📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌕𑍃𑌷𑍍𑌣 𑌕𑌵𑌚𑌂 (𑌤𑍍𑌰𑍈𑌲𑍋𑌕𑍍𑌯 𑌮𑌙𑍍𑌗𑌲 𑌕𑌵𑌚𑌮𑍍)
Shri Krishna Kavacham (trailokya Mangala Kavacham)
Krishna Kavacham Grantha
𑌶𑍍𑌰𑍀 𑌨𑌾𑌰𑌦 𑌉𑌵𑌾𑌚 –
𑌭𑌗𑌵𑌨𑍍𑌸𑌰𑍍𑌵𑌧𑌰𑍍𑌮𑌜𑍍𑌞 𑌕𑌵𑌚𑌂 𑌯𑌤𑍍𑌪𑍍𑌰𑌕𑌾𑌶𑌿𑌤𑌮𑍍 ।
𑌤𑍍𑌰𑍈𑌲𑍋𑌕𑍍𑌯𑌮𑌙𑍍𑌗𑌲𑌂 𑌨𑌾𑌮 𑌕𑍃𑌪𑌯𑌾 𑌕𑌥𑌯 𑌪𑍍𑌰𑌭𑍋 ॥ 1 ॥
𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚 –
𑌶𑍃𑌣𑍁 𑌵𑌕𑍍𑌷𑍍𑌯𑌾𑌮𑌿 𑌵𑌿𑌪𑍍𑌰𑍇𑌨𑍍𑌦𑍍𑌰 𑌕𑌵𑌚𑌂 𑌪𑌰𑌮𑌾𑌦𑍍𑌭𑍁𑌤𑌮𑍍 ।
𑌨𑌾𑌰𑌾𑌯𑌣𑍇𑌨 𑌕𑌥𑌿𑌤𑌂 𑌕𑍃𑌪𑌯𑌾 𑌬𑍍𑌰𑌹𑍍𑌮𑌣𑍇 𑌪𑍁𑌰𑌾 ॥ 2 ॥
𑌬𑍍𑌰𑌹𑍍𑌮𑌣𑌾 𑌕𑌥𑌿𑌤𑌂 𑌮𑌹𑍍𑌯𑌂 𑌪𑌰𑌂 𑌸𑍍𑌨𑍇𑌹𑌾𑌦𑍍𑌵𑌦𑌾𑌮𑌿 𑌤𑍇 ।
𑌅𑌤𑌿 𑌗𑍁𑌹𑍍𑌯𑌤𑌰𑌂 𑌤𑌤𑍍𑌤𑍍𑌵𑌂 𑌬𑍍𑌰𑌹𑍍𑌮𑌮𑌨𑍍𑌤𑍍𑌰𑍗𑌘𑌵𑌿𑌗𑍍𑌰𑌹𑌮𑍍 ॥ 3 ॥
𑌯𑌦𑍍𑌧𑍃𑌤𑍍𑌵𑌾 𑌪𑌠𑌨𑌾𑌦𑍍𑌬𑍍𑌰𑌹𑍍𑌮𑌾 𑌸𑍃𑌷𑍍𑌟𑌿𑌂 𑌵𑌿𑌤𑌨𑍁𑌤𑍇 𑌧𑍍𑌰𑍁𑌵𑌮𑍍 ।
𑌯𑌦𑍍𑌧𑍃𑌤𑍍𑌵𑌾 𑌪𑌠𑌨𑌾𑌤𑍍𑌪𑌾𑌤𑌿 𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌜𑌗𑌤𑍍𑌤𑍍𑌰𑌯𑌮𑍍 ॥ 4 ॥
𑌪𑌠𑌨𑌾𑌦𑍍𑌧𑌾𑌰𑌣𑌾𑌚𑍍𑌛𑌮𑍍𑌭𑍁𑌃 𑌸𑌂𑌹𑌰𑍍𑌤𑌾 𑌸𑌰𑍍𑌵𑌮𑌨𑍍𑌤𑍍𑌰𑌵𑌿𑌤𑍍 ।
𑌤𑍍𑌰𑍈𑌲𑍋𑌕𑍍𑌯𑌜𑌨𑌨𑍀 𑌦𑍁𑌰𑍍𑌗𑌾 𑌮𑌹𑌿𑌷𑌾𑌦𑌿𑌮𑌹𑌾𑌸𑍁𑌰𑌾𑌨𑍍 ॥ 5 ॥
𑌵𑌰𑌤𑍃𑌪𑍍𑌤𑌾𑌨𑍍 𑌜𑌘𑌾𑌨𑍈𑌵 𑌪𑌠𑌨𑌾𑌦𑍍𑌧𑌾𑌰𑌣𑌾𑌦𑍍𑌯𑌤𑌃 ।
𑌏𑌵𑌮𑌿𑌨𑍍𑌦𑍍𑌰𑌾𑌦𑌯𑌃 𑌸𑌰𑍍𑌵𑍇 𑌸𑌰𑍍𑌵𑍈𑌶𑍍𑌵𑌰𑍍𑌯𑌮𑌵𑌾𑌪𑍍𑌨𑍁𑌯𑍁𑌃 ॥ 6 ॥
𑌇𑌦𑌂 𑌕𑌵𑌚𑌮𑌤𑍍𑌯𑌨𑍍𑌤𑌗𑍁𑌪𑍍𑌤𑌂 𑌕𑍁𑌤𑍍𑌰𑌾𑌪𑌿 𑌨𑍋 𑌵𑌦𑍇𑌤𑍍 ।
𑌶𑌿𑌷𑍍𑌯𑌾𑌯 𑌭𑌕𑍍𑌤𑌿𑌯𑍁𑌕𑍍𑌤𑌾𑌯 𑌸𑌾𑌧𑌕𑌾𑌯 𑌪𑍍𑌰𑌕𑌾𑌶𑌯𑍇𑌤𑍍 ॥ 7 ॥
𑌶𑌠𑌾𑌯 𑌪𑌰𑌶𑌿𑌷𑍍𑌯𑌾𑌯 𑌦𑌤𑍍𑌵𑌾 𑌮𑍃𑌤𑍍𑌯𑍁𑌮𑌵𑌾𑌪𑍍𑌨𑍁𑌯𑌾𑌤𑍍 ।
𑌤𑍍𑌰𑍈𑌲𑍋𑌕𑍍𑌯𑌮𑌙𑍍𑌗𑌲𑌸𑍍𑌯𑌾𑌽𑌸𑍍𑌯 𑌕𑌵𑌚𑌸𑍍𑌯 𑌪𑍍𑌰𑌜𑌾𑌪𑌤𑌿𑌃 ॥ 8 ॥
𑌋𑌷𑌿𑌶𑍍𑌛𑌨𑍍𑌦𑌶𑍍𑌚 𑌗𑌾𑌯𑌤𑍍𑌰𑍀 𑌦𑍇𑌵𑍋 𑌨𑌾𑌰𑌾𑌯𑌣𑌸𑍍𑌸𑍍𑌵𑌯𑌮𑍍 ।
𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑍇𑌷𑍁 𑌵𑌿𑌨𑌿𑌯𑍋𑌗𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ॥ 9 ॥
𑌪𑍍𑌰𑌣𑌵𑍋 𑌮𑍇 𑌶𑌿𑌰𑌃 𑌪𑌾𑌤𑍁 𑌨𑌮𑍋 𑌨𑌾𑌰𑌾𑌯𑌣𑌾𑌯 𑌚 ।
𑌫𑌾𑌲𑌂 𑌮𑍇 𑌨𑍇𑌤𑍍𑌰𑌯𑍁𑌗𑌲𑌮𑌷𑍍𑌟𑌾𑌰𑍍𑌣𑍋 𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌦𑌃 ॥ 10 ॥
𑌕𑍍𑌲𑍀𑌂 𑌪𑌾𑌯𑌾𑌚𑍍𑌛𑍍𑌰𑍋𑌤𑍍𑌰𑌯𑍁𑌗𑍍𑌮𑌂 𑌚𑍈𑌕𑌾𑌕𑍍𑌷𑌰𑌃 𑌸𑌰𑍍𑌵𑌮𑍋𑌹𑌨𑌃 ।
𑌕𑍍𑌲𑍀𑌂 𑌕𑍃𑌷𑍍𑌣𑌾𑌯 𑌸𑌦𑌾 𑌘𑍍𑌰𑌾𑌣𑌂 𑌗𑍋𑌵𑌿𑌨𑍍𑌦𑌾𑌯𑍇𑌤𑌿 𑌜𑌿𑌹𑍍𑌵𑌿𑌕𑌾𑌮𑍍 ॥ 11 ॥
𑌗𑍋𑌪𑍀𑌜𑌨𑌪𑌦𑌵𑌲𑍍𑌲𑌭𑌾𑌯 𑌸𑍍𑌵𑌾𑌹𑌾𑌽𑌨𑌨𑌂 𑌮𑌮 ।
𑌅𑌷𑍍𑌟𑌾𑌦𑌶𑌾𑌕𑍍𑌷𑌰𑍋 𑌮𑌨𑍍𑌤𑍍𑌰𑌃 𑌕𑌣𑍍𑌠𑌂 𑌪𑌾𑌤𑍁 𑌦𑌶𑌾𑌕𑍍𑌷𑌰𑌃 ॥ 12 ॥
𑌗𑍋𑌪𑍀𑌜𑌨𑌪𑌦𑌵𑌲𑍍𑌲𑌭𑌾𑌯 𑌸𑍍𑌵𑌾𑌹𑌾 𑌭𑍁𑌜𑌦𑍍𑌵𑌯𑌮𑍍 ।
𑌕𑍍𑌲𑍀𑌂 𑌗𑍍𑌲𑍗𑌂 𑌕𑍍𑌲𑍀𑌂 𑌶𑍍𑌯𑌾𑌮𑌲𑌾𑌙𑍍𑌗𑌾𑌯 𑌨𑌮𑌃 𑌸𑍍𑌕𑌨𑍍𑌧𑍗 𑌰𑌕𑍍𑌷𑌾𑌕𑍍𑌷𑌰𑌃 ॥ 13 ॥
𑌕𑍍𑌲𑍀𑌂 𑌕𑍃𑌷𑍍𑌣𑌃 𑌕𑍍𑌲𑍀𑌂 𑌕𑌰𑍗 𑌪𑌾𑌯𑌾𑌤𑍍 𑌕𑍍𑌲𑍀𑌂 𑌕𑍃𑌷𑍍𑌣𑌾𑌯𑌾𑌂 𑌗𑌤𑍋𑌽𑌵𑌤𑍁 ।
𑌹𑍃𑌦𑌯𑌂 𑌭𑍁𑌵𑌨𑍇𑌶𑌾𑌨𑌃 𑌕𑍍𑌲𑍀𑌂 𑌕𑍃𑌷𑍍𑌣𑌃 𑌕𑍍𑌲𑍀𑌂 𑌸𑍍𑌤𑌨𑍗 𑌮𑌮 ॥ 14 ॥
𑌗𑍋𑌪𑌾𑌲𑌾𑌯𑌾𑌗𑍍𑌨𑌿𑌜𑌾𑌯𑌾𑌤𑌂 𑌕𑍁𑌕𑍍𑌷𑌿𑌯𑍁𑌗𑍍𑌮𑌂 𑌸𑌦𑌾𑌽𑌵𑌤𑍁 ।
𑌕𑍍𑌲𑍀𑌂 𑌕𑍃𑌷𑍍𑌣𑌾𑌯 𑌸𑌦𑌾 𑌪𑌾𑌤𑍁 𑌪𑌾𑌰𑍍𑌶𑍍𑌵𑌯𑍁𑌗𑍍𑌮𑌮𑌨𑍁𑌤𑍍𑌤𑌮𑌃 ॥ 15 ॥
𑌕𑍃𑌷𑍍𑌣 𑌗𑍋𑌵𑌿𑌨𑍍𑌦𑌕𑍗 𑌪𑌾𑌤𑍁 𑌸𑍍𑌮𑌰𑌾𑌦𑍍𑌯𑍗𑌜𑍇𑌯𑍁𑌤𑍗 𑌮𑌨𑍁𑌃 ।
𑌅𑌷𑍍𑌟𑌾𑌕𑍍𑌷𑌰𑌃 𑌪𑌾𑌤𑍁 𑌨𑌾𑌭𑌿𑌂 𑌕𑍃𑌷𑍍𑌣𑍇𑌤𑌿 𑌦𑍍𑌵𑍍𑌯𑌕𑍍𑌷𑌰𑍋𑌽𑌵𑌤𑍁 ॥ 16 ॥
𑌪𑍃𑌷𑍍𑌠𑌂 𑌕𑍍𑌲𑍀𑌂 𑌕𑍃𑌷𑍍𑌣𑌕𑌂 𑌗𑌲𑍍𑌲 𑌕𑍍𑌲𑍀𑌂 𑌕𑍃𑌷𑍍𑌣𑌾𑌯 𑌦𑍍𑌵𑌿𑌰𑌾𑌨𑍍𑌤𑌕𑌃 ।
𑌸𑌕𑍍𑌥𑌿𑌨𑍀 𑌸𑌤𑌤𑌂 𑌪𑌾𑌤𑍁 𑌶𑍍𑌰𑍀𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌕𑍃𑌷𑍍𑌣𑌠𑌦𑍍𑌵𑌯𑌮𑍍 ॥ 17 ॥
𑌊𑌰𑍂 𑌸𑌪𑍍𑌤𑌾𑌕𑍍𑌷𑌰𑌂 𑌪𑌾𑌯𑌾𑌤𑍍 𑌤𑍍𑌰𑌯𑍋𑌦𑌶𑌾𑌕𑍍𑌷𑌰𑍋𑌽𑌵𑌤𑍁 ।
𑌶𑍍𑌰𑍀𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌪𑌦𑌤𑍋 𑌗𑍋𑌪𑍀𑌜𑌨𑌵𑌲𑍍𑌲𑌭𑌪𑌦𑌂 𑌤𑌤𑌃 ॥ 18 ॥
𑌶𑍍𑌰𑌿𑌯𑌾 𑌸𑍍𑌵𑌾𑌹𑍇𑌤𑌿 𑌪𑌾𑌯𑍂 𑌵𑍈 𑌕𑍍𑌲𑍀𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌸𑌦𑌶𑌾𑌰𑍍𑌣𑌕𑌃 ।
𑌜𑌾𑌨𑍁𑌨𑍀 𑌚 𑌸𑌦𑌾 𑌪𑌾𑌤𑍁 𑌕𑍍𑌲𑍀𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌚 𑌦𑌶𑌾𑌕𑍍𑌷𑌰𑌃 ॥ 19 ॥
𑌤𑍍𑌰𑌯𑍋𑌦𑌶𑌾𑌕𑍍𑌷𑌰𑌃 𑌪𑌾𑌤𑍁 𑌜𑌙𑍍𑌘𑍇 𑌚𑌕𑍍𑌰𑌾𑌦𑍍𑌯𑍁𑌦𑌾𑌯𑍁𑌧𑌃 ।
𑌅𑌷𑍍𑌟𑌾𑌦𑌶𑌾𑌕𑍍𑌷𑌰𑍋 𑌹𑍍𑌰𑍀𑌂 𑌶𑍍𑌰𑍀𑌂 𑌪𑍂𑌰𑍍𑌵𑌕𑍋 𑌵𑌿𑌂𑌶𑌦𑌰𑍍𑌣𑌕𑌃 ॥ 20 ॥
𑌸𑌰𑍍𑌵𑌾𑌙𑍍𑌗𑌂 𑌮𑍇 𑌸𑌦𑌾 𑌪𑌾𑌤𑍁 𑌦𑍍𑌵𑌾𑌰𑌕𑌾𑌨𑌾𑌯𑌕𑍋 𑌬𑌲𑍀 ।
𑌨𑌮𑍋 𑌭𑌗𑌵𑌤𑍇 𑌪𑌶𑍍𑌚𑌾𑌦𑍍𑌵𑌾𑌸𑍁𑌦𑍇𑌵𑌾𑌯 𑌤𑌤𑍍𑌪𑌰𑌮𑍍 ॥ 21 ॥
𑌤𑌾𑌰𑌾𑌦𑍍𑌯𑍋 𑌦𑍍𑌵𑌾𑌦𑌶𑌾𑌰𑍍𑌣𑍋𑌽𑌯𑌂 𑌪𑍍𑌰𑌾𑌚𑍍𑌯𑌾𑌂 𑌮𑌾𑌂 𑌸𑌰𑍍𑌵𑌦𑌾𑌽𑌵𑌤𑍁 ।
𑌶𑍍𑌰𑍀𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌚 𑌦𑌶𑌾𑌰𑍍𑌣𑌸𑍍𑌤𑍁 𑌕𑍍𑌲𑍀𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌷𑍋𑌡𑌶𑌾𑌰𑍍𑌣𑌕𑌃 ॥ 22 ॥
𑌗𑌦𑌾𑌦𑍍𑌯𑍁𑌦𑌾𑌯𑍁𑌧𑍋 𑌵𑌿𑌷𑍍𑌣𑍁𑌰𑍍𑌮𑌾𑌮𑌗𑍍𑌨𑍇𑌰𑍍𑌦𑌿𑌶𑌿 𑌰𑌕𑍍𑌷𑌤𑍁 ।
𑌹𑍍𑌰𑍀𑌂 𑌶𑍍𑌰𑍀𑌂 𑌦𑌶𑌾𑌕𑍍𑌷𑌰𑍋 𑌮𑌨𑍍𑌤𑍍𑌰𑍋 𑌦𑌕𑍍𑌷𑌿𑌣𑍇 𑌮𑌾𑌂 𑌸𑌦𑌾𑌽𑌵𑌤𑍁 ॥ 23 ॥
𑌤𑌾𑌰𑍋 𑌨𑌮𑍋 𑌭𑌗𑌵𑌤𑍇 𑌰𑍁𑌕𑍍𑌮𑌿𑌣𑍀𑌵𑌲𑍍𑌲𑌭𑌾𑌯 𑌚 ।
𑌸𑍍𑌵𑌾𑌹𑍇𑌤𑌿 𑌷𑍋𑌡𑌶𑌾𑌰𑍍𑌣𑍋𑌽𑌯𑌂 𑌨𑍈𑌰𑍃𑌤𑍍𑌯𑌾𑌂 𑌦𑌿𑌶𑌿 𑌰𑌕𑍍𑌷𑌤𑍁 ॥ 24 ॥
𑌕𑍍𑌲𑍀𑌂 𑌹𑍃𑌷𑍀𑌕𑍇𑌶 𑌵𑌂𑌶𑌾𑌯 𑌨𑌮𑍋 𑌮𑌾𑌂 𑌵𑌾𑌰𑍁𑌣𑍋𑌽𑌵𑌤𑍁 ।
𑌅𑌷𑍍𑌟𑌾𑌦𑌶𑌾𑌰𑍍𑌣𑌃 𑌕𑌾𑌮𑌾𑌨𑍍𑌤𑍋 𑌵𑌾𑌯𑌵𑍍𑌯𑍇 𑌮𑌾𑌂 𑌸𑌦𑌾𑌽𑌵𑌤𑍁 ॥ 25 ॥
𑌶𑍍𑌰𑍀𑌂 𑌮𑌾𑌯𑌾𑌕𑌾𑌮𑌤𑍃𑌷𑍍𑌣𑌾𑌯 𑌗𑍋𑌵𑌿𑌨𑍍𑌦𑌾𑌯 𑌦𑍍𑌵𑌿𑌕𑍋 𑌮𑌨𑍁𑌃 ।
𑌦𑍍𑌵𑌾𑌦𑌶𑌾𑌰𑍍𑌣𑌾𑌤𑍍𑌮𑌕𑍋 𑌵𑌿𑌷𑍍𑌣𑍁𑌰𑍁𑌤𑍍𑌤𑌰𑍇 𑌮𑌾𑌂 𑌸𑌦𑌾𑌽𑌵𑌤𑍁 ॥ 26 ॥
𑌵𑌾𑌗𑍍𑌭𑌵𑌂 𑌕𑌾𑌮𑌕𑍃𑌷𑍍𑌣𑌾𑌯 𑌹𑍍𑌰𑍀𑌂 𑌗𑍋𑌵𑌿𑌨𑍍𑌦𑌾𑌯 𑌤𑌤𑍍𑌪𑌰𑌮𑍍 ।
𑌶𑍍𑌰𑍀𑌂 𑌗𑍋𑌪𑍀𑌜𑌨𑌵𑌲𑍍𑌲𑌭𑌾𑌯 𑌸𑍍𑌵𑌾𑌹𑌾 𑌹𑌸𑍍𑌤𑍗 𑌤𑌤𑌃 𑌪𑌰𑌮𑍍 ॥ 27 ॥
𑌦𑍍𑌵𑌾𑌵𑌿𑌂𑌶𑌤𑍍𑌯𑌕𑍍𑌷𑌰𑍋 𑌮𑌨𑍍𑌤𑍍𑌰𑍋 𑌮𑌾𑌮𑍈𑌶𑌾𑌨𑍍𑌯𑍇 𑌸𑌦𑌾𑌽𑌵𑌤𑍁 ।
𑌕𑌾𑌲𑍀𑌯𑌸𑍍𑌯 𑌫𑌣𑌾𑌮𑌧𑍍𑌯𑍇 𑌦𑌿𑌵𑍍𑌯𑌂 𑌨𑍃𑌤𑍍𑌯𑌂 𑌕𑌰𑍋𑌤𑌿 𑌤𑌮𑍍 ॥ 28 ॥
𑌨𑌮𑌾𑌮𑌿 𑌦𑍇𑌵𑌕𑍀𑌪𑍁𑌤𑍍𑌰𑌂 𑌨𑍃𑌤𑍍𑌯𑌰𑌾𑌜𑌾𑌨𑌮𑌚𑍍𑌯𑍁𑌤𑌮𑍍 ।
𑌦𑍍𑌵𑌾𑌤𑍍𑌰𑌿𑌂𑌶𑌦𑌕𑍍𑌷𑌰𑍋 𑌮𑌨𑍍𑌤𑍍𑌰𑍋𑌽𑌪𑍍𑌯𑌧𑍋 𑌮𑌾𑌂 𑌸𑌰𑍍𑌵𑌦𑌾𑌽𑌵𑌤𑍁 ॥ 29 ॥
𑌕𑌾𑌮𑌦𑍇𑌵𑌾𑌯 𑌵𑌿𑌦𑍍𑌮𑌹𑍇 𑌪𑍁𑌷𑍍𑌪𑌬𑌾𑌣𑌾𑌯 𑌧𑍀𑌮𑌹𑌿 ।
𑌤𑌨𑍍𑌨𑍋𑌽𑌨𑌙𑍍𑌗𑌃 𑌪𑍍𑌰𑌚𑍋𑌦𑌯𑌾𑌦𑍇𑌷𑌾 𑌮𑌾𑌂 𑌪𑌾𑌤𑍁𑌚𑍋𑌰𑍍𑌧𑍍𑌵𑌤𑌃 ॥ 30 ॥
𑌇𑌤𑌿 𑌤𑍇 𑌕𑌥𑌿𑌤𑌂 𑌵𑌿𑌪𑍍𑌰 𑌬𑍍𑌰𑌹𑍍𑌮𑌮𑌨𑍍𑌤𑍍𑌰𑍗𑌘𑌵𑌿𑌗𑍍𑌰𑌹𑌮𑍍 ।
𑌤𑍍𑌰𑍈𑌲𑍋𑌕𑍍𑌯𑌮𑌙𑍍𑌗𑌲𑌂 𑌨𑌾𑌮 𑌕𑌵𑌚𑌂 𑌬𑍍𑌰𑌹𑍍𑌮𑌰𑍂𑌪𑌕𑌮𑍍 ॥ 31 ॥
𑌬𑍍𑌰𑌹𑍍𑌮𑌣𑌾 𑌕𑌥𑌿𑌤𑌂 𑌪𑍂𑌰𑍍𑌵𑌂 𑌨𑌾𑌰𑌾𑌯𑌣𑌮𑍁𑌖𑌾𑌚𑍍𑌛𑍍𑌰𑍁𑌤𑌮𑍍 ।
𑌤𑌵 𑌸𑍍𑌨𑍇𑌹𑌾𑌨𑍍𑌮𑌯𑌾𑌽𑌖𑍍𑌯𑌾𑌤𑌂 𑌪𑍍𑌰𑌵𑌕𑍍𑌤𑌵𑍍𑌯𑌂 𑌨 𑌕𑌸𑍍𑌯𑌚𑌿𑌤𑍍 ॥ 32 ॥
𑌗𑍁𑌰𑍁𑌂 𑌪𑍍𑌰𑌣𑌮𑍍𑌯 𑌵𑌿𑌧𑌿𑌵𑌤𑍍𑌕𑌵𑌚𑌂 𑌪𑍍𑌰𑌪𑌠𑍇𑌤𑍍𑌤𑌤𑌃 ।
𑌸𑌕𑍃𑌦𑍍𑌦𑍍𑌵𑌿𑌸𑍍𑌤𑍍𑌰𑌿𑌰𑍍𑌯𑌥𑌾𑌜𑍍𑌞𑌾𑌨𑌂 𑌸 𑌹𑌿 𑌸𑌰𑍍𑌵𑌤𑌪𑍋𑌮𑌯𑌃 ॥ 33 ॥
𑌮𑌨𑍍𑌤𑍍𑌰𑍇𑌷𑍁 𑌸𑌕𑌲𑍇𑌷𑍍𑌵𑍇𑌵 𑌦𑍇𑌶𑌿𑌕𑍋 𑌨𑌾𑌤𑍍𑌰 𑌸𑌂𑌶𑌯𑌃 ।
𑌶𑌤𑌮𑌷𑍍𑌟𑍋𑌤𑍍𑌤𑌰𑌂 𑌚𑌾𑌸𑍍𑌯 𑌪𑍁𑌰𑌶𑍍𑌚𑌰𑍍𑌯𑌾 𑌵𑌿𑌧𑌿𑌸𑍍𑌸𑍍𑌮𑍃𑌤𑌃 ॥ 34 ॥
𑌹𑌵𑌨𑌾𑌦𑍀𑌨𑍍𑌦𑌶𑌾𑌂𑌶𑍇𑌨 𑌕𑍃𑌤𑍍𑌵𑌾 𑌤𑌤𑍍𑌸𑌾𑌧𑌯𑍇𑌦𑍍𑌧𑍍𑌰𑍁𑌵𑌮𑍍 ।
𑌯𑌦𑌿 𑌸𑍍𑌯𑌾𑌤𑍍𑌸𑌿𑌦𑍍𑌧𑌕𑌵𑌚𑍋 𑌵𑌿𑌷𑍍𑌣𑍁𑌰𑍇𑌵 𑌭𑌵𑍇𑌤𑍍𑌸𑍍𑌵𑌯𑌮𑍍 ॥ 35 ॥
𑌮𑌨𑍍𑌤𑍍𑌰𑌸𑌿𑌦𑍍𑌧𑌿𑌰𑍍𑌭𑌵𑍇𑌤𑍍𑌤𑌸𑍍𑌯 𑌪𑍁𑌰𑌶𑍍𑌚𑌰𑍍𑌯𑌾 𑌵𑌿𑌧𑌾𑌨𑌤𑌃 ।
𑌸𑍍𑌪𑌰𑍍𑌧𑌾𑌮𑍁𑌦𑍍𑌧𑍂𑌯 𑌸𑌤𑌤𑌂 𑌲𑌕𑍍𑌷𑍍𑌮𑍀𑌰𑍍𑌵𑌾𑌣𑍀 𑌵𑌸𑍇𑌤𑍍𑌤𑌤𑌃 ॥ 36 ॥
𑌪𑍁𑌷𑍍𑌪𑌾𑌞𑍍𑌜𑌲𑍍𑌯𑌷𑍍𑌟𑌕𑌂 𑌦𑌤𑍍𑌵𑌾 𑌮𑍂𑌲𑍇𑌨𑍈𑌵 𑌪𑌠𑍇𑌤𑍍𑌸𑌕𑍃𑌤𑍍 ।
𑌦𑌶𑌵𑌰𑍍𑌷𑌸𑌹𑌸𑍍𑌰𑌾𑌣𑌿 𑌪𑍂𑌜𑌾𑌯𑌾𑌃 𑌫𑌲𑌮𑌾𑌪𑍍𑌨𑍁𑌯𑌾𑌤𑍍 ॥ 37 ॥
𑌭𑍂𑌰𑍍𑌜𑍇 𑌵𑌿𑌲𑌿𑌖𑍍𑌯 𑌗𑍁𑌲𑌿𑌕𑌾𑌂 𑌸𑍍𑌵𑌰𑍍𑌣𑌸𑍍𑌥𑌾𑌂 𑌧𑌾𑌰𑌯𑍇𑌦𑍍𑌯𑌦𑌿 ।
𑌕𑌣𑍍𑌠𑍇 𑌵𑌾 𑌦𑌕𑍍𑌷𑌿𑌣𑍇 𑌬𑌾𑌹𑍗 𑌸𑍋𑌽𑌪𑌿 𑌵𑌿𑌷𑍍𑌣𑍁𑌰𑍍𑌨 𑌸𑌂𑌶𑌯𑌃 ॥ 38 ॥
𑌅𑌶𑍍𑌵𑌮𑍇𑌧𑌸𑌹𑌸𑍍𑌰𑌾𑌣𑌿 𑌵𑌾𑌜𑌪𑍇𑌯𑌶𑌤𑌾𑌨𑌿 𑌚 ।
𑌮𑌹𑌾𑌦𑌾𑌨𑌾𑌨𑌿 𑌯𑌾𑌨𑍍𑌯𑍇𑌵 𑌪𑍍𑌰𑌾𑌦𑌕𑍍𑌷𑌿𑌣𑍍𑌯𑌂 𑌭𑍁𑌵𑌸𑍍𑌤𑌥𑌾 ॥ 39 ॥
𑌕𑌲𑌾𑌂 𑌨𑌾𑌰𑍍𑌹𑌨𑍍𑌤𑌿 𑌤𑌾𑌨𑍍𑌯𑍇𑌵 𑌸𑌕𑍃𑌦𑍁𑌚𑍍𑌚𑌾𑌰𑌣𑌾𑌤𑍍𑌤𑌤𑌃 ।
𑌕𑌵𑌚𑌸𑍍𑌯 𑌪𑍍𑌰𑌸𑌾𑌦𑍇𑌨 𑌜𑍀𑌵𑌨𑍍𑌮𑍁𑌕𑍍𑌤𑍋 𑌭𑌵𑍇𑌨𑍍𑌨𑌰𑌃 ॥ 40 ॥
𑌤𑍍𑌰𑍈𑌲𑍋𑌕𑍍𑌯𑌂 𑌕𑍍𑌷𑍋𑌭𑌯𑌤𑍍𑌯𑍇𑌵 𑌤𑍍𑌰𑍈𑌲𑍋𑌕𑍍𑌯𑌵𑌿𑌜𑌯𑍀 𑌸 𑌹𑌿 ।
𑌇𑌦𑌂 𑌕𑌵𑌚𑌮𑌜𑍍𑌞𑌾𑌤𑍍𑌵𑌾 𑌯𑌜𑍇𑌦𑍍𑌯𑌃 𑌪𑍁𑌰𑍁𑌷𑍋𑌤𑍍𑌤𑌮𑌮𑍍 ।
𑌶𑌤𑌲𑌕𑍍𑌷𑌪𑍍𑌰𑌜𑌪𑍍𑌤𑍋𑌽𑌪𑌿 𑌨 𑌮𑌨𑍍𑌤𑍍𑌰𑌸𑍍𑌤𑌸𑍍𑌯 𑌸𑌿𑌦𑍍𑌧𑍍𑌯𑌤𑌿 ॥ 41 ॥
𑌇𑌤𑌿 𑌶𑍍𑌰𑍀 𑌨𑌾𑌰𑌦𑌪𑌾𑌞𑍍𑌚𑌰𑌾𑌤𑍍𑌰𑍇 𑌜𑍍𑌞𑌾𑌨𑌾𑌮𑍃𑌤𑌸𑌾𑌰𑍇 𑌤𑍍𑌰𑍈𑌲𑍋𑌕𑍍𑌯𑌮𑌙𑍍𑌗𑌲𑌕𑌵𑌚𑌮𑍍 ।
Roman (IAST) Transliteration
śrī nārada uvāca –
bhagavansarvadharmajña kavacaṃ yatprakāśitam |
trailokyamaṅgalaṃ nāma kṛpayā kathaya prabho || 1 ||
sanatkumāra uvāca –
śṛṇu vakṣyāmi viprendra kavacaṃ paramādbhutam |
nārāyaṇena kathitaṃ kṛpayā brahmaṇe purā || 2 ||
brahmaṇā kathitaṃ mahyaṃ paraṃ snehādvadāmi te |
ati guhyataraṃ tattvaṃ brahmamantraughavigraham || 3 ||
yaddhṛtvā paṭhanādbrahmā sṛṣṭiṃ vitanute dhruvam |
yaddhṛtvā paṭhanātpāti mahālakṣmīrjagattrayam || 4 ||
paṭhanāddhāraṇācchambhuḥ saṃhartā sarvamantravit |
trailokyajananī durgā mahiṣādimahāsurān || 5 ||
varatṛptān jaghānaiva paṭhanāddhāraṇādyataḥ |
evamindrādayaḥ sarve sarvaiśvaryamavāpnuyuḥ || 6 ||
idaṃ kavacamatyantaguptaṃ kutrāpi no vadet |
śiṣyāya bhaktiyuktāya sādhakāya prakāśayet || 7 ||
śaṭhāya paraśiṣyāya datvā mṛtyumavāpnuyāt |
trailokyamaṅgalasyā'sya kavacasya prajāpatiḥ || 8 ||
ṛṣiśchandaśca gāyatrī devo nārāyaṇassvayam |
dharmārthakāmamokṣeṣu viniyogaḥ prakīrtitaḥ || 9 ||
praṇavo me śiraḥ pātu namo nārāyaṇāya ca |
phālaṃ me netrayugalamaṣṭārṇo bhuktimuktidaḥ || 10 ||
klīṃ pāyācchrotrayugmaṃ caikākṣaraḥ sarvamohanaḥ |
klīṃ kṛṣṇāya sadā ghrāṇaṃ govindāyeti jihvikām || 11 ||
gopījanapadavallabhāya svāhā'nanaṃ mama |
aṣṭādaśākṣaro mantraḥ kaṇṭhaṃ pātu daśākṣaraḥ || 12 ||
gopījanapadavallabhāya svāhā bhujadvayam |
klīṃ glauṃ klīṃ śyāmalāṅgāya namaḥ skandhau rakṣākṣaraḥ || 13 ||
klīṃ kṛṣṇaḥ klīṃ karau pāyāt klīṃ kṛṣṇāyāṃ gato'vatu |
hṛdayaṃ bhuvaneśānaḥ klīṃ kṛṣṇaḥ klīṃ stanau mama || 14 ||
gopālāyāgnijāyātaṃ kukṣiyugmaṃ sadā'vatu |
klīṃ kṛṣṇāya sadā pātu pārśvayugmamanuttamaḥ || 15 ||
kṛṣṇa govindakau pātu smarādyaujeyutau manuḥ |
aṣṭākṣaraḥ pātu nābhiṃ kṛṣṇeti dvyakṣaro'vatu || 16 ||
pṛṣṭhaṃ klīṃ kṛṣṇakaṃ galla klīṃ kṛṣṇāya dvirāntakaḥ |
sakthinī satataṃ pātu śrīṃ hrīṃ klīṃ kṛṣṇaṭhadvayam || 17 ||
ūrū saptākṣaraṃ pāyāt trayodaśākṣaro'vatu |
śrīṃ hrīṃ klīṃ padato gopījanavallabhapadaṃ tataḥ || 18 ||
śriyā svāheti pāyū vai klīṃ hrīṃ śrīṃ sadaśārṇakaḥ |
jānunī ca sadā pātu klīṃ hrīṃ śrīṃ ca daśākṣaraḥ || 19 ||
trayodaśākṣaraḥ pātu jaṅghe cakrādyudāyudhaḥ |
aṣṭādaśākṣaro hrīṃ śrīṃ pūrvako viṃśadarṇakaḥ || 20 ||
sarvāṅgaṃ me sadā pātu dvārakānāyako balī |
namo bhagavate paścādvāsudevāya tatparam || 21 ||
tārādyo dvādaśārṇo'yaṃ prācyāṃ māṃ sarvadā'vatu |
śrīṃ hrīṃ klīṃ ca daśārṇastu klīṃ hrīṃ śrīṃ ṣoḍaśārṇakaḥ || 22 ||
gadādyudāyudho viṣṇurmāmagnerdiśi rakṣatu |
hrīṃ śrīṃ daśākṣaro mantro dakṣiṇe māṃ sadā'vatu || 23 ||
tāro namo bhagavate rukmiṇīvallabhāya ca |
svāheti ṣoḍaśārṇo'yaṃ nairṛtyāṃ diśi rakṣatu || 24 ||
klīṃ hṛṣīkeśa vaṃśāya namo māṃ vāruṇo'vatu |
aṣṭādaśārṇaḥ kāmānto vāyavye māṃ sadā'vatu || 25 ||
śrīṃ māyākāmatṛṣṇāya govindāya dviko manuḥ |
dvādaśārṇātmako viṣṇuruttare māṃ sadā'vatu || 26 ||
vāgbhavaṃ kāmakṛṣṇāya hrīṃ govindāya tatparam |
śrīṃ gopījanavallabhāya svāhā hastau tataḥ param || 27 ||
dvāviṃśatyakṣaro mantro māmaiśānye sadā'vatu |
kālīyasya phaṇāmadhye divyaṃ nṛtyaṃ karoti tam || 28 ||
namāmi devakīputraṃ nṛtyarājānamacyutam |
dvātriṃśadakṣaro mantro'pyadho māṃ sarvadā'vatu || 29 ||
kāmadevāya vidmahe puṣpabāṇāya dhīmahi |
tanno'naṅgaḥ pracodayādeṣā māṃ pātucordhvataḥ || 30 ||
iti te kathitaṃ vipra brahmamantraughavigraham |
trailokyamaṅgalaṃ nāma kavacaṃ brahmarūpakam || 31 ||
brahmaṇā kathitaṃ pūrvaṃ nārāyaṇamukhācchrutam |
tava snehānmayā'khyātaṃ pravaktavyaṃ na kasyacit || 32 ||
guruṃ praṇamya vidhivatkavacaṃ prapaṭhettataḥ |
sakṛddvistriryathājñānaṃ sa hi sarvatapomayaḥ || 33 ||
mantreṣu sakaleṣveva deśiko nātra saṃśayaḥ |
śatamaṣṭottaraṃ cāsya puraścaryā vidhissmṛtaḥ || 34 ||
havanādīndaśāṃśena kṛtvā tatsādhayeddhruvam |
yadi syātsiddhakavaco viṣṇureva bhavetsvayam || 35 ||
mantrasiddhirbhavettasya puraścaryā vidhānataḥ |
spardhāmuddhūya satataṃ lakṣmīrvāṇī vasettataḥ || 36 ||
puṣpāñjalyaṣṭakaṃ datvā mūlenaiva paṭhetsakṛt |
daśavarṣasahasrāṇi pūjāyāḥ phalamāpnuyāt || 37 ||
bhūrje vilikhya gulikāṃ svarṇasthāṃ dhārayedyadi |
kaṇṭhe vā dakṣiṇe bāhau so'pi viṣṇurna saṃśayaḥ || 38 ||
aśvamedhasahasrāṇi vājapeyaśatāni ca |
mahādānāni yānyeva prādakṣiṇyaṃ bhuvastathā || 39 ||
kalāṃ nārhanti tānyeva sakṛduccāraṇāttataḥ |
kavacasya prasādena jīvanmukto bhavennaraḥ || 40 ||
trailokyaṃ kṣobhayatyeva trailokyavijayī sa hi |
idaṃ kavacamajñātvā yajedyaḥ puruṣottamam |
śatalakṣaprajapto'pi na mantrastasya siddhyati || 41 ||
iti śrī nāradapāñcarātre jñānāmṛtasāre trailokyamaṅgalakavacam |
InfoLyter.in — Sacred Vedic Knowledge Portal · Free forever