📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌕𑌾𑌮𑌾𑌖𑍍𑌯𑌾 𑌸𑍍𑌤𑍋𑌤𑍍𑌰𑌂
Shri Kamakhya Stotram
Stotram Grantha
𑌜𑌯 𑌕𑌾𑌮𑍇𑌶𑌿 𑌚𑌾𑌮𑍁𑌣𑍍𑌡𑍇 𑌜𑌯 𑌭𑍂𑌤𑌾𑌪𑌹𑌾𑌰𑌿𑌣𑌿 ।
𑌜𑌯 𑌸𑌰𑍍𑌵𑌗𑌤𑍇 𑌦𑍇𑌵𑌿 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 1 ॥
𑌵𑌿𑌶𑍍𑌵𑌮𑍂𑌰𑍍𑌤𑍇 𑌶𑍁𑌭𑍇 𑌶𑍁𑌦𑍍𑌧𑍇 𑌵𑌿𑌰𑍂𑌪𑌾𑌕𑍍𑌷𑌿 𑌤𑍍𑌰𑌿𑌲𑍋𑌚𑌨𑍇 ।
𑌭𑍀𑌮𑌰𑍂𑌪𑍇 𑌶𑌿𑌵𑍇 𑌵𑌿𑌦𑍍𑌯𑍇 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 2 ॥
𑌮𑌾𑌲𑌾𑌜𑌯𑍇 𑌜𑌯𑍇 𑌜𑌮𑍍𑌭𑍇 𑌭𑍂𑌤𑌾𑌕𑍍𑌷𑌿 𑌕𑍍𑌷𑍁𑌭𑌿𑌤𑍇𑌽𑌕𑍍𑌷𑌯𑍇 ।
𑌮𑌹𑌾𑌮𑌾𑌯𑍇 𑌮𑌹𑍇𑌶𑌾𑌨𑌿 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 3 ॥
𑌭𑍀𑌮𑌾𑌕𑍍𑌷𑌿 𑌭𑍀𑌷𑌣𑍇 𑌦𑍇𑌵𑌿 𑌸𑌰𑍍𑌵𑌭𑍂𑌤𑌕𑍍𑌷𑌯𑌙𑍍𑌕𑌰𑌿 ।
𑌕𑌾𑌲𑌿 𑌚 𑌵𑌿𑌕𑌰𑌾𑌲𑌿 𑌚 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 3 ॥
𑌕𑌾𑌲𑌿 𑌕𑌰𑌾𑌲𑌵𑌿𑌕𑍍𑌰𑌾𑌨𑍍𑌤𑍇 𑌕𑌾𑌮𑍇𑌶𑍍𑌵𑌰𑌿 𑌹𑌰𑌪𑍍𑌰𑌿𑌯𑍇 ।
𑌸𑌰𑍍𑌵𑌶𑌾𑌸𑍍𑌤𑍍𑌰𑌸𑌾𑌰𑌭𑍂𑌤𑍇 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥
𑌕𑌾𑌮𑌰𑍂𑌪𑌪𑍍𑌰𑌦𑍀𑌪𑍇 𑌚 𑌨𑍀𑌲𑌕𑍂𑌟𑌨𑌿𑌵𑌾𑌸𑌿𑌨𑌿 ।
𑌨𑌿𑌶𑍁𑌮𑍍𑌭𑌶𑍁𑌮𑍍𑌭𑌮𑌥𑌨𑌿 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 5 ॥
𑌕𑌾𑌮𑌾𑌖𑍍𑌯𑍇 𑌕𑌾𑌮𑌰𑍂𑌪𑌸𑍍𑌥𑍇 𑌕𑌾𑌮𑍇𑌶𑍍𑌵𑌰𑌿 𑌹𑌰𑌿𑌪𑍍𑌰𑌿𑌯𑍇 ।
𑌕𑌾𑌮𑌨𑌾𑌂 𑌦𑍇𑌹𑌿 𑌮𑍇 𑌨𑌿𑌤𑍍𑌯𑌂 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥
𑌵𑌪𑌾𑌨𑌾𑌢𑍍𑌯𑌮𑌹𑌾𑌵𑌕𑍍𑌤𑍍𑌰𑍇 𑌤𑌥𑌾 𑌤𑍍𑌰𑌿𑌭𑍁𑌵𑌨𑍇𑌶𑍍𑌵𑌰𑌿 ।
𑌮𑌹𑌿𑌷𑌾𑌸𑍁𑌰𑌵𑌧𑍇 𑌦𑍇𑌵𑌿 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 7 ॥
𑌛𑌾𑌗𑌤𑍁𑌷𑍍𑌟𑍇 𑌮𑌹𑌾𑌭𑍀𑌮𑍇 𑌕𑌾𑌮𑌾𑌖𑍍𑌯𑍇 𑌸𑍁𑌰𑌵𑌨𑍍𑌦𑌿𑌤𑍇 ।
𑌜𑌯 𑌕𑌾𑌮𑌪𑍍𑌰𑌦𑍇 𑌤𑍁𑌷𑍍𑌟𑍇 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 8 ॥
𑌭𑍍𑌰𑌷𑍍𑌟𑌰𑌾𑌜𑍍𑌯𑍋 𑌯𑌦𑌾 𑌰𑌾𑌜𑌾 𑌨𑌵𑌮𑍍𑌯𑌾𑌂 𑌨𑌿𑌯𑌤𑌃 𑌶𑍁𑌚𑌿𑌃 ।
𑌅𑌷𑍍𑌟𑌮𑍍𑌯𑌾𑌂 𑌚 𑌚𑌤𑍁𑌰𑍍𑌦𑌶𑍍𑌯𑌾𑌮𑍁𑌪𑌵𑌾𑌸𑍀 𑌨𑌰𑍋𑌤𑍍𑌤𑌮𑌃 ॥ 9 ॥
𑌸𑌂𑌵𑌤𑍍𑌸𑌰𑍇𑌣 𑌲𑌭𑌤𑍇 𑌰𑌾𑌜𑍍𑌯𑌂 𑌨𑌿𑌷𑍍𑌕𑌣𑍍𑌟𑌕𑌂 𑌪𑍁𑌨𑌃 ।
𑌯 𑌇𑌦𑌂 𑌶𑍃𑌣𑍁𑌯𑌾𑌦𑍍𑌭𑌕𑍍𑌤𑍍𑌯𑌾 𑌤𑌵 𑌦𑍇𑌵𑌿 𑌸𑌮𑍁𑌦𑍍𑌭𑌵𑌮𑍍 ।
𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌪𑌰𑌂 𑌨𑌿𑌰𑍍𑌵𑌾𑌣𑌮𑍃𑌚𑍍𑌛𑌤𑌿 ॥ 10 ॥
𑌶𑍍𑌰𑍀𑌕𑌾𑌮𑌰𑍂𑌪𑍇𑌶𑍍𑌵𑌰𑌿 𑌭𑌾𑌸𑍍𑌕𑌰𑌪𑍍𑌰𑌭𑍇𑌪𑍍𑌰𑌕𑌾𑌶𑌿𑌤𑌾𑌮𑍍𑌭𑍋𑌜𑌨𑌿𑌭𑌾𑌯𑌤𑌾𑌨𑌨𑍇 ।
𑌸𑍁𑌰𑌾𑌰𑌿𑌰𑌕𑍍𑌷𑌃𑌸𑍍𑌤𑍁𑌤𑌿𑌪𑌾𑌤𑌨𑍋𑌤𑍍𑌸𑍁𑌕𑍇𑌤𑍍𑌰𑌯𑍀𑌮𑌯𑍇 𑌦𑍇𑌵𑌨𑍁𑌤𑍇 𑌨𑌮𑌾𑌮𑌿 ॥ 11 ॥
𑌸𑌿𑌤𑌾𑌸𑌿𑌤𑍇 𑌰𑌕𑍍𑌤𑌪𑌿𑌶𑌙𑍍𑌗𑌵𑌿𑌗𑍍𑌰𑌹𑍇𑌰𑍂𑌪𑌾𑌣𑌿 𑌯𑌸𑍍𑌯𑌾𑌃 𑌪𑍍𑌰𑌤𑌿𑌭𑌾𑌨𑍍𑌤𑌿 𑌤𑌾𑌨𑌿 ।
𑌵𑌿𑌕𑌾𑌰𑌰𑍂𑌪𑌾 𑌚 𑌵𑌿𑌕𑌲𑍍𑌪𑌿𑌤𑌾𑌨𑌿𑌶𑍁𑌭𑌾𑌶𑍁𑌭𑌾𑌨𑌾𑌮𑌪𑌿 𑌤𑌾𑌂 𑌨𑌮𑌾𑌮𑌿 ॥ 12 ॥
𑌕𑌾𑌮𑌰𑍂𑌪𑌸𑌮𑍁𑌦𑍍𑌭𑍂𑌤𑍇 𑌕𑌾𑌮𑌪𑍀𑌠𑌾𑌵𑌤𑌂𑌸𑌕𑍇 ।
𑌵𑌿𑌶𑍍𑌵𑌾𑌧𑌾𑌰𑍇 𑌮𑌹𑌾𑌮𑌾𑌯𑍇 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 13 ॥
𑌅𑌵𑍍𑌯𑌕𑍍𑌤𑌵𑌿𑌗𑍍𑌰𑌹𑍇 𑌶𑌾𑌨𑍍𑌤𑍇 𑌸𑌨𑍍𑌤𑌤𑍇 𑌕𑌾𑌮𑌰𑍂𑌪𑌿𑌣𑌿 ।
𑌕𑌾𑌲𑌗𑌮𑍍𑌯𑍇 𑌪𑌰𑍇 𑌶𑌾𑌨𑍍𑌤𑍇 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 14 ॥
𑌯𑌾 𑌸𑍁𑌷𑍁𑌮𑍍𑌨𑌾𑌨𑍍𑌤𑌰𑌾𑌲𑌸𑍍𑌥𑌾 𑌚𑌿𑌨𑍍𑌤𑍍𑌯𑌤𑍇 𑌜𑍍𑌯𑍋𑌤𑌿𑌰𑍂𑌪𑌿𑌣𑍀 ।
𑌪𑍍𑌰𑌣𑌤𑍋𑌽𑌸𑍍𑌮𑌿 𑌪𑌰𑌾𑌂 𑌵𑍀𑌰𑌾𑌂 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 15 ॥
𑌦𑌂𑌷𑍍𑌟𑍍𑌰𑌾𑌕𑌰𑌾𑌲𑌵𑌦𑌨𑍇 𑌮𑍁𑌣𑍍𑌡𑌮𑌾𑌲𑍋𑌪𑌶𑍋𑌭𑌿𑌤𑍇 ।
𑌸𑌰𑍍𑌵𑌤𑌃 𑌸𑌰𑍍𑌵𑌗𑍇 𑌦𑍇𑌵𑌿 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 16 ॥
𑌚𑌾𑌮𑍁𑌣𑍍𑌡𑍇 𑌚 𑌮𑌹𑌾𑌕𑌾𑌲𑌿 𑌕𑌾𑌲𑌿 𑌕𑌪𑌾𑌲𑌹𑌾𑌰𑌿𑌣𑍀 ।
𑌪𑌾𑌶𑌹𑌸𑍍𑌤𑍇 𑌦𑌣𑍍𑌡𑌹𑌸𑍍𑌤𑍇 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 17 ॥
𑌚𑌾𑌮𑍁𑌣𑍍𑌡𑍇 𑌕𑍁𑌲𑌮𑌾𑌲𑌾𑌸𑍍𑌯𑍇 𑌤𑍀𑌕𑍍𑌷𑍍𑌣𑌦𑌂𑌷𑍍𑌟𑍍𑌰𑍇 𑌮𑌹𑌾𑌬𑌲𑍇 ।
𑌶𑌵𑌯𑌾𑌨𑌸𑍍𑌥𑌿𑌤𑍇 𑌦𑍇𑌵𑌿 𑌕𑌾𑌮𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 18 ॥
𑌇𑌤𑌿 𑌶𑍍𑌰𑍀 𑌕𑌾𑌮𑌾𑌖𑍍𑌯𑌾 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
jaya kāmeśi cāmuṇḍe jaya bhūtāpahāriṇi |
jaya sarvagate devi kāmeśvari namo'stu te || 1 ||
viśvamūrte śubhe śuddhe virūpākṣi trilocane |
bhīmarūpe śive vidye kāmeśvari namo'stu te || 2 ||
mālājaye jaye jambhe bhūtākṣi kṣubhite'kṣaye |
mahāmāye maheśāni kāmeśvari namo'stu te || 3 ||
bhīmākṣi bhīṣaṇe devi sarvabhūtakṣayaṅkari |
kāli ca vikarāli ca kāmeśvari namo'stu te || 3 ||
kāli karālavikrānte kāmeśvari harapriye |
sarvaśāstrasārabhūte kāmeśvari namo'stu te || 4 ||
kāmarūpapradīpe ca nīlakūṭanivāsini |
niśumbhaśumbhamathani kāmeśvari namo'stu te || 5 ||
kāmākhye kāmarūpasthe kāmeśvari haripriye |
kāmanāṃ dehi me nityaṃ kāmeśvari namo'stu te || 6 ||
vapānāḍhyamahāvaktre tathā tribhuvaneśvari |
mahiṣāsuravadhe devi kāmeśvari namo'stu te || 7 ||
chāgatuṣṭe mahābhīme kāmākhye suravandite |
jaya kāmaprade tuṣṭe kāmeśvari namo'stu te || 8 ||
bhraṣṭarājyo yadā rājā navamyāṃ niyataḥ śuciḥ |
aṣṭamyāṃ ca caturdaśyāmupavāsī narottamaḥ || 9 ||
saṃvatsareṇa labhate rājyaṃ niṣkaṇṭakaṃ punaḥ |
ya idaṃ śṛṇuyādbhaktyā tava devi samudbhavam |
sarvapāpavinirmuktaḥ paraṃ nirvāṇamṛcchati || 10 ||
śrīkāmarūpeśvari bhāskaraprabheprakāśitāmbhojanibhāyatānane |
surārirakṣaḥstutipātanotsuketrayīmaye devanute namāmi || 11 ||
sitāsite raktapiśaṅgavigraherūpāṇi yasyāḥ pratibhānti tāni |
vikārarūpā ca vikalpitāniśubhāśubhānāmapi tāṃ namāmi || 12 ||
kāmarūpasamudbhūte kāmapīṭhāvataṃsake |
viśvādhāre mahāmāye kāmeśvari namo'stu te || 13 ||
avyaktavigrahe śānte santate kāmarūpiṇi |
kālagamye pare śānte kāmeśvari namo'stu te || 14 ||
yā suṣumnāntarālasthā cintyate jyotirūpiṇī |
praṇato'smi parāṃ vīrāṃ kāmeśvari namo'stu te || 15 ||
daṃṣṭrākarālavadane muṇḍamālopaśobhite |
sarvataḥ sarvage devi kāmeśvari namo'stu te || 16 ||
cāmuṇḍe ca mahākāli kāli kapālahāriṇī |
pāśahaste daṇḍahaste kāmeśvari namo'stu te || 17 ||
cāmuṇḍe kulamālāsye tīkṣṇadaṃṣṭre mahābale |
śavayānasthite devi kāmeśvari namo'stu te || 18 ||
iti śrī kāmākhyā stotram |
InfoLyter.in — Sacred Vedic Knowledge Portal · Free forever