Shri Subrahmanya Mangalashtakam

ॐ

𑌶𑍍𑌰𑍀 𑌸𑍁𑌬𑍍𑌰𑌹𑍍𑌮𑌣𑍍𑌯 𑌮𑌙𑍍𑌗𑌲𑌾𑌷𑍍𑌟𑌕𑌮𑍍

Murugan Ashtakam Grantha

𑌶𑌿𑌵𑌯𑍋𑌸𑍍𑌤𑌨𑍁𑌜𑌾𑌯𑌾𑌸𑍍𑌤𑍁 𑌶𑍍𑌰𑌿𑌤𑌮𑌨𑍍𑌦𑌾𑌰𑌶𑌾𑌖𑌿𑌨𑍇 ।

𑌶𑌿𑌖𑌿𑌵𑌰𑍍𑌯𑌤𑍁𑌰𑌙𑍍𑌗𑌾𑌯 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌮𑌙𑍍𑌗𑌲𑌮𑍍 ॥ 1 ॥

𑌭𑌕𑍍𑌤𑌾𑌭𑍀𑌷𑍍𑌟𑌪𑍍𑌰𑌦𑌾𑌯𑌾𑌸𑍍𑌤𑍁 𑌭𑌵𑌰𑍋𑌗𑌵𑌿𑌨𑌾𑌶𑌿𑌨𑍇 ।

𑌰𑌾𑌜𑌰𑌾𑌜𑌾𑌦𑌿𑌵𑌨𑍍𑌦𑍍𑌯𑌾𑌯 𑌰𑌣𑌧𑍀𑌰𑌾𑌯 𑌮𑌙𑍍𑌗𑌲𑌮𑍍 ॥ 2 ॥

𑌶𑍂𑌰𑌪𑌦𑍍𑌮𑌾𑌦𑌿𑌦𑍈𑌤𑍇𑌯𑌤𑌮𑌿𑌸𑍍𑌰𑌕𑍁𑌲𑌭𑌾𑌨𑌵𑍇 ।

𑌤𑌾𑌰𑌕𑌾𑌸𑍁𑌰𑌕𑌾𑌲𑌾𑌯 𑌬𑌾𑌲𑌕𑌾𑌯𑌾𑌸𑍍𑌤𑍁 𑌮𑌙𑍍𑌗𑌲𑌮𑍍 ॥ 3 ॥

𑌵𑌲𑍍𑌲𑍀𑌵𑌦𑌨𑌰𑌾𑌜𑍀𑌵 𑌮𑌧𑍁𑌪𑌾𑌯 𑌮𑌹𑌾𑌤𑍍𑌮𑌨𑍇 ।

𑌉𑌲𑍍𑌲𑌸𑌨𑍍𑌮𑌣𑌿𑌕𑍋𑌟𑍀𑌰𑌭𑌾𑌸𑍁𑌰𑌾𑌯𑌾𑌸𑍍𑌤𑍁 𑌮𑌙𑍍𑌗𑌲𑌮𑍍 ॥ 4 ॥

𑌕𑌨𑍍𑌦𑌰𑍍𑌪𑌕𑍋𑌟𑌿𑌲𑌾𑌵𑌣𑍍𑌯𑌨𑌿𑌧𑌯𑍇 𑌕𑌾𑌮𑌦𑌾𑌯𑌿𑌨𑍇 ।

𑌕𑍁𑌲𑌿𑌶𑌾𑌯𑍁𑌧𑌹𑌸𑍍𑌤𑌾𑌯 𑌕𑍁𑌮𑌾𑌰𑌾𑌯𑌾𑌸𑍍𑌤𑍁 𑌮𑌙𑍍𑌗𑌲𑌮𑍍 ॥ 5 ॥

𑌮𑍁𑌕𑍍𑌤𑌾𑌹𑌾𑌰𑌲𑌸𑌤𑍍𑌕𑌣𑍍𑌠𑌰𑌾𑌜𑌯𑍇 𑌮𑍁𑌕𑍍𑌤𑌿𑌦𑌾𑌯𑌿𑌨𑍇 ।

𑌦𑍇𑌵𑌸𑍇𑌨𑌾𑌸𑌮𑍇𑌤𑌾𑌯 𑌦𑍈𑌵𑌤𑌾𑌯𑌾𑌸𑍍𑌤𑍁 𑌮𑌙𑍍𑌗𑌲𑌮𑍍 ॥ 6 ॥

𑌕𑌨𑌕𑌾𑌮𑍍𑌬𑌰𑌸𑌂𑌶𑍋𑌭𑌿𑌕𑌟𑌯𑍇 𑌕𑌲𑌿𑌹𑌾𑌰𑌿𑌣𑍇 ।

𑌕𑌮𑌲𑌾𑌪𑌤𑌿𑌵𑌨𑍍𑌦𑍍𑌯𑌾𑌯 𑌕𑌾𑌰𑍍𑌤𑌿𑌕𑍇𑌯𑌾𑌯 𑌮𑌙𑍍𑌗𑌲𑌮𑍍 ॥ 7 ॥

𑌶𑌰𑌕𑌾𑌨𑌨𑌜𑌾𑌤𑌾𑌯 𑌶𑍂𑌰𑌾𑌯 𑌶𑍁𑌭𑌦𑌾𑌯𑌿𑌨𑍇 ।

𑌶𑍀𑌤𑌭𑌾𑌨𑍁𑌸𑌮𑌾𑌸𑍍𑌯𑌾𑌯 𑌶𑌰𑌣𑍍𑌯𑌾𑌯𑌾𑌸𑍍𑌤𑍁 𑌮𑌙𑍍𑌗𑌲𑌮𑍍 ॥ 8 ॥

𑌮𑌙𑍍𑌗𑌲𑌾𑌷𑍍𑌟𑌕𑌮𑍇𑌤𑌦𑍍𑌯𑍇 𑌮𑌹𑌾𑌸𑍇𑌨𑌸𑍍𑌯 𑌮𑌾𑌨𑌵𑌾𑌃 ।

𑌪𑌠𑌨𑍍𑌤𑍀 𑌪𑍍𑌰𑌤𑍍𑌯𑌹𑌂 𑌭𑌕𑍍𑌤𑍍𑌯𑌾 𑌪𑍍𑌰𑌾𑌪𑍍𑌨𑍁𑌯𑍁𑌸𑍍𑌤𑍇 𑌪𑌰𑌾𑌂 𑌶𑍍𑌰𑌿𑌯𑌮𑍍 ॥ 9 ॥

𑌇𑌤𑌿 𑌶𑍍𑌰𑍀 𑌸𑍁𑌬𑍍𑌰𑌹𑍍𑌮𑌣𑍍𑌯 𑌮𑌙𑍍𑌗𑌲𑌾𑌷𑍍𑌟𑌕𑌮𑍍 ।

Roman (IAST) Transliteration

śivayostanujāyāstu śritamandāraśākhine |

śikhivaryaturaṅgāya subrahmaṇyāya maṅgalam || 1 ||

bhaktābhīṣṭapradāyāstu bhavarogavināśine |

rājarājādivandyāya raṇadhīrāya maṅgalam || 2 ||

śūrapadmādidaiteyatamisrakulabhānave |

tārakāsurakālāya bālakāyāstu maṅgalam || 3 ||

vallīvadanarājīva madhupāya mahātmane |

ullasanmaṇikoṭīrabhāsurāyāstu maṅgalam || 4 ||

kandarpakoṭilāvaṇyanidhaye kāmadāyine |

kuliśāyudhahastāya kumārāyāstu maṅgalam || 5 ||

muktāhāralasatkaṇṭharājaye muktidāyine |

devasenāsametāya daivatāyāstu maṅgalam || 6 ||

kanakāmbarasaṃśobhikaṭaye kalihāriṇe |

kamalāpativandyāya kārtikeyāya maṅgalam || 7 ||

śarakānanajātāya śūrāya śubhadāyine |

śītabhānusamāsyāya śaraṇyāyāstu maṅgalam || 8 ||

maṅgalāṣṭakametadye mahāsenasya mānavāḥ |

paṭhantī pratyahaṃ bhaktyā prāpnuyuste parāṃ śriyam || 9 ||

iti śrī subrahmaṇya maṅgalāṣṭakam |