📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌲𑌕𑍍𑌷𑍍𑌮𑍀 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌂
Shri Lakshmi Sahasranama Stotram
Lakshmi Stotram Grantha
𑌨𑌾𑌮𑍍𑌨𑌾𑌂 𑌸𑌾𑌷𑍍𑌟𑌸𑌹𑌸𑍍𑌰𑌞𑍍𑌚 𑌬𑍍𑌰𑍂𑌹𑌿 𑌗𑌾𑌰𑍍𑌗𑍍𑌯 𑌮𑌹𑌾𑌮𑌤𑍇 ।
𑌮𑌹𑌾𑌲𑌕𑍍𑌷𑍍𑌮𑍍𑌯𑌾 𑌮𑌹𑌾𑌦𑍇𑌵𑍍𑌯𑌾 𑌭𑍁𑌕𑍍𑌤𑌿𑌮𑍁𑌕𑍍𑌤𑍍𑌯𑌰𑍍𑌥𑌸𑌿𑌦𑍍𑌧𑌯𑍇 ॥ 1 ॥
𑌗𑌾𑌰𑍍𑌗𑍍𑌯 𑌉𑌵𑌾𑌚
𑌸𑌨𑌤𑍍𑌕𑍁𑌮𑌾𑌰𑌮𑌾𑌸𑍀𑌨𑌂 𑌦𑍍𑌵𑌾𑌦𑌶𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑌮𑍍 ।
𑌅𑌪𑍃𑌚𑍍𑌛𑌨𑍍𑌯𑍋𑌗𑌿𑌨𑍋 𑌭𑌕𑍍𑌤𑍍𑌯𑌾 𑌯𑍋𑌗𑌿𑌨𑌾𑌮𑌰𑍍𑌥𑌸𑌿𑌦𑍍𑌧𑌯𑍇 ॥ 2 ॥
𑌸𑌰𑍍𑌵𑌲𑍗𑌕𑌿𑌕𑌕𑌰𑍍𑌮𑌭𑍍𑌯𑍋 𑌵𑌿𑌮𑍁𑌕𑍍𑌤𑌾𑌨𑌾𑌂 𑌹𑌿𑌤𑌾𑌯 𑌵𑍈 ।
𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌂 𑌜𑌪𑍍𑌯𑌮𑌨𑍁𑌬𑍍𑌰𑍂𑌹𑌿 𑌦𑌯𑌾𑌨𑌿𑌧𑍇 ॥ 3 ॥
𑌸𑌨𑌤𑍍𑌕𑍁𑌮𑌾𑌰 𑌭𑌗𑌵𑌨𑍍𑌸𑌰𑍍𑌵𑌜𑍍𑌞𑍋𑌽𑌸𑌿 𑌵𑌿𑌶𑍇𑌷𑌤𑌃 ।
𑌆𑌸𑍍𑌤𑌿𑌕𑍍𑌯𑌸𑌿𑌦𑍍𑌧𑌯𑍇 𑌨𑍄𑌣𑌾𑌂 𑌕𑍍𑌷𑌿𑌪𑍍𑌰𑌧𑌰𑍍𑌮𑌾𑌰𑍍𑌥𑌸𑌾𑌧𑌨𑌮𑍍 ॥ 4 ॥
𑌖𑌿𑌦𑍍𑌯𑌨𑍍𑌤𑌿 𑌮𑌾𑌨𑌵𑌾𑌸𑍍𑌸𑌰𑍍𑌵𑍇 𑌧𑌨𑌾𑌭𑌾𑌵𑍇𑌨 𑌕𑍇𑌵𑌲𑌮𑍍 ।
𑌸𑌿𑌦𑍍𑌧𑍍𑌯𑌨𑍍𑌤𑌿 𑌧𑌨𑌿𑌨𑍋𑌽𑌨𑍍𑌯𑌸𑍍𑌯 𑌨𑍈𑌵 𑌧𑌰𑍍𑌮𑌾𑌰𑍍𑌥𑌕𑌾𑌮𑌨𑌾𑌃 ॥ 5 ॥
𑌦𑌾𑌰𑌿𑌦𑍍𑌰𑍍𑌯𑌧𑍍𑌵𑌂𑌸𑌿𑌨𑍀 𑌨𑌾𑌮 𑌕𑍇𑌨 𑌵𑌿𑌦𑍍𑌯𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌕𑍇𑌨 𑌵𑌾 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌽𑌪𑌿 𑌕𑍇𑌨 𑌮𑍃𑌤𑍍𑌯𑍁𑌵𑌿𑌨𑌾𑌶𑌿𑌨𑍀 ॥ 6 ॥
𑌸𑌰𑍍𑌵𑌾𑌸𑌾𑌂 𑌸𑌾𑌰𑌭𑍂𑌤𑍈𑌕𑌾 𑌵𑌿𑌦𑍍𑌯𑌾𑌨𑌾𑌂 𑌕𑍇𑌨 𑌕𑍀𑌰𑍍𑌤𑌿𑌤𑌾 ।
𑌪𑍍𑌰𑌤𑍍𑌯𑌕𑍍𑌷𑌸𑌿𑌦𑍍𑌧𑌿𑌦𑌾 𑌬𑍍𑌰𑌹𑍍𑌮𑌨𑍍 𑌤𑌾𑌮𑌾𑌚𑌕𑍍𑌷𑍍𑌵 𑌦𑌯𑌾𑌨𑌿𑌧𑍇 ॥ 7 ॥
𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚
𑌸𑌾𑌧𑍁 𑌪𑍃𑌷𑍍𑌟𑌂 𑌮𑌹𑌾𑌭𑌾𑌗𑌾𑌸𑍍𑌸𑌰𑍍𑌵𑌲𑍋𑌕𑌹𑌿𑌤𑍈𑌷𑌿𑌣𑌃 ।
𑌮𑌹𑌤𑌾𑌮𑍇𑌷 𑌧𑌰𑍍𑌮𑌶𑍍𑌚 𑌨𑌾𑌨𑍍𑌯𑍇𑌷𑌾𑌮𑌿𑌤𑌿 𑌮𑍇 𑌮𑌤𑌿𑌃 ॥ 8 ॥
𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌮𑌹𑌾𑌦𑍇𑌵𑌮𑌹𑍇𑌨𑍍𑌦𑍍𑌰𑌾𑌦𑌿𑌮𑌹𑌾𑌤𑍍𑌮𑌭𑌿𑌃 ।
𑌸𑌮𑍍𑌪𑍍𑌰𑍋𑌕𑍍𑌤𑌂 𑌕𑌥𑌯𑌾𑌮𑍍𑌯𑌦𑍍𑌯 𑌲𑌕𑍍𑌷𑍍𑌮𑍀𑌨𑌾𑌮𑌸𑌹𑌸𑍍𑌰𑌕𑌮𑍍 ॥ 9 ॥
𑌯𑌸𑍍𑌯𑍋𑌚𑍍𑌚𑌾𑌰𑌣𑌮𑌾𑌤𑍍𑌰𑍇𑌣 𑌦𑌾𑌰𑌿𑌦𑍍𑌰𑍍𑌯𑌾𑌨𑍍𑌮𑍁𑌚𑍍𑌯𑌤𑍇 𑌨𑌰𑌃 ।
𑌕𑌿𑌂 𑌪𑍁𑌨𑌸𑍍𑌤𑌜𑍍𑌜𑌪𑌾𑌜𑍍𑌜𑌾𑌪𑍀 𑌸𑌰𑍍𑌵𑍇𑌷𑍍𑌟𑌾𑌰𑍍𑌥𑌾𑌨𑌵𑌾𑌪𑍍𑌨𑍁𑌯𑌾𑌤𑍍 ॥ 10 ॥
𑌅𑌸𑍍𑌯 𑌶𑍍𑌰𑍀𑌲𑌕𑍍𑌷𑍍𑌮𑍀𑌦𑌿𑌵𑍍𑌯𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌮𑌹𑌾𑌮𑌨𑍍𑌤𑍍𑌰𑌸𑍍𑌯 𑌆𑌨𑌨𑍍𑌦𑌕𑌰𑍍𑌦𑌮𑌚𑌿𑌕𑍍𑌲𑍀𑌤𑍇𑌨𑍍𑌦𑌿𑌰𑌾𑌸𑍁𑌤𑌾𑌦𑌯𑍋 𑌮𑌹𑌾𑌤𑍍𑌮𑌾𑌨𑍋 𑌮𑌹𑌰𑍍𑌷𑌯𑌃 𑌅𑌨𑍁𑌷𑍍𑌟𑍁𑌪𑍍𑌛𑌨𑍍𑌦𑌃 𑌵𑌿𑌷𑍍𑌣𑍁𑌮𑌾𑌯𑌾 𑌶𑌕𑍍𑌤𑌿𑌃 𑌮𑌹𑌾𑌲𑌕𑍍𑌷𑍍𑌮𑍀𑌃 𑌪𑌰𑌾𑌦𑍇𑌵𑌤𑌾 𑌶𑍍𑌰𑍀𑌮𑌹𑌾𑌲𑌕𑍍𑌷𑍍𑌮𑍀𑌪𑍍𑌰𑌸𑌾𑌦𑌦𑍍𑌵𑌾𑌰𑌾 𑌸𑌰𑍍𑌵𑍇𑌷𑍍𑌟𑌾𑌰𑍍𑌥𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌧𑍍𑌯𑌾𑌨𑌮𑍍
𑌪𑌦𑍍𑌮𑌨𑌾𑌭𑌪𑍍𑌰𑌿𑌯𑌾𑌂 𑌦𑍇𑌵𑍀𑌂 𑌪𑌦𑍍𑌮𑌾𑌕𑍍𑌷𑍀𑌂 𑌪𑌦𑍍𑌮𑌵𑌾𑌸𑌿𑌨𑍀𑌮𑍍 ।
𑌪𑌦𑍍𑌮𑌵𑌕𑍍𑌤𑍍𑌰𑌾𑌂 𑌪𑌦𑍍𑌮𑌹𑌸𑍍𑌤𑌾𑌂 𑌵𑌨𑍍𑌦𑍇 𑌪𑌦𑍍𑌮𑌾𑌮𑌹𑌰𑍍𑌨𑌿𑌶𑌮𑍍 ॥ 1 ॥
𑌪𑍂𑌰𑍍𑌣𑍇𑌨𑍍𑌦𑍁𑌵𑌦𑌨𑌾𑌂 𑌦𑌿𑌵𑍍𑌯𑌰𑌤𑍍𑌨𑌾𑌭𑌰𑌣𑌭𑍂𑌷𑌿𑌤𑌾𑌮𑍍 ।
𑌵𑌰𑌦𑌾𑌭𑌯𑌹𑌸𑍍𑌤𑌾𑌢𑍍𑌯𑌾𑌂 𑌧𑍍𑌯𑌾𑌯𑍇𑌚𑍍𑌚𑌨𑍍𑌦𑍍𑌰𑌸𑌹𑍋𑌦𑌰𑍀𑌮𑍍 ॥ 2 ॥
𑌇𑌚𑍍𑌛𑌾𑌰𑍂𑌪𑌾𑌂 𑌭𑌗𑌵𑌤𑌸𑍍𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑍂𑌪𑌿𑌣𑍀𑌮𑍍 ।
𑌸𑌰𑍍𑌵𑌜𑍍𑌞𑌾𑌂 𑌸𑌰𑍍𑌵𑌜𑌨𑌨𑍀𑌂 𑌵𑌿𑌷𑍍𑌣𑍁𑌵𑌕𑍍𑌷𑌸𑍍𑌸𑍍𑌥𑌲𑌾𑌲𑌯𑌾𑌮𑍍 ।
𑌦𑌯𑌾𑌲𑍁𑌮𑌨𑌿𑌶𑌂 𑌧𑍍𑌯𑌾𑌯𑍇𑌤𑍍𑌸𑍁𑌖𑌸𑌿𑌦𑍍𑌧𑌿𑌸𑍍𑌵𑌰𑍂𑌪𑌿𑌣𑍀𑌮𑍍 ॥ 3 ॥
𑌸𑍍𑌤𑍋𑌤𑍍𑌰𑌮𑍍
𑌨𑌿𑌤𑍍𑌯𑌾𑌗𑌤𑌾𑌨𑌨𑍍𑌤𑌨𑌿𑌤𑍍𑌯𑌾 𑌨𑌨𑍍𑌦𑌿𑌨𑍀 𑌜𑌨𑌰𑌞𑍍𑌜𑌨𑍀 ।
𑌨𑌿𑌤𑍍𑌯𑌪𑍍𑌰𑌕𑌾𑌶𑌿𑌨𑍀 𑌚𑍈𑌵 𑌸𑍍𑌵𑌪𑍍𑌰𑌕𑌾𑌶𑌸𑍍𑌵𑌰𑍂𑌪𑌿𑌣𑍀 ॥ 1 ॥
𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌕𑌾𑌲𑍀 𑌮𑌹𑌾𑌕𑌨𑍍𑌯𑌾 𑌸𑌰𑌸𑍍𑌵𑌤𑍀 ।
𑌭𑍋𑌗𑌵𑍈𑌭𑌵𑌸𑌨𑍍𑌧𑌾𑌤𑍍𑌰𑍀 𑌭𑌕𑍍𑌤𑌾𑌨𑍁𑌗𑍍𑌰𑌹𑌕𑌾𑌰𑌿𑌣𑍀 ॥ 2 ॥
𑌈𑌶𑌾𑌵𑌾𑌸𑍍𑌯𑌾 𑌮𑌹𑌾𑌮𑌾𑌯𑌾 𑌮𑌹𑌾𑌦𑍇𑌵𑍀 𑌮𑌹𑍇𑌶𑍍𑌵𑌰𑍀 ।
𑌹𑍃𑌲𑍍𑌲𑍇𑌖𑌾 𑌪𑌰𑌮𑌾 𑌶𑌕𑍍𑌤𑌿𑌰𑍍𑌮𑌾𑌤𑍃𑌕𑌾𑌬𑍀𑌜𑌰𑍂𑌪𑌿𑌣𑍀 ॥ 3 ॥
𑌨𑌿𑌤𑍍𑌯𑌾𑌨𑌨𑍍𑌦𑌾 𑌨𑌿𑌤𑍍𑌯𑌬𑍋𑌧𑌾 𑌨𑌾𑌦𑌿𑌨𑍀 𑌜𑌨𑌮𑍋𑌦𑌿𑌨𑍀 ।
𑌸𑌤𑍍𑌯𑌪𑍍𑌰𑌤𑍍𑌯𑌯𑌨𑍀 𑌚𑍈𑌵 𑌸𑍍𑌵𑌪𑍍𑌰𑌕𑌾𑌶𑌾𑌤𑍍𑌮𑌰𑍂𑌪𑌿𑌣𑍀 ॥ 4 ॥
𑌤𑍍𑌰𑌿𑌪𑍁𑌰𑌾 𑌭𑍈𑌰𑌵𑍀 𑌵𑌿𑌦𑍍𑌯𑌾 𑌹𑌂𑌸𑌾 𑌵𑌾𑌗𑍀𑌶𑍍𑌵𑌰𑍀 𑌶𑌿𑌵𑌾 ।
𑌵𑌾𑌗𑍍𑌦𑍇𑌵𑍀 𑌚 𑌮𑌹𑌾𑌰𑌾𑌤𑍍𑌰𑌿𑌃 𑌕𑌾𑌲𑌰𑌾𑌤𑍍𑌰𑌿𑌸𑍍𑌤𑍍𑌰𑌿𑌲𑍋𑌚𑌨𑌾 ॥ 5 ॥
𑌭𑌦𑍍𑌰𑌕𑌾𑌲𑍀 𑌕𑌰𑌾𑌲𑍀 𑌚 𑌮𑌹𑌾𑌕𑌾𑌲𑍀 𑌤𑌿𑌲𑍋𑌤𑍍𑌤𑌮𑌾 ।
𑌕𑌾𑌲𑍀 𑌕𑌰𑌾𑌲𑌵𑌕𑍍𑌤𑍍𑌰𑌾𑌨𑍍𑌤𑌾 𑌕𑌾𑌮𑌾𑌕𑍍𑌷𑍀 𑌕𑌾𑌮𑌦𑌾 𑌶𑍁𑌭𑌾 ॥ 6 ॥
𑌚𑌣𑍍𑌡𑌿𑌕𑌾 𑌚𑌣𑍍𑌡𑌰𑍂𑌪𑍇𑌶𑌾 𑌚𑌾𑌮𑍁𑌣𑍍𑌡𑌾 𑌚𑌕𑍍𑌰𑌧𑌾𑌰𑌿𑌣𑍀 ।
𑌤𑍍𑌰𑍈𑌲𑍋𑌕𑍍𑌯𑌜𑌯𑌿𑌨𑍀 𑌦𑍇𑌵𑍀 𑌤𑍍𑌰𑍈𑌲𑍋𑌕𑍍𑌯𑌵𑌿𑌜𑌯𑍋𑌤𑍍𑌤𑌮𑌾 ॥ 7 ॥
𑌸𑌿𑌦𑍍𑌧𑌲𑌕𑍍𑌷𑍍𑌮𑍀𑌃 𑌕𑍍𑌰𑌿𑌯𑌾𑌲𑌕𑍍𑌷𑍍𑌮𑍀𑌰𑍍𑌮𑍋𑌕𑍍𑌷𑌲𑌕𑍍𑌷𑍍𑌮𑍀𑌃 𑌪𑍍𑌰𑌸𑌾𑌦𑌿𑌨𑍀 ।
𑌉𑌮𑌾 𑌭𑌗𑌵𑌤𑍀 𑌦𑍁𑌰𑍍𑌗𑌾 𑌚𑌾𑌨𑍍𑌦𑍍𑌰𑍀 𑌦𑌾𑌕𑍍𑌷𑌾𑌯𑌣𑍀 𑌶𑌿𑌵𑌾 ॥ 8 ॥
𑌪𑍍𑌰𑌤𑍍𑌯𑌙𑍍𑌗𑌿𑌰𑌾 𑌧𑌰𑌾𑌵𑍇𑌲𑌾 𑌲𑍋𑌕𑌮𑌾𑌤𑌾 𑌹𑌰𑌿𑌪𑍍𑌰𑌿𑌯𑌾 ।
𑌪𑌾𑌰𑍍𑌵𑌤𑍀 𑌪𑌰𑌮𑌾 𑌦𑍇𑌵𑍀 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌪𑍍𑌰𑌦𑌾𑌯𑌿𑌨𑍀 ॥ 9 ॥
𑌅𑌰𑍂𑌪𑌾 𑌬𑌹𑍁𑌰𑍂𑌪𑌾 𑌚 𑌵𑌿𑌰𑍂𑌪𑌾 𑌵𑌿𑌶𑍍𑌵𑌰𑍂𑌪𑌿𑌣𑍀 ।
𑌪𑌞𑍍𑌚𑌭𑍂𑌤𑌾𑌤𑍍𑌮𑌿𑌕𑌾 𑌵𑌾𑌣𑍀 𑌪𑌞𑍍𑌚𑌭𑍂𑌤𑌾𑌤𑍍𑌮𑌿𑌕𑌾 𑌪𑌰𑌾 ॥ 10 ॥
𑌕𑌾𑌲𑍀 𑌮𑌾 𑌪𑌞𑍍𑌚𑌿𑌕𑌾 𑌵𑌾𑌗𑍍𑌮𑍀 𑌹𑌵𑌿𑌃𑌪𑍍𑌰𑌤𑍍𑌯𑌧𑌿𑌦𑍇𑌵𑌤𑌾 ।
𑌦𑍇𑌵𑌮𑌾𑌤𑌾 𑌸𑍁𑌰𑍇𑌶𑌾𑌨𑌾 𑌦𑍇𑌵𑌗𑌰𑍍𑌭𑌾𑌽𑌮𑍍𑌬𑌿𑌕𑌾 𑌧𑍃𑌤𑌿𑌃 ॥ 11 ॥
𑌸𑌙𑍍𑌖𑍍𑌯𑌾 𑌜𑌾𑌤𑌿𑌃 𑌕𑍍𑌰𑌿𑌯𑌾𑌶𑌕𑍍𑌤𑌿𑌃 𑌪𑍍𑌰𑌕𑍃𑌤𑌿𑌰𑍍𑌮𑍋𑌹𑌿𑌨𑍀 𑌮𑌹𑍀 ।
𑌯𑌜𑍍𑌞𑌵𑌿𑌦𑍍𑌯𑌾 𑌮𑌹𑌾𑌵𑌿𑌦𑍍𑌯𑌾 𑌗𑍁𑌹𑍍𑌯𑌵𑌿𑌦𑍍𑌯𑌾 𑌵𑌿𑌭𑌾𑌵𑌰𑍀 ॥ 12 ॥
𑌜𑍍𑌯𑍋𑌤𑌿𑌷𑍍𑌮𑌤𑍀 𑌮𑌹𑌾𑌮𑌾𑌤𑌾 𑌸𑌰𑍍𑌵𑌮𑌨𑍍𑌤𑍍𑌰𑌫𑌲𑌪𑍍𑌰𑌦𑌾 ।
𑌦𑌾𑌰𑌿𑌦𑍍𑌰𑍍𑌯𑌧𑍍𑌵𑌂𑌸𑌿𑌨𑍀 𑌦𑍇𑌵𑍀 𑌹𑍃𑌦𑌯𑌗𑍍𑌰𑌨𑍍𑌥𑌿𑌭𑍇𑌦𑌿𑌨𑍀 ॥ 13 ॥
𑌸𑌹𑌸𑍍𑌰𑌾𑌦𑌿𑌤𑍍𑌯𑌸𑌙𑍍𑌕𑌾𑌶𑌾 𑌚𑌨𑍍𑌦𑍍𑌰𑌿𑌕𑌾 𑌚𑌨𑍍𑌦𑍍𑌰𑌰𑍂𑌪𑌿𑌣𑍀 ।
𑌗𑌾𑌯𑌤𑍍𑌰𑍀 𑌸𑍋𑌮𑌸𑌮𑍍𑌭𑍂𑌤𑌿𑌸𑍍𑌸𑌾𑌵𑌿𑌤𑍍𑌰𑍀 𑌪𑍍𑌰𑌣𑌵𑌾𑌤𑍍𑌮𑌿𑌕𑌾 ॥ 14 ॥
𑌶𑌾𑌙𑍍𑌕𑌰𑍀 𑌵𑍈𑌷𑍍𑌣𑌵𑍀 𑌬𑍍𑌰𑌾𑌹𑍍𑌮𑍀 𑌸𑌰𑍍𑌵𑌦𑍇𑌵𑌨𑌮𑌸𑍍𑌕𑍃𑌤𑌾 ।
𑌸𑍇𑌵𑍍𑌯𑌦𑍁𑌰𑍍𑌗𑌾 𑌕𑍁𑌬𑍇𑌰𑌾𑌕𑍍𑌷𑍀 𑌕𑌰𑌵𑍀𑌰𑌨𑌿𑌵𑌾𑌸𑌿𑌨𑍀 ॥ 15 ॥
𑌜𑌯𑌾 𑌚 𑌵𑌿𑌜𑌯𑌾 𑌚𑍈𑌵 𑌜𑌯𑌨𑍍𑌤𑍀 𑌚𑌾𑌽𑌪𑌰𑌾𑌜𑌿𑌤𑌾 ।
𑌕𑍁𑌬𑍍𑌜𑌿𑌕𑌾 𑌕𑌾𑌲𑌿𑌕𑌾 𑌶𑌾𑌸𑍍𑌤𑍍𑌰𑍀 𑌵𑍀𑌣𑌾𑌪𑍁𑌸𑍍𑌤𑌕𑌧𑌾𑌰𑌿𑌣𑍀 ॥ 16 ॥
𑌸𑌰𑍍𑌵𑌜𑍍𑌞𑌶𑌕𑍍𑌤𑌿𑌶𑍍𑌶𑍍𑌰𑍀𑌶𑌕𑍍𑌤𑌿𑌰𑍍𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌤𑍍𑌮𑌿𑌕𑌾 ।
𑌇𑌡𑌾𑌪𑌿𑌙𑍍𑌗𑌲𑌿𑌕𑌾𑌮𑌧𑍍𑌯𑌮𑍃𑌣𑌾𑌲𑍀𑌤𑌨𑍍𑌤𑍁𑌰𑍂𑌪𑌿𑌣𑍀 ॥ 17 ॥
𑌯𑌜𑍍𑌞𑍇𑌶𑌾𑌨𑍀 𑌪𑍍𑌰𑌥𑌾 𑌦𑍀𑌕𑍍𑌷𑌾 𑌦𑌕𑍍𑌷𑌿𑌣𑌾 𑌸𑌰𑍍𑌵𑌮𑍋𑌹𑌿𑌨𑍀 ।
𑌅𑌷𑍍𑌟𑌾𑌙𑍍𑌗𑌯𑍋𑌗𑌿𑌨𑍀 𑌦𑍇𑌵𑍀 𑌨𑌿𑌰𑍍𑌬𑍀𑌜𑌧𑍍𑌯𑌾𑌨𑌗𑍋𑌚𑌰𑌾 ॥ 18 ॥
𑌸𑌰𑍍𑌵𑌤𑍀𑌰𑍍𑌥𑌸𑍍𑌥𑌿𑌤𑌾 𑌶𑍁𑌦𑍍𑌧𑌾 𑌸𑌰𑍍𑌵𑌪𑌰𑍍𑌵𑌤𑌵𑌾𑌸𑌿𑌨𑍀 ।
𑌵𑍇𑌦𑌶𑌾𑌸𑍍𑌤𑍍𑌰𑌪𑍍𑌰𑌭𑌾 𑌦𑍇𑌵𑍀 𑌷𑌡𑌙𑍍𑌗𑌾𑌦𑌿𑌪𑌦𑌕𑍍𑌰𑌮𑌾 ॥ 19 ॥
𑌶𑌿𑌵𑌾 𑌧𑌾𑌤𑍍𑌰𑍀 𑌶𑍁𑌭𑌾𑌨𑌨𑍍𑌦𑌾 𑌯𑌜𑍍𑌞𑌕𑌰𑍍𑌮𑌸𑍍𑌵𑌰𑍂𑌪𑌿𑌣𑍀 ।
𑌵𑍍𑌰𑌤𑌿𑌨𑍀 𑌮𑍇𑌨𑌕𑌾 𑌦𑍇𑌵𑍀 𑌬𑍍𑌰𑌹𑍍𑌮𑌾𑌣𑍀 𑌬𑍍𑌰𑌹𑍍𑌮𑌚𑌾𑌰𑌿𑌣𑍀 ॥ 20 ॥
𑌏𑌕𑌾𑌕𑍍𑌷𑌰𑌪𑌰𑌾 𑌤𑌾𑌰𑌾 𑌭𑌵𑌬𑌨𑍍𑌧𑌵𑌿𑌨𑌾𑌶𑌿𑌨𑍀 ।
𑌵𑌿𑌶𑍍𑌵𑌮𑍍𑌭𑌰𑌾 𑌧𑌰𑌾𑌧𑌾𑌰𑌾 𑌨𑌿𑌰𑌾𑌧𑌾𑌰𑌾𑌽𑌧𑌿𑌕𑌸𑍍𑌵𑌰𑌾 ॥ 21 ॥
𑌰𑌾𑌕𑌾 𑌕𑍁𑌹𑍂𑌰𑌮𑌾𑌵𑌾𑌸𑍍𑌯𑌾 𑌪𑍂𑌰𑍍𑌣𑌿𑌮𑌾𑌽𑌨𑍁𑌮𑌤𑌿𑌰𑍍𑌦𑍍𑌯𑍁𑌤𑌿𑌃 ।
𑌸𑌿𑌨𑍀𑌵𑌾𑌲𑍀 𑌶𑌿𑌵𑌾𑌽𑌵𑌶𑍍𑌯𑌾 𑌵𑍈𑌶𑍍𑌵𑌦𑍇𑌵𑍀 𑌪𑌿𑌶𑌙𑍍𑌗𑌿𑌲𑌾 ॥ 22 ॥
𑌪𑌿𑌪𑍍𑌪𑌲𑌾 𑌚 𑌵𑌿𑌶𑌾𑌲𑌾𑌕𑍍𑌷𑍀 𑌰𑌕𑍍𑌷𑍋𑌘𑍍𑌨𑍀 𑌵𑍃𑌷𑍍𑌟𑌿𑌕𑌾𑌰𑌿𑌣𑍀 ।
𑌦𑍁𑌷𑍍𑌟𑌵𑌿𑌦𑍍𑌰𑌾𑌵𑌿𑌣𑍀 𑌦𑍇𑌵𑍀 𑌸𑌰𑍍𑌵𑍋𑌪𑌦𑍍𑌰𑌵𑌨𑌾𑌶𑌿𑌨𑍀 ॥ 23 ॥
𑌶𑌾𑌰𑌦𑌾 𑌶𑌰𑌸𑌨𑍍𑌧𑌾𑌨𑌾 𑌸𑌰𑍍𑌵𑌶𑌸𑍍𑌤𑍍𑌰𑌸𑍍𑌵𑌰𑍂𑌪𑌿𑌣𑍀 ।
𑌯𑍁𑌦𑍍𑌧𑌮𑌧𑍍𑌯𑌸𑍍𑌥𑌿𑌤𑌾 𑌦𑍇𑌵𑍀 𑌸𑌰𑍍𑌵𑌭𑍂𑌤𑌪𑍍𑌰𑌭𑌞𑍍𑌜𑌨𑍀 ॥ 24 ॥
𑌅𑌯𑍁𑌦𑍍𑌧𑌾 𑌯𑍁𑌦𑍍𑌧𑌰𑍂𑌪𑌾 𑌚 𑌶𑌾𑌨𑍍𑌤𑌾 𑌶𑌾𑌨𑍍𑌤𑌿𑌸𑍍𑌵𑌰𑍂𑌪𑌿𑌣𑍀 ।
𑌗𑌙𑍍𑌗𑌾 𑌸𑌰𑌸𑍍𑌵𑌤𑍀𑌵𑍇𑌣𑍀𑌯𑌮𑍁𑌨𑌾𑌨𑌰𑍍𑌮𑌦𑌾𑌪𑌗𑌾 ॥ 25 ॥
𑌸𑌮𑍁𑌦𑍍𑌰𑌵𑌸𑌨𑌾𑌵𑌾𑌸𑌾 𑌬𑍍𑌰𑌹𑍍𑌮𑌾𑌣𑍍𑌡𑌶𑍍𑌰𑍋𑌣𑌿𑌮𑍇𑌖𑌲𑌾 ।
𑌪𑌞𑍍𑌚𑌵𑌕𑍍𑌤𑍍𑌰𑌾 𑌦𑌶𑌭𑍁𑌜𑌾 𑌶𑍁𑌦𑍍𑌧𑌸𑍍𑌫𑌟𑌿𑌕𑌸𑌨𑍍𑌨𑌿𑌭𑌾 ॥ 26 ॥
𑌰𑌕𑍍𑌤𑌾 𑌕𑍃𑌷𑍍𑌣𑌾 𑌸𑌿𑌤𑌾 𑌪𑍀𑌤𑌾 𑌸𑌰𑍍𑌵𑌵𑌰𑍍𑌣𑌾 𑌨𑌿𑌰𑍀𑌶𑍍𑌵𑌰𑍀 ।
𑌕𑌾𑌲𑌿𑌕𑌾 𑌚𑌕𑍍𑌰𑌿𑌕𑌾 𑌦𑍇𑌵𑍀 𑌸𑌤𑍍𑌯𑌾 𑌤𑍁 𑌵𑌟𑍁𑌕𑌾𑌸𑍍𑌥𑌿𑌤𑌾 ॥ 27 ॥
𑌤𑌰𑍁𑌣𑍀 𑌵𑌾𑌰𑍁𑌣𑍀 𑌨𑌾𑌰𑍀 𑌜𑍍𑌯𑍇𑌷𑍍𑌠𑌾𑌦𑍇𑌵𑍀 𑌸𑍁𑌰𑍇𑌶𑍍𑌵𑌰𑍀 ।
𑌵𑌿𑌶𑍍𑌵𑌮𑍍𑌭𑌰𑌾𑌧𑌰𑌾 𑌕𑌰𑍍𑌤𑍍𑌰𑍀 𑌗𑌲𑌾𑌰𑍍𑌗𑌲𑌵𑌿𑌭𑌞𑍍𑌜𑌨𑍀 ॥ 28 ॥
𑌸𑌨𑍍𑌧𑍍𑌯𑌾𑌰𑌾𑌤𑍍𑌰𑌿𑌰𑍍𑌦𑌿𑌵𑌾𑌜𑍍𑌯𑍋𑌤𑍍𑌸𑍍𑌨𑌾 𑌕𑌲𑌾𑌕𑌾𑌷𑍍𑌠𑌾 𑌨𑌿𑌮𑍇𑌷𑌿𑌕𑌾 ।
𑌉𑌰𑍍𑌵𑍀 𑌕𑌾𑌤𑍍𑌯𑌾𑌯𑌨𑍀 𑌶𑍁𑌭𑍍𑌰𑌾 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌿𑌣𑍀 ॥ 29 ॥
𑌕𑌪𑌿𑌲𑌾 𑌕𑍀𑌲𑌿𑌕𑌾𑌽𑌶𑍋𑌕𑌾 𑌮𑌲𑍍𑌲𑌿𑌕𑌾𑌨𑌵𑌮𑌲𑍍𑌲𑌿𑌕𑌾 । [ 𑌮𑌲𑍍𑌲𑌿𑌕𑌾𑌨𑌵𑌮𑌾𑌲𑌿𑌕𑌾 ]
𑌦𑍇𑌵𑌿𑌕𑌾 𑌨𑌨𑍍𑌦𑌿𑌕𑌾 𑌶𑌾𑌨𑍍𑌤𑌾 𑌭𑌞𑍍𑌜𑌿𑌕𑌾 𑌭𑌯𑌭𑌞𑍍𑌜𑌿𑌕𑌾 ॥ 30 ॥
𑌕𑍗𑌶𑌿𑌕𑍀 𑌵𑍈𑌦𑌿𑌕𑍀 𑌦𑍇𑌵𑍀 𑌸𑍗𑌰𑍀 𑌰𑍂𑌪𑌾𑌧𑌿𑌕𑌾𑌽𑌤𑌿𑌭𑌾 ।
𑌦𑌿𑌗𑍍𑌵𑌸𑍍𑌤𑍍𑌰𑌾 𑌨𑌵𑌵𑌸𑍍𑌤𑍍𑌰𑌾 𑌚 𑌕𑌨𑍍𑌯𑌕𑌾 𑌕𑌮𑌲𑍋𑌦𑍍𑌭𑌵𑌾 ॥ 31 ॥
𑌶𑍍𑌰𑍀𑌸𑍍𑌸𑍗𑌮𑍍𑌯𑌲𑌕𑍍𑌷𑌣𑌾𑌽𑌤𑍀𑌤𑌦𑍁𑌰𑍍𑌗𑌾 𑌸𑍂𑌤𑍍𑌰𑌪𑍍𑌰𑌬𑍋𑌧𑌿𑌕𑌾 ।
𑌶𑍍𑌰𑌦𑍍𑌧𑌾 𑌮𑍇𑌧𑌾 𑌕𑍃𑌤𑌿𑌃 𑌪𑍍𑌰𑌜𑍍𑌞𑌾 𑌧𑌾𑌰𑌣𑌾 𑌕𑌾𑌨𑍍𑌤𑌿𑌰𑍇𑌵 𑌚 ॥ 32 ॥
𑌶𑍍𑌰𑍁𑌤𑌿𑌃 𑌸𑍍𑌮𑍃𑌤𑌿𑌰𑍍𑌧𑍃𑌤𑌿𑌰𑍍𑌧𑌨𑍍𑌯𑌾 𑌭𑍂𑌤𑌿𑌰𑌿𑌷𑍍𑌟𑌿𑌰𑍍𑌮𑌨𑍀𑌷𑌿𑌣𑍀 ।
𑌵𑌿𑌰𑌕𑍍𑌤𑌿𑌰𑍍𑌵𑍍𑌯𑌾𑌪𑌿𑌨𑍀 𑌮𑌾𑌯𑌾 𑌸𑌰𑍍𑌵𑌮𑌾𑌯𑌾𑌪𑍍𑌰𑌭𑌞𑍍𑌜𑌨𑍀 ॥ 33 ॥
𑌮𑌾𑌹𑍇𑌨𑍍𑌦𑍍𑌰𑍀 𑌮𑌨𑍍𑌤𑍍𑌰𑌿𑌣𑍀 𑌸𑌿𑌂𑌹𑍀 𑌚𑍇𑌨𑍍𑌦𑍍𑌰𑌜𑌾𑌲𑌸𑍍𑌵𑌰𑍂𑌪𑌿𑌣𑍀 ।
𑌅𑌵𑌸𑍍𑌥𑌾𑌤𑍍𑌰𑌯𑌨𑌿𑌰𑍍𑌮𑍁𑌕𑍍𑌤𑌾 𑌗𑍁𑌣𑌤𑍍𑌰𑌯𑌵𑌿𑌵𑌰𑍍𑌜𑌿𑌤𑌾 ॥ 34 ॥
𑌈𑌷𑌣𑌾𑌤𑍍𑌰𑌯𑌨𑌿𑌰𑍍𑌮𑍁𑌕𑍍𑌤𑌾 𑌸𑌰𑍍𑌵𑌰𑍋𑌗𑌵𑌿𑌵𑌰𑍍𑌜𑌿𑌤𑌾 ।
𑌯𑍋𑌗𑌿𑌧𑍍𑌯𑌾𑌨𑌾𑌨𑍍𑌤𑌗𑌮𑍍𑌯𑌾 𑌚 𑌯𑍋𑌗𑌧𑍍𑌯𑌾𑌨𑌪𑌰𑌾𑌯𑌣𑌾 ॥ 35 ॥
𑌤𑍍𑌰𑌯𑍀𑌶𑌿𑌖𑌾 𑌵𑌿𑌶𑍇𑌷𑌜𑍍𑌞𑌾 𑌵𑍇𑌦𑌾𑌨𑍍𑌤𑌜𑍍𑌞𑌾𑌨𑌰𑍂𑌪𑌿𑌣𑍀 ।
𑌭𑌾𑌰𑌤𑍀 𑌕𑌮𑌲𑌾 𑌭𑌾𑌷𑌾 𑌪𑌦𑍍𑌮𑌾 𑌪𑌦𑍍𑌮𑌵𑌤𑍀 𑌕𑍃𑌤𑌿𑌃 ॥ 36 ॥
𑌗𑍗𑌤𑌮𑍀 𑌗𑍋𑌮𑌤𑍀 𑌗𑍗𑌰𑍀 𑌈𑌶𑌾𑌨𑌾 𑌹𑌂𑌸𑌵𑌾𑌹𑌿𑌨𑍀 ।
𑌨𑌾𑌰𑌾𑌯𑌣𑍀 𑌪𑍍𑌰𑌭𑌾𑌧𑌾𑌰𑌾 𑌜𑌾𑌹𑍍𑌨𑌵𑍀 𑌶𑌙𑍍𑌕𑌰𑌾𑌤𑍍𑌮𑌜𑌾 ॥ 37 ॥
𑌚𑌿𑌤𑍍𑌰𑌘𑌣𑍍𑌟𑌾 𑌸𑍁𑌨𑌨𑍍𑌦𑌾 𑌶𑍍𑌰𑍀𑌰𑍍𑌮𑌾𑌨𑌵𑍀 𑌮𑌨𑍁𑌸𑌮𑍍𑌭𑌵𑌾 ।
𑌸𑍍𑌤𑌮𑍍𑌭𑌿𑌨𑍀 𑌕𑍍𑌷𑍋𑌭𑌿𑌣𑍀 𑌮𑌾𑌰𑍀 𑌭𑍍𑌰𑌾𑌮𑌿𑌣𑍀 𑌶𑌤𑍍𑌰𑍁𑌮𑌾𑌰𑌿𑌣𑍀 ॥ 38 ॥
𑌮𑍋𑌹𑌿𑌨𑍀 𑌦𑍍𑌵𑍇𑌷𑌿𑌣𑍀 𑌵𑍀𑌰𑌾 𑌅𑌘𑍋𑌰𑌾 𑌰𑍁𑌦𑍍𑌰𑌰𑍂𑌪𑌿𑌣𑍀 ।
𑌰𑍁𑌦𑍍𑌰𑍈𑌕𑌾𑌦𑌶𑌿𑌨𑍀 𑌪𑍁𑌣𑍍𑌯𑌾 𑌕𑌲𑍍𑌯𑌾𑌣𑍀 𑌲𑌾𑌭𑌕𑌾𑌰𑌿𑌣𑍀 ॥ 39 ॥
𑌦𑍇𑌵𑌦𑍁𑌰𑍍𑌗𑌾 𑌮𑌹𑌾𑌦𑍁𑌰𑍍𑌗𑌾 𑌸𑍍𑌵𑌪𑍍𑌨𑌦𑍁𑌰𑍍𑌗𑌾𑌽𑌷𑍍𑌟𑌭𑍈𑌰𑌵𑍀 ।
𑌸𑍂𑌰𑍍𑌯𑌚𑌨𑍍𑌦𑍍𑌰𑌾𑌗𑍍𑌨𑌿𑌰𑍂𑌪𑌾 𑌚 𑌗𑍍𑌰𑌹𑌨𑌕𑍍𑌷𑌤𑍍𑌰𑌰𑍂𑌪𑌿𑌣𑍀 ॥ 40 ॥
𑌬𑌿𑌨𑍍𑌦𑍁𑌨𑌾𑌦𑌕𑌲𑌾𑌤𑍀𑌤𑌾 𑌬𑌿𑌨𑍍𑌦𑍁𑌨𑌾𑌦𑌕𑌲𑌾𑌤𑍍𑌮𑌿𑌕𑌾 ।
𑌦𑌶𑌵𑌾𑌯𑍁𑌜𑌯𑌾𑌕𑌾𑌰𑌾 𑌕𑌲𑌾𑌷𑍋𑌡𑌶𑌸𑌂𑌯𑍁𑌤𑌾 ॥ 41 ॥
𑌕𑌾𑌶𑍍𑌯𑌪𑍀 𑌕𑌮𑌲𑌾𑌦𑍇𑌵𑍀 𑌨𑌾𑌦𑌚𑌕𑍍𑌰𑌨𑌿𑌵𑌾𑌸𑌿𑌨𑍀 ।
𑌮𑍃𑌡𑌾𑌧𑌾𑌰𑌾 𑌸𑍍𑌥𑌿𑌰𑌾 𑌗𑍁𑌹𑍍𑌯𑌾 𑌦𑍇𑌵𑌿𑌕𑌾 𑌚𑌕𑍍𑌰𑌰𑍂𑌪𑌿𑌣𑍀 ॥ 42 ॥
𑌅𑌵𑌿𑌦𑍍𑌯𑌾 𑌶𑌾𑌰𑍍𑌵𑌰𑍀 𑌭𑍁𑌞𑍍𑌜𑌾 𑌜𑌮𑍍𑌭𑌾𑌸𑍁𑌰𑌨𑌿𑌬𑌰𑍍𑌹𑌿𑌣𑍀 ।
𑌶𑍍𑌰𑍀𑌕𑌾𑌯𑌾 𑌶𑍍𑌰𑍀𑌕𑌲𑌾 𑌶𑍁𑌭𑍍𑌰𑌾 𑌕𑌰𑍍𑌮𑌨𑌿𑌰𑍍𑌮𑍂𑌲𑌕𑌾𑌰𑌿𑌣𑍀 ॥ 43 ॥
𑌆𑌦𑌿𑌲𑌕𑍍𑌷𑍍𑌮𑍀𑌰𑍍𑌗𑍁𑌣𑌾𑌧𑌾𑌰𑌾 𑌪𑌞𑍍𑌚𑌬𑍍𑌰𑌹𑍍𑌮𑌾𑌤𑍍𑌮𑌿𑌕𑌾 𑌪𑌰𑌾 ।
𑌶𑍍𑌰𑍁𑌤𑌿𑌰𑍍𑌬𑍍𑌰𑌹𑍍𑌮𑌮𑍁𑌖𑌾𑌵𑌾𑌸𑌾 𑌸𑌰𑍍𑌵𑌸𑌮𑍍𑌪𑌤𑍍𑌤𑌿𑌰𑍂𑌪𑌿𑌣𑍀 ॥ 44 ॥
𑌮𑍃𑌤𑌸𑌞𑍍𑌜𑍀𑌵𑌨𑍀 𑌮𑍈𑌤𑍍𑌰𑍀 𑌕𑌾𑌮𑌿𑌨𑍀 𑌕𑌾𑌮𑌵𑌰𑍍𑌜𑌿𑌤𑌾 ।
𑌨𑌿𑌰𑍍𑌵𑌾𑌣𑌮𑌾𑌰𑍍𑌗𑌦𑌾 𑌦𑍇𑌵𑍀 𑌹𑌂𑌸𑌿𑌨𑍀 𑌕𑌾𑌶𑌿𑌕𑌾 𑌕𑍍𑌷𑌮𑌾 ॥ 45 ॥
𑌸𑌪𑌰𑍍𑌯𑌾 𑌗𑍁𑌣𑌿𑌨𑍀 𑌭𑌿𑌨𑍍𑌨𑌾 𑌨𑌿𑌰𑍍𑌗𑍁𑌣𑌾 𑌖𑌣𑍍𑌡𑌿𑌤𑌾𑌶𑍁𑌭𑌾 ।
𑌸𑍍𑌵𑌾𑌮𑌿𑌨𑍀 𑌵𑍇𑌦𑌿𑌨𑍀 𑌶𑌕𑍍𑌯𑌾 𑌶𑌾𑌮𑍍𑌬𑌰𑍀 𑌚𑌕𑍍𑌰𑌧𑌾𑌰𑌿𑌣𑍀 ॥ 46 ॥
𑌦𑌣𑍍𑌡𑌿𑌨𑍀 𑌮𑍁𑌣𑍍𑌡𑌿𑌨𑍀 𑌵𑍍𑌯𑌾𑌘𑍍𑌰𑍀 𑌶𑌿𑌖𑌿𑌨𑍀 𑌸𑍋𑌮𑌸𑌂𑌹𑌤𑌿𑌃 ।
𑌚𑌿𑌨𑍍𑌤𑌾𑌮𑌣𑌿𑌶𑍍𑌚𑌿𑌦𑌾𑌨𑌨𑍍𑌦𑌾 𑌪𑌞𑍍𑌚𑌬𑌾𑌣𑌪𑍍𑌰𑌬𑍋𑌧𑌿𑌨𑍀 ॥ 47 ॥
𑌬𑌾𑌣𑌶𑍍𑌰𑍇𑌣𑌿𑌸𑍍𑌸𑌹𑌸𑍍𑌰𑌾𑌕𑍍𑌷𑍀 𑌸𑌹𑌸𑍍𑌰𑌭𑍁𑌜𑌪𑌾𑌦𑍁𑌕𑌾 ।
𑌸𑌨𑍍𑌧𑍍𑌯𑌾𑌵𑌲𑌿𑌸𑍍𑌤𑍍𑌰𑌿𑌸𑌨𑍍𑌧𑍍𑌯𑌾𑌖𑍍𑌯𑌾 𑌬𑍍𑌰𑌹𑍍𑌮𑌾𑌣𑍍𑌡𑌮𑌣𑌿𑌭𑍂𑌷𑌣𑌾 ॥ 48 ॥
𑌵𑌾𑌸𑌵𑍀 𑌵𑌾𑌰𑍁𑌣𑍀𑌸𑍇𑌨𑌾 𑌕𑍁𑌲𑌿𑌕𑌾 𑌮𑌨𑍍𑌤𑍍𑌰𑌰𑌞𑍍𑌜𑌨𑍀 ।
𑌜𑌿𑌤𑌪𑍍𑌰𑌾𑌣𑌸𑍍𑌵𑌰𑍂𑌪𑌾 𑌚 𑌕𑌾𑌨𑍍𑌤𑌾 𑌕𑌾𑌮𑍍𑌯𑌵𑌰𑌪𑍍𑌰𑌦𑌾 ॥ 49 ॥
𑌮𑌨𑍍𑌤𑍍𑌰𑌬𑍍𑌰𑌾𑌹𑍍𑌮𑌣𑌵𑌿𑌦𑍍𑌯𑌾𑌰𑍍𑌥𑌾 𑌨𑌾𑌦𑌰𑍂𑌪𑌾 𑌹𑌵𑌿𑌷𑍍𑌮𑌤𑍀 ।
𑌆𑌥𑌰𑍍𑌵𑌣𑌿𑌃 𑌶𑍍𑌰𑍁𑌤𑌿𑌃 𑌶𑍂𑌨𑍍𑌯𑌾 𑌕𑌲𑍍𑌪𑌨𑌾𑌵𑌰𑍍𑌜𑌿𑌤𑌾 𑌸𑌤𑍀 ॥ 50 ॥
𑌸𑌤𑍍𑌤𑌾𑌜𑌾𑌤𑌿𑌃 𑌪𑍍𑌰𑌮𑌾𑌽𑌮𑍇𑌯𑌾𑌽𑌪𑍍𑌰𑌮𑌿𑌤𑌿𑌃 𑌪𑍍𑌰𑌾𑌣𑌦𑌾 𑌗𑌤𑌿𑌃 ।
𑌅𑌵𑌰𑍍𑌣𑌾 𑌪𑌞𑍍𑌚𑌵𑌰𑍍𑌣𑌾 𑌚 𑌸𑌰𑍍𑌵𑌦𑌾 𑌭𑍁𑌵𑌨𑍇𑌶𑍍𑌵𑌰𑍀 ॥ 51 ॥
𑌤𑍍𑌰𑍈𑌲𑍋𑌕𑍍𑌯𑌮𑍋𑌹𑌿𑌨𑍀 𑌵𑌿𑌦𑍍𑌯𑌾 𑌸𑌰𑍍𑌵𑌭𑌰𑍍𑌤𑍍𑌰𑍀 𑌕𑍍𑌷𑌰𑌾𑌽𑌕𑍍𑌷𑌰𑌾 ।
𑌹𑌿𑌰𑌣𑍍𑌯𑌵𑌰𑍍𑌣𑌾 𑌹𑌰𑌿𑌣𑍀 𑌸𑌰𑍍𑌵𑍋𑌪𑌦𑍍𑌰𑌵𑌨𑌾𑌶𑌿𑌨𑍀 ॥ 52 ॥
𑌕𑍈𑌵𑌲𑍍𑌯𑌪𑌦𑌵𑍀𑌰𑍇𑌖𑌾 𑌸𑍂𑌰𑍍𑌯𑌮𑌣𑍍𑌡𑌲𑌸𑌂𑌸𑍍𑌥𑌿𑌤𑌾 ।
𑌸𑍋𑌮𑌮𑌣𑍍𑌡𑌲𑌮𑌧𑍍𑌯𑌸𑍍𑌥𑌾 𑌵𑌹𑍍𑌨𑌿𑌮𑌣𑍍𑌡𑌲𑌸𑌂𑌸𑍍𑌥𑌿𑌤𑌾 ॥ 53 ॥
𑌵𑌾𑌯𑍁𑌮𑌣𑍍𑌡𑌲𑌮𑌧𑍍𑌯𑌸𑍍𑌥𑌾 𑌵𑍍𑌯𑍋𑌮𑌮𑌣𑍍𑌡𑌲𑌸𑌂𑌸𑍍𑌥𑌿𑌤𑌾 ।
𑌚𑌕𑍍𑌰𑌿𑌕𑌾 𑌚𑌕𑍍𑌰𑌮𑌧𑍍𑌯𑌸𑍍𑌥𑌾 𑌚𑌕𑍍𑌰𑌮𑌾𑌰𑍍𑌗𑌪𑍍𑌰𑌵𑌰𑍍𑌤𑌿𑌨𑍀 ॥ 54 ॥
𑌕𑍋𑌕𑌿𑌲𑌾𑌕𑍁𑌲𑌚𑌕𑍍𑌰𑍇𑌶𑌾 𑌪𑌕𑍍𑌷𑌤𑌿𑌃 𑌪𑌙𑍍𑌕𑍍𑌤𑌿𑌪𑌾𑌵𑌨𑍀 ।
𑌸𑌰𑍍𑌵𑌸𑌿𑌦𑍍𑌧𑌾𑌨𑍍𑌤𑌮𑌾𑌰𑍍𑌗𑌸𑍍𑌥𑌾 𑌷𑌡𑍍𑌵𑌰𑍍𑌣𑌾𑌵𑌰𑌵𑌰𑍍𑌜𑌿𑌤𑌾 ॥ 55 ॥
𑌶𑌰𑌰𑍁𑌦𑍍𑌰𑌹𑌰𑌾 𑌹𑌨𑍍𑌤𑍍𑌰𑍀 𑌸𑌰𑍍𑌵𑌸𑌂𑌹𑌾𑌰𑌕𑌾𑌰𑌿𑌣𑍀 ।
𑌪𑍁𑌰𑍁𑌷𑌾 𑌪𑍗𑌰𑍁𑌷𑍀 𑌤𑍁𑌷𑍍𑌟𑌿𑌸𑍍𑌸𑌰𑍍𑌵𑌤𑌨𑍍𑌤𑍍𑌰𑌪𑍍𑌰𑌸𑍂𑌤𑌿𑌕𑌾 ॥ 56 ॥
𑌅𑌰𑍍𑌧𑌨𑌾𑌰𑍀𑌶𑍍𑌵𑌰𑍀 𑌦𑍇𑌵𑍀 𑌸𑌰𑍍𑌵𑌵𑌿𑌦𑍍𑌯𑌾𑌪𑍍𑌰𑌦𑌾𑌯𑌿𑌨𑍀 ।
𑌭𑌾𑌰𑍍𑌗𑌵𑍀 𑌯𑌾𑌜𑍁𑌷𑍀𑌵𑌿𑌦𑍍𑌯𑌾 𑌸𑌰𑍍𑌵𑍋𑌪𑌨𑌿𑌷𑌦𑌾𑌸𑍍𑌥𑌿𑌤𑌾 ॥ 57 ॥ [ 𑌭𑍁𑌜𑍁𑌷𑍀𑌵𑌿𑌦𑍍𑌯𑌾 ]
𑌵𑍍𑌯𑍋𑌮𑌕𑍇𑌶𑌾𑌖𑌿𑌲𑌪𑍍𑌰𑌾𑌣𑌾 𑌪𑌞𑍍𑌚𑌕𑍋𑌶𑌵𑌿𑌲𑌕𑍍𑌷𑌣𑌾 ।
𑌪𑌞𑍍𑌚𑌕𑍋𑌶𑌾𑌤𑍍𑌮𑌿𑌕𑌾 𑌪𑍍𑌰𑌤𑍍𑌯𑌕𑍍𑌪𑌞𑍍𑌚𑌬𑍍𑌰𑌹𑍍𑌮𑌾𑌤𑍍𑌮𑌿𑌕𑌾 𑌶𑌿𑌵𑌾 ॥ 58 ॥
𑌜𑌗𑌜𑍍𑌜𑌰𑌾𑌜𑌨𑌿𑌤𑍍𑌰𑍀 𑌚 𑌪𑌞𑍍𑌚𑌕𑌰𑍍𑌮𑌪𑍍𑌰𑌸𑍂𑌤𑌿𑌕𑌾 ।
𑌵𑌾𑌗𑍍𑌦𑍇𑌵𑍍𑌯𑌾𑌭𑌰𑌣𑌾𑌕𑌾𑌰𑌾 𑌸𑌰𑍍𑌵𑌕𑌾𑌮𑍍𑌯𑌸𑍍𑌥𑌿𑌤𑌾𑌸𑍍𑌥𑌿𑌤𑌿𑌃 ॥ 59 ॥
𑌅𑌷𑍍𑌟𑌾𑌦𑌶𑌚𑌤𑍁𑌷𑍍𑌷𑌷𑍍𑌠𑌿𑌪𑍀𑌠𑌿𑌕𑌾 𑌵𑌿𑌦𑍍𑌯𑌯𑌾 𑌯𑍁𑌤𑌾 ।
𑌕𑌾𑌲𑌿𑌕𑌾𑌕𑌰𑍍𑌷𑌣𑌶𑍍𑌯𑌾𑌮𑌾 𑌯𑌕𑍍𑌷𑌿𑌣𑍀 𑌕𑌿𑌨𑍍𑌨𑌰𑍇𑌶𑍍𑌵𑌰𑍀 ॥ 60 ॥
𑌕𑍇𑌤𑌕𑍀 𑌮𑌲𑍍𑌲𑌿𑌕𑌾𑌽𑌶𑍋𑌕𑌾 𑌵𑌾𑌰𑌾𑌹𑍀 𑌧𑌰𑌣𑍀 𑌧𑍍𑌰𑍁𑌵𑌾 ।
𑌨𑌾𑌰𑌸𑌿𑌂𑌹𑍀 𑌮𑌹𑍋𑌗𑍍𑌰𑌾𑌸𑍍𑌯𑌾 𑌭𑌕𑍍𑌤𑌾𑌨𑌾𑌮𑌾𑌰𑍍𑌤𑌿𑌨𑌾𑌶𑌿𑌨𑍀 ॥ 61 ॥
𑌅𑌨𑍍𑌤𑌰𑍍𑌬𑌲𑌾 𑌸𑍍𑌥𑌿𑌰𑌾 𑌲𑌕𑍍𑌷𑍍𑌮𑍀𑌰𑍍𑌜𑌰𑌾𑌮𑌰𑌣𑌨𑌾𑌶𑌿𑌨𑍀 ।
𑌶𑍍𑌰𑍀𑌰𑌞𑍍𑌜𑌿𑌤𑌾 𑌮𑌹𑌾𑌕𑌾𑌯𑌾 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌾 ॥ 62 ॥
𑌅𑌦𑌿𑌤𑌿𑌰𑍍𑌦𑍇𑌵𑌮𑌾𑌤𑌾 𑌚 𑌅𑌷𑍍𑌟𑌪𑍁𑌤𑍍𑌰𑌾𑌽𑌷𑍍𑌟𑌯𑍋𑌗𑌿𑌨𑍀 ।
𑌅𑌷𑍍𑌟𑌪𑍍𑌰𑌕𑍃𑌤𑌿𑌰𑌷𑍍𑌟𑌾𑌷𑍍𑌟𑌵𑌿𑌭𑍍𑌰𑌾𑌜𑌦𑍍𑌵𑌿𑌕𑍃𑌤𑌾𑌕𑍃𑌤𑌿𑌃 ॥ 63 ॥
𑌦𑍁𑌰𑍍𑌭𑌿𑌕𑍍𑌷𑌧𑍍𑌵𑌂𑌸𑌿𑌨𑍀 𑌦𑍇𑌵𑍀 𑌸𑍀𑌤𑌾 𑌸𑌤𑍍𑌯𑌾 𑌚 𑌰𑍁𑌕𑍍𑌮𑌿𑌣𑍀 ।
𑌖𑍍𑌯𑌾𑌤𑌿𑌜𑌾 𑌭𑌾𑌰𑍍𑌗𑌵𑍀 𑌦𑍇𑌵𑍀 𑌦𑍇𑌵𑌯𑍋𑌨𑌿𑌸𑍍𑌤𑌪𑌸𑍍𑌵𑌿𑌨𑍀 ॥ 64 ॥
𑌶𑌾𑌕𑌮𑍍𑌭𑌰𑍀 𑌮𑌹𑌾𑌶𑍋𑌣𑌾 𑌗𑌰𑍁𑌡𑍋𑌪𑌰𑌿𑌸𑌂𑌸𑍍𑌥𑌿𑌤𑌾 ।
𑌸𑌿𑌂𑌹𑌗𑌾 𑌵𑍍𑌯𑌾𑌘𑍍𑌰𑌗𑌾 𑌦𑍇𑌵𑍀 𑌵𑌾𑌯𑍁𑌗𑌾 𑌚 𑌮𑌹𑌾𑌦𑍍𑌰𑌿𑌗𑌾 ॥ 65 ॥
𑌅𑌕𑌾𑌰𑌾𑌦𑌿𑌕𑍍𑌷𑌕𑌾𑌰𑌾𑌨𑍍𑌤𑌾 𑌸𑌰𑍍𑌵𑌵𑌿𑌦𑍍𑌯𑌾𑌧𑌿𑌦𑍇𑌵𑌤𑌾 ।
𑌮𑌨𑍍𑌤𑍍𑌰𑌵𑍍𑌯𑌾𑌖𑍍𑌯𑌾𑌨𑌨𑌿𑌪𑍁𑌣𑌾 𑌜𑍍𑌯𑍋𑌤𑌿𑌶𑍍𑌶𑌾𑌸𑍍𑌤𑍍𑌰𑍈𑌕𑌲𑍋𑌚𑌨𑌾 ॥ 66 ॥
𑌇𑌡𑌾𑌪𑌿𑌙𑍍𑌗𑌲𑌿𑌕𑌾𑌮𑌧𑍍𑌯𑌾𑌸𑍁𑌷𑍁𑌮𑍍𑌨𑌾 𑌗𑍍𑌰𑌨𑍍𑌥𑌿𑌭𑍇𑌦𑌿𑌨𑍀 ।
𑌕𑌾𑌲𑌚𑌕𑍍𑌰𑌾𑌶𑍍𑌰𑌯𑍋𑌪𑍇𑌤𑌾 𑌕𑌾𑌲𑌚𑌕𑍍𑌰𑌸𑍍𑌵𑌰𑍂𑌪𑌿𑌣𑍀 ॥ 67 ॥
𑌵𑍈𑌶𑌾𑌰𑌦𑍀 𑌮𑌤𑌿𑌶𑍍𑌶𑍍𑌰𑍇𑌷𑍍𑌠𑌾 𑌵𑌰𑌿𑌷𑍍𑌠𑌾 𑌸𑌰𑍍𑌵𑌦𑍀𑌪𑌿𑌕𑌾 ।
𑌵𑍈𑌨𑌾𑌯𑌕𑍀 𑌵𑌰𑌾𑌰𑍋𑌹𑌾 𑌶𑍍𑌰𑍋𑌣𑌿𑌵𑍇𑌲𑌾 𑌬𑌹𑌿𑌰𑍍𑌵𑌲𑌿𑌃 ॥ 68 ॥
𑌜𑌮𑍍𑌭𑌿𑌨𑍀 𑌜𑍃𑌮𑍍𑌭𑌿𑌣𑍀 𑌜𑌮𑍍𑌭𑌕𑌾𑌰𑌿𑌣𑍀 𑌗𑌣𑌕𑌾𑌰𑌿𑌕𑌾 ।
𑌶𑌰𑌣𑍀 𑌚𑌕𑍍𑌰𑌿𑌕𑌾𑌽𑌨𑌨𑍍𑌤𑌾 𑌸𑌰𑍍𑌵𑌵𑍍𑌯𑌾𑌧𑌿𑌚𑌿𑌕𑌿𑌤𑍍𑌸𑌕𑍀 ॥ 69 ॥
𑌦𑍇𑌵𑌕𑍀 𑌦𑍇𑌵𑌸𑌙𑍍𑌕𑌾𑌶𑌾 𑌵𑌾𑌰𑌿𑌧𑌿𑌃 𑌕𑌰𑍁𑌣𑌾𑌕𑌰𑌾 ।
𑌶𑌰𑍍𑌵𑌰𑍀 𑌸𑌰𑍍𑌵𑌸𑌮𑍍𑌪𑌨𑍍𑌨𑌾 𑌸𑌰𑍍𑌵𑌪𑌾𑌪𑌪𑍍𑌰𑌭𑌞𑍍𑌜𑌨𑍀 ॥ 70 ॥
𑌏𑌕𑌮𑌾𑌤𑍍𑌰𑌾 𑌦𑍍𑌵𑌿𑌮𑌾𑌤𑍍𑌰𑌾 𑌚 𑌤𑍍𑌰𑌿𑌮𑌾𑌤𑍍𑌰𑌾 𑌚 𑌤𑌥𑌾𑌽𑌪𑌰𑌾 ।
𑌅𑌰𑍍𑌧𑌮𑌾𑌤𑍍𑌰𑌾 𑌪𑌰𑌾 𑌸𑍂𑌕𑍍𑌷𑍍𑌮𑌾 𑌸𑍂𑌕𑍍𑌷𑍍𑌮𑌾𑌰𑍍𑌥𑌾𑌽𑌰𑍍𑌥𑌪𑌰𑌾𑌽𑌪𑌰𑌾 ॥ 71 ॥
𑌏𑌕𑌵𑍀𑌰𑌾 𑌵𑌿𑌶𑍇𑌷𑌾𑌖𑍍𑌯𑌾 𑌷𑌷𑍍𑌠𑍀𑌦𑍇𑌵𑍀 𑌮𑌨𑌸𑍍𑌵𑌿𑌨𑍀 ।
𑌨𑍈𑌷𑍍𑌕𑌰𑍍𑌮𑍍𑌯𑌾 𑌨𑌿𑌷𑍍𑌕𑌲𑌾𑌲𑍋𑌕𑌾 𑌜𑍍𑌞𑌾𑌨𑌕𑌰𑍍𑌮𑌾𑌧𑌿𑌕𑌾 𑌗𑍁𑌣𑌾 ॥ 72 ॥
𑌸𑌬𑌨𑍍𑌧𑍍𑌵𑌾𑌨𑌨𑍍𑌦𑌸𑌨𑍍𑌦𑍋𑌹𑌾 𑌵𑍍𑌯𑍋𑌮𑌾𑌕𑌾𑌰𑌾𑌽𑌨𑌿𑌰𑍂𑌪𑌿𑌤𑌾 ।
𑌗𑌦𑍍𑌯𑌪𑌦𑍍𑌯𑌾𑌤𑍍𑌮𑌿𑌕𑌾 𑌵𑌾𑌣𑍀 𑌸𑌰𑍍𑌵𑌾𑌲𑌙𑍍𑌕𑌾𑌰𑌸𑌂𑌯𑍁𑌤𑌾 ॥ 73 ॥
𑌸𑌾𑌧𑍁𑌬𑌨𑍍𑌧𑌪𑌦𑌨𑍍𑌯𑌾𑌸𑌾 𑌸𑌰𑍍𑌵𑍗𑌕𑍋 𑌘𑌟𑌿𑌕𑌾𑌵𑌲𑌿𑌃 ।
𑌷𑌟𑍍𑌕𑌰𑍍𑌮𑌾 𑌕𑌰𑍍𑌕𑌶𑌾𑌕𑌾𑌰𑌾 𑌸𑌰𑍍𑌵𑌕𑌰𑍍𑌮𑌵𑌿𑌵𑌰𑍍𑌜𑌿𑌤𑌾 ॥ 74 ॥
𑌆𑌦𑌿𑌤𑍍𑌯𑌵𑌰𑍍𑌣𑌾 𑌚𑌾𑌪𑌰𑍍𑌣𑌾 𑌕𑌾𑌮𑌿𑌨𑍀 𑌵𑌰𑌰𑍂𑌪𑌿𑌣𑍀 ।
𑌬𑍍𑌰𑌹𑍍𑌮𑌾𑌣𑍀 𑌬𑍍𑌰𑌹𑍍𑌮𑌸𑌨𑍍𑌤𑌾𑌨𑌾 𑌵𑍇𑌦𑌵𑌾𑌗𑍀𑌶𑍍𑌵𑌰𑍀 𑌶𑌿𑌵𑌾 ॥ 75 ॥
𑌪𑍁𑌰𑌾𑌣𑌨𑍍𑌯𑌾𑌯𑌮𑍀𑌮𑌾𑌂𑌸𑌾𑌧𑌰𑍍𑌮𑌶𑌾𑌸𑍍𑌤𑍍𑌰𑌾𑌗𑌮𑌶𑍍𑌰𑍁𑌤𑌾 ।
𑌸𑌦𑍍𑌯𑍋𑌵𑍇𑌦𑌵𑌤𑍀 𑌸𑌰𑍍𑌵𑌾 𑌹𑌂𑌸𑍀 𑌵𑌿𑌦𑍍𑌯𑌾𑌧𑌿𑌦𑍇𑌵𑌤𑌾 ॥ 76 ॥
𑌵𑌿𑌶𑍍𑌵𑍇𑌶𑍍𑌵𑌰𑍀 𑌜𑌗𑌦𑍍𑌧𑌾𑌤𑍍𑌰𑍀 𑌵𑌿𑌶𑍍𑌵𑌨𑌿𑌰𑍍𑌮𑌾𑌣𑌕𑌾𑌰𑌿𑌣𑍀 ।
𑌵𑍈𑌦𑌿𑌕𑍀 𑌵𑍇𑌦𑌰𑍂𑌪𑌾 𑌚 𑌕𑌾𑌲𑌿𑌕𑌾 𑌕𑌾𑌲𑌰𑍂𑌪𑌿𑌣𑍀 ॥ 77 ॥
𑌨𑌾𑌰𑌾𑌯𑌣𑍀 𑌮𑌹𑌾𑌦𑍇𑌵𑍀 𑌸𑌰𑍍𑌵𑌤𑌤𑍍𑌤𑍍𑌵𑌪𑍍𑌰𑌵𑌰𑍍𑌤𑌿𑌨𑍀 ।
𑌹𑌿𑌰𑌣𑍍𑌯𑌵𑌰𑍍𑌣𑌰𑍂𑌪𑌾 𑌚 𑌹𑌿𑌰𑌣𑍍𑌯𑌪𑌦𑌸𑌮𑍍𑌭𑌵𑌾 ॥ 78 ॥
𑌕𑍈𑌵𑌲𑍍𑌯𑌪𑌦𑌵𑍀 𑌪𑍁𑌣𑍍𑌯𑌾 𑌕𑍈𑌵𑌲𑍍𑌯𑌜𑍍𑌞𑌾𑌨𑌲𑌕𑍍𑌷𑌿𑌤𑌾 ।
𑌬𑍍𑌰𑌹𑍍𑌮𑌸𑌮𑍍𑌪𑌤𑍍𑌤𑌿𑌰𑍂𑌪𑌾 𑌚 𑌬𑍍𑌰𑌹𑍍𑌮𑌸𑌮𑍍𑌪𑌤𑍍𑌤𑌿𑌕𑌾𑌰𑌿𑌣𑍀 ॥ 79 ॥
𑌵𑌾𑌰𑍁𑌣𑍀 𑌵𑌾𑌰𑍁𑌣𑌾𑌰𑌾𑌧𑍍𑌯𑌾 𑌸𑌰𑍍𑌵𑌕𑌰𑍍𑌮𑌪𑍍𑌰𑌵𑌰𑍍𑌤𑌿𑌨𑍀 ।
𑌏𑌕𑌾𑌕𑍍𑌷𑌰𑌪𑌰𑌾𑌽𑌽𑌯𑍁𑌕𑍍𑌤𑌾 𑌸𑌰𑍍𑌵𑌦𑌾𑌰𑌿𑌦𑍍𑌰𑍍𑌯𑌭𑌞𑍍𑌜𑌿𑌨𑍀 ॥ 80 ॥
𑌪𑌾𑌶𑌾𑌙𑍍𑌕𑍁𑌶𑌾𑌨𑍍𑌵𑌿𑌤𑌾 𑌦𑌿𑌵𑍍𑌯𑌾 𑌵𑍀𑌣𑌾𑌵𑍍𑌯𑌾𑌖𑍍𑌯𑌾𑌕𑍍𑌷𑌸𑍂𑌤𑍍𑌰𑌭𑍃𑌤𑍍 ।
𑌏𑌕𑌮𑍂𑌰𑍍𑌤𑌿𑌸𑍍𑌤𑍍𑌰𑌯𑍀𑌮𑍂𑌰𑍍𑌤𑌿𑌰𑍍𑌮𑌧𑍁𑌕𑍈𑌟𑌭𑌭𑌞𑍍𑌜𑌿𑌨𑍀 ॥ 81 ॥
𑌸𑌾𑌙𑍍𑌖𑍍𑌯𑌾 𑌸𑌾𑌙𑍍𑌖𑍍𑌯𑌵𑌤𑍀 𑌜𑍍𑌵𑌾𑌲𑌾 𑌜𑍍𑌵𑌲𑌨𑍍𑌤𑍀 𑌕𑌾𑌮𑌰𑍂𑌪𑌿𑌣𑍀 ।
𑌜𑌾𑌗𑍍𑌰𑌤𑍀 𑌸𑌰𑍍𑌵𑌸𑌮𑍍𑌪𑌤𑍍𑌤𑌿𑌸𑍍𑌸𑍁𑌷𑍁𑌪𑍍𑌤𑌾 𑌸𑍍𑌵𑍇𑌷𑍍𑌟𑌦𑌾𑌯𑌿𑌨𑍀 ॥ 82 ॥
𑌕𑌪𑌾𑌲𑌿𑌨𑍀 𑌮𑌹𑌾𑌦𑌂𑌷𑍍𑌟𑍍𑌰𑌾 𑌭𑍍𑌰𑍁𑌕𑍁𑌟𑍀 𑌕𑍁𑌟𑌿𑌲𑌾𑌨𑌨𑌾 ।
𑌸𑌰𑍍𑌵𑌾𑌵𑌾𑌸𑌾 𑌸𑍁𑌵𑌾𑌸𑌾 𑌚 𑌬𑍃𑌹𑌤𑍍𑌯𑌷𑍍𑌟𑌿𑌶𑍍𑌚 𑌶𑌕𑍍𑌵𑌰𑍀 ॥ 83 ॥
𑌛𑌨𑍍𑌦𑍋𑌗𑌣𑌪𑍍𑌰𑌤𑌿𑌷𑍍𑌠𑌾 𑌚 𑌕𑌲𑍍𑌮𑌾𑌷𑍀 𑌕𑌰𑍁𑌣𑌾𑌤𑍍𑌮𑌿𑌕𑌾 ।
𑌚𑌕𑍍𑌷𑍁𑌷𑍍𑌮𑌤𑍀 𑌮𑌹𑌾𑌘𑍋𑌷𑌾 𑌖𑌡𑍍𑌗𑌚𑌰𑍍𑌮𑌧𑌰𑌾𑌽𑌶𑌨𑌿𑌃 ॥ 84 ॥
𑌶𑌿𑌲𑍍𑌪𑌵𑍈𑌚𑌿𑌤𑍍𑌰𑍍𑌯𑌵𑌿𑌦𑍍𑌯𑍋𑌤𑌾 𑌸𑌰𑍍𑌵𑌤𑍋𑌭𑌦𑍍𑌰𑌵𑌾𑌸𑌿𑌨𑍀 ।
𑌅𑌚𑌿𑌨𑍍𑌤𑍍𑌯𑌲𑌕𑍍𑌷𑌣𑌾𑌕𑌾𑌰𑌾 𑌸𑍂𑌤𑍍𑌰𑌭𑌾𑌷𑍍𑌯𑌨𑌿𑌬𑌨𑍍𑌧𑌨𑌾 ॥ 85 ॥
𑌸𑌰𑍍𑌵𑌵𑍇𑌦𑌾𑌰𑍍𑌥𑌸𑌮𑍍𑌪𑌤𑍍𑌤𑌿𑌸𑍍𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌰𑍍𑌥𑌮𑌾𑌤𑍃𑌕𑌾 ।
𑌅𑌕𑌾𑌰𑌾𑌦𑌿𑌕𑍍𑌷𑌕𑌾𑌰𑌾𑌨𑍍𑌤𑌸𑌰𑍍𑌵𑌵𑌰𑍍𑌣𑌕𑍃𑌤𑌸𑍍𑌥𑌲𑌾 ॥ 86 ॥
𑌸𑌰𑍍𑌵𑌲𑌕𑍍𑌷𑍍𑌮𑍀𑌸𑍍𑌸𑌦𑌾𑌨𑌨𑍍𑌦𑌾 𑌸𑌾𑌰𑌵𑌿𑌦𑍍𑌯𑌾 𑌸𑌦𑌾𑌶𑌿𑌵𑌾 ।
𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌶𑌕𑍍𑌤𑌿𑌶𑍍𑌚 𑌖𑍇𑌚𑌰𑍀𑌰𑍂𑌪𑌗𑍋𑌚𑍍𑌛𑍍𑌰𑌿𑌤𑌾 ॥ 87 ॥
𑌅𑌣𑌿𑌮𑌾𑌦𑌿𑌗𑍁𑌣𑍋𑌪𑍇𑌤𑌾 𑌪𑌰𑌾 𑌕𑌾𑌷𑍍𑌠𑌾 𑌪𑌰𑌾 𑌗𑌤𑌿𑌃 ।
𑌹𑌂𑌸𑌯𑍁𑌕𑍍𑌤𑌵𑌿𑌮𑌾𑌨𑌸𑍍𑌥𑌾 𑌹𑌂𑌸𑌾𑌰𑍂𑌢𑌾 𑌶𑌶𑌿𑌪𑍍𑌰𑌭𑌾 ॥ 88 ॥
𑌭𑌵𑌾𑌨𑍀 𑌵𑌾𑌸𑌨𑌾𑌶𑌕𑍍𑌤𑌿𑌰𑌾𑌕𑍃𑌤𑌿𑌸𑍍𑌥𑌾𑌖𑌿𑌲𑌾𑌽𑌖𑌿𑌲𑌾 ।
𑌤𑌨𑍍𑌤𑍍𑌰𑌹𑍇𑌤𑍁𑌰𑍍𑌵𑌿𑌚𑌿𑌤𑍍𑌰𑌾𑌙𑍍𑌗𑍀 𑌵𑍍𑌯𑍋𑌮𑌗𑌙𑍍𑌗𑌾𑌵𑌿𑌨𑍋𑌦𑌿𑌨𑍀 ॥ 89 ॥
𑌵𑌰𑍍𑌷𑌾 𑌚 𑌵𑌾𑌰𑍍𑌷𑌿𑌕𑌾 𑌚𑍈𑌵 𑌋𑌗𑍍𑌯𑌜𑍁𑌸𑍍𑌸𑌾𑌮𑌰𑍂𑌪𑌿𑌣𑍀 ।
𑌮𑌹𑌾𑌨𑌦𑍀𑌨𑌦𑍀𑌪𑍁𑌣𑍍𑌯𑌾𑌽𑌗𑌣𑍍𑌯𑌪𑍁𑌣𑍍𑌯𑌗𑍁𑌣𑌕𑍍𑌰𑌿𑌯𑌾 ॥ 90 ॥
𑌸𑌮𑌾𑌧𑌿𑌗𑌤𑌲𑌭𑍍𑌯𑌾𑌰𑍍𑌥𑌾 𑌶𑍍𑌰𑍋𑌤𑌵𑍍𑌯𑌾 𑌸𑍍𑌵𑌪𑍍𑌰𑌿𑌯𑌾 𑌘𑍃𑌣𑌾 ।
𑌨𑌾𑌮𑌾𑌕𑍍𑌷𑌰𑌪𑌰𑌾 𑌦𑍇𑌵𑍀 𑌉𑌪𑌸𑌰𑍍𑌗𑌨𑌖𑌾𑌞𑍍𑌚𑌿𑌤𑌾 ॥ 91 ॥
𑌨𑌿𑌪𑌾𑌤𑍋𑌰𑍁𑌦𑍍𑌵𑌯𑍀𑌜𑌙𑍍𑌘𑌾 𑌮𑌾𑌤𑍃𑌕𑌾 𑌮𑌨𑍍𑌤𑍍𑌰𑌰𑍂𑌪𑌿𑌣𑍀 ।
𑌆𑌸𑍀𑌨𑌾 𑌚 𑌶𑌯𑌾𑌨𑌾 𑌚 𑌤𑌿𑌷𑍍𑌠𑌨𑍍𑌤𑍀 𑌧𑌾𑌵𑌨𑌾𑌧𑌿𑌕𑌾 ॥ 92 ॥
𑌲𑌕𑍍𑌷𑍍𑌯𑌲𑌕𑍍𑌷𑌣𑌯𑍋𑌗𑌾𑌢𑍍𑌯𑌾 𑌤𑌾𑌦𑍍𑌰𑍂𑌪𑍍𑌯𑌗𑌣𑌨𑌾𑌕𑍃𑌤𑌿𑌃 ।
𑌸𑍈𑌕𑌰𑍂𑌪𑌾 𑌨𑍈𑌕𑌰𑍂𑌪𑌾 𑌸𑍇𑌨𑍍𑌦𑍁𑌰𑍂𑌪𑌾 𑌤𑌦𑌾𑌕𑍃𑌤𑌿𑌃 ॥ 93 ॥
𑌸𑌮𑌾𑌸𑌤𑌦𑍍𑌧𑌿𑌤𑌾𑌕𑌾𑌰𑌾 𑌵𑌿𑌭𑌕𑍍𑌤𑌿𑌵𑌚𑌨𑌾𑌤𑍍𑌮𑌿𑌕𑌾 ।
𑌸𑍍𑌵𑌾𑌹𑌾𑌕𑌾𑌰𑌾 𑌸𑍍𑌵𑌧𑌾𑌕𑌾𑌰𑌾 𑌶𑍍𑌰𑍀𑌪𑌤𑍍𑌯𑌰𑍍𑌧𑌾𑌙𑍍𑌗𑌨𑌨𑍍𑌦𑌿𑌨𑍀 ॥ 94 ॥
𑌗𑌮𑍍𑌭𑍀𑌰𑌾 𑌗𑌹𑌨𑌾 𑌗𑍁𑌹𑍍𑌯𑌾 𑌯𑍋𑌨𑌿𑌲𑌿𑌙𑍍𑌗𑌾𑌰𑍍𑌧𑌧𑌾𑌰𑌿𑌣𑍀 ।
𑌶𑍇𑌷𑌵𑌾𑌸𑍁𑌕𑌿𑌸𑌂𑌸𑍇𑌵𑍍𑌯𑌾 𑌚𑌪𑌲𑌾 𑌵𑌰𑌵𑌰𑍍𑌣𑌿𑌨𑍀 ॥ 95 ॥
𑌕𑌾𑌰𑍁𑌣𑍍𑌯𑌾𑌕𑌾𑌰𑌸𑌮𑍍𑌪𑌤𑍍𑌤𑌿𑌃 𑌕𑍀𑌲𑌕𑍃𑌨𑍍𑌮𑌨𑍍𑌤𑍍𑌰𑌕𑍀𑌲𑌿𑌕𑌾 ।
𑌶𑌕𑍍𑌤𑌿𑌬𑍀𑌜𑌾𑌤𑍍𑌮𑌿𑌕𑌾 𑌸𑌰𑍍𑌵𑌮𑌨𑍍𑌤𑍍𑌰𑍇𑌷𑍍𑌟𑌾𑌕𑍍𑌷𑌯𑌕𑌾𑌮𑌨𑌾 ॥ 96 ॥
𑌆𑌗𑍍𑌨𑍇𑌯𑍀 𑌪𑌾𑌰𑍍𑌥𑌿𑌵𑌾 𑌆𑌪𑍍𑌯𑌾 𑌵𑌾𑌯𑌵𑍍𑌯𑌾 𑌵𑍍𑌯𑍋𑌮𑌕𑍇𑌤𑌨𑌾 ।
𑌸𑌤𑍍𑌯𑌜𑍍𑌞𑌾𑌨𑌾𑌤𑍍𑌮𑌿𑌕𑌾𑌽𑌽𑌨𑌨𑍍𑌦𑌾 𑌬𑍍𑌰𑌾𑌹𑍍𑌮𑍀 𑌬𑍍𑌰𑌹𑍍𑌮 𑌸𑌨𑌾𑌤𑌨𑍀 ॥ 97 ॥
𑌅𑌵𑌿𑌦𑍍𑌯𑌾𑌵𑌾𑌸𑌨𑌾 𑌮𑌾𑌯𑌾𑌪𑍍𑌰𑌕𑍃𑌤𑌿𑌸𑍍𑌸𑌰𑍍𑌵𑌮𑍋𑌹𑌿𑌨𑍀 ।
𑌶𑌕𑍍𑌤𑌿𑌰𑍍𑌧𑌾𑌰𑌣𑌶𑌕𑍍𑌤𑌿𑌶𑍍𑌚 𑌚𑌿𑌦𑌚𑌿𑌚𑍍𑌛𑌕𑍍𑌤𑌿𑌯𑍋𑌗𑌿𑌨𑍀 ॥ 98 ॥
𑌵𑌕𑍍𑌤𑍍𑌰𑌾𑌰𑍁𑌣𑌾 𑌮𑌹𑌾𑌮𑌾𑌯𑌾 𑌮𑌰𑍀𑌚𑌿𑌰𑍍𑌮𑌦𑌮𑌰𑍍𑌦𑌿𑌨𑍀 ।
𑌵𑌿𑌰𑌾𑌟𑍍 𑌸𑍍𑌵𑌾𑌹𑌾 𑌸𑍍𑌵𑌧𑌾 𑌶𑍁𑌦𑍍𑌧𑌾 𑌨𑍀𑌰𑍂𑌪𑌾𑌸𑍍𑌤𑌿𑌸𑍍𑌸𑍁𑌭𑌕𑍍𑌤𑌿𑌗𑌾 ॥ 99 ॥
𑌨𑌿𑌰𑍂𑌪𑌿𑌤𑌾𑌦𑍍𑌵𑌯𑍀𑌵𑌿𑌦𑍍𑌯𑌾 𑌨𑌿𑌤𑍍𑌯𑌾𑌨𑌿𑌤𑍍𑌯𑌸𑍍𑌵𑌰𑍂𑌪𑌿𑌣𑍀 ।
𑌵𑍈𑌰𑌾𑌜𑌮𑌾𑌰𑍍𑌗𑌸𑌞𑍍𑌚𑌾𑌰𑌾 𑌸𑌰𑍍𑌵𑌸𑌤𑍍𑌪𑌥𑌦𑌰𑍍𑌶𑌿𑌨𑍀 ॥ 100 ॥
𑌜𑌾𑌲𑌨𑍍𑌧𑌰𑍀 𑌮𑍃𑌡𑌾𑌨𑍀 𑌚 𑌭𑌵𑌾𑌨𑍀 𑌭𑌵𑌭𑌞𑍍𑌜𑌨𑍀 ।
𑌤𑍍𑌰𑍈𑌕𑌾𑌲𑌿𑌕𑌜𑍍𑌞𑌾𑌨𑌤𑌨𑍍𑌤𑍁𑌸𑍍𑌤𑍍𑌰𑌿𑌕𑌾𑌲𑌜𑍍𑌞𑌾𑌨𑌦𑌾𑌯𑌿𑌨𑍀 ॥ 101 ॥
𑌨𑌾𑌦𑌾𑌤𑍀𑌤𑌾 𑌸𑍍𑌮𑍃𑌤𑌿𑌃 𑌪𑍍𑌰𑌜𑍍𑌞𑌾 𑌧𑌾𑌤𑍍𑌰𑍀𑌰𑍂𑌪𑌾 𑌤𑍍𑌰𑌿𑌪𑍁𑌷𑍍𑌕𑌰𑌾 ।
𑌪𑌰𑌾𑌜𑌿𑌤𑌾𑌵𑌿𑌧𑌾𑌨𑌜𑍍𑌞𑌾 𑌵𑌿𑌶𑍇𑌷𑌿𑌤𑌗𑍁𑌣𑌾𑌤𑍍𑌮𑌿𑌕𑌾 ॥ 102 ॥
𑌹𑌿𑌰𑌣𑍍𑌯𑌕𑍇𑌶𑌿𑌨𑍀 𑌹𑍇𑌮𑌬𑍍𑌰𑌹𑍍𑌮𑌸𑍂𑌤𑍍𑌰𑌵𑌿𑌚𑌕𑍍𑌷𑌣𑌾 ।
𑌅𑌸𑌙𑍍𑌖𑍍𑌯𑍇𑌯𑌪𑌰𑌾𑌰𑍍𑌧𑌾𑌨𑍍𑌤𑌸𑍍𑌵𑌰𑌵𑍍𑌯𑌞𑍍𑌜𑌨𑌵𑍈𑌖𑌰𑍀 ॥ 103 ॥
𑌮𑌧𑍁𑌜𑌿𑌹𑍍𑌵𑌾 𑌮𑌧𑍁𑌮𑌤𑍀 𑌮𑌧𑍁𑌮𑌾𑌸𑍋𑌦𑌯𑌾 𑌮𑌧𑍁𑌃 ।
𑌮𑌾𑌧𑌵𑍀 𑌚 𑌮𑌹𑌾𑌭𑌾𑌗𑌾 𑌮𑍇𑌘𑌗𑌮𑍍𑌭𑍀𑌰𑌨𑌿𑌸𑍍𑌵𑌨𑌾 ॥ 104 ॥
𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌮𑌹𑍇𑌶𑌾𑌦𑌿𑌜𑍍𑌞𑌾𑌤𑌵𑍍𑌯𑌾𑌰𑍍𑌥𑌵𑌿𑌶𑍇𑌷𑌗𑌾 ।
𑌨𑌾𑌭𑍗 𑌵𑌹𑍍𑌨𑌿𑌶𑌿𑌖𑌾𑌕𑌾𑌰𑌾 𑌲𑌲𑌾𑌟𑍇 𑌚𑌨𑍍𑌦𑍍𑌰𑌸𑌨𑍍𑌨𑌿𑌭𑌾 ॥ 105 ॥
𑌭𑍍𑌰𑍂𑌮𑌧𑍍𑌯𑍇 𑌭𑌾𑌸𑍍𑌕𑌰𑌾𑌕𑌾𑌰𑌾 𑌸𑌰𑍍𑌵𑌤𑌾𑌰𑌾𑌕𑍃𑌤𑌿𑌰𑍍𑌹𑍃𑌦𑌿 ।
𑌕𑍃𑌤𑍍𑌤𑌿𑌕𑌾𑌦𑌿𑌭𑌰𑌣𑍍𑌯𑌨𑍍𑌤𑌨𑌕𑍍𑌷𑌤𑍍𑌰𑍇𑌷𑍍𑌟𑍍𑌯𑌾𑌰𑍍𑌚𑌿𑌤𑍋𑌦𑌯𑌾 ॥ 106 ॥
𑌗𑍍𑌰𑌹𑌵𑌿𑌦𑍍𑌯𑌾𑌤𑍍𑌮𑌿𑌕𑌾 𑌜𑍍𑌯𑍋𑌤𑌿𑌰𑍍𑌜𑍍𑌯𑍋𑌤𑌿𑌰𑍍𑌵𑌿𑌨𑍍𑌮𑌤𑌿𑌜𑍀𑌵𑌿𑌕𑌾 ।
𑌬𑍍𑌰𑌹𑍍𑌮𑌾𑌣𑍍𑌡𑌗𑌰𑍍𑌭𑌿𑌣𑍀 𑌬𑌾𑌲𑌾 𑌸𑌪𑍍𑌤𑌾𑌵𑌰𑌣𑌦𑍇𑌵𑌤𑌾 ॥ 107 ॥
𑌵𑍈𑌰𑌾𑌜𑍋𑌤𑍍𑌤𑌮𑌸𑌾𑌮𑍍𑌰𑌾𑌜𑍍𑌯𑌾 𑌕𑍁𑌮𑌾𑌰𑌕𑍁𑌶𑌲𑍋𑌦𑌯𑌾 ।
𑌬𑌗𑌲𑌾 𑌭𑍍𑌰𑌮𑌰𑌾𑌮𑍍𑌬𑌾 𑌚 𑌶𑌿𑌵𑌦𑍂𑌤𑍀 𑌶𑌿𑌵𑌾𑌤𑍍𑌮𑌿𑌕𑌾 ॥ 108 ॥
𑌮𑍇𑌰𑍁𑌵𑌿𑌨𑍍𑌧𑍍𑌯𑌾𑌦𑌿𑌸𑌂𑌸𑍍𑌥𑌾𑌨𑌾 𑌕𑌾𑌶𑍍𑌮𑍀𑌰𑌪𑍁𑌰𑌵𑌾𑌸𑌿𑌨𑍀 ।
𑌯𑍋𑌗𑌨𑌿𑌦𑍍𑌰𑌾 𑌮𑌹𑌾𑌨𑌿𑌦𑍍𑌰𑌾 𑌵𑌿𑌨𑌿𑌦𑍍𑌰𑌾 𑌰𑌾𑌕𑍍𑌷𑌸𑌾𑌶𑍍𑌰𑌿𑌤𑌾 ॥ 109 ॥
𑌸𑍁𑌵𑌰𑍍𑌣𑌦𑌾 𑌮𑌹𑌾𑌗𑌙𑍍𑌗𑌾 𑌪𑌞𑍍𑌚𑌾𑌖𑍍𑌯𑌾 𑌪𑌞𑍍𑌚𑌸𑌂𑌹𑌤𑌿𑌃 ।
𑌸𑍁𑌪𑍍𑌰𑌜𑌾𑌤𑌾 𑌸𑍁𑌵𑍀𑌰𑌾 𑌚 𑌸𑍁𑌪𑍋𑌷𑌾 𑌸𑍁𑌪𑌤𑌿𑌶𑍍𑌶𑌿𑌵𑌾 ॥ 110 ॥
𑌸𑍁𑌗𑍃𑌹𑌾 𑌰𑌕𑍍𑌤𑌬𑍀𑌜𑌾𑌨𑍍𑌤𑌾 𑌹𑌤𑌕𑌨𑍍𑌦𑌰𑍍𑌪𑌜𑍀𑌵𑌿𑌕𑌾 ।
𑌸𑌮𑍁𑌦𑍍𑌰𑌵𑍍𑌯𑍋𑌮𑌮𑌧𑍍𑌯𑌸𑍍𑌥𑌾 𑌸𑌮𑌬𑌿𑌨𑍍𑌦𑍁𑌸𑌮𑌾𑌶𑍍𑌰𑌯𑌾 ॥ 111 ॥
𑌸𑍗𑌭𑌾𑌗𑍍𑌯𑌰𑌸𑌜𑍀𑌵𑌾𑌤𑍁𑌸𑍍𑌸𑌾𑌰𑌾𑌸𑌾𑌰𑌵𑌿𑌵𑍇𑌕𑌦𑍃𑌕𑍍 ।
𑌤𑍍𑌰𑌿𑌵𑌲𑍍𑌯𑌾𑌦𑌿𑌸𑍁𑌪𑍁𑌷𑍍𑌟𑌾𑌙𑍍𑌗𑌾 𑌭𑌾𑌰𑌤𑍀 𑌭𑌰𑌤𑌾𑌶𑍍𑌰𑌿𑌤𑌾 ॥ 112 ॥
𑌨𑌾𑌦𑌬𑍍𑌰𑌹𑍍𑌮𑌮𑌯𑍀𑌵𑌿𑌦𑍍𑌯𑌾 𑌜𑍍𑌞𑌾𑌨𑌬𑍍𑌰𑌹𑍍𑌮𑌮𑌯𑍀𑌪𑌰𑌾 ।
𑌬𑍍𑌰𑌹𑍍𑌮𑌨𑌾𑌡𑍀 𑌨𑌿𑌰𑍁𑌕𑍍𑌤𑌿𑌶𑍍𑌚 𑌬𑍍𑌰𑌹𑍍𑌮𑌕𑍈𑌵𑌲𑍍𑌯𑌸𑌾𑌧𑌨𑌮𑍍 ॥ 113 ॥
𑌕𑌾𑌲𑌿𑌕𑍇𑌯𑌮𑌹𑍋𑌦𑌾𑌰𑌵𑍀𑌰𑍍𑌯𑌵𑌿𑌕𑍍𑌰𑌮𑌰𑍂𑌪𑌿𑌣𑍀 ।
𑌵𑌡𑌵𑌾𑌗𑍍𑌨𑌿𑌶𑌿𑌖𑌾𑌵𑌕𑍍𑌤𑍍𑌰𑌾 𑌮𑌹𑌾𑌕𑌵𑌲𑌤𑌰𑍍𑌪𑌣𑌾 ॥ 114 ॥
𑌮𑌹𑌾𑌭𑍂𑌤𑌾 𑌮𑌹𑌾𑌦𑌰𑍍𑌪𑌾 𑌮𑌹𑌾𑌸𑌾𑌰𑌾 𑌮𑌹𑌾𑌕𑍍𑌰𑌤𑍁𑌃 ।
𑌪𑌞𑍍𑌜𑌭𑍂𑌤𑌮𑌹𑌾𑌗𑍍𑌰𑌾𑌸𑌾 𑌪𑌞𑍍𑌚𑌭𑍂𑌤𑌾𑌧𑌿𑌦𑍇𑌵𑌤𑌾 ॥ 115 ॥
𑌸𑌰𑍍𑌵𑌪𑍍𑌰𑌮𑌾𑌣𑌾 𑌸𑌮𑍍𑌪𑌤𑍍𑌤𑌿𑌸𑍍𑌸𑌰𑍍𑌵𑌰𑍋𑌗𑌪𑍍𑌰𑌤𑌿𑌕𑍍𑌰𑌿𑌯𑌾 ।
𑌬𑍍𑌰𑌹𑍍𑌮𑌾𑌣𑍍𑌡𑌾𑌨𑍍𑌤𑌰𑍍𑌬𑌹𑌿𑌰𑍍𑌵𑍍𑌯𑌾𑌪𑍍𑌤𑌾 𑌵𑌿𑌷𑍍𑌣𑍁𑌵𑌕𑍍𑌷𑍋𑌵𑌿𑌭𑍂𑌷𑌿𑌣𑍀 ॥ 116 ॥
𑌶𑌾𑌙𑍍𑌕𑌰𑍀 𑌵𑌿𑌧𑌿𑌵𑌕𑍍𑌤𑍍𑌰𑌸𑍍𑌥𑌾 𑌪𑍍𑌰𑌵𑌰𑌾 𑌵𑌰𑌹𑍇𑌤𑍁𑌕𑍀 ।
𑌹𑍇𑌮𑌮𑌾𑌲𑌾 𑌶𑌿𑌖𑌾𑌮𑌾𑌲𑌾 𑌤𑍍𑌰𑌿𑌶𑌿𑌖𑌾 𑌪𑌞𑍍𑌚𑌲𑍋𑌚𑌨𑌾 ॥ 117 ॥ [ 𑌪𑌞𑍍𑌚𑌮𑍋𑌚𑌨𑌾 ]
𑌸𑌰𑍍𑌵𑌾𑌗𑌮𑌸𑌦𑌾𑌚𑌾𑌰𑌮𑌰𑍍𑌯𑌾𑌦𑌾 𑌯𑌾𑌤𑍁𑌭𑌞𑍍𑌜𑌨𑍀 ।
𑌪𑍁𑌣𑍍𑌯𑌶𑍍𑌲𑍋𑌕𑌪𑍍𑌰𑌬𑌨𑍍𑌧𑌾𑌢𑍍𑌯𑌾 𑌸𑌰𑍍𑌵𑌾𑌨𑍍𑌤𑌰𑍍𑌯𑌾𑌮𑌿𑌰𑍂𑌪𑌿𑌣𑍀 ॥ 118 ॥
𑌸𑌾𑌮𑌗𑌾𑌨𑌸𑌮𑌾𑌰𑌾𑌧𑍍𑌯𑌾 𑌶𑍍𑌰𑍋𑌤𑍍𑌰𑌕𑌰𑍍𑌣𑌰𑌸𑌾𑌯𑌨𑌮𑍍 ।
𑌜𑍀𑌵𑌲𑍋𑌕𑍈𑌕𑌜𑍀𑌵𑌾𑌤𑍁𑌰𑍍𑌭𑌦𑍍𑌰𑍋𑌦𑌾𑌰𑌵𑌿𑌲𑍋𑌕𑌨𑌾 ॥ 119 ॥
𑌤𑌟𑌿𑌤𑍍𑌕𑍋𑌟𑌿𑌲𑌸𑌤𑍍𑌕𑌾𑌨𑍍𑌤𑌿𑌸𑍍𑌤𑌰𑍁𑌣𑍀 𑌹𑌰𑌿𑌸𑍁𑌨𑍍𑌦𑌰𑍀 ।
𑌮𑍀𑌨𑌨𑍇𑌤𑍍𑌰𑌾 𑌚 𑌸𑍇𑌨𑍍𑌦𑍍𑌰𑌾𑌕𑍍𑌷𑍀 𑌵𑌿𑌶𑌾𑌲𑌾𑌕𑍍𑌷𑍀 𑌸𑍁𑌮𑌙𑍍𑌗𑌲𑌾 ॥ 120 ॥
𑌸𑌰𑍍𑌵𑌮𑌙𑍍𑌗𑌲𑌸𑌮𑍍𑌪𑌨𑍍𑌨𑌾 𑌸𑌾𑌕𑍍𑌷𑌾𑌨𑍍𑌮𑌙𑍍𑌗𑌲𑌦𑍇𑌵𑌤𑌾 ।
𑌦𑍇𑌹𑌹𑍃𑌦𑍍𑌦𑍀𑌪𑌿𑌕𑌾 𑌦𑍀𑌪𑍍𑌤𑌿𑌰𑍍𑌜𑌿𑌹𑍍𑌵𑌪𑌾𑌪𑌪𑍍𑌰𑌣𑌾𑌶𑌿𑌨𑍀 ॥ 121 ॥
𑌅𑌰𑍍𑌧𑌚𑌨𑍍𑌦𑍍𑌰𑍋𑌲𑍍𑌲𑌸𑌦𑍍𑌦𑌂𑌷𑍍𑌟𑍍𑌰𑌾 𑌯𑌜𑍍𑌞𑌵𑌾𑌟𑍀𑌵𑌿𑌲𑌾𑌸𑌿𑌨𑍀 ।
𑌮𑌹𑌾𑌦𑍁𑌰𑍍𑌗𑌾 𑌮𑌹𑍋𑌤𑍍𑌸𑌾𑌹𑌾 𑌮𑌹𑌾𑌦𑍇𑌵𑌬𑌲𑍋𑌦𑌯𑌾 ॥ 122 ॥
𑌡𑌾𑌕𑌿𑌨𑍀𑌡𑍍𑌯𑌾 𑌶𑌾𑌕𑌿𑌨𑍀𑌡𑍍𑌯𑌾 𑌸𑌾𑌕𑌿𑌨𑍀𑌡𑍍𑌯𑌾 𑌸𑌮𑌸𑍍𑌤𑌜𑍁𑌟𑍍 ।
𑌨𑌿𑌰𑌙𑍍𑌕𑍁𑌶𑌾 𑌨𑌾𑌕𑌿𑌵𑌨𑍍𑌦𑍍𑌯𑌾 𑌷𑌡𑌾𑌧𑌾𑌰𑌾𑌧𑌿𑌦𑍇𑌵𑌤𑌾 ॥ 123 ॥
𑌭𑍁𑌵𑌨𑌜𑍍𑌞𑌾𑌨𑌿𑌨𑌿𑌶𑍍𑌶𑍍𑌰𑍇𑌣𑍀 𑌭𑍁𑌵𑌨𑌾𑌕𑌾𑌰𑌵𑌲𑍍𑌲𑌰𑍀 ।
𑌶𑌾𑌶𑍍𑌵𑌤𑍀 𑌶𑌾𑌶𑍍𑌵𑌤𑌾𑌕𑌾𑌰𑌾 𑌲𑍋𑌕𑌾𑌨𑍁𑌗𑍍𑌰𑌹𑌕𑌾𑌰𑌿𑌣𑍀 ॥ 124 ॥
𑌸𑌾𑌰𑌸𑍀 𑌮𑌾𑌨𑌸𑍀 𑌹𑌂𑌸𑍀 𑌹𑌂𑌸𑌲𑍋𑌕𑌪𑍍𑌰𑌦𑌾𑌯𑌿𑌨𑍀 ।
𑌚𑌿𑌨𑍍𑌮𑍁𑌦𑍍𑌰𑌾𑌲𑌙𑍍𑌕𑍃𑌤𑌕𑌰𑌾 𑌕𑍋𑌟𑌿𑌸𑍂𑌰𑍍𑌯𑌸𑌮𑌪𑍍𑌰𑌭𑌾 ॥ 125 ॥
𑌸𑍁𑌖𑌪𑍍𑌰𑌾𑌣𑌿𑌶𑌿𑌰𑍋𑌰𑍇𑌖𑌾 𑌸𑌦𑌦𑍃𑌷𑍍𑌟𑌪𑍍𑌰𑌦𑌾𑌯𑌿𑌨𑍀 ।
𑌸𑌰𑍍𑌵𑌸𑌾𑌙𑍍𑌕𑌰𑍍𑌯𑌦𑍋𑌷𑌘𑍍𑌨𑍀 𑌗𑍍𑌰𑌹𑍋𑌪𑌦𑍍𑌰𑌵𑌨𑌾𑌶𑌿𑌨𑍀 ॥ 126 ॥
𑌕𑍍𑌷𑍁𑌦𑍍𑌰𑌜𑌨𑍍𑌤𑍁𑌭𑌯𑌘𑍍𑌨𑍀 𑌚 𑌵𑌿𑌷𑌰𑍋𑌗𑌾𑌦𑌿𑌭𑌞𑍍𑌜𑌨𑍀 ।
𑌸𑌦𑌾𑌶𑌾𑌨𑍍𑌤𑌾 𑌸𑌦𑌾𑌶𑍁𑌦𑍍𑌧𑌾 𑌗𑍃𑌹𑌚𑍍𑌛𑌿𑌦𑍍𑌰𑌨𑌿𑌵𑌾𑌰𑌿𑌣𑍀 ॥ 127 ॥
𑌕𑌲𑌿𑌦𑍋𑌷𑌪𑍍𑌰𑌶𑌮𑌨𑍀 𑌕𑍋𑌲𑌾𑌹𑌲𑌪𑍁𑌰𑌸𑍍𑌥𑌿𑌤𑌾 ।
𑌗𑍗𑌰𑍀 𑌲𑌾𑌕𑍍𑌷𑌣𑌿𑌕𑍀 𑌮𑍁𑌖𑍍𑌯𑌾 𑌜𑌘𑌨𑍍𑌯𑌾𑌕𑍃𑌤𑌿𑌵𑌰𑍍𑌜𑌿𑌤𑌾 ॥ 128 ॥
𑌮𑌾𑌯𑌾 𑌵𑌿𑌦𑍍𑌯𑌾 𑌮𑍂𑌲𑌭𑍂𑌤𑌾 𑌵𑌾𑌸𑌵𑍀 𑌵𑌿𑌷𑍍𑌣𑍁𑌚𑍇𑌤𑌨𑌾 ।
𑌵𑌾𑌦𑌿𑌨𑍀 𑌵𑌸𑍁𑌰𑍂𑌪𑌾 𑌚 𑌵𑌸𑍁𑌰𑌤𑍍𑌨𑌪𑌰𑌿𑌚𑍍𑌛𑌦𑌾 ॥ 129 ॥
𑌛𑌾𑌨𑍍𑌦𑌸𑍀 𑌚𑌨𑍍𑌦𑍍𑌰𑌹𑍃𑌦𑌯𑌾 𑌮𑌨𑍍𑌤𑍍𑌰𑌸𑍍𑌵𑌚𑍍𑌛𑌨𑍍𑌦𑌭𑍈𑌰𑌵𑍀 ।
𑌵𑌨𑌮𑌾𑌲𑌾 𑌵𑍈𑌜𑌯𑌨𑍍𑌤𑍀 𑌪𑌞𑍍𑌚𑌦𑌿𑌵𑍍𑌯𑌾𑌯𑍁𑌧𑌾𑌤𑍍𑌮𑌿𑌕𑌾 ॥ 130 ॥
𑌪𑍀𑌤𑌾𑌮𑍍𑌬𑌰𑌮𑌯𑍀 𑌚𑌞𑍍𑌚𑌤𑍍𑌕𑍗𑌸𑍍𑌤𑍁𑌭𑌾 𑌹𑌰𑌿𑌕𑌾𑌮𑌿𑌨𑍀 ।
𑌨𑌿𑌤𑍍𑌯𑌾 𑌤𑌥𑍍𑌯𑌾 𑌰𑌮𑌾 𑌰𑌾𑌮𑌾 𑌰𑌮𑌣𑍀 𑌮𑍃𑌤𑍍𑌯𑍁𑌭𑌞𑍍𑌜𑌨𑍀 ॥ 131 ॥
𑌜𑍍𑌯𑍇𑌷𑍍𑌠𑌾 𑌕𑌾𑌷𑍍𑌠𑌾 𑌧𑌨𑌿𑌷𑍍𑌠𑌾𑌨𑍍𑌤𑌾 𑌶𑌰𑌾𑌙𑍍𑌗𑍀 𑌨𑌿𑌰𑍍𑌗𑍁𑌣𑌪𑍍𑌰𑌿𑌯𑌾 ।
𑌮𑍈𑌤𑍍𑌰𑍇𑌯𑌾 𑌮𑌿𑌤𑍍𑌰𑌵𑌿𑌨𑍍𑌦𑌾 𑌚 𑌶𑍇𑌷𑍍𑌯𑌶𑍇𑌷𑌕𑌲𑌾𑌶𑌯𑌾 ॥ 132 ॥
𑌵𑌾𑌰𑌾𑌣𑌸𑍀𑌵𑌾𑌸𑌲𑌭𑍍𑌯𑌾 𑌚𑌾𑌰𑍍𑌯𑌾𑌵𑌰𑍍𑌤𑌜𑌨𑌸𑍍𑌤𑍁𑌤𑌾 । [ 𑌵𑌾𑌰𑌾𑌣𑌸𑍀𑌵𑌾𑌸𑌰𑌤𑌾 ]
𑌜𑌗𑌦𑍁𑌤𑍍𑌪𑌤𑍍𑌤𑌿𑌸𑌂𑌸𑍍𑌥𑌾𑌨𑌸𑌂𑌹𑌾𑌰𑌤𑍍𑌰𑌯𑌕𑌾𑌰𑌣𑌮𑍍 ॥ 133 ॥
𑌤𑍍𑌵𑌮𑌮𑍍𑌬 𑌵𑌿𑌷𑍍𑌣𑍁𑌸𑌰𑍍𑌵𑌸𑍍𑌵𑌂 𑌨𑌮𑌸𑍍𑌤𑍇𑌽𑌸𑍍𑌤𑍁 𑌮𑌹𑍇𑌶𑍍𑌵𑌰𑌿 ।
𑌨𑌮𑌸𑍍𑌤𑍇 𑌸𑌰𑍍𑌵𑌲𑍋𑌕𑌾𑌨𑌾𑌂 𑌜𑌨𑌨𑍍𑌯𑍈 𑌪𑍁𑌣𑍍𑌯𑌮𑍂𑌰𑍍𑌤𑌯𑍇 ॥ 134 ॥
𑌸𑌿𑌦𑍍𑌧𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌕𑌾𑌲𑌿 𑌮𑌹𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ।
𑌸𑌦𑍍𑌯𑍋𑌜𑌾𑌤𑌾𑌦𑌿𑌪𑌞𑍍𑌚𑌾𑌗𑍍𑌨𑌿𑌰𑍂𑌪𑌾 𑌪𑌞𑍍𑌚𑌕𑌪𑌞𑍍𑌚𑌕𑌮𑍍 ॥ 135 ॥
𑌯𑌨𑍍𑌤𑍍𑌰𑌲𑌕𑍍𑌷𑍍𑌮𑍀𑌰𑍍𑌭𑌵𑌤𑍍𑌯𑌾𑌦𑌿𑌰𑌾𑌦𑍍𑌯𑌾𑌦𑍍𑌯𑍇 𑌤𑍇 𑌨𑌮𑍋 𑌨𑌮𑌃 ।
𑌸𑍃𑌷𑍍𑌟𑍍𑌯𑌾𑌦𑌿𑌕𑌾𑌰𑌣𑌾𑌕𑌾𑌰𑌵𑌿𑌤𑌤𑍇 𑌦𑍋𑌷𑌵𑌰𑍍𑌜𑌿𑌤𑍇 ॥ 136 ॥
𑌜𑌗𑌲𑍍𑌲𑌕𑍍𑌷𑍍𑌮𑍀𑌰𑍍𑌜𑌗𑌨𑍍𑌮𑌾𑌤𑌰𑍍𑌵𑌿𑌷𑍍𑌣𑍁𑌪𑌤𑍍𑌨𑌿 𑌨𑌮𑍋𑌽𑌸𑍍𑌤𑍁 𑌤𑍇 ।
𑌨𑌵𑌕𑍋𑌟𑌿𑌮𑌹𑌾𑌶𑌕𑍍𑌤𑌿𑌸𑌮𑍁𑌪𑌾𑌸𑍍𑌯𑌪𑌦𑌾𑌮𑍍𑌬𑍁𑌜𑍇 ॥ 137 ॥
𑌕𑌨𑌤𑍍𑌸𑍗𑌵𑌰𑍍𑌣𑌰𑌤𑍍𑌨𑌾𑌢𑍍𑌯 𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑍇 ।
𑌅𑌨𑌨𑍍𑌤𑌾𑌨𑌿𑌤𑍍𑌯𑌮𑌹𑌿𑌷𑍀𑌪𑍍𑌰𑌪𑌞𑍍𑌚𑍇𑌶𑍍𑌵𑌰𑌨𑌾𑌯𑌕𑌿 ॥ 138 ॥
𑌅𑌤𑍍𑌯𑍁𑌚𑍍𑌛𑍍𑌰𑌿𑌤𑌪𑌦𑌾𑌨𑍍𑌤𑌸𑍍𑌥𑍇 𑌪𑌰𑌮𑌵𑍍𑌯𑍋𑌮𑌨𑌾𑌯𑌕𑌿 ।
𑌨𑌾𑌕𑌪𑍃𑌷𑍍𑌠𑌗𑌤𑌾𑌰𑌾𑌧𑍍𑌯𑍇 𑌵𑌿𑌷𑍍𑌣𑍁𑌲𑍋𑌕𑌵𑌿𑌲𑌾𑌸𑌿𑌨𑌿 ॥ 139 ॥
𑌵𑍈𑌕𑍁𑌣𑍍𑌠𑌰𑌾𑌜𑌮𑌹𑌿𑌷𑌿 𑌶𑍍𑌰𑍀𑌰𑌙𑍍𑌗𑌨𑌗𑌰𑌾𑌶𑍍𑌰𑌿𑌤𑍇 ।
𑌰𑌙𑍍𑌗𑌨𑌾𑌯𑌕𑌿 𑌭𑍂𑌪𑍁𑌤𑍍𑌰𑌿 𑌕𑍃𑌷𑍍𑌣𑍇 𑌵𑌰𑌦𑌵𑌲𑍍𑌲𑌭𑍇 ॥ 140 ॥
𑌕𑍋𑌟𑌿𑌬𑍍𑌰𑌹𑍍𑌮𑌾𑌦𑌿𑌸𑌂𑌸𑍇𑌵𑍍𑌯𑍇 𑌕𑍋𑌟𑌿𑌰𑍁𑌦𑍍𑌰𑌾𑌦𑌿𑌕𑍀𑌰𑍍𑌤𑌿𑌤𑍇 ।
𑌮𑌾𑌤𑍁𑌲𑍁𑌙𑍍𑌗𑌮𑌯𑌂 𑌖𑍇𑌟𑌂 𑌸𑍗𑌵𑌰𑍍𑌣𑌚𑌷𑌕𑌂 𑌤𑌥𑌾 ॥ 141 ॥
𑌪𑌦𑍍𑌮𑌦𑍍𑌵𑌯𑌂 𑌪𑍂𑌰𑍍𑌣𑌕𑍁𑌮𑍍𑌭𑌂 𑌕𑍀𑌰𑌞𑍍𑌚 𑌵𑌰𑌦𑌾𑌭𑌯𑍇 ।
𑌪𑌾𑌶𑌮𑌙𑍍𑌕𑍁𑌶𑌕𑌂 𑌶𑌙𑍍𑌖𑌂 𑌚𑌕𑍍𑌰𑌂 𑌶𑍂𑌲𑌂 𑌕𑍃𑌪𑌾𑌣𑌿𑌕𑌾𑌮𑍍 ॥ 142 ॥
𑌧𑌨𑍁𑌰𑍍𑌬𑌾𑌣𑍗 𑌚𑌾𑌕𑍍𑌷𑌮𑌾𑌲𑌾𑌂 𑌚𑌿𑌨𑍍𑌮𑍁𑌦𑍍𑌰𑌾𑌮𑌪𑌿 𑌬𑌿𑌭𑍍𑌰𑌤𑍀 ।
𑌅𑌷𑍍𑌟𑌾𑌦𑌶𑌭𑍁𑌜𑍇 𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌷𑍍𑌟𑌾𑌦𑌶𑌪𑍀𑌠𑌗𑍇 ॥ 143 ॥
𑌭𑍂𑌮𑌿𑌨𑍀𑌲𑌾𑌦𑌿𑌸𑌂𑌸𑍇𑌵𑍍𑌯𑍇 𑌸𑍍𑌵𑌾𑌮𑌿𑌚𑌿𑌤𑍍𑌤𑌾𑌨𑍁𑌵𑌰𑍍𑌤𑌿𑌨𑌿 ।
𑌪𑌦𑍍𑌮𑍇 𑌪𑌦𑍍𑌮𑌾𑌲𑌯𑍇 𑌪𑌦𑍍𑌮𑌿 𑌪𑍂𑌰𑍍𑌣𑌕𑍁𑌮𑍍𑌭𑌾𑌭𑌿𑌷𑍇𑌚𑌿𑌤𑍇 ॥ 144 ॥
𑌇𑌨𑍍𑌦𑌿𑌰𑍇𑌨𑍍𑌦𑌿𑌨𑍍𑌦𑌿𑌰𑌾𑌭𑌾𑌕𑍍𑌷𑌿 𑌕𑍍𑌷𑍀𑌰𑌸𑌾𑌗𑌰𑌕𑌨𑍍𑌯𑌕𑍇 ।
𑌭𑌾𑌰𑍍𑌗𑌵𑌿 𑌤𑍍𑌵𑌂 𑌸𑍍𑌵𑌤𑌨𑍍𑌤𑍍𑌰𑍇𑌚𑍍𑌛𑌾 𑌵𑌶𑍀𑌕𑍃𑌤𑌜𑌗𑌤𑍍𑌪𑌤𑌿𑌃 ॥ 145 ॥
𑌮𑌙𑍍𑌗𑌲𑌂 𑌮𑌙𑍍𑌗𑌲𑌾𑌨𑌾𑌂 𑌤𑍍𑌵𑌂 𑌦𑍇𑌵𑌤𑌾𑌨𑌾𑌂 𑌚 𑌦𑍇𑌵𑌤𑌾 ।
𑌤𑍍𑌵𑌮𑍁𑌤𑍍𑌤𑌮𑍋𑌤𑍍𑌤𑌮𑌾𑌨𑌾𑌂 𑌚 𑌤𑍍𑌵𑌂 𑌶𑍍𑌰𑍇𑌯𑌃 𑌪𑌰𑌮𑌾𑌮𑍃𑌤𑌮𑍍 ॥ 146 ॥
𑌧𑌨𑌧𑌾𑌨𑍍𑌯𑌾𑌭𑌿𑌵𑍃𑌦𑍍𑌧𑌿𑌶𑍍𑌚 𑌸𑌾𑌰𑍍𑌵𑌭𑍗𑌮𑌸𑍁𑌖𑍋𑌚𑍍𑌛𑍍𑌰𑌯𑌾 ।
𑌆𑌨𑍍𑌦𑍋𑌲𑌿𑌕𑌾𑌦𑌿𑌸𑍗𑌭𑌾𑌗𑍍𑌯𑌂 𑌮𑌤𑍍𑌤𑍇𑌭𑌾𑌦𑌿𑌮𑌹𑍋𑌦𑌯𑌃 ॥ 147 ॥
𑌪𑍁𑌤𑍍𑌰𑌪𑍗𑌤𑍍𑌰𑌾𑌭𑌿𑌵𑍃𑌦𑍍𑌧𑌿𑌶𑍍𑌚 𑌵𑌿𑌦𑍍𑌯𑌾𑌭𑍋𑌗𑌬𑌲𑌾𑌦𑌿𑌕𑌮𑍍 ।
𑌆𑌯𑍁𑌰𑌾𑌰𑍋𑌗𑍍𑌯𑌸𑌮𑍍𑌪𑌤𑍍𑌤𑌿𑌰𑌷𑍍𑌟𑍈𑌶𑍍𑌵𑌰𑍍𑌯𑌂 𑌤𑍍𑌵𑌮𑍇𑌵 𑌹𑌿 ॥ 148 ॥
𑌪𑌰𑌮𑍇𑌶𑌵𑌿𑌭𑍂𑌤𑌿𑌶𑍍𑌚 𑌸𑍂𑌕𑍍𑌷𑍍𑌮𑌾𑌤𑍍𑌸𑍂𑌕𑍍𑌷𑍍𑌮𑌤𑌰𑌾𑌗𑌤𑌿𑌃 ।
𑌸𑌦𑌯𑌾𑌪𑌾𑌙𑍍𑌗𑌸𑌨𑍍𑌦𑌤𑍍𑌤𑌬𑍍𑌰𑌹𑍍𑌮𑍇𑌨𑍍𑌦𑍍𑌰𑌾𑌦𑌿𑌪𑌦𑌸𑍍𑌥𑌿𑌤𑌿𑌃 ॥ 149 ॥
𑌅𑌵𑍍𑌯𑌾𑌹𑌤𑌮𑌹𑌾𑌭𑌾𑌗𑍍𑌯𑌂 𑌤𑍍𑌵𑌮𑍇𑌵𑌾𑌕𑍍𑌷𑍋𑌭𑍍𑌯𑌵𑌿𑌕𑍍𑌰𑌮𑌃 ।
𑌸𑌮𑌨𑍍𑌵𑌯𑌶𑍍𑌚 𑌵𑍇𑌦𑌾𑌨𑌾𑌮𑌵𑌿𑌰𑍋𑌧𑌸𑍍𑌤𑍍𑌵𑌮𑍇𑌵 𑌹𑌿 ॥ 150 ॥
𑌨𑌿𑌃𑌶𑍍𑌰𑍇𑌯𑌸𑌪𑌦𑌪𑍍𑌰𑌾𑌪𑍍𑌤𑌿𑌸𑌾𑌧𑌨𑌂 𑌫𑌲𑌮𑍇𑌵 𑌚 ।
𑌶𑍍𑌰𑍀𑌮𑌨𑍍𑌤𑍍𑌰𑌰𑌾𑌜𑌰𑌾𑌜𑍍𑌞𑍀 𑌚 𑌶𑍍𑌰𑍀𑌵𑌿𑌦𑍍𑌯𑌾 𑌕𑍍𑌷𑍇𑌮𑌕𑌾𑌰𑌿𑌣𑍀 ॥ 151 ॥
𑌶𑍍𑌰𑍀𑌮𑍍𑌬𑍀𑌜𑌜𑌪𑌸𑌨𑍍𑌤𑍁𑌷𑍍𑌟𑌾 𑌐𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌬𑍀𑌜𑌪𑌾𑌲𑌿𑌕𑌾 ।
𑌪𑍍𑌰𑌪𑌤𑍍𑌤𑌿𑌮𑌾𑌰𑍍𑌗𑌸𑍁𑌲𑌭𑌾 𑌵𑌿𑌷𑍍𑌣𑍁𑌪𑍍𑌰𑌥𑌮𑌕𑌿𑌙𑍍𑌕𑌰𑍀 ॥ 152 ॥
𑌕𑍍𑌲𑍀𑌙𑍍𑌕𑌾𑌰𑌾𑌰𑍍𑌥𑌸𑌵𑌿𑌤𑍍𑌰𑍀 𑌚 𑌸𑍗𑌮𑌙𑍍𑌗𑌲𑍍𑌯𑌾𑌧𑌿𑌦𑍇𑌵𑌤𑌾 ।
𑌶𑍍𑌰𑍀𑌷𑍋𑌡𑌶𑌾𑌕𑍍𑌷𑌰𑍀𑌵𑌿𑌦𑍍𑌯𑌾 𑌶𑍍𑌰𑍀𑌯𑌨𑍍𑌤𑍍𑌰𑌪𑍁𑌰𑌵𑌾𑌸𑌿𑌨𑍀 ॥ 153 ॥
𑌸𑌰𑍍𑌵𑌮𑌙𑍍𑌗𑌲𑌮𑌾𑌙𑍍𑌗𑌲𑍍𑌯𑍇 𑌶𑌿𑌵𑍇 𑌸𑌰𑍍𑌵𑌾𑌰𑍍𑌥𑌸𑌾𑌧𑌿𑌕𑍇 ।
𑌶𑌰𑌣𑍍𑌯𑍇 𑌤𑍍𑌰𑍍𑌯𑌮𑍍𑌬𑌕𑍇 𑌗𑍗𑌰𑍀 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 154 ॥
𑌪𑍁𑌨𑌃 𑌪𑍁𑌨𑌰𑍍𑌨𑌮𑌸𑍍𑌤𑍇𑌽𑌸𑍍𑌤𑍁 𑌸𑌾𑌷𑍍𑌟𑌾𑌙𑍍𑌗𑌮𑌯𑍁𑌤𑌂 𑌪𑍁𑌨𑌃 ।
𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚-
𑌏𑌵𑌂 𑌸𑍍𑌤𑍁𑌤𑌾 𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌬𑍍𑌰𑌹𑍍𑌮𑌰𑍁𑌦𑍍𑌰𑌾𑌦𑌿𑌭𑌿𑌸𑍍𑌸𑍁𑌰𑍈𑌃 ।
𑌨𑌮𑌦𑍍𑌭𑌿𑌰𑌾𑌰𑍍𑌤𑍈𑌰𑍍𑌦𑍀𑌨𑍈𑌶𑍍𑌚 𑌨𑌿𑌸𑍍𑌸𑍍𑌵𑌤𑍍𑌵𑍈𑌰𑍍𑌭𑍋𑌗𑌵𑌰𑍍𑌜𑌿𑌤𑍈𑌃 ॥ 1 ॥
𑌜𑍍𑌯𑍇𑌷𑍍𑌠𑌾 𑌜𑍁𑌷𑍍𑌟𑍈𑌶𑍍𑌚 𑌨𑌿𑌶𑍍𑌶𑍍𑌰𑍀𑌕𑍈𑌸𑍍𑌸𑌂𑌸𑌾𑌰𑌾𑌤𑍍𑌸𑍍𑌵𑌪𑌰𑌾𑌯𑌣𑍈𑌃 ।
𑌵𑌿𑌷𑍍𑌣𑍁𑌪𑌤𑍍𑌨𑍀 𑌦𑌦𑍗 𑌤𑍇𑌷𑌾𑌂 𑌦𑌰𑍍𑌶𑌨𑌂 𑌦𑍃𑌷𑍍𑌟𑌿𑌤𑌰𑍍𑌪𑌣𑌮𑍍 ॥ 2 ॥
𑌶𑌰𑌤𑍍𑌪𑍂𑌰𑍍𑌣𑍇𑌨𑍍𑌦𑍁𑌕𑍋𑌟𑍍𑌯𑌾𑌭𑌧𑌵𑌲𑌾𑌪𑌾𑌙𑍍𑌗𑌵𑍀𑌕𑍍𑌷𑌣𑍈𑌃 ।
𑌸𑌰𑍍𑌵𑌾𑌨𑍍𑌸𑌤𑍍𑌤𑍍𑌵𑌸𑌮𑌾𑌵𑌿𑌷𑍍𑌟𑌾𑌨𑍍 𑌚𑌕𑍍𑌰𑍇 𑌹𑍃𑌷𑍍𑌟𑌾 𑌵𑌰𑌂 𑌦𑌦𑍗 ॥ 3 ॥
𑌮𑌹𑌾𑌲𑌕𑍍𑌷𑍍𑌮𑍀𑌰𑍁𑌵𑌾𑌚-
𑌨𑌾𑌮𑍍𑌨𑌾𑌂 𑌸𑌾𑌷𑍍𑌟𑌸𑌹𑌸𑍍𑌰𑌂 𑌮𑍇 𑌪𑍍𑌰𑌮𑌾𑌦𑌾𑌦𑍍𑌵𑌾𑌪𑌿 𑌯𑌸𑍍𑌸𑌕𑍃𑌤𑍍 ।
𑌕𑍀𑌰𑍍𑌤𑌯𑍇𑌤𑍍𑌤𑌤𑍍𑌕𑍁𑌲𑍇 𑌸𑌤𑍍𑌯𑌂 𑌵𑌸𑌾𑌮𑍍𑌯𑌾𑌚𑌨𑍍𑌦𑍍𑌰𑌤𑌾𑌰𑌕𑌮𑍍 ॥ 4 ॥
𑌕𑌿𑌂 𑌪𑍁𑌨𑌰𑍍𑌨𑌿𑌯𑌮𑌾𑌜𑍍𑌜𑌪𑍍𑌤𑍁𑌰𑍍𑌮𑌦𑍇𑌕𑌶𑌰𑌣𑌸𑍍𑌯 𑌚 ।
𑌮𑌾𑌤𑍃𑌵𑌤𑍍𑌸𑌾𑌨𑍁𑌕𑌮𑍍𑌪𑌾𑌹𑌂 𑌪𑍋𑌷𑌕𑍀 𑌸𑍍𑌯𑌾𑌮𑌹𑌰𑍍𑌨𑌿𑌶𑌮𑍍 ॥ 5 ॥
𑌮𑌨𑍍𑌨𑌾𑌮 𑌸𑍍𑌤𑌵𑌤𑌾𑌂 𑌲𑍋𑌕𑍇 𑌦𑍁𑌰𑍍𑌲𑌭𑌂 𑌨𑌾𑌸𑍍𑌤𑌿 𑌚𑌿𑌨𑍍𑌤𑌿𑌤𑌮𑍍 ।
𑌮𑌤𑍍𑌪𑍍𑌰𑌸𑌾𑌦𑍇𑌨 𑌸𑌰𑍍𑌵𑍇𑌽𑌪𑌿 𑌸𑍍𑌵𑌸𑍍𑌵𑍇𑌷𑍍𑌟𑌾𑌰𑍍𑌥𑌮𑌵𑌾𑌪𑍍𑌸𑍍𑌯𑌥 ॥ 6 ॥
𑌲𑍁𑌪𑍍𑌤𑌵𑍈𑌷𑍍𑌣𑌵𑌧𑌰𑍍𑌮𑌸𑍍𑌯 𑌮𑌦𑍍𑌵𑍍𑌰𑌤𑍇𑌷𑍍𑌵𑌵𑌕𑍀𑌰𑍍𑌣𑌿𑌨𑌃 ।
𑌭𑌕𑍍𑌤𑌿𑌪𑍍𑌰𑌪𑌤𑍍𑌤𑌿𑌹𑍀𑌨𑌸𑍍𑌯 𑌵𑌨𑍍𑌦𑍍𑌯𑍋 𑌨𑌾𑌮𑍍𑌨𑌾𑌂 𑌸𑍍𑌤𑌵𑍋𑌽𑌪𑌿 𑌮𑍇 ॥ 7 ॥
𑌤𑌸𑍍𑌮𑌾𑌦𑌵𑌶𑍍𑌯𑌂 𑌤𑍈𑌰𑍍𑌦𑍋𑌷𑍈𑌰𑍍𑌵𑌿𑌹𑍀𑌨𑌃 𑌪𑌾𑌪𑌵𑌰𑍍𑌜𑌿𑌤𑌃 ।
𑌜𑌪𑍇𑌤𑍍𑌸𑌾𑌷𑍍𑌟𑌸𑌹𑌸𑍍𑌰𑌂 𑌮𑍇 𑌨𑌾𑌮𑍍𑌨𑌾𑌂 𑌪𑍍𑌰𑌤𑍍𑌯𑌹𑌮𑌾𑌦𑌰𑌾𑌤𑍍 ॥ 8 ॥
𑌸𑌾𑌕𑍍𑌷𑌾𑌦𑌲𑌕𑍍𑌷𑍍𑌮𑍀𑌪𑍁𑌤𑍍𑌰𑍋𑌽𑌪𑌿 𑌦𑍁𑌰𑍍𑌭𑌾𑌗𑍍𑌯𑍋𑌽𑌪𑍍𑌯𑌲𑌸𑍋𑌽𑌪𑌿 𑌵𑌾 ।
𑌅𑌪𑍍𑌰𑌯𑌤𑍍𑌨𑍋𑌽𑌪𑌿 𑌮𑍂𑌢𑍋𑌽𑌪𑌿 𑌵𑌿𑌕𑌲𑌃 𑌪𑌤𑌿𑌤𑍋𑌽𑌪𑌿 𑌚 ॥ 9 ॥
𑌅𑌵𑌶𑍍𑌯𑌂 𑌪𑍍𑌰𑌾𑌪𑍍𑌨𑍁𑌯𑌾𑌦𑍍𑌭𑌾𑌗𑍍𑌯𑌂 𑌮𑌤𑍍𑌪𑍍𑌰𑌸𑌾𑌦𑍇𑌨 𑌕𑍇𑌵𑌲𑌮𑍍 ।
𑌸𑍍𑌪𑍃𑌹𑍇𑌯𑌮𑌚𑌿𑌰𑌾𑌦𑍍𑌦𑍇𑌵𑌾 𑌵𑌰𑌦𑌾𑌨𑌾𑌯 𑌜𑌾𑌪𑌿𑌨𑌃 ।
𑌦𑌦𑌾𑌮𑌿 𑌸𑌰𑍍𑌵𑌮𑌿𑌷𑍍𑌟𑌾𑌰𑍍𑌥𑌂 𑌲𑌕𑍍𑌷𑍍𑌮𑍀𑌤𑌿 𑌸𑍍𑌮𑌰𑌤𑌾𑌂 𑌧𑍍𑌰𑍁𑌵𑌮𑍍 ॥ 10 ॥
𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚-
𑌇𑌤𑍍𑌯𑍁𑌕𑍍𑌤𑍍𑌵𑌾𑌽𑌨𑍍𑌤𑌰𑍍𑌦𑌧𑍇 𑌲𑌕𑍍𑌷𑍍𑌮𑍀𑌰𑍍𑌵𑍈𑌷𑍍𑌣𑌵𑍀 𑌭𑌗𑌵𑌤𑍍𑌕𑌲𑌾 ।
𑌇𑌷𑍍𑌟𑌾𑌪𑍂𑌰𑍍𑌤𑌂 𑌚 𑌸𑍁𑌕𑍃𑌤𑌂 𑌭𑌾𑌗𑌧𑍇𑌯𑌂 𑌚 𑌚𑌿𑌨𑍍𑌤𑌿𑌤𑌮𑍍 ॥ 11 ॥
𑌸𑍍𑌵𑌂 𑌸𑍍𑌵𑌂 𑌸𑍍𑌥𑌾𑌨𑌂 𑌚 𑌭𑍋𑌗𑌂 𑌚 𑌵𑌿𑌜𑌯𑌂 𑌲𑍇𑌭𑌿𑌰𑍇 𑌸𑍁𑌰𑌾𑌃 ।
𑌤𑌦𑍇𑌤𑌤𑍍 𑌪𑍍𑌰𑌵𑌦𑌾𑌮𑍍𑌯𑌦𑍍𑌯 𑌲𑌕𑍍𑌷𑍍𑌮𑍀𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌯𑍋𑌗𑌿𑌨𑌃 𑌪𑌠𑌤 𑌕𑍍𑌷𑌿𑌪𑍍𑌰𑌂 𑌚𑌿𑌨𑍍𑌤𑌿𑌤𑌾𑌰𑍍𑌥𑌾𑌨𑌵𑌾𑌪𑍍𑌸𑍍𑌯𑌥 ॥ 12 ॥
𑌗𑌾𑌰𑍍𑌗𑍍𑌯 𑌉𑌵𑌾𑌚-
𑌸𑌨𑌤𑍍𑌕𑍁𑌮𑌾𑌰𑍋𑌯𑍋𑌗𑍀𑌨𑍍𑌦𑍍𑌰 𑌇𑌤𑍍𑌯𑍁𑌕𑍍𑌤𑍍𑌵𑌾 𑌸 𑌦𑌯𑌾𑌨𑌿𑌧𑌿𑌃 ।
𑌅𑌨𑍁𑌗𑍃𑌹𑍍𑌯 𑌯𑌯𑍗 𑌕𑍍𑌷𑌿𑌪𑍍𑌰𑌂 𑌤𑌾𑌂𑌶𑍍𑌚 𑌦𑍍𑌵𑌾𑌦𑌶𑌯𑍋𑌗𑌿𑌨𑌃 ॥ 13 ॥
𑌤𑌸𑍍𑌮𑌾𑌦𑍇𑌤𑌦𑍍𑌰𑌹𑌸𑍍𑌯𑌂 𑌚 𑌗𑍋𑌪𑍍𑌯𑌂 𑌜𑌪𑍍𑌯𑌂 𑌪𑍍𑌰𑌯𑌤𑍍𑌨𑌤𑌃 ।
𑌅𑌷𑍍𑌟𑌮𑍍𑌯𑌾𑌂 𑌚 𑌚𑌤𑍁𑌰𑍍𑌦𑌶𑍍𑌯𑌾𑌂 𑌨𑌵𑌮𑍍𑌯𑌾𑌂 𑌭𑍃𑌗𑍁𑌵𑌾𑌸𑌰𑍇 ॥ 14 ॥
𑌪𑍗𑌰𑍍𑌣𑌮𑌾𑌸𑍍𑌯𑌾𑌮𑌮𑌾𑌯𑌾𑌂 𑌚 𑌪𑌰𑍍𑌵𑌕𑌾𑌲𑍇 𑌵𑌿𑌶𑍇𑌷𑌤𑌃 ।
𑌜𑌪𑍇𑌦𑍍𑌵𑌾 𑌨𑌿𑌤𑍍𑌯𑌕𑌾𑌰𑍍𑌯𑍇𑌷𑍁 𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌵𑌾𑌪𑍍𑌨𑍁𑌯𑌾𑌤𑍍 ॥ 15 ॥
𑌇𑌤𑌿 𑌶𑍍𑌰𑍀𑌸𑍍𑌕𑌨𑍍𑌦𑌪𑍁𑌰𑌾𑌣𑍇 𑌸𑌨𑌤𑍍𑌕𑍁𑌮𑌾𑌰𑌸𑌂𑌹𑌿𑌤𑌾𑌯𑌾𑌂 𑌲𑌕𑍍𑌷𑍍𑌮𑍀𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ॥
Roman (IAST) Transliteration
nāmnāṃ sāṣṭasahasrañca brūhi gārgya mahāmate |
mahālakṣmyā mahādevyā bhuktimuktyarthasiddhaye || 1 ||
gārgya uvāca
sanatkumāramāsīnaṃ dvādaśādityasannibham |
apṛcchanyogino bhaktyā yogināmarthasiddhaye || 2 ||
sarvalaukikakarmabhyo vimuktānāṃ hitāya vai |
bhuktimuktipradaṃ japyamanubrūhi dayānidhe || 3 ||
sanatkumāra bhagavansarvajño'si viśeṣataḥ |
āstikyasiddhaye nṝṇāṃ kṣipradharmārthasādhanam || 4 ||
khidyanti mānavāssarve dhanābhāvena kevalam |
siddhyanti dhanino'nyasya naiva dharmārthakāmanāḥ || 5 ||
dāridryadhvaṃsinī nāma kena vidyā prakīrtitā |
kena vā brahmavidyā'pi kena mṛtyuvināśinī || 6 ||
sarvāsāṃ sārabhūtaikā vidyānāṃ kena kīrtitā |
pratyakṣasiddhidā brahman tāmācakṣva dayānidhe || 7 ||
sanatkumāra uvāca
sādhu pṛṣṭaṃ mahābhāgāssarvalokahitaiṣiṇaḥ |
mahatāmeṣa dharmaśca nānyeṣāmiti me matiḥ || 8 ||
brahmaviṣṇumahādevamahendrādimahātmabhiḥ |
samproktaṃ kathayāmyadya lakṣmīnāmasahasrakam || 9 ||
yasyoccāraṇamātreṇa dāridryānmucyate naraḥ |
kiṃ punastajjapājjāpī sarveṣṭārthānavāpnuyāt || 10 ||
asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |
dhyānam
padmanābhapriyāṃ devīṃ padmākṣīṃ padmavāsinīm |
padmavaktrāṃ padmahastāṃ vande padmāmaharniśam || 1 ||
pūrṇenduvadanāṃ divyaratnābharaṇabhūṣitām |
varadābhayahastāḍhyāṃ dhyāyeccandrasahodarīm || 2 ||
icchārūpāṃ bhagavatassaccidānandarūpiṇīm |
sarvajñāṃ sarvajananīṃ viṣṇuvakṣassthalālayām |
dayālumaniśaṃ dhyāyetsukhasiddhisvarūpiṇīm || 3 ||
stotram
nityāgatānantanityā nandinī janarañjanī |
nityaprakāśinī caiva svaprakāśasvarūpiṇī || 1 ||
mahālakṣmīrmahākālī mahākanyā sarasvatī |
bhogavaibhavasandhātrī bhaktānugrahakāriṇī || 2 ||
īśāvāsyā mahāmāyā mahādevī maheśvarī |
hṛllekhā paramā śaktirmātṛkābījarūpiṇī || 3 ||
nityānandā nityabodhā nādinī janamodinī |
satyapratyayanī caiva svaprakāśātmarūpiṇī || 4 ||
tripurā bhairavī vidyā haṃsā vāgīśvarī śivā |
vāgdevī ca mahārātriḥ kālarātristrilocanā || 5 ||
bhadrakālī karālī ca mahākālī tilottamā |
kālī karālavaktrāntā kāmākṣī kāmadā śubhā || 6 ||
caṇḍikā caṇḍarūpeśā cāmuṇḍā cakradhāriṇī |
trailokyajayinī devī trailokyavijayottamā || 7 ||
siddhalakṣmīḥ kriyālakṣmīrmokṣalakṣmīḥ prasādinī |
umā bhagavatī durgā cāndrī dākṣāyaṇī śivā || 8 ||
pratyaṅgirā dharāvelā lokamātā haripriyā |
pārvatī paramā devī brahmavidyāpradāyinī || 9 ||
arūpā bahurūpā ca virūpā viśvarūpiṇī |
pañcabhūtātmikā vāṇī pañcabhūtātmikā parā || 10 ||
kālī mā pañcikā vāgmī haviḥpratyadhidevatā |
devamātā sureśānā devagarbhā'mbikā dhṛtiḥ || 11 ||
saṅkhyā jātiḥ kriyāśaktiḥ prakṛtirmohinī mahī |
yajñavidyā mahāvidyā guhyavidyā vibhāvarī || 12 ||
jyotiṣmatī mahāmātā sarvamantraphalapradā |
dāridryadhvaṃsinī devī hṛdayagranthibhedinī || 13 ||
sahasrādityasaṅkāśā candrikā candrarūpiṇī |
gāyatrī somasambhūtissāvitrī praṇavātmikā || 14 ||
śāṅkarī vaiṣṇavī brāhmī sarvadevanamaskṛtā |
sevyadurgā kuberākṣī karavīranivāsinī || 15 ||
jayā ca vijayā caiva jayantī cā'parājitā |
kubjikā kālikā śāstrī vīṇāpustakadhāriṇī || 16 ||
sarvajñaśaktiśśrīśaktirbrahmaviṣṇuśivātmikā |
iḍāpiṅgalikāmadhyamṛṇālītanturūpiṇī || 17 ||
yajñeśānī prathā dīkṣā dakṣiṇā sarvamohinī |
aṣṭāṅgayoginī devī nirbījadhyānagocarā || 18 ||
sarvatīrthasthitā śuddhā sarvaparvatavāsinī |
vedaśāstraprabhā devī ṣaḍaṅgādipadakramā || 19 ||
śivā dhātrī śubhānandā yajñakarmasvarūpiṇī |
vratinī menakā devī brahmāṇī brahmacāriṇī || 20 ||
ekākṣaraparā tārā bhavabandhavināśinī |
viśvambharā dharādhārā nirādhārā'dhikasvarā || 21 ||
rākā kuhūramāvāsyā pūrṇimā'numatirdyutiḥ |
sinīvālī śivā'vaśyā vaiśvadevī piśaṅgilā || 22 ||
pippalā ca viśālākṣī rakṣoghnī vṛṣṭikāriṇī |
duṣṭavidrāviṇī devī sarvopadravanāśinī || 23 ||
śāradā śarasandhānā sarvaśastrasvarūpiṇī |
yuddhamadhyasthitā devī sarvabhūtaprabhañjanī || 24 ||
ayuddhā yuddharūpā ca śāntā śāntisvarūpiṇī |
gaṅgā sarasvatīveṇīyamunānarmadāpagā || 25 ||
samudravasanāvāsā brahmāṇḍaśroṇimekhalā |
pañcavaktrā daśabhujā śuddhasphaṭikasannibhā || 26 ||
raktā kṛṣṇā sitā pītā sarvavarṇā nirīśvarī |
kālikā cakrikā devī satyā tu vaṭukāsthitā || 27 ||
taruṇī vāruṇī nārī jyeṣṭhādevī sureśvarī |
viśvambharādharā kartrī galārgalavibhañjanī || 28 ||
sandhyārātrirdivājyotsnā kalākāṣṭhā nimeṣikā |
urvī kātyāyanī śubhrā saṃsārārṇavatāriṇī || 29 ||
kapilā kīlikā'śokā mallikānavamallikā | [ mallikānavamālikā ]
devikā nandikā śāntā bhañjikā bhayabhañjikā || 30 ||
kauśikī vaidikī devī saurī rūpādhikā'tibhā |
digvastrā navavastrā ca kanyakā kamalodbhavā || 31 ||
śrīssaumyalakṣaṇā'tītadurgā sūtraprabodhikā |
śraddhā medhā kṛtiḥ prajñā dhāraṇā kāntireva ca || 32 ||
śrutiḥ smṛtirdhṛtirdhanyā bhūtiriṣṭirmanīṣiṇī |
viraktirvyāpinī māyā sarvamāyāprabhañjanī || 33 ||
māhendrī mantriṇī siṃhī cendrajālasvarūpiṇī |
avasthātrayanirmuktā guṇatrayavivarjitā || 34 ||
īṣaṇātrayanirmuktā sarvarogavivarjitā |
yogidhyānāntagamyā ca yogadhyānaparāyaṇā || 35 ||
trayīśikhā viśeṣajñā vedāntajñānarūpiṇī |
bhāratī kamalā bhāṣā padmā padmavatī kṛtiḥ || 36 ||
gautamī gomatī gaurī īśānā haṃsavāhinī |
nārāyaṇī prabhādhārā jāhnavī śaṅkarātmajā || 37 ||
citraghaṇṭā sunandā śrīrmānavī manusambhavā |
stambhinī kṣobhiṇī mārī bhrāmiṇī śatrumāriṇī || 38 ||
mohinī dveṣiṇī vīrā aghorā rudrarūpiṇī |
rudraikādaśinī puṇyā kalyāṇī lābhakāriṇī || 39 ||
devadurgā mahādurgā svapnadurgā'ṣṭabhairavī |
sūryacandrāgnirūpā ca grahanakṣatrarūpiṇī || 40 ||
bindunādakalātītā bindunādakalātmikā |
daśavāyujayākārā kalāṣoḍaśasaṃyutā || 41 ||
kāśyapī kamalādevī nādacakranivāsinī |
mṛḍādhārā sthirā guhyā devikā cakrarūpiṇī || 42 ||
avidyā śārvarī bhuñjā jambhāsuranibarhiṇī |
śrīkāyā śrīkalā śubhrā karmanirmūlakāriṇī || 43 ||
ādilakṣmīrguṇādhārā pañcabrahmātmikā parā |
śrutirbrahmamukhāvāsā sarvasampattirūpiṇī || 44 ||
mṛtasañjīvanī maitrī kāminī kāmavarjitā |
nirvāṇamārgadā devī haṃsinī kāśikā kṣamā || 45 ||
saparyā guṇinī bhinnā nirguṇā khaṇḍitāśubhā |
svāminī vedinī śakyā śāmbarī cakradhāriṇī || 46 ||
daṇḍinī muṇḍinī vyāghrī śikhinī somasaṃhatiḥ |
cintāmaṇiścidānandā pañcabāṇaprabodhinī || 47 ||
bāṇaśreṇissahasrākṣī sahasrabhujapādukā |
sandhyāvalistrisandhyākhyā brahmāṇḍamaṇibhūṣaṇā || 48 ||
vāsavī vāruṇīsenā kulikā mantrarañjanī |
jitaprāṇasvarūpā ca kāntā kāmyavarapradā || 49 ||
mantrabrāhmaṇavidyārthā nādarūpā haviṣmatī |
ātharvaṇiḥ śrutiḥ śūnyā kalpanāvarjitā satī || 50 ||
sattājātiḥ pramā'meyā'pramitiḥ prāṇadā gatiḥ |
avarṇā pañcavarṇā ca sarvadā bhuvaneśvarī || 51 ||
trailokyamohinī vidyā sarvabhartrī kṣarā'kṣarā |
hiraṇyavarṇā hariṇī sarvopadravanāśinī || 52 ||
kaivalyapadavīrekhā sūryamaṇḍalasaṃsthitā |
somamaṇḍalamadhyasthā vahnimaṇḍalasaṃsthitā || 53 ||
vāyumaṇḍalamadhyasthā vyomamaṇḍalasaṃsthitā |
cakrikā cakramadhyasthā cakramārgapravartinī || 54 ||
kokilākulacakreśā pakṣatiḥ paṅktipāvanī |
sarvasiddhāntamārgasthā ṣaḍvarṇāvaravarjitā || 55 ||
śararudraharā hantrī sarvasaṃhārakāriṇī |
puruṣā pauruṣī tuṣṭissarvatantraprasūtikā || 56 ||
ardhanārīśvarī devī sarvavidyāpradāyinī |
bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]
vyomakeśākhilaprāṇā pañcakośavilakṣaṇā |
pañcakośātmikā pratyakpañcabrahmātmikā śivā || 58 ||
jagajjarājanitrī ca pañcakarmaprasūtikā |
vāgdevyābharaṇākārā sarvakāmyasthitāsthitiḥ || 59 ||
aṣṭādaśacatuṣṣaṣṭhipīṭhikā vidyayā yutā |
kālikākarṣaṇaśyāmā yakṣiṇī kinnareśvarī || 60 ||
ketakī mallikā'śokā vārāhī dharaṇī dhruvā |
nārasiṃhī mahogrāsyā bhaktānāmārtināśinī || 61 ||
antarbalā sthirā lakṣmīrjarāmaraṇanāśinī |
śrīrañjitā mahākāyā somasūryāgnilocanā || 62 ||
aditirdevamātā ca aṣṭaputrā'ṣṭayoginī |
aṣṭaprakṛtiraṣṭāṣṭavibhrājadvikṛtākṛtiḥ || 63 ||
durbhikṣadhvaṃsinī devī sītā satyā ca rukmiṇī |
khyātijā bhārgavī devī devayonistapasvinī || 64 ||
śākambharī mahāśoṇā garuḍoparisaṃsthitā |
siṃhagā vyāghragā devī vāyugā ca mahādrigā || 65 ||
akārādikṣakārāntā sarvavidyādhidevatā |
mantravyākhyānanipuṇā jyotiśśāstraikalocanā || 66 ||
iḍāpiṅgalikāmadhyāsuṣumnā granthibhedinī |
kālacakrāśrayopetā kālacakrasvarūpiṇī || 67 ||
vaiśāradī matiśśreṣṭhā variṣṭhā sarvadīpikā |
vaināyakī varārohā śroṇivelā bahirvaliḥ || 68 ||
jambhinī jṛmbhiṇī jambhakāriṇī gaṇakārikā |
śaraṇī cakrikā'nantā sarvavyādhicikitsakī || 69 ||
devakī devasaṅkāśā vāridhiḥ karuṇākarā |
śarvarī sarvasampannā sarvapāpaprabhañjanī || 70 ||
ekamātrā dvimātrā ca trimātrā ca tathā'parā |
ardhamātrā parā sūkṣmā sūkṣmārthā'rthaparā'parā || 71 ||
ekavīrā viśeṣākhyā ṣaṣṭhīdevī manasvinī |
naiṣkarmyā niṣkalālokā jñānakarmādhikā guṇā || 72 ||
sabandhvānandasandohā vyomākārā'nirūpitā |
gadyapadyātmikā vāṇī sarvālaṅkārasaṃyutā || 73 ||
sādhubandhapadanyāsā sarvauko ghaṭikāvaliḥ |
ṣaṭkarmā karkaśākārā sarvakarmavivarjitā || 74 ||
ādityavarṇā cāparṇā kāminī vararūpiṇī |
brahmāṇī brahmasantānā vedavāgīśvarī śivā || 75 ||
purāṇanyāyamīmāṃsādharmaśāstrāgamaśrutā |
sadyovedavatī sarvā haṃsī vidyādhidevatā || 76 ||
viśveśvarī jagaddhātrī viśvanirmāṇakāriṇī |
vaidikī vedarūpā ca kālikā kālarūpiṇī || 77 ||
nārāyaṇī mahādevī sarvatattvapravartinī |
hiraṇyavarṇarūpā ca hiraṇyapadasambhavā || 78 ||
kaivalyapadavī puṇyā kaivalyajñānalakṣitā |
brahmasampattirūpā ca brahmasampattikāriṇī || 79 ||
vāruṇī vāruṇārādhyā sarvakarmapravartinī |
ekākṣaraparā''yuktā sarvadāridryabhañjinī || 80 ||
pāśāṅkuśānvitā divyā vīṇāvyākhyākṣasūtrabhṛt |
ekamūrtistrayīmūrtirmadhukaiṭabhabhañjinī || 81 ||
sāṅkhyā sāṅkhyavatī jvālā jvalantī kāmarūpiṇī |
jāgratī sarvasampattissuṣuptā sveṣṭadāyinī || 82 ||
kapālinī mahādaṃṣṭrā bhrukuṭī kuṭilānanā |
sarvāvāsā suvāsā ca bṛhatyaṣṭiśca śakvarī || 83 ||
chandogaṇapratiṣṭhā ca kalmāṣī karuṇātmikā |
cakṣuṣmatī mahāghoṣā khaḍgacarmadharā'śaniḥ || 84 ||
śilpavaicitryavidyotā sarvatobhadravāsinī |
acintyalakṣaṇākārā sūtrabhāṣyanibandhanā || 85 ||
sarvavedārthasampattissarvaśāstrārthamātṛkā |
akārādikṣakārāntasarvavarṇakṛtasthalā || 86 ||
sarvalakṣmīssadānandā sāravidyā sadāśivā |
sarvajñā sarvaśaktiśca khecarīrūpagocchritā || 87 ||
aṇimādiguṇopetā parā kāṣṭhā parā gatiḥ |
haṃsayuktavimānasthā haṃsārūḍhā śaśiprabhā || 88 ||
bhavānī vāsanāśaktirākṛtisthākhilā'khilā |
tantraheturvicitrāṅgī vyomagaṅgāvinodinī || 89 ||
varṣā ca vārṣikā caiva ṛgyajussāmarūpiṇī |
mahānadīnadīpuṇyā'gaṇyapuṇyaguṇakriyā || 90 ||
samādhigatalabhyārthā śrotavyā svapriyā ghṛṇā |
nāmākṣaraparā devī upasarganakhāñcitā || 91 ||
nipātorudvayījaṅghā mātṛkā mantrarūpiṇī |
āsīnā ca śayānā ca tiṣṭhantī dhāvanādhikā || 92 ||
lakṣyalakṣaṇayogāḍhyā tādrūpyagaṇanākṛtiḥ |
saikarūpā naikarūpā sendurūpā tadākṛtiḥ || 93 ||
samāsataddhitākārā vibhaktivacanātmikā |
svāhākārā svadhākārā śrīpatyardhāṅganandinī || 94 ||
gambhīrā gahanā guhyā yoniliṅgārdhadhāriṇī |
śeṣavāsukisaṃsevyā capalā varavarṇinī || 95 ||
kāruṇyākārasampattiḥ kīlakṛnmantrakīlikā |
śaktibījātmikā sarvamantreṣṭākṣayakāmanā || 96 ||
āgneyī pārthivā āpyā vāyavyā vyomaketanā |
satyajñānātmikā''nandā brāhmī brahma sanātanī || 97 ||
avidyāvāsanā māyāprakṛtissarvamohinī |
śaktirdhāraṇaśaktiśca cidacicchaktiyoginī || 98 ||
vaktrāruṇā mahāmāyā marīcirmadamardinī |
virāṭ svāhā svadhā śuddhā nīrūpāstissubhaktigā || 99 ||
nirūpitādvayīvidyā nityānityasvarūpiṇī |
vairājamārgasañcārā sarvasatpathadarśinī || 100 ||
jālandharī mṛḍānī ca bhavānī bhavabhañjanī |
traikālikajñānatantustrikālajñānadāyinī || 101 ||
nādātītā smṛtiḥ prajñā dhātrīrūpā tripuṣkarā |
parājitāvidhānajñā viśeṣitaguṇātmikā || 102 ||
hiraṇyakeśinī hemabrahmasūtravicakṣaṇā |
asaṅkhyeyaparārdhāntasvaravyañjanavaikharī || 103 ||
madhujihvā madhumatī madhumāsodayā madhuḥ |
mādhavī ca mahābhāgā meghagambhīranisvanā || 104 ||
brahmaviṣṇumaheśādijñātavyārthaviśeṣagā |
nābhau vahniśikhākārā lalāṭe candrasannibhā || 105 ||
bhrūmadhye bhāskarākārā sarvatārākṛtirhṛdi |
kṛttikādibharaṇyantanakṣatreṣṭyārcitodayā || 106 ||
grahavidyātmikā jyotirjyotirvinmatijīvikā |
brahmāṇḍagarbhiṇī bālā saptāvaraṇadevatā || 107 ||
vairājottamasāmrājyā kumārakuśalodayā |
bagalā bhramarāmbā ca śivadūtī śivātmikā || 108 ||
meruvindhyādisaṃsthānā kāśmīrapuravāsinī |
yoganidrā mahānidrā vinidrā rākṣasāśritā || 109 ||
suvarṇadā mahāgaṅgā pañcākhyā pañcasaṃhatiḥ |
suprajātā suvīrā ca supoṣā supatiśśivā || 110 ||
sugṛhā raktabījāntā hatakandarpajīvikā |
samudravyomamadhyasthā samabindusamāśrayā || 111 ||
saubhāgyarasajīvātussārāsāravivekadṛk |
trivalyādisupuṣṭāṅgā bhāratī bharatāśritā || 112 ||
nādabrahmamayīvidyā jñānabrahmamayīparā |
brahmanāḍī niruktiśca brahmakaivalyasādhanam || 113 ||
kālikeyamahodāravīryavikramarūpiṇī |
vaḍavāgniśikhāvaktrā mahākavalatarpaṇā || 114 ||
mahābhūtā mahādarpā mahāsārā mahākratuḥ |
pañjabhūtamahāgrāsā pañcabhūtādhidevatā || 115 ||
sarvapramāṇā sampattissarvarogapratikriyā |
brahmāṇḍāntarbahirvyāptā viṣṇuvakṣovibhūṣiṇī || 116 ||
śāṅkarī vidhivaktrasthā pravarā varahetukī |
hemamālā śikhāmālā triśikhā pañcalocanā || 117 || [ pañcamocanā ]
sarvāgamasadācāramaryādā yātubhañjanī |
puṇyaślokaprabandhāḍhyā sarvāntaryāmirūpiṇī || 118 ||
sāmagānasamārādhyā śrotrakarṇarasāyanam |
jīvalokaikajīvāturbhadrodāravilokanā || 119 ||
taṭitkoṭilasatkāntistaruṇī harisundarī |
mīnanetrā ca sendrākṣī viśālākṣī sumaṅgalā || 120 ||
sarvamaṅgalasampannā sākṣānmaṅgaladevatā |
dehahṛddīpikā dīptirjihvapāpapraṇāśinī || 121 ||
ardhacandrollasaddaṃṣṭrā yajñavāṭīvilāsinī |
mahādurgā mahotsāhā mahādevabalodayā || 122 ||
ḍākinīḍyā śākinīḍyā sākinīḍyā samastajuṭ |
niraṅkuśā nākivandyā ṣaḍādhārādhidevatā || 123 ||
bhuvanajñāniniśśreṇī bhuvanākāravallarī |
śāśvatī śāśvatākārā lokānugrahakāriṇī || 124 ||
sārasī mānasī haṃsī haṃsalokapradāyinī |
cinmudrālaṅkṛtakarā koṭisūryasamaprabhā || 125 ||
sukhaprāṇiśirorekhā sadadṛṣṭapradāyinī |
sarvasāṅkaryadoṣaghnī grahopadravanāśinī || 126 ||
kṣudrajantubhayaghnī ca viṣarogādibhañjanī |
sadāśāntā sadāśuddhā gṛhacchidranivāriṇī || 127 ||
kalidoṣapraśamanī kolāhalapurasthitā |
gaurī lākṣaṇikī mukhyā jaghanyākṛtivarjitā || 128 ||
māyā vidyā mūlabhūtā vāsavī viṣṇucetanā |
vādinī vasurūpā ca vasuratnaparicchadā || 129 ||
chāndasī candrahṛdayā mantrasvacchandabhairavī |
vanamālā vaijayantī pañcadivyāyudhātmikā || 130 ||
pītāmbaramayī cañcatkaustubhā harikāminī |
nityā tathyā ramā rāmā ramaṇī mṛtyubhañjanī || 131 ||
jyeṣṭhā kāṣṭhā dhaniṣṭhāntā śarāṅgī nirguṇapriyā |
maitreyā mitravindā ca śeṣyaśeṣakalāśayā || 132 ||
vārāṇasīvāsalabhyā cāryāvartajanastutā | [ vārāṇasīvāsaratā ]
jagadutpattisaṃsthānasaṃhāratrayakāraṇam || 133 ||
tvamamba viṣṇusarvasvaṃ namaste'stu maheśvari |
namaste sarvalokānāṃ jananyai puṇyamūrtaye || 134 ||
siddhalakṣmīrmahākāli mahalakṣmi namo'stu te |
sadyojātādipañcāgnirūpā pañcakapañcakam || 135 ||
yantralakṣmīrbhavatyādirādyādye te namo namaḥ |
sṛṣṭyādikāraṇākāravitate doṣavarjite || 136 ||
jagallakṣmīrjaganmātarviṣṇupatni namo'stu te |
navakoṭimahāśaktisamupāsyapadāmbuje || 137 ||
kanatsauvarṇaratnāḍhya sarvābharaṇabhūṣite |
anantānityamahiṣīprapañceśvaranāyaki || 138 ||
atyucchritapadāntasthe paramavyomanāyaki |
nākapṛṣṭhagatārādhye viṣṇulokavilāsini || 139 ||
vaikuṇṭharājamahiṣi śrīraṅganagarāśrite |
raṅganāyaki bhūputri kṛṣṇe varadavallabhe || 140 ||
koṭibrahmādisaṃsevye koṭirudrādikīrtite |
mātuluṅgamayaṃ kheṭaṃ sauvarṇacaṣakaṃ tathā || 141 ||
padmadvayaṃ pūrṇakumbhaṃ kīrañca varadābhaye |
pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||
dhanurbāṇau cākṣamālāṃ cinmudrāmapi bibhratī |
aṣṭādaśabhuje lakṣmīrmahāṣṭādaśapīṭhage || 143 ||
bhūminīlādisaṃsevye svāmicittānuvartini |
padme padmālaye padmi pūrṇakumbhābhiṣecite || 144 ||
indirendindirābhākṣi kṣīrasāgarakanyake |
bhārgavi tvaṃ svatantrecchā vaśīkṛtajagatpatiḥ || 145 ||
maṅgalaṃ maṅgalānāṃ tvaṃ devatānāṃ ca devatā |
tvamuttamottamānāṃ ca tvaṃ śreyaḥ paramāmṛtam || 146 ||
dhanadhānyābhivṛddhiśca sārvabhaumasukhocchrayā |
āndolikādisaubhāgyaṃ mattebhādimahodayaḥ || 147 ||
putrapautrābhivṛddhiśca vidyābhogabalādikam |
āyurārogyasampattiraṣṭaiśvaryaṃ tvameva hi || 148 ||
parameśavibhūtiśca sūkṣmātsūkṣmatarāgatiḥ |
sadayāpāṅgasandattabrahmendrādipadasthitiḥ || 149 ||
avyāhatamahābhāgyaṃ tvamevākṣobhyavikramaḥ |
samanvayaśca vedānāmavirodhastvameva hi || 150 ||
niḥśreyasapadaprāptisādhanaṃ phalameva ca |
śrīmantrarājarājñī ca śrīvidyā kṣemakāriṇī || 151 ||
śrīmbījajapasantuṣṭā aiṃ hrīṃ śrīṃ bījapālikā |
prapattimārgasulabhā viṣṇuprathamakiṅkarī || 152 ||
klīṅkārārthasavitrī ca saumaṅgalyādhidevatā |
śrīṣoḍaśākṣarīvidyā śrīyantrapuravāsinī || 153 ||
sarvamaṅgalamāṅgalye śive sarvārthasādhike |
śaraṇye tryambake gaurī nārāyaṇi namo'stu te || 154 ||
punaḥ punarnamaste'stu sāṣṭāṅgamayutaṃ punaḥ |
sanatkumāra uvāca-
evaṃ stutā mahālakṣmīrbrahmarudrādibhissuraiḥ |
namadbhirārtairdīnaiśca nissvatvairbhogavarjitaiḥ || 1 ||
jyeṣṭhā juṣṭaiśca niśśrīkaissaṃsārātsvaparāyaṇaiḥ |
viṣṇupatnī dadau teṣāṃ darśanaṃ dṛṣṭitarpaṇam || 2 ||
śaratpūrṇendukoṭyābhadhavalāpāṅgavīkṣaṇaiḥ |
sarvānsattvasamāviṣṭān cakre hṛṣṭā varaṃ dadau || 3 ||
mahālakṣmīruvāca-
nāmnāṃ sāṣṭasahasraṃ me pramādādvāpi yassakṛt |
kīrtayettatkule satyaṃ vasāmyācandratārakam || 4 ||
kiṃ punarniyamājjapturmadekaśaraṇasya ca |
mātṛvatsānukampāhaṃ poṣakī syāmaharniśam || 5 ||
mannāma stavatāṃ loke durlabhaṃ nāsti cintitam |
matprasādena sarve'pi svasveṣṭārthamavāpsyatha || 6 ||
luptavaiṣṇavadharmasya madvrateṣvavakīrṇinaḥ |
bhaktiprapattihīnasya vandyo nāmnāṃ stavo'pi me || 7 ||
tasmādavaśyaṃ tairdoṣairvihīnaḥ pāpavarjitaḥ |
japetsāṣṭasahasraṃ me nāmnāṃ pratyahamādarāt || 8 ||
sākṣādalakṣmīputro'pi durbhāgyo'pyalaso'pi vā |
aprayatno'pi mūḍho'pi vikalaḥ patito'pi ca || 9 ||
avaśyaṃ prāpnuyādbhāgyaṃ matprasādena kevalam |
spṛheyamacirāddevā varadānāya jāpinaḥ |
dadāmi sarvamiṣṭārthaṃ lakṣmīti smaratāṃ dhruvam || 10 ||
sanatkumāra uvāca-
ityuktvā'ntardadhe lakṣmīrvaiṣṇavī bhagavatkalā |
iṣṭāpūrtaṃ ca sukṛtaṃ bhāgadheyaṃ ca cintitam || 11 ||
svaṃ svaṃ sthānaṃ ca bhogaṃ ca vijayaṃ lebhire surāḥ |
tadetat pravadāmyadya lakṣmīnāmasahasrakam |
yoginaḥ paṭhata kṣipraṃ cintitārthānavāpsyatha || 12 ||
gārgya uvāca-
sanatkumāroyogīndra ityuktvā sa dayānidhiḥ |
anugṛhya yayau kṣipraṃ tāṃśca dvādaśayoginaḥ || 13 ||
tasmādetadrahasyaṃ ca gopyaṃ japyaṃ prayatnataḥ |
aṣṭamyāṃ ca caturdaśyāṃ navamyāṃ bhṛguvāsare || 14 ||
paurṇamāsyāmamāyāṃ ca parvakāle viśeṣataḥ |
japedvā nityakāryeṣu sarvānkāmānavāpnuyāt || 15 ||
iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||
InfoLyter.in — Sacred Vedic Knowledge Portal · Free forever