📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌮𑌹𑌾𑌕𑌾𑌲𑍀 𑌸𑍍𑌤𑍋𑌤𑍍𑌰𑌂
Shri Mahakali Stotram
Kali Stotram Grantha
𑌧𑍍𑌯𑌾𑌨𑌮𑍍
𑌶𑌵𑌾𑌰𑍂𑌢𑌾𑌂 𑌮𑌹𑌾𑌭𑍀𑌮𑌾𑌂 𑌘𑍋𑌰𑌦𑌂𑌷𑍍𑌟𑍍𑌰𑌾𑌂 𑌵𑌰𑌪𑍍𑌰𑌦𑌾𑌂
𑌹𑌾𑌸𑍍𑌯𑌯𑍁𑌕𑍍𑌤𑌾𑌂 𑌤𑍍𑌰𑌿𑌣𑍇𑌤𑍍𑌰𑌾𑌞𑍍𑌚 𑌕𑌪𑌾𑌲 𑌕𑌰𑍍𑌤𑍍𑌰𑌿𑌕𑌾 𑌕𑌰𑌾𑌮𑍍 ।
𑌮𑍁𑌕𑍍𑌤𑌕𑍇𑌶𑍀𑌂 𑌲𑌲𑌜𑍍𑌜𑌿𑌹𑍍𑌵𑌾𑌂 𑌪𑌿𑌬𑌨𑍍𑌤𑍀𑌂 𑌰𑍁𑌧𑌿𑌰𑌂 𑌮𑍁𑌹𑍁𑌃
𑌚𑌤𑍁𑌰𑍍𑌬𑌾𑌹𑍁𑌯𑍁𑌤𑌾𑌂 𑌦𑍇𑌵𑍀𑌂 𑌵𑌰𑌾𑌭𑌯𑌕𑌰𑌾𑌂 𑌸𑍍𑌮𑌰𑍇𑌤𑍍 ॥
𑌶𑌵𑌾𑌰𑍂𑌢𑌾𑌂 𑌮𑌹𑌾𑌭𑍀𑌮𑌾𑌂 𑌘𑍋𑌰𑌦𑌂𑌷𑍍𑌟𑍍𑌰𑌾𑌂 𑌹𑌸𑌨𑍍𑌮𑍁𑌖𑍀𑌂
𑌚𑌤𑍁𑌰𑍍𑌭𑍁𑌜𑌾𑌂 𑌖𑌡𑍍𑌗𑌮𑍁𑌣𑍍𑌡𑌵𑌰𑌾𑌭𑌯𑌕𑌰𑌾𑌂 𑌶𑌿𑌵𑌾𑌮𑍍 ।
𑌮𑍁𑌣𑍍𑌡𑌮𑌾𑌲𑌾𑌧𑌰𑌾𑌂 𑌦𑍇𑌵𑍀𑌂 𑌲𑌲𑌜𑍍𑌜𑌿𑌹𑍍𑌵𑌾𑌂 𑌦𑌿𑌗𑌮𑍍𑌬𑌰𑌾𑌂
𑌏𑌵𑌂 𑌸𑌞𑍍𑌚𑌿𑌨𑍍𑌤𑌯𑍇𑌤𑍍𑌕𑌾𑌲𑍀𑌂 𑌶𑍍𑌮𑌶𑌨𑌾𑌲𑌯𑌵𑌾𑌸𑌿𑌨𑍀𑌮𑍍 ॥
𑌸𑍍𑌤𑍋𑌤𑍍𑌰𑌮𑍍
𑌵𑌿𑌶𑍍𑌵𑍇𑌶𑍍𑌵𑌰𑍀𑌂 𑌜𑌗𑌦𑍍𑌧𑌾𑌤𑍍𑌰𑍀𑌂 𑌸𑍍𑌥𑌿𑌤𑌿𑌸𑌂𑌹𑌾𑌰𑌕𑌾𑌰𑌿𑌣𑍀𑌮𑍍 ।
𑌨𑌿𑌦𑍍𑌰𑌾𑌂 𑌭𑌗𑌵𑌤𑍀𑌂 𑌵𑌿𑌷𑍍𑌣𑍋𑌰𑌤𑍁𑌲𑌾𑌂 𑌤𑍇𑌜𑌸𑌃 𑌪𑍍𑌰𑌭𑌾𑌮𑍍 ॥ 1 ॥
𑌤𑍍𑌵𑌂 𑌸𑍍𑌵𑌾𑌹𑌾 𑌤𑍍𑌵𑌂 𑌸𑍍𑌵𑌧𑌾 𑌤𑍍𑌵𑌂 𑌹𑌿 𑌵𑌷𑌟𑍍𑌕𑌾𑌰𑌃 𑌸𑍍𑌵𑌰𑌾𑌤𑍍𑌮𑌿𑌕𑌾 ।
𑌸𑍁𑌧𑌾 𑌤𑍍𑌵𑌮𑌕𑍍𑌷𑌰𑍇 𑌨𑌿𑌤𑍍𑌯𑍇 𑌤𑍍𑌰𑌿𑌧𑌾 𑌮𑌾𑌤𑍍𑌰𑌾𑌤𑍍𑌮𑌿𑌕𑌾 𑌸𑍍𑌥𑌿𑌤𑌾 ॥ 2 ॥
𑌅𑌰𑍍𑌥𑌮𑌾𑌤𑍍𑌰𑌾𑌸𑍍𑌥𑌿𑌤𑌾 𑌨𑌿𑌤𑍍𑌯𑌾 𑌯𑌾𑌨𑍁𑌚𑍍𑌚𑌾𑌰𑍍𑌯𑌾 𑌵𑌿𑌶𑍇𑌷𑌤𑌃 ।
𑌤𑍍𑌵𑌮𑍇𑌵 𑌸𑌨𑍍𑌧𑍍𑌯𑌾 𑌸𑌾𑌵𑌿𑌤𑍍𑌰𑍀 𑌤𑍍𑌵𑌂 𑌦𑍇𑌵𑍀 𑌜𑌨𑌨𑍀 𑌪𑌰𑌾 ॥ 3 ॥
𑌤𑍍𑌵𑌯𑍈𑌤𑌦𑍍𑌧𑌾𑌰𑍍𑌯𑌤𑍇 𑌵𑌿𑌶𑍍𑌵𑌂 𑌤𑍍𑌵𑌯𑍈𑌤𑌦𑍍𑌸𑍃𑌜𑍍𑌯𑌤𑍇 𑌜𑌗𑌤𑍍 ।
𑌤𑍍𑌵𑌯𑍈𑌤𑌤𑍍𑌪𑌾𑌲𑍍𑌯𑌤𑍇 𑌦𑍇𑌵𑌿 𑌤𑍍𑌵𑌮𑌤𑍍𑌸𑍍𑌯𑌨𑍍𑌤𑍇 𑌚 𑌸𑌰𑍍𑌵𑌦𑌾 ॥ 4 ॥
𑌵𑌿𑌸𑍃𑌷𑍍𑌟𑍗 𑌸𑍃𑌷𑍍𑌟𑌿𑌰𑍂𑌪𑌾 𑌤𑍍𑌵𑌂 𑌸𑍍𑌥𑌿𑌤𑌿𑌰𑍂𑌪𑌾 𑌚 𑌪𑌾𑌲𑌨𑍇 ।
𑌤𑌥𑌾 𑌸𑌂𑌹𑍃𑌤𑌿𑌰𑍂𑌪𑌾𑌨𑍍𑌤𑍇 𑌜𑌗𑌤𑍋𑌽𑌸𑍍𑌯 𑌜𑌗𑌨𑍍𑌮𑌯𑍇 ॥ 5 ॥
𑌮𑌹𑌾𑌵𑌿𑌦𑍍𑌯𑌾 𑌮𑌹𑌾𑌮𑌾𑌯𑌾 𑌮𑌹𑌾𑌮𑍇𑌧𑌾 𑌮𑌹𑌾𑌸𑍍𑌮𑍃𑌤𑌿𑌃 ।
𑌮𑌹𑌾𑌮𑍋𑌹𑌾 𑌚 𑌭𑌵𑌤𑍀 𑌮𑌹𑌾𑌦𑍇𑌵𑍀 𑌮𑌹𑍇𑌶𑍍𑌵𑌰𑍀 ॥ 6 ॥
𑌪𑍍𑌰𑌕𑍃𑌤𑌿𑌸𑍍𑌤𑍍𑌵𑌂 𑌚 𑌸𑌰𑍍𑌵𑌸𑍍𑌯 𑌗𑍁𑌣𑌤𑍍𑌰𑌯𑌵𑌿𑌭𑌾𑌵𑌿𑌨𑍀 ।
𑌕𑌾𑌲𑌰𑌾𑌤𑍍𑌰𑌿𑌰𑍍𑌮𑌹𑌾𑌰𑌾𑌤𑍍𑌰𑌿𑌰𑍍𑌮𑍋𑌹𑌰𑌾𑌤𑍍𑌰𑌿𑌶𑍍𑌚 𑌦𑌾𑌰𑍁𑌣𑌾 ॥ 7 ॥
𑌤𑍍𑌵𑌂 𑌶𑍍𑌰𑍀𑌸𑍍𑌤𑍍𑌵𑌮𑍀𑌶𑍍𑌵𑌰𑍀 𑌤𑍍𑌵𑌂 𑌹𑍍𑌰𑍀𑌸𑍍𑌤𑍍𑌵𑌂 𑌬𑍁𑌦𑍍𑌧𑌿𑌰𑍍𑌬𑍋𑌧𑌲𑌕𑍍𑌷𑌣𑌾 ।
𑌲𑌜𑍍𑌜𑌾 𑌪𑍁𑌷𑍍𑌟𑌿𑌸𑍍𑌤𑌥𑌾 𑌤𑍁𑌷𑍍𑌟𑌿𑌸𑍍𑌤𑍍𑌵𑌂 𑌶𑌾𑌨𑍍𑌤𑌿𑌃 𑌕𑍍𑌷𑌾𑌨𑍍𑌤𑌿𑌰𑍇𑌵 𑌚 ॥ 8 ॥
𑌖𑌡𑍍𑌗𑌿𑌨𑍀 𑌶𑍂𑌲𑌿𑌨𑍀 𑌘𑍋𑌰𑌾 𑌗𑌦𑌿𑌨𑍀 𑌚𑌕𑍍𑌰𑌿𑌣𑍀 𑌤𑌥𑌾 ।
𑌶𑌙𑍍𑌖𑌿𑌨𑍀 𑌚𑌾𑌪𑌿𑌨𑍀 𑌬𑌾𑌣𑌭𑍁𑌶𑍁𑌣𑍍𑌡𑍀𑌪𑌰𑌿𑌘𑌾𑌯𑍁𑌧𑌾 ॥ 9 ॥
𑌸𑍗𑌮𑍍𑌯𑌾 𑌸𑍗𑌮𑍍𑌯𑌤𑌰𑌾𑌶𑍇𑌷𑌾 𑌸𑍗𑌮𑍍𑌯𑍇𑌭𑍍𑌯𑌸𑍍𑌤𑍍𑌵𑌤𑌿𑌸𑍁𑌨𑍍𑌦𑌰𑍀 ।
𑌪𑌰𑌾𑌪𑌰𑌾𑌣𑌾𑌂 𑌪𑌰𑌮𑌾 𑌤𑍍𑌵𑌮𑍇𑌵 𑌪𑌰𑌮𑍇𑌶𑍍𑌵𑌰𑍀 ॥ 10 ॥
𑌯𑌚𑍍𑌚 𑌕𑌿𑌞𑍍𑌚𑌿𑌤𑍍 𑌕𑍍𑌵𑌚𑌿𑌦𑍍𑌵𑌸𑍍𑌤𑍁 𑌸𑌦𑌸𑌦𑍍𑌵𑌾𑌖𑌿𑌲𑌾𑌤𑍍𑌮𑌿𑌕𑍇 ।
𑌤𑌸𑍍𑌯 𑌸𑌰𑍍𑌵𑌸𑍍𑌯 𑌯𑌾 𑌶𑌕𑍍𑌤𑌿𑌃 𑌸𑌾 𑌤𑍍𑌵𑌂 𑌕𑌿𑌂 𑌸𑍍𑌤𑍂𑌯𑌸𑍇 𑌤𑌦𑌾 ॥ 11 ॥
𑌯𑌯𑌾 𑌤𑍍𑌵𑌯𑌾 𑌜𑌗𑌤𑍍𑌸𑍍𑌰𑌷𑍍𑌟𑌾 𑌜𑌗𑌤𑍍𑌪𑌾𑌤𑍍𑌯𑌤𑍍𑌤𑌿 𑌯𑍋 𑌜𑌗𑌤𑍍 ।
𑌸𑍋𑌽𑌪𑌿 𑌨𑌿𑌦𑍍𑌰𑌾𑌵𑌶𑌂 𑌨𑍀𑌤𑌃 𑌕𑌸𑍍𑌤𑍍𑌵𑌾𑌂 𑌸𑍍𑌤𑍋𑌤𑍁𑌮𑌿𑌹𑍇𑌶𑍍𑌵𑌰𑌃 ॥ 12 ॥
𑌵𑌿𑌷𑍍𑌣𑍁𑌃 𑌶𑌰𑍀𑌰𑌗𑍍𑌰𑌹𑌣𑌮𑌹𑌮𑍀𑌶𑌾𑌨 𑌏𑌵 𑌚 ।
𑌕𑌾𑌰𑌿𑌤𑌾𑌸𑍍𑌤𑍇 𑌯𑌤𑍋𑌽𑌤𑌸𑍍𑌤𑍍𑌵𑌾𑌂 𑌕𑌃 𑌸𑍍𑌤𑍋𑌤𑍁𑌂 𑌶𑌕𑍍𑌤𑌿𑌮𑌾𑌨𑍍 𑌭𑌵𑍇𑌤𑍍 ॥ 13 ॥
𑌸𑌾 𑌤𑍍𑌵𑌮𑌿𑌤𑍍𑌥𑌂 𑌪𑍍𑌰𑌭𑌾𑌵𑍈𑌃 𑌸𑍍𑌵𑍈𑌰𑍁𑌦𑌾𑌰𑍈𑌰𑍍𑌦𑍇𑌵𑌿 𑌸𑌂𑌸𑍍𑌤𑍁𑌤𑌾 ।
𑌮𑍋𑌹𑌯𑍈𑌤𑍗 𑌦𑍁𑌰𑌾𑌧𑌰𑍍𑌷𑌾𑌵𑌸𑍁𑌰𑍗 𑌮𑌧𑍁𑌕𑍈𑌟𑌭𑍗 ॥ 14 ॥
𑌪𑍍𑌰𑌬𑍋𑌧𑌂 𑌚 𑌜𑌗𑌤𑍍𑌸𑍍𑌵𑌾𑌮𑍀 𑌨𑍀𑌯𑌤𑌾𑌮𑌚𑍍𑌯𑍁𑌤𑍋 𑌲𑌘𑍁 ।
𑌬𑍋𑌧𑌶𑍍𑌚 𑌕𑍍𑌰𑌿𑌯𑌤𑌾𑌮𑌸𑍍𑌯 𑌹𑌨𑍍𑌤𑍁𑌮𑍇𑌤𑍗 𑌮𑌹𑌾𑌸𑍁𑌰𑍗 ॥ 15 ॥
𑌇𑌤𑌿 𑌶𑍍𑌰𑍀 𑌮𑌹𑌾𑌕𑌾𑌲𑍀 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
dhyānam
śavārūḍhāṃ mahābhīmāṃ ghoradaṃṣṭrāṃ varapradāṃ
hāsyayuktāṃ triṇetrāñca kapāla kartrikā karām |
muktakeśīṃ lalajjihvāṃ pibantīṃ rudhiraṃ muhuḥ
caturbāhuyutāṃ devīṃ varābhayakarāṃ smaret ||
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalajjihvāṃ digambarāṃ
evaṃ sañcintayetkālīṃ śmaśanālayavāsinīm ||
stotram
viśveśvarīṃ jagaddhātrīṃ sthitisaṃhārakāriṇīm |
nidrāṃ bhagavatīṃ viṣṇoratulāṃ tejasaḥ prabhām || 1 ||
tvaṃ svāhā tvaṃ svadhā tvaṃ hi vaṣaṭkāraḥ svarātmikā |
sudhā tvamakṣare nitye tridhā mātrātmikā sthitā || 2 ||
arthamātrāsthitā nityā yānuccāryā viśeṣataḥ |
tvameva sandhyā sāvitrī tvaṃ devī jananī parā || 3 ||
tvayaitaddhāryate viśvaṃ tvayaitadsṛjyate jagat |
tvayaitatpālyate devi tvamatsyante ca sarvadā || 4 ||
visṛṣṭau sṛṣṭirūpā tvaṃ sthitirūpā ca pālane |
tathā saṃhṛtirūpānte jagato'sya jaganmaye || 5 ||
mahāvidyā mahāmāyā mahāmedhā mahāsmṛtiḥ |
mahāmohā ca bhavatī mahādevī maheśvarī || 6 ||
prakṛtistvaṃ ca sarvasya guṇatrayavibhāvinī |
kālarātrirmahārātrirmoharātriśca dāruṇā || 7 ||
tvaṃ śrīstvamīśvarī tvaṃ hrīstvaṃ buddhirbodhalakṣaṇā |
lajjā puṣṭistathā tuṣṭistvaṃ śāntiḥ kṣāntireva ca || 8 ||
khaḍginī śūlinī ghorā gadinī cakriṇī tathā |
śaṅkhinī cāpinī bāṇabhuśuṇḍīparighāyudhā || 9 ||
saumyā saumyatarāśeṣā saumyebhyastvatisundarī |
parāparāṇāṃ paramā tvameva parameśvarī || 10 ||
yacca kiñcit kvacidvastu sadasadvākhilātmike |
tasya sarvasya yā śaktiḥ sā tvaṃ kiṃ stūyase tadā || 11 ||
yayā tvayā jagatsraṣṭā jagatpātyatti yo jagat |
so'pi nidrāvaśaṃ nītaḥ kastvāṃ stotumiheśvaraḥ || 12 ||
viṣṇuḥ śarīragrahaṇamahamīśāna eva ca |
kāritāste yato'tastvāṃ kaḥ stotuṃ śaktimān bhavet || 13 ||
sā tvamitthaṃ prabhāvaiḥ svairudārairdevi saṃstutā |
mohayaitau durādharṣāvasurau madhukaiṭabhau || 14 ||
prabodhaṃ ca jagatsvāmī nīyatāmacyuto laghu |
bodhaśca kriyatāmasya hantumetau mahāsurau || 15 ||
iti śrī mahākālī stotram |
InfoLyter.in — Sacred Vedic Knowledge Portal · Free forever