📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌵𑌾𑌸𑍁𑌦𑍇𑌵 𑌸𑍍𑌤𑍋𑌤𑍍𑌰𑌮𑍍 (𑌮𑌹𑌾𑌭𑌾𑌰𑌤𑌮𑍍)
Vasudeva Stotram (mahabharatam)
Stotram Vyasa Grantha
(𑌶𑍍𑌰𑍀𑌮𑌹𑌾𑌭𑌾𑌰𑌤𑍇 𑌭𑍀𑌷𑍍𑌮𑌪𑌰𑍍𑌵𑌣𑌿 𑌪𑌞𑍍𑌚𑌷𑌷𑍍𑌟𑌿𑌤𑌮𑍋𑌽𑌧𑍍𑌯𑌾𑌯𑍇 𑌶𑍍𑌲𑍋: 47)
𑌵𑌿𑌶𑍍𑌵𑌾𑌵𑌸𑍁𑌰𑍍𑌵𑌿𑌶𑍍𑌵𑌮𑍂𑌰𑍍𑌤𑌿𑌰𑍍𑌵𑌿𑌶𑍍𑌵𑍇𑌶𑍋
𑌵𑌿𑌷𑍍𑌵𑌕𑍍𑌸𑍇𑌨𑍋 𑌵𑌿𑌶𑍍𑌵𑌕𑌰𑍍𑌮𑌾 𑌵𑌶𑍀 𑌚 ।
𑌵𑌿𑌶𑍍𑌵𑍇𑌶𑍍𑌵𑌰𑍋 𑌵𑌾𑌸𑍁𑌦𑍇𑌵𑍋𑌽𑌸𑌿 𑌤𑌸𑍍𑌮𑌾-
-𑌦𑍍𑌯𑍋𑌗𑌾𑌤𑍍𑌮𑌾𑌨𑌂 𑌦𑍈𑌵𑌤𑌂 𑌤𑍍𑌵𑌾𑌮𑍁𑌪𑍈𑌮𑌿 ॥ 47 ॥
𑌜𑌯 𑌵𑌿𑌶𑍍𑌵 𑌮𑌹𑌾𑌦𑍇𑌵 𑌜𑌯 𑌲𑍋𑌕𑌹𑌿𑌤𑍇𑌰𑌤 ।
𑌜𑌯 𑌯𑍋𑌗𑍀𑌶𑍍𑌵𑌰 𑌵𑌿𑌭𑍋 𑌜𑌯 𑌯𑍋𑌗𑌪𑌰𑌾𑌵𑌰 ॥ 48 ॥
𑌪𑌦𑍍𑌮𑌗𑌰𑍍𑌭 𑌵𑌿𑌶𑌾𑌲𑌾𑌕𑍍𑌷 𑌜𑌯 𑌲𑍋𑌕𑍇𑌶𑍍𑌵𑌰𑍇𑌶𑍍𑌵𑌰 ।
𑌭𑍂𑌤𑌭𑌵𑍍𑌯𑌭𑌵𑌨𑍍𑌨𑌾𑌥 𑌜𑌯 𑌸𑍗𑌮𑍍𑌯𑌾𑌤𑍍𑌮𑌜𑌾𑌤𑍍𑌮𑌜 ॥ 49 ॥
𑌅𑌸𑌙𑍍𑌖𑍍𑌯𑍇𑌯𑌗𑍁𑌣𑌾𑌧𑌾𑌰 𑌜𑌯 𑌸𑌰𑍍𑌵𑌪𑌰𑌾𑌯𑌣 ।
𑌨𑌾𑌰𑌾𑌯𑌣 𑌸𑍁𑌦𑍁𑌷𑍍𑌪𑌾𑌰 𑌜𑌯 𑌶𑌾𑌰𑍍𑌙𑍍𑌗𑌧𑌨𑍁𑌰𑍍𑌧𑌰 ॥ 50 ॥
𑌜𑌯 𑌸𑌰𑍍𑌵𑌗𑍁𑌣𑍋𑌪𑍇𑌤 𑌵𑌿𑌶𑍍𑌵𑌮𑍂𑌰𑍍𑌤𑍇 𑌨𑌿𑌰𑌾𑌮𑌯 ।
𑌵𑌿𑌶𑍍𑌵𑍇𑌶𑍍𑌵𑌰 𑌮𑌹𑌾𑌬𑌾𑌹𑍋 𑌜𑌯 𑌲𑍋𑌕𑌾𑌰𑍍𑌥𑌤𑌤𑍍𑌪𑌰 ॥ 51 ॥
𑌮𑌹𑍋𑌰𑌗𑌵𑌰𑌾𑌹𑌾𑌦𑍍𑌯 𑌹𑌰𑌿𑌕𑍇𑌶 𑌵𑌿𑌭𑍋 𑌜𑌯 ।
𑌹𑌰𑌿𑌵𑌾𑌸 𑌦𑌿𑌶𑌾𑌮𑍀𑌶 𑌵𑌿𑌶𑍍𑌵𑌾𑌵𑌾𑌸𑌾𑌮𑌿𑌤𑌾𑌵𑍍𑌯𑌯 ॥ 52 ॥
𑌵𑍍𑌯𑌕𑍍𑌤𑌾𑌵𑍍𑌯𑌕𑍍𑌤𑌾𑌮𑌿𑌤𑌸𑍍𑌥𑌾𑌨 𑌨𑌿𑌯𑌤𑍇𑌨𑍍𑌦𑍍𑌰𑌿𑌯 𑌸𑌤𑍍𑌕𑍍𑌰𑌿𑌯 ।
𑌅𑌸𑌙𑍍𑌖𑍍𑌯𑍇𑌯𑌾𑌤𑍍𑌮𑌭𑌾𑌵𑌜𑍍𑌞 𑌜𑌯 𑌗𑌮𑍍𑌭𑍀𑌰𑌕𑌾𑌮𑌦 ॥ 53 ॥
𑌅𑌨𑌨𑍍𑌤𑌵𑌿𑌦𑌿𑌤 𑌬𑍍𑌰𑌹𑍍𑌮𑌨𑍍 𑌨𑌿𑌤𑍍𑌯𑌭𑍂𑌤𑌵𑌿𑌭𑌾𑌵𑌨 ।
𑌕𑍃𑌤𑌕𑌾𑌰𑍍𑌯 𑌕𑍃𑌤𑌪𑍍𑌰𑌜𑍍𑌞 𑌧𑌰𑍍𑌮𑌜𑍍𑌞 𑌵𑌿𑌜𑌯𑌾𑌵𑌹 ॥ 54 ॥
𑌗𑍁𑌹𑍍𑌯𑌾𑌤𑍍𑌮𑌨𑍍 𑌸𑌰𑍍𑌵𑌯𑍋𑌗𑌾𑌤𑍍𑌮𑌨𑍍 𑌸𑍍𑌫𑍁𑌟 𑌸𑌮𑍍𑌭𑍂𑌤 𑌸𑌮𑍍𑌭𑌵 ।
𑌭𑍂𑌤𑌾𑌦𑍍𑌯 𑌲𑍋𑌕𑌤𑌤𑍍𑌤𑍍𑌵𑍇𑌶 𑌜𑌯 𑌭𑍂𑌤𑌵𑌿𑌭𑌾𑌵𑌨 ॥ 55 ॥
𑌆𑌤𑍍𑌮𑌯𑍋𑌨𑍇 𑌮𑌹𑌾𑌭𑌾𑌗 𑌕𑌲𑍍𑌪𑌸𑌙𑍍𑌕𑍍𑌷𑍇𑌪𑌤𑌤𑍍𑌪𑌰 ।
𑌉𑌦𑍍𑌭𑌾𑌵𑌨𑌮𑌨𑍋𑌭𑌾𑌵 𑌜𑌯 𑌬𑍍𑌰𑌹𑍍𑌮𑌜𑌨𑌪𑍍𑌰𑌿𑌯 ॥ 56 ॥
𑌨𑌿𑌸𑌰𑍍𑌗𑌸𑌰𑍍𑌗𑌨𑌿𑌰𑌤 𑌕𑌾𑌮𑍇𑌶 𑌪𑌰𑌮𑍇𑌶𑍍𑌵𑌰 ।
𑌅𑌮𑍃𑌤𑍋𑌦𑍍𑌭𑌵 𑌸𑌦𑍍𑌭𑌾𑌵 𑌮𑍁𑌕𑍍𑌤𑌾𑌤𑍍𑌮𑌨𑍍 𑌵𑌿𑌜𑌯𑌪𑍍𑌰𑌦 ॥ 57 ॥
𑌪𑍍𑌰𑌜𑌾𑌪𑌤𑌿𑌪𑌤𑍇 𑌦𑍇𑌵 𑌪𑌦𑍍𑌮𑌨𑌾𑌭 𑌮𑌹𑌾𑌬𑌲 ।
𑌆𑌤𑍍𑌮𑌭𑍂𑌤 𑌮𑌹𑌾𑌭𑍂𑌤 𑌸𑌤𑍍𑌵𑌾𑌤𑍍𑌮𑌨𑍍 𑌜𑌯 𑌸𑌰𑍍𑌵𑌦𑌾 ॥ 58 ॥
𑌪𑌾𑌦𑍗 𑌤𑌵 𑌧𑌰𑌾 𑌦𑍇𑌵𑍀 𑌦𑌿𑌶𑍋 𑌬𑌾𑌹𑍁 𑌦𑌿𑌵𑌂 𑌶𑌿𑌰𑌃 ।
𑌮𑍂𑌰𑍍𑌤𑌿𑌸𑍍𑌤𑍇𑌽𑌹𑌂 𑌸𑍁𑌰𑌾𑌃 𑌕𑌾𑌯𑌶𑍍𑌚𑌨𑍍𑌦𑍍𑌰𑌾𑌦𑌿𑌤𑍍𑌯𑍗 𑌚 𑌚𑌕𑍍𑌷𑍁𑌷𑍀 ॥ 59 ॥
𑌬𑌲𑌂 𑌤𑌪𑌶𑍍𑌚 𑌸𑌤𑍍𑌯𑌂 𑌚 𑌕𑌰𑍍𑌮 𑌧𑌰𑍍𑌮𑌾𑌤𑍍𑌮𑌜𑌂 𑌤𑌵 ।
𑌤𑍇𑌜𑍋𑌽𑌗𑍍𑌨𑌿𑌃 𑌪𑌵𑌨𑌃 𑌶𑍍𑌵𑌾𑌸 𑌆𑌪𑌸𑍍𑌤𑍇 𑌸𑍍𑌵𑍇𑌦𑌸𑌮𑍍𑌭𑌵𑌾𑌃 ॥ 60 ॥
𑌅𑌶𑍍𑌵𑌿𑌨𑍗 𑌶𑍍𑌰𑌵𑌣𑍗 𑌨𑌿𑌤𑍍𑌯𑌂 𑌦𑍇𑌵𑍀 𑌜𑌿𑌹𑍍𑌵𑌾 𑌸𑌰𑌸𑍍𑌵𑌤𑍀 ।
𑌵𑍇𑌦𑌾𑌃 𑌸𑌂𑌸𑍍𑌕𑌾𑌰𑌨𑌿𑌷𑍍𑌠𑌾 𑌹𑌿 𑌤𑍍𑌵𑌯𑍀𑌦𑌂 𑌜𑌗𑌦𑌾𑌶𑍍𑌰𑌿𑌤𑌮𑍍 ॥ 61 ॥
𑌨 𑌸𑌙𑍍𑌖𑍍𑌯𑌾 𑌨 𑌪𑌰𑍀𑌮𑌾𑌣𑌂 𑌨 𑌤𑍇𑌜𑍋 𑌨 𑌪𑌰𑌾𑌕𑍍𑌰𑌮𑌮𑍍 ।
𑌨 𑌬𑌲𑌂 𑌯𑍋𑌗𑌯𑍋𑌗𑍀𑌶 𑌜𑌾𑌨𑍀𑌮𑌸𑍍𑌤𑍇 𑌨 𑌸𑌮𑍍𑌭𑌵𑌮𑍍 ॥ 62 ॥
𑌤𑍍𑌵𑌦𑍍𑌭𑌕𑍍𑌤𑌿𑌨𑌿𑌰𑌤𑌾 𑌦𑍇𑌵 𑌨𑌿𑌯𑌮𑍈𑌸𑍍𑌤𑍍𑌵𑌾𑌂 𑌸𑌮𑌾𑌶𑍍𑌰𑌿𑌤𑌾𑌃 ।
𑌅𑌰𑍍𑌚𑌯𑌾𑌮𑌃 𑌸𑌦𑌾 𑌵𑌿𑌷𑍍𑌣𑍋 𑌪𑌰𑌮𑍇𑌶𑌂 𑌮𑌹𑍇𑌶𑍍𑌵𑌰𑌮𑍍 ॥ 63 ॥
𑌋𑌷𑌯𑍋 𑌦𑍇𑌵𑌗𑌨𑍍𑌧𑌰𑍍𑌵𑌾 𑌯𑌕𑍍𑌷𑌰𑌾𑌕𑍍𑌷𑌸𑌪𑌨𑍍𑌨𑌗𑌾𑌃 ।
𑌪𑌿𑌶𑌾𑌚𑌾 𑌮𑌾𑌨𑍁𑌷𑌾𑌶𑍍𑌚𑍈𑌵 𑌮𑍃𑌗𑌪𑌕𑍍𑌷𑌿𑌸𑌰𑍀𑌸𑍃𑌪𑌾𑌃 ॥ 64 ॥
𑌏𑌵𑌮𑌾𑌦𑌿 𑌮𑌯𑌾 𑌸𑍃𑌷𑍍𑌟𑌂 𑌪𑍃𑌥𑌿𑌵𑍍𑌯𑌾𑌂 𑌤𑍍𑌵𑌤𑍍𑌪𑍍𑌰𑌸𑌾𑌦𑌜𑌮𑍍 ।
𑌪𑌦𑍍𑌮𑌨𑌾𑌭 𑌵𑌿𑌶𑌾𑌲𑌾𑌕𑍍𑌷 𑌕𑍃𑌷𑍍𑌣 𑌦𑍁𑌃𑌖𑌪𑍍𑌰𑌣𑌾𑌶𑌨 ॥ 65 ॥
𑌤𑍍𑌵𑌂 𑌗𑌤𑌿𑌃 𑌸𑌰𑍍𑌵𑌭𑍂𑌤𑌾𑌨𑌾𑌂 𑌤𑍍𑌵𑌂 𑌨𑍇𑌤𑌾 𑌤𑍍𑌵𑌂 𑌜𑌗𑌦𑍍𑌗𑍁𑌰𑍁𑌃 ।
𑌤𑍍𑌵𑌤𑍍𑌪𑍍𑌰𑌸𑌾𑌦𑍇𑌨 𑌦𑍇𑌵𑍇𑌶 𑌸𑍁𑌖𑌿𑌨𑍋 𑌵𑌿𑌬𑍁𑌧𑌾𑌃 𑌸𑌦𑌾 ॥ 66 ॥
𑌪𑍃𑌥𑌿𑌵𑍀 𑌨𑌿𑌰𑍍𑌭𑌯𑌾 𑌦𑍇𑌵 𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌤𑍍𑌸𑌦𑌾𑌽𑌭𑌵𑌤𑍍 ।
𑌤𑌸𑍍𑌮𑌾𑌦𑍍𑌭𑌵 𑌵𑌿𑌶𑌾𑌲𑌾𑌕𑍍𑌷 𑌯𑌦𑍁𑌵𑌂𑌶𑌵𑌿𑌵𑌰𑍍𑌧𑌨𑌃 ॥ 67 ॥
𑌧𑌰𑍍𑌮𑌸𑌂𑌸𑍍𑌥𑌾𑌪𑌨𑌾𑌰𑍍𑌥𑌾𑌯 𑌦𑍈𑌤𑍍𑌯𑌾𑌨𑌾𑌂 𑌚 𑌵𑌧𑌾𑌯 𑌚 ।
𑌜𑌗𑌤𑍋 𑌧𑌾𑌰𑌣𑌾𑌰𑍍𑌥𑌾𑌯 𑌵𑌿𑌜𑍍𑌞𑌾𑌪𑍍𑌯𑌂 𑌕𑍁𑌰𑍁 𑌮𑍇 𑌪𑍍𑌰𑌭𑍋 ॥ 68 ॥
𑌯𑌤𑍍𑌤𑌤𑍍𑌪𑌰𑌮𑌕𑌂 𑌗𑍁𑌹𑍍𑌯𑌂 𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌦𑌿𑌦𑌂 𑌵𑌿𑌭𑍋 ।
𑌵𑌾𑌸𑍁𑌦𑍇𑌵 𑌤𑌦𑍇𑌤𑌤𑍍𑌤𑍇 𑌮𑌯𑍋𑌦𑍍𑌗𑍀𑌤𑌂 𑌯𑌥𑌾𑌤𑌥𑌮𑍍 ॥ 69 ॥
𑌸𑍃𑌷𑍍𑌟𑍍𑌵𑌾 𑌸𑌙𑍍𑌕𑌰𑍍𑌷𑌣𑌂 𑌦𑍇𑌵𑌂 𑌸𑍍𑌵𑌯𑌮𑌾𑌤𑍍𑌮𑌾𑌨𑌮𑌾𑌤𑍍𑌮𑌨𑌾 ।
𑌕𑍃𑌷𑍍𑌣 𑌤𑍍𑌵𑌮𑌾𑌤𑍍𑌮𑌨𑍋 𑌸𑌾𑌕𑍍𑌷𑍀 𑌪𑍍𑌰𑌦𑍍𑌯𑍁𑌮𑍍𑌨𑌂 𑌚𑌾𑌤𑍍𑌮𑌸𑌮𑍍𑌭𑌵𑌮𑍍 ॥ 70 ॥
𑌪𑍍𑌰𑌦𑍍𑌯𑍁𑌮𑍍𑌨𑌾𑌦𑌨𑌿𑌰𑍁𑌦𑍍𑌧𑌂 𑌤𑍍𑌵𑌂 𑌯𑌂 𑌵𑌿𑌦𑍁𑌰𑍍𑌵𑌿𑌷𑍍𑌣𑍁𑌮𑌵𑍍𑌯𑌯𑌮𑍍 ।
𑌅𑌨𑌿𑌰𑍁𑌦𑍍𑌧𑍋𑌽𑌸𑍃𑌜𑌨𑍍𑌮𑌾𑌂 𑌵𑍈 𑌬𑍍𑌰𑌹𑍍𑌮𑌾𑌣𑌂 𑌲𑍋𑌕𑌧𑌾𑌰𑌿𑌣𑌮𑍍 ॥ 71 ॥
𑌵𑌾𑌸𑍁𑌦𑍇𑌵𑌮𑌯𑌃 𑌸𑍋𑌽𑌹𑌂 𑌤𑍍𑌵𑌯𑍈𑌵𑌾𑌸𑍍𑌮𑌿 𑌵𑌿𑌨𑌿𑌰𑍍𑌮𑌿𑌤𑌃 ।
[𑌤𑌸𑍍𑌮𑌾𑌦𑍍𑌯𑌾𑌚𑌾𑌮𑌿 𑌲𑍋𑌕𑍇𑌶 𑌚𑌤𑍁𑌰𑌾𑌤𑍍𑌮𑌾𑌨𑌮𑌾𑌤𑍍𑌮𑌨𑌾।]
𑌵𑌿𑌭𑌜𑍍𑌯 𑌭𑌾𑌗𑌶𑍋𑌽𑌽𑌤𑍍𑌮𑌾𑌨𑌂 𑌵𑍍𑌰𑌜 𑌮𑌾𑌨𑍁𑌷𑌤𑌾𑌂 𑌵𑌿𑌭𑍋 ॥ 72 ॥
𑌤𑌤𑍍𑌰𑌾𑌸𑍁𑌰𑌵𑌧𑌂 𑌕𑍃𑌤𑍍𑌵𑌾 𑌸𑌰𑍍𑌵𑌲𑍋𑌕𑌸𑍁𑌖𑌾𑌯 𑌵𑍈 ।
𑌧𑌰𑍍𑌮𑌂 𑌪𑍍𑌰𑌾𑌪𑍍𑌯 𑌯𑌶𑌃 𑌪𑍍𑌰𑌾𑌪𑍍𑌯 𑌯𑍋𑌗𑌂 𑌪𑍍𑌰𑌾𑌪𑍍𑌸𑍍𑌯𑌸𑌿 𑌤𑌤𑍍𑌤𑍍𑌵𑌤𑌃 ॥ 73 ॥
𑌤𑍍𑌵𑌾𑌂 𑌹𑌿 𑌬𑍍𑌰𑌹𑍍𑌮𑌰𑍍𑌷𑌯𑍋 𑌲𑍋𑌕𑍇 𑌦𑍇𑌵𑌾𑌶𑍍𑌚𑌾𑌮𑌿𑌤𑌵𑌿𑌕𑍍𑌰𑌮 ।
𑌤𑍈𑌸𑍍𑌤𑍈𑌰𑍍𑌹𑌿 𑌨𑌾𑌮𑌭𑌿𑌰𑍍𑌯𑍁𑌕𑍍𑌤𑌾 𑌗𑌾𑌯𑌨𑍍𑌤𑌿 𑌪𑌰𑌮𑌾𑌤𑍍𑌮𑌕𑌮𑍍 ॥ 74 ॥
𑌸𑍍𑌥𑌿𑌤𑌾𑌶𑍍𑌚 𑌸𑌰𑍍𑌵𑍇 𑌤𑍍𑌵𑌯𑌿 𑌭𑍂𑌤𑌸𑌙𑍍𑌘𑌾𑌃
𑌕𑍃𑌤𑍍𑌵𑌾𑌶𑍍𑌰𑌯𑌂 𑌤𑍍𑌵𑌾𑌂 𑌵𑌰𑌦𑌂 𑌸𑍁𑌬𑌾𑌹𑍋 ।
𑌅𑌨𑌾𑌦𑌿𑌮𑌧𑍍𑌯𑌾𑌨𑍍𑌤𑌮𑌪𑌾𑌰𑌯𑍋𑌗𑌂
𑌲𑍋𑌕𑌸𑍍𑌯 𑌸𑍇𑌤𑍁𑌂 𑌪𑍍𑌰𑌵𑌦𑌨𑍍𑌤𑌿 𑌵𑌿𑌪𑍍𑌰𑌾𑌃 ॥ 75 ॥
𑌇𑌤𑌿 𑌶𑍍𑌰𑍀𑌮𑌹𑌾𑌭𑌾𑌰𑌤𑍇 𑌭𑍀𑌷𑍍𑌮𑌪𑌰𑍍𑌵𑌣𑌿 𑌪𑌞𑍍𑌚𑌷𑌷𑍍𑌟𑌿𑌤𑌮𑍋𑌽𑌧𑍍𑌯𑌾𑌯𑍇 𑌵𑌾𑌸𑍁𑌦𑍇𑌵 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
(śrīmahābhārate bhīṣmaparvaṇi pañcaṣaṣṭitamo'dhyāye ślo: 47)
viśvāvasurviśvamūrtirviśveśo
viṣvakseno viśvakarmā vaśī ca |
viśveśvaro vāsudevo'si tasmā-
-dyogātmānaṃ daivataṃ tvāmupaimi || 47 ||
jaya viśva mahādeva jaya lokahiterata |
jaya yogīśvara vibho jaya yogaparāvara || 48 ||
padmagarbha viśālākṣa jaya lokeśvareśvara |
bhūtabhavyabhavannātha jaya saumyātmajātmaja || 49 ||
asaṅkhyeyaguṇādhāra jaya sarvaparāyaṇa |
nārāyaṇa suduṣpāra jaya śārṅgadhanurdhara || 50 ||
jaya sarvaguṇopeta viśvamūrte nirāmaya |
viśveśvara mahābāho jaya lokārthatatpara || 51 ||
mahoragavarāhādya harikeśa vibho jaya |
harivāsa diśāmīśa viśvāvāsāmitāvyaya || 52 ||
vyaktāvyaktāmitasthāna niyatendriya satkriya |
asaṅkhyeyātmabhāvajña jaya gambhīrakāmada || 53 ||
anantavidita brahman nityabhūtavibhāvana |
kṛtakārya kṛtaprajña dharmajña vijayāvaha || 54 ||
guhyātman sarvayogātman sphuṭa sambhūta sambhava |
bhūtādya lokatattveśa jaya bhūtavibhāvana || 55 ||
ātmayone mahābhāga kalpasaṅkṣepatatpara |
udbhāvanamanobhāva jaya brahmajanapriya || 56 ||
nisargasarganirata kāmeśa parameśvara |
amṛtodbhava sadbhāva muktātman vijayaprada || 57 ||
prajāpatipate deva padmanābha mahābala |
ātmabhūta mahābhūta satvātman jaya sarvadā || 58 ||
pādau tava dharā devī diśo bāhu divaṃ śiraḥ |
mūrtiste'haṃ surāḥ kāyaścandrādityau ca cakṣuṣī || 59 ||
balaṃ tapaśca satyaṃ ca karma dharmātmajaṃ tava |
tejo'gniḥ pavanaḥ śvāsa āpaste svedasambhavāḥ || 60 ||
aśvinau śravaṇau nityaṃ devī jihvā sarasvatī |
vedāḥ saṃskāraniṣṭhā hi tvayīdaṃ jagadāśritam || 61 ||
na saṅkhyā na parīmāṇaṃ na tejo na parākramam |
na balaṃ yogayogīśa jānīmaste na sambhavam || 62 ||
tvadbhaktiniratā deva niyamaistvāṃ samāśritāḥ |
arcayāmaḥ sadā viṣṇo parameśaṃ maheśvaram || 63 ||
ṛṣayo devagandharvā yakṣarākṣasapannagāḥ |
piśācā mānuṣāścaiva mṛgapakṣisarīsṛpāḥ || 64 ||
evamādi mayā sṛṣṭaṃ pṛthivyāṃ tvatprasādajam |
padmanābha viśālākṣa kṛṣṇa duḥkhapraṇāśana || 65 ||
tvaṃ gatiḥ sarvabhūtānāṃ tvaṃ netā tvaṃ jagadguruḥ |
tvatprasādena deveśa sukhino vibudhāḥ sadā || 66 ||
pṛthivī nirbhayā deva tvatprasādātsadā'bhavat |
tasmādbhava viśālākṣa yaduvaṃśavivardhanaḥ || 67 ||
dharmasaṃsthāpanārthāya daityānāṃ ca vadhāya ca |
jagato dhāraṇārthāya vijñāpyaṃ kuru me prabho || 68 ||
yattatparamakaṃ guhyaṃ tvatprasādādidaṃ vibho |
vāsudeva tadetatte mayodgītaṃ yathātatham || 69 ||
sṛṣṭvā saṅkarṣaṇaṃ devaṃ svayamātmānamātmanā |
kṛṣṇa tvamātmano sākṣī pradyumnaṃ cātmasambhavam || 70 ||
pradyumnādaniruddhaṃ tvaṃ yaṃ vidurviṣṇumavyayam |
aniruddho'sṛjanmāṃ vai brahmāṇaṃ lokadhāriṇam || 71 ||
vāsudevamayaḥ so'haṃ tvayaivāsmi vinirmitaḥ |
[tasmādyācāmi lokeśa caturātmānamātmanā|]
vibhajya bhāgaśo''tmānaṃ vraja mānuṣatāṃ vibho || 72 ||
tatrāsuravadhaṃ kṛtvā sarvalokasukhāya vai |
dharmaṃ prāpya yaśaḥ prāpya yogaṃ prāpsyasi tattvataḥ || 73 ||
tvāṃ hi brahmarṣayo loke devāścāmitavikrama |
taistairhi nāmabhiryuktā gāyanti paramātmakam || 74 ||
sthitāśca sarve tvayi bhūtasaṅghāḥ
kṛtvāśrayaṃ tvāṃ varadaṃ subāho |
anādimadhyāntamapārayogaṃ
lokasya setuṃ pravadanti viprāḥ || 75 ||
iti śrīmahābhārate bhīṣmaparvaṇi pañcaṣaṣṭitamo'dhyāye vāsudeva stotram |
InfoLyter.in — Sacred Vedic Knowledge Portal · Free forever