📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌸𑌿𑌦𑍍𑌧𑌲𑌕𑍍𑌷𑍍𑌮𑍀 𑌸𑍍𑌤𑍋𑌤𑍍𑌰𑌮𑍍
Shri Siddhalakshmi Stotram
Lakshmi Stotram Grantha
𑌅𑌸𑍍𑌯 𑌶𑍍𑌰𑍀𑌸𑌿𑌦𑍍𑌧𑌲𑌕𑍍𑌷𑍍𑌮𑍀𑌸𑍍𑌤𑍋𑌤𑍍𑌰𑌮𑌨𑍍𑌤𑍍𑌰𑌸𑍍𑌯 𑌹𑌿𑌰𑌣𑍍𑌯𑌗𑌰𑍍𑌭 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃, 𑌶𑍍𑌰𑍀𑌮𑌹𑌾𑌕𑌾𑌲𑍀𑌮𑌹𑌾𑌲𑌕𑍍𑌷𑍍𑌮𑍀𑌮𑌹𑌾𑌸𑌰𑌸𑍍𑌵𑌤𑍍𑌯𑍋 𑌦𑍇𑌵𑌤𑌾𑌃 𑌶𑍍𑌰𑍀𑌂 𑌬𑍀𑌜𑌂 𑌹𑍍𑌰𑍀𑌂 𑌶𑌕𑍍𑌤𑌿𑌃 𑌕𑍍𑌲𑍀𑌂 𑌕𑍀𑌲𑌕𑌂 𑌮𑌮 𑌸𑌰𑍍𑌵𑌕𑍍𑌲𑍇𑌶𑌪𑍀𑌡𑌾𑌪𑌰𑌿𑌹𑌾𑌰𑌾𑌰𑍍𑌥𑌂 𑌸𑌰𑍍𑌵𑌦𑍁𑌃𑌖𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌨𑌾𑌰𑍍𑌥𑌂 𑌸𑌰𑍍𑌵𑌕𑌾𑌰𑍍𑌯𑌸𑌿𑌦𑍍𑌧𑍍𑌯𑌰𑍍𑌥𑌂 𑌶𑍍𑌰𑍀𑌸𑌿𑌦𑍍𑌧𑌿𑌲𑌕𑍍𑌷𑍍𑌮𑍀𑌸𑍍𑌤𑍋𑌤𑍍𑌰 𑌪𑌾𑌠𑍇 𑌵𑌿𑌨𑌿𑌯𑍋𑌗𑌃 ॥
𑌋𑌷𑍍𑌯𑌾𑌦𑌿𑌨𑍍𑌯𑌾𑌸𑌃
𑍐 𑌹𑌿𑌰𑌣𑍍𑌯𑌗𑌰𑍍𑌭 𑌋𑌷𑌯𑍇 𑌨𑌮𑌃 𑌶𑌿𑌰𑌸𑌿 ।
𑌅𑌨𑍁𑌷𑍍𑌟𑍁𑌪𑍍𑌛𑌨𑍍𑌦𑌸𑍇 𑌨𑌮𑍋 𑌮𑍁𑌖𑍇 ।
𑌶𑍍𑌰𑍀𑌮𑌹𑌾𑌕𑌾𑌲𑍀𑌮𑌹𑌾𑌲𑌕𑍍𑌷𑍍𑌮𑍀𑌮𑌹𑌾𑌸𑌰𑌸𑍍𑌵𑌤𑍀𑌦𑍇𑌵𑌤𑌾𑌭𑍍𑌯𑍋 𑌨𑌮𑍋 𑌹𑍃𑌦𑌿𑌃 ।
𑌶𑍍𑌰𑍀𑌂 𑌬𑍀𑌜𑌾𑌯 𑌨𑌮𑍋 𑌗𑍁𑌹𑍍𑌯𑍇 ।
𑌹𑍍𑌰𑍀𑌂 𑌶𑌕𑍍𑌤𑌯𑍇 𑌨𑌮𑌃 𑌪𑌾𑌦𑌯𑍋𑌃 ।
𑌕𑍍𑌲𑍀𑌂 𑌕𑍀𑌲𑌕𑌾𑌯 𑌨𑌮𑍋 𑌨𑌾𑌭𑍗 ।
𑌵𑌿𑌨𑌿𑌯𑍋𑌗𑌾𑌯 𑌨𑌮𑌃 𑌸𑌰𑍍𑌵𑌾𑌙𑍍𑌗𑍇𑌷𑍁 ॥
𑌕𑌰𑌨𑍍𑌯𑌾𑌸𑌃
𑍐 𑌶𑍍𑌰𑍀𑌂 𑌸𑌿𑌦𑍍𑌧𑌲𑌕𑍍𑌷𑍍𑌮𑍍𑌯𑍈 𑌅𑌙𑍍𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑍐 𑌹𑍍𑌰𑍀𑌂 𑌵𑌿𑌷𑍍𑌣𑍁𑌤𑍇𑌜𑌸𑍇 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑍐 𑌕𑍍𑌲𑍀𑌂 𑌅𑌮𑍃𑌤𑌾𑌨𑌨𑍍𑌦𑌾𑌯𑍈 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑍐 𑌶𑍍𑌰𑍀𑌂 𑌦𑍈𑌤𑍍𑌯𑌮𑌾𑌲𑌿𑌨𑍍𑌯𑍈 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌹𑍍𑌰𑍀𑌂 𑌤𑍇𑌜𑌃 𑌪𑍍𑌰𑌕𑌾𑌶𑌿𑌨𑍍𑌯𑍈 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌕𑍍𑌲𑍀𑌂 𑌬𑍍𑌰𑌾𑌹𑍍𑌮𑍍𑌯𑍈 𑌵𑍈𑌷𑍍𑌣𑌵𑍍𑌯𑍈 𑌰𑍁𑌦𑍍𑌰𑌾𑌣𑍍𑌯𑍈 𑌕𑌰𑌤𑌲 𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ॥
𑌅𑌙𑍍𑌗𑌨𑍍𑌯𑌾𑌸𑌃
𑍐 𑌶𑍍𑌰𑍀𑌂 𑌸𑌿𑌦𑍍𑌧𑌲𑌕𑍍𑌷𑍍𑌮𑍍𑌯𑍈 𑌹𑍃𑌦𑌯𑌾𑌯 𑌨𑌮𑌃 ।
𑍐 𑌹𑍍𑌰𑍀𑌂 𑌵𑌿𑌷𑍍𑌣𑍁𑌤𑍇𑌜𑌸𑍇 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑍐 𑌕𑍍𑌲𑍀𑌂 𑌅𑌮𑍃𑌤𑌾𑌨𑌨𑍍𑌦𑌾𑌯𑍈 𑌶𑌿𑌖𑌾𑌯𑍈 𑌵𑌷𑌟𑍍 ।
𑍐 𑌶𑍍𑌰𑍀𑌂 𑌦𑍈𑌤𑍍𑌯𑌮𑌾𑌲𑌿𑌨𑍍𑌯𑍈 𑌕𑌵𑌚𑌾𑌯 𑌹𑍁𑌮𑍍 ।
𑍐 𑌹𑍍𑌰𑍀𑌂 𑌤𑍇𑌜𑌃 𑌪𑍍𑌰𑌕𑌾𑌶𑌿𑌨𑍍𑌯𑍈 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍗𑌷𑌟𑍍 ।
𑍐 𑌕𑍍𑌲𑍀𑌂 𑌬𑍍𑌰𑌾𑌹𑍍𑌮𑍍𑌯𑍈 𑌵𑍈𑌷𑍍𑌣𑌵𑍍𑌯𑍈 𑌰𑍁𑌦𑍍𑌰𑌾𑌣𑍍𑌯𑍈 𑌅𑌸𑍍𑌤𑍍𑌰𑌾𑌯 𑌫𑌟𑍍 ॥
𑍐 𑌶𑍍𑌰𑍀𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌶𑍍𑌰𑍀𑌂 𑌸𑌿𑌦𑍍𑌧𑌲𑌕𑍍𑌷𑍍𑌮𑍍𑌯𑍈 𑌨𑌮𑌃 𑌇𑌤𑌿 𑌦𑌿𑌗𑍍𑌬𑌨𑍍𑌧𑌃 ॥
𑌅𑌥 𑌧𑍍𑌯𑌾𑌨𑌮𑍍
𑌬𑍍𑌰𑌾𑌹𑍍𑌮𑍀𑌂 𑌚 𑌵𑍈𑌷𑍍𑌣𑌵𑍀𑌂 𑌭𑌦𑍍𑌰𑌾𑌂 𑌷𑌡𑍍𑌭𑍁𑌜𑌾𑌂 𑌚 𑌚𑌤𑍁𑌰𑍍𑌮𑍁𑌖𑍀𑌮𑍍 ।
𑌤𑍍𑌰𑌿𑌨𑍇𑌤𑍍𑌰𑌾𑌂 𑌖𑌡𑍍𑌗𑌤𑍍𑌰𑌿𑌶𑍂𑌲𑌪𑌦𑍍𑌮𑌚𑌕𑍍𑌰𑌗𑌦𑌾𑌧𑌰𑌾𑌮𑍍 ॥ 1 ॥
𑌪𑍀𑌤𑌾𑌮𑍍𑌬𑌰𑌧𑌰𑌾𑌂 𑌦𑍇𑌵𑍀𑌂 𑌨𑌾𑌨𑌾𑌲𑌙𑍍𑌕𑌾𑌰𑌭𑍂𑌷𑌿𑌤𑌾𑌮𑍍 ।
𑌤𑍇𑌜𑌃𑌪𑍁𑌞𑍍𑌜𑌧𑌰𑍀𑌂 𑌶𑍍𑌰𑍇𑌷𑍍𑌠𑌾𑌂 𑌧𑍍𑌯𑌾𑌯𑍇𑌦𑍍𑌬𑌾𑌲𑌕𑍁𑌮𑌾𑌰𑌿𑌕𑌾𑌮𑍍 ॥ 2 ॥
𑌅𑌥 𑌸𑍍𑌤𑍋𑌤𑍍𑌰𑌮𑍍
𑌓𑌙𑍍𑌕𑌾𑌰𑌂 𑌲𑌕𑍍𑌷𑍍𑌮𑍀𑌰𑍂𑌪𑌂 𑌤𑍁 𑌵𑌿𑌷𑍍𑌣𑍁𑌂 𑌵𑌾𑌗𑍍𑌭𑌵𑌮𑌵𑍍𑌯𑌯𑌮𑍍 ।
𑌵𑌿𑌷𑍍𑌣𑍁𑌮𑌾𑌨𑌨𑍍𑌦𑌮𑌵𑍍𑌯𑌕𑍍𑌤𑌂 𑌹𑍍𑌰𑍀𑌙𑍍𑌕𑌾𑌰𑌂 𑌬𑍀𑌜𑌰𑍂𑌪𑌿𑌣𑍀𑌮𑍍 ॥ 3 ॥
𑌕𑍍𑌲𑍀𑌂 𑌅𑌮𑍃𑌤𑌾𑌨𑌨𑍍𑌦𑌿𑌨𑍀𑌂 𑌭𑌦𑍍𑌰𑌾𑌂 𑌸𑌤𑍍𑌯𑌾𑌨𑌨𑍍𑌦𑌦𑌾𑌯𑌿𑌨𑍀𑌮𑍍 ।
𑌶𑍍𑌰𑍀𑌂 𑌦𑍈𑌤𑍍𑌯𑌶𑌮𑌨𑍀𑌂 𑌶𑌕𑍍𑌤𑌿𑌂 𑌮𑌾𑌲𑌿𑌨𑍀𑌂 𑌶𑌤𑍍𑌰𑍁𑌮𑌰𑍍𑌦𑌿𑌨𑍀𑌮𑍍 ॥ 4 ॥
𑌤𑍇𑌜𑌃 𑌪𑍍𑌰𑌕𑌾𑌶𑌿𑌨𑍀𑌂 𑌦𑍇𑌵𑍀𑌂 𑌵𑌰𑌦𑌾𑌂 𑌶𑍁𑌭𑌕𑌾𑌰𑌿𑌣𑍀𑌮𑍍 ।
𑌬𑍍𑌰𑌾𑌹𑍍𑌮𑍀𑌂 𑌚 𑌵𑍈𑌷𑍍𑌣𑌵𑍀𑌂 𑌰𑍗𑌦𑍍𑌰𑍀𑌂 𑌕𑌾𑌲𑌿𑌕𑌾𑌰𑍂𑌪𑌶𑍋𑌭𑌿𑌨𑍀𑌮𑍍 ॥ 5 ॥
𑌅𑌕𑌾𑌰𑍇 𑌲𑌕𑍍𑌷𑍍𑌮𑍀𑌰𑍂𑌪𑌂 𑌤𑍁 𑌉𑌕𑌾𑌰𑍇 𑌵𑌿𑌷𑍍𑌣𑍁𑌮𑌵𑍍𑌯𑌯𑌮𑍍 ।
𑌮𑌕𑌾𑌰𑌃 𑌪𑍁𑌰𑍁𑌷𑍋𑌽𑌵𑍍𑌯𑌕𑍍𑌤𑍋 𑌦𑍇𑌵𑍀 𑌪𑍍𑌰𑌣𑌵 𑌉𑌚𑍍𑌯𑌤𑍇 ॥ 6 ॥
𑌸𑍂𑌰𑍍𑌯𑌕𑍋𑌟𑌿𑌪𑍍𑌰𑌤𑍀𑌕𑌾𑌶𑌂 𑌚𑌨𑍍𑌦𑍍𑌰𑌕𑍋𑌟𑌿𑌸𑌮𑌪𑍍𑌰𑌭𑌮𑍍 ।
𑌤𑌨𑍍𑌮𑌧𑍍𑌯𑍇 𑌨𑌿𑌕𑌰𑌂 𑌸𑍂𑌕𑍍𑌷𑍍𑌮𑌂 𑌬𑍍𑌰𑌹𑍍𑌮𑌰𑍁𑌪𑌂 𑌵𑍍𑌯𑌵𑌸𑍍𑌥𑌿𑌤𑌮𑍍 ॥ 7 ॥
𑌓𑌙𑍍𑌕𑌾𑌰𑌂 𑌪𑌰𑌮𑌾𑌨𑌨𑍍𑌦𑌂 𑌸𑌦𑍈𑌵 𑌸𑍁𑌰𑌸𑍁𑌨𑍍𑌦𑌰𑍀𑌮𑍍 ।
𑌸𑌿𑌦𑍍𑌧𑌲𑌕𑍍𑌷𑍍𑌮𑍀 𑌮𑍋𑌕𑍍𑌷𑌲𑌕𑍍𑌷𑍍𑌮𑍀 𑌆𑌦𑍍𑌯𑌲𑌕𑍍𑌷𑍍𑌮𑍀 𑌨𑌮𑍋𑌽𑌸𑍍𑌤𑍁 𑌤𑍇 ॥ 8 ॥
𑌶𑍍𑌰𑍀𑌙𑍍𑌕𑌾𑌰𑌂 𑌪𑌰𑌮𑌂 𑌸𑌿𑌦𑍍𑌧𑌂 𑌸𑌰𑍍𑌵𑌬𑍁𑌦𑍍𑌧𑌿𑌪𑍍𑌰𑌦𑌾𑌯𑌕𑌮𑍍 ।
𑌸𑍗𑌭𑌾𑌗𑍍𑌯𑌾𑌽𑌮𑍃𑌤𑌾 𑌕𑌮𑌲𑌾 𑌸𑌤𑍍𑌯𑌲𑌕𑍍𑌷𑍍𑌮𑍀 𑌨𑌮𑍋𑌽𑌸𑍍𑌤𑍁 𑌤𑍇 ॥ 9 ॥
𑌹𑍍𑌰𑍀𑌙𑍍𑌕𑌾𑌰𑌂 𑌪𑌰𑌮𑌂 𑌶𑍁𑌦𑍍𑌧𑌂 𑌪𑌰𑌮𑍈𑌶𑍍𑌵𑌰𑍍𑌯𑌦𑌾𑌯𑌕𑌮𑍍 ।
𑌕𑌮𑌲𑌾 𑌧𑌨𑌦𑌾 𑌲𑌕𑍍𑌷𑍍𑌮𑍀 𑌭𑍋𑌗𑌲𑌕𑍍𑌷𑍍𑌮𑍀 𑌨𑌮𑍋𑌽𑌸𑍍𑌤𑍁 𑌤𑍇 ॥ 10 ॥
𑌕𑍍𑌲𑍀𑌙𑍍𑌕𑌾𑌰𑌂 𑌕𑌾𑌮𑌰𑍂𑌪𑌿𑌣𑍍𑌯𑌂 𑌕𑌾𑌮𑌨𑌾𑌪𑌰𑌿𑌪𑍂𑌰𑍍𑌤𑌿𑌦𑌮𑍍 ।
𑌚𑌪𑌲𑌾 𑌚𑌞𑍍𑌚𑌲𑌾 𑌲𑌕𑍍𑌷𑍍𑌮𑍀 𑌕𑌾𑌤𑍍𑌯𑌾𑌯𑌨𑍀 𑌨𑌮𑍋𑌽𑌸𑍍𑌤𑍁 𑌤𑍇 ॥ 11 ॥
𑌶𑍍𑌰𑍀𑌙𑍍𑌕𑌾𑌰𑌂 𑌸𑌿𑌦𑍍𑌧𑌿𑌰𑍂𑌪𑌿𑌣𑍍𑌯𑌂 𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌕𑌮𑍍 ।
𑌪𑌦𑍍𑌮𑌾𑌨𑌨𑌾𑌂 𑌜𑌗𑌨𑍍𑌮𑌾𑌤𑍍𑌰𑍇 𑌅𑌷𑍍𑌟𑌲𑌕𑍍𑌷𑍍𑌮𑍀𑌂 𑌨𑌮𑍋𑌽𑌸𑍍𑌤𑍁 𑌤𑍇 ॥ 12 ॥
𑌸𑌰𑍍𑌵𑌮𑌙𑍍𑌗𑌲𑌮𑌾𑌙𑍍𑌗𑌲𑍍𑌯𑍇 𑌶𑌿𑌵𑍇 𑌸𑌰𑍍𑌵𑌾𑌰𑍍𑌥𑌸𑌾𑌧𑌿𑌕𑍇 ।
𑌶𑌰𑌣𑍍𑌯𑍇 𑌤𑍍𑌰𑍍𑌯𑌮𑍍𑌬𑌕𑍇 𑌗𑍗𑌰𑌿 𑌨𑌾𑌰𑌾𑌯𑌣𑍀 𑌨𑌮𑍋𑌽𑌸𑍍𑌤𑍁 𑌤𑍇 ॥ 13 ॥
𑌪𑍍𑌰𑌥𑌮𑌂 𑌤𑍍𑌰𑍍𑌯𑌮𑍍𑌬𑌕𑌾 𑌗𑍗𑌰𑍀 𑌦𑍍𑌵𑌿𑌤𑍀𑌯𑌂 𑌵𑍈𑌷𑍍𑌣𑌵𑍀 𑌤𑌥𑌾 ।
𑌤𑍃𑌤𑍀𑌯𑌂 𑌕𑌮𑌲𑌾 𑌪𑍍𑌰𑍋𑌕𑍍𑌤𑌾 𑌚𑌤𑍁𑌰𑍍𑌥𑌂 𑌸𑍁𑌨𑍍𑌦𑌰𑍀 𑌤𑌥𑌾 ॥ 14 ॥
𑌪𑌞𑍍𑌚𑌮𑌂 𑌵𑌿𑌷𑍍𑌣𑍁𑌶𑌕𑍍𑌤𑌿𑌶𑍍𑌚 𑌷𑌷𑍍𑌠𑌂 𑌕𑌾𑌤𑍍𑌯𑌾𑌯𑌨𑍀 𑌤𑌥𑌾 ।
𑌵𑌾𑌰𑌾𑌹𑍀 𑌸𑌪𑍍𑌤𑌮𑌂 𑌚𑍈𑌵 𑌹𑍍𑌯𑌷𑍍𑌟𑌮𑌂 𑌹𑌰𑌿𑌵𑌲𑍍𑌲𑌭𑌾 ॥ 15 ॥
𑌨𑌵𑌮𑌂 𑌖𑌡𑍍𑌗𑌿𑌨𑍀 𑌪𑍍𑌰𑍋𑌕𑍍𑌤𑌾 𑌦𑌶𑌮𑌂 𑌚𑍈𑌵 𑌦𑍇𑌵𑌿𑌕𑌾 ।
𑌏𑌕𑌾𑌦𑌶𑌂 𑌸𑌿𑌦𑍍𑌧𑌲𑌕𑍍𑌷𑍍𑌮𑍀𑌰𑍍𑌦𑍍𑌵𑌾𑌦𑌶𑌂 𑌹𑌂𑌸𑌵𑌾𑌹𑌿𑌨𑍀 ॥ 16 ॥
𑌉𑌤𑍍𑌤𑌰𑌨𑍍𑌯𑌾𑌸𑌃
𑍐 𑌶𑍍𑌰𑍀𑌂 𑌸𑌿𑌦𑍍𑌧𑌲𑌕𑍍𑌷𑍍𑌮𑍍𑌯𑍈 𑌹𑍃𑌦𑌯𑌾𑌯 𑌨𑌮𑌃 ।
𑍐 𑌹𑍍𑌰𑍀𑌂 𑌵𑌿𑌷𑍍𑌣𑍁𑌤𑍇𑌜𑌸𑍇 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑍐 𑌕𑍍𑌲𑍀𑌂 𑌅𑌮𑍃𑌤𑌾𑌨𑌨𑍍𑌦𑌾𑌯𑍈 𑌶𑌿𑌖𑌾𑌯𑍈 𑌵𑌷𑌟𑍍 ।
𑍐 𑌶𑍍𑌰𑍀𑌂 𑌦𑍈𑌤𑍍𑌯𑌮𑌾𑌲𑌿𑌨𑍍𑌯𑍈 𑌕𑌵𑌚𑌾𑌯 𑌹𑍁𑌮𑍍 ।
𑍐 𑌹𑍍𑌰𑍀𑌂 𑌤𑍇𑌜𑌃 𑌪𑍍𑌰𑌕𑌾𑌶𑌿𑌨𑍍𑌯𑍈 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍗𑌷𑌟𑍍 ।
𑍐 𑌕𑍍𑌲𑍀𑌂 𑌬𑍍𑌰𑌾𑌹𑍍𑌮𑍍𑌯𑍈 𑌵𑍈𑌷𑍍𑌣𑌵𑍍𑌯𑍈 𑌰𑍁𑌦𑍍𑌰𑌾𑌣𑍍𑌯𑍈 𑌅𑌸𑍍𑌤𑍍𑌰𑌾𑌯 𑌫𑌟𑍍 ॥
𑍐 𑌶𑍍𑌰𑍀𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌶𑍍𑌰𑍀𑌂 𑌸𑌿𑌦𑍍𑌧𑌲𑌕𑍍𑌷𑍍𑌮𑍍𑌯𑍈 𑌨𑌮𑌃 𑌇𑌤𑌿 𑌦𑌿𑌗𑍍𑌵𑌿𑌮𑍋𑌕𑌃 ॥
𑌅𑌥 𑌫𑌲𑌶𑍃𑌤𑌿𑌃
𑌏𑌤𑌤𑍍 𑌸𑍍𑌤𑍋𑌤𑍍𑌰𑌵𑌰𑌂 𑌦𑍇𑌵𑍍𑌯𑌾 𑌯𑍇 𑌪𑌠𑌨𑍍𑌤𑌿 𑌸𑌦𑌾 𑌨𑌰𑌾𑌃 ।
𑌸𑌰𑍍𑌵𑌾𑌪𑌦𑍍𑌭𑍍𑌯𑍋 𑌵𑌿𑌮𑍁𑌚𑍍𑌯𑌨𑍍𑌤𑍇 𑌨𑌾𑌤𑍍𑌰 𑌕𑌾𑌰𑍍𑌯𑌾 𑌵𑌿𑌚𑌾𑌰𑌣𑌾 ॥ 17 ॥
𑌏𑌕𑌮𑌾𑌸𑌂 𑌦𑍍𑌵𑌿𑌮𑌾𑌸𑌂 𑌚 𑌤𑍍𑌰𑌿𑌮𑌾𑌸𑌂 𑌚 𑌚𑌤𑍁𑌸𑍍𑌥𑌥𑌾 ।
𑌪𑌞𑍍𑌚𑌮𑌾𑌸𑌂 𑌚 𑌷𑌣𑍍𑌮𑌾𑌸𑌂 𑌤𑍍𑌰𑌿𑌕𑌾𑌲𑌂 𑌯𑌃 𑌸𑌦𑌾 𑌪𑌠𑍇𑌤𑍍 ॥ 18 ॥
𑌬𑍍𑌰𑌾𑌹𑍍𑌮𑌣𑌃 𑌕𑍍𑌲𑍇𑌶𑌿𑌤𑍋 𑌦𑍁𑌃𑌖𑍀 𑌦𑌾𑌰𑌿𑌦𑍍𑌰𑍍𑌯𑌭𑌯𑌪𑍀𑌡𑌿𑌤𑌃 ।
𑌜𑌨𑍍𑌮𑌾𑌨𑍍𑌤𑌰 𑌸𑌹𑌸𑍍𑌰𑍋𑌤𑍍𑌥𑍈𑌰𑍍𑌮𑍁𑌚𑍍𑌯𑌤𑍇 𑌸𑌰𑍍𑌵𑌕𑌿𑌲𑍍𑌬𑌷𑍈𑌃 ॥ 19 ॥
𑌦𑌰𑌿𑌦𑍍𑌰𑍋 𑌲𑌭𑌤𑍇 𑌲𑌕𑍍𑌷𑍍𑌮𑍀𑌮𑌪𑍁𑌤𑍍𑌰𑌃 𑌪𑍁𑌤𑍍𑌰𑌵𑌾𑌨𑍍 𑌭𑌵𑍇𑌤𑍍 ।
𑌧𑌨𑍍𑌯𑍋 𑌯𑌶𑌸𑍍𑌵𑍀 𑌶𑌤𑍍𑌰𑍁𑌘𑍍𑌨𑍋 𑌵𑌹𑍍𑌨𑌿𑌚𑍗𑌰𑌭𑌯𑍇𑌷𑍁 𑌚 ॥ 20 ॥
𑌶𑌾𑌕𑌿𑌨𑍀 𑌭𑍂𑌤 𑌵𑍇𑌤𑌾𑌲 𑌸𑌰𑍍𑌪 𑌵𑍍𑌯𑌾𑌘𑍍𑌰 𑌨𑌿𑌪𑌾𑌤𑌨𑍇 ।
𑌰𑌾𑌜𑌦𑍍𑌵𑌾𑌰𑍇 𑌸𑌭𑌾𑌸𑍍𑌥𑌾𑌨𑍇 𑌕𑌾𑌰𑌾𑌗𑍃𑌹𑌨𑌿𑌬𑌨𑍍𑌧𑌨𑍇 ॥ 21 ॥
𑌈𑌶𑍍𑌵𑌰𑍇𑌣 𑌕𑍃𑌤𑌂 𑌸𑍍𑌤𑍋𑌤𑍍𑌰𑌂 𑌪𑍍𑌰𑌾𑌣𑌿𑌨𑌾𑌂 𑌹𑌿𑌤𑌕𑌾𑌰𑌕𑌮𑍍 ।
𑌸𑍍𑌤𑍁𑌵𑌨𑍍𑌤𑍁 𑌬𑍍𑌰𑌾𑌹𑍍𑌮𑌣𑌾𑌃 𑌨𑌿𑌤𑍍𑌯𑌂 𑌦𑌾𑌰𑌿𑌦𑍍𑌰𑍍𑌯𑌂 𑌨 𑌚 𑌬𑌾𑌧𑌤𑍇 ॥ 22 ॥
𑌸𑌰𑍍𑌵𑌪𑌾𑌪𑌹𑌰𑌾 𑌲𑌕𑍍𑌷𑍍𑌮𑍀𑌃 𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀𑌮𑍍 ।
𑌸𑌾𑌧𑌕𑌾𑌃 𑌲𑌭𑌤𑍇 𑌸𑌰𑍍𑌵𑌂 𑌪𑌠𑍇𑌤𑍍 𑌸𑍍𑌤𑍋𑌤𑍍𑌰𑌂 𑌨𑌿𑌰𑌨𑍍𑌤𑌰𑌮𑍍 ॥ 23 ॥
𑌪𑍍𑌰𑌾𑌰𑍍𑌥𑌨𑌾
𑌯𑌾 𑌶𑍍𑌰𑍀𑌃 𑌪𑌦𑍍𑌮𑌵𑌨𑍇 𑌕𑌦𑌮𑍍𑌬𑌶𑌿𑌖𑌰𑍇 𑌰𑌾𑌜𑌗𑍃𑌹𑍇 𑌕𑍁𑌞𑍍𑌜𑌰𑍇
𑌶𑍍𑌵𑍇𑌤𑍇 𑌚𑌾𑌶𑍍𑌵𑌯𑍁𑌤𑍇 𑌵𑍃𑌷𑍇 𑌚 𑌯𑍁𑌗𑌲𑍇 𑌯𑌜𑍍𑌞𑍇 𑌚 𑌯𑍂𑌪𑌸𑍍𑌥𑌿𑌤𑍇 ।
𑌶𑌙𑍍𑌖𑍇 𑌦𑍈𑌵𑌕𑍁𑌲𑍇 𑌨𑌰𑍇𑌨𑍍𑌦𑍍𑌰𑌭𑌵𑌨𑍇 𑌗𑌙𑍍𑌗𑌾𑌤𑌟𑍇 𑌗𑍋𑌕𑍁𑌲𑍇
𑌸𑌾 𑌶𑍍𑌰𑍀𑌸𑍍𑌤𑌿𑌷𑍍𑌠𑌤𑍁 𑌸𑌰𑍍𑌵𑌦𑌾 𑌮𑌮 𑌗𑍃𑌹𑍇 𑌭𑍂𑌯𑌾𑌤𑍍 𑌸𑌦𑌾 𑌨𑌿𑌶𑍍𑌚𑌲𑌾 ॥
𑌯𑌾 𑌸𑌾 𑌪𑌦𑍍𑌮𑌾𑌸𑌨𑌸𑍍𑌥𑌾 𑌵𑌿𑌪𑍁𑌲𑌕𑌟𑌿𑌤𑌟𑍀 𑌪𑌦𑍍𑌮𑌪𑌤𑍍𑌰𑌾𑌯𑌤𑌾𑌕𑍍𑌷𑍀
𑌗𑌮𑍍𑌭𑍀𑌰𑌾𑌵𑌰𑍍𑌤𑌨𑌾𑌭𑌿𑌃 𑌸𑍍𑌤𑌨𑌭𑌰𑌨𑌮𑌿𑌤𑌾 𑌶𑍁𑌦𑍍𑌧𑌵𑌸𑍍𑌤𑍍𑌰𑍋𑌤𑍍𑌤𑌰𑍀𑌯𑌾 ।
𑌲𑌕𑍍𑌷𑍍𑌮𑍀𑌰𑍍𑌦𑌿𑌵𑍍𑌯𑍈𑌰𑍍𑌗𑌜𑍇𑌨𑍍𑌦𑍍𑌰𑍈𑌰𑍍𑌮𑌣𑌿𑌗𑌣𑌖𑌚𑌿𑌤𑍈𑌃 𑌸𑍍𑌨𑌾𑌪𑌿𑌤𑌾 𑌹𑍇𑌮𑌕𑍁𑌮𑍍𑌭𑍈𑌃
𑌨𑌿𑌤𑍍𑌯𑌂 𑌸𑌾 𑌪𑌦𑍍𑌮𑌹𑌸𑍍𑌤𑌾 𑌮𑌮 𑌵𑌸𑌤𑍁 𑌗𑍃𑌹𑍇 𑌸𑌰𑍍𑌵𑌮𑌾𑌙𑍍𑌗𑌲𑍍𑌯𑌯𑍁𑌕𑍍𑌤𑌾 ॥
𑌇𑌤𑌿 𑌶𑍍𑌰𑍀𑌬𑍍𑌰𑌹𑍍𑌮𑌪𑍁𑌰𑌾𑌣𑍇 𑌈𑌶𑍍𑌵𑌰𑌵𑌿𑌷𑍍𑌣𑍁𑌸𑌂𑌵𑌾𑌦𑍇 𑌶𑍍𑌰𑍀 𑌸𑌿𑌦𑍍𑌧𑌲𑌕𑍍𑌷𑍍𑌮𑍀 𑌸𑍍𑌤𑍋𑌤𑍍𑌰𑌮𑍍 ॥
Roman (IAST) Transliteration
asya śrīsiddhalakṣmīstotramantrasya hiraṇyagarbha ṛṣiḥ anuṣṭup chandaḥ, śrīmahākālīmahālakṣmīmahāsarasvatyo devatāḥ śrīṃ bījaṃ hrīṃ śaktiḥ klīṃ kīlakaṃ mama sarvakleśapīḍāparihārārthaṃ sarvaduḥkhadāridryanāśanārthaṃ sarvakāryasiddhyarthaṃ śrīsiddhilakṣmīstotra pāṭhe viniyogaḥ ||
ṛṣyādinyāsaḥ
oṃ hiraṇyagarbha ṛṣaye namaḥ śirasi |
anuṣṭupchandase namo mukhe |
śrīmahākālīmahālakṣmīmahāsarasvatīdevatābhyo namo hṛdiḥ |
śrīṃ bījāya namo guhye |
hrīṃ śaktaye namaḥ pādayoḥ |
klīṃ kīlakāya namo nābhau |
viniyogāya namaḥ sarvāṅgeṣu ||
karanyāsaḥ
oṃ śrīṃ siddhalakṣmyai aṅguṣṭhābhyāṃ namaḥ |
oṃ hrīṃ viṣṇutejase tarjanībhyāṃ namaḥ |
oṃ klīṃ amṛtānandāyai madhyamābhyāṃ namaḥ |
oṃ śrīṃ daityamālinyai anāmikābhyāṃ namaḥ |
oṃ hrīṃ tejaḥ prakāśinyai kaniṣṭhikābhyāṃ namaḥ |
oṃ klīṃ brāhmyai vaiṣṇavyai rudrāṇyai karatala karapṛṣṭhābhyāṃ namaḥ ||
aṅganyāsaḥ
oṃ śrīṃ siddhalakṣmyai hṛdayāya namaḥ |
oṃ hrīṃ viṣṇutejase śirase svāhā |
oṃ klīṃ amṛtānandāyai śikhāyai vaṣaṭ |
oṃ śrīṃ daityamālinyai kavacāya hum |
oṃ hrīṃ tejaḥ prakāśinyai netratrayāya vauṣaṭ |
oṃ klīṃ brāhmyai vaiṣṇavyai rudrāṇyai astrāya phaṭ ||
oṃ śrīṃ hrīṃ klīṃ śrīṃ siddhalakṣmyai namaḥ iti digbandhaḥ ||
atha dhyānam
brāhmīṃ ca vaiṣṇavīṃ bhadrāṃ ṣaḍbhujāṃ ca caturmukhīm |
trinetrāṃ khaḍgatriśūlapadmacakragadādharām || 1 ||
pītāmbaradharāṃ devīṃ nānālaṅkārabhūṣitām |
tejaḥpuñjadharīṃ śreṣṭhāṃ dhyāyedbālakumārikām || 2 ||
atha stotram
oṅkāraṃ lakṣmīrūpaṃ tu viṣṇuṃ vāgbhavamavyayam |
viṣṇumānandamavyaktaṃ hrīṅkāraṃ bījarūpiṇīm || 3 ||
klīṃ amṛtānandinīṃ bhadrāṃ satyānandadāyinīm |
śrīṃ daityaśamanīṃ śaktiṃ mālinīṃ śatrumardinīm || 4 ||
tejaḥ prakāśinīṃ devīṃ varadāṃ śubhakāriṇīm |
brāhmīṃ ca vaiṣṇavīṃ raudrīṃ kālikārūpaśobhinīm || 5 ||
akāre lakṣmīrūpaṃ tu ukāre viṣṇumavyayam |
makāraḥ puruṣo'vyakto devī praṇava ucyate || 6 ||
sūryakoṭipratīkāśaṃ candrakoṭisamaprabham |
tanmadhye nikaraṃ sūkṣmaṃ brahmarupaṃ vyavasthitam || 7 ||
oṅkāraṃ paramānandaṃ sadaiva surasundarīm |
siddhalakṣmī mokṣalakṣmī ādyalakṣmī namo'stu te || 8 ||
śrīṅkāraṃ paramaṃ siddhaṃ sarvabuddhipradāyakam |
saubhāgyā'mṛtā kamalā satyalakṣmī namo'stu te || 9 ||
hrīṅkāraṃ paramaṃ śuddhaṃ paramaiśvaryadāyakam |
kamalā dhanadā lakṣmī bhogalakṣmī namo'stu te || 10 ||
klīṅkāraṃ kāmarūpiṇyaṃ kāmanāparipūrtidam |
capalā cañcalā lakṣmī kātyāyanī namo'stu te || 11 ||
śrīṅkāraṃ siddhirūpiṇyaṃ sarvasiddhipradāyakam |
padmānanāṃ jaganmātre aṣṭalakṣmīṃ namo'stu te || 12 ||
sarvamaṅgalamāṅgalye śive sarvārthasādhike |
śaraṇye tryambake gauri nārāyaṇī namo'stu te || 13 ||
prathamaṃ tryambakā gaurī dvitīyaṃ vaiṣṇavī tathā |
tṛtīyaṃ kamalā proktā caturthaṃ sundarī tathā || 14 ||
pañcamaṃ viṣṇuśaktiśca ṣaṣṭhaṃ kātyāyanī tathā |
vārāhī saptamaṃ caiva hyaṣṭamaṃ harivallabhā || 15 ||
navamaṃ khaḍginī proktā daśamaṃ caiva devikā |
ekādaśaṃ siddhalakṣmīrdvādaśaṃ haṃsavāhinī || 16 ||
uttaranyāsaḥ
oṃ śrīṃ siddhalakṣmyai hṛdayāya namaḥ |
oṃ hrīṃ viṣṇutejase śirase svāhā |
oṃ klīṃ amṛtānandāyai śikhāyai vaṣaṭ |
oṃ śrīṃ daityamālinyai kavacāya hum |
oṃ hrīṃ tejaḥ prakāśinyai netratrayāya vauṣaṭ |
oṃ klīṃ brāhmyai vaiṣṇavyai rudrāṇyai astrāya phaṭ ||
oṃ śrīṃ hrīṃ klīṃ śrīṃ siddhalakṣmyai namaḥ iti digvimokaḥ ||
atha phalaśṛtiḥ
etat stotravaraṃ devyā ye paṭhanti sadā narāḥ |
sarvāpadbhyo vimucyante nātra kāryā vicāraṇā || 17 ||
ekamāsaṃ dvimāsaṃ ca trimāsaṃ ca catusthathā |
pañcamāsaṃ ca ṣaṇmāsaṃ trikālaṃ yaḥ sadā paṭhet || 18 ||
brāhmaṇaḥ kleśito duḥkhī dāridryabhayapīḍitaḥ |
janmāntara sahasrotthairmucyate sarvakilbaṣaiḥ || 19 ||
daridro labhate lakṣmīmaputraḥ putravān bhavet |
dhanyo yaśasvī śatrughno vahnicaurabhayeṣu ca || 20 ||
śākinī bhūta vetāla sarpa vyāghra nipātane |
rājadvāre sabhāsthāne kārāgṛhanibandhane || 21 ||
īśvareṇa kṛtaṃ stotraṃ prāṇināṃ hitakārakam |
stuvantu brāhmaṇāḥ nityaṃ dāridryaṃ na ca bādhate || 22 ||
sarvapāpaharā lakṣmīḥ sarvasiddhipradāyinīm |
sādhakāḥ labhate sarvaṃ paṭhet stotraṃ nirantaram || 23 ||
prārthanā
yā śrīḥ padmavane kadambaśikhare rājagṛhe kuñjare
śvete cāśvayute vṛṣe ca yugale yajñe ca yūpasthite |
śaṅkhe daivakule narendrabhavane gaṅgātaṭe gokule
sā śrīstiṣṭhatu sarvadā mama gṛhe bhūyāt sadā niścalā ||
yā sā padmāsanasthā vipulakaṭitaṭī padmapatrāyatākṣī
gambhīrāvartanābhiḥ stanabharanamitā śuddhavastrottarīyā |
lakṣmīrdivyairgajendrairmaṇigaṇakhacitaiḥ snāpitā hemakumbhaiḥ
nityaṃ sā padmahastā mama vasatu gṛhe sarvamāṅgalyayuktā ||
iti śrībrahmapurāṇe īśvaraviṣṇusaṃvāde śrī siddhalakṣmī stotram ||
InfoLyter.in — Sacred Vedic Knowledge Portal · Free forever