Shri Surya Shatakam — InfoLyter.in

ॐ

𑌶𑍍𑌰𑍀 𑌸𑍂𑌰𑍍𑌯 𑌶𑌤𑌕𑌮𑍍

Shri Surya Shatakam

Surya Shatakam Mayura Grantha

॥ 𑌸𑍂𑌰𑍍𑌯𑌶𑌤𑌕𑌮𑍍 ॥

𑌮𑌹𑌾𑌕𑌵𑌿𑌶𑍍𑌰𑍀𑌮𑌯𑍂𑌰𑌪𑍍𑌰𑌣𑍀𑌤𑌮𑍍

॥ 𑌶𑍍𑌰𑍀 𑌗𑌣𑍇𑌶𑌾𑌯 𑌨𑌮𑌃 ॥

𑌜𑌮𑍍𑌭𑌾𑌰𑌾𑌤𑍀𑌭𑌕𑍁𑌮𑍍𑌭𑍋𑌦𑍍𑌭𑌵𑌮𑌿𑌵 𑌦𑌧𑌤𑌃 𑌸𑌾𑌨𑍍𑌦𑍍𑌰𑌸𑌿𑌨𑍍𑌦𑍂𑌰𑌰𑍇𑌣𑍁𑌂

𑌰𑌕𑍍𑌤𑌾𑌃 𑌸𑌿𑌕𑍍𑌤𑌾 𑌇𑌵𑍗𑌘𑍈𑌰𑍁𑌦𑌯𑌗𑌿𑌰𑌿𑌤𑌟𑍀𑌧𑌾𑌤𑍁𑌧𑌾𑌰𑌾𑌦𑍍𑌰𑌵𑌸𑍍𑌯 । 𑌵𑌰𑍍 𑌸𑌕𑍍𑌤𑍈𑌃

𑌆𑌯𑌾𑌨𑍍𑌤𑍍𑌯𑌾 𑌤𑍁𑌲𑍍𑌯𑌕𑌾𑌲𑌂 𑌕𑌮𑌲𑌵𑌨𑌰𑍁𑌚𑍇𑌵𑌾𑌰𑍁𑌣𑌾 𑌵𑍋 𑌵𑌿𑌭𑍂𑌤𑍍𑌯𑍈

𑌭𑍂𑌯𑌾𑌸𑍁𑌰𑍍𑌭𑌾𑌸𑌯𑌨𑍍𑌤𑍋 𑌭𑍁𑌵𑌨𑌮𑌭𑌿𑌨𑌵𑌾 𑌭𑌾𑌨𑌵𑍋 𑌭𑌾𑌨𑌵𑍀𑌯𑌾𑌃 ॥ 1 ॥

𑌭𑌕𑍍𑌤𑌿𑌪𑍍𑌰𑌹𑍍𑌵𑌾𑌯 𑌦𑌾𑌤𑍁𑌂 𑌮𑍁𑌕𑍁𑌲𑌪𑍁𑌟𑌕𑍁𑌟𑍀𑌕𑍋𑌟𑌰𑌕𑍍𑌰𑍋𑌡𑌲𑍀𑌨𑌾𑌂

𑌲𑌕𑍍𑌷𑍍𑌮𑍀𑌮𑌾𑌕𑍍𑌰𑌷𑍍𑌟𑍁𑌕𑌾𑌮𑌾 𑌇𑌵 𑌕𑌮𑌲𑌵𑌨𑍋𑌦𑍍𑌧𑌾𑌟𑌨𑌂 𑌕𑍁𑌰𑍍𑌵𑌤𑍇 𑌯𑍇 ।

𑌕𑌾𑌲𑌾𑌕𑌾𑌰𑌾𑌨𑍍𑌧𑌕𑌾𑌰𑌾𑌨𑌨𑌪𑌤𑌿𑌤𑌜𑌗𑌤𑍍𑌸𑌾𑌧𑍍𑌵𑌸𑌧𑍍𑌵𑌂𑌸𑌕𑌲𑍍𑌯𑌾𑌃

𑌕𑌲𑍍𑌯𑌾𑌣𑌂 𑌵𑌃 𑌕𑍍𑌰𑌿𑌯𑌾𑌸𑍁𑌃 𑌕𑌿𑌸𑌲𑌯𑌰𑍁𑌚𑌯𑌸𑍍𑌤𑍇 𑌕𑌰𑌾 𑌭𑌾𑌸𑍍𑌕𑌰𑌸𑍍𑌯 ॥ 2 ॥

𑌗𑌰𑍍𑌭𑍇𑌷𑍍𑌵𑌮𑍍𑌭𑍋𑌰𑍁𑌹𑌾𑌣𑌾𑌂 𑌶𑌿𑌖𑌰𑌿𑌷𑍁 𑌚 𑌶𑌿𑌤𑌾𑌗𑍍𑌰𑍇𑌷𑍁 𑌤𑍁𑌲𑍍𑌯𑌂 𑌪𑌤𑌨𑍍𑌤𑌃

𑌪𑍍𑌰𑌾𑌰𑌮𑍍𑌭𑍇 𑌵𑌾𑌸𑌰𑌸𑍍𑌯 𑌵𑍍𑌯𑍁𑌪𑌰𑌤𑌿𑌸𑌮𑌯𑍇 𑌚𑍈𑌕𑌰𑍂𑌪𑌾𑌸𑍍𑌤𑌥𑍈𑌵 ।

𑌨𑌿𑌷𑍍𑌪𑌰𑍍𑌯𑌾𑌯𑌂 𑌪𑍍𑌰𑌵𑍃𑌤𑍍𑌤𑌾𑌸𑍍𑌤𑍍𑌰𑌿𑌭𑍁𑌵𑌨𑌭𑌵𑌨𑌪𑍍𑌰𑌾𑌙𑍍𑌗𑌣𑍇 𑌪𑌾𑌨𑍍𑌤𑍁 𑌯𑍁𑌷𑍍𑌮𑌾-

𑌨𑍂𑌷𑍍𑌮𑌾𑌣𑌂 𑌸𑌨𑍍𑌤𑌤𑌾𑌧𑍍𑌵𑌶𑍍𑌰𑌮𑌜𑌮𑌿𑌵 𑌭𑍃𑌶𑌂 𑌬𑌿𑌭𑍍𑌰𑌤𑍋 𑌬𑍍𑌰𑌧𑍍𑌨𑌪𑌾𑌦𑌾𑌃 ॥ 3 ॥

𑌪𑍍𑌰𑌭𑍍𑌰𑌶𑍍𑌯𑌤𑍍𑌯𑍁𑌤𑍍𑌤𑌰𑍀𑌯𑌤𑍍𑌵𑌿𑌷𑌿 𑌤𑌮𑌸𑌿 𑌸𑌮𑍁𑌦𑍍𑌦𑍀𑌕𑍍𑌷𑍍𑌯 𑌵𑍀𑌤𑌾𑌵𑍃𑌤𑍀𑌨𑍍𑌪𑍍𑌰𑌾-

𑌗𑍍𑌜𑌨𑍍𑌤𑍂𑌂𑌸𑍍𑌤𑌨𑍍𑌤𑍂𑌨𑍍𑌯𑌥𑌾 𑌯𑌾𑌨𑌤𑌨𑍁 𑌵𑌿𑌤𑌨𑍁𑌤𑍇 𑌤𑌿𑌗𑍍𑌮𑌰𑍋𑌚𑌿𑌰𑍍𑌮𑌰𑍀𑌚𑍀𑌨𑍍 ।

𑌤𑍇 𑌸𑌾𑌨𑍍𑌦𑍍𑌰𑍀𑌭𑍂𑌯 𑌸𑌦𑍍𑌯𑌃 𑌕𑍍𑌰𑌮𑌵𑌿𑌶𑌦𑌦𑌶𑌾𑌶𑌾𑌦𑌶𑌾𑌲𑍀𑌵𑌿𑌶𑌾𑌲𑌂

𑌶𑌶𑍍𑌵𑌤𑍍𑌸𑌮𑍍𑌪𑌾𑌦𑌯𑌨𑍍𑌤𑍋𑌽𑌮𑍍𑌬𑌰𑌮𑌮𑌲𑌮𑌲𑌂 𑌮𑌙𑍍𑌗𑌲𑌂 𑌵𑍋 𑌦𑌿𑌶𑌨𑍍𑌤𑍁 ॥ 4 ॥

𑌨𑍍𑌯𑌕𑍍𑌕𑍁𑌰𑍍𑌵𑌨𑍍𑌨𑍋𑌷𑌧𑍀𑌶𑍇 𑌮𑍁𑌷𑌿𑌤𑌰𑍁𑌚𑌿 𑌶𑍁𑌚𑍇𑌵𑍗𑌷𑌧𑍀𑌃 𑌪𑍍𑌰𑍋𑌷𑌿𑌤𑌾𑌭𑌾

𑌭𑌾𑌸𑍍𑌵𑌦𑍍𑌗𑍍𑌰𑌾𑌵𑍋𑌦𑍍𑌗𑌤𑍇𑌨 𑌪𑍍𑌰𑌥𑌮𑌮𑌿𑌵 𑌕𑍃𑌤𑌾𑌭𑍍𑌯𑍁𑌦𑍍𑌗𑌤𑌿𑌃 𑌪𑌾𑌵𑌕𑍇𑌨 ।

𑌪𑌕𑍍𑌷𑌚𑍍𑌛𑍇𑌦𑌵𑍍𑌰𑌣𑌾𑌸𑍃𑌕𑍍𑌸𑍍𑌰𑍁𑌤 𑌇𑌵 𑌦𑍃𑌷𑌦𑍋 𑌦𑌰𑍍𑌶𑌯𑌨𑍍𑌪𑍍𑌰𑌾𑌤𑌰𑌦𑍍𑌰𑍇-

𑌰𑌾𑌤𑌾𑌮𑍍𑌰𑌸𑍍𑌤𑍀𑌵𑍍𑌰𑌭𑌾𑌨𑍋𑌰𑌨𑌭𑌿𑌮𑌤𑌨𑍁𑌦𑍇 𑌸𑍍𑌤𑌾𑌦𑍍𑌗𑌭𑌸𑍍𑌤𑍍𑌯𑍁𑌦𑍍𑌗𑌮𑍋 𑌵𑌃 ॥ 5 ॥

𑌶𑍀𑌰𑍍𑌣𑌘𑍍𑌰𑌾𑌣𑌾𑌙𑍍𑌘𑍍𑌰𑌿𑌪𑌾𑌣𑍀𑌨𑍍𑌵𑍍𑌰𑌣𑌿𑌭𑌿𑌰𑌪𑌘𑌨𑍈𑌰𑍍𑌘𑌰𑍍𑌘𑌰𑌾𑌵𑍍𑌯𑌕𑍍𑌤𑌘𑍋𑌷𑌾𑌨𑍍

𑌦𑍀𑌰𑍍𑌘𑌾𑌘𑍍𑌰𑌾𑌤𑌾𑌨𑌘𑍗𑌘𑍈 𑌪𑍁𑌨𑌰𑌪𑌿 𑌘𑌟𑌯𑌤𑍍𑌯𑍇𑌕 𑌉𑌲𑍍𑌲𑌾𑌘𑌯𑌨𑍍 𑌯𑌃 ।

𑌘𑌰𑍍𑌮𑌾𑌂𑌶𑍋𑌸𑍍𑌤𑌸𑍍𑌯 𑌵𑍋𑌽𑌨𑍍𑌤𑌰𑍍𑌦𑍍𑌵𑌿𑌗𑍁𑌣𑌘𑌨𑌘𑍃𑌣𑌾𑌨𑌿𑌘𑍍𑌨𑌨𑌿𑌰𑍍𑌵𑌿𑌘𑍍𑌨𑌵𑍃𑌤𑍍𑌤𑍇-

𑌰𑍍𑌦𑌤𑍍𑌤𑌾𑌰𑍍𑌘𑌾𑌃 𑌸𑌿𑌦𑍍𑌧𑌸𑌙𑍍𑌘𑍈𑌰𑍍𑌵𑌿𑌦𑌧𑌤𑍁 𑌘𑍃𑌣𑌯𑌃 𑌶𑍀𑌘𑍍𑌰𑌮𑌂𑌹𑍋𑌵𑌿𑌧𑌾𑌤𑌮𑍍 ॥ 6 ॥

𑌬𑌿𑌭𑍍𑌰𑌾𑌣𑌾 𑌵𑌾𑌮𑌨𑌤𑍍𑌵𑌂 𑌪𑍍𑌰𑌥𑌮𑌮𑌥 𑌤𑌥𑍈𑌵𑌾𑌂𑌶𑌵𑌃 𑌪𑍍𑌰𑌾𑌂𑌶𑌵𑍋 𑌵𑌃

𑌕𑍍𑌰𑌾𑌨𑍍𑌤𑌾𑌕𑌾𑌶𑌾𑌨𑍍𑌤𑌰𑌾𑌲𑌾𑌸𑍍𑌤𑌦𑌨𑍁 𑌦𑌶𑌦𑌿𑌶𑌃 𑌪𑍂𑌰𑌯𑌨𑍍𑌤𑌸𑍍𑌤𑌤𑍋𑌽𑌪𑌿 ।

𑌧𑍍𑌵𑌾𑌨𑍍𑌤𑌾𑌦𑌾𑌚𑍍𑌛𑌿𑌦𑍍𑌯 𑌦𑍇𑌵𑌦𑍍𑌵𑌿𑌷 𑌇𑌵 𑌬𑌲𑌿𑌤𑍋 𑌵𑌿𑌶𑍍𑌵𑌮𑌾𑌶𑍍𑌵𑌶𑍍𑌨𑍁𑌵𑌾𑌨𑌾𑌃 𑌵𑌰𑍍 𑌦𑍇𑌵𑌦𑍍𑌰𑍁𑌹

𑌕𑍃𑌚𑍍𑌛𑍍𑌰𑌾𑌣𑍍𑌯𑍁𑌚𑍍𑌛𑍍𑌰𑌾𑌯𑌹𑍇𑌲𑍋𑌪𑌹𑌸𑌿𑌤𑌹𑌰𑌯𑍋 𑌹𑌾𑌰𑌿𑌦𑌶𑍍𑌵𑌾 𑌹𑌰𑌨𑍍𑌤𑍁 ॥ 7 ॥

𑌉𑌦𑍍𑌗𑌾𑌢𑍇𑌨𑌾𑌰𑍁𑌣𑌿𑌮𑍍𑌨𑌾 𑌵𑌿𑌦𑌧𑌤𑌿 𑌬𑌹𑍁𑌲𑌂 𑌯𑍇𑌽𑌰𑍁𑌣𑌸𑍍𑌯𑌾𑌰𑍁𑌣𑌤𑍍𑌵𑌂

𑌮𑍂𑌰𑍍𑌧𑍋𑌦𑍍𑌧𑍂𑌤𑍗 𑌖𑌲𑍀𑌨𑌕𑍍𑌷𑌤𑌰𑍁𑌧𑌿𑌰𑌰𑍁𑌚𑍋 𑌯𑍇 𑌰𑌥𑌾𑌶𑍍𑌵𑌾𑌨𑌨𑍇𑌷𑍁 ।

𑌶𑍈𑌲𑌾𑌨𑌾𑌂 𑌶𑍇𑌖𑌰𑌤𑍍𑌵𑌂 𑌶𑍍𑌰𑌿𑌤𑌶𑌿𑌖𑌰𑌿𑌶𑌿𑌖𑌾𑌸𑍍𑌤𑌨𑍍𑌵𑌤𑍇 𑌯𑍇 𑌦𑌿𑌶𑌨𑍍𑌤𑍁 𑌵𑌰𑍍 𑌶𑌿𑌖𑌰𑌶𑌿𑌖𑌾𑌃

𑌪𑍍𑌰𑍇𑌙𑍍𑌖𑌨𑍍𑌤𑌃 𑌖𑍇 𑌖𑌰𑌾𑌂𑌶𑍋𑌃 𑌖𑌚𑌿𑌤𑌦𑌿𑌨𑌮𑍁𑌖𑌾𑌸𑍍𑌤𑍇 𑌮𑌯𑍂𑌖𑌾𑌃 𑌸𑍁𑌖𑌂 𑌵𑌃 ॥ 8 ॥

𑌦𑌤𑍍𑌤𑌾𑌨𑌨𑍍𑌦𑌾𑌃 𑌪𑍍𑌰𑌜𑌾𑌨𑌾𑌂 𑌸𑌮𑍁𑌚𑌿𑌤𑌸𑌮𑌯𑌾𑌕𑍃𑌷𑍍𑌟𑌸𑍃𑌷𑍍𑌟𑍈𑌃 𑌪𑌯𑍋𑌭𑌿𑌃 𑌵𑌰𑍍 𑌅𑌕𑍍𑌲𑌿𑌷𑍍𑌟𑌸𑍃𑌷𑍍𑌟𑍈𑌃

𑌪𑍂𑌰𑍍𑌵𑌾𑌹𑍍𑌣𑍇 𑌵𑌿𑌪𑍍𑌰𑌕𑍀𑌰𑍍𑌣𑌾 𑌦𑌿𑌶𑌿 𑌦𑌿𑌶𑌿 𑌵𑌿𑌰𑌮𑌤𑍍𑌯𑌹𑍍𑌨𑌿 𑌸𑌂𑌹𑌾𑌰𑌭𑌾𑌜𑌃 ।

𑌦𑍀𑌪𑍍𑌤𑌾𑌂𑌶𑍋𑌰𑍍𑌦𑍀𑌰𑍍𑌘𑌦𑍁𑌃𑌖𑌪𑍍𑌰𑌭𑌵𑌭𑌵𑌭𑌯𑍋𑌦𑌨𑍍𑌵𑌦𑍁𑌤𑍍𑌤𑌾𑌰𑌨𑌾𑌵𑍋

𑌗𑌾𑌵𑍋 𑌵𑌃 𑌪𑌾𑌵𑌨𑌾𑌨𑌾𑌂 𑌪𑌰𑌮𑌪𑌰𑌿𑌮𑌿𑌤𑌾𑌂 𑌪𑍍𑌰𑍀𑌤𑌿𑌮𑍁𑌤𑍍𑌪𑌾𑌦𑌯𑌨𑍍𑌤𑍁 ॥ 9 ॥

𑌬𑌨𑍍𑌧𑌧𑍍𑌵𑌂𑌸𑍈𑌕𑌹𑍇𑌤𑍁𑌂 𑌶𑌿𑌰𑌸𑌿 𑌨𑌤𑌿𑌰𑌸𑌾𑌬𑌦𑍍𑌧𑌸𑌨𑍍𑌧𑍍𑌯𑌾𑌞𑍍𑌜𑌲𑍀𑌨𑌾𑌂

𑌲𑍋𑌕𑌾𑌨𑌾𑌂 𑌯𑍇 𑌪𑍍𑌰𑌬𑍋𑌧𑌂 𑌵𑌿𑌦𑌧𑌤𑌿 𑌵𑌿𑌪𑍁𑌲𑌾𑌮𑍍𑌭𑍋𑌜𑌖𑌣𑍍𑌡𑌾𑌶𑌯𑍇𑌵 ।

𑌯𑍁𑌷𑍍𑌮𑌾𑌕𑌂 𑌤𑍇 𑌸𑍍𑌵𑌚𑌿𑌤𑍍𑌤𑌪𑍍𑌰𑌥𑌿𑌤𑌪𑍃𑌥𑍁𑌤𑌰𑌪𑍍𑌰𑌾𑌰𑍍𑌥𑌨𑌾𑌕𑌲𑍍𑌪𑌵𑍃𑌕𑍍𑌷𑌾𑌃 𑌵𑌰𑍍 𑌪𑍍𑌰𑌥𑌿𑌮

𑌕𑌲𑍍𑌪𑌨𑍍𑌤𑌾𑌂 𑌨𑌿𑌰𑍍𑌵𑌿𑌕𑌲𑍍𑌪𑌂 𑌦𑌿𑌨𑌕𑌰𑌕𑌿𑌰𑌣𑌾𑌃 𑌕𑍇𑌤𑌵𑌃 𑌕𑌲𑍍𑌮𑌷𑌸𑍍𑌯 ॥ 10 ॥

𑌧𑌾𑌰𑌾 𑌰𑌾𑌯𑍋 𑌧𑌨𑌾𑌯𑌾𑌪𑌦𑌿 𑌸𑌪𑌦𑌿 𑌕𑌰𑌾𑌲𑌮𑍍𑌬𑌭𑍂𑌤𑌾𑌃 𑌪𑍍𑌰𑌪𑌾𑌤𑍇

𑌤𑌤𑍍𑌤𑍍𑌵𑌾𑌲𑍋𑌕𑍈𑌕𑌦𑍀𑌪𑌾𑌸𑍍𑌤𑍍𑌰𑌿𑌦𑌶𑌪𑌤𑌿𑌪𑍁𑌰𑌪𑍍𑌰𑌸𑍍𑌥𑌿𑌤𑍗 𑌵𑍀𑌥𑍍𑌯 𑌏𑌵 ।

𑌨𑌿𑌰𑍍𑌵𑌾𑌣𑍋𑌦𑍍𑌯𑍋𑌗𑌿𑌯𑍋𑌗𑌿𑌪𑍍𑌰𑌗𑌮𑌨𑌿𑌜𑌤𑌨𑍁𑌦𑍍𑌵𑌾𑌰𑌿 𑌵𑍇𑌤𑍍𑌰𑌾𑌯𑌮𑌾𑌣𑌾-

𑌸𑍍𑌤𑍍𑌰𑌾𑌯𑌨𑍍𑌤𑌾𑌂 𑌤𑍀𑌵𑍍𑌰𑌭𑌾𑌨𑍋𑌰𑍍𑌦𑌿𑌵𑌸𑌮𑍁𑌖𑌸𑍁𑌖𑌾 𑌰𑌶𑍍𑌮𑌯𑌃 𑌕𑌲𑍍𑌮𑌷𑌾𑌦𑍍𑌵𑌃 ॥ 11 ॥

𑌵𑌰𑍍 𑌤𑍀𑌵𑍍𑌰𑌭𑌾𑌸𑌃 𑌵𑌰𑍍 𑌕𑌶𑍍𑌮𑌲𑌾𑌦𑍍𑌵𑌃

𑌪𑍍𑌰𑌾𑌚𑌿 𑌪𑍍𑌰𑌾𑌗𑌾𑌚𑌰𑌨𑍍𑌤𑍍𑌯𑍋𑌽𑌨𑌤𑌿𑌚𑌿𑌰𑌮𑌚𑌲𑍇 𑌚𑌾𑌰𑍁𑌚𑍂𑌡𑌾𑌮𑌣𑌿𑌤𑍍𑌵𑌂

𑌮𑍁𑌞𑍍𑌚𑌨𑍍𑌤𑍍𑌯𑍋 𑌰𑍋𑌚𑌨𑌾𑌮𑍍𑌭𑌃 𑌪𑍍𑌰𑌚𑍁𑌰𑌮𑌿𑌵 𑌦𑌿𑌶𑌾𑌮𑍁𑌚𑍍𑌚𑌕𑍈𑌶𑍍𑌚𑌰𑍍𑌚𑌨𑌾𑌯 ।

𑌚𑌾𑌟𑍂𑌤𑍍𑌕𑍈𑌶𑍍𑌚𑌕𑍍𑌰𑌨𑌾𑌮𑍍𑌨𑌾𑌂 𑌚𑌤𑍁𑌰𑌮𑌵𑌿𑌚𑌲𑍈𑌰𑍍𑌲𑍋𑌚𑌨𑍈𑌰𑌰𑍍𑌚𑍍𑌯𑌮𑌾𑌨𑌾- 𑌵𑌰𑍍 𑌸𑍁𑌚𑌿𑌰𑌂

𑌶𑍍𑌚𑍇𑌷𑍍𑌟𑌨𑍍𑌤𑌾𑌂 𑌚𑌿𑌨𑍍𑌤𑌿𑌤𑌾𑌨𑌾𑌮𑍁𑌚𑌿𑌤𑌮𑌚𑌰𑌮𑌾𑌶𑍍𑌚𑌣𑍍𑌡𑌰𑍋𑌚𑍀𑌰𑍁𑌚𑍋 𑌵𑌃 ॥ 12 ॥

𑌏𑌕𑌂 𑌜𑍍𑌯𑍋𑌤𑌿𑌰𑍍𑌦𑍃𑌶𑍗 𑌦𑍍𑌵𑍇 𑌤𑍍𑌰𑌿𑌜𑌗𑌤𑌿 𑌗𑌦𑌿𑌤𑌾𑌨𑍍𑌯𑌬𑍍𑌜𑌜𑌾𑌸𑍍𑌯𑍈𑌶𑍍𑌚𑌤𑍁𑌰𑍍𑌭𑌿-

𑌰𑍍𑌭𑍂𑌤𑌾𑌨𑌾𑌂 𑌪𑌞𑍍𑌚𑌮𑌂 𑌯𑌾𑌨𑍍𑌯𑌲𑌮𑍃𑌤𑍁𑌷𑍁 𑌤𑌥𑌾 𑌷𑌟𑍍𑌸𑍁 𑌨𑌾𑌨𑌾𑌵𑌿𑌧𑌾𑌨𑌿 ।

𑌯𑍁𑌷𑍍𑌮𑌾𑌕𑌂 𑌤𑌾𑌨𑌿 𑌸𑌪𑍍𑌤𑌤𑍍𑌰𑌿𑌦𑌶𑌮𑍁𑌨𑌿𑌨𑍁𑌤𑌾𑌨𑍍𑌯𑌷𑍍𑌟𑌦𑌿𑌗𑍍𑌭𑌾𑌞𑍍𑌜𑌿 𑌭𑌾𑌨𑍋-

𑌰𑍍𑌯𑌾𑌨𑍍𑌤𑌿 𑌪𑍍𑌰𑌾𑌹𑍍𑌣𑍇 𑌨𑌵𑌤𑍍𑌵𑌂 𑌦𑌶 𑌦𑌧𑌤𑍁 𑌶𑌿𑌵𑌂 𑌦𑍀𑌧𑌿𑌤𑍀𑌨𑌾𑌂 𑌶𑌤𑌾𑌨𑌿 ॥ 13 ॥ 𑌵𑌰𑍍 𑌦𑌦𑌤𑍁

𑌆𑌵𑍃𑌤𑍍𑌤𑌿𑌭𑍍𑌰𑌾𑌨𑍍𑌤𑌵𑌿𑌶𑍍𑌵𑌾𑌃 𑌶𑍍𑌰𑌮𑌮𑌿𑌵 𑌦𑌧𑌤𑌃 𑌶𑍋𑌷𑌿𑌣𑌃 𑌸𑍍𑌵𑍋𑌷𑍍𑌮𑌣𑍇𑌵

𑌗𑍍𑌰𑍀𑌷𑍍𑌮𑍇 𑌦𑌾𑌵𑌾𑌗𑍍𑌨𑌿𑌤𑌪𑍍𑌤𑌾 𑌇𑌵 𑌰𑌸𑌮𑌸𑌕𑍃𑌦𑍍𑌯𑍇 𑌧𑌰𑌿𑌤𑍍𑌰𑍍𑌯𑌾 𑌧𑌯𑌨𑍍𑌤𑌿 ।

𑌤𑍇 𑌪𑍍𑌰𑌾𑌵𑍃𑌷𑍍𑌯𑌾𑌤𑍍𑌤𑌪𑌾𑌨𑌾𑌤𑌿𑌶𑌯𑌰𑍁𑌜 𑌇𑌵𑍋𑌦𑍍𑌵𑌾𑌨𑍍𑌤𑌤𑍋𑌯𑌾 𑌹𑌿𑌮𑌰𑍍𑌤𑍗

𑌮𑌾𑌰𑍍𑌤𑌣𑍍𑌡𑌸𑍍𑌯𑌾𑌪𑍍𑌰𑌚𑌣𑍍𑌡𑌾𑌶𑍍𑌚𑌿𑌰𑌮𑌶𑍁𑌭𑌭𑌿𑌦𑍇𑌽𑌭𑍀𑌷𑌵𑍋 𑌵𑍋 𑌭𑌵𑌨𑍍𑌤𑍁 ॥ 14 ॥

𑌤𑌨𑍍𑌵𑌾𑌨𑌾 𑌦𑌿𑌗𑍍𑌵𑌧𑍂𑌨𑌾𑌂 𑌸𑌮𑌧𑌿𑌕𑌮𑌧𑍁𑌰𑌾𑌲𑍋𑌕𑌰𑌮𑍍𑌯𑌾𑌮𑌵𑌸𑍍𑌥𑌾-

𑌮𑌾𑌰𑍁𑌢𑌪𑍍𑌰𑍗𑌢𑌿𑌲𑍇𑌶𑍋𑌤𑍍𑌕𑌲𑌿𑌤𑌕𑌪𑌿𑌲𑌿𑌮𑌾𑌲𑌙𑍍𑌕𑍃𑌤𑌿𑌃 𑌕𑍇𑌵𑌲𑍈𑌵 ।

𑌉𑌜𑍍𑌜𑍃𑌮𑍍𑌭𑌾𑌮𑍍𑌭𑍋𑌜𑌨𑍇𑌤𑍍𑌰𑌦𑍍𑌯𑍁𑌤𑌿𑌨𑌿 𑌦𑌿𑌨𑌮𑍁𑌖𑍇 𑌕𑌿𑌞𑍍𑌚𑌿𑌦𑍁𑌦𑍍𑌭𑌿𑌦𑍍𑌯𑌮𑌾𑌨𑌾

𑌶𑍍𑌮𑌶𑍍𑌰𑍁𑌶𑍍𑌰𑍇𑌣𑍀𑌵 𑌭𑌾𑌸𑌾𑌂 𑌦𑌿𑌶𑌤𑍁 𑌦𑌶𑌶𑌤𑍀 𑌶𑌰𑍍𑌮 𑌘𑌰𑍍𑌮𑌤𑍍𑌵𑌿𑌷𑍋 𑌵𑌃 ॥ 15 ॥

𑌮𑍗𑌲𑍀𑌨𑍍𑌦𑍋𑌰𑍍𑌮𑍈𑌷 𑌮𑍋𑌷𑍀𑌦𑍍𑌦𑍍𑌯𑍁𑌤𑌿𑌮𑌿𑌤𑌿 𑌵𑍃𑌷𑌭𑌾𑌙𑍍𑌕𑍇𑌨 𑌯𑌃 𑌶𑌙𑍍𑌕𑌿𑌨𑍇𑌵

𑌪𑍍𑌰𑌤𑍍𑌯𑌗𑍍𑌰𑍋𑌦𑍍𑌘𑌾𑌟𑌿𑌤𑌾𑌮𑍍𑌭𑍋𑌰𑍁𑌹𑌕𑍁𑌹𑌰𑌗𑍁𑌹𑌾𑌸𑍁𑌸𑍍𑌥𑌿𑌤𑍇𑌨𑍇𑌵 𑌧𑌾𑌤𑍍𑌰𑌾 ।

𑌕𑍃𑌷𑍍𑌣𑍇𑌨 𑌧𑍍𑌵𑌾𑌨𑍍𑌤𑌕𑍃𑌷𑍍𑌣𑌸𑍍𑌵𑌤𑌨𑍁𑌪𑌰𑌿𑌭𑌵𑌤𑍍𑌰𑌸𑍍𑌨𑍁𑌨𑍇𑌵 𑌸𑍍𑌤𑍁𑌤𑍋𑌽𑌲𑌂

𑌤𑍍𑌰𑌾𑌣𑌾𑌯 𑌸𑍍𑌤𑌾𑌤𑍍𑌤𑌨𑍀𑌯𑌾𑌨𑌪𑌿 𑌤𑌿𑌮𑌿𑌰𑌰𑌿𑌪𑍋𑌃 𑌸 𑌤𑍍𑌵𑌿𑌷𑌾𑌮𑍁𑌦𑍍𑌗𑌮𑍋 𑌵𑌃 ॥ 16 ॥

𑌵𑌿𑌸𑍍𑌤𑍀𑌰𑍍𑌣𑌂 𑌵𑍍𑌯𑍋𑌮 𑌦𑍀𑌰𑍍𑌘𑌾𑌃 𑌸𑌪𑌦𑌿 𑌦𑌶 𑌦𑌿𑌶𑍋 𑌵𑍍𑌯𑌸𑍍𑌤𑌵𑍇𑌲𑌾𑌮𑍍𑌭𑌸𑍋𑌽𑌬𑍍𑌧𑍀𑌨𑍍

𑌕𑍁𑌰𑍍𑌵𑌦𑍍𑌭𑌿𑌰𑍍𑌦𑍃𑌶𑍍𑌯𑌨𑌾𑌨𑌾𑌨𑌗𑌨𑌗𑌰𑌨𑌗𑌾𑌭𑍋𑌗𑌪𑍃𑌥𑍍𑌵𑍀𑌂 𑌚 𑌪𑍃𑌥𑍍𑌵𑍀𑌮𑍍 ।

𑌪𑌦𑍍𑌮𑌿𑌨𑍍𑌯𑍁𑌚𑍍𑌛𑍍𑌵𑌾𑌸𑍍𑌯𑌤𑍇 𑌯𑍈𑌰𑍁𑌷𑌸𑌿 𑌜𑌗𑌦𑌪𑌿 𑌧𑍍𑌵𑌂𑌸𑌯𑌿𑌤𑍍𑌵𑌾 𑌤𑌮𑌿𑌸𑍍𑌰𑌾-

𑌮𑍁𑌸𑍍𑌰𑌾 𑌵𑌿𑌸𑍍𑌰𑌂𑌸𑌯𑌨𑍍𑌤𑍁 𑌦𑍍𑌰𑍁𑌤𑌮𑌨𑌭𑌿𑌮𑌤𑌂 𑌤𑍇 𑌸𑌹𑌸𑍍𑌰𑌤𑍍𑌵𑌿𑌷𑍋 𑌵𑌃 ॥ 17 ॥ 𑌵𑌰𑍍 𑌵𑌿𑌸𑍍𑌰𑌾𑌵𑌯𑌨𑍍𑌤𑍁

𑌅𑌸𑍍𑌤𑌵𑍍𑌯𑌸𑍍𑌤𑌤𑍍𑌵𑌶𑍂𑌨𑍍𑌯𑍋 𑌨𑌿𑌜𑌰𑍁𑌚𑌿𑌰𑌨𑌿𑌶𑌾𑌨𑌶𑍍𑌵𑌰𑌃 𑌕𑌰𑍍𑌤𑍁𑌮𑍀𑌶𑍋

𑌵𑌿𑌶𑍍𑌵𑌂 𑌵𑍇𑌶𑍍𑌮𑍇𑌵 𑌦𑍀𑌪𑌃 𑌪𑍍𑌰𑌤𑌿𑌹𑌤𑌤𑌿𑌮𑌿𑌰𑌂 𑌯𑌃 𑌪𑍍𑌰𑌦𑍇𑌶𑌸𑍍𑌥𑌿𑌤𑍋𑌽𑌪𑌿 ।

𑌦𑌿𑌕𑍍𑌕𑌾𑌲𑌾𑌪𑍇𑌕𑍍𑌷𑌯𑌾𑌸𑍗 𑌤𑍍𑌰𑌿𑌭𑍁𑌵𑌨𑌮𑌟𑌤𑌸𑍍𑌤𑌿𑌗𑍍𑌮𑌭𑌾𑌨𑍋𑌰𑍍𑌨𑌵𑌾𑌖𑍍𑌯𑌾𑌂

𑌯𑌾𑌤𑌃 𑌶𑌾𑌤𑌕𑍍𑌰𑌤𑌵𑍍𑌯𑌾𑌂 𑌦𑌿𑌶𑌿 𑌦𑌿𑌶𑌤𑍁 𑌶𑌿𑌵𑌂 𑌸𑍋𑌽𑌰𑍍𑌚𑌿𑌷𑌾𑌮𑍁𑌦𑍍𑌗𑌮𑍋 𑌵𑌃 ॥ 18 ॥

𑌮𑌾𑌗𑌾𑌨𑍍𑌮𑍍𑌲𑌾𑌨𑌿𑌂 𑌮𑍃𑌣𑌾𑌲𑍀 𑌮𑍃𑌦𑍁𑌰𑌿𑌤𑌿 𑌦𑌯𑌯𑍇𑌵𑌾𑌪𑍍𑌰𑌵𑌿𑌷𑍍𑌟𑍋𑌽𑌹𑌿𑌲𑍋𑌕𑌂

𑌲𑍋𑌕𑌾𑌲𑍋𑌕𑌸𑍍𑌯 𑌪𑌾𑌰𑍍𑌶𑍍𑌵𑌂 𑌪𑍍𑌰𑌤𑌪𑌤𑌿 𑌨 𑌪𑌰𑌂 𑌯𑌸𑍍𑌤𑌦𑌾𑌖𑍍𑌯𑌾𑌰𑍍𑌥𑌮𑍇𑌵 ।

𑌊𑌰𑍍𑌧𑍍𑌵𑌂 𑌬𑍍𑌰𑌹𑍍𑌮𑌾𑌣𑍍𑌡𑌖𑌣𑍍𑌡𑌸𑍍𑌫𑍁𑌟𑌨𑌭𑌯𑌪𑌰𑌿𑌤𑍍𑌯𑌕𑍍𑌤𑌦𑍈𑌰𑍍𑌘𑍍𑌯𑍋 𑌦𑍍𑌯𑍁𑌸𑍀𑌮𑍍𑌨𑌿

𑌸𑍍𑌵𑍇𑌛𑌾𑌵𑌶𑍍𑌯𑌾𑌵𑌕𑌾𑌶𑌾𑌵𑌧𑌿𑌰𑌵𑌤𑍁 𑌸 𑌵𑌸𑍍𑌤𑌾𑌪𑌨𑍋 𑌰𑍋𑌚𑌿𑌰𑍋𑌘𑌃 ॥ 19 ॥

𑌅𑌶𑍍𑌯𑌾𑌮𑌃 𑌕𑌾𑌲 𑌏𑌕𑍋 𑌨 𑌭𑌵𑌤𑌿 𑌭𑍁𑌵𑌨𑌾𑌨𑍍𑌤𑍋𑌽𑌪𑌿 𑌵𑍀𑌤𑍇𑌽𑌨𑍍𑌧𑌕𑌾𑌰𑍇 𑌵𑌰𑍍 𑌵𑍀𑌤𑌾𑌨𑍍𑌧𑌕𑌾𑌰𑌃

𑌸𑌦𑍍𑌯𑌃 𑌪𑍍𑌰𑌾𑌲𑍇𑌯𑌪𑌾𑌦𑍋 𑌨 𑌵𑌿𑌲𑌯𑌮𑌚𑌲𑌶𑍍𑌚𑌨𑍍𑌦𑍍𑌰𑌮𑌾 𑌅𑌪𑍍𑌯𑍁𑌪𑍈𑌤𑌿 ।

𑌬𑌨𑍍𑌧𑌃 𑌸𑌿𑌦𑍍𑌧𑌾𑌞𑍍𑌜𑌲𑍀𑌨𑌾𑌂 𑌨 𑌹𑌿 𑌕𑍁𑌮𑍁𑌦𑌵𑌨𑌸𑍍𑌯𑌾𑌪𑌿 𑌯𑌤𑍍𑌰𑍋𑌜𑍍𑌜𑌿𑌹𑌾𑌨𑍇

𑌤𑌤𑍍𑌪𑍍𑌰𑌾𑌤𑌃 𑌪𑍍𑌰𑍇𑌕𑍍𑌷𑌣𑍀𑌯𑌂 𑌦𑌿𑌶𑌤𑍁 𑌦𑌿𑌨𑌪𑌤𑍇𑌰𑍍𑌧𑌾𑌮 𑌕𑌾𑌮𑌾𑌧𑌿𑌕𑌂 𑌵𑌃 ॥ 20 ॥

𑌯𑌤𑍍𑌕𑌾𑌨𑍍𑌤𑌿𑌂 𑌪𑌙𑍍𑌕𑌜𑌾𑌨𑌾𑌂 𑌨 𑌹𑌰𑌤𑌿 𑌕𑍁𑌰𑍁𑌤𑍇 𑌪𑍍𑌰𑌤𑍍𑌯𑍁𑌤𑌾𑌧𑌿𑌕𑍍𑌯𑌰𑌮𑍍𑌯𑌾𑌂 𑌵𑌰𑍍 𑌪𑍍𑌰𑌤𑍍𑌯𑍁𑌤𑌾𑌤𑍀𑌵 𑌰𑌮𑍍𑌯𑌾𑌂

𑌨𑍋 𑌧𑌤𑍍𑌤𑍇 𑌤𑌾𑌰𑌕𑌾𑌭𑌾𑌂 𑌤𑌿𑌰𑌯𑌤𑌿 𑌨𑌿𑌤𑌰𑌾𑌮𑌾𑌶𑍁 𑌯𑌨𑍍𑌨𑌿𑌤𑍍𑌯𑌮𑍇𑌵 । 𑌵𑌰𑍍 𑌨𑌾𑌧𑌤𑍍𑌤𑍇

𑌕𑌰𑍍𑌤𑍁𑌂 𑌨𑌾𑌲𑌂 𑌨𑌿𑌮𑍇𑌷𑌂 𑌦𑌿𑌵𑌸𑌮𑌪𑌿 𑌪𑌰𑌂 𑌯𑌤𑍍𑌤𑌦𑍇𑌕𑌂 𑌤𑍍𑌰𑌿𑌲𑍋𑌕𑍍𑌯𑌾-

𑌶𑍍𑌚𑌕𑍍𑌷𑍁𑌃 𑌸𑌾𑌮𑌾𑌨𑍍𑌯𑌚𑌕𑍍𑌷𑍁𑌰𑍍𑌵𑌿𑌸𑌦𑍃𑌶𑌮𑌘𑌭𑌿𑌦𑍍𑌭𑌾𑌸𑍍𑌵𑌤𑌸𑍍𑌤𑌾𑌨𑍍𑌮𑌹𑍋 𑌵𑌃 ॥ 21 ॥

𑌕𑍍𑌷𑍍𑌮𑌾𑌂 𑌕𑍍𑌷𑍇𑌪𑍀𑌯𑌃 𑌕𑍍𑌷𑌪𑌾𑌮𑍍𑌭𑌃𑌶𑌿𑌶𑌿𑌰𑌤𑌰𑌜𑌲𑌸𑍍𑌪𑌰𑍍𑌶𑌤𑌰𑍍𑌷𑌾𑌦𑍃𑌤𑍇𑌵

𑌦𑍍𑌰𑌾𑌗𑌾𑌶𑌾 𑌨𑍇𑌤𑍁𑌮𑌾𑌶𑌾𑌦𑍍𑌵𑌿𑌰𑌦𑌕𑌰𑌸𑌰𑌃𑌪𑍁𑌷𑍍𑌕𑌰𑌾𑌣𑍀𑌵 𑌬𑍋𑌧𑌮𑍍 ।

𑌪𑍍𑌰𑌾𑌤𑌃 𑌪𑍍𑌰𑍋𑌲𑍍𑌲𑌙𑍍𑌘𑍍𑌯 𑌵𑌿𑌷𑍍𑌣𑍋𑌃 𑌪𑌦𑌮𑌪𑌿 𑌘𑍃𑌣𑌯𑍇𑌵𑌾𑌤𑌿𑌵𑍇𑌗𑌾𑌦𑍍𑌦𑌵𑍀𑌯-

𑌸𑍍𑌯𑍁𑌦𑍍𑌦𑌾𑌮 𑌦𑍍𑌯𑍋𑌤𑌮𑌾𑌨𑌾 𑌦𑌹𑌤𑍁 𑌦𑌿𑌨𑌪𑌤𑍇𑌰𑍍𑌦𑍁𑌰𑍍𑌨𑌿𑌮𑌿𑌤𑍍𑌤𑌂 𑌦𑍍𑌯𑍁𑌤𑌿𑌰𑍍𑌵𑌃 ॥ 22 ॥

𑌨𑍋 𑌕𑌲𑍍𑌪𑌾𑌪𑌾𑌯𑌵𑌾𑌯𑍋𑌰𑌦𑌯𑌰𑌯𑌦𑌲𑌤𑍍𑌕𑍍𑌷𑍍𑌮𑌾𑌧𑌰𑌸𑍍𑌯𑌾𑌪𑌿 𑌗𑌮𑍍𑌯𑌾 𑌵𑌰𑍍 𑌶𑌮𑍍𑌯𑌾

𑌗𑌾𑌢𑍋𑌦𑍍𑌗𑍀𑌰𑍍𑌣𑍋𑌜𑍍𑌜𑍍𑌵𑌲𑌶𑍍𑌰𑍀𑌰𑌹𑌨𑌿 𑌨 𑌰𑌹𑌿𑌤𑌾 𑌨𑍋 𑌤𑌮𑌃𑌕𑌜𑍍𑌜𑌲𑍇𑌨 ।

𑌪𑍍𑌰𑌾𑌪𑍍𑌤𑍋𑌤𑍍𑌪𑌤𑍍𑌤𑌿𑌃 𑌪𑌤𑌙𑍍𑌗𑌾𑌨𑍍𑌨 𑌪𑍁𑌨𑌰𑍁𑌪𑌗𑌤𑌾 𑌮𑍋𑌷𑌮𑍁𑌷𑍍𑌣𑌤𑍍𑌵𑌿𑌷𑍋 𑌵𑍋

𑌵𑌰𑍍𑌤𑌿𑌃 𑌸𑍈𑌵𑌾𑌨𑍍𑌯𑌰𑍂𑌪𑌾 𑌸𑍁𑌖𑌯𑌤𑍁 𑌨𑌿𑌖𑌿𑌲𑌦𑍍𑌵𑍀𑌪𑌦𑍀𑌪𑌸𑍍𑌯 𑌦𑍀𑌪𑍍𑌤𑌿𑌃 ॥ 23 ॥

𑌨𑌿𑌃𑌶𑍇𑌷𑌾𑌶𑌾𑌵𑌪𑍂𑌰𑌪𑍍𑌰𑌵𑌣𑌗𑍁𑌰𑍁𑌗𑍁𑌣𑌶𑍍𑌲𑌾𑌘𑌨𑍀𑌯𑌸𑍍𑌵𑌰𑍂𑌪𑌾

𑌪𑌰𑍍𑌯𑌾𑌪𑍍𑌤𑌂 𑌨𑍋𑌦𑌯𑌾𑌦𑍗 𑌦𑌿𑌨𑌗𑌮𑌸𑌮𑌯𑍋𑌪𑌪𑍍𑌲𑌵𑍇𑌽𑌪𑍍𑌯𑍁𑌨𑍍𑌨𑌤𑍈𑌵 ।

𑌅𑌤𑍍𑌯𑌨𑍍𑌤𑌂 𑌯𑌾𑌨𑌭𑌿𑌜𑍍𑌞𑌾 𑌕𑍍𑌷𑌣𑌮𑌪𑌿 𑌤𑌮𑌸𑌾 𑌸𑌾𑌕𑌮𑍇𑌕𑌤𑍍𑌰 𑌵𑌸𑍍𑌤𑍁𑌂

𑌬𑍍𑌰𑌧𑍍𑌨𑌸𑍍𑌯𑍇𑌦𑍍𑌧𑌾 𑌰𑍁𑌚𑌿𑌰𑍍𑌵𑍋 𑌰𑍁𑌚𑌿𑌰𑌿𑌵 𑌰𑍁𑌚𑌿𑌤𑌸𑍍𑌯𑌾𑌪𑍍𑌤𑌯𑍇 𑌵𑌸𑍍𑌤𑍁𑌨𑍋𑌸𑍍𑌤𑍁 ॥ 24 ॥ 𑌵𑌰𑍍 𑌚𑌿𑌰𑍁𑌰𑌸𑍍𑌯, 𑌰𑍁𑌚𑌿𑌰𑌸𑍍𑌯

𑌵𑌿𑌭𑍍𑌰𑌾𑌣𑌃 𑌶𑌕𑍍𑌤𑌿𑌮𑌾𑌶𑍁 𑌪𑍍𑌰𑌶𑌮𑌿𑌤𑌬𑌲𑌵𑌤𑍍𑌤𑌾𑌰𑌕𑍗𑌰𑍍𑌜𑌿𑌤𑍍𑌯𑌗𑍁𑌰𑍍𑌵𑍀𑌂

𑌕𑍁𑌰𑍍𑌵𑌾𑌣𑍋 𑌲𑍀𑌲𑌯𑌾𑌧𑌃 𑌶𑌿𑌖𑌿𑌨𑌮𑌪𑌿 𑌲𑌸𑌚𑍍𑌚𑌨𑍍𑌦𑍍𑌰𑌕𑌾𑌨𑍍𑌤𑌾𑌵𑌭𑌾𑌸𑌮𑍍 ।

𑌆𑌦𑌧𑍍𑌯𑌾𑌦𑌨𑍍𑌧𑌕𑌾𑌰𑍇 𑌰𑌤𑌿𑌮𑌤𑌿𑌶𑌯𑌿𑌨𑍀𑌮𑌾𑌵𑌹𑌨𑍍𑌵𑍀𑌕𑍍𑌷𑌣𑌾𑌨𑌾𑌂 𑌵𑌰𑍍 𑌆𑌦𑍇𑌯𑌾𑌦𑍀𑌕𑍍𑌷𑌣𑌾𑌨𑌾𑌂

𑌬𑌾𑌲𑍋 𑌲𑌕𑍍𑌷𑍍𑌮𑍀𑌮𑌪𑌾𑌰𑌾𑌮𑌪𑌰 𑌇𑌵 𑌗𑍁𑌹𑍋𑌽𑌹𑌰𑍍𑌪𑌤𑍇𑌰𑌾𑌤𑌪𑍋 𑌵𑌃 ॥ 25 ॥

𑌜𑍍𑌯𑍋𑌤𑍍𑌸𑍍𑌨𑌾𑌂𑌶𑌾𑌕𑌰𑍍𑌷𑌪𑌾𑌣𑍍𑌡𑍁𑌦𑍍𑌯𑍁𑌤𑌿 𑌤𑌿𑌮𑌿𑌰𑌮𑌷𑍀𑌶𑍇𑌷𑌕𑌲𑍍𑌮𑌾𑌷𑌮𑍀𑌷-

𑌜𑍍𑌜𑍃𑌮𑍍𑌭𑍋𑌦𑍍𑌭𑍂𑌤𑍇𑌨 𑌪𑌿𑌙𑍍𑌗𑌂 𑌸𑌰𑌸𑌿𑌜𑌰𑌜𑌸𑌾 𑌸𑌨𑍍𑌧𑍍𑌯𑌯𑌾 𑌶𑍋𑌣𑌶𑍋𑌚𑌿𑌃 ।

𑌪𑍍𑌰𑌾𑌤𑌃𑌪𑍍𑌰𑌾𑌰𑌮𑍍𑌭𑌕𑌾𑌲𑍇 𑌸𑌕𑌲𑌮𑌪𑌿 𑌜𑌗𑌚𑍍𑌚𑌿𑌤𑍍𑌰𑌮𑍁𑌨𑍍𑌮𑍀𑌲𑌯𑌨𑍍𑌤𑍀

𑌕𑌾𑌨𑍍𑌤𑌿𑌸𑍍𑌤𑍀𑌕𑍍𑌷𑍍𑌣𑌤𑍍𑌵𑌿𑌷𑍋𑌽𑌕𑍍𑌷𑍍𑌣𑌾𑌂 𑌮𑍁𑌦𑌮𑍁𑌪𑌨𑌯𑌤𑌾𑌤𑍍𑌤𑍂𑌲𑌿𑌕𑍇𑌵𑌾𑌤𑍁𑌲𑌾𑌂 𑌵𑌃 ॥ 26 ॥

𑌆𑌯𑌾𑌨𑍍𑌤𑍀 𑌕𑌿𑌂 𑌸𑍁𑌮𑍇𑌰𑍋𑌃 𑌸𑌰𑌣𑌿𑌰𑌰𑍁𑌣𑌿𑌤𑌾 𑌪𑌾𑌦𑍍𑌮𑌰𑌾𑌗𑍈𑌃 𑌪𑌰𑌾𑌗𑍈-

𑌰𑌾𑌹𑍋𑌸𑍍𑌵𑌿𑌤𑍍𑌸𑍍𑌵𑌸𑍍𑌯 𑌮𑌾𑌹𑌾𑌰𑌜𑌨𑌵𑌿𑌰𑌚𑌿𑌤𑌾 𑌵𑍈𑌜𑌯𑌨𑍍𑌤𑍀 𑌰𑌥𑌸𑍍𑌯 ।

𑌮𑌾𑌞𑍍𑌜𑌿𑌷𑍍𑌠𑍀 𑌪𑍍𑌰𑌷𑍍𑌠𑌵𑌾𑌹𑌾𑌵𑌲𑌿𑌵𑌿𑌧𑍁𑌤𑌶𑌿𑌰𑌶𑍍𑌚𑌾𑌮𑌰𑌾𑌲𑍀 𑌨𑍁 𑌲𑍋𑌕𑍈- 𑌵𑌰𑍍 𑌚𑌾𑌮𑌰𑌾𑌲𑍀𑌵

𑌰𑌾𑌶𑌙𑍍𑌕𑍍𑌯𑌾𑌲𑍋𑌕𑌿𑌤𑍈𑌵𑌂 𑌸𑌵𑌿𑌤𑍁𑌰𑌘𑌨𑍁𑌦𑍇 𑌸𑍍𑌤𑌾𑌤𑍍𑌪𑍍𑌰𑌭𑌾𑌤𑌪𑍍𑌰𑌭𑌾 𑌵𑌃 ॥ 27 ॥

𑌧𑍍𑌵𑌾𑌨𑍍𑌤𑌧𑍍𑌵𑌂𑌸𑌂 𑌵𑌿𑌧𑌤𑍍𑌤𑍇 𑌨 𑌤𑌪𑌤𑌿 𑌰𑍁𑌚𑌿𑌮𑌨𑍍𑌨𑌾𑌤𑌿𑌰𑍂𑌪𑌂 𑌵𑍍𑌯𑌨𑌕𑍍𑌤𑌿

𑌨𑍍𑌯𑌕𑍍𑌤𑍍𑌵𑌂 𑌨𑍀𑌤𑍍𑌵𑌾𑌪𑌿 𑌨𑌕𑍍𑌤𑌂 𑌨 𑌵𑌿𑌤𑌰𑌤𑌿𑌤𑌰𑌾𑌂 𑌤𑌾𑌵𑌦𑌹𑍍𑌨𑌸𑍍𑌤𑍍𑌵𑌿𑌷𑌂 𑌯𑌃 । 𑌵𑌰𑍍 𑌨𑍍𑌯𑌕𑍍𑌤𑌾𑌮𑌹𑍍𑌨𑌿

𑌸 𑌪𑍍𑌰𑌾𑌤𑌰𑍍𑌮𑌾 𑌵𑌿𑌰𑌂𑌸𑍀𑌦𑌸𑌕𑌲𑌪𑌟𑌿𑌮𑌾 𑌪𑍂𑌰𑌯𑌨𑍍𑌯𑍁𑌷𑍍𑌮𑌦𑌾𑌶𑌾-

𑌮𑌾𑌶𑌾𑌕𑌾𑌶𑌾𑌵𑌕𑌾𑌶𑌾𑌵𑌤𑌰𑌣𑌤𑌰𑍁𑌣𑌪𑍍𑌰𑌕𑍍𑌰𑌮𑍋𑌽𑌰𑍍𑌕𑌪𑍍𑌰𑌕𑌾𑌶𑌃 ॥ 28 ॥

𑌤𑍀𑌵𑍍𑌰𑌂 𑌨𑌿𑌰𑍍𑌵𑌾𑌣𑌹𑍇𑌤𑍁𑌰𑍍𑌯𑌦𑌪𑌿 𑌚 𑌵𑌿𑌪𑍁𑌲𑌂 𑌯𑌤𑍍𑌪𑍍𑌰𑌕𑌰𑍍𑌷𑍇𑌣 𑌚𑌾𑌣𑍁

𑌪𑍍𑌰𑌤𑍍𑌯𑌕𑍍𑌷𑌂 𑌯𑌤𑍍𑌪𑌰𑍋𑌕𑍍𑌷𑌂 𑌯𑌦𑌿𑌹 𑌯𑌦𑌪𑌰𑌂 𑌨𑌶𑍍𑌵𑌰𑌂 𑌶𑌾𑌶𑍍𑌵𑌤𑌂 𑌚 ।

𑌯𑌤𑍍𑌸𑌰𑍍𑌵𑌸𑍍𑌯 𑌪𑍍𑌰𑌸𑌿𑌦𑍍𑌧𑌂 𑌜𑌗𑌤𑌿 𑌕𑌤𑌿𑌪𑌯𑍇 𑌯𑍋𑌗𑌿𑌨𑍋 𑌯𑌦𑍍𑌵𑌿𑌦𑌨𑍍𑌤𑌿

𑌜𑍍𑌯𑍋𑌤𑌿𑌸𑍍𑌤𑌦𑍍𑌦𑍍𑌵𑌿𑌪𑍍𑌰𑌕𑌾𑌰𑌂 𑌸𑌵𑌿𑌤𑍁𑌰𑌵𑌤𑍁 𑌵𑍋 𑌬𑌾𑌹𑍍𑌯𑌮𑌾𑌭𑍍𑌯𑌨𑍍𑌤𑌰𑌂 𑌚 ॥ 29 ॥

𑌰𑌤𑍍𑌨𑌾𑌨𑌾𑌂 𑌮𑌣𑍍𑌡𑌨𑌾𑌯 𑌪𑍍𑌰𑌭𑌵𑌤𑌿 𑌨𑌿𑌯𑌤𑍋𑌦𑍍𑌦𑍇𑌶𑌲𑌬𑍍𑌧𑌾𑌵𑌕𑌾𑌶𑌂

𑌵𑌹𑍍𑌨𑍇𑌰𑍍𑌦𑌾𑌰𑍍𑌵𑌾𑌦𑌿 𑌦𑌗𑍍𑌧𑍁𑌂 𑌨𑌿𑌜𑌜𑌡𑌿𑌮𑌤𑌯𑌾 𑌕𑌰𑍍𑌤𑍁𑌮𑌾𑌨𑌨𑍍𑌦𑌮𑌿𑌨𑍍𑌦𑍋𑌃 ।

𑌯𑌚𑍍𑌚 𑌤𑍍𑌰𑍈𑌲𑍋𑌕𑍍𑌯𑌭𑍂𑌷𑌾𑌵𑌿𑌧𑌿𑌰𑌘𑌦𑌹𑌨𑌂 𑌹𑍍𑌲𑌾𑌦𑌿 𑌵𑍃𑌷𑍍𑌟𑍍𑌯𑌾𑌶𑍁 𑌤𑌦𑍍𑌵𑍋 𑌵𑌰𑍍 𑌯𑌤𑍍𑌤𑍁

𑌬𑌾𑌹𑍁𑌲𑍍𑌯𑍋𑌤𑍍𑌪𑌾𑌦𑍍𑌯𑌕𑌾𑌰𑍍𑌯𑌾𑌧𑌿𑌕𑌤𑌰𑌮𑌵𑌤𑌾𑌦𑍇𑌕𑌮𑍇𑌵𑌾𑌰𑍍𑌕𑌤𑍇𑌜𑌃 ॥ 30 ॥

𑌮𑍀𑌲𑌚𑍍𑌚𑌕𑍍𑌷𑍁𑌰𑍍𑌵𑌿𑌜𑌿𑌹𑍍𑌮𑌶𑍍𑌰𑍁𑌤𑌿 𑌜𑌡𑌰𑌸𑌨𑌂 𑌨𑌿𑌘𑍍𑌨𑌿𑌤𑌘𑍍𑌰𑌾𑌣𑌵𑍃𑌤𑍍𑌤𑌿

𑌸𑍍𑌵𑌵𑍍𑌯𑌾𑌪𑌾𑌰𑌾𑌕𑍍𑌷𑌮𑌤𑍍𑌵𑌕𑍍𑌪𑌰𑌿𑌮𑍁𑌷𑌿𑌤𑌮𑌨𑌃 𑌶𑍍𑌵𑌾𑌸𑌮𑌾𑌤𑍍𑌰𑌾𑌵𑌶𑍇𑌷𑌮𑍍 ।

𑌵𑌿𑌸𑍍𑌰𑌸𑍍𑌤𑌾𑌙𑍍𑌗𑌂 𑌪𑌤𑌿𑌤𑍍𑌵𑌾 𑌸𑍍𑌵𑌪𑌦𑌪𑌹𑌰𑌤𑌾𑌦𑌶𑍍𑌰𑌿𑌯𑌂 𑌵𑍋𑌽𑌰𑍍𑌕𑌜𑌨𑍍𑌮𑌾 𑌵𑌰𑍍 𑌅𑌪𑍍𑌰𑌿𑌯𑌂

𑌕𑌾𑌲𑌵𑍍𑌯𑌾𑌲𑌾𑌵𑌲𑍀𑌢𑌂 𑌜𑌗𑌦𑌗𑌦 𑌇𑌵𑍋𑌤𑍍𑌥𑌾𑌪𑌯𑌨𑍍𑌪𑍍𑌰𑌾𑌕𑍍𑌪𑍍𑌰𑌤𑌾𑌪𑌃 ॥ 31 ॥

𑌨𑌿𑌃𑌶𑍇𑌷𑌂 𑌨𑍈𑌶𑌮𑌮𑍍𑌭𑌃 𑌪𑍍𑌰𑌸𑌭𑌮𑌪𑌨𑍁𑌦𑌨𑍍𑌨𑌶𑍍𑌰𑍁𑌲𑍇𑌶𑌾𑌨𑍁𑌕𑌾𑌰𑌿

𑌸𑍍𑌤𑍋𑌕𑌸𑍍𑌤𑍋𑌕𑌾𑌪𑌨𑍀𑌤𑌾𑌰𑍁𑌣𑌰𑍁𑌚𑌿𑌰𑌚𑌿𑌰𑌾𑌦𑌸𑍍𑌤𑌦𑍋𑌷𑌾𑌨𑍁𑌷𑌙𑍍𑌗𑌃 ।

𑌦𑌾𑌤𑌾 𑌦𑍃𑌷𑍍𑌟𑌿𑌂 𑌪𑍍𑌰𑌸𑌨𑍍𑌨𑌾𑌂 𑌤𑍍𑌰𑌿𑌭𑍁𑌵𑌨𑌨𑌯𑌨𑌸𑍍𑌯𑌾𑌶𑍁 𑌯𑍁𑌷𑍍𑌮𑌦𑍍𑌵𑌿𑌰𑍁𑌦𑍍𑌧𑌂

𑌵𑌧𑍍𑌯𑌾𑌦𑍍𑌬𑍍𑌰𑌧𑍍𑌨𑌸𑍍𑌯 𑌸𑌿𑌦𑍍𑌧𑌾𑌞𑍍𑌜𑌨𑌵𑌿𑌧𑌿𑌰𑌪𑌰𑌃 𑌪𑍍𑌰𑌾𑌕𑍍𑌤𑌨𑍋𑌽𑌰𑍍𑌚𑌿𑌃𑌪𑍍𑌰𑌚𑌾𑌰𑌃 ॥ 32 ॥

𑌭𑍂𑌤𑍍𑌵𑌾 𑌜𑌮𑍍𑌭𑌸𑍍𑌯 𑌭𑍇𑌤𑍍𑌤𑍁𑌃 𑌕𑌕𑍁𑌭𑌿 𑌪𑌰𑌿𑌭𑌵𑌾𑌰𑌮𑍍𑌭𑌭𑍂𑌃 𑌶𑍁𑌭𑍍𑌰𑌭𑌾𑌨𑍋- 𑌵𑌰𑍍 𑌸𑍍𑌥𑌿𑌤𑍍𑌵𑌾

𑌰𑍍𑌬𑌿𑌭𑍍𑌰𑌾𑌣𑌾 𑌬𑌭𑍍𑌰𑍁𑌭𑌾𑌵𑌂 𑌪𑍍𑌰𑌸𑌭𑌮𑌭𑌿𑌨𑌵𑌾𑌮𑍍𑌭𑍋𑌜𑌜𑍃𑌮𑍍𑌭𑌾𑌪𑍍𑌰𑌗𑌲𑍍𑌭𑌾 ।

𑌭𑍂𑌷𑌾 𑌭𑍂𑌯𑌿𑌷𑍍𑌠𑌶𑍋𑌭𑌾 𑌤𑍍𑌰𑌿𑌭𑍁𑌵𑌨𑌭𑌵𑌨𑌸𑍍𑌯𑌾𑌸𑍍𑌯 𑌵𑍈𑌭𑌾𑌕𑌰𑍀 𑌪𑍍𑌰𑌾𑌗𑍍-

𑌵𑌿𑌭𑍍𑌰𑌾𑌨𑍍𑌤𑌾 𑌭𑍍𑌰𑌾𑌜𑌮𑌾𑌨𑌾 𑌵𑌿𑌭𑌵𑌤𑍁 𑌵𑌿𑌭𑌵𑍋𑌦𑍍𑌭𑍂𑌤𑌯𑍇 𑌸𑌾 𑌵𑌿𑌭𑌾 𑌵𑌃 ॥ 33 ॥ 𑌵𑌰𑍍 𑌨𑌿𑌰𑍍𑌭𑌾𑌨𑍍𑌤𑌿, 𑌵𑌿𑌭𑍍𑌰𑌾𑌨𑍍𑌤𑌿

𑌸𑌂𑌸𑌕𑍍𑌤𑌂 𑌸𑌿𑌕𑍍𑌤𑌮𑍂𑌲𑌾𑌦𑌭𑌿𑌨𑌵𑌭𑍁𑌵𑌨𑍋𑌦𑍍𑌯𑌾𑌨𑌕𑍗𑌤𑍂𑌹𑌲𑌿𑌨𑍍𑌯𑌾

𑌯𑌾𑌮𑌿𑌨𑍍𑌯𑌾 𑌕𑌨𑍍𑌯𑌯𑍇𑌵𑌾𑌮𑍃𑌤𑌕𑌰𑌕𑌲𑌶𑌾𑌵𑌰𑍍𑌜𑌿𑌤𑍇𑌨𑌾𑌮𑍃𑌤𑍇𑌨 ।

𑌅𑌰𑍍𑌕𑌾𑌲𑍋𑌕𑌃 𑌕𑍍𑌰𑌿𑌯𑌾𑌦𑍍𑌵𑍋 𑌮𑍁𑌦𑌮𑍁𑌦𑌯𑌶𑌿𑌰𑌶𑍍𑌚𑌕𑍍𑌰𑌵𑌾𑌲𑌾𑌲𑌵𑌾𑌲𑌾-

𑌦𑍁𑌦𑍍𑌯𑌨𑍍𑌬𑌾𑌲𑌪𑍍𑌰𑌵𑌾𑌲𑌪𑍍𑌰𑌤𑌿𑌮𑌰𑍁𑌚𑌿𑌰𑌹𑌃𑌪𑌾𑌦𑌪𑌪𑍍𑌰𑌾𑌕𑍍𑌪𑍍𑌰𑌰𑍋𑌹𑌃 ॥ 34 ॥

𑌭𑌿𑌨𑍍𑌨𑌂 𑌭𑌾𑌸𑌾𑌰𑍁𑌣𑌸𑍍𑌯 𑌕𑍍𑌵𑌚𑌿𑌦𑌭𑌿𑌨𑌵𑌯𑌾 𑌵𑌿𑌦𑍍𑌰𑍁𑌮𑌾𑌣𑌾𑌂 𑌤𑍍𑌵𑌿𑌷𑍇𑌵

𑌤𑍍𑌵𑌙𑍍𑌨𑍍𑌨𑌕𑍍𑌷𑌤𑍍𑌰𑌰𑌤𑍍𑌨𑌦𑍍𑌯𑍁𑌤𑌿𑌨𑌿𑌕𑌰𑌕𑌰𑌾𑌲𑌾𑌨𑍍𑌤𑌰𑌾𑌲𑌂 𑌕𑍍𑌵𑌚𑌿𑌚𑍍𑌚 ।

𑌨𑌾𑌨𑍍𑌤𑌰𑍍𑌨𑌿𑌃𑌶𑍇𑌷𑌕𑍃𑌷𑍍𑌣𑌶𑍍𑌰𑌿𑌯𑌮𑍁𑌦𑌧𑌿𑌮𑌿𑌵 𑌧𑍍𑌵𑌾𑌨𑍍𑌤𑌰𑌾𑌶𑌿𑌂 𑌪𑌿𑌬𑌨𑍍𑌸𑍍𑌤𑌾-

𑌦𑍗𑌰𑍍𑌵𑌃 𑌪𑍂𑌰𑍍𑌵𑍋𑌽𑌪𑍍𑌯𑌪𑍂𑌰𑍍𑌵𑍋𑌽𑌗𑍍𑌨𑌿𑌰𑌿𑌵 𑌭𑌵𑌦𑌘𑌪𑍍𑌲𑍁𑌷𑍍𑌟𑌯𑍇𑌽𑌰𑍍𑌕𑌾𑌵𑌭𑌾𑌸𑌃 ॥ 35 ॥

𑌗𑌨𑍍𑌧𑌰𑍍𑌵𑍈𑌰𑍍𑌗𑌦𑍍𑌯𑌪𑌦𑍍𑌯𑌵𑍍𑌯𑌤𑌿𑌕𑌰𑌿𑌤𑌵𑌚𑍋𑌹𑍃𑌦𑍍𑌯𑌮𑌾𑌤𑍋𑌦𑍍𑌯𑌵𑌾𑌦𑍍𑌯𑍈-

𑌰𑌾𑌦𑍍𑌯𑍈𑌰𑍍𑌯𑍋 𑌨𑌾𑌰𑌦𑌾𑌦𑍍𑌯𑍈𑌰𑍍𑌮𑍁𑌨𑌿𑌭𑌿𑌰𑌭𑌿𑌨𑍁𑌤𑍋 𑌵𑍇𑌦𑌵𑍇𑌦𑍍𑌯𑍈𑌰𑍍𑌵𑌿𑌭𑌿𑌦𑍍𑌯 ।

𑌵𑌰𑍍 𑌵𑍀𑌤𑌵𑍇𑌦𑍍𑌯𑍈𑌰𑍍𑌵𑌿𑌵𑌿𑌦𑍍𑌯, 𑌵𑍇𑌦𑌵𑌿𑌦𑍍𑌭𑌿𑌰𑍍𑌵𑌿𑌭𑌿𑌦𑍍𑌯

𑌆𑌸𑌾𑌦𑍍𑌯𑌾𑌪𑌦𑍍𑌯𑌤𑍇 𑌯𑌂 𑌪𑍁𑌨𑌰𑌪𑌿 𑌚 𑌜𑌗𑌦𑍍𑌯𑍗𑌵𑌨𑌂 𑌸𑌦𑍍𑌯 𑌉𑌦𑍍𑌯-

𑌨𑍍𑌨𑍁𑌦𑍍𑌦𑍍𑌯𑍋𑌤𑍋 𑌦𑍍𑌯𑍋𑌤𑌿𑌤𑌦𑍍𑌯𑍗𑌰𑍍𑌦𑍍𑌯𑌤𑍁 𑌦𑌿𑌵𑌸𑌕𑍃𑌤𑍋𑌽𑌸𑌾𑌵𑌵𑌦𑍍𑌯𑌾𑌨𑌿 𑌵𑍋𑌽𑌦𑍍𑌯 ॥ 36 ॥

𑌆𑌵𑌾𑌨𑍈𑌶𑍍𑌚𑌨𑍍𑌦𑍍𑌰𑌕𑌾𑌨𑍍𑌤𑍈𑌶𑍍𑌚𑍍𑌯𑍁𑌤𑌤𑌿𑌮𑌿𑌰𑌤𑌯𑌾 𑌤𑌾𑌨𑌵𑌾𑌤𑍍𑌤𑌾𑌰𑌕𑌾𑌣𑌾- 𑌵𑌰𑍍 𑌆𑌵𑌾𑌨𑍍𑌤𑍈𑌃

𑌮𑍇𑌣𑌾𑌙𑍍𑌕𑌾𑌲𑍋𑌕𑌲𑍋𑌪𑌾𑌦𑍁𑌪𑌹𑌤𑌮𑌹𑌸𑌾𑌮𑍋𑌷𑌧𑍀𑌨𑌾𑌂 𑌲𑌯𑍇𑌨 ।

𑌆𑌰𑌾𑌦𑍁𑌤𑍍𑌪𑍍𑌰𑍇𑌕𑍍𑌷𑍍𑌯𑌮𑌾𑌣𑌾 𑌕𑍍𑌷𑌣𑌮𑍁𑌦𑌯𑌤𑌟𑌾𑌨𑍍𑌤𑌰𑍍𑌹𑌿𑌤𑌸𑍍𑌯𑌾𑌹𑌿𑌮𑌾𑌂𑌶𑍋-

𑌰𑌾𑌭𑌾 𑌪𑍍𑌰𑌾𑌭𑌾𑌤𑌿𑌕𑍀 𑌵𑍋𑌽𑌵𑌤𑍁 𑌨 𑌤𑍁 𑌨𑌿𑌤𑌰𑌾𑌂 𑌤𑌾𑌵𑌦𑌾𑌵𑌿𑌰𑍍𑌭𑌵𑌨𑍍𑌤𑍀 ॥ 37 ॥

𑌸𑌾𑌨𑍗 𑌸𑌾 𑌨𑍗𑌦𑌯𑍇 𑌨𑌾𑌰𑍁𑌣𑌿𑌤𑌦𑌲𑌪𑍁𑌨𑌰𑍍𑌯𑍗𑌵𑌨𑌾𑌨𑌾𑌂 𑌵𑌨𑌾𑌨𑌾- 𑌵𑌰𑍍 𑌲𑌸𑌦𑍍𑌯𑍗𑌵𑌨𑌾𑌨𑌾𑌂

𑌮𑌾𑌲𑍀𑌮𑌾𑌲𑍀𑌢𑌪𑍂𑌰𑍍𑌵𑌾 𑌪𑌰𑌿𑌹𑍃𑌤𑌕𑍁𑌹𑌰𑍋𑌪𑌾𑌨𑍍𑌤𑌨𑌿𑌮𑍍𑌨𑌾 𑌤𑌨𑌿𑌮𑍍𑌨𑌾 ।

𑌭𑌾 𑌵𑍋𑌽𑌭𑌾𑌵𑍋𑌪𑌶𑌾𑌨𑍍𑌤𑌿𑌂 𑌦𑌿𑌶𑌤𑍁 𑌦𑌿𑌨𑌪𑌤𑍇𑌰𑍍𑌭𑌾𑌸𑌮𑌾𑌨𑌾 𑌸𑌮𑌾𑌨𑌾-

𑌰𑌾𑌜𑍀 𑌰𑌾𑌜𑍀𑌵𑌰𑍇𑌣𑍋𑌃 𑌸𑌮𑌸𑌮𑌯𑌮𑍁𑌦𑍇𑌤𑍀𑌵 𑌯𑌸𑍍𑌯𑌾 𑌵𑌯𑌸𑍍𑌯𑌾 ॥ 38 ॥

𑌉𑌜𑍍𑌜𑍃𑌮𑍍𑌭𑌾𑌮𑍍𑌭𑍋𑌰𑍁𑌹𑌾𑌣𑌾𑌂 𑌪𑍍𑌰𑌭𑌵𑌤𑌿 𑌪𑌯𑌸𑌾𑌂 𑌯𑌾 𑌶𑍍𑌰𑌿𑌯𑍇 𑌨𑍋𑌷𑍍𑌣𑌤𑌾𑌯𑍈

𑌪𑍁𑌷𑍍𑌣𑌾𑌤𑍍𑌯𑌾𑌲𑍋𑌕𑌮𑌾𑌤𑍍𑌰𑌂 𑌨 𑌤𑍁 𑌦𑌿𑌶𑌤𑌿 𑌦𑍃𑌶𑌾𑌂 𑌦𑍃𑌶𑍍𑌯𑌮𑌾𑌨𑌾 𑌵𑌿𑌧𑌾𑌤𑌮𑍍 ।

𑌪𑍂𑌰𑍍𑌵𑌾𑌦𑍍𑌰𑍇𑌰𑍇𑌵 𑌪𑍂𑌰𑍍𑌵𑌂 𑌦𑌿𑌵𑌮𑌨𑍁 𑌚 𑌪𑍁𑌨𑌃 𑌪𑌾𑌵𑌨𑍀 𑌦𑌿𑌙𑍍𑌮𑍁𑌖𑌾𑌨𑌾- 𑌵𑌰𑍍 𑌤𑌤𑌃

𑌮𑍇𑌨𑌾𑌂𑌸𑍍𑌯𑍈𑌨𑍀 𑌵𑌿𑌭𑌾𑌸𑍗 𑌨𑍁𑌦𑌤𑍁 𑌨𑍁𑌤𑌿𑌪𑌦𑍈𑌕𑌾𑌸𑍍𑌪𑌦𑌂 𑌪𑍍𑌰𑌾𑌕𑍍𑌤𑌨𑍀 𑌵𑌃 ॥ 39 ॥

𑌵𑌾𑌚𑌾𑌂 𑌵𑌾𑌚𑌸𑍍𑌪𑌤𑍇𑌰𑌪𑍍𑌯𑌚𑌲𑌭𑌿𑌦𑍁𑌚𑌿𑌤𑌾𑌚𑌾𑌰𑍍𑌯𑌕𑌾𑌣𑌾𑌂 𑌪𑍍𑌰𑌪𑌞𑍍𑌚𑍈-

𑌰𑍍𑌵𑍈𑌰𑌞𑍍𑌚𑌾𑌨𑌾𑌂 𑌤𑌥𑍋𑌚𑍍𑌚𑌾𑌰𑌿𑌤𑌚𑌤𑍁𑌰𑍃𑌚𑌾𑌂 𑌚𑌾𑌨𑌨𑌾𑌨𑌾𑌂 𑌚𑌤𑍁𑌰𑍍𑌣𑌾𑌮𑍍 । 𑌵𑌰𑍍 𑌰𑍁𑌚𑌿𑌰

𑌉𑌚𑍍𑌯𑍇𑌤𑌾𑌰𑍍𑌚𑌾𑌸𑍁 𑌵𑌾𑌚𑍍𑌯𑌚𑍍𑌯𑍁𑌤𑌿𑌶𑍁𑌚𑌿𑌚𑌰𑌿𑌤𑌂 𑌯𑌸𑍍𑌯 𑌨𑍋𑌚𑍍𑌚𑍈𑌰𑍍𑌵𑌿𑌵𑌿𑌚𑍍𑌯 𑌵𑌰𑍍 𑌅𑌰𑍍𑌚𑌾𑌸𑍍𑌵𑌵𑌾𑌚𑍍𑌯

𑌪𑍍𑌰𑌾𑌚𑍍𑌯𑌂 𑌵𑌰𑍍𑌚𑌶𑍍𑌚𑌕𑌾𑌸𑌚𑍍𑌚𑌿𑌰𑌮𑍁𑌪𑌚𑌿𑌨𑍁𑌤𑌾𑌤𑍍𑌤𑌸𑍍𑌯 𑌚𑌣𑍍𑌡𑌾𑌰𑍍𑌚𑌿𑌷𑍋 𑌵𑌃 ॥ 40 ॥ 𑌵𑌰𑍍 𑌶𑍍𑌰𑌿𑌯𑌂

𑌮𑍂𑌰𑍍𑌧𑍍𑌨𑍍𑌯𑌦𑍍𑌰𑍇𑌰𑍍𑌧𑌾𑌤𑍁𑌰𑌾𑌗𑌸𑍍𑌤𑌰𑍁𑌷𑍁 𑌕𑌿𑌸𑌲𑌯𑍋 𑌵𑌿𑌦𑍍𑌰𑍁𑌮𑍗𑌘𑌃 𑌸𑌮𑍁𑌦𑍍𑌰𑍇

𑌵𑌰𑍍 – 𑌕𑌿𑌸𑌲𑌯𑌾𑌦𑍍𑌵𑌿𑌦𑍍𑌰𑍁𑌮𑍗𑌘𑌾𑌤𑍍𑌸𑌮𑍁𑌦𑍍𑌰𑍇

𑌦𑌿𑌙𑍍𑌮𑌾𑌤𑌙𑍍𑌗𑍋𑌤𑍍𑌤𑌮𑌾𑌙𑍍𑌗𑍇𑌷𑍍𑌵𑌭𑌿𑌨𑌵𑌨𑌿𑌹𑌿𑌤𑌃 𑌸𑌾𑌨𑍍𑌦𑍍𑌰𑌸𑌿𑌨𑍍𑌦𑍂𑌰𑌰𑍇𑌣𑍁𑌃 ।

𑌵𑌰𑍍 𑌵𑌿𑌹𑌿𑌤𑌃, 𑌨𑌿𑌹𑌿𑌤𑌾𑌤𑍍𑌸𑌨𑍍𑌦𑍍𑌰𑌸𑌿𑌨𑍍𑌦𑍂𑌰𑌰𑍇𑌣𑍋𑌃

𑌸𑍀𑌮𑍍𑌨𑌿 𑌵𑍍𑌯𑍋𑌮𑍍𑌨𑌶𑍍𑌚 𑌹𑍇𑌮𑍍𑌨𑌃 𑌸𑍁𑌰𑌶𑌿𑌖𑌰𑌿𑌭𑍁𑌵𑍋 𑌜𑌾𑌯𑌤𑍇 𑌯𑌃 𑌪𑍍𑌰𑌕𑌾𑌶𑌃

𑌶𑍋𑌣𑌿𑌮𑍍𑌨𑌾𑌸𑍗 𑌖𑌰𑌾𑌂𑌶𑍋𑌰𑍁𑌷𑌸𑌿 𑌦𑌿𑌶𑌤𑍁 𑌵𑌃 𑌶𑌰𑍍𑌮 𑌶𑍋𑌭𑍈𑌕𑌦𑍇𑌶𑌃 ॥ 41 ॥

𑌅𑌸𑍍𑌤𑌾𑌦𑍍𑌰𑍀𑌶𑍋𑌤𑍍𑌤𑌮𑌾𑌙𑍍𑌗𑍇 𑌶𑍍𑌰𑌿𑌤𑌶𑌶𑌿𑌨𑌿 𑌤𑌮𑌃𑌕𑌾𑌲𑌕𑍂𑌟𑍇 𑌨𑌿𑌪𑍀𑌤𑍇

𑌯𑌾𑌤𑌿 𑌵𑍍𑌯𑌕𑍍𑌤𑌿𑌂 𑌪𑍁𑌰𑌸𑍍𑌤𑌾𑌦𑌰𑍁𑌣𑌕𑌿𑌸𑌲𑌯𑍇 𑌪𑍍𑌰𑌤𑍍𑌯𑍁𑌷𑌃𑌪𑌾𑌰𑌿𑌜𑌾𑌤𑍇 ।

𑌉𑌦𑍍𑌯𑌨𑍍𑌤𑍍𑌯𑌾𑌰𑌕𑍍𑌤𑌪𑍀𑌤𑌾𑌮𑍍𑌬𑌰𑌵𑌿𑌶𑌦𑌤𑌰𑍋𑌦𑍍𑌵𑍀𑌕𑍍𑌷𑌿𑌤𑌾 𑌤𑍀𑌕𑍍𑌷𑍍𑌣𑌭𑌾𑌨𑍋-

𑌵𑌰𑍍 𑌰𑍁𑌚𑌿𑌰𑌤𑌰𑍋𑌦𑍍𑌵𑍀𑌕𑍍𑌷𑌿𑌤𑌾 𑌵𑌰𑍍 𑌤𑍀𑌵𑍍𑌰𑌭𑌾𑌸𑌃

𑌰𑍍𑌲𑌕𑍍𑌷𑍍𑌮𑍀𑌰𑍍𑌲𑌕𑍍𑌷𑍍𑌮𑍀𑌰𑌿𑌵𑌾𑌸𑍍𑌤𑍁 𑌸𑍍𑌫𑍁𑌟𑌕𑌮𑌲𑌪𑍁𑌟𑌾𑌪𑌾𑌶𑍍𑌰𑌯𑌾 𑌶𑍍𑌰𑍇𑌯𑌸𑍇 𑌵𑌃 ॥ 42 ॥ 𑌵𑌰𑍍 𑌪𑍁𑌟𑍋𑌪𑌾𑌶𑍍𑌰𑌯

𑌨𑍋𑌦𑌨𑍍𑌵𑌾𑌞𑍍𑌜𑌨𑍍𑌮𑌭𑍂𑌮𑌿𑌰𑍍𑌨 𑌤𑌦𑍁𑌦𑌰𑌭𑍁𑌵𑍋 𑌬𑌾𑌨𑍍𑌧𑌵𑌾𑌃 𑌕𑍗𑌸𑍍𑌤𑍁𑌭𑌾𑌦𑍍𑌯𑌾

𑌯𑌸𑍍𑌯𑌾𑌃 𑌪𑌦𑍍𑌮𑌂 𑌨 𑌪𑌾𑌣𑍗 𑌨 𑌚 𑌨𑌰𑌕𑌰𑌿𑌪𑍂𑌰𑌃𑌸𑍍𑌥𑌲𑍀 𑌵𑌾𑌸𑌵𑍇𑌶𑍍𑌮 ।

𑌤𑍇𑌜𑍋𑌰𑍂𑌪𑌾𑌪𑌰𑍈𑌵 𑌤𑍍𑌰𑌿𑌷𑍁 𑌭𑍁𑌵𑌨𑌤𑌲𑍇𑌷𑍍𑌵𑌾𑌦𑌧𑌾𑌨𑌾 𑌵𑍍𑌯𑌵𑌸𑍍𑌥𑌾𑌂 𑌵𑌰𑍍 𑌤𑍍𑌰𑌿𑌭𑍁𑌵𑌨𑌭𑌵𑌨𑍇

𑌸𑌾 𑌶𑍍𑌰𑍀𑌃 𑌶𑍍𑌰𑍇𑌯𑌾𑌂𑌸𑌿 𑌦𑌿𑌶𑍍𑌯𑌾𑌦𑌶𑌿𑌶𑌿𑌰𑌮𑌹𑌸𑍋 𑌮𑌣𑍍𑌡𑌲𑌾𑌗𑍍𑌰𑍋𑌦𑍍𑌗𑌤𑌾 𑌵𑌃 ॥ 43 ॥

॥ 𑌇𑌤𑌿 𑌦𑍍𑌯𑍁𑌤𑌿𑌵𑌰𑍍𑌣𑌨𑌮𑍍 ॥ 𑌵𑌰𑍍 𑌤𑍇𑌜𑍋𑌵𑌰𑍍𑌣𑌨𑌮𑍍

॥ 𑌅𑌥 𑌅𑌶𑍍𑌵𑌵𑌰𑍍𑌣𑌨𑌮𑍍 ॥

𑌰𑌕𑍍𑌷𑌨𑍍𑌤𑍍𑌵𑌕𑍍𑌷𑍁𑌣𑍍𑌣𑌹𑍇𑌮𑍋𑌪𑌲𑌪𑌟𑌲𑌮𑌲𑌂 𑌲𑌾𑌘𑌵𑌾𑌦𑍁𑌤𑍍𑌪𑌤𑌨𑍍𑌤𑌃

𑌪𑌾𑌤𑌙𑍍𑌗𑌾𑌃 𑌪𑌙𑍍𑌗𑍍𑌵𑌵𑌜𑍍𑌞𑌾𑌜𑌿𑌤𑌪𑌵𑌨𑌜𑌵𑌾 𑌵𑌾𑌜𑌿𑌨𑌸𑍍𑌤𑍇 𑌜𑌗𑌨𑍍𑌤𑌿 ।

𑌯𑍇𑌷𑌾𑌂 𑌵𑍀𑌤𑌾𑌨𑍍𑌯𑌚𑌿𑌹𑍍𑌨𑍋𑌨𑍍𑌨𑌯𑌮𑌪𑌿 𑌵𑌹𑌤𑌾𑌂 𑌮𑌾𑌰𑍍𑌗𑌮𑌾𑌖𑍍𑌯𑌾𑌤𑌿 𑌮𑍇𑌰𑌾-

𑌵𑍁𑌦𑍍𑌯𑌨𑍍𑌨𑍁𑌦𑍍𑌦𑌾𑌮𑌦𑍀𑌪𑍍𑌤𑌿𑌰𑍍𑌦𑍍𑌯𑍁𑌮𑌣𑌿𑌮𑌣𑌿𑌶𑌿𑌲𑌾𑌵𑍇𑌦𑌿𑌕𑌾𑌜𑌾𑌤𑌵𑍇𑌦𑌾𑌃 ॥ 44 ॥

𑌪𑍍𑌲𑍁𑌷𑍍𑌟𑌾𑌃 𑌪𑍃𑌷𑍍𑌠𑍇𑌂𑌽𑌶𑍁𑌪𑌾𑌤𑍈𑌰𑌤𑌿𑌨𑌿𑌕𑌟𑌤𑌯𑌾 𑌦𑌤𑍍𑌤𑌦𑌾𑌹𑌾𑌤𑌿𑌰𑍇𑌕𑍈-

𑌰𑍇𑌕𑌾𑌹𑌾𑌕𑍍𑌰𑌾𑌨𑍍𑌤𑌕𑍃𑌤𑍍𑌸𑍍𑌨𑌤𑍍𑌰𑌿𑌦𑌿𑌵𑌪𑌥𑌪𑍃𑌥𑍁𑌶𑍍𑌵𑌾𑌸𑌶𑍋𑌷𑌾𑌃 𑌶𑍍𑌰𑌮𑍇𑌣 ।

𑌤𑍀𑌵𑍍𑌰𑍋𑌦𑌨𑍍𑌯𑌾𑌸𑍍𑌤𑍍𑌵𑌰𑌨𑍍𑌤𑌾𑌮𑌹𑌿𑌤𑌵𑌿𑌹𑌤𑌯𑍇 𑌸𑌪𑍍𑌤𑌯𑌃 𑌸𑌪𑍍𑌤𑌸𑌪𑍍𑌤𑍇-

𑌰𑌭𑍍𑌯𑌾𑌶𑌾𑌕𑌾𑌶𑌗𑌙𑍍𑌗𑌾𑌜𑌲𑌸𑌰𑌲𑌗𑌲𑌾𑌵𑌾𑌙𑍍𑌨𑌤𑌾𑌗𑍍𑌰𑌾𑌨𑌨𑌾 𑌵𑌃 ॥ 45 ॥ 𑌵𑌰𑍍 𑌗𑌲𑌵𑌰𑍍𑌜𑌿𑌤𑌾𑌗𑍍𑌰𑌾𑌨𑌨𑌾𑌃

𑌮𑌤𑍍𑌵𑌾𑌨𑍍𑌯𑌾𑌨𑍍𑌪𑌾𑌰𑍍𑌶𑍍𑌵𑌤𑍋𑌽𑌶𑍍𑌵𑌾𑌨𑍍 𑌸𑍍𑌫𑌟𑌿𑌕𑌤𑌟𑌦𑍃𑌷𑌦𑍍𑌦𑍃𑌷𑍍𑌟𑌦𑍇𑌹𑌾 𑌦𑍍𑌰𑌵𑌨𑍍𑌤𑍀

𑌵𑍍𑌯𑌸𑍍𑌤𑍇𑌽𑌹𑌨𑍍𑌯𑌸𑍍𑌤𑌸𑌨𑍍𑌧𑍍𑌯𑍇𑌯𑌮𑌿𑌤𑌿 𑌮𑍃𑌦𑍁𑌪𑌦𑌾 𑌪𑌦𑍍𑌮𑌰𑌾𑌗𑍋𑌪𑌲𑍇𑌷𑍁 ।

𑌸𑌾𑌦𑍃𑌶𑍍𑌯𑌾𑌦𑍃𑌶𑍍𑌯𑌮𑍂𑌰𑍍𑌤𑌿𑌰𑍍𑌮𑌰𑌕𑌤𑌕𑌟𑌕𑍇 𑌕𑍍𑌲𑌿𑌷𑍍𑌟𑌸𑍂𑌤𑌾 𑌸𑍁𑌮𑍇𑌰𑍋-

𑌰𑍍𑌮𑍂𑌰𑍍𑌧𑌨𑍍𑌯𑌾𑌵𑍃𑌤𑍍𑌤𑌿𑌲𑌬𑍍𑌧𑌧𑍍𑌰𑍁𑌵𑌗𑌤𑌿𑌰𑌵𑌤𑍁 𑌬𑍍𑌰𑌧𑍍𑌨𑌵𑌾𑌹𑌾𑌵𑌲𑌿𑌰𑍍𑌵𑌃 ॥ 46 ॥ 𑌵𑌰𑍍 𑌦𑍍𑌰𑍁𑌤

𑌹𑍇𑌲𑌾𑌲𑍋𑌲𑌂 𑌵𑌹𑌨𑍍𑌤𑍀 𑌵𑌿𑌷𑌧𑌰𑌦𑌮𑌨𑌸𑍍𑌯𑌾𑌗𑍍𑌰𑌜𑍇𑌨𑌾𑌵𑌕𑍃𑌷𑍍𑌟𑌾

𑌸𑍍𑌵𑌰𑍍𑌵𑌾𑌹𑌿𑌨𑍍𑌯𑌾𑌃 𑌸𑍁𑌦𑍂𑌰𑌂 𑌜𑌨𑌿𑌤𑌜𑌵𑌜𑌯𑌾 𑌸𑍍𑌯𑌨𑍍𑌦𑌨𑌸𑍍𑌯 𑌸𑍍𑌯𑌦𑍇𑌨 ।

𑌨𑌿𑌰𑍍𑌵𑍍𑌯𑌾𑌜𑌂 𑌤𑌾𑌯𑌮𑌾𑌨𑍇 𑌹𑌰𑌿𑌤𑌿𑌮𑌨𑌿 𑌨𑌿𑌜𑍇 𑌸𑍍𑌫𑍀𑌤𑌫𑍇𑌨𑌾𑌹𑌿𑌤𑌶𑍍𑌰𑍀- 𑌵𑌰𑍍 𑌸𑍍𑌫𑍀𑌤𑌫𑍇𑌨𑌾𑌸𑍍𑌮𑌿𑌤𑌶𑍍𑌰𑍀𑌃

𑌰𑌶𑍍𑌰𑍇𑌯𑌾𑌂𑌸𑍍𑌯𑌶𑍍𑌵𑌪𑌙𑍍𑌕𑍍𑌤𑌿𑌃 𑌶𑌮𑌯𑌤𑍁 𑌯𑌮𑍁𑌨𑍇𑌵𑌾𑌪𑌰𑌾 𑌤𑌾𑌪𑌨𑍀 𑌵𑌃 ॥ 47 ॥

𑌮𑌾𑌰𑍍𑌗𑍋𑌪𑌾𑌨𑍍𑌤𑍇 𑌸𑍁𑌮𑍇𑌰𑍋𑌰𑍍𑌨𑍁𑌵𑌤𑌿 𑌕𑍃𑌤𑌨𑌤𑍗 𑌨𑌾𑌕𑌧𑌾𑌮𑍍𑌨𑌾𑌂 𑌨𑌿𑌕𑌾𑌯𑍇

𑌵𑍀𑌕𑍍𑌷𑍍𑌯 𑌵𑍍𑌰𑍀𑌡𑌾𑌨𑌤𑌾𑌨𑌾𑌂 𑌪𑍍𑌰𑌤𑌿𑌕𑍁𑌹𑌰𑌮𑍁𑌖𑌂 𑌕𑌿𑌨𑍍𑌨𑌰𑍀𑌣𑌾𑌂 𑌮𑍁𑌖𑌾𑌨𑌿 ।

𑌸𑍂𑌤𑍇𑌽𑌸𑍂𑌯𑌤𑍍𑌯𑌪𑍀𑌷𑌜𑍍𑌜𑌡𑌗𑌤𑌿 𑌵𑌹𑌤𑌾𑌂 𑌕𑌨𑍍𑌧𑌰𑌾𑌰𑍍𑌧𑍈𑌰𑍍𑌵𑌲𑌦𑍍𑌭𑌿- 𑌵𑌰𑍍 𑌕𑌨𑍍𑌧𑌰𑌾𑌗𑍍𑌰𑍈𑌃

𑌰𑍍𑌵𑌾𑌹𑌾𑌨𑌾𑌂 𑌵𑍍𑌯𑌸𑍍𑌯𑌤𑌾𑌦𑍍𑌵𑌃 𑌸𑌮𑌮𑌸𑌮𑌹𑌰𑍇𑌰𑍍𑌹𑍇𑌷𑌿𑌤𑌂 𑌕𑌲𑍍𑌮𑌷𑌾𑌣𑌿 ॥ 48 ॥

𑌧𑍁𑌨𑍍𑌵𑌨𑍍𑌤𑍋 𑌨𑍀𑌰𑌦𑌾𑌲𑍀𑌰𑍍𑌨𑌿𑌜𑌰𑍁𑌚𑌿𑌹𑌰𑌿𑌤𑌾𑌃 𑌪𑌾𑌰𑍍𑌶𑍍𑌵𑌯𑍋𑌃 𑌪𑌕𑍍𑌷𑌤𑍁𑌲𑍍𑌯𑌾-

𑌸𑍍𑌤𑌾𑌲𑍂𑌤𑍍𑌤𑌾𑌨𑍈𑌃 𑌖𑌲𑍀𑌨𑍈𑌃 𑌖𑌚𑌿𑌤𑌮𑍁𑌖𑌰𑍁𑌚𑌶𑍍𑌚𑍍𑌯𑍋𑌤𑌤𑌾 𑌲𑍋𑌹𑌿𑌤𑍇𑌨 ।

𑌉𑌡𑍍𑌡𑍀𑌯𑍇𑌵 𑌵𑍍𑌰𑌜𑌨𑍍𑌤𑍋 𑌵𑌿𑌯𑌤𑌿 𑌗𑌤𑌿𑌵𑌶𑌾𑌦𑌰𑍍𑌕𑌵𑌾𑌹𑌾𑌃 𑌕𑍍𑌰𑌿𑌯𑌾𑌸𑍁𑌃

𑌕𑍍𑌷𑍇𑌮𑌂 𑌹𑍇𑌮𑌾𑌦𑍍𑌰𑌿𑌹𑍃𑌦𑍍𑌯𑌦𑍍𑌰𑍁𑌮𑌶𑌿𑌖𑌰𑌶𑌿𑌰𑌃𑌶𑍍𑌰𑍇𑌣𑌿𑌶𑌾𑌖𑌾𑌶𑍁𑌕𑌾 𑌵𑌃 ॥ 49 ॥

॥ 𑌇𑌤𑍍𑌯𑌶𑍍𑌵𑌵𑌰𑍍𑌣𑌨𑌮𑍍 ॥

॥ 𑌅𑌥 𑌅𑌰𑍁𑌣𑌵𑌰𑍍𑌣𑌨𑌮𑍍 ॥

𑌪𑍍𑌰𑌾𑌤𑌃 𑌶𑍈𑌲𑌾𑌗𑍍𑌰𑌰𑌙𑍍𑌗𑍇 𑌰𑌜𑌨𑌿𑌜𑌵𑌨𑌿𑌕𑌾𑌪𑌾𑌯𑌸𑌂𑌲𑌕𑍍𑌷𑍍𑌯𑌲𑌕𑍍𑌷𑍍𑌮𑍀-

𑌰𑍍𑌵𑌿𑌕𑍍𑌷𑌿𑌪𑍍𑌤𑌾𑌪𑍂𑌰𑍍𑌵𑌪𑍁𑌷𑍍𑌪𑌾𑌞𑍍𑌜𑌲𑌿𑌮𑍁𑌡𑍁𑌨𑌿𑌕𑌰𑌂 𑌸𑍂𑌤𑍍𑌰𑌧𑌾𑌰𑌾𑌯𑌮𑌾𑌣𑌃 ।

𑌯𑌾𑌮𑍇𑌷𑍍𑌵𑌙𑍍𑌕𑍇𑌷𑍍𑌵𑌿𑌵𑌾𑌹𑍍𑌨𑌃 𑌕𑍃𑌤𑌰𑍁𑌚𑌿𑌷𑍁 𑌚𑌤𑍁𑌰𑍍𑌷𑍍𑌵𑍇𑌵 𑌜𑌾𑌤𑌪𑍍𑌰𑌤𑌿𑌷𑍍𑌠𑌾- 𑌵𑌰𑍍 𑌯𑌾𑌤𑌃 𑌪𑍍𑌰𑌤𑌿𑌷𑍍𑌠𑌾𑌂

𑌮𑌵𑍍𑌯𑌾𑌤𑍍𑌪𑍍𑌰𑌸𑍍𑌤𑌾𑌵𑌯𑌨𑍍𑌵𑍋 𑌜𑌗𑌦𑌟𑌨𑌮𑌹𑌾𑌨𑌾𑌟𑌿𑌕𑌾𑌂 𑌸𑍂𑌰𑍍𑌯𑌸𑍂𑌤𑌃 ॥ 50 ॥

𑌆𑌕𑍍𑌰𑌾𑌨𑍍𑌤𑍍𑌯𑌾 𑌵𑌾𑌹𑍍𑌯𑌮𑌾𑌨𑌂 𑌪𑌶𑍁𑌮𑌿𑌵 𑌹𑌰𑌿𑌣𑌾 𑌵𑌾𑌹𑌕𑍋𑌽𑌗𑍍𑌰𑍍𑌯𑍋 𑌹𑌰𑍀𑌣𑌾𑌂

𑌭𑍍𑌰𑌾𑌮𑍍𑌯𑌨𑍍𑌤𑌂 𑌪𑌕𑍍𑌷𑌪𑌾𑌤𑌾𑌜𑍍𑌜𑌗𑌤𑌿 𑌸𑌮𑌰𑍁𑌚𑌿𑌃 𑌸𑌰𑍍𑌵𑌕𑌰𑍍𑌮𑍈𑌕𑌸𑌾𑌕𑍍𑌷𑍀 ।

𑌶𑌤𑍍𑌰𑍁𑌂 𑌨𑍇𑌤𑍍𑌰𑌶𑍍𑌰𑍁𑌤𑍀𑌨𑌾𑌮𑌵𑌜𑌯𑌤𑌿 𑌵𑌯𑍋𑌜𑍍𑌯𑍇𑌷𑍍𑌠𑌭𑌾𑌵𑍇 𑌸𑌮𑍇𑌽𑌪𑌿

𑌸𑍍𑌥𑌾𑌮𑍍𑌨𑌾𑌂 𑌧𑌾𑌮𑍍𑌨𑌾𑌂 𑌨𑌿𑌧𑌿𑌰𑍍𑌯𑌃 𑌸 𑌭𑌵𑌦𑌘𑌨𑍁𑌦𑍇 𑌨𑍂𑌤𑌨𑌃 𑌸𑍍𑌤𑌾𑌦𑌨𑍂𑌰𑍁𑌃 ॥ 51 ॥

𑌦𑌤𑍍𑌤𑌾𑌰𑍍𑌘𑍈𑌰𑍍𑌦𑍂𑌰𑌨𑌮𑍍𑌰𑍈𑌰𑍍𑌵𑌿𑌯𑌤𑌿 𑌵𑌿𑌨𑌯𑌤𑍋 𑌵𑍀𑌕𑍍𑌷𑌿𑌤𑌃 𑌸𑌿𑌦𑍍𑌧𑌸𑌾𑌰𑍍𑌥𑍈𑌃 𑌵𑌰𑍍 𑌸𑌿𑌦𑍍𑌧𑌸𑌾𑌧𑍍𑌯𑍈𑌃

𑌸𑌾𑌨𑌾𑌥𑍍𑌯𑌂 𑌸𑌾𑌰𑌥𑌿𑌰𑍍𑌵𑌃 𑌸 𑌦𑌶𑌶𑌤𑌰𑍁𑌚𑍇𑌃 𑌸𑌾𑌤𑌿𑌰𑍇𑌕𑌂 𑌕𑌰𑍋𑌤𑍁 ।

𑌆𑌪𑍀𑌯 𑌪𑍍𑌰𑌾𑌤𑌰𑍇𑌵 𑌪𑍍𑌰𑌤𑌤𑌹𑌿𑌮𑌪𑌯𑌃𑌸𑍍𑌯𑌨𑍍𑌦𑌿𑌨𑍀𑌰𑌿𑌨𑍍𑌦𑍁𑌭𑌾𑌸𑍋

𑌯𑌃 𑌕𑌾𑌷𑍍𑌠𑌾𑌦𑍀𑌪𑌨𑍋𑌽𑌗𑍍𑌰𑍇 𑌜𑌡𑌿𑌤 𑌇𑌵 𑌭𑍃𑌶𑌂 𑌸𑍇𑌵𑌤𑍇 𑌪𑍃𑌷𑍍𑌠𑌤𑍋𑌽𑌰𑍍𑌕𑌮𑍍 ॥ 52 ॥

𑌮𑍁𑌞𑍍𑌚𑌨𑍍𑌰𑌶𑍍𑌮𑍀𑌨𑍍𑌦𑌿𑌨𑌾𑌦𑍗 𑌦𑌿𑌨𑌗𑌮𑌸𑌮𑌯𑍇 𑌸𑌂𑌹𑌰𑌂𑌶𑍍𑌚 𑌸𑍍𑌵𑌤𑌨𑍍𑌤𑍍𑌰-

𑌸𑍍𑌤𑍋𑌤𑍍𑌰𑌪𑍍𑌰𑌖𑍍𑌯𑌾𑌤𑌵𑍀𑌰𑍍𑌯𑍋𑌽𑌵𑌿𑌰𑌤𑌹𑌰𑌿𑌪𑌦𑌾𑌕𑍍𑌰𑌾𑌨𑍍𑌤𑌿𑌬𑌦𑍍𑌧𑌾𑌭𑌿𑌯𑍋𑌗𑌃 । 𑌵𑌰𑍍 𑌵𑌿𑌤𑌤

𑌕𑌾𑌲𑍋𑌤𑍍𑌕𑌰𑍍𑌷𑌾𑌲𑍍𑌲𑌘𑍁𑌤𑍍𑌵𑌂 𑌪𑍍𑌰𑌸𑌭𑌮𑌧𑌿𑌪𑌤𑍗 𑌯𑍋𑌜𑌯𑌨𑍍𑌯𑍋 𑌦𑍍𑌵𑌿𑌜𑌾𑌨𑌾𑌂

𑌸𑍇𑌵𑌾𑌪𑍍𑌰𑍀𑌤𑍇𑌨 𑌪𑍂𑌷𑍍𑌣𑌾𑌤𑍍𑌮𑌸𑌮 𑌇𑌵 𑌕𑍃𑌤𑌸𑍍𑌤𑍍𑌰𑌾𑌯𑌤𑌾𑌂 𑌸𑍋𑌽𑌰𑍁𑌣𑍋 𑌵𑌃 ॥ 53 ॥ 𑌵𑌰𑍍 𑌸𑍍𑌵𑌸𑌮

𑌶𑌾𑌤𑌃 𑌶𑍍𑌯𑌾𑌮𑌾𑌲𑌤𑌾𑌯𑌾𑌃 𑌪𑌰𑌶𑍁𑌰𑌿𑌵 𑌤𑌮𑍋𑌽𑌰𑌣𑍍𑌯𑌵𑌹𑍍𑌨𑍇𑌰𑌿𑌵𑌾𑌰𑍍𑌚𑌿𑌃 𑌵𑌰𑍍 𑌦𑌾𑌹𑍇 𑌦𑌵𑌾𑌭𑌃

𑌪𑍍𑌰𑌾𑌚𑍍𑌯𑍇𑌵𑌾𑌗𑍍𑌰𑍇 𑌗𑍍𑌰𑌹𑍀𑌤𑍁𑌂 𑌗𑍍𑌰𑌹𑌕𑍁𑌮𑍁𑌦𑌵𑌨𑌂 𑌪𑍍𑌰𑌾𑌗𑍁𑌦𑌸𑍍𑌤𑍋𑌽𑌗𑍍𑌰𑌹𑌸𑍍𑌤𑌃 ।

𑌵𑌰𑍍 𑌪𑍍𑌰𑌾𑌚𑍀𑌵𑌾𑌗𑍍𑌰𑍇, 𑌗𑍍𑌰𑌹𑌕𑍁𑌮𑍁𑌦𑌰𑍁𑌚𑌿𑌂

𑌐𑌕𑍍𑌯𑌂 𑌭𑌿𑌨𑍍𑌦𑌨𑍍𑌦𑍍𑌯𑍁𑌭𑍂𑌮𑍍𑌯𑍋𑌰𑌵𑌧𑌿𑌰𑌿𑌵 𑌵𑌿𑌧𑌾𑌤𑍇𑌵 𑌵𑌿𑌶𑍍𑌵𑌪𑍍𑌰𑌬𑍋𑌧𑍇

𑌵𑌾𑌹𑌾𑌨𑌾𑌂 𑌵𑍋 𑌵𑌿𑌨𑍇𑌤𑌾 𑌵𑍍𑌯𑌪𑌨𑌯𑌤𑍁 𑌵𑌿𑌪𑌨𑍍𑌨𑌾𑌮 𑌧𑌾𑌮𑌾𑌧𑌿𑌪𑌸𑍍𑌯 ॥ 54 ॥

𑌪𑍗𑌰𑌸𑍍𑌤𑍍𑌯𑌸𑍍𑌤𑍋𑌯𑌦𑌰𑍍𑌤𑍋𑌃 𑌪𑌵𑌨 𑌇𑌵 𑌪𑌤𑌤𑍍𑌪𑌾𑌵𑌕𑌸𑍍𑌯𑍇𑌵 𑌧𑍂𑌮𑍋 𑌵𑌰𑍍 𑌪𑌤𑌨𑍍

𑌵𑌿𑌶𑍍𑌵𑌸𑍍𑌯𑍇𑌵𑌾𑌦𑌿𑌸𑌰𑍍𑌗𑌃 𑌪𑍍𑌰𑌣𑌵 𑌇𑌵 𑌪𑌰𑌂 𑌪𑌾𑌵𑌨𑍋 𑌵𑍇𑌦𑌰𑌾𑌶𑍇𑌃

𑌸𑌨𑍍𑌧𑍍𑌯𑌾𑌨𑍃𑌤𑍍𑌯𑍋𑌤𑍍𑌸𑌵𑍇𑌚𑍍𑌛𑍋𑌰𑌿𑌵 𑌮𑌦𑌨𑌰𑌿𑌪𑍋𑌰𑍍𑌨𑌨𑍍𑌦𑌿𑌨𑌾𑌨𑍍𑌦𑍀𑌨𑌿𑌨𑌾𑌦𑌃

𑌸𑍗𑌰𑌸𑍍𑌯𑌾𑌗𑍍𑌰𑍇 𑌸𑍁𑌖𑌂 𑌵𑍋 𑌵𑌿𑌤𑌰𑌤𑍁 𑌵𑌿𑌨𑌤𑌾𑌨𑌨𑍍𑌦𑌨𑌃 𑌸𑍍𑌯𑌨𑍍𑌦𑌨𑌸𑍍𑌯 ॥ 55 ॥ 𑌵𑌰𑍍 𑌸𑍍𑌯𑌨𑍍𑌦𑌨𑍋 𑌵𑌃

𑌪𑌰𑍍𑌯𑌾𑌪𑍍𑌤𑌂 𑌤𑌪𑍍𑌤𑌚𑌾𑌮𑍀𑌕𑌰𑌕𑌟𑌕𑌤𑌟𑍇 𑌶𑍍𑌲𑌿𑌷𑍍𑌟𑌶𑍀𑌤𑍇𑌤𑌰𑌾𑌂𑌶𑌾-

𑌵𑌾𑌸𑍀𑌦𑌤𑍍𑌸𑍍𑌯𑌨𑍍𑌦𑌨𑌾𑌶𑍍𑌵𑌾𑌨𑍁𑌕𑍃𑌤𑌿𑌮𑌰𑌕𑌤𑍇 𑌪𑌦𑍍𑌮𑌰𑌾𑌗𑌾𑌯𑌮𑌾𑌣𑌃 । 𑌵𑌰𑍍 𑌅𑌶𑍍𑌵𑌾𑌨𑍁𑌕𑍃𑌤𑌮𑌰𑌕𑌤𑍇

𑌯𑌃 𑌸𑍋𑌤𑍍𑌕𑌰𑍍𑌷𑌾𑌂 𑌵𑌿𑌭𑍂𑌷𑌾𑌂 𑌕𑍁𑌰𑍁𑌤 𑌇𑌵 𑌕𑍁𑌲𑌕𑍍𑌷𑍍𑌮𑌾𑌭𑍃𑌦𑍀𑌶𑌸𑍍𑌯 𑌮𑍇𑌰𑍋-

𑌰𑍇𑌨𑌾𑌂𑌸𑍍𑌯𑌹𑍍𑌨𑌾𑌯 𑌦𑍂𑌰𑌂 𑌗𑌮𑌯𑌤𑍁 𑌸 𑌗𑍁𑌰𑍁𑌃 𑌕𑌾𑌦𑍍𑌰𑌵𑍇𑌯𑌦𑍍𑌵𑌿𑌷𑍋 𑌵𑌃 ॥ 56 ॥

𑌨𑍀𑌤𑍍𑌵𑌾𑌶𑍍𑌵𑌾𑌨𑍍𑌸𑌪𑍍𑌤 𑌕𑌕𑍍𑌷𑌾 𑌇𑌵 𑌨𑌿𑌯𑌮𑌵𑌶𑌂 𑌵𑍇𑌤𑍍𑌰𑌕𑌲𑍍𑌪𑌪𑍍𑌰𑌤𑍋𑌦- 𑌵𑌰𑍍 𑌕𑌕𑍍𑌷𑍍𑌯𑌾

𑌸𑍍𑌤𑍂𑌰𑍍𑌣𑌂 𑌧𑍍𑌵𑌾𑌨𑍍𑌤𑌸𑍍𑌯 𑌰𑌾𑌶𑌾𑌵𑌿𑌤𑌰𑌜𑌨 𑌇𑌵𑍋𑌤𑍍𑌸𑌾𑌰𑌿𑌤𑍇 𑌦𑍂𑌰𑌭𑌾𑌜𑌿 ।

𑌪𑍂𑌰𑍍𑌵𑌂 𑌪𑍍𑌰𑌷𑍍𑌠𑍋 𑌰𑌥𑌸𑍍𑌯 𑌕𑍍𑌷𑌿𑌤𑌿𑌭𑍃𑌦𑌧𑌿𑌪𑌤𑍀𑌨𑍍𑌦𑌰𑍍𑌶𑌯𑌂𑌸𑍍𑌤𑍍𑌰𑌾𑌯𑌤𑌾𑌂 𑌵-

𑌸𑍍𑌤𑍍𑌰𑍈𑌲𑍋𑌕𑍍𑌯𑌾𑌸𑍍𑌥𑌾𑌨𑌦𑌾𑌨𑍋𑌦𑍍𑌯𑌤𑌦𑌿𑌵𑌸𑌪𑌤𑍇𑌃 𑌪𑍍𑌰𑌾𑌕𑍍𑌪𑍍𑌰𑌤𑍀𑌹𑌾𑌰𑌪𑌾𑌲𑌃 ॥ 57 ॥

𑌵𑌜𑍍𑌰𑌿𑌞𑍍𑌜𑌾𑌤𑌂 𑌵𑌿𑌕𑌾𑌸𑍀𑌕𑍍𑌷𑌣𑌕𑌮𑌲𑌵𑌨𑌂 𑌭𑌾𑌸𑌿 𑌨𑌾𑌭𑌾𑌸𑌿 𑌵𑌹𑍍𑌨𑍇! 𑌵𑌰𑍍 𑌨𑍋 𑌭𑌾𑌸𑌿

𑌤𑌾𑌤𑌂 𑌨𑌤𑍍𑌵𑌾𑌶𑍍𑌵𑌪𑌾𑌰𑍍𑌶𑍍𑌵𑌾𑌨𑍍𑌨𑌯 𑌯𑌮! 𑌮𑌹𑌿𑌷𑌂 𑌰𑌾𑌕𑍍𑌷𑌸𑌾 𑌵𑍀𑌕𑍍𑌷𑌿𑌤𑌾𑌃 𑌸𑍍𑌥 ।

𑌸𑌪𑍍𑌤𑍀𑌨𑍍𑌸𑌿𑌞𑍍𑌚 𑌪𑍍𑌰𑌚𑍇𑌤𑌃! 𑌪𑌵𑌨! 𑌭𑌜 𑌜𑌵𑌂 𑌵𑌿𑌤𑍍𑌤𑌪𑌾𑌵𑍇𑌦𑌿𑌤𑌸𑍍𑌤𑍍𑌵𑌂

𑌵𑌨𑍍𑌦𑍇 𑌶𑌰𑍍𑌵𑍇𑌤𑌿 𑌜𑌲𑍍𑌪𑌨𑍍𑌪𑍍𑌰𑌤𑌿𑌦𑌿𑌶𑌮𑌧𑌿𑌪𑌾𑌨𑍍𑌪𑌾𑌤𑍁 𑌪𑍂𑌷𑍍𑌣𑍋𑌽𑌗𑍍𑌰𑌣𑍀𑌰𑍍𑌵𑌃 ॥ 58 ॥

𑌪𑌾𑌶𑌾𑌨𑌾𑌶𑌾𑌨𑍍𑌤𑌪𑌾𑌲𑌾𑌦𑌰𑍁𑌣 𑌵𑌰𑍁𑌣𑌤𑍋 𑌮𑌾 𑌗𑍍𑌰𑌹𑍀𑌃 𑌪𑍍𑌰𑌗𑍍𑌰𑌹𑌾𑌰𑍍𑌥𑌂

𑌤𑍃𑌷𑍍𑌣𑌾𑌂 𑌕𑍃𑌷𑍍𑌣𑌸𑍍𑌯 𑌚𑌕𑍍𑌰𑍇 𑌜𑌹𑌿𑌹𑌿 𑌨𑌹𑌿 𑌰𑌥𑍋 𑌯𑌾𑌤𑌿 𑌮𑍇 𑌨𑍈𑌕𑌚𑌕𑍍𑌰𑌃 ।

𑌯𑍋𑌕𑍍𑌤𑍁𑌂 𑌯𑍁𑌗𑍍𑌯𑌂 𑌕𑌿𑌮𑍁𑌚𑍍𑌚𑍈𑌃𑌶𑍍𑌰𑌵𑌸𑌮𑌭𑌿𑌲𑌷𑌸𑍍𑌯𑌷𑍍𑌟𑌮𑌂 𑌵𑍃𑌤𑍍𑌰𑌶𑌤𑍍𑌰𑍋- 𑌵𑌰𑍍 𑌤𑍍𑌵𑌾𑌷𑍍𑌟𑍍𑌰𑌶𑌤𑍍𑌰𑍋𑌃

𑌸𑍍𑌤𑍍𑌯𑌕𑍍𑌤𑌾𑌨𑍍𑌯𑌾𑌪𑍇𑌕𑍍𑌷𑌵𑌿𑌶𑍍𑌵𑍋𑌪𑌕𑍃𑌤𑌿𑌰𑌿𑌵 𑌰𑌵𑌿𑌃 𑌶𑌾𑌸𑍍𑌤𑌿 𑌯𑌂 𑌸𑍋𑌽𑌵𑌤𑌾𑌦𑍍𑌵𑌃 ॥ 59 ॥

𑌨𑍋 𑌮𑍂𑌰𑍍𑌚𑍍𑌛𑌾𑌚𑍍𑌛𑌿𑌨𑍍𑌨𑌵𑌾𑌞𑍍𑌛𑌃 𑌶𑍍𑌰𑌮𑌵𑌿𑌵𑌶𑌵𑌪𑍁𑌰𑍍𑌨𑍈𑌵 𑌨𑌾𑌪𑍍𑌯𑌾𑌸𑍍𑌯𑌶𑍋𑌷𑍀

𑌪𑌾𑌨𑍍𑌥𑌃 𑌪𑌥𑍍𑌯𑍇𑌤𑌰𑌾𑌣𑌿 𑌕𑍍𑌷𑌪𑌯𑌤𑍁 𑌭𑌵𑌤𑌾𑌂 𑌭𑌾𑌸𑍍𑌵𑌤𑍋𑌽𑌗𑍍𑌰𑍇𑌸𑌰𑌃 𑌸𑌃 ।

𑌯𑌃 𑌸𑌂𑌶𑍍𑌰𑌿𑌤𑍍𑌯 𑌤𑍍𑌰𑌿𑌲𑍋𑌕𑍀𑌮𑌟𑌤𑌿 𑌪𑌟𑍁𑌤𑌰𑍈𑌸𑍍𑌤𑌾𑌪𑍍𑌯𑌮𑌾𑌨𑍋 𑌮𑌯𑍂𑌖𑍈-

𑌰𑌾𑌰𑌾𑌦𑌾𑌰𑌾𑌮𑌲𑍇𑌖𑌾𑌮𑌿𑌵 𑌹𑌰𑌿𑌤𑌮𑌣𑌿𑌶𑍍𑌯𑌾𑌮𑌲𑌾𑌮𑌶𑍍𑌵𑌪𑌙𑍍𑌕𑍍𑌤𑌿𑌮𑍍 ॥ 60 ॥ 𑌵𑌰𑍍 𑌹𑌰𑌿𑌤𑌤𑍃𑌣

𑌸𑍀𑌦𑌨𑍍𑌤𑍋𑌽𑌨𑍍𑌤𑌰𑍍𑌨𑌿𑌮𑌜𑍍𑌜𑌜𑍍𑌜𑌡𑌖𑍁𑌰𑌮𑍁𑌸𑌲𑌾𑌃 𑌸𑍈𑌕𑌤𑍇 𑌨𑌾𑌕𑌨𑌦𑍍𑌯𑌾𑌃

𑌸𑍍𑌕𑌨𑍍𑌦𑌨𑍍𑌤𑌃 𑌕𑌨𑍍𑌦𑌰𑌾𑌲𑍀𑌃 𑌕𑌨𑌕𑌶𑌿𑌖𑌰𑌿𑌣𑍋 𑌮𑍇𑌖𑌲𑌾𑌸𑍁 𑌸𑍍𑌖𑌲𑌨𑍍𑌤𑌃 ।

𑌦𑍂𑌰𑌂 𑌦𑍂𑌰𑍍𑌵𑌾𑌸𑍍𑌥𑌲𑍋𑌤𑍍𑌕𑌾 𑌮𑌰𑌕𑌤𑌦𑍃𑌷𑌦𑌿 𑌸𑍍𑌥𑌾𑌸𑍍𑌨𑌵𑍋 𑌯𑌨𑍍𑌨 𑌯𑌾𑌤𑌾𑌃

𑌪𑍂𑌷𑍍𑌣𑍋𑌽𑌶𑍍𑌵𑌾𑌃 𑌪𑍂𑌰𑌯𑌂𑌸𑍍𑌤𑍈𑌸𑍍𑌤𑌦𑌵𑌤𑍁 𑌜𑌵𑌨𑍈𑌰𑍍𑌹𑍁𑌙𑍍𑌕𑍃𑌤𑍇𑌨𑌾𑌗𑍍𑌰𑌗𑍋 𑌵𑌃 ॥ 61 ॥ 𑌵𑌰𑍍 𑌪𑍍𑌰𑍇𑌰𑌯𑌨𑍍 𑌹𑍁𑌙𑍍𑌕𑍃𑌤𑍈𑌰𑌗𑍍𑌰𑌣𑍀𑌃

॥ 𑌇𑌤𑍍𑌯𑌰𑍁𑌣𑌵𑌰𑍍𑌣𑌨𑌮𑍍 ॥ 𑌵𑌰𑍍 𑌸𑍂𑌤𑌵𑌰𑍍𑌣𑌨𑌮𑍍

॥ 𑌅𑌥 𑌰𑌥𑌵𑌰𑍍𑌣𑌨𑌮𑍍 ॥

𑌪𑍀𑌨𑍋𑌰𑌃𑌪𑍍𑌰𑍇𑌰𑌿𑌤𑌾𑌭𑍍𑌰𑍈𑌶𑍍𑌚𑌰𑌮𑌖𑍁𑌰𑌪𑍁𑌟𑌾𑌗𑍍𑌰𑌸𑍍𑌥𑌿𑌤𑍈𑌃 𑌪𑍍𑌰𑌾𑌤𑌰𑌦𑍍𑌰𑌾-

𑌵𑌾𑌦𑍀𑌰𑍍𑌘𑌾𑌙𑍍𑌗𑍈𑌰𑍁𑌦𑌸𑍍𑌤𑍋 𑌹𑌰𑌿𑌭𑌿𑌰𑌪𑌗𑌤𑌾𑌸𑌙𑍍𑌗𑌨𑌿𑌃𑌶𑌬𑍍𑌦𑌚𑌕𑍍𑌰𑌃 ।

𑌉𑌤𑍍𑌤𑌾𑌨𑌾𑌨𑍂𑌰𑍁𑌮𑍂𑌰𑍍𑌧𑌾𑌵𑌨𑌤𑌿𑌹𑌠𑌭𑌵𑌦𑍍𑌵𑌿𑌪𑍍𑌰𑌤𑍀𑌪𑌪𑍍𑌰𑌣𑌾𑌮𑌃

𑌪𑍍𑌰𑌾𑌹𑍍𑌣𑍇 𑌶𑍍𑌰𑍇𑌯𑍋 𑌵𑌿𑌧𑌤𑍍𑌤𑌾𑌂 𑌸𑌵𑌿𑌤𑍁𑌰𑌵𑌤𑌰𑌨𑍍𑌵𑍍𑌯𑍋𑌮𑌵𑍀𑌥𑍀𑌂 𑌰𑌥𑍋 𑌵𑌃 ॥ 62 ॥ 𑌵𑌰𑍍 𑌪𑍍𑌰𑍇𑌯𑍋

𑌧𑍍𑌵𑌾𑌨𑍍𑌤𑍗𑌘𑌧𑍍𑌵𑌂𑌸𑌦𑍀𑌕𑍍𑌷𑌾𑌵𑌿𑌧𑌿𑌪𑌟𑍁 𑌵𑌹𑌤𑌾 𑌪𑍍𑌰𑌾𑌕𑍍𑌸𑌹𑌸𑍍𑌰𑌂 𑌕𑌰𑌾𑌣𑌾- 𑌵𑌰𑍍 𑌵𑌿𑌧𑌿𑌗𑍁𑌰𑍁 𑌦𑍍𑌰𑌾𑌕𑍍𑌸𑌹𑌸𑍍𑌰𑌂

𑌮𑌰𑍍𑌯𑌮𑍍𑌣𑌾 𑌯𑍋 𑌗𑌰𑌿𑌮𑍍𑌣𑌃 𑌪𑌦𑌮𑌤𑍁𑌲𑌮𑍁𑌪𑌾𑌨𑍀𑌯𑌤𑌾𑌧𑍍𑌯𑌾𑌸𑌨𑍇𑌨 ।

𑌸 𑌶𑍍𑌰𑌾𑌨𑍍𑌤𑌾𑌨𑌾𑌂 𑌨𑌿𑌤𑌾𑌨𑍍𑌤𑌂 𑌭𑌰𑌮𑌿𑌵 𑌮𑌰𑍁𑌤𑌾𑌮𑌕𑍍𑌷𑌮𑌾𑌣𑌾𑌂 𑌵𑌿𑌸𑍋𑌢𑍁𑌂

𑌸𑍍𑌕𑌨𑍍𑌧𑌾𑌤𑍍𑌸𑍍𑌕𑌨𑍍𑌧𑌂 𑌵𑍍𑌰𑌜𑌨𑍍𑌵𑍋 𑌵𑍃𑌜𑌿𑌨𑌵𑌿𑌜𑌿𑌤𑌯𑍇 𑌭𑌾𑌸𑍍𑌵𑌤𑌃 𑌸𑍍𑌯𑌨𑍍𑌦𑌨𑍋𑌽𑌸𑍍𑌤𑍁 ॥ 63 ॥

𑌯𑍋𑌕𑍍𑌤𑍍𑌰𑍀𑌭𑍂𑌤𑌾𑌨𑍍𑌯𑍁𑌗𑌸𑍍𑌯 𑌗𑍍𑌰𑌸𑌿𑌤𑍁𑌮𑌿𑌵 𑌪𑍁𑌰𑍋 𑌦𑌨𑍍𑌦𑌶𑍂𑌕𑌾𑌨𑍍𑌦𑌧𑌾𑌨𑍋

𑌦𑍍𑌵𑍇𑌧𑌾𑌵𑍍𑌯𑌸𑍍𑌤𑌾𑌮𑍍𑌬𑍁𑌵𑌾𑌹𑌾𑌵𑌲𑌿𑌵𑌿𑌹𑌿𑌤𑌬𑍃𑌹𑌤𑍍𑌪𑌕𑍍𑌷𑌵𑌿𑌕𑍍𑌷𑍇𑌪𑌶𑍋𑌭𑌃 ।

𑌸𑌾𑌵𑌿𑌤𑍍𑌰𑌃 𑌸𑍍𑌯𑌨𑍍𑌦𑌨𑍋𑌽𑌸𑍗 𑌨𑌿𑌰𑌤𑌿𑌶𑌯𑌰𑌯𑌪𑍍𑌰𑍀𑌣𑌿𑌤𑌾𑌨𑍂𑌰𑍁𑌰𑍇𑌨𑌃-

𑌕𑍍𑌷𑍇𑌪𑍀𑌯𑍋 𑌵𑍋 𑌗𑌰𑍁𑌤𑍍𑌮𑌾𑌨𑌿𑌵 𑌹𑌰𑌤𑍁 𑌹𑌰𑍀𑌚𑍍𑌛𑌾𑌵𑌿𑌧𑍇𑌯𑌪𑍍𑌰𑌚𑌾𑌰𑌃 ॥ 64 ॥

𑌏𑌕𑌾𑌹𑍇𑌨𑍈𑌵 𑌦𑍀𑌰𑍍𑌘𑌾𑌂 𑌤𑍍𑌰𑌿𑌭𑍁𑌵𑌨𑌪𑌦𑌵𑍀𑌂 𑌲𑌙𑍍𑌘𑌯𑌨𑍍 𑌯𑍋 𑌲𑌘𑌿𑌷𑍍𑌠𑌃 𑌵𑌰𑍍 𑌕𑍃𑌸𑍍𑌤𑍍𑌨𑌾𑌂

𑌪𑍃𑌷𑍍𑌠𑍇 𑌮𑍇𑌰𑍋𑌰𑍍𑌗𑌰𑍀𑌯𑌾𑌨𑍍 𑌦𑌲𑌿𑌤𑌮𑌣𑌿𑌦𑍃𑌷𑌤𑍍𑌤𑍍𑌵𑌿𑌂𑌷𑌿 𑌪𑌿𑌂𑌷𑌞𑍍𑌶𑌿𑌰𑌾𑌂𑌸𑌿 ।

𑌸𑌰𑍍𑌵𑌸𑍍𑌯𑍈𑌵𑍋𑌪𑌰𑌿𑌷𑍍𑌟𑌾𑌦𑌥 𑌚 𑌪𑍁𑌨𑌰𑌧𑌸𑍍𑌤𑌾𑌦𑌿𑌵𑌾𑌸𑍍𑌤𑌾𑌦𑍍𑌰𑌿𑌮𑍂𑌰𑍍𑌨𑍍𑌧𑌿

𑌬𑍍𑌰𑌧𑍍𑌨𑌸𑍍𑌯𑌾𑌵𑍍𑌯𑌾𑌤𑍍𑌸 𑌏𑌵𑌂 𑌦𑍁𑌰𑌧𑌿𑌗𑌮𑌪𑌰𑌿𑌸𑍍𑌪𑌨𑍍𑌦𑌨𑌃 𑌸𑍍𑌯𑌨𑍍𑌦𑌨𑍋 𑌵𑌃 ॥ 65 ॥

𑌧𑍂𑌰𑍍𑌧𑍍𑌵𑌸𑍍𑌤𑌾𑌗𑍍𑌰𑍍𑌯𑌗𑍍𑌰𑌹𑌾𑌣𑌿 𑌧𑍍𑌵𑌜𑌪𑌟𑌪𑌵𑌨𑌾𑌨𑍍𑌦𑍋𑌲𑌿𑌤𑍇𑌨𑍍𑌦𑍂𑌨𑌿 𑌦𑍂𑌰𑌂 𑌵𑌰𑍍 𑌦𑍂𑌰𑌾𑌤𑍍

𑌰𑌾𑌹𑍗 𑌗𑍍𑌰𑌾𑌸𑌾𑌭𑌿𑌲𑌾𑌷𑌾𑌦𑌨𑍁𑌸𑌰𑌤𑌿 𑌪𑍁𑌨𑌰𑍍𑌦𑌤𑍍𑌤𑌚𑌕𑍍𑌰𑌵𑍍𑌯𑌥𑌾𑌨𑌿 ।

𑌶𑍍𑌰𑌾𑌨𑍍𑌤𑌾𑌶𑍍𑌵𑌶𑍍𑌵𑌾𑌸𑌹𑍇𑌲𑌾𑌧𑍁𑌤𑌵𑌿𑌬𑍁𑌧𑌧𑍁𑌨𑍀𑌨𑌿𑌰𑍍𑌝𑌰𑌾𑌮𑍍𑌭𑌾𑌂𑌸𑌿 𑌭𑌦𑍍𑌰𑌂

𑌦𑍇𑌯𑌾𑌸𑍁𑌰𑍍𑌵𑍋 𑌦𑌵𑍀𑌯𑍋 𑌦𑌿𑌵𑌿 𑌦𑌿𑌵𑌸𑌪𑌤𑍇𑌃 𑌸𑍍𑌯𑌨𑍍𑌦𑌨𑌪𑍍𑌰𑌸𑍍𑌥𑌿𑌤𑌾𑌨𑌿 ॥ 66 ॥

𑌅𑌕𑍍𑌷𑍇 𑌰𑌕𑍍𑌷𑌾𑌂 𑌨𑌿𑌬𑌧𑍍𑌯 𑌪𑍍𑌰𑌤𑌿𑌸𑌰𑌵𑌲𑌯𑍈𑌰𑍍𑌯𑍋𑌜𑌯𑌨𑍍𑌤𑍍𑌯𑍋 𑌯𑍁𑌗𑌾𑌗𑍍𑌰𑌂

𑌧𑍂𑌃𑌸𑍍𑌤𑌮𑍍𑌭𑍇 𑌦𑌗𑍍𑌧𑌧𑍂𑌪𑌾𑌃 𑌪𑍍𑌰𑌹𑌿𑌤𑌸𑍁𑌮𑌨𑌸𑍋 𑌗𑍋𑌚𑌰𑍇 𑌕𑍂𑌬𑌰𑌸𑍍𑌯 ।

𑌚𑌰𑍍𑌚𑌾𑌶𑍍𑌚𑌕𑍍𑌰𑍇 𑌚𑌰𑌨𑍍𑌤𑍍𑌯𑍋 𑌮𑌲𑌯𑌜𑌪𑌯𑌸𑌾 𑌸𑌿𑌦𑍍𑌧𑌵𑌧𑍍𑌵𑌸𑍍𑌤𑍍𑌰𑌿𑌸𑌨𑍍𑌧𑍍𑌯𑌂 𑌵𑌰𑍍 𑌚𑌰𑍍𑌚𑌾𑌂

𑌵𑌨𑍍𑌦𑌨𑍍𑌤𑍇 𑌯𑌂 𑌦𑍍𑌯𑍁𑌮𑌾𑌰𑍍𑌗𑍇 𑌸 𑌨𑍁𑌦𑌤𑍁 𑌦𑍁𑌰𑌿𑌤𑌾𑌨𑍍𑌯𑌂𑌶𑍁𑌮𑌤𑍍𑌸𑍍𑌯𑌨𑍍𑌦𑌨𑍋 𑌵𑌃 ॥ 67 ॥

𑌉𑌤𑍍𑌕𑍀𑌰𑍍𑌣𑌸𑍍𑌵𑌰𑍍𑌣𑌰𑍇𑌣𑍁𑌦𑍍𑌰𑍁𑌤𑌖𑍁𑌰𑌦𑌲𑌿𑌤𑌾 𑌪𑌾𑌰𑍍𑌶𑍍𑌵𑌯𑍋𑌃 𑌶𑌶𑍍𑌵𑌦𑌶𑍍𑌵𑍈- 𑌵𑌰𑍍 𑌰𑍇𑌣𑍁𑌰𑍍𑌦𑍍𑌰𑍁𑌤

𑌰𑌶𑍍𑌰𑌾𑌨𑍍𑌤𑌭𑍍𑌰𑌾𑌨𑍍𑌤𑌚𑌕𑍍𑌰𑌕𑍍𑌰𑌮𑌨𑌿𑌖𑌿𑌲𑌮𑌿𑌲𑌨𑍍𑌨𑍇𑌮𑌿𑌨𑌿𑌮𑍍𑌨𑌾 𑌭𑌰𑍇𑌣 ।

𑌮𑍇𑌰𑍋𑌰𑍍𑌮𑍂𑌰𑍍𑌧𑌨𑍍𑌯𑌘𑌂 𑌵𑍋 𑌵𑌿𑌘𑌟𑌯𑌤𑍁 𑌰𑌵𑍇𑌰𑍇𑌕𑌵𑍀𑌥𑍀 𑌰𑌥𑌸𑍍𑌯

𑌸𑍍𑌵𑍋𑌷𑍍𑌮𑍋𑌦𑌕𑍍𑌤𑌾𑌮𑍍𑌬𑍁𑌰𑌿𑌕𑍍𑌤𑌪𑍍𑌰𑌕𑌟𑌿𑌤𑌪𑍁𑌲𑌿𑌨𑍋𑌦𑍍𑌧𑍂𑌸𑌰𑌾 𑌸𑍍𑌵𑌰𑍍𑌧𑍁𑌨𑍀𑌵 ॥ 68 ॥ 𑌵𑌰𑍍 𑌸𑍍𑌵𑍋𑌷𑍍𑌮𑍋𑌦𑌸𑍍𑌤𑌾𑌮𑍍𑌬𑍁

𑌨𑌨𑍍𑌤𑍁𑌂 𑌨𑌾𑌕𑌾𑌲𑌯𑌾𑌨𑌾𑌮𑌨𑌿𑌶𑌮𑌨𑍁𑌯𑌤𑌾𑌂 𑌪𑌦𑍍𑌧𑌤𑌿𑌃 𑌪𑌙𑍍𑌕𑍍𑌤𑌿𑌰𑍇𑌵 𑌵𑌰𑍍 𑌉𑌪𑌯𑌤𑌾𑌂

𑌕𑍍𑌷𑍋𑌦𑍋 𑌨𑌕𑍍𑌷𑌤𑍍𑌰𑌰𑌾𑌶𑍇𑌰𑌦𑌯𑌰𑌯𑌮𑌿𑌲𑌚𑍍𑌚𑌕𑍍𑌰𑌪𑌿𑌷𑍍𑌟𑌸𑍍𑌯 𑌧𑍂𑌲𑌿𑌃 ।

𑌹𑍇𑌷𑌹𑍍𑌲𑌾𑌦𑍋 𑌹𑌰𑍀𑌣𑌾𑌂 𑌸𑍁𑌰𑌶𑌿𑌖𑌰𑌿𑌦𑌰𑍀𑌃 𑌪𑍂𑌰𑌯𑌨𑍍𑌨𑍇𑌮𑌿𑌨𑌾𑌦𑍋 𑌵𑌰𑍍 𑌨𑌾𑌦𑍋

𑌯𑌸𑍍𑌯𑌾𑌵𑍍𑌯𑌾𑌤𑍍𑌤𑍀𑌵𑍍𑌰𑌭𑌾𑌨𑍋𑌃 𑌸 𑌦𑌿𑌵𑌿 𑌭𑍁𑌵𑌿 𑌯𑌥𑌾 𑌵𑍍𑌯𑌕𑍍𑌤𑌚𑌿𑌹𑍍𑌨𑍋 𑌰𑌥𑍋 𑌵𑌃 ॥ 69 ॥

𑌨𑌿𑌃𑌸𑍍𑌪𑌨𑍍𑌦𑌾𑌨𑌾𑌂 𑌵𑌿𑌮𑌾𑌨𑌾𑌵𑌲𑌿𑌵𑌿𑌤𑌤𑌦𑌿𑌵𑌾𑌂 𑌦𑍇𑌵𑌵𑍃𑌨𑍍𑌦𑌾𑌰𑌕𑌾𑌣𑌾𑌂 𑌵𑌰𑍍 𑌵𑌲𑌿𑌤𑌦𑌿𑌶𑌾

𑌵𑍃𑌨𑍍𑌦𑍈𑌰𑌾𑌨𑌨𑍍𑌦𑌸𑌾𑌨𑍍𑌦𑍍𑌰𑍋𑌦𑍍𑌯𑌮𑌮𑌪𑌿 𑌵𑌹𑌤𑌾𑌂 𑌵𑌿𑌨𑍍𑌦𑌤𑌾𑌂 𑌵𑌨𑍍𑌦𑌿𑌤𑍁𑌂 𑌨𑍋 ।

𑌮𑌨𑍍𑌦𑌾𑌕𑌿𑌨𑍍𑌯𑌾𑌮𑌮𑌨𑍍𑌦𑌃 𑌪𑍁𑌲𑌿𑌨𑌭𑍃𑌤𑌿 𑌮𑍃𑌦𑍁𑌰𑍍𑌮𑌨𑍍𑌦𑌰𑍇 𑌮𑌨𑍍𑌦𑌿𑌰𑌾𑌭𑍇 𑌵𑌰𑍍 𑌮𑌨𑍍𑌦𑌰𑌾𑌭𑍇

𑌮𑌨𑍍𑌦𑌾𑌰𑍈𑌰𑍍𑌮𑌣𑍍𑌡𑌿𑌤𑌾𑌰𑌂 𑌦𑌧𑌦𑌰𑌿 𑌦𑌿𑌨𑌕𑍃𑌤𑍍𑌸𑍍𑌯𑌨𑍍𑌦𑌨𑌃 𑌸𑍍𑌤𑌾𑌨𑍍𑌮𑍁𑌦𑍇 𑌵𑌃 ॥ 70 ॥

𑌚𑌕𑍍𑌰𑍀 𑌚𑌕𑍍𑌰𑌾𑌰𑌪𑌙𑍍𑌕𑍍𑌤𑌿𑌂 𑌹𑌰𑌿𑌰𑌪𑌿 𑌚 𑌹𑌰𑍀𑌨𑍍 𑌧𑍂𑌰𑍍𑌜𑌟𑌿𑌰𑍍𑌧𑍂𑌰𑍍𑌧𑍍𑌵𑌜𑌾𑌨𑍍𑌤𑌾-

𑌨𑌕𑍍𑌷𑌂 𑌨𑌕𑍍𑌷𑌤𑍍𑌰𑌨𑌾𑌥𑍋𑌽𑌰𑍁𑌣𑌮𑌪𑌿 𑌵𑌰𑍁𑌣𑌃 𑌕𑍂𑌬𑌰𑌾𑌗𑍍𑌰𑌂 𑌕𑍁𑌬𑍇𑌰𑌃 ।

𑌰𑌂𑌹𑌃 𑌸𑌙𑍍𑌘𑌃 𑌸𑍁𑌰𑌾𑌣𑌾𑌂 𑌜𑌗𑌦𑍁𑌪𑌕𑍃𑌤𑌯𑍇 𑌨𑌿𑌤𑍍𑌯𑌯𑍁𑌕𑍍𑌤𑌸𑍍𑌯 𑌯𑌸𑍍𑌯

𑌸𑍍𑌤𑍗𑌤𑌿 𑌪𑍍𑌰𑍀𑌤𑌿𑌪𑍍𑌰𑌸𑌨𑍍𑌨𑍋𑌽𑌨𑍍𑌵𑌹𑌮𑌹𑌿𑌮𑌰𑍁𑌚𑍇𑌃 𑌸𑍋𑌽𑌵𑌤𑌾𑌤𑍍𑌸𑍍𑌯𑌨𑍍𑌦𑌨𑍋 𑌵𑌃 ॥ 71 ॥ 𑌵𑌰𑍍 𑌰𑍁𑌚

𑌨𑍇𑌤𑍍𑌰𑌾𑌹𑍀𑌨𑍇𑌨 𑌮𑍂𑌲𑍇 𑌵𑌿𑌹𑌿𑌤𑌪𑌰𑌿𑌕𑌰𑌃 𑌸𑌿𑌦𑍍𑌧𑌸𑌾𑌧𑍍𑌯𑍈𑌰𑍍𑌮𑌰𑍁𑌦𑍍𑌭𑌿𑌃

𑌪𑌾𑌦𑍋𑌪𑌾𑌨𑍍𑌤𑍇 𑌸𑍍𑌤𑍁𑌤𑍋𑌽𑌲𑌂 𑌬𑌲𑌿𑌹𑌰𑌿𑌰𑌭𑌸𑌾𑌕𑌰𑍍𑌷𑌣𑌾𑌬𑌦𑍍𑌧𑌵𑍇𑌗𑌃 ।

𑌭𑍍𑌰𑌾𑌮𑍍𑌯𑌨𑍍𑌵𑍍𑌯𑍋𑌮𑌾𑌮𑍍𑌬𑍁𑌰𑌾𑌶𑌾𑌵𑌶𑌿𑌶𑌿𑌰𑌕𑌿𑌰𑌣𑌸𑍍𑌯𑌨𑍍𑌦𑌨𑌃 𑌸𑌨𑍍𑌤𑌤𑌂 𑌵𑍋

𑌦𑌿𑌶𑍍𑌯𑌾𑌲𑍍𑌲𑌕𑍍𑌷𑍍𑌮𑍀𑌮𑌪𑌾𑌰𑌾𑌮𑌤𑍁𑌲𑌿𑌤𑌮𑌹𑌿𑌮𑍇𑌵𑌾𑌪𑌰𑍋 𑌮𑌨𑍍𑌦𑌰𑌾𑌦𑍍𑌰𑌿𑌃 ॥ 72 ॥ 𑌵𑌰𑍍 𑌅𑌤𑍁𑌲𑍍𑌯𑌾𑌂

॥ 𑌇𑌤𑌿 𑌰𑌥𑌵𑌰𑍍𑌣𑌨𑌮𑍍 ॥

॥ 𑌅𑌥 𑌮𑌣𑍍𑌡𑌲𑌵𑌰𑍍𑌣𑌨𑌮𑍍 ॥

𑌯𑌜𑍍𑌜𑍍𑌯𑌾𑌯𑍋 𑌬𑍀𑌜𑌮𑌹𑍍𑌨𑌾𑌮𑌪𑌹𑌤𑌤𑌿𑌮𑌿𑌰𑌂 𑌚𑌕𑍍𑌷𑍁𑌷𑌾𑌮𑌞𑍍𑌜𑌨𑌂 𑌯- 𑌵𑌰𑍍 𑌜𑍍𑌯𑌾𑌯𑍋 𑌯𑌦𑍍𑌬𑍀𑌜𑌮𑌹𑍍𑌨𑌾𑌮𑌪𑌹𑍃𑌤

𑌦𑍍𑌦𑍍𑌵𑌾𑌰𑌂 𑌯𑌨𑍍𑌮𑍁𑌕𑍍𑌤𑌿𑌭𑌾𑌜𑌾𑌂 𑌯𑌦𑌖𑌿𑌲𑌭𑍁𑌵𑌨𑌜𑍍𑌯𑍋𑌤𑌿𑌷𑌾𑌮𑍇𑌕𑌮𑍋𑌕𑌃 ।

𑌯𑌦𑍍𑌵𑍃𑌷𑍍𑌟𑍍𑌯𑌮𑍍𑌭𑍋𑌨𑌿𑌧𑌾𑌨𑌂 𑌧𑌰𑌣𑌿𑌰𑌸𑌸𑍁𑌧𑌾𑌪𑌾𑌨𑌪𑌾𑌤𑍍𑌰𑌂 𑌮𑌹𑌦𑍍𑌯-

𑌦𑍍𑌦𑌿𑌶𑍍𑌯𑌾𑌦𑍀𑌶𑌸𑍍𑌯 𑌭𑌾𑌸𑌾𑌂 𑌤𑌦𑌧𑍀𑌕𑌲𑌮𑌲𑌂 𑌮𑌙𑍍𑌗𑌲𑌂 𑌮𑌣𑍍𑌡𑌲𑌂 𑌵𑌃 ॥ 73 ॥ 𑌵𑌰𑍍 𑌦𑍇𑌵𑌸𑍍𑌯

𑌭𑌾𑌨𑍋𑌃 𑌤𑌦𑌧𑌿𑌕𑌮𑌮𑌲𑌂 𑌮𑌣𑍍𑌡𑌲𑌂 𑌮𑌙𑍍𑌗𑌲𑌂

𑌵𑍇𑌲𑌾𑌵𑌰𑍍𑌧𑌿𑌷𑍍𑌣𑍁 𑌸𑌿𑌨𑍍𑌧𑍋𑌃 𑌪𑌯 𑌇𑌵 𑌖𑌮𑌿𑌵𑌾𑌰𑍍𑌧𑍋𑌦𑍍𑌗𑌤𑌾𑌗𑍍𑌯𑍍𑌰𑌗𑍍𑌰𑌹𑍋𑌡𑍁

𑌸𑍍𑌤𑍋𑌕𑍋𑌦𑍍𑌭𑌿𑌨𑍍𑌨𑌸𑍍𑌵𑌚𑌿𑌹𑍍𑌨𑌪𑍍𑌰𑌸𑌵𑌮𑌿𑌵 𑌮𑌧𑍋𑌰𑌾𑌸𑍍𑌯𑌮𑌸𑍍𑌯𑌨𑍍𑌮𑌨𑌾𑌂𑌸𑌿 । 𑌵𑌰𑍍 𑌮𑌹𑌾𑌂𑌸𑌿

𑌪𑍍𑌰𑌾𑌤𑌃 𑌪𑍂𑌷𑍍𑌣𑍋𑌽𑌶𑍁𑌭𑌾𑌨𑌿 𑌪𑍍𑌰𑌶𑌮𑌯𑌤𑍁 𑌶𑌿𑌰𑌃𑌶𑍇𑌖𑌰𑍀𑌭𑍂𑌤𑌮𑌦𑍍𑌰𑍇𑌃

𑌪𑍗𑌰𑌸𑍍𑌤𑍍𑌯𑌸𑍍𑌯𑍋𑌦𑍍𑌗𑌭𑌸𑍍𑌤𑌿𑌸𑍍𑌤𑌿𑌮𑌿𑌤𑌤𑌮𑌤𑌮𑌃𑌖𑌣𑍍𑌡𑌨𑌂 𑌮𑌣𑍍𑌡𑌲𑌂 𑌵𑌃 ॥ 74 ॥

𑌪𑍍𑌰𑌤𑍍𑌯𑍁𑌪𑍍𑌤𑌸𑍍𑌤𑌪𑍍𑌤𑌹𑍇𑌮𑍋𑌜𑍍𑌜𑍍𑌵𑌲𑌰𑍁𑌚𑌿𑌰𑌚𑌲𑌃 𑌪𑌦𑍍𑌮𑌰𑌾𑌗𑍇𑌣 𑌯𑍇𑌨

𑌜𑍍𑌯𑌾𑌯𑌃 𑌕𑌿𑌞𑍍𑌜𑌲𑍍𑌕𑌪𑍁𑌞𑍍𑌜𑍋 𑌯𑌦𑌲𑌿𑌕𑍁𑌲𑌶𑌿𑌤𑍇𑌰𑌮𑍍𑌬𑌰𑍇𑌨𑍍𑌦𑍀𑌵𑌰𑌸𑍍𑌯 ।

𑌕𑌾𑌲𑌵𑍍𑌯𑌾𑌲𑌸𑍍𑌯 𑌚𑌿𑌹𑍍𑌨𑌂 𑌮𑌹𑌿𑌤𑌤𑌮𑌮𑌹𑍋𑌮𑍂𑌰𑍍𑌨𑍍𑌧𑌿 𑌰𑌤𑍍𑌨𑌂 𑌮𑌹𑌦𑍍𑌯-

𑌦𑍍𑌦𑍀𑌪𑍍𑌤𑌾𑌂𑌶𑍋𑌃 𑌪𑍍𑌰𑌾𑌤𑌰𑌵𑍍𑌯𑌾𑌤𑍍𑌤𑌦𑌵𑌿𑌕𑌲𑌜𑌗𑌨𑍍𑌮𑌣𑍍𑌡𑌨𑌂 𑌮𑌣𑍍𑌡𑌲𑌂 𑌵𑌃 ॥ 75 ॥

𑌕𑌸𑍍𑌤𑍍𑌰𑌾𑌤𑌾 𑌤𑌾𑌰𑌕𑌾𑌣𑌾𑌂 𑌪𑌤𑌤𑌿 𑌤𑌨𑍁𑌰𑌵𑌶𑍍𑌯𑌾𑌯𑌬𑌿𑌨𑍍𑌦𑍁𑌰𑍍𑌯𑌥𑍇𑌨𑍍𑌦𑍁-

𑌰𑍍𑌵𑌿𑌦𑍍𑌰𑌾𑌣𑌾 𑌦𑍃𑌕𑍍𑌸𑍍𑌮𑌰𑌾𑌰𑍇𑌰𑍁𑌰𑌸𑌿 𑌮𑍁𑌰𑌰𑌿𑌪𑍋𑌃 𑌕𑍗𑌸𑍍𑌤𑍁𑌭𑍋 𑌨𑍋𑌦𑍍𑌗𑌭𑌸𑍍𑌤𑌿𑌃 ।

𑌵𑌹𑍍𑌨𑍇𑌃 𑌸𑌾𑌪𑌹𑍍𑌨𑌵𑍇𑌵 𑌦𑍍𑌯𑍁𑌤𑌿𑌰𑍁𑌦𑌯𑌗𑌤𑍇 𑌯𑌤𑍍𑌰 𑌤𑌨𑍍𑌮𑌣𑍍𑌡𑌲𑌂 𑌵𑍋

𑌮𑌾𑌰𑍍𑌤𑌣𑍍𑌡𑍀𑌯𑌂 𑌪𑍁𑌨𑍀𑌤𑌾𑌦𑍍𑌦𑌿𑌵𑌿 𑌭𑍁𑌵𑌿 𑌚 𑌤𑌮𑌾𑌂𑌸𑍀𑌵 𑌮𑍃𑌷𑍍𑌣𑌨𑍍𑌮𑌹𑌾𑌂𑌸𑌿 ॥ 76 ॥

𑌯𑌤𑍍𑌪𑍍𑌰𑌾𑌚𑍍𑌯𑌾𑌂 𑌪𑍍𑌰𑌾𑌕𑍍𑌚𑌕𑌾𑌸𑍍𑌤𑌿 𑌪𑍍𑌰𑌭𑌵𑌤𑌿 𑌚 𑌯𑌤𑌃 𑌪𑍍𑌰𑌾𑌚𑍍𑌯𑌸𑌾𑌵𑍁𑌜𑍍𑌜𑌿𑌹𑌾𑌨𑌾-

𑌦𑌿𑌦𑍍𑌧𑌂 𑌮𑌧𑍍𑌯𑍇 𑌯𑌦𑌹𑍍𑌨𑍋 𑌭𑌵𑌤𑌿 𑌤𑌤𑌰𑍁𑌚𑌾 𑌯𑍇𑌨 𑌚𑍋𑌤𑍍𑌪𑌾𑌦𑍍𑌯𑌤𑍇𑌽𑌹𑌃 ।

𑌯𑌤𑍍𑌪𑌰𑍍𑌯𑌾𑌯𑍇𑌣 𑌲𑍋𑌕𑌾𑌨𑌵𑌤𑌿 𑌚 𑌜𑌗𑌤𑌾𑌂 𑌜𑍀𑌵𑌿𑌤𑌂 𑌯𑌚𑍍𑌚 𑌤𑌦𑍍𑌵𑍋

𑌵𑌿𑌶𑍍𑌵𑌾𑌨𑍁𑌗𑍍𑌰𑌾𑌹𑌿 𑌵𑌿𑌶𑍍𑌵𑌂 𑌸𑍃𑌜𑌦𑌪𑌿 𑌚 𑌰𑌵𑍇𑌰𑍍𑌮𑌣𑍍𑌡𑌲𑌂 𑌮𑍁𑌕𑍍𑌤𑌯𑍇𑌽𑌸𑍍𑌤𑍁 ॥ 77 ॥

𑌶𑍁𑌷𑍍𑌯𑌨𑍍𑌤𑍍𑌯𑍂𑌢𑌾𑌨𑍁𑌕𑌾𑌰𑌾 𑌮𑌕𑌰𑌵𑌸𑌤𑌯𑍋 𑌮𑌾𑌰𑌵𑍀𑌣𑌾𑌂 𑌸𑍍𑌥𑌲𑍀𑌨𑌾𑌂

𑌯𑍇𑌨𑍋𑌤𑍍𑌤𑌪𑍍𑌤𑌾𑌃 𑌸𑍍𑌫𑍁𑌟𑌨𑍍𑌤𑌸𑍍𑌤𑌡𑌿𑌤𑌿 𑌤𑌿𑌲𑌤𑍁𑌲𑌾𑌂 𑌯𑌾𑌨𑍍𑌤𑍍𑌯𑌗𑍇𑌨𑍍𑌦𑍍𑌰𑌾 𑌯𑍁𑌗𑌾𑌨𑍍𑌤𑍇 । 𑌵𑌰𑍍 𑌚𑌟𑌿𑌤𑌿

𑌤𑌚𑍍𑌚𑌣𑍍𑌡𑌾𑌂𑌶𑍋𑌰𑌕𑌾𑌣𑍍𑌡𑌤𑍍𑌰𑌿𑌭𑍁𑌵𑌨𑌦𑌹𑌨𑌾𑌶𑌙𑍍𑌕𑌯𑌾 𑌧𑌾𑌮 𑌕𑍃𑌚𑍍𑌛𑌾𑌤𑍍 𑌵𑌰𑍍 𑌕𑍃𑌤𑍍𑌸𑍍𑌨𑌂

𑌸𑌂𑌹𑍃𑌤𑍍𑌯𑌾𑌲𑍋𑌕𑌮𑌾𑌤𑍍𑌰𑌂 𑌪𑍍𑌰𑌲𑌘𑍁 𑌵𑌿𑌦𑌧𑌤𑌃 𑌸𑍍𑌤𑌾𑌨𑍍𑌮𑍁𑌦𑍇 𑌮𑌣𑍍𑌡𑌲𑌂 𑌵𑌃 ॥ 78 ॥ 𑌵𑌰𑍍 𑌆𑌹𑍃𑌤𑍍𑌯𑌾𑌲𑍋𑌕𑌮𑌾𑌤𑍍𑌰𑌂 𑌪𑍍𑌰𑌤𑌨𑍁

𑌉𑌦𑍍𑌯𑌦𑍍𑌦𑍍𑌯𑍂𑌦𑍍𑌯𑌾𑌨𑌵𑌾𑌪𑍍𑌯𑌾𑌂 𑌬𑌹𑍁𑌲𑌤𑌮𑌤𑌮𑌃𑌪𑌙𑍍𑌕𑌪𑍂𑌰𑌂 𑌵𑌿𑌦𑌾𑌰𑍍𑌯 𑌵𑌰𑍍 𑌬𑌹𑌲

𑌪𑍍𑌰𑍋𑌦𑍍𑌭𑌿𑌨𑍍𑌨𑌂 𑌪𑌤𑍍𑌰𑌪𑌾𑌰𑍍𑌶𑍍𑌵𑍇𑌷𑍍𑌵𑌵𑌿𑌰𑌲𑌮𑌰𑍁𑌣𑌚𑍍𑌛𑌾𑌯𑌯𑌾 𑌵𑌿𑌸𑍍𑌫𑍁𑌰𑌨𑍍𑌤𑍍𑌯𑌾 ।

𑌕𑌲𑍍𑌯𑌾𑌣𑌾𑌨𑌿 𑌕𑍍𑌰𑌿𑌯𑌾𑌦𑍍𑌵𑌃 𑌕𑌮𑌲𑌮𑌿𑌵 𑌮𑌹𑌨𑍍𑌮𑌣𑍍𑌡𑌲𑌂 𑌚𑌣𑍍𑌡𑌭𑌾𑌨𑍋- 𑌵𑌰𑍍 𑌚𑌣𑍍𑌡𑌰𑌶𑍍𑌮𑍇𑌃

𑌰𑌨𑍍𑌵𑍀𑌤𑌂 𑌤𑍃𑌪𑍍𑌤𑌿𑌹𑍇𑌤𑍋𑌰𑌸𑌕𑍃𑌦𑌲𑌿𑌕𑍁𑌲𑌾𑌕𑌾𑌰𑌿𑌣𑌾 𑌰𑌾𑌹𑍁𑌣𑌾 𑌯𑌤𑍍 ॥ 79 ॥

𑌚𑌕𑍍𑌷𑍁𑌰𑍍𑌦𑌕𑍍𑌷𑌦𑍍𑌵𑌿𑌷𑍋 𑌯𑌨𑍍𑌨 𑌤𑍁 𑌦𑌹𑌤𑌿 𑌪𑍁𑌰𑌃 𑌪𑍂𑌰𑌯𑌤𑍍𑌯𑍇𑌵 𑌕𑌾𑌮𑌂 𑌵𑌰𑍍 𑌨 𑌦𑌹𑌤𑌿 𑌨𑌿𑌤𑌰𑌾𑌂 𑌪𑍁𑌨𑌃

𑌨𑌾𑌸𑍍𑌤𑌂 𑌜𑍁𑌷𑍍𑌟𑌂 𑌮𑌰𑍁𑌦𑍍𑌭𑌿𑌰𑍍𑌯𑌦𑌿𑌹 𑌨𑌿𑌯𑌮𑌿𑌨𑌾𑌂 𑌯𑌾𑌨𑌪𑌾𑌤𑍍𑌰𑌂 𑌭𑌵𑌾𑌬𑍍𑌧𑍗 ।

𑌯𑌦𑍍𑌵𑍀𑌤𑌶𑍍𑌰𑌾𑌨𑍍𑌤𑌿 𑌶𑌶𑍍𑌵𑌦𑍍𑌭𑍍𑌰𑌮𑌦𑌪𑌿 𑌜𑌗𑌤𑌾𑌂 𑌭𑍍𑌰𑌾𑌨𑍍𑌤𑌿𑌮𑌭𑍍𑌰𑌾𑌨𑍍𑌤𑌿 𑌹𑌨𑍍𑌤𑌿

𑌬𑍍𑌰𑌧𑍍𑌨𑌸𑍍𑌯𑌾𑌖𑍍𑌯𑌾𑌦𑍍𑌵𑌿𑌰𑍁𑌦𑍍𑌧𑌕𑍍𑌰𑌿𑌯𑌮𑌥 𑌚 𑌹𑌿𑌤𑌾𑌧𑌾𑌯𑌿 𑌤𑌨𑍍𑌮𑌣𑍍𑌡𑌲𑌂 𑌵𑌃 ॥ 80 ॥

॥ 𑌇𑌤𑌿 𑌮𑌣𑍍𑌡𑌲𑌵𑌰𑍍𑌣𑌨𑌮𑍍 ॥

॥ 𑌅𑌥 𑌸𑍂𑌰𑍍𑌯𑌵𑌰𑍍𑌣𑌨𑌮𑍍 ।

𑌸𑌿𑌦𑍍𑌧𑍈𑌃 𑌸𑌿𑌦𑍍𑌧𑌾𑌨𑍍𑌤𑌮𑌿𑌶𑍍𑌰𑌂 𑌶𑍍𑌰𑌿𑌤𑌵𑌿𑌧𑌿 𑌵𑌿𑌬𑍁𑌧𑍈𑌶𑍍𑌚𑌾𑌰𑌣𑍈𑌶𑍍𑌚𑌾𑌟𑍁𑌗𑌰𑍍𑌭𑌂

𑌗𑍀𑌤𑍍𑌯𑌾 𑌗𑌨𑍍𑌧𑌰𑍍𑌵𑌮𑍁𑌖𑍍𑌯𑍈𑌰𑍍𑌮𑍁𑌹𑍁𑌰𑌹𑌿𑌪𑌤𑌿𑌭𑌿𑌰𑍍𑌯𑌾𑌤𑍁𑌧𑌾𑌨𑍈𑌰𑍍𑌯𑌤𑌾𑌤𑍍𑌮 ।

𑌸𑌾𑌰𑍍𑌧𑌂 𑌸𑌾𑌧𑍍𑌯𑍈𑌰𑍍𑌮𑍁𑌨𑍀𑌨𑍍𑌦𑍍𑌰𑍈𑌰𑍍𑌮𑍁𑌦𑌿𑌤𑌮𑌤𑌮𑌨𑍋 𑌮𑍋𑌕𑍍𑌷𑌿𑌭𑌿𑌃 𑌪𑌕𑍍𑌷𑌪𑌾𑌤𑌾- 𑌵𑌰𑍍 𑌮𑍋𑌕𑍍𑌷𑍁𑌭𑌿𑌃

𑌤𑍍𑌪𑍍𑌰𑌾𑌤𑌃 𑌪𑍍𑌰𑌾𑌰𑌭𑍍𑌯𑌮𑌾𑌣𑌸𑍍𑌤𑍁𑌤𑌿𑌰𑌵𑌤𑍁 𑌰𑌵𑌿𑌰𑍍𑌵𑌿𑌶𑍍𑌵𑌵𑌨𑍍𑌦𑍍𑌯𑍋𑌦𑌯𑍋 𑌵𑌃 ॥ 81 ॥

𑌭𑌾𑌸𑌾𑌮𑌾𑌸𑌨𑍍𑌨𑌭𑌾𑌵𑌾𑌦𑌧𑌿𑌕𑌤𑌰𑌪𑌟𑍋𑌶𑍍𑌚𑌕𑍍𑌰𑌵𑌾𑌲𑌸𑍍𑌯 𑌤𑌾𑌪𑌾-

𑌚𑍍𑌛𑍇𑌦𑌾𑌦𑌚𑍍𑌛𑌿𑌨𑍍𑌨𑌗𑌚𑍍𑌛𑌤𑍍𑌤𑍁𑌰𑌗𑌖𑍁𑌰𑌪𑍁𑌟𑌨𑍍𑌯𑌾𑌸𑌨𑌿𑌃𑌶𑌙𑍍𑌕𑌟𑌙𑍍𑌕𑍈𑌃 । 𑌵𑌰𑍍 𑌨𑍍𑌯𑌸𑍍𑌤

𑌨𑌿𑌃𑌸𑌙𑍍𑌗𑌸𑍍𑌯𑌨𑍍𑌦𑌨𑌾𑌙𑍍𑌗𑌭𑍍𑌰𑌮𑌣𑌨𑌿𑌕𑌷𑌣𑌾𑌤𑍍𑌪𑌾𑌤𑍁 𑌵𑌸𑍍𑌤𑍍𑌰𑌿𑌪𑍍𑌰𑌕𑌾𑌰𑌂 𑌵𑌰𑍍 𑌤𑍍𑌰𑌿𑌪𑍍𑌰𑌕𑌾𑌰𑍈𑌃

𑌤𑌪𑍍𑌤𑌾𑌂𑌶𑍁𑌸𑍍𑌤𑌤𑍍𑌪𑌰𑍀𑌕𑍍𑌷𑌾𑌪𑌰 𑌇𑌵 𑌪𑌰𑌿𑌤𑌃 𑌪𑌰𑍍𑌯𑌟𑌨𑍍𑌹𑌾𑌟𑌕𑌾𑌦𑍍𑌰𑌿𑌮𑍍 ॥ 82 ॥

𑌨𑍋 𑌶𑍁𑌷𑍍𑌕𑌂 𑌨𑌾𑌕𑌨𑌦𑍍𑌯𑌾 𑌵𑌿𑌕𑌸𑌿𑌤𑌕𑌨𑌕𑌾𑌮𑍍𑌭𑍋𑌜𑌯𑌾 𑌭𑍍𑌰𑌾𑌜𑌿𑌤𑌂 𑌤𑍁 𑌵𑌰𑍍 𑌕𑌨𑌕𑌾𑌮𑍍𑌭𑍋𑌰𑍁𑌹𑌾

𑌪𑍍𑌲𑍁𑌷𑍍𑌟𑌾 𑌨𑍈𑌵𑍋𑌪𑌭𑍋𑌗𑍍𑌯𑌾 𑌭𑌵𑌤𑌿 𑌭𑍃𑌶𑌤𑌰𑌂 𑌨𑌨𑍍𑌦𑌨𑍋𑌦𑍍𑌯𑌾𑌨𑌲𑌕𑍍𑌷𑍍𑌮𑍀𑌃 ।

𑌨𑍋 𑌶𑍃𑌙𑍍𑌗𑌾𑌣𑌿 𑌦𑍍𑌰𑍁𑌤𑌾𑌨𑌿 𑌦𑍍𑌰𑍁𑌤𑌮𑌮𑌰𑌗𑌿𑌰𑍇𑌃 𑌕𑌾𑌲𑌧𑍗𑌤𑌾𑌨𑌿 𑌧𑍗𑌤𑌾-

𑌨𑍀𑌦𑍍𑌧𑌂 𑌧𑌾𑌮 𑌦𑍍𑌯𑍁𑌮𑌾𑌰𑍍𑌗𑍇 𑌮𑍍𑌰𑌦𑌯𑌤𑌿 𑌦𑌯𑌯𑌾 𑌯𑌤𑍍𑌰 𑌸𑍋𑌽𑌰𑍍𑌕𑍋𑌽𑌵𑌤𑌾𑌦𑍍𑌵𑌃 ॥ 83 ॥

𑌧𑍍𑌵𑌾𑌨𑍍𑌤𑌸𑍍𑌯𑍈𑌵𑌾𑌨𑍍𑌤𑌹𑍇𑌤𑍁𑌰𑍍𑌨 𑌭𑌵𑌤𑌿 𑌮𑌲𑌿𑌨𑍈𑌕𑌾𑌤𑍍𑌮𑌨𑌃 𑌪𑌾𑌪𑍍𑌮𑌨𑍋𑌽𑌪𑌿

𑌪𑍍𑌰𑌾𑌕𑍍𑌪𑌾𑌦𑍋𑌪𑌾𑌨𑍍𑌤𑌭𑌾𑌜𑌾𑌂 𑌜𑌨𑌯𑌤𑌿 𑌨 𑌪𑌰𑌂 𑌪𑌙𑍍𑌕𑌜𑌾𑌨𑌾𑌂 𑌪𑍍𑌰𑌬𑍋𑌧𑌮𑍍 ।

𑌕𑌰𑍍𑌤𑌾 𑌨𑌿𑌃𑌶𑍍𑌰𑍇𑌯𑌸𑌾𑌨𑌾𑌮𑌪𑌿 𑌨 𑌤𑍁 𑌖𑌲𑍁 𑌯𑌃 𑌕𑍇𑌵𑌲𑌂 𑌵𑌾𑌸𑌰𑌾𑌣𑌾𑌂

𑌸𑍋𑌽𑌵𑍍𑌯𑌾𑌦𑍇𑌕𑍋𑌦𑍍𑌯𑌮𑍇𑌚𑍍𑌛𑌾𑌵𑌿𑌹𑌿𑌤𑌬𑌹𑍁𑌬𑍃𑌹𑌦𑍍𑌵𑌿𑌶𑍍𑌵𑌕𑌾𑌰𑍍𑌯𑍋𑌽𑌰𑍍𑌯𑌮𑌾 𑌵𑌃 ॥ 84 ॥

𑌲𑍋𑌟𑌁𑌲𑍍𑌲𑍋𑌷𑍍𑌟𑌾𑌵𑌿𑌚𑍇𑌷𑍍𑌟𑌃 𑌶𑍍𑌰𑌿𑌤𑌶𑌯𑌨𑌤𑌲𑍋 𑌨𑌿𑌃𑌸𑌹𑍀𑌭𑍂𑌤𑌦𑍇𑌹𑌃

𑌸𑌨𑍍𑌦𑍇𑌹𑍀 𑌪𑍍𑌰𑌾𑌣𑌿𑌤𑌵𑍍𑌯𑍇 𑌸𑌪𑌦𑌿 𑌦𑌶 𑌦𑌿𑌶𑌃 𑌪𑍍𑌰𑍇𑌕𑍍𑌷𑌮𑌾𑌣𑍋𑌽𑌨𑍍𑌧𑌕𑌾𑌰𑌾𑌃 ।

𑌨𑌿𑌃𑌶𑍍𑌵𑌾𑌸𑌾𑌯𑌾𑌸𑌨𑌿𑌷𑍍𑌠𑌃 𑌪𑌰𑌮𑌪𑌰𑌵𑌶𑍋 𑌜𑌾𑌯𑌤𑍇 𑌜𑍀𑌵𑌲𑍋𑌕𑌃 𑌵𑌰𑍍 𑌚𑌿𑌰𑌤𑌰𑌵𑌶𑍋

𑌶𑍋𑌕𑍇𑌨𑍇𑌵𑌾𑌨𑍍𑌯𑌲𑍋𑌕𑌾𑌨𑍁𑌦𑌯𑌕𑍃𑌤𑌿 𑌗𑌤𑍇 𑌯𑌤𑍍𑌰 𑌸𑍋𑌽𑌰𑍍𑌕𑍋𑌽𑌵𑌤𑌾𑌦𑍍𑌵𑌃 ॥ 85 ॥ 𑌵𑌰𑍍 𑌲𑍋𑌕𑌾𑌭𑍍𑌯𑍁𑌦𑌯

𑌕𑍍𑌰𑌾𑌮𑌁𑌲𑍍𑌲𑍋𑌲𑍋𑌽𑌪𑌿 𑌲𑍋𑌕𑌾𑌁𑌸𑍍𑌤𑌦𑍁𑌪𑌕𑍃𑌤𑌿𑌕𑍃𑌤𑌾𑌵𑌾𑌶𑍍𑌰𑌿𑌤𑌃 𑌸𑍍𑌥𑍈𑌰𑍍𑌯𑌕𑍋𑌟𑌿𑌂

𑌨𑍄𑌣𑌾𑌂 𑌦𑍃𑌷𑍍𑌟𑌿𑌂 𑌵𑌿𑌜𑌿𑌹𑍍𑌮𑌾𑌂 𑌵𑌿𑌦𑌧𑌦𑌪𑌿 𑌕𑌰𑍋𑌤𑍍𑌯𑌨𑍍𑌤𑌰𑌤𑍍𑌯𑌨𑍍𑌤𑌭𑌦𑍍𑌰𑌾𑌮𑍍 ।

𑌯𑌸𑍍𑌤𑌾𑌪𑌸𑍍𑌯𑌾𑌪𑌿 𑌹𑍇𑌤𑍁𑌰𑍍𑌭𑌵𑌤𑌿 𑌨𑌿𑌯𑌮𑌿𑌨𑌾𑌮𑍇𑌕𑌨𑌿𑌰𑍍𑌵𑌾𑌣𑌦𑌾𑌯𑍀

𑌭𑍂𑌯𑌾𑌤𑍍𑌸 𑌪𑍍𑌰𑌾𑌗𑌵𑌸𑍍𑌥𑌾𑌧𑌿𑌕𑌤𑌰𑌪𑌰𑌿𑌣𑌾𑌮𑍋𑌦𑌯𑍋𑌽𑌰𑍍𑌕𑌃 𑌶𑍍𑌰𑌿𑌯𑍇 𑌵𑌃 ॥ 86 ॥

𑌵𑍍𑌯𑌾𑌪𑌨𑍍𑌨𑌰𑍍𑌤𑍁𑌰𑍍𑌨 𑌕𑌾𑌲𑍋 𑌵𑍍𑌯𑌭𑌿𑌚𑌰𑌤𑌿 𑌫𑌲𑌂 𑌨𑍗𑌷𑌧𑍀𑌰𑍍𑌵𑍃𑌷𑍍𑌟𑌿𑌰𑌿𑌷𑍍𑌟𑌾

𑌨𑍈𑌷𑍍𑌟𑍈𑌸𑍍𑌤𑍃𑌪𑍍𑌯𑌨𑍍𑌤𑌿 𑌦𑍇𑌵𑌾 𑌨 𑌹𑌿 𑌵𑌹𑌤𑌿 𑌮𑌰𑍁𑌨𑍍𑌨𑌿𑌰𑍍𑌮𑌲𑌾𑌭𑌾𑌨𑌿 𑌭𑌾𑌨𑌿 ।

𑌆𑌶𑌾𑌃 𑌶𑌾𑌨𑍍𑌤𑌾 𑌨 𑌭𑌿𑌨𑍍𑌦𑌨𑍍𑌤𑍍𑌯𑌵𑌧𑌿𑌮𑍁𑌦𑌧𑌯𑍋 𑌬𑌿𑌭𑍍𑌰𑌤𑌿 𑌕𑍍𑌷𑍍𑌮𑌾𑌭𑍃𑌤𑌃 𑌕𑍍𑌷𑍍𑌮𑌾𑌂

𑌯𑌸𑍍𑌮𑌿𑌂𑌸𑍍𑌤𑍍𑌰𑍈𑌲𑍋𑌕𑍍𑌯𑌮𑍇𑌵𑌂 𑌨 𑌚𑌲𑌤𑌿 𑌤𑌪𑌤𑌿 𑌸𑍍𑌤𑌾𑌤𑍍𑌸 𑌸𑍂𑌰𑍍𑌯𑌃 𑌶𑍍𑌰𑌿𑌯𑍇 𑌵𑌃 ॥ 87 ॥

𑌕𑍈𑌲𑌾𑌸𑍇 𑌕𑍃𑌤𑍍𑌤𑌿𑌵𑌾𑌸𑌾 𑌵𑌿𑌹𑌰𑌤𑌿 𑌵𑌿𑌰𑌹𑌤𑍍𑌰𑌾𑌸𑌦𑍇𑌹𑍋𑌢𑌕𑌾𑌨𑍍𑌤𑌃

𑌶𑍍𑌰𑌾𑌨𑍍𑌤𑌃 𑌶𑍇𑌤𑍇 𑌮𑌹𑌾𑌹𑌾𑌵𑌧𑌿𑌜𑌲𑌧𑌿 𑌵𑌿𑌨𑌾 𑌛𑌦𑍍𑌮𑌨𑌾 𑌪𑌦𑍍𑌮𑌨𑌾𑌭𑌃 ।

𑌯𑍋𑌗𑍋𑌦𑍍𑌯𑍋𑌗𑍈𑌕𑌤𑌾𑌨𑍋 𑌗𑌮𑌯𑌤𑌿 𑌸𑌕𑌲𑌂 𑌵𑌾𑌸𑌰𑌂 𑌸𑍍𑌵𑌂 𑌸𑍍𑌵𑌯𑌮𑍍𑌭𑍂-

𑌰𑍍𑌭𑍂𑌰𑌿𑌤𑍍𑌰𑍈𑌲𑍋𑌕𑍍𑌯𑌾𑌚𑌿𑌨𑍍𑌤𑌾𑌭𑍃𑌤𑌿 𑌭𑍁𑌵𑌨𑌵𑌿𑌭𑍗 𑌯𑌤𑍍𑌰 𑌭𑌾𑌸𑍍𑌵𑌾𑌨𑍍𑌸 𑌵𑍋𑌽𑌵𑍍𑌯𑌾𑌤𑍍 ॥ 88 ॥

𑌏𑌤𑌦𑍍𑌯𑌨𑍍𑌮𑌣𑍍𑌡𑌲𑌂 𑌖𑍇 𑌤𑌪𑌤𑌿 𑌦𑌿𑌨𑌕𑍃𑌤𑌸𑍍𑌤𑌾 𑌋𑌚𑍋𑌽𑌰𑍍𑌚𑍀𑌂𑌷𑌿 𑌯𑌾𑌨𑌿

𑌦𑍍𑌯𑍋𑌤𑌨𑍍𑌤𑍇 𑌤𑌾𑌨𑌿 𑌸𑌾𑌮𑌾𑌨𑍍𑌯𑌯𑌮𑌪𑌿 𑌪𑍁𑌰𑍁𑌷𑍋 𑌮𑌣𑍍𑌡𑌲𑍇𑌽𑌣𑍁𑌰𑍍𑌯𑌜𑍂𑌂𑌷𑌿 ।

𑌏𑌵𑌂 𑌯𑌂 𑌵𑍇𑌦 𑌵𑍇𑌦𑌤𑍍𑌰𑌿𑌤𑌯𑌮𑌯𑌮𑌯𑌂 𑌵𑍇𑌦𑌵𑍇𑌦𑍀 𑌸𑌮𑌗𑍍𑌰𑍋

𑌵𑌰𑍍𑌗𑌃 𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌪𑍍𑌰𑌕𑍃𑌤𑌿𑌰𑌵𑌿𑌕𑍃𑌤𑌿𑌃 𑌸𑍋𑌽𑌸𑍍𑌤𑍁 𑌸𑍂𑌰𑍍𑌯𑌃 𑌶𑍍𑌰𑌿𑌯𑍇 𑌵𑌃 ॥ 89 ॥

𑌨𑌾𑌕𑍗𑌕𑌃𑌪𑍍𑌰𑌤𑍍𑌯𑌨𑍀𑌕𑌕𑍍𑌷𑌤𑌿𑌪𑌟𑍁𑌮𑌹𑌸𑌾𑌂 𑌵𑌾𑌸𑌵𑌾𑌗𑍍𑌰𑍇𑌸𑌰𑌾𑌣𑌾𑌂

𑌸𑌰𑍍𑌵𑍇𑌷𑌾𑌂 𑌸𑌾𑌧𑍁 𑌪𑌾𑌤𑌾𑌂 𑌜𑌗𑌦𑌿𑌦𑌮𑌦𑌿𑌤𑍇𑌰𑌾𑌤𑍍𑌮𑌜𑌤𑍍𑌵𑍇 𑌸𑌮𑍇𑌽𑌪𑌿 ।

𑌯𑍇𑌨𑌾𑌦𑌿𑌤𑍍𑌯𑌾𑌭𑌿𑌧𑌾𑌨𑌂 𑌨𑌿𑌰𑌤𑌿𑌶𑌯𑌗𑍁𑌣𑍈𑌰𑌾𑌤𑍍𑌮𑌨𑌿 𑌨𑍍𑌯𑌸𑍍𑌤𑌮𑌸𑍍𑌤𑍁 𑌵𑌰𑍍 𑌗𑍁𑌣𑍇𑌨𑌾𑌤𑍍𑌮𑌨𑌿

𑌸𑍍𑌤𑍁𑌤𑍍𑌯𑌸𑍍𑌤𑍍𑌰𑍈𑌲𑍋𑌕𑍍𑌯𑌵𑌨𑍍𑌦𑍍𑌯𑍈𑌸𑍍𑌤𑍍𑌰𑌿𑌦𑌶𑌮𑍁𑌨𑌿𑌗𑌣𑍈𑌃 𑌸𑍋𑌂𑌽𑌶𑍁𑌮𑌾𑌨𑍍 𑌶𑍍𑌰𑍇𑌯𑌸𑍇 𑌵𑌃 ॥ 90 ॥

𑌭𑍂𑌮𑌿𑌂 𑌧𑌾𑌮𑍍𑌨𑍋𑌽𑌭𑌿𑌵𑍃𑌷𑍍𑌟𑍍𑌯𑌾 𑌜𑌗𑌤𑌿 𑌜𑌲𑌮𑌯𑍀𑌂 𑌪𑌾𑌵𑌨𑍀𑌂 𑌸𑌂𑌸𑍍𑌮𑍃𑌤𑌾𑌵- 𑌵𑌰𑍍 𑌧𑌾𑌮𑍍𑌨𑍋𑌽𑌥

𑌪𑍍𑌯𑌾𑌗𑍍𑌨𑍇𑌯𑍀𑌂 𑌦𑌾𑌹𑌶𑌕𑍍𑌤𑍍𑌯𑌾 𑌮𑍁𑌹𑍁𑌰𑌪𑌿 𑌯𑌜𑌮𑌾𑌨𑌾𑌂 𑌯𑌥𑌾𑌪𑍍𑌰𑌾𑌰𑍍𑌥𑌿𑌤𑌾𑌰𑍍𑌥𑍈𑌃 । 𑌵𑌰𑍍 𑌯𑌜𑌮𑌾𑌨𑌾𑌤𑍍𑌮𑌿𑌕𑌾𑌂

𑌲𑍀𑌨𑌾𑌮𑌾𑌕𑌾𑌶 𑌏𑌵𑌾𑌮𑍃𑌤𑌕𑌰𑌘𑌟𑌿𑌤𑌾𑌂 𑌧𑍍𑌵𑌾𑌨𑍍𑌤𑌪𑌕𑍍𑌷𑌸𑍍𑌯 𑌪𑌰𑍍𑌵-

𑌣𑍍𑌵𑍇𑌵𑌂 𑌸𑍂𑌰𑍍𑌯𑍋𑌽𑌷𑍍𑌟𑌭𑍇𑌦𑌾𑌂 𑌭𑌵 𑌇𑌵 𑌭𑌵𑌤𑌃 𑌪𑌾𑌤𑍁 𑌬𑌿𑌭𑍍𑌰𑌤𑍍𑌸𑍍𑌵𑌮𑍂𑌰𑍍𑌤𑌿𑌮𑍍 ॥ 91 ॥

𑌪𑍍𑌰𑌾𑌕𑍍𑌕𑌾𑌲𑍋𑌨𑍍𑌨𑌿𑌦𑍍𑌰𑌪𑌦𑍍𑌮𑌾𑌕𑌰𑌪𑌰𑌿𑌮𑌲𑌨𑌾𑌵𑌿𑌰𑍍𑌭𑌵𑌤𑍍𑌪𑌾𑌦𑌶𑍋𑌭𑍋

𑌭𑌕𑍍𑌤𑍍𑌯𑌾 𑌤𑍍𑌯𑌕𑍍𑌤𑍋𑌰𑍁𑌖𑍇𑌦𑍋𑌦𑍍𑌗𑌤𑌿 𑌦𑌿𑌵𑌿 𑌵𑌿𑌨𑌤𑌾𑌸𑍂𑌨𑍁𑌨𑌾 𑌨𑍀𑌯𑌮𑌾𑌨𑌃 ।

𑌸𑌪𑍍𑌤𑌾𑌶𑍍𑌵𑌾𑌪𑍍𑌤𑌾𑌪𑌰𑌾𑌨𑍍𑌤𑌾𑌨𑍍𑌯𑌧𑌿𑌕𑌮𑌧𑌰𑌯𑌨𑍍𑌯𑍋 𑌜𑌗𑌨𑍍𑌤𑌿 𑌸𑍍𑌤𑍁𑌤𑍋𑌽𑌲𑌂

𑌦𑍇𑌵𑍈𑌰𑍍𑌦𑍇𑌵𑌃 𑌸 𑌪𑌾𑌯𑌾𑌦𑌪𑌰 𑌇𑌵 𑌮𑍁𑌰𑌾𑌰𑌾𑌤𑌿𑌰𑌹𑍍𑌨𑌾𑌂 𑌪𑌤𑌿𑌰𑍍𑌵𑌃 ॥ 92 ॥

𑌯𑌃 𑌸𑍍𑌰𑌷𑍍𑌟𑌾𑌽𑌪𑌾𑌂 𑌪𑍁𑌰𑌸𑍍𑌤𑌾𑌦𑌚𑌲𑌵𑌰𑌸𑌮𑌭𑍍𑌯𑍁𑌨𑍍𑌨𑌤𑍇𑌰𑍍𑌹𑍇𑌤𑍁𑌰𑍇𑌕𑍋

𑌲𑍋𑌕𑌾𑌨𑌾𑌂 𑌯𑌸𑍍𑌤𑍍𑌰𑌯𑌾𑌣𑌾𑌂 𑌸𑍍𑌥𑌿𑌤 𑌉𑌪𑌰𑌿 𑌪𑌰𑌂 𑌦𑍁𑌰𑍍𑌵𑌿𑌲𑌙𑍍𑌘𑍍𑌯𑍇𑌨 𑌧𑌾𑌮𑍍𑌨𑌾 । 𑌵𑌰𑍍 𑌚 𑌤𑍍𑌰𑌯𑌾𑌣𑌾𑌂

𑌸𑌦𑍍𑌯𑌃 𑌸𑌿𑌦𑍍𑌧𑍍𑌯𑍈 𑌪𑍍𑌰𑌸𑌨𑍍𑌨𑌦𑍍𑌯𑍁𑌤𑌿𑌶𑍁𑌭𑌚𑌤𑍁𑌰𑌾𑌶𑌾𑌮𑍁𑌖𑌃 𑌸𑍍𑌤𑌾𑌦𑍍𑌵𑌿𑌭𑌕𑍍𑌤𑍋 𑌵𑌰𑍍 𑌶𑍁𑌚𑌿

𑌦𑍍𑌵𑍇𑌧𑌾 𑌵𑍇𑌧𑌾 𑌇𑌵𑌾𑌵𑌿𑌷𑍍𑌕𑍃𑌤𑌕𑌮𑌲𑌰𑍁𑌚𑌿𑌃 𑌸𑍋𑌽𑌰𑍍𑌚𑌿𑌷𑌾𑌮𑌾𑌕𑌰𑍋 𑌵𑌃 ॥ 93 ॥

𑌸𑌾𑌦𑍍𑌰𑌿𑌦𑍍𑌯𑍂𑌰𑍍𑌵𑍀𑌨𑌦𑍀𑌶𑌾 𑌦𑌿𑌶𑌤𑌿 𑌦𑌶 𑌦𑌿𑌶𑍋 𑌦𑌰𑍍𑌶𑌯𑌨𑍍𑌪𑍍𑌰𑌾𑌗𑍍𑌦𑍃𑌶𑍋 𑌯𑌃 𑌵𑌰𑍍 𑌦𑍍𑌰𑌾𑌕𑍍 𑌦𑍃𑌶𑍋

𑌸𑌾𑌦𑍃𑌶𑍍𑌯𑌂 𑌦𑍃𑌶𑍍𑌯𑌤𑍇 𑌨𑍋 𑌸𑌦𑌶𑌶𑌤𑌦𑍃𑌶𑌿 𑌤𑍍𑌰𑍈𑌦𑌶𑍇 𑌯𑌸𑍍𑌯 𑌦𑍇𑌶𑍇 ।

𑌦𑍀𑌪𑍍𑌤𑌾𑌂𑌶𑍁𑌰𑍍𑌵𑌃 𑌸 𑌦𑌿𑌶𑍍𑌯𑌾𑌦𑌶𑌿𑌵𑌯𑍁𑌗𑌦𑌶𑌾𑌦𑌰𑍍𑌶𑌿𑌤𑌦𑍍𑌵𑌾𑌦𑌶𑌾𑌤𑍍𑌮𑌾

𑌶𑌂 𑌶𑌾𑌸𑍍𑌤𑍍𑌯𑌶𑍍𑌵𑌾𑌂𑌶𑍍𑌚 𑌯𑌸𑍍𑌯𑌾𑌶𑌯𑌵𑌿𑌦𑌤𑌿𑌶𑌯𑌾𑌦𑍍𑌦𑌨𑍍𑌦𑌶𑍂𑌕𑌾𑌶𑌨𑌾𑌦𑍍𑌯𑌃 ॥ 94 ॥

𑌤𑍀𑌰𑍍𑌥𑌾𑌨𑌿 𑌵𑍍𑌯𑌰𑍍𑌥𑌕𑌾𑌨𑌿 𑌹𑍃𑌦𑌨𑌦𑌸𑌰𑌸𑍀𑌨𑌿𑌰𑍍𑌝𑌰𑌾𑌮𑍍𑌭𑍋𑌜𑌿𑌨𑍀𑌨𑌾𑌂

𑌨𑍋𑌦𑌨𑍍𑌵𑌨𑍍𑌤𑍋 𑌨𑍁𑌦𑌨𑍍𑌤𑌿 𑌪𑍍𑌰𑌤𑌿𑌭𑌯𑌮𑌶𑍁𑌭𑌶𑍍𑌵𑌭𑍍𑌰𑌪𑌾𑌤𑌾𑌨𑍁𑌬𑌨𑍍𑌧𑌿 ।

𑌆𑌪𑍋 𑌨𑌾𑌕𑌾𑌪𑌗𑌾𑌯𑌾 𑌅𑌪𑌿 𑌕𑌲𑍁𑌷𑌮𑍁𑌷𑍋 𑌮𑌜𑍍𑌜𑌤𑌾𑌂 𑌨𑍈𑌵 𑌯𑌤𑍍𑌰 𑌵𑌰𑍍 𑌸𑍍𑌵𑌰𑍍𑌗𑌾𑌪𑌗𑌾𑌯𑌾𑌃

𑌤𑍍𑌰𑌾𑌤𑍁𑌂 𑌯𑌾𑌤𑍇𑌽𑌨𑍍𑌯𑌲𑍋𑌕𑌾𑌨𑍍 𑌸 𑌦𑌿𑌶𑌤𑍁 𑌦𑌿𑌵𑌸𑌸𑍍𑌯𑍈𑌕𑌹𑍇𑌤𑍁𑌰𑍍𑌹𑌿𑌤𑌂 𑌵𑌃 ॥ 95 ॥ 𑌵𑌰𑍍 𑌲𑍋𑌕𑌂

𑌏𑌤𑌤𑍍𑌪𑌾𑌤𑌾𑌲𑌪𑌙𑍍𑌕𑌪𑍍𑌲𑍁𑌤𑌮𑌿𑌵 𑌤𑌮𑌸𑍈𑌵𑍈𑌕𑌮𑍁𑌦𑍍𑌗𑌾𑌢𑌮𑌾𑌸𑍀-

𑌦𑌪𑍍𑌰𑌜𑍍𑌞𑌾𑌤𑌾𑌪𑍍𑌰𑌤𑌰𑍍𑌕𑍍𑌯𑌂 𑌨𑌿𑌰𑌵𑌗𑌤𑌿 𑌤𑌥𑌾𑌲𑌕𑍍𑌷𑌣𑌂 𑌸𑍁𑌪𑍍𑌤𑌮𑌨𑍍𑌤𑌃 ।

𑌯𑌾𑌦𑍃𑌕𑍍𑌸𑍃𑌷𑍍𑌟𑍇𑌃 𑌪𑍁𑌰𑌸𑍍𑌤𑌾𑌨𑍍𑌨𑌿𑌶𑌿 𑌨𑌿𑌶𑌿 𑌸𑌕𑌲𑌂 𑌜𑌾𑌯𑌤𑍇 𑌤𑌾𑌦𑍃𑌗𑍇𑌵

𑌤𑍍𑌰𑍈𑌲𑍋𑌕𑍍𑌯𑌂 𑌯𑌦𑍍𑌵𑌿𑌯𑍋𑌗𑌾𑌦𑌵𑌤𑍁 𑌰𑌵𑌿𑌰𑌸𑍗 𑌸𑌰𑍍𑌗𑌤𑍁𑌲𑍍𑌯𑍋𑌦𑌯𑍋 𑌵𑌃 ॥ 96 ॥

𑌦𑍍𑌵𑍀𑌪𑍇 𑌯𑍋𑌽𑌸𑍍𑌤𑌾𑌚𑌲𑍋𑌽𑌸𑍍𑌮𑌿𑌨𑍍𑌭𑌵𑌤𑌿 𑌖𑌲𑍁 𑌸 𑌏𑌵𑌾𑌪𑌰𑌤𑍍𑌰𑍋𑌦𑌯𑌾𑌦𑍍𑌰𑌿-

𑌰𑍍𑌯𑌾 𑌯𑌾𑌮𑌿𑌨𑍍𑌯𑍁𑌜𑍍𑌜𑍍𑌵𑌲𑍇𑌨𑍍𑌦𑍁𑌦𑍍𑌯𑍁𑌤𑌿𑌰𑌿𑌹 𑌦𑌿𑌵𑌸𑍋𑌽𑌨𑍍𑌯𑌤𑍍𑌰 𑌤𑍀𑌵𑍍𑌰𑌾𑌤𑌪𑌃 𑌸𑌾 ।

𑌯𑌦𑍍𑌵𑌶𑍍𑌯𑍗 𑌦𑍇𑌶𑌕𑌾𑌲𑌾𑌵𑌿𑌤𑌿 𑌨𑌿𑌯𑌮𑌯𑌤𑍋 𑌨𑍋 𑌤𑍁 𑌯𑌂 𑌦𑍇𑌶𑌕𑌾𑌲𑌾- 𑌵𑌰𑍍 𑌨𑍁

𑌵𑌵𑍍𑌯𑌾𑌤𑍍𑌸 𑌸𑍍𑌵𑌪𑍍𑌰𑌭𑍁𑌤𑍍𑌵𑌾𑌹𑌿𑌤𑌭𑍁𑌵𑌨𑌹𑌿𑌤𑍋 𑌹𑍇𑌤𑍁𑌰𑌹𑍍𑌨𑌾𑌮𑌿𑌨𑍋 𑌵𑌃 ॥ 97 ॥

𑌵𑍍𑌯𑌗𑍍𑌰𑍈𑌰𑌗𑍍𑌰𑍍𑌯𑌗𑍍𑌰𑌹𑍇𑌨𑍍𑌦𑍁𑌗𑍍𑌰𑌸𑌨𑌗𑍁𑌰𑍁 𑌭𑌰𑍈𑌰𑍍𑌨𑍋 𑌸𑌮𑌗𑍍𑌰𑍈𑌰𑍁𑌦𑌗𑍍𑌰𑍈𑌃 𑌵𑌰𑍍 𑌗𑍁𑌰𑍁𑌤𑌰𑍈𑌃

𑌪𑍍𑌰𑌤𑍍𑌯𑌗𑍍𑌰𑍈𑌰𑍀𑌷𑌦𑍁𑌗𑍍𑌰𑍈𑌰𑍁𑌦𑌯𑌗𑌿𑌰𑌿𑌗𑌤𑍋 𑌗𑍋𑌗𑌣𑍈𑌰𑍍𑌗𑍗𑌰𑌯𑌨𑍍 𑌗𑌾𑌮𑍍 ।

𑌉𑌦𑍍𑌗𑌾𑌢𑌾𑌰𑍍𑌚𑌿𑌰𑍍𑌵𑌿𑌲𑍀𑌨𑌾𑌮𑌰𑌨𑌗𑌰𑌨𑌗𑌗𑍍𑌰𑌾𑌵𑌗𑌰𑍍𑌭𑌾𑌮𑌿𑌵𑌾𑌹𑍍𑌨𑌾-

𑌮𑌗𑍍𑌰𑍇 𑌶𑍍𑌰𑍇𑌯𑍋 𑌵𑌿𑌧𑌤𑍍𑌤𑍇 𑌗𑍍𑌲𑌪𑌯𑌤𑍁 𑌗𑌹𑌨𑌂 𑌸 𑌗𑍍𑌰𑌹𑌗𑍍𑌰𑌾𑌮𑌣𑍀𑌰𑍍𑌵𑌃 ॥ 98 ॥

𑌯𑍋𑌨𑌿𑌃 𑌸𑌾𑌮𑍍𑌨𑌾𑌂 𑌵𑌿𑌧𑌾𑌤𑌾 𑌮𑌧𑍁𑌰𑌿𑌪𑍁𑌰𑌜𑌿𑌤𑍋 𑌧𑍂𑌰𑍍𑌜𑌟𑌿𑌃 𑌶𑌙𑍍𑌕𑌰𑍋𑌽𑌸𑍗

𑌮𑍃𑌤𑍍𑌯𑍁𑌃 𑌕𑌾𑌲𑍋𑌽𑌲𑌕𑌾𑌯𑌾𑌃 𑌪𑌤𑌿𑌰𑌪𑌿 𑌧𑌨𑌦𑌃 𑌪𑌾𑌵𑌕𑍋 𑌜𑌾𑌤𑌵𑍇𑌦𑌾𑌃 ।

𑌇𑌤𑍍𑌥𑌂 𑌸𑌞𑍍𑌜𑍍𑌞𑌾 𑌡𑌵𑌿𑌤𑍍𑌥𑌾𑌦𑌿𑌵𑌦𑌮𑍃𑌤𑌭𑍁𑌜𑌾𑌂 𑌯𑌾 𑌯𑌦𑍃𑌚𑍍𑌛𑌾𑌪𑍍𑌰𑌵𑍃𑌤𑍍𑌤𑌾-

𑌸𑍍𑌤𑌾𑌸𑌾𑌮𑍇𑌕𑍋𑌽𑌭𑌿𑌧𑍇𑌯𑌸𑍍𑌤𑌦𑌨𑍁𑌗𑍁𑌣𑌗𑍁𑌣𑍈𑌰𑍍𑌯𑌃 𑌸 𑌸𑍂𑌰𑍍𑌯𑍋𑌽𑌵𑌤𑌾𑌦𑍍𑌵𑌃 ॥ 99 ॥ 𑌵𑌰𑍍 𑌗𑌣𑍈𑌃

𑌦𑍇𑌵𑌃 𑌕𑌿𑌂 𑌬𑌾𑌨𑍍𑌧𑌵𑌃 𑌸𑍍𑌯𑌾𑌤𑍍𑌪𑍍𑌰𑌿𑌯𑌸𑍁𑌹𑍃𑌦𑌥𑌵𑌾𑌽𑌽𑌚𑌾𑌰𑍍𑌯 𑌆𑌹𑍋𑌸𑍍𑌵𑌿𑌦𑌰𑍍𑌯𑍋 𑌵𑌰𑍍 𑌆𑌰𑍍𑌯𑌃

𑌰𑌕𑍍𑌷𑌾 𑌚𑌕𑍍𑌷𑍁𑌰𑍍𑌨𑍁 𑌦𑍀𑌪𑍋 𑌗𑍁𑌰𑍁𑌰𑍁𑌤 𑌜𑌨𑌕𑍋 𑌜𑍀𑌵𑌿𑌤𑌂 𑌬𑍀𑌜𑌮𑍋𑌜𑌃 ।

𑌏𑌵𑌂 𑌨𑌿𑌰𑍍𑌣𑍀𑌯𑌤𑍇 𑌯𑌃 𑌕 𑌇𑌵 𑌨 𑌜𑌗𑌤𑌾𑌂 𑌸𑌰𑍍𑌵𑌥𑌾 𑌸𑌰𑍍𑌵𑌦𑌾𑌽𑌸𑍗 𑌵𑌰𑍍 𑌸𑌰𑍍𑌵𑌦𑌾𑌃

𑌸𑌰𑍍𑌵𑌾𑌕𑌾𑌰𑍋𑌪𑌕𑌾𑌰𑍀 𑌦𑌿𑌶𑌤𑍁 𑌦𑌶𑌶𑌤𑌾𑌭𑍀𑌷𑍁𑌰𑌭𑍍𑌯𑌰𑍍𑌥𑌿𑌤𑌂 𑌵𑌃 ॥ 100 ॥

𑌶𑍍𑌲𑍋𑌕𑌾 𑌲𑍋𑌕𑌸𑍍𑌯 𑌭𑍂𑌤𑍍𑌯𑍈 𑌶𑌤𑌮𑌿𑌤𑌿 𑌰𑌚𑌿𑌤𑌾𑌃 𑌶𑍍𑌰𑍀𑌮𑌯𑍂𑌰𑍇𑌣 𑌭𑌕𑍍𑌤𑍍𑌯𑌾

𑌯𑍁𑌕𑍍𑌤𑌶𑍍𑌚𑍈𑌤𑌾𑌨𑍍𑌪𑌠𑍇𑌦𑍍𑌯𑌃 𑌸𑌕𑍃𑌦𑌪𑌿 𑌪𑍁𑌰𑍁𑌷𑌃 𑌸𑌰𑍍𑌵𑌪𑌾𑌪𑍈𑌰𑍍𑌵𑌿𑌮𑍁𑌕𑍍𑌤𑌃 ।

𑌆𑌰𑍋𑌗𑍍𑌯𑌂 𑌸𑌤𑍍𑌕𑌵𑌿𑌤𑍍𑌵𑌂 𑌮𑌤𑌿𑌮𑌤𑍁𑌲𑌬𑌲𑌂 𑌕𑌾𑌨𑍍𑌤𑌿𑌮𑌾𑌯𑍁𑌃𑌪𑍍𑌰𑌕𑌰𑍍𑌷𑌂

𑌵𑌿𑌦𑍍𑌯𑌾𑌮𑍈𑌶𑍍𑌵𑌰𑍍𑌯𑌮𑌰𑍍𑌥𑌂 𑌸𑍁𑌤𑌮𑌪𑌿 𑌲𑌭𑌤𑍇 𑌸𑍋𑌽𑌤𑍍𑌰 𑌸𑍂𑌰𑍍𑌯𑌪𑍍𑌰𑌸𑌾𑌦𑌾𑌤𑍍 ॥ 101 ॥

𑌇𑌤𑌿 𑌶𑍍𑌰𑍀𑌮𑌯𑍂𑌰𑌕𑌵𑌿𑌪𑍍𑌰𑌣𑍀𑌤𑌂 𑌸𑍂𑌰𑍍𑌯𑌶𑌤𑌕𑌂 𑌸𑌮𑌾𑌪𑍍𑌤𑌮𑍍 ।

Roman (IAST) Transliteration

|| sūryaśatakam ||

mahākaviśrīmayūrapraṇītam

|| śrī gaṇeśāya namaḥ ||

jambhārātībhakumbhodbhavamiva dadhataḥ sāndrasindūrareṇuṃ

raktāḥ siktā ivaughairudayagiritaṭīdhātudhārādravasya | var saktaiḥ

āyāntyā tulyakālaṃ kamalavanarucevāruṇā vo vibhūtyai

bhūyāsurbhāsayanto bhuvanamabhinavā bhānavo bhānavīyāḥ || 1 ||

bhaktiprahvāya dātuṃ mukulapuṭakuṭīkoṭarakroḍalīnāṃ

lakṣmīmākraṣṭukāmā iva kamalavanoddhāṭanaṃ kurvate ye |

kālākārāndhakārānanapatitajagatsādhvasadhvaṃsakalyāḥ

kalyāṇaṃ vaḥ kriyāsuḥ kisalayarucayaste karā bhāskarasya || 2 ||

garbheṣvambhoruhāṇāṃ śikhariṣu ca śitāgreṣu tulyaṃ patantaḥ

prārambhe vāsarasya vyuparatisamaye caikarūpāstathaiva |

niṣparyāyaṃ pravṛttāstribhuvanabhavanaprāṅgaṇe pāntu yuṣmā-

nūṣmāṇaṃ santatādhvaśramajamiva bhṛśaṃ bibhrato bradhnapādāḥ || 3 ||

prabhraśyatyuttarīyatviṣi tamasi samuddīkṣya vītāvṛtīnprā-

gjantūṃstantūnyathā yānatanu vitanute tigmarocirmarīcīn |

te sāndrībhūya sadyaḥ kramaviśadadaśāśādaśālīviśālaṃ

śaśvatsampādayanto'mbaramamalamalaṃ maṅgalaṃ vo diśantu || 4 ||

nyakkurvannoṣadhīśe muṣitaruci śucevauṣadhīḥ proṣitābhā

bhāsvadgrāvodgatena prathamamiva kṛtābhyudgatiḥ pāvakena |

pakṣacchedavraṇāsṛksruta iva dṛṣado darśayanprātaradre-

rātāmrastīvrabhānoranabhimatanude stādgabhastyudgamo vaḥ || 5 ||

śīrṇaghrāṇāṅghripāṇīnvraṇibhirapaghanairghargharāvyaktaghoṣān

dīrghāghrātānaghaughai punarapi ghaṭayatyeka ullāghayan yaḥ |

gharmāṃśostasya vo'ntardviguṇaghanaghṛṇānighnanirvighnavṛtte-

rdattārghāḥ siddhasaṅghairvidadhatu ghṛṇayaḥ śīghramaṃhovidhātam || 6 ||

bibhrāṇā vāmanatvaṃ prathamamatha tathaivāṃśavaḥ prāṃśavo vaḥ

krāntākāśāntarālāstadanu daśadiśaḥ pūrayantastato'pi |

dhvāntādācchidya devadviṣa iva balito viśvamāśvaśnuvānāḥ var devadruha

kṛcchrāṇyucchrāyahelopahasitaharayo hāridaśvā harantu || 7 ||

udgāḍhenāruṇimnā vidadhati bahulaṃ ye'ruṇasyāruṇatvaṃ

mūrdhoddhūtau khalīnakṣatarudhiraruco ye rathāśvānaneṣu |

śailānāṃ śekharatvaṃ śritaśikhariśikhāstanvate ye diśantu var śikharaśikhāḥ

preṅkhantaḥ khe kharāṃśoḥ khacitadinamukhāste mayūkhāḥ sukhaṃ vaḥ || 8 ||

dattānandāḥ prajānāṃ samucitasamayākṛṣṭasṛṣṭaiḥ payobhiḥ var akliṣṭasṛṣṭaiḥ

pūrvāhṇe viprakīrṇā diśi diśi viramatyahni saṃhārabhājaḥ |

dīptāṃśordīrghaduḥkhaprabhavabhavabhayodanvaduttāranāvo

gāvo vaḥ pāvanānāṃ paramaparimitāṃ prītimutpādayantu || 9 ||

bandhadhvaṃsaikahetuṃ śirasi natirasābaddhasandhyāñjalīnāṃ

lokānāṃ ye prabodhaṃ vidadhati vipulāmbhojakhaṇḍāśayeva |

yuṣmākaṃ te svacittaprathitapṛthutaraprārthanākalpavṛkṣāḥ var prathima

kalpantāṃ nirvikalpaṃ dinakarakiraṇāḥ ketavaḥ kalmaṣasya || 10 ||

dhārā rāyo dhanāyāpadi sapadi karālambabhūtāḥ prapāte

tattvālokaikadīpāstridaśapatipuraprasthitau vīthya eva |

nirvāṇodyogiyogipragamanijatanudvāri vetrāyamāṇā-

strāyantāṃ tīvrabhānordivasamukhasukhā raśmayaḥ kalmaṣādvaḥ || 11 ||

var tīvrabhāsaḥ var kaśmalādvaḥ

prāci prāgācarantyo'naticiramacale cārucūḍāmaṇitvaṃ

muñcantyo rocanāmbhaḥ pracuramiva diśāmuccakaiścarcanāya |

cāṭūtkaiścakranāmnāṃ caturamavicalairlocanairarcyamānā- var suciraṃ

śceṣṭantāṃ cintitānāmucitamacaramāścaṇḍarocīruco vaḥ || 12 ||

ekaṃ jyotirdṛśau dve trijagati gaditānyabjajāsyaiścaturbhi-

rbhūtānāṃ pañcamaṃ yānyalamṛtuṣu tathā ṣaṭsu nānāvidhāni |

yuṣmākaṃ tāni saptatridaśamuninutānyaṣṭadigbhāñji bhāno-

ryānti prāhṇe navatvaṃ daśa dadhatu śivaṃ dīdhitīnāṃ śatāni || 13 || var dadatu

āvṛttibhrāntaviśvāḥ śramamiva dadhataḥ śoṣiṇaḥ svoṣmaṇeva

grīṣme dāvāgnitaptā iva rasamasakṛdye dharitryā dhayanti |

te prāvṛṣyāttapānātiśayaruja ivodvāntatoyā himartau

mārtaṇḍasyāpracaṇḍāściramaśubhabhide'bhīṣavo vo bhavantu || 14 ||

tanvānā digvadhūnāṃ samadhikamadhurālokaramyāmavasthā-

māruḍhaprauḍhileśotkalitakapilimālaṅkṛtiḥ kevalaiva |

ujjṛmbhāmbhojanetradyutini dinamukhe kiñcidudbhidyamānā

śmaśruśreṇīva bhāsāṃ diśatu daśaśatī śarma gharmatviṣo vaḥ || 15 ||

maulīndormaiṣa moṣīddyutimiti vṛṣabhāṅkena yaḥ śaṅkineva

pratyagrodghāṭitāmbhoruhakuharaguhāsusthiteneva dhātrā |

kṛṣṇena dhvāntakṛṣṇasvatanuparibhavatrasnuneva stuto'laṃ

trāṇāya stāttanīyānapi timiraripoḥ sa tviṣāmudgamo vaḥ || 16 ||

vistīrṇaṃ vyoma dīrghāḥ sapadi daśa diśo vyastavelāmbhaso'bdhīn

kurvadbhirdṛśyanānānaganagaranagābhogapṛthvīṃ ca pṛthvīm |

padminyucchvāsyate yairuṣasi jagadapi dhvaṃsayitvā tamisrā-

musrā visraṃsayantu drutamanabhimataṃ te sahasratviṣo vaḥ || 17 || var visrāvayantu

astavyastatvaśūnyo nijaruciraniśānaśvaraḥ kartumīśo

viśvaṃ veśmeva dīpaḥ pratihatatimiraṃ yaḥ pradeśasthito'pi |

dikkālāpekṣayāsau tribhuvanamaṭatastigmabhānornavākhyāṃ

yātaḥ śātakratavyāṃ diśi diśatu śivaṃ so'rciṣāmudgamo vaḥ || 18 ||

māgānmlāniṃ mṛṇālī mṛduriti dayayevāpraviṣṭo'hilokaṃ

lokālokasya pārśvaṃ pratapati na paraṃ yastadākhyārthameva |

ūrdhvaṃ brahmāṇḍakhaṇḍasphuṭanabhayaparityaktadairghyo dyusīmni

svechāvaśyāvakāśāvadhiravatu sa vastāpano rociroghaḥ || 19 ||

aśyāmaḥ kāla eko na bhavati bhuvanānto'pi vīte'ndhakāre var vītāndhakāraḥ

sadyaḥ prāleyapādo na vilayamacalaścandramā apyupaiti |

bandhaḥ siddhāñjalīnāṃ na hi kumudavanasyāpi yatrojjihāne

tatprātaḥ prekṣaṇīyaṃ diśatu dinapaterdhāma kāmādhikaṃ vaḥ || 20 ||

yatkāntiṃ paṅkajānāṃ na harati kurute pratyutādhikyaramyāṃ var pratyutātīva ramyāṃ

no dhatte tārakābhāṃ tirayati nitarāmāśu yannityameva | var nādhatte

kartuṃ nālaṃ nimeṣaṃ divasamapi paraṃ yattadekaṃ trilokyā-

ścakṣuḥ sāmānyacakṣurvisadṛśamaghabhidbhāsvatastānmaho vaḥ || 21 ||

kṣmāṃ kṣepīyaḥ kṣapāmbhaḥśiśiratarajalasparśatarṣādṛteva

drāgāśā netumāśādviradakarasaraḥpuṣkarāṇīva bodham |

prātaḥ prollaṅghya viṣṇoḥ padamapi ghṛṇayevātivegāddavīya-

syuddāma dyotamānā dahatu dinapaterdurnimittaṃ dyutirvaḥ || 22 ||

no kalpāpāyavāyoradayarayadalatkṣmādharasyāpi gamyā var śamyā

gāḍhodgīrṇojjvalaśrīrahani na rahitā no tamaḥkajjalena |

prāptotpattiḥ pataṅgānna punarupagatā moṣamuṣṇatviṣo vo

vartiḥ saivānyarūpā sukhayatu nikhiladvīpadīpasya dīptiḥ || 23 ||

niḥśeṣāśāvapūrapravaṇaguruguṇaślāghanīyasvarūpā

paryāptaṃ nodayādau dinagamasamayopaplave'pyunnataiva |

atyantaṃ yānabhijñā kṣaṇamapi tamasā sākamekatra vastuṃ

bradhnasyeddhā rucirvo ruciriva rucitasyāptaye vastunostu || 24 || var cirurasya, rucirasya

vibhrāṇaḥ śaktimāśu praśamitabalavattārakaurjityagurvīṃ

kurvāṇo līlayādhaḥ śikhinamapi lasaccandrakāntāvabhāsam |

ādadhyādandhakāre ratimatiśayinīmāvahanvīkṣaṇānāṃ var ādeyādīkṣaṇānāṃ

bālo lakṣmīmapārāmapara iva guho'harpaterātapo vaḥ || 25 ||

jyotsnāṃśākarṣapāṇḍudyuti timiramaṣīśeṣakalmāṣamīṣa-

jjṛmbhodbhūtena piṅgaṃ sarasijarajasā sandhyayā śoṇaśociḥ |

prātaḥprārambhakāle sakalamapi jagaccitramunmīlayantī

kāntistīkṣṇatviṣo'kṣṇāṃ mudamupanayatāttūlikevātulāṃ vaḥ || 26 ||

āyāntī kiṃ sumeroḥ saraṇiraruṇitā pādmarāgaiḥ parāgai-

rāhosvitsvasya māhārajanaviracitā vaijayantī rathasya |

māñjiṣṭhī praṣṭhavāhāvalividhutaśiraścāmarālī nu lokai- var cāmarālīva

rāśaṅkyālokitaivaṃ savituraghanude stātprabhātaprabhā vaḥ || 27 ||

dhvāntadhvaṃsaṃ vidhatte na tapati rucimannātirūpaṃ vyanakti

nyaktvaṃ nītvāpi naktaṃ na vitaratitarāṃ tāvadahnastviṣaṃ yaḥ | var nyaktāmahni

sa prātarmā viraṃsīdasakalapaṭimā pūrayanyuṣmadāśā-

māśākāśāvakāśāvataraṇataruṇaprakramo'rkaprakāśaḥ || 28 ||

tīvraṃ nirvāṇaheturyadapi ca vipulaṃ yatprakarṣeṇa cāṇu

pratyakṣaṃ yatparokṣaṃ yadiha yadaparaṃ naśvaraṃ śāśvataṃ ca |

yatsarvasya prasiddhaṃ jagati katipaye yogino yadvidanti

jyotistaddviprakāraṃ savituravatu vo bāhyamābhyantaraṃ ca || 29 ||

ratnānāṃ maṇḍanāya prabhavati niyatoddeśalabdhāvakāśaṃ

vahnerdārvādi dagdhuṃ nijajaḍimatayā kartumānandamindoḥ |

yacca trailokyabhūṣāvidhiraghadahanaṃ hlādi vṛṣṭyāśu tadvo var yattu

bāhulyotpādyakāryādhikataramavatādekamevārkatejaḥ || 30 ||

mīlaccakṣurvijihmaśruti jaḍarasanaṃ nighnitaghrāṇavṛtti

svavyāpārākṣamatvakparimuṣitamanaḥ śvāsamātrāvaśeṣam |

visrastāṅgaṃ patitvā svapadapaharatādaśriyaṃ vo'rkajanmā var apriyaṃ

kālavyālāvalīḍhaṃ jagadagada ivotthāpayanprākpratāpaḥ || 31 ||

niḥśeṣaṃ naiśamambhaḥ prasabhamapanudannaśruleśānukāri

stokastokāpanītāruṇaruciracirādastadoṣānuṣaṅgaḥ |

dātā dṛṣṭiṃ prasannāṃ tribhuvananayanasyāśu yuṣmadviruddhaṃ

vadhyādbradhnasya siddhāñjanavidhiraparaḥ prāktano'rciḥpracāraḥ || 32 ||

bhūtvā jambhasya bhettuḥ kakubhi paribhavārambhabhūḥ śubhrabhāno- var sthitvā

rbibhrāṇā babhrubhāvaṃ prasabhamabhinavāmbhojajṛmbhāpragalbhā |

bhūṣā bhūyiṣṭhaśobhā tribhuvanabhavanasyāsya vaibhākarī prāg-

vibhrāntā bhrājamānā vibhavatu vibhavodbhūtaye sā vibhā vaḥ || 33 || var nirbhānti, vibhrānti

saṃsaktaṃ siktamūlādabhinavabhuvanodyānakautūhalinyā

yāminyā kanyayevāmṛtakarakalaśāvarjitenāmṛtena |

arkālokaḥ kriyādvo mudamudayaśiraścakravālālavālā-

dudyanbālapravālapratimarucirahaḥpādapaprākprarohaḥ || 34 ||

bhinnaṃ bhāsāruṇasya kvacidabhinavayā vidrumāṇāṃ tviṣeva

tvaṅnnakṣatraratnadyutinikarakarālāntarālaṃ kvacicca |

nāntarniḥśeṣakṛṣṇaśriyamudadhimiva dhvāntarāśiṃ pibanstā-

daurvaḥ pūrvo'pyapūrvo'gniriva bhavadaghapluṣṭaye'rkāvabhāsaḥ || 35 ||

gandharvairgadyapadyavyatikaritavacohṛdyamātodyavādyai-

rādyairyo nāradādyairmunibhirabhinuto vedavedyairvibhidya |

var vītavedyairvividya, vedavidbhirvibhidya

āsādyāpadyate yaṃ punarapi ca jagadyauvanaṃ sadya udya-

nnuddyoto dyotitadyaurdyatu divasakṛto'sāvavadyāni vo'dya || 36 ||

āvānaiścandrakāntaiścyutatimiratayā tānavāttārakāṇā- var āvāntaiḥ

meṇāṅkālokalopādupahatamahasāmoṣadhīnāṃ layena |

ārādutprekṣyamāṇā kṣaṇamudayataṭāntarhitasyāhimāṃśo-

rābhā prābhātikī vo'vatu na tu nitarāṃ tāvadāvirbhavantī || 37 ||

sānau sā naudaye nāruṇitadalapunaryauvanānāṃ vanānā- var lasadyauvanānāṃ

mālīmālīḍhapūrvā parihṛtakuharopāntanimnā tanimnā |

bhā vo'bhāvopaśāntiṃ diśatu dinapaterbhāsamānā samānā-

rājī rājīvareṇoḥ samasamayamudetīva yasyā vayasyā || 38 ||

ujjṛmbhāmbhoruhāṇāṃ prabhavati payasāṃ yā śriye noṣṇatāyai

puṣṇātyālokamātraṃ na tu diśati dṛśāṃ dṛśyamānā vidhātam |

pūrvādrereva pūrvaṃ divamanu ca punaḥ pāvanī diṅmukhānā- var tataḥ

menāṃsyainī vibhāsau nudatu nutipadaikāspadaṃ prāktanī vaḥ || 39 ||

vācāṃ vācaspaterapyacalabhiducitācāryakāṇāṃ prapañcai-

rvairañcānāṃ tathoccāritacaturṛcāṃ cānanānāṃ caturṇām | var rucira

ucyetārcāsu vācyacyutiśucicaritaṃ yasya noccairvivicya var arcāsvavācya

prācyaṃ varcaścakāsacciramupacinutāttasya caṇḍārciṣo vaḥ || 40 || var śriyaṃ

mūrdhnyadrerdhāturāgastaruṣu kisalayo vidrumaughaḥ samudre

var – kisalayādvidrumaughātsamudre

diṅmātaṅgottamāṅgeṣvabhinavanihitaḥ sāndrasindūrareṇuḥ |

var vihitaḥ, nihitātsandrasindūrareṇoḥ

sīmni vyomnaśca hemnaḥ suraśikharibhuvo jāyate yaḥ prakāśaḥ

śoṇimnāsau kharāṃśoruṣasi diśatu vaḥ śarma śobhaikadeśaḥ || 41 ||

astādrīśottamāṅge śritaśaśini tamaḥkālakūṭe nipīte

yāti vyaktiṃ purastādaruṇakisalaye pratyuṣaḥpārijāte |

udyantyāraktapītāmbaraviśadatarodvīkṣitā tīkṣṇabhāno-

var ruciratarodvīkṣitā var tīvrabhāsaḥ

rlakṣmīrlakṣmīrivāstu sphuṭakamalapuṭāpāśrayā śreyase vaḥ || 42 || var puṭopāśraya

nodanvāñjanmabhūmirna tadudarabhuvo bāndhavāḥ kaustubhādyā

yasyāḥ padmaṃ na pāṇau na ca narakaripūraḥsthalī vāsaveśma |

tejorūpāparaiva triṣu bhuvanataleṣvādadhānā vyavasthāṃ var tribhuvanabhavane

sā śrīḥ śreyāṃsi diśyādaśiśiramahaso maṇḍalāgrodgatā vaḥ || 43 ||

|| iti dyutivarṇanam || var tejovarṇanam

|| atha aśvavarṇanam ||

rakṣantvakṣuṇṇahemopalapaṭalamalaṃ lāghavādutpatantaḥ

pātaṅgāḥ paṅgvavajñājitapavanajavā vājinaste jaganti |

yeṣāṃ vītānyacihnonnayamapi vahatāṃ mārgamākhyāti merā-

vudyannuddāmadīptirdyumaṇimaṇiśilāvedikājātavedāḥ || 44 ||

pluṣṭāḥ pṛṣṭheṃ'śupātairatinikaṭatayā dattadāhātirekai-

rekāhākrāntakṛtsnatridivapathapṛthuśvāsaśoṣāḥ śrameṇa |

tīvrodanyāstvarantāmahitavihataye saptayaḥ saptasapte-

rabhyāśākāśagaṅgājalasaralagalāvāṅnatāgrānanā vaḥ || 45 || var galavarjitāgrānanāḥ

matvānyānpārśvato'śvān sphaṭikataṭadṛṣaddṛṣṭadehā dravantī

vyaste'hanyastasandhyeyamiti mṛdupadā padmarāgopaleṣu |

sādṛśyādṛśyamūrtirmarakatakaṭake kliṣṭasūtā sumero-

rmūrdhanyāvṛttilabdhadhruvagatiravatu bradhnavāhāvalirvaḥ || 46 || var druta

helālolaṃ vahantī viṣadharadamanasyāgrajenāvakṛṣṭā

svarvāhinyāḥ sudūraṃ janitajavajayā syandanasya syadena |

nirvyājaṃ tāyamāne haritimani nije sphītaphenāhitaśrī- var sphītaphenāsmitaśrīḥ

raśreyāṃsyaśvapaṅktiḥ śamayatu yamunevāparā tāpanī vaḥ || 47 ||

mārgopānte sumerornuvati kṛtanatau nākadhāmnāṃ nikāye

vīkṣya vrīḍānatānāṃ pratikuharamukhaṃ kinnarīṇāṃ mukhāni |

sūte'sūyatyapīṣajjaḍagati vahatāṃ kandharārdhairvaladbhi- var kandharāgraiḥ

rvāhānāṃ vyasyatādvaḥ samamasamaharerheṣitaṃ kalmaṣāṇi || 48 ||

dhunvanto nīradālīrnijaruciharitāḥ pārśvayoḥ pakṣatulyā-

stālūttānaiḥ khalīnaiḥ khacitamukharucaścyotatā lohitena |

uḍḍīyeva vrajanto viyati gativaśādarkavāhāḥ kriyāsuḥ

kṣemaṃ hemādrihṛdyadrumaśikharaśiraḥśreṇiśākhāśukā vaḥ || 49 ||

|| ityaśvavarṇanam ||

|| atha aruṇavarṇanam ||

prātaḥ śailāgraraṅge rajanijavanikāpāyasaṃlakṣyalakṣmī-

rvikṣiptāpūrvapuṣpāñjalimuḍunikaraṃ sūtradhārāyamāṇaḥ |

yāmeṣvaṅkeṣvivāhnaḥ kṛtaruciṣu caturṣveva jātapratiṣṭhā- var yātaḥ pratiṣṭhāṃ

mavyātprastāvayanvo jagadaṭanamahānāṭikāṃ sūryasūtaḥ || 50 ||

ākrāntyā vāhyamānaṃ paśumiva hariṇā vāhako'gryo harīṇāṃ

bhrāmyantaṃ pakṣapātājjagati samaruciḥ sarvakarmaikasākṣī |

śatruṃ netraśrutīnāmavajayati vayojyeṣṭhabhāve same'pi

sthāmnāṃ dhāmnāṃ nidhiryaḥ sa bhavadaghanude nūtanaḥ stādanūruḥ || 51 ||

dattārghairdūranamrairviyati vinayato vīkṣitaḥ siddhasārthaiḥ var siddhasādhyaiḥ

sānāthyaṃ sārathirvaḥ sa daśaśataruceḥ sātirekaṃ karotu |

āpīya prātareva pratatahimapayaḥsyandinīrindubhāso

yaḥ kāṣṭhādīpano'gre jaḍita iva bhṛśaṃ sevate pṛṣṭhato'rkam || 52 ||

muñcanraśmīndinādau dinagamasamaye saṃharaṃśca svatantra-

stotraprakhyātavīryo'virataharipadākrāntibaddhābhiyogaḥ | var vitata

kālotkarṣāllaghutvaṃ prasabhamadhipatau yojayanyo dvijānāṃ

sevāprītena pūṣṇātmasama iva kṛtastrāyatāṃ so'ruṇo vaḥ || 53 || var svasama

śātaḥ śyāmālatāyāḥ paraśuriva tamo'raṇyavahnerivārciḥ var dāhe davābhaḥ

prācyevāgre grahītuṃ grahakumudavanaṃ prāgudasto'grahastaḥ |

var prācīvāgre, grahakumudaruciṃ

aikyaṃ bhindandyubhūmyoravadhiriva vidhāteva viśvaprabodhe

vāhānāṃ vo vinetā vyapanayatu vipannāma dhāmādhipasya || 54 ||

paurastyastoyadartoḥ pavana iva patatpāvakasyeva dhūmo var patan

viśvasyevādisargaḥ praṇava iva paraṃ pāvano vedarāśeḥ

sandhyānṛtyotsavecchoriva madanaripornandināndīninādaḥ

saurasyāgre sukhaṃ vo vitaratu vinatānandanaḥ syandanasya || 55 || var syandano vaḥ

paryāptaṃ taptacāmīkarakaṭakataṭe śliṣṭaśītetarāṃśā-

vāsīdatsyandanāśvānukṛtimarakate padmarāgāyamāṇaḥ | var aśvānukṛtamarakate

yaḥ sotkarṣāṃ vibhūṣāṃ kuruta iva kulakṣmābhṛdīśasya mero-

renāṃsyahnāya dūraṃ gamayatu sa guruḥ kādraveyadviṣo vaḥ || 56 ||

nītvāśvānsapta kakṣā iva niyamavaśaṃ vetrakalpapratoda- var kakṣyā

stūrṇaṃ dhvāntasya rāśāvitarajana ivotsārite dūrabhāji |

pūrvaṃ praṣṭho rathasya kṣitibhṛdadhipatīndarśayaṃstrāyatāṃ va-

strailokyāsthānadānodyatadivasapateḥ prākpratīhārapālaḥ || 57 ||

vajriñjātaṃ vikāsīkṣaṇakamalavanaṃ bhāsi nābhāsi vahne! var no bhāsi

tātaṃ natvāśvapārśvānnaya yama! mahiṣaṃ rākṣasā vīkṣitāḥ stha |

saptīnsiñca pracetaḥ! pavana! bhaja javaṃ vittapāveditastvaṃ

vande śarveti jalpanpratidiśamadhipānpātu pūṣṇo'graṇīrvaḥ || 58 ||

pāśānāśāntapālādaruṇa varuṇato mā grahīḥ pragrahārthaṃ

tṛṣṇāṃ kṛṣṇasya cakre jahihi nahi ratho yāti me naikacakraḥ |

yoktuṃ yugyaṃ kimuccaiḥśravasamabhilaṣasyaṣṭamaṃ vṛtraśatro- var tvāṣṭraśatroḥ

styaktānyāpekṣaviśvopakṛtiriva raviḥ śāsti yaṃ so'vatādvaḥ || 59 ||

no mūrcchācchinnavāñchaḥ śramavivaśavapurnaiva nāpyāsyaśoṣī

pānthaḥ pathyetarāṇi kṣapayatu bhavatāṃ bhāsvato'gresaraḥ saḥ |

yaḥ saṃśritya trilokīmaṭati paṭutaraistāpyamāno mayūkhai-

rārādārāmalekhāmiva haritamaṇiśyāmalāmaśvapaṅktim || 60 || var haritatṛṇa

sīdanto'ntarnimajjajjaḍakhuramusalāḥ saikate nākanadyāḥ

skandantaḥ kandarālīḥ kanakaśikhariṇo mekhalāsu skhalantaḥ |

dūraṃ dūrvāsthalotkā marakatadṛṣadi sthāsnavo yanna yātāḥ

pūṣṇo'śvāḥ pūrayaṃstaistadavatu javanairhuṅkṛtenāgrago vaḥ || 61 || var prerayan huṅkṛtairagraṇīḥ

|| ityaruṇavarṇanam || var sūtavarṇanam

|| atha rathavarṇanam ||

pīnoraḥpreritābhraiścaramakhurapuṭāgrasthitaiḥ prātaradrā-

vādīrghāṅgairudasto haribhirapagatāsaṅganiḥśabdacakraḥ |

uttānānūrumūrdhāvanatihaṭhabhavadvipratīpapraṇāmaḥ

prāhṇe śreyo vidhattāṃ savituravataranvyomavīthīṃ ratho vaḥ || 62 || var preyo

dhvāntaughadhvaṃsadīkṣāvidhipaṭu vahatā prāksahasraṃ karāṇā- var vidhiguru drāksahasraṃ

maryamṇā yo garimṇaḥ padamatulamupānīyatādhyāsanena |

sa śrāntānāṃ nitāntaṃ bharamiva marutāmakṣamāṇāṃ visoḍhuṃ

skandhātskandhaṃ vrajanvo vṛjinavijitaye bhāsvataḥ syandano'stu || 63 ||

yoktrībhūtānyugasya grasitumiva puro dandaśūkāndadhāno

dvedhāvyastāmbuvāhāvalivihitabṛhatpakṣavikṣepaśobhaḥ |

sāvitraḥ syandano'sau niratiśayarayaprīṇitānūrurenaḥ-

kṣepīyo vo garutmāniva haratu harīcchāvidheyapracāraḥ || 64 ||

ekāhenaiva dīrghāṃ tribhuvanapadavīṃ laṅghayan yo laghiṣṭhaḥ var kṛstnāṃ

pṛṣṭhe merorgarīyān dalitamaṇidṛṣattviṃṣi piṃṣañśirāṃsi |

sarvasyaivopariṣṭādatha ca punaradhastādivāstādrimūrndhi

bradhnasyāvyātsa evaṃ duradhigamaparispandanaḥ syandano vaḥ || 65 ||

dhūrdhvastāgryagrahāṇi dhvajapaṭapavanāndolitendūni dūraṃ var dūrāt

rāhau grāsābhilāṣādanusarati punardattacakravyathāni |

śrāntāśvaśvāsahelādhutavibudhadhunīnirjharāmbhāṃsi bhadraṃ

deyāsurvo davīyo divi divasapateḥ syandanaprasthitāni || 66 ||

akṣe rakṣāṃ nibadhya pratisaravalayairyojayantyo yugāgraṃ

dhūḥstambhe dagdhadhūpāḥ prahitasumanaso gocare kūbarasya |

carcāścakre carantyo malayajapayasā siddhavadhvastrisandhyaṃ var carcāṃ

vandante yaṃ dyumārge sa nudatu duritānyaṃśumatsyandano vaḥ || 67 ||

utkīrṇasvarṇareṇudrutakhuradalitā pārśvayoḥ śaśvadaśvai- var reṇurdruta

raśrāntabhrāntacakrakramanikhilamilanneminimnā bhareṇa |

merormūrdhanyaghaṃ vo vighaṭayatu raverekavīthī rathasya

svoṣmodaktāmburiktaprakaṭitapulinoddhūsarā svardhunīva || 68 || var svoṣmodastāmbu

nantuṃ nākālayānāmaniśamanuyatāṃ paddhatiḥ paṅktireva var upayatāṃ

kṣodo nakṣatrarāśeradayarayamilaccakrapiṣṭasya dhūliḥ |

heṣahlādo harīṇāṃ suraśikharidarīḥ pūrayanneminādo var nādo

yasyāvyāttīvrabhānoḥ sa divi bhuvi yathā vyaktacihno ratho vaḥ || 69 ||

niḥspandānāṃ vimānāvalivitatadivāṃ devavṛndārakāṇāṃ var valitadiśā

vṛndairānandasāndrodyamamapi vahatāṃ vindatāṃ vandituṃ no |

mandākinyāmamandaḥ pulinabhṛti mṛdurmandare mandirābhe var mandarābhe

mandārairmaṇḍitāraṃ dadhadari dinakṛtsyandanaḥ stānmude vaḥ || 70 ||

cakrī cakrārapaṅktiṃ harirapi ca harīn dhūrjaṭirdhūrdhvajāntā-

nakṣaṃ nakṣatranātho'ruṇamapi varuṇaḥ kūbarāgraṃ kuberaḥ |

raṃhaḥ saṅghaḥ surāṇāṃ jagadupakṛtaye nityayuktasya yasya

stauti prītiprasanno'nvahamahimaruceḥ so'vatātsyandano vaḥ || 71 || var ruca

netrāhīnena mūle vihitaparikaraḥ siddhasādhyairmarudbhiḥ

pādopānte stuto'laṃ baliharirabhasākarṣaṇābaddhavegaḥ |

bhrāmyanvyomāmburāśāvaśiśirakiraṇasyandanaḥ santataṃ vo

diśyāllakṣmīmapārāmatulitamahimevāparo mandarādriḥ || 72 || var atulyāṃ

|| iti rathavarṇanam ||

|| atha maṇḍalavarṇanam ||

yajjyāyo bījamahnāmapahatatimiraṃ cakṣuṣāmañjanaṃ ya- var jyāyo yadbījamahnāmapahṛta

ddvāraṃ yanmuktibhājāṃ yadakhilabhuvanajyotiṣāmekamokaḥ |

yadvṛṣṭyambhonidhānaṃ dharaṇirasasudhāpānapātraṃ mahadya-

ddiśyādīśasya bhāsāṃ tadadhīkalamalaṃ maṅgalaṃ maṇḍalaṃ vaḥ || 73 || var devasya

bhānoḥ tadadhikamamalaṃ maṇḍalaṃ maṅgalaṃ

velāvardhiṣṇu sindhoḥ paya iva khamivārdhodgatāgyragrahoḍu

stokodbhinnasvacihnaprasavamiva madhorāsyamasyanmanāṃsi | var mahāṃsi

prātaḥ pūṣṇo'śubhāni praśamayatu śiraḥśekharībhūtamadreḥ

paurastyasyodgabhastistimitatamatamaḥkhaṇḍanaṃ maṇḍalaṃ vaḥ || 74 ||

pratyuptastaptahemojjvalaruciracalaḥ padmarāgeṇa yena

jyāyaḥ kiñjalkapuñjo yadalikulaśiterambarendīvarasya |

kālavyālasya cihnaṃ mahitatamamahomūrndhi ratnaṃ mahadya-

ddīptāṃśoḥ prātaravyāttadavikalajaganmaṇḍanaṃ maṇḍalaṃ vaḥ || 75 ||

kastrātā tārakāṇāṃ patati tanuravaśyāyabinduryathendu-

rvidrāṇā dṛksmarārerurasi muraripoḥ kaustubho nodgabhastiḥ |

vahneḥ sāpahnaveva dyutirudayagate yatra tanmaṇḍalaṃ vo

mārtaṇḍīyaṃ punītāddivi bhuvi ca tamāṃsīva mṛṣṇanmahāṃsi || 76 ||

yatprācyāṃ prākcakāsti prabhavati ca yataḥ prācyasāvujjihānā-

diddhaṃ madhye yadahno bhavati tatarucā yena cotpādyate'haḥ |

yatparyāyeṇa lokānavati ca jagatāṃ jīvitaṃ yacca tadvo

viśvānugrāhi viśvaṃ sṛjadapi ca ravermaṇḍalaṃ muktaye'stu || 77 ||

śuṣyantyūḍhānukārā makaravasatayo māravīṇāṃ sthalīnāṃ

yenottaptāḥ sphuṭantastaḍiti tilatulāṃ yāntyagendrā yugānte | var caṭiti

taccaṇḍāṃśorakāṇḍatribhuvanadahanāśaṅkayā dhāma kṛcchāt var kṛtsnaṃ

saṃhṛtyālokamātraṃ pralaghu vidadhataḥ stānmude maṇḍalaṃ vaḥ || 78 || var āhṛtyālokamātraṃ pratanu

udyaddyūdyānavāpyāṃ bahulatamatamaḥpaṅkapūraṃ vidārya var bahala

prodbhinnaṃ patrapārśveṣvaviralamaruṇacchāyayā visphurantyā |

kalyāṇāni kriyādvaḥ kamalamiva mahanmaṇḍalaṃ caṇḍabhāno- var caṇḍaraśmeḥ

ranvītaṃ tṛptihetorasakṛdalikulākāriṇā rāhuṇā yat || 79 ||

cakṣurdakṣadviṣo yanna tu dahati puraḥ pūrayatyeva kāmaṃ var na dahati nitarāṃ punaḥ

nāstaṃ juṣṭaṃ marudbhiryadiha niyamināṃ yānapātraṃ bhavābdhau |

yadvītaśrānti śaśvadbhramadapi jagatāṃ bhrāntimabhrānti hanti

bradhnasyākhyādviruddhakriyamatha ca hitādhāyi tanmaṇḍalaṃ vaḥ || 80 ||

|| iti maṇḍalavarṇanam ||

|| atha sūryavarṇanam |

siddhaiḥ siddhāntamiśraṃ śritavidhi vibudhaiścāraṇaiścāṭugarbhaṃ

gītyā gandharvamukhyairmuhurahipatibhiryātudhānairyatātma |

sārdhaṃ sādhyairmunīndrairmuditamatamano mokṣibhiḥ pakṣapātā- var mokṣubhiḥ

tprātaḥ prārabhyamāṇastutiravatu ravirviśvavandyodayo vaḥ || 81 ||

bhāsāmāsannabhāvādadhikatarapaṭoścakravālasya tāpā-

cchedādacchinnagacchatturagakhurapuṭanyāsaniḥśaṅkaṭaṅkaiḥ | var nyasta

niḥsaṅgasyandanāṅgabhramaṇanikaṣaṇātpātu vastriprakāraṃ var triprakāraiḥ

taptāṃśustatparīkṣāpara iva paritaḥ paryaṭanhāṭakādrim || 82 ||

no śuṣkaṃ nākanadyā vikasitakanakāmbhojayā bhrājitaṃ tu var kanakāmbhoruhā

pluṣṭā naivopabhogyā bhavati bhṛśataraṃ nandanodyānalakṣmīḥ |

no śṛṅgāṇi drutāni drutamamaragireḥ kāladhautāni dhautā-

nīddhaṃ dhāma dyumārge mradayati dayayā yatra so'rko'vatādvaḥ || 83 ||

dhvāntasyaivāntaheturna bhavati malinaikātmanaḥ pāpmano'pi

prākpādopāntabhājāṃ janayati na paraṃ paṅkajānāṃ prabodham |

kartā niḥśreyasānāmapi na tu khalu yaḥ kevalaṃ vāsarāṇāṃ

so'vyādekodyamecchāvihitabahubṛhadviśvakāryo'ryamā vaḥ || 84 ||

loṭa~lloṣṭāviceṣṭaḥ śritaśayanatalo niḥsahībhūtadehaḥ

sandehī prāṇitavye sapadi daśa diśaḥ prekṣamāṇo'ndhakārāḥ |

niḥśvāsāyāsaniṣṭhaḥ paramaparavaśo jāyate jīvalokaḥ var cirataravaśo

śokenevānyalokānudayakṛti gate yatra so'rko'vatādvaḥ || 85 || var lokābhyudaya

krāma~llolo'pi lokā~stadupakṛtikṛtāvāśritaḥ sthairyakoṭiṃ

nṝṇāṃ dṛṣṭiṃ vijihmāṃ vidadhadapi karotyantaratyantabhadrām |

yastāpasyāpi heturbhavati niyamināmekanirvāṇadāyī

bhūyātsa prāgavasthādhikatarapariṇāmodayo'rkaḥ śriye vaḥ || 86 ||

vyāpannarturna kālo vyabhicarati phalaṃ nauṣadhīrvṛṣṭiriṣṭā

naiṣṭaistṛpyanti devā na hi vahati marunnirmalābhāni bhāni |

āśāḥ śāntā na bhindantyavadhimudadhayo bibhrati kṣmābhṛtaḥ kṣmāṃ

yasmiṃstrailokyamevaṃ na calati tapati stātsa sūryaḥ śriye vaḥ || 87 ||

kailāse kṛttivāsā viharati virahatrāsadehoḍhakāntaḥ

śrāntaḥ śete mahāhāvadhijaladhi vinā chadmanā padmanābhaḥ |

yogodyogaikatāno gamayati sakalaṃ vāsaraṃ svaṃ svayambhū-

rbhūritrailokyācintābhṛti bhuvanavibhau yatra bhāsvānsa vo'vyāt || 88 ||

etadyanmaṇḍalaṃ khe tapati dinakṛtastā ṛco'rcīṃṣi yāni

dyotante tāni sāmānyayamapi puruṣo maṇḍale'ṇuryajūṃṣi |

evaṃ yaṃ veda vedatritayamayamayaṃ vedavedī samagro

vargaḥ svargāpavargaprakṛtiravikṛtiḥ so'stu sūryaḥ śriye vaḥ || 89 ||

nākaukaḥpratyanīkakṣatipaṭumahasāṃ vāsavāgresarāṇāṃ

sarveṣāṃ sādhu pātāṃ jagadidamaditerātmajatve same'pi |

yenādityābhidhānaṃ niratiśayaguṇairātmani nyastamastu var guṇenātmani

stutyastrailokyavandyaistridaśamunigaṇaiḥ soṃ'śumān śreyase vaḥ || 90 ||

bhūmiṃ dhāmno'bhivṛṣṭyā jagati jalamayīṃ pāvanīṃ saṃsmṛtāva- var dhāmno'tha

pyāgneyīṃ dāhaśaktyā muhurapi yajamānāṃ yathāprārthitārthaiḥ | var yajamānātmikāṃ

līnāmākāśa evāmṛtakaraghaṭitāṃ dhvāntapakṣasya parva-

ṇvevaṃ sūryo'ṣṭabhedāṃ bhava iva bhavataḥ pātu bibhratsvamūrtim || 91 ||

prākkālonnidrapadmākaraparimalanāvirbhavatpādaśobho

bhaktyā tyaktorukhedodgati divi vinatāsūnunā nīyamānaḥ |

saptāśvāptāparāntānyadhikamadharayanyo jaganti stuto'laṃ

devairdevaḥ sa pāyādapara iva murārātirahnāṃ patirvaḥ || 92 ||

yaḥ sraṣṭā'pāṃ purastādacalavarasamabhyunnaterhetureko

lokānāṃ yastrayāṇāṃ sthita upari paraṃ durvilaṅghyena dhāmnā | var ca trayāṇāṃ

sadyaḥ siddhyai prasannadyutiśubhacaturāśāmukhaḥ stādvibhakto var śuci

dvedhā vedhā ivāviṣkṛtakamalaruciḥ so'rciṣāmākaro vaḥ || 93 ||

sādridyūrvīnadīśā diśati daśa diśo darśayanprāgdṛśo yaḥ var drāk dṛśo

sādṛśyaṃ dṛśyate no sadaśaśatadṛśi traidaśe yasya deśe |

dīptāṃśurvaḥ sa diśyādaśivayugadaśādarśitadvādaśātmā

śaṃ śāstyaśvāṃśca yasyāśayavidatiśayāddandaśūkāśanādyaḥ || 94 ||

tīrthāni vyarthakāni hṛdanadasarasīnirjharāmbhojinīnāṃ

nodanvanto nudanti pratibhayamaśubhaśvabhrapātānubandhi |

āpo nākāpagāyā api kaluṣamuṣo majjatāṃ naiva yatra var svargāpagāyāḥ

trātuṃ yāte'nyalokān sa diśatu divasasyaikaheturhitaṃ vaḥ || 95 || var lokaṃ

etatpātālapaṅkaplutamiva tamasaivaikamudgāḍhamāsī-

daprajñātāpratarkyaṃ niravagati tathālakṣaṇaṃ suptamantaḥ |

yādṛksṛṣṭeḥ purastānniśi niśi sakalaṃ jāyate tādṛgeva

trailokyaṃ yadviyogādavatu ravirasau sargatulyodayo vaḥ || 96 ||

dvīpe yo'stācalo'sminbhavati khalu sa evāparatrodayādri-

ryā yāminyujjvalendudyutiriha divaso'nyatra tīvrātapaḥ sā |

yadvaśyau deśakālāviti niyamayato no tu yaṃ deśakālā- var nu

vavyātsa svaprabhutvāhitabhuvanahito heturahnāmino vaḥ || 97 ||

vyagrairagryagrahendugrasanaguru bharairno samagrairudagraiḥ var gurutaraiḥ

pratyagrairīṣadugrairudayagirigato gogaṇairgaurayan gām |

udgāḍhārcirvilīnāmaranagaranagagrāvagarbhāmivāhnā-

magre śreyo vidhatte glapayatu gahanaṃ sa grahagrāmaṇīrvaḥ || 98 ||

yoniḥ sāmnāṃ vidhātā madhuripurajito dhūrjaṭiḥ śaṅkaro'sau

mṛtyuḥ kālo'lakāyāḥ patirapi dhanadaḥ pāvako jātavedāḥ |

itthaṃ sañjñā ḍavitthādivadamṛtabhujāṃ yā yadṛcchāpravṛttā-

stāsāmeko'bhidheyastadanuguṇaguṇairyaḥ sa sūryo'vatādvaḥ || 99 || var gaṇaiḥ

devaḥ kiṃ bāndhavaḥ syātpriyasuhṛdathavā''cārya āhosvidaryo var āryaḥ

rakṣā cakṣurnu dīpo gururuta janako jīvitaṃ bījamojaḥ |

evaṃ nirṇīyate yaḥ ka iva na jagatāṃ sarvathā sarvadā'sau var sarvadāḥ

sarvākāropakārī diśatu daśaśatābhīṣurabhyarthitaṃ vaḥ || 100 ||

ślokā lokasya bhūtyai śatamiti racitāḥ śrīmayūreṇa bhaktyā

yuktaścaitānpaṭhedyaḥ sakṛdapi puruṣaḥ sarvapāpairvimuktaḥ |

ārogyaṃ satkavitvaṃ matimatulabalaṃ kāntimāyuḥprakarṣaṃ

vidyāmaiśvaryamarthaṃ sutamapi labhate so'tra sūryaprasādāt || 101 ||

iti śrīmayūrakavipraṇītaṃ sūryaśatakaṃ samāptam |