📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌸𑌤𑍍𑌯𑌨𑌾𑌰𑌾𑌯𑌣 𑌸𑍍𑌵𑌾𑌮𑌿 𑌵𑍍𑌰𑌤 𑌕𑌥𑌾
Shri Satyanarayana Svami Vrata Katha
Vishnu Grantha
॥ 𑌶𑍍𑌰𑍀 𑌗𑌣𑍇𑌶𑌾𑌯 𑌨𑌮𑌃 ॥
॥ 𑌶𑍍𑌰𑍀𑌪𑌰𑌮𑌾𑌤𑍍𑌮𑌨𑍇 𑌨𑌮𑌃 ॥
𑌅𑌥 𑌕𑌥𑌾 𑌪𑍍𑌰𑌾𑌰𑌮𑍍𑌭𑌃 ।
𑌅𑌥 𑌪𑍍𑌰𑌥𑌮𑍋-𑌽𑌧𑍍𑌯𑌾𑌯𑌃
𑌶𑍍𑌰𑍀𑌵𑍍𑌯𑌾𑌸 𑌉𑌵𑌾𑌚 ।
𑌏𑌕𑌦𑌾 𑌨𑍈𑌮𑌿𑌷𑌾𑌰𑌣𑍍𑌯𑍇 𑌋𑌷𑌯-𑌶𑍍𑌶𑍗𑌨𑌕𑌾𑌦𑌯𑌃 ।
𑌪𑌪𑍍𑌰𑌚𑍍𑌛𑍁𑌰𑍍𑌮𑍁𑌨𑌯-𑌸𑍍𑌸𑌰𑍍𑌵𑍇 𑌸𑍂𑌤-𑌮𑍍𑌪𑍗𑌰𑌾𑌣𑌿𑌕-𑌙𑍍𑌖𑌲𑍁 ॥ 1॥
𑌋𑌷𑌯 𑌊𑌚𑍁𑌃 ।
𑌵𑍍𑌰𑌤𑍇𑌨 𑌤𑌪𑌸𑌾 𑌕𑌿𑌂-𑌵𑌾𑌁 𑌪𑍍𑌰𑌾𑌪𑍍𑌯𑌤𑍇 𑌵𑌾𑌞𑍍𑌛𑌿𑌤-𑌮𑍍𑌫𑌲𑌮𑍍 ।
𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌃 𑌕𑌥𑌯𑌸𑍍𑌵 𑌮𑌹𑌾𑌮𑍁𑌨𑍇 ॥ 2॥
𑌸𑍂𑌤 𑌉𑌵𑌾𑌚 ।
𑌨𑌾𑌰𑌦𑍇𑌨𑍈𑌵 𑌸𑌮𑍍𑌪𑍃𑌷𑍍𑌟𑍋 𑌭𑌗𑌵𑌾𑌨𑍍 𑌕𑌮𑌲𑌾𑌪𑌤𑌿𑌃 ।
𑌸𑍁𑌰𑌰𑍍​𑌷𑌯𑍇 𑌯𑌥𑍈𑌵𑌾𑌹 𑌤𑌚𑍍𑌛𑍃𑌣𑍁𑌧𑍍𑌵𑌂 𑌸𑌮𑌾𑌹𑌿𑌤𑌾𑌃 ॥ 3॥
𑌏𑌕𑌦𑌾 𑌨𑌾𑌰𑌦𑍋 𑌯𑍋𑌗𑍀 𑌪𑌰𑌾𑌨𑍁𑌗𑍍𑌰𑌹𑌕𑌾𑌙𑍍𑌕𑍍𑌷𑌯𑌾 ।
𑌪𑌰𑍍𑌯𑌟𑌨𑍍 𑌵𑌿𑌵𑌿𑌧𑌾-​𑌲𑍍𑌲𑍋𑌁𑌕𑌾-𑌨𑍍𑌮𑌰𑍍𑌤𑍍𑌯𑌲𑍋𑌕𑌮𑍁𑌪𑌾𑌗𑌤𑌃 ॥ 4॥
𑌤𑌤𑍋𑌦𑍃𑌷𑍍𑌟𑍍𑌵𑌾 𑌜𑌨𑌾𑌨𑍍𑌸𑌰𑍍𑌵𑌾-𑌨𑍍𑌨𑌾𑌨𑌾𑌕𑍍𑌲𑍇𑌶𑌸𑌮𑌨𑍍𑌵𑌿𑌤𑌾𑌨𑍍 ।
𑌨𑌾𑌨𑌾𑌯𑍋𑌨𑌿𑌸𑌮𑍁𑌤𑍍𑌪𑌨𑍍𑌨𑌾𑌨𑍍 𑌕𑍍𑌲𑌿𑌶𑍍𑌯𑌮𑌾𑌨𑌾𑌨𑍍 𑌸𑍍𑌵𑌕𑌰𑍍𑌮𑌭𑌿𑌃 ॥ 5॥
𑌕𑍇𑌨𑍋𑌪𑌾𑌯𑍇𑌨 𑌚𑍈𑌤𑍇𑌷𑌾-𑌨𑍍𑌦𑍁𑌃𑌖𑌨𑌾𑌶𑍋 𑌭𑌵𑍇𑌦𑍍 𑌧𑍍𑌰𑍁𑌵𑌮𑍍 ।
𑌇𑌤𑌿 𑌸𑌞𑍍𑌚𑌿𑌨𑍍𑌤𑍍𑌯 𑌮𑌨𑌸𑌾 𑌵𑌿𑌷𑍍𑌣𑍁𑌲𑍋𑌕-𑌙𑍍𑌗𑌤𑌸𑍍𑌤𑌦𑌾 ॥ 6॥
𑌤𑌤𑍍𑌰 𑌨𑌾𑌰𑌾𑌯𑌣-𑌨𑍍𑌦𑍇𑌵𑌂 𑌶𑍁𑌕𑍍𑌲𑌵𑌰𑍍𑌣-𑌞𑍍𑌚𑌤𑍁𑌰𑍍𑌭𑍁𑌜𑌮𑍍 ।
𑌶𑌙𑍍𑌖-𑌚𑌕𑍍𑌰-𑌗𑌦𑌾-𑌪𑌦𑍍𑌮-𑌵𑌨𑌮𑌾𑌲𑌾-𑌵𑌿𑌭𑍂𑌷𑌿𑌤𑌮𑍍 ॥ 7॥
𑌦𑍃𑌷𑍍𑌟𑍍𑌵𑌾 𑌤-𑌨𑍍𑌦𑍇𑌵𑌦𑍇𑌵𑍇𑌶𑌂 𑌸𑍍𑌤𑍋𑌤𑍁𑌂 𑌸𑌮𑍁𑌪𑌚𑌕𑍍𑌰𑌮𑍇 ।
𑌨𑌾𑌰𑌦 𑌉𑌵𑌾𑌚 ।
𑌨𑌮𑍋 𑌵𑌾𑌙𑍍𑌗𑌮𑌨𑌸𑌾𑌤𑍀𑌤𑌰𑍂𑌪𑌾𑌯𑌾𑌨𑌨𑍍𑌤𑌶𑌕𑍍𑌤𑌯𑍇 ।
𑌆𑌦𑌿𑌮𑌧𑍍𑌯𑌾𑌨𑍍𑌤𑌹𑍀𑌨𑌾𑌯 𑌨𑌿𑌰𑍍𑌗𑍁𑌣𑌾𑌯 𑌗𑍁𑌣𑌾𑌤𑍍𑌮𑌨𑍇 ॥ 8॥
𑌸𑌰𑍍𑌵𑍇𑌷𑌾𑌮𑌾𑌦𑌿𑌭𑍂𑌤𑌾𑌯 𑌭𑌕𑍍𑌤𑌾𑌨𑌾𑌮𑌾𑌰𑍍𑌤𑌿𑌨𑌾𑌶𑌿𑌨𑍇 ।
𑌶𑍍𑌰𑍁𑌤𑍍𑌵𑌾 𑌸𑍍𑌤𑍋𑌤𑍍𑌰-𑌨𑍍𑌤𑌤𑍋 𑌵𑌿𑌷𑍍𑌣𑍁𑌰𑍍𑌨𑌾𑌰𑌦-𑌮𑍍𑌪𑍍𑌰𑌤𑍍𑌯𑌭𑌾𑌷𑌤 ॥ 9॥
𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌕𑌿𑌮𑌰𑍍𑌥𑌮𑌾𑌗𑌤𑍋-𑌽𑌸𑌿 𑌤𑍍𑌵-𑌙𑍍𑌕𑌿-𑌨𑍍𑌤𑍇 𑌮𑌨𑌸𑌿 𑌵𑌰𑍍𑌤𑌤𑍇 ।
𑌕𑌥𑌯𑌸𑍍𑌵 𑌮𑌹𑌾𑌭𑌾𑌗 𑌤𑌤𑍍𑌸𑌰𑍍𑌵-𑌙𑍍𑌕𑌥𑌾𑌯𑌾𑌮𑌿 𑌤𑍇 ॥ 10॥
𑌨𑌾𑌰𑌦 𑌉𑌵𑌾𑌚 ।
𑌮𑌰𑍍𑌤𑍍𑌯𑌲𑍋𑌕𑍇 𑌜𑌨𑌾-𑌸𑍍𑌸𑌰𑍍𑌵𑍇 𑌨𑌾𑌨𑌾𑌕𑍍𑌲𑍇𑌶𑌸𑌮𑌨𑍍𑌵𑌿𑌤𑌾𑌃 ।
𑌨𑌨𑌾𑌯𑍋𑌨𑌿𑌸𑌮𑍁𑌤𑍍𑌪𑌨𑍍𑌨𑌾𑌃 𑌪𑌚𑍍𑌯𑌨𑍍𑌤𑍇 𑌪𑌾𑌪𑌕𑌰𑍍𑌮𑌭𑌿𑌃 ॥ 11॥
𑌤𑌤𑍍𑌕𑌥𑌂 𑌶𑌮𑌯𑍇𑌨𑍍𑌨𑌾𑌥 𑌲𑌘𑍂𑌪𑌾𑌯𑍇𑌨 𑌤𑌦𑍍𑌵𑌦 ।
𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌤𑌤𑍍𑌸𑌰𑍍𑌵-𑌙𑍍𑌕𑍃𑌪𑌾𑌸𑍍𑌤𑌿 𑌯𑌦𑌿 𑌤𑍇 𑌮𑌯𑌿 ॥ 12॥
𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌸𑌾𑌧𑍁 𑌪𑍃𑌷𑍍𑌟-𑌨𑍍𑌤𑍍𑌵𑌯𑌾 𑌵𑌤𑍍𑌸 𑌲𑍋𑌕𑌾𑌨𑍁𑌗𑍍𑌰𑌹𑌕𑌾𑌙𑍍𑌕𑍍𑌷𑌯𑌾 ।
𑌯𑌤𑍍𑌕𑍃𑌤𑍍𑌵𑌾 𑌮𑍁𑌚𑍍𑌯𑌤𑍇 𑌮𑍋𑌹-𑌤𑍍𑌤𑌚𑍍𑌛𑍃𑌣𑍁𑌷𑍍𑌵 𑌵𑌦𑌾𑌮𑌿 𑌤𑍇 ॥ 13॥
𑌵𑍍𑌰𑌤𑌮𑌸𑍍𑌤𑌿 𑌮𑌹𑌤𑍍𑌪𑍁𑌣𑍍𑌯𑌂 𑌸𑍍𑌵𑌰𑍍𑌗𑍇 𑌮𑌰𑍍𑌤𑍍𑌯𑍇 𑌚 𑌦𑍁𑌰𑍍𑌲𑌭𑌮𑍍 ।
𑌤𑌵 𑌸𑍍𑌨𑍇𑌹𑌾𑌨𑍍𑌮𑌯𑌾 𑌵𑌤𑍍𑌸 𑌪𑍍𑌰𑌕𑌾𑌶𑌃 𑌕𑍍𑌰𑌿𑌯𑌤𑍇-𑌽𑌧𑍁𑌨𑌾 ॥ 14॥
𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯𑍈𑌵 𑌵𑍍𑌰𑌤𑌂 𑌸𑌮𑍍𑌯𑌗𑍍𑌵𑌿𑌧𑌾𑌨𑌤𑌃 । (𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯𑍈𑌵𑌂)
𑌕𑍃𑌤𑍍𑌵𑌾 𑌸𑌦𑍍𑌯-𑌸𑍍𑌸𑍁𑌖-𑌮𑍍𑌭𑍁𑌕𑍍𑌤𑍍𑌵𑌾 𑌪𑌰𑌤𑍍𑌰 𑌮𑍋𑌕𑍍𑌷𑌮𑌾𑌪𑍍𑌨𑍁𑌯𑌾𑌤𑍍 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌭𑌗𑌵𑌦𑍍𑌵𑌾𑌕𑍍𑌯-𑌨𑍍𑌨𑌾𑌰𑌦𑍋 𑌮𑍁𑌨𑌿𑌰𑌬𑍍𑌰𑌵𑍀𑌤𑍍 ॥ 15॥
𑌨𑌾𑌰𑌦 𑌉𑌵𑌾𑌚 ।
𑌕𑌿-𑌮𑍍𑌫𑌲-𑌙𑍍𑌕𑌿𑌂-𑌵𑌿𑌁𑌧𑌾𑌨-𑌞𑍍𑌚 𑌕𑍃𑌤-𑌙𑍍𑌕𑍇𑌨𑍈𑌵 𑌤𑌦𑍍 𑌵𑍍𑌰𑌤𑌮𑍍 ।
𑌤𑌤𑍍𑌸𑌰𑍍𑌵𑌂-𑌵𑌿𑌁𑌸𑍍𑌤𑌰𑌾𑌦𑍍 𑌬𑍍𑌰𑍂𑌹𑌿 𑌕𑌦𑌾 𑌕𑌾𑌰𑍍𑌯𑌂-𑌵𑍍𑌰𑌁𑌤-𑌮𑍍𑌪𑍍𑌰𑌭𑍋 ॥ 16॥ (𑌕𑌾𑌰𑍍𑌯𑌂𑌹𑌿𑌤𑌦𑍍𑌵𑍍𑌰𑌤𑌮𑍍)
𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌦𑍁𑌃𑌖𑌶𑍋𑌕𑌾𑌦𑌿𑌶𑌮𑌨-𑌨𑍍𑌧𑌨𑌧𑌾𑌨𑍍𑌯𑌪𑍍𑌰𑌵𑌰𑍍𑌧𑌨𑌮𑍍 ॥ 17॥
𑌸𑍗𑌭𑌾𑌗𑍍𑌯𑌸𑌨𑍍𑌤𑌤𑌿𑌕𑌰𑌂 𑌸𑌰𑍍𑌵𑌤𑍍𑌰 𑌵𑌿𑌜𑌯𑌪𑍍𑌰𑌦𑌮𑍍 ।
𑌯𑌸𑍍𑌮𑌿𑌨𑍍 𑌕𑌸𑍍𑌮𑌿-𑌨𑍍𑌦𑌿𑌨𑍇 𑌮𑌰𑍍𑌤𑍍𑌯𑍋 𑌭𑌕𑍍𑌤𑌿𑌶𑍍𑌰𑌦𑍍𑌧𑌾𑌸𑌮𑌨𑍍𑌵𑌿𑌤𑌃 ॥ 18॥
𑌸𑌤𑍍𑌯𑌨𑌾𑌰𑌾𑌯𑌣-𑌨𑍍𑌦𑍇𑌵𑌂-𑌯𑌁𑌜𑍇𑌚𑍍𑌚𑍈𑌵 𑌨𑌿𑌶𑌾𑌮𑍁𑌖𑍇 ।
𑌬𑍍𑌰𑌾𑌹𑍍𑌮𑌣𑍈𑌰𑍍𑌬𑌾𑌨𑍍𑌧𑌵𑍈𑌶𑍍𑌚𑍈𑌵 𑌸𑌹𑌿𑌤𑍋 𑌧𑌰𑍍𑌮𑌤𑌤𑍍𑌪𑌰𑌃 ॥ 19॥
𑌨𑍈𑌵𑍇𑌦𑍍𑌯-𑌮𑍍𑌭𑌕𑍍𑌤𑌿𑌤𑍋 𑌦𑌦𑍍𑌯𑌾-𑌥𑍍𑌸𑌪𑌾𑌦-𑌮𑍍𑌭𑌕𑍍𑌷𑍍𑌯𑌮𑍁𑌤𑍍𑌤𑌮𑌮𑍍 ।
𑌰𑌮𑍍𑌭𑌾𑌫𑌲-𑌙𑍍𑌘𑍃𑌤-𑌙𑍍𑌕𑍍𑌷𑍀𑌰-𑌙𑍍𑌗𑍋𑌧𑍂𑌮𑌸𑍍𑌯 𑌚 𑌚𑍂𑌰𑍍𑌣𑌕𑌮𑍍 ॥ 20॥
𑌅𑌭𑌾𑌵𑍇 𑌶𑌾𑌲𑌿𑌚𑍂𑌰𑍍𑌣𑌂-𑌵𑌾𑌁 𑌶𑌰𑍍𑌕𑌰𑌾 𑌵𑌾 𑌗𑍁𑌡𑌸𑍍𑌤𑌥𑌾 ।
𑌸𑌪𑌾𑌦𑌂 𑌸𑌰𑍍𑌵𑌭𑌕𑍍𑌷𑍍𑌯𑌾𑌣𑌿 𑌚𑍈𑌕𑍀𑌕𑍃𑌤𑍍𑌯 𑌨𑌿𑌵𑍇𑌦𑌯𑍇𑌤𑍍 ॥ 21॥
𑌵𑌿𑌪𑍍𑌰𑌾𑌯 𑌦𑌕𑍍𑌷𑌿𑌣𑌾-𑌨𑍍𑌦𑌦𑍍𑌯𑌾-𑌤𑍍𑌕𑌥𑌾𑌂 𑌶𑍍𑌰𑍁𑌤𑍍𑌵𑌾 𑌜𑌨𑍈-𑌸𑍍𑌸𑌹 ।
𑌤𑌤𑌶𑍍𑌚 𑌬𑌨𑍍𑌧𑍁𑌭𑌿-𑌸𑍍𑌸𑌾𑌰𑍍𑌧𑌂-𑌵𑌿𑌁𑌪𑍍𑌰𑌾𑌂𑌶𑍍𑌚 𑌪𑍍𑌰𑌤𑌿𑌭𑍋𑌜𑌯𑍇𑌤𑍍 ॥ 22॥
𑌪𑍍𑌰𑌸𑌾𑌦-𑌮𑍍𑌭𑌕𑍍𑌷𑌯𑍇𑌦𑍍 𑌭𑌕𑍍𑌤𑍍𑌯𑌾 𑌨𑍃𑌤𑍍𑌯𑌗𑍀𑌤𑌾𑌦𑌿𑌕-𑌞𑍍𑌚𑌰𑍇𑌤𑍍 ।
𑌤𑌤𑌶𑍍𑌚 𑌸𑍍𑌵𑌗𑍃𑌹-𑌙𑍍𑌗𑌚𑍍𑌛𑍇-𑌥𑍍𑌸𑌤𑍍𑌯𑌨𑌾𑌰𑌾𑌯𑌣𑌂 𑌸𑍍𑌮𑌰𑌨𑍍𑌨𑍍 ॥ 23॥
𑌏𑌵-𑌙𑍍𑌕𑍃𑌤𑍇 𑌮𑌨𑍁𑌷𑍍𑌯𑌾𑌣𑌾𑌂-𑌵𑌾𑌁𑌞𑍍𑌛𑌾𑌸𑌿𑌦𑍍𑌧𑌿𑌰𑍍𑌭𑌵𑍇𑌦𑍍 𑌧𑍍𑌰𑍁𑌵𑌮𑍍 ।
𑌵𑌿𑌶𑍇𑌷𑌤𑌃 𑌕𑌲𑌿𑌯𑍁𑌗𑍇 𑌲𑌘𑍂𑌪𑌾𑌯𑍋-𑌽𑌸𑍍𑌤𑌿 𑌭𑍂𑌤𑌲𑍇 ॥ 24॥ (𑌲𑌘𑍂𑌪𑌾𑌯𑍋𑌸𑍍𑌤𑌿)
॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌨𑍍𑌦𑌪𑍁𑌰𑌾𑌣𑍇 𑌰𑍇𑌵𑌾𑌖𑌣𑍍𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾-𑌮𑍍𑌪𑍍𑌰𑌥𑌮𑍋-𑌽𑌧𑍍𑌯𑌾𑌯𑌃 ॥ 1 ॥
𑌅𑌥 𑌦𑍍𑌵𑌿𑌤𑍀𑌯𑍋-𑌽𑌧𑍍𑌯𑌾𑌯𑌃
𑌸𑍂𑌤 𑌉𑌵𑌾𑌚 ।
𑌅𑌥𑌾𑌨𑍍𑌯-𑌥𑍍𑌸𑌮𑍍𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌕𑍃𑌤𑌂-𑌯𑍇𑌁𑌨 𑌪𑍁𑌰𑌾 𑌦𑍍𑌵𑌿𑌜𑌾𑌃 ।
𑌕𑌶𑍍𑌚𑌿-𑌤𑍍𑌕𑌾𑌶𑍀𑌪𑍁𑌰𑍇 𑌰𑌮𑍍𑌯𑍇 𑌹𑍍𑌯𑌾𑌸𑍀𑌦𑍍𑌵𑌿𑌪𑍍𑌰𑍋-𑌽𑌤𑌿𑌨𑌿𑌰𑍍𑌧𑌨𑌃 ॥ 1॥ (𑌹𑍍𑌯𑌾𑌸𑍀𑌦𑍍𑌵𑌿𑌪𑍍𑌰𑍋𑌤𑌿𑌨𑌿𑌰𑍍𑌧𑌨𑌃)
𑌕𑍍𑌷𑍁𑌤𑍍𑌤𑍃𑌡𑍍𑌭𑍍𑌯𑌾𑌂-𑌵𑍍𑌯𑌾𑌁𑌕𑍁𑌲𑍋𑌭𑍂𑌤𑍍𑌵𑌾 𑌨𑌿𑌤𑍍𑌯-𑌮𑍍𑌬𑌭𑍍𑌰𑌾𑌮 𑌭𑍂𑌤𑌲𑍇 ।
𑌦𑍁𑌃𑌖𑌿𑌤-𑌮𑍍𑌬𑍍𑌰𑌾𑌹𑍍𑌮𑌣-𑌨𑍍𑌦𑍃𑌷𑍍𑌟𑍍𑌵𑌾 𑌭𑌗𑌵𑌾-𑌨𑍍𑌬𑍍𑌰𑌾𑌹𑍍𑌮𑌣𑌪𑍍𑌰𑌿𑌯𑌃 ॥ 2॥
𑌵𑍃𑌦𑍍𑌧𑌬𑍍𑌰𑌾𑌹𑍍𑌮𑌣 𑌰𑍂𑌪𑌸𑍍𑌤-𑌮𑍍𑌪𑌪𑍍𑌰𑌚𑍍𑌛 𑌦𑍍𑌵𑌿𑌜𑌮𑌾𑌦𑌰𑌾𑌤𑍍 ।
𑌕𑌿𑌮𑌰𑍍𑌥-𑌮𑍍𑌭𑍍𑌰𑌮𑌸𑍇 𑌵𑌿𑌪𑍍𑌰 𑌮𑌹𑍀-𑌨𑍍𑌨𑌿𑌤𑍍𑌯𑌂 𑌸𑍁𑌦𑍁𑌃𑌖𑌿𑌤𑌃 ।
𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌕𑌥𑍍𑌯𑌤𑌾-𑌨𑍍𑌦𑍍𑌵𑌿𑌜 𑌸𑌤𑍍𑌤𑌮 ॥ 3॥
𑌬𑍍𑌰𑌾𑌹𑍍𑌮𑌣 𑌉𑌵𑌾𑌚 ।
𑌬𑍍𑌰𑌾𑌹𑍍𑌮𑌣𑍋-𑌽𑌤𑌿 𑌦𑌰𑌿𑌦𑍍𑌰𑍋-𑌽𑌹-𑌮𑍍𑌭𑌿𑌕𑍍𑌷𑌾𑌰𑍍𑌥𑌂-𑌵𑍈𑌁 𑌭𑍍𑌰𑌮𑍇 𑌮𑌹𑍀𑌮𑍍 ॥ 4॥ (𑌬𑍍𑌰𑌾𑌹𑍍𑌮𑌣𑍋𑌤𑌿)
𑌉𑌪𑌾𑌯𑌂-𑌯𑌁𑌦𑌿 𑌜𑌾𑌨𑌾𑌸𑌿 𑌕𑍃𑌪𑌯𑌾 𑌕𑌥𑌯 𑌪𑍍𑌰𑌭𑍋 ।
𑌵𑍃𑌦𑍍𑌧𑌬𑍍𑌰𑌾𑌹𑍍𑌮𑌣 𑌉𑌵𑌾𑌚 ।
𑌸𑌤𑍍𑌯𑌨𑌾𑌰𑌾𑌯𑌣𑍋 𑌵𑌿𑌷𑍍𑌣𑍁𑌰𑍍𑌵𑌾𑌞𑍍𑌛𑌿𑌤𑌾𑌰𑍍𑌥𑌫𑌲𑌪𑍍𑌰𑌦𑌃 ॥ 5॥
𑌤𑌸𑍍𑌯 𑌤𑍍𑌵-𑌮𑍍𑌪𑍂𑌜𑌨𑌂-𑌵𑌿𑌁𑌪𑍍𑌰 𑌕𑍁𑌰𑍁𑌷𑍍𑌵 𑌵𑍍𑌰𑌤𑌮𑍁𑌤𑍍𑌤𑌮𑌮 । (𑌵𑍍𑌰𑌤𑌮𑍁𑌤𑍍𑌤𑌮𑌮𑍍)
𑌯𑌤𑍍𑌕𑍃𑌤𑍍𑌵𑌾 𑌸𑌰𑍍𑌵𑌦𑍁𑌃𑌖𑍇𑌭𑍍𑌯𑍋 𑌮𑍁𑌕𑍍𑌤𑍋 𑌭𑌵𑌤𑌿 𑌮𑌾𑌨𑌵𑌃 ॥ 6॥
𑌵𑌿𑌧𑌾𑌨-𑌞𑍍𑌚 𑌵𑍍𑌰𑌤𑌸𑍍𑌯𑌾𑌪𑌿 𑌵𑌿𑌪𑍍𑌰𑌾𑌯𑌾𑌭𑌾𑌷𑍍𑌯 𑌯𑌤𑍍𑌨𑌤𑌃 ।
𑌸𑌤𑍍𑌯𑌨𑌾𑌰𑌾𑌯𑌣𑍋 𑌵𑍃𑌦𑍍𑌧𑌸𑍍𑌤𑌤𑍍𑌰𑍈𑌵𑌾𑌨𑍍𑌤𑌰𑌧𑍀𑌯𑌤 ॥ 7॥
𑌤𑌦𑍍 𑌵𑍍𑌰𑌤𑌂 𑌸𑌙𑍍𑌕𑌰𑌿𑌷𑍍𑌯𑌾𑌮𑌿 𑌯𑌦𑍁𑌕𑍍𑌤-𑌮𑍍𑌬𑍍𑌰𑌾𑌹𑍍𑌮𑌣𑍇𑌨 𑌵𑍈 ।
𑌇𑌤𑌿 𑌸𑌞𑍍𑌚𑌿𑌨𑍍𑌤𑍍𑌯 𑌵𑌿𑌪𑍍𑌰𑍋-𑌽𑌸𑍗 𑌰𑌾𑌤𑍍𑌰𑍗 𑌨𑌿𑌦𑍍𑌰𑌾 𑌨 𑌲𑌬𑍍𑌧𑌵𑌾𑌨𑍍 ॥ 8॥ (𑌨𑌿𑌦𑍍𑌰𑌾𑌂)
𑌤𑌤𑌃 𑌪𑍍𑌰𑌾𑌤-𑌸𑍍𑌸𑌮𑍁𑌤𑍍𑌥𑌾𑌯 𑌸𑌤𑍍𑌯𑌨𑌾𑌰𑌾𑌯𑌣𑌵𑍍𑌰𑌤𑌮𑍍 ।
𑌕𑌰𑌿𑌷𑍍𑌯 𑌇𑌤𑌿 𑌸𑌙𑍍𑌕𑌲𑍍𑌪𑍍𑌯 𑌭𑌿𑌕𑍍𑌷𑌾𑌰𑍍𑌥𑌮𑌗𑌮𑌦𑍍𑌵𑌿𑌜𑌃 ॥ 9॥ (𑌭𑌿𑌕𑍍𑌷𑌾𑌰𑍍𑌥𑌮𑌗𑌮𑌦𑍍𑌦𑍍𑌵𑌿𑌜𑌃)
𑌤𑌸𑍍𑌮𑌿𑌨𑍍𑌨𑍇𑌵 𑌦𑌿𑌨𑍇 𑌵𑌿𑌪𑍍𑌰𑌃 𑌪𑍍𑌰𑌚𑍁𑌰-𑌨𑍍𑌦𑍍𑌰𑌵𑍍𑌯𑌮𑌾𑌪𑍍𑌤𑌵𑌾𑌨𑍍 ।
𑌤𑍇𑌨𑍈𑌵 𑌬𑌨𑍍𑌧𑍁𑌭𑌿-𑌸𑍍𑌸𑌾𑌰𑍍𑌧𑌂 𑌸𑌤𑍍𑌯𑌸𑍍𑌯𑌵𑍍𑌰𑌤𑌮𑌾𑌚𑌰𑌤𑍍 ॥ 10॥
𑌸𑌰𑍍𑌵𑌦𑍁𑌃𑌖𑌵𑌿𑌨𑌿𑌰𑍍𑌮𑍁𑌕𑍍𑌤-𑌸𑍍𑌸𑌰𑍍𑌵𑌸𑌮𑍍𑌪𑌤𑍍𑌸𑌮𑌨𑍍𑌵𑌿𑌤𑌃 ।
𑌬𑌭𑍂𑌵 𑌸 𑌦𑍍𑌵𑌿𑌜𑌶𑍍𑌰𑍇𑌷𑍍𑌠𑍋 𑌵𑍍𑌰𑌤𑌸𑍍𑌯𑌾𑌸𑍍𑌯 𑌪𑍍𑌰𑌭𑌾𑌵𑌤𑌃 ॥ 11॥
𑌤𑌤𑌃 𑌪𑍍𑌰𑌭𑍃𑌤𑌿 𑌕𑌾𑌲-𑌞𑍍𑌚 𑌮𑌾𑌸𑌿 𑌮𑌾𑌸𑌿 𑌵𑍍𑌰𑌤-𑌙𑍍𑌕𑍃𑌤𑌮𑍍 ।
𑌏𑌵-𑌨𑍍𑌨𑌾𑌰𑌾𑌯𑌣𑌸𑍍𑌯𑍇𑌦𑌂-𑌵𑍍𑌰𑌁𑌤-𑌙𑍍𑌕𑍃𑌤𑍍𑌵𑌾 𑌦𑍍𑌵𑌿𑌜𑍋𑌤𑍍𑌤𑌮𑌃 ॥ 12॥
𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌦𑍁𑌰𑍍𑌲𑌭-𑌮𑍍𑌮𑍋𑌕𑍍𑌷𑌮𑌾𑌪𑍍𑌤𑌵𑌾𑌨𑍍 ।
𑌵𑍍𑌰𑌤𑌮𑌸𑍍𑌯 𑌯𑌦𑌾 𑌵𑌿𑌪𑍍𑌰 𑌪𑍃𑌥𑌿𑌵𑍍𑌯𑌾𑌂 𑌸𑌙𑍍𑌕𑌰𑌿𑌷𑍍𑌯𑌤𑌿 ॥ 13॥ (𑌵𑌿𑌪𑍍𑌰𑌾𑌃)
𑌤𑌦𑍈𑌵 𑌸𑌰𑍍𑌵𑌦𑍁𑌃𑌖-𑌨𑍍𑌤𑍁 𑌮𑌨𑍁𑌜𑌸𑍍𑌯 𑌵𑌿𑌨𑌶𑍍𑌯𑌤𑌿 । (𑌚 𑌮𑌨𑍁𑌜𑌸𑍍𑌯)
𑌏𑌵-𑌨𑍍𑌨𑌾𑌰𑌾𑌯𑌣𑍇𑌨𑍋𑌕𑍍𑌤-𑌨𑍍𑌨𑌾𑌰𑌦𑌾𑌯 𑌮𑌹𑌾𑌤𑍍𑌮𑌨𑍇 ॥ 14॥
𑌮𑌯𑌾 𑌤𑌤𑍍𑌕𑌥𑌿𑌤𑌂-𑌵𑌿𑌁𑌪𑍍𑌰𑌾𑌃 𑌕𑌿𑌮𑌨𑍍𑌯-𑌤𑍍𑌕𑌥𑌯𑌾𑌮𑌿 𑌵𑌃 ।
𑌋𑌷𑌯 𑌊𑌚𑍁𑌃 ।
𑌤𑌸𑍍𑌮𑌾𑌦𑍍 𑌵𑌿𑌪𑍍𑌰𑌾𑌚𑍍𑌛𑍍𑌰𑍁𑌤-𑌙𑍍𑌕𑍇𑌨 𑌪𑍃𑌥𑌿𑌵𑍍𑌯𑌾-𑌞𑍍𑌚𑌰𑌿𑌤-𑌮𑍍𑌮𑍁𑌨𑍇 ।
𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮-𑌶𑍍𑌶𑍍𑌰𑌦𑍍𑌧𑌾-𑌽𑌸𑍍𑌮𑌾𑌕-𑌮𑍍𑌪𑍍𑌰𑌜𑌾𑌯𑌤𑍇 ॥ 15॥ (𑌶𑍍𑌰𑌦𑍍𑌧𑌾𑌸𑍍𑌮𑌾𑌕𑌂)
𑌸𑍂𑌤 𑌉𑌵𑌾𑌚 ।
𑌶𑍃𑌣𑍁𑌧𑍍𑌵-𑌮𑍍𑌮𑍁𑌨𑌯-𑌸𑍍𑌸𑌰𑍍𑌵𑍇 𑌵𑍍𑌰𑌤𑌂-𑌯𑍇𑌁𑌨 𑌕𑍃𑌤-𑌮𑍍𑌭𑍁𑌵𑌿 ।
𑌏𑌕𑌦𑌾 𑌸 𑌦𑍍𑌵𑌿𑌜𑌵𑌰𑍋 𑌯𑌥𑌾𑌵𑌿𑌭𑌵 𑌵𑌿𑌸𑍍𑌤𑌰𑍈𑌃 ॥ 16॥
𑌬𑌨𑍍𑌧𑍁𑌭𑌿-𑌸𑍍𑌸𑍍𑌵𑌜𑌨𑍈-𑌸𑍍𑌸𑌾𑌰𑍍𑌧𑌂-𑌵𑍍𑌰𑌁𑌤-𑌙𑍍𑌕𑌰𑍍𑌤𑍁𑌂 𑌸𑌮𑍁𑌦𑍍𑌯𑌤𑌃 ।
𑌏𑌤𑌸𑍍𑌮𑌿𑌨𑍍𑌨𑌨𑍍𑌤𑌰𑍇 𑌕𑌾𑌲𑍇 𑌕𑌾𑌷𑍍𑌠𑌕𑍍𑌰𑍇𑌤𑌾 𑌸𑌮𑌾𑌗𑌮𑌤𑍍 ॥ 17॥
𑌬𑌹𑌿𑌃 𑌕𑌾𑌷𑍍𑌠-𑌞𑍍𑌚 𑌸𑌂𑌸𑍍𑌥𑌾𑌪𑍍𑌯 𑌵𑌿𑌪𑍍𑌰𑌸𑍍𑌯 𑌗𑍃𑌹𑌮𑌾𑌯𑌯𑍗 ।
𑌤𑍃𑌷𑍍𑌣𑌾𑌯𑌾 𑌪𑍀𑌡𑌿𑌤𑌾𑌤𑍍𑌮𑌾 𑌚 𑌦𑍃𑌷𑍍𑌟𑍍𑌵𑌾 𑌵𑌿𑌪𑍍𑌰-𑌙𑍍𑌕𑍃𑌤𑌂-𑌵𑍍𑌰𑌁𑌤𑌮𑍍 ॥ 18॥ (𑌕𑍃𑌤)
𑌪𑍍𑌰𑌣𑌿𑌪𑌤𑍍𑌯 𑌦𑍍𑌵𑌿𑌜-𑌮𑍍𑌪𑍍𑌰𑌾𑌹 𑌕𑌿𑌮𑌿𑌦-𑌙𑍍𑌕𑍍𑌰𑌿𑌯𑌤𑍇 𑌤𑍍𑌵𑌯𑌾 ।
𑌕𑍃𑌤𑍇 𑌕𑌿-𑌮𑍍𑌫𑌲𑌮𑌾𑌪𑍍𑌨𑍋𑌤𑌿 𑌵𑌿𑌸𑍍𑌤𑌰𑌾𑌦𑍍 𑌵𑌦 𑌮𑍇 𑌪𑍍𑌰𑌭𑍋 ॥ 19॥ (𑌵𑌿𑌸𑍍𑌤𑌾𑌰𑌾𑌦𑍍)
𑌵𑌿𑌪𑍍𑌰 𑌉𑌵𑌾𑌚 ।
𑌸𑌤𑍍𑌯𑌨𑌾𑌰𑌾𑌯𑌣𑍇𑌸𑍍𑌯𑍇𑌦𑌂-𑌵𑍍𑌰𑌁𑌤𑌂 𑌸𑌰𑍍𑌵𑍇𑌪𑍍𑌸𑌿𑌤𑌪𑍍𑌰𑌦𑌮𑍍 ।
𑌤𑌸𑍍𑌯 𑌪𑍍𑌰𑌸𑌾𑌦𑌾𑌨𑍍𑌮𑍇 𑌸𑌰𑍍𑌵-𑌨𑍍𑌧𑌨𑌧𑌾𑌨𑍍𑌯𑌾𑌦𑌿𑌕-𑌮𑍍𑌮𑌹𑌤𑍍 ॥ 20॥
𑌤𑌸𑍍𑌮𑌾𑌦𑍇𑌤𑌦𑍍 𑌵𑍍𑌰𑌤-𑌞𑍍𑌜𑍍𑌞𑌾𑌤𑍍𑌵𑌾 𑌕𑌾𑌷𑍍𑌠𑌕𑍍𑌰𑍇𑌤𑌾-𑌽𑌤𑌿𑌹𑌰𑍍​𑌷𑌿𑌤𑌃 ।
𑌪𑌪𑍗 𑌜𑌲-𑌮𑍍𑌪𑍍𑌰𑌸𑌾𑌦-𑌞𑍍𑌚 𑌭𑍁𑌕𑍍𑌤𑍍𑌵𑌾 𑌸 𑌨𑌗𑌰𑌂-𑌯𑌁𑌯𑍗 ॥ 21॥
𑌸𑌤𑍍𑌯𑌨𑌾𑌰𑌾𑌯𑌣-𑌨𑍍𑌦𑍇𑌵-𑌮𑍍𑌮𑌨𑌸𑌾 𑌇𑌤𑍍𑌯𑌚𑌿𑌨𑍍𑌤𑌯𑌤𑍍 ।
𑌕𑌾𑌷𑍍𑌠𑌂-𑌵𑌿𑌁𑌕𑍍𑌰𑌯𑌤𑍋 𑌗𑍍𑌰𑌾𑌮𑍇 𑌪𑍍𑌰𑌾𑌪𑍍𑌯𑌤𑍇 𑌚𑌾𑌦𑍍𑌯 𑌯𑌦𑍍 𑌧𑌨𑌮𑍍 ॥ 22॥ (𑌪𑍍𑌰𑌾𑌪𑍍𑌯𑌤𑍇𑌮𑍇-𑌽𑌦𑍍𑌯)
𑌤𑍇𑌨𑍈𑌵 𑌸𑌤𑍍𑌯𑌦𑍇𑌵𑌸𑍍𑌯 𑌕𑌰𑌿𑌷𑍍𑌯𑍇 𑌵𑍍𑌰𑌤𑌮𑍁𑌤𑍍𑌤𑌮𑌮𑍍 ।
𑌇𑌤𑌿 𑌸𑌞𑍍𑌚𑌿𑌨𑍍𑌤𑍍𑌯 𑌮𑌨𑌸𑌾 𑌕𑌾𑌷𑍍𑌠-𑌨𑍍𑌧𑍃𑌤𑍍𑌵𑌾 𑌤𑍁 𑌮𑌸𑍍𑌤𑌕𑍇 ॥ 23॥
𑌜𑌗𑌾𑌮 𑌨𑌗𑌰𑍇 𑌰𑌮𑍍𑌯𑍇 𑌧𑌨𑌿𑌨𑌾𑌂-𑌯𑌁𑌤𑍍𑌰 𑌸𑌂𑌸𑍍𑌥𑌿𑌤𑌿𑌃 ।
𑌤𑌦𑍍𑌦𑌿𑌨𑍇 𑌕𑌾𑌷𑍍𑌠𑌮𑍂𑌲𑍍𑌯-𑌞𑍍𑌚 𑌦𑍍𑌵𑌿𑌗𑍁𑌣-𑌮𑍍𑌪𑍍𑌰𑌾𑌪𑍍𑌤𑌵𑌾𑌨𑌸𑍗 ॥ 24॥
𑌤𑌤𑌃 𑌪𑍍𑌰𑌸𑌨𑍍𑌨𑌹𑍃𑌦𑌯-𑌸𑍍𑌸𑍁𑌪𑌕𑍍𑌵-𑌙𑍍𑌕𑌦𑌲𑍀 𑌫𑌲𑌮𑍍 ।
𑌶𑌰𑍍𑌕𑌰𑌾𑌘𑍃𑌤𑌦𑍁𑌗𑍍𑌧-𑌞𑍍𑌚 𑌗𑍋𑌧𑍂𑌮𑌸𑍍𑌯 𑌚 𑌚𑍂𑌰𑍍𑌣𑌕𑌮𑍍 ॥ 25॥
𑌕𑍃𑌤𑍍𑌵𑍈𑌕𑌤𑍍𑌰 𑌸𑌪𑌾𑌦-𑌞𑍍𑌚 𑌗𑍃𑌹𑍀𑌤𑍍𑌵𑌾 𑌸𑍍𑌵𑌗𑍃𑌹𑌂-𑌯𑌁𑌯𑍗 ।
𑌤𑌤𑍋 𑌬𑌨𑍍𑌧𑍂𑌨𑍍 𑌸𑌮𑌾𑌹𑍂𑌯 𑌚𑌕𑌾𑌰 𑌵𑌿𑌧𑌿𑌨𑌾 𑌵𑍍𑌰𑌤𑌮𑍍 ॥ 26॥
𑌤𑌦𑍍 𑌵𑍍𑌰𑌤𑌸𑍍𑌯 𑌪𑍍𑌰𑌭𑌾𑌵𑍇𑌣 𑌧𑌨𑌪𑍁𑌤𑍍𑌰𑌾𑌨𑍍𑌵𑌿𑌤𑍋-𑌽𑌭𑌵𑌤𑍍 । (𑌧𑌨𑌪𑍁𑌤𑍍𑌰𑌾𑌨𑍍𑌵𑌿𑌤𑍋𑌭𑌵𑌤𑍍)
𑌇𑌹𑌲𑍋𑌕𑍇 𑌸𑍁𑌖-𑌮𑍍𑌭𑍁𑌕𑍍𑌤𑍍𑌵𑌾 𑌚𑌾𑌨𑍍𑌤𑍇 𑌸𑌤𑍍𑌯𑌪𑍁𑌰𑌂-𑌯𑌁𑌯𑍗 ॥ 27॥
॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌨𑍍𑌦𑌪𑍁𑌰𑌾𑌣𑍇 𑌰𑍇𑌵𑌾𑌖𑌣𑍍𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑍋-𑌽𑌧𑍍𑌯𑌾𑌯𑌃 ॥ 2 ॥
𑌅𑌥 𑌤𑍃𑌤𑍀𑌯𑍋-𑌽𑌧𑍍𑌯𑌾𑌯𑌃
𑌸𑍂𑌤 𑌉𑌵𑌾𑌚 ।
𑌪𑍁𑌨𑌰𑌗𑍍𑌰𑍇 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁𑌧𑍍𑌵-𑌮𑍍𑌮𑍁𑌨𑌿 𑌸𑌤𑍍𑌤𑌮𑌾𑌃 ।
𑌪𑍁𑌰𑌾 𑌚𑍋𑌲𑍍𑌕𑌾𑌮𑍁𑌖𑍋 𑌨𑌾𑌮 𑌨𑍃𑌪𑌶𑍍𑌚𑌾𑌸𑍀𑌨𑍍𑌮𑌹𑌾𑌮𑌤𑌿𑌃 ॥ 1॥
𑌜𑌿𑌤𑍇𑌨𑍍𑌦𑍍𑌰𑌿𑌯-𑌸𑍍𑌸𑌤𑍍𑌯𑌵𑌾𑌦𑍀 𑌯𑌯𑍗 𑌦𑍇𑌵𑌾𑌲𑌯-𑌮𑍍𑌪𑍍𑌰𑌤𑌿 ।
𑌦𑌿𑌨𑍇 𑌦𑌿𑌨𑍇 𑌧𑌨-𑌨𑍍𑌦𑌤𑍍𑌤𑍍𑌵𑌾 𑌦𑍍𑌵𑌿𑌜𑌾𑌨𑍍 𑌸𑌨𑍍𑌤𑍋𑌷𑌯-𑌥𑍍𑌸𑍁𑌧𑍀𑌃 ॥ 2॥
𑌭𑌾𑌰𑍍𑌯𑌾 𑌤𑌸𑍍𑌯 𑌪𑍍𑌰𑌮𑍁𑌗𑍍𑌧𑌾 𑌚 𑌸𑌰𑍋𑌜𑌵𑌦𑌨𑌾 𑌸𑌤𑍀 ।
𑌭𑌦𑍍𑌰𑌶𑍀𑌲𑌾𑌨𑌦𑍀 𑌤𑍀𑌰𑍇 𑌸𑌤𑍍𑌯𑌸𑍍𑌯𑌵𑍍𑌰𑌤𑌮𑌾𑌚𑌰𑌤𑍍 ॥ 3॥
𑌏𑌤𑌸𑍍𑌮𑌿𑌨𑍍𑌨𑌨𑍍𑌤𑌰𑍇 𑌤𑌤𑍍𑌰 𑌸𑌾𑌧𑍁𑌰𑍇𑌕-𑌸𑍍𑌸𑌮𑌾𑌗𑌤𑌃 ।
𑌵𑌾𑌣𑌿𑌜𑍍𑌯𑌾𑌰𑍍𑌥-𑌮𑍍𑌬𑌹𑍁𑌧𑌨𑍈𑌰𑌨𑍇𑌕𑍈𑌃 𑌪𑌰𑌿𑌪𑍂𑌰𑌿𑌤𑌃 ॥ 4॥
𑌨𑌾𑌵𑌂 𑌸𑌂𑌸𑍍𑌥𑌾𑌪𑍍𑌯 𑌤𑌤𑍍𑌤𑍀𑌰𑍇 𑌜𑌗𑌾𑌮 𑌨𑍃𑌪𑌤𑌿-𑌮𑍍𑌪𑍍𑌰𑌤𑌿 ।
𑌦𑍃𑌷𑍍𑌟𑍍𑌵𑌾 𑌸 𑌵𑍍𑌰𑌤𑌿𑌨-𑌮𑍍𑌭𑍂𑌪-𑌮𑍍𑌪𑍍𑌰𑌪𑌚𑍍𑌛 𑌵𑌿𑌨𑌯𑌾𑌨𑍍𑌵𑌿𑌤𑌃 ॥ 5॥
𑌸𑌾𑌧𑍁𑌰𑍁𑌵𑌾𑌚 ।
𑌕𑌿𑌮𑌿𑌦-𑌙𑍍𑌕𑍁𑌰𑍁𑌷𑍇 𑌰𑌾𑌜-𑌨𑍍𑌭𑌕𑍍𑌤𑌿𑌯𑍁𑌕𑍍𑌤𑍇𑌨 𑌚𑍇𑌤𑌸𑌾 ।
𑌪𑍍𑌰𑌕𑌾𑌶-𑌙𑍍𑌕𑍁𑌰𑍁 𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌸𑌾𑌮𑍍𑌪𑍍𑌰𑌤𑌮𑍍 ॥ 6॥
𑌰𑌾𑌜𑍋𑌵𑌾𑌚 ।
𑌪𑍂𑌜𑌨-𑌙𑍍𑌕𑍍𑌰𑌿𑌯𑌤𑍇 𑌸𑌾𑌧𑍋 𑌵𑌿𑌷𑍍𑌣𑍋𑌰𑌤𑍁𑌲𑌤𑍇𑌜𑌸𑌃 ।
𑌵𑍍𑌰𑌤-𑌞𑍍𑌚 𑌸𑍍𑌵𑌜𑌨𑍈-𑌸𑍍𑌸𑌾𑌰𑍍𑌧-𑌮𑍍𑌪𑍁𑌤𑍍𑌰𑌾𑌦𑍍𑌯𑌾𑌵𑌾𑌪𑍍𑌤𑌿 𑌕𑌾𑌮𑍍𑌯𑌯𑌾 ॥ 7॥
𑌭𑍂𑌪𑌸𑍍𑌯 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑌾𑌧𑍁𑌃 𑌪𑍍𑌰𑍋𑌵𑌾𑌚 𑌸𑌾𑌦𑌰𑌮𑍍 ।
𑌸𑌰𑍍𑌵-𑌙𑍍𑌕𑌥𑌯 𑌮𑍇 𑌰𑌾𑌜𑌨𑍍 𑌕𑌰𑌿𑌷𑍍𑌯𑍇-𑌽𑌹-𑌨𑍍𑌤𑌵𑍋𑌦𑌿𑌤𑌮𑍍 ॥ 8॥
𑌮𑌮𑌾𑌪𑌿 𑌸𑌨𑍍𑌤𑌤𑌿𑌰𑍍𑌨𑌾𑌸𑍍𑌤𑌿 𑌹𑍍𑌯𑍇𑌤𑌸𑍍𑌮𑌾𑌜𑍍𑌜𑌾𑌯𑌤𑍇 𑌧𑍍𑌰𑍁𑌵𑌮𑍍 ।
𑌤𑌤𑍋 𑌨𑌿𑌵𑍃𑌤𑍍𑌤𑍍𑌯 𑌵𑌾𑌣𑌿𑌜𑍍𑌯𑌾-𑌥𑍍𑌸𑌾𑌨𑌨𑍍𑌦𑍋 𑌗𑍃𑌹𑌮𑌾𑌗𑌤𑌃 ॥ 9॥
𑌭𑌾𑌰𑍍𑌯𑌾𑌯𑍈 𑌕𑌥𑌿𑌤𑌂 𑌸𑌰𑍍𑌵𑌂-𑌵𑍍𑌰𑌁𑌤𑌂 𑌸𑌨𑍍𑌤𑌤𑌿 𑌦𑌾𑌯𑌕𑌮𑍍 ।
𑌤𑌦𑌾 𑌵𑍍𑌰𑌤-𑌙𑍍𑌕𑌰𑌿𑌷𑍍𑌯𑌾𑌮𑌿 𑌯𑌦𑌾 𑌮𑍇 𑌸𑌨𑍍𑌤𑌤𑌿𑌰𑍍𑌭𑌵𑍇𑌤𑍍 ॥ 10॥
𑌇𑌤𑌿 𑌲𑍀𑌲𑌾𑌵𑌤𑍀-𑌮𑍍𑌪𑍍𑌰𑌾𑌹 𑌪𑌤𑍍𑌨𑍀𑌂 𑌸𑌾𑌧𑍁-𑌸𑍍𑌸 𑌸𑌤𑍍𑌤𑌮𑌃 ।
𑌏𑌕𑌸𑍍𑌮𑌿-𑌨𑍍𑌦𑌿𑌵𑌸𑍇 𑌤𑌸𑍍𑌯 𑌭𑌾𑌰𑍍𑌯𑌾 𑌲𑍀𑌲𑌾𑌵𑌤𑍀 𑌸𑌤𑍀 ॥ 11॥ (𑌭𑌾𑌰𑍍𑌯𑌾𑌂)
𑌭𑌰𑍍𑌤𑍃𑌯𑍁𑌕𑍍𑌤𑌾𑌨𑌨𑍍𑌦𑌚𑌿𑌤𑍍𑌤𑌾-𑌽𑌭𑌵𑌦𑍍 𑌧𑌰𑍍𑌮𑌪𑌰𑌾𑌯𑌣𑌾 ।
𑌰𑍍𑌗𑌭𑌿𑌣𑍀 𑌸𑌾-𑌽𑌭𑌵-𑌤𑍍𑌤𑌸𑍍𑌯 𑌭𑌾𑌰𑍍𑌯𑌾 𑌸𑌤𑍍𑌯𑌪𑍍𑌰𑌸𑌾𑌦𑌤𑌃 ॥ 12॥ (𑌸𑌾𑌭𑌵𑌤𑍍)
𑌦𑌶𑌮𑍇 𑌮𑌾𑌸𑌿 𑌵𑍈 𑌤𑌸𑍍𑌯𑌾𑌃 𑌕𑌨𑍍𑌯𑌾𑌰𑌤𑍍𑌨𑌮𑌜𑌾𑌯𑌤 ।
𑌦𑌿𑌨𑍇 𑌦𑌿𑌨𑍇 𑌸𑌾 𑌵𑌵𑍃𑌧𑍇 𑌶𑍁𑌕𑍍𑌲𑌪𑌕𑍍𑌷𑍇 𑌯𑌥𑌾 𑌶𑌶𑍀 ॥ 13॥
𑌨𑌾𑌮𑍍𑌨𑌾 𑌕𑌲𑌾𑌵𑌤𑍀 𑌚𑍇𑌤𑌿 𑌤𑌨𑍍𑌨𑌾𑌮𑌕𑌰𑌣-𑌙𑍍𑌕𑍃𑌤𑌮𑍍 ।
𑌤𑌤𑍋 𑌲𑍀𑌲𑌾𑌵𑌤𑍀 𑌪𑍍𑌰𑌾𑌹 𑌸𑍍𑌵𑌾𑌮𑌿𑌨-𑌮𑍍𑌮𑌧𑍁𑌰𑌂-𑌵𑌁𑌚𑌃 ॥ 14॥
𑌨 𑌕𑌰𑍋𑌷𑌿 𑌕𑌿𑌮𑌰𑍍𑌥𑌂-𑌵𑍈𑌁 𑌪𑍁𑌰𑌾 𑌸𑌙𑍍𑌕𑌲𑍍𑌪𑌿𑌤𑌂-𑌵𑍍𑌰𑌁𑌤𑌮𑍍 ।
𑌸𑌾𑌧𑍁𑌰𑍁𑌵𑌾𑌚 ।
𑌵𑌿𑌵𑌾𑌹 𑌸𑌮𑌯𑍇 𑌤𑍍𑌵𑌸𑍍𑌯𑌾𑌃 𑌕𑌰𑌿𑌷𑍍𑌯𑌾𑌮𑌿 𑌵𑍍𑌰𑌤-𑌮𑍍𑌪𑍍𑌰𑌿𑌯𑍇 ॥ 15॥
𑌇𑌤𑌿 𑌭𑌾𑌰𑍍𑌯𑌾𑌂 𑌸𑌮𑌾𑌶𑍍𑌵𑌾𑌸𑍍𑌯 𑌜𑌗𑌾𑌮 𑌨𑌗𑌰-𑌮𑍍𑌪𑍍𑌰𑌤𑌿 ।
𑌤𑌤𑌃 𑌕𑌲𑌾𑌵𑌤𑍀 𑌕𑌨𑍍𑌯𑌾 𑌵𑌵𑍃𑌧𑍇 𑌪𑌿𑌤𑍃𑌵𑍇𑌶𑍍𑌮𑌨𑌿 ॥ 16॥
𑌦𑍃𑌷𑍍𑌟𑍍𑌵𑌾 𑌕𑌨𑍍𑌯𑌾-𑌨𑍍𑌤𑌤-𑌸𑍍𑌸𑌾𑌧𑍁𑌰𑍍𑌨𑌗𑌰𑍇 𑌸𑌖𑌿𑌭𑌿-𑌸𑍍𑌸𑌹 ।
𑌮𑌨𑍍𑌤𑍍𑌰𑌯𑌿𑌤𑍍𑌵𑌾 𑌦𑍍𑌰𑍁𑌤-𑌨𑍍𑌦𑍂𑌤-𑌮𑍍𑌪𑍍𑌰𑍇𑌷𑌯𑌾𑌮𑌾𑌸 𑌧𑌰𑍍𑌮𑌵𑌿𑌤𑍍 ॥ 17॥
𑌵𑌿𑌵𑌾𑌹𑌾𑌰𑍍𑌥-𑌞𑍍𑌚 𑌕𑌨𑍍𑌯𑌾𑌯𑌾 𑌵𑌰𑌂 𑌶𑍍𑌰𑍇𑌷𑍍𑌠𑌂-𑌵𑌿𑌁𑌚𑌾𑌰𑌯 ।
𑌤𑍇𑌨𑌾𑌜𑍍𑌞𑌪𑍍𑌤𑌶𑍍𑌚 𑌦𑍂𑌤𑍋-𑌽𑌸𑍗 𑌕𑌾𑌞𑍍𑌚𑌨-𑌨𑍍𑌨𑌗𑌰𑌂-𑌯𑌁𑌯𑍗 ॥ 18॥
𑌤𑌸𑍍𑌮𑌾𑌦𑍇𑌕𑌂-𑌵𑌁𑌣𑌿𑌕𑍍𑌪𑍁𑌤𑍍𑌰𑌂 𑌸𑌮𑌾𑌦𑌾𑌯𑌾𑌗𑌤𑍋 𑌹𑌿 𑌸𑌃 ।
𑌦𑍃𑌷𑍍𑌟𑍍𑌵𑌾 𑌤𑍁 𑌸𑍁𑌨𑍍𑌦𑌰-𑌮𑍍𑌬𑌾𑌲𑌂-𑌵𑌁𑌣𑌿𑌕𑍍𑌪𑍁𑌤𑍍𑌰-𑌙𑍍𑌗𑍁𑌣𑌾𑌨𑍍𑌵𑌿𑌤𑌮𑍍 ॥ 19॥
𑌜𑍍𑌞𑌾𑌤𑌿𑌭𑌿𑌰𑍍𑌬𑌨𑍍𑌧𑍁𑌭𑌿-𑌸𑍍𑌸𑌾𑌰𑍍𑌧-𑌮𑍍𑌪𑌰𑌿𑌤𑍁𑌷𑍍𑌟𑍇𑌨 𑌚𑍇𑌤𑌸𑌾 ।
𑌦𑌤𑍍𑌤𑌾𑌵𑌾𑌨𑍍 𑌸𑌾𑌧𑍁𑌪𑍁𑌤𑍍𑌰𑌾𑌯 𑌕𑌨𑍍𑌯𑌾𑌂-𑌵𑌿𑌁𑌧𑌿𑌵𑌿𑌧𑌾𑌨𑌤𑌃 ॥ 20॥ (𑌸𑌾𑌧𑍁𑌃𑌪𑍁𑌤𑍍𑌰𑌾𑌯)
𑌤𑌤𑍋-𑌽𑌭𑌾𑌗𑍍𑌯𑌵𑌶𑌾-𑌤𑍍𑌤𑍇𑌨 𑌵𑌿𑌸𑍍𑌮𑍃𑌤𑌂-𑌵𑍍𑌰𑌁𑌤𑌮𑍁𑌤𑍍𑌤𑌮𑌮𑍍 । (𑌤𑌤𑍋𑌭𑌾𑌗𑍍𑌯𑌵𑌶𑌾𑌤𑍍)
𑌵𑌿𑌵𑌾𑌹𑌸𑌮𑌯𑍇 𑌤𑌸𑍍𑌯𑌾𑌸𑍍𑌤𑍇𑌨 𑌰𑍁𑌷𑍍𑌟𑍋 𑌭𑌵-𑌤𑍍𑌪𑍍𑌰𑌭𑍁𑌃 ॥ 21॥ (𑌰𑍁𑌷𑍍𑌟𑍋-𑌽𑌭𑌵𑌤𑍍)
𑌤𑌤𑌃 𑌕𑌾𑌲𑍇𑌨 𑌨𑌿𑌯𑌤𑍋 𑌨𑌿𑌜𑌕𑌰𑍍𑌮 𑌵𑌿𑌶𑌾𑌰𑌦𑌃 ।
𑌵𑌾𑌣𑌿𑌜𑍍𑌯𑌾𑌰𑍍𑌥-𑌨𑍍𑌤𑌤-𑌶𑍍𑌶𑍀𑌘𑍍𑌰-𑌞𑍍𑌜𑌾𑌮𑌾𑌤𑍃 𑌸𑌹𑌿𑌤𑍋 𑌵𑌣𑌿𑌕𑍍 ॥ 22॥
𑌰𑌤𑍍𑌨𑌸𑌾𑌰𑌪𑍁𑌰𑍇 𑌰𑌮𑍍𑌯𑍇 𑌗𑌤𑍍𑌵𑌾 𑌸𑌿𑌨𑍍𑌧𑍁 𑌸𑌮𑍀𑌪𑌤𑌃 ।
𑌵𑌾𑌣𑌿𑌜𑍍𑌯𑌮𑌕𑌰𑍋-𑌥𑍍𑌸𑌾𑌧𑍁𑌰𑍍𑌜𑌾𑌮𑌾𑌤𑍍𑌰𑌾 𑌶𑍍𑌰𑍀𑌮𑌤𑌾 𑌸𑌹 ॥ 23॥
𑌤𑍗 𑌗𑌤𑍗 𑌨𑌗𑌰𑍇 𑌰𑌮𑍍𑌯𑍇 𑌚𑌨𑍍𑌦𑍍𑌰𑌕𑍇𑌤𑍋𑌰𑍍𑌨𑍃𑌪𑌸𑍍𑌯 𑌚 । (𑌨𑌗𑌰𑍇𑌤𑌸𑍍𑌯)
𑌏𑌤𑌸𑍍𑌮𑌿𑌨𑍍𑌨𑍇𑌵 𑌕𑌾𑌲𑍇 𑌤𑍁 𑌸𑌤𑍍𑌯𑌨𑌾𑌰𑌾𑌯𑌣𑌃 𑌪𑍍𑌰𑌭𑍁𑌃 ॥ 24॥
𑌭𑍍𑌰𑌷𑍍𑌟𑌪𑍍𑌰𑌤𑌿𑌜𑍍𑌞𑌮𑌾𑌲𑍋𑌕𑍍𑌯 𑌶𑌾𑌪-𑌨𑍍𑌤𑌸𑍍𑌮𑍈 𑌪𑍍𑌰𑌦𑌤𑍍𑌤𑌵𑌾𑌨𑍍 ।
𑌦𑌾𑌰𑍁𑌣-𑌙𑍍𑌕𑌠𑌿𑌨-𑌞𑍍𑌚𑌾𑌸𑍍𑌯 𑌮𑌹𑌦𑍍 𑌦𑍁𑌃𑌖-𑌮𑍍𑌭𑌵𑌿𑌷𑍍𑌯𑌤𑌿 ॥ 25॥
𑌏𑌕𑌸𑍍𑌮𑌿𑌨𑍍𑌦𑌿𑌵𑌸𑍇 𑌰𑌾𑌜𑍍𑌞𑍋 𑌧𑌨𑌮𑌾𑌦𑌾𑌯 𑌤𑌸𑍍𑌕𑌰𑌃 ।
𑌤𑌤𑍍𑌰𑍈𑌵 𑌚𑌾𑌗𑌤 𑌶𑍍𑌚𑍗𑌰𑍋 𑌵𑌣𑌿𑌜𑍗 𑌯𑌤𑍍𑌰 𑌸𑌂𑌸𑍍𑌥𑌿𑌤𑍗 ॥ 26॥
𑌤𑌤𑍍𑌪𑌶𑍍𑌚𑌾𑌦𑍍 𑌧𑌾𑌵𑌕𑌾-𑌨𑍍𑌦𑍂𑌤𑌾-𑌨𑍍𑌦𑍃𑌷𑍍𑌟𑌵𑌾 𑌭𑍀𑌤𑍇𑌨 𑌚𑍇𑌤𑌸𑌾 ।
𑌧𑌨𑌂 𑌸𑌂𑌸𑍍𑌥𑌾𑌪𑍍𑌯 𑌤𑌤𑍍𑌰𑍈𑌵 𑌸 𑌤𑍁 𑌶𑍀𑌘𑍍𑌰𑌮𑌲𑌕𑍍𑌷𑌿𑌤𑌃 ॥ 27॥
𑌤𑌤𑍋 𑌦𑍂𑌤𑌾𑌸𑍍𑌸𑌮𑌾𑌯𑌾𑌤𑌾 𑌯𑌤𑍍𑌰𑌾𑌸𑍍𑌤𑍇 𑌸𑌜𑍍𑌜𑌨𑍋 𑌵𑌣𑌿𑌕𑍍 ।
𑌦𑍃𑌷𑍍𑌟𑍍𑌵𑌾 𑌨𑍃𑌪𑌧𑌨-𑌨𑍍𑌤𑌤𑍍𑌰 𑌬𑌦𑍍𑌧𑍍𑌵𑌾-𑌽𑌽𑌨𑍀𑌤𑍗 𑌵𑌣𑌿𑌕𑍍𑌸𑍁𑌤𑍗 ॥ 28॥ (𑌬𑌦𑍍𑌧𑍍𑌵𑌾𑌨𑍀𑌤𑍗)
𑌹𑌰𑍍​𑌷𑍇𑌣 𑌧𑌾𑌵𑌮𑌾𑌨𑌾𑌶𑍍𑌚 𑌪𑍍𑌰𑍋𑌚𑍁𑌰𑍍𑌨𑍃𑌪𑌸𑌮𑍀𑌪𑌤𑌃 ।
𑌤𑌸𑍍𑌕𑌰𑍗 𑌦𑍍𑌵𑍗 𑌸𑌮𑌾𑌨𑍀𑌤𑍗 𑌵𑌿𑌲𑍋𑌕𑍍𑌯𑌾𑌜𑍍𑌞𑌾𑌪𑌯 𑌪𑍍𑌰𑌭𑍋 ॥ 29॥
𑌰𑌾𑌜𑍍𑌞𑌾-𑌽𑌽𑌜𑍍𑌞𑌪𑍍𑌤𑌾𑌸𑍍𑌤𑌤-𑌶𑍍𑌶𑍀𑌘𑍍𑌰-𑌨𑍍𑌦𑍃𑌢-𑌮𑍍𑌬𑌦𑍍𑌧𑍍𑌵𑌾 𑌤𑍁 𑌤𑌾 𑌵𑍁𑌭𑍗 ।
𑌸𑍍𑌥𑌾𑌪𑌿𑌤𑍗 𑌦𑍍𑌵𑍗 𑌮𑌹𑌾𑌦𑍁𑌰𑍍𑌗𑍇 𑌕𑌾𑌰𑌾𑌗𑌾𑌰𑍇-𑌽𑌵𑌿𑌚𑌾𑌰𑌤𑌃 ॥ 30॥
𑌮𑌾𑌯𑌯𑌾 𑌸𑌤𑍍𑌯𑌦𑍇𑌵𑌸𑍍𑌯 𑌨 𑌶𑍍𑌰𑍁𑌤-𑌙𑍍𑌕𑍈𑌸𑍍𑌤𑌯𑍋𑌰𑍍𑌵𑌚𑌃 ।
𑌅𑌤𑌸𑍍𑌤𑌯𑍋𑌰𑍍𑌧𑌨𑌂 𑌰𑌾𑌜𑍍𑌞𑌾 𑌗𑍃𑌹𑍀𑌤-𑌞𑍍𑌚𑌨𑍍𑌦𑍍𑌰𑌕𑍇𑌤𑍁𑌨𑌾 ॥ 31॥
𑌤𑌚𑍍𑌛𑌾𑌪𑌾𑌚𑍍𑌚 𑌤𑌯𑍋𑌰𑍍𑌗𑍇𑌹𑍇 𑌭𑌾𑌰𑍍𑌯𑌾 𑌚𑍈𑌵𑌾𑌤𑌿 𑌦𑍁𑌃𑌖𑌿𑌤𑌾 ।
𑌚𑍗𑌰𑍇𑌣𑌾𑌪𑌹𑍃𑌤𑌂 𑌸𑌰𑍍𑌵-𑌙𑍍𑌗𑍃𑌹𑍇 𑌯𑌚𑍍𑌚 𑌸𑍍𑌥𑌿𑌤-𑌨𑍍𑌧𑌨𑌮𑍍 ॥ 32॥
𑌆𑌧𑌿𑌵𑍍𑌯𑌾𑌧𑌿𑌸𑌮𑌾𑌯𑍁𑌕𑍍𑌤𑌾 𑌕𑍍𑌷𑍁𑌤𑍍𑌪𑌿𑌪𑌾𑌶𑌾𑌤𑌿 𑌦𑍁𑌃𑌖𑌿𑌤𑌾 । (𑌕𑍍𑌷𑍁𑌤𑍍𑌪𑌿𑌪𑌾𑌸𑌾𑌤𑌿)
𑌅𑌨𑍍𑌨𑌚𑌿𑌨𑍍𑌤𑌾𑌪𑌰𑌾 𑌭𑍂𑌤𑍍𑌵𑌾 𑌬𑌭𑍍𑌰𑌾𑌮 𑌚 𑌗𑍃𑌹𑍇 𑌗𑍃𑌹𑍇 ।
𑌕𑌲𑌾𑌵𑌤𑍀 𑌤𑍁 𑌕𑌨𑍍𑌯𑌾𑌪𑌿 𑌬𑌭𑍍𑌰𑌾𑌮 𑌪𑍍𑌰𑌤𑌿𑌵𑌾𑌸𑌰𑌮𑍍 ॥ 33॥
𑌏𑌕𑌸𑍍𑌮𑌿-𑌨𑍍𑌦𑌿𑌵𑌸𑍇 𑌯𑌾𑌤𑌾 𑌕𑍍𑌷𑍁𑌧𑌾𑌰𑍍𑌤𑌾 𑌦𑍍𑌵𑌿𑌜𑌮𑌨𑍍𑌦𑌿𑌰𑌮𑍍 । (𑌦𑌿𑌵𑌸𑍇 𑌜𑌾𑌤𑌾)
𑌗𑌤𑍍𑌵𑌾-𑌽𑌪𑌶𑍍𑌯𑌦𑍍 𑌵𑍍𑌰𑌤-𑌨𑍍𑌤𑌤𑍍𑌰 𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯 𑌚 ॥ 34॥ (𑌗𑌤𑍍𑌵𑌾𑌪𑌶𑍍𑌯𑌦𑍍)
𑌉𑌪𑌵𑌿𑌶𑍍𑌯 𑌕𑌥𑌾𑌂 𑌶𑍍𑌰𑍁𑌤𑍍𑌵𑌾 𑌵𑌰𑌂 𑌰𑍍𑌪𑍍𑌰𑌾𑌥𑌿𑌤𑌵𑌤𑍍𑌯𑌪𑌿 ।
𑌪𑍍𑌰𑌸𑌾𑌦 𑌭𑌕𑍍𑌷𑌣-𑌙𑍍𑌕𑍃𑌤𑍍𑌵𑌾 𑌯𑌯𑍗 𑌰𑌾𑌤𑍍𑌰𑍗 𑌗𑍃𑌹-𑌮𑍍𑌪𑍍𑌰𑌤𑌿 ॥ 35॥
𑌮𑌾𑌤𑌾 𑌕𑌲𑌾𑌵𑌤𑍀-𑌙𑍍𑌕𑌨𑍍𑌯𑌾-𑌙𑍍𑌕𑌥𑌯𑌾𑌮𑌾𑌸 𑌪𑍍𑌰𑍇𑌮𑌤𑌃 ।
𑌪𑍁𑌤𑍍𑌰𑌿 𑌰𑌾𑌤𑍍𑌰𑍗 𑌸𑍍𑌥𑌿𑌤𑌾 𑌕𑍁𑌤𑍍𑌰 𑌕𑌿-𑌨𑍍𑌤𑍇 𑌮𑌨𑌸𑌿 𑌵𑌰𑍍𑌤𑌤𑍇 ॥ 36॥
𑌕𑌨𑍍𑌯𑌾 𑌕𑌲𑌾𑌵𑌤𑍀 𑌪𑍍𑌰𑌾𑌹 𑌮𑌾𑌤𑌰-𑌮𑍍𑌪𑍍𑌰𑌤𑌿 𑌸𑌤𑍍𑌵𑌰𑌮𑍍 ।
𑌦𑍍𑌵𑌿𑌜𑌾𑌲𑌯𑍇 𑌵𑍍𑌰𑌤-𑌮𑍍𑌮𑌾𑌤𑌰𑍍𑌦𑍃𑌷𑍍𑌟𑌂-𑌵𑌾𑌁𑌞𑍍𑌛𑌿𑌤𑌸𑌿𑌦𑍍𑌧𑌿𑌦𑌮𑍍 ॥ 37॥
𑌤𑌚𑍍𑌛𑍍𑌰𑍁𑌤𑍍𑌵𑌾 𑌕𑌨𑍍𑌯𑌕𑌾 𑌵𑌾𑌕𑍍𑌯𑌂-𑌵𑍍𑌰𑌁𑌤-𑌙𑍍𑌕𑌰𑍍𑌤𑍁𑌂 𑌸𑌮𑍁𑌦𑍍𑌯𑌤𑌾 ।
𑌸𑌾 𑌮𑍁𑌦𑌾 𑌤𑍁 𑌵𑌣𑌿𑌗𑍍𑌭𑌾𑌰𑍍𑌯𑌾 𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯 𑌚 ॥ 38॥
𑌵𑍍𑌰𑌤-𑌞𑍍𑌚𑌕𑍍𑌰𑍇 𑌸𑍈𑌵 𑌸𑌾𑌧𑍍𑌵𑍀 𑌬𑌨𑍍𑌧𑍁𑌭𑌿-𑌸𑍍𑌸𑍍𑌵𑌜𑌨𑍈-𑌸𑍍𑌸𑌹 ।
𑌭𑌰𑍍𑌤𑍃𑌜𑌾𑌮𑌾𑌤𑌰𑍗 𑌕𑍍𑌷𑌿𑌪𑍍𑌰𑌮𑌾𑌗𑌚𑍍𑌛𑍇𑌤𑌾𑌂 𑌸𑍍𑌵𑌮𑌾𑌶𑍍𑌰𑌮𑌮𑍍 ॥ 39॥
𑌅𑌪𑌰𑌾𑌧-𑌞𑍍𑌚 𑌮𑍇 𑌭𑌰𑍍𑌤𑍁𑌰𑍍𑌜𑌾𑌮𑌾𑌤𑍁𑌃, 𑌕𑍍𑌷𑌨𑍍𑌤𑍁𑌮𑌰𑍍​𑌹𑌸𑌿 ।
𑌵𑍍𑌰𑌤𑍇𑌨𑌾𑌨𑍇𑌨 𑌤𑍁𑌷𑍍𑌟𑍋-𑌽𑌸𑍗 𑌸𑌤𑍍𑌯𑌨𑌾𑌰𑌾𑌯𑌣𑌃 𑌪𑍁𑌨𑌃 ॥ 40॥ (𑌤𑍁𑌷𑍍𑌟𑍋𑌸𑍗)
𑌦𑌰𑍍​𑌶𑌯𑌾𑌮𑌾𑌸 𑌸𑍍𑌵𑌪𑍍𑌨𑌂 𑌹𑍀 𑌚𑌨𑍍𑌦𑍍𑌰𑌕𑍇𑌤𑍁-𑌨𑍍𑌨𑍃𑌪𑍋𑌤𑍍𑌤𑌮𑌮𑍍 ।
𑌬𑌨𑍍𑌦𑌿𑌨𑍗 𑌮𑍋𑌚𑌯 𑌪𑍍𑌰𑌾𑌤𑌰𑍍𑌵𑌣𑌿𑌜𑍗 𑌨𑍃𑌪𑌸𑌤𑍍𑌤𑌮 ॥ 41॥
𑌦𑍇𑌯-𑌨𑍍𑌧𑌨-𑌞𑍍𑌚 𑌤𑌤𑍍𑌸𑌰𑍍𑌵-𑌙𑍍𑌗𑍃𑌹𑍀𑌤𑌂-𑌯𑌁-𑌤𑍍𑌤𑍍𑌵𑌯𑌾-𑌽𑌧𑍁𑌨𑌾 । (𑌤𑍍𑌵𑌯𑌾𑌧𑍁𑌨𑌾)
𑌨𑍋 𑌚𑍇-𑌤𑍍𑌤𑍍𑌵𑌾-𑌨𑍍𑌨𑌾𑌶𑌯𑌿𑌷𑍍𑌯𑌾𑌮𑌿 𑌸𑌰𑌾𑌜𑍍𑌯𑌧𑌨𑌪𑍁𑌤𑍍𑌰𑌕𑌮𑍍 ॥ 42॥
𑌏𑌵𑌮𑌾𑌭𑌾𑌷𑍍𑌯 𑌰𑌾𑌜𑌾𑌨-𑌨𑍍𑌧𑍍𑌯𑌾𑌨𑌗𑌮𑍍𑌯𑍋-𑌽𑌭𑌵-𑌤𑍍𑌪𑍍𑌰𑌭𑍁𑌃 । (𑌧𑍍𑌯𑌾𑌨𑌗𑌮𑍍𑌯𑍋𑌭𑌵𑌤𑍍)
𑌤𑌤𑌃 𑌪𑍍𑌰𑌭𑌾𑌤𑌸𑌮𑌯𑍇 𑌰𑌾𑌜𑌾 𑌚 𑌸𑍍𑌵𑌜𑌨𑍈-𑌸𑍍𑌸𑌹 ॥ 43॥
𑌉𑌪𑌵𑌿𑌶𑍍𑌯 𑌸𑌭𑌾𑌮𑌧𑍍𑌯𑍇 𑌪𑍍𑌰𑌾𑌹 𑌸𑍍𑌵𑌪𑍍𑌨-𑌞𑍍𑌜𑌨-𑌮𑍍𑌪𑍍𑌰𑌤𑌿 ।
𑌬𑌦𑍍𑌧𑍗 𑌮𑌹𑌾𑌜𑌨𑍗 𑌶𑍀𑌘𑍍𑌰-𑌮𑍍𑌮𑍋𑌚𑌯 𑌦𑍍𑌵𑍗 𑌵𑌣𑌿𑌕𑍍𑌸𑍁𑌤𑍗 ॥ 44॥
𑌇𑌤𑌿 𑌰𑌾𑌜𑍍𑌞𑍋 𑌵𑌚-𑌶𑍍𑌶𑍍𑌰𑍁𑌤𑍍𑌵𑌾 𑌮𑍋𑌚𑌯𑌿𑌤𑍍𑌵𑌾 𑌮𑌹𑌾𑌜𑌨𑍗 ।
𑌸𑌮𑌾𑌨𑍀𑌯 𑌨𑍃𑌪𑌸𑍍𑌯𑌾𑌗𑍍𑌰𑍇 𑌪𑍍𑌰𑌾𑌹𑍁𑌸𑍍𑌤𑍇 𑌵𑌿𑌨𑌯𑌾𑌨𑍍𑌵𑌿𑌤𑌾𑌃 ॥ 45॥
𑌆𑌨𑍀𑌤𑍗 𑌦𑍍𑌵𑍗 𑌵𑌣𑌿𑌕𑍍𑌪𑍁𑌤𑍍𑌰𑍗 𑌮𑍁𑌕𑍍𑌤𑍗 𑌨𑌿𑌗𑌡𑌬𑌨𑍍𑌧𑌨𑌾𑌤𑍍 ।
𑌤𑌤𑍋 𑌮𑌹𑌾𑌜𑌨𑍗 𑌨𑌤𑍍𑌵𑌾 𑌚𑌨𑍍𑌦𑍍𑌰𑌕𑍇𑌤𑍁-𑌨𑍍𑌨𑍃𑌪𑍋𑌤𑍍𑌤𑌮𑌮𑍍 ॥ 46॥
𑌸𑍍𑌮𑌰𑌨𑍍𑌤𑍗 𑌪𑍂𑌰𑍍𑌵 𑌵𑍃𑌤𑍍𑌤𑌾𑌨𑍍𑌤-𑌨𑍍𑌨𑍋𑌚𑌤𑍁𑌰𑍍𑌭𑌯𑌵𑌿𑌹𑍍𑌵𑌲𑍗 ।
𑌰𑌾𑌜𑌾 𑌵𑌣𑌿𑌕𑍍𑌸𑍁𑌤𑍗 𑌵𑍀𑌕𑍍𑌷𑍍𑌯 𑌵𑌚𑌃 𑌪𑍍𑌰𑍋𑌵𑌾𑌚 𑌸𑌾𑌦𑌰𑌮𑍍 ॥ 47॥
𑌦𑍇𑌵𑌾-𑌤𑍍𑌪𑍍𑌰𑌾𑌪𑍍𑌤-𑌮𑍍𑌮𑌹𑌦𑍍𑌦𑍁𑌃𑌖𑌮𑌿𑌦𑌾𑌨𑍀-𑌨𑍍𑌨𑌾𑌸𑍍𑌤𑌿 𑌵𑍈 𑌭𑌯𑌮𑍍 ।
𑌤𑌦𑌾 𑌨𑌿𑌗𑌡𑌸𑌨𑍍𑌤𑍍𑌯𑌾𑌗-𑌙𑍍𑌕𑍍𑌷𑍗𑌰𑌕𑌰𑍍𑌮𑌾𑌦𑍍𑌯𑌕𑌾𑌰𑌯𑌤𑍍 ॥ 48॥
𑌵𑌸𑍍𑌤𑍍𑌰𑌾𑌲𑌙𑍍𑌕𑌾𑌰𑌕-𑌨𑍍𑌦𑌤𑍍𑌤𑍍𑌵𑌾 𑌪𑌰𑌿𑌤𑍋𑌷𑍍𑌯 𑌨𑍃𑌪𑌶𑍍𑌚 𑌤𑍗 ।
𑌪𑍁𑌰𑌸𑍍𑌕𑍃𑌤𑍍𑌯 𑌵𑌣𑌿𑌕𑍍𑌪𑍁𑌤𑍍𑌰𑍗 𑌵𑌚𑌸𑌾-𑌽𑌤𑍋𑌷𑌯𑌦𑍍 𑌭𑍃𑌶𑌮𑍍 ॥ 49॥ (𑌵𑌚𑌸𑌾𑌤𑍋𑌷𑌯𑌦𑍍𑌭𑍃𑌶𑌮𑍍)
𑌪𑍁𑌰𑌾𑌨𑍀𑌤-𑌨𑍍𑌤𑍁 𑌯𑌦𑍍 𑌦𑍍𑌰𑌵𑍍𑌯-𑌨𑍍𑌦𑍍𑌵𑌿𑌗𑍁𑌣𑍀𑌕𑍃𑌤𑍍𑌯 𑌦𑌤𑍍𑌤𑌵𑌾𑌨𑍍 ।
𑌪𑍍𑌰𑍋𑌵𑌾𑌚 𑌚 𑌤𑌤𑍋 𑌰𑌾𑌜𑌾 𑌗𑌚𑍍𑌛 𑌸𑌾𑌧𑍋 𑌨𑌿𑌜𑌾𑌶𑍍𑌰𑌮𑌮𑍍 ॥ 50॥ (𑌪𑍍𑌰𑍋𑌵𑌾𑌚𑌤𑍗)
𑌰𑌾𑌜𑌾𑌨-𑌮𑍍𑌪𑍍𑌰𑌣𑌿𑌪𑌤𑍍𑌯𑌾𑌹 𑌗𑌨𑍍𑌤𑌵𑍍𑌯-𑌨𑍍𑌤𑍍𑌵𑌤𑍍𑌪𑍍𑌰𑌸𑌾𑌦𑌤𑌃 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌤𑍗 𑌮𑌹𑌾𑌵𑍈𑌶𑍍𑌯𑍗 𑌜𑌗𑍍𑌮𑌤𑍁-𑌸𑍍𑌸𑍍𑌵𑌗𑍃𑌹-𑌮𑍍𑌪𑍍𑌰𑌤𑌿 ॥ 51॥ (𑌮𑌹𑌾𑌵𑍈𑌶𑍍𑌯𑍋)
॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌨𑍍𑌦 𑌪𑍁𑌰𑌾𑌣𑍇 𑌰𑍇𑌵𑌾𑌖𑌣𑍍𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾-𑌨𑍍𑌤𑍃𑌤𑍀𑌯𑍋-𑌽𑌧𑍍𑌯𑌾𑌯𑌃 ॥ 3 ॥
𑌅𑌥 𑌚𑌤𑍁𑌰𑍍𑌥𑍋-𑌽𑌧𑍍𑌯𑌾𑌯𑌃
𑌸𑍂𑌤 𑌉𑌵𑌾𑌚 ।
𑌯𑌾𑌤𑍍𑌰𑌾-𑌨𑍍𑌤𑍁 𑌕𑍃𑌤𑌵𑌾𑌨𑍍 𑌸𑌾𑌧𑍁𑌰𑍍𑌮𑌙𑍍𑌗𑌲𑌾𑌯𑌨𑌪𑍂𑌰𑍍𑌵𑌿𑌕𑌾𑌮𑍍 ।
𑌬𑍍𑌰𑌾𑌹𑍍𑌮𑌣𑍇𑌭𑍍𑌯𑍋 𑌧𑌨-𑌨𑍍𑌦𑌤𑍍𑌤𑍍𑌵𑌾 𑌤𑌦𑌾 𑌤𑍁 𑌨𑌗𑌰𑌂-𑌯𑌁𑌯𑍗 ॥ 1॥
𑌕𑌿𑌯𑌦𑍍 𑌦𑍂𑌰𑍇 𑌗𑌤𑍇 𑌸𑌾𑌧𑍋 𑌸𑌤𑍍𑌯𑌨𑌾𑌰𑌾𑌯𑌣𑌃 𑌪𑍍𑌰𑌭𑍁𑌃 ।
𑌜𑌿𑌜𑍍𑌞𑌾𑌸𑌾-𑌙𑍍𑌕𑍃𑌤𑌵𑌾𑌨𑍍 𑌸𑌾𑌧𑍗 𑌕𑌿𑌮𑌸𑍍𑌤𑌿 𑌤𑌵 𑌨𑍗𑌸𑍍𑌥𑌿𑌤𑌮𑍍 ॥ 2॥
𑌤𑌤𑍋 𑌮𑌹𑌾𑌜𑌨𑍗 𑌮𑌤𑍍𑌤𑍗 𑌹𑍇𑌲𑌯𑌾 𑌚 𑌪𑍍𑌰𑌹𑌸𑍍𑌯 𑌵𑍈 । (𑌮𑌤𑍗)
𑌕𑌥-𑌮𑍍𑌪𑍃𑌚𑍍𑌛𑌸𑌿 𑌭𑍋 𑌦𑌣𑍍𑌡𑌿-𑌨𑍍𑌮𑍁𑌦𑍍𑌰𑌾-𑌨𑍍𑌨𑍇𑌤𑍁-𑌙𑍍𑌕𑌿𑌮𑌿𑌚𑍍𑌛𑌸𑌿 ॥ 3॥
𑌲𑌤𑌾𑌪𑌤𑍍𑌰𑌾𑌦𑌿𑌕-𑌞𑍍𑌚𑍈𑌵 𑌵𑌰𑍍𑌤𑌤𑍇 𑌤𑌰𑌣𑍗 𑌮𑌮 ।
𑌨𑌿𑌷𑍍𑌠𑍁𑌰-𑌞𑍍𑌚 𑌵𑌚-𑌶𑍍𑌶𑍍𑌰𑍁𑌤𑍍𑌵𑌾 𑌸𑌤𑍍𑌯-𑌮𑍍𑌭𑌵𑌤𑍁 𑌤𑍇 𑌵𑌚𑌃 ॥ 4॥
𑌏𑌵𑌮𑍁𑌕𑍍𑌤𑍍𑌵𑌾 𑌗𑌤-𑌶𑍍𑌶𑍀𑌘𑍍𑌰-𑌨𑍍𑌦𑌣𑍍𑌡𑍀 𑌤𑌸𑍍𑌯 𑌸𑌮𑍀𑌪𑌤𑌃 ।
𑌕𑌿𑌯𑌦𑍍 𑌦𑍂𑌰𑍇 𑌤𑌤𑍋 𑌗𑌤𑍍𑌵𑌾 𑌸𑍍𑌥𑌿𑌤-𑌸𑍍𑌸𑌿𑌨𑍍𑌧𑍁 𑌸𑌮𑍀𑌪𑌤𑌃 ॥ 5॥
𑌗𑌤𑍇 𑌦𑌣𑍍𑌡𑌿𑌨𑌿 𑌸𑌾𑌧𑍁𑌶𑍍𑌚 𑌕𑍃𑌤𑌨𑌿𑌤𑍍𑌯𑌕𑍍𑌰𑌿𑌯𑌸𑍍𑌤𑌦𑌾 ।
𑌉𑌤𑍍𑌥𑌿𑌤𑌾-𑌨𑍍𑌤𑌰𑌣𑍀-𑌨𑍍𑌦𑍃𑌷𑍍𑌟𑍍𑌵𑌾 𑌵𑌿𑌸𑍍𑌮𑌯-𑌮𑍍𑌪𑌰𑌮𑌂-𑌯𑌁𑌯𑍗 ॥ 6॥
𑌦𑍃𑌷𑍍𑌟𑍍𑌵𑌾 𑌲𑌤𑌾𑌦𑌿𑌕-𑌞𑍍𑌚𑍈𑌵 𑌮𑍂𑌰𑍍𑌚𑍍𑌛𑌿𑌤𑍋 𑌨𑍍𑌯𑌪𑌤𑌦𑍍 𑌭𑍁𑌵𑌿 ।
𑌲𑌬𑍍𑌧𑌸𑌞𑍍𑌜𑍍𑌞𑍋 𑌵𑌣𑌿𑌕𑍍𑌪𑍁𑌤𑍍𑌰𑌸𑍍𑌤𑌤𑌶𑍍𑌚𑌿𑌨𑍍𑌤𑌾𑌨𑍍𑌵𑌿𑌤𑍋-𑌽𑌭𑌵𑌤𑍍 ॥ 7॥ (𑌵𑌣𑌿𑌕𑍍𑌪𑍁𑌤𑍍𑌰𑌸𑍍𑌤𑌤𑌶𑍍𑌚𑌿𑌨𑍍𑌤𑌾𑌨𑍍𑌵𑌿𑌤𑍋𑌭𑌵𑌤𑍍)
𑌤𑌦𑌾 𑌤𑍁 𑌦𑍁𑌹𑌿𑌤𑍁𑌃 𑌕𑌾𑌨𑍍𑌤𑍋 𑌵𑌚𑌨-𑌞𑍍𑌚𑍇𑌦𑌮𑌬𑍍𑌰𑌵𑍀𑌤𑍍 ।
𑌕𑌿𑌮𑌰𑍍𑌥-𑌙𑍍𑌕𑍍𑌰𑌿𑌯𑌤𑍇 𑌶𑍋𑌕-𑌶𑍍𑌶𑌾𑌪𑍋 𑌦𑌤𑍍𑌤𑌶𑍍𑌚 𑌦𑌣𑍍𑌡𑌿𑌨𑌾 ॥ 8॥
𑌶𑌕𑍍𑌯𑌤𑍇 𑌤𑍇𑌨 𑌸𑌰𑍍𑌵𑌂 𑌹𑌿 𑌕𑌰𑍍𑌤𑍁-𑌞𑍍𑌚𑌾𑌤𑍍𑌰 𑌨 𑌸𑌂𑌶𑌯𑌃 । (𑌶𑌕𑍍𑌯𑌤𑍇𑌨𑍇 𑌨)
𑌅𑌤𑌸𑍍𑌤𑌚𑍍𑌛𑌰𑌣𑌂-𑌯𑌾𑌁𑌮𑍋 𑌵𑌾𑌞𑍍𑌛𑌤𑌾𑌰𑍍𑌥𑍋 𑌭𑌵𑌿𑌷𑍍𑌯𑌤𑌿 ॥ 9॥ (𑌵𑌾𑌞𑍍𑌛𑌿𑌤𑌾𑌰𑍍𑌥𑍋)
𑌜𑌾𑌮𑌾𑌤𑍁𑌰𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌤𑌤𑍍𑌸𑌕𑌾𑌶-𑌙𑍍𑌗𑌤𑌸𑍍𑌤𑌦𑌾 ।
𑌦𑍃𑌷𑍍𑌟𑍍𑌵𑌾 𑌚 𑌦𑌣𑍍𑌡𑌿𑌨-𑌮𑍍𑌭𑌕𑍍𑌤𑍍𑌯𑌾 𑌨𑌤𑍍𑌵𑌾 𑌪𑍍𑌰𑍋𑌵𑌾𑌚 𑌸𑌾𑌦𑌰𑌮𑍍 ॥ 10॥
𑌕𑍍𑌷𑌮𑌸𑍍𑌵 𑌚𑌾𑌪𑌰𑌾𑌧-𑌮𑍍𑌮𑍇 𑌯𑌦𑍁𑌕𑍍𑌤-𑌨𑍍𑌤𑌵 𑌸𑌨𑍍𑌨𑌿𑌧𑍗 ।
𑌏𑌵-𑌮𑍍𑌪𑍁𑌨𑌃 𑌪𑍁𑌨𑌰𑍍𑌨𑌤𑍍𑌵𑌾 𑌮𑌹𑌾𑌶𑍋𑌕𑌾𑌕𑍁𑌲𑍋-𑌽𑌭𑌵𑌤𑍍 ॥ 11॥ (𑌮𑌹𑌾𑌶𑍋𑌕𑌾𑌕𑍁𑌲𑍋𑌭𑌵𑌤𑍍)
𑌪𑍍𑌰𑍋𑌵𑌾𑌚 𑌵𑌚𑌨-𑌨𑍍𑌦𑌣𑍍𑌡𑍀 𑌵𑌿𑌲𑌪𑌨𑍍𑌤𑌂-𑌵𑌿𑌁𑌲𑍋𑌕𑍍𑌯 𑌚 ।
𑌮𑌾 𑌰𑍋𑌦𑍀-𑌶𑍍𑌶𑍃𑌣𑍁𑌮𑌦𑍍𑌵𑌾𑌕𑍍𑌯-𑌮𑍍𑌮𑌮 𑌪𑍂𑌜𑌾𑌬𑌹𑌿𑌰𑍍𑌮𑍁𑌖𑌃 ॥ 12॥
𑌮𑌮𑌾𑌜𑍍𑌞𑌯𑌾 𑌚 𑌦𑍁𑌰𑍍𑌬𑍁𑌦𑍍𑌧𑍇 𑌲𑌬𑍍𑌧-𑌨𑍍𑌦𑍁𑌃𑌖-𑌮𑍍𑌮𑍁𑌹𑍁𑌰𑍍𑌮𑍁𑌹𑍁𑌃 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌭𑌗𑌵𑌦𑍍𑌵𑌾𑌕𑍍𑌯𑌂 𑌸𑍍𑌤𑍁𑌤𑌿-𑌙𑍍𑌕𑌰𑍍𑌤𑍁𑌂 𑌸𑌮𑍁𑌦𑍍𑌯𑌤𑌃 ॥ 13॥
𑌸𑌾𑌧𑍁𑌰𑍁𑌵𑌾𑌚 ।
𑌤𑍍𑌵𑌨𑍍𑌮𑌾𑌯𑌾𑌮𑍋𑌹𑌿𑌤𑌾-𑌸𑍍𑌸𑌰𑍍𑌵𑍇 𑌬𑍍𑌰𑌹𑍍𑌮𑌾𑌦𑍍𑌯𑌾𑌸𑍍𑌤𑍍𑌰𑌿𑌦𑌿𑌵𑍗𑌕𑌸𑌃 ।
𑌨 𑌜𑌾𑌨𑌨𑍍𑌤𑌿 𑌗𑍁𑌣𑌾-𑌨𑍍𑌰𑍂𑌪-𑌨𑍍𑌤𑌵𑌾𑌶𑍍𑌚𑌰𑍍𑌯𑌮𑌿𑌦-𑌮𑍍𑌪𑍍𑌰𑌭𑍋 ॥ 14॥
𑌮𑍂𑌢𑍋-𑌽𑌹-𑌨𑍍𑌤𑍍𑌵𑌾-𑌙𑍍𑌕𑌥-𑌞𑍍𑌜𑌾𑌨𑍇 𑌮𑍋𑌹𑌿𑌤𑌸𑍍𑌤𑌵𑌮𑌾𑌯𑌯𑌾 । (𑌮𑍂𑌢𑍋𑌹𑌂)
𑌪𑍍𑌰𑌸𑍀𑌦 𑌪𑍂𑌜𑌯𑌿𑌷𑍍𑌯𑌾𑌮𑌿 𑌯𑌥𑌾𑌵𑌿𑌭𑌵𑌵𑌿𑌸𑍍𑌤𑌰𑍈𑌃 ॥ 15॥
𑌪𑍁𑌰𑌾 𑌵𑌿𑌤𑍍𑌤-𑌞𑍍𑌚 𑌤-𑌥𑍍𑌸𑌰𑍍𑌵-𑌨𑍍𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ।
𑌶𑍍𑌰𑍁𑌤𑍍𑌵𑌾 𑌭𑌕𑍍𑌤𑌿𑌯𑍁𑌤𑌂-𑌵𑌾𑌁𑌕𑍍𑌯-𑌮𑍍𑌪𑌰𑌿𑌤𑍁𑌷𑍍𑌟𑍋 𑌜𑌨𑌾𑌰𑍍𑌦𑌨𑌃 ॥ 16॥
𑌵𑌰-𑌞𑍍𑌚 𑌵𑌾𑌞𑍍𑌛𑌿𑌤-𑌨𑍍𑌦𑌤𑍍𑌤𑍍𑌵𑌾 𑌤𑌤𑍍𑌰𑍈𑌵𑌾𑌨𑍍𑌤𑌰𑍍𑌦𑌧𑍇 𑌹𑌰𑌿𑌃 ।
𑌤𑌤𑍋 𑌨𑌾𑌵𑌂 𑌸𑌮𑌾𑌰𑍂𑌹𑍍𑌯 𑌦𑍃𑌷𑍍𑌟𑍍𑌵𑌾 𑌵𑌿𑌤𑍍𑌤𑌪𑍍𑌰𑌪𑍂𑌰𑌿𑌤𑌾𑌮𑍍 ॥ 17॥
𑌕𑍃𑌪𑌯𑌾 𑌸𑌤𑍍𑌯𑌦𑍇𑌵𑌸𑍍𑌯 𑌸𑌫𑌲𑌂-𑌵𑌾𑌁𑌞𑍍𑌛𑌿𑌤-𑌮𑍍𑌮𑌮 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌸𑍍𑌵𑌜𑌨𑍈-𑌸𑍍𑌸𑌾𑌰𑍍𑌧-𑌮𑍍𑌪𑍂𑌜𑌾-𑌙𑍍𑌕𑍃𑌤𑍍𑌵𑌾 𑌯𑌥𑌾𑌵𑌿𑌧𑌿 ॥ 18॥
𑌹𑌰𑍍​𑌷𑍇𑌣 𑌚𑌾𑌭𑌵-𑌤𑍍𑌪𑍂𑌰𑍍𑌣𑌸𑍍𑌸𑌤𑍍𑌯𑌦𑍇𑌵𑌪𑍍𑌰𑌸𑌾𑌦𑌤𑌃 ।
𑌨𑌾𑌵𑌂 𑌸𑌂​𑌯𑍋𑌁𑌜𑍍𑌯 𑌯𑌤𑍍𑌨𑍇𑌨 𑌸𑍍𑌵𑌦𑍇𑌶𑌗𑌮𑌨-𑌙𑍍𑌕𑍃𑌤𑌮𑍍 ॥ 19॥
𑌸𑌾𑌧𑍁𑌰𑍍𑌜𑌾𑌮𑌾𑌤𑌰-𑌮𑍍𑌪𑍍𑌰𑌾𑌹 𑌪𑌶𑍍𑌯 𑌰𑌤𑍍𑌨𑌪𑍁𑌰𑍀-𑌮𑍍𑌮𑌮 ।
𑌦𑍂𑌤-𑌞𑍍𑌚 𑌪𑍍𑌰𑍇𑌷𑌯𑌾𑌮𑌾𑌸 𑌨𑌿𑌜𑌵𑌿𑌤𑍍𑌤𑌸𑍍𑌯 𑌰𑌕𑍍𑌷𑌕𑌮𑍍 ॥ 20॥
𑌤𑌤𑍋-𑌽𑌸𑍗 𑌨𑌗𑌰-𑌙𑍍𑌗𑌤𑍍𑌵𑌾 𑌸𑌾𑌧𑍁𑌭𑌾𑌰𑍍𑌯𑌾𑌂-𑌵𑌿𑌁𑌲𑍋𑌕𑍍𑌯 𑌚 । (𑌦𑍂𑌤𑍋𑌸𑍗)
𑌪𑍍𑌰𑍋𑌵𑌾𑌚 𑌵𑌾𑌞𑍍𑌛𑌿𑌤𑌂-𑌵𑌾𑌁𑌕𑍍𑌯-𑌨𑍍𑌨𑌤𑍍𑌵𑌾 𑌬𑌦𑍍𑌧𑌾𑌞𑍍𑌜𑌲𑌿𑌸𑍍𑌤𑌦𑌾 ॥ 21॥
𑌨𑌿𑌕𑌟𑍇 𑌨𑌗𑌰𑌸𑍍𑌯𑍈𑌵 𑌜𑌾𑌮𑌾𑌤𑍍𑌰𑌾 𑌸𑌹𑌿𑌤𑍋 𑌵𑌣𑌿𑌕𑍍 ।
𑌆𑌗𑌤𑍋 𑌬𑌨𑍍𑌧𑍁𑌵𑌰𑍍𑌗𑍈𑌶𑍍𑌚 𑌵𑌿𑌤𑍍𑌤𑍈𑌶𑍍𑌚 𑌬𑌹𑍁𑌭𑌿𑌰𑍍𑌯𑍁𑌤𑌃 ॥ 22॥
𑌶𑍍𑌰𑍁𑌤𑍍𑌵𑌾 𑌦𑍂𑌤𑌮𑍁𑌖𑌾𑌦𑍍𑌵𑌾𑌕𑍍𑌯-𑌮𑍍𑌮𑌹𑌾𑌹𑌰𑍍​𑌷𑌵𑌤𑍀 𑌸𑌤𑍀 ।
𑌸𑌤𑍍𑌯𑌪𑍂𑌜𑌾-𑌨𑍍𑌤𑌤𑌃 𑌕𑍃𑌤𑍍𑌵𑌾 𑌪𑍍𑌰𑍋𑌵𑌾𑌚 𑌤𑌨𑍁𑌜𑌾-𑌮𑍍𑌪𑍍𑌰𑌤𑌿 ॥ 23॥
𑌵𑍍𑌰𑌜𑌾𑌮𑌿 𑌶𑍀𑌘𑍍𑌰𑌮𑌾𑌗𑌚𑍍𑌛 𑌸𑌾𑌧𑍁𑌸𑌨𑍍𑌦𑌰𑍍​𑌶𑌨𑌾𑌯 𑌚 ।
𑌇𑌤𑌿 𑌮𑌾𑌤𑍃𑌵𑌚-𑌶𑍍𑌶𑍍𑌰𑍁𑌤𑍍𑌵𑌾 𑌵𑍍𑌰𑌤-𑌙𑍍𑌕𑍃𑌤𑍍𑌵𑌾 𑌸𑌮𑌾𑌪𑍍𑌯 𑌚 ॥ 24॥
𑌪𑍍𑌰𑌸𑌾𑌦-𑌞𑍍𑌚 𑌪𑌰𑌿𑌤𑍍𑌯𑌜𑍍𑌯 𑌗𑌤𑌾 𑌸𑌾-𑌽𑌪𑌿 𑌪𑌤𑌿-𑌮𑍍𑌪𑍍𑌰𑌤𑌿 । (𑌸𑌾𑌪𑌿)
𑌤𑍇𑌨 𑌰𑍁𑌷𑍍𑌟𑌾-𑌸𑍍𑌸𑌤𑍍𑌯𑌦𑍇𑌵𑍋 𑌭𑌰𑍍𑌤𑌾𑌰-𑌨𑍍𑌤𑌰𑌣𑌿-𑌨𑍍𑌤𑌥𑌾 ॥ 25॥ (𑌰𑍁𑌷𑍍𑌟𑌃, 𑌤𑌰𑌣𑍀𑌂)
𑌸𑌂𑌹𑍃𑌤𑍍𑌯 𑌚 𑌧𑌨𑍈-𑌸𑍍𑌸𑌾𑌰𑍍𑌧-𑌞𑍍𑌜𑌲𑍇 𑌤𑌸𑍍𑌯𑌾𑌵𑌮𑌜𑍍𑌜𑌯𑌤𑍍 ।
𑌤𑌤𑌃 𑌕𑌲𑌾𑌵𑌤𑍀 𑌕𑌨𑍍𑌯𑌾 𑌨 𑌵𑌿𑌲𑍋𑌕𑍍𑌯 𑌨𑌿𑌜-𑌮𑍍𑌪𑌤𑌿𑌮𑍍 ॥ 26॥
𑌶𑍋𑌕𑍇𑌨 𑌮𑌹𑌤𑌾 𑌤𑌤𑍍𑌰 𑌰𑍁𑌦𑌨𑍍𑌤𑍀 𑌚𑌾𑌪𑌤𑌦𑍍 𑌭𑍁𑌵𑌿 । (𑌰𑍁𑌦𑌤𑍀)
𑌦𑍃𑌷𑍍𑌟𑍍𑌵𑌾 𑌤𑌥𑌾𑌵𑌿𑌧𑌾-𑌨𑍍𑌨𑌾𑌵-𑌙𑍍𑌕𑌨𑍍𑌯𑌾-𑌞𑍍𑌚 𑌬𑌹𑍁𑌦𑍁𑌃𑌖𑌿𑌤𑌾𑌮𑍍 ॥ 27॥
𑌭𑍀𑌤𑍇𑌨 𑌮𑌨𑌸𑌾 𑌸𑌾𑌧𑍁𑌃 𑌕𑌿𑌮𑌾𑌶𑍍𑌚𑌰𑍍𑌯𑌮𑌿𑌦-𑌮𑍍𑌭𑌵𑍇𑌤𑍍 ।
𑌚𑌿𑌨𑍍𑌤𑍍𑌯𑌮𑌾𑌨𑌾𑌶𑍍𑌚 𑌤𑍇 𑌸𑌰𑍍𑌵𑍇 𑌬𑌭𑍂𑌵𑍁𑌸𑍍𑌤𑌰𑌿𑌵𑌾𑌹𑌕𑌾𑌃 ॥ 28॥
𑌤𑌤𑍋 𑌲𑍀𑌲𑌾𑌵𑌤𑍀 𑌕𑌨𑍍𑌯𑌾-𑌨𑍍𑌦𑍃𑌷𑍍𑌟𑍍𑌵𑌾 𑌸𑌾 𑌵𑌿𑌹𑍍𑌵𑌲𑌾-𑌽𑌭𑌵𑌤𑍍 ।
𑌵𑌿𑌲𑌲𑌾𑌪𑌾𑌤𑌿𑌦𑍁𑌃𑌖𑍇𑌨 𑌭𑌰𑍍𑌤𑌾𑌰-𑌞𑍍𑌚𑍇𑌦𑌮𑌬𑍍𑌰𑌵𑍀𑌤 ॥ 29॥
𑌇𑌦𑌾𑌨𑍀-𑌨𑍍𑌨𑍗𑌕𑌯𑌾 𑌸𑌾𑌰𑍍𑌧-𑌙𑍍𑌕𑌥𑌂 𑌸𑍋-𑌽𑌭𑍂𑌦𑌲𑌕𑍍𑌷𑌿𑌤𑌃 ।
𑌨 𑌜𑌾𑌨𑍇 𑌕𑌸𑍍𑌯 𑌦𑍇𑌵𑌸𑍍𑌯 𑌹𑍇𑌲𑌯𑌾 𑌚𑍈𑌵 𑌸𑌾 𑌹𑍃𑌤𑌾 ॥ 30॥
𑌸𑌤𑍍𑌯𑌦𑍇𑌵𑌸𑍍𑌯 𑌮𑌾𑌹𑌾𑌤𑍍𑌮𑍍𑌯-𑌞𑍍𑌜𑍍𑌞𑌾𑌤𑍁𑌂-𑌵𑌾𑌁 𑌕𑍇𑌨 𑌶𑌕𑍍𑌯𑌤𑍇 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌵𑌿𑌲𑌲𑌾𑌪𑍈𑌵 𑌤𑌤𑌶𑍍𑌚 𑌸𑍍𑌵𑌜𑌨𑍈-𑌸𑍍𑌸𑌹 ॥ 31॥
𑌤𑌤𑍋 𑌲𑍀𑌲𑌾𑌵𑌤𑍀 𑌕𑌨𑍍𑌯𑌾-𑌙𑍍𑌕𑍍𑌰𑍗𑌡𑍇 𑌕𑍃𑌤𑍍𑌵𑌾 𑌰𑍁𑌰𑍋𑌦 𑌹 ।
𑌤𑌤𑌃𑌕𑌲𑌾𑌵𑌤𑍀 𑌕𑌨𑍍𑌯𑌾 𑌨𑌷𑍍𑌟𑍇 𑌸𑍍𑌵𑌾𑌮𑌿𑌨𑌿 𑌦𑍁𑌃𑌖𑌿𑌤𑌾 ॥ 32॥
𑌗𑍃𑌹𑍀𑌤𑍍𑌵𑌾 𑌪𑌾𑌦𑍁𑌕𑍇 𑌤𑌸𑍍𑌯𑌾𑌨𑍁𑌗𑌤𑍁-𑌞𑍍𑌚 𑌮𑌨𑍋𑌦𑌧𑍇 । (𑌪𑌾𑌦𑍁𑌕𑌾𑌂)
𑌕𑌨𑍍𑌯𑌾𑌯𑌾𑌶𑍍𑌚𑌰𑌿𑌤-𑌨𑍍𑌦𑍃𑌷𑍍𑌟𑍍𑌵𑌾 𑌸𑌭𑌾𑌰𑍍𑌯-𑌸𑍍𑌸𑌜𑍍𑌜𑌨𑍋 𑌵𑌣𑌿𑌕𑍍 ॥ 33॥
𑌅𑌤𑌿𑌶𑍋𑌕𑍇𑌨 𑌸𑌨𑍍𑌤𑌪𑍍𑌤𑌶𑍍𑌚𑌿𑌨𑍍𑌤𑌯𑌾𑌮𑌾𑌸 𑌧𑌰𑍍𑌮𑌵𑌿𑌤𑍍 ।
𑌹𑍃𑌤𑌂-𑌵𑌾𑌁 𑌸𑌤𑍍𑌯𑌦𑍇𑌵𑍇𑌨 𑌭𑍍𑌰𑌾𑌨𑍍𑌤𑍋-𑌽𑌹𑌂 𑌸𑌤𑍍𑌯𑌮𑌾𑌯𑌯𑌾 ॥ 34॥
𑌸𑌤𑍍𑌯𑌪𑍂𑌜𑌾-𑌙𑍍𑌕𑌰𑌿𑌷𑍍𑌯𑌾𑌮𑌿 𑌯𑌥𑌾𑌵𑌿𑌭𑌵𑌵𑌿𑌸𑍍𑌤𑌰𑍈𑌃 ।
𑌇𑌤𑌿 𑌸𑌰𑍍𑌵𑌾𑌨𑍍 𑌸𑌮𑌾𑌹𑍂𑌯 𑌕𑌥𑌯𑌿𑌤𑍍𑌵𑌾 𑌮𑌨𑍋𑌰𑌥𑌮𑍍 ॥ 35॥
𑌨𑌤𑍍𑌵𑌾 𑌚 𑌦𑌣𑍍𑌡𑌵𑌦𑍍 𑌭𑍂𑌮𑍗 𑌸𑌤𑍍𑌯𑌦𑍇𑌵-𑌮𑍍𑌪𑍁𑌨𑌃 𑌪𑍁𑌨𑌃 ।
𑌤𑌤𑌸𑍍𑌤𑍁𑌷𑍍𑌟-𑌸𑍍𑌸𑌤𑍍𑌯𑌦𑍇𑌵𑍋 𑌦𑍀𑌨𑌾𑌨𑌾-𑌮𑍍𑌪𑌰𑌿𑌪𑌾𑌲𑌕𑌃 ॥ 36॥
𑌜𑌗𑌾𑌦 𑌵𑌚𑌨-𑌞𑍍𑌚𑍈𑌨-𑌙𑍍𑌕𑍃𑌪𑌯𑌾 𑌭𑌕𑍍𑌤𑌵𑌤𑍍𑌸𑌲𑌃 ।
𑌤𑍍𑌯𑌕𑍍𑌤𑍍𑌵𑌾 𑌪𑍍𑌰𑌸𑌾𑌦-𑌨𑍍𑌤𑍇 𑌕𑌨𑍍𑌯𑌾 𑌪𑌤𑌿-𑌨𑍍𑌦𑍍𑌰𑌷𑍍𑌟𑍁𑌂 𑌸𑌮𑌾𑌗𑌤𑌾 ॥ 37॥
𑌅𑌤𑍋-𑌽𑌦𑍃𑌷𑍍𑌟𑍋-𑌽𑌭𑌵𑌤𑍍𑌤𑌸𑍍𑌯𑌾𑌃 𑌕𑌨𑍍𑌯𑌕𑌾𑌯𑌾𑌃 𑌪𑌤𑌿𑌰𑍍𑌧𑍍𑌰𑍁𑌵𑌮𑍍 ।
𑌗𑍃𑌹-𑌙𑍍𑌗𑌤𑍍𑌵𑌾 𑌪𑍍𑌰𑌸𑌾𑌦-𑌞𑍍𑌚 𑌭𑍁𑌕𑍍𑌤𑍍𑌵𑌾 𑌸𑌾-𑌽𑌽𑌯𑌾𑌤𑌿 𑌚𑍇𑌤𑍍𑌪𑍁𑌨𑌃 ॥ 38॥ (𑌸𑌾𑌯𑌾𑌤𑌿)
𑌲𑌬𑍍𑌧𑌭𑌰𑍍𑌤𑍍𑌰𑍀 𑌸𑍁𑌤𑌾 𑌸𑌾𑌧𑍋 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ।
𑌕𑌨𑍍𑌯𑌕𑌾 𑌤𑌾𑌦𑍃𑌶𑌂-𑌵𑌾𑌁𑌕𑍍𑌯𑌂 𑌶𑍍𑌰𑍁𑌤𑍍𑌵𑌾 𑌗𑌗𑌨𑌮𑌣𑍍𑌡𑌲𑌾𑌤𑍍 ॥ 39॥
𑌕𑍍𑌷𑌿𑌪𑍍𑌰-𑌨𑍍𑌤𑌦𑌾 𑌗𑍃𑌹-𑌙𑍍𑌗𑌤𑍍𑌵𑌾 𑌪𑍍𑌰𑌸𑌾𑌦-𑌞𑍍𑌚 𑌬𑍁𑌭𑍋𑌜 𑌸𑌾 ।
𑌪𑌶𑍍𑌚𑌾-𑌥𑍍𑌸𑌾 𑌪𑍁𑌨𑌰𑌾𑌗𑌤𑍍𑌯 𑌦𑌦𑌰𑍍​𑌶 𑌸𑍍𑌵𑌜𑌨-𑌮𑍍𑌪𑌤𑌿𑌮𑍍 ॥ 40॥ (𑌸𑌾𑌪𑌶𑍍𑌚𑌾𑌤𑍍𑌪𑍁𑌨𑌰𑌾𑌗𑌤𑍍𑌯, 𑌸𑌜𑌨𑌂)
𑌤𑌤𑌃 𑌕𑌲𑌾𑌵𑌤𑍀 𑌕𑌨𑍍𑌯𑌾 𑌜𑌗𑌾𑌦 𑌪𑌿𑌤𑌰-𑌮𑍍𑌪𑍍𑌰𑌤𑌿 ।
𑌇𑌦𑌾𑌨𑍀-𑌞𑍍𑌚 𑌗𑍃𑌹𑌂-𑌯𑌾𑌁𑌹𑌿 𑌵𑌿𑌲𑌮𑍍𑌬-𑌙𑍍𑌕𑍁𑌰𑍁𑌷𑍇 𑌕𑌥𑌮𑍍 ॥ 41॥
𑌤𑌚𑍍𑌛𑍍𑌰𑍁𑌤𑍍𑌵𑌾 𑌕𑌨𑍍𑌯𑌕𑌾𑌵𑌾𑌕𑍍𑌯𑌂 𑌸𑌨𑍍𑌤𑍁𑌷𑍍𑌟𑍋-𑌽𑌭𑍂𑌦𑍍𑌵𑌣𑌿𑌕𑍍𑌸𑍁𑌤𑌃 ।
𑌪𑍂𑌜𑌨𑌂 𑌸𑌤𑍍𑌯𑌦𑍇𑌵𑌸𑍍𑌯 𑌕𑍃𑌤𑍍𑌵𑌾 𑌵𑌿𑌧𑌿𑌵𑌿𑌧𑌾𑌨𑌤𑌃 ॥ 42॥
𑌧𑌨𑍈𑌰𑍍𑌬𑌨𑍍𑌧𑍁𑌗𑌣𑍈-𑌸𑍍𑌸𑌾𑌰𑍍𑌧-𑌞𑍍𑌜𑌗𑌾𑌮 𑌨𑌿𑌜𑌮𑌨𑍍𑌦𑌿𑌰𑌮𑍍 ।
𑌪𑍗𑌰𑍍𑌣𑌮𑌾𑌸𑍍𑌯𑌾-𑌞𑍍𑌚 𑌸𑌙𑍍𑌕𑍍𑌰𑌾𑌨𑍍𑌤𑍗 𑌕𑍃𑌤𑌵𑌾𑌨𑍍 𑌸𑌤𑍍𑌯𑌸𑍍𑌯 𑌪𑍂𑌜𑌨𑌮𑍍 ॥ 43॥ (𑌸𑌤𑍍𑌯𑌪𑍂𑌜𑌨𑌮𑍍)
𑌇𑌹𑌲𑍋𑌕𑍇 𑌸𑍁𑌖-𑌮𑍍𑌭𑍁𑌕𑍍𑌤𑍍𑌵𑌾 𑌚𑌾𑌨𑍍𑌤𑍇 𑌸𑌤𑍍𑌯𑌪𑍁𑌰𑌂-𑌯𑌁𑌯𑍗 ॥ 44॥
॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌨𑍍𑌦 𑌪𑍁𑌰𑌾𑌣𑍇 𑌰𑍇𑌵𑌾𑌖𑌣𑍍𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾-𑌞𑍍𑌚𑌤𑍁𑌰𑍍𑌥𑍋-𑌽𑌧𑍍𑌯𑌾𑌯𑌃 ॥ 4 ॥
𑌅𑌥 𑌪𑌞𑍍𑌚𑌮𑍋-𑌽𑌧𑍍𑌯𑌾𑌯𑌃
𑌸𑍂𑌤 𑌉𑌵𑌾𑌚 ।
𑌅𑌥𑌾𑌨𑍍𑌯𑌚𑍍𑌚 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍍𑌰𑍁𑌣𑍁𑌧𑍍𑌵-𑌮𑍍𑌮𑍁𑌨𑌿𑌸𑌤𑍍𑌤𑌮𑌾𑌃 ।
𑌆𑌸𑍀-𑌤𑍍𑌤𑍁𑌙𑍍𑌗𑌧𑍍𑌵𑌜𑍋 𑌰𑌾𑌜𑌾 𑌪𑍍𑌰𑌜𑌾𑌪𑌾𑌲𑌨𑌤𑌤𑍍𑌪𑌰𑌃 ॥ 1॥
𑌪𑍍𑌰𑌸𑌾𑌦𑌂 𑌸𑌤𑍍𑌯𑌦𑍇𑌵𑌸𑍍𑌯 𑌤𑍍𑌯𑌕𑍍𑌤𑍍𑌵𑌾 𑌦𑍁𑌃𑌖𑌮𑌵𑌾𑌪 𑌸𑌃 ।
𑌏𑌕𑌦𑌾 𑌸 𑌵𑌨-𑌙𑍍𑌗𑌤𑍍𑌵𑌾 𑌹𑌤𑍍𑌵𑌾 𑌬𑌹𑍁𑌵𑌿𑌧𑌾-𑌨𑍍𑌪𑌶𑍂𑌨𑍍 ॥ 2॥
𑌆𑌗𑌤𑍍𑌯 𑌵𑌟𑌮𑍂𑌲-𑌞𑍍𑌚 𑌦𑍃𑌷𑍍𑌟𑍍𑌵𑌾 𑌸𑌤𑍍𑌯𑌸𑍍𑌯 𑌪𑍂𑌜𑌨𑌮𑍍 । (𑌚𑌾𑌪𑌶𑍍𑌯𑌤𑍍)
𑌗𑍋𑌪𑌾𑌃 𑌕𑍁𑌰𑍍𑌵𑌨𑍍𑌤𑌿 𑌸𑌨𑍍𑌤𑍁𑌷𑍍𑌟𑌾 𑌭𑌕𑍍𑌤𑌿𑌯𑍁𑌕𑍍𑌤𑌾-𑌸𑍍𑌸 𑌬𑌾𑌨𑍍𑌧𑌵𑌾𑌃 ॥ 3॥
𑌰𑌾𑌜𑌾 𑌦𑍃𑌷𑍍𑌟𑍍𑌵𑌾 𑌤𑍁 𑌦𑌰𑍍𑌪𑍇𑌣 𑌨 𑌗𑌤𑍋 𑌨 𑌨𑌨𑌾𑌮 𑌸𑌃 ।
𑌤𑌤𑍋 𑌗𑍋𑌪𑌗𑌣𑌾-𑌸𑍍𑌸𑌰𑍍𑌵𑍇 𑌪𑍍𑌰𑌸𑌾𑌦-𑌨𑍍𑌨𑍃𑌪𑌸𑌨𑍍𑌨𑌿𑌧𑍗 ॥ 4॥
𑌸𑌂𑌸𑍍𑌥𑌾𑌪𑍍𑌯 𑌪𑍁𑌨𑌰𑌾𑌗𑌤𑍍𑌯 𑌭𑍁𑌕𑍍𑌤𑌤𑍍𑌵𑌾 𑌸𑌰𑍍𑌵𑍇 𑌯𑌥𑍇𑌪𑍍𑌸𑌿𑌤𑌮𑍍 ।
𑌤𑌤𑌃 𑌪𑍍𑌰𑌸𑌾𑌦𑌂 𑌸𑌨𑍍𑌤𑍍𑌯𑌜𑍍𑌯 𑌰𑌾𑌜𑌾 𑌦𑍁𑌃𑌖𑌮𑌵𑌾𑌪 𑌸𑌃 ॥ 5॥
𑌤𑌸𑍍𑌯 𑌪𑍁𑌤𑍍𑌰𑌶𑌤-𑌨𑍍𑌨𑌷𑍍𑌟-𑌨𑍍𑌧𑌨𑌧𑌾𑌨𑍍𑌯𑌾𑌦𑌿𑌕-𑌞𑍍𑌚 𑌯𑌤𑍍 ।
𑌸𑌤𑍍𑌯𑌦𑍇𑌵𑍇𑌨 𑌤𑌤𑍍𑌸𑌰𑍍𑌵-𑌨𑍍𑌨𑌾𑌶𑌿𑌤-𑌮𑍍𑌮𑌮 𑌨𑌿𑌶𑍍𑌚𑌿𑌤𑌮𑍍 ॥ 6॥
𑌅𑌤𑌸𑍍𑌤𑌤𑍍𑌰𑍈𑌵 𑌗𑌚𑍍𑌛𑌾𑌮𑌿 𑌯𑌤𑍍𑌰 𑌦𑍇𑌵𑌸𑍍𑌯 𑌪𑍂𑌜𑌨𑌮𑍍 ।
𑌮𑌨𑌸𑌾 𑌤𑍁 𑌵𑌿𑌨𑌿𑌶𑍍𑌚𑌿𑌤𑍍𑌯 𑌯𑌯𑍗 𑌗𑍋𑌪𑌾𑌲𑌸𑌨𑍍𑌨𑌿𑌧𑍗 ॥ 7॥
𑌤𑌤𑍋-𑌽𑌸𑍗 𑌸𑌤𑍍𑌯𑌦𑍇𑌵𑌸𑍍𑌯 𑌪𑍂𑌜𑌾-𑌙𑍍𑌗𑍋𑌪𑌗𑌣𑍈𑌸𑍍𑌸𑌹 ।
𑌭𑌕𑍍𑌤𑌿𑌶𑍍𑌰𑌦𑍍𑌧𑌾𑌨𑍍𑌵𑌿𑌤𑍋 𑌭𑍂𑌤𑍍𑌵𑌾 𑌚𑌕𑌾𑌰 𑌵𑌿𑌧𑌿𑌨𑌾 𑌨𑍃𑌪𑌃 ॥ 8॥
𑌸𑌤𑍍𑌯𑌦𑍇𑌵𑌪𑍍𑌰𑌸𑌾𑌦𑍇𑌨 𑌧𑌨𑌪𑍁𑌤𑍍𑌰𑌾𑌨𑍍𑌵𑌿𑌤𑍋-𑌽𑌭𑌵𑌤𑍍 ।
𑌇𑌹𑌲𑍋𑌕𑍇 𑌸𑍁𑌖-𑌮𑍍𑌭𑍁𑌕𑍍𑌤𑌤𑍍𑌵𑌾 𑌚𑌾𑌨𑍍𑌤𑍇 𑌸𑌤𑍍𑌯𑌪𑍁𑌰𑌂-𑌯𑌁𑌯𑍗 ॥ 9॥
𑌯 𑌇𑌦-𑌙𑍍𑌕𑍁𑌰𑍁𑌤𑍇 𑌸𑌤𑍍𑌯𑌵𑍍𑌰𑌤-𑌮𑍍𑌪𑌰𑌮𑌦𑍁𑌰𑍍𑌲𑌭𑌮𑍍 ।
𑌶𑍃𑌣𑍋𑌤𑌿 𑌚 𑌕𑌥𑌾-𑌮𑍍𑌪𑍁𑌣𑍍𑌯𑌾-𑌮𑍍𑌭𑌕𑍍𑌤𑌿𑌯𑍁𑌕𑍍𑌤𑌃 𑌫𑌲𑌪𑍍𑌰𑌦𑌾𑌮𑍍 ॥ 10॥
𑌧𑌨𑌧𑌾𑌨𑍍𑌯𑌾𑌦𑌿𑌕-𑌨𑍍𑌤𑌸𑍍𑌯 𑌭𑌵𑍇-𑌥𑍍𑌸𑌤𑍍𑌯𑌪𑍍𑌰𑌸𑌾𑌦𑌤𑌃 ।
𑌦𑌰𑌿𑌦𑍍𑌰𑍋 𑌲𑌭𑌤𑍇 𑌵𑌿𑌤𑍍𑌤-𑌮𑍍𑌬𑌦𑍍𑌧𑍋 𑌮𑍁𑌚𑍍𑌯𑍇𑌤 𑌬𑌨𑍍𑌧𑌨𑌾𑌤𑍍 ॥ 11॥
𑌭𑍀𑌤𑍋 𑌭𑌯𑌾-𑌤𑍍𑌪𑍍𑌰𑌮𑍁𑌚𑍍𑌯𑍇𑌤 𑌸𑌤𑍍𑌯𑌮𑍇𑌵 𑌨 𑌸𑌂𑌶𑌯𑌃 ।
𑌈𑌪𑍍𑌸𑌿𑌤-𑌞𑍍𑌚 𑌫𑌲-𑌮𑍍𑌭𑍁𑌕𑍍𑌤𑍍𑌵𑌾 𑌚𑌾𑌨𑍍𑌤𑍇 𑌸𑌤𑍍𑌯𑌪𑍁𑌰𑌂​𑌵𑍍𑌰𑌁𑌜𑍇𑌤𑍍 ॥ 12॥
𑌇𑌤𑌿 𑌵𑌃 𑌕𑌥𑌿𑌤𑌂-𑌵𑌿𑌁𑌪𑍍𑌰𑌾-𑌸𑍍𑌸𑌤𑍍𑌯𑌨𑌾𑌰𑌾𑌯𑌣𑌵𑍍𑌰𑌤𑌮𑍍 ।
𑌯-𑌤𑍍𑌕𑍃𑌤𑍍𑌵𑌾 𑌸𑌰𑍍𑌵𑌦𑍁𑌃𑌖𑍇𑌭𑍍𑌯𑍋 𑌮𑍁𑌕𑍍𑌤𑍋 𑌭𑌵𑌤𑌿 𑌮𑌾𑌨𑌵𑌃 ॥ 13॥
𑌵𑌿𑌶𑍇𑌷𑌤𑌃 𑌕𑌲𑌿𑌯𑍁𑌗𑍇 𑌸𑌤𑍍𑌯𑌪𑍂𑌜𑌾 𑌫𑌲𑌪𑍍𑌰𑌦𑌾 ।
𑌕𑍇𑌚𑌿-𑌤𑍍𑌕𑌾𑌲𑌂-𑌵𑌁𑌦𑌿𑌷𑍍𑌯𑌨𑍍𑌤𑌿 𑌸𑌤𑍍𑌯𑌮𑍀𑌶-𑌨𑍍𑌤𑌮𑍇𑌵 𑌚 ॥ 14॥
𑌸𑌤𑍍𑌯𑌨𑌾𑌰𑌾𑌯𑌣-𑌙𑍍𑌕𑍇𑌚𑌿-𑌥𑍍𑌸𑌤𑍍𑌯𑌦𑍇𑌵-𑌨𑍍𑌤𑌥𑌾𑌪𑌰𑍇 ।
𑌨𑌾𑌨𑌾𑌰𑍂𑌪𑌧𑌰𑍋 𑌭𑍂𑌤𑍍𑌵𑌾 𑌸𑌰𑍍𑌵𑍇𑌷𑌾𑌮𑍀𑌪𑍍𑌸𑌿𑌤𑌪𑍍𑌰𑌦𑌮𑍍 ॥ 15॥ (𑌸𑌰𑍍𑌵𑍇𑌷𑌾𑌮𑍀𑌪𑍍𑌸𑌿𑌤𑌪𑍍𑌰𑌦𑌃)
𑌭𑌵𑌿𑌷𑍍𑌯𑌤𑌿 𑌕𑌲𑍗 𑌸𑌤𑍍𑌯𑌵𑍍𑌰𑌤𑌰𑍂𑌪𑍀 𑌸𑌨𑌾𑌤𑌨𑌃 ।
𑌶𑍍𑌰𑍀𑌵𑌿𑌷𑍍𑌣𑍁𑌨𑌾 𑌧𑍃𑌤𑌂 𑌰𑍂𑌪𑌂 𑌸𑌰𑍍𑌵𑍇𑌷𑌾𑌮𑍀𑌪𑍍𑌸𑌿𑌤𑌪𑍍𑌰𑌦𑌮𑍍 ॥ 16॥
𑌯 𑌇𑌦-𑌮𑍍𑌪𑌠𑌤𑍇 𑌨𑌿𑌤𑍍𑌯𑌂 𑌶𑍃𑌣𑍋𑌤𑌿 𑌮𑍁𑌨𑌿𑌸𑌤𑍍𑌤𑌮𑌾𑌃 ।
𑌤𑌸𑍍𑌯 𑌨𑌶𑍍𑌯𑌨𑍍𑌤𑌿 𑌪𑌾𑌪𑌾𑌨𑌿 𑌸𑌤𑍍𑌯𑌦𑍇𑌵𑌪𑍍𑌰𑌸𑌾𑌦𑌤𑌃 ॥ 17॥
𑌵𑍍𑌰𑌤𑌂-𑌯𑍈𑌁𑌸𑍍𑌤𑍁 𑌕𑍃𑌤-𑌮𑍍𑌪𑍂𑌰𑍍𑌵𑌂 𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯 𑌚 ।
𑌤𑍇𑌷𑌾-𑌨𑍍𑌤𑍍𑌵𑌪𑌰𑌜𑌨𑍍𑌮𑌾𑌨𑌿 𑌕𑌥𑌯𑌾𑌮𑌿 𑌮𑍁𑌨𑍀𑌶𑍍𑌵𑌰𑌾𑌃 ॥ 18॥
𑌶𑌤𑌾𑌨𑌨𑍍𑌦𑍋𑌮𑌹𑌾𑌪𑍍𑌰𑌾𑌜𑍍𑌞𑌸𑍍𑌸𑍁𑌦𑌾𑌮𑌾𑌬𑍍𑌰𑌾𑌹𑍍𑌮𑌣𑍋 𑌹𑍍𑌯𑌭𑍂𑌤𑍍 ।
𑌤𑌸𑍍𑌮𑌿𑌞𑍍𑌜𑌨𑍍𑌮𑌨𑌿 𑌶𑍍𑌰𑍀𑌕𑍃𑌷𑍍𑌣-𑌨𑍍𑌧𑍍𑌯𑌾𑌤𑍍𑌵𑌾 𑌮𑍋𑌕𑍍𑌷𑌮𑌵𑌾𑌪 𑌹 ॥ 19॥
𑌕𑌾𑌷𑍍𑌠𑌭𑌾𑌰𑌵𑌹𑍋 𑌭𑌿𑌲𑍍𑌲𑍋 𑌗𑍁𑌹𑌰𑌾𑌜𑍋 𑌬𑌭𑍂𑌵 𑌹 ।
𑌤𑌸𑍍𑌮𑌿𑌞𑍍𑌜𑌨𑍍𑌮𑌨𑌿 𑌶𑍍𑌰𑍀𑌰𑌾𑌮𑌂 𑌸𑍇𑌵𑍍𑌯 𑌮𑍋𑌕𑍍𑌷-𑌞𑍍𑌜𑌗𑌾𑌮 𑌵𑍈 ॥ 20॥
𑌉𑌲𑍍𑌕𑌾𑌮𑍁𑌖𑍋 𑌮𑌹𑌾𑌰𑌾𑌜𑍋 𑌨𑍃𑌪𑍋 𑌦𑌶𑌰𑌥𑍋-𑌽𑌭𑌵𑌤𑍍 ।
𑌶𑍍𑌰𑍀𑌰𑌙𑍍𑌗𑌨𑌾𑌥𑌂 𑌸𑌮𑍍𑌪𑍂𑌜𑍍𑌯 𑌶𑍍𑌰𑍀𑌵𑍈𑌕𑍁𑌣𑍍𑌠-𑌨𑍍𑌤𑌦𑌾𑌗𑌮𑌤𑍍 ॥ 21॥ (𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌸𑌮𑍍𑌪𑍍𑌰𑌾𑌪𑍍𑌯)
𑌰𑍍𑌧𑌾𑌮𑌿𑌕-𑌸𑍍𑌸𑌤𑍍𑌯𑌸𑌨𑍍𑌧𑌶𑍍𑌚 𑌸𑌾𑌧𑍁𑌰𑍍𑌮𑍋𑌰𑌧𑍍𑌵𑌜𑍋-𑌽𑌭𑌵𑌤𑍍 । (𑌸𑌾𑌧𑍁𑌰𑍍𑌮𑍋𑌰𑌧𑍍𑌵𑌜𑍋𑌭𑌵𑌤𑍍)
𑌦𑍇𑌹𑌾𑌰𑍍𑌧-𑌙𑍍𑌕𑍍𑌰𑌕𑌚𑍈𑌶𑍍𑌛𑌿𑌤𑍍𑌤𑍍𑌵𑌾 𑌦𑌤𑍍𑌵𑌾 𑌮𑍋𑌕𑍍𑌷𑌮𑌵𑌾𑌪 𑌹 ॥ 22॥
𑌤𑍁𑌙𑍍𑌗𑌧𑍍𑌵𑌜𑍋 𑌮𑌹𑌾𑌰𑌾𑌜-𑌸𑍍𑌸𑍍𑌵𑌾𑌯𑌮𑍍𑌭𑍁𑌵𑍋-𑌽𑌭𑌵-𑌤𑍍𑌕𑌿𑌲 । (𑌸𑍍𑌵𑌾𑌯𑌮𑍍𑌭𑍂𑌰𑌭𑌵𑌤𑍍)
𑌸𑌰𑍍𑌵𑌾-𑌨𑍍𑌭𑌾𑌗𑌵𑌤𑌾𑌨𑍍 𑌕𑍃𑌤𑍍𑌵𑌾 𑌶𑍍𑌰𑍀𑌵𑍈𑌕𑍁𑌣𑍍𑌠-𑌨𑍍𑌤𑌦𑌾-𑌽𑌗𑌮𑌤𑍍 ॥ 23॥ (𑌕𑍃𑌤𑍍𑌤𑍍𑌵𑌾, 𑌤𑌦𑌾𑌗𑌮𑌤𑍍)
𑌭𑍂𑌤𑍍𑌵𑌾 𑌗𑍋𑌪𑌾𑌶𑍍𑌚 𑌤𑍇 𑌸𑌰𑍍𑌵𑍇 𑌵𑍍𑌰𑌜𑌮𑌣𑍍𑌡𑌲𑌵𑌾𑌸𑌿𑌨𑌃 ।
𑌨𑌿𑌹𑌤𑍍𑌯 𑌰𑌾𑌕𑍍𑌷𑌸𑌾𑌨𑍍 𑌸𑌰𑍍𑌵𑌾-𑌨𑍍𑌗𑍋𑌲𑍋𑌕-𑌨𑍍𑌤𑍁 𑌤𑌦𑌾 𑌯𑌯𑍁𑌃 ॥ 24॥
॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌨𑍍𑌦𑌪𑍁𑌰𑌾𑌣𑍇 𑌰𑍇𑌵𑌾𑌖𑌣𑍍𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾-𑌮𑍍𑌪𑌞𑍍𑌚𑌮𑍋-𑌽𑌧𑍍𑌯𑌾𑌯𑌃 ॥ 5 ॥
Roman (IAST) Transliteration
|| śrī gaṇeśāya namaḥ ||
|| śrīparamātmane namaḥ ||
atha kathā prārambhaḥ |
atha prathamo-'dhyāyaḥ
śrīvyāsa uvāca |
ekadā naimiṣāraṇye ṛṣaya-śśaunakādayaḥ |
papracchurmunaya-ssarve sūta-mpaurāṇika-ṅkhalu || 1||
ṛṣaya ūcuḥ |
vratena tapasā kiṃ-vā~ prāpyate vāñchita-mphalam |
tatsarvaṃ śrotumicchāmaḥ kathayasva mahāmune || 2||
sūta uvāca |
nāradenaiva sampṛṣṭo bhagavān kamalāpatiḥ |
surar​ṣaye yathaivāha tacchṛṇudhvaṃ samāhitāḥ || 3||
ekadā nārado yogī parānugrahakāṅkṣayā |
paryaṭan vividhā-​llo~kā-nmartyalokamupāgataḥ || 4||
tatodṛṣṭvā janānsarvā-nnānākleśasamanvitān |
nānāyonisamutpannān kliśyamānān svakarmabhiḥ || 5||
kenopāyena caiteṣā-nduḥkhanāśo bhaved dhruvam |
iti sañcintya manasā viṣṇuloka-ṅgatastadā || 6||
tatra nārāyaṇa-ndevaṃ śuklavarṇa-ñcaturbhujam |
śaṅkha-cakra-gadā-padma-vanamālā-vibhūṣitam || 7||
dṛṣṭvā ta-ndevadeveśaṃ stotuṃ samupacakrame |
nārada uvāca |
namo vāṅgamanasātītarūpāyānantaśaktaye |
ādimadhyāntahīnāya nirguṇāya guṇātmane || 8||
sarveṣāmādibhūtāya bhaktānāmārtināśine |
śrutvā stotra-ntato viṣṇurnārada-mpratyabhāṣata || 9||
śrībhagavānuvāca |
kimarthamāgato-'si tva-ṅki-nte manasi vartate |
kathayasva mahābhāga tatsarva-ṅkathāyāmi te || 10||
nārada uvāca |
martyaloke janā-ssarve nānākleśasamanvitāḥ |
nanāyonisamutpannāḥ pacyante pāpakarmabhiḥ || 11||
tatkathaṃ śamayennātha laghūpāyena tadvada |
śrotumicchāmi tatsarva-ṅkṛpāsti yadi te mayi || 12||
śrībhagavānuvāca |
sādhu pṛṣṭa-ntvayā vatsa lokānugrahakāṅkṣayā |
yatkṛtvā mucyate moha-ttacchṛṇuṣva vadāmi te || 13||
vratamasti mahatpuṇyaṃ svarge martye ca durlabham |
tava snehānmayā vatsa prakāśaḥ kriyate-'dhunā || 14||
satyanārāyaṇasyaiva vrataṃ samyagvidhānataḥ | (satyanārāyaṇasyaivaṃ)
kṛtvā sadya-ssukha-mbhuktvā paratra mokṣamāpnuyāt |
tacchrutvā bhagavadvākya-nnārado munirabravīt || 15||
nārada uvāca |
ki-mphala-ṅkiṃ-vi~dhāna-ñca kṛta-ṅkenaiva tad vratam |
tatsarvaṃ-vi~starād brūhi kadā kāryaṃ-vra~ta-mprabho || 16|| (kāryaṃhitadvratam)
śrībhagavānuvāca |
duḥkhaśokādiśamana-ndhanadhānyapravardhanam || 17||
saubhāgyasantatikaraṃ sarvatra vijayapradam |
yasmin kasmi-ndine martyo bhaktiśraddhāsamanvitaḥ || 18||
satyanārāyaṇa-ndevaṃ-ya~jeccaiva niśāmukhe |
brāhmaṇairbāndhavaiścaiva sahito dharmatatparaḥ || 19||
naivedya-mbhaktito dadyā-thsapāda-mbhakṣyamuttamam |
rambhāphala-ṅghṛta-ṅkṣīra-ṅgodhūmasya ca cūrṇakam || 20||
abhāve śālicūrṇaṃ-vā~ śarkarā vā guḍastathā |
sapādaṃ sarvabhakṣyāṇi caikīkṛtya nivedayet || 21||
viprāya dakṣiṇā-ndadyā-tkathāṃ śrutvā janai-ssaha |
tataśca bandhubhi-ssārdhaṃ-vi~prāṃśca pratibhojayet || 22||
prasāda-mbhakṣayed bhaktyā nṛtyagītādika-ñcaret |
tataśca svagṛha-ṅgacche-thsatyanārāyaṇaṃ smarann || 23||
eva-ṅkṛte manuṣyāṇāṃ-vā~ñchāsiddhirbhaved dhruvam |
viśeṣataḥ kaliyuge laghūpāyo-'sti bhūtale || 24|| (laghūpāyosti)
|| iti śrīskāndapurāṇe revākhaṇḍe śrīsatyanārāyaṇa vratakathāyā-mprathamo-'dhyāyaḥ || 1 ||
atha dvitīyo-'dhyāyaḥ
sūta uvāca |
athānya-thsampravakṣyāmi kṛtaṃ-ye~na purā dvijāḥ |
kaści-tkāśīpure ramye hyāsīdvipro-'tinirdhanaḥ || 1|| (hyāsīdviprotinirdhanaḥ)
kṣuttṛḍbhyāṃ-vyā~kulobhūtvā nitya-mbabhrāma bhūtale |
duḥkhita-mbrāhmaṇa-ndṛṣṭvā bhagavā-nbrāhmaṇapriyaḥ || 2||
vṛddhabrāhmaṇa rūpasta-mpapraccha dvijamādarāt |
kimartha-mbhramase vipra mahī-nnityaṃ suduḥkhitaḥ |
tatsarvaṃ śrotumicchāmi kathyatā-ndvija sattama || 3||
brāhmaṇa uvāca |
brāhmaṇo-'ti daridro-'ha-mbhikṣārthaṃ-vai~ bhrame mahīm || 4|| (brāhmaṇoti)
upāyaṃ-ya~di jānāsi kṛpayā kathaya prabho |
vṛddhabrāhmaṇa uvāca |
satyanārāyaṇo viṣṇurvāñchitārthaphalapradaḥ || 5||
tasya tva-mpūjanaṃ-vi~pra kuruṣva vratamuttamama | (vratamuttamam)
yatkṛtvā sarvaduḥkhebhyo mukto bhavati mānavaḥ || 6||
vidhāna-ñca vratasyāpi viprāyābhāṣya yatnataḥ |
satyanārāyaṇo vṛddhastatraivāntaradhīyata || 7||
tad vrataṃ saṅkariṣyāmi yadukta-mbrāhmaṇena vai |
iti sañcintya vipro-'sau rātrau nidrā na labdhavān || 8|| (nidrāṃ)
tataḥ prāta-ssamutthāya satyanārāyaṇavratam |
kariṣya iti saṅkalpya bhikṣārthamagamadvijaḥ || 9|| (bhikṣārthamagamaddvijaḥ)
tasminneva dine vipraḥ pracura-ndravyamāptavān |
tenaiva bandhubhi-ssārdhaṃ satyasyavratamācarat || 10||
sarvaduḥkhavinirmukta-ssarvasampatsamanvitaḥ |
babhūva sa dvijaśreṣṭho vratasyāsya prabhāvataḥ || 11||
tataḥ prabhṛti kāla-ñca māsi māsi vrata-ṅkṛtam |
eva-nnārāyaṇasyedaṃ-vra~ta-ṅkṛtvā dvijottamaḥ || 12||
sarvapāpavinirmukto durlabha-mmokṣamāptavān |
vratamasya yadā vipra pṛthivyāṃ saṅkariṣyati || 13|| (viprāḥ)
tadaiva sarvaduḥkha-ntu manujasya vinaśyati | (ca manujasya)
eva-nnārāyaṇenokta-nnāradāya mahātmane || 14||
mayā tatkathitaṃ-vi~prāḥ kimanya-tkathayāmi vaḥ |
ṛṣaya ūcuḥ |
tasmād viprācchruta-ṅkena pṛthivyā-ñcarita-mmune |
tatsarvaṃ śrotumicchāma-śśraddhā-'smāka-mprajāyate || 15|| (śraddhāsmākaṃ)
sūta uvāca |
śṛṇudhva-mmunaya-ssarve vrataṃ-ye~na kṛta-mbhuvi |
ekadā sa dvijavaro yathāvibhava vistaraiḥ || 16||
bandhubhi-ssvajanai-ssārdhaṃ-vra~ta-ṅkartuṃ samudyataḥ |
etasminnantare kāle kāṣṭhakretā samāgamat || 17||
bahiḥ kāṣṭha-ñca saṃsthāpya viprasya gṛhamāyayau |
tṛṣṇāyā pīḍitātmā ca dṛṣṭvā vipra-ṅkṛtaṃ-vra~tam || 18|| (kṛta)
praṇipatya dvija-mprāha kimida-ṅkriyate tvayā |
kṛte ki-mphalamāpnoti vistarād vada me prabho || 19|| (vistārād)
vipra uvāca |
satyanārāyaṇesyedaṃ-vra~taṃ sarvepsitapradam |
tasya prasādānme sarva-ndhanadhānyādika-mmahat || 20||
tasmādetad vrata-ñjñātvā kāṣṭhakretā-'tihar​ṣitaḥ |
papau jala-mprasāda-ñca bhuktvā sa nagaraṃ-ya~yau || 21||
satyanārāyaṇa-ndeva-mmanasā ityacintayat |
kāṣṭhaṃ-vi~krayato grāme prāpyate cādya yad dhanam || 22|| (prāpyateme-'dya)
tenaiva satyadevasya kariṣye vratamuttamam |
iti sañcintya manasā kāṣṭha-ndhṛtvā tu mastake || 23||
jagāma nagare ramye dhanināṃ-ya~tra saṃsthitiḥ |
taddine kāṣṭhamūlya-ñca dviguṇa-mprāptavānasau || 24||
tataḥ prasannahṛdaya-ssupakva-ṅkadalī phalam |
śarkarāghṛtadugdha-ñca godhūmasya ca cūrṇakam || 25||
kṛtvaikatra sapāda-ñca gṛhītvā svagṛhaṃ-ya~yau |
tato bandhūn samāhūya cakāra vidhinā vratam || 26||
tad vratasya prabhāveṇa dhanaputrānvito-'bhavat | (dhanaputrānvitobhavat)
ihaloke sukha-mbhuktvā cānte satyapuraṃ-ya~yau || 27||
|| iti śrīskāndapurāṇe revākhaṇḍe śrīsatyanārāyaṇa vratakathāyā-ndvitīyo-'dhyāyaḥ || 2 ||
atha tṛtīyo-'dhyāyaḥ
sūta uvāca |
punaragre pravakṣyāmi śṛṇudhva-mmuni sattamāḥ |
purā colkāmukho nāma nṛpaścāsīnmahāmatiḥ || 1||
jitendriya-ssatyavādī yayau devālaya-mprati |
dine dine dhana-ndattvā dvijān santoṣaya-thsudhīḥ || 2||
bhāryā tasya pramugdhā ca sarojavadanā satī |
bhadraśīlānadī tīre satyasyavratamācarat || 3||
etasminnantare tatra sādhureka-ssamāgataḥ |
vāṇijyārtha-mbahudhanairanekaiḥ paripūritaḥ || 4||
nāvaṃ saṃsthāpya tattīre jagāma nṛpati-mprati |
dṛṣṭvā sa vratina-mbhūpa-mprapaccha vinayānvitaḥ || 5||
sādhuruvāca |
kimida-ṅkuruṣe rāja-nbhaktiyuktena cetasā |
prakāśa-ṅkuru tatsarvaṃ śrotumicchāmi sāmpratam || 6||
rājovāca |
pūjana-ṅkriyate sādho viṣṇoratulatejasaḥ |
vrata-ñca svajanai-ssārdha-mputrādyāvāpti kāmyayā || 7||
bhūpasya vacanaṃ śrutvā sādhuḥ provāca sādaram |
sarva-ṅkathaya me rājan kariṣye-'ha-ntavoditam || 8||
mamāpi santatirnāsti hyetasmājjāyate dhruvam |
tato nivṛttya vāṇijyā-thsānando gṛhamāgataḥ || 9||
bhāryāyai kathitaṃ sarvaṃ-vra~taṃ santati dāyakam |
tadā vrata-ṅkariṣyāmi yadā me santatirbhavet || 10||
iti līlāvatī-mprāha patnīṃ sādhu-ssa sattamaḥ |
ekasmi-ndivase tasya bhāryā līlāvatī satī || 11|| (bhāryāṃ)
bhartṛyuktānandacittā-'bhavad dharmaparāyaṇā |
rgabhiṇī sā-'bhava-ttasya bhāryā satyaprasādataḥ || 12|| (sābhavat)
daśame māsi vai tasyāḥ kanyāratnamajāyata |
dine dine sā vavṛdhe śuklapakṣe yathā śaśī || 13||
nāmnā kalāvatī ceti tannāmakaraṇa-ṅkṛtam |
tato līlāvatī prāha svāmina-mmadhuraṃ-va~caḥ || 14||
na karoṣi kimarthaṃ-vai~ purā saṅkalpitaṃ-vra~tam |
sādhuruvāca |
vivāha samaye tvasyāḥ kariṣyāmi vrata-mpriye || 15||
iti bhāryāṃ samāśvāsya jagāma nagara-mprati |
tataḥ kalāvatī kanyā vavṛdhe pitṛveśmani || 16||
dṛṣṭvā kanyā-ntata-ssādhurnagare sakhibhi-ssaha |
mantrayitvā druta-ndūta-mpreṣayāmāsa dharmavit || 17||
vivāhārtha-ñca kanyāyā varaṃ śreṣṭhaṃ-vi~cāraya |
tenājñaptaśca dūto-'sau kāñcana-nnagaraṃ-ya~yau || 18||
tasmādekaṃ-va~ṇikputraṃ samādāyāgato hi saḥ |
dṛṣṭvā tu sundara-mbālaṃ-va~ṇikputra-ṅguṇānvitam || 19||
jñātibhirbandhubhi-ssārdha-mparituṣṭena cetasā |
dattāvān sādhuputrāya kanyāṃ-vi~dhividhānataḥ || 20|| (sādhuḥputrāya)
tato-'bhāgyavaśā-ttena vismṛtaṃ-vra~tamuttamam | (tatobhāgyavaśāt)
vivāhasamaye tasyāstena ruṣṭo bhava-tprabhuḥ || 21|| (ruṣṭo-'bhavat)
tataḥ kālena niyato nijakarma viśāradaḥ |
vāṇijyārtha-ntata-śśīghra-ñjāmātṛ sahito vaṇik || 22||
ratnasārapure ramye gatvā sindhu samīpataḥ |
vāṇijyamakaro-thsādhurjāmātrā śrīmatā saha || 23||
tau gatau nagare ramye candraketornṛpasya ca | (nagaretasya)
etasminneva kāle tu satyanārāyaṇaḥ prabhuḥ || 24||
bhraṣṭapratijñamālokya śāpa-ntasmai pradattavān |
dāruṇa-ṅkaṭhina-ñcāsya mahad duḥkha-mbhaviṣyati || 25||
ekasmindivase rājño dhanamādāya taskaraḥ |
tatraiva cāgata ścauro vaṇijau yatra saṃsthitau || 26||
tatpaścād dhāvakā-ndūtā-ndṛṣṭavā bhītena cetasā |
dhanaṃ saṃsthāpya tatraiva sa tu śīghramalakṣitaḥ || 27||
tato dūtāssamāyātā yatrāste sajjano vaṇik |
dṛṣṭvā nṛpadhana-ntatra baddhvā-''nītau vaṇiksutau || 28|| (baddhvānītau)
har​ṣeṇa dhāvamānāśca procurnṛpasamīpataḥ |
taskarau dvau samānītau vilokyājñāpaya prabho || 29||
rājñā-''jñaptāstata-śśīghra-ndṛḍha-mbaddhvā tu tā vubhau |
sthāpitau dvau mahādurge kārāgāre-'vicārataḥ || 30||
māyayā satyadevasya na śruta-ṅkaistayorvacaḥ |
atastayordhanaṃ rājñā gṛhīta-ñcandraketunā || 31||
tacchāpācca tayorgehe bhāryā caivāti duḥkhitā |
caureṇāpahṛtaṃ sarva-ṅgṛhe yacca sthita-ndhanam || 32||
ādhivyādhisamāyuktā kṣutpipāśāti duḥkhitā | (kṣutpipāsāti)
annacintāparā bhūtvā babhrāma ca gṛhe gṛhe |
kalāvatī tu kanyāpi babhrāma prativāsaram || 33||
ekasmi-ndivase yātā kṣudhārtā dvijamandiram | (divase jātā)
gatvā-'paśyad vrata-ntatra satyanārāyaṇasya ca || 34|| (gatvāpaśyad)
upaviśya kathāṃ śrutvā varaṃ rprāthitavatyapi |
prasāda bhakṣaṇa-ṅkṛtvā yayau rātrau gṛha-mprati || 35||
mātā kalāvatī-ṅkanyā-ṅkathayāmāsa premataḥ |
putri rātrau sthitā kutra ki-nte manasi vartate || 36||
kanyā kalāvatī prāha mātara-mprati satvaram |
dvijālaye vrata-mmātardṛṣṭaṃ-vā~ñchitasiddhidam || 37||
tacchrutvā kanyakā vākyaṃ-vra~ta-ṅkartuṃ samudyatā |
sā mudā tu vaṇigbhāryā satyanārāyaṇasya ca || 38||
vrata-ñcakre saiva sādhvī bandhubhi-ssvajanai-ssaha |
bhartṛjāmātarau kṣipramāgacchetāṃ svamāśramam || 39||
aparādha-ñca me bharturjāmātuḥ, kṣantumar​hasi |
vratenānena tuṣṭo-'sau satyanārāyaṇaḥ punaḥ || 40|| (tuṣṭosau)
dar​śayāmāsa svapnaṃ hī candraketu-nnṛpottamam |
bandinau mocaya prātarvaṇijau nṛpasattama || 41||
deya-ndhana-ñca tatsarva-ṅgṛhītaṃ-ya~-ttvayā-'dhunā | (tvayādhunā)
no ce-ttvā-nnāśayiṣyāmi sarājyadhanaputrakam || 42||
evamābhāṣya rājāna-ndhyānagamyo-'bhava-tprabhuḥ | (dhyānagamyobhavat)
tataḥ prabhātasamaye rājā ca svajanai-ssaha || 43||
upaviśya sabhāmadhye prāha svapna-ñjana-mprati |
baddhau mahājanau śīghra-mmocaya dvau vaṇiksutau || 44||
iti rājño vaca-śśrutvā mocayitvā mahājanau |
samānīya nṛpasyāgre prāhuste vinayānvitāḥ || 45||
ānītau dvau vaṇikputrau muktau nigaḍabandhanāt |
tato mahājanau natvā candraketu-nnṛpottamam || 46||
smarantau pūrva vṛttānta-nnocaturbhayavihvalau |
rājā vaṇiksutau vīkṣya vacaḥ provāca sādaram || 47||
devā-tprāpta-mmahadduḥkhamidānī-nnāsti vai bhayam |
tadā nigaḍasantyāga-ṅkṣaurakarmādyakārayat || 48||
vastrālaṅkāraka-ndattvā paritoṣya nṛpaśca tau |
puraskṛtya vaṇikputrau vacasā-'toṣayad bhṛśam || 49|| (vacasātoṣayadbhṛśam)
purānīta-ntu yad dravya-ndviguṇīkṛtya dattavān |
provāca ca tato rājā gaccha sādho nijāśramam || 50|| (provācatau)
rājāna-mpraṇipatyāha gantavya-ntvatprasādataḥ |
ityuktvā tau mahāvaiśyau jagmatu-ssvagṛha-mprati || 51|| (mahāvaiśyo)
|| iti śrīskānda purāṇe revākhaṇḍe śrīsatyanārāyaṇa vratakathāyā-ntṛtīyo-'dhyāyaḥ || 3 ||
atha caturtho-'dhyāyaḥ
sūta uvāca |
yātrā-ntu kṛtavān sādhurmaṅgalāyanapūrvikām |
brāhmaṇebhyo dhana-ndattvā tadā tu nagaraṃ-ya~yau || 1||
kiyad dūre gate sādho satyanārāyaṇaḥ prabhuḥ |
jijñāsā-ṅkṛtavān sādhau kimasti tava nausthitam || 2||
tato mahājanau mattau helayā ca prahasya vai | (matau)
katha-mpṛcchasi bho daṇḍi-nmudrā-nnetu-ṅkimicchasi || 3||
latāpatrādika-ñcaiva vartate taraṇau mama |
niṣṭhura-ñca vaca-śśrutvā satya-mbhavatu te vacaḥ || 4||
evamuktvā gata-śśīghra-ndaṇḍī tasya samīpataḥ |
kiyad dūre tato gatvā sthita-ssindhu samīpataḥ || 5||
gate daṇḍini sādhuśca kṛtanityakriyastadā |
utthitā-ntaraṇī-ndṛṣṭvā vismaya-mparamaṃ-ya~yau || 6||
dṛṣṭvā latādika-ñcaiva mūrcchito nyapatad bhuvi |
labdhasañjño vaṇikputrastataścintānvito-'bhavat || 7|| (vaṇikputrastataścintānvitobhavat)
tadā tu duhituḥ kānto vacana-ñcedamabravīt |
kimartha-ṅkriyate śoka-śśāpo dattaśca daṇḍinā || 8||
śakyate tena sarvaṃ hi kartu-ñcātra na saṃśayaḥ | (śakyatene na)
atastaccharaṇaṃ-yā~mo vāñchatārtho bhaviṣyati || 9|| (vāñchitārtho)
jāmāturvacanaṃ śrutvā tatsakāśa-ṅgatastadā |
dṛṣṭvā ca daṇḍina-mbhaktyā natvā provāca sādaram || 10||
kṣamasva cāparādha-mme yadukta-ntava sannidhau |
eva-mpunaḥ punarnatvā mahāśokākulo-'bhavat || 11|| (mahāśokākulobhavat)
provāca vacana-ndaṇḍī vilapantaṃ-vi~lokya ca |
mā rodī-śśṛṇumadvākya-mmama pūjābahirmukhaḥ || 12||
mamājñayā ca durbuddhe labdha-nduḥkha-mmuhurmuhuḥ |
tacchrutvā bhagavadvākyaṃ stuti-ṅkartuṃ samudyataḥ || 13||
sādhuruvāca |
tvanmāyāmohitā-ssarve brahmādyāstridivaukasaḥ |
na jānanti guṇā-nrūpa-ntavāścaryamida-mprabho || 14||
mūḍho-'ha-ntvā-ṅkatha-ñjāne mohitastavamāyayā | (mūḍhohaṃ)
prasīda pūjayiṣyāmi yathāvibhavavistaraiḥ || 15||
purā vitta-ñca ta-thsarva-ntrāhi māṃ śaraṇāgatam |
śrutvā bhaktiyutaṃ-vā~kya-mparituṣṭo janārdanaḥ || 16||
vara-ñca vāñchita-ndattvā tatraivāntardadhe hariḥ |
tato nāvaṃ samārūhya dṛṣṭvā vittaprapūritām || 17||
kṛpayā satyadevasya saphalaṃ-vā~ñchita-mmama |
ityuktvā svajanai-ssārdha-mpūjā-ṅkṛtvā yathāvidhi || 18||
har​ṣeṇa cābhava-tpūrṇassatyadevaprasādataḥ |
nāvaṃ saṃ​yo~jya yatnena svadeśagamana-ṅkṛtam || 19||
sādhurjāmātara-mprāha paśya ratnapurī-mmama |
dūta-ñca preṣayāmāsa nijavittasya rakṣakam || 20||
tato-'sau nagara-ṅgatvā sādhubhāryāṃ-vi~lokya ca | (dūtosau)
provāca vāñchitaṃ-vā~kya-nnatvā baddhāñjalistadā || 21||
nikaṭe nagarasyaiva jāmātrā sahito vaṇik |
āgato bandhuvargaiśca vittaiśca bahubhiryutaḥ || 22||
śrutvā dūtamukhādvākya-mmahāhar​ṣavatī satī |
satyapūjā-ntataḥ kṛtvā provāca tanujā-mprati || 23||
vrajāmi śīghramāgaccha sādhusandar​śanāya ca |
iti mātṛvaca-śśrutvā vrata-ṅkṛtvā samāpya ca || 24||
prasāda-ñca parityajya gatā sā-'pi pati-mprati | (sāpi)
tena ruṣṭā-ssatyadevo bhartāra-ntaraṇi-ntathā || 25|| (ruṣṭaḥ, taraṇīṃ)
saṃhṛtya ca dhanai-ssārdha-ñjale tasyāvamajjayat |
tataḥ kalāvatī kanyā na vilokya nija-mpatim || 26||
śokena mahatā tatra rudantī cāpatad bhuvi | (rudatī)
dṛṣṭvā tathāvidhā-nnāva-ṅkanyā-ñca bahuduḥkhitām || 27||
bhītena manasā sādhuḥ kimāścaryamida-mbhavet |
cintyamānāśca te sarve babhūvustarivāhakāḥ || 28||
tato līlāvatī kanyā-ndṛṣṭvā sā vihvalā-'bhavat |
vilalāpātiduḥkhena bhartāra-ñcedamabravīta || 29||
idānī-nnaukayā sārdha-ṅkathaṃ so-'bhūdalakṣitaḥ |
na jāne kasya devasya helayā caiva sā hṛtā || 30||
satyadevasya māhātmya-ñjñātuṃ-vā~ kena śakyate |
ityuktvā vilalāpaiva tataśca svajanai-ssaha || 31||
tato līlāvatī kanyā-ṅkrauḍe kṛtvā ruroda ha |
tataḥkalāvatī kanyā naṣṭe svāmini duḥkhitā || 32||
gṛhītvā pāduke tasyānugatu-ñca manodadhe | (pādukāṃ)
kanyāyāścarita-ndṛṣṭvā sabhārya-ssajjano vaṇik || 33||
atiśokena santaptaścintayāmāsa dharmavit |
hṛtaṃ-vā~ satyadevena bhrānto-'haṃ satyamāyayā || 34||
satyapūjā-ṅkariṣyāmi yathāvibhavavistaraiḥ |
iti sarvān samāhūya kathayitvā manoratham || 35||
natvā ca daṇḍavad bhūmau satyadeva-mpunaḥ punaḥ |
tatastuṣṭa-ssatyadevo dīnānā-mparipālakaḥ || 36||
jagāda vacana-ñcaina-ṅkṛpayā bhaktavatsalaḥ |
tyaktvā prasāda-nte kanyā pati-ndraṣṭuṃ samāgatā || 37||
ato-'dṛṣṭo-'bhavattasyāḥ kanyakāyāḥ patirdhruvam |
gṛha-ṅgatvā prasāda-ñca bhuktvā sā-''yāti cetpunaḥ || 38|| (sāyāti)
labdhabhartrī sutā sādho bhaviṣyati na saṃśayaḥ |
kanyakā tādṛśaṃ-vā~kyaṃ śrutvā gaganamaṇḍalāt || 39||
kṣipra-ntadā gṛha-ṅgatvā prasāda-ñca bubhoja sā |
paścā-thsā punarāgatya dadar​śa svajana-mpatim || 40|| (sāpaścātpunarāgatya, sajanaṃ)
tataḥ kalāvatī kanyā jagāda pitara-mprati |
idānī-ñca gṛhaṃ-yā~hi vilamba-ṅkuruṣe katham || 41||
tacchrutvā kanyakāvākyaṃ santuṣṭo-'bhūdvaṇiksutaḥ |
pūjanaṃ satyadevasya kṛtvā vidhividhānataḥ || 42||
dhanairbandhugaṇai-ssārdha-ñjagāma nijamandiram |
paurṇamāsyā-ñca saṅkrāntau kṛtavān satyasya pūjanam || 43|| (satyapūjanam)
ihaloke sukha-mbhuktvā cānte satyapuraṃ-ya~yau || 44||
|| iti śrīskānda purāṇe revākhaṇḍe śrīsatyanārāyaṇa vratakathāyā-ñcaturtho-'dhyāyaḥ || 4 ||
atha pañcamo-'dhyāyaḥ
sūta uvāca |
athānyacca pravakṣyāmi śruṇudhva-mmunisattamāḥ |
āsī-ttuṅgadhvajo rājā prajāpālanatatparaḥ || 1||
prasādaṃ satyadevasya tyaktvā duḥkhamavāpa saḥ |
ekadā sa vana-ṅgatvā hatvā bahuvidhā-npaśūn || 2||
āgatya vaṭamūla-ñca dṛṣṭvā satyasya pūjanam | (cāpaśyat)
gopāḥ kurvanti santuṣṭā bhaktiyuktā-ssa bāndhavāḥ || 3||
rājā dṛṣṭvā tu darpeṇa na gato na nanāma saḥ |
tato gopagaṇā-ssarve prasāda-nnṛpasannidhau || 4||
saṃsthāpya punarāgatya bhuktatvā sarve yathepsitam |
tataḥ prasādaṃ santyajya rājā duḥkhamavāpa saḥ || 5||
tasya putraśata-nnaṣṭa-ndhanadhānyādika-ñca yat |
satyadevena tatsarva-nnāśita-mmama niścitam || 6||
atastatraiva gacchāmi yatra devasya pūjanam |
manasā tu viniścitya yayau gopālasannidhau || 7||
tato-'sau satyadevasya pūjā-ṅgopagaṇaissaha |
bhaktiśraddhānvito bhūtvā cakāra vidhinā nṛpaḥ || 8||
satyadevaprasādena dhanaputrānvito-'bhavat |
ihaloke sukha-mbhuktatvā cānte satyapuraṃ-ya~yau || 9||
ya ida-ṅkurute satyavrata-mparamadurlabham |
śṛṇoti ca kathā-mpuṇyā-mbhaktiyuktaḥ phalapradām || 10||
dhanadhānyādika-ntasya bhave-thsatyaprasādataḥ |
daridro labhate vitta-mbaddho mucyeta bandhanāt || 11||
bhīto bhayā-tpramucyeta satyameva na saṃśayaḥ |
īpsita-ñca phala-mbhuktvā cānte satyapuraṃ​vra~jet || 12||
iti vaḥ kathitaṃ-vi~prā-ssatyanārāyaṇavratam |
ya-tkṛtvā sarvaduḥkhebhyo mukto bhavati mānavaḥ || 13||
viśeṣataḥ kaliyuge satyapūjā phalapradā |
keci-tkālaṃ-va~diṣyanti satyamīśa-ntameva ca || 14||
satyanārāyaṇa-ṅkeci-thsatyadeva-ntathāpare |
nānārūpadharo bhūtvā sarveṣāmīpsitapradam || 15|| (sarveṣāmīpsitapradaḥ)
bhaviṣyati kalau satyavratarūpī sanātanaḥ |
śrīviṣṇunā dhṛtaṃ rūpaṃ sarveṣāmīpsitapradam || 16||
ya ida-mpaṭhate nityaṃ śṛṇoti munisattamāḥ |
tasya naśyanti pāpāni satyadevaprasādataḥ || 17||
vrataṃ-yai~stu kṛta-mpūrvaṃ satyanārāyaṇasya ca |
teṣā-ntvaparajanmāni kathayāmi munīśvarāḥ || 18||
śatānandomahāprājñassudāmābrāhmaṇo hyabhūt |
tasmiñjanmani śrīkṛṣṇa-ndhyātvā mokṣamavāpa ha || 19||
kāṣṭhabhāravaho bhillo guharājo babhūva ha |
tasmiñjanmani śrīrāmaṃ sevya mokṣa-ñjagāma vai || 20||
ulkāmukho mahārājo nṛpo daśaratho-'bhavat |
śrīraṅganāthaṃ sampūjya śrīvaikuṇṭha-ntadāgamat || 21|| (śrīrāmacandrasamprāpya)
rdhāmika-ssatyasandhaśca sādhurmoradhvajo-'bhavat | (sādhurmoradhvajobhavat)
dehārdha-ṅkrakacaiśchittvā datvā mokṣamavāpa ha || 22||
tuṅgadhvajo mahārāja-ssvāyambhuvo-'bhava-tkila | (svāyambhūrabhavat)
sarvā-nbhāgavatān kṛtvā śrīvaikuṇṭha-ntadā-'gamat || 23|| (kṛttvā, tadāgamat)
bhūtvā gopāśca te sarve vrajamaṇḍalavāsinaḥ |
nihatya rākṣasān sarvā-ngoloka-ntu tadā yayuḥ || 24||
|| iti śrīskāndapurāṇe revākhaṇḍe śrīsatyanārāyaṇa vratakathāyā-mpañcamo-'dhyāyaḥ || 5 ||
InfoLyter.in — Sacred Vedic Knowledge Portal · Free forever