📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
2.22 𑌅𑌯𑍋𑌧𑍍𑌯𑌾𑌕𑌾𑌣𑍍𑌡 - 𑌦𑍍𑌵𑌾𑌵𑌿𑌂𑌶 𑌸𑌰𑍍𑌗𑌃
2.22 Ayodhyakanda - Dvavimsha Sargah
Valmiki Grantha
𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑌮𑍍 ।
𑌅𑌥 𑌦𑍍𑌵𑌾𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌅𑌥 𑌤𑌂 𑌵𑍍𑌯𑌥𑌯𑌾 𑌦𑍀𑌨𑌂 𑌸𑌵𑌿𑌶𑍇𑌷𑌮𑌮𑌰𑍍𑌷𑌿𑌤𑌮𑍍 ।
𑌶𑍍𑌵𑌸𑌨𑍍𑌤𑌮𑌿𑌵 𑌨𑌾𑌗𑍇𑌨𑍍𑌦𑍍𑌰𑌂 𑌰𑍋𑌷𑌵𑌿𑌸𑍍𑌫𑌾𑌰𑌿𑌤𑍇𑌕𑍍𑌷𑌣𑌮𑍍 ॥ 1 ॥
𑌆𑌸𑌾𑌦𑍍𑌯 𑌰𑌾𑌮𑌸𑍍𑌸𑍗𑌮𑌿𑌤𑍍𑌰𑌿𑌂 𑌸𑍁𑌹𑍃𑌦𑌂 𑌭𑍍𑌰𑌾𑌤𑌰𑌂 𑌪𑍍𑌰𑌿𑌯𑌮𑍍 ।
𑌉𑌵𑌾𑌚𑍇𑌦𑌂 𑌸 𑌧𑍈𑌰𑍍𑌯𑍇𑌣 𑌧𑌾𑌰𑌯𑌨𑍍𑌸𑌤𑍍𑌤𑍍𑌵𑌮𑌾𑌤𑍍𑌮𑌵𑌾𑌨𑍍 ॥ 2 ॥
𑌅𑌥 𑌤𑌂 𑌵𑍍𑌯𑌥𑌯𑌾 𑌦𑍀𑌨𑌂 𑌸𑌵𑌿𑌶𑍇𑌷𑌮𑌮𑌰𑍍𑌷𑌿𑌤𑌮𑍍 ।
𑌶𑍍𑌵𑌸𑌨𑍍𑌤𑌮𑌿𑌵 𑌨𑌾𑌗𑍇𑌨𑍍𑌦𑍍𑌰𑌂 𑌰𑍋𑌷𑌵𑌿𑌸𑍍𑌫𑌾𑌰𑌿𑌤𑍇𑌕𑍍𑌷𑌣𑌮𑍍 ॥ 3 ॥
𑌆𑌸𑌾𑌦𑍍𑌯 𑌰𑌾𑌮𑌸𑍍𑌸𑍗𑌮𑌿𑌤𑍍𑌰𑌿𑌂 𑌸𑍁𑌹𑍃𑌦𑌂 𑌭𑍍𑌰𑌾𑌤𑌰𑌂 𑌪𑍍𑌰𑌿𑌯𑌮𑍍 ।
𑌉𑌵𑌾𑌚𑍇𑌦𑌂 𑌸 𑌧𑍈𑌰𑍍𑌯𑍇𑌣 𑌧𑌾𑌰𑌯𑌨𑍍𑌸𑌤𑍍𑌤𑍍𑌵𑌮𑌾𑌤𑍍𑌮𑌵𑌾𑌨𑍍 ॥ 4 ॥
𑌨𑌿𑌗𑍃𑌹𑍍𑌯 𑌰𑍋𑌷𑌂 𑌶𑍋𑌕𑌂 𑌚 𑌧𑍈𑌰𑍍𑌯𑌮𑌾𑌶𑍍𑌰𑌿𑌤𑍍𑌯 𑌕𑍇𑌵𑌲𑌮𑍍 ।
𑌅𑌵𑌮𑌾𑌨𑌂 𑌨𑌿𑌰𑌸𑍍𑌯𑍇𑌮𑌂 𑌗𑍃𑌹𑍀𑌤𑍍𑌵𑌾 𑌹𑌰𑍍𑌷𑌮𑍁𑌤𑍍𑌤𑌮𑌮𑍍 ॥ 5 ॥
𑌉𑌪𑌕𑍍𑌲𑍃𑌪𑍍𑌤𑌂 𑌹𑌿 𑌯𑌤𑍍𑌕𑌿𑌞𑍍𑌚𑌿𑌦𑌭𑌿𑌷𑍇𑌕𑌾𑌰𑍍𑌥𑌮𑌦𑍍𑌯 𑌮𑍇 𑌸𑌰𑍍𑌵𑌂 𑌵𑌿𑌸𑌰𑍍𑌜𑌯 𑌕𑍍𑌷𑌿𑌪𑍍𑌰𑌂 𑌕𑍁𑌰𑍁 𑌕𑌾𑌰𑍍𑌯𑌂 𑌨𑌿𑌰𑌤𑍍𑌯𑌯𑌮𑍍 ॥ 6 ॥
𑌸𑍗𑌮𑌿𑌤𑍍𑌰𑍇 𑌯𑍋𑌽𑌭𑌿𑌷𑍇𑌕𑌾𑌰𑍍𑌥𑍇 𑌮𑌮 𑌸𑌮𑍍𑌭𑌾𑌰 𑌸𑌮𑍍𑌭𑍍𑌰𑌮𑌃 ।
𑌅𑌭𑌿𑌷𑍇𑌕𑌨𑌿𑌵𑍃𑌤𑍍𑌤𑍍𑌯𑌰𑍍𑌥𑍇 𑌸𑍋𑌽𑌸𑍍𑌤𑍁 𑌸𑌮𑍍𑌭𑌾𑌰𑌸𑌮𑍍𑌭𑍍𑌰𑌮𑌃 ॥ 7 ॥
𑌯𑌸𑍍𑌯𑌾 𑌮𑌦𑌭𑌿𑌷𑍇𑌕𑌾𑌰𑍍𑌥𑍇 𑌮𑌾𑌨𑌸𑌂 𑌪𑌰𑌿𑌤𑌪𑍍𑌯𑌤𑍇 ।
𑌮𑌾𑌤𑌾 𑌮𑍇 𑌸𑌾 𑌯𑌥𑌾 𑌨 𑌸𑍍𑌯𑌾𑌤𑍍𑌸𑌵𑌿𑌶𑌙𑍍𑌕𑌾 𑌤𑌥𑌾 𑌕𑍁𑌰𑍁 ॥ 8 ॥
𑌤𑌸𑍍𑌯𑌾𑌶𑍍𑌶𑌙𑍍𑌕𑌾𑌮𑌯𑌂 𑌦𑍁𑌃𑌖𑌂 𑌮𑍁𑌹𑍂𑌰𑍍𑌤𑌮𑌪𑌿 𑌨𑍋𑌤𑍍𑌸𑌹𑍇 ।
𑌮𑌨𑌸𑌿 𑌪𑍍𑌰𑌤𑌿𑌸𑌞𑍍𑌜𑌾𑌤𑌂 𑌸𑍗𑌮𑌿𑌤𑍍𑌰𑍇𑌽𑌹𑌮𑍁𑌪𑍇𑌕𑍍𑌷𑌿𑌤𑍁𑌮𑍍 ॥ 9 ॥
𑌨 𑌬𑍁𑌦𑍍𑌧𑌿𑌪𑍂𑌰𑍍𑌵𑌂 𑌨𑌾𑌬𑍁𑌦𑍍𑌧𑌂 𑌸𑍍𑌮𑌰𑌾𑌮𑍀𑌹 𑌕𑌦𑌾𑌚𑌨 ।
𑌮𑌾𑌤𑍃𑌣𑌾𑌂 𑌵𑌾 𑌪𑌿𑌤𑍁𑌰𑍍𑌵𑌾𑌽𑌹𑌂 𑌕𑍃𑌤𑌮𑌲𑍍𑌪𑌂 𑌚 𑌵𑌿𑌪𑍍𑌰𑌿𑌯𑌮𑍍 ॥ 10 ॥
𑌸𑌤𑍍𑌯𑌸𑍍𑌸𑌤𑍍𑌯𑌾𑌭𑌿𑌸𑌨𑍍𑌧𑌶𑍍𑌚 𑌨𑌿𑌤𑍍𑌯𑌂 𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ।
𑌪𑌰𑌲𑍋𑌕𑌭𑌯𑌾𑌦𑍍𑌭𑍀𑌤𑍋 𑌨𑌿𑌰𑍍𑌭𑌯𑍋𑌽𑌸𑍍𑌤𑍁 𑌪𑌿𑌤𑌾 𑌮𑌮 ॥ 11 ॥
𑌤𑌸𑍍𑌯𑌾𑌽𑌪𑌿 𑌹𑌿 𑌭𑌵𑍇𑌦𑌸𑍍𑌮𑌿𑌨𑍍𑌕𑌰𑍍𑌮𑌣𑍍𑌯𑌪𑍍𑌰𑌤𑌿𑌸𑌂𑌹𑍃𑌤𑍇 ।
𑌸𑌤𑍍𑌯𑌂 𑌨𑍇𑌤𑌿 𑌮𑌨𑌸𑍍𑌤𑌾𑌪𑌸𑍍𑌤𑌸𑍍𑌯 𑌤𑌾𑌪𑌸𑍍𑌤𑌪𑍇𑌚𑍍𑌚 𑌮𑌾𑌮𑍍 ॥ 12 ॥
𑌅𑌭𑌿𑌷𑍇𑌕𑌵𑌿𑌧𑌾𑌨𑌂 𑌤𑍁 𑌤𑌸𑍍𑌮𑌾𑌤𑍍𑌸𑌂𑌹𑍃𑌤𑍍𑌯 𑌲𑌕𑍍𑌷𑍍𑌮𑌣 ।
𑌅𑌨𑍍𑌵𑌗𑍇𑌵𑌾𑌹𑌮𑌿𑌚𑍍𑌛𑌾𑌮𑌿 𑌵𑌨𑌂 𑌗𑌨𑍍𑌤𑍁𑌮𑌿𑌤𑌃𑌪𑍁𑌨𑌃 ॥ 13 ॥
𑌮𑌮 𑌪𑍍𑌰𑌵𑍍𑌰𑌾𑌜𑌨𑌾𑌦𑌦𑍍𑌯 𑌕𑍃𑌤𑌕𑍃𑌤𑍍𑌯𑌾 𑌨𑍃𑌪𑌾𑌤𑍍𑌮𑌜𑌾 ।
𑌸𑍁𑌤𑌂 𑌭𑌰𑌤𑌮𑌵𑍍𑌯𑌗𑍍𑌰𑌮𑌭𑌿𑌷𑍇𑌚𑌯𑌿𑌤𑌾 𑌤𑌤𑌃 ॥ 14 ॥
𑌮𑌯𑌿 𑌚𑍀𑌰𑌾𑌜𑌿𑌨𑌧𑌰𑍇 𑌜𑌟𑌾𑌮𑌣𑍍𑌡𑌲𑌧𑌾𑌰𑌿𑌣𑌿 ।
𑌗𑌤𑍇𑌽𑌰𑌣𑍍𑌯𑌂 𑌚 𑌕𑍈𑌕𑍇𑌯𑍍𑌯𑌾 𑌭𑌵𑌿𑌷𑍍𑌯𑌤𑌿 𑌮𑌨𑌸𑍍𑌸𑍁𑌖𑌮𑍍 ॥ 15 ॥
𑌬𑍁𑌦𑍍𑌧𑌿𑌃 𑌪𑍍𑌰𑌣𑍀𑌤𑌾 𑌯𑍇𑌨𑍇𑌯𑌂 𑌮𑌨𑌶𑍍𑌚 𑌸𑍁𑌸𑌮𑌾𑌹𑌿𑌤𑌮𑍍 ।
𑌤𑌂 𑌤𑍁 𑌨𑌾𑌰𑍍𑌹𑌾𑌮𑌿 𑌸𑌙𑍍𑌕𑍍𑌲𑍇𑌷𑍍𑌟𑍁𑌂 𑌪𑍍𑌰𑌵𑍍𑌰𑌜𑌿𑌷𑍍𑌯𑌾𑌮𑌿 𑌮𑌾 𑌚𑌿𑌰𑌮𑍍 ॥ 16 ॥
𑌕𑍃𑌤𑌾𑌨𑍍𑌤𑌸𑍍𑌤𑍍𑌵𑍇𑌵 𑌸𑍗𑌮𑌿𑌤𑍍𑌰𑍇 𑌦𑍍𑌰𑌷𑍍𑌟𑌵𑍍𑌯𑍋 𑌮𑌤𑍍𑌪𑍍𑌰𑌵𑌾𑌸𑌨𑍇 ।
𑌰𑌾𑌜𑍍𑌯𑌸𑍍𑌯 𑌚 𑌵𑌿𑌤𑍀𑌰𑍍𑌣𑌸𑍍𑌯 𑌪𑍁𑌨𑌰𑍇𑌵 𑌨𑌿𑌵𑌰𑍍𑌤𑌨𑍇 ॥ 17 ॥
𑌕𑍈𑌕𑍇𑌯𑍍𑌯𑌾𑌃 𑌪𑍍𑌰𑌤𑌿𑌪𑌤𑍍𑌤𑌿𑌰𑍍𑌹𑌿 𑌕𑌥𑌂 𑌸𑍍𑌯𑌾𑌨𑍍𑌮𑌮 𑌪𑍀𑌡𑌨𑍇 ।
𑌯𑌦𑌿 𑌭𑌾𑌵𑍋 𑌨 𑌦𑍈𑌵𑍋𑌽𑌯𑌂 𑌕𑍃𑌤𑌾𑌨𑍍𑌤𑌵𑌿𑌹𑌿𑌤𑍋 𑌭𑌵𑍇𑌤𑍍 ॥ 18 ॥
𑌜𑌾𑌨𑌾𑌸𑌿 𑌹𑌿 𑌯𑌥𑌾 𑌸𑍗𑌮𑍍𑌯 𑌨 𑌮𑌾𑌤𑍃𑌷𑍁 𑌮𑌮𑌾𑌨𑍍𑌤𑌰𑌮𑍍 ।
𑌭𑍂𑌤𑌪𑍂𑌰𑍍𑌵𑌂 𑌵𑌿𑌶𑍇𑌷𑍋 𑌵𑌾 𑌤𑌸𑍍𑌯𑌾 𑌮𑌯𑌿 𑌸𑍁𑌤𑍇𑌽𑌪𑌿 𑌵𑌾 ॥ 19 ॥
𑌸𑍋𑌽𑌭𑌿𑌷𑍇𑌕𑌨𑌿𑌵𑍃𑌤𑍍𑌤𑍍𑌯𑌰𑍍𑌥𑍈𑌪𑍍𑌰𑌵𑌾𑌸𑌾𑌰𑍍𑌥𑍈𑌶𑍍𑌚 𑌦𑍁𑌰𑍍𑌵𑌚𑍈𑌃 ।
𑌉𑌗𑍍𑌰𑍈𑌰𑍍𑌵𑌾𑌕𑍍𑌯𑍈𑌰𑌹𑌂 𑌤𑌸𑍍𑌯𑌾 𑌨𑌾𑌨𑍍𑌯𑌦𑍍𑌦𑍈𑌵𑌾𑌤𑍍𑌸𑌮𑌰𑍍𑌥𑌯𑍇 ॥ 20 ॥
𑌕𑌥𑌂 𑌪𑍍𑌰𑌕𑍃𑌤𑌿𑌸𑌮𑍍𑌪𑌨𑍍𑌨𑌾 𑌰𑌾𑌜𑌪𑍁𑌤𑍍𑌰𑍀 𑌤𑌥𑌾𑌗𑍁𑌣𑌾 ।
𑌬𑍍𑌰𑍂𑌯𑌾𑌤𑍍𑌸𑌾 𑌪𑍍𑌰𑌾𑌕𑍃𑌤𑍇𑌵 𑌸𑍍𑌤𑍍𑌰𑍀 𑌮𑌤𑍍𑌪𑍀𑌡𑌾𑌂 𑌭𑌰𑍍𑌤𑍃𑌸𑌨𑍍𑌨𑌿𑌧𑍗 ॥ 21 ॥
𑌯𑌦𑌚𑌿𑌨𑍍𑌤𑍍𑌯𑌨𑍍𑌤𑍁 𑌤𑌦𑍍𑌦𑍈𑌵𑌂 𑌭𑍂𑌤𑍇𑌷𑍍𑌵𑌪𑌿 𑌨 𑌵𑌿𑌹𑌨𑍍𑌯𑌤𑍇 ।
𑌵𑍍𑌯𑌕𑍍𑌤𑌂 𑌮𑌯𑌿 𑌚 𑌤𑌸𑍍𑌯𑌾𑌂 𑌚 𑌪𑌤𑌿𑌤𑍋 𑌹𑌿 𑌵𑌿𑌪𑌰𑍍𑌯𑌯𑌃 ॥ 22 ॥
𑌕𑌶𑍍𑌚𑌿𑌦𑍍𑌦𑍈𑌵𑍇𑌨 𑌸𑍗𑌮𑌿𑌤𑍍𑌰𑍇 𑌯𑍋𑌦𑍍𑌧𑍁𑌮𑍁𑌤𑍍𑌸𑌹𑌤𑍇 𑌪𑍁𑌮𑌾𑌨𑍍 ।
𑌯𑌸𑍍𑌯 𑌨 𑌗𑍍𑌰𑌹𑌣𑌂 𑌕𑌿𑌞𑍍𑌚𑌿𑌤𑍍𑌕𑌰𑍍𑌮𑌣𑍋𑌽𑌨𑍍𑌯𑌤𑍍𑌰 𑌦𑍃𑌶𑍍𑌯𑌤𑍇 ॥ 23 ॥
𑌸𑍁𑌖𑌦𑍁𑌃𑌖𑍇 𑌭𑌯𑌕𑍍𑌰𑍋𑌧𑍗 𑌲𑌾𑌭𑌾𑌲𑌾𑌭𑍗 𑌭𑌵𑌾𑌭𑌵𑍗 ।
𑌯𑌚𑍍𑌚 𑌕𑌿𑌞𑍍𑌚𑌿𑌤𑍍𑌤𑌥𑌾𑌭𑍂𑌤𑌂 𑌨𑌨𑍁 𑌦𑍈𑌵𑌸𑍍𑌯 𑌕𑌰𑍍𑌮 𑌤𑌤𑍍 ॥ 24 ॥
𑌋𑌷𑌯𑍋𑌽𑌪𑍍𑌯𑍁𑌗𑍍𑌰𑌤𑌪𑌸𑍋 𑌦𑍈𑌵𑍇𑌨𑌾𑌭𑌿𑌪𑍍𑌰𑌪𑍀𑌡𑌿𑌤𑌾𑌃 ।
𑌉𑌤𑍍𑌸𑍃𑌜𑍍𑌯 𑌨𑌿𑌯𑌮𑌾𑌂𑌸𑍍𑌤𑍀𑌵𑍍𑌰𑌾𑌨𑍍𑌭𑍍𑌰𑌶𑍍𑌯𑌨𑍍𑌤𑍇 𑌕𑌾𑌮𑌮𑌨𑍍𑌯𑍁𑌭𑌿𑌃 ॥ 25 ॥
𑌅𑌸𑌙𑍍𑌕𑌲𑍍𑌪𑌿𑌤𑌮𑍇𑌵𑍇𑌹 𑌯𑌦𑌕𑌸𑍍𑌮𑌾𑌤𑍍𑌪𑍍𑌰𑌵𑌰𑍍𑌤𑌤𑍇 ।
𑌨𑌿𑌵𑌰𑍍𑌤𑍍𑌯𑌾𑌰𑌮𑍍𑌭𑌮𑌾𑌰𑌬𑍍𑌧𑌂 𑌨𑌨𑍁 𑌦𑍈𑌵𑌸𑍍𑌯 𑌕𑌰𑍍𑌮 𑌤𑌤𑍍 ॥ 26 ॥
𑌏𑌤𑌯𑌾 𑌤𑌤𑍍𑌤𑍍𑌵𑌯𑌾 𑌬𑍁𑌦𑍍𑌧𑍍𑌯𑌾 𑌸𑌂𑌸𑍍𑌤𑌭𑍍𑌯𑌾𑌤𑍍𑌮𑌾𑌨𑌮𑌾𑌤𑍍𑌮𑌨𑌾 ।
𑌵𑍍𑌯𑌾𑌹𑌤𑍇𑌽𑌪𑍍𑌯𑌭𑌿𑌷𑍇𑌕𑍇 𑌮𑍇 𑌪𑌰𑌿𑌤𑌾𑌪𑍋 𑌨 𑌵𑌿𑌦𑍍𑌯𑌤𑍇 ॥ 27 ॥
𑌤𑌸𑍍𑌮𑌾𑌦𑌪𑌰𑌿𑌤𑌾𑌪𑌸𑍍𑌸𑌂𑌸𑍍𑌤𑍍𑌵𑌮𑌪𑍍𑌯𑌨𑍁𑌵𑌿𑌧𑌾𑌯 𑌮𑌾𑌮𑍍 ।
𑌪𑍍𑌰𑌤𑌿𑌸𑌂𑌹𑌾𑌰𑌯 𑌕𑍍𑌷𑌿𑌪𑍍𑌰𑌮𑌾𑌭𑌿𑌷𑍇𑌚𑌨𑌿𑌕𑍀𑌂 𑌕𑍍𑌰𑌿𑌯𑌾𑌮𑍍 ॥ 28 ॥
𑌏𑌭𑌿𑌰𑍇𑌵 𑌘𑌟𑍈 𑌸𑍍𑌸𑌰𑍍𑌵𑍈𑌰𑌭𑌿𑌷𑍇𑌚𑌨𑌸𑌮𑍍𑌭𑍃𑌤𑍈𑌃 ।
𑌮𑌮 𑌲𑌕𑍍𑌷𑍍𑌮𑌣 𑌤𑌾𑌪𑌸𑍍𑌯𑍇 𑌵𑍍𑌰𑌤𑌸𑍍𑌨𑌾𑌨𑌂 𑌭𑌵𑌿𑌷𑍍𑌯𑌤𑌿 ॥ 29 ॥
𑌅𑌥𑌵𑌾 𑌕𑌿𑌂 𑌮𑌮𑍈𑌤𑍇𑌨 𑌰𑌾𑌜𑌦𑍍𑌰𑌵𑍍𑌯𑌮𑌯𑍇𑌨 𑌤𑍁 ।
𑌉𑌦𑍍𑌧𑍃𑌤𑌂 𑌮𑍇 𑌸𑍍𑌵𑌯𑌂 𑌤𑍋𑌯𑌂 𑌵𑍍𑌰𑌤𑌾𑌦𑍇𑌶𑌂 𑌕𑌰𑌿𑌷𑍍𑌯𑌤𑌿 ॥ 30 ॥
𑌮𑌾 𑌚 𑌲𑌕𑍍𑌷𑍍𑌮𑌣 𑌸𑌨𑍍𑌤𑌾𑌪𑌂 𑌕𑌾𑌰𑍍𑌷𑍀𑌰𑍍𑌲𑌕𑍍𑌷𑍍𑌮𑍍𑌯𑌾 𑌵𑌿𑌪𑌰𑍍𑌯𑌯𑍇 ।
𑌰𑌾𑌜𑍍𑌯𑌂 𑌵𑌾 𑌵𑌨𑌵𑌾𑌸𑍋 𑌵𑌾 𑌵𑌨𑌵𑌾𑌸𑍋 𑌮𑌹𑍋𑌦𑌯𑌃 ॥ 31 ॥
𑌨 𑌲𑌕𑍍𑌷𑍍𑌮𑌣𑌾𑌸𑍍𑌮𑌿𑌨𑍍𑌖𑌲𑍁 𑌕𑌰𑍍𑌮𑌵𑌿𑌘𑍍𑌨𑍇 𑌮𑌾𑌤𑌾 𑌯𑌵𑍀𑌯𑌸𑍍𑌯𑌤𑌿𑌶𑌙𑍍𑌕𑌨𑍀𑌯𑌾 ।
𑌦𑍈𑌵𑌾𑌭𑌿𑌪𑌨𑍍𑌨𑌾 𑌹𑌿 𑌵𑌦𑌤𑍍𑌯𑌨𑌿𑌷𑍍𑌟𑌂 𑌜𑌾𑌨𑌾𑌸𑌿 𑌦𑍈𑌵𑌂 𑌚 𑌤𑌥𑌾 𑌪𑍍𑌰𑌭𑌾𑌵𑌮𑍍 ॥ 32 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑍇 𑌦𑍍𑌵𑌾𑌵𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha dvāviṃśassargaḥ |
atha taṃ vyathayā dīnaṃ saviśeṣamamarṣitam |
śvasantamiva nāgendraṃ roṣavisphāritekṣaṇam || 1 ||
āsādya rāmassaumitriṃ suhṛdaṃ bhrātaraṃ priyam |
uvācedaṃ sa dhairyeṇa dhārayansattvamātmavān || 2 ||
atha taṃ vyathayā dīnaṃ saviśeṣamamarṣitam |
śvasantamiva nāgendraṃ roṣavisphāritekṣaṇam || 3 ||
āsādya rāmassaumitriṃ suhṛdaṃ bhrātaraṃ priyam |
uvācedaṃ sa dhairyeṇa dhārayansattvamātmavān || 4 ||
nigṛhya roṣaṃ śokaṃ ca dhairyamāśritya kevalam |
avamānaṃ nirasyemaṃ gṛhītvā harṣamuttamam || 5 ||
upaklṛptaṃ hi yatkiñcidabhiṣekārthamadya me sarvaṃ visarjaya kṣipraṃ kuru kāryaṃ niratyayam || 6 ||
saumitre yo'bhiṣekārthe mama sambhāra sambhramaḥ |
abhiṣekanivṛttyarthe so'stu sambhārasambhramaḥ || 7 ||
yasyā madabhiṣekārthe mānasaṃ paritapyate |
mātā me sā yathā na syātsaviśaṅkā tathā kuru || 8 ||
tasyāśśaṅkāmayaṃ duḥkhaṃ muhūrtamapi notsahe |
manasi pratisañjātaṃ saumitre'hamupekṣitum || 9 ||
na buddhipūrvaṃ nābuddhaṃ smarāmīha kadācana |
mātṛṇāṃ vā piturvā'haṃ kṛtamalpaṃ ca vipriyam || 10 ||
satyassatyābhisandhaśca nityaṃ satyaparākramaḥ |
paralokabhayādbhīto nirbhayo'stu pitā mama || 11 ||
tasyā'pi hi bhavedasminkarmaṇyapratisaṃhṛte |
satyaṃ neti manastāpastasya tāpastapecca mām || 12 ||
abhiṣekavidhānaṃ tu tasmātsaṃhṛtya lakṣmaṇa |
anvagevāhamicchāmi vanaṃ gantumitaḥpunaḥ || 13 ||
mama pravrājanādadya kṛtakṛtyā nṛpātmajā |
sutaṃ bharatamavyagramabhiṣecayitā tataḥ || 14 ||
mayi cīrājinadhare jaṭāmaṇḍaladhāriṇi |
gate'raṇyaṃ ca kaikeyyā bhaviṣyati manassukham || 15 ||
buddhiḥ praṇītā yeneyaṃ manaśca susamāhitam |
taṃ tu nārhāmi saṅkleṣṭuṃ pravrajiṣyāmi mā ciram || 16 ||
kṛtāntastveva saumitre draṣṭavyo matpravāsane |
rājyasya ca vitīrṇasya punareva nivartane || 17 ||
kaikeyyāḥ pratipattirhi kathaṃ syānmama pīḍane |
yadi bhāvo na daivo'yaṃ kṛtāntavihito bhavet || 18 ||
jānāsi hi yathā saumya na mātṛṣu mamāntaram |
bhūtapūrvaṃ viśeṣo vā tasyā mayi sute'pi vā || 19 ||
so'bhiṣekanivṛttyarthaipravāsārthaiśca durvacaiḥ |
ugrairvākyairahaṃ tasyā nānyaddaivātsamarthaye || 20 ||
kathaṃ prakṛtisampannā rājaputrī tathāguṇā |
brūyātsā prākṛteva strī matpīḍāṃ bhartṛsannidhau || 21 ||
yadacintyantu taddaivaṃ bhūteṣvapi na vihanyate |
vyaktaṃ mayi ca tasyāṃ ca patito hi viparyayaḥ || 22 ||
kaściddaivena saumitre yoddhumutsahate pumān |
yasya na grahaṇaṃ kiñcitkarmaṇo'nyatra dṛśyate || 23 ||
sukhaduḥkhe bhayakrodhau lābhālābhau bhavābhavau |
yacca kiñcittathābhūtaṃ nanu daivasya karma tat || 24 ||
ṛṣayo'pyugratapaso daivenābhiprapīḍitāḥ |
utsṛjya niyamāṃstīvrānbhraśyante kāmamanyubhiḥ || 25 ||
asaṅkalpitameveha yadakasmātpravartate |
nivartyārambhamārabdhaṃ nanu daivasya karma tat || 26 ||
etayā tattvayā buddhyā saṃstabhyātmānamātmanā |
vyāhate'pyabhiṣeke me paritāpo na vidyate || 27 ||
tasmādaparitāpassaṃstvamapyanuvidhāya mām |
pratisaṃhāraya kṣipramābhiṣecanikīṃ kriyām || 28 ||
ebhireva ghaṭai ssarvairabhiṣecanasambhṛtaiḥ |
mama lakṣmaṇa tāpasye vratasnānaṃ bhaviṣyati || 29 ||
athavā kiṃ mamaitena rājadravyamayena tu |
uddhṛtaṃ me svayaṃ toyaṃ vratādeśaṃ kariṣyati || 30 ||
mā ca lakṣmaṇa santāpaṃ kārṣīrlakṣmyā viparyaye |
rājyaṃ vā vanavāso vā vanavāso mahodayaḥ || 31 ||
na lakṣmaṇāsminkhalu karmavighne mātā yavīyasyatiśaṅkanīyā |
daivābhipannā hi vadatyaniṣṭaṃ jānāsi daivaṃ ca tathā prabhāvam || 32 ||
ityārṣe śrīmadrāmāyaṇe vālmīkīya ādikāvye ayodhyākāṇḍe dvāviṃśassargaḥ ||
InfoLyter.in — Sacred Vedic Knowledge Portal · Free forever