📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌰𑌙𑍍𑌗𑌨𑌾𑌥 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Shri Ranganatha Ashtottara Shata Nama Stotram
Vishnu Ashtottara Sata Namavali Grantha
𑌅𑌸𑍍𑌯 𑌶𑍍𑌰𑍀𑌰𑌙𑍍𑌗𑌨𑌾𑌥𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌮𑌹𑌾𑌮𑌨𑍍𑌤𑍍𑌰𑌸𑍍𑌯 𑌵𑍇𑌦𑌵𑍍𑌯𑌾𑌸𑍋 𑌭𑌗𑌵𑌾𑌨𑍃𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌨𑍍𑌦𑌃 𑌭𑌗𑌵𑌾𑌨𑍍 𑌶𑍍𑌰𑍀𑌮𑌹𑌾𑌵𑌿𑌷𑍍𑌣𑍁𑌰𑍍𑌦𑍇𑌵𑌤𑌾, 𑌶𑍍𑌰𑍀𑌰𑌙𑍍𑌗𑌶𑌾𑌯𑍀𑌤𑌿 𑌬𑍀𑌜𑌂 𑌶𑍍𑌰𑍀𑌕𑌾𑌨𑍍𑌤 𑌇𑌤𑌿 𑌶𑌕𑍍𑌤𑌿𑌃 𑌶𑍍𑌰𑍀𑌪𑍍𑌰𑌦 𑌇𑌤𑌿 𑌕𑍀𑌲𑌕𑌂 𑌮𑌮 𑌸𑌮𑌸𑍍𑌤𑌪𑌾𑌪𑌨𑌾𑌶𑌾𑌰𑍍𑌥𑍇 𑌶𑍍𑌰𑍀𑌰𑌙𑍍𑌗𑌰𑌾𑌜𑌪𑍍𑌰𑌸𑌾𑌦 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌧𑍗𑌮𑍍𑌯 𑌉𑌵𑌾𑌚 ।
𑌶𑍍𑌰𑍀𑌰𑌙𑍍𑌗𑌶𑌾𑌯𑍀 𑌶𑍍𑌰𑍀𑌕𑌾𑌨𑍍𑌤𑌃 𑌶𑍍𑌰𑍀𑌪𑍍𑌰𑌦𑌃 𑌶𑍍𑌰𑌿𑌤𑌵𑌤𑍍𑌸𑌲𑌃 ।
𑌅𑌨𑌨𑍍𑌤𑍋 𑌮𑌾𑌧𑌵𑍋 𑌜𑍇𑌤𑌾 𑌜𑌗𑌨𑍍𑌨𑌾𑌥𑍋 𑌜𑌗𑌦𑍍𑌗𑍁𑌰𑍁𑌃 ॥ 1 ॥
𑌸𑍁𑌰𑌵𑌰𑍍𑌯𑌃 𑌸𑍁𑌰𑌾𑌰𑌾𑌧𑍍𑌯𑌃 𑌸𑍁𑌰𑌰𑌾𑌜𑌾𑌨𑍁𑌜𑌃 𑌪𑍍𑌰𑌭𑍁𑌃 ।
𑌹𑌰𑌿𑌰𑍍𑌹𑌤𑌾𑌰𑌿𑌰𑍍𑌵𑌿𑌶𑍍𑌵𑍇𑌶𑌃 𑌶𑌾𑌶𑍍𑌵𑌤𑌃 𑌶𑌮𑍍𑌭𑍁𑌰𑌵𑍍𑌯𑌯𑌃 ॥ 2 ॥
𑌭𑌕𑍍𑌤𑌾𑌰𑍍𑌤𑌿𑌭𑌞𑍍𑌜𑌨𑍋 𑌵𑌾𑌗𑍍𑌮𑍀 𑌵𑍀𑌰𑍋 𑌵𑌿𑌖𑍍𑌯𑌾𑌤𑌕𑍀𑌰𑍍𑌤𑌿𑌮𑌾𑌨𑍍 ।
𑌭𑌾𑌸𑍍𑌕𑌰𑌃 𑌶𑌾𑌸𑍍𑌤𑍍𑌰𑌤𑌤𑍍𑌤𑍍𑌵𑌜𑍍𑌞𑍋 𑌦𑍈𑌤𑍍𑌯𑌶𑌾𑌸𑍍𑌤𑌾𑌽𑌮𑌰𑍇𑌶𑍍𑌵𑌰𑌃 ॥ 3 ॥
𑌨𑌾𑌰𑌾𑌯𑌣𑍋 𑌨𑌰𑌹𑌰𑌿𑌰𑍍𑌨𑍀𑌰𑌜𑌾𑌕𑍍𑌷𑍋 𑌨𑌰𑌪𑍍𑌰𑌿𑌯𑌃 ।
𑌬𑍍𑌰𑌹𑍍𑌮𑌣𑍍𑌯𑍋 𑌬𑍍𑌰𑌹𑍍𑌮𑌕𑍃𑌦𑍍𑌬𑍍𑌰𑌹𑍍𑌮𑌾 𑌬𑍍𑌰𑌹𑍍𑌮𑌾𑌙𑍍𑌗𑍋 𑌬𑍍𑌰𑌹𑍍𑌮𑌪𑍂𑌜𑌿𑌤𑌃 ॥ 4 ॥
𑌕𑍃𑌷𑍍𑌣𑌃 𑌕𑍃𑌤𑌜𑍍𑌞𑍋 𑌗𑍋𑌵𑌿𑌨𑍍𑌦𑍋 𑌹𑍃𑌷𑍀𑌕𑍇𑌶𑍋𑌽𑌘𑌨𑌾𑌶𑌨𑌃 ।
𑌵𑌿𑌷𑍍𑌣𑍁𑌰𑍍𑌜𑌿𑌷𑍍𑌣𑍁𑌰𑍍𑌜𑌿𑌤𑌾𑌰𑌾𑌤𑌿𑌃 𑌸𑌜𑍍𑌜𑌨𑌪𑍍𑌰𑌿𑌯 𑌈𑌶𑍍𑌵𑌰𑌃 ॥ 5 ॥
𑌤𑍍𑌰𑌿𑌵𑌿𑌕𑍍𑌰𑌮𑌸𑍍𑌤𑍍𑌰𑌿𑌲𑍋𑌕𑍇𑌶𑌃 𑌤𑍍𑌰𑌯𑍍𑌯𑌰𑍍𑌥𑌸𑍍𑌤𑍍𑌰𑌿𑌗𑍁𑌣𑌾𑌤𑍍𑌮𑌕𑌃 ।
𑌕𑌾𑌕𑍁𑌤𑍍𑌸𑍍𑌥𑌃 𑌕𑌮𑌲𑌾𑌕𑌾𑌨𑍍𑌤𑌃 𑌕𑌾𑌲𑍀𑌯𑍋𑌰𑌗𑌮𑌰𑍍𑌦𑌨𑌃 ॥ 6 ॥
𑌕𑌾𑌲𑌾𑌮𑍍𑌬𑍁𑌦𑌶𑍍𑌯𑌾𑌮𑌲𑌾𑌙𑍍𑌗𑌃 𑌕𑍇𑌶𑌵𑌃 𑌕𑍍𑌲𑍇𑌶𑌨𑌾𑌶𑌨𑌃 ।
𑌕𑍇𑌶𑌿𑌪𑍍𑌰𑌭𑌞𑍍𑌜𑌨𑌃 𑌕𑌾𑌨𑍍𑌤𑍋 𑌨𑌨𑍍𑌦𑌸𑍂𑌨𑍁𑌰𑌰𑌿𑌨𑍍𑌦𑌮𑌃 ॥ 7 ॥
𑌰𑍁𑌕𑍍𑌮𑌿𑌣𑍀𑌵𑌲𑍍𑌲𑌭𑌃 𑌶𑍗𑌰𑌿𑌰𑍍𑌬𑌲𑌭𑌦𑍍𑌰𑍋 𑌬𑌲𑌾𑌨𑍁𑌜𑌃 ।
𑌦𑌾𑌮𑍋𑌦𑌰𑍋 𑌹𑍃𑌷𑍀𑌕𑍇𑌶𑍋 𑌵𑌾𑌮𑌨𑍋 𑌮𑌧𑍁𑌸𑍂𑌦𑌨𑌃 ॥ 8 ॥
𑌪𑍂𑌤𑌃 𑌪𑍁𑌣𑍍𑌯𑌜𑌨𑌧𑍍𑌵𑌂𑌸𑍀 𑌪𑍁𑌣𑍍𑌯𑌶𑍍𑌲𑍋𑌕𑌶𑌿𑌖𑌾𑌮𑌣𑌿𑌃 ।
𑌆𑌦𑌿𑌮𑍂𑌰𑍍𑌤𑌿𑌰𑍍𑌦𑌯𑌾𑌮𑍂𑌰𑍍𑌤𑌿𑌃 𑌶𑌾𑌨𑍍𑌤𑌮𑍂𑌰𑍍𑌤𑌿𑌰𑌮𑍂𑌰𑍍𑌤𑌿𑌮𑌾𑌨𑍍 ॥ 9 ॥
𑌪𑌰𑌮𑍍𑌬𑍍𑌰𑌹𑍍𑌮 𑌪𑌰𑌨𑍍𑌧𑌾𑌮 𑌪𑌾𑌵𑌨𑌃 𑌪𑌵𑌨𑍋 𑌵𑌿𑌭𑍁𑌃 ।
𑌚𑌨𑍍𑌦𑍍𑌰𑌶𑍍𑌛𑌨𑍍𑌦𑍋𑌮𑌯𑍋 𑌰𑌾𑌮𑌃 𑌸𑌂𑌸𑌾𑌰𑌾𑌮𑍍𑌬𑍁𑌧𑌿𑌤𑌾𑌰𑌕𑌃 ॥ 10 ॥
𑌆𑌦𑌿𑌤𑍇𑌯𑍋𑌽𑌚𑍍𑌯𑍁𑌤𑍋 𑌭𑌾𑌨𑍁𑌃 𑌶𑌙𑍍𑌕𑌰𑌶𑍍𑌶𑌿𑌵 𑌊𑌰𑍍𑌜𑌿𑌤𑌃 ।
𑌮𑌹𑍇𑌶𑍍𑌵𑌰𑍋 𑌮𑌹𑌾𑌯𑍋𑌗𑍀 𑌮𑌹𑌾𑌶𑌕𑍍𑌤𑌿𑌰𑍍𑌮𑌹𑌤𑍍𑌪𑍍𑌰𑌿𑌯𑌃 ॥ 11 ॥
𑌦𑍁𑌰𑍍𑌜𑌨𑌧𑍍𑌵𑌂𑌸𑌕𑍋𑌽𑌶𑍇𑌷𑌸𑌜𑍍𑌜𑌨𑍋𑌪𑌾𑌸𑍍𑌤𑌸𑌤𑍍𑌫𑌲𑌮𑍍 ।
𑌪𑌕𑍍𑌷𑍀𑌨𑍍𑌦𑍍𑌰𑌵𑌾𑌹𑌨𑍋𑌽𑌕𑍍𑌷𑍋𑌭𑍍𑌯𑌃 𑌕𑍍𑌷𑍀𑌰𑌾𑌬𑍍𑌧𑌿𑌶𑌯𑌨𑍋 𑌵𑌿𑌧𑍁𑌃 ॥ 12 ॥
𑌜𑌨𑌾𑌰𑍍𑌦𑌨𑍋 𑌜𑌗𑌦𑍍𑌧𑍇𑌤𑍁𑌰𑍍𑌜𑌿𑌤𑌮𑌨𑍍𑌮𑌥𑌵𑌿𑌗𑍍𑌰𑌹𑌃 ।
𑌚𑌕𑍍𑌰𑌪𑌾𑌣𑌿𑌃 𑌶𑌙𑍍𑌖𑌧𑌾𑌰𑍀 𑌶𑌾𑌰𑍍𑌙𑍍𑌗𑍀 𑌖𑌡𑍍𑌗𑍀 𑌗𑌦𑌾𑌧𑌰𑌃 ॥ 13 ॥
𑌏𑌵𑌂 𑌵𑌿𑌷𑍍𑌣𑍋𑌶𑍍𑌶𑌤𑌂 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌮𑌿𑌹𑍇𑌰𑌿𑌤𑌮𑍍 ।
𑌸𑍍𑌤𑍋𑌤𑍍𑌰𑌾𑌣𑌾𑌮𑍁𑌤𑍍𑌤𑌮𑌂 𑌗𑍁𑌹𑍍𑌯𑌂 𑌨𑌾𑌮𑌰𑌤𑍍𑌨𑌸𑍍𑌤𑌵𑌾𑌭𑌿𑌧𑌮𑍍 ॥ 14 ॥
𑌸𑌰𑍍𑌵𑌦𑌾 𑌸𑌰𑍍𑌵𑌰𑍋𑌗𑌘𑍍𑌨𑌂 𑌚𑌿𑌨𑍍𑌤𑌿𑌤𑌾𑌰𑍍𑌥𑌫𑌲𑌪𑍍𑌰𑌦𑌮𑍍 ।
𑌤𑍍𑌵𑌂 𑌤𑍁 𑌶𑍀𑌘𑍍𑌰𑌂 𑌮𑌹𑌾𑌰𑌾𑌜 𑌗𑌚𑍍𑌛 𑌰𑌙𑍍𑌗𑌸𑍍𑌥𑌲𑌂 𑌶𑍁𑌭𑌮𑍍 ॥ 15 ॥
𑌸𑍍𑌨𑌾𑌤𑍍𑌵𑌾 𑌤𑍁𑌲𑌾𑌰𑍍𑌕𑍇 𑌕𑌾𑌵𑍇𑌰𑍍𑌯𑌾𑌂 𑌮𑌾𑌹𑌾𑌤𑍍𑌮𑍍𑌯 𑌶𑍍𑌰𑌵𑌣𑌂 𑌕𑍁𑌰𑍁 ।
𑌗𑌵𑌾𑌶𑍍𑌵𑌵𑌸𑍍𑌤𑍍𑌰𑌧𑌾𑌨𑍍𑌯𑌾𑌨𑍍𑌨𑌭𑍂𑌮𑌿𑌕𑌨𑍍𑌯𑌾𑌪𑍍𑌰𑌦𑍋 𑌭𑌵 ॥ 16 ॥
𑌦𑍍𑌵𑌾𑌦𑌶𑍍𑌯𑌾𑌂 𑌪𑌾𑌯𑌸𑌾𑌨𑍍𑌨𑍇𑌨 𑌸𑌹𑌸𑍍𑌰𑌂 𑌦𑌶 𑌭𑍋𑌜𑌯 ।
𑌨𑌾𑌮𑌰𑌤𑍍𑌨𑌸𑍍𑌤𑌵𑌾𑌖𑍍𑌯𑍇𑌨 𑌵𑌿𑌷𑍍𑌣𑍋𑌰𑌷𑍍𑌟𑌶𑌤𑍇𑌨 𑌚 ।
𑌸𑍍𑌤𑍁𑌤𑍍𑌵𑌾 𑌶𑍍𑌰𑍀𑌰𑌙𑍍𑌗𑌨𑌾𑌥𑌂 𑌤𑍍𑌵𑌮𑌭𑍀𑌷𑍍𑌟𑌫𑌲𑌮𑌾𑌪𑍍𑌨𑍁𑌹𑌿 ॥ 17 ॥
𑌇𑌤𑌿 𑌤𑍁𑌲𑌾𑌕𑌾𑌵𑍇𑌰𑍀𑌮𑌾𑌹𑌾𑌤𑍍𑌮𑍍𑌯𑍇 𑌶𑌨𑍍𑌤𑌨𑍁𑌂 𑌪𑍍𑌰𑌤𑌿 𑌧𑍗𑌮𑍍𑌯𑍋𑌪𑌦𑌿𑌷𑍍𑌟 𑌶𑍍𑌰𑍀𑌰𑌙𑍍𑌗𑌨𑌾𑌥𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
asya śrīraṅganāthāṣṭottaraśatanāmastotramahāmantrasya vedavyāso bhagavānṛṣiḥ anuṣṭupchandaḥ bhagavān śrīmahāviṣṇurdevatā, śrīraṅgaśāyīti bījaṃ śrīkānta iti śaktiḥ śrīprada iti kīlakaṃ mama samastapāpanāśārthe śrīraṅgarājaprasāda siddhyarthe jape viniyogaḥ |
dhaumya uvāca |
śrīraṅgaśāyī śrīkāntaḥ śrīpradaḥ śritavatsalaḥ |
ananto mādhavo jetā jagannātho jagadguruḥ || 1 ||
suravaryaḥ surārādhyaḥ surarājānujaḥ prabhuḥ |
harirhatārirviśveśaḥ śāśvataḥ śambhuravyayaḥ || 2 ||
bhaktārtibhañjano vāgmī vīro vikhyātakīrtimān |
bhāskaraḥ śāstratattvajño daityaśāstā'mareśvaraḥ || 3 ||
nārāyaṇo naraharirnīrajākṣo narapriyaḥ |
brahmaṇyo brahmakṛdbrahmā brahmāṅgo brahmapūjitaḥ || 4 ||
kṛṣṇaḥ kṛtajño govindo hṛṣīkeśo'ghanāśanaḥ |
viṣṇurjiṣṇurjitārātiḥ sajjanapriya īśvaraḥ || 5 ||
trivikramastrilokeśaḥ trayyarthastriguṇātmakaḥ |
kākutsthaḥ kamalākāntaḥ kālīyoragamardanaḥ || 6 ||
kālāmbudaśyāmalāṅgaḥ keśavaḥ kleśanāśanaḥ |
keśiprabhañjanaḥ kānto nandasūnurarindamaḥ || 7 ||
rukmiṇīvallabhaḥ śaurirbalabhadro balānujaḥ |
dāmodaro hṛṣīkeśo vāmano madhusūdanaḥ || 8 ||
pūtaḥ puṇyajanadhvaṃsī puṇyaślokaśikhāmaṇiḥ |
ādimūrtirdayāmūrtiḥ śāntamūrtiramūrtimān || 9 ||
parambrahma parandhāma pāvanaḥ pavano vibhuḥ |
candraśchandomayo rāmaḥ saṃsārāmbudhitārakaḥ || 10 ||
āditeyo'cyuto bhānuḥ śaṅkaraśśiva ūrjitaḥ |
maheśvaro mahāyogī mahāśaktirmahatpriyaḥ || 11 ||
durjanadhvaṃsako'śeṣasajjanopāstasatphalam |
pakṣīndravāhano'kṣobhyaḥ kṣīrābdhiśayano vidhuḥ || 12 ||
janārdano jagaddheturjitamanmathavigrahaḥ |
cakrapāṇiḥ śaṅkhadhārī śārṅgī khaḍgī gadādharaḥ || 13 ||
evaṃ viṣṇośśataṃ nāmnāmaṣṭottaramiheritam |
stotrāṇāmuttamaṃ guhyaṃ nāmaratnastavābhidham || 14 ||
sarvadā sarvarogaghnaṃ cintitārthaphalapradam |
tvaṃ tu śīghraṃ mahārāja gaccha raṅgasthalaṃ śubham || 15 ||
snātvā tulārke kāveryāṃ māhātmya śravaṇaṃ kuru |
gavāśvavastradhānyānnabhūmikanyāprado bhava || 16 ||
dvādaśyāṃ pāyasānnena sahasraṃ daśa bhojaya |
nāmaratnastavākhyena viṣṇoraṣṭaśatena ca |
stutvā śrīraṅganāthaṃ tvamabhīṣṭaphalamāpnuhi || 17 ||
iti tulākāverīmāhātmye śantanuṃ prati dhaumyopadiṣṭa śrīraṅganāthāṣṭottaraśatanāma stotram |
InfoLyter.in — Sacred Vedic Knowledge Portal · Free forever