𑌤𑍍𑌸𑌾𑌹𑌃 𑌪𑌾𑌵𑌕𑌃 𑌪𑌾𑌵𑌕𑍋𑌪𑌮𑌃 ।
𑌅𑌗𑍍𑌨𑌿𑌦𑍀𑌪𑍍𑌤𑌮𑍁𑌖𑌾𑌨𑍍𑌬𑌾𑌣𑌾𑌂𑌸𑍍𑌤𑌤𑍍𑌰𑌸𑍂𑌰𑍍𑌯𑌮𑍁𑌖𑌾𑌨𑌪𑌿 ॥ 46 ॥
𑌚𑌨𑍍𑌦𑍍𑌰𑌾𑌰𑍍𑌧𑌚𑌨𑍍𑌦𑍍𑌰𑌵𑌕𑍍𑌰𑌾𑌂𑌶𑍍𑌚𑌧𑍂𑌮𑌕𑍇𑌤𑍁𑌮𑍁𑌖𑌾𑌨𑌪𑌿 ।
𑌗𑍍𑌰𑌹𑌨𑌕𑍍𑌷𑌤𑍍𑌰𑌵𑌰𑍍𑌣𑌾𑌂𑌶𑍍𑌚𑌮𑌹𑍋𑌲𑍍𑌕𑌾𑌮𑍁𑌖𑌸𑌂𑌸𑍍𑌥𑌿𑌤𑌾𑌨𑍍 ॥ 47 ॥
𑌵𑌿𑌦𑍍𑌯𑍁𑌜𑌜𑌿𑌹𑍍𑌵𑍋𑌪𑌮𑌾𑌂𑌶𑍍𑌚𑌾𑌪𑌿𑌸𑌸𑌰𑍍𑌜 𑌵𑌿𑌵𑌿𑌧𑌾𑌨𑍍 𑌶𑌰𑌾𑌨𑍍 ।
𑌤𑍇𑌰𑌾𑌵𑌣𑌶𑌰𑌾𑌘𑍋𑌰𑌾𑌰𑌾𑌘𑌵𑌾𑌸𑍍𑌤𑍍𑌰𑌸𑌮𑌾𑌹𑌤𑌾𑌃 ॥ 48 ॥
𑌵𑌿𑌲𑌯𑌂 𑌜𑌗𑍍𑌮𑍁𑌰𑌾𑌕𑌾𑌶𑍇 𑌜𑌗𑍍𑌮𑍁𑌶𑍍𑌚𑍈𑌵 𑌸𑌹𑌸𑍍𑌰𑌶𑌃 ।
𑌤𑌦𑌸𑍍𑌤𑍍𑌰𑌨𑍍𑌨𑌿𑌹𑌤𑌨𑍍𑌦𑍃𑌷𑍍𑌟𑌵𑌾𑌰𑌾𑌮𑍇𑌣𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌾 ॥ 49 ॥
𑌹𑍃𑌷𑍍𑌟𑌾𑌨𑍇𑌦𑍁𑌸𑍍𑌤𑌤𑌃𑌸𑌰𑍍𑌵𑍇𑌕𑌪𑌯𑌃𑌕𑌾𑌮𑌰𑍂𑌪𑌿𑌣𑌃 ।
𑌸𑍁𑌗𑍍𑌰𑍀𑌵𑌪𑍍𑌰𑌮𑍁𑌖𑌾𑌵𑍀𑌰𑌾𑌃𑌸𑌮𑍍𑌪𑌰𑌿𑌕𑍍𑌷𑌿𑌪𑍍𑌯𑌰𑌾𑌘𑌵𑌮𑍍 ॥ 50 ॥
𑌤𑌤𑌸𑍍𑌤𑌦𑌸𑍍𑌤𑍍𑌰𑌂𑌵𑌿𑌨𑌿𑌹𑌤𑍍𑌯𑌰𑌾𑌘𑌵𑌃𑌪𑍍𑌰𑌸𑌹𑍍𑌯𑌤𑌦𑍍𑌰𑌾𑌵𑌣𑌬𑌾𑌹𑍁𑌨𑌿𑌃𑌸𑍃𑌤𑌮𑍍 ।
𑌮𑍁𑌦𑌾𑌨𑍍𑌵𑌿𑌤𑍋𑌦𑌾𑌶𑌰𑌥𑌿𑌰𑍍𑌮𑌹𑌾𑌤𑍍𑌮𑌾𑌵𑌿𑌨𑍇𑌦𑍁𑌰𑍁𑌚𑍍𑌚𑍈𑌰𑍍𑌮𑍁𑌦𑌿𑌤𑌾𑌃𑌕𑌪𑍀𑌶𑍍𑌵𑌰𑌾𑌃 ॥ 51 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌶𑌤𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha śatatamassargaḥ |
mahodaramahāpārśvauhataudṛṣṭavāturākṣa |
tasmiṃścanihatevīrevirūpākṣemahābale || 1 ||
āviveśamahān krodhorāvaṇantumahāmṛdhe |
sūtaṃ sañcodayāmāsa vākyaṃ cedamuvāca ha || 2 ||
nihatānāmamātyānāṃruddhasyanagarasya ca |
duḥkhamevāpaneṣyāmi hatyā tau rāmalakṣmaṇau || 3 ||
rāmavṛkṣaṃraṇehamanisītāpuṣpaphalapradam |
praśākhāyasyasugrīvojāmbavānkumudonalaḥ || 4 ||
tadastran rāghavaḥ śrīmānuttamāstravidāṃ varaḥ |
jaghāna paramāstreṇa gandharveṇa mahādyutiḥ || 5 ||
sa diśodaśaghoṣeṇarathasyātirathomahān |
nādayan prayayautūrṇaṃrāghavañcābhyadhāvata || 6 ||
pūritātenaśabdenasanadīgirikānanā |
sañcacāla mahī sarvā trastasiṃhamṛgadvijā || 7 ||
tāmasaṃsumahāghorañcakārāstraṃsudāruṇam |
nirdadāhakapīn sarvāṃsteprapetuḥsamantataḥ || 8 ||
utpapātarajobhūmautairbhagnaiḥsampradhāvitaiḥ |
na hitatsahituṃśekurbhrahmaṇānirmitaṃsvayam || 9 ||
tānyanīkānyanekāni rāvaṇasya śarottamaiḥ |
dṛṣṭavābhagnāni śataśo rāghavaḥ paryavasthitaḥ || 10 ||
tatorākṣasaśārdūlovidrāvyaharivāhinīm |
sa dadarśatatorāmantiṣṭhantamaparājitam || 11 ||
lakṣmaṇenasahabhrātrāviṣṇunāvāsavaṃyathā |
alikhantamivākāśamavaṣṭabhyamahaddhanuḥ || 12 ||
padmapatraviśālākṣandīrghabāhumarindamam |
tatorāmomahātejāḥsaumitrisahitobalī || 13 ||
vānarāṃścaraṇebhagnānāpatantaṃ ca rāvaṇam |
samīkṣyarāghavohṛṣṭomadhyejagrāhakārmukam || 14 ||
visphārayitumārebhetataḥ sa dhanuruttamam |
mahāvegammahānādannirbhandannivamedinīm || 15 ||
rāvaṇasya ca bāṇaughairāmavisphāritena ca |
śabdenarākṣasāstena petuśca śataśastadā || 16 ||
tayoḥśarapathamprāpyarāvaṇorājaputrayoḥ |
sa babhau ca yathārāhuḥsamīpaśaśisūryayoḥ || 17 ||
tamicchan pradhamaṃ yoddhuṃlakṣmaṇoniśitaiḥśaraiḥ |
mumocadhanurāyamyaśarānagniśikhopamān || 18 ||
tānmuktamātrānākāśe lakṣmaṇena dhanuṣmatā |
bāṇān bāṇairmahātejā rāvaṇaḥ pratyavārayat || 19 ||
ekamekenabāṇenatribhistrīn daśabhirdaśa |
lakṣmaṇasya praciccheda darśayan pāṇilāghavam || 20 ||
abhyatikramyasaumitriṃrāvaṇaḥsamitiñjayaḥ |
āsasādaraṇerāmaṃsthitaṃśailamivāparam || 21 ||
sa rāghavaṃsamāsādyakrodhasaṃraktalocanaḥ |
vyasṛjaccharavarṣāṇirāvaṇo rākṣaseśvaraḥ || 22 ||
śarādhārāstatorāmorāvaṇasyadhanuścyutāḥ |
dṛṣṭavaivāpatitāḥśīghrambhallān jagrāhasatvaram || 23 ||
tān śaraughāṃstatobhallaistīkṣṇaiścicchedarāghavaḥ |
dīpyamānān mahāghorānkruddhānāśīviṣāniva || 24 ||
rāghavorāvaṇantūrṇaṃrāvaṇorāghavantathā |
anyonyaṃvividhaistīkṣṇaiḥśaravarṣairvavarṣatuḥ || 25 ||
ceratuścacirañcitrammaṇḍalaṃsavyadakṣiṇam |
bāṇavegātsamutkṣiptāvanyonyamaparājitau || 26 ||
tayorbhūtānivitresuryugapatsamprayudhyatoḥ |
raudrayoḥsāyakamucoryamāntakanikāśayoḥ || 27 ||
satataṃvividhairbāṇairbabhūvagaganantadā |
ghanairivātapāpāyevidyunmālāsasamākulaiḥ || 28 ||
gavākṣitamivākāśambabhūvaśaravṛṣṭibhiḥ |
mahāvegaissutīkṣṇaigrairgṛdhrapatraiḥsuvājitaiḥ || 29 ||
śarāndhakāramākāśañcakratuḥprathamantadā |
gate'staṃ tapane cāpi mahāmeghāvivothatitau || 30 ||
tayorabhūnmahadyuddhamanyonyavathakāṅkṣiṇoḥ |
anāsādyamacnityaṃ ca vṛtravāsavayoriva || 31 ||
ubhauhiparameṣvāsāvubhauyuddhaviśāradau |
ubhāvastravidāṃ mukhyāvubhau yuddheviceratuḥ || 32 ||
ubhauhiyenavrajatastenatenaśarormayaḥ |
ūrmayovāyunāviddhā jagmuḥ sāgarayoriva || 33 ||
tataḥsaṃsaktahastasturāvaṇolokarāvaṇaḥ |
narācamālāṃrāmasyalalāṭepratyamuñcata || 34 ||
raudracāpaprayuktāntānnīlotpaladalaprabhām |
śirasādhārayadrāmo na vyathamabhyapadyata || 35 ||
athamantrānabhijapanraudramastamudīrayan |
śarān bhūyaḥsamādāya rāmaḥ krodhasamanvitaḥ || 36 ||
mumoca ca mahātejāścāpamāyamyavīryavān |
temahāmeghasaṅkāśekavacepatitāḥśarāḥ || 37 ||
avadhyerākṣasendrasya na vyathāñjanayaṃstadā |
punarevādhataṃrāmorathasthaṃrākṣasādhipam || 38 ||
lalāṭeparamāstraṇasarvāstrakuśalo'bhinat |
tebhittvābāṇarūpāṇipañcaśīrṣāivoragāḥ || 39 ||
śvasantoviviśurbhūmiṃrāvaṇapratikūlitāḥ |
nihatyarāghavasyāstraṃrāvaṇaḥkrodhamūrchitaḥ || 40 ||
asuraṃsumahāghoramanyadastraṃ cakārasaḥ |
siṃhavyāghramukhāṃścāpikaṅkakākamukhānapi || 41 ||
gṛdhraśyenamukhāṃścāpiśṛgāvavadanāṃstathā |
īhāmṛgamukhāṃścāpivyāditāsyān bhayāvahān || 42 ||
pañcāsyān lelihānāṃścasasarjaniśitān śarān |
śarān kharamukhāṃścānyānvarāhamukhasaṃśritān || 43 ||
śvānakukkuṭavaktrāṃścamakarāśīviṣānanān |
etāṃścānyāṃścamāyāvīsasarjaniśitān śarān || 44 ||
śarāḥ sarveṣu gātreṣu pātitā marmabhedinaḥ |
acintayitvā tānbāṇānsamāśliṣyā ca lakṣmaṇam || 45 ||
sasarjāstraṃ mahotsāhaḥ pāvakaḥ pāvakopamaḥ |
agnidīptamukhānbāṇāṃstatrasūryamukhānapi || 46 ||
candrārdhacandravakrāṃścadhūmaketumukhānapi |
grahanakṣatravarṇāṃścamaholkāmukhasaṃsthitān || 47 ||
vidyujajihvopamāṃścāpisasarja vividhān śarān |
terāvaṇaśarāghorārāghavāstrasamāhatāḥ || 48 ||
vilayaṃ jagmurākāśe jagmuścaiva sahasraśaḥ |
tadastrannihatandṛṣṭavārāmeṇākliṣṭakarmaṇā || 49 ||
hṛṣṭānedustataḥsarvekapayaḥkāmarūpiṇaḥ |
sugrīvapramukhāvīrāḥsamparikṣipyarāghavam || 50 ||
tatastadastraṃvinihatyarāghavaḥprasahyatadrāvaṇabāhuniḥsṛtam |
mudānvitodāśarathirmahātmāvineduruccairmuditāḥkapīśvarāḥ || 51 ||
ityārṣe śrīmadrāmāyaṇe vālmīkīya ādikāvye yuddhakāṇḍe śatatamassargaḥ ||
InfoLyter.in — Sacred Vedic Knowledge Portal · Free forever