Varahi Sahasra Nama Stotram

ॐ

𑌵𑌾𑌰𑌾𑌹𑍀 𑌸𑌹𑌸𑍍𑌰 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

Stotram Grantha

𑌦𑍇𑌵𑍍𑌯𑍁𑌵𑌾𑌚 ।

𑌶𑍍𑌰𑍀𑌕𑌣𑍍𑌠 𑌕𑌰𑍁𑌣𑌾𑌸𑌿𑌨𑍍𑌧𑍋 𑌦𑍀𑌨𑌬𑌨𑍍𑌧𑍋 𑌜𑌗𑌤𑍍𑌪𑌤𑍇 ।

𑌭𑍂𑌤𑌿𑌭𑍂𑌷𑌿𑌤𑌸𑌰𑍍𑌵𑌾𑌙𑍍𑌗 𑌪𑌰𑌾𑌤𑍍𑌪𑌰𑌤𑌰 𑌪𑍍𑌰𑌭𑍋 ॥ 1 ॥

𑌕𑍃𑌤𑌾𑌞𑍍𑌜𑌲𑌿𑌪𑍁𑌟𑌾 𑌭𑍂𑌤𑍍𑌵𑌾 𑌪𑍃𑌚𑍍𑌛𑌾𑌮𑍍𑌯𑍇𑌕𑌂 𑌦𑌯𑌾𑌨𑌿𑌧𑍇 ।

𑌆𑌦𑍍𑌯𑌾 𑌯𑌾 𑌚𑌿𑌤𑍍𑌸𑍍𑌵𑌰𑍂𑌪𑌾 𑌯𑌾 𑌨𑌿𑌰𑍍𑌵𑌿𑌕𑌾𑌰𑌾 𑌨𑌿𑌰𑌞𑍍𑌜𑌨𑌾 ॥ 2 ॥

𑌬𑍋𑌧𑌾𑌤𑍀𑌤𑌾 𑌜𑍍𑌞𑌾𑌨𑌗𑌮𑍍𑌯𑌾 𑌕𑍂𑌟𑌸𑍍𑌥𑌾𑌨𑌨𑍍𑌦𑌵𑌿𑌗𑍍𑌰𑌹𑌾 ।

𑌅𑌗𑍍𑌰𑌾𑌹𑍍𑌯𑌾𑌤𑍀𑌨𑍍𑌦𑍍𑌰𑌿𑌯𑌾 𑌶𑍁𑌦𑍍𑌧𑌾 𑌨𑌿𑌰𑍀𑌹𑌾 𑌸𑍍𑌵𑌾𑌵𑌭𑌾𑌸𑌿𑌕𑌾 ॥ 3 ॥

𑌗𑍁𑌣𑌾𑌤𑍀𑌤𑌾 𑌨𑌿𑌷𑍍𑌪𑍍𑌰𑌪𑌞𑍍𑌚𑌾 𑌹𑍍𑌯𑌵𑌾𑌙𑍍𑌮𑌨𑌸𑌗𑍋𑌚𑌰𑌾 ।

𑌪𑍍𑌰𑌕𑍃𑌤𑌿𑌰𑍍𑌜𑌗𑌦𑍁𑌤𑍍𑌪𑌤𑍍𑌤𑌿𑌸𑍍𑌥𑌿𑌤𑌿𑌸𑌂𑌹𑌾𑌰𑌕𑌾𑌰𑌿𑌣𑍀 ॥ 4 ॥

𑌰𑌕𑍍𑌷𑌾𑌰𑍍𑌥𑌂 𑌜𑌗𑌤𑍋 𑌦𑍇𑌵𑌕𑌾𑌰𑍍𑌯𑌾𑌰𑍍𑌥𑌂 𑌵𑌾 𑌸𑍁𑌰𑌦𑍍𑌵𑌿𑌷𑌾𑌮𑍍 ।

𑌨𑌾𑌶𑌾𑌯 𑌧𑌤𑍍𑌤𑍇 𑌸𑌾 𑌦𑍇𑌹𑌂 𑌤𑌤𑍍𑌤𑌤𑍍𑌕𑌾𑌰𑍍𑌯𑍈𑌕𑌸𑌾𑌧𑌕𑌮𑍍 ॥ 5 ॥

𑌤𑌤𑍍𑌰 𑌭𑍂𑌧𑌰𑌣𑌾𑌰𑍍𑌥𑌾𑌯 𑌯𑌜𑍍𑌞𑌵𑌿𑌸𑍍𑌤𑌾𑌰𑌹𑍇𑌤𑌵𑍇 ।

𑌵𑌿𑌦𑍍𑌯𑍁𑌤𑍍𑌕𑍇𑌶𑌹𑌿𑌰𑌣𑍍𑌯𑌾𑌕𑍍𑌷𑌬𑌾𑌲𑌾𑌕𑌾𑌦𑌿𑌵𑌧𑌾𑌯 𑌚 ॥ 6 ॥

𑌆𑌵𑌿𑌰𑍍𑌬𑌭𑍂𑌵 𑌯𑌾 𑌶𑌕𑍍𑌤𑌿𑌰𑍍𑌘𑍋𑌰𑌾 𑌭𑍂𑌦𑌾𑌰𑌰𑍂𑌪𑌿𑌣𑍀 ।

𑌵𑌾𑌰𑌾𑌹𑍀 𑌵𑌿𑌕𑌟𑌾𑌕𑌾𑌰𑌾 𑌦𑌾𑌨𑌵𑌾𑌸𑍁𑌰𑌨𑌾𑌶𑌿𑌨𑍀 ॥ 7 ॥

𑌸𑌦𑍍𑌯𑌃 𑌸𑌿𑌦𑍍𑌧𑌿𑌕𑌰𑍀 𑌦𑍇𑌵𑍀 𑌘𑍋𑌰𑌾𑌦𑍍𑌘𑍋𑌰𑌤𑌰𑌾 𑌶𑌿𑌵𑌾 ।

𑌤𑌸𑍍𑌯𑌾𑌃 𑌸𑌹𑌸𑍍𑌰𑌨𑌾𑌮𑌾𑌖𑍍𑌯𑌂 𑌸𑍍𑌤𑍋𑌤𑍍𑌰𑌂 𑌮𑍇 𑌸𑌮𑍁𑌦𑍀𑌰𑌯 ॥ 8 ॥

𑌕𑍃𑌪𑌾𑌲𑍇𑌶𑍋𑌽𑌸𑍍𑌤𑌿 𑌮𑌯𑌿 𑌚𑍇𑌦𑍍𑌭𑌾𑌗𑍍𑌯𑌂 𑌮𑍇 𑌯𑌦𑌿 𑌵𑌾 𑌭𑌵𑍇𑌤𑍍 ।

𑌅𑌨𑍁𑌗𑍍𑌰𑌾𑌹𑍍𑌯𑌾 𑌯𑌦𑍍𑌯𑌹𑌂 𑌸𑍍𑌯𑌾𑌂 𑌤𑌦𑌾 𑌵𑌦 𑌦𑌯𑌾𑌨𑌿𑌧𑍇 ॥ 9 ॥

𑌈𑌶𑍍𑌵𑌰 𑌉𑌵𑌾𑌚 ।

𑌸𑌾𑌧𑍁 𑌸𑌾𑌧𑍁 𑌵𑌰𑌾𑌰𑍋𑌹𑍇 𑌧𑌨𑍍𑌯𑌾 𑌬𑌹𑍁𑌮𑌤𑌾𑌸𑌿 𑌮𑍇 ।

𑌶𑍁𑌶𑍍𑌰𑍂𑌷𑌯𑌾 𑌸𑌮𑍁𑌤𑍍𑌪𑌨𑍍𑌨𑌾 𑌭𑌕𑍍𑌤𑌿𑌃 𑌶𑍍𑌰𑌦𑍍𑌧𑌾𑌨𑍍𑌵𑌿𑌤𑌾 𑌤𑌵 ॥ 10 ॥

𑌸𑌹𑌸𑍍𑌰𑌨𑌾𑌮 𑌵𑌾𑌰𑌾𑌹𑍍𑌯𑌾𑌃 𑌸𑌰𑍍𑌵𑌸𑌿𑌦𑍍𑌧𑌿𑌵𑌿𑌧𑌾𑌯𑌿 𑌚 ।

𑌤𑌵 𑌚𑍇𑌨𑍍𑌨 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌪𑍍𑌰𑌿𑌯𑍇 𑌕𑌸𑍍𑌯 𑌵𑌦𑌾𑌮𑍍𑌯𑌹𑌮𑍍 ॥ 11 ॥

𑌕𑌿𑌨𑍍𑌤𑍁 𑌗𑍋𑌪𑍍𑌯𑌂 𑌪𑍍𑌰𑌯𑌤𑍍𑌨𑍇𑌨 𑌸𑌂𑌰𑌕𑍍𑌷𑍍𑌯𑌂 𑌪𑍍𑌰𑌾𑌣𑌤𑍋𑌽𑌪𑌿 𑌚 ।

𑌵𑌿𑌶𑍇𑌷𑌤𑌃 𑌕𑌲𑌿𑌯𑍁𑌗𑍇 𑌨 𑌦𑍇𑌯𑌂 𑌯𑌸𑍍𑌯 𑌕𑌸𑍍𑌯𑌚𑌿𑌤𑍍 ।

𑌸𑌰𑍍𑌵𑍇𑌽𑌨𑍍𑌯𑌥𑌾 𑌸𑌿𑌦𑍍𑌧𑌿𑌭𑌾𑌜𑍋 𑌭𑌵𑌿𑌷𑍍𑌯𑌨𑍍𑌤𑌿 𑌵𑌰𑌾𑌨𑌨𑍇 ॥ 12 ॥

𑍐 𑌅𑌸𑍍𑌯 𑌶𑍍𑌰𑍀𑌵𑌾𑌰𑌾𑌹𑍀𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌸𑍍𑌯 𑌮𑌹𑌾𑌦𑍇𑌵 𑌋𑌷𑌿𑌃 । 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃 । 𑌵𑌾𑌰𑌾𑌹𑍀 𑌦𑍇𑌵𑌤𑌾 । 𑌐𑌂 𑌬𑍀𑌜𑌮𑍍 । 𑌕𑍍𑌰𑍋𑌂 𑌶𑌕𑍍𑌤𑌿𑌃 । 𑌹𑍁𑌂 𑌕𑍀𑌲𑌕𑌮𑍍 । 𑌮𑌮 𑌸𑌰𑍍𑌵𑌾𑌰𑍍𑌥𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑍐 𑌵𑌾𑌰𑌾𑌹𑍀 𑌵𑌾𑌮𑌨𑍀 𑌵𑌾𑌮𑌾 𑌬𑌗𑌲𑌾 𑌵𑌾𑌸𑌵𑍀 𑌵𑌸𑍁𑌃 ।

𑌵𑍈𑌦𑍇𑌹𑍀 𑌵𑍀𑌰𑌸𑍂𑌰𑍍𑌬𑌾𑌲𑌾 𑌵𑌰𑌦𑌾 𑌵𑌿𑌷𑍍𑌣𑍁𑌵𑌲𑍍𑌲𑌭𑌾 ॥ 13 ॥

𑌵𑌨𑍍𑌦𑌿𑌤𑌾 𑌵𑌸𑍁𑌦𑌾 𑌵𑌶𑍍𑌯𑌾 𑌵𑍍𑌯𑌾𑌤𑍍𑌤𑌾𑌸𑍍𑌯𑌾 𑌵𑌞𑍍𑌚𑌿𑌨𑍀 𑌬𑌲𑌾 ।

𑌵𑌸𑍁𑌨𑍍𑌧𑌰𑌾 𑌵𑍀𑌤𑌿𑌹𑍋𑌤𑍍𑌰𑌾 𑌵𑍀𑌤𑌰𑌾𑌗𑌾 𑌵𑌿𑌹𑌾𑌯𑌸𑍀 ॥ 14 ॥

𑌸𑌰𑍍𑌵𑌾 𑌖𑌨𑌿𑌪𑍍𑌰𑌿𑌯𑌾 𑌕𑌾𑌮𑍍𑌯𑌾 𑌕𑌮𑌲𑌾 𑌕𑌾𑌞𑍍𑌚𑌨𑍀 𑌰𑌮𑌾 ।

𑌧𑍂𑌮𑍍𑌰𑌾 𑌕𑌪𑌾𑌲𑌿𑌨𑍀 𑌵𑌾𑌮𑌾 𑌕𑍁𑌰𑍁𑌕𑍁𑌲𑍍𑌲𑌾 𑌕𑌲𑌾𑌵𑌤𑍀 ॥ 15 ॥

𑌯𑌾𑌮𑍍𑌯𑌾𑌽𑌽𑌗𑍍𑌨𑍇𑌯𑍀 𑌧𑌰𑌾 𑌧𑌨𑍍𑌯𑌾 𑌧𑌰𑍍𑌮𑌿𑌣𑍀 𑌧𑍍𑌯𑌾𑌨𑌿𑌨𑍀 𑌧𑍍𑌰𑍁𑌵𑌾 ।

𑌧𑍃𑌤𑌿𑌰𑍍𑌲𑌕𑍍𑌷𑍍𑌮𑍀𑌰𑍍𑌜𑌯𑌾 𑌤𑍁𑌷𑍍𑌟𑌿𑌃 𑌶𑌕𑍍𑌤𑌿𑌰𑍍𑌮𑍇𑌧𑌾 𑌤𑌪𑌸𑍍𑌵𑌿𑌨𑍀 ॥ 16 ॥

𑌵𑍇𑌧𑌾 𑌜𑌯𑌾 𑌕𑍃𑌤𑌿𑌃 𑌕𑌾𑌨𑍍𑌤𑌿𑌃 𑌸𑍍𑌵𑌾𑌹𑌾 𑌶𑌾𑌨𑍍𑌤𑌿𑌰𑍍𑌦𑌮𑌾 𑌰𑌤𑌿𑌃 ।

𑌲𑌜𑍍𑌜𑌾 𑌮𑌤𑌿𑌃 𑌸𑍍𑌮𑍃𑌤𑌿𑌰𑍍𑌨𑌿𑌦𑍍𑌰𑌾 𑌤𑌨𑍍𑌤𑍍𑌰𑌾 𑌗𑍗𑌰𑍀 𑌶𑌿𑌵𑌾 𑌸𑍍𑌵𑌧𑌾 ॥ 17 ॥

𑌚𑌣𑍍𑌡𑍀 𑌦𑍁𑌰𑍍𑌗𑌾𑌽𑌭𑌯𑌾 𑌭𑍀𑌮𑌾 𑌭𑌾𑌷𑌾 𑌭𑌾𑌮𑌾 𑌭𑌯𑌾𑌨𑌕𑌾 ।

𑌭𑍂𑌦𑌾𑌰𑌾 𑌭𑌯𑌹𑌾 𑌭𑍀𑌰𑍁𑌰𑍍𑌭𑍈𑌰𑌵𑍀 𑌭𑌙𑍍𑌗𑌰𑌾 𑌭𑌟𑍀 ॥ 18 ॥

𑌘𑍁𑌰𑍍𑌘𑍁𑌰𑌾 𑌘𑍋𑌷𑌣𑌾 𑌘𑍋𑌰𑌾 𑌘𑍋𑌷𑌿𑌣𑍀 𑌘𑍋𑌣𑌸𑌂𑌯𑍁𑌤𑌾 ।

𑌘𑌨𑌾𑌘𑌨𑌾 𑌘𑌰𑍍𑌘𑌰𑌾 𑌚 𑌘𑍋𑌣𑌯𑍁𑌕𑍍𑌤𑌾𑌽𑌘𑌨𑌾𑌶𑌿𑌨𑍀 ॥ 19 ॥

𑌪𑍂𑌰𑍍𑌵𑌾𑌗𑍍𑌨𑍇𑌯𑍀 𑌯𑌾𑌤𑍁 𑌯𑌾𑌮𑍍𑌯𑌾 𑌵𑌾𑌯𑌵𑍍𑌯𑍁𑌤𑍍𑌤𑌰𑌵𑌾𑌰𑍁𑌣𑍀 ।

𑌐𑌶𑌾𑌨𑍍𑌯𑍂𑌰𑍍𑌧𑍍𑌵𑌾𑌧𑌃𑌸𑍍𑌥𑌿𑌤𑌾 𑌚 𑌪𑍃𑌷𑍍𑌠𑌦𑌕𑍍𑌷𑌾𑌗𑍍𑌰𑌵𑌾𑌮𑌗𑌾 ॥ 20 ॥

𑌹𑍃𑌨𑍍𑌨𑌾𑌭𑌿𑌬𑍍𑌰𑌹𑍍𑌮𑌰𑌨𑍍𑌧𑍍𑌰𑌾𑌰𑍍𑌕𑌸𑍍𑌵𑌰𑍍𑌗𑌪𑌾𑌤𑌾𑌲𑌭𑍂𑌮𑌿𑌗𑌾 ।

𑌐𑌂 𑌶𑍍𑌰𑍀𑌃 𑌹𑍍𑌰𑍀𑌃 𑌕𑍍𑌲𑍀𑌂 𑌤𑍀𑌰𑍍𑌥𑌗𑌤𑌿𑌃 𑌪𑍍𑌰𑍀𑌤𑌿𑌰𑍍𑌧𑍀𑌰𑍍𑌗𑍀𑌃 𑌕𑌲𑌾𑌽𑌵𑍍𑌯𑌯𑌾 ॥ 21 ॥

𑌋𑌗𑍍𑌯𑌜𑍁𑌃 𑌸𑌾𑌮𑌰𑍂𑌪𑌾 𑌚 𑌪𑌰𑌾 𑌪𑍋𑌤𑍍𑌰𑌿𑌣𑍍𑌯𑍁𑌦𑍁𑌮𑍍𑌬𑌰𑌾 ।

𑌗𑌦𑌾𑌸𑌿𑌶𑌕𑍍𑌤𑌿𑌚𑌾𑌪𑍇𑌷𑍁𑌶𑍂𑌲𑌚𑌕𑍍𑌰𑌰𑍍𑌷𑍍𑌟𑌿𑌧𑌾𑌰𑌿𑌣𑍀 ॥ 22 ॥

𑌜𑌰𑌤𑍀 𑌯𑍁𑌵𑌤𑍀 𑌬𑌾𑌲𑌾 𑌚𑌤𑍁𑌰𑌙𑍍𑌗𑌬𑌲𑍋𑌤𑍍𑌕𑌟𑌾 ।

𑌸𑌤𑍍𑌯𑌾𑌕𑍍𑌷𑌰𑌾 𑌨𑌿𑌧𑌿𑌰𑍍𑌨𑍇𑌤𑍍𑌰𑍀 𑌧𑌾𑌤𑍍𑌰𑍀 𑌪𑍋𑌤𑍍𑌰𑍀 𑌪𑌰𑌾 𑌪𑌟𑍁𑌃 ॥ 23 ॥

𑌕𑍍𑌷𑍇𑌤𑍍𑌰𑌜𑍍𑌞𑌾 𑌕𑌮𑍍𑌪𑌿𑌨𑍀 𑌜𑍍𑌯𑍇𑌷𑍍𑌠𑌾 𑌦𑍁𑌰𑌾𑌧𑌰𑍍𑌷𑌾 𑌧𑍁𑌰𑌨𑍍𑌧𑌰𑌾 ।

𑌮𑌾𑌲𑌿𑌨𑍀 𑌮𑌾𑌨𑌿𑌨𑍀 𑌮𑌾𑌤𑌾 𑌮𑌾𑌨𑌨𑍀𑌯𑌾 𑌮𑌨𑌸𑍍𑌵𑌿𑌨𑍀 ॥ 24 ॥

𑌮𑌦𑍋𑌤𑍍𑌕𑌟𑌾 𑌮𑌨𑍍𑌯𑍁𑌕𑌰𑍀 𑌮𑌨𑍁𑌰𑍂𑌪𑌾 𑌮𑌨𑍋𑌜𑌵𑌾 ।

𑌮𑍇𑌦𑌸𑍍𑌵𑌿𑌨𑍀 𑌮𑌦𑍍𑌯𑌰𑌤𑌾 𑌮𑌧𑍁𑌪𑌾 𑌮𑌙𑍍𑌗𑌲𑌾𑌽𑌮𑌰𑌾 ॥ 25 ॥

𑌮𑌾𑌯𑌾 𑌮𑌾𑌤𑌾𑌽𑌽𑌮𑌯𑌹𑌰𑍀 𑌮𑍃𑌡𑌾𑌨𑍀 𑌮𑌹𑌿𑌲𑌾 𑌮𑍃𑌤𑌿𑌃 ।

𑌮𑌹𑌾𑌦𑍇𑌵𑍀 𑌮𑍋𑌹𑌹𑌰𑍀 𑌮𑌞𑍍𑌜𑍁𑌰𑍍𑌮𑍃𑌤𑍍𑌯𑍁𑌞𑍍𑌜𑌯𑌾𑌽𑌮𑌲𑌾 ॥ 26 ॥

𑌮𑌾𑌂𑌸𑌲𑌾 𑌮𑌾𑌨𑌵𑌾 𑌮𑍂𑌲𑌾 𑌮𑌹𑌾𑌰𑌾𑌤𑍍𑌰𑌿𑌰𑍍𑌮𑌦𑌾𑌲𑌸𑌾 ।

𑌮𑍃𑌗𑌾𑌙𑍍𑌕𑌾 𑌮𑍇𑌨𑌕𑌾 𑌮𑌾𑌨𑍍𑌯𑌾 𑌮𑌹𑌿𑌷𑌘𑍍𑌨𑍀 𑌮𑌦𑌨𑍍𑌤𑌿𑌕𑌾 ॥ 27 ॥

𑌮𑍂𑌰𑍍𑌛𑌾𑌮𑍋𑌹𑌮𑍃𑌷𑌾𑌮𑍋𑌘𑌾𑌮𑌦𑌮𑍃𑌤𑍍𑌯𑍁𑌮𑌲𑌾𑌪𑌹𑌾 ।

𑌸𑌿𑌂𑌹𑌰𑍍𑌕𑍍𑌷𑌮𑌹𑌿𑌷𑌵𑍍𑌯𑌾𑌘𑍍𑌰𑌮𑍃𑌗𑌕𑍍𑌰𑍋𑌡𑌾𑌨𑌨𑌾 𑌧𑍁𑌨𑍀 ॥ 28 ॥

𑌧𑌰𑌿𑌣𑍀 𑌧𑌾𑌰𑌿𑌣𑍀 𑌧𑍇𑌨𑍁𑌰𑍍𑌧𑌰𑌿𑌤𑍍𑌰𑍀 𑌧𑌾𑌵𑌨𑍀 𑌧𑌵𑌾 ।

𑌧𑌰𑍍𑌮𑌧𑍍𑌵𑌨𑌾 𑌧𑍍𑌯𑌾𑌨𑌪𑌰𑌾 𑌧𑌨𑌧𑌾𑌨𑍍𑌯𑌧𑌰𑌾𑌪𑍍𑌰𑌦𑌾 ॥ 29 ॥

𑌪𑌾𑌪𑌦𑍋𑌷𑌰𑌿𑌪𑍁𑌵𑍍𑌯𑌾𑌧𑌿𑌨𑌾𑌶𑌿𑌨𑍀 𑌸𑌿𑌦𑍍𑌧𑌿𑌦𑌾𑌯𑌿𑌨𑍀 ।

𑌕𑌲𑌾𑌕𑌾𑌷𑍍𑌠𑌾𑌕𑍍𑌷𑌮𑌾𑌪𑌕𑍍𑌷𑌾𑌹𑌸𑍍𑌤𑍍𑌰𑍁𑌟𑌿𑌶𑍍𑌵𑌾𑌸𑌰𑍂𑌪𑌿𑌣𑍀 ॥ 30 ॥

𑌸𑌮𑍃𑌦𑍍𑌧𑌾 𑌸𑍁𑌭𑍁𑌜𑌾 𑌰𑍗𑌦𑍍𑌰𑍀 𑌰𑌾𑌧𑌾 𑌰𑌾𑌗𑌾 𑌰𑌮𑌾𑌰𑌣𑌿𑌃 ।

𑌰𑌾𑌮𑌾 𑌰𑌤𑌿𑌪𑍍𑌰𑌿𑌯𑌾 𑌰𑍁𑌷𑍍𑌟𑌾 𑌰𑌕𑍍𑌷𑌿𑌣𑍀 𑌰𑌵𑌿𑌮𑌧𑍍𑌯𑌗𑌾 ॥ 31 ॥

𑌰𑌜𑌨𑍀 𑌰𑌮𑌣𑍀 𑌰𑍇𑌵𑌾 𑌰𑌙𑍍𑌕𑌿𑌨𑍀 𑌰𑌞𑍍𑌜𑌿𑌨𑍀 𑌰𑌮𑌾 ।

𑌰𑍋𑌷𑌾 𑌰𑍋𑌷𑌵𑌤𑍀 𑌰𑍂𑌕𑍍𑌷𑌾 𑌕𑌰𑌿𑌰𑌾𑌜𑍍𑌯𑌪𑍍𑌰𑌦𑌾 𑌰𑌤𑌾 ॥ 32 ॥

𑌰𑍂𑌕𑍍𑌷𑌾 𑌰𑍂𑌪𑌵𑌤𑍀 𑌰𑌾𑌸𑍍𑌯𑌾 𑌰𑍁𑌦𑍍𑌰𑌾𑌣𑍀 𑌰𑌣𑌪𑌣𑍍𑌡𑌿𑌤𑌾 ।

𑌗𑌙𑍍𑌗𑌾 𑌚 𑌯𑌮𑍁𑌨𑌾 𑌚𑍈𑌵 𑌸𑌰𑌸𑍍𑌵𑌤𑌿𑌸𑍍𑌵𑌸𑍂𑌰𑍍𑌮𑌧𑍁𑌃 ॥ 33 ॥

𑌗𑌣𑍍𑌡𑌕𑍀 𑌤𑍁𑌙𑍍𑌗𑌭𑌦𑍍𑌰𑌾 𑌚 𑌕𑌾𑌵𑍇𑌰𑍀 𑌕𑍗𑌶𑌿𑌕𑍀 𑌪𑌟𑍁𑌃 ।

𑌕𑌟𑍍𑌵𑍋𑌰𑌗𑌵𑌤𑍀 𑌚𑌾𑌰𑌾 𑌸𑌹𑌸𑍍𑌰𑌾𑌕𑍍𑌷𑌾 𑌪𑍍𑌰𑌤𑌰𑍍𑌦𑌨𑌾 ॥ 34 ॥

𑌸𑌰𑍍𑌵𑌜𑍍𑌞𑌾 𑌶𑌾𑌙𑍍𑌕𑌰𑍀 𑌶𑌾𑌸𑍍𑌤𑍍𑌰𑍀 𑌜𑌟𑌾𑌧𑌾𑌰𑌿𑌣𑍍𑌯𑌯𑍋𑌰𑌦𑌾 ।

𑌯𑌾𑌵𑌨𑍀 𑌸𑍗𑌰𑌭𑍀 𑌕𑍁𑌬𑍍𑌜𑌾 𑌵𑌕𑍍𑌰𑌤𑍁𑌣𑍍𑌡𑌾 𑌵𑌧𑍋𑌦𑍍𑌯𑌤𑌾 ॥ 35 ॥

𑌚𑌨𑍍𑌦𑍍𑌰𑌾𑌪𑍀𑌡𑌾 𑌵𑍇𑌦𑌵𑍇𑌦𑍍𑌯𑌾 𑌶𑌙𑍍𑌖𑌿𑌨𑍀 𑌨𑍀𑌲𑌲𑍋𑌹𑌿𑌤𑌾 ।

𑌧𑍍𑌯𑌾𑌨𑌾𑌤𑍀𑌤𑌾𑌽𑌪𑌰𑌿𑌚𑍍𑌛𑍇𑌦𑍍𑌯𑌾 𑌮𑍃𑌤𑍍𑌯𑍁𑌰𑍂𑌪𑌾 𑌤𑍍𑌰𑌿𑌵𑌰𑍍𑌗𑌦𑌾 ॥ 36 ॥

𑌅𑌰𑍂𑌪𑌾 𑌬𑌹𑍁𑌰𑍂𑌪𑌾 𑌚 𑌨𑌾𑌨𑌾𑌰𑍂𑌪𑌾 𑌨𑌤𑌾𑌨𑌨𑌾 ।

𑌵𑍃𑌷𑌾𑌕𑌪𑌿𑌰𑍍𑌵𑍃𑌷𑌾𑌰𑍂𑌢𑌾 𑌵𑍃𑌷𑍇𑌶𑍀 𑌵𑍃𑌷𑌵𑌾𑌹𑌨𑌾 ॥ 37 ॥

𑌵𑍃𑌷𑌪𑍍𑌰𑌿𑌯𑌾 𑌵𑍃𑌷𑌾𑌵𑌰𑍍𑌤𑌾 𑌵𑍃𑌷𑌪𑌰𑍍𑌵𑌾 𑌵𑍃𑌷𑌾𑌕𑍃𑌤𑌿𑌃 ।

𑌕𑍋𑌦𑌣𑍍𑌡𑌿𑌨𑍀 𑌨𑌾𑌗𑌚𑍂𑌡𑌾 𑌚𑌕𑍍𑌷𑍁𑌷𑍍𑌯𑌾 𑌪𑌰𑌮𑌾𑌰𑍍𑌥𑌿𑌕𑌾 ॥ 38 ॥

𑌦𑍁𑌰𑍍𑌵𑌾𑌸𑌾 𑌦𑍁𑌰𑍍𑌗𑌹𑌾 𑌦𑍇𑌵𑍀 𑌦𑍁𑌰𑌾𑌵𑌾𑌸𑌾 𑌦𑍁𑌰𑌾𑌰𑌿𑌹𑌾 ।

𑌦𑍁𑌰𑍍𑌗𑌾 𑌰𑌾𑌧𑌾 𑌦𑍁𑌃𑌖𑌹𑌨𑍍𑌤𑍍𑌰𑍀 𑌦𑍁𑌰𑌾𑌰𑌾𑌧𑍍𑌯𑌾 𑌦𑌵𑍀𑌯𑌸𑍀 ॥ 39 ॥

𑌦𑍁𑌰𑌾𑌵𑌾𑌸𑌾 𑌦𑍁𑌷𑍍𑌪𑍍𑌰𑌹𑌸𑍍𑌤𑌾 𑌦𑍁𑌷𑍍𑌪𑍍𑌰𑌕𑌮𑍍𑌪𑌾 𑌦𑍁𑌰𑍂𑌹𑌿𑌣𑍀 ।

𑌸𑍁𑌵𑍇𑌣𑍀 𑌰𑌮𑌣𑍀 𑌶𑍍𑌯𑌾𑌮𑌾 𑌮𑍃𑌗𑌵𑍍𑌯𑌾𑌧𑌾𑌰𑍍𑌘𑌤𑌾𑌪𑌿𑌨𑍀 ॥ 40 ॥

𑌉𑌗𑍍𑌰𑌾 𑌤𑌾𑌰𑍍𑌕𑍍𑌷𑍀 𑌪𑌾𑌶𑍁𑌪𑌤𑍀 𑌕𑍗𑌣𑌪𑍀 𑌕𑍁𑌣𑌪𑌾𑌶𑌨𑌾 । [𑌦𑍁𑌰𑍍𑌗𑌾]

𑌕𑌪𑌰𑍍𑌦𑌿𑌨𑍀 𑌕𑌾𑌮𑌕𑌾𑌮𑌾 𑌕𑌮𑌨𑍀𑌯𑌾 𑌕𑌲𑍋𑌜𑍍𑌜𑍍𑌵𑌲𑌾 ॥ 41 ॥

𑌕𑌾𑌸𑌾𑌵𑌹𑍃𑌤𑍍𑌕𑌾𑌰𑌕𑌾𑌨𑍀 𑌕𑌮𑍍𑌬𑍁𑌕𑌣𑍍𑌠𑍀 𑌕𑍃𑌤𑌾𑌗𑌮𑌾 ।

𑌕𑌰𑍍𑌕𑌶𑌾 𑌕𑌾𑌰𑌣𑌾 𑌕𑌾𑌨𑍍𑌤𑌾 𑌕𑌲𑍍𑌪𑌾𑌽𑌕𑌲𑍍𑌪𑌾 𑌕𑌟𑌙𑍍𑌕𑌟𑌾 ॥ 42 ॥

𑌶𑍍𑌮𑌶𑌾𑌨𑌨𑌿𑌲𑌯𑌾 𑌭𑌿𑌨𑍍𑌨𑌾 𑌗𑌜𑌾𑌰𑍁𑌢𑌾 𑌗𑌜𑌾𑌪𑌹𑌾 ।

𑌤𑌤𑍍𑌪𑍍𑌰𑌿𑌯𑌾 𑌤𑌤𑍍𑌪𑌰𑌾 𑌰𑌾𑌯𑌾 𑌸𑍍𑌵𑌰𑍍𑌭𑌾𑌨𑍁𑌃 𑌕𑌾𑌲𑌵𑌞𑍍𑌚𑌿𑌨𑍀 ॥ 43 ॥

𑌶𑌾𑌖𑌾 𑌵𑌿𑌶𑌾𑌖𑌾 𑌗𑍋𑌶𑌾𑌖𑌾 𑌸𑍁𑌶𑌾𑌖𑌾 𑌶𑍇𑌷𑌶𑌾𑌖𑌿𑌨𑍀 ।

𑌵𑍍𑌯𑌙𑍍𑌗𑌾 𑌶𑍁𑌭𑌾𑌙𑍍𑌗𑌾 𑌵𑌾𑌮𑌾𑌙𑍍𑌗𑌾 𑌨𑍀𑌲𑌾𑌙𑍍𑌗𑌾𑌽𑌨𑌙𑍍𑌗𑌰𑍂𑌪𑌿𑌣𑍀 ॥ 44 ॥

𑌸𑌾𑌙𑍍𑌗𑍋𑌪𑌾𑌙𑍍𑌗𑌾 𑌚 𑌸𑌾𑌰𑌙𑍍𑌗𑌾 𑌸𑍁𑌭𑌾𑌙𑍍𑌗𑌾 𑌰𑌙𑍍𑌗𑌰𑍂𑌪𑌿𑌣𑍀 ।

𑌭𑌦𑍍𑌰𑌾 𑌸𑍁𑌭𑌦𑍍𑌰𑌾 𑌭𑌦𑍍𑌰𑌾𑌕𑍍𑌷𑍀 𑌸𑌿𑌂𑌹𑌿𑌕𑌾 𑌵𑌿𑌨𑌤𑌾𑌽𑌦𑌿𑌤𑌿𑌃 ॥ 45 ॥

𑌹𑍃𑌦𑍍𑌯𑌾𑌽𑌵𑌦𑍍𑌯𑌾 𑌸𑍁𑌪𑌦𑍍𑌯𑌾 𑌚 𑌗𑌦𑍍𑌯𑌪𑌦𑍍𑌯𑌪𑍍𑌰𑌿𑌯𑌾 𑌪𑍍𑌰𑌸𑍂𑌃 ।

𑌚𑌰𑍍𑌚𑌿𑌕𑌾 𑌭𑍋𑌗𑌵𑌤𑍍𑌯𑌮𑍍𑌬𑌾 𑌸𑌾𑌰𑌸𑍀 𑌶𑌬𑌰𑍀 𑌨𑌟𑍀 ॥ 46 ॥

𑌯𑍋𑌗𑌿𑌨𑍀 𑌪𑍁𑌷𑍍𑌕𑌲𑌾𑌽𑌨𑌨𑍍𑌤𑌾 𑌪𑌰𑌾 𑌸𑌾𑌙𑍍𑌖𑍍𑌯𑌾 𑌶𑌚𑍀 𑌸𑌤𑍀 ।

𑌨𑌿𑌮𑍍𑌨𑌗𑌾 𑌨𑌿𑌮𑍍𑌨𑌨𑌾𑌭𑌿𑌶𑍍𑌚 𑌸𑌹𑌿𑌷𑍍𑌣𑍁𑌰𑍍𑌜𑌾𑌗𑍃𑌤𑍀 𑌲𑌿𑌪𑌿𑌃 ॥ 47 ॥

𑌦𑌮𑌯𑌨𑍍𑌤𑍀 𑌦𑌮𑍀 𑌦𑌣𑍍𑌡𑍋𑌦𑍍𑌦𑌣𑍍𑌡𑌿𑌨𑍀 𑌦𑌾𑌰𑌦𑌾𑌯𑌿𑌕𑌾 ।

𑌦𑍀𑌪𑌿𑌨𑍀 𑌦𑌾𑌵𑌿𑌨𑍀 𑌧𑌾𑌤𑍍𑌰𑍀 𑌦𑌕𑍍𑌷𑌕𑌨𑍍𑌯𑌾 𑌦𑌮𑍍𑌯𑌾 𑌦𑌰𑌤𑍍 ॥ 48 ॥

𑌦𑌾𑌹𑌿𑌨𑍀 𑌦𑍍𑌰𑌵𑌿𑌣𑍀 𑌦𑌰𑍍𑌵𑍀 𑌦𑌣𑍍𑌡𑌿𑌨𑍀 𑌦𑌣𑍍𑌡𑌨𑌾𑌯𑌿𑌕𑌾 ।

𑌦𑌾𑌨𑌪𑍍𑌰𑌿𑌯𑌾 𑌦𑍋𑌷𑌹𑌨𑍍𑌤𑍍𑌰𑍀 𑌦𑍁𑌃𑌖𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌿𑌨𑍀 ॥ 49 ॥

𑌦𑍋𑌷𑌦𑌾 𑌦𑍋𑌷𑌕𑍃𑌦𑍍𑌦𑍋𑌗𑍍𑌧𑍍𑌰𑍀 𑌦𑍋𑌹𑌤𑍀 𑌦𑍇𑌵𑌿𑌕𑌾𑌽𑌧𑌨𑌾 ।

𑌦𑌰𑍍𑌵𑍀𑌕𑌰𑍀 𑌦𑍁𑌰𑍍𑌵𑌲𑌿𑌤𑌾 𑌦𑍁𑌰𑍍𑌯𑍁𑌗𑌾𑌽𑌦𑍍𑌵𑌯𑌵𑌾𑌦𑌿𑌨𑍀 ॥ 50 ॥

𑌚𑌰𑌾𑌚𑌰𑌾𑌽𑌨𑌨𑍍𑌤𑌵𑍃𑌷𑍍𑌟𑌿𑌰𑍁𑌨𑍍𑌮𑌤𑍍𑌤𑌾 𑌕𑌮𑌲𑌾𑌽𑌲𑌸𑌾 ।

𑌤𑌾𑌰𑌿𑌣𑍀 𑌤𑌾𑌰𑌕𑌾𑌨𑍍𑌤𑌾𑌰𑌾 𑌪𑌰𑌮𑌾𑌤𑍍𑌮𑌾𑌬𑍍𑌜𑌲𑍋𑌚𑌨𑌾 ॥ 51 ॥

𑌇𑌨𑍍𑌦𑍁𑌰𑍍𑌹𑌿𑌰𑌣𑍍𑌯𑌕𑌵𑌚𑌾 𑌵𑍍𑌯𑌵𑌸𑍍𑌥𑌾 𑌵𑍍𑌯𑌵𑌸𑌾𑌯𑌿𑌕𑌾 ।

𑌈𑌶𑌨𑌨𑍍𑌦𑌾 𑌨𑌦𑍀 𑌨𑌾𑌗𑍀 𑌯𑌕𑍍𑌷𑌿𑌣𑍀 𑌸𑌰𑍍𑌪𑌿𑌣𑍀 𑌵𑌰𑍀 ॥ 52 ॥

𑌸𑍁𑌧𑌾 𑌸𑍁𑌰𑌾 𑌵𑌿𑌶𑍍𑌵𑌸𑌹𑌾 𑌸𑍁𑌵𑌰𑍍𑌣𑌾𑌙𑍍𑌗𑌦𑌧𑌾𑌰𑌿𑌣𑍀 ।

𑌜𑌨𑌨𑍀 𑌪𑍍𑌰𑍀𑌤𑌿𑌭𑌾𑌗𑍇𑌶𑍀 𑌸𑌾𑌮𑍍𑌰𑌾𑌜𑍍𑌞𑍀 𑌸𑌂𑌵𑌿𑌦𑍁𑌤𑍍𑌤𑌮𑌾 ॥ 53 ॥

𑌅𑌮𑍇𑌯𑌾𑌽𑌰𑌿𑌷𑍍𑌟𑌦𑌮𑌨𑍀 𑌪𑌿𑌙𑍍𑌗𑌲𑌾 𑌲𑌿𑌙𑍍𑌗𑌧𑌾𑌰𑌿𑌣𑍀 ।

𑌚𑌾𑌮𑍁𑌣𑍍𑌡𑌾 𑌪𑍍𑌲𑌾𑌵𑌿𑌨𑍀 𑌹𑌾𑌲𑌾 𑌬𑍃𑌹𑌜𑍍𑌜𑍍𑌯𑍋𑌤𑌿𑌰𑍁𑌰𑍁𑌕𑍍𑌰𑌮𑌾 ॥ 54 ॥

𑌸𑍁𑌪𑍍𑌰𑌤𑍀𑌕𑌾 𑌚 𑌸𑍁𑌗𑍍𑌰𑍀𑌵𑌾 𑌹𑌵𑍍𑌯𑌵𑌾𑌹𑌾 𑌪𑍍𑌰𑌲𑌾𑌪𑌿𑌨𑍀 ।

𑌨𑌭𑌸𑍍𑌯𑌾 𑌮𑌾𑌧𑌵𑍀 𑌜𑍍𑌯𑍇𑌷𑍍𑌠𑌾 𑌶𑌿𑌶𑌿𑌰𑌾 𑌜𑍍𑌵𑌾𑌲𑌿𑌨𑍀 𑌰𑍁𑌚𑌿𑌃 ॥ 55 ॥

𑌶𑍁𑌕𑍍𑌲𑌾 𑌶𑍁𑌕𑍍𑌰𑌾 𑌶𑍁𑌚𑌾 𑌶𑍋𑌕𑌾 𑌶𑍁𑌕𑍀 𑌭𑍇𑌕𑍀 𑌪𑌿𑌕𑍀 𑌬𑌕𑍀 ।

𑌪𑍃𑌷𑌦𑌶𑍍𑌵𑌾 𑌨𑌭𑍋𑌯𑍋𑌨𑌿𑌃 𑌸𑍁𑌪𑍍𑌰𑌤𑍀𑌕𑌾 𑌵𑌿𑌭𑌾𑌵𑌰𑍀 ॥ 56 ॥

𑌗𑌰𑍍𑌵𑌿𑌤𑌾 𑌗𑍁𑌰𑍍𑌵𑌿𑌣𑍀 𑌗𑌣𑍍𑌯𑌾 𑌗𑍁𑌰𑍁𑌰𑍍𑌗𑍁𑌰𑍁𑌧𑌰𑍀 𑌗𑌯𑌾 ।

𑌗𑌨𑍍𑌧𑌰𑍍𑌵𑍀 𑌗𑌣𑌿𑌕𑌾 𑌗𑍁𑌨𑍍𑌦𑍍𑌰𑌾 𑌗𑌾𑌰𑍁𑌡𑍀 𑌗𑍋𑌪𑌿𑌕𑌾𑌽𑌗𑍍𑌰𑌗𑌾 ॥ 57 ॥

𑌗𑌣𑍇𑌶𑍀 𑌗𑌾𑌮𑌿𑌨𑍀 𑌗𑌨𑍍𑌤𑌾 𑌗𑍋𑌪𑌤𑌿𑌰𑍍𑌗𑌨𑍍𑌧𑌿𑌨𑍀 𑌗𑌵𑍀 ।

𑌗𑌰𑍍𑌜𑌿𑌤𑌾 𑌗𑌾𑌨𑌨𑍀 𑌗𑍋𑌨𑌾 𑌗𑍋𑌰𑌕𑍍𑌷𑌾 𑌗𑍋𑌵𑌿𑌦𑌾𑌂 𑌗𑌤𑌿𑌃 ॥ 58 ॥

𑌗𑍍𑌰𑌾𑌥𑌿𑌕𑍀 𑌗𑍍𑌰𑌥𑌿𑌕𑍃𑌦𑍍𑌗𑍋𑌷𑍍𑌠𑍀 𑌗𑌰𑍍𑌭𑌰𑍂𑌪𑌾 𑌗𑍁𑌣𑍈𑌷𑌿𑌣𑍀 ।

𑌪𑌾𑌰𑌸𑍍𑌕𑌰𑍀 𑌪𑌾𑌞𑍍𑌚𑌨𑌦𑌾 𑌬𑌹𑍁𑌰𑍂𑌪𑌾 𑌵𑌿𑌰𑍂𑌪𑌿𑌕𑌾 ॥ 59 ॥

𑌊𑌹𑌾 𑌵𑍍𑌯𑍂𑌹𑌾 𑌦𑍁𑌰𑍂𑌹𑌾 𑌚 𑌸𑌮𑍍𑌮𑍋𑌹𑌾 𑌮𑍋𑌹𑌹𑌾𑌰𑌿𑌣𑍀 ।

𑌯𑌜𑍍𑌞𑌵𑌿𑌗𑍍𑌰𑌹𑌿𑌣𑍀 𑌯𑌜𑍍𑌞𑌾 𑌯𑌾𑌯𑌜𑍂𑌕𑌾 𑌯𑌶𑌸𑍍𑌵𑌿𑌨𑍀 ॥ 60 ॥

𑌅𑌗𑍍𑌨𑌿𑌷𑍍𑌟𑍋𑌮𑌾𑌽𑌤𑍍𑌯𑌗𑍍𑌨𑌿𑌷𑍍𑌟𑍋𑌮𑌾 𑌵𑌾𑌜𑌪𑍇𑌯𑌶𑍍𑌚 𑌷𑍋𑌡𑌶𑍀 ।

𑌪𑍁𑌣𑍍𑌡𑌰𑍀𑌕𑌾𑌽𑌶𑍍𑌵𑌮𑍇𑌧𑌶𑍍𑌚 𑌰𑌾𑌜𑌸𑍂𑌯𑌶𑍍𑌚 𑌨𑌾𑌭𑌸𑌃 ॥ 61 ॥

𑌸𑍍𑌵𑌿𑌷𑍍𑌟𑌕𑍃𑌦𑍍𑌬𑌹𑍁𑌸𑍗𑌵𑌰𑍍𑌣𑍋 𑌗𑍋𑌸𑌵𑌶𑍍𑌚 𑌮𑌹𑌾𑌵𑍍𑌰𑌤𑌃 ।

𑌵𑌿𑌶𑍍𑌵𑌜𑌿𑌦𑍍𑌬𑍍𑌰𑌹𑍍𑌮𑌯𑌜𑍍𑌞𑌶𑍍𑌚 𑌪𑍍𑌰𑌾𑌜𑌾𑌪𑌤𑍍𑌯𑌃 𑌶𑌿𑌲𑌾𑌯𑌵𑌃 ॥ 62 ॥

𑌅𑌶𑍍𑌵𑌕𑍍𑌰𑌾𑌨𑍍𑌤𑌾 𑌰𑌥𑌕𑍍𑌰𑌾𑌨𑍍𑌤𑌾 𑌵𑌿𑌷𑍍𑌣𑍁𑌕𑍍𑌰𑌾𑌨𑍍𑌤𑌾 𑌵𑌿𑌭𑌾𑌵𑌸𑍁𑌃 ।

𑌸𑍂𑌰𑍍𑌯𑌕𑍍𑌰𑌾𑌨𑍍𑌤𑌾 𑌗𑌜𑌕𑍍𑌰𑌾𑌨𑍍𑌤𑌾 𑌬𑌲𑌿𑌭𑌿𑌨𑍍𑌨𑌾𑌗𑌯𑌜𑍍𑌞𑌕𑌃 ॥ 63 ॥

𑌸𑌾𑌵𑌿𑌤𑍍𑌰𑍀 𑌚𑌾𑌰𑍍𑌧𑌸𑌾𑌵𑌿𑌤𑍍𑌰𑍀 𑌸𑌰𑍍𑌵𑌤𑍋𑌭𑌦𑍍𑌰𑌵𑌾𑌰𑍁𑌣𑌾 ।

𑌆𑌦𑌿𑌤𑍍𑌯𑌾𑌮𑌯 𑌗𑍋𑌦𑍋𑌹 𑌗𑌵𑌾𑌮𑌯 𑌮𑍃𑌗𑌾𑌮𑌯𑌾 ॥ 64 ॥

𑌸𑌰𑍍𑌪𑌮𑌯𑌃 𑌕𑌾𑌲𑌪𑌿𑌞𑍍𑌜𑌃 𑌕𑍗𑌣𑍍𑌡𑌿𑌨𑍍𑌯𑍋𑌪𑌨𑌾𑌗𑌾𑌹𑌲𑌃 ।

𑌅𑌗𑍍𑌨𑌿𑌵𑌿𑌦𑍍𑌦𑍍𑌵𑌾𑌦𑌶𑌾𑌹𑌸𑍍𑌵𑍋𑌪𑌾𑌂𑌶𑍁𑌃 𑌸𑍋𑌮 𑌵𑌿𑌧𑍋 𑌹𑌨𑌃 ॥ 65 ॥

𑌅𑌶𑍍𑌵𑌪𑍍𑌰𑌤𑌿𑌗𑍍𑌰𑌹𑍋 𑌬𑌰𑍍𑌹𑌿𑌰𑌥𑍋𑌽𑌭𑍍𑌯𑍁𑌦𑌯 𑌋𑌦𑍍𑌧𑌿𑌰𑌾𑌟𑍍 ।

𑌸𑌰𑍍𑌵𑌸𑍍𑌵𑌦𑌕𑍍𑌷𑌿𑌣𑍋 𑌦𑍀𑌕𑍍𑌷𑌾 𑌸𑍋𑌮𑌾𑌖𑍍𑌯𑌾 𑌸𑌮𑌿𑌦𑌾𑌹𑍍𑌵𑌯𑌃 ॥ 66 ॥

𑌕𑌠𑌾𑌯𑌨𑌶𑍍𑌚 𑌗𑍋𑌦𑍋𑌹𑌃 𑌸𑍍𑌵𑌾𑌹𑌾𑌕𑌾𑌰𑌸𑍍𑌤𑌨𑍂𑌨𑌪𑌾𑌤𑍍 ।

𑌦𑌣𑍍𑌡𑌾 𑌪𑍁𑌰𑍁𑌷 𑌮𑍇𑌧𑌶𑍍𑌚 𑌶𑍍𑌯𑍇𑌨𑍋 𑌵𑌜𑍍𑌰 𑌇𑌷𑍁𑌰𑍍𑌯𑌮𑌃 ॥ 67 ॥

𑌅𑌙𑍍𑌗𑌿𑌰𑌾𑌃 𑌕𑌙𑍍𑌕𑌭𑍇𑌰𑍁𑌣𑍍𑌡𑌾 𑌚𑌾𑌨𑍍𑌦𑍍𑌰𑌾𑌯𑌣𑌪𑌰𑌾𑌯𑌣𑌾 ।

𑌜𑍍𑌯𑍋𑌤𑌿𑌷𑍍𑌟𑍋𑌮𑌃 𑌗𑍁𑌦𑍋 𑌦𑌰𑍍𑌶𑍋 𑌨𑌨𑍍𑌦𑍍𑌯𑌾𑌖𑍍𑌯𑌃 𑌪𑍗𑌰𑍍𑌣𑌮𑌾𑌸𑌿𑌕𑌃 ॥ 68 ॥

𑌗𑌜𑌪𑍍𑌰𑌤𑌿𑌗𑍍𑌰𑌹𑍋 𑌰𑌾𑌤𑍍𑌰𑌿𑌃 𑌸𑍗𑌰𑌭𑌃 𑌶𑌾𑌙𑍍𑌕𑌲𑌾𑌯𑌨𑌃 ।

𑌸𑍗𑌭𑌾𑌗𑍍𑌯𑌕𑍃𑌚𑍍𑌚 𑌕𑌾𑌰𑍀𑌷𑍋 𑌬𑍈𑌦𑌲𑌾𑌯𑌨𑌰𑌾𑌮𑌠𑍗 ॥ 69 ॥

𑌶𑍋𑌚𑌿𑌷𑍍𑌕𑌾𑌰𑍀 𑌨𑌾𑌚𑌿𑌕𑍇𑌤𑌃 𑌶𑌾𑌨𑍍𑌤𑌿𑌕𑍃𑌤𑍍𑌪𑍁𑌷𑍍𑌟𑌿𑌕𑍃𑌤𑍍𑌤𑌥𑌾 ।

𑌵𑍈𑌨𑌤𑍇𑌯𑍋𑌚𑍍𑌚𑌾𑌟𑌨𑍗 𑌚 𑌵𑌶𑍀𑌕𑌰𑌣 𑌮𑌾𑌰𑌣𑍇 ॥ 70 ॥

𑌤𑍍𑌰𑍈𑌲𑍋𑌕𑍍𑌯𑌮𑍋𑌹𑌨𑍋 𑌵𑍀𑌰𑌃 𑌕𑌨𑍍𑌦𑌰𑍍𑌪𑌬𑌲𑌶𑌾𑌤𑌨𑌃 ।

𑌶𑌙𑍍𑌖𑌚𑍂𑌡𑍋 𑌗𑌜𑌚𑍍𑌛𑌾𑌯𑍋 𑌰𑍗𑌦𑍍𑌰𑌾𑌖𑍍𑌯𑍋 𑌵𑌿𑌷𑍍𑌣𑍁𑌵𑌿𑌕𑍍𑌰𑌮𑌃 ॥ 71 ॥

𑌭𑍈𑌰𑌵𑌃 𑌕𑌵𑌹𑌾𑌖𑍍𑌯𑌶𑍍𑌚𑌾𑌵𑌭𑍃𑌥𑍋𑌽𑌷𑍍𑌟𑌕𑌪𑌾𑌲𑌕𑌃 ।

𑌶𑍍𑌰𑍗𑌷𑌟𑍍 𑌵𑍗𑌷𑌟𑍍 𑌵𑌷𑌟𑍍𑌕𑌾𑌰𑌃 𑌪𑌾𑌕𑌸𑌂𑌸𑍍𑌥𑌾 𑌪𑌰𑌿𑌶𑍍𑌰𑍁𑌤𑍀 ॥ 72 ॥

𑌚𑌯𑌨𑍋 𑌨𑌰𑌮𑍇𑌧𑌶𑍍𑌚 𑌕𑌾𑌰𑍀𑌰𑍀 𑌰𑌤𑍍𑌨𑌦𑌾𑌨𑌿𑌕𑌾 ।

𑌸𑍗𑌤𑍍𑌰𑌾𑌮𑌣𑍀 𑌚 𑌭𑌾𑌰𑍁𑌨𑍍𑌦𑌾 𑌬𑌾𑌰𑍍𑌹𑌸𑍍𑌪𑌤𑍍𑌯𑍋 𑌬𑌲𑌙𑍍𑌗𑌮𑌃 ॥ 73 ॥

𑌪𑍍𑌰𑌚𑍇𑌤𑌾𑌃 𑌸𑌰𑍍𑌵𑌸𑌤𑍍𑌰𑌶𑍍𑌚 𑌗𑌜𑌮𑍇𑌧𑌃 𑌕𑌰𑌮𑍍𑌭𑌕𑌃 ।

𑌹𑌵𑌿𑌃𑌸𑌂𑌸𑍍𑌥𑌾 𑌸𑍋𑌮𑌸𑌂𑌸𑍍𑌥𑌾 𑌪𑌾𑌕𑌸𑌂𑌸𑍍𑌥𑌾 𑌗𑌰𑍁𑌤𑍍𑌮𑌤𑍀 ॥ 74 ॥

𑌸𑌤𑍍𑌯𑌸𑍂𑌰𑍍𑌯𑌶𑍍𑌚𑌮𑌸𑌃 𑌸𑍍𑌰𑍁𑌕𑍍 𑌸𑍍𑌰𑍁𑌵𑍋𑌲𑍂𑌖𑌲 𑌮𑍇𑌕𑍍𑌷𑌣𑍀 ।

𑌚𑌪𑌲𑍋 𑌮𑌨𑍍𑌥𑌨𑍀 𑌮𑍇𑌢𑍀 𑌯𑍂𑌪𑌃 𑌪𑍍𑌰𑌾𑌗𑍍𑌵𑌂𑌶𑌕𑍁𑌞𑍍𑌚𑌿𑌕𑌾 ॥ 75 ॥

𑌰𑌶𑍍𑌮𑌿𑌰𑌂𑌶𑍁𑌶𑍍𑌚 𑌦𑍋𑌭𑍍𑌯𑌶𑍍𑌚 𑌵𑌾𑌰𑍁𑌣𑍋𑌦𑌃 𑌪𑌵𑌿𑌃 𑌕𑍁𑌥𑌾 ।

𑌆𑌪𑍍𑌤𑍋𑌰𑍍𑌯𑌾𑌮𑍋 𑌦𑍍𑌰𑍋𑌣𑌕𑌲𑌶𑍋 𑌮𑍈𑌤𑍍𑌰𑌾𑌵𑌰𑍁𑌣 𑌆𑌶𑍍𑌵𑌿𑌨𑌃 ॥ 76 ॥

𑌪𑌾𑌤𑍍𑌨𑍀𑌵𑌤𑌶𑍍𑌚 𑌮𑌨𑍍𑌥𑍀 𑌚 𑌹𑌾𑌰𑌿𑌯𑍋𑌜𑌨 𑌏𑌵 𑌚 ।

𑌪𑍍𑌰𑌤𑌿𑌪𑍍𑌰𑌸𑍍𑌥𑌾𑌨𑌶𑍁𑌕𑍍𑌰𑍗 𑌚 𑌸𑌾𑌮𑌿𑌧𑍇𑌨𑍀 𑌸𑌮𑌿𑌤𑍍𑌸𑌮𑌾 ॥ 77 ॥

𑌹𑍋𑌤𑌾𑌽𑌧𑍍𑌵𑌰𑍍𑌯𑍁𑌸𑍍𑌤𑌥𑍋𑌦𑍍𑌗𑌾𑌤𑌾 𑌨𑍇𑌤𑌾 𑌤𑍍𑌵𑌷𑍍𑌟𑌾 𑌚 𑌯𑍋𑌤𑍍𑌰𑌿𑌕𑌾 ।

𑌆𑌗𑍍𑌨𑍀𑌧𑍍𑌰𑍋𑌽𑌚𑍍𑌛𑌾𑌵𑌕𑌾𑌷𑍍𑌟𑌾𑌵𑌗𑍍𑌗𑍍𑌰𑌾𑌵𑌸𑍍𑌤𑍁𑌤𑍍𑌪𑍍𑌰𑌤𑌰𑍍𑌦𑌕𑌃 ॥ 78 ॥

𑌸𑍁𑌬𑍍𑌰𑌹𑍍𑌮𑌣𑍍𑌯𑍋 𑌬𑍍𑌰𑌾𑌹𑍍𑌮𑌣𑌶𑍍𑌚 𑌮𑍈𑌤𑍍𑌰𑌾𑌵𑌰𑍁𑌣𑌵𑌾𑌰𑍁𑌣𑍗 ।

𑌪𑍍𑌰𑌸𑍍𑌤𑍋𑌤𑌾 𑌪𑍍𑌰𑌤𑌿𑌪𑍍𑌰𑌸𑍍𑌥𑌾𑌤𑌾 𑌯𑌜𑌮𑌾𑌨𑍋 𑌧𑍍𑌰𑍁𑌵𑌨𑍍𑌤𑍍𑌰𑌿𑌕𑌾 ॥ 79 ॥

𑌆𑌮𑌿𑌕𑍍𑌷𑌾 𑌪𑍃𑌷𑌦𑌾𑌜𑍍𑌯𑌂 𑌚 𑌹𑌵𑍍𑌯𑌂 𑌕𑌵𑍍𑌯𑌂 𑌚𑌰𑍁𑌃 𑌪𑌯𑌃 ।

𑌜𑍁𑌹𑍁𑌦𑍍𑌘𑍍𑌰𑌾𑌵𑍋𑌪𑌭𑍃𑌦𑍍𑌬𑍍𑌰𑌹𑍍𑌮𑌾 𑌤𑍍𑌰𑌯𑍀 𑌤𑍍𑌰𑍇𑌤𑌾 𑌤𑌰𑌸𑍍𑌵𑌿𑌨𑍀 ॥ 80 ॥

𑌪𑍁𑌰𑍋𑌡𑌾𑌶𑌃 𑌪𑌶𑍂𑌕𑌰𑍍𑌷𑌃 𑌪𑍍𑌰𑍋𑌕𑍍𑌷𑌣𑍀 𑌬𑍍𑌰𑌹𑍍𑌮𑌯𑌜𑍍𑌞𑌿𑌨𑍀 ।

𑌅𑌗𑍍𑌨𑌿𑌜𑌿𑌹𑍍𑌵𑌾 𑌦𑌰𑍍𑌭𑌰𑍋𑌮𑌾 𑌬𑍍𑌰𑌹𑍍𑌮𑌶𑍀𑌰𑍍𑌷𑌾 𑌮𑌹𑍋𑌦𑌰𑍀 ॥ 81 ॥

𑌅𑌮𑍃𑌤𑌪𑍍𑌰𑌾𑌶𑌿𑌕𑌾 𑌨𑌾𑌰𑌾𑌯𑌣𑍀 𑌨𑌗𑍍𑌨𑌾 𑌦𑌿𑌗𑌮𑍍𑌬𑌰𑌾 ।

𑌓𑌙𑍍𑌕𑌾𑌰𑌿𑌣𑍀 𑌚𑌤𑍁𑌰𑍍𑌵𑍇𑌦𑌰𑍂𑌪𑌾 𑌶𑍍𑌰𑍁𑌤𑌿𑌰𑌨𑍁𑌲𑍍𑌬𑌣𑌾 ॥ 82 ॥

𑌅𑌷𑍍𑌟𑌾𑌦𑌶𑌭𑍁𑌜𑌾 𑌰𑌮𑍍𑌭𑌾 𑌸𑌤𑍍𑌯𑌾 𑌗𑌗𑌨𑌚𑌾𑌰𑌿𑌣𑍀 ।

𑌭𑍀𑌮𑌵𑌕𑍍𑌤𑍍𑌰𑌾 𑌮𑌹𑌾𑌵𑌕𑍍𑌤𑍍𑌰𑌾 𑌕𑍀𑌰𑍍𑌤𑌿𑌰𑌾𑌕𑍃𑌷𑍍𑌣𑌪𑌿𑌙𑍍𑌗𑌲𑌾 ॥ 83 ॥

𑌕𑍃𑌷𑍍𑌣𑌮𑍂𑌰𑍍𑌧𑌾 𑌮𑌹𑌾𑌮𑍂𑌰𑍍𑌧𑌾 𑌘𑍋𑌰𑌮𑍂𑌰𑍍𑌧𑌾 𑌭𑌯𑌾𑌨𑌨𑌾 ।

𑌘𑍋𑌰𑌾𑌨𑌨𑌾 𑌘𑍋𑌰𑌜𑌿𑌹𑍍𑌵𑌾 𑌘𑍋𑌰𑌰𑌾𑌵𑌾 𑌮𑌹𑌾𑌵𑍍𑌰𑌤𑌾 ॥ 84 ॥

𑌦𑍀𑌪𑍍𑌤𑌾𑌸𑍍𑌯𑌾 𑌦𑍀𑌪𑍍𑌤𑌨𑍇𑌤𑍍𑌰𑌾 𑌚 𑌚𑌣𑍍𑌡𑌪𑍍𑌰𑌹𑌰𑌣𑌾 𑌜𑌟𑍀 ।

𑌸𑍁𑌰𑌭𑍀 𑌸𑍗𑌲𑌭𑍀 𑌵𑍀𑌚𑍀 𑌛𑌾𑌯𑌾 𑌸𑌨𑍍𑌧𑍍𑌯𑌾 𑌚 𑌮𑌾𑌂𑌸𑌲𑌾 ॥ 85 ॥

𑌕𑍃𑌷𑍍𑌣𑌾 𑌕𑍃𑌷𑍍𑌣𑌾𑌮𑍍𑌬𑌰𑌾 𑌕𑍃𑌷𑍍𑌣𑌶𑌾𑌰𑍍𑌙𑍍𑌗𑌿𑌣𑍀 𑌕𑍃𑌷𑍍𑌣𑌵𑌲𑍍𑌲𑌭𑌾 ।

𑌤𑍍𑌰𑌾𑌸𑌿𑌨𑍀 𑌮𑍋𑌹𑌿𑌨𑍀 𑌦𑍍𑌵𑍇𑌷𑍍𑌯𑌾 𑌮𑍃𑌤𑍍𑌯𑍁𑌰𑍂𑌪𑌾 𑌭𑌯𑌾𑌪𑌹𑌾 ॥ 86 ॥

𑌭𑍀𑌷𑌣𑌾 𑌦𑌾𑌨𑌵𑍇𑌨𑍍𑌦𑍍𑌰𑌘𑍍𑌨𑍀 𑌕𑌲𑍍𑌪𑌕𑌰𑍍𑌤𑌾 𑌕𑍍𑌷𑌯𑌙𑍍𑌕𑌰𑍀 ।

𑌅𑌭𑌯𑌾 𑌪𑍃𑌥𑌿𑌵𑍀 𑌸𑌾𑌧𑍍𑌵𑍀 𑌕𑍇𑌶𑌿𑌨𑍀 𑌵𑍍𑌯𑌾𑌧𑌿𑌜𑌨𑍍𑌮𑌹𑌾 ॥ 87 ॥

𑌅𑌕𑍍𑌷𑍋𑌭𑍍𑌯𑌾𑌽𑌽𑌹𑍍𑌲𑌾𑌦𑌿𑌨𑍀 𑌕𑌨𑍍𑌯𑌾 𑌪𑌵𑌿𑌤𑍍𑌰𑌾 𑌰𑍋𑌪𑌿𑌣𑍀 𑌶𑍁𑌭𑌾 ।

𑌕𑌨𑍍𑌯𑌾𑌦𑍇𑌵𑍀 𑌸𑍁𑌰𑌾𑌦𑍇𑌵𑍀 𑌭𑍀𑌮𑌾𑌦𑍇𑌵𑍀 𑌮𑌦𑌨𑍍𑌤𑌿𑌕𑌾 ॥ 88 ॥

𑌶𑌾𑌕𑌮𑍍𑌭𑌰𑍀 𑌮𑌹𑌾𑌶𑍍𑌵𑍇𑌤𑌾 𑌧𑍂𑌮𑍍𑌰𑌾 𑌧𑍂𑌮𑍍𑌰𑍇𑌶𑍍𑌵𑌰𑍀𑌶𑍍𑌵𑌰𑍀 ।

𑌵𑍀𑌰𑌭𑌦𑍍𑌰𑌾 𑌮𑌹𑌾𑌭𑌦𑍍𑌰𑌾 𑌮𑌹𑌾𑌦𑍇𑌵𑍀 𑌮𑌹𑌾𑌸𑍁𑌰𑍀 ॥ 89 ॥

𑌶𑍍𑌮𑌶𑌾𑌨𑌵𑌾𑌸𑌿𑌨𑍀 𑌦𑍀𑌪𑍍𑌤𑌾 𑌚𑌿𑌤𑌿𑌸𑌂𑌸𑍍𑌥𑌾 𑌚𑌿𑌤𑌿𑌪𑍍𑌰𑌿𑌯𑌾 ।

𑌕𑌪𑌾𑌲𑌹𑌸𑍍𑌤𑌾 𑌖𑌟𑍍𑌵𑌾𑌙𑍍𑌗𑍀 𑌖𑌡𑍍𑌗𑌿𑌨𑍀 𑌶𑍂𑌲𑌿𑌨𑍀 𑌹𑌲𑍀 ॥ 90 ॥

𑌕𑌾𑌨𑍍𑌤𑌾𑌰𑌿𑌣𑍀 𑌮𑌹𑌾𑌯𑍋𑌗𑍀 𑌯𑍋𑌗𑌮𑌾𑌰𑍍𑌗𑌾 𑌯𑍁𑌗𑌗𑍍𑌰𑌹𑌾 ।

𑌧𑍂𑌮𑍍𑌰𑌕𑍇𑌤𑍁𑌰𑍍𑌮𑌹𑌾𑌸𑍍𑌯𑌾𑌯𑍁𑌰𑍍𑌯𑍁𑌗𑌾𑌨𑌾𑌂 𑌪𑌰𑌿𑌵𑌰𑍍𑌤𑌿𑌨𑍀 ॥ 91 ॥

𑌅𑌙𑍍𑌗𑌾𑌰𑌿𑌣𑍍𑌯𑌙𑍍𑌕𑍁𑌶𑌕𑌰𑌾 𑌘𑌣𑍍𑌟𑌾𑌵𑌰𑍍𑌣𑌾 𑌚 𑌚𑌕𑍍𑌰𑌿𑌣𑍀 ।

𑌵𑍇𑌤𑌾𑌲𑍀 𑌬𑍍𑌰𑌹𑍍𑌮𑌵𑍇𑌤𑌾𑌲𑍀 𑌮𑌹𑌾𑌵𑍇𑌤𑌾𑌲𑌿𑌕𑌾 𑌤𑌥𑌾 ॥ 92 ॥

𑌵𑌿𑌦𑍍𑌯𑌾𑌰𑌾𑌜𑍍𑌞𑍀 𑌮𑍋𑌹𑌰𑌾𑌜𑍍𑌞𑍀 𑌮𑌹𑌾𑌰𑌾𑌜𑍍𑌞𑍀 𑌮𑌹𑍋𑌦𑌰𑍀 ।

𑌭𑍂𑌤𑌂 𑌭𑌵𑍍𑌯𑌂 𑌭𑌵𑌿𑌷𑍍𑌯𑌂 𑌚 𑌸𑌾𑌙𑍍𑌖𑍍𑌯𑌂 𑌯𑍋𑌗𑌸𑍍𑌤𑌪𑍋 𑌦𑌮𑌃 ॥ 93 ॥

𑌅𑌧𑍍𑌯𑌾𑌤𑍍𑌮𑌂 𑌚𑌾𑌧𑌿𑌦𑍈𑌵𑌂 𑌚𑌾𑌧𑌿𑌭𑍂𑌤𑌾𑌂𑌶 𑌏𑌵 𑌚 ।

𑌘𑌣𑍍𑌟𑌾𑌰𑌵𑌾 𑌵𑌿𑌰𑍂𑌪𑌾𑌕𑍍𑌷𑍀 𑌶𑌿𑌖𑌿𑌵𑌿𑌚𑍍𑌛𑍍𑌰𑍀𑌚𑌯𑌪𑍍𑌰𑌿𑌯𑌾 ॥ 94 ॥

𑌖𑌡𑍍𑌗𑌶𑍂𑌲𑌗𑌦𑌾𑌹𑌸𑍍𑌤𑌾 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑍀 ।

𑌮𑌾𑌤𑌙𑍍𑌗𑍀 𑌮𑌤𑍍𑌤𑌮𑌾𑌤𑌙𑍍𑌗𑍀 𑌕𑍗𑌶𑌿𑌕𑍀 𑌬𑍍𑌰𑌹𑍍𑌮𑌵𑌾𑌦𑌿𑌨𑍀 ॥ 95 ॥

𑌉𑌗𑍍𑌰𑌤𑍇𑌜𑌾 𑌸𑌿𑌦𑍍𑌧𑌸𑍇𑌨𑌾 𑌜𑍃𑌮𑍍𑌭𑌿𑌣𑍀 𑌮𑍋𑌹𑌿𑌨𑍀 𑌤𑌥𑌾 ।

𑌜𑌯𑌾 𑌚 𑌵𑌿𑌜𑌯𑌾 𑌚𑍈𑌵 𑌵𑌿𑌨𑌤𑌾 𑌕𑌦𑍍𑌰𑍁𑌰𑍇𑌵 𑌚 ॥ 96 ॥

𑌧𑌾𑌤𑍍𑌰𑍀 𑌵𑌿𑌧𑌾𑌤𑍍𑌰𑍀 𑌵𑌿𑌕𑍍𑌰𑌾𑌨𑍍𑌤𑌾 𑌧𑍍𑌵𑌸𑍍𑌤𑌾 𑌮𑍂𑌰𑍍𑌛𑌾 𑌚 𑌮𑍂𑌰𑍍𑌛𑌨𑍀 ।

𑌦𑌮𑌨𑍀 𑌧𑌰𑍍𑌮𑌿𑌣𑍀 𑌦𑌮𑍍𑌯𑌾 𑌛𑍇𑌦𑌿𑌨𑍀 𑌤𑌾𑌪𑌿𑌨𑍀 𑌤𑌪𑍀 ॥ 97 ॥

𑌬𑌨𑍍𑌧𑌿𑌨𑍀 𑌬𑌾𑌧𑌿𑌨𑍀 𑌬𑌨𑍍𑌧𑌾 𑌬𑍋𑌧𑌾𑌤𑍀𑌤𑌾 𑌬𑍁𑌧𑌪𑍍𑌰𑌿𑌯𑌾 ।

𑌹𑌰𑌿𑌣𑍀 𑌹𑌾𑌰𑌿𑌣𑍀 𑌹𑌨𑍍𑌤𑍍𑌰𑍀 𑌧𑌰𑌿𑌣𑍀 𑌧𑌾𑌰𑌿𑌣𑍀 𑌧𑌰𑌾 ॥ 98 ॥

𑌵𑌿𑌸𑌾𑌧𑌿𑌨𑍀 𑌸𑌾𑌧𑌿𑌨𑍀 𑌚 𑌸𑌨𑍍𑌧𑍍𑌯𑌾 𑌸𑌙𑍍𑌗𑍋𑌪𑌨𑍀 𑌪𑍍𑌰𑌿𑌯𑌾 ।

𑌰𑍇𑌵𑌤𑍀 𑌕𑌾𑌲𑌕𑌰𑍍𑌣𑍀 𑌚 𑌸𑌿𑌦𑍍𑌧𑌿𑌰𑍍𑌲𑌕𑍍𑌷𑍍𑌮𑍀𑌰𑌰𑍁𑌨𑍍𑌧𑌤𑍀 ॥ 99 ॥

𑌧𑌰𑍍𑌮𑌪𑍍𑌰𑌿𑌯𑌾 𑌧𑌰𑍍𑌮𑌰𑌤𑌿𑌃 𑌧𑌰𑍍𑌮𑌿𑌷𑍍𑌠𑌾 𑌧𑌰𑍍𑌮𑌚𑌾𑌰𑌿𑌣𑍀 ।

𑌵𑍍𑌯𑍁𑌷𑍍𑌟𑌿𑌃 𑌖𑍍𑌯𑌾𑌤𑌿𑌃 𑌸𑌿𑌨𑍀𑌵𑌾𑌲𑍀 𑌕𑍁𑌹𑍂𑌃 𑌋𑌤𑍁𑌮𑌤𑍀 𑌮𑍃𑌤𑌿𑌃 ॥ 100 ॥

𑌤𑍍𑌵𑌾𑌷𑍍𑌟𑍍𑌰𑍀 𑌵𑍈𑌰𑍋𑌚𑌨𑍀 𑌮𑍈𑌤𑍍𑌰𑍀 𑌨𑍀𑌰𑌜𑌾 𑌕𑍈𑌟𑌭𑍇𑌶𑍍𑌵𑌰𑍀 ।

𑌭𑍍𑌰𑌮𑌣𑍀 𑌭𑍍𑌰𑌾𑌮𑌣𑍀 𑌭𑍍𑌰𑌾𑌮𑌾 𑌭𑍍𑌰𑌮𑌰𑍀 𑌭𑍍𑌰𑌾𑌮𑌰𑍀 𑌭𑍍𑌰𑌮𑌾 ॥ 101 ॥

𑌨𑌿𑌷𑍍𑌕𑌲𑌾 𑌕𑌲𑌹𑌾 𑌨𑍀𑌤𑌾 𑌕𑍗𑌲𑌾𑌕𑌾𑌰𑌾 𑌕𑌲𑍇𑌬𑌰𑌾 ।

𑌵𑌿𑌦𑍍𑌯𑍁𑌜𑍍𑌜𑌿𑌹𑍍𑌵𑌾 𑌵𑌰𑍍𑌷𑌿𑌣𑍀 𑌚 𑌹𑌿𑌰𑌣𑍍𑌯𑌾𑌕𑍍𑌷𑌨𑌿𑌪𑌾𑌤𑌿𑌨𑍀 ॥ 102 ॥

𑌜𑌿𑌤𑌕𑌾𑌮𑌾 𑌕𑌾𑌮𑍃𑌗𑌯𑌾 𑌕𑍋𑌲𑌾 𑌕𑌲𑍍𑌪𑌾𑌙𑍍𑌗𑌿𑌨𑍀 𑌕𑌲𑌾 । [𑌕𑌾𑌮𑌗𑌮𑌾]

𑌪𑍍𑌰𑌧𑌾𑌨𑌾 𑌤𑌾𑌰𑌕𑌾 𑌤𑌾𑌰𑌾 𑌹𑌿𑌤𑌾𑌤𑍍𑌮𑌾 𑌹𑌿𑌤𑌭𑍇𑌦𑌿𑌨𑍀 ॥ 103 ॥

𑌦𑍁𑌰𑌕𑍍𑌷𑌰𑌾 𑌪𑌰𑌬𑍍𑌰𑌹𑍍𑌮 𑌮𑌹𑌾𑌦𑌾𑌨𑌾 𑌮𑌹𑌾𑌹𑌵𑌾 ।

𑌵𑌾𑌰𑍁𑌣𑍀 𑌵𑍍𑌯𑌰𑍁𑌣𑍀 𑌵𑌾𑌣𑍀 𑌵𑍀𑌣𑌾 𑌵𑍇𑌣𑍀 𑌵𑌿𑌹𑌙𑍍𑌗𑌮𑌾 ॥ 104 ॥

𑌮𑍋𑌦𑌪𑍍𑌰𑌿𑌯𑌾 𑌮𑍋𑌦𑌕𑌿𑌨𑍀 𑌪𑍍𑌲𑌵𑌨𑍀 𑌪𑍍𑌲𑌾𑌵𑌿𑌨𑍀 𑌪𑍍𑌲𑍁𑌤𑌿𑌃 ।

𑌅𑌜𑌰𑌾 𑌲𑍋𑌹𑌿𑌤𑌾 𑌲𑌾𑌕𑍍𑌷𑌾 𑌪𑍍𑌰𑌤𑌪𑍍𑌤𑌾 𑌵𑌿𑌶𑍍𑌵𑌭𑍋𑌜𑌿𑌨𑍀 ॥ 105 ॥

𑌮𑌨𑍋 𑌬𑍁𑌦𑍍𑌧𑌿𑌰𑌹𑌙𑍍𑌕𑌾𑌰𑌃 𑌕𑍍𑌷𑍇𑌤𑍍𑌰𑌜𑍍𑌞𑌾 𑌕𑍍𑌷𑍇𑌤𑍍𑌰𑌪𑌾𑌲𑌿𑌕𑌾 ।

𑌚𑌤𑍁𑌰𑍍𑌵𑍇𑌦𑌾 𑌚𑌤𑍁𑌰𑍍𑌭𑌾𑌰𑌾 𑌚𑌤𑍁𑌰𑌨𑍍𑌤𑌾 𑌚𑌰𑍁𑌪𑍍𑌰𑌿𑌯𑌾 ॥ 106 ॥

𑌚𑌰𑍍𑌵𑌿𑌣𑍀 𑌚𑍋𑌰𑌿𑌣𑍀 𑌚𑌾𑌰𑍀 𑌶𑌾𑌙𑍍𑌕𑌰𑍀 𑌚𑌰𑍍𑌮𑌭𑍈𑌰𑌵𑍀 ।

𑌨𑌿𑌰𑍍𑌲𑍇𑌪𑌾 𑌨𑌿𑌷𑍍𑌪𑍍𑌰𑌪𑌞𑍍𑌚𑌾 𑌚 𑌪𑍍𑌰𑌶𑌾𑌨𑍍𑌤𑌾 𑌨𑌿𑌤𑍍𑌯𑌵𑌿𑌗𑍍𑌰𑌹𑌾 ॥ 107 ॥

𑌸𑍍𑌤𑌵𑍍𑌯𑌾 𑌸𑍍𑌤𑌵𑌪𑍍𑌰𑌿𑌯𑌾 𑌵𑍍𑌯𑌾𑌲𑌾 𑌗𑍁𑌰𑍁𑌰𑌾𑌶𑍍𑌰𑌿𑌤𑌵𑌤𑍍𑌸𑌲𑌾 ।

𑌨𑌿𑌷𑍍𑌕𑌲𑌙𑍍𑌕𑌾 𑌨𑌿𑌰𑌾𑌲𑌮𑍍𑌬𑌾 𑌨𑌿𑌰𑍍𑌦𑍍𑌵𑌨𑍍𑌦𑍍𑌵𑌾 𑌨𑌿𑌷𑍍𑌪𑌰𑌿𑌗𑍍𑌰𑌹𑌾 ॥ 108 ॥

𑌨𑌿𑌰𑍍𑌗𑍁𑌣𑌾 𑌨𑌿𑌰𑍍𑌮𑌲𑌾 𑌨𑌿𑌤𑍍𑌯𑌾 𑌨𑌿𑌰𑍀𑌹𑌾 𑌨𑌿𑌰𑌘𑌾 𑌨𑌵𑌾 ।

𑌨𑌿𑌰𑌿𑌨𑍍𑌦𑍍𑌰𑌿𑌯𑌾 𑌨𑌿𑌰𑌾𑌭𑌾𑌸𑌾 𑌨𑌿𑌰𑍍𑌮𑍋𑌹𑌾 𑌨𑍀𑌤𑌿𑌨𑌾𑌯𑌿𑌕𑌾 ॥ 109 ॥

𑌨𑌿𑌰𑌿𑌨𑍍𑌧𑌨𑌾 𑌨𑌿𑌷𑍍𑌕𑌲𑌾 𑌚 𑌲𑍀𑌲𑌾𑌕𑌾𑌰𑌾 𑌨𑌿𑌰𑌾𑌮𑌯𑌾 ।

𑌮𑍁𑌣𑍍𑌡𑌾 𑌵𑌿𑌰𑍂𑌪𑌾 𑌵𑌿𑌕𑍃𑌤𑌾 𑌪𑌿𑌙𑍍𑌗𑌲𑌾𑌕𑍍𑌷𑍀 𑌗𑍁𑌣𑍋𑌤𑍍𑌤𑌰𑌾 ॥ 110 ॥

𑌪𑌦𑍍𑌮𑌗𑌰𑍍𑌭𑌾 𑌮𑌹𑌾𑌗𑌰𑍍𑌭𑌾 𑌵𑌿𑌶𑍍𑌵𑌗𑌰𑍍𑌭𑌾 𑌵𑌿𑌲𑌕𑍍𑌷𑌣𑌾 ।

𑌪𑌰𑌮𑌾𑌤𑍍𑌮𑌾 𑌪𑌰𑍇𑌶𑌾𑌨𑍀 𑌪𑌰𑌾 𑌪𑌾𑌰𑌾 𑌪𑌰𑌨𑍍𑌤𑌪𑌾 ॥ 111 ॥

𑌸𑌂𑌸𑌾𑌰𑌸𑍇𑌤𑍁𑌃 𑌕𑍍𑌰𑍂𑌰𑌾𑌕𑍍𑌷𑍀 𑌮𑍂𑌰𑍍𑌛𑌾𑌮𑍁𑌕𑍍𑌤𑌾 𑌮𑌨𑍁𑌪𑍍𑌰𑌿𑌯𑌾 । [𑌮𑌗𑍍𑌨𑌾]

𑌵𑌿𑌸𑍍𑌮𑌯𑌾 𑌦𑍁𑌰𑍍𑌜𑌯𑌾 𑌦𑌕𑍍𑌷𑌾 𑌦𑌨𑍁𑌹𑌨𑍍𑌤𑍍𑌰𑍀 𑌦𑌯𑌾𑌲𑌯𑌾 ॥ 112 ॥

𑌪𑌰𑌬𑍍𑌰𑌹𑍍𑌮𑌾𑌽𑌽𑌨𑌨𑍍𑌦𑌰𑍂𑌪𑌾 𑌸𑌰𑍍𑌵𑌸𑌿𑌦𑍍𑌧𑌿𑌵𑌿𑌧𑌾𑌯𑌿𑌨𑍀 । 𑌓𑌮𑍍 ।

𑌏𑌵𑌮𑍁𑌡𑍍𑌡𑌾𑌮𑌰𑌾𑌤𑌨𑍍𑌤𑍍𑌰𑌾𑌨𑍍𑌮𑌯𑍋𑌦𑍍𑌧𑍃𑌤𑍍𑌯 𑌪𑍍𑌰𑌕𑌾𑌶𑌿𑌤𑌮𑍍 ॥ 113 ॥

𑌗𑍋𑌪𑌨𑍀𑌯𑌂 𑌪𑍍𑌰𑌯𑌤𑍍𑌨𑍇𑌨 𑌨𑌾𑌖𑍍𑌯𑍇𑌯𑌂 𑌯𑌸𑍍𑌯 𑌕𑌸𑍍𑌯𑌚𑌿𑌤𑍍 ।

𑌯𑌦𑍀𑌚𑍍𑌛𑌸𑌿 𑌦𑍍𑌰𑍁𑌤𑌂 𑌸𑌿𑌦𑍍𑌧𑌿𑌮𑍈𑌶𑍍𑌵𑌰𑍍𑌯𑌂 𑌚𑌿𑌰𑌜𑍀𑌵𑌿𑌤𑌾𑌮𑍍 ॥ 114 ॥

𑌆𑌰𑍋𑌗𑍍𑌯𑌂 𑌨𑍃𑌪𑌸𑌮𑍍𑌮𑌾𑌨𑌂 𑌦𑌾𑌨𑌾𑌨𑍍𑌯𑌸𑍍𑌯 𑌤𑍁 𑌕𑍀𑌰𑍍𑌤𑌯𑍇𑌤𑍍 ।

𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌵𑌾𑌰𑌾𑌹𑍍𑌯𑌾𑌃 𑌮𑌯𑌾 𑌤𑍇 𑌸𑌮𑍁𑌦𑍀𑌰𑌿𑌤𑌮𑍍 ॥ 115 ॥

𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌵𑌾𑌪𑌿 𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤𑍇 ।

𑌅𑌶𑍍𑌵𑌮𑍇𑌧𑌸𑌹𑌸𑍍𑌰𑌸𑍍𑌯 𑌵𑌾𑌜𑌪𑍇𑌯𑌶𑌤𑌸𑍍𑌯 𑌚 ॥ 116 ॥

𑌪𑍁𑌣𑍍𑌡𑌰𑍀𑌕𑌾𑌯𑍁𑌤𑌸𑍍𑌯𑌾𑌪𑌿 𑌫𑌲𑌂 𑌪𑌾𑌠𑌾𑌤𑍍 𑌪𑍍𑌰𑌜𑌾𑌯𑌤𑍇 ।

𑌪𑌠𑌤𑌃 𑌸𑌰𑍍𑌵𑌭𑌾𑌵𑍇𑌨 𑌸𑌰𑍍𑌵𑌾 𑌸𑍍𑌯𑍁𑌃 𑌸𑌿𑌦𑍍𑌧𑌯𑌃 𑌕𑌰𑍇 ॥ 117 ॥

𑌜𑌾𑌯𑌤𑍇 𑌮𑌹𑌦𑍈𑌶𑍍𑌵𑌰𑍍𑌯𑌂 𑌸𑌰𑍍𑌵𑍇𑌷𑌾𑌂 𑌦𑌯𑌿𑌤𑍋 𑌭𑌵𑍇𑌤𑍍 ।

𑌘𑌨𑌸𑌾𑌰𑌾𑌯𑌤𑍇 𑌵𑌹𑍍𑌨𑌿𑌰𑌗𑌾𑌧𑍋𑌬𑍍𑌧𑌿𑌃 𑌕𑌣𑌾𑌯𑌤𑍇 ॥ 118 ॥

𑌸𑌿𑌦𑍍𑌧𑌯𑌶𑍍𑌚 𑌤𑍃𑌣𑌾𑌯𑌨𑍍𑌤𑍇 𑌵𑌿𑌷𑌮𑌪𑍍𑌯𑌮𑍃𑌤𑌾𑌯𑌤𑍇 ।

𑌹𑌾𑌰𑌾𑌯𑌨𑍍𑌤𑍇 𑌮𑌹𑌾𑌸𑌰𑍍𑌪𑌾𑌃 𑌸𑌿𑌂𑌹𑌃 𑌕𑍍𑌰𑍀𑌡𑌾𑌮𑍃𑌗𑌾𑌯𑌤𑍇 ॥ 119 ॥

𑌦𑌾𑌸𑌾𑌯𑌨𑍍𑌤𑍇 𑌮𑌹𑍀𑌪𑌾𑌲𑌾 𑌜𑌗𑌨𑍍𑌮𑌿𑌤𑍍𑌰𑌾𑌯𑌤𑍇𑌽𑌖𑌿𑌲𑌮𑍍 ।

𑌤𑌸𑍍𑌮𑌾𑌨𑍍𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑍇𑌣 𑌸𑍍𑌤𑍁𑌤𑌾 𑌸𑌾 𑌜𑌗𑌦𑌮𑍍𑌬𑌿𑌕𑌾 ।

𑌪𑍍𑌰𑌯𑌚𑍍𑌛𑌤𑍍𑌯𑌖𑌿𑌲𑌾𑌨𑍍 𑌕𑌾𑌮𑌾𑌨𑍍 𑌦𑍇𑌹𑌾𑌨𑍍𑌤𑍇 𑌪𑌰𑌮𑌾𑌂 𑌗𑌤𑌿𑌮𑍍 ॥ 120 ॥

𑌇𑌤𑌿 𑌉𑌡𑍍𑌡𑌾𑌮𑌰𑌤𑌨𑍍𑌤𑍍𑌰𑍇 𑌶𑍍𑌰𑍀 𑌆𑌦𑌿𑌵𑌾𑌰𑌾𑌹𑍀 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ॥

Roman (IAST) Transliteration

devyuvāca |

śrīkaṇṭha karuṇāsindho dīnabandho jagatpate |

bhūtibhūṣitasarvāṅga parātparatara prabho || 1 ||

kṛtāñjalipuṭā bhūtvā pṛcchāmyekaṃ dayānidhe |

ādyā yā citsvarūpā yā nirvikārā nirañjanā || 2 ||

bodhātītā jñānagamyā kūṭasthānandavigrahā |

agrāhyātīndriyā śuddhā nirīhā svāvabhāsikā || 3 ||

guṇātītā niṣprapañcā hyavāṅmanasagocarā |

prakṛtirjagadutpattisthitisaṃhārakāriṇī || 4 ||

rakṣārthaṃ jagato devakāryārthaṃ vā suradviṣām |

nāśāya dhatte sā dehaṃ tattatkāryaikasādhakam || 5 ||

tatra bhūdharaṇārthāya yajñavistārahetave |

vidyutkeśahiraṇyākṣabālākādivadhāya ca || 6 ||

āvirbabhūva yā śaktirghorā bhūdārarūpiṇī |

vārāhī vikaṭākārā dānavāsuranāśinī || 7 ||

sadyaḥ siddhikarī devī ghorādghoratarā śivā |

tasyāḥ sahasranāmākhyaṃ stotraṃ me samudīraya || 8 ||

kṛpāleśo'sti mayi cedbhāgyaṃ me yadi vā bhavet |

anugrāhyā yadyahaṃ syāṃ tadā vada dayānidhe || 9 ||

īśvara uvāca |

sādhu sādhu varārohe dhanyā bahumatāsi me |

śuśrūṣayā samutpannā bhaktiḥ śraddhānvitā tava || 10 ||

sahasranāma vārāhyāḥ sarvasiddhividhāyi ca |

tava cenna pravakṣyāmi priye kasya vadāmyaham || 11 ||

kintu gopyaṃ prayatnena saṃrakṣyaṃ prāṇato'pi ca |

viśeṣataḥ kaliyuge na deyaṃ yasya kasyacit |

sarve'nyathā siddhibhājo bhaviṣyanti varānane || 12 ||

oṃ vārāhī vāmanī vāmā bagalā vāsavī vasuḥ |

vaidehī vīrasūrbālā varadā viṣṇuvallabhā || 13 ||

vanditā vasudā vaśyā vyāttāsyā vañcinī balā |

vasundharā vītihotrā vītarāgā vihāyasī || 14 ||

sarvā khanipriyā kāmyā kamalā kāñcanī ramā |

dhūmrā kapālinī vāmā kurukullā kalāvatī || 15 ||

yāmyā''gneyī dharā dhanyā dharmiṇī dhyāninī dhruvā |

dhṛtirlakṣmīrjayā tuṣṭiḥ śaktirmedhā tapasvinī || 16 ||

vedhā jayā kṛtiḥ kāntiḥ svāhā śāntirdamā ratiḥ |

lajjā matiḥ smṛtirnidrā tantrā gaurī śivā svadhā || 17 ||

caṇḍī durgā'bhayā bhīmā bhāṣā bhāmā bhayānakā |

bhūdārā bhayahā bhīrurbhairavī bhaṅgarā bhaṭī || 18 ||

ghurghurā ghoṣaṇā ghorā ghoṣiṇī ghoṇasaṃyutā |

ghanāghanā ghargharā ca ghoṇayuktā'ghanāśinī || 19 ||

pūrvāgneyī yātu yāmyā vāyavyuttaravāruṇī |

aiśānyūrdhvādhaḥsthitā ca pṛṣṭhadakṣāgravāmagā || 20 ||

hṛnnābhibrahmarandhrārkasvargapātālabhūmigā |

aiṃ śrīḥ hrīḥ klīṃ tīrthagatiḥ prītirdhīrgīḥ kalā'vyayā || 21 ||

ṛgyajuḥ sāmarūpā ca parā potriṇyudumbarā |

gadāsiśakticāpeṣuśūlacakrarṣṭidhāriṇī || 22 ||

jaratī yuvatī bālā caturaṅgabalotkaṭā |

satyākṣarā nidhirnetrī dhātrī potrī parā paṭuḥ || 23 ||

kṣetrajñā kampinī jyeṣṭhā durādharṣā dhurandharā |

mālinī māninī mātā mānanīyā manasvinī || 24 ||

madotkaṭā manyukarī manurūpā manojavā |

medasvinī madyaratā madhupā maṅgalā'marā || 25 ||

māyā mātā''mayaharī mṛḍānī mahilā mṛtiḥ |

mahādevī mohaharī mañjurmṛtyuñjayā'malā || 26 ||

māṃsalā mānavā mūlā mahārātrirmadālasā |

mṛgāṅkā menakā mānyā mahiṣaghnī madantikā || 27 ||

mūrchāmohamṛṣāmoghāmadamṛtyumalāpahā |

siṃharkṣamahiṣavyāghramṛgakroḍānanā dhunī || 28 ||

dhariṇī dhāriṇī dhenurdharitrī dhāvanī dhavā |

dharmadhvanā dhyānaparā dhanadhānyadharāpradā || 29 ||

pāpadoṣaripuvyādhināśinī siddhidāyinī |

kalākāṣṭhākṣamāpakṣāhastruṭiśvāsarūpiṇī || 30 ||

samṛddhā subhujā raudrī rādhā rāgā ramāraṇiḥ |

rāmā ratipriyā ruṣṭā rakṣiṇī ravimadhyagā || 31 ||

rajanī ramaṇī revā raṅkinī rañjinī ramā |

roṣā roṣavatī rūkṣā karirājyapradā ratā || 32 ||

rūkṣā rūpavatī rāsyā rudrāṇī raṇapaṇḍitā |

gaṅgā ca yamunā caiva sarasvatisvasūrmadhuḥ || 33 ||

gaṇḍakī tuṅgabhadrā ca kāverī kauśikī paṭuḥ |

kaṭvoragavatī cārā sahasrākṣā pratardanā || 34 ||

sarvajñā śāṅkarī śāstrī jaṭādhāriṇyayoradā |

yāvanī saurabhī kubjā vakratuṇḍā vadhodyatā || 35 ||

candrāpīḍā vedavedyā śaṅkhinī nīlalohitā |

dhyānātītā'paricchedyā mṛtyurūpā trivargadā || 36 ||

arūpā bahurūpā ca nānārūpā natānanā |

vṛṣākapirvṛṣārūḍhā vṛṣeśī vṛṣavāhanā || 37 ||

vṛṣapriyā vṛṣāvartā vṛṣaparvā vṛṣākṛtiḥ |

kodaṇḍinī nāgacūḍā cakṣuṣyā paramārthikā || 38 ||

durvāsā durgahā devī durāvāsā durārihā |

durgā rādhā duḥkhahantrī durārādhyā davīyasī || 39 ||

durāvāsā duṣprahastā duṣprakampā durūhiṇī |

suveṇī ramaṇī śyāmā mṛgavyādhārghatāpinī || 40 ||

ugrā tārkṣī pāśupatī kauṇapī kuṇapāśanā | [durgā]

kapardinī kāmakāmā kamanīyā kalojjvalā || 41 ||

kāsāvahṛtkārakānī kambukaṇṭhī kṛtāgamā |

karkaśā kāraṇā kāntā kalpā'kalpā kaṭaṅkaṭā || 42 ||

śmaśānanilayā bhinnā gajāruḍhā gajāpahā |

tatpriyā tatparā rāyā svarbhānuḥ kālavañcinī || 43 ||

śākhā viśākhā gośākhā suśākhā śeṣaśākhinī |

vyaṅgā śubhāṅgā vāmāṅgā nīlāṅgā'naṅgarūpiṇī || 44 ||

sāṅgopāṅgā ca sāraṅgā subhāṅgā raṅgarūpiṇī |

bhadrā subhadrā bhadrākṣī siṃhikā vinatā'ditiḥ || 45 ||

hṛdyā'vadyā supadyā ca gadyapadyapriyā prasūḥ |

carcikā bhogavatyambā sārasī śabarī naṭī || 46 ||

yoginī puṣkalā'nantā parā sāṅkhyā śacī satī |

nimnagā nimnanābhiśca sahiṣṇurjāgṛtī lipiḥ || 47 ||

damayantī damī daṇḍoddaṇḍinī dāradāyikā |

dīpinī dāvinī dhātrī dakṣakanyā damyā darat || 48 ||

dāhinī draviṇī darvī daṇḍinī daṇḍanāyikā |

dānapriyā doṣahantrī duḥkhadāridryanāśinī || 49 ||

doṣadā doṣakṛddogdhrī dohatī devikā'dhanā |

darvīkarī durvalitā duryugā'dvayavādinī || 50 ||

carācarā'nantavṛṣṭirunmattā kamalā'lasā |

tāriṇī tārakāntārā paramātmābjalocanā || 51 ||

indurhiraṇyakavacā vyavasthā vyavasāyikā |

īśanandā nadī nāgī yakṣiṇī sarpiṇī varī || 52 ||

sudhā surā viśvasahā suvarṇāṅgadadhāriṇī |

jananī prītibhāgeśī sāmrājñī saṃviduttamā || 53 ||

ameyā'riṣṭadamanī piṅgalā liṅgadhāriṇī |

cāmuṇḍā plāvinī hālā bṛhajjyotirurukramā || 54 ||

supratīkā ca sugrīvā havyavāhā pralāpinī |

nabhasyā mādhavī jyeṣṭhā śiśirā jvālinī ruciḥ || 55 ||

śuklā śukrā śucā śokā śukī bhekī pikī bakī |

pṛṣadaśvā nabhoyoniḥ supratīkā vibhāvarī || 56 ||

garvitā gurviṇī gaṇyā gururgurudharī gayā |

gandharvī gaṇikā gundrā gāruḍī gopikā'gragā || 57 ||

gaṇeśī gāminī gantā gopatirgandhinī gavī |

garjitā gānanī gonā gorakṣā govidāṃ gatiḥ || 58 ||

grāthikī grathikṛdgoṣṭhī garbharūpā guṇaiṣiṇī |

pāraskarī pāñcanadā bahurūpā virūpikā || 59 ||

ūhā vyūhā durūhā ca sammohā mohahāriṇī |

yajñavigrahiṇī yajñā yāyajūkā yaśasvinī || 60 ||

agniṣṭomā'tyagniṣṭomā vājapeyaśca ṣoḍaśī |

puṇḍarīkā'śvamedhaśca rājasūyaśca nābhasaḥ || 61 ||

sviṣṭakṛdbahusauvarṇo gosavaśca mahāvrataḥ |

viśvajidbrahmayajñaśca prājāpatyaḥ śilāyavaḥ || 62 ||

aśvakrāntā rathakrāntā viṣṇukrāntā vibhāvasuḥ |

sūryakrāntā gajakrāntā balibhinnāgayajñakaḥ || 63 ||

sāvitrī cārdhasāvitrī sarvatobhadravāruṇā |

ādityāmaya godoha gavāmaya mṛgāmayā || 64 ||

sarpamayaḥ kālapiñjaḥ kauṇḍinyopanāgāhalaḥ |

agnividdvādaśāhasvopāṃśuḥ soma vidho hanaḥ || 65 ||

aśvapratigraho barhiratho'bhyudaya ṛddhirāṭ |

sarvasvadakṣiṇo dīkṣā somākhyā samidāhvayaḥ || 66 ||

kaṭhāyanaśca godohaḥ svāhākārastanūnapāt |

daṇḍā puruṣa medhaśca śyeno vajra iṣuryamaḥ || 67 ||

aṅgirāḥ kaṅkabheruṇḍā cāndrāyaṇaparāyaṇā |

jyotiṣṭomaḥ gudo darśo nandyākhyaḥ paurṇamāsikaḥ || 68 ||

gajapratigraho rātriḥ saurabhaḥ śāṅkalāyanaḥ |

saubhāgyakṛcca kārīṣo baidalāyanarāmaṭhau || 69 ||

śociṣkārī nāciketaḥ śāntikṛtpuṣṭikṛttathā |

vainateyoccāṭanau ca vaśīkaraṇa māraṇe || 70 ||

trailokyamohano vīraḥ kandarpabalaśātanaḥ |

śaṅkhacūḍo gajacchāyo raudrākhyo viṣṇuvikramaḥ || 71 ||

bhairavaḥ kavahākhyaścāvabhṛtho'ṣṭakapālakaḥ |

śrauṣaṭ vauṣaṭ vaṣaṭkāraḥ pākasaṃsthā pariśrutī || 72 ||

cayano naramedhaśca kārīrī ratnadānikā |

sautrāmaṇī ca bhārundā bārhaspatyo balaṅgamaḥ || 73 ||

pracetāḥ sarvasatraśca gajamedhaḥ karambhakaḥ |

haviḥsaṃsthā somasaṃsthā pākasaṃsthā garutmatī || 74 ||

satyasūryaścamasaḥ sruk sruvolūkhala mekṣaṇī |

capalo manthanī meḍhī yūpaḥ prāgvaṃśakuñcikā || 75 ||

raśmiraṃśuśca dobhyaśca vāruṇodaḥ paviḥ kuthā |

āptoryāmo droṇakalaśo maitrāvaruṇa āśvinaḥ || 76 ||

pātnīvataśca manthī ca hāriyojana eva ca |

pratiprasthānaśukrau ca sāmidhenī samitsamā || 77 ||

hotā'dhvaryustathodgātā netā tvaṣṭā ca yotrikā |

āgnīdhro'cchāvakāṣṭāvaggrāvastutpratardakaḥ || 78 ||

subrahmaṇyo brāhmaṇaśca maitrāvaruṇavāruṇau |

prastotā pratiprasthātā yajamāno dhruvantrikā || 79 ||

āmikṣā pṛṣadājyaṃ ca havyaṃ kavyaṃ caruḥ payaḥ |

juhudghrāvopabhṛdbrahmā trayī tretā tarasvinī || 80 ||

puroḍāśaḥ paśūkarṣaḥ prokṣaṇī brahmayajñinī |

agnijihvā darbharomā brahmaśīrṣā mahodarī || 81 ||

amṛtaprāśikā nārāyaṇī nagnā digambarā |

oṅkāriṇī caturvedarūpā śrutiranulbaṇā || 82 ||

aṣṭādaśabhujā rambhā satyā gaganacāriṇī |

bhīmavaktrā mahāvaktrā kīrtirākṛṣṇapiṅgalā || 83 ||

kṛṣṇamūrdhā mahāmūrdhā ghoramūrdhā bhayānanā |

ghorānanā ghorajihvā ghorarāvā mahāvratā || 84 ||

dīptāsyā dīptanetrā ca caṇḍapraharaṇā jaṭī |

surabhī saulabhī vīcī chāyā sandhyā ca māṃsalā || 85 ||

kṛṣṇā kṛṣṇāmbarā kṛṣṇaśārṅgiṇī kṛṣṇavallabhā |

trāsinī mohinī dveṣyā mṛtyurūpā bhayāpahā || 86 ||

bhīṣaṇā dānavendraghnī kalpakartā kṣayaṅkarī |

abhayā pṛthivī sādhvī keśinī vyādhijanmahā || 87 ||

akṣobhyā''hlādinī kanyā pavitrā ropiṇī śubhā |

kanyādevī surādevī bhīmādevī madantikā || 88 ||

śākambharī mahāśvetā dhūmrā dhūmreśvarīśvarī |

vīrabhadrā mahābhadrā mahādevī mahāsurī || 89 ||

śmaśānavāsinī dīptā citisaṃsthā citipriyā |

kapālahastā khaṭvāṅgī khaḍginī śūlinī halī || 90 ||

kāntāriṇī mahāyogī yogamārgā yugagrahā |

dhūmraketurmahāsyāyuryugānāṃ parivartinī || 91 ||

aṅgāriṇyaṅkuśakarā ghaṇṭāvarṇā ca cakriṇī |

vetālī brahmavetālī mahāvetālikā tathā || 92 ||

vidyārājñī moharājñī mahārājñī mahodarī |

bhūtaṃ bhavyaṃ bhaviṣyaṃ ca sāṅkhyaṃ yogastapo damaḥ || 93 ||

adhyātmaṃ cādhidaivaṃ cādhibhūtāṃśa eva ca |

ghaṇṭāravā virūpākṣī śikhivicchrīcayapriyā || 94 ||

khaḍgaśūlagadāhastā mahiṣāsuramardinī |

mātaṅgī mattamātaṅgī kauśikī brahmavādinī || 95 ||

ugratejā siddhasenā jṛmbhiṇī mohinī tathā |

jayā ca vijayā caiva vinatā kadrureva ca || 96 ||

dhātrī vidhātrī vikrāntā dhvastā mūrchā ca mūrchanī |

damanī dharmiṇī damyā chedinī tāpinī tapī || 97 ||

bandhinī bādhinī bandhā bodhātītā budhapriyā |

hariṇī hāriṇī hantrī dhariṇī dhāriṇī dharā || 98 ||

visādhinī sādhinī ca sandhyā saṅgopanī priyā |

revatī kālakarṇī ca siddhirlakṣmīrarundhatī || 99 ||

dharmapriyā dharmaratiḥ dharmiṣṭhā dharmacāriṇī |

vyuṣṭiḥ khyātiḥ sinīvālī kuhūḥ ṛtumatī mṛtiḥ || 100 ||

tvāṣṭrī vairocanī maitrī nīrajā kaiṭabheśvarī |

bhramaṇī bhrāmaṇī bhrāmā bhramarī bhrāmarī bhramā || 101 ||

niṣkalā kalahā nītā kaulākārā kalebarā |

vidyujjihvā varṣiṇī ca hiraṇyākṣanipātinī || 102 ||

jitakāmā kāmṛgayā kolā kalpāṅginī kalā | [kāmagamā]

pradhānā tārakā tārā hitātmā hitabhedinī || 103 ||

durakṣarā parabrahma mahādānā mahāhavā |

vāruṇī vyaruṇī vāṇī vīṇā veṇī vihaṅgamā || 104 ||

modapriyā modakinī plavanī plāvinī plutiḥ |

ajarā lohitā lākṣā prataptā viśvabhojinī || 105 ||

mano buddhirahaṅkāraḥ kṣetrajñā kṣetrapālikā |

caturvedā caturbhārā caturantā carupriyā || 106 ||

carviṇī coriṇī cārī śāṅkarī carmabhairavī |

nirlepā niṣprapañcā ca praśāntā nityavigrahā || 107 ||

stavyā stavapriyā vyālā gururāśritavatsalā |

niṣkalaṅkā nirālambā nirdvandvā niṣparigrahā || 108 ||

nirguṇā nirmalā nityā nirīhā niraghā navā |

nirindriyā nirābhāsā nirmohā nītināyikā || 109 ||

nirindhanā niṣkalā ca līlākārā nirāmayā |

muṇḍā virūpā vikṛtā piṅgalākṣī guṇottarā || 110 ||

padmagarbhā mahāgarbhā viśvagarbhā vilakṣaṇā |

paramātmā pareśānī parā pārā parantapā || 111 ||

saṃsārasetuḥ krūrākṣī mūrchāmuktā manupriyā | [magnā]

vismayā durjayā dakṣā danuhantrī dayālayā || 112 ||

parabrahmā''nandarūpā sarvasiddhividhāyinī | om |

evamuḍḍāmarātantrānmayoddhṛtya prakāśitam || 113 ||

gopanīyaṃ prayatnena nākhyeyaṃ yasya kasyacit |

yadīcchasi drutaṃ siddhimaiśvaryaṃ cirajīvitām || 114 ||

ārogyaṃ nṛpasammānaṃ dānānyasya tu kīrtayet |

nāmnāṃ sahasraṃ vārāhyāḥ mayā te samudīritam || 115 ||

yaḥ paṭhecchṛṇuyādvāpi sarvapāpaiḥ pramucyate |

aśvamedhasahasrasya vājapeyaśatasya ca || 116 ||

puṇḍarīkāyutasyāpi phalaṃ pāṭhāt prajāyate |

paṭhataḥ sarvabhāvena sarvā syuḥ siddhayaḥ kare || 117 ||

jāyate mahadaiśvaryaṃ sarveṣāṃ dayito bhavet |

ghanasārāyate vahniragādhobdhiḥ kaṇāyate || 118 ||

siddhayaśca tṛṇāyante viṣamapyamṛtāyate |

hārāyante mahāsarpāḥ siṃhaḥ krīḍāmṛgāyate || 119 ||

dāsāyante mahīpālā jaganmitrāyate'khilam |

tasmānnāmnāṃ sahasreṇa stutā sā jagadambikā |

prayacchatyakhilān kāmān dehānte paramāṃ gatim || 120 ||

iti uḍḍāmaratantre śrī ādivārāhī sahasranāma stotram ||