📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌰𑌾𑌮 𑌕𑌵𑌚𑌮𑍍
Shri Rama Kavacham
Rama Kavacham Grantha
𑌅𑌗𑌸𑍍𑌤𑌿𑌰𑍁𑌵𑌾𑌚
𑌆𑌜𑌾𑌨𑍁𑌬𑌾𑌹𑍁𑌮𑌰𑌵𑌿𑌨𑍍𑌦𑌦𑌲𑌾𑌯𑌤𑌾𑌕𑍍𑌷-
-𑌮𑌾𑌜𑌨𑍍𑌮𑌶𑍁𑌦𑍍𑌧𑌰𑌸𑌹𑌾𑌸𑌮𑍁𑌖𑌪𑍍𑌰𑌸𑌾𑌦𑌮𑍍 ।
𑌶𑍍𑌯𑌾𑌮𑌂 𑌗𑍃𑌹𑍀𑌤 𑌶𑌰𑌚𑌾𑌪𑌮𑍁𑌦𑌾𑌰𑌰𑍂𑌪𑌂
𑌰𑌾𑌮𑌂 𑌸𑌰𑌾𑌮𑌮𑌭𑌿𑌰𑌾𑌮𑌮𑌨𑍁𑌸𑍍𑌮𑌰𑌾𑌮𑌿 ॥ 1 ॥
𑌅𑌸𑍍𑌯 𑌶𑍍𑌰𑍀𑌰𑌾𑌮𑌕𑌵𑌚𑌸𑍍𑌯 𑌅𑌗𑌸𑍍𑌤𑍍𑌯 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃 𑌸𑍀𑌤𑌾𑌲𑌕𑍍𑌷𑍍𑌮𑌣𑍋𑌪𑍇𑌤𑌃 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑍋 𑌦𑍇𑌵𑌤𑌾 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌅𑌥 𑌧𑍍𑌯𑌾𑌨𑌂
𑌨𑍀𑌲𑌜𑍀𑌮𑍂𑌤𑌸𑌙𑍍𑌕𑌾𑌶𑌂 𑌵𑌿𑌦𑍍𑌯𑍁𑌦𑍍𑌵𑌰𑍍𑌣𑌾𑌮𑍍𑌬𑌰𑌾𑌵𑍃𑌤𑌮𑍍 ।
𑌕𑍋𑌮𑌲𑌾𑌙𑍍𑌗𑌂 𑌵𑌿𑌶𑌾𑌲𑌾𑌕𑍍𑌷𑌂 𑌯𑍁𑌵𑌾𑌨𑌮𑌤𑌿𑌸𑍁𑌨𑍍𑌦𑌰𑌮𑍍 ॥ 1 ॥
𑌸𑍀𑌤𑌾𑌸𑍗𑌮𑌿𑌤𑍍𑌰𑌿𑌸𑌹𑌿𑌤𑌂 𑌜𑌟𑌾𑌮𑍁𑌕𑍁𑌟𑌧𑌾𑌰𑌿𑌣𑌮𑍍 ।
𑌸𑌾𑌸𑌿𑌤𑍂𑌣𑌧𑌨𑍁𑌰𑍍𑌬𑌾𑌣𑌪𑌾𑌣𑌿𑌂 𑌦𑌾𑌨𑌵𑌮𑌰𑍍𑌦𑌨𑌮𑍍 ॥ 2 ॥
𑌯𑌦𑌾 𑌚𑍋𑌰𑌭𑌯𑍇 𑌰𑌾𑌜𑌭𑌯𑍇 𑌶𑌤𑍍𑌰𑍁𑌭𑌯𑍇 𑌤𑌥𑌾 ।
𑌧𑍍𑌯𑌾𑌤𑍍𑌵𑌾 𑌰𑌘𑍁𑌪𑌤𑌿𑌂 𑌕𑍍𑌰𑍁𑌦𑍍𑌧𑌂 𑌕𑌾𑌲𑌾𑌨𑌲𑌸𑌮𑌪𑍍𑌰𑌭𑌮𑍍 ॥ 3 ॥
𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌧𑌰𑌂 𑌭𑌸𑍍𑌮𑍋𑌦𑍍𑌧𑍂𑌲𑌿𑌤𑌵𑌿𑌗𑍍𑌰𑌹𑌮𑍍 ।
𑌆𑌕𑌰𑍍𑌣𑌾𑌕𑍃𑌷𑍍𑌟𑌵𑌿𑌶𑌿𑌖𑌕𑍋𑌦𑌣𑍍𑌡𑌭𑍁𑌜𑌮𑌣𑍍𑌡𑌿𑌤𑌮𑍍 ॥ 4 ॥
𑌰𑌣𑍇 𑌰𑌿𑌪𑍂𑌨𑍍 𑌰𑌾𑌵𑌣𑌾𑌦𑍀𑌂𑌸𑍍𑌤𑍀𑌕𑍍𑌷𑍍𑌣𑌮𑌾𑌰𑍍𑌗𑌣𑌵𑍃𑌷𑍍𑌟𑌿𑌭𑌿𑌃 ।
𑌸𑌂𑌹𑌰𑌨𑍍𑌤𑌂 𑌮𑌹𑌾𑌵𑍀𑌰𑌮𑍁𑌗𑍍𑌰𑌮𑍈𑌨𑍍𑌦𑍍𑌰𑌰𑌥𑌸𑍍𑌥𑌿𑌤𑌮𑍍 ॥ 5 ॥
𑌲𑌕𑍍𑌷𑍍𑌮𑌣𑌾𑌦𑍍𑌯𑍈𑌰𑍍𑌮𑌹𑌾𑌵𑍀𑌰𑍈𑌰𑍍𑌵𑍃𑌤𑌂 𑌹𑌨𑍁𑌮𑌦𑌾𑌦𑌿𑌭𑌿𑌃 ।
𑌸𑍁𑌗𑍍𑌰𑍀𑌵𑌾𑌦𑍍𑌯𑍈𑌰𑍍𑌮𑌾𑌹𑌾𑌵𑍀𑌰𑍈𑌃 𑌶𑍈𑌲𑌵𑍃𑌕𑍍𑌷𑌕𑌰𑍋𑌦𑍍𑌯𑌤𑍈𑌃 ॥ 6 ॥
𑌵𑍇𑌗𑌾𑌤𑍍𑌕𑌰𑌾𑌲𑌹𑍁𑌙𑍍𑌕𑌾𑌰𑍈𑌰𑍍𑌭𑍁𑌭𑍁𑌕𑍍𑌕𑌾𑌰𑌮𑌹𑌾𑌰𑌵𑍈𑌃 ।
𑌨𑌦𑌦𑍍𑌭𑌿𑌃 𑌪𑌰𑌿𑌵𑌾𑌦𑌦𑍍𑌭𑌿𑌃 𑌸𑌮𑌰𑍇 𑌰𑌾𑌵𑌣𑌂 𑌪𑍍𑌰𑌤𑌿 ॥ 7 ॥
𑌶𑍍𑌰𑍀𑌰𑌾𑌮 𑌶𑌤𑍍𑌰𑍁𑌸𑌙𑍍𑌘𑌾𑌨𑍍𑌮𑍇 𑌹𑌨 𑌮𑌰𑍍𑌦𑌯 𑌖𑌾𑌦𑌯 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌦𑍀𑌨𑍍 𑌶𑍍𑌰𑍀𑌰𑌾𑌮𑌾𑌶𑍁 𑌵𑌿𑌨𑌾𑌶𑌯 ॥ 8 ॥
𑌏𑌵𑌂 𑌧𑍍𑌯𑌾𑌤𑍍𑌵𑌾 𑌜𑌪𑍇𑌦𑍍𑌰𑌾𑌮𑌕𑌵𑌚𑌂 𑌸𑌿𑌦𑍍𑌧𑌿𑌦𑌾𑌯𑌕𑌮𑍍 ।
𑌸𑍁𑌤𑍀𑌕𑍍𑌷𑍍𑌣 𑌵𑌜𑍍𑌰𑌕𑌵𑌚𑌂 𑌶𑍃𑌣𑍁 𑌵𑌕𑍍𑌷𑍍𑌯𑌾𑌮𑍍𑌯𑌨𑍁𑌤𑍍𑌤𑌮𑌮𑍍 ॥ 9 ॥
𑌅𑌥 𑌕𑌵𑌚𑌮𑍍
𑌶𑍍𑌰𑍀𑌰𑌾𑌮𑌃 𑌪𑌾𑌤𑍁 𑌮𑍇 𑌮𑍂𑌰𑍍𑌧𑍍𑌨𑌿 𑌪𑍂𑌰𑍍𑌵𑍇 𑌚 𑌰𑌘𑍁𑌵𑌂𑌶𑌜𑌃 ।
𑌦𑌕𑍍𑌷𑌿𑌣𑍇 𑌮𑍇 𑌰𑌘𑍁𑌵𑌰𑌃 𑌪𑌶𑍍𑌚𑌿𑌮𑍇 𑌪𑌾𑌤𑍁 𑌪𑌾𑌵𑌨𑌃 ॥ 10 ॥
𑌉𑌤𑍍𑌤𑌰𑍇 𑌮𑍇 𑌰𑌘𑍁𑌪𑌤𑌿𑌰𑍍𑌭𑌾𑌲𑌂 𑌦𑌶𑌰𑌥𑌾𑌤𑍍𑌮𑌜𑌃 ।
𑌭𑍍𑌰𑍁𑌵𑍋𑌰𑍍𑌦𑍂𑌰𑍍𑌵𑌾𑌦𑌲𑌶𑍍𑌯𑌾𑌮𑌸𑍍𑌤𑌯𑍋𑌰𑍍𑌮𑌧𑍍𑌯𑍇 𑌜𑌨𑌾𑌰𑍍𑌦𑌨𑌃 ॥ 11 ॥
𑌶𑍍𑌰𑍋𑌤𑍍𑌰𑌂 𑌮𑍇 𑌪𑌾𑌤𑍁 𑌰𑌾𑌜𑍇𑌨𑍍𑌦𑍍𑌰𑍋 𑌦𑍃𑌶𑍗 𑌰𑌾𑌜𑍀𑌵𑌲𑍋𑌚𑌨𑌃 ।
𑌘𑍍𑌰𑌾𑌣𑌂 𑌮𑍇 𑌪𑌾𑌤𑍁 𑌰𑌾𑌜𑌰𑍍𑌷𑌿𑌰𑍍𑌗𑌣𑍍𑌡𑍗 𑌮𑍇 𑌜𑌾𑌨𑌕𑍀𑌪𑌤𑌿𑌃 ॥ 12 ॥
𑌕𑌰𑍍𑌣𑌮𑍂𑌲𑍇 𑌖𑌰𑌧𑍍𑌵𑌂𑌸𑍀 𑌭𑌾𑌲𑌂 𑌮𑍇 𑌰𑌘𑍁𑌵𑌲𑍍𑌲𑌭𑌃 ।
𑌜𑌿𑌹𑍍𑌵𑌾𑌂 𑌮𑍇 𑌵𑌾𑌕𑍍𑌪𑌤𑌿𑌃 𑌪𑌾𑌤𑍁 𑌦𑌨𑍍𑌤𑌪𑌙𑍍𑌕𑍍𑌤𑍀 𑌰𑌘𑍂𑌤𑍍𑌤𑌮𑌃 ॥ 13 ॥
𑌓𑌷𑍍𑌠𑍗 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑍋 𑌮𑍇 𑌮𑍁𑌖𑌂 𑌪𑌾𑌤𑍁 𑌪𑌰𑌾𑌤𑍍𑌪𑌰𑌃 ।
𑌕𑌣𑍍𑌠𑌂 𑌪𑌾𑌤𑍁 𑌜𑌗𑌦𑍍𑌵𑌨𑍍𑌦𑍍𑌯𑌃 𑌸𑍍𑌕𑌨𑍍𑌧𑍗 𑌮𑍇 𑌰𑌾𑌵𑌣𑌾𑌨𑍍𑌤𑌕𑌃 ॥ 14 ॥
𑌧𑌨𑍁𑌰𑍍𑌬𑌾𑌣𑌧𑌰𑌃 𑌪𑌾𑌤𑍁 𑌭𑍁𑌜𑍗 𑌮𑍇 𑌵𑌾𑌲𑌿𑌮𑌰𑍍𑌦𑌨𑌃 ।
𑌸𑌰𑍍𑌵𑌾𑌣𑍍𑌯𑌙𑍍𑌗𑍁𑌲𑌿𑌪𑌰𑍍𑌵𑌾𑌣𑌿 𑌹𑌸𑍍𑌤𑍗 𑌮𑍇 𑌰𑌾𑌕𑍍𑌷𑌸𑌾𑌨𑍍𑌤𑌕𑌃 ॥ 15 ॥
𑌵𑌕𑍍𑌷𑍋 𑌮𑍇 𑌪𑌾𑌤𑍁 𑌕𑌾𑌕𑍁𑌤𑍍𑌸𑍍𑌥𑌃 𑌪𑌾𑌤𑍁 𑌮𑍇 𑌹𑍃𑌦𑌯𑌂 𑌹𑌰𑌿𑌃 ।
𑌸𑍍𑌤𑌨𑍗 𑌸𑍀𑌤𑌾𑌪𑌤𑌿𑌃 𑌪𑌾𑌤𑍁 𑌪𑌾𑌰𑍍𑌶𑍍𑌵𑌂 𑌮𑍇 𑌜𑌗𑌦𑍀𑌶𑍍𑌵𑌰𑌃 ॥ 16 ॥
𑌮𑌧𑍍𑌯𑌂 𑌮𑍇 𑌪𑌾𑌤𑍁 𑌲𑌕𑍍𑌷𑍍𑌮𑍀𑌶𑍋 𑌨𑌾𑌭𑌿𑌂 𑌮𑍇 𑌰𑌘𑍁𑌨𑌾𑌯𑌕𑌃 ।
𑌕𑍗𑌸𑌲𑍍𑌯𑍇𑌯𑌃 𑌕𑌟𑍀 𑌪𑌾𑌤𑍁 𑌪𑍃𑌷𑍍𑌠𑌂 𑌦𑍁𑌰𑍍𑌗𑌤𑌿𑌨𑌾𑌶𑌨𑌃 ॥ 17 ॥
𑌗𑍁𑌹𑍍𑌯𑌂 𑌪𑌾𑌤𑍁 𑌹𑍃𑌷𑍀𑌕𑍇𑌶𑌃 𑌸𑌕𑍍𑌥𑌿𑌨𑍀 𑌸𑌤𑍍𑌯𑌵𑌿𑌕𑍍𑌰𑌮𑌃 ।
𑌊𑌰𑍂 𑌶𑌾𑌰𑍍𑌙𑍍𑌗𑌧𑌰𑌃 𑌪𑌾𑌤𑍁 𑌜𑌾𑌨𑍁𑌨𑍀 𑌹𑌨𑍁𑌮𑌤𑍍𑌪𑍍𑌰𑌿𑌯𑌃 ॥ 18 ॥
𑌜𑌙𑍍𑌘𑍇 𑌪𑌾𑌤𑍁 𑌜𑌗𑌦𑍍𑌵𑍍𑌯𑌾𑌪𑍀 𑌪𑌾𑌦𑍗 𑌮𑍇 𑌤𑌾𑌟𑌕𑌾𑌨𑍍𑌤𑌕𑌃 ।
𑌸𑌰𑍍𑌵𑌾𑌙𑍍𑌗𑌂 𑌪𑌾𑌤𑍁 𑌮𑍇 𑌵𑌿𑌷𑍍𑌣𑍁𑌃 𑌸𑌰𑍍𑌵𑌸𑌨𑍍𑌧𑍀𑌨𑌨𑌾𑌮𑌯𑌃 ॥ 19 ॥
𑌜𑍍𑌞𑌾𑌨𑍇𑌨𑍍𑌦𑍍𑌰𑌿𑌯𑌾𑌣𑌿 𑌪𑍍𑌰𑌾𑌣𑌾𑌦𑍀𑌨𑍍 𑌪𑌾𑌤𑍁 𑌮𑍇 𑌮𑌧𑍁𑌸𑍂𑌦𑌨𑌃 ।
𑌪𑌾𑌤𑍁 𑌶𑍍𑌰𑍀𑌰𑌾𑌮𑌭𑌦𑍍𑌰𑍋 𑌮𑍇 𑌶𑌬𑍍𑌦𑌾𑌦𑍀𑌨𑍍𑌵𑌿𑌷𑌯𑌾𑌨𑌪𑌿 ॥ 20 ॥
𑌦𑍍𑌵𑌿𑌪𑌦𑌾𑌦𑍀𑌨𑌿 𑌭𑍂𑌤𑌾𑌨𑌿 𑌮𑌤𑍍𑌸𑌮𑍍𑌬𑌨𑍍𑌧𑍀𑌨𑌿 𑌯𑌾𑌨𑌿 𑌚 ।
𑌜𑌾𑌮𑌦𑌗𑍍𑌨𑍍𑌯𑌮𑌹𑌾𑌦𑌰𑍍𑌪𑌦𑌲𑌨𑌃 𑌪𑌾𑌤𑍁 𑌤𑌾𑌨𑌿 𑌮𑍇 ॥ 21 ॥
𑌸𑍗𑌮𑌿𑌤𑍍𑌰𑌿𑌪𑍂𑌰𑍍𑌵𑌜𑌃 𑌪𑌾𑌤𑍁 𑌵𑌾𑌗𑌾𑌦𑍀𑌨𑍀𑌨𑍍𑌦𑍍𑌰𑌿𑌯𑌾𑌣𑌿 𑌚 ।
𑌰𑍋𑌮𑌾𑌙𑍍𑌕𑍁𑌰𑌾𑌣𑍍𑌯𑌶𑍇𑌷𑌾𑌣𑌿 𑌪𑌾𑌤𑍁 𑌸𑍁𑌗𑍍𑌰𑍀𑌵𑌰𑌾𑌜𑍍𑌯𑌦𑌃 ॥ 22 ॥
𑌵𑌾𑌙𑍍𑌮𑌨𑍋𑌬𑍁𑌦𑍍𑌧𑍍𑌯𑌹𑌙𑍍𑌕𑌾𑌰𑍈𑌰𑍍𑌜𑍍𑌞𑌾𑌨𑌾𑌜𑍍𑌞𑌾𑌨𑌕𑍃𑌤𑌾𑌨𑌿 𑌚 ।
𑌜𑌨𑍍𑌮𑌾𑌨𑍍𑌤𑌰𑌕𑍃𑌤𑌾𑌨𑍀𑌹 𑌪𑌾𑌪𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 23 ॥
𑌤𑌾𑌨𑌿 𑌸𑌰𑍍𑌵𑌾𑌣𑌿 𑌦𑌗𑍍𑌧𑍍𑌵𑌾𑌶𑍁 𑌹𑌰𑌕𑍋𑌦𑌣𑍍𑌡𑌖𑌣𑍍𑌡𑌨𑌃 ।
𑌪𑌾𑌤𑍁 𑌮𑌾𑌂 𑌸𑌰𑍍𑌵𑌤𑍋 𑌰𑌾𑌮𑌃 𑌶𑌾𑌰𑍍𑌙𑍍𑌗𑌬𑌾𑌣𑌧𑌰𑌃 𑌸𑌦𑌾 ॥ 24 ॥
𑌇𑌤𑌿 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌸𑍍𑌯 𑌕𑌵𑌚𑌂 𑌵𑌜𑍍𑌰𑌸𑌮𑍍𑌮𑌿𑌤𑌮𑍍 ।
𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌮𑌂 𑌦𑌿𑌵𑍍𑌯𑌂 𑌸𑍁𑌤𑍀𑌕𑍍𑌷𑍍𑌣 𑌮𑍁𑌨𑌿𑌸𑌤𑍍𑌤𑌮 ॥ 25 ॥
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌵𑌾𑌪𑌿 𑌶𑍍𑌰𑌾𑌵𑌯𑍇𑌦𑍍𑌵𑌾 𑌸𑌮𑌾𑌹𑌿𑌤𑌃 ।
𑌸 𑌯𑌾𑌤𑌿 𑌪𑌰𑌮𑌂 𑌸𑍍𑌥𑌾𑌨𑌂 𑌰𑌾𑌮𑌚𑌨𑍍𑌦𑍍𑌰𑌪𑍍𑌰𑌸𑌾𑌦𑌤𑌃 ॥ 26 ॥
𑌮𑌹𑌾𑌪𑌾𑌤𑌕𑌯𑍁𑌕𑍍𑌤𑍋 𑌵𑌾 𑌗𑍋𑌘𑍍𑌨𑍋 𑌵𑌾 𑌭𑍍𑌰𑍂𑌣𑌹𑌾 𑌤𑌥𑌾 ।
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌕𑌵𑌚𑌪𑌠𑌨𑌾𑌚𑍍𑌛𑍁𑌦𑍍𑌧𑌿𑌮𑌾𑌪𑍍𑌨𑍁𑌯𑌾𑌤𑍍 ॥ 27 ॥
𑌬𑍍𑌰𑌹𑍍𑌮𑌹𑌤𑍍𑌯𑌾𑌦𑌿𑌭𑌿𑌃 𑌪𑌾𑌪𑍈𑌰𑍍𑌮𑍁𑌚𑍍𑌯𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ।
𑌭𑍋 𑌸𑍁𑌤𑍀𑌕𑍍𑌷𑍍𑌣 𑌯𑌥𑌾 𑌪𑍃𑌷𑍍𑌟𑌂 𑌤𑍍𑌵𑌯𑌾 𑌮𑌮 𑌪𑍁𑌰𑌾𑌃 𑌶𑍁𑌭𑌮𑍍 ।
𑌤𑌥𑌾 𑌶𑍍𑌰𑍀𑌰𑌾𑌮𑌕𑌵𑌚𑌂 𑌮𑌯𑌾 𑌤𑍇 𑌵𑌿𑌨𑌿𑌵𑍇𑌦𑌿𑌤𑌮𑍍 ॥ 28 ॥
𑌇𑌤𑌿 𑌶𑍍𑌰𑍀𑌮𑌦𑌾𑌨𑌨𑍍𑌦𑌰𑌾𑌮𑌾𑌯𑌣𑍇 𑌮𑌨𑍋𑌹𑌰𑌕𑌾𑌣𑍍𑌡𑍇 𑌸𑍁𑌤𑍀𑌕𑍍𑌷𑍍𑌣𑌾𑌗𑌸𑍍𑌤𑍍𑌯𑌸𑌂𑌵𑌾𑌦𑍇 𑌶𑍍𑌰𑍀𑌰𑌾𑌮𑌕𑌵𑌚𑌮𑍍 ॥
Roman (IAST) Transliteration
agastiruvāca
ājānubāhumaravindadalāyatākṣa-
-mājanmaśuddharasahāsamukhaprasādam |
śyāmaṃ gṛhīta śaracāpamudārarūpaṃ
rāmaṃ sarāmamabhirāmamanusmarāmi || 1 ||
asya śrīrāmakavacasya agastya ṛṣiḥ anuṣṭup chandaḥ sītālakṣmaṇopetaḥ śrīrāmacandro devatā śrīrāmacandraprasādasiddhyarthe jape viniyogaḥ |
atha dhyānaṃ
nīlajīmūtasaṅkāśaṃ vidyudvarṇāmbarāvṛtam |
komalāṅgaṃ viśālākṣaṃ yuvānamatisundaram || 1 ||
sītāsaumitrisahitaṃ jaṭāmukuṭadhāriṇam |
sāsitūṇadhanurbāṇapāṇiṃ dānavamardanam || 2 ||
yadā corabhaye rājabhaye śatrubhaye tathā |
dhyātvā raghupatiṃ kruddhaṃ kālānalasamaprabham || 3 ||
cīrakṛṣṇājinadharaṃ bhasmoddhūlitavigraham |
ākarṇākṛṣṭaviśikhakodaṇḍabhujamaṇḍitam || 4 ||
raṇe ripūn rāvaṇādīṃstīkṣṇamārgaṇavṛṣṭibhiḥ |
saṃharantaṃ mahāvīramugramaindrarathasthitam || 5 ||
lakṣmaṇādyairmahāvīrairvṛtaṃ hanumadādibhiḥ |
sugrīvādyairmāhāvīraiḥ śailavṛkṣakarodyataiḥ || 6 ||
vegātkarālahuṅkārairbhubhukkāramahāravaiḥ |
nadadbhiḥ parivādadbhiḥ samare rāvaṇaṃ prati || 7 ||
śrīrāma śatrusaṅghānme hana mardaya khādaya |
bhūtapretapiśācādīn śrīrāmāśu vināśaya || 8 ||
evaṃ dhyātvā japedrāmakavacaṃ siddhidāyakam |
sutīkṣṇa vajrakavacaṃ śṛṇu vakṣyāmyanuttamam || 9 ||
atha kavacam
śrīrāmaḥ pātu me mūrdhni pūrve ca raghuvaṃśajaḥ |
dakṣiṇe me raghuvaraḥ paścime pātu pāvanaḥ || 10 ||
uttare me raghupatirbhālaṃ daśarathātmajaḥ |
bhruvordūrvādalaśyāmastayormadhye janārdanaḥ || 11 ||
śrotraṃ me pātu rājendro dṛśau rājīvalocanaḥ |
ghrāṇaṃ me pātu rājarṣirgaṇḍau me jānakīpatiḥ || 12 ||
karṇamūle kharadhvaṃsī bhālaṃ me raghuvallabhaḥ |
jihvāṃ me vākpatiḥ pātu dantapaṅktī raghūttamaḥ || 13 ||
oṣṭhau śrīrāmacandro me mukhaṃ pātu parātparaḥ |
kaṇṭhaṃ pātu jagadvandyaḥ skandhau me rāvaṇāntakaḥ || 14 ||
dhanurbāṇadharaḥ pātu bhujau me vālimardanaḥ |
sarvāṇyaṅguliparvāṇi hastau me rākṣasāntakaḥ || 15 ||
vakṣo me pātu kākutsthaḥ pātu me hṛdayaṃ hariḥ |
stanau sītāpatiḥ pātu pārśvaṃ me jagadīśvaraḥ || 16 ||
madhyaṃ me pātu lakṣmīśo nābhiṃ me raghunāyakaḥ |
kausalyeyaḥ kaṭī pātu pṛṣṭhaṃ durgatināśanaḥ || 17 ||
guhyaṃ pātu hṛṣīkeśaḥ sakthinī satyavikramaḥ |
ūrū śārṅgadharaḥ pātu jānunī hanumatpriyaḥ || 18 ||
jaṅghe pātu jagadvyāpī pādau me tāṭakāntakaḥ |
sarvāṅgaṃ pātu me viṣṇuḥ sarvasandhīnanāmayaḥ || 19 ||
jñānendriyāṇi prāṇādīn pātu me madhusūdanaḥ |
pātu śrīrāmabhadro me śabdādīnviṣayānapi || 20 ||
dvipadādīni bhūtāni matsambandhīni yāni ca |
jāmadagnyamahādarpadalanaḥ pātu tāni me || 21 ||
saumitripūrvajaḥ pātu vāgādīnīndriyāṇi ca |
romāṅkurāṇyaśeṣāṇi pātu sugrīvarājyadaḥ || 22 ||
vāṅmanobuddhyahaṅkārairjñānājñānakṛtāni ca |
janmāntarakṛtānīha pāpāni vividhāni ca || 23 ||
tāni sarvāṇi dagdhvāśu harakodaṇḍakhaṇḍanaḥ |
pātu māṃ sarvato rāmaḥ śārṅgabāṇadharaḥ sadā || 24 ||
iti śrīrāmacandrasya kavacaṃ vajrasammitam |
guhyādguhyatamaṃ divyaṃ sutīkṣṇa munisattama || 25 ||
yaḥ paṭhecchṛṇuyādvāpi śrāvayedvā samāhitaḥ |
sa yāti paramaṃ sthānaṃ rāmacandraprasādataḥ || 26 ||
mahāpātakayukto vā goghno vā bhrūṇahā tathā |
śrīrāmacandrakavacapaṭhanācchuddhimāpnuyāt || 27 ||
brahmahatyādibhiḥ pāpairmucyate nātra saṃśayaḥ |
bho sutīkṣṇa yathā pṛṣṭaṃ tvayā mama purāḥ śubham |
tathā śrīrāmakavacaṃ mayā te viniveditam || 28 ||
iti śrīmadānandarāmāyaṇe manoharakāṇḍe sutīkṣṇāgastyasaṃvāde śrīrāmakavacam ||
InfoLyter.in — Sacred Vedic Knowledge Portal · Free forever