📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌮𑌧𑍍𑌵𑌾𑌚𑌾𑌰𑍍𑌯 𑌕𑍃𑌤 𑌦𑍍𑌵𑌾𑌦𑌶 𑌸𑍍𑌤𑍋𑌤𑍍𑌰 - 𑌅𑌷𑍍𑌟𑌮𑌸𑍍𑌤𑍋𑌤𑍍𑌰𑌮𑍍
Shri Madhvacharya Krita Dvadasha Stotra - Ashtamastotram
Stotram Madhvacharya Grantha
𑌅𑌥 𑌅𑌷𑍍𑌟𑌮𑌸𑍍𑌤𑍋𑌤𑍍𑌰𑌮𑍍
𑌵𑌨𑍍𑌦𑌿𑌤𑌾𑌶𑍇𑌷𑌵𑌨𑍍𑌦𑍍𑌯𑍋𑌰𑍁𑌵𑍃𑌨𑍍𑌦𑌾𑌰𑌕𑌂 𑌚𑌨𑍍𑌦𑌨𑌾𑌚𑌰𑍍𑌚𑌿𑌤𑍋𑌦𑌾𑌰𑌪𑍀𑌨𑌾𑌂𑌸𑌕𑌮𑍍 ।
𑌇𑌨𑍍𑌦𑌿𑌰𑌾𑌚𑌞𑍍𑌚𑌲𑌾𑌪𑌾𑌙𑍍𑌗𑌨𑍀𑌰𑌾𑌜𑌿𑌤𑌂 𑌮𑌨𑍍𑌦𑌰𑍋𑌦𑍍𑌧𑌾𑌰𑌿𑌵𑍃𑌤𑍍𑌤𑍋𑌦𑍍𑌭𑍁𑌜𑌾𑌭𑍋𑌗𑌿𑌨𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 1॥
𑌸𑍃𑌷𑍍𑌟𑌿𑌸𑌂𑌹𑌾𑌰𑌲𑍀𑌲𑌾𑌵𑌿𑌲𑌾𑌸𑌾𑌤𑌤𑌂 𑌪𑍁𑌷𑍍𑌟𑌷𑌾𑌡𑍍𑌗𑍁𑌣𑍍𑌯𑌸𑌦𑍍𑌵𑌿𑌗𑍍𑌰𑌹𑍋𑌲𑍍𑌲𑌾𑌸𑌿𑌨𑌮𑍍 ।
𑌦𑍁𑌷𑍍𑌟𑌨𑌿𑌃𑌶𑍇𑌷𑌸𑌂𑌹𑌾𑌰𑌕𑌰𑍍𑌮𑍋𑌦𑍍𑌯𑌤𑌂 𑌹𑍃𑌷𑍍𑌟𑌪𑍁𑌷𑍍𑌟𑌾𑌤𑌿𑌶𑌿𑌷𑍍𑌟 (𑌅𑌨𑍁𑌶𑌿𑌷𑍍𑌟) 𑌪𑍍𑌰𑌜𑌾𑌸𑌂𑌶𑍍𑌰𑌯𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 2॥
𑌉𑌨𑍍𑌨𑌤𑌪𑍍𑌰𑌾𑌰𑍍𑌥𑌿𑌤𑌾𑌶𑍇𑌷𑌸𑌂𑌸𑌾𑌧𑌕𑌂 𑌸𑌨𑍍𑌨𑌤𑌾𑌲𑍗𑌕𑌿𑌕𑌾𑌨𑌨𑍍𑌦𑌦𑌶𑍍𑌰𑍀𑌪𑌦𑌮𑍍 ।
𑌭𑌿𑌨𑍍𑌨𑌕𑌰𑍍𑌮𑌾𑌶𑌯𑌪𑍍𑌰𑌾𑌣𑌿𑌸𑌮𑍍𑌪𑍍𑌰𑍇𑌰𑌕𑌂 𑌤𑌨𑍍𑌨 𑌕𑌿𑌂 𑌨𑍇𑌤𑌿 𑌵𑌿𑌦𑍍𑌵𑌤𑍍𑌸𑍁 𑌮𑍀𑌮𑌾𑌂𑌸𑌿𑌤𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 3॥
𑌵𑌿𑌪𑍍𑌰𑌮𑍁𑌖𑍍𑌯𑍈𑌃 𑌸𑌦𑌾 𑌵𑍇𑌦𑌵𑌾𑌦𑍋𑌨𑍍𑌮𑍁𑌖𑍈𑌃 𑌸𑍁𑌪𑍍𑌰𑌤𑌾𑌪𑍈𑌃 𑌕𑍍𑌷𑌿𑌤𑍀𑌶𑍇𑌶𑍍𑌵𑌰𑍈𑌶𑍍𑌚𑌾𑌰𑍍𑌚𑍍𑌚𑌿𑌤𑌮𑍍 ।
𑌅𑌪𑍍𑌰𑌤𑌰𑍍𑌕𑍍𑌯𑍋𑌰𑍁𑌸𑌂𑌵𑌿𑌦𑍍𑌗𑍁𑌣𑌂 𑌨𑌿𑌰𑍍𑌮𑌲𑌂 𑌸𑌪𑍍𑌰𑌕𑌾𑌶𑌾𑌜𑌰𑌾𑌨𑌨𑍍𑌦𑌰𑍂𑌪𑌂 𑌪𑌰𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 4॥
𑌅𑌤𑍍𑌯𑌯𑍋 𑌯𑌸𑍍𑌯 (𑌯𑍇𑌨) 𑌕𑍇𑌨𑌾𑌪𑌿 𑌨 𑌕𑍍𑌵𑌾𑌪𑌿 𑌹𑌿 𑌪𑍍𑌰𑌤𑍍𑌯𑌯𑍋 𑌯𑌦𑍍𑌗𑍁𑌣𑍇𑌷𑍂𑌤𑍍𑌤𑌮𑌾𑌨𑌾𑌂 𑌪𑌰𑌃 ।
𑌸𑌤𑍍𑌯𑌸𑌙𑍍𑌕𑌲𑍍𑌪 𑌏𑌕𑍋 𑌵𑌰𑍇𑌣𑍍𑌯𑍋 𑌵𑌶𑍀 𑌮𑌤𑍍𑌯𑌨𑍂𑌨𑍈𑌃 𑌸𑌦𑌾 𑌵𑍇𑌦𑌵𑌾𑌦𑍋𑌦𑌿𑌤𑌃 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 5॥
𑌪𑌶𑍍𑌯𑌤𑌾𑌂 𑌦𑍁𑌃𑌖𑌸𑌨𑍍𑌤𑌾𑌨𑌨𑌿𑌰𑍍𑌮𑍂𑌲𑌨𑌂 𑌦𑍃𑌶𑍍𑌯𑌤𑌾𑌂 𑌦𑍃𑌶𑍍𑌯𑌤𑌾𑌮𑌿𑌤𑍍𑌯𑌜𑍇𑌶𑌾𑌰𑍍𑌚𑌿𑌤𑌮𑍍 ।
𑌨𑌶𑍍𑌯𑌤𑌾𑌂 𑌦𑍂𑌰𑌗𑌂 𑌸𑌰𑍍𑌵𑌦𑌾𑌪𑍍𑌯𑌾𑌽𑌤𑍍𑌮𑌗𑌂 𑌵𑌶𑍍𑌯𑌤𑌾𑌂 𑌸𑍍𑌵𑍇𑌚𑍍𑌛𑌯𑌾 𑌸𑌜𑍍𑌜𑌨𑍇𑌷𑍍𑌵𑌾𑌗𑌤𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 6॥
𑌅𑌗𑍍𑌰𑌜𑌂 𑌯𑌃 𑌸𑌸𑌰𑍍𑌜𑌾𑌜𑌮𑌗𑍍𑌰𑍍𑌯𑌾𑌕𑍃𑌤𑌿𑌂 𑌵𑌿𑌗𑍍𑌰𑌹𑍋 𑌯𑌸𑍍𑌯 𑌸𑌰𑍍𑌵𑍇 𑌗𑍁𑌣𑌾 𑌏𑌵 𑌹𑌿 ।
𑌉𑌗𑍍𑌰 𑌆𑌦𑍍𑌯𑍋𑌽𑌪𑌿 𑌯𑌸𑍍𑌯𑌾𑌤𑍍𑌮𑌜𑌾𑌗𑍍𑌰𑍍𑌯𑌾𑌤𑍍𑌮𑌜𑌃 𑌸𑌦𑍍𑌗𑍃𑌹𑍀𑌤𑌃 𑌸𑌦𑌾 𑌯𑌃 𑌪𑌰𑌂 𑌦𑍈𑌵𑌤𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 7॥
𑌅𑌚𑍍𑌯𑍁𑌤𑍋 𑌯𑍋 𑌗𑍁𑌣𑍈𑌰𑍍𑌨𑌿𑌤𑍍𑌯𑌮𑍇𑌵𑌾𑌖𑌿𑌲𑍈𑌃 𑌪𑍍𑌰𑌚𑍍𑌯𑍁𑌤𑍋𑌽𑌶𑍇𑌷𑌦𑍋𑌷𑍈𑌃 𑌸𑌦𑌾 𑌪𑍂𑌰𑍍𑌤𑌿𑌤𑌃 ।
𑌉𑌚𑍍𑌯𑌤𑍇 𑌸𑌰𑍍𑌵𑌵𑍇𑌦𑍋𑌰𑍁𑌵𑌾𑌦𑍈𑌰𑌜𑌃 𑌸𑍍𑌵𑌰𑍍𑌚𑌿𑌤𑍋 𑌬𑍍𑌰𑌹𑍍𑌮𑌰𑍁𑌦𑍍𑌰𑍇𑌨𑍍𑌦𑍍𑌰𑌪𑍂𑌰𑍍𑌵𑍈𑌃 𑌸𑌦𑌾 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 8॥
𑌧𑌾𑌰𑍍𑌯𑌤𑍇 𑌯𑍇𑌨 𑌵𑌿𑌶𑍍𑌵𑌂 𑌸𑌦𑌾𑌜𑌾𑌦𑌿𑌕𑌂 𑌵𑌾𑌰𑍍𑌯𑌤𑍇𑌽𑌶𑍇𑌷𑌦𑍁𑌃𑌖𑌂 𑌨𑌿𑌜𑌧𑍍𑌯𑌾𑌯𑌿𑌨𑌾𑌮𑍍 ।
𑌪𑌾𑌰𑍍𑌯𑌤𑍇 𑌸𑌰𑍍𑌵𑌮𑌨𑍍𑌯𑍈𑌰𑍍𑌨𑌯𑌤𑍍𑌪𑌾𑌰𑍍𑌯𑌤𑍇 𑌕𑌾𑌰𑍍𑌯𑌤𑍇 𑌚𑌾𑌖𑌿𑌲𑌂 𑌸𑌰𑍍𑌵𑌭𑍂𑌤𑍈𑌃 𑌸𑌦𑌾 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 9॥
𑌸𑌰𑍍𑌵𑌪𑌾𑌪𑌾𑌨𑌿𑌯𑌤𑍍𑌸𑌂𑌸𑍍𑌮𑍃𑌤𑍇𑌃 𑌸𑌙𑍍𑌕𑍍𑌷𑌯𑌂 𑌸𑌰𑍍𑌵𑌦𑌾 𑌯𑌾𑌨𑍍𑌤𑌿 𑌭𑌕𑍍𑌤𑍍𑌯𑌾 𑌵𑌿𑌶𑍁𑌦𑍍𑌧𑌾𑌤𑍍𑌮𑌨𑌾𑌮𑍍 ।
𑌶𑌰𑍍𑌵𑌗𑍁𑌰𑍍𑌵𑌾𑌦𑌿𑌗𑍀𑌰𑍍𑌵𑌾𑌣 𑌸𑌂𑌸𑍍𑌥𑌾𑌨𑌦𑌃 𑌕𑍁𑌰𑍍𑌵𑌤𑍇 𑌕𑌰𑍍𑌮 𑌯𑌤𑍍𑌪𑍍𑌰𑍀𑌤𑌯𑍇 𑌸𑌜𑍍𑌜𑌨𑌾𑌃 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 10॥
𑌅𑌕𑍍𑌷𑌯𑌂 𑌕𑌰𑍍𑌮 𑌯𑌸𑍍𑌮𑌿𑌨𑍍 𑌪𑌰𑍇 𑌸𑍍𑌵𑌰𑍍𑌪𑌿𑌤𑌂 𑌪𑍍𑌰𑌕𑍍𑌷𑌯𑌂 𑌯𑌾𑌨𑍍𑌤𑌿 𑌦𑍁𑌃𑌖𑌾𑌨𑌿 𑌯𑌨𑍍𑌨𑌾𑌮𑌤𑌃 ।
𑌅𑌕𑍍𑌷𑌰𑍋 𑌯𑍋𑌽𑌜𑌰𑌃 𑌸𑌰𑍍𑌵𑌦𑍈𑌵𑌾𑌮𑍃𑌤𑌃 𑌕𑍁𑌕𑍍𑌷𑌿𑌗𑌂 𑌯𑌸𑍍𑌯 𑌵𑌿𑌶𑍍𑌵𑌂 𑌸𑌦𑌾𑌽𑌜𑌾𑌦𑌿𑌕𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 11॥
𑌨𑌨𑍍𑌦𑌿𑌤𑍀𑌰𑍍𑌥𑍋𑌰𑍁𑌸𑌨𑍍𑌨𑌾𑌮𑌿𑌨𑍋 𑌨𑌨𑍍𑌦𑌿𑌨𑌃 𑌸𑌨𑍍𑌦𑌧𑌾𑌨𑌾𑌃 𑌸𑌦𑌾𑌨𑌨𑍍𑌦𑌦𑍇𑌵𑍇 𑌮𑌤𑌿𑌮𑍍 ।
𑌮𑌨𑍍𑌦𑌹𑌾𑌸𑌾𑌰𑍁𑌣𑌾 𑌪𑌾𑌙𑍍𑌗𑌦𑌤𑍍𑌤𑍋𑌨𑍍𑌨𑌤𑌿𑌂 𑌵𑌨𑍍𑌦𑌿𑌤𑌾𑌶𑍇𑌷𑌦𑍇𑌵𑌾𑌦𑌿𑌵𑍃𑌨𑍍𑌦𑌂 𑌸𑌦𑌾 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌣𑍍𑌡𑌲𑌾𑌖𑌣𑍍𑌡𑌮𑌣𑍍𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 12॥
𑌇𑌤𑌿 𑌶𑍍𑌰𑍀𑌮𑌦𑌾𑌨𑌨𑍍𑌦𑌤𑍀𑌰𑍍𑌥𑌭𑌗𑌵𑌤𑍍𑌪𑌾𑌦𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌂
𑌦𑍍𑌵𑌾𑌦𑌶𑌸𑍍𑌤𑍋𑌤𑍍𑌰𑍇𑌷𑍁 𑌅𑌷𑍍𑌟𑌮𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍
Roman (IAST) Transliteration
atha aṣṭamastotram
vanditāśeṣavandyoruvṛndārakaṃ candanācarcitodārapīnāṃsakam |
indirācañcalāpāṅganīrājitaṃ mandaroddhārivṛttodbhujābhoginam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 1||
sṛṣṭisaṃhāralīlāvilāsātataṃ puṣṭaṣāḍguṇyasadvigrahollāsinam |
duṣṭaniḥśeṣasaṃhārakarmodyataṃ hṛṣṭapuṣṭātiśiṣṭa (anuśiṣṭa) prajāsaṃśrayam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 2||
unnataprārthitāśeṣasaṃsādhakaṃ sannatālaukikānandadaśrīpadam |
bhinnakarmāśayaprāṇisamprerakaṃ tanna kiṃ neti vidvatsu mīmāṃsitam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 3||
vipramukhyaiḥ sadā vedavādonmukhaiḥ supratāpaiḥ kṣitīśeśvaraiścārccitam |
apratarkyorusaṃvidguṇaṃ nirmalaṃ saprakāśājarānandarūpaṃ param |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 4||
atyayo yasya (yena) kenāpi na kvāpi hi pratyayo yadguṇeṣūttamānāṃ paraḥ |
satyasaṅkalpa eko vareṇyo vaśī matyanūnaiḥ sadā vedavādoditaḥ |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 5||
paśyatāṃ duḥkhasantānanirmūlanaṃ dṛśyatāṃ dṛśyatāmityajeśārcitam |
naśyatāṃ dūragaṃ sarvadāpyā'tmagaṃ vaśyatāṃ svecchayā sajjaneṣvāgatam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 6||
agrajaṃ yaḥ sasarjājamagryākṛtiṃ vigraho yasya sarve guṇā eva hi |
ugra ādyo'pi yasyātmajāgryātmajaḥ sadgṛhītaḥ sadā yaḥ paraṃ daivatam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 7||
acyuto yo guṇairnityamevākhilaiḥ pracyuto'śeṣadoṣaiḥ sadā pūrtitaḥ |
ucyate sarvavedoruvādairajaḥ svarcito brahmarudrendrapūrvaiḥ sadā |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 8||
dhāryate yena viśvaṃ sadājādikaṃ vāryate'śeṣaduḥkhaṃ nijadhyāyinām |
pāryate sarvamanyairnayatpāryate kāryate cākhilaṃ sarvabhūtaiḥ sadā |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 9||
sarvapāpāniyatsaṃsmṛteḥ saṅkṣayaṃ sarvadā yānti bhaktyā viśuddhātmanām |
śarvagurvādigīrvāṇa saṃsthānadaḥ kurvate karma yatprītaye sajjanāḥ |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 10||
akṣayaṃ karma yasmin pare svarpitaṃ prakṣayaṃ yānti duḥkhāni yannāmataḥ |
akṣaro yo'jaraḥ sarvadaivāmṛtaḥ kukṣigaṃ yasya viśvaṃ sadā'jādikam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 11||
nanditīrthorusannāmino nandinaḥ sandadhānāḥ sadānandadeve matim |
mandahāsāruṇā pāṅgadattonnatiṃ vanditāśeṣadevādivṛndaṃ sadā |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 12||
iti śrīmadānandatīrthabhagavatpādācārya viracitaṃ
dvādaśastotreṣu aṣṭamastotraṃ sampūrṇam
InfoLyter.in — Sacred Vedic Knowledge Portal · Free forever