📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌵𑌿𑌨𑌾𑌯𑌕 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Vinayaka Ashtottara Shata Nama Stotram
Ganesha Ashtottara Sata Namavali Grantha
𑌵𑌿𑌨𑌾𑌯𑌕𑍋 𑌵𑌿𑌘𑍍𑌨𑌰𑌾𑌜𑍋 𑌗𑍗𑌰𑍀𑌪𑍁𑌤𑍍𑌰𑍋 𑌗𑌣𑍇𑌶𑍍𑌵𑌰𑌃 ।
𑌸𑍍𑌕𑌨𑍍𑌦𑌾𑌗𑍍𑌰𑌜𑍋𑌽𑌵𑍍𑌯𑌯𑌃 𑌪𑍂𑌤𑍋 𑌦𑌕𑍍𑌷𑍋𑌽𑌧𑍍𑌯𑌕𑍍𑌷𑍋 𑌦𑍍𑌵𑌿𑌜𑌪𑍍𑌰𑌿𑌯𑌃 ॥ 1 ॥
𑌅𑌗𑍍𑌨𑌿𑌗𑌰𑍍𑌵𑌚𑍍𑌛𑌿𑌦𑌿𑌨𑍍𑌦𑍍𑌰𑌶𑍍𑌰𑍀𑌪𑍍𑌰𑌦𑍋 𑌵𑌾𑌣𑍀𑌪𑍍𑌰𑌦𑌾𑌯𑌕𑌃 ।
𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌃 𑌶𑌰𑍍𑌵𑌤𑌨𑌯𑌃 𑌶𑌰𑍍𑌵𑌰𑍀𑌪𑍍𑌰𑌿𑌯𑌃 ॥ 2 ॥
𑌸𑌰𑍍𑌵𑌾𑌤𑍍𑌮𑌕𑌃 𑌸𑍃𑌷𑍍𑌟𑌿𑌕𑌰𑍍𑌤𑌾 𑌦𑍇𑌵𑌾𑌨𑍀𑌕𑌾𑌰𑍍𑌚𑌿𑌤𑌃 𑌶𑌿𑌵𑌃 ।
𑌸𑌿𑌦𑍍𑌧𑌿𑌬𑍁𑌦𑍍𑌧𑌿𑌪𑍍𑌰𑌦𑌃 𑌶𑌾𑌨𑍍𑌤𑍋 𑌬𑍍𑌰𑌹𑍍𑌮𑌚𑌾𑌰𑍀 𑌗𑌜𑌾𑌨𑌨𑌃 ॥ 3 ॥
𑌦𑍍𑌵𑍈𑌮𑌾𑌤𑍁𑌰𑍋 𑌮𑍁𑌨𑌿𑌸𑍍𑌤𑍁𑌤𑍍𑌯𑍋 𑌭𑌕𑍍𑌤𑌵𑌿𑌘𑍍𑌨𑌵𑌿𑌨𑌾𑌶𑌨𑌃 ।
𑌏𑌕𑌦𑌨𑍍𑌤𑌶𑍍𑌚𑌤𑍁𑌰𑍍𑌬𑌾𑌹𑍁𑌶𑍍𑌚𑌤𑍁𑌰𑌃 𑌶𑌕𑍍𑌤𑌿𑌸𑌂𑌯𑍁𑌤𑌃 ॥ 4 ॥
𑌲𑌮𑍍𑌬𑍋𑌦𑌰𑌃 𑌶𑍂𑌰𑍍𑌪𑌕𑌰𑍍𑌣𑍋 𑌹𑌰𑌿𑌰𑍍𑌬𑍍𑌰𑌹𑍍𑌮𑌵𑌿𑌦𑍁𑌤𑍍𑌤𑌮𑌃 ।
𑌕𑌾𑌵𑍍𑌯𑍋 𑌗𑍍𑌰𑌹𑌪𑌤𑌿𑌃 𑌕𑌾𑌮𑍀 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌃 ॥ 5 ॥
𑌪𑌾𑌶𑌾𑌙𑍍𑌕𑍁𑌶𑌧𑌰𑌶𑍍𑌚𑌣𑍍𑌡𑍋 𑌗𑍁𑌣𑌾𑌤𑍀𑌤𑍋 𑌨𑌿𑌰𑌞𑍍𑌜𑌨𑌃 ।
𑌅𑌕𑌲𑍍𑌮𑌷𑌃 𑌸𑍍𑌵𑌯𑌂 𑌸𑌿𑌦𑍍𑌧𑌃 𑌸𑌿𑌦𑍍𑌧𑌾𑌰𑍍𑌚𑌿𑌤𑌪𑌦𑌾𑌮𑍍𑌬𑍁𑌜𑌃 ॥ 6 ॥
𑌬𑍀𑌜𑌾𑌪𑍂𑌰𑌫𑌲𑌾𑌸𑌕𑍍𑌤𑍋 𑌵𑌰𑌦𑌃 𑌶𑌾𑌶𑍍𑌵𑌤𑌃 𑌕𑍃𑌤𑍀 ।
𑌦𑍍𑌵𑌿𑌜𑌪𑍍𑌰𑌿𑌯𑍋 𑌵𑍀𑌤𑌭𑌯𑍋 𑌗𑌦𑍀 𑌚𑌕𑍍𑌰𑍀𑌕𑍍𑌷𑍁𑌚𑌾𑌪𑌧𑍃𑌤𑍍 ॥ 7 ॥
𑌶𑍍𑌰𑍀𑌦𑍋𑌽𑌜 𑌉𑌤𑍍𑌪𑌲𑌕𑌰𑌃 𑌶𑍍𑌰𑍀𑌪𑌤𑌿𑌸𑍍𑌤𑍁𑌤𑌿𑌹𑌰𑍍𑌷𑌿𑌤𑌃 ।
𑌕𑍁𑌲𑌾𑌦𑍍𑌰𑌿𑌭𑍇𑌤𑍍𑌤𑌾 𑌜𑌟𑌿𑌲𑌶𑍍𑌚𑌨𑍍𑌦𑍍𑌰𑌚𑍂𑌡𑍋𑌽𑌮𑌰𑍇𑌶𑍍𑌵𑌰𑌃 ॥ 8 ॥
𑌨𑌾𑌗𑌯𑌜𑍍𑌞𑍋𑌪𑌵𑍀𑌤𑍀 𑌚 𑌕𑌲𑌿𑌕𑌲𑍍𑌮𑌷𑌨𑌾𑌶𑌨𑌃 ।
𑌸𑍍𑌥𑍂𑌲𑌕𑌣𑍍𑌠𑌃 𑌸𑍍𑌵𑌯𑌙𑍍𑌕𑌰𑍍𑌤𑌾 𑌸𑌾𑌮𑌘𑍋𑌷𑌪𑍍𑌰𑌿𑌯𑌃 𑌪𑌰𑌃 ॥ 9 ॥
𑌸𑍍𑌥𑍂𑌲𑌤𑍁𑌣𑍍𑌡𑍋𑌽𑌗𑍍𑌰𑌣𑍀𑌰𑍍𑌧𑍀𑌰𑍋 𑌵𑌾𑌗𑍀𑌶𑌃 𑌸𑌿𑌦𑍍𑌧𑌿𑌦𑌾𑌯𑌕𑌃 ।
𑌦𑍂𑌰𑍍𑌵𑌾𑌬𑌿𑌲𑍍𑌵𑌪𑍍𑌰𑌿𑌯𑌃 𑌕𑌾𑌨𑍍𑌤𑌃 𑌪𑌾𑌪𑌹𑌾𑌰𑍀 𑌸𑌮𑌾𑌹𑌿𑌤𑌃 ॥ 10 ॥
𑌆𑌶𑍍𑌰𑌿𑌤𑌶𑍍𑌰𑍀𑌕𑌰𑌃 𑌸𑍗𑌮𑍍𑌯𑍋 𑌭𑌕𑍍𑌤𑌵𑌾𑌞𑍍𑌛𑌿𑌤𑌦𑌾𑌯𑌕𑌃 ।
𑌶𑌾𑌨𑍍𑌤𑍋𑌽𑌚𑍍𑌯𑍁𑌤𑌾𑌰𑍍𑌚𑍍𑌯𑌃 𑌕𑍈𑌵𑌲𑍍𑌯𑍋 𑌸𑌚𑍍𑌚𑌿𑌦𑌾𑌨𑌨𑍍𑌦𑌵𑌿𑌗𑍍𑌰𑌹𑌃 ॥ 11 ॥
𑌜𑍍𑌞𑌾𑌨𑍀 𑌦𑌯𑌾𑌯𑍁𑌤𑍋 𑌦𑌾𑌨𑍍𑌤𑍋 𑌬𑍍𑌰𑌹𑍍𑌮𑌦𑍍𑌵𑍇𑌷𑌵𑌿𑌵𑌰𑍍𑌜𑌿𑌤𑌃 ।
𑌪𑍍𑌰𑌮𑌤𑍍𑌤𑌦𑍈𑌤𑍍𑌯𑌭𑌯𑌦𑍋 𑌵𑍍𑌯𑌕𑍍𑌤𑌮𑍂𑌰𑍍𑌤𑌿𑌰𑌮𑍂𑌰𑍍𑌤𑌿𑌮𑌾𑌨𑍍 ॥ 12 ॥
𑌶𑍈𑌲𑍇𑌨𑍍𑌦𑍍𑌰𑌤𑌨𑍁𑌜𑍋𑌤𑍍𑌸𑌙𑍍𑌗𑌖𑍇𑌲𑌨𑍋𑌤𑍍𑌸𑍁𑌕𑌮𑌾𑌨𑌸𑌃 ।
𑌸𑍍𑌵𑌲𑌾𑌵𑌣𑍍𑌯𑌸𑍁𑌧𑌾𑌸𑌾𑌰𑌜𑌿𑌤𑌮𑌨𑍍𑌮𑌥𑌵𑌿𑌗𑍍𑌰𑌹𑌃 ॥ 13 ॥
𑌸𑌮𑌸𑍍𑌤𑌜𑌗𑌦𑌾𑌧𑌾𑌰𑍋 𑌮𑌾𑌯𑍀 𑌮𑍂𑌷𑌕𑌵𑌾𑌹𑌨𑌃 ।
𑌰𑌮𑌾𑌰𑍍𑌚𑌿𑌤𑍋 𑌵𑌿𑌧𑌿𑌶𑍍𑌚𑍈𑌵 𑌶𑍍𑌰𑍀𑌕𑌣𑍍𑌠𑍋 𑌵𑌿𑌬𑍁𑌧𑍇𑌶𑍍𑌵𑌰𑌃 ॥ 14 ॥
𑌚𑌿𑌨𑍍𑌤𑌾𑌮𑌣𑌿𑌦𑍍𑌵𑍀𑌪𑌪𑌤𑌿𑌃 𑌪𑌰𑌮𑌾𑌤𑍍𑌮𑌾 𑌗𑌜𑌾𑌨𑌨𑌃 ।
𑌹𑍃𑌷𑍍𑌟𑌸𑍍𑌤𑍁𑌷𑍍𑌟𑌃 𑌪𑍍𑌰𑌸𑌨𑍍𑌨𑌾𑌤𑍍𑌮𑌾 𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌕𑌃 ॥ 15 ॥
𑌅𑌷𑍍𑌟𑍋𑌤𑍍𑌤𑌰𑌶𑌤𑍇𑌨𑍈𑌵𑌂 𑌨𑌾𑌮𑍍𑌨𑌾𑌂 𑌵𑌿𑌘𑍍𑌨𑍇𑌶𑍍𑌵𑌰𑌂 𑌵𑌿𑌭𑍁𑌮𑍍 ।
𑌯𑌃 𑌪𑍂𑌜𑌯𑍇𑌦𑌨𑍇𑌨𑍈𑌵 𑌭𑌕𑍍𑌤𑍍𑌯𑌾 𑌸𑌿𑌦𑍍𑌧𑌿𑌵𑌿𑌨𑌾𑌯𑌕𑌮𑍍 ॥ 16 ॥
𑌦𑍂𑌰𑍍𑌵𑌾𑌦𑌲𑍈𑌃 𑌬𑌿𑌲𑍍𑌵𑌪𑌤𑍍𑌰𑍈𑌃 𑌪𑍁𑌷𑍍𑌪𑍈𑌰𑍍𑌵𑌾 𑌚𑌨𑍍𑌦𑌨𑌾𑌕𑍍𑌷𑌤𑍈𑌃 ।
𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌵𑌾𑌪𑍍𑌨𑍋𑌤𑌿 𑌸𑌰𑍍𑌵𑌵𑌿𑌘𑍍𑌨𑍈𑌃 𑌪𑍍𑌰𑌮𑍁𑌚𑍍𑌯𑌤𑍇 ॥ 17 ॥
𑌇𑌤𑌿 𑌭𑌵𑌿𑌷𑍍𑌯𑍋𑌤𑍍𑌤𑌰𑌪𑍁𑌰𑌾𑌣𑍇 𑌵𑌿𑌨𑌾𑌯𑌕𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
vināyako vighnarājo gaurīputro gaṇeśvaraḥ |
skandāgrajo'vyayaḥ pūto dakṣo'dhyakṣo dvijapriyaḥ || 1 ||
agnigarvacchidindraśrīprado vāṇīpradāyakaḥ |
sarvasiddhipradaḥ śarvatanayaḥ śarvarīpriyaḥ || 2 ||
sarvātmakaḥ sṛṣṭikartā devānīkārcitaḥ śivaḥ |
siddhibuddhipradaḥ śānto brahmacārī gajānanaḥ || 3 ||
dvaimāturo munistutyo bhaktavighnavināśanaḥ |
ekadantaścaturbāhuścaturaḥ śaktisaṃyutaḥ || 4 ||
lambodaraḥ śūrpakarṇo harirbrahmaviduttamaḥ |
kāvyo grahapatiḥ kāmī somasūryāgnilocanaḥ || 5 ||
pāśāṅkuśadharaścaṇḍo guṇātīto nirañjanaḥ |
akalmaṣaḥ svayaṃ siddhaḥ siddhārcitapadāmbujaḥ || 6 ||
bījāpūraphalāsakto varadaḥ śāśvataḥ kṛtī |
dvijapriyo vītabhayo gadī cakrīkṣucāpadhṛt || 7 ||
śrīdo'ja utpalakaraḥ śrīpatistutiharṣitaḥ |
kulādribhettā jaṭilaścandracūḍo'mareśvaraḥ || 8 ||
nāgayajñopavītī ca kalikalmaṣanāśanaḥ |
sthūlakaṇṭhaḥ svayaṅkartā sāmaghoṣapriyaḥ paraḥ || 9 ||
sthūlatuṇḍo'graṇīrdhīro vāgīśaḥ siddhidāyakaḥ |
dūrvābilvapriyaḥ kāntaḥ pāpahārī samāhitaḥ || 10 ||
āśritaśrīkaraḥ saumyo bhaktavāñchitadāyakaḥ |
śānto'cyutārcyaḥ kaivalyo saccidānandavigrahaḥ || 11 ||
jñānī dayāyuto dānto brahmadveṣavivarjitaḥ |
pramattadaityabhayado vyaktamūrtiramūrtimān || 12 ||
śailendratanujotsaṅgakhelanotsukamānasaḥ |
svalāvaṇyasudhāsārajitamanmathavigrahaḥ || 13 ||
samastajagadādhāro māyī mūṣakavāhanaḥ |
ramārcito vidhiścaiva śrīkaṇṭho vibudheśvaraḥ || 14 ||
cintāmaṇidvīpapatiḥ paramātmā gajānanaḥ |
hṛṣṭastuṣṭaḥ prasannātmā sarvasiddhipradāyakaḥ || 15 ||
aṣṭottaraśatenaivaṃ nāmnāṃ vighneśvaraṃ vibhum |
yaḥ pūjayedanenaiva bhaktyā siddhivināyakam || 16 ||
dūrvādalaiḥ bilvapatraiḥ puṣpairvā candanākṣataiḥ |
sarvānkāmānavāpnoti sarvavighnaiḥ pramucyate || 17 ||
iti bhaviṣyottarapurāṇe vināyakāṣṭottaraśatanāma stotram |
InfoLyter.in — Sacred Vedic Knowledge Portal · Free forever