📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌲𑌕𑍍𑌷𑍍𑌮𑍀 𑌨𑌾𑌰𑌾𑌯𑌣 𑌹𑍃𑌦𑌯 𑌸𑍍𑌤𑍋𑌤𑍍𑌰𑌮𑍍
Shri Lakshmi Narayana Hridaya Stotram
Vishnu Stotram Grantha
𑌅𑌥 𑌨𑌾𑌰𑌾𑌯𑌨 𑌹𑍃𑌦𑌯 𑌸𑍍𑌤𑍋𑌤𑍍𑌰𑌮𑍍
𑌅𑌸𑍍𑌯 𑌶𑍍𑌰𑍀𑌨𑌾𑌰𑌾𑌯𑌣𑌹𑍃𑌦𑌯𑌸𑍍𑌤𑍋𑌤𑍍𑌰𑌮𑌨𑍍𑌤𑍍𑌰𑌸𑍍𑌯 𑌭𑌾𑌰𑍍𑌗𑌵 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍𑌛𑌨𑍍𑌦𑌃, 𑌶𑍍𑌰𑍀𑌲𑌕𑍍𑌷𑍍𑌮𑍀𑌨𑌾𑌰𑌾𑌯𑌣𑍋 𑌦𑍇𑌵𑌤𑌾, 𑍐 𑌬𑍀𑌜𑌂, 𑌨𑌮𑌶𑍍𑌶𑌕𑍍𑌤𑌿𑌃, 𑌨𑌾𑌰𑌾𑌯𑌣𑌾𑌯𑍇𑌤𑌿 𑌕𑍀𑌲𑌕𑌂, 𑌶𑍍𑌰𑍀𑌲𑌕𑍍𑌷𑍍𑌮𑍀𑌨𑌾𑌰𑌾𑌯𑌣 𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌕𑌰𑌨𑍍𑌯𑌾𑌸𑌃 ।
𑍐 𑌨𑌾𑌰𑌾𑌯𑌣𑌃 𑌪𑌰𑌂 𑌜𑍍𑌯𑍋𑌤𑌿𑌰𑌿𑌤𑌿 𑌅𑌙𑍍𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌨𑌾𑌰𑌾𑌯𑌣𑌃 𑌪𑌰𑌂 𑌬𑍍𑌰𑌹𑍍𑌮𑍇𑌤𑌿 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌨𑌾𑌰𑌾𑌯𑌣𑌃 𑌪𑌰𑍋 𑌦𑍇𑌵 𑌇𑌤𑌿 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌨𑌾𑌰𑌾𑌯𑌣𑌃 𑌪𑌰𑌂 𑌧𑌾𑌮𑍇𑌤𑌿 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌨𑌾𑌰𑌾𑌯𑌣𑌃 𑌪𑌰𑍋 𑌧𑌰𑍍𑌮 𑌇𑌤𑌿 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌵𑌿𑌶𑍍𑌵𑌂 𑌨𑌾𑌰𑌾𑌯𑌣 𑌇𑌤𑌿 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌅𑌙𑍍𑌗𑌨𑍍𑌯𑌾𑌸𑌃 ।
𑌨𑌾𑌰𑌾𑌯𑌣𑌃 𑌪𑌰𑌂 𑌜𑍍𑌯𑍋𑌤𑌿𑌰𑌿𑌤𑌿 𑌹𑍃𑌦𑌯𑌾𑌯 𑌨𑌮𑌃 ।
𑌨𑌾𑌰𑌾𑌯𑌣𑌃 𑌪𑌰𑌂 𑌬𑍍𑌰𑌹𑍍𑌮𑍇𑌤𑌿 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌨𑌾𑌰𑌾𑌯𑌣𑌃 𑌪𑌰𑍋 𑌦𑍇𑌵 𑌇𑌤𑌿 𑌶𑌿𑌖𑌾𑌯𑍈 𑌵𑍗𑌷𑌟𑍍 ।
𑌨𑌾𑌰𑌾𑌯𑌣𑌃 𑌪𑌰𑌂 𑌧𑌾𑌮𑍇𑌤𑌿 𑌕𑌵𑌚𑌾𑌯 𑌹𑍁𑌮𑍍 ।
𑌨𑌾𑌰𑌾𑌯𑌣𑌃 𑌪𑌰𑍋 𑌧𑌰𑍍𑌮 𑌇𑌤𑌿 𑌨𑍇𑌤𑍍𑌰𑌾𑌭𑍍𑌯𑌾𑌂 𑌵𑍗𑌷𑌟𑍍 ।
𑌵𑌿𑌶𑍍𑌵𑌂 𑌨𑌾𑌰𑌾𑌯𑌣 𑌇𑌤𑌿 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌦𑌿𑌗𑍍𑌬𑌨𑍍𑌧𑌃 ।
𑍐 𑌐𑌨𑍍𑌦𑍍𑌰𑍍𑌯𑌾𑌦𑌿𑌦𑌶𑌦𑌿𑌶𑌂 𑍐 𑌨𑌮𑌃 𑌸𑍁𑌦𑌰𑍍𑌶𑌨𑌾𑌯 𑌸𑌹𑌸𑍍𑌰𑌾𑌰𑌾𑌯 𑌹𑍁𑌂 𑌫𑌟𑍍 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 । 𑌇𑌤𑌿 𑌪𑍍𑌰𑌤𑌿𑌦𑌿𑌶𑌂 𑌯𑍋𑌜𑍍𑌯𑌮𑍍 ।
𑌅𑌥 𑌧𑍍𑌯𑌾𑌨𑌮𑍍 ।
𑌉𑌦𑍍𑌯𑌾𑌦𑌾𑌦𑌿𑌤𑍍𑌯𑌸𑌙𑍍𑌕𑌾𑌶𑌂 𑌪𑍀𑌤𑌵𑌾𑌸𑌂 𑌚𑌤𑍁𑌰𑍍𑌭𑍁𑌜𑌮𑍍 ।
𑌶𑌙𑍍𑌖𑌚𑌕𑍍𑌰𑌗𑌦𑌾𑌪𑌾𑌣𑌿𑌂 𑌧𑍍𑌯𑌾𑌯𑍇𑌲𑍍𑌲𑌕𑍍𑌷𑍍𑌮𑍀𑌪𑌤𑌿𑌂 𑌹𑌰𑌿𑌮𑍍 ॥ 1 ॥
𑌤𑍍𑌰𑍈𑌲𑍋𑌕𑍍𑌯𑌾𑌧𑌾𑌰𑌚𑌕𑍍𑌰𑌂 𑌤𑌦𑍁𑌪𑌰𑌿 𑌕𑌮𑌠𑌂 𑌤𑌤𑍍𑌰 𑌚𑌾𑌨𑌨𑍍𑌤𑌭𑍋𑌗𑍀
𑌤𑌨𑍍𑌮𑌧𑍍𑌯𑍇 𑌭𑍂𑌮𑌿𑌪𑌦𑍍𑌮𑌾𑌙𑍍𑌕𑍁𑌶𑌶𑌿𑌖𑌰𑌦𑌲𑌂 𑌕𑌰𑍍𑌣𑌿𑌕𑌾𑌭𑍂𑌤𑌮𑍇𑌰𑍁𑌮𑍍 ।
𑌤𑌤𑍍𑌰𑌸𑍍𑌥𑌂 𑌶𑌾𑌨𑍍𑌤𑌮𑍂𑌰𑍍𑌤𑌿𑌂 𑌮𑌣𑌿𑌮𑌯𑌮𑌕𑍁𑌟𑌂 𑌕𑍁𑌣𑍍𑌡𑌲𑍋𑌦𑍍𑌭𑌾𑌸𑌿𑌤𑌾𑌙𑍍𑌗𑌂
𑌲𑌕𑍍𑌷𑍍𑌮𑍀𑌨𑌾𑌰𑌾𑌯𑌣𑌾𑌖𑍍𑌯𑌂 𑌸𑌰𑌸𑌿𑌜𑌨𑌯𑌨𑌂 𑌸𑌨𑍍𑌤𑌤𑌂 𑌚𑌿𑌨𑍍𑌤𑌯𑌾𑌮𑌿 ॥ 2 ॥
𑌅𑌥 𑌮𑍂𑌲𑌾𑌷𑍍𑌟𑌕𑌮𑍍 ।
𑌓𑌮𑍍 ॥ 𑌨𑌾𑌰𑌾𑌯𑌣𑌃 𑌪𑌰𑌂 𑌜𑍍𑌯𑍋𑌤𑌿𑌰𑌾𑌤𑍍𑌮𑌾 𑌨𑌾𑌰𑌾𑌯𑌣𑌃 𑌪𑌰𑌃 ।
𑌨𑌾𑌰𑌾𑌯𑌣𑌃 𑌪𑌰𑌂 𑌬𑍍𑌰𑌹𑍍𑌮 𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 1 ॥
𑌨𑌾𑌰𑌾𑌯𑌣𑌃 𑌪𑌰𑍋 𑌦𑍇𑌵𑍋 𑌧𑌾𑌤𑌾 𑌨𑌾𑌰𑌾𑌯𑌣𑌃 𑌪𑌰𑌃 ।
𑌨𑌾𑌰𑌾𑌯𑌣𑌃 𑌪𑌰𑍋 𑌧𑌾𑌤𑌾 𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 2 ॥
𑌨𑌾𑌰𑌾𑌯𑌣𑌃 𑌪𑌰𑌂 𑌧𑌾𑌮 𑌧𑍍𑌯𑌾𑌨𑌂 𑌨𑌾𑌰𑌾𑌯𑌣𑌃 𑌪𑌰𑌃 ।
𑌨𑌾𑌰𑌾𑌯𑌣 𑌪𑌰𑍋 𑌧𑌰𑍍𑌮𑍋 𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 3 ॥
𑌨𑌾𑌰𑌾𑌯𑌣𑌃 𑌪𑌰𑍋𑌵𑍇𑌦𑍍𑌯𑌃 𑌵𑌿𑌦𑍍𑌯𑌾 𑌨𑌾𑌰𑌾𑌯𑌣𑌃 𑌪𑌰𑌃 ।
𑌵𑌿𑌶𑍍𑌵𑌂 𑌨𑌾𑌰𑌾𑌯𑌣𑌃 𑌸𑌾𑌕𑍍𑌷𑌾𑌨𑍍𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥
𑌨𑌾𑌰𑌾𑌯𑌣𑌾𑌦𑍍𑌵𑌿𑌧𑌿𑌰𑍍𑌜𑌾𑌤𑍋 𑌜𑌾𑌤𑍋 𑌨𑌾𑌰𑌾𑌯𑌣𑌾𑌦𑍍𑌭𑌵𑌃 ।
𑌜𑌾𑌤𑍋 𑌨𑌾𑌰𑌾𑌯𑌣𑌾𑌦𑌿𑌨𑍍𑌦𑍍𑌰𑍋 𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 5 ॥
𑌰𑌵𑌿𑌰𑍍𑌨𑌾𑌰𑌾𑌯𑌣𑌸𑍍𑌤𑍇𑌜𑌃 𑌚𑌨𑍍𑌦𑍍𑌰𑍋 𑌨𑌾𑌰𑌾𑌯𑌣𑍋 𑌮𑌹𑌃 ।
𑌵𑌹𑍍𑌨𑌿𑌰𑍍𑌨𑌾𑌰𑌾𑌯𑌣𑌃 𑌸𑌾𑌕𑍍𑌷𑌾𑌨𑍍𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥
𑌨𑌾𑌰𑌾𑌯𑌣 𑌉𑌪𑌾𑌸𑍍𑌯𑌃 𑌸𑍍𑌯𑌾𑌦𑍍𑌗𑍁𑌰𑍁𑌰𑍍𑌨𑌾𑌰𑌾𑌯𑌣𑌃 𑌪𑌰𑌃 ।
𑌨𑌾𑌰𑌾𑌯𑌣𑌃 𑌪𑌰𑍋 𑌬𑍋𑌧𑍋 𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 7 ॥
𑌨𑌾𑌰𑌾𑌯𑌣𑌃 𑌫𑌲𑌂 𑌮𑍁𑌖𑍍𑌯𑌂 𑌸𑌿𑌦𑍍𑌧𑌿𑌰𑍍𑌨𑌾𑌰𑌾𑌯𑌣𑌃 𑌸𑍁𑌖𑌮𑍍 ।
𑌸𑍇𑌵𑍍𑌯𑍋𑌨𑌾𑌰𑌾𑌯𑌣𑌃 𑌶𑍁𑌦𑍍𑌧𑍋 𑌨𑌾𑌰𑌾𑌯𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 8 ॥ [𑌹𑌰𑌿]
𑌅𑌥 𑌪𑍍𑌰𑌾𑌰𑍍𑌥𑌨𑌾𑌦𑌶𑌕𑌮𑍍 ।
𑌨𑌾𑌰𑌾𑌯𑌣 𑌤𑍍𑌵𑌮𑍇𑌵𑌾𑌸𑌿 𑌦𑌹𑌰𑌾𑌖𑍍𑌯𑍇 𑌹𑍃𑌦𑌿 𑌸𑍍𑌥𑌿𑌤𑌃 ।
𑌪𑍍𑌰𑍇𑌰𑌕𑌃 𑌪𑍍𑌰𑍇𑌰𑍍𑌯𑌮𑌾𑌣𑌾𑌨𑌾𑌂 𑌤𑍍𑌵𑌯𑌾 𑌪𑍍𑌰𑍇𑌰𑌿𑌤𑌮𑌾𑌨𑌸𑌃 ॥ 9 ॥
𑌤𑍍𑌵𑌦𑌾𑌜𑍍𑌞𑌾𑌂 𑌶𑌿𑌰𑌸𑌾 𑌧𑍃𑌤𑍍𑌵𑌾 𑌜𑌪𑌾𑌮𑌿 𑌜𑌨𑌪𑌾𑌵𑌨𑌮𑍍 ।
𑌨𑌾𑌨𑍋𑌪𑌾𑌸𑌨𑌮𑌾𑌰𑍍𑌗𑌾𑌣𑌾𑌂 𑌭𑌵𑌕𑍃𑌦𑍍𑌭𑌾𑌵𑌬𑍋𑌧𑌕𑌃 ॥ 10 ॥
𑌭𑌾𑌵𑌾𑌰𑍍𑌥𑌕𑍃𑌦𑍍𑌭𑌵𑌾𑌤𑍀𑌤𑍋 𑌭𑌵 𑌸𑍗𑌖𑍍𑌯𑌪𑍍𑌰𑌦𑍋 𑌮𑌮 ।
𑌤𑍍𑌵𑌨𑍍𑌮𑌾𑌯𑌾𑌮𑍋𑌹𑌿𑌤𑌂 𑌵𑌿𑌶𑍍𑌵𑌂 𑌤𑍍𑌵𑌯𑍈𑌵 𑌪𑌰𑌿𑌕𑌲𑍍𑌪𑌿𑌤𑌮𑍍 ॥ 11 ॥
𑌤𑍍𑌵𑌦𑌧𑌿𑌷𑍍𑌠𑌾𑌨𑌮𑌾𑌤𑍍𑌰𑍇𑌣 𑌸𑌾 𑌵𑍈 𑌸𑌰𑍍𑌵𑌾𑌰𑍍𑌥𑌕𑌾𑌰𑌿𑌣𑍀 ।
𑌤𑍍𑌵𑌮𑍇𑌤𑌾𑌂 𑌚 𑌪𑍁𑌰𑌸𑍍𑌕𑍃𑌤𑍍𑌯 𑌸𑌰𑍍𑌵𑌕𑌾𑌮𑌾𑌨𑍍𑌪𑍍𑌰𑌦𑌰𑍍𑌶𑌯 ॥ 12 ॥
𑌨 𑌮𑍇 𑌤𑍍𑌵𑌦𑌨𑍍𑌯𑌸𑍍𑌤𑍍𑌰𑌾𑌤𑌾𑌸𑍍𑌤𑌿 𑌤𑍍𑌵𑌦𑌨𑍍𑌯𑌨𑍍𑌨 𑌹𑌿 𑌦𑍈𑌵𑌤𑌮𑍍 ।
𑌤𑍍𑌵𑌦𑌨𑍍𑌯𑌂 𑌨 𑌹𑌿 𑌜𑌾𑌨𑌾𑌮𑌿 𑌪𑌾𑌲𑌕𑌂 𑌪𑍁𑌣𑍍𑌯𑌵𑌰𑍍𑌧𑌨𑌮𑍍 ॥ 13 ॥
𑌯𑌾𑌵𑌤𑍍𑌸𑌾𑌂𑌸𑌾𑌰𑌿𑌕𑍋 𑌭𑌾𑌵𑍋 𑌮𑌨𑌸𑍍𑌸𑍍𑌥𑍋 𑌭𑌾𑌵𑌨𑌾𑌤𑍍𑌮𑌕𑌃 ।
𑌤𑌾𑌵𑌤𑍍𑌸𑌿𑌦𑍍𑌧𑌿𑌰𑍍𑌭𑌵𑍇𑌤𑍍𑌸𑌾𑌧𑍍𑌯𑌾 𑌸𑌰𑍍𑌵𑌥𑌾 𑌸𑌰𑍍𑌵𑌦𑌾 𑌵𑌿𑌭𑍋 ॥ 14 ॥
𑌪𑌾𑌪𑌿𑌨𑌾𑌮𑌹𑌮𑍇𑌵𑌾𑌗𑍍𑌰𑍍𑌯𑍋 𑌦𑌯𑌾𑌲𑍂𑌨𑌾𑌂 𑌤𑍍𑌵𑌮𑌗𑍍𑌰𑌣𑍀𑌃 ।
𑌦𑌯𑌨𑍀𑌯𑍋 𑌮𑌦𑌨𑍍𑌯𑍋𑌽𑌸𑍍𑌤𑌿 𑌤𑌵 𑌕𑍋𑌽𑌤𑍍𑌰 𑌜𑌗𑌤𑍍𑌤𑍍𑌰𑌯𑍇 ॥ 15 ॥
𑌤𑍍𑌵𑌯𑌾𑌹𑌂 𑌨𑍈𑌵 𑌸𑍃𑌷𑍍𑌟𑌶𑍍𑌚𑍇𑌨𑍍𑌨 𑌸𑍍𑌯𑌾𑌤𑍍𑌤𑌵 𑌦𑌯𑌾𑌲𑍁𑌤𑌾 ।
𑌆𑌮𑌯𑍋 𑌵𑌾 𑌨 𑌸𑍃𑌷𑍍𑌟𑌶𑍍𑌚𑍇𑌦𑍗𑌷𑌧𑌸𑍍𑌯 𑌵𑍃𑌥𑍋𑌦𑌯𑌃 ॥ 16 ॥
𑌪𑌾𑌪𑌸𑌙𑍍𑌘𑌪𑌰𑌿𑌶𑍍𑌰𑌾𑌨𑍍𑌤𑌃 𑌪𑌾𑌪𑌾𑌤𑍍𑌮𑌾 𑌪𑌾𑌪𑌰𑍂𑌪𑌧𑍃𑌤𑍍 ।
𑌤𑍍𑌵𑌦𑌨𑍍𑌯𑌃 𑌕𑍋𑌽𑌤𑍍𑌰 𑌪𑌾𑌪𑍇𑌭𑍍𑌯𑌸𑍍𑌤𑍍𑌰𑌾𑌤𑌾𑌸𑍍𑌤𑌿 𑌜𑌗𑌤𑍀𑌤𑌲𑍇 ॥ 17 ॥
𑌤𑍍𑌵𑌮𑍇𑌵 𑌮𑌾𑌤𑌾 𑌚 𑌪𑌿𑌤𑌾 𑌤𑍍𑌵𑌮𑍇𑌵
𑌤𑍍𑌵𑌮𑍇𑌵 𑌬𑌨𑍍𑌧𑍁𑌶𑍍𑌚 𑌸𑌖𑌾 𑌤𑍍𑌵𑌮𑍇𑌵 ।
𑌤𑍍𑌵𑌮𑍇𑌵 𑌸𑍇𑌵𑍍𑌯𑌶𑍍𑌚 𑌗𑍁𑌰𑍁𑌸𑍍𑌤𑍍𑌵𑌮𑍇𑌵
𑌤𑍍𑌵𑌮𑍇𑌵 𑌸𑌰𑍍𑌵𑌂 𑌮𑌮 𑌦𑍇𑌵 𑌦𑍇𑌵 ॥ 18 ॥
𑌪𑍍𑌰𑌾𑌰𑍍𑌥𑌨𑌾𑌦𑌶𑌕𑌂 𑌚𑍈𑌵 𑌮𑍂𑌲𑌾𑌷𑍍𑌟𑌕𑌮𑌤𑌃 𑌪𑌰𑌮𑍍 ।
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌨𑍍𑌨𑌿𑌤𑍍𑌯𑌂 𑌤𑌸𑍍𑌯 𑌲𑌕𑍍𑌷𑍍𑌮𑍀𑌃 𑌸𑍍𑌥𑌿𑌰𑌾 𑌭𑌵𑍇𑌤𑍍 ॥ 19 ॥
𑌨𑌾𑌰𑌾𑌯𑌣𑌸𑍍𑌯 𑌹𑍃𑌦𑌯𑌂 𑌸𑌰𑍍𑌵𑌾𑌭𑍀𑌷𑍍𑌟𑌫𑌲𑌪𑍍𑌰𑌦𑌮𑍍 ।
𑌲𑌕𑍍𑌷𑍍𑌮𑍀𑌹𑍃𑌦𑌯𑌕𑌂 𑌸𑍍𑌤𑍋𑌤𑍍𑌰𑌂 𑌯𑌦𑌿 𑌚𑍇𑌤𑍍𑌤𑌦𑍍𑌵𑌿𑌨𑌾𑌕𑍃𑌤𑌮𑍍 ॥ 20 ॥
𑌤𑌤𑍍𑌸𑌰𑍍𑌵𑌂 𑌨𑌿𑌷𑍍𑌫𑌲𑌂 𑌪𑍍𑌰𑍋𑌕𑍍𑌤𑌂 𑌲𑌕𑍍𑌷𑍍𑌮𑍀𑌃 𑌕𑍍𑌰𑍁𑌦𑍍𑌧𑍍𑌯𑌤𑌿 𑌸𑌰𑍍𑌵𑌦𑌾 ।
𑌏𑌤𑌤𑍍𑌸𑌙𑍍𑌕𑌲𑌿𑌤𑌂 𑌸𑍍𑌤𑍋𑌤𑍍𑌰𑌂 𑌸𑌰𑍍𑌵𑌕𑌾𑌮𑌫𑌲𑌪𑍍𑌰𑌦𑌮𑍍 ॥ 21 ॥
𑌲𑌕𑍍𑌷𑍍𑌮𑍀𑌹𑍃𑌦𑌯𑌕𑌂 𑌚𑍈𑌵 𑌤𑌥𑌾 𑌨𑌾𑌰𑌾𑌯𑌣𑌾𑌤𑍍𑌮𑌕𑌮𑍍 ।
𑌜𑌪𑍇𑌦𑍍𑌯𑌃 𑌸𑌙𑍍𑌕𑌲𑍀𑌕𑍃𑌤𑍍𑌯 𑌸𑌰𑍍𑌵𑌾𑌭𑍀𑌷𑍍𑌟𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 22 ॥
𑌨𑌾𑌰𑌾𑌯𑌣𑌸𑍍𑌯 𑌹𑍃𑌦𑌯𑌮𑌾𑌦𑍗 𑌜𑌪𑍍𑌤𑍍𑌵𑌾 𑌤𑌤𑌃 𑌪𑌰𑌮𑍍 ।
𑌲𑌕𑍍𑌷𑍍𑌮𑍀𑌹𑍃𑌦𑌯𑌕𑌂 𑌸𑍍𑌤𑍋𑌤𑍍𑌰𑌂 𑌜𑌪𑍇𑌨𑍍𑌨𑌾𑌰𑌾𑌯𑌣𑌂 𑌪𑍁𑌨𑌃 ॥ 23 ॥
𑌪𑍁𑌨𑌰𑍍𑌨𑌾𑌰𑌾𑌯𑌣𑌂 𑌜𑌪𑍍𑌤𑍍𑌵𑌾 𑌪𑍁𑌨𑌰𑍍𑌲𑌕𑍍𑌷𑍍𑌮𑍀𑌨𑍁𑌤𑌿𑌂 𑌜𑌪𑍇𑌤𑍍 ।
𑌪𑍁𑌨𑌰𑍍𑌨𑌾𑌰𑌾𑌯𑌣𑌂 𑌜𑌾𑌪𑍍𑌯𑌂 𑌸𑌙𑍍𑌕𑌲𑍀𑌕𑌰𑌣𑌂 𑌭𑌵𑍇𑌤𑍍 ॥ 24 ॥
𑌏𑌵𑌂 𑌮𑌧𑍍𑌯𑍇 𑌦𑍍𑌵𑌿𑌵𑌾𑌰𑍇𑌣 𑌜𑌪𑍇𑌤𑍍𑌸𑌙𑍍𑌕𑌲𑌿𑌤𑌂 𑌤𑍁 𑌤𑌤𑍍 ।
𑌲𑌕𑍍𑌷𑍍𑌮𑍀𑌹𑍃𑌦𑌯𑌕𑌂 𑌸𑍍𑌤𑍋𑌤𑍍𑌰𑌂 𑌸𑌰𑍍𑌵𑌕𑌾𑌮𑌪𑍍𑌰𑌕𑌾𑌶𑌿𑌤𑌮𑍍 ॥ 25 ॥
𑌤𑌦𑍍𑌵𑌜𑍍𑌜𑌪𑌾𑌦𑌿𑌕𑌂 𑌕𑍁𑌰𑍍𑌯𑌾𑌦𑍇𑌤𑌤𑍍𑌸𑌙𑍍𑌕𑌲𑌿𑌤𑌂 𑌶𑍁𑌭𑌮𑍍 ।
𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌵𑌾𑌪𑍍𑌨𑍋𑌤𑌿 𑌆𑌧𑌿𑌵𑍍𑌯𑌾𑌧𑌿𑌭𑌯𑌂 𑌹𑌰𑍇𑌤𑍍 ॥ 26 ॥
𑌗𑍋𑌪𑍍𑌯𑌮𑍇𑌤𑌤𑍍𑌸𑌦𑌾 𑌕𑍁𑌰𑍍𑌯𑌾𑌨𑍍𑌨 𑌸𑌰𑍍𑌵𑌤𑍍𑌰 𑌪𑍍𑌰𑌕𑌾𑌶𑌯𑍇𑌤𑍍 ।
𑌇𑌤𑌿 𑌗𑍁𑌹𑍍𑌯𑌤𑌮𑌂 𑌶𑌾𑌸𑍍𑌤𑍍𑌰𑌂 𑌪𑍍𑌰𑌾𑌪𑍍𑌤𑌂 𑌬𑍍𑌰𑌹𑍍𑌮𑌾𑌦𑌿𑌕𑍈𑌃 𑌪𑍁𑌰𑌾 ॥ 27 ॥
𑌤𑌸𑍍𑌮𑌾𑌤𑍍𑌸𑌰𑍍𑌵𑌪𑍍𑌰𑌯𑌤𑍍𑌨𑍇𑌨 𑌗𑍋𑌪𑌯𑍇𑌤𑍍𑌸𑌾𑌧𑌯𑍇𑌸𑍁𑌧𑍀𑌃 ।
𑌯𑌤𑍍𑌰𑍈𑌤𑌤𑍍𑌪𑍁𑌸𑍍𑌤𑌕𑌂 𑌤𑌿𑌷𑍍𑌠𑍇𑌲𑍍𑌲𑌕𑍍𑌷𑍍𑌮𑍀𑌨𑌾𑌰𑌾𑌯𑌣𑌾𑌤𑍍𑌮𑌕𑌮𑍍 ॥ 28 ॥
𑌭𑍂𑌤𑌪𑍈𑌶𑌾𑌚𑌵𑍇𑌤𑌾𑌲 𑌭𑌯𑌂 𑌨𑍈𑌵 𑌤𑍁 𑌸𑌰𑍍𑌵𑌦𑌾 ।
𑌲𑌕𑍍𑌷𑍍𑌮𑍀𑌹𑍃𑌦𑌯𑌕𑌂 𑌪𑍍𑌰𑍋𑌕𑍍𑌤𑌂 𑌵𑌿𑌧𑌿𑌨𑌾 𑌸𑌾𑌧𑌯𑍇𑌤𑍍𑌸𑍁𑌧𑍀𑌃 ॥ 29 ॥
𑌭𑍃𑌗𑍁𑌵𑌾𑌰𑍇 𑌚 𑌰𑌾𑌤𑍍𑌰𑍗 𑌚 𑌪𑍂𑌜𑌯𑍇𑌤𑍍𑌪𑍁𑌸𑍍𑌤𑌕𑌦𑍍𑌵𑌯𑌮𑍍 ।
𑌸𑌰𑍍𑌵𑌥𑌾 𑌸𑌰𑍍𑌵𑌦𑌾 𑌸𑌤𑍍𑌯𑌂 𑌗𑍋𑌪𑌯𑍇𑌤𑍍𑌸𑌾𑌧𑌯𑍇𑌤𑍍𑌸𑍁𑌧𑍀𑌃 ।
𑌗𑍋𑌪𑌨𑌾𑌤𑍍𑌸𑌾𑌧𑌨𑌾𑌲𑍍𑌲𑍋𑌕𑍇 𑌧𑌨𑍍𑌯𑍋 𑌭𑌵𑌤𑌿 𑌤𑌤𑍍𑌤𑍍𑌵𑌤𑌃 ॥ 30 ॥
𑌇𑌤𑍍𑌯𑌥𑌰𑍍𑌵𑌰𑌹𑌸𑍍𑌯𑍇 𑌉𑌤𑍍𑌤𑌰𑌭𑌾𑌗𑍇 𑌨𑌾𑌰𑌾𑌯𑌣𑌹𑍃𑌦𑌯𑌂 𑌸𑌮𑍍𑌪𑍂𑌰𑍍𑌣𑌮𑍍 ।
𑌅𑌥 𑌲𑌕𑍍𑌷𑍍𑌮𑍀 𑌹𑍃𑌦𑌯 𑌸𑍍𑌤𑍋𑌤𑍍𑌰𑌮𑍍
𑌅𑌸𑍍𑌯 𑌶𑍍𑌰𑍀 𑌮𑌹𑌾𑌲𑌕𑍍𑌷𑍍𑌮𑍀𑌹𑍃𑌦𑌯𑌸𑍍𑌤𑍋𑌤𑍍𑌰 𑌮𑌹𑌾𑌮𑌨𑍍𑌤𑍍𑌰𑌸𑍍𑌯 𑌭𑌾𑌰𑍍𑌗𑌵 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑌾𑌦𑍀𑌨𑌿 𑌨𑌾𑌨𑌾𑌛𑌨𑍍𑌦𑌾𑌂𑌸𑌿, 𑌆𑌦𑍍𑌯𑌾𑌦𑌿 𑌶𑍍𑌰𑍀𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌦𑍇𑌵𑌤𑌾, 𑌶𑍍𑌰𑍀𑌂 𑌬𑍀𑌜𑌂, 𑌹𑍍𑌰𑍀𑌂 𑌶𑌕𑍍𑌤𑌿𑌃, 𑌐𑌂 𑌕𑍀𑌲𑌕𑌂, 𑌆𑌦𑍍𑌯𑌾𑌦𑌿𑌮𑌹𑌾𑌲𑌕𑍍𑌷𑍍𑌮𑍀 𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑌂 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥
𑌋𑌷𑍍𑌯𑌾𑌦𑌿𑌨𑍍𑌯𑌾𑌸𑌃 –
𑍐 𑌭𑌾𑌰𑍍𑌗𑌵𑍃𑌷𑌯𑍇 𑌨𑌮𑌃 𑌶𑌿𑌰𑌸𑌿 ।
𑍐 𑌅𑌨𑍁𑌷𑍍𑌟𑍁𑌪𑌾𑌦𑌿𑌨𑌾𑌨𑌾𑌛𑌨𑍍𑌦𑍋𑌭𑍍𑌯𑍋 𑌨𑌮𑍋 𑌮𑍁𑌖𑍇 ।
𑍐 𑌆𑌦𑍍𑌯𑌾𑌦𑌿𑌶𑍍𑌰𑍀𑌮𑌹𑌾𑌲𑌕𑍍𑌷𑍍𑌮𑍀 𑌦𑍇𑌵𑌤𑌾𑌯𑍈 𑌨𑌮𑍋 𑌹𑍃𑌦𑌯𑍇 ।
𑍐 𑌶𑍍𑌰𑍀𑌂 𑌬𑍀𑌜𑌾𑌯 𑌨𑌮𑍋 𑌗𑍁𑌹𑍍𑌯𑍇 ।
𑍐 𑌹𑍍𑌰𑍀𑌂 𑌶𑌕𑍍𑌤𑌯𑍇 𑌨𑌮𑌃 𑌪𑌾𑌦𑌯𑍋𑌃 ।
𑍐 𑌐𑌂 𑌕𑍀𑌲𑌕𑌾𑌯 𑌨𑌮𑍋 𑌨𑌾𑌭𑍗 ।
𑍐 𑌵𑌿𑌨𑌿𑌯𑍋𑌗𑌾𑌯 𑌨𑌮𑌃 𑌸𑌰𑍍𑌵𑌾𑌙𑍍𑌗𑍇 ।
𑌕𑌰𑌨𑍍𑌯𑌾𑌸𑌃 –
𑍐 𑌶𑍍𑌰𑍀𑌂 𑌅𑌙𑍍𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑍐 𑌹𑍍𑌰𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑍐 𑌐𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑍐 𑌶𑍍𑌰𑍀𑌂 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌹𑍍𑌰𑍀𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌐𑌂 𑌕𑌰𑌤𑌲 𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌅𑌙𑍍𑌗𑌨𑍍𑌯𑌾𑌸𑌃 –
𑍐 𑌶𑍍𑌰𑍀𑌂 𑌹𑍃𑌦𑌯𑌾𑌯 𑌨𑌮𑌃 ।
𑍐 𑌹𑍍𑌰𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑍐 𑌐𑌂 𑌶𑌿𑌖𑌾𑌯𑍈 𑌵𑌷𑌟𑍍 ।
𑍐 𑌶𑍍𑌰𑍀𑌂 𑌕𑌵𑌚𑌾𑌯 𑌹𑍁𑌮𑍍 ।
𑍐 𑌹𑍍𑌰𑍀𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍗𑌷𑌟𑍍 ।
𑍐 𑌐𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑍐 𑌶𑍍𑌰𑍀𑌂 𑌹𑍍𑌰𑍀𑌂 𑌐𑌂 𑌇𑌤𑌿 𑌦𑌿𑌗𑍍𑌬𑌨𑍍𑌧𑌃 ।
𑌅𑌥 𑌧𑍍𑌯𑌾𑌨𑌮𑍍 ।
𑌹𑌸𑍍𑌤𑌦𑍍𑌵𑌯𑍇𑌨 𑌕𑌮𑌲𑍇 𑌧𑌾𑌰𑌯𑌨𑍍𑌤𑍀𑌂 𑌸𑍍𑌵𑌲𑍀𑌲𑌯𑌾 ।
𑌹𑌾𑌰𑌨𑍂𑌪𑍁𑌰𑌸𑌂𑌯𑍁𑌕𑍍𑌤𑌾𑌂 𑌲𑌕𑍍𑌷𑍍𑌮𑍀𑌂 𑌦𑍇𑌵𑍀𑌂 𑌵𑌿𑌚𑌿𑌨𑍍𑌤𑌯𑍇 ॥
𑌕𑍗𑌶𑍇𑌯𑌪𑍀𑌤𑌵𑌸𑌨𑌾𑌮𑌰𑌵𑌿𑌨𑍍𑌦𑌨𑍇𑌤𑍍𑌰𑌾𑌂
𑌪𑌦𑍍𑌮𑌦𑍍𑌵𑌯𑌾𑌭𑌯𑌵𑌰𑍋𑌦𑍍𑌯𑌤𑌪𑌦𑍍𑌮𑌹𑌸𑍍𑌤𑌾𑌮𑍍 ।
𑌉𑌦𑍍𑌯𑌚𑍍𑌛𑌤𑌾𑌰𑍍𑌕𑌸𑌦𑍃𑌶𑍀𑌂 𑌪𑌰𑌮𑌾𑌙𑍍𑌕𑌸𑌂𑌸𑍍𑌥𑌾𑌂
𑌧𑍍𑌯𑌾𑌯𑍇𑌦𑍍𑌵𑌿𑌧𑍀𑌶𑌨𑌤𑌪𑌾𑌦𑌯𑍁𑌗𑌾𑌂 𑌜𑌨𑌿𑌤𑍍𑌰𑍀𑌮𑍍 ॥
𑌪𑍀𑌤𑌵𑌸𑍍𑌤𑍍𑌰𑌾𑌂 𑌸𑍁𑌵𑌰𑍍𑌣𑌾𑌙𑍍𑌗𑍀𑌂 𑌪𑌦𑍍𑌮𑌹𑌸𑍍𑌤𑌦𑍍𑌵𑌾𑌯𑌾𑌨𑍍𑌵𑌿𑌤𑌾𑌮𑍍 ।
𑌲𑌕𑍍𑌷𑍍𑌮𑍀𑌂 𑌧𑍍𑌯𑌾𑌤𑍍𑌵𑍇𑌤𑌿 𑌮𑌨𑍍𑌤𑍍𑌰𑍇𑌣 𑌸 𑌭𑌵𑍇𑌤𑍍𑌪𑍃𑌥𑌿𑌵𑍀𑌪𑌤𑌿𑌃 ॥
𑌮𑌾𑌤𑍁𑌲𑍁𑌙𑍍𑌗𑌂 𑌗𑌦𑌾𑌂 𑌖𑍇𑌟𑌂 𑌪𑌾𑌣𑍗 𑌪𑌾𑌤𑍍𑌰𑌂 𑌚 𑌬𑌿𑌭𑍍𑌰𑌤𑍀 ।
𑌨𑌾𑌗𑌂 𑌲𑌿𑌙𑍍𑌗𑌂 𑌚 𑌯𑍋𑌨𑌿𑌂 𑌚 𑌬𑌿𑌭𑍍𑌰𑌤𑍀𑌂 𑌚𑍈𑌵 𑌮𑍂𑌰𑍍𑌧𑌨𑌿 ॥
[ 𑌇𑌤𑌿 𑌧𑍍𑌯𑌾𑌤𑍍𑌵𑌾 𑌮𑌾𑌨𑌸𑍋𑌪𑌚𑌾𑌰𑍈𑌃 𑌸𑌮𑍍𑌪𑍂𑌜𑍍𑌯 ।
𑌶𑌙𑍍𑌖𑌚𑌕𑍍𑌰𑌗𑌦𑌾𑌹𑌸𑍍𑌤𑍇 𑌶𑍁𑌭𑍍𑌰𑌵𑌰𑍍𑌣𑍇 𑌸𑍁𑌵𑌾𑌸𑌿𑌨𑍀 ।
𑌮𑌮 𑌦𑍇𑌹𑌿 𑌵𑌰𑌂 𑌲𑌕𑍍𑌷𑍍𑌮𑍀𑌃 𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀 ।
𑌇𑌤𑌿 𑌸𑌮𑍍𑌪𑍍𑌰𑌾𑌰𑍍𑌥𑍍𑌯 𑍐 𑌶𑍍𑌰𑍀𑌂 𑌹𑍍𑌰𑍀𑌂 𑌐𑌂 𑌮𑌹𑌾𑌲𑌕𑍍𑌷𑍍𑌮𑍍𑌯𑍈 𑌕𑌮𑌲𑌧𑌾𑌰𑌿𑌣𑍍𑌯𑍈 𑌸𑌿𑌂𑌹𑌵𑌾𑌹𑌿𑌨𑍍𑌯𑍈 𑌸𑍍𑌵𑌾𑌹𑌾 𑌇𑌤𑌿 𑌮𑌨𑍍𑌤𑍍𑌰𑌂 𑌜𑌪𑍍𑌤𑍍𑌵𑌾 𑌪𑍁𑌨𑌃 𑌪𑍂𑌰𑍍𑌵𑌵𑌦𑍍𑌧𑍃𑌦𑌯𑌾𑌦𑌿 𑌷𑌡𑌙𑍍𑌗𑌨𑍍𑌯𑌾𑌸𑌂 𑌕𑍃𑌤𑍍𑌵𑌾 𑌸𑍍𑌤𑍋𑌤𑍍𑌰𑌂 𑌪𑌠𑍇𑌤𑍍 । ]
𑌸𑍍𑌤𑍋𑌤𑍍𑌰𑌮𑍍 ।
𑌵𑌨𑍍𑌦𑍇 𑌲𑌕𑍍𑌷𑍍𑌮𑍀𑌂 𑌪𑌰𑌮𑌶𑌿𑌵𑌮𑌯𑍀𑌂 𑌶𑍁𑌦𑍍𑌧𑌜𑌾𑌮𑍍𑌬𑍂𑌨𑌦𑌾𑌭𑌾𑌂
𑌤𑍇𑌜𑍋𑌰𑍂𑌪𑌾𑌂 𑌕𑌨𑌕𑌵𑌸𑌨𑌾𑌂 𑌸𑌰𑍍𑌵𑌭𑍂𑌷𑍋𑌜𑍍𑌜𑍍𑌵𑌲𑌾𑌙𑍍𑌗𑍀𑌮𑍍 ।
𑌬𑍀𑌜𑌾𑌪𑍂𑌰𑌂 𑌕𑌨𑌕𑌕𑌲𑌶𑌂 𑌹𑍇𑌮𑌪𑌦𑍍𑌮𑌂 𑌦𑌧𑌾𑌨𑌾-
-𑌮𑌾𑌦𑍍𑌯𑌾𑌂 𑌶𑌕𑍍𑌤𑌿𑌂 𑌸𑌕𑌲𑌜𑌨𑌨𑍀𑌂 𑌵𑌿𑌷𑍍𑌣𑍁𑌵𑌾𑌮𑌾𑌙𑍍𑌕𑌸𑌂𑌸𑍍𑌥𑌾𑌮𑍍 ॥ 1 ॥
𑌶𑍍𑌰𑍀𑌮𑌤𑍍𑌸𑍗𑌭𑌾𑌗𑍍𑌯𑌜𑌨𑌨𑍀𑌂 𑌸𑍍𑌤𑍗𑌮𑌿 𑌲𑌕𑍍𑌷𑍍𑌮𑍀𑌂 𑌸𑌨𑌾𑌤𑌨𑍀𑌮𑍍 ।
𑌸𑌰𑍍𑌵𑌕𑌾𑌮𑌫𑌲𑌾𑌵𑌾𑌪𑍍𑌤𑌿𑌸𑌾𑌧𑌨𑍈𑌕𑌸𑍁𑌖𑌾𑌵𑌹𑌾𑌮𑍍 ॥ 2 ॥
𑌸𑍍𑌮𑌰𑌾𑌮𑌿 𑌨𑌿𑌤𑍍𑌯𑌂 𑌦𑍇𑌵𑍇𑌶𑌿 𑌤𑍍𑌵𑌯𑌾 𑌪𑍍𑌰𑍇𑌰𑌿𑌤𑌮𑌾𑌨𑌸𑌃 ।
𑌤𑍍𑌵𑌦𑌾𑌜𑍍𑌞𑌾𑌂 𑌶𑌿𑌰𑌸𑌾 𑌧𑍃𑌤𑍍𑌵𑌾 𑌭𑌜𑌾𑌮𑌿 𑌪𑌰𑌮𑍇𑌶𑍍𑌵𑌰𑍀𑌮𑍍 ॥ 3 ॥
𑌸𑌮𑌸𑍍𑌤𑌸𑌮𑍍𑌪𑌤𑍍𑌸𑍁𑌖𑌦𑌾𑌂 𑌮𑌹𑌾𑌶𑍍𑌰𑌿𑌯𑌂
𑌸𑌮𑌸𑍍𑌤𑌸𑍗𑌭𑌾𑌗𑍍𑌯𑌕𑌰𑍀𑌂 𑌮𑌹𑌾𑌶𑍍𑌰𑌿𑌯𑌮𑍍 ।
𑌸𑌮𑌸𑍍𑌤𑌕𑌲𑍍𑌯𑌾𑌣𑌕𑌰𑍀𑌂 𑌮𑌹𑌾𑌶𑍍𑌰𑌿𑌯𑌂
𑌭𑌜𑌾𑌮𑍍𑌯𑌹𑌂 𑌜𑍍𑌞𑌾𑌨𑌕𑌰𑍀𑌂 𑌮𑌹𑌾𑌶𑍍𑌰𑌿𑌯𑌮𑍍 ॥ 4 ॥
𑌵𑌿𑌜𑍍𑌞𑌾𑌨𑌸𑌮𑍍𑌪𑌤𑍍𑌸𑍁𑌖𑌦𑌾𑌂 𑌸𑌨𑌾𑌤𑌨𑍀𑌂
𑌵𑌿𑌚𑌿𑌤𑍍𑌰𑌵𑌾𑌗𑍍𑌭𑍂𑌤𑌿𑌕𑌰𑍀𑌂 𑌮𑌨𑍋𑌹𑌰𑌾𑌮𑍍 ।
𑌅𑌨𑌨𑍍𑌤𑌸𑌮𑍍𑌮𑍋𑌦𑌸𑍁𑌖𑌪𑍍𑌰𑌦𑌾𑌯𑌿𑌨𑍀𑌂
𑌨𑌮𑌾𑌮𑍍𑌯𑌹𑌂 𑌭𑍂𑌤𑌿𑌕𑌰𑍀𑌂 𑌹𑌰𑌿𑌪𑍍𑌰𑌿𑌯𑌾𑌮𑍍 ॥ 5 ॥
𑌸𑌮𑌸𑍍𑌤𑌭𑍂𑌤𑌾𑌨𑍍𑌤𑌰𑌸𑌂𑌸𑍍𑌥𑌿𑌤𑌾 𑌤𑍍𑌵𑌂
𑌸𑌮𑌸𑍍𑌤𑌭𑍋𑌕𑍍𑌤𑍍𑌰𑍀𑌶𑍍𑌵𑌰𑌿 𑌵𑌿𑌶𑍍𑌵𑌰𑍂𑌪𑍇 ।
𑌤𑌨𑍍𑌨𑌾𑌸𑍍𑌤𑌿 𑌯𑌤𑍍𑌤𑍍𑌵𑌦𑍍𑌵𑍍𑌯𑌤𑌿𑌰𑌿𑌕𑍍𑌤𑌵𑌸𑍍𑌤𑍁
𑌤𑍍𑌵𑌤𑍍𑌪𑌾𑌦𑌪𑌦𑍍𑌮𑌂 𑌪𑍍𑌰𑌣𑌮𑌾𑌮𑍍𑌯𑌹𑌂 𑌶𑍍𑌰𑍀𑌃 ॥ 6 ॥
𑌦𑌾𑌰𑌿𑌦𑍍𑌰𑍍𑌯 𑌦𑍁𑌃𑌖𑍗𑌘𑌤𑌮𑍋𑌪𑌹𑌨𑍍𑌤𑍍𑌰𑍀
𑌤𑍍𑌵𑌤𑍍𑌪𑌾𑌦𑌪𑌦𑍍𑌮𑌂 𑌮𑌯𑌿 𑌸𑌨𑍍𑌨𑌿𑌧𑌤𑍍𑌸𑍍𑌵 ।
𑌦𑍀𑌨𑌾𑌰𑍍𑌤𑌿𑌵𑌿𑌚𑍍𑌛𑍇𑌦𑌨𑌹𑍇𑌤𑍁𑌭𑍂𑌤𑍈𑌃
𑌕𑍃𑌪𑌾𑌕𑌟𑌾𑌕𑍍𑌷𑍈𑌰𑌭𑌿𑌷𑌿𑌞𑍍𑌚 𑌮𑌾𑌂 𑌶𑍍𑌰𑍀𑌃 ॥ 7 ॥
𑌅𑌮𑍍𑌬 𑌪𑍍𑌰𑌸𑍀𑌦 𑌕𑌰𑍁𑌣𑌾𑌸𑍁𑌧𑌯𑌾𑌰𑍍𑌦𑍍𑌰𑌦𑍃𑌷𑍍𑌟𑍍𑌯𑌾
𑌮𑌾𑌂 𑌤𑍍𑌵𑌤𑍍𑌕𑍃𑌪𑌾𑌦𑍍𑌰𑌵𑌿𑌣𑌗𑍇𑌹𑌮𑌿𑌮𑌂 𑌕𑍁𑌰𑍁𑌷𑍍𑌵 ।
𑌆𑌲𑍋𑌕𑌯 𑌪𑍍𑌰𑌣𑌤𑌹𑍃𑌦𑍍𑌗𑌤𑌶𑍋𑌕𑌹𑌨𑍍𑌤𑍍𑌰𑍀
𑌤𑍍𑌵𑌤𑍍𑌪𑌾𑌦𑌪𑌦𑍍𑌮𑌯𑍁𑌗𑌲𑌂 𑌪𑍍𑌰𑌣𑌮𑌾𑌮𑍍𑌯𑌹𑌂 𑌶𑍍𑌰𑍀𑌃 ॥ 8 ॥
𑌶𑌾𑌨𑍍𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌶𑌰𑌣𑌾𑌗𑌤𑌰𑌕𑍍𑌷𑌣𑌾𑌯𑍈
𑌕𑌾𑌨𑍍𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌕𑌮𑌨𑍀𑌯𑌗𑍁𑌣𑌾𑌶𑍍𑌰𑌯𑌾𑌯𑍈 ।
𑌕𑍍𑌷𑌾𑌨𑍍𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌦𑍁𑌰𑌿𑌤𑌕𑍍𑌷𑌯𑌕𑌾𑌰𑌣𑌾𑌯𑍈
𑌦𑌾𑌤𑍍𑌰𑍍𑌯𑍈 𑌨𑌮𑍋𑌽𑌸𑍍𑌤𑍁 𑌧𑌨𑌧𑌾𑌨𑍍𑌯𑌸𑌮𑍃𑌦𑍍𑌧𑌿𑌦𑌾𑌯𑍈 ॥ 9 ॥
𑌶𑌕𑍍𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌶𑌶𑌿𑌶𑍇𑌖𑌰𑌸𑌂𑌸𑍍𑌤𑍁𑌤𑌾𑌯𑍈
𑌰𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌰𑌜𑌨𑍀𑌕𑌰𑌸𑍋𑌦𑌰𑌾𑌯𑍈 ।
𑌭𑌕𑍍𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌭𑌵𑌸𑌾𑌗𑌰𑌤𑌾𑌰𑌕𑌾𑌯𑍈
𑌮𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌮𑌧𑍁𑌸𑍂𑌦𑌨𑌵𑌲𑍍𑌲𑌭𑌾𑌯𑍈 ॥ 10 ॥
𑌲𑌕𑍍𑌷𑍍𑌮𑍍𑌯𑍈 𑌨𑌮𑍋𑌽𑌸𑍍𑌤𑍁 𑌶𑍁𑌭𑌲𑌕𑍍𑌷𑌣𑌲𑌕𑍍𑌷𑌿𑌤𑌾𑌯𑍈
𑌸𑌿𑌦𑍍𑌧𑍍𑌯𑍈 𑌨𑌮𑍋𑌽𑌸𑍍𑌤𑍁 𑌶𑌿𑌵𑌸𑌿𑌦𑍍𑌧𑌸𑍁𑌪𑍂𑌜𑌿𑌤𑌾𑌯𑍈 ।
𑌧𑍃𑌤𑍍𑌯𑍈 𑌨𑌮𑍋𑌽𑌸𑍍𑌤𑍍𑌵𑌮𑌿𑌤𑌦𑍁𑌰𑍍𑌗𑌤𑌿𑌭𑌞𑍍𑌜𑌨𑌾𑌯𑍈
𑌗𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌵𑌰𑌸𑌦𑍍𑌗𑌤𑌿𑌦𑌾𑌯𑌿𑌕𑌾𑌯𑍈 ॥ 11 ॥
𑌦𑍇𑌵𑍍𑌯𑍈 𑌨𑌮𑍋𑌽𑌸𑍍𑌤𑍁 𑌦𑌿𑌵𑌿 𑌦𑍇𑌵𑌗𑌣𑌾𑌰𑍍𑌚𑌿𑌤𑌾𑌯𑍈
𑌭𑍂𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌭𑍁𑌵𑌨𑌾𑌰𑍍𑌤𑌿𑌵𑌿𑌨𑌾𑌶𑌨𑌾𑌯𑍈 ।
𑌧𑌾𑌤𑍍𑌰𑍍𑌯𑍈 𑌨𑌮𑍋𑌽𑌸𑍍𑌤𑍁 𑌧𑌰𑌣𑍀𑌧𑌰𑌵𑌲𑍍𑌲𑌭𑌾𑌯𑍈
𑌪𑍁𑌷𑍍𑌟𑍍𑌯𑍈 𑌨𑌮𑍋𑌽𑌸𑍍𑌤𑍁 𑌪𑍁𑌰𑍁𑌷𑍋𑌤𑍍𑌤𑌮𑌵𑌲𑍍𑌲𑌭𑌾𑌯𑍈 ॥ 12 ॥
𑌸𑍁𑌤𑍀𑌵𑍍𑌰𑌦𑌾𑌰𑌿𑌦𑍍𑌰𑍍𑌯𑌵𑌿𑌦𑍁𑌃𑌖𑌹𑌨𑍍𑌤𑍍𑌰𑍍𑌯𑍈
𑌨𑌮𑍋𑌽𑌸𑍍𑌤𑍁 𑌤𑍇 𑌸𑌰𑍍𑌵𑌭𑌯𑌾𑌪𑌹𑌨𑍍𑌤𑍍𑌰𑍍𑌯𑍈 ।
𑌶𑍍𑌰𑍀𑌵𑌿𑌷𑍍𑌣𑍁𑌵𑌕𑍍𑌷𑌃𑌸𑍍𑌥𑌲𑌸𑌂𑌸𑍍𑌥𑌿𑌤𑌾𑌯𑍈
𑌨𑌮𑍋 𑌨𑌮𑌃 𑌸𑌰𑍍𑌵𑌵𑌿𑌭𑍂𑌤𑌿𑌦𑌾𑌯𑍈 ॥ 13 ॥
𑌜𑌯𑌤𑍁 𑌜𑌯𑌤𑍁 𑌲𑌕𑍍𑌷𑍍𑌮𑍀𑌰𑍍𑌲𑌕𑍍𑌷𑌣𑌾𑌲𑌙𑍍𑌕𑍃𑌤𑌾𑌙𑍍𑌗𑍀
𑌜𑌯𑌤𑍁 𑌜𑌯𑌤𑍁 𑌪𑌦𑍍𑌮𑌾 𑌪𑌦𑍍𑌮𑌸𑌦𑍍𑌮𑌾𑌭𑌿𑌵𑌨𑍍𑌦𑍍𑌯𑌾 ।
𑌜𑌯𑌤𑍁 𑌜𑌯𑌤𑍁 𑌵𑌿𑌦𑍍𑌯𑌾 𑌵𑌿𑌷𑍍𑌣𑍁𑌵𑌾𑌮𑌾𑌙𑍍𑌕𑌸𑌂𑌸𑍍𑌥𑌾
𑌜𑌯𑌤𑍁 𑌜𑌯𑌤𑍁 𑌸𑌮𑍍𑌯𑌕𑍍𑌸𑌰𑍍𑌵𑌸𑌮𑍍𑌪𑌤𑍍𑌕𑌰𑍀 𑌶𑍍𑌰𑍀𑌃 ॥ 14 ॥
𑌜𑌯𑌤𑍁 𑌜𑌯𑌤𑍁 𑌦𑍇𑌵𑍀 𑌦𑍇𑌵𑌸𑌙𑍍𑌘𑌾𑌭𑌿𑌪𑍂𑌜𑍍𑌯𑌾
𑌜𑌯𑌤𑍁 𑌜𑌯𑌤𑍁 𑌭𑌦𑍍𑌰𑌾 𑌭𑌾𑌰𑍍𑌗𑌵𑍀 𑌭𑌾𑌗𑍍𑌯𑌰𑍂𑌪𑌾 ।
𑌜𑌯𑌤𑍁 𑌜𑌯𑌤𑍁 𑌨𑌿𑌤𑍍𑌯𑌾 𑌨𑌿𑌰𑍍𑌮𑌲𑌜𑍍𑌞𑌾𑌨𑌵𑍇𑌦𑍍𑌯𑌾
𑌜𑌯𑌤𑍁 𑌜𑌯𑌤𑍁 𑌸𑌤𑍍𑌯𑌾 𑌸𑌰𑍍𑌵𑌭𑍂𑌤𑌾𑌨𑍍𑌤𑌰𑌸𑍍𑌥𑌾 ॥ 15 ॥
𑌜𑌯𑌤𑍁 𑌜𑌯𑌤𑍁 𑌰𑌮𑍍𑌯𑌾 𑌰𑌤𑍍𑌨𑌗𑌰𑍍𑌭𑌾𑌨𑍍𑌤𑌰𑌸𑍍𑌥𑌾
𑌜𑌯𑌤𑍁 𑌜𑌯𑌤𑍁 𑌶𑍁𑌦𑍍𑌧𑌾 𑌶𑍁𑌦𑍍𑌧𑌜𑌾𑌮𑍍𑌬𑍂𑌨𑌦𑌾𑌭𑌾 ।
𑌜𑌯𑌤𑍁 𑌜𑌯𑌤𑍁 𑌕𑌾𑌨𑍍𑌤𑌾 𑌕𑌾𑌨𑍍𑌤𑌿𑌮𑌦𑍍𑌭𑌾𑌸𑌿𑌤𑌾𑌙𑍍𑌗𑍀
𑌜𑌯𑌤𑍁 𑌜𑌯𑌤𑍁 𑌶𑌾𑌨𑍍𑌤𑌾 𑌶𑍀𑌘𑍍𑌰𑌮𑌾𑌗𑌚𑍍𑌛 𑌸𑍗𑌮𑍍𑌯𑍇 ॥ 16 ॥
𑌯𑌸𑍍𑌯𑌾𑌃 𑌕𑌲𑌾𑌯𑌾𑌃 𑌕𑌮𑌲𑍋𑌦𑍍𑌭𑌵𑌾𑌦𑍍𑌯𑌾
𑌰𑍁𑌦𑍍𑌰𑌾𑌶𑍍𑌚 𑌶𑌕𑍍𑌰 𑌪𑍍𑌰𑌮𑍁𑌖𑌾𑌶𑍍𑌚 𑌦𑍇𑌵𑌾𑌃 ।
𑌜𑍀𑌵𑌨𑍍𑌤𑌿 𑌸𑌰𑍍𑌵𑍇𑌽𑌪𑌿 𑌸𑌶𑌕𑍍𑌤𑌯𑌸𑍍𑌤𑍇
𑌪𑍍𑌰𑌭𑍁𑌤𑍍𑌵𑌮𑌾𑌪𑍍𑌤𑌾𑌃 𑌪𑌰𑌮𑌾𑌯𑍁𑌷𑌸𑍍𑌤𑍇 ॥ 17 ॥
𑌲𑌿𑌲𑍇𑌖 𑌨𑌿𑌟𑌿𑌲𑍇 𑌵𑌿𑌧𑌿𑌰𑍍𑌮𑌮 𑌲𑌿𑌪𑌿𑌂 𑌵𑌿𑌸𑍃𑌜𑍍𑌯𑌾𑌨𑍍𑌤𑌰𑌂
𑌤𑍍𑌵𑌯𑌾 𑌵𑌿𑌲𑌿𑌖𑌿𑌤𑌵𑍍𑌯𑌮𑍇𑌤𑌦𑌿𑌤𑌿 𑌤𑌤𑍍𑌫𑌲𑌪𑍍𑌰𑌾𑌪𑍍𑌤𑌯𑍇 ।
𑌤𑌦𑌨𑍍𑌤𑌰𑌫𑌲𑍇𑌸𑍍𑌫𑍁𑌟𑌂 𑌕𑌮𑌲𑌵𑌾𑌸𑌿𑌨𑍀 𑌶𑍍𑌰𑍀𑌰𑌿𑌮𑌾𑌂
𑌸𑌮𑌰𑍍𑌪𑌯 𑌸𑌮𑍁𑌦𑍍𑌰𑌿𑌕𑌾𑌂 𑌸𑌕𑌲𑌭𑌾𑌗𑍍𑌯𑌸𑌂𑌸𑍂𑌚𑌿𑌕𑌾𑌮𑍍 ॥ 18 ॥
𑌕𑌲𑌯𑌾 𑌤𑍇 𑌯𑌥𑌾 𑌦𑍇𑌵𑌿 𑌜𑍀𑌵𑌨𑍍𑌤𑌿 𑌸𑌚𑌰𑌾𑌚𑌰𑌾𑌃 ।
𑌤𑌥𑌾 𑌸𑌮𑍍𑌪𑌤𑍍𑌕𑌰𑍇 𑌲𑌕𑍍𑌷𑍍𑌮𑌿 𑌸𑌰𑍍𑌵𑌦𑌾 𑌸𑌮𑍍𑌪𑍍𑌰𑌸𑍀𑌦 𑌮𑍇 ॥ 19 ॥
𑌯𑌥𑌾 𑌵𑌿𑌷𑍍𑌣𑍁𑌰𑍍𑌧𑍍𑌰𑍁𑌵𑍇 𑌨𑌿𑌤𑍍𑌯𑌂 𑌸𑍍𑌵𑌕𑌲𑌾𑌂 𑌸𑌨𑍍𑌨𑍍𑌯𑌵𑍇𑌶𑌯𑌤𑍍 ।
𑌤𑌥𑍈𑌵 𑌸𑍍𑌵𑌕𑌲𑌾𑌂 𑌲𑌕𑍍𑌷𑍍𑌮𑌿 𑌮𑌯𑌿 𑌸𑌮𑍍𑌯𑌕𑍍 𑌸𑌮𑌰𑍍𑌪𑌯 ॥ 20 ॥
𑌸𑌰𑍍𑌵𑌸𑍗𑌖𑍍𑌯𑌪𑍍𑌰𑌦𑍇 𑌦𑍇𑌵𑌿 𑌭𑌕𑍍𑌤𑌾𑌨𑌾𑌮𑌭𑌯𑌪𑍍𑌰𑌦𑍇 ।
𑌅𑌚𑌲𑌾𑌂 𑌕𑍁𑌰𑍁 𑌯𑌤𑍍𑌨𑍇𑌨 𑌕𑌲𑌾𑌂 𑌮𑌯𑌿 𑌨𑌿𑌵𑍇𑌶𑌿𑌤𑌾𑌮𑍍 ॥ 21 ॥
𑌮𑍁𑌦𑌾𑌸𑍍𑌤𑌾𑌂 𑌮𑌤𑍍𑌫𑌾𑌲𑍇 𑌪𑌰𑌮𑌪𑌦𑌲𑌕𑍍𑌷𑍍𑌮𑍀𑌃 𑌸𑍍𑌫𑍁𑌟𑌕𑌲𑌾
𑌸𑌦𑌾 𑌵𑍈𑌕𑍁𑌣𑍍𑌠𑌶𑍍𑌰𑍀𑌰𑍍𑌨𑌿𑌵𑌸𑌤𑍁 𑌕𑌲𑌾 𑌮𑍇 𑌨𑌯𑌨𑌯𑍋𑌃 ।
𑌵𑌸𑍇𑌤𑍍𑌸𑌤𑍍𑌯𑍇 𑌲𑍋𑌕𑍇 𑌮𑌮 𑌵𑌚𑌸𑌿 𑌲𑌕𑍍𑌷𑍍𑌮𑍀𑌰𑍍𑌵𑌰𑌕𑌲𑌾
𑌶𑍍𑌰𑌿𑌯𑌃 𑌶𑍍𑌵𑍇𑌤𑌦𑍍𑌵𑍀𑌪𑍇 𑌨𑌿𑌵𑌸𑌤𑍁 𑌕𑌲𑌾 𑌮𑍇 𑌸𑍍𑌵𑌕𑌰𑌯𑍋𑌃 ॥ 22 ॥
𑌤𑌾𑌵𑌨𑍍𑌨𑌿𑌤𑍍𑌯𑌂 𑌮𑌮𑌾𑌙𑍍𑌗𑍇𑌷𑍁 𑌕𑍍𑌷𑍀𑌰𑌾𑌬𑍍𑌧𑍗 𑌶𑍍𑌰𑍀𑌕𑌲𑌾 𑌵𑌸𑍇𑌤𑍍 ।
𑌸𑍂𑌰𑍍𑌯𑌾𑌚𑌨𑍍𑌦𑍍𑌰𑌮𑌸𑍗 𑌯𑌾𑌵𑌦𑍍𑌯𑌾𑌵𑌲𑍍𑌲𑌕𑍍𑌷𑍍𑌮𑍀𑌪𑌤𑌿𑌃 𑌶𑍍𑌰𑌿𑌯𑌾𑌃 ॥ 23 ॥
𑌸𑌰𑍍𑌵𑌮𑌙𑍍𑌗𑌲𑌸𑌮𑍍𑌪𑍂𑌰𑍍𑌣𑌾 𑌸𑌰𑍍𑌵𑍈𑌶𑍍𑌵𑌰𑍍𑌯𑌸𑌮𑌨𑍍𑌵𑌿𑌤𑌾 ।
𑌆𑌦𑍍𑌯𑌾𑌦𑌿 𑌶𑍍𑌰𑍀𑌰𑍍𑌮𑌹𑌾𑌲𑌕𑍍𑌷𑍍𑌮𑍀 𑌤𑍍𑌵𑌤𑍍𑌕𑌲𑌾 𑌮𑌯𑌿 𑌤𑌿𑌷𑍍𑌠𑌤𑍁 ॥ 24 ॥
𑌅𑌜𑍍𑌞𑌾𑌨𑌤𑌿𑌮𑌿𑌰𑌂 𑌹𑌨𑍍𑌤𑍁𑌂 𑌶𑍁𑌦𑍍𑌧𑌜𑍍𑌞𑌾𑌨𑌪𑍍𑌰𑌕𑌾𑌶𑌿𑌕𑌾 ।
𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾 𑌮𑍇𑌽𑌸𑍍𑌤𑍁 𑌤𑍍𑌵𑌤𑍍𑌕𑌲𑌾 𑌮𑌯𑌿 𑌸𑌂𑌸𑍍𑌥𑌿𑌤𑌾 ॥ 25 ॥
𑌅𑌲𑌕𑍍𑌷𑍍𑌮𑍀𑌂 𑌹𑌰𑌤𑍁 𑌕𑍍𑌷𑌿𑌪𑍍𑌰𑌂 𑌤𑌮𑌃 𑌸𑍂𑌰𑍍𑌯𑌪𑍍𑌰𑌭𑌾 𑌯𑌥𑌾 ।
𑌵𑌿𑌤𑌨𑍋𑌤𑍁 𑌮𑌮 𑌶𑍍𑌰𑍇𑌯𑌸𑍍𑌤𑍍𑌵𑌤𑍍𑌕𑌲𑌾 𑌮𑌯𑌿 𑌸𑌂𑌸𑍍𑌥𑌿𑌤𑌾 ॥ 26 ॥
𑌐𑌶𑍍𑌵𑌰𑍍𑌯𑌮𑌙𑍍𑌗𑌲𑍋𑌤𑍍𑌪𑌤𑍍𑌤𑌿𑌸𑍍𑌤𑍍𑌵𑌤𑍍𑌕𑌲𑌾𑌯𑌾𑌂 𑌨𑌿𑌧𑍀𑌯𑌤𑍇 ।
𑌮𑌯𑌿 𑌤𑌸𑍍𑌮𑌾𑌤𑍍𑌕𑍃𑌤𑌾𑌰𑍍𑌥𑍋𑌽𑌸𑍍𑌮𑌿 𑌪𑌾𑌤𑍍𑌰𑌮𑌸𑍍𑌮𑌿 𑌸𑍍𑌥𑌿𑌤𑍇𑌸𑍍𑌤𑌵 ॥ 27 ॥
𑌭𑌵𑌦𑌾𑌵𑍇𑌶𑌭𑌾𑌗𑍍𑌯𑌾𑌰𑍍𑌹𑍋 𑌭𑌾𑌗𑍍𑌯𑌵𑌾𑌨𑌸𑍍𑌮𑌿 𑌭𑌾𑌰𑍍𑌗𑌵𑌿 ।
𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌤𑍍𑌪𑌵𑌿𑌤𑍍𑌰𑍋𑌽𑌹𑌂 𑌲𑍋𑌕𑌮𑌾𑌤𑌰𑍍𑌨𑌮𑍋𑌽𑌸𑍍𑌤𑍁 𑌤𑍇 ॥ 28 ॥
𑌪𑍁𑌨𑌾𑌸𑌿 𑌮𑌾𑌂 𑌤𑍍𑌵𑌤𑍍𑌕𑌲𑌯𑍈𑌵 𑌯𑌸𑍍𑌮𑌾-
-𑌦𑌤𑌃 𑌸𑌮𑌾𑌗𑌚𑍍𑌛 𑌮𑌮𑌾𑌗𑍍𑌰𑌤𑌸𑍍𑌤𑍍𑌵𑌮𑍍 ।
𑌪𑌰𑌂 𑌪𑌦𑌂 𑌶𑍍𑌰𑍀𑌰𑍍𑌭𑌵 𑌸𑍁𑌪𑍍𑌰𑌸𑌨𑍍𑌨𑌾
𑌮𑌯𑍍𑌯𑌚𑍍𑌯𑍁𑌤𑍇𑌨 𑌪𑍍𑌰𑌵𑌿𑌶𑌾𑌦𑌿𑌲𑌕𑍍𑌷𑍍𑌮𑍀𑌃 ॥ 29 ॥
𑌶𑍍𑌰𑍀𑌵𑍈𑌕𑍁𑌣𑍍𑌠𑌸𑍍𑌥𑌿𑌤𑍇 𑌲𑌕𑍍𑌷𑍍𑌮𑌿 𑌸𑌮𑌾𑌗𑌚𑍍𑌛 𑌮𑌮𑌾𑌗𑍍𑌰𑌤𑌃 ।
𑌨𑌾𑌰𑌾𑌯𑌣𑍇𑌨 𑌸𑌹 𑌮𑌾𑌂 𑌕𑍃𑌪𑌾𑌦𑍃𑌷𑍍𑌟𑍍𑌯𑌾𑌽𑌵𑌲𑍋𑌕𑌯 ॥ 30 ॥
𑌸𑌤𑍍𑌯𑌲𑍋𑌕𑌸𑍍𑌥𑌿𑌤𑍇 𑌲𑌕𑍍𑌷𑍍𑌮𑌿 𑌤𑍍𑌵𑌂 𑌮𑌮𑌾𑌗𑌚𑍍𑌛 𑌸𑌨𑍍𑌨𑌿𑌧𑌿𑌮𑍍 ।
𑌵𑌾𑌸𑍁𑌦𑍇𑌵𑍇𑌨 𑌸𑌹𑌿𑌤𑌾 𑌪𑍍𑌰𑌸𑍀𑌦 𑌵𑌰𑌦𑌾 𑌭𑌵 ॥ 31 ॥
𑌶𑍍𑌵𑍇𑌤𑌦𑍍𑌵𑍀𑌪𑌸𑍍𑌥𑌿𑌤𑍇 𑌲𑌕𑍍𑌷𑍍𑌮𑌿 𑌶𑍀𑌘𑍍𑌰𑌮𑌾𑌗𑌚𑍍𑌛 𑌸𑍁𑌵𑍍𑌰𑌤𑍇 ।
𑌵𑌿𑌷𑍍𑌣𑍁𑌨𑌾 𑌸𑌹𑌿𑌤𑍇 𑌦𑍇𑌵𑌿 𑌜𑌗𑌨𑍍𑌮𑌾𑌤𑌃 𑌪𑍍𑌰𑌸𑍀𑌦 𑌮𑍇 ॥ 32 ॥
𑌕𑍍𑌷𑍀𑌰𑌾𑌮𑍍𑌬𑍁𑌧𑌿𑌸𑍍𑌥𑌿𑌤𑍇 𑌲𑌕𑍍𑌷𑍍𑌮𑌿 𑌸𑌮𑌾𑌗𑌚𑍍𑌛 𑌸𑌮𑌾𑌧𑌵𑌾 ।
𑌤𑍍𑌵𑌤𑍍𑌕𑍃𑌪𑌾𑌦𑍃𑌷𑍍𑌟𑌿𑌸𑍁𑌧𑌯𑌾 𑌸𑌤𑌤𑌂 𑌮𑌾𑌂 𑌵𑌿𑌲𑍋𑌕𑌯 ॥ 33 ॥
𑌰𑌤𑍍𑌨𑌗𑌰𑍍𑌭𑌸𑍍𑌥𑌿𑌤𑍇 𑌲𑌕𑍍𑌷𑍍𑌮𑌿 𑌪𑌰𑌿𑌪𑍂𑌰𑍍𑌣𑍇 𑌹𑌿𑌰𑌣𑍍𑌮𑌯𑍇 ।
𑌸𑌮𑌾𑌗𑌚𑍍𑌛 𑌸𑌮𑌾𑌗𑌚𑍍𑌛 𑌸𑍍𑌥𑌿𑌤𑍍𑌵𑌾𑌽𑌽𑌶𑍁 𑌪𑍁𑌰𑌤𑍋 𑌮𑌮 ॥ 34 ॥
𑌸𑍍𑌥𑌿𑌰𑌾 𑌭𑌵 𑌮𑌹𑌾𑌲𑌕𑍍𑌷𑍍𑌮𑌿 𑌨𑌿𑌶𑍍𑌚𑌲𑌾 𑌭𑌵 𑌨𑌿𑌰𑍍𑌮𑌲𑍇 ।
𑌪𑍍𑌰𑌸𑌨𑍍𑌨𑍇 𑌕𑌮𑌲𑍇 𑌦𑍇𑌵𑌿 𑌪𑍍𑌰𑌸𑌨𑍍𑌨𑌹𑍃𑌦𑌯𑌾 𑌭𑌵 ॥ 35 ॥
𑌶𑍍𑌰𑍀𑌧𑌰𑍇 𑌶𑍍𑌰𑍀𑌮𑌹𑌾𑌭𑍂𑌤𑍇 𑌤𑍍𑌵𑌦𑌨𑍍𑌤𑌃𑌸𑍍𑌥𑌂 𑌮𑌹𑌾𑌨𑌿𑌧𑌿𑌮𑍍 ।
𑌶𑍀𑌘𑍍𑌰𑌮𑍁𑌦𑍍𑌧𑍃𑌤𑍍𑌯 𑌪𑍁𑌰𑌤𑌃 𑌪𑍍𑌰𑌦𑌰𑍍𑌶𑌯 𑌸𑌮𑌰𑍍𑌪𑌯 ॥ 36 ॥
𑌵𑌸𑍁𑌨𑍍𑌧𑌰𑍇 𑌶𑍍𑌰𑍀𑌵𑌸𑍁𑌧𑍇 𑌵𑌸𑍁𑌦𑍋𑌗𑍍𑌧𑍍𑌰𑌿 𑌕𑍃𑌪𑌾𑌮𑌯𑍇 ।
𑌤𑍍𑌵𑌤𑍍𑌕𑍁𑌕𑍍𑌷𑌿𑌗𑌤𑌸𑌰𑍍𑌵𑌸𑍍𑌵𑌂 𑌶𑍀𑌘𑍍𑌰𑌂 𑌮𑍇 𑌸𑌮𑍍𑌪𑍍𑌰𑌦𑌰𑍍𑌶𑌯 ॥ 37 ॥
𑌵𑌿𑌷𑍍𑌣𑍁𑌪𑍍𑌰𑌿𑌯𑍇 𑌰𑌤𑍍𑌨𑌗𑌰𑍍𑌭𑍇 𑌸𑌮𑌸𑍍𑌤𑌫𑌲𑌦𑍇 𑌶𑌿𑌵𑍇 ।
𑌤𑍍𑌵𑌦𑍍𑌗𑌰𑍍𑌭𑌗𑌤𑌹𑍇𑌮𑌾𑌦𑍀𑌨𑍍 𑌸𑌮𑍍𑌪𑍍𑌰𑌦𑌰𑍍𑌶𑌯 𑌦𑌰𑍍𑌶𑌯 ॥ 38 ॥
𑌰𑌸𑌾𑌤𑌲𑌗𑌤𑍇 𑌲𑌕𑍍𑌷𑍍𑌮𑌿 𑌶𑍀𑌘𑍍𑌰𑌮𑌾𑌗𑌚𑍍𑌛 𑌮𑍇 𑌪𑍁𑌰𑌃 ।
𑌨 𑌜𑌾𑌨𑍇 𑌪𑌰𑌮𑌂 𑌰𑍂𑌪𑌂 𑌮𑌾𑌤𑌰𑍍𑌮𑍇 𑌸𑌮𑍍𑌪𑍍𑌰𑌦𑌰𑍍𑌶𑌯 ॥ 39 ॥
𑌆𑌵𑌿𑌰𑍍𑌭𑌵 𑌮𑌨𑍋𑌵𑍇𑌗𑌾𑌚𑍍𑌛𑍀𑌘𑍍𑌰𑌮𑌾𑌗𑌚𑍍𑌛 𑌮𑍇 𑌪𑍁𑌰𑌃 ।
𑌮𑌾 𑌵𑌤𑍍𑌸 𑌭𑍈𑌰𑌿𑌹𑍇𑌤𑍍𑌯𑍁𑌕𑍍𑌤𑍍𑌵𑌾 𑌕𑌾𑌮𑌂 𑌗𑍗𑌰𑌿𑌵 𑌰𑌕𑍍𑌷 𑌮𑌾𑌮𑍍 ॥ 40 ॥
𑌦𑍇𑌵𑌿 𑌶𑍀𑌘𑍍𑌰𑌂 𑌸𑌮𑌾𑌗𑌚𑍍𑌛 𑌧𑌰𑌣𑍀𑌗𑌰𑍍𑌭𑌸𑌂𑌸𑍍𑌥𑌿𑌤𑍇 ।
𑌮𑌾𑌤𑌸𑍍𑌤𑍍𑌵𑌦𑍍𑌭𑍃𑌤𑍍𑌯𑌭𑍃𑌤𑍍𑌯𑍋𑌽𑌹𑌂 𑌮𑍃𑌗𑌯𑍇 𑌤𑍍𑌵𑌾𑌂 𑌕𑍁𑌤𑍂𑌹𑌲𑌾𑌤𑍍 ॥ 41 ॥
𑌉𑌤𑍍𑌤𑌿𑌷𑍍𑌠 𑌜𑌾𑌗𑍃𑌹𑌿 𑌤𑍍𑌵𑌂 𑌮𑍇 𑌸𑌮𑍁𑌤𑍍𑌤𑌿𑌷𑍍𑌠 𑌸𑍁𑌜𑌾𑌗𑍃𑌹𑌿 ।
𑌅𑌕𑍍𑌷𑌯𑌾𑌨𑍍 𑌹𑍇𑌮𑌕𑌲𑌶𑌾𑌨𑍍 𑌸𑍁𑌵𑌰𑍍𑌣𑍇𑌨 𑌸𑍁𑌪𑍂𑌰𑌿𑌤𑌾𑌨𑍍 ॥ 42 ॥
𑌨𑌿𑌕𑍍𑌷𑍇𑌪𑌾𑌨𑍍𑌮𑍇 𑌸𑌮𑌾𑌕𑍃𑌷𑍍𑌯 𑌸𑌮𑍁𑌦𑍍𑌧𑍃𑌤𑍍𑌯 𑌮𑌮𑌾𑌗𑍍𑌰𑌤𑌃 ।
𑌸𑌮𑍁𑌨𑍍𑌨𑌤𑌾𑌨𑌨𑌾 𑌭𑍂𑌤𑍍𑌵𑌾 𑌸𑌮𑌾𑌧𑍇𑌹𑌿 𑌧𑌰𑌾𑌨𑍍𑌤𑌰𑌾𑌤𑍍 ॥ 43 ॥
𑌮𑌤𑍍𑌸𑌨𑍍𑌨𑌿𑌧𑌿𑌂 𑌸𑌮𑌾𑌗𑌚𑍍𑌛 𑌮𑌦𑌾𑌹𑌿𑌤𑌕𑍃𑌪𑌾𑌰𑌸𑌾𑌤𑍍 ।
𑌪𑍍𑌰𑌸𑍀𑌦 𑌶𑍍𑌰𑍇𑌯𑌸𑌾𑌂 𑌦𑍋𑌗𑍍𑌧𑍍𑌰𑍀 𑌲𑌕𑍍𑌷𑍍𑌮𑍀𑌰𑍍𑌮𑍇 𑌨𑌯𑌨𑌾𑌗𑍍𑌰𑌤𑌃 ॥ 44 ॥
𑌅𑌤𑍍𑌰𑍋𑌪𑌵𑌿𑌶 𑌲𑌕𑍍𑌷𑍍𑌮𑌿 𑌤𑍍𑌵𑌂 𑌸𑍍𑌥𑌿𑌰𑌾 𑌭𑌵 𑌹𑌿𑌰𑌣𑍍𑌮𑌯𑍇 ।
𑌸𑍁𑌸𑍍𑌥𑌿𑌰𑌾 𑌭𑌵 𑌸𑌮𑍍𑌪𑍍𑌰𑍀𑌤𑍍𑌯𑌾 𑌪𑍍𑌰𑌸𑍀𑌦 𑌵𑌰𑌦𑌾 𑌭𑌵 ॥ 45 ॥
𑌆𑌨𑍀𑌤𑌾𑌂𑌸𑍍𑌤𑍁 𑌤𑌥𑌾 𑌦𑍇𑌵𑌿 𑌨𑌿𑌧𑍀𑌨𑍍𑌮𑍇 𑌸𑌮𑍍𑌪𑍍𑌰𑌦𑌰𑍍𑌶𑌯 ।
𑌅𑌦𑍍𑌯 𑌕𑍍𑌷𑌣𑍇𑌨 𑌸𑌹𑌸𑌾 𑌦𑌤𑍍𑌤𑍍𑌵𑌾 𑌸𑌂𑌰𑌕𑍍𑌷 𑌮𑌾𑌂 𑌸𑌦𑌾 ॥ 46 ॥
𑌮𑌯𑌿 𑌤𑌿𑌷𑍍𑌠 𑌤𑌥𑌾 𑌨𑌿𑌤𑍍𑌯𑌂 𑌯𑌥𑍇𑌨𑍍𑌦𑍍𑌰𑌾𑌦𑌿𑌷𑍁 𑌤𑌿𑌷𑍍𑌠𑌸𑌿 ।
𑌅𑌭𑌯𑌂 𑌕𑍁𑌰𑍁 𑌮𑍇 𑌦𑍇𑌵𑌿 𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌨𑌮𑍋𑌽𑌸𑍍𑌤𑍁 𑌤𑍇 ॥ 47 ॥
𑌸𑌮𑌾𑌗𑌚𑍍𑌛 𑌮𑌹𑌾𑌲𑌕𑍍𑌷𑍍𑌮𑌿 𑌶𑍁𑌦𑍍𑌧𑌜𑌾𑌮𑍍𑌬𑍂𑌨𑌦𑌪𑍍𑌰𑌭𑍇 ।
𑌪𑍍𑌰𑌸𑍀𑌦 𑌪𑍁𑌰𑌤𑌃 𑌸𑍍𑌥𑌿𑌤𑍍𑌵𑌾 𑌪𑍍𑌰𑌣𑌤𑌂 𑌮𑌾𑌂 𑌵𑌿𑌲𑍋𑌕𑌯 ॥ 48 ॥
𑌲𑌕𑍍𑌷𑍍𑌮𑍀𑌰𑍍𑌭𑍁𑌵𑌂 𑌗𑌤𑌾 𑌭𑌾𑌸𑌿 𑌯𑌤𑍍𑌰 𑌯𑌤𑍍𑌰 𑌹𑌿𑌰𑌣𑍍𑌮𑌯𑍀 ।
𑌤𑌤𑍍𑌰 𑌤𑌤𑍍𑌰 𑌸𑍍𑌥𑌿𑌤𑌾 𑌤𑍍𑌵𑌂 𑌮𑍇 𑌤𑌵 𑌰𑍂𑌪𑌂 𑌪𑍍𑌰𑌦𑌰𑍍𑌶𑌯 ॥ 49 ॥
𑌕𑍍𑌰𑍀𑌡𑌨𑍍𑌤𑍀 𑌬𑌹𑍁𑌧𑌾 𑌭𑍂𑌮𑍗 𑌪𑌰𑌿𑌪𑍂𑌰𑍍𑌣𑌕𑍃𑌪𑌾𑌮𑌯𑌿 ।
𑌮𑌮 𑌮𑍂𑌰𑍍𑌧𑌨𑌿 𑌤𑍇 𑌹𑌸𑍍𑌤𑌮𑌵𑌿𑌲𑌮𑍍𑌬𑌿𑌤𑌮𑌰𑍍𑌪𑌯 ॥ 50 ॥
𑌫𑌲𑌦𑍍𑌭𑌾𑌗𑍍𑌯𑍋𑌦𑌯𑍇 𑌲𑌕𑍍𑌷𑍍𑌮𑌿 𑌸𑌮𑌸𑍍𑌤𑌪𑍁𑌰𑌵𑌾𑌸𑌿𑌨𑍀 ।
𑌪𑍍𑌰𑌸𑍀𑌦 𑌮𑍇 𑌮𑌹𑌾𑌲𑌕𑍍𑌷𑍍𑌮𑌿 𑌪𑌰𑌿𑌪𑍂𑌰𑍍𑌣𑌮𑌨𑍋𑌰𑌥𑍇 ॥ 51 ॥
𑌅𑌯𑍋𑌧𑍍𑌯𑌾𑌦𑌿𑌷𑍁 𑌸𑌰𑍍𑌵𑍇𑌷𑍁 𑌨𑌗𑌰𑍇𑌷𑍁 𑌸𑌮𑌾𑌸𑍍𑌥𑌿𑌤𑍇 ।
𑌵𑍈𑌭𑌵𑍈𑌰𑍍𑌵𑌿𑌵𑌿𑌧𑍈𑌰𑍍𑌯𑍁𑌕𑍍𑌤𑍈𑌃 𑌸𑌮𑌾𑌗𑌚𑍍𑌛 𑌮𑍁𑌦𑌾𑌨𑍍𑌵𑌿𑌤𑍇 ॥ 52 ॥
𑌸𑌮𑌾𑌗𑌚𑍍𑌛 𑌸𑌮𑌾𑌗𑌚𑍍𑌛 𑌮𑌮𑌾𑌗𑍍𑌰𑍇 𑌭𑌵 𑌸𑍁𑌸𑍍𑌥𑌿𑌰𑌾 ।
𑌕𑌰𑍁𑌣𑌾𑌰𑌸𑌨𑌿𑌷𑍍𑌯𑌨𑍍𑌦𑌨𑍇𑌤𑍍𑌰𑌦𑍍𑌵𑌯 𑌵𑌿𑌲𑌾𑌸𑌿𑌨𑍀 ॥ 53 ॥ [𑌨𑌿𑌷𑍍𑌪𑌨𑍍𑌨]
𑌸𑌨𑍍𑌨𑌿𑌧𑌤𑍍𑌸𑍍𑌵 𑌮𑌹𑌾𑌲𑌕𑍍𑌷𑍍𑌮𑌿 𑌤𑍍𑌵𑌤𑍍𑌪𑌾𑌣𑌿𑌂 𑌮𑌮 𑌮𑌸𑍍𑌤𑌕𑍇 ।
𑌕𑌰𑍁𑌣𑌾𑌸𑍁𑌧𑌯𑌾 𑌮𑌾𑌂 𑌤𑍍𑌵𑌮𑌭𑌿𑌷𑌿𑌞𑍍𑌚𑍍𑌯 𑌸𑍍𑌥𑌿𑌰𑌂 𑌕𑍁𑌰𑍁 ॥ 54 ॥
𑌸𑌰𑍍𑌵𑌰𑌾𑌜𑌗𑍃𑌹𑍇 𑌲𑌕𑍍𑌷𑍍𑌮𑌿 𑌸𑌮𑌾𑌗𑌚𑍍𑌛 𑌬𑌲𑌾𑌨𑍍𑌵𑌿𑌤𑍇 । [𑌮𑍁𑌦𑌾𑌨𑍍𑌵𑌿𑌤𑍇]
𑌸𑍍𑌥𑌿𑌤𑍍𑌵𑌾𑌽𑌽𑌶𑍁 𑌪𑍁𑌰𑌤𑍋 𑌮𑍇𑌽𑌦𑍍𑌯 𑌪𑍍𑌰𑌸𑌾𑌦𑍇𑌨𑌾𑌽𑌭𑌯𑌂 𑌕𑍁𑌰𑍁 ॥ 55 ॥
𑌸𑌾𑌦𑌰𑌂 𑌮𑌸𑍍𑌤𑌕𑍇 𑌹𑌸𑍍𑌤𑌂 𑌮𑌮 𑌤𑍍𑌵𑌂 𑌕𑍃𑌪𑌯𑌾𑌰𑍍𑌪𑌯 ।
𑌸𑌰𑍍𑌵𑌰𑌾𑌜𑌗𑍃𑌹𑍇 𑌲𑌕𑍍𑌷𑍍𑌮𑌿 𑌤𑍍𑌵𑌤𑍍𑌕𑌲𑌾 𑌮𑌯𑌿 𑌤𑌿𑌷𑍍𑌠𑌤𑍁 ॥ 56 ॥
𑌆𑌦𑍍𑌯𑌾𑌦𑌿 𑌶𑍍𑌰𑍀𑌮𑌹𑌾𑌲𑌕𑍍𑌷𑍍𑌮𑌿 𑌵𑌿𑌷𑍍𑌣𑍁𑌵𑌾𑌮𑌾𑌙𑍍𑌕𑌸𑌂𑌸𑍍𑌥𑌿𑌤𑍇 ।
𑌪𑍍𑌰𑌤𑍍𑌯𑌕𑍍𑌷𑌂 𑌕𑍁𑌰𑍁 𑌮𑍇 𑌰𑍂𑌪𑌂 𑌰𑌕𑍍𑌷 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 57 ॥
𑌪𑍍𑌰𑌸𑍀𑌦 𑌮𑍇 𑌮𑌹𑌾𑌲𑌕𑍍𑌷𑍍𑌮𑌿 𑌸𑍁𑌪𑍍𑌰𑌸𑍀𑌦 𑌮𑌹𑌾𑌶𑌿𑌵𑍇 ।
𑌅𑌚𑌲𑌾 𑌭𑌵 𑌸𑌮𑍍𑌪𑍍𑌰𑍀𑌤𑍍𑌯𑌾 𑌸𑍁𑌸𑍍𑌥𑌿𑌰𑌾 𑌭𑌵 𑌮𑌦𑍍𑌗𑍃𑌹𑍇 ॥ 58 ॥
𑌯𑌾𑌵𑌤𑍍𑌤𑌿𑌷𑍍𑌠𑌨𑍍𑌤𑌿 𑌵𑍇𑌦𑌾𑌶𑍍𑌚 𑌯𑌾𑌵𑌚𑍍𑌚𑌨𑍍𑌦𑍍𑌰𑌦𑌿𑌵𑌾𑌕𑌰𑍗 ।
𑌯𑌾𑌵𑌦𑍍𑌵𑌿𑌷𑍍𑌣𑍁𑌶𑍍𑌚 𑌯𑌾𑌵𑌤𑍍𑌤𑍍𑌵𑌂 𑌤𑌾𑌵𑌤𑍍𑌕𑍁𑌰𑍁 𑌕𑍃𑌪𑌾𑌂 𑌮𑌯𑌿 ॥ 59 ॥
𑌚𑌾𑌨𑍍𑌦𑍍𑌰𑍀𑌕𑌲𑌾 𑌯𑌥𑌾 𑌶𑍁𑌕𑍍𑌲𑍇 𑌵𑌰𑍍𑌧𑌤𑍇 𑌸𑌾 𑌦𑌿𑌨𑍇 𑌦𑌿𑌨𑍇 ।
𑌤𑌥𑌾 𑌦𑌯𑌾 𑌤𑍇 𑌮𑌯𑍍𑌯𑍇𑌵 𑌵𑌰𑍍𑌧𑌤𑌾𑌮𑌭𑌿𑌵𑌰𑍍𑌧𑌤𑌾𑌮𑍍 ॥ 60 ॥
𑌯𑌥𑌾 𑌵𑍈𑌕𑍁𑌣𑍍𑌠𑌨𑌗𑌰𑍇 𑌯𑌥𑌾 𑌵𑍈 𑌕𑍍𑌷𑍀𑌰𑌸𑌾𑌗𑌰𑍇 ।
𑌤𑌥𑌾 𑌮𑌦𑍍𑌭𑌵𑌨𑍇 𑌤𑌿𑌷𑍍𑌠 𑌸𑍍𑌥𑌿𑌰𑌂 𑌶𑍍𑌰𑍀𑌵𑌿𑌷𑍍𑌣𑍁𑌨𑌾 𑌸𑌹 ॥ 61 ॥
𑌯𑍋𑌗𑌿𑌨𑌾𑌂 𑌹𑍃𑌦𑌯𑍇 𑌨𑌿𑌤𑍍𑌯𑌂 𑌯𑌥𑌾 𑌤𑌿𑌷𑍍𑌠𑌸𑌿 𑌵𑌿𑌷𑍍𑌣𑍁𑌨𑌾 ।
𑌤𑌥𑌾 𑌮𑌦𑍍𑌭𑌵𑌨𑍇 𑌤𑌿𑌷𑍍𑌠 𑌸𑍍𑌥𑌿𑌰𑌂 𑌶𑍍𑌰𑍀𑌵𑌿𑌷𑍍𑌣𑍁𑌨𑌾 𑌸𑌹 ॥ 62 ॥
𑌨𑌾𑌰𑌾𑌯𑌣𑌸𑍍𑌯 𑌹𑍃𑌦𑌯𑍇 𑌭𑌵𑌤𑍀 𑌯𑌥𑌾𑌸𑍍𑌤𑍇
𑌨𑌾𑌰𑌾𑌯𑌣𑍋𑌽𑌪𑌿 𑌤𑌵 𑌹𑍃𑌤𑍍𑌕𑌮𑌲𑍇 𑌯𑌥𑌾𑌸𑍍𑌤𑍇 ।
𑌨𑌾𑌰𑌾𑌯𑌣𑌸𑍍𑌤𑍍𑌵𑌮𑌪𑌿 𑌨𑌿𑌤𑍍𑌯𑌮𑍁𑌭𑍗 𑌤𑌥𑍈𑌵
𑌤𑍗 𑌤𑌿𑌷𑍍𑌠𑌤𑌾𑌂 𑌹𑍃𑌦𑌿 𑌮𑌮𑌾𑌪𑌿 𑌦𑌯𑌾𑌨𑍍𑌵𑌿𑌤𑍗 𑌶𑍍𑌰𑍀𑌃 ॥ 63 ॥
𑌵𑌿𑌜𑍍𑌞𑌾𑌨𑌵𑍃𑌦𑍍𑌧𑌿𑌂 𑌹𑍃𑌦𑌯𑍇 𑌕𑍁𑌰𑍁 𑌶𑍍𑌰𑍀𑌃
𑌸𑍗𑌭𑌾𑌗𑍍𑌯𑌵𑍃𑌦𑍍𑌧𑌿𑌂 𑌕𑍁𑌰𑍁 𑌮𑍇 𑌗𑍃𑌹𑍇 𑌶𑍍𑌰𑍀𑌃 ।
𑌦𑌯𑌾𑌸𑍁𑌵𑍃𑌦𑍍𑌧𑌿𑌂 𑌕𑍁𑌰𑍁𑌤𑌾𑌂 𑌮𑌯𑌿 𑌶𑍍𑌰𑍀𑌃
𑌸𑍁𑌵𑌰𑍍𑌣𑌵𑍃𑌦𑍍𑌧𑌿𑌂 𑌕𑍁𑌰𑍁 𑌮𑍇 𑌗𑍃𑌹𑍇 𑌶𑍍𑌰𑍀𑌃 ॥ 64 ॥
𑌨 𑌮𑌾𑌂 𑌤𑍍𑌯𑌜𑍇𑌥𑌾𑌃 𑌶𑍍𑌰𑌿𑌤𑌕𑌲𑍍𑌪𑌵𑌲𑍍𑌲𑌿
𑌸𑌦𑍍𑌭𑌕𑍍𑌤𑌚𑌿𑌨𑍍𑌤𑌾𑌮𑌣𑌿𑌕𑌾𑌮𑌧𑍇𑌨𑍋 ।
𑌵𑌿𑌶𑍍𑌵𑌸𑍍𑌯 𑌮𑌾𑌤𑌰𑍍𑌭𑌵 𑌸𑍁𑌪𑍍𑌰𑌸𑌨𑍍𑌨𑌾
𑌗𑍃𑌹𑍇 𑌕𑌲𑌤𑍍𑌰𑍇𑌷𑍁 𑌚 𑌪𑍁𑌤𑍍𑌰𑌵𑌰𑍍𑌗𑍇 ॥ 65 ॥
𑌆𑌦𑍍𑌯𑌾𑌦𑌿𑌮𑌾𑌯𑍇 𑌤𑍍𑌵𑌮𑌜𑌾𑌣𑍍𑌡𑌬𑍀𑌜𑌂
𑌤𑍍𑌵𑌮𑍇𑌵 𑌸𑌾𑌕𑌾𑌰𑌨𑌿𑌰𑌾𑌕𑍃𑌤𑌿𑌸𑍍𑌤𑍍𑌵𑌮𑍍 ।
𑌤𑍍𑌵𑌯𑌾 𑌧𑍃𑌤𑌾𑌶𑍍𑌚𑌾𑌬𑍍𑌜𑌭𑌵𑌾𑌣𑍍𑌡𑌸𑌙𑍍𑌘𑌾-
-𑌶𑍍𑌚𑌿𑌤𑍍𑌰𑌂 𑌚𑌰𑌿𑌤𑍍𑌰𑌂 𑌤𑌵 𑌦𑍇𑌵𑌿 𑌵𑌿𑌷𑍍𑌣𑍋𑌃 ॥ 66 ॥
𑌬𑍍𑌰𑌹𑍍𑌮𑌰𑍁𑌦𑍍𑌰𑌾𑌦𑌯𑍋 𑌦𑍇𑌵𑌾 𑌵𑍇𑌦𑌾𑌶𑍍𑌚𑌾𑌪𑌿 𑌨 𑌶𑌕𑍍𑌨𑍁𑌯𑍁𑌃 ।
𑌮𑌹𑌿𑌮𑌾𑌨𑌂 𑌤𑌵 𑌸𑍍𑌤𑍋𑌤𑍁𑌂 𑌮𑌨𑍍𑌦𑍋𑌽𑌹𑌂 𑌶𑌕𑍍𑌨𑍁𑌯𑌾𑌂 𑌕𑌥𑌮𑍍 ॥ 67 ॥
𑌅𑌮𑍍𑌬 𑌤𑍍𑌵𑌦𑍍𑌵𑌤𑍍𑌸𑌵𑌾𑌕𑍍𑌯𑌾𑌨𑌿 𑌸𑍂𑌕𑍍𑌤𑌾𑌸𑍂𑌕𑍍𑌤𑌾𑌨𑌿 𑌯𑌾𑌨𑌿 𑌚 ।
𑌤𑌾𑌨𑌿 𑌸𑍍𑌵𑍀𑌕𑍁𑌰𑍁 𑌸𑌰𑍍𑌵𑌜𑍍𑌞𑍇 𑌦𑌯𑌾𑌲𑍁𑌤𑍍𑌵𑍇𑌨 𑌸𑌾𑌦𑌰𑌮𑍍 ॥ 68 ॥
𑌭𑌵𑌤𑍀𑌂 𑌶𑌰𑌣𑌂 𑌗𑌤𑍍𑌵𑌾 𑌕𑍃𑌤𑌾𑌰𑍍𑌥𑌾𑌃 𑌸𑍍𑌯𑍁𑌃 𑌪𑍁𑌰𑌾𑌤𑌨𑌾𑌃 ।
𑌇𑌤𑌿 𑌸𑌞𑍍𑌚𑌿𑌨𑍍𑌤𑍍𑌯 𑌮𑌨𑌸𑌾 𑌤𑍍𑌵𑌾𑌮𑌹𑌂 𑌶𑌰𑌣𑌂 𑌵𑍍𑌰𑌜𑍇 ॥ 69 ॥
𑌅𑌨𑌨𑍍𑌤𑌾 𑌨𑌿𑌤𑍍𑌯𑌸𑍁𑌖𑌿𑌨𑌸𑍍𑌤𑍍𑌵𑌦𑍍𑌭𑌕𑍍𑌤𑌾𑌸𑍍𑌤𑍍𑌵𑌤𑍍𑌪𑌰𑌾𑌯𑌣𑌾𑌃 ।
𑌇𑌤𑌿 𑌵𑍇𑌦𑌪𑍍𑌰𑌮𑌾𑌣𑌾𑌦𑍍𑌧𑌿 𑌦𑍇𑌵𑌿 𑌤𑍍𑌵𑌾𑌂 𑌶𑌰𑌣𑌂 𑌵𑍍𑌰𑌜𑍇 ॥ 70 ॥
𑌤𑌵 𑌪𑍍𑌰𑌤𑌿𑌜𑍍𑌞𑌾 𑌮𑌦𑍍𑌭𑌕𑍍𑌤𑌾 𑌨 𑌨𑌶𑍍𑌯𑌨𑍍𑌤𑍀𑌤𑍍𑌯𑌪𑌿 𑌕𑍍𑌵𑌚𑌿𑌤𑍍 ।
𑌇𑌤𑌿 𑌸𑌞𑍍𑌚𑌿𑌨𑍍𑌤𑍍𑌯 𑌸𑌞𑍍𑌚𑌿𑌨𑍍𑌤𑍍𑌯 𑌪𑍍𑌰𑌾𑌣𑌾𑌨𑍍 𑌸𑌨𑍍𑌧𑌾𑌰𑌯𑌾𑌮𑍍𑌯𑌹𑌮𑍍 ॥ 71 ॥
𑌤𑍍𑌵𑌦𑌧𑍀𑌨𑌸𑍍𑌤𑍍𑌵𑌹𑌂 𑌮𑌾𑌤𑌸𑍍𑌤𑍍𑌵𑌤𑍍𑌕𑍃𑌪𑌾 𑌮𑌯𑌿 𑌵𑌿𑌦𑍍𑌯𑌤𑍇 ।
𑌯𑌾𑌵𑌤𑍍𑌸𑌮𑍍𑌪𑍂𑌰𑍍𑌣𑌕𑌾𑌮𑌃 𑌸𑍍𑌯𑌾𑌤𑍍𑌤𑌾𑌵𑌦𑍍𑌦𑍇𑌹𑌿 𑌦𑌯𑌾𑌨𑌿𑌧𑍇 ॥ 72 ॥
𑌕𑍍𑌷𑌣𑌮𑌾𑌤𑍍𑌰𑌂 𑌨 𑌶𑌕𑍍𑌨𑍋𑌮𑌿 𑌜𑍀𑌵𑌿𑌤𑍁𑌂 𑌤𑍍𑌵𑌤𑍍𑌕𑍃𑌪𑌾𑌂 𑌵𑌿𑌨𑌾 ।
𑌨 𑌜𑍀𑌵𑌨𑍍𑌤𑍀𑌹 𑌜𑌲𑌜𑌾 𑌜𑌲𑌂 𑌤𑍍𑌯𑌕𑍍𑌤𑍍𑌵𑌾 𑌜𑌲𑌗𑍍𑌰𑌹𑌾𑌃 ॥ 73 ॥
𑌯𑌥𑌾 𑌹𑌿 𑌪𑍁𑌤𑍍𑌰𑌵𑌾𑌤𑍍𑌸𑌲𑍍𑌯𑌾𑌜𑍍𑌜𑌨𑌨𑍀 𑌪𑍍𑌰𑌸𑍍𑌨𑍁𑌤𑌸𑍍𑌤𑌨𑍀 ।
𑌵𑌤𑍍𑌸𑌂 𑌤𑍍𑌵𑌰𑌿𑌤𑌮𑌾𑌗𑌤𑍍𑌯 𑌸𑌮𑍍𑌪𑍍𑌰𑍀𑌣𑌯𑌤𑌿 𑌵𑌤𑍍𑌸𑌲𑌾 ॥ 74 ॥
𑌯𑌦𑌿 𑌸𑍍𑌯𑌾𑌂 𑌤𑌵 𑌪𑍁𑌤𑍍𑌰𑍋𑌽𑌹𑌂 𑌮𑌾𑌤𑌾 𑌤𑍍𑌵𑌂 𑌯𑌦𑌿 𑌮𑌾𑌮𑌕𑍀 ।
𑌦𑌯𑌾𑌪𑌯𑍋𑌧𑌰𑌸𑍍𑌤𑌨𑍍𑌯𑌸𑍁𑌧𑌾𑌭𑌿𑌰𑌭𑌿𑌷𑌿𑌞𑍍𑌚 𑌮𑌾𑌮𑍍 ॥ 75 ॥
𑌮𑍃𑌗𑍍𑌯𑍋 𑌨 𑌗𑍁𑌣𑌲𑍇𑌶𑍋𑌽𑌪𑌿 𑌮𑌯𑌿 𑌦𑍋𑌷𑍈𑌕𑌮𑌨𑍍𑌦𑌿𑌰𑍇 ।
𑌪𑌾𑌂𑌸𑍂𑌨𑌾𑌂 𑌵𑍃𑌷𑍍𑌟𑌿𑌬𑌿𑌨𑍍𑌦𑍂𑌨𑌾𑌂 𑌦𑍋𑌷𑌾𑌣𑌾𑌂 𑌚 𑌨 𑌮𑍇 𑌮𑌤𑌿𑌃 ॥ 76 ॥
𑌪𑌾𑌪𑌿𑌨𑌾𑌮𑌹𑌮𑍇𑌵𑌾𑌗𑍍𑌰𑍍𑌯𑍋 𑌦𑌯𑌾𑌲𑍂𑌨𑌾𑌂 𑌤𑍍𑌵𑌮𑌗𑍍𑌰𑌣𑍀𑌃 ।
𑌦𑌯𑌨𑍀𑌯𑍋 𑌮𑌦𑌨𑍍𑌯𑍋𑌽𑌸𑍍𑌤𑌿 𑌤𑌵 𑌕𑍋𑌽𑌤𑍍𑌰 𑌜𑌗𑌤𑍍𑌤𑍍𑌰𑌯𑍇 ॥ 77 ॥
𑌵𑌿𑌧𑌿𑌨𑌾𑌹𑌂 𑌨 𑌸𑍃𑌷𑍍𑌟𑌶𑍍𑌚𑍇𑌨𑍍𑌨 𑌸𑍍𑌯𑌾𑌤𑍍𑌤𑌵 𑌦𑌯𑌾𑌲𑍁𑌤𑌾 ।
𑌆𑌮𑌯𑍋 𑌵𑌾 𑌨 𑌸𑍃𑌷𑍍𑌟𑌶𑍍𑌚𑍇𑌦𑍗𑌷𑌧𑌸𑍍𑌯 𑌵𑍃𑌥𑍋𑌦𑌯𑌃 ॥ 78 ॥
𑌕𑍃𑌪𑌾 𑌮𑌦𑌗𑍍𑌰𑌜𑌾 𑌕𑌿𑌂 𑌤𑍇 𑌅𑌹𑌂 𑌕𑌿𑌂 𑌵𑌾 𑌤𑌦𑌗𑍍𑌰𑌜𑌃 ।
𑌵𑌿𑌚𑌾𑌰𑍍𑌯 𑌦𑍇𑌹𑌿 𑌮𑍇 𑌵𑌿𑌤𑍍𑌤𑌂 𑌤𑌵 𑌦𑍇𑌵𑌿 𑌦𑌯𑌾𑌨𑌿𑌧𑍇 ॥ 79 ॥
𑌮𑌾𑌤𑌾 𑌪𑌿𑌤𑌾 𑌤𑍍𑌵𑌂 𑌗𑍁𑌰𑍁𑌸𑌦𑍍𑌗𑌤𑌿𑌃 𑌶𑍍𑌰𑍀-
-𑌸𑍍𑌤𑍍𑌵𑌮𑍇𑌵 𑌸𑌞𑍍𑌜𑍀𑌵𑌨𑌹𑍇𑌤𑍁𑌭𑍂𑌤𑌾 ।
𑌅𑌨𑍍𑌯𑌂 𑌨 𑌮𑌨𑍍𑌯𑍇 𑌜𑌗𑌦𑍇𑌕𑌨𑌾𑌥𑍇
𑌤𑍍𑌵𑌮𑍇𑌵 𑌸𑌰𑍍𑌵𑌂 𑌮𑌮 𑌦𑍇𑌵𑌿 𑌸𑌤𑍍𑌯𑍇 ॥ 80 ॥
𑌆𑌦𑍍𑌯𑌾𑌦𑌿𑌲𑌕𑍍𑌷𑍍𑌮𑍀𑌰𑍍𑌭𑌵 𑌸𑍁𑌪𑍍𑌰𑌸𑌨𑍍𑌨𑌾
𑌵𑌿𑌶𑍁𑌦𑍍𑌧𑌵𑌿𑌜𑍍𑌞𑌾𑌨𑌸𑍁𑌖𑍈𑌕𑌦𑍋𑌗𑍍𑌧𑍍𑌰𑍀 ।
𑌅𑌜𑍍𑌞𑌾𑌨𑌹𑌨𑍍𑌤𑍍𑌰𑍀 𑌤𑍍𑌰𑌿𑌗𑍁𑌣𑌾𑌤𑌿𑌰𑌿𑌕𑍍𑌤𑌾
𑌪𑍍𑌰𑌜𑍍𑌞𑌾𑌨𑌨𑍇𑌤𑍍𑌰𑍀 𑌭𑌵 𑌸𑍁𑌪𑍍𑌰𑌸𑌨𑍍𑌨𑌾 ॥ 81 ॥
𑌅𑌶𑍇𑌷𑌵𑌾𑌗𑍍𑌜𑌾𑌡𑍍𑌯𑌮𑌲𑌾𑌪𑌹𑌨𑍍𑌤𑍍𑌰𑍀
𑌨𑌵𑌂 𑌨𑌵𑌂 𑌸𑍍𑌪𑌷𑍍𑌟𑌸𑍁𑌵𑌾𑌕𑍍𑌪𑍍𑌰𑌦𑌾𑌯𑌿𑌨𑍀 ।
𑌮𑌮𑍇𑌹 𑌜𑌿𑌹𑍍𑌵𑌾𑌗𑍍𑌰 𑌸𑍁𑌰𑌙𑍍𑌗𑌨𑌰𑍍𑌤𑌕𑍀 [𑌨𑌰𑍍𑌤𑌿𑌨𑍀]
𑌭𑌵 𑌪𑍍𑌰𑌸𑌨𑍍𑌨𑌾 𑌵𑌦𑌨𑍇 𑌚 𑌮𑍇 𑌶𑍍𑌰𑍀𑌃 ॥ 82 ॥
𑌸𑌮𑌸𑍍𑌤𑌸𑌮𑍍𑌪𑌤𑍍𑌸𑍁𑌵𑌿𑌰𑌾𑌜𑌮𑌾𑌨𑌾
𑌸𑌮𑌸𑍍𑌤𑌤𑍇𑌜𑌶𑍍𑌚𑌯𑌭𑌾𑌸𑌮𑌾𑌨𑌾 ।
𑌵𑌿𑌷𑍍𑌣𑍁𑌪𑍍𑌰𑌿𑌯𑍇 𑌤𑍍𑌵𑌂 𑌭𑌵 𑌦𑍀𑌪𑍍𑌯𑌮𑌾𑌨𑌾
𑌵𑌾𑌗𑍍𑌦𑍇𑌵𑌤𑌾 𑌮𑍇 𑌨𑌯𑌨𑍇 𑌪𑍍𑌰𑌸𑌨𑍍𑌨𑌾 ॥ 83 ॥
𑌸𑌰𑍍𑌵𑌪𑍍𑌰𑌦𑌰𑍍𑌶𑍇 𑌸𑌕𑌲𑌾𑌰𑍍𑌥𑌦𑍇 𑌤𑍍𑌵𑌂
𑌪𑍍𑌰𑌭𑌾𑌸𑍁𑌲𑌾𑌵𑌣𑍍𑌯𑌦𑌯𑌾𑌪𑍍𑌰𑌦𑍋𑌗𑍍𑌧𑍍𑌰𑍀 ।
𑌸𑍁𑌵𑌰𑍍𑌣𑌦𑍇 𑌤𑍍𑌵𑌂 𑌸𑍁𑌮𑍁𑌖𑍀 𑌭𑌵 𑌶𑍍𑌰𑍀-
-𑌰𑍍𑌹𑌿𑌰𑌣𑍍𑌮𑌯𑍀 𑌮𑍇 𑌨𑌯𑌨𑍇 𑌪𑍍𑌰𑌸𑌨𑍍𑌨𑌾 ॥ 84 ॥
𑌸𑌰𑍍𑌵𑌾𑌰𑍍𑌥𑌦𑌾 𑌸𑌰𑍍𑌵𑌜𑌗𑌤𑍍𑌪𑍍𑌰𑌸𑍂𑌤𑌿𑌃
𑌸𑌰𑍍𑌵𑍇𑌶𑍍𑌵𑌰𑍀 𑌸𑌰𑍍𑌵𑌭𑌯𑌾𑌪𑌹𑌨𑍍𑌤𑍍𑌰𑍀 ।
𑌸𑌰𑍍𑌵𑍋𑌨𑍍𑌨𑌤𑌾 𑌤𑍍𑌵𑌂 𑌸𑍁𑌮𑍁𑌖𑍀 𑌭𑌵 𑌶𑍍𑌰𑍀-
-𑌰𑍍𑌹𑌿𑌰𑌣𑍍𑌮𑌯𑍀 𑌮𑍇 𑌨𑌯𑌨𑍇 𑌪𑍍𑌰𑌸𑌨𑍍𑌨𑌾 ॥ 85 ॥
𑌸𑌮𑌸𑍍𑌤𑌵𑌿𑌘𑍍𑌨𑍗𑌘𑌵𑌿𑌨𑌾𑌶𑌕𑌾𑌰𑌿𑌣𑍀
𑌸𑌮𑌸𑍍𑌤𑌭𑌕𑍍𑌤𑍋𑌦𑍍𑌧𑌰𑌣𑍇 𑌵𑌿𑌚𑌕𑍍𑌷𑌣𑌾 ।
𑌅𑌨𑌨𑍍𑌤𑌸𑍗𑌭𑌾𑌗𑍍𑌯𑌸𑍁𑌖𑌪𑍍𑌰𑌦𑌾𑌯𑌿𑌨𑍀
𑌹𑌿𑌰𑌣𑍍𑌮𑌯𑍀 𑌮𑍇 𑌨𑌯𑌨𑍇 𑌪𑍍𑌰𑌸𑌨𑍍𑌨𑌾 ॥ 86 ॥
𑌦𑍇𑌵𑌿 𑌪𑍍𑌰𑌸𑍀𑌦 𑌦𑌯𑌨𑍀𑌯𑌤𑌮𑌾𑌯 𑌮𑌹𑍍𑌯𑌂
𑌦𑍇𑌵𑌾𑌧𑌿𑌨𑌾𑌥𑌭𑌵𑌦𑍇𑌵𑌗𑌣𑌾𑌭𑌿𑌵𑌨𑍍𑌦𑍍𑌯𑍇 ।
𑌮𑌾𑌤𑌸𑍍𑌤𑌥𑍈𑌵 𑌭𑌵 𑌸𑌨𑍍𑌨𑌿𑌹𑌿𑌤𑌾 𑌦𑍃𑌶𑍋𑌰𑍍𑌮𑍇
𑌪𑌤𑍍𑌯𑌾 𑌸𑌮𑌂 𑌮𑌮 𑌮𑍁𑌖𑍇 𑌭𑌵 𑌸𑍁𑌪𑍍𑌰𑌸𑌨𑍍𑌨𑌾 ॥ 87 ॥
𑌮𑌾 𑌵𑌤𑍍𑌸 𑌭𑍈𑌰𑌭𑌯𑌦𑌾𑌨𑌕𑌰𑍋𑌽𑌰𑍍𑌪𑌿𑌤𑌸𑍍𑌤𑍇
𑌮𑍗𑌲𑍗 𑌮𑌮𑍇𑌤𑌿 𑌮𑌯𑌿 𑌦𑍀𑌨𑌦𑌯𑌾𑌨𑍁𑌕𑌮𑍍𑌪𑍇 ।
𑌮𑌾𑌤𑌃 𑌸𑌮𑌰𑍍𑌪𑌯 𑌮𑍁𑌦𑌾 𑌕𑌰𑍁𑌣𑌾𑌕𑌟𑌾𑌕𑍍𑌷𑌂
𑌮𑌾𑌙𑍍𑌗𑌲𑍍𑌯𑌬𑍀𑌜𑌮𑌿𑌹 𑌨𑌃 𑌸𑍃𑌜 𑌜𑌨𑍍𑌮 𑌮𑌾𑌤𑌃 ॥ 88 ॥
𑌕𑌟𑌾𑌕𑍍𑌷 𑌇𑌹 𑌕𑌾𑌮𑌧𑍁𑌕𑍍𑌤𑌵 𑌮𑌨𑌸𑍍𑌤𑍁 𑌚𑌿𑌨𑍍𑌤𑌾𑌮𑌣𑌿𑌃
𑌕𑌰𑌃 𑌸𑍁𑌰𑌤𑌰𑍁𑌃 𑌸𑌦𑌾 𑌨𑌵𑌨𑌿𑌧𑌿𑌸𑍍𑌤𑍍𑌵𑌮𑍇𑌵𑍇𑌨𑍍𑌦𑌿𑌰𑍇 ।
𑌭𑌵𑍇 𑌤𑌵 𑌦𑌯𑌾𑌰𑌸𑍋 𑌮𑌮 𑌰𑌸𑌾𑌯𑌨𑌂 𑌚𑌾𑌨𑍍𑌵𑌹𑌂
𑌮𑍁𑌖𑌂 𑌤𑌵 𑌕𑌲𑌾𑌨𑌿𑌧𑌿𑌰𑍍𑌵𑌿𑌵𑌿𑌧𑌵𑌾𑌞𑍍𑌛𑌿𑌤𑌾𑌰𑍍𑌥𑌪𑍍𑌰𑌦𑌮𑍍 ॥ 89 ॥
𑌯𑌥𑌾 𑌰𑌸𑌸𑍍𑌪𑌰𑍍𑌶𑌨𑌤𑍋𑌽𑌯𑌸𑍋𑌽𑌪𑌿
𑌸𑍁𑌵𑌰𑍍𑌣𑌤𑌾 𑌸𑍍𑌯𑌾𑌤𑍍𑌕𑌮𑌲𑍇 𑌤𑌥𑌾 𑌤𑍇 ।
𑌕𑌟𑌾𑌕𑍍𑌷𑌸𑌂𑌸𑍍𑌪𑌰𑍍𑌶𑌨𑌤𑍋 𑌜𑌨𑌾𑌨𑌾-
-𑌮𑌮𑌙𑍍𑌗𑌲𑌾𑌨𑌾𑌮𑌪𑌿 𑌮𑌙𑍍𑌗𑌲𑌤𑍍𑌵𑌮𑍍 ॥ 90 ॥
𑌦𑍇𑌹𑍀𑌤𑌿 𑌨𑌾𑌸𑍍𑌤𑍀𑌤𑌿 𑌵𑌚𑌃 𑌪𑍍𑌰𑌵𑍇𑌶𑌾-
-𑌦𑍍𑌭𑍀𑌤𑍋 𑌰𑌮𑍇 𑌤𑍍𑌵𑌾𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ।
𑌅𑌤𑌃 𑌸𑌦𑌾𑌽𑌸𑍍𑌮𑌿𑌨𑍍𑌨𑌭𑌯𑌪𑍍𑌰𑌦𑌾 𑌤𑍍𑌵𑌂
𑌸𑌹𑍈𑌵 𑌪𑌤𑍍𑌯𑌾 𑌮𑌯𑌿 𑌸𑌨𑍍𑌨𑌿𑌧𑍇𑌹𑌿 ॥ 91 ॥
𑌕𑌲𑍍𑌪𑌦𑍍𑌰𑍁𑌮𑍇𑌣 𑌮𑌣𑌿𑌨𑌾 𑌸𑌹𑌿𑌤𑌾 𑌸𑍁𑌰𑌮𑍍𑌯𑌾
𑌶𑍍𑌰𑍀𑌸𑍍𑌤𑍇 𑌕𑌲𑌾 𑌮𑌯𑌿 𑌰𑌸𑍇𑌨 𑌰𑌸𑌾𑌯𑌨𑍇𑌨 ।
𑌆𑌸𑍍𑌤𑌾𑌂 𑌯𑌤𑍋 𑌮𑌮 𑌶𑌿𑌰𑌃𑌕𑌰𑌦𑍃𑌷𑍍𑌟𑌿𑌪𑌾𑌦-
-𑌸𑍍𑌪𑍃𑌷𑍍𑌟𑌾𑌃 𑌸𑍁𑌵𑌰𑍍𑌣𑌵𑌪𑍁𑌷𑌃 𑌸𑍍𑌥𑌿𑌰𑌜𑌙𑍍𑌗𑌮𑌾𑌃 𑌸𑍍𑌯𑍁𑌃 ॥ 92 ॥
𑌆𑌦𑍍𑌯𑌾𑌦𑌿𑌵𑌿𑌷𑍍𑌣𑍋𑌃 𑌸𑍍𑌥𑌿𑌰𑌧𑌰𑍍𑌮𑌪𑌤𑍍𑌨𑍀
𑌤𑍍𑌵𑌮𑍇𑌵 𑌪𑌤𑍍𑌯𑌾 𑌮𑌯𑌿 𑌸𑌨𑍍𑌨𑌿𑌧𑍇𑌹𑌿 ।
𑌆𑌦𑍍𑌯𑌾𑌦𑌿𑌲𑌕𑍍𑌷𑍍𑌮𑌿 𑌤𑍍𑌵𑌦𑌨𑍁𑌗𑍍𑌰𑌹𑍇𑌣
𑌪𑌦𑍇 𑌪𑌦𑍇 𑌮𑍇 𑌨𑌿𑌧𑌿𑌦𑌰𑍍𑌶𑌨𑌂 𑌸𑍍𑌯𑌾𑌤𑍍 ॥ 93 ॥
𑌆𑌦𑍍𑌯𑌾𑌦𑌿𑌲𑌕𑍍𑌷𑍍𑌮𑍀𑌹𑍃𑌦𑌯𑌂 𑌪𑌠𑍇𑌦𑍍𑌯𑌃
𑌸 𑌰𑌾𑌜𑍍𑌯𑌲𑌕𑍍𑌷𑍍𑌮𑍀𑌮𑌚𑌲𑌾𑌂 𑌤𑌨𑍋𑌤𑌿 ।
𑌮𑌹𑌾𑌦𑌰𑌿𑌦𑍍𑌰𑍋𑌽𑌪𑌿 𑌭𑌵𑍇𑌦𑍍𑌧𑌨𑌾𑌢𑍍𑌯-
-𑌸𑍍𑌤𑌦𑌨𑍍𑌵𑌯𑍇 𑌶𑍍𑌰𑍀𑌃 𑌸𑍍𑌥𑌿𑌰𑌤𑌾𑌂 𑌪𑍍𑌰𑌯𑌾𑌤𑌿 ॥ 94 ॥
𑌯𑌸𑍍𑌯 𑌸𑍍𑌮𑌰𑌣𑌮𑌾𑌤𑍍𑌰𑍇𑌣 𑌤𑍁𑌷𑍍𑌟𑌾 𑌸𑍍𑌯𑌾𑌦𑍍𑌵𑌿𑌷𑍍𑌣𑍁𑌵𑌲𑍍𑌲𑌭𑌾 ।
𑌤𑌸𑍍𑌯𑌾𑌭𑍀𑌷𑍍𑌟𑌂 𑌦𑌦𑌤𑍍𑌯𑌾𑌶𑍁 𑌤𑌂 𑌪𑌾𑌲𑌯𑌤𑌿 𑌪𑍁𑌤𑍍𑌰𑌵𑌤𑍍 ॥ 95 ॥
𑌇𑌦𑌂 𑌰𑌹𑌸𑍍𑌯𑌂 𑌹𑍃𑌦𑌯𑌂 𑌸𑌰𑍍𑌵𑌕𑌾𑌮𑌫𑌲𑌪𑍍𑌰𑌦𑌮𑍍 ।
𑌜𑌪𑌃 𑌪𑌞𑍍𑌚𑌸𑌹𑌸𑍍𑌰𑌂 𑌤𑍁 𑌪𑍁𑌰𑌶𑍍𑌚𑌰𑌣𑌮𑍁𑌚𑍍𑌯𑌤𑍇 ॥ 96 ॥
𑌤𑍍𑌰𑌿𑌕𑌾𑌲𑌮𑍇𑌕𑌕𑌾𑌲𑌂 𑌵𑌾 𑌨𑌰𑍋 𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑌃 ।
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌵𑌾𑌪𑌿 𑌸 𑌯𑌾𑌤𑌿 𑌪𑌰𑌮𑌾𑌂 𑌶𑍍𑌰𑌿𑌯𑌮𑍍 ॥ 97 ॥
𑌮𑌹𑌾𑌲𑌕𑍍𑌷𑍍𑌮𑍀𑌂 𑌸𑌮𑍁𑌦𑍍𑌦𑌿𑌶𑍍𑌯 𑌨𑌿𑌶𑌿 𑌭𑌾𑌰𑍍𑌗𑌵𑌵𑌾𑌸𑌰𑍇 ।
𑌇𑌦𑌂 𑌶𑍍𑌰𑍀𑌹𑍃𑌦𑌯𑌂 𑌜𑌪𑍍𑌤𑍍𑌵𑌾 𑌪𑌞𑍍𑌚𑌵𑌾𑌰𑌂 𑌧𑌨𑍀 𑌭𑌵𑍇𑌤𑍍 ॥ 98 ॥
𑌅𑌨𑍇𑌨 𑌹𑍃𑌦𑌯𑍇𑌨𑌾𑌨𑍍𑌨𑌂 𑌗𑌰𑍍𑌭𑌿𑌣𑍍𑌯𑌾 𑌅𑌭𑌿𑌮𑌨𑍍𑌤𑍍𑌰𑌿𑌤𑌮𑍍 ।
𑌦𑌦𑌾𑌤𑌿 𑌤𑌤𑍍𑌕𑍁𑌲𑍇 𑌪𑍁𑌤𑍍𑌰𑍋 𑌜𑌾𑌯𑌤𑍇 𑌶𑍍𑌰𑍀𑌪𑌤𑌿𑌃 𑌸𑍍𑌵𑌯𑌮𑍍 ॥ 99 ॥
𑌨𑌰𑍇𑌣 𑌵𑌾𑌽𑌥𑌵𑌾 𑌨𑌾𑌰𑍍𑌯𑌾 𑌲𑌕𑍍𑌷𑍍𑌮𑍀𑌹𑍃𑌦𑌯𑌮𑌨𑍍𑌤𑍍𑌰𑌿𑌤𑍇 ।
𑌜𑌲𑍇 𑌪𑍀𑌤𑍇 𑌚 𑌤𑌦𑍍𑌵𑌂𑌶𑍇 𑌮𑌨𑍍𑌦𑌭𑌾𑌗𑍍𑌯𑍋 𑌨 𑌜𑌾𑌯𑌤𑍇 ॥ 100 ॥
𑌯 𑌆𑌶𑍍𑌵𑌿𑌨𑍇 𑌮𑌾𑌸𑌿 𑌚 𑌶𑍁𑌕𑍍𑌲𑌪𑌕𑍍𑌷𑍇
𑌰𑌮𑍋𑌤𑍍𑌸𑌵𑍇 𑌸𑌨𑍍𑌨𑌿𑌹𑌿𑌤𑍇 𑌸𑍁𑌭𑌕𑍍𑌤𑍍𑌯𑌾 ।
𑌪𑌠𑍇𑌤𑍍𑌤𑌥𑍈𑌕𑍋𑌤𑍍𑌤𑌰𑌵𑌾𑌰𑌵𑍃𑌦𑍍𑌧𑍍𑌯𑌾
𑌲𑌭𑍇𑌤𑍍𑌸 𑌸𑍗𑌵𑌰𑍍𑌣𑌮𑌯𑍀𑌂 𑌸𑍁𑌵𑍃𑌷𑍍𑌟𑌿𑌮𑍍 ॥ 101 ॥
𑌯 𑌏𑌕𑌭𑌕𑍍𑌤𑍋𑌽𑌨𑍍𑌵𑌹𑌮𑍇𑌕𑌵𑌰𑍍𑌷𑌂
𑌵𑌿𑌶𑍁𑌦𑍍𑌧𑌧𑍀𑌃 𑌸𑌪𑍍𑌤𑌤𑌿𑌵𑌾𑌰𑌜𑌾𑌪𑍀 ।
𑌸 𑌮𑌨𑍍𑌦𑌭𑌾𑌗𑍍𑌯𑍋𑌽𑌪𑌿 𑌰𑌮𑌾𑌕𑌟𑌾𑌕𑍍𑌷𑌾-
-𑌦𑍍𑌭𑌵𑍇𑌤𑍍𑌸𑌹𑌸𑍍𑌰𑌾𑌕𑍍𑌷𑌶𑌤𑌾𑌧𑌿𑌕𑌶𑍍𑌰𑍀𑌃 ॥ 102 ॥
𑌶𑍍𑌰𑍀𑌶𑌾𑌙𑍍𑌘𑍍𑌰𑌿𑌭𑌕𑍍𑌤𑌿𑌂 𑌹𑌰𑌿𑌦𑌾𑌸𑌦𑌾𑌸𑍍𑌯𑌂
𑌪𑍍𑌰𑌸𑌨𑍍𑌨𑌮𑌨𑍍𑌤𑍍𑌰𑌾𑌰𑍍𑌥𑌦𑍃𑌢𑍈𑌕𑌨𑌿𑌷𑍍𑌠𑌾𑌮𑍍 ।
𑌗𑍁𑌰𑍋𑌃 𑌸𑍍𑌮𑍃𑌤𑌿𑌂 𑌨𑌿𑌰𑍍𑌮𑌲𑌬𑍋𑌧𑌬𑍁𑌦𑍍𑌧𑌿𑌂
𑌪𑍍𑌰𑌦𑍇𑌹𑌿 𑌮𑌾𑌤𑌃 𑌪𑌰𑌮𑌂 𑌪𑌦𑌂 𑌶𑍍𑌰𑍀𑌃 ॥ 103 ॥
𑌪𑍃𑌥𑍍𑌵𑍀𑌪𑌤𑌿𑌤𑍍𑌵𑌂 𑌪𑍁𑌰𑍁𑌷𑍋𑌤𑍍𑌤𑌮𑌤𑍍𑌵𑌂
𑌵𑌿𑌭𑍂𑌤𑌿𑌵𑌾𑌸𑌂 𑌵𑌿𑌵𑌿𑌧𑌾𑌰𑍍𑌥𑌸𑌿𑌦𑍍𑌧𑌿𑌮𑍍 ।
𑌸𑌮𑍍𑌪𑍂𑌰𑍍𑌣𑌕𑍀𑌰𑍍𑌤𑌿𑌂 𑌬𑌹𑍁𑌵𑌰𑍍𑌷𑌭𑍋𑌗𑌂
𑌪𑍍𑌰𑌦𑍇𑌹𑌿 𑌮𑍇 𑌲𑌕𑍍𑌷𑍍𑌮𑌿 𑌪𑍁𑌨𑌃 𑌪𑍁𑌨𑌸𑍍𑌤𑍍𑌵𑌮𑍍 ॥ 104 ॥
𑌵𑌾𑌦𑌾𑌰𑍍𑌥𑌸𑌿𑌦𑍍𑌧𑌿𑌂 𑌬𑌹𑍁𑌲𑍋𑌕𑌵𑌶𑍍𑌯𑌂
𑌵𑌯𑌃 𑌸𑍍𑌥𑌿𑌰𑌤𑍍𑌵𑌂 𑌲𑌲𑌨𑌾𑌸𑍁𑌭𑍋𑌗𑌮𑍍 ।
𑌪𑍗𑌤𑍍𑌰𑌾𑌦𑌿𑌲𑌬𑍍𑌧𑌿𑌂 𑌸𑌕𑌲𑌾𑌰𑍍𑌥𑌸𑌿𑌦𑍍𑌧𑌿𑌂
𑌪𑍍𑌰𑌦𑍇𑌹𑌿 𑌮𑍇 𑌭𑌾𑌰𑍍𑌗𑌵𑌿 𑌜𑌨𑍍𑌮𑌜𑌨𑍍𑌮𑌨𑌿 ॥ 105 ॥
𑌸𑍁𑌵𑌰𑍍𑌣𑌵𑍃𑌦𑍍𑌧𑌿𑌂 𑌕𑍁𑌰𑍁 𑌮𑍇 𑌗𑍃𑌹𑍇 𑌶𑍍𑌰𑍀𑌃
𑌸𑍁𑌧𑌾𑌨𑍍𑌯𑌵𑍃𑌦𑍍𑌧𑌿𑌂 𑌕𑍁𑌰𑍂 𑌮𑍇 𑌗𑍃𑌹𑍇 𑌶𑍍𑌰𑍀𑌃 ।
𑌕𑌲𑍍𑌯𑌾𑌣𑌵𑍃𑌦𑍍𑌧𑌿𑌂 𑌕𑍁𑌰𑍁 𑌮𑍇 𑌗𑍃𑌹𑍇 𑌶𑍍𑌰𑍀𑌃
𑌵𑌿𑌭𑍂𑌤𑌿𑌵𑍃𑌦𑍍𑌧𑌿𑌂 𑌕𑍁𑌰𑍁 𑌮𑍇 𑌗𑍃𑌹𑍇 𑌶𑍍𑌰𑍀𑌃 ॥ 106 ॥
𑌧𑍍𑌯𑌾𑌯𑍇𑌲𑍍𑌲𑌕𑍍𑌷𑍍𑌮𑍀𑌂 𑌪𑍍𑌰𑌹𑌸𑌿𑌤𑌮𑍁𑌖𑍀𑌂 𑌕𑍋𑌟𑌿𑌬𑌾𑌲𑌾𑌰𑍍𑌕𑌭𑌾𑌸𑌾𑌂
𑌵𑌿𑌦𑍍𑌯𑍁𑌦𑍍𑌵𑌰𑍍𑌣𑌾𑌮𑍍𑌬𑌰𑌵𑌰𑌧𑌰𑌾𑌂 𑌭𑍂𑌷𑌣𑌾𑌢𑍍𑌯𑌾𑌂 𑌸𑍁𑌶𑍋𑌭𑌾𑌮𑍍 ।
𑌬𑍀𑌜𑌾𑌪𑍂𑌰𑌂 𑌸𑌰𑌸𑌿𑌜𑌯𑍁𑌗𑌂 𑌬𑌿𑌭𑍍𑌰𑌤𑍀𑌂 𑌸𑍍𑌵𑌰𑍍𑌣𑌪𑌾𑌤𑍍𑌰𑌂
𑌭𑌰𑍍𑌤𑍍𑌰𑌾𑌯𑍁𑌕𑍍𑌤𑌾𑌂 𑌮𑍁𑌹𑍁𑌰𑌭𑌯𑌦𑌾𑌂 𑌮𑌹𑍍𑌯𑌮𑌪𑍍𑌯𑌚𑍍𑌯𑍁𑌤𑌶𑍍𑌰𑍀𑌃 ॥ 107 ॥
𑌗𑍁𑌹𑍍𑌯𑌾𑌤𑌿𑌗𑍁𑌹𑍍𑌯𑌗𑍋𑌪𑍍𑌤𑍍𑌰𑍀 𑌤𑍍𑌵𑌂 𑌗𑍃𑌹𑌾𑌣𑌾𑌸𑍍𑌮𑌤𑍍𑌕𑍃𑌤𑌂 𑌜𑌪𑌮𑍍 ।
𑌸𑌿𑌦𑍍𑌧𑌿𑌰𑍍𑌭𑌵𑌤𑍁 𑌮𑍇 𑌦𑍇𑌵𑌿 𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌨𑍍𑌮𑌯𑌿 𑌸𑍍𑌥𑌿𑌤𑌾 ॥ 108 ॥
𑌇𑌤𑌿 𑌶𑍍𑌰𑍀𑌅𑌥𑌰𑍍𑌵𑌣𑌰𑌹𑌸𑍍𑌯𑍇 𑌶𑍍𑌰𑍀𑌲𑌕𑍍𑌷𑍍𑌮𑍀𑌹𑍃𑌦𑌯𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ॥
Roman (IAST) Transliteration
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
InfoLyter.in — Sacred Vedic Knowledge Portal · Free forever