📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌗𑍋𑌵𑌿𑌨𑍍𑌦𑌾𑌷𑍍𑌟𑌕𑌂
Shri Govindashtakam
Vishnu Ashtakam Grantha
𑌸𑌤𑍍𑌯𑌂 𑌜𑍍𑌞𑌾𑌨𑌮𑌨𑌨𑍍𑌤𑌂 𑌨𑌿𑌤𑍍𑌯𑌮𑌨𑌾𑌕𑌾𑌶𑌂 𑌪𑌰𑌮𑌾𑌕𑌾𑌶𑌂
𑌗𑍋𑌷𑍍𑌠𑌪𑍍𑌰𑌾𑌙𑍍𑌗𑌣𑌰𑌿𑌙𑍍𑌖𑌣𑌲𑍋𑌲𑌮𑌨𑌾𑌯𑌾𑌸𑌂 𑌪𑌰𑌮𑌾𑌯𑌾𑌸𑌮𑍍 ।
𑌮𑌾𑌯𑌾𑌕𑌲𑍍𑌪𑌿𑌤𑌨𑌾𑌨𑌾𑌕𑌾𑌰𑌮𑌨𑌾𑌕𑌾𑌰𑌂 𑌭𑍁𑌵𑌨𑌾𑌕𑌾𑌰𑌂
𑌕𑍍𑌷𑍍𑌮𑌾𑌮𑌾𑌨𑌾𑌥𑌮𑌨𑌾𑌥𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 1 ॥
𑌮𑍃𑌤𑍍𑌸𑍍𑌨𑌾𑌮𑌤𑍍𑌸𑍀𑌹𑍇𑌤𑌿 𑌯𑌶𑍋𑌦𑌾𑌤𑌾𑌡𑌨𑌶𑍈𑌶𑌵𑌸𑌨𑍍𑌤𑍍𑌰𑌾𑌸𑌂
𑌵𑍍𑌯𑌾𑌦𑌿𑌤𑌵𑌕𑍍𑌤𑍍𑌰𑌾𑌲𑍋𑌕𑌿𑌤𑌲𑍋𑌕𑌾𑌲𑍋𑌕𑌚𑌤𑍁𑌰𑍍𑌦𑌶𑌲𑍋𑌕𑌾𑌲𑌿𑌮𑍍 ।
𑌲𑍋𑌕𑌤𑍍𑌰𑌯𑌪𑍁𑌰𑌮𑍂𑌲𑌸𑍍𑌤𑌮𑍍𑌭𑌂 𑌲𑍋𑌕𑌾𑌲𑍋𑌕𑌮𑌨𑌾𑌲𑍋𑌕𑌂
𑌲𑍋𑌕𑍇𑌶𑌂 𑌪𑌰𑌮𑍇𑌶𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 2 ॥
𑌤𑍍𑌰𑍈𑌵𑌿𑌷𑍍𑌟𑌪𑌰𑌿𑌪𑍁𑌵𑍀𑌰𑌘𑍍𑌨𑌂 𑌕𑍍𑌷𑌿𑌤𑌿𑌭𑌾𑌰𑌘𑍍𑌨𑌂 𑌭𑌵𑌰𑍋𑌗𑌘𑍍𑌨𑌂
𑌕𑍈𑌵𑌲𑍍𑌯𑌂 𑌨𑌵𑌨𑍀𑌤𑌾𑌹𑌾𑌰𑌮𑌨𑌾𑌹𑌾𑌰𑌂 𑌭𑍁𑌵𑌨𑌾𑌹𑌾𑌰𑌮𑍍 ।
𑌵𑍈𑌮𑌲𑍍𑌯𑌸𑍍𑌫𑍁𑌟𑌚𑍇𑌤𑍋𑌵𑍃𑌤𑍍𑌤𑌿𑌵𑌿𑌶𑍇𑌷𑌾𑌭𑌾𑌸𑌮𑌨𑌾𑌭𑌾𑌸𑌂
𑌶𑍈𑌵𑌂 𑌕𑍇𑌵𑌲𑌶𑌾𑌨𑍍𑌤𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 3 ॥
𑌗𑍋𑌪𑌾𑌲𑌂 𑌪𑍍𑌰𑌭𑍁𑌲𑍀𑌲𑌾𑌵𑌿𑌗𑍍𑌰𑌹𑌗𑍋𑌪𑌾𑌲𑌂 𑌕𑍁𑌲𑌗𑍋𑌪𑌾𑌲𑌂
𑌗𑍋𑌪𑍀𑌖𑍇𑌲𑌨𑌗𑍋𑌵𑌰𑍍𑌧𑌨𑌧𑍃𑌤𑌿𑌲𑍀𑌲𑌾𑌲𑌾𑌲𑌿𑌤𑌗𑍋𑌪𑌾𑌲𑌮𑍍 ।
𑌗𑍋𑌭𑌿𑌰𑍍𑌨𑌿𑌗𑌦𑌿𑌤𑌗𑍋𑌵𑌿𑌨𑍍𑌦𑌸𑍍𑌫𑍁𑌟𑌨𑌾𑌮𑌾𑌨𑌂 𑌬𑌹𑍁𑌨𑌾𑌮𑌾𑌨𑌂
𑌗𑍋𑌧𑍀𑌗𑍋𑌚𑌰𑌦𑍂𑌰𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 4 ॥
𑌗𑍋𑌪𑍀𑌮𑌣𑍍𑌡𑌲𑌗𑍋𑌷𑍍𑌠𑍀𑌭𑍇𑌦𑌂 𑌭𑍇𑌦𑌾𑌵𑌸𑍍𑌥𑌮𑌭𑍇𑌦𑌾𑌭𑌂
𑌶𑌶𑍍𑌵𑌦𑍍𑌗𑍋𑌖𑍁𑌰𑌨𑌿𑌰𑍍𑌧𑍂𑌤𑍋𑌦𑍍𑌗𑌤𑌧𑍂𑌲𑍀𑌧𑍂𑌸𑌰𑌸𑍗𑌭𑌾𑌗𑍍𑌯𑌮𑍍 ।
𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌗𑍃𑌹𑍀𑌤𑌾𑌨𑌨𑍍𑌦𑌮𑌚𑌿𑌨𑍍𑌤𑍍𑌯𑌂 𑌚𑌿𑌨𑍍𑌤𑌿𑌤𑌸𑌦𑍍𑌭𑌾𑌵𑌂
𑌚𑌿𑌨𑍍𑌤𑌾𑌮𑌣𑌿𑌮𑌹𑌿𑌮𑌾𑌨𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 5 ॥
𑌸𑍍𑌨𑌾𑌨𑌵𑍍𑌯𑌾𑌕𑍁𑌲𑌯𑍋𑌷𑌿𑌦𑍍𑌵𑌸𑍍𑌤𑍍𑌰𑌮𑍁𑌪𑌾𑌦𑌾𑌯𑌾𑌗𑌮𑍁𑌪𑌾𑌰𑍂𑌢𑌂
𑌵𑍍𑌯𑌾𑌦𑌿𑌤𑍍𑌸𑌨𑍍𑌤𑍀𑌰𑌥 𑌦𑌿𑌗𑍍𑌵𑌸𑍍𑌤𑍍𑌰𑌾 𑌦𑌾𑌤𑍁𑌮𑍁𑌪𑌾𑌕𑌰𑍍𑌷𑌨𑍍𑌤𑌂 𑌤𑌾𑌃 ।
𑌨𑌿𑌰𑍍𑌧𑍂𑌤𑌦𑍍𑌵𑌯𑌶𑍋𑌕𑌵𑌿𑌮𑍋𑌹𑌂 𑌬𑍁𑌦𑍍𑌧𑌂 𑌬𑍁𑌦𑍍𑌧𑍇𑌰𑌨𑍍𑌤𑌃𑌸𑍍𑌥𑌂
𑌸𑌤𑍍𑌤𑌾𑌮𑌾𑌤𑍍𑌰𑌶𑌰𑍀𑌰𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 6 ॥
𑌕𑌾𑌨𑍍𑌤𑌂 𑌕𑌾𑌰𑌣𑌕𑌾𑌰𑌣𑌮𑌾𑌦𑌿𑌮𑌨𑌾𑌦𑌿𑌂 𑌕𑌾𑌲𑌘𑌨𑌾𑌭𑌾𑌸𑌂
𑌕𑌾𑌲𑌿𑌨𑍍𑌦𑍀𑌗𑌤𑌕𑌾𑌲𑌿𑌯𑌶𑌿𑌰𑌸𑌿 𑌸𑍁𑌨𑍃𑌤𑍍𑌯𑌨𑍍𑌤𑌂 𑌮𑍁𑌹𑍁𑌰𑌤𑍍𑌯𑌨𑍍𑌤𑌮𑍍 ।
𑌕𑌾𑌲𑌂 𑌕𑌾𑌲𑌕𑌲𑌾𑌤𑍀𑌤𑌂 𑌕𑌲𑌿𑌤𑌾𑌶𑍇𑌷𑌂 𑌕𑌲𑌿𑌦𑍋𑌷𑌘𑍍𑌨𑌂
𑌕𑌾𑌲𑌤𑍍𑌰𑌯𑌗𑌤𑌿𑌹𑍇𑌤𑍁𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 7 ॥
𑌬𑍃𑌨𑍍𑌦𑌾𑌵𑌨𑌭𑍁𑌵𑌿 𑌬𑍃𑌨𑍍𑌦𑌾𑌰𑌕𑌗𑌣𑌬𑍃𑌨𑍍𑌦𑌾𑌰𑌾𑌧𑌿𑌤𑌵𑌨𑍍𑌦𑍍𑌯𑌾𑌯𑌾𑌂
𑌕𑍁𑌨𑍍𑌦𑌾𑌭𑌾𑌮𑌲𑌮𑌨𑍍𑌦𑌸𑍍𑌮𑍇𑌰𑌸𑍁𑌧𑌾𑌨𑌨𑍍𑌦𑌂 𑌸𑍁𑌮𑌹𑌾𑌨𑌨𑍍𑌦𑌮𑍍 ।
𑌵𑌨𑍍𑌦𑍍𑌯𑌾𑌶𑍇𑌷𑌮𑌹𑌾𑌮𑍁𑌨𑌿𑌮𑌾𑌨𑌸𑌵𑌨𑍍𑌦𑍍𑌯𑌾𑌨𑌨𑍍𑌦𑌪𑌦𑌦𑍍𑌵𑌨𑍍𑌦𑍍𑌵𑌂
𑌨𑌨𑍍𑌦𑍍𑌯𑌾𑌶𑍇𑌷𑌗𑍁𑌣𑌾𑌬𑍍𑌧𑌿𑌂 𑌪𑍍𑌰𑌣𑌮𑌤 𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌮𑍍 ॥ 8 ॥
𑌗𑍋𑌵𑌿𑌨𑍍𑌦𑌾𑌷𑍍𑌟𑌕𑌮𑍇𑌤𑌦𑌧𑍀𑌤𑍇 𑌗𑍋𑌵𑌿𑌨𑍍𑌦𑌾𑌰𑍍𑌪𑌿𑌤𑌚𑍇𑌤𑌾 𑌯𑍋
𑌗𑍋𑌵𑌿𑌨𑍍𑌦𑌾𑌚𑍍𑌯𑍁𑌤 𑌮𑌾𑌧𑌵 𑌵𑌿𑌷𑍍𑌣𑍋 𑌗𑍋𑌕𑍁𑌲𑌨𑌾𑌯𑌕 𑌕𑍃𑌷𑍍𑌣𑍇𑌤𑌿 ।
𑌗𑍋𑌵𑌿𑌨𑍍𑌦𑌾𑌙𑍍𑌘𑍍𑌰𑌿𑌸𑌰𑍋𑌜𑌧𑍍𑌯𑌾𑌨𑌸𑍁𑌧𑌾𑌜𑌲𑌧𑍗𑌤𑌸𑌮𑌸𑍍𑌤𑌾𑌘𑍋
𑌗𑍋𑌵𑌿𑌨𑍍𑌦𑌂 𑌪𑌰𑌮𑌾𑌨𑌨𑍍𑌦𑌾𑌮𑍃𑌤𑌮𑌨𑍍𑌤𑌃𑌸𑍍𑌥𑌂 𑌸 𑌤𑌮𑌭𑍍𑌯𑍇𑌤𑌿 ॥ 9 ॥
𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌨𑍍𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌭𑌗𑌵𑌤𑌃 𑌕𑍃𑌤𑍗 𑌶𑍍𑌰𑍀 𑌗𑍋𑌵𑌿𑌨𑍍𑌦𑌾𑌷𑍍𑌟𑌕𑌮𑍍 ।
Roman (IAST) Transliteration
satyaṃ jñānamanantaṃ nityamanākāśaṃ paramākāśaṃ
goṣṭhaprāṅgaṇariṅkhaṇalolamanāyāsaṃ paramāyāsam |
māyākalpitanānākāramanākāraṃ bhuvanākāraṃ
kṣmāmānāthamanāthaṃ praṇamata govindaṃ paramānandam || 1 ||
mṛtsnāmatsīheti yaśodātāḍanaśaiśavasantrāsaṃ
vyāditavaktrālokitalokālokacaturdaśalokālim |
lokatrayapuramūlastambhaṃ lokālokamanālokaṃ
lokeśaṃ parameśaṃ praṇamata govindaṃ paramānandam || 2 ||
traiviṣṭaparipuvīraghnaṃ kṣitibhāraghnaṃ bhavarogaghnaṃ
kaivalyaṃ navanītāhāramanāhāraṃ bhuvanāhāram |
vaimalyasphuṭacetovṛttiviśeṣābhāsamanābhāsaṃ
śaivaṃ kevalaśāntaṃ praṇamata govindaṃ paramānandam || 3 ||
gopālaṃ prabhulīlāvigrahagopālaṃ kulagopālaṃ
gopīkhelanagovardhanadhṛtilīlālālitagopālam |
gobhirnigaditagovindasphuṭanāmānaṃ bahunāmānaṃ
godhīgocaradūraṃ praṇamata govindaṃ paramānandam || 4 ||
gopīmaṇḍalagoṣṭhībhedaṃ bhedāvasthamabhedābhaṃ
śaśvadgokhuranirdhūtodgatadhūlīdhūsarasaubhāgyam |
śraddhābhaktigṛhītānandamacintyaṃ cintitasadbhāvaṃ
cintāmaṇimahimānaṃ praṇamata govindaṃ paramānandam || 5 ||
snānavyākulayoṣidvastramupādāyāgamupārūḍhaṃ
vyāditsantīratha digvastrā dātumupākarṣantaṃ tāḥ |
nirdhūtadvayaśokavimohaṃ buddhaṃ buddherantaḥsthaṃ
sattāmātraśarīraṃ praṇamata govindaṃ paramānandam || 6 ||
kāntaṃ kāraṇakāraṇamādimanādiṃ kālaghanābhāsaṃ
kālindīgatakāliyaśirasi sunṛtyantaṃ muhuratyantam |
kālaṃ kālakalātītaṃ kalitāśeṣaṃ kalidoṣaghnaṃ
kālatrayagatihetuṃ praṇamata govindaṃ paramānandam || 7 ||
bṛndāvanabhuvi bṛndārakagaṇabṛndārādhitavandyāyāṃ
kundābhāmalamandasmerasudhānandaṃ sumahānandam |
vandyāśeṣamahāmunimānasavandyānandapadadvandvaṃ
nandyāśeṣaguṇābdhiṃ praṇamata govindaṃ paramānandam || 8 ||
govindāṣṭakametadadhīte govindārpitacetā yo
govindācyuta mādhava viṣṇo gokulanāyaka kṛṣṇeti |
govindāṅghrisarojadhyānasudhājaladhautasamastāgho
govindaṃ paramānandāmṛtamantaḥsthaṃ sa tamabhyeti || 9 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī govindāṣṭakam |
InfoLyter.in — Sacred Vedic Knowledge Portal · Free forever