📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌉𑌮𑌾 𑌮𑌹𑍇𑌶𑍍𑌵𑌰 𑌸𑍍𑌤𑍋𑌤𑍍𑌰𑌮𑍍
Uma Maheshvara Stotram
Stotram Adi Shankaracharya Grantha
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌨𑌵𑌯𑍗𑌵𑌨𑌾𑌭𑍍𑌯𑌾𑌂
𑌪𑌰𑌸𑍍𑌪𑌰𑌾𑌶𑍍𑌲𑌿𑌷𑍍𑌟𑌵𑌪𑍁𑌰𑍍𑌧𑌰𑌾𑌭𑍍𑌯𑌾𑌮𑍍 ।
𑌨𑌗𑍇𑌨𑍍𑌦𑍍𑌰𑌕𑌨𑍍𑌯𑌾𑌵𑍃𑌷𑌕𑍇𑌤𑌨𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 1 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌸𑌰𑌸𑍋𑌤𑍍𑌸𑌵𑌾𑌭𑍍𑌯𑌾𑌂
𑌨𑌮𑌸𑍍𑌕𑍃𑌤𑌾𑌭𑍀𑌷𑍍𑌟𑌵𑌰𑌪𑍍𑌰𑌦𑌾𑌭𑍍𑌯𑌾𑌮𑍍 ।
𑌨𑌾𑌰𑌾𑌯𑌣𑍇𑌨𑌾𑌰𑍍𑌚𑌿𑌤𑌪𑌾𑌦𑍁𑌕𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 2 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌵𑍃𑌷𑌵𑌾𑌹𑌨𑌾𑌭𑍍𑌯𑌾𑌂
𑌵𑌿𑌰𑌿𑌞𑍍𑌚𑌿𑌵𑌿𑌷𑍍𑌣𑍍𑌵𑌿𑌨𑍍𑌦𑍍𑌰𑌸𑍁𑌪𑍂𑌜𑌿𑌤𑌾𑌭𑍍𑌯𑌾𑌮𑍍 ।
𑌵𑌿𑌭𑍂𑌤𑌿𑌪𑌾𑌟𑍀𑌰𑌵𑌿𑌲𑍇𑌪𑌨𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 3 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌜𑌗𑌦𑍀𑌶𑍍𑌵𑌰𑌾𑌭𑍍𑌯𑌾𑌂
𑌜𑌗𑌤𑍍𑌪𑌤𑌿𑌭𑍍𑌯𑌾𑌂 𑌜𑌯𑌵𑌿𑌗𑍍𑌰𑌹𑌾𑌭𑍍𑌯𑌾𑌮𑍍 ।
𑌜𑌮𑍍𑌭𑌾𑌰𑌿𑌮𑍁𑌖𑍍𑌯𑍈𑌰𑌭𑌿𑌵𑌨𑍍𑌦𑌿𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 4 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌪𑌰𑌮𑍗𑌷𑌧𑌾𑌭𑍍𑌯𑌾𑌂
𑌪𑌞𑍍𑌚𑌾𑌕𑍍𑌷𑌰𑍀𑌪𑌞𑍍𑌜𑌰𑌰𑌞𑍍𑌜𑌿𑌤𑌾𑌭𑍍𑌯𑌾𑌮𑍍 ।
𑌪𑍍𑌰𑌪𑌞𑍍𑌚𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌸𑌂𑌹𑍃𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 5 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌮𑌤𑌿𑌸𑍁𑌨𑍍𑌦𑌰𑌾𑌭𑍍𑌯𑌾𑌂
𑌅𑌤𑍍𑌯𑌨𑍍𑌤𑌮𑌾𑌸𑌕𑍍𑌤𑌹𑍃𑌦𑌮𑍍𑌬𑍁𑌜𑌾𑌭𑍍𑌯𑌾𑌮𑍍 ।
𑌅𑌶𑍇𑌷𑌲𑍋𑌕𑍈𑌕𑌹𑌿𑌤𑌙𑍍𑌕𑌰𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 6 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌕𑌲𑌿𑌨𑌾𑌶𑌨𑌾𑌭𑍍𑌯𑌾𑌂
𑌕𑌙𑍍𑌕𑌾𑌲𑌕𑌲𑍍𑌯𑌾𑌣𑌵𑌪𑍁𑌰𑍍𑌧𑌰𑌾𑌭𑍍𑌯𑌾𑌮𑍍 ।
𑌕𑍈𑌲𑌾𑌸𑌶𑍈𑌲𑌸𑍍𑌥𑌿𑌤𑌦𑍇𑌵𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 7 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌮𑌶𑍁𑌭𑌾𑌪𑌹𑌾𑌭𑍍𑌯𑌾𑌂
𑌅𑌶𑍇𑌷𑌲𑍋𑌕𑍈𑌕𑌵𑌿𑌶𑍇𑌷𑌿𑌤𑌾𑌭𑍍𑌯𑌾𑌮𑍍 ।
𑌅𑌕𑍁𑌣𑍍𑌠𑌿𑌤𑌾𑌭𑍍𑌯𑌾𑌂 𑌸𑍍𑌮𑍃𑌤𑌿𑌸𑌮𑍍𑌭𑍃𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 8 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌰𑌥𑌵𑌾𑌹𑌨𑌾𑌭𑍍𑌯𑌾𑌂
𑌰𑌵𑍀𑌨𑍍𑌦𑍁𑌵𑍈𑌶𑍍𑌵𑌾𑌨𑌰𑌲𑍋𑌚𑌨𑌾𑌭𑍍𑌯𑌾𑌮𑍍 ।
𑌰𑌾𑌕𑌾𑌶𑌶𑌾𑌙𑍍𑌕𑌾𑌭𑌮𑍁𑌖𑌾𑌮𑍍𑌬𑍁𑌜𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 9 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌜𑌟𑌿𑌲𑌨𑍍𑌧𑌰𑌾𑌭𑍍𑌯𑌾𑌂
𑌜𑌰𑌾𑌮𑍃𑌤𑌿𑌭𑍍𑌯𑌾𑌂 𑌚 𑌵𑌿𑌵𑌰𑍍𑌜𑌿𑌤𑌾𑌭𑍍𑌯𑌾𑌮𑍍 ।
𑌜𑌨𑌾𑌰𑍍𑌦𑌨𑌾𑌬𑍍𑌜𑍋𑌦𑍍𑌭𑌵𑌪𑍂𑌜𑌿𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 10 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌵𑌿𑌷𑌮𑍇𑌕𑍍𑌷𑌣𑌾𑌭𑍍𑌯𑌾𑌂
𑌬𑌿𑌲𑍍𑌵𑌚𑍍𑌛𑌦𑌾𑌮𑌲𑍍𑌲𑌿𑌕𑌦𑌾𑌮𑌭𑍃𑌦𑍍𑌭𑍍𑌯𑌾𑌮𑍍 ।
𑌶𑍋𑌭𑌾𑌵𑌤𑍀𑌶𑌾𑌨𑍍𑌤𑌵𑌤𑍀𑌶𑍍𑌵𑌰𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 11 ॥
𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌪𑌶𑍁𑌪𑌾𑌲𑌕𑌾𑌭𑍍𑌯𑌾𑌂
𑌜𑌗𑌤𑍍𑌰𑌯𑍀𑌰𑌕𑍍𑌷𑌣𑌬𑌦𑍍𑌧𑌹𑍃𑌦𑍍𑌭𑍍𑌯𑌾𑌮𑍍 ।
𑌸𑌮𑌸𑍍𑌤𑌦𑍇𑌵𑌾𑌸𑍁𑌰𑌪𑍂𑌜𑌿𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌙𑍍𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 12 ॥
𑌸𑍍𑌤𑍋𑌤𑍍𑌰𑌂 𑌤𑍍𑌰𑌿𑌸𑌨𑍍𑌧𑍍𑌯𑌂 𑌶𑌿𑌵𑌪𑌾𑌰𑍍𑌵𑌤𑍀𑌭𑍍𑌯𑌾𑌂
𑌭𑌕𑍍𑌤𑍍𑌯𑌾 𑌪𑌠𑍇𑌦𑍍𑌦𑍍𑌵𑌾𑌦𑌶𑌕𑌂 𑌨𑌰𑍋 𑌯𑌃 ।
𑌸 𑌸𑌰𑍍𑌵𑌸𑍗𑌭𑌾𑌗𑍍𑌯𑌫𑌲𑌾𑌨𑌿
𑌭𑍁𑌙𑍍𑌕𑍍𑌤𑍇 𑌶𑌤𑌾𑌯𑍁𑌰𑌾𑌨𑍍𑌤𑍇 𑌶𑌿𑌵𑌲𑍋𑌕𑌮𑍇𑌤𑌿 ॥ 13 ॥
Roman (IAST) Transliteration
namaḥ śivābhyāṃ navayauvanābhyāṃ
parasparāśliṣṭavapurdharābhyām |
nagendrakanyāvṛṣaketanābhyāṃ
namo namaḥ śaṅkarapārvatībhyām || 1 ||
namaḥ śivābhyāṃ sarasotsavābhyāṃ
namaskṛtābhīṣṭavarapradābhyām |
nārāyaṇenārcitapādukābhyāṃ
namo namaḥ śaṅkarapārvatībhyām || 2 ||
namaḥ śivābhyāṃ vṛṣavāhanābhyāṃ
viriñciviṣṇvindrasupūjitābhyām |
vibhūtipāṭīravilepanābhyāṃ
namo namaḥ śaṅkarapārvatībhyām || 3 ||
namaḥ śivābhyāṃ jagadīśvarābhyāṃ
jagatpatibhyāṃ jayavigrahābhyām |
jambhārimukhyairabhivanditābhyāṃ
namo namaḥ śaṅkarapārvatībhyām || 4 ||
namaḥ śivābhyāṃ paramauṣadhābhyāṃ
pañcākṣarīpañjararañjitābhyām |
prapañcasṛṣṭisthitisaṃhṛtābhyāṃ
namo namaḥ śaṅkarapārvatībhyām || 5 ||
namaḥ śivābhyāmatisundarābhyāṃ
atyantamāsaktahṛdambujābhyām |
aśeṣalokaikahitaṅkarābhyāṃ
namo namaḥ śaṅkarapārvatībhyām || 6 ||
namaḥ śivābhyāṃ kalināśanābhyāṃ
kaṅkālakalyāṇavapurdharābhyām |
kailāsaśailasthitadevatābhyāṃ
namo namaḥ śaṅkarapārvatībhyām || 7 ||
namaḥ śivābhyāmaśubhāpahābhyāṃ
aśeṣalokaikaviśeṣitābhyām |
akuṇṭhitābhyāṃ smṛtisambhṛtābhyāṃ
namo namaḥ śaṅkarapārvatībhyām || 8 ||
namaḥ śivābhyāṃ rathavāhanābhyāṃ
ravīnduvaiśvānaralocanābhyām |
rākāśaśāṅkābhamukhāmbujābhyāṃ
namo namaḥ śaṅkarapārvatībhyām || 9 ||
namaḥ śivābhyāṃ jaṭilandharābhyāṃ
jarāmṛtibhyāṃ ca vivarjitābhyām |
janārdanābjodbhavapūjitābhyāṃ
namo namaḥ śaṅkarapārvatībhyām || 10 ||
namaḥ śivābhyāṃ viṣamekṣaṇābhyāṃ
bilvacchadāmallikadāmabhṛdbhyām |
śobhāvatīśāntavatīśvarābhyāṃ
namo namaḥ śaṅkarapārvatībhyām || 11 ||
namaḥ śivābhyāṃ paśupālakābhyāṃ
jagatrayīrakṣaṇabaddhahṛdbhyām |
samastadevāsurapūjitābhyāṃ
namo namaḥ śaṅkarapārvatībhyām || 12 ||
stotraṃ trisandhyaṃ śivapārvatībhyāṃ
bhaktyā paṭheddvādaśakaṃ naro yaḥ |
sa sarvasaubhāgyaphalāni
bhuṅkte śatāyurānte śivalokameti || 13 ||
InfoLyter.in — Sacred Vedic Knowledge Portal · Free forever