Shri Madhvacharya Krita Dvadasha Stotra - Prathamastotram

ॐ

𑌶𑍍𑌰𑍀 𑌮𑌧𑍍𑌵𑌾𑌚𑌾𑌰𑍍𑌯 𑌕𑍃𑌤 𑌦𑍍𑌵𑌾𑌦𑌶 𑌸𑍍𑌤𑍋𑌤𑍍𑌰 - 𑌪𑍍𑌰𑌥𑌮𑌸𑍍𑌤𑍋𑌤𑍍𑌰𑌮𑍍

Stotram Madhvacharya Grantha

॥ 𑌦𑍍𑌵𑌾𑌦𑌶 𑌸𑍍𑌤𑍋𑌤𑍍𑌰𑌾𑌣𑌿॥

𑌅𑌥 𑌪𑍍𑌰𑌥𑌮𑌸𑍍𑌤𑍋𑌤𑍍𑌰𑌮𑍍

𑌵𑌨𑍍𑌦𑍇 𑌵𑌨𑍍𑌦𑍍𑌯𑌂 𑌸𑌦𑌾𑌨𑌨𑍍𑌦𑌂 𑌵𑌾𑌸𑍁𑌦𑍇𑌵𑌂 𑌨𑌿𑌰𑌞𑍍𑌜𑌨𑌮𑍍 ।

𑌇𑌨𑍍𑌦𑌿𑌰𑌾𑌪𑌤𑌿𑌮𑌾𑌦𑍍𑌯𑌾𑌦𑌿 𑌵𑌰𑌦𑍇𑌶 𑌵𑌰𑌪𑍍𑌰𑌦𑌮𑍍 ॥ 1॥

𑌨𑌮𑌾𑌮𑌿 𑌨𑌿𑌖𑌿𑌲𑌾𑌧𑍀𑌶 𑌕𑌿𑌰𑍀𑌟𑌾𑌘𑍃𑌷𑍍𑌟𑌪𑍀𑌠𑌵𑌤𑍍 ।

𑌹𑍃𑌤𑍍𑌤𑌮𑌃 𑌶𑌮𑌨𑍇𑌽𑌰𑍍𑌕𑌾𑌭𑌂 𑌶𑍍𑌰𑍀𑌪𑌤𑍇𑌃 𑌪𑌾𑌦𑌪𑌙𑍍𑌕𑌜𑌮𑍍 ॥ 2॥

𑌜𑌾𑌮𑍍𑌬𑍂𑌨𑌦𑌾𑌮𑍍𑌬𑌰𑌾𑌧𑌾𑌰𑌂 𑌨𑌿𑌤𑌮𑍍𑌬𑌂 𑌚𑌿𑌨𑍍𑌤𑍍𑌯𑌮𑍀𑌶𑌿𑌤𑍁𑌃 ।

𑌸𑍍𑌵𑌰𑍍𑌣𑌮𑌞𑍍𑌜𑍀𑌰𑌸𑌂𑌵𑍀𑌤𑌂 𑌆𑌰𑍂𑌢𑌂 𑌜𑌗𑌦𑌮𑍍𑌬𑌯𑌾 ॥ 3॥

𑌉𑌦𑌰𑌂 𑌚𑌿𑌨𑍍𑌤𑍍𑌯𑌂 𑌈𑌶𑌸𑍍𑌯 𑌤𑌨𑍁𑌤𑍍𑌵𑍇𑌽𑌪𑌿 𑌅𑌖𑌿𑌲𑌮𑍍𑌭𑌰𑌮𑍍 ।

𑌵𑌲𑌿𑌤𑍍𑌰𑌯𑌾𑌙𑍍𑌕𑌿𑌤𑌂 𑌨𑌿𑌤𑍍𑌯𑌂 𑌆𑌰𑍂𑌢𑌂 𑌶𑍍𑌰𑌿𑌯𑍈𑌕𑌯𑌾 ॥ 4॥

𑌸𑍍𑌮𑌰𑌣𑍀𑌯𑌮𑍁𑌰𑍋 𑌵𑌿𑌷𑍍𑌣𑍋𑌃 𑌇𑌨𑍍𑌦𑌿𑌰𑌾𑌵𑌾𑌸𑌮𑍁𑌤𑍍𑌤𑌮𑍈𑌃 । 𑌵𑌰𑍍

𑌇𑌨𑍍𑌦𑌿𑌰𑌾𑌵𑌾𑌸𑌮𑍀𑌶𑌿𑌤𑍁𑌃 𑌇𑌨𑍍𑌦𑌿𑌰𑌾𑌵𑌾𑌸𑌮𑍁𑌤𑍍𑌤𑌮𑌮𑍍

𑌅𑌨𑌨𑍍𑌤𑌂 𑌅𑌨𑍍𑌤𑌵𑌦𑌿𑌵 𑌭𑍁𑌜𑌯𑍋𑌰𑌨𑍍𑌤𑌰𑌙𑍍𑌗𑌤𑌮𑍍 ॥ 5॥

𑌶𑌙𑍍𑌖𑌚𑌕𑍍𑌰𑌗𑌦𑌾𑌪𑌦𑍍𑌮𑌧𑌰𑌾𑌶𑍍𑌚𑌿𑌨𑍍𑌤𑍍𑌯𑌾 𑌹𑌰𑍇𑌰𑍍𑌭𑍁𑌜𑌾𑌃 ।

𑌪𑍀𑌨𑌵𑍃𑌤𑍍𑌤𑌾 𑌜𑌗𑌦𑍍𑌰𑌕𑍍𑌷𑌾 𑌕𑍇𑌵𑌲𑍋𑌦𑍍𑌯𑍋𑌗𑌿𑌨𑍋𑌽𑌨𑌿𑌶𑌮𑍍 ॥ 6॥

𑌸𑌨𑍍𑌤𑌤𑌂 𑌚𑌿𑌨𑍍𑌤𑌯𑍇𑌤𑍍𑌕𑌣𑍍𑌠𑌂 𑌭𑌾𑌸𑍍𑌵𑌤𑍍𑌕𑍗𑌸𑍍𑌤𑍁𑌭𑌭𑌾𑌸𑌕𑌮𑍍 ।

𑌵𑍈𑌕𑍁𑌣𑍍𑌠𑌸𑍍𑌯𑌾𑌖𑌿𑌲𑌾 𑌵𑍇𑌦𑌾 𑌉𑌦𑍍𑌗𑍀𑌰𑍍𑌯𑌨𑍍𑌤𑍇𑌽𑌨𑌿𑌶𑌂 𑌯𑌤𑌃 ॥ 7॥

𑌸𑍍𑌮𑌰𑍇𑌤 𑌯𑌾𑌮𑌿𑌨𑍀𑌨𑌾𑌥 𑌸𑌹𑌸𑍍𑌰𑌾𑌮𑌿𑌤𑌕𑌾𑌨𑍍𑌤𑌿𑌮𑌤𑍍 ।

𑌭𑌵𑌤𑌾𑌪𑌾𑌪𑌨𑍋𑌦𑍀𑌡𑍍𑌯𑌂 𑌶𑍍𑌰𑍀𑌪𑌤𑍇𑌃 𑌮𑍁𑌖𑌪𑌙𑍍𑌕𑌜𑌮𑍍 ॥ 8॥

𑌪𑍂𑌰𑍍𑌣𑌾𑌨𑌨𑍍𑌯𑌸𑍁𑌖𑍋𑌦𑍍𑌭𑌾𑌸𑌿𑌂 𑌅𑌨𑍍𑌦𑌸𑍍𑌮𑌿𑌤𑌮𑌧𑍀𑌶𑌿𑌤𑍁𑌃 ।

𑌗𑍋𑌵𑌿𑌨𑍍𑌦𑌸𑍍𑌯 𑌸𑌦𑌾 𑌚𑌿𑌨𑍍𑌤𑍍𑌯𑌂 𑌨𑌿𑌤𑍍𑌯𑌾𑌨𑌨𑍍𑌦𑌪𑌦𑌪𑍍𑌰𑌦𑌮𑍍 ॥ 9॥

𑌸𑍍𑌮𑌰𑌾𑌮𑌿 𑌭𑌵𑌸𑌨𑍍𑌤𑌾𑌪 𑌹𑌾𑌨𑌿𑌦𑌾𑌮𑍃𑌤𑌸𑌾𑌗𑌰𑌮𑍍 ।

𑌪𑍂𑌰𑍍𑌣𑌾𑌨𑌨𑍍𑌦𑌸𑍍𑌯 𑌰𑌾𑌮𑌸𑍍𑌯 𑌸𑌾𑌨𑍁𑌰𑌾𑌗𑌾𑌵𑌲𑍋𑌕𑌨𑌮𑍍 ॥ 10॥

𑌧𑍍𑌯𑌾𑌯𑍇𑌦𑌜𑌸𑍍𑌰𑌮𑍀𑌶𑌸𑍍𑌯 𑌪𑌦𑍍𑌮𑌜𑌾𑌦𑌿𑌪𑍍𑌰𑌤𑍀𑌕𑍍𑌷𑌿𑌤𑌮𑍍 ।

𑌭𑍍𑌰𑍂𑌭𑌙𑍍𑌗𑌂 𑌪𑌾𑌰𑌮𑍇𑌷𑍍𑌠𑍍𑌯𑌾𑌦𑌿 𑌪𑌦𑌦𑌾𑌯𑌿 𑌵𑌿𑌮𑍁𑌕𑍍𑌤𑌿𑌦𑌮𑍍 ॥ 11॥

𑌸𑌨𑍍𑌤𑌤𑌂 𑌚𑌿𑌨𑍍𑌤𑌯𑍇𑌽𑌨𑌨𑍍𑌤𑌂 𑌅𑌨𑍍𑌤𑌕𑌾𑌲𑍇 । (𑌅𑌨𑍍𑌤𑍍𑌯𑌕𑌾𑌲𑍇 𑌵𑌿𑌶𑍇𑌷𑌤𑌃)

𑌨𑍈𑌵𑍋𑌦𑌾𑌪𑍁𑌃 𑌗𑍃𑌣𑌨𑍍𑌤𑍋𑌽𑌨𑍍𑌤𑌂 𑌯𑌦𑍍𑌗𑍁𑌣𑌾𑌨𑌾𑌂 𑌅𑌜𑌾𑌦𑌯𑌃 ॥ 12॥

𑌇𑌤𑌿 𑌶𑍍𑌰𑍀𑌮𑌦𑌾𑌨𑌨𑍍𑌦𑌤𑍀𑌰𑍍𑌥𑌭𑌗𑌵𑌤𑍍𑌪𑌾𑌦𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌂

𑌦𑍍𑌵𑌾𑌦𑌶𑌸𑍍𑌤𑍋𑌤𑍍𑌰𑍇𑌷𑍁 𑌪𑍍𑌰𑌥𑌮𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍

Roman (IAST) Transliteration

|| dvādaśa stotrāṇi||

atha prathamastotram

vande vandyaṃ sadānandaṃ vāsudevaṃ nirañjanam |

indirāpatimādyādi varadeśa varapradam || 1||

namāmi nikhilādhīśa kirīṭāghṛṣṭapīṭhavat |

hṛttamaḥ śamane'rkābhaṃ śrīpateḥ pādapaṅkajam || 2||

jāmbūnadāmbarādhāraṃ nitambaṃ cintyamīśituḥ |

svarṇamañjīrasaṃvītaṃ ārūḍhaṃ jagadambayā || 3||

udaraṃ cintyaṃ īśasya tanutve'pi akhilambharam |

valitrayāṅkitaṃ nityaṃ ārūḍhaṃ śriyaikayā || 4||

smaraṇīyamuro viṣṇoḥ indirāvāsamuttamaiḥ | var

indirāvāsamīśituḥ indirāvāsamuttamam

anantaṃ antavadiva bhujayorantaraṅgatam || 5||

śaṅkhacakragadāpadmadharāścintyā harerbhujāḥ |

pīnavṛttā jagadrakṣā kevalodyogino'niśam || 6||

santataṃ cintayetkaṇṭhaṃ bhāsvatkaustubhabhāsakam |

vaikuṇṭhasyākhilā vedā udgīryante'niśaṃ yataḥ || 7||

smareta yāminīnātha sahasrāmitakāntimat |

bhavatāpāpanodīḍyaṃ śrīpateḥ mukhapaṅkajam || 8||

pūrṇānanyasukhodbhāsiṃ andasmitamadhīśituḥ |

govindasya sadā cintyaṃ nityānandapadapradam || 9||

smarāmi bhavasantāpa hānidāmṛtasāgaram |

pūrṇānandasya rāmasya sānurāgāvalokanam || 10||

dhyāyedajasramīśasya padmajādipratīkṣitam |

bhrūbhaṅgaṃ pārameṣṭhyādi padadāyi vimuktidam || 11||

santataṃ cintaye'nantaṃ antakāle | (antyakāle viśeṣataḥ)

naivodāpuḥ gṛṇanto'ntaṃ yadguṇānāṃ ajādayaḥ || 12||

iti śrīmadānandatīrthabhagavatpādācārya viracitaṃ

dvādaśastotreṣu prathamastotraṃ sampūrṇam