📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌸𑌹𑌸𑍍𑌰 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Shri Dattatreya Sahasra Nama Stotram
Dattatreya Stotram Grantha
𑌮𑍁𑌨𑌯𑌃 𑌊𑌚𑍁𑌃
𑌨𑌿𑌖𑌿𑌲𑌾𑌗𑌮𑌤𑌤𑍍𑌤𑍍𑌵𑌜𑍍𑌞 𑌬𑍍𑌰𑌹𑍍𑌮𑌧𑍍𑌯𑌾𑌨𑌪𑌰𑌾𑌯𑌣 ।
𑌵𑌦𑌾𑌸𑍍𑌮𑌾𑌕𑌂 𑌮𑍁𑌕𑍍𑌤𑍍𑌯𑍁𑌪𑌾𑌯𑌂 𑌸𑍂𑌤 𑌸𑌰𑍍𑌵𑍋𑌪𑌕𑌾𑌰𑌕𑌮𑍍 ॥ 1 ॥
𑌸𑌰𑍍𑌵𑌦𑍇𑌵𑍇𑌷𑍁 𑌕𑍋 𑌦𑍇𑌵𑌃 𑌸𑌦𑍍𑌯𑍋 𑌮𑍋𑌕𑍍𑌷𑌪𑍍𑌰𑌦𑍋 𑌭𑌵𑍇𑌤𑍍 ।
𑌕𑍋 𑌮𑌨𑍁𑌰𑍍𑌵𑌾 𑌭𑌵𑍇𑌤𑍍𑌤𑌸𑍍𑌯 𑌸𑌦𑍍𑌯𑌃 𑌪𑍍𑌰𑍀𑌤𑌿𑌕𑌰𑍋 𑌧𑍍𑌰𑍁𑌵𑌮𑍍 ॥ 2 ॥
𑌸𑍂𑌤 𑌉𑌵𑌾𑌚 ।
𑌨𑌿𑌗𑌮𑌾𑌗𑌮𑌤𑌤𑍍𑌤𑍍𑌵𑌜𑍍𑌞𑍋 𑌹𑍍𑌯𑌵𑌧𑍂𑌤𑌶𑍍𑌚𑌿𑌦𑌮𑍍𑌬𑌰𑌃 ।
𑌭𑌕𑍍𑌤𑌵𑌾𑌤𑍍𑌸𑌲𑍍𑌯𑌪𑍍𑌰𑌵𑌣𑍋 𑌦𑌤𑍍𑌤 𑌏𑌵 𑌹𑌿 𑌕𑍇𑌵𑌲𑌃 ॥ 3 ॥
𑌸𑌦𑌾 𑌪𑍍𑌰𑌸𑌨𑍍𑌨𑌵𑌦𑌨𑍋 𑌭𑌕𑍍𑌤𑌚𑌿𑌨𑍍𑌤𑍈𑌕𑌤𑌤𑍍𑌪𑌰𑌃 ।
𑌤𑌸𑍍𑌯 𑌨𑌾𑌮𑌾𑌨𑍍𑌯𑌨𑌨𑍍𑌤𑌾𑌨𑌿 𑌵𑌰𑍍𑌤𑌨𑍍𑌤𑍇𑌽𑌥𑌾𑌪𑍍𑌯𑌦𑌃 𑌪𑌰𑌮𑍍 ॥ 4 ॥
𑌦𑌤𑍍𑌤𑌸𑍍𑌯 𑌨𑌾𑌮𑌸𑌾𑌹𑌸𑍍𑌰𑌂 𑌤𑌸𑍍𑌯 𑌪𑍍𑌰𑍀𑌤𑌿𑌵𑌿𑌵𑌰𑍍𑌧𑌨𑌮𑍍 ।
𑌯𑌸𑍍𑌤𑍍𑌵𑌿𑌦𑌂 𑌪𑌠𑌤𑍇 𑌨𑌿𑌤𑍍𑌯𑌂 𑌦𑌤𑍍𑌤𑌾𑌤𑍍𑌰𑍇𑌯𑍈𑌕𑌮𑌾𑌨𑌸𑌃 ॥ 5 ॥
𑌮𑍁𑌚𑍍𑌯𑌤𑍇 𑌸𑌰𑍍𑌵𑌪𑌾𑌪𑍇𑌭𑍍𑌯𑌃 𑌸 𑌸𑌦𑍍𑌯𑍋 𑌨𑌾𑌤𑍍𑌰 𑌸𑌂𑌶𑌯𑌃 ।
𑌅𑌨𑍍𑌤𑍇 𑌤𑌦𑍍𑌧𑌾𑌮 𑌸𑌂𑌯𑌾𑌤𑌿 𑌪𑍁𑌨𑌰𑌾𑌵𑍃𑌤𑍍𑌤𑌿𑌦𑍁𑌰𑍍𑌲𑌭𑌮𑍍 ॥ 6 ॥
𑌅𑌸𑍍𑌯 𑌶𑍍𑌰𑍀𑌮𑌦𑍍𑌦𑌤𑍍𑌤𑌾𑌤𑍍𑌰𑍇𑌯𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌮𑌨𑍍𑌤𑍍𑌰𑌸𑍍𑌯 𑌅𑌵𑌧𑍂𑌤 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃, 𑌦𑌿𑌗𑌮𑍍𑌬𑌰𑍋 𑌦𑍇𑌵𑌤𑌾, 𑍐 𑌬𑍀𑌜𑌂, 𑌹𑍍𑌰𑍀𑌂 𑌶𑌕𑍍𑌤𑌿𑌃, 𑌕𑍍𑌰𑍗𑌂 𑌕𑍀𑌲𑌕𑌂, 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌅𑌥 𑌧𑍍𑌯𑌾𑌨𑌮𑍍
𑌦𑌿𑌗𑌮𑍍𑌬𑌰𑌂 𑌭𑌸𑍍𑌮𑌵𑌿𑌲𑍇𑌪𑌿𑌤𑌾𑌙𑍍𑌗𑌂
𑌬𑍋𑌧𑌾𑌤𑍍𑌮𑌕𑌂 𑌮𑍁𑌕𑍍𑌤𑌿𑌕𑌰𑌂 𑌪𑍍𑌰𑌸𑌨𑍍𑌨𑌮𑍍 ।
𑌨𑌿𑌰𑍍𑌮𑌾𑌨𑌸𑌂 𑌶𑍍𑌯𑌾𑌮𑌤𑌨𑍁𑌂 𑌭𑌜𑍇𑌽𑌹𑌂
𑌦𑌤𑍍𑌤𑌾𑌤𑍍𑌰𑍇𑌯𑌂 𑌬𑍍𑌰𑌹𑍍𑌮𑌸𑌮𑌾𑌧𑌿𑌯𑍁𑌕𑍍𑌤𑌮𑍍 ॥
𑌅𑌥 𑌸𑍍𑌤𑍋𑌤𑍍𑌰𑌮𑍍
𑌦𑌤𑍍𑌤𑌾𑌤𑍍𑌰𑍇𑌯𑍋 𑌮𑌹𑌾𑌯𑍋𑌗𑍀 𑌯𑍋𑌗𑍇𑌶𑌶𑍍𑌚𑌾𑌮𑌰𑌪𑍍𑌰𑌭𑍁𑌃 ।
𑌮𑍁𑌨𑌿𑌰𑍍𑌦𑌿𑌗𑌮𑍍𑌬𑌰𑍋 𑌬𑌾𑌲𑍋 𑌮𑌾𑌯𑌾𑌮𑍁𑌕𑍍𑌤𑍋 𑌮𑌦𑌾𑌪𑌹𑌃 ॥ 1 ॥
𑌅𑌵𑌧𑍂𑌤𑍋 𑌮𑌹𑌾𑌨𑌾𑌥𑌃 𑌶𑌙𑍍𑌕𑌰𑍋𑌽𑌮𑌰𑌵𑌲𑍍𑌲𑌭𑌃 ।
𑌮𑌹𑌾𑌦𑍇𑌵𑌶𑍍𑌚𑌾𑌦𑌿𑌦𑍇𑌵𑌃 𑌪𑍁𑌰𑌾𑌣𑌪𑍍𑌰𑌭𑍁𑌰𑍀𑌶𑍍𑌵𑌰𑌃 ॥ 2 ॥
𑌸𑌤𑍍𑌤𑍍𑌵𑌕𑍃𑌤𑍍𑌸𑌤𑍍𑌤𑍍𑌵𑌭𑍃𑌦𑍍𑌭𑌾𑌵𑌃 𑌸𑌤𑍍𑌤𑍍𑌵𑌾𑌤𑍍𑌮𑌾 𑌸𑌤𑍍𑌤𑍍𑌵𑌸𑌾𑌗𑌰𑌃 ।
𑌸𑌤𑍍𑌤𑍍𑌵𑌵𑌿𑌤𑍍𑌸𑌤𑍍𑌤𑍍𑌵𑌸𑌾𑌕𑍍𑌷𑍀 𑌚 𑌸𑌤𑍍𑌤𑍍𑌵𑌸𑌾𑌧𑍍𑌯𑍋𑌽𑌮𑌰𑌾𑌧𑌿𑌪𑌃 ॥ 3 ॥
𑌭𑍂𑌤𑌕𑍃𑌦𑍍𑌭𑍂𑌤𑌭𑍃𑌚𑍍𑌚𑍈𑌵 𑌭𑍂𑌤𑌾𑌤𑍍𑌮𑌾 𑌭𑍂𑌤𑌸𑌮𑍍𑌭𑌵𑌃 ।
𑌭𑍂𑌤𑌭𑌾𑌵𑍋 𑌭𑌵𑍋 𑌭𑍂𑌤𑌵𑌿𑌤𑍍𑌤𑌥𑌾 𑌭𑍂𑌤𑌕𑌾𑌰𑌣𑌃 ॥ 4 ॥
𑌭𑍂𑌤𑌸𑌾𑌕𑍍𑌷𑍀 𑌪𑍍𑌰𑌭𑍂𑌤𑌿𑌶𑍍𑌚 𑌭𑍂𑌤𑌾𑌨𑌾𑌂 𑌪𑌰𑌮𑌾 𑌗𑌤𑌿𑌃 ।
𑌭𑍂𑌤𑌸𑌙𑍍𑌗𑌵𑌿𑌹𑍀𑌨𑌾𑌤𑍍𑌮𑌾 𑌭𑍂𑌤𑌾𑌤𑍍𑌮𑌾 𑌭𑍂𑌤𑌶𑌙𑍍𑌕𑌰𑌃 ॥ 5 ॥
𑌭𑍂𑌤𑌨𑌾𑌥𑍋 𑌮𑌹𑌾𑌨𑌾𑌥 𑌆𑌦𑌿𑌨𑌾𑌥𑍋 𑌮𑌹𑍇𑌶𑍍𑌵𑌰𑌃 ।
𑌸𑌰𑍍𑌵𑌭𑍂𑌤𑌨𑌿𑌵𑌾𑌸𑌾𑌤𑍍𑌮𑌾 𑌭𑍂𑌤𑌸𑌨𑍍𑌤𑌾𑌪𑌨𑌾𑌶𑌨𑌃 ॥ 6 ॥
𑌸𑌰𑍍𑌵𑌾𑌤𑍍𑌮𑌾 𑌸𑌰𑍍𑌵𑌭𑍃𑌤𑍍𑌸𑌰𑍍𑌵𑌃 𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌨𑌿𑌰𑍍𑌣𑌯𑌃 ।
𑌸𑌰𑍍𑌵𑌸𑌾𑌕𑍍𑌷𑍀 𑌬𑍃𑌹𑌦𑍍𑌭𑌾𑌨𑍁𑌃 𑌸𑌰𑍍𑌵𑌵𑌿𑌤𑍍 𑌸𑌰𑍍𑌵𑌮𑌙𑍍𑌗𑌲𑌃 ॥ 7 ॥
𑌶𑌾𑌨𑍍𑌤𑌃 𑌸𑌤𑍍𑌯𑌃 𑌸𑌮𑌃 𑌪𑍂𑌰𑍍𑌣𑍋 𑌏𑌕𑌾𑌕𑍀 𑌕𑌮𑌲𑌾𑌪𑌤𑌿𑌃 ।
𑌰𑌾𑌮𑍋 𑌰𑌾𑌮𑌪𑍍𑌰𑌿𑌯𑌶𑍍𑌚𑍈𑌵 𑌵𑌿𑌰𑌾𑌮𑍋 𑌰𑌾𑌮𑌕𑌾𑌰𑌣𑌃 ॥ 8 ॥
𑌶𑍁𑌦𑍍𑌧𑌾𑌤𑍍𑌮𑌾 𑌪𑌾𑌵𑌨𑍋𑌽𑌨𑌨𑍍𑌤𑌃 𑌪𑍍𑌰𑌤𑍀𑌤𑌃 𑌪𑌰𑌮𑌾𑌰𑍍𑌥𑌭𑍃𑌤𑍍 ।
𑌹𑌂𑌸𑌸𑌾𑌕𑍍𑌷𑍀 𑌵𑌿𑌭𑍁𑌶𑍍𑌚𑍈𑌵 𑌪𑍍𑌰𑌭𑍁𑌃 𑌪𑍍𑌰𑌲𑌯 𑌇𑌤𑍍𑌯𑌪𑌿 ॥ 9 ॥
𑌸𑌿𑌦𑍍𑌧𑌾𑌤𑍍𑌮𑌾 𑌪𑌰𑌮𑌾𑌤𑍍𑌮𑌾 𑌚 𑌸𑌿𑌦𑍍𑌧𑌾𑌨𑌾𑌂 𑌪𑌰𑌮𑌾 𑌗𑌤𑌿𑌃 ।
𑌸𑌿𑌦𑍍𑌧𑌿𑌸𑌿𑌦𑍍𑌧𑌸𑍍𑌤𑌥𑌾 𑌸𑌾𑌧𑍍𑌯𑌃 𑌸𑌾𑌧𑌨𑍋 𑌹𑍍𑌯𑍁𑌤𑍍𑌤𑌮𑌸𑍍𑌤𑌥𑌾 ॥ 10 ॥
𑌸𑍁𑌲𑌕𑍍𑌷𑌣𑌃 𑌸𑍁𑌮𑍇𑌧𑌾𑌵𑍀 𑌵𑌿𑌦𑍍𑌯𑌾𑌵𑌾𑌨𑍍𑌵𑌿𑌗𑌤𑌾𑌨𑍍𑌤𑌰𑌃 ।
𑌵𑌿𑌜𑍍𑌵𑌰𑌶𑍍𑌚 𑌮𑌹𑌾𑌬𑌾𑌹𑍁𑌰𑍍𑌬𑌹𑍁𑌲𑌾𑌨𑌨𑍍𑌦𑌵𑌰𑍍𑌧𑌨𑌃 ॥ 11 ॥
𑌅𑌵𑍍𑌯𑌕𑍍𑌤𑌪𑍁𑌰𑍁𑌷𑌃 𑌪𑍍𑌰𑌾𑌜𑍍𑌞𑌃 𑌪𑌰𑌜𑍍𑌞𑌃 𑌪𑌰𑌮𑌾𑌰𑍍𑌥𑌦𑍃𑌕𑍍 ।
𑌪𑌰𑌾𑌪𑌰𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌯𑍁𑌕𑍍𑌤𑌸𑍍𑌤𑌤𑍍𑌤𑍍𑌵𑌪𑍍𑌰𑌕𑌾𑌶𑌵𑌾𑌨𑍍 ॥ 12 ॥
𑌦𑌯𑌾𑌵𑌾𑌨𑍍 𑌭𑌗𑌵𑌾𑌨𑍍 𑌭𑌾𑌵𑍀 𑌭𑌾𑌵𑌾𑌤𑍍𑌮𑌾 𑌭𑌾𑌵𑌕𑌾𑌰𑌣𑌃 ।
𑌭𑌵𑌸𑌨𑍍𑌤𑌾𑌪𑌨𑌾𑌶𑌶𑍍𑌚 𑌪𑍁𑌷𑍍𑌪𑌵𑌾𑌨𑍍 𑌪𑌣𑍍𑌡𑌿𑌤𑍋 𑌬𑍁𑌧𑌃 ॥ 13 ॥
𑌪𑍍𑌰𑌤𑍍𑌯𑌕𑍍𑌷𑌵𑌸𑍍𑌤𑍁𑌰𑍍𑌵𑌿𑌶𑍍𑌵𑌾𑌤𑍍𑌮𑌾 𑌪𑍍𑌰𑌤𑍍𑌯𑌗𑍍𑌬𑍍𑌰𑌹𑍍𑌮 𑌸𑌨𑌾𑌤𑌨𑌃 ।
𑌪𑍍𑌰𑌮𑌾𑌣𑌵𑌿𑌗𑌤𑌶𑍍𑌚𑍈𑌵 𑌪𑍍𑌰𑌤𑍍𑌯𑌾𑌹𑌾𑌰𑌨𑌿𑌯𑍋𑌜𑌕𑌃 ॥ 14 ॥
𑌪𑍍𑌰𑌣𑌵𑌃 𑌪𑍍𑌰𑌣𑌵𑌾𑌤𑍀𑌤𑌃 𑌪𑍍𑌰𑌮𑍁𑌖𑌃 𑌪𑍍𑌰𑌲𑌯𑌾𑌤𑍍𑌮𑌕𑌃 ।
𑌮𑍃𑌤𑍍𑌯𑍁𑌞𑍍𑌜𑌯𑍋 𑌵𑌿𑌵𑌿𑌕𑍍𑌤𑌾𑌤𑍍𑌮𑌾 𑌶𑌙𑍍𑌕𑌰𑌾𑌤𑍍𑌮𑌾 𑌪𑌰𑍋 𑌵𑌪𑍁𑌃 ॥ 15 ॥
𑌪𑌰𑌮𑌸𑍍𑌤𑌨𑍁𑌵𑌿𑌜𑍍𑌞𑍇𑌯𑌃 𑌪𑌰𑌮𑌾𑌤𑍍𑌮𑌨𑌿 𑌸𑌂𑌸𑍍𑌥𑌿𑌤𑌃 ।
𑌪𑍍𑌰𑌬𑍋𑌧𑌕𑌲𑌨𑌾𑌧𑌾𑌰𑌃 𑌪𑍍𑌰𑌭𑌾𑌵𑌪𑍍𑌰𑌵𑌰𑍋𑌤𑍍𑌤𑌮𑌃 ॥ 16 ॥
𑌚𑌿𑌦𑌮𑍍𑌬𑌰𑌶𑍍𑌚𑌿𑌦𑍍𑌵𑌿𑌲𑌾𑌸𑌶𑍍𑌚𑌿𑌦𑌾𑌕𑌾𑌶𑌶𑍍𑌚𑌿𑌦𑍁𑌤𑍍𑌤𑌮𑌃 ।
𑌚𑌿𑌤𑍍𑌤𑌚𑍈𑌤𑌨𑍍𑌯𑌚𑌿𑌤𑍍𑌤𑌾𑌤𑍍𑌮𑌾 𑌦𑍇𑌵𑌾𑌨𑌾𑌂 𑌪𑌰𑌮𑌾 𑌗𑌤𑌿𑌃 ॥ 17 ॥
𑌅𑌚𑍇𑌤𑍍𑌯𑌶𑍍𑌚𑍇𑌤𑌨𑌾𑌧𑌾𑌰𑌶𑍍𑌚𑍇𑌤𑌨𑌾𑌚𑌿𑌤𑍍𑌤𑌵𑌿𑌕𑍍𑌰𑌮𑌃 ।
𑌚𑌿𑌤𑍍𑌤𑌾𑌤𑍍𑌮𑌾 𑌚𑍇𑌤𑌨𑌾𑌰𑍂𑌪𑍋 𑌲𑌸𑌤𑍍𑌪𑌙𑍍𑌕𑌜𑌲𑍋𑌚𑌨𑌃 ॥ 18 ॥
𑌪𑌰𑌂 𑌬𑍍𑌰𑌹𑍍𑌮 𑌪𑌰𑌂 𑌜𑍍𑌯𑍋𑌤𑌿𑌃 𑌪𑌰𑌂 𑌧𑌾𑌮 𑌪𑌰𑌨𑍍𑌤𑌪𑌃 ।
𑌪𑌰𑌂 𑌸𑍂𑌤𑍍𑌰𑌂 𑌪𑌰𑌂 𑌤𑌨𑍍𑌤𑍍𑌰𑌂 𑌪𑌵𑌿𑌤𑍍𑌰𑌃 𑌪𑌰𑌮𑍋𑌹𑌵𑌾𑌨𑍍 ॥ 19 ॥
𑌕𑍍𑌷𑍇𑌤𑍍𑌰𑌜𑍍𑌞𑌃 𑌕𑍍𑌷𑍇𑌤𑍍𑌰𑌗𑌃 𑌕𑍍𑌷𑍇𑌤𑍍𑌰𑌃 𑌕𑍍𑌷𑍇𑌤𑍍𑌰𑌾𑌧𑌾𑌰𑌃 𑌪𑍁𑌰𑌞𑍍𑌜𑌨𑌃 ।
𑌕𑍍𑌷𑍇𑌤𑍍𑌰𑌶𑍂𑌨𑍍𑌯𑍋 𑌲𑍋𑌕𑌸𑌾𑌕𑍍𑌷𑍀 𑌕𑍍𑌷𑍇𑌤𑍍𑌰𑌵𑌾𑌨𑍍 𑌬𑌹𑍁𑌨𑌾𑌯𑌕𑌃 ॥ 20 ॥
𑌯𑍋𑌗𑍇𑌨𑍍𑌦𑍍𑌰𑍋 𑌯𑍋𑌗𑌪𑍂𑌜𑍍𑌯𑌶𑍍𑌚 𑌯𑍋𑌗𑍍𑌯 𑌆𑌤𑍍𑌮𑌵𑌿𑌦𑌾𑌂 𑌶𑍁𑌚𑌿𑌃 ।
𑌯𑍋𑌗𑌮𑌾𑌯𑌾𑌧𑌰𑌃 𑌸𑍍𑌥𑌾𑌣𑍁𑌰𑌚𑌲𑌃 𑌕𑌮𑌲𑌾𑌪𑌤𑌿𑌃 ॥ 21 ॥
𑌯𑍋𑌗𑍇𑌶𑍋 𑌯𑍋𑌗𑌨𑌿𑌰𑍍𑌮𑌾𑌤𑌾 𑌯𑍋𑌗𑌜𑍍𑌞𑌾𑌨𑌪𑍍𑌰𑌕𑌾𑌶𑌨𑌃 ।
𑌯𑍋𑌗𑌪𑌾𑌲𑍋 𑌲𑍋𑌕𑌪𑌾𑌲𑌃 𑌸𑌂𑌸𑌾𑌰𑌤𑌮𑌨𑌾𑌶𑌨𑌃 ॥ 22 ॥
𑌗𑍁𑌹𑍍𑌯𑍋 𑌗𑍁𑌹𑍍𑌯𑌤𑌮𑍋 𑌗𑍁𑌪𑍍𑌤𑍋 𑌮𑍁𑌕𑍍𑌤𑍋 𑌯𑍁𑌕𑍍𑌤𑌃 𑌸𑌨𑌾𑌤𑌨𑌃 ।
𑌗𑌹𑌨𑍋 𑌗𑌗𑌨𑌾𑌕𑌾𑌰𑍋 𑌗𑌮𑍍𑌭𑍀𑌰𑍋 𑌗𑌣𑌨𑌾𑌯𑌕𑌃 ॥ 23 ॥
𑌗𑍋𑌵𑌿𑌨𑍍𑌦𑍋 𑌗𑍋𑌪𑌤𑌿𑌰𑍍𑌗𑍋𑌪𑍍𑌤𑌾 𑌗𑍋𑌭𑌾𑌗𑍋 𑌭𑌾𑌵𑌸𑌂𑌸𑍍𑌥𑌿𑌤𑌃 ।
𑌗𑍋𑌸𑌾𑌕𑍍𑌷𑍀 𑌗𑍋𑌤𑌮𑌾𑌰𑌿𑌶𑍍𑌚 𑌗𑌾𑌨𑍍𑌧𑌾𑌰𑍋 𑌗𑌗𑌨𑌾𑌕𑍃𑌤𑌿𑌃 ॥ 24 ॥
𑌯𑍋𑌗𑌯𑍁𑌕𑍍𑌤𑍋 𑌭𑍋𑌗𑌯𑍁𑌕𑍍𑌤𑌃 𑌶𑌙𑍍𑌕𑌾𑌮𑍁𑌕𑍍𑌤𑌸𑌮𑌾𑌧𑌿𑌮𑌾𑌨𑍍 ।
𑌸𑌹𑌜𑌃 𑌸𑌕𑌲𑍇𑌶𑌾𑌨𑌃 𑌕𑌾𑌰𑍍𑌤𑌵𑍀𑌰𑍍𑌯𑌵𑌰𑌪𑍍𑌰𑌦𑌃 ॥ 25 ॥
𑌸𑌰𑌜𑍋 𑌵𑌿𑌰𑌜𑍋 𑌪𑍁𑌂𑌸𑍋 𑌪𑌾𑌵𑌨𑌃 𑌪𑌾𑌪𑌨𑌾𑌶𑌨𑌃 ।
𑌪𑌰𑌾𑌵𑌰𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌪𑌰𑌂‍𑌜𑍍𑌯𑍋𑌤𑌿𑌃 𑌪𑍁𑌰𑌾𑌤𑌨𑌃 ॥ 26 ॥
𑌨𑌾𑌨𑌾𑌜𑍍𑌯𑍋𑌤𑌿𑌰𑌨𑍇𑌕𑌾𑌤𑍍𑌮𑌾 𑌸𑍍𑌵𑌯𑌂‍𑌜𑍍𑌯𑍋𑌤𑌿𑌃 𑌸𑌦𑌾𑌶𑌿𑌵𑌃 ।
𑌦𑌿𑌵𑍍𑌯𑌜𑍍𑌯𑍋𑌤𑌿𑌰𑍍𑌮𑌯𑌶𑍍𑌚𑍈𑌵 𑌸𑌤𑍍𑌯𑌵𑌿𑌜𑍍𑌞𑌾𑌨𑌭𑌾𑌸𑍍𑌕𑌰𑌃 ॥ 27 ॥
𑌨𑌿𑌤𑍍𑌯𑌶𑍁𑌦𑍍𑌧𑌃 𑌪𑌰𑌃 𑌪𑍂𑌰𑍍𑌣𑌃 𑌪𑍍𑌰𑌕𑌾𑌶𑌃 𑌪𑍍𑌰𑌕𑌟𑍋𑌦𑍍𑌭𑌵𑌃 ।
𑌪𑍍𑌰𑌮𑌾𑌦𑌵𑌿𑌗𑌤𑌶𑍍𑌚𑍈𑌵 𑌪𑌰𑍇𑌶𑌃 𑌪𑌰𑌵𑌿𑌕𑍍𑌰𑌮𑌃 ॥ 28 ॥
𑌯𑍋𑌗𑍀 𑌯𑍋𑌗𑍋 𑌯𑍋𑌗𑌪𑌶𑍍𑌚 𑌯𑍋𑌗𑌾𑌭𑍍𑌯𑌾𑌸𑌪𑍍𑌰𑌕𑌾𑌶𑌨𑌃 ।
𑌯𑍋𑌕𑍍𑌤𑌾 𑌮𑍋𑌕𑍍𑌤𑌾 𑌵𑌿𑌧𑌾𑌤𑌾 𑌚 𑌤𑍍𑌰𑌾𑌤𑌾 𑌪𑌾𑌤𑌾 𑌨𑌿𑌰𑌾𑌯𑍁𑌧𑌃 ॥ 29 ॥
𑌨𑌿𑌤𑍍𑌯𑌮𑍁𑌕𑍍𑌤𑍋 𑌨𑌿𑌤𑍍𑌯𑌯𑍁𑌕𑍍𑌤𑌃 𑌸𑌤𑍍𑌯𑌃 𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ।
𑌸𑌤𑍍𑌤𑍍𑌵𑌶𑍁𑌦𑍍𑌧𑌿𑌕𑌰𑌃 𑌸𑌤𑍍𑌤𑍍𑌵𑌸𑍍𑌤𑌥𑌾 𑌸𑌤𑍍𑌤𑍍𑌵𑌭𑍃𑌤𑌾𑌂 𑌗𑌤𑌿𑌃 ॥ 30 ॥
𑌶𑍍𑌰𑍀𑌧𑌰𑌃 𑌶𑍍𑌰𑍀𑌵𑌪𑍁𑌃 𑌶𑍍𑌰𑍀𑌮𑌾𑌨𑍍 𑌶𑍍𑌰𑍀𑌨𑌿𑌵𑌾𑌸𑍋𑌽𑌮𑌰𑌾𑌰𑍍𑌚𑌿𑌤𑌃 ।
𑌶𑍍𑌰𑍀𑌨𑌿𑌧𑌿𑌃 𑌶𑍍𑌰𑍀𑌪𑌤𑌿𑌃 𑌶𑍍𑌰𑍇𑌷𑍍𑌠𑌃 𑌶𑍍𑌰𑍇𑌯𑌸𑍍𑌕𑌶𑍍𑌚𑌰𑌮𑌾𑌶𑍍𑌰𑌯𑌃 ॥ 31 ॥
𑌤𑍍𑌯𑌾𑌗𑍀 𑌤𑍍𑌯𑌾𑌗𑌾𑌰𑍍𑌥𑌸𑌮𑍍𑌪𑌨𑍍𑌨𑌸𑍍𑌤𑍍𑌯𑌾𑌗𑌾𑌤𑍍𑌮𑌾 𑌤𑍍𑌯𑌾𑌗𑌵𑌿𑌗𑍍𑌰𑌹𑌃 ।
𑌤𑍍𑌯𑌾𑌗𑌲𑌕𑍍𑌷𑌣𑌸𑌿𑌦𑍍𑌧𑌾𑌤𑍍𑌮𑌾 𑌤𑍍𑌯𑌾𑌗𑌜𑍍𑌞𑌸𑍍𑌤𑍍𑌯𑌾𑌗𑌕𑌾𑌰𑌣𑌃 ॥ 32 ॥
𑌭𑍋𑌗𑍋 𑌭𑍋𑌕𑍍𑌤𑌾 𑌤𑌥𑌾 𑌭𑍋𑌗𑍍𑌯𑍋 𑌭𑍋𑌗𑌸𑌾𑌧𑌨𑌕𑌾𑌰𑌣𑌃 ।
𑌭𑍋𑌗𑍀 𑌭𑍋𑌗𑌾𑌰𑍍𑌥𑌸𑌮𑍍𑌪𑌨𑍍𑌨𑍋 𑌭𑍋𑌗𑌜𑍍𑌞𑌾𑌨𑌪𑍍𑌰𑌕𑌾𑌶𑌨𑌃 ॥ 33 ॥
𑌕𑍇𑌵𑌲𑌃 𑌕𑍇𑌶𑌵𑌃 𑌕𑍃𑌷𑍍𑌣𑌃 𑌕𑌂𑌵𑌾𑌸𑌾𑌃 𑌕𑌮𑌲𑌾𑌲𑌯𑌃 ।
𑌕𑌮𑌲𑌾𑌸𑌨𑌪𑍂𑌜𑍍𑌯𑌶𑍍𑌚 𑌹𑌰𑌿𑌰𑌜𑍍𑌞𑌾𑌨𑌖𑌣𑍍𑌡𑌨𑌃 ॥ 34 ॥
𑌮𑌹𑌾𑌤𑍍𑌮𑌾 𑌮𑌹𑌦𑌾𑌦𑌿𑌶𑍍𑌚 𑌮𑌹𑍇𑌶𑍋𑌤𑍍𑌤𑌮𑌵𑌨𑍍𑌦𑌿𑌤𑌃 ।
𑌮𑌨𑍋𑌬𑍁𑌦𑍍𑌧𑌿𑌵𑌿𑌹𑍀𑌨𑌾𑌤𑍍𑌮𑌾 𑌮𑌾𑌨𑌾𑌤𑍍𑌮𑌾 𑌮𑌾𑌨𑌵𑌾𑌧𑌿𑌪𑌃 ॥ 35 ॥
𑌭𑍁𑌵𑌨𑍇𑌶𑍋 𑌵𑌿𑌭𑍂𑌤𑌿𑌶𑍍𑌚 𑌧𑍃𑌤𑌿𑌰𑍍𑌮𑍇𑌧𑌾 𑌸𑍍𑌮𑍃𑌤𑌿𑌰𑍍𑌦𑌯𑌾 ।
𑌦𑍁𑌃𑌖𑌦𑌾𑌵𑌾𑌨𑌲𑍋 𑌬𑍁𑌦𑍍𑌧𑌃 𑌪𑍍𑌰𑌬𑍁𑌦𑍍𑌧𑌃 𑌪𑌰𑌮𑍇𑌶𑍍𑌵𑌰𑌃 ॥ 36 ॥
𑌕𑌾𑌮𑌹𑌾 𑌕𑍍𑌰𑍋𑌧𑌹𑌾 𑌚𑍈𑌵 𑌦𑌮𑍍𑌭𑌦𑌰𑍍𑌪𑌮𑌦𑌾𑌪𑌹𑌃 ।
𑌅𑌜𑍍𑌞𑌾𑌨𑌤𑌿𑌮𑌿𑌰𑌾𑌰𑌿𑌶𑍍𑌚 𑌭𑌵𑌾𑌰𑌿𑌰𑍍𑌭𑍁𑌵𑌨𑍇𑌶𑍍𑌵𑌰𑌃 ॥ 37 ॥
𑌰𑍂𑌪𑌕𑍃𑌦𑍍𑌰𑍂𑌪𑌭𑍃𑌦𑍍𑌰𑍂𑌪𑍀 𑌰𑍂𑌪𑌾𑌤𑍍𑌮𑌾 𑌰𑍂𑌪𑌕𑌾𑌰𑌣𑌃 ।
𑌰𑍂𑌪𑌜𑍍𑌞𑍋 𑌰𑍂𑌪𑌸𑌾𑌕𑍍𑌷𑍀 𑌚 𑌨𑌾𑌮𑌰𑍂𑌪𑍋 𑌗𑍁𑌣𑌾𑌨𑍍𑌤𑌕𑌃 ॥ 38 ॥
𑌅𑌪𑍍𑌰𑌮𑍇𑌯𑌃 𑌪𑍍𑌰𑌮𑍇𑌯𑌶𑍍𑌚 𑌪𑍍𑌰𑌮𑌾𑌣𑌂 𑌪𑍍𑌰𑌣𑌵𑌾𑌶𑍍𑌰𑌯𑌃 ।
𑌪𑍍𑌰𑌮𑌾𑌣𑌰𑌹𑌿𑌤𑍋𑌽𑌚𑌿𑌨𑍍𑌤𑍍𑌯𑌶𑍍𑌚𑍇𑌤𑌨𑌾𑌵𑌿𑌗𑌤𑍋𑌽𑌜𑌰𑌃 ॥ 39 ॥
𑌅𑌕𑍍𑌷𑌰𑍋𑌽𑌕𑍍𑌷𑌰𑌮𑍁𑌕𑍍𑌤𑌶𑍍𑌚 𑌵𑌿𑌜𑍍𑌵𑌰𑍋 𑌜𑍍𑌵𑌰𑌨𑌾𑌶𑌨𑌃 ।
𑌵𑌿𑌶𑌿𑌷𑍍𑌟𑍋 𑌵𑌿𑌤𑍍𑌤𑌶𑌾𑌸𑍍𑌤𑍍𑌰𑍀 𑌚 𑌦𑍃𑌷𑍍𑌟𑍋 𑌦𑍃𑌷𑍍𑌟𑌾𑌨𑍍𑌤𑌵𑌰𑍍𑌜𑌿𑌤𑌃 ॥ 40 ॥
𑌗𑍁𑌣𑍇𑌶𑍋 𑌗𑍁𑌣𑌕𑌾𑌯𑌶𑍍𑌚 𑌗𑍁𑌣𑌾𑌤𑍍𑌮𑌾 𑌗𑍁𑌣𑌭𑌾𑌵𑌨𑌃 ।
𑌅𑌨𑌨𑍍𑌤𑌗𑍁𑌣𑌸𑌮𑍍𑌪𑌨𑍍𑌨𑍋 𑌗𑍁𑌣𑌗𑌰𑍍𑌭𑍋 𑌗𑍁𑌣𑌾𑌧𑌿𑌪𑌃 ॥ 41 ॥
𑌗𑌣𑍇𑌶𑍋 𑌗𑍁𑌣𑌨𑌾𑌥𑌶𑍍𑌚 𑌗𑍁𑌣𑌾𑌤𑍍𑌮𑌾 𑌗𑌣𑌭𑌾𑌵𑌨𑌃 ।
𑌗𑌣𑌬𑌨𑍍𑌧𑍁𑌰𑍍𑌵𑌿𑌵𑍇𑌕𑌾𑌤𑍍𑌮𑌾 𑌗𑍁𑌣𑌯𑍁𑌕𑍍𑌤𑌃 𑌪𑌰𑌾𑌕𑍍𑌰𑌮𑍀 ॥ 42 ॥
𑌅𑌤𑌰𑍍𑌕𑍍𑌯𑌃 𑌕𑍍𑌰𑌤𑍁𑌰𑌗𑍍𑌨𑌿𑌶𑍍𑌚 𑌕𑍃𑌤𑌜𑍍𑌞𑌃 𑌸𑌫𑌲𑌾𑌶𑍍𑌰𑌯𑌃 ।
𑌯𑌜𑍍𑌞𑌶𑍍𑌚 𑌯𑌜𑍍𑌞𑌫𑌲𑌦𑍋 𑌯𑌜𑍍𑌞 𑌇𑌜𑍍𑌯𑍋𑌽𑌮𑌰𑍋𑌤𑍍𑌤𑌮𑌃 ॥ 43 ॥
𑌹𑌿𑌰𑌣𑍍𑌯𑌗𑌰𑍍𑌭𑌃 𑌶𑍍𑌰𑍀𑌗𑌰𑍍𑌭𑌃 𑌖𑌗𑌰𑍍𑌭𑌃 𑌕𑍁𑌣𑌪𑍇𑌶𑍍𑌵𑌰𑌃 ।
𑌮𑌾𑌯𑌾𑌗𑌰𑍍𑌭𑍋 𑌲𑍋𑌕𑌗𑌰𑍍𑌭𑌃 𑌸𑍍𑌵𑌯𑌮𑍍𑌭𑍂𑌰𑍍𑌭𑍁𑌵𑌨𑌾𑌨𑍍𑌤𑌕𑌃 ॥ 44 ॥
𑌨𑌿𑌷𑍍𑌪𑌾𑌪𑍋 𑌨𑌿𑌬𑌿𑌡𑍋 𑌨𑌨𑍍𑌦𑍀 𑌬𑍋𑌧𑍀 𑌬𑍋𑌧𑌸𑌮𑌾𑌶𑍍𑌰𑌯𑌃 ।
𑌬𑍋𑌧𑌾𑌤𑍍𑌮𑌾 𑌬𑍋𑌧𑌨𑌾𑌤𑍍𑌮𑌾 𑌚 𑌭𑍇𑌦𑌵𑍈𑌤𑌣𑍍𑌡𑌖𑌣𑍍𑌡𑌨𑌃 ॥ 45 ॥
𑌸𑍍𑌵𑌾𑌭𑌾𑌵𑍍𑌯𑍋 𑌭𑌾𑌵𑌨𑌿𑌰𑍍𑌮𑍁𑌕𑍍𑌤𑍋 𑌵𑍍𑌯𑌕𑍍𑌤𑍋𑌽𑌵𑍍𑌯𑌕𑍍𑌤𑌸𑌮𑌾𑌶𑍍𑌰𑌯𑌃 ।
𑌨𑌿𑌤𑍍𑌯𑌤𑍃𑌪𑍍𑌤𑍋 𑌨𑌿𑌰𑌾𑌭𑌾𑌸𑍋 𑌨𑌿𑌰𑍍𑌵𑌾𑌣𑌃 𑌶𑌰𑌣𑌃 𑌸𑍁𑌹𑍃𑌤𑍍 ॥ 46 ॥
𑌗𑍁𑌹𑍍𑌯𑍇𑌶𑍋 𑌗𑍁𑌣𑌗𑌮𑍍𑌭𑍀𑌰𑍋 𑌗𑍁𑌣𑌦𑍋𑌷𑌨𑌿𑌵𑌾𑌰𑌣𑌃 ।
𑌗𑍁𑌣𑌸𑌙𑍍𑌗𑌵𑌿𑌹𑍀𑌨𑌶𑍍𑌚 𑌯𑍋𑌗𑌾𑌰𑍇𑌰𑍍𑌦𑌰𑍍𑌪𑌨𑌾𑌶𑌨𑌃 ॥ 47 ॥
𑌆𑌨𑌨𑍍𑌦𑌃 𑌪𑌰𑌮𑌾𑌨𑌨𑍍𑌦𑌃 𑌸𑍍𑌵𑌾𑌨𑌨𑍍𑌦𑌸𑍁𑌖𑌵𑌰𑍍𑌧𑌨𑌃 ।
𑌸𑌤𑍍𑌯𑌾𑌨𑌨𑍍𑌦𑌶𑍍𑌚𑌿𑌦𑌾𑌨𑌨𑍍𑌦𑌃 𑌸𑌰𑍍𑌵𑌾𑌨𑌨𑍍𑌦𑌪𑌰𑌾𑌯𑌣𑌃 ॥ 48 ॥
𑌸𑌦𑍍𑌰𑍂𑌪𑌃 𑌸𑌹𑌜𑌃 𑌸𑌤𑍍𑌯𑌃 𑌸𑍍𑌵𑌾𑌨𑌨𑍍𑌦𑌃 𑌸𑍁𑌮𑌨𑍋𑌹𑌰𑌃 ।
𑌸𑌰𑍍𑌵𑌃 𑌸𑌰𑍍𑌵𑌾𑌨𑍍𑌤𑌰𑌶𑍍𑌚𑍈𑌵 𑌪𑍂𑌰𑍍𑌵𑌾𑌤𑍍𑌪𑍂𑌰𑍍𑌵𑌤𑌰𑌸𑍍𑌤𑌥𑌾 ॥ 49 ॥
𑌖𑌮𑌯𑌃 𑌖𑌪𑌰𑌃 𑌖𑌾𑌦𑌿𑌃 𑌖𑌂‍𑌬𑍍𑌰𑌹𑍍𑌮 𑌖𑌤𑌨𑍁𑌃 𑌖𑌗𑌃 ।
𑌖𑌵𑌾𑌸𑌾𑌃 𑌖𑌵𑌿𑌹𑍀𑌨𑌶𑍍𑌚 𑌖𑌨𑌿𑌧𑌿𑌃 𑌖𑌪𑌰𑌾𑌶𑍍𑌰𑌯𑌃 ॥ 50 ॥
𑌅𑌨𑌨𑍍𑌤𑌶𑍍𑌚𑌾𑌦𑌿𑌰𑍂𑌪𑌶𑍍𑌚 𑌸𑍂𑌰𑍍𑌯𑌮𑌣𑍍𑌡𑌲𑌮𑌧𑍍𑌯𑌗𑌃 ।
𑌅𑌮𑍋𑌘𑌃 𑌪𑌰𑌮𑌾𑌮𑍋𑌘𑌃 𑌪𑌰𑍋𑌕𑍍𑌷𑌃 𑌪𑌰𑌦𑌃 𑌕𑌵𑌿𑌃 ॥ 51 ॥
𑌵𑌿𑌶𑍍𑌵𑌚𑌕𑍍𑌷𑍁𑌰𑍍𑌵𑌿𑌶𑍍𑌵𑌸𑌾𑌕𑍍𑌷𑍀 𑌵𑌿𑌶𑍍𑌵𑌬𑌾𑌹𑍁𑌰𑍍𑌧𑌨𑍇𑌶𑍍𑌵𑌰𑌃 ।
𑌧𑌨𑌞𑍍𑌜𑌯𑍋 𑌮𑌹𑌾𑌤𑍇𑌜𑌾𑌸𑍍𑌤𑍇𑌜𑌿𑌷𑍍𑌠𑌸𑍍𑌤𑍈𑌜𑌸𑌃 𑌸𑍁𑌖𑍀 ॥ 52 ॥
𑌜𑍍𑌯𑍋𑌤𑌿𑌰𑍍𑌜𑍍𑌯𑍋𑌤𑌿𑌰𑍍𑌮𑌯𑍋 𑌜𑍇𑌤𑌾 𑌜𑍍𑌯𑍋𑌤𑌿𑌷𑌾𑌂 𑌜𑍍𑌯𑍋𑌤𑌿𑌰𑌾𑌤𑍍𑌮𑌕𑌃 ।
𑌜𑍍𑌯𑍋𑌤𑌿𑌷𑌾𑌮𑌪𑌿 𑌜𑍍𑌯𑍋𑌤𑌿𑌶𑍍𑌚 𑌜𑌨𑌕𑍋 𑌜𑌨𑌮𑍋𑌹𑌨𑌃 ॥ 53 ॥
𑌜𑌿𑌤𑍇𑌨𑍍𑌦𑍍𑌰𑌿𑌯𑍋 𑌜𑌿𑌤𑌕𑍍𑌰𑍋𑌧𑍋 𑌜𑌿𑌤𑌾𑌤𑍍𑌮𑌾 𑌜𑌿𑌤𑌮𑌾𑌨𑌸𑌃 ।
𑌜𑌿𑌤𑌸𑌙𑍍𑌗𑍋 𑌜𑌿𑌤𑌪𑍍𑌰𑌾𑌣𑍋 𑌜𑌿𑌤𑌸𑌂𑌸𑌾𑌰𑌵𑌾𑌸𑌨𑌃 ॥ 54 ॥
𑌨𑌿𑌰𑍍𑌵𑌾𑌸𑌨𑍋 𑌨𑌿𑌰𑌾𑌲𑌮𑍍𑌬𑍋 𑌨𑌿𑌰𑍍𑌯𑍋𑌗𑌕𑍍𑌷𑍇𑌮𑌵𑌰𑍍𑌜𑌿𑌤𑌃 ।
𑌨𑌿𑌰𑍀𑌹𑍋 𑌨𑌿𑌰𑌹𑌙𑍍𑌕𑌾𑌰𑍋 𑌨𑌿𑌰𑌾𑌶𑍀𑌰𑍍𑌨𑌿𑌰𑍁𑌪𑌾𑌧𑌿𑌕𑌃 ॥ 55 ॥
𑌨𑌿𑌤𑍍𑌯𑌬𑍋𑌧𑍋 𑌵𑌿𑌵𑌿𑌕𑍍𑌤𑌾𑌤𑍍𑌮𑌾 𑌵𑌿𑌶𑍁𑌦𑍍𑌧𑍋𑌤𑍍𑌤𑌮𑌗𑍗𑌰𑌵𑌃 ।
𑌵𑌿𑌦𑍍𑌯𑌾𑌰𑍍𑌥𑍀 𑌪𑌰𑌮𑌾𑌰𑍍𑌥𑍀 𑌚 𑌶𑍍𑌰𑌦𑍍𑌧𑌾𑌰𑍍𑌥𑍀 𑌸𑌾𑌧𑌨𑌾𑌤𑍍𑌮𑌕𑌃 ॥ 56 ॥
𑌪𑍍𑌰𑌤𑍍𑌯𑌾𑌹𑌾𑌰𑍀 𑌨𑌿𑌰𑌾𑌹𑌾𑌰𑍀 𑌸𑌰𑍍𑌵𑌾𑌹𑌾𑌰𑌪𑌰𑌾𑌯𑌣𑌃 ।
𑌨𑌿𑌤𑍍𑌯𑌶𑍁𑌦𑍍𑌧𑍋 𑌨𑌿𑌰𑌾𑌕𑌾𑌙𑍍𑌕𑍍𑌷𑍀 𑌪𑌾𑌰𑌾𑌯𑌣𑌪𑌰𑌾𑌯𑌣𑌃 ॥ 57 ॥
𑌅𑌣𑍋𑌰𑌣𑍁𑌤𑌰𑌃 𑌸𑍂𑌕𑍍𑌷𑍍𑌮𑌃 𑌸𑍍𑌥𑍂𑌲𑌃 𑌸𑍍𑌥𑍂𑌲𑌤𑌰𑌸𑍍𑌤𑌥𑌾 ।
𑌏𑌕𑌸𑍍𑌤𑌥𑌾𑌽𑌨𑍇𑌕𑌰𑍂𑌪𑍋 𑌵𑌿𑌶𑍍𑌵𑌰𑍂𑌪𑌃 𑌸𑌨𑌾𑌤𑌨𑌃 ॥ 58 ॥
𑌨𑍈𑌕𑌰𑍂𑌪𑍋 𑌵𑌿𑌰𑍂𑌪𑌾𑌤𑍍𑌮𑌾 𑌨𑍈𑌕𑌬𑍋𑌧𑌮𑌯𑌸𑍍𑌤𑌥𑌾 ।
𑌨𑍈𑌕𑌨𑌾𑌮𑌮𑌯𑌶𑍍𑌚𑍈𑌵 𑌨𑍈𑌕𑌵𑌿𑌦𑍍𑌯𑌾𑌵𑌿𑌵𑌰𑍍𑌧𑌨𑌃 ॥ 59 ॥
𑌏𑌕𑌶𑍍𑌚𑍈𑌕𑌾𑌨𑍍𑌤𑌿𑌕𑌶𑍍𑌚𑍈𑌵 𑌨𑌾𑌨𑌾𑌭𑌾𑌵𑌵𑌿𑌵𑌰𑍍𑌜𑌿𑌤𑌃 ।
𑌏𑌕𑌾𑌕𑍍𑌷𑌰𑌸𑍍𑌤𑌥𑌾 𑌬𑍀𑌜𑌃 𑌪𑍂𑌰𑍍𑌣𑌬𑌿𑌮𑍍𑌬𑌃 𑌸𑌨𑌾𑌤𑌨𑌃 ॥ 60 ॥
𑌮𑌨𑍍𑌤𑍍𑌰𑌵𑍀𑌰𑍍𑌯𑍋 𑌮𑌨𑍍𑌤𑍍𑌰𑌬𑍀𑌜𑌃 𑌶𑌾𑌸𑍍𑌤𑍍𑌰𑌵𑍀𑌰𑍍𑌯𑍋 𑌜𑌗𑌤𑍍𑌪𑌤𑌿𑌃 ।
𑌨𑌾𑌨𑌾𑌵𑍀𑌰𑍍𑌯𑌧𑌰𑌶𑍍𑌚𑍈𑌵 𑌶𑌕𑍍𑌰𑍇𑌶𑌃 𑌪𑍃𑌥𑌿𑌵𑍀𑌪𑌤𑌿𑌃 ॥ 61 ॥
𑌪𑍍𑌰𑌾𑌣𑍇𑌶𑌃 𑌪𑍍𑌰𑌾𑌣𑌦𑌃 𑌪𑍍𑌰𑌾𑌣𑌃 𑌪𑍍𑌰𑌾𑌣𑌾𑌯𑌾𑌮𑌪𑌰𑌾𑌯𑌣𑌃 ।
𑌪𑍍𑌰𑌾𑌣𑌪𑌞𑍍𑌚𑌕𑌨𑌿𑌰𑍍𑌮𑍁𑌕𑍍𑌤𑌃 𑌕𑍋𑌶𑌪𑌞𑍍𑌚𑌕𑌵𑌰𑍍𑌜𑌿𑌤𑌃 ॥ 62 ॥
𑌨𑌿𑌶𑍍𑌚𑌲𑍋 𑌨𑌿𑌷𑍍𑌕𑌲𑍋𑌽𑌸𑌙𑍍𑌗𑍋 𑌨𑌿𑌷𑍍𑌪𑍍𑌰𑌪𑌞𑍍𑌚𑍋 𑌨𑌿𑌰𑌾𑌮𑌯𑌃 ।
𑌨𑌿𑌰𑌾𑌧𑌾𑌰𑍋 𑌨𑌿𑌰𑌾𑌕𑌾𑌰𑍋 𑌨𑌿𑌰𑍍𑌵𑌿𑌕𑌾𑌰𑍋 𑌨𑌿𑌰𑌞𑍍𑌜𑌨𑌃 ॥ 63 ॥
𑌨𑌿𑌷𑍍𑌪𑍍𑌰𑌤𑍀𑌤𑍋 𑌨𑌿𑌰𑌾𑌭𑌾𑌸𑍋 𑌨𑌿𑌰𑌾𑌸𑌕𑍍𑌤𑍋 𑌨𑌿𑌰𑌾𑌕𑍁𑌲𑌃 ।
𑌨𑌿𑌷𑍍𑌠𑌾𑌸𑌰𑍍𑌵𑌗𑌤𑌶𑍍𑌚𑍈𑌵 𑌨𑌿𑌰𑌾𑌰𑌮𑍍𑌭𑍋 𑌨𑌿𑌰𑌾𑌶𑍍𑌰𑌯𑌃 ॥ 64 ॥
𑌨𑌿𑌰𑌨𑍍𑌤𑌰𑌃 𑌸𑌰𑍍𑌵𑌗𑍋𑌪𑍍𑌤𑌾 𑌶𑌾𑌨𑍍𑌤𑍋 𑌦𑌾𑌨𑍍𑌤𑍋 𑌮𑌹𑌾𑌮𑍁𑌨𑌿𑌃 । [𑌸𑌤𑍍𑌤𑍍𑌵]
𑌨𑌿𑌃𑌶𑌬𑍍𑌦𑌃 𑌸𑍁𑌕𑍃𑌤𑌃 𑌸𑍍𑌵𑌸𑍍𑌥𑌃 𑌸𑌤𑍍𑌯𑌵𑌾𑌦𑍀 𑌸𑍁𑌰𑍇𑌶𑍍𑌵𑌰𑌃 ॥ 65 ॥
𑌜𑍍𑌞𑌾𑌨𑌦𑍋 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑍀 𑌜𑍍𑌞𑌾𑌨𑌾𑌤𑍍𑌮𑌾𑌽𑌽𑌨𑌨𑍍𑌦𑌪𑍂𑌰𑌿𑌤𑌃 ।
𑌜𑍍𑌞𑌾𑌨𑌯𑌜𑍍𑌞𑌵𑌿𑌦𑌾𑌂 𑌦𑌕𑍍𑌷𑍋 𑌜𑍍𑌞𑌾𑌨𑌾𑌗𑍍𑌨𑌿𑌰𑍍𑌜𑍍𑌵𑌲𑌨𑍋 𑌬𑍁𑌧𑌃 ॥ 66 ॥
𑌦𑌯𑌾𑌵𑌾𑌨𑍍 𑌭𑌵𑌰𑍋𑌗𑌾𑌰𑌿𑌶𑍍𑌚𑌿𑌕𑌿𑌤𑍍𑌸𑌾𑌚𑌰𑌮𑌾𑌗𑌤𑌿𑌃 ।
𑌚𑌨𑍍𑌦𑍍𑌰𑌮𑌣𑍍𑌡𑌲𑌮𑌧𑍍𑌯𑌸𑍍𑌥𑌶𑍍𑌚𑌨𑍍𑌦𑍍𑌰𑌕𑍋𑌟𑌿𑌸𑍁𑌶𑍀𑌤𑌲𑌃 ॥ 67 ॥
𑌯𑌨𑍍𑌤𑍍𑌰𑌕𑍃𑌤𑍍𑌪𑌰𑌮𑍋 𑌯𑌨𑍍𑌤𑍍𑌰𑍀 𑌯𑌨𑍍𑌤𑍍𑌰𑌾𑌰𑍂𑌢𑌾𑌪𑌰𑌾𑌜𑌿𑌤𑌃 ।
𑌯𑌨𑍍𑌤𑍍𑌰𑌵𑌿𑌦𑍍𑌯𑌨𑍍𑌤𑍍𑌰𑌵𑌾𑌸𑌶𑍍𑌚 𑌯𑌨𑍍𑌤𑍍𑌰𑌾𑌧𑌾𑌰𑍋 𑌧𑌰𑌾𑌧𑌰𑌃 ॥ 68 ॥
𑌤𑌤𑍍𑌤𑍍𑌵𑌜𑍍𑌞𑌸𑍍𑌤𑌤𑍍𑌤𑍍𑌵𑌭𑍂𑌤𑌾𑌤𑍍𑌮𑌾 𑌮𑌹𑌤𑍍𑌤𑌤𑍍𑌤𑍍𑌵𑌪𑍍𑌰𑌕𑌾𑌶𑌨𑌃 ।
𑌤𑌤𑍍𑌤𑍍𑌵𑌸𑌙𑍍𑌖𑍍𑌯𑌾𑌨𑌯𑍋𑌗𑌜𑍍𑌞𑌃 𑌸𑌾𑌙𑍍𑌖𑍍𑌯𑌶𑌾𑌸𑍍𑌤𑍍𑌰𑌪𑍍𑌰𑌵𑌰𑍍𑌤𑌕𑌃 ॥ 69 ॥
𑌅𑌨𑌨𑍍𑌤𑌵𑌿𑌕𑍍𑌰𑌮𑍋 𑌦𑍇𑌵𑍋 𑌮𑌾𑌧𑌵𑌶𑍍𑌚 𑌧𑌨𑍇𑌶𑍍𑌵𑌰𑌃 ।
𑌸𑌾𑌧𑍁𑌃 𑌸𑌾𑌧𑍁𑌵𑌰𑌿𑌷𑍍𑌠𑌾𑌤𑍍𑌮𑌾 𑌸𑌾𑌵𑌧𑌾𑌨𑍋𑌽𑌮𑌰𑍋𑌤𑍍𑌤𑌮𑌃 ॥ 70 ॥
𑌨𑌿𑌃𑌸𑌙𑍍𑌕𑌲𑍍𑌪𑍋 𑌨𑌿𑌰𑌾𑌧𑌾𑌰𑍋 𑌦𑍁𑌰𑍍𑌧𑌰𑍋 𑌹𑍍𑌯𑌾𑌤𑍍𑌮𑌵𑌿𑌤𑍍𑌪𑌤𑌿𑌃 ।
𑌆𑌰𑍋𑌗𑍍𑌯𑌸𑍁𑌖𑌦𑌶𑍍𑌚𑍈𑌵 𑌪𑍍𑌰𑌵𑌰𑍋 𑌵𑌾𑌸𑌵𑌸𑍍𑌤𑌥𑌾 ॥ 71 ॥
𑌪𑌰𑍇𑌶𑌃 𑌪𑌰𑌮𑍋𑌦𑌾𑌰𑌃 𑌪𑍍𑌰𑌤𑍍𑌯𑌕𑍍𑌚𑍈𑌤𑌨𑍍𑌯𑌦𑍁𑌰𑍍𑌗𑌮𑌃 ।
𑌦𑍁𑌰𑌾𑌧𑌰𑍍𑌷𑍋 𑌦𑍁𑌰𑌾𑌵𑌾𑌸𑍋 𑌦𑍂𑌰𑌤𑍍𑌵𑌪𑌰𑌿𑌨𑌾𑌶𑌨𑌃 ॥ 72 ॥
𑌵𑍇𑌦𑌵𑌿𑌦𑍍𑌵𑍇𑌦𑌕𑍃𑌦𑍍𑌵𑍇𑌦𑍋 𑌵𑍇𑌦𑌾𑌤𑍍𑌮𑌾 𑌵𑌿𑌮𑌲𑌾𑌶𑌯𑌃 ।
𑌵𑌿𑌵𑌿𑌕𑍍𑌤𑌸𑍇𑌵𑍀 𑌚 𑌸𑌂𑌸𑌾𑌰𑌶𑍍𑌰𑌮𑌨𑌾𑌶𑌨𑌸𑍍𑌤𑌥𑌾 ॥ 73 ॥
𑌬𑍍𑌰𑌹𑍍𑌮𑌯𑍋𑌨𑌿𑌰𑍍𑌬𑍃𑌹𑌦𑍍𑌯𑍋𑌨𑌿𑌰𑍍𑌵𑌿𑌶𑍍𑌵𑌯𑍋𑌨𑌿𑌰𑍍𑌵𑌿𑌦𑍇𑌹𑌵𑌾𑌨𑍍 ।
𑌵𑌿𑌶𑌾𑌲𑌾𑌕𑍍𑌷𑍋 𑌵𑌿𑌶𑍍𑌵𑌨𑌾𑌥𑍋 𑌹𑌾𑌟𑌕𑌾𑌙𑍍𑌗𑌦𑌭𑍂𑌷𑌣𑌃 ॥ 74 ॥
𑌅𑌬𑌾𑌧𑍍𑌯𑍋 𑌜𑌗𑌦𑌾𑌰𑌾𑌧𑍍𑌯𑍋 𑌜𑌗𑌦𑌾𑌰𑍍𑌜𑌵𑌪𑌾𑌲𑌨𑌃 ।
𑌜𑌨𑌵𑌾𑌨𑍍 𑌧𑌨𑌵𑌾𑌨𑍍 𑌧𑌰𑍍𑌮𑍀 𑌧𑌰𑍍𑌮𑌗𑍋 𑌧𑌰𑍍𑌮𑌵𑌰𑍍𑌧𑌨𑌃 ॥ 75 ॥
𑌅𑌮𑍃𑌤𑌃 𑌶𑌾𑌶𑍍𑌵𑌤𑌃 𑌸𑌾𑌧𑍍𑌯𑌃 𑌸𑌿𑌦𑍍𑌧𑌿𑌦𑌃 𑌸𑍁𑌮𑌨𑍋𑌹𑌰𑌃 ।
𑌖𑌲𑍁𑌬𑍍𑌰𑌹𑍍𑌮𑌖𑌲𑍁𑌸𑍍𑌥𑌾𑌨𑍋 𑌮𑍁𑌨𑍀𑌨𑌾𑌂 𑌪𑌰𑌮𑌾 𑌗𑌤𑌿𑌃 ॥ 76 ॥
𑌉𑌪𑌦𑍍𑌰𑌷𑍍𑌟𑌾 𑌤𑌥𑌾 𑌶𑍍𑌰𑍇𑌷𑍍𑌠𑌃 𑌶𑍁𑌚𑌿𑌭𑍂𑌤𑍋 𑌹𑍍𑌯𑌨𑌾𑌮𑌯𑌃 ।
𑌵𑍇𑌦𑌸𑌿𑌦𑍍𑌧𑌾𑌨𑍍𑌤𑌵𑍇𑌦𑍍𑌯𑌶𑍍𑌚 𑌮𑌾𑌨𑌸𑌾𑌹𑍍𑌲𑌾𑌦𑌵𑌰𑍍𑌧𑌨𑌃 ॥ 77 ॥
𑌦𑍇𑌹𑌾𑌦𑌨𑍍𑌯𑍋 𑌗𑍁𑌣𑌾𑌦𑌨𑍍𑌯𑍋 𑌲𑍋𑌕𑌾𑌦𑌨𑍍𑌯𑍋 𑌵𑌿𑌵𑍇𑌕𑌵𑌿𑌤𑍍 ।
𑌦𑍁𑌷𑍍𑌟𑌸𑍍𑌵𑌪𑍍𑌨𑌹𑌰𑌶𑍍𑌚𑍈𑌵 𑌗𑍁𑌰𑍁𑌰𑍍𑌗𑍁𑌰𑍁𑌵𑌰𑍋𑌤𑍍𑌤𑌮𑌃 ॥ 78 ॥
𑌕𑌰𑍍𑌮𑍀 𑌕𑌰𑍍𑌮𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌸𑌨𑍍𑌨𑍍𑌯𑌾𑌸𑍀 𑌸𑌾𑌧𑌕𑍇𑌶𑍍𑌵𑌰𑌃 ।
𑌸𑌰𑍍𑌵𑌭𑌾𑌵𑌵𑌿𑌹𑍀𑌨𑌶𑍍𑌚 𑌤𑍃𑌷𑍍𑌣𑌾𑌸𑌙𑍍𑌗𑌨𑌿𑌵𑌾𑌰𑌕𑌃 ॥ 79 ॥
𑌤𑍍𑌯𑌾𑌗𑍀 𑌤𑍍𑌯𑌾𑌗𑌵𑌪𑍁𑌸𑍍𑌤𑍍𑌯𑌾𑌗𑌸𑍍𑌤𑍍𑌯𑌾𑌗𑌦𑌾𑌨𑌵𑌿𑌵𑌰𑍍𑌜𑌿𑌤𑌃 ।
𑌤𑍍𑌯𑌾𑌗𑌕𑌾𑌰𑌣𑌤𑍍𑌯𑌾𑌗𑌾𑌤𑍍𑌮𑌾 𑌸𑌦𑍍𑌗𑍁𑌰𑍁𑌃 𑌸𑍁𑌖𑌦𑌾𑌯𑌕𑌃 ॥ 80 ॥
𑌦𑌕𑍍𑌷𑍋 𑌦𑌕𑍍𑌷𑌾𑌦𑌿𑌵𑌨𑍍𑌦𑍍𑌯𑌶𑍍𑌚 𑌜𑍍𑌞𑌾𑌨𑌵𑌾𑌦𑌪𑍍𑌰𑌵𑌰𑍍𑌤𑌕𑌃 ।
𑌶𑌬𑍍𑌦𑌬𑍍𑌰𑌹𑍍𑌮𑌮𑌯𑌾𑌤𑍍𑌮𑌾 𑌚 𑌶𑌬𑍍𑌦𑌬𑍍𑌰𑌹𑍍𑌮𑌪𑍍𑌰𑌕𑌾𑌶𑌵𑌾𑌨𑍍 ॥ 81 ॥
𑌗𑍍𑌰𑌸𑌿𑌷𑍍𑌣𑍁𑌃 𑌪𑍍𑌰𑌭𑌵𑌿𑌷𑍍𑌣𑍁𑌶𑍍𑌚 𑌸𑌹𑌿𑌷𑍍𑌣𑍁𑌰𑍍𑌵𑌿𑌗𑌤𑌾𑌨𑍍𑌤𑌰𑌃 ।
𑌵𑌿𑌦𑍍𑌵𑌤𑍍𑌤𑌮𑍋 𑌮𑌹𑌾𑌵𑌨𑍍𑌦𑍍𑌯𑍋 𑌵𑌿𑌶𑌾𑌲𑍋𑌤𑍍𑌤𑌮𑌵𑌾𑌙𑍍𑌮𑍁𑌨𑌿𑌃 ॥ 82 ॥
𑌬𑍍𑌰𑌹𑍍𑌮𑌵𑌿𑌦𑍍𑌬𑍍𑌰𑌹𑍍𑌮𑌭𑌾𑌵𑌶𑍍𑌚 𑌬𑍍𑌰𑌹𑍍𑌮𑌰𑍍𑌷𑌿𑌰𑍍𑌬𑍍𑌰𑌾𑌹𑍍𑌮𑌣𑌪𑍍𑌰𑌿𑌯𑌃 ।
𑌬𑍍𑌰𑌹𑍍𑌮 𑌬𑍍𑌰𑌹𑍍𑌮𑌪𑍍𑌰𑌕𑌾𑌶𑌾𑌤𑍍𑌮𑌾 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌪𑍍𑌰𑌕𑌾𑌶𑌨𑌃 ॥ 83 ॥
𑌅𑌤𑍍𑌰𑌿𑌵𑌂𑌶𑌪𑍍𑌰𑌭𑍂𑌤𑌾𑌤𑍍𑌮𑌾 𑌤𑌾𑌪𑌸𑍋𑌤𑍍𑌤𑌮𑌵𑌨𑍍𑌦𑌿𑌤𑌃 ।
𑌆𑌤𑍍𑌮𑌵𑌾𑌸𑍀 𑌵𑌿𑌧𑍇𑌯𑌾𑌤𑍍𑌮𑌾 𑌹𑍍𑌯𑌤𑍍𑌰𑌿𑌵𑌂𑌶𑌵𑌿𑌵𑌰𑍍𑌧𑌨𑌃 ॥ 84 ॥
𑌪𑍍𑌰𑌵𑌰𑍍𑌤𑌨𑍋 𑌨𑌿𑌵𑍃𑌤𑍍𑌤𑌾𑌤𑍍𑌮𑌾 𑌪𑍍𑌰𑌲𑌯𑍋𑌦𑌕𑌸𑌨𑍍𑌨𑌿𑌭𑌃 ।
𑌨𑌾𑌰𑌾𑌯𑌣𑍋 𑌮𑌹𑌾𑌗𑌰𑍍𑌭𑍋 𑌭𑌾𑌰𑍍𑌗𑌵𑌪𑍍𑌰𑌿𑌯𑌕𑍃𑌤𑍍𑌤𑌮𑌃 ॥ 85 ॥
𑌸𑌙𑍍𑌕𑌲𑍍𑌪𑌦𑍁𑌃𑌖𑌦𑌲𑌨𑌃 𑌸𑌂𑌸𑌾𑌰𑌤𑌮𑌨𑌾𑌶𑌨𑌃 ।
𑌤𑍍𑌰𑌿𑌵𑌿𑌕𑍍𑌰𑌮𑌸𑍍𑌤𑍍𑌰𑌿𑌧𑌾𑌕𑌾𑌰𑌸𑍍𑌤𑍍𑌰𑌿𑌮𑍂𑌰𑍍𑌤𑌿𑌸𑍍𑌤𑍍𑌰𑌿𑌗𑍁𑌣𑌾𑌤𑍍𑌮𑌕𑌃 ॥ 86 ॥
𑌭𑍇𑌦𑌤𑍍𑌰𑌯𑌹𑌰𑌶𑍍𑌚𑍈𑌵 𑌤𑌾𑌪𑌤𑍍𑌰𑌯𑌨𑌿𑌵𑌾𑌰𑌕𑌃 ।
𑌦𑍋𑌷𑌤𑍍𑌰𑌯𑌵𑌿𑌭𑍇𑌦𑍀 𑌚 𑌸𑌂𑌶𑌯𑌾𑌰𑍍𑌣𑌵𑌖𑌣𑍍𑌡𑌨𑌃 ॥ 87 ॥
𑌅𑌸𑌂𑌶𑌯𑌸𑍍𑌤𑍍𑌵𑌸𑌮𑍍𑌮𑍂𑌢𑍋 𑌹𑍍𑌯𑌵𑌾𑌦𑍀 𑌰𑌾𑌜𑌵𑌨𑍍𑌦𑌿𑌤𑌃 ।
𑌰𑌾𑌜𑌯𑍋𑌗𑍀 𑌮𑌹𑌾𑌯𑍋𑌗𑍀 𑌸𑍍𑌵𑌭𑌾𑌵𑌗𑌲𑌿𑌤𑌸𑍍𑌤𑌥𑌾 ॥ 88 ॥
𑌪𑍁𑌣𑍍𑌯𑌶𑍍𑌲𑍋𑌕𑌃 𑌪𑌵𑌿𑌤𑍍𑌰𑌾𑌙𑍍𑌘𑍍𑌰𑌿𑌰𑍍𑌧𑍍𑌯𑌾𑌨𑌯𑍋𑌗𑌪𑌰𑌾𑌯𑌣𑌃 ।
𑌧𑍍𑌯𑌾𑌨𑌸𑍍𑌥𑍋 𑌧𑍍𑌯𑌾𑌨𑌗𑌮𑍍𑌯𑌶𑍍𑌚 𑌵𑌿𑌧𑍇𑌯𑌾𑌤𑍍𑌮𑌾 𑌪𑍁𑌰𑌾𑌤𑌨𑌃 ॥ 89 ॥
𑌅𑌵𑌿𑌜𑍍𑌞𑍇𑌯𑍋 𑌹𑍍𑌯𑌨𑍍𑌤𑌰𑌾𑌤𑍍𑌮𑌾 𑌮𑍁𑌖𑍍𑌯𑌬𑌿𑌮𑍍𑌬𑌸𑌨𑌾𑌤𑌨𑌃 ।
𑌜𑍀𑌵𑌸𑌞𑍍𑌜𑍀𑌵𑌨𑍋 𑌜𑍀𑌵𑌶𑍍𑌚𑌿𑌦𑍍𑌵𑌿𑌲𑌾𑌸𑌶𑍍𑌚𑌿𑌦𑌾𑌶𑍍𑌰𑌯𑌃 ॥ 90 ॥
𑌮𑌹𑍇𑌨𑍍𑌦𑍍𑌰𑍋𑌽𑌮𑌰𑌮𑌾𑌨𑍍𑌯𑌶𑍍𑌚 𑌯𑍋𑌗𑍇𑌨𑍍𑌦𑍍𑌰𑍋 𑌯𑍋𑌗𑌵𑌿𑌤𑍍𑌤𑌮𑌃 ।
𑌯𑍋𑌗𑌧𑌰𑍍𑌮𑌸𑍍𑌤𑌥𑌾 𑌯𑍋𑌗𑌸𑍍𑌤𑌤𑍍𑌤𑍍𑌵𑌸𑍍𑌤𑌤𑍍𑌤𑍍𑌵𑌵𑌿𑌨𑌿𑌶𑍍𑌚𑌯𑌃 ॥ 91 ॥
𑌨𑍈𑌕𑌬𑌾𑌹𑍁𑌰𑌨𑌨𑍍𑌤𑌾𑌤𑍍𑌮𑌾 𑌨𑍈𑌕𑌨𑌾𑌮𑌪𑌰𑌾𑌕𑍍𑌰𑌮𑌃 ।
𑌨𑍈𑌕𑌾𑌕𑍍𑌷𑍀 𑌨𑍈𑌕𑌪𑌾𑌦𑌶𑍍𑌚 𑌨𑌾𑌥𑌨𑌾𑌥𑍋𑌤𑍍𑌤𑌮𑍋𑌤𑍍𑌤𑌮𑌃 ॥ 92 ॥
𑌸𑌹𑌸𑍍𑌰𑌶𑍀𑌰𑍍𑌷𑌾 𑌪𑍁𑌰𑍁𑌷𑌃 𑌸𑌹𑌸𑍍𑌰𑌾𑌕𑍍𑌷𑌃 𑌸𑌹𑌸𑍍𑌰𑌪𑌾𑌤𑍍 ।
𑌸𑌹𑌸𑍍𑌰𑌰𑍂𑌪𑌦𑍃𑌕𑍍 𑌚𑍈𑌵 𑌸𑌹𑌸𑍍𑌰𑌾𑌰𑌮𑌯𑍋𑌦𑍍𑌧𑌵𑌃 ॥ 93 ॥
𑌤𑍍𑌰𑌿𑌪𑌾𑌦𑌪𑍁𑌰𑍁𑌷𑌶𑍍𑌚𑍈𑌵 𑌤𑍍𑌰𑌿𑌪𑌾𑌦𑍂𑌰𑍍𑌧𑍍𑌵𑌸𑍍𑌤𑌥𑍈𑌵 𑌚 ।
𑌤𑍍𑌰𑍍𑌯𑌮𑍍𑌬𑌕𑌶𑍍𑌚 𑌮𑌹𑌾𑌵𑍀𑌰𑍍𑌯𑍋 𑌯𑍋𑌗𑌵𑍀𑌰𑍍𑌯𑌵𑌿𑌶𑌾𑌰𑌦𑌃 ॥ 94 ॥
𑌵𑌿𑌜𑌯𑍀 𑌵𑌿𑌨𑌯𑍀 𑌜𑍇𑌤𑌾 𑌵𑍀𑌤𑌰𑌾𑌗𑍀 𑌵𑌿𑌰𑌾𑌜𑌿𑌤𑌃 ।
𑌰𑍁𑌦𑍍𑌰𑍋 𑌰𑍗𑌦𑍍𑌰𑍋 𑌮𑌹𑌾𑌭𑍀𑌮𑌃 𑌪𑍍𑌰𑌾𑌜𑍍𑌞𑌮𑍁𑌖𑍍𑌯𑌃 𑌸𑌦𑌾𑌶𑍁𑌚𑌿𑌃 ॥ 95 ॥
𑌅𑌨𑍍𑌤𑌰𑍍𑌜𑍍𑌯𑍋𑌤𑌿𑌰𑌨𑌨𑍍𑌤𑌾𑌤𑍍𑌮𑌾 𑌪𑍍𑌰𑌤𑍍𑌯𑌗𑌾𑌤𑍍𑌮𑌾 𑌨𑌿𑌰𑌨𑍍𑌤𑌰𑌃 ।
𑌅𑌰𑍂𑌪𑌶𑍍𑌚𑌾𑌤𑍍𑌮𑌰𑍂𑌪𑌶𑍍𑌚 𑌸𑌰𑍍𑌵𑌭𑌾𑌵𑌵𑌿𑌨𑌿𑌰𑍍𑌵𑍃𑌤𑌃 ॥ 96 ॥
𑌅𑌨𑍍𑌤𑌃𑌶𑍂𑌨𑍍𑌯𑍋 𑌬𑌹𑌿𑌃𑌶𑍂𑌨𑍍𑌯𑌃 𑌶𑍂𑌨𑍍𑌯𑌾𑌤𑍍𑌮𑌾 𑌶𑍂𑌨𑍍𑌯𑌭𑌾𑌵𑌨𑌃 ।
𑌅𑌨𑍍𑌤𑌃𑌪𑍂𑌰𑍍𑌣𑍋 𑌬𑌹𑌿𑌃𑌪𑍂𑌰𑍍𑌣𑌃 𑌪𑍂𑌰𑍍𑌣𑌾𑌤𑍍𑌮𑌾 𑌪𑍂𑌰𑍍𑌣𑌭𑌾𑌵𑌨𑌃 ॥ 97 ॥
𑌅𑌨𑍍𑌤𑌸𑍍𑌤𑍍𑌯𑌾𑌗𑍀 𑌬𑌹𑌿𑌸𑍍𑌤𑍍𑌯𑌾𑌗𑍀 𑌤𑍍𑌯𑌾𑌗𑌾𑌤𑍍𑌮𑌾 𑌸𑌰𑍍𑌵𑌯𑍋𑌗𑌵𑌾𑌨𑍍 ।
𑌅𑌨𑍍𑌤𑌰𑍍𑌯𑍋𑌗𑍀 𑌬𑌹𑌿𑌰𑍍𑌯𑍋𑌗𑍀 𑌸𑌰𑍍𑌵𑌯𑍋𑌗𑌪𑌰𑌾𑌯𑌣𑌃 ॥ 98 ॥
𑌅𑌨𑍍𑌤𑌰𑍍𑌭𑍋𑌗𑍀 𑌬𑌹𑌿𑌰𑍍𑌭𑍋𑌗𑍀 𑌸𑌰𑍍𑌵𑌭𑍋𑌗𑌵𑌿𑌦𑍁𑌤𑍍𑌤𑌮𑌃 ।
𑌅𑌨𑍍𑌤𑌰𑍍𑌨𑌿𑌷𑍍𑌠𑍋 𑌬𑌹𑌿𑌰𑍍𑌨𑌿𑌷𑍍𑌠𑌃 𑌸𑌰𑍍𑌵𑌨𑌿𑌷𑍍𑌠𑌾𑌮𑌯𑌸𑍍𑌤𑌥𑌾 ॥ 99 ॥
𑌬𑌾𑌹𑍍𑌯𑌾𑌨𑍍𑌤𑌰𑌵𑌿𑌮𑍁𑌕𑍍𑌤𑌶𑍍𑌚 𑌬𑌾𑌹𑍍𑌯𑌾𑌨𑍍𑌤𑌰𑌵𑌿𑌵𑌰𑍍𑌜𑌿𑌤𑌃 ।
𑌶𑌾𑌨𑍍𑌤𑌃 𑌶𑍁𑌦𑍍𑌧𑍋 𑌵𑌿𑌶𑍁𑌦𑍍𑌧𑌶𑍍𑌚 𑌨𑌿𑌰𑍍𑌵𑌾𑌣𑌃 𑌪𑍍𑌰𑌕𑍃𑌤𑍇𑌃 𑌪𑌰𑌃 ॥ 100 ॥
𑌅𑌕𑌾𑌲𑌃 𑌕𑌾𑌲𑌨𑍇𑌮𑍀 𑌚 𑌕𑌾𑌲𑌕𑌾𑌲𑍋 𑌜𑌨𑍇𑌶𑍍𑌵𑌰𑌃 ।
𑌕𑌾𑌲𑌾𑌤𑍍𑌮𑌾 𑌕𑌾𑌲𑌕𑌰𑍍𑌤𑌾 𑌚 𑌕𑌾𑌲𑌜𑍍𑌞𑌃 𑌕𑌾𑌲𑌨𑌾𑌶𑌨𑌃 ॥ 101 ॥
𑌕𑍈𑌵𑌲𑍍𑌯𑌪𑌦𑌦𑌾𑌤𑌾 𑌚 𑌕𑍈𑌵𑌲𑍍𑌯𑌸𑍁𑌖𑌦𑌾𑌯𑌕𑌃 ।
𑌕𑍈𑌵𑌲𑍍𑌯𑌕𑌲𑌨𑌾𑌧𑌾𑌰𑍋 𑌨𑌿𑌰𑍍𑌭𑌰𑍋 𑌹𑌰𑍍𑌷𑌵𑌰𑍍𑌧𑌨𑌃 ॥ 102 ॥
𑌹𑍃𑌦𑌯𑌸𑍍𑌥𑍋 𑌹𑍃𑌷𑍀𑌕𑍇𑌶𑍋 𑌗𑍋𑌵𑌿𑌨𑍍𑌦𑍋 𑌗𑌰𑍍𑌭𑌵𑌰𑍍𑌜𑌿𑌤𑌃 ।
𑌸𑌕𑌲𑌾𑌗𑌮𑌪𑍂𑌜𑍍𑌯𑌶𑍍𑌚 𑌨𑌿𑌗𑌮𑍋 𑌨𑌿𑌗𑌮𑌾𑌶𑍍𑌰𑌯𑌃 ॥ 103 ॥
𑌪𑌰𑌾𑌶𑌕𑍍𑌤𑌿𑌃 𑌪𑌰𑌾𑌕𑍀𑌰𑍍𑌤𑌿𑌃 𑌪𑌰𑌾𑌵𑍃𑌤𑍍𑌤𑌿𑌰𑍍𑌨𑌿𑌧𑌿𑌸𑍍𑌮𑍃𑌤𑌿𑌃 ।
𑌪𑌰𑌵𑌿𑌦𑍍𑌯𑌾 𑌪𑌰𑌾𑌕𑍍𑌷𑌾𑌨𑍍𑌤𑌿𑌰𑍍𑌵𑌿𑌭𑌕𑍍𑌤𑌿𑌰𑍍𑌯𑍁𑌕𑍍𑌤𑌸𑌦𑍍𑌗𑌤𑌿𑌃 ॥ 104 ॥
𑌸𑍍𑌵𑌪𑍍𑌰𑌕𑌾𑌶𑌃 𑌪𑍍𑌰𑌕𑌾𑌶𑌾𑌤𑍍𑌮𑌾 𑌪𑌰𑌸𑌂𑌵𑍇𑌦𑌨𑌾𑌤𑍍𑌮𑌕𑌃 ।
𑌸𑍍𑌵𑌸𑍇𑌵𑍍𑌯𑌃 𑌸𑍍𑌵𑌵𑌿𑌦𑌾𑌂 𑌸𑍍𑌵𑌾𑌤𑍍𑌮𑌾 𑌸𑍍𑌵𑌸𑌂𑌵𑍇𑌦𑍍𑌯𑍋𑌽𑌨𑌘𑌃 𑌕𑍍𑌷𑌮𑍀 ॥ 105 ॥
𑌸𑍍𑌵𑌾𑌨𑍁𑌸𑌨𑍍𑌧𑌾𑌨𑌶𑍀𑌲𑌾𑌤𑍍𑌮𑌾 𑌸𑍍𑌵𑌾𑌨𑍁𑌸𑌨𑍍𑌧𑌾𑌨𑌗𑍋𑌚𑌰𑌃 ।
𑌸𑍍𑌵𑌾𑌨𑍁𑌸𑌨𑍍𑌧𑌾𑌨𑌶𑍂𑌨𑍍𑌯𑌾𑌤𑍍𑌮𑌾 𑌸𑍍𑌵𑌾𑌨𑍁𑌸𑌨𑍍𑌧𑌾𑌨𑌕𑌾𑌶𑍍𑌰𑌯𑌃 ॥ 106 ॥
𑌸𑍍𑌵𑌬𑍋𑌧𑌦𑌰𑍍𑌪𑌣𑍋𑌽𑌭𑌙𑍍𑌗𑌃 𑌕𑌨𑍍𑌦𑌰𑍍𑌪𑌕𑍁𑌲𑌨𑌾𑌶𑌨𑌃 ।
𑌬𑍍𑌰𑌹𑍍𑌮𑌚𑌾𑌰𑍀 𑌬𑍍𑌰𑌹𑍍𑌮𑌵𑍇𑌤𑍍𑌤𑌾 𑌬𑍍𑌰𑌾𑌹𑍍𑌮𑌣𑍋 𑌬𑍍𑌰𑌹𑍍𑌮𑌵𑌿𑌤𑍍𑌤𑌮𑌃 ॥ 107 ॥
𑌤𑌤𑍍𑌤𑍍𑌵𑌬𑍋𑌧𑌃 𑌸𑍁𑌧𑌾𑌵𑌰𑍍𑌷𑌃 𑌪𑌾𑌵𑌨𑌃 𑌪𑌾𑌪𑌪𑌾𑌵𑌕𑌃 ।
𑌬𑍍𑌰𑌹𑍍𑌮𑌸𑍂𑌤𑍍𑌰𑌵𑌿𑌧𑍇𑌯𑌾𑌤𑍍𑌮𑌾 𑌬𑍍𑌰𑌹𑍍𑌮𑌸𑍂𑌤𑍍𑌰𑌾𑌰𑍍𑌥𑌨𑌿𑌰𑍍𑌣𑌯𑌃 ॥ 108 ॥
𑌆𑌤𑍍𑌯𑌨𑍍𑌤𑌿𑌕𑍋 𑌮𑌹𑌾𑌕𑌲𑍍𑌪𑌃 𑌸𑌙𑍍𑌕𑌲𑍍𑌪𑌾𑌵𑌰𑍍𑌤𑌨𑌾𑌶𑌨𑌃 ।
𑌆𑌧𑌿𑌵𑍍𑌯𑌾𑌧𑌿𑌹𑌰𑌶𑍍𑌚𑍈𑌵 𑌸𑌂𑌶𑌯𑌾𑌰𑍍𑌣𑌵𑌶𑍋𑌷𑌕𑌃 ॥ 109 ॥
𑌤𑌤𑍍𑌤𑍍𑌵𑌾𑌤𑍍𑌮𑌜𑍍𑌞𑌾𑌨𑌸𑌨𑍍𑌦𑍇𑌶𑍋 𑌮𑌹𑌾𑌨𑍁𑌭𑌵𑌭𑌾𑌵𑌿𑌤𑌃 ।
𑌆𑌤𑍍𑌮𑌾𑌨𑍁𑌭𑌵𑌸𑌮𑍍𑌪𑌨𑍍𑌨𑌃 𑌸𑍍𑌵𑌾𑌨𑍁𑌭𑌾𑌵𑌸𑍁𑌖𑌾𑌶𑍍𑌰𑌯𑌃 ॥ 110 ॥
𑌅𑌚𑌿𑌨𑍍𑌤𑍍𑌯𑌶𑍍𑌚 𑌬𑍃𑌹𑌦𑍍𑌭𑌾𑌨𑍁𑌃 𑌪𑍍𑌰𑌮𑌦𑍋𑌤𑍍𑌕𑌰𑍍𑌷𑌨𑌾𑌶𑌨𑌃 ।
𑌅𑌨𑌿𑌕𑍇𑌤 𑌪𑍍𑌰𑌶𑌾𑌨𑍍𑌤𑌾𑌤𑍍𑌮𑌾 𑌶𑍂𑌨𑍍𑌯𑌾𑌵𑌾𑌸𑍋 𑌜𑌗𑌦𑍍𑌵𑌪𑍁𑌃 ॥ 111 ॥
𑌚𑌿𑌦𑍍𑌗𑌤𑌿𑌶𑍍𑌚𑌿𑌨𑍍𑌮𑌯𑌶𑍍𑌚𑌕𑍍𑌰𑍀 𑌮𑌾𑌯𑌾𑌚𑌕𑍍𑌰𑌪𑍍𑌰𑌵𑌰𑍍𑌤𑌕𑌃 ।
𑌸𑌰𑍍𑌵𑌵𑌰𑍍𑌣𑌵𑌿𑌦𑌾𑌰𑌮𑍍𑌭𑍀 𑌸𑌰𑍍𑌵𑌾𑌰𑌮𑍍𑌭𑌪𑌰𑌾𑌯𑌣𑌃 ॥ 112 ॥
𑌪𑍁𑌰𑌾𑌣𑌃 𑌪𑍍𑌰𑌵𑌰𑍋 𑌦𑌾𑌤𑌾 𑌸𑍁𑌨𑍍𑌦𑌰𑌃 𑌕𑌨𑌕𑌾𑌙𑍍𑌗𑌦𑍀 ।
𑌅𑌨𑌸𑍂𑌯𑌾𑌤𑍍𑌮𑌜𑍋 𑌦𑌤𑍍𑌤𑌃 𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌕𑌾𑌮𑌦𑌃 ॥ 113 ॥
𑌕𑌾𑌮𑌜𑌿𑌤𑍍 𑌕𑌾𑌮𑌪𑌾𑌲𑌶𑍍𑌚 𑌕𑌾𑌮𑍀 𑌕𑌾𑌮𑌪𑍍𑌰𑌦𑌾𑌗𑌮𑌃 ।
𑌕𑌾𑌮𑌵𑌾𑌨𑍍 𑌕𑌾𑌮𑌪𑍋𑌷𑌶𑍍𑌚 𑌸𑌰𑍍𑌵𑌕𑌾𑌮𑌨𑌿𑌵𑌰𑍍𑌤𑌕𑌃 ॥ 114 ॥
𑌸𑌰𑍍𑌵𑌕𑌰𑍍𑌮𑌫𑌲𑍋𑌤𑍍𑌪𑌤𑍍𑌤𑌿𑌃 𑌸𑌰𑍍𑌵𑌕𑌾𑌮𑌫𑌲𑌪𑍍𑌰𑌦𑌃 ।
𑌸𑌰𑍍𑌵𑌕𑌰𑍍𑌮𑌫𑌲𑍈𑌃 𑌪𑍂𑌜𑍍𑌯𑌃 𑌸𑌰𑍍𑌵𑌕𑌰𑍍𑌮𑌫𑌲𑌾𑌶𑍍𑌰𑌯𑌃 ॥ 115 ॥
𑌵𑌿𑌶𑍍𑌵𑌕𑌰𑍍𑌮𑌾 𑌕𑍃𑌤𑌾𑌤𑍍𑌮𑌾 𑌚 𑌕𑍃𑌤𑌜𑍍𑌞𑌃 𑌸𑌰𑍍𑌵𑌸𑌾𑌕𑍍𑌷𑌿𑌕𑌃 ।
𑌸𑌰𑍍𑌵𑌾𑌰𑌮𑍍𑌭𑌪𑌰𑌿𑌤𑍍𑌯𑌾𑌗𑍀 𑌜𑌡𑍋𑌨𑍍𑌮𑌤𑍍𑌤𑌪𑌿𑌶𑌾𑌚𑌵𑌾𑌨𑍍 ॥ 116 ॥
𑌭𑌿𑌕𑍍𑌷𑍁𑌰𑍍𑌭𑍈𑌕𑍍𑌷𑌾𑌕𑌰𑌶𑍍𑌚𑍈𑌵 𑌭𑍈𑌕𑍍𑌷𑌾𑌹𑌾𑌰𑍀 𑌨𑌿𑌰𑌾𑌶𑍍𑌰𑌮𑍀 ।
𑌅𑌕𑍂𑌲𑌶𑍍𑌚𑌾𑌨𑍁𑌕𑍂𑌲𑌶𑍍𑌚 𑌵𑌿𑌕𑌲𑍋 𑌹𑍍𑌯𑌕𑌲𑌸𑍍𑌤𑌥𑌾 ॥ 117 ॥
𑌜𑌟𑌿𑌲𑍋 𑌵𑌨𑌚𑌾𑌰𑍀 𑌚 𑌦𑌣𑍍𑌡𑍀 𑌮𑍁𑌣𑍍𑌡𑍀 𑌚 𑌗𑌣𑍍𑌡𑌵𑌾𑌨𑍍 ।
𑌦𑍇𑌹𑌧𑌰𑍍𑌮𑌵𑌿𑌹𑍀𑌨𑌾𑌤𑍍𑌮𑌾 𑌹𑍍𑌯𑍇𑌕𑌾𑌕𑍀 𑌸𑌙𑍍𑌗𑌵𑌰𑍍𑌜𑌿𑌤𑌃 ॥ 118 ॥
𑌆𑌶𑍍𑌰𑌮𑍍𑌯𑌨𑌾𑌶𑍍𑌰𑌮𑌾𑌰𑌮𑍍𑌭𑍋𑌽𑌨𑌾𑌚𑌾𑌰𑍀 𑌕𑌰𑍍𑌮𑌵𑌰𑍍𑌜𑌿𑌤𑌃 ।
𑌅𑌸𑌨𑍍𑌦𑍇𑌹𑍀 𑌚 𑌸𑌨𑍍𑌦𑍇𑌹𑍀 𑌨 𑌕𑌿𑌞𑍍𑌚𑌿𑌨𑍍𑌨 𑌚 𑌕𑌿𑌞𑍍𑌚𑌨𑌃 ॥ 119 ॥
𑌨𑍃𑌦𑍇𑌹𑍀 𑌦𑍇𑌹𑌶𑍂𑌨𑍍𑌯𑌶𑍍𑌚 𑌨𑌾𑌭𑌾𑌵𑍀 𑌭𑌾𑌵𑌨𑌿𑌰𑍍𑌗𑌤𑌃 ।
𑌨𑌾𑌬𑍍𑌰𑌹𑍍𑌮𑌾 𑌚 𑌪𑌰𑌬𑍍𑌰𑌹𑍍𑌮 𑌸𑍍𑌵𑌯𑌮𑍇𑌵 𑌨𑌿𑌰𑌾𑌕𑍁𑌲𑌃 ॥ 120 ॥
𑌅𑌨𑌘𑌶𑍍𑌚𑌾𑌗𑍁𑌰𑍁𑌶𑍍𑌚𑍈𑌵 𑌨𑌾𑌥𑌨𑌾𑌥𑍋𑌤𑍍𑌤𑌮𑍋 𑌗𑍁𑌰𑍁𑌃 ।
𑌦𑍍𑌵𑌿𑌭𑍁𑌜𑌃 𑌪𑍍𑌰𑌾𑌕𑍃𑌤𑌶𑍍𑌚𑍈𑌵 𑌜𑌨𑌕𑌶𑍍𑌚 𑌪𑌿𑌤𑌾𑌮𑌹𑌃 ॥ 121 ॥
𑌅𑌨𑌾𑌤𑍍𑌮𑌾 𑌨 𑌚 𑌨𑌾𑌨𑌾𑌤𑍍𑌮𑌾 𑌨𑍀𑌤𑌿𑌰𑍍𑌨𑍀𑌤𑌿𑌮𑌤𑌾𑌂 𑌵𑌰𑌃 ।
𑌸𑌹𑌜𑌃 𑌸𑌦𑍃𑌶𑌃 𑌸𑌿𑌦𑍍𑌧𑌶𑍍𑌚𑍈𑌕𑌶𑍍𑌚𑌿𑌨𑍍𑌮𑌾𑌤𑍍𑌰 𑌏𑌵 𑌚 ॥ 122 ॥
𑌨 𑌕𑌰𑍍𑌤𑌾𑌪𑌿 𑌚 𑌕𑌰𑍍𑌤𑌾 𑌚 𑌭𑍋𑌕𑍍𑌤𑌾 𑌭𑍋𑌗𑌵𑌿𑌵𑌰𑍍𑌜𑌿𑌤𑌃 ।
𑌤𑍁𑌰𑍀𑌯𑌸𑍍𑌤𑍁𑌰𑍀𑌯𑌾𑌤𑍀𑌤𑌃 𑌸𑍍𑌵𑌚𑍍𑌛𑌃 𑌸𑌰𑍍𑌵𑌮𑌯𑌸𑍍𑌤𑌥𑌾 ॥ 123 ॥
𑌸𑌰𑍍𑌵𑌾𑌧𑌿𑌷𑍍𑌠𑌾𑌨𑌰𑍂𑌪𑌶𑍍𑌚 𑌸𑌰𑍍𑌵𑌧𑍍𑌯𑍇𑌯𑌵𑌿𑌵𑌰𑍍𑌜𑌿𑌤𑌃 ।
𑌸𑌰𑍍𑌵𑌲𑍋𑌕𑌨𑌿𑌵𑌾𑌸𑌾𑌤𑍍𑌮𑌾 𑌸𑌕𑌲𑍋𑌤𑍍𑌤𑌮𑌵𑌨𑍍𑌦𑌿𑌤𑌃 ॥ 124 ॥
𑌦𑍇𑌹𑌭𑍃𑌦𑍍𑌦𑍇𑌹𑌕𑍃𑌚𑍍𑌚𑍈𑌵 𑌦𑍇𑌹𑌾𑌤𑍍𑌮𑌾 𑌦𑍇𑌹𑌭𑌾𑌵𑌨𑌃 ।
𑌦𑍇𑌹𑍀 𑌦𑍇𑌹𑌵𑌿𑌭𑌕𑍍𑌤𑌶𑍍𑌚 𑌦𑍇𑌹𑌭𑌾𑌵𑌪𑍍𑌰𑌕𑌾𑌶𑌨𑌃 ॥ 125 ॥
𑌲𑌯𑌸𑍍𑌥𑍋 𑌲𑌯𑌵𑌿𑌚𑍍𑌚𑍈𑌵 𑌲𑌯𑌾𑌭𑌾𑌵𑌶𑍍𑌚 𑌬𑍋𑌧𑌵𑌾𑌨𑍍 ।
𑌲𑌯𑌾𑌤𑍀𑌤𑍋 𑌲𑌯𑌸𑍍𑌯𑌾𑌨𑍍𑌤𑍋 𑌲𑌯𑌭𑌾𑌵𑌨𑌿𑌵𑌾𑌰𑌣𑌃 ॥ 126 ॥
𑌵𑌿𑌮𑍁𑌖𑌃 𑌪𑍍𑌰𑌮𑍁𑌖𑌶𑍍𑌚𑍈𑌵 𑌪𑍍𑌰𑌤𑍍𑌯𑌙𑍍𑌮𑍁𑌖𑌵𑌦𑌾𑌚𑌰𑍀 ।
𑌵𑌿𑌶𑍍𑌵𑌭𑍁𑌗𑍍𑌵𑌿𑌶𑍍𑌵𑌧𑍃𑌗𑍍𑌵𑌿𑌶𑍍𑌵𑍋 𑌵𑌿𑌶𑍍𑌵𑌕𑍍𑌷𑍇𑌮𑌕𑌰𑌸𑍍𑌤𑌥𑌾 ॥ 127 ॥
𑌅𑌵𑌿𑌕𑍍𑌷𑌿𑌪𑍍𑌤𑍋𑌽𑌪𑍍𑌰𑌮𑌾𑌦𑍀 𑌚 𑌪𑌰𑌰𑍍𑌧𑌿𑌃 𑌪𑌰𑌮𑌾𑌰𑍍𑌥𑌦𑍃𑌕𑍍 ।
𑌸𑍍𑌵𑌾𑌨𑍁𑌭𑌾𑌵𑌵𑌿𑌹𑍀𑌨𑌶𑍍𑌚 𑌸𑍍𑌵𑌾𑌨𑍁𑌭𑌾𑌵𑌪𑍍𑌰𑌕𑌾𑌶𑌨𑌃 ॥ 128 ॥
𑌨𑌿𑌰𑌿𑌨𑍍𑌦𑍍𑌰𑌿𑌯𑌶𑍍𑌚 𑌨𑌿𑌰𑍍𑌬𑍁𑌦𑍍𑌧𑌿𑌰𑍍𑌨𑌿𑌰𑌾𑌭𑌾𑌸𑍋 𑌨𑌿𑌰𑌾𑌕𑍃𑌤𑌃 ।
𑌨𑌿𑌰𑌹𑌙𑍍𑌕𑌾𑌰𑌰𑍂𑌪𑌾𑌤𑍍𑌮𑌾 𑌨𑌿𑌰𑍍𑌵𑌪𑍁𑌃 𑌸𑌕𑌲𑌾𑌶𑍍𑌰𑌯𑌃 ॥ 129 ॥
𑌶𑍋𑌕𑌦𑍁𑌃𑌖𑌹𑌰𑌶𑍍𑌚𑍈𑌵 𑌭𑍋𑌗𑌮𑍋𑌕𑍍𑌷𑌫𑌲𑌪𑍍𑌰𑌦𑌃 ।
𑌸𑍁𑌪𑍍𑌰𑌸𑌨𑍍𑌨𑌸𑍍𑌤𑌥𑌾 𑌸𑍂𑌕𑍍𑌷𑍍𑌮𑌃 𑌶𑌬𑍍𑌦𑌬𑍍𑌰𑌹𑍍𑌮𑌾𑌰𑍍𑌥𑌸𑌙𑍍𑌗𑍍𑌰𑌹𑌃 ॥ 130 ॥
𑌆𑌗𑌮𑌾𑌪𑌾𑌯𑌶𑍂𑌨𑍍𑌯𑌶𑍍𑌚 𑌸𑍍𑌥𑌾𑌨𑌦𑌶𑍍𑌚 𑌸𑌤𑌾𑌙𑍍𑌗𑌤𑌿𑌃 ।
𑌅𑌕𑍃𑌤𑌃 𑌸𑍁𑌕𑍃𑌤𑌶𑍍𑌚𑍈𑌵 𑌕𑍃𑌤𑌕𑌰𑍍𑌮𑌾 𑌵𑌿𑌨𑌿𑌰𑍍𑌵𑍃𑌤𑌃 ॥ 131 ॥
𑌭𑍇𑌦𑌤𑍍𑌰𑌯𑌹𑌰𑌶𑍍𑌚𑍈𑌵 𑌦𑍇𑌹𑌤𑍍𑌰𑌯𑌵𑌿𑌨𑌿𑌰𑍍𑌗𑌤𑌃 ।
𑌸𑌰𑍍𑌵𑌕𑌾𑌮𑌮𑌯𑌶𑍍𑌚𑍈𑌵 𑌸𑌰𑍍𑌵𑌕𑌾𑌮𑌨𑌿𑌵𑌰𑍍𑌤𑌕𑌃 ॥ 132 ॥
𑌸𑌿𑌦𑍍𑌧𑍇𑌶𑍍𑌵𑌰𑍋𑌽𑌜𑌰𑌃 𑌪𑌞𑍍𑌚𑌬𑌾𑌣𑌦𑌰𑍍𑌪𑌹𑍁𑌤𑌾𑌶𑌨𑌃 ।
𑌚𑌤𑍁𑌰𑌕𑍍𑌷𑌰𑌬𑍀𑌜𑌾𑌤𑍍𑌮𑌾 𑌸𑍍𑌵𑌭𑍂𑌶𑍍𑌚𑌿𑌤𑍍𑌕𑍀𑌰𑍍𑌤𑌿𑌭𑍂𑌷𑌣𑌃 ॥ 133 ॥
𑌅𑌗𑌾𑌧𑌬𑍁𑌦𑍍𑌧𑌿𑌰𑌕𑍍𑌷𑍁𑌬𑍍𑌧𑌶𑍍𑌚𑌨𑍍𑌦𑍍𑌰𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌃 ।
𑌯𑌮𑌦𑌂𑌷𑍍𑌟𑍍𑌰𑍋𑌽𑌤𑌿𑌸𑌂𑌹𑌰𑍍𑌤𑌾 𑌪𑌰𑌮𑌾𑌨𑌨𑍍𑌦𑌸𑌾𑌗𑌰𑌃 ॥ 134 ॥
𑌲𑍀𑌲𑌾𑌵𑌿𑌶𑍍𑌵𑌮𑍍𑌭𑌰𑍋 𑌭𑌾𑌨𑍁𑌰𑍍𑌭𑍈𑌰𑌵𑍋 𑌭𑍀𑌮𑌲𑍋𑌚𑌨𑌃 ।
𑌬𑍍𑌰𑌹𑍍𑌮𑌚𑌰𑍍𑌮𑌾𑌮𑍍𑌬𑌰𑌃 𑌕𑌾𑌲𑌸𑍍𑌤𑍍𑌵𑌚𑌲𑌶𑍍𑌚𑌲𑌨𑌾𑌨𑍍𑌤𑌕𑌃 ॥ 135 ॥
𑌆𑌦𑌿𑌦𑍇𑌵𑍋 𑌜𑌗𑌦𑍍𑌯𑍋𑌨𑌿𑌰𑍍𑌵𑌾𑌸𑌵𑌾𑌰𑌿𑌵𑌿𑌮𑌰𑍍𑌦𑌨𑌃 ।
𑌵𑌿𑌕𑌰𑍍𑌮𑌕𑌰𑍍𑌮𑌕𑌰𑍍𑌮𑌜𑍍𑌞𑍋 𑌅𑌨𑌨𑍍𑌯𑌗𑌮𑌕𑍋𑌽𑌗𑌮𑌃 ॥ 136 ॥
𑌅𑌬𑌦𑍍𑌧𑌕𑌰𑍍𑌮𑌶𑍂𑌨𑍍𑌯𑌶𑍍𑌚 𑌕𑌾𑌮𑌰𑌾𑌗𑌕𑍁𑌲𑌕𑍍𑌷𑌯𑌃 ।
𑌯𑍋𑌗𑌾𑌨𑍍𑌧𑌕𑌾𑌰𑌮𑌥𑌨𑌃 𑌪𑌦𑍍𑌮𑌜𑌨𑍍𑌮𑌾𑌦𑌿𑌵𑌨𑍍𑌦𑌿𑌤𑌃 ॥ 137 ॥
𑌭𑌕𑍍𑌤𑌕𑌾𑌮𑍋𑌽𑌗𑍍𑌰𑌜𑌶𑍍𑌚𑌕𑍍𑌰𑍀 𑌭𑌾𑌵𑌨𑌿𑌰𑍍𑌭𑌾𑌵𑌭𑌾𑌵𑌕𑌃 ।
𑌭𑍇𑌦𑌾𑌨𑍍𑌤𑌕𑍋 𑌮𑌹𑌾𑌨𑌗𑍍𑌰𑍍𑌯𑍋 𑌨𑌿𑌗𑍂𑌹𑍋 𑌗𑍋𑌚𑌰𑌾𑌨𑍍𑌤𑌕𑌃 ॥ 138 ॥
𑌕𑌾𑌲𑌾𑌗𑍍𑌨𑌿𑌶𑌮𑌨𑌃 𑌶𑌙𑍍𑌖𑌚𑌕𑍍𑌰𑌪𑌦𑍍𑌮𑌗𑌦𑌾𑌧𑌰𑌃 ।
𑌦𑍀𑌪𑍍𑌤𑍋 𑌦𑍀𑌨𑌪𑌤𑌿𑌃 𑌶𑌾𑌸𑍍𑌤𑌾 𑌸𑍍𑌵𑌚𑍍𑌛𑌨𑍍𑌦𑍋 𑌮𑍁𑌕𑍍𑌤𑌿𑌦𑌾𑌯𑌕𑌃 ॥ 139 ॥
𑌵𑍍𑌯𑍋𑌮𑌧𑌰𑍍𑌮𑌾𑌮𑍍𑌬𑌰𑍋 𑌭𑍇𑌤𑍍𑌤𑌾 𑌭𑌸𑍍𑌮𑌧𑌾𑌰𑍀 𑌧𑌰𑌾𑌧𑌰𑌃 ।
𑌧𑌰𑍍𑌮𑌗𑍁𑌪𑍍𑌤𑍋𑌽𑌨𑍍𑌵𑌯𑌾𑌤𑍍𑌮𑌾 𑌚 𑌵𑍍𑌯𑌤𑌿𑌰𑍇𑌕𑌾𑌰𑍍𑌥𑌨𑌿𑌰𑍍𑌣𑌯𑌃 ॥ 140 ॥
𑌏𑌕𑌾𑌨𑍇𑌕𑌗𑍁𑌣𑌾𑌭𑌾𑌸𑌾𑌭𑌾𑌸𑌨𑌿𑌰𑍍𑌭𑌾𑌸𑌵𑌰𑍍𑌜𑌿𑌤𑌃 ।
𑌭𑌾𑌵𑌾𑌭𑌾𑌵𑌸𑍍𑌵𑌭𑌾𑌵𑌾𑌤𑍍𑌮𑌾 𑌭𑌾𑌵𑌾𑌭𑌾𑌵𑌵𑌿𑌭𑌾𑌵𑌵𑌿𑌤𑍍 ॥ 141 ॥
𑌯𑍋𑌗𑌿𑌹𑍃𑌦𑌯𑌵𑌿𑌶𑍍𑌰𑌾𑌮𑍋𑌽𑌨𑌨𑍍𑌤𑌵𑌿𑌦𑍍𑌯𑌾𑌵𑌿𑌵𑌰𑍍𑌧𑌨𑌃 ।
𑌵𑌿𑌘𑍍𑌨𑌾𑌨𑍍𑌤𑌕𑌸𑍍𑌤𑍍𑌰𑌿𑌕𑌾𑌲𑌜𑍍𑌞𑌸𑍍𑌤𑌤𑍍𑌤𑍍𑌵𑌾𑌤𑍍𑌮𑌾 𑌜𑍍𑌞𑌾𑌨𑌸𑌾𑌗𑌰𑌃 ॥ 142 ॥
𑌇𑌤𑍀𑌦𑌂 𑌦𑌤𑍍𑌤𑌸𑌾𑌹𑌸𑍍𑌰𑌂 𑌸𑌾𑌯𑌂 𑌪𑍍𑌰𑌾𑌤𑌃 𑌪𑌠𑍇𑌤𑍍𑌤𑍁 𑌯𑌃 ।
𑌸 𑌇𑌹𑌾𑌮𑍁𑌤𑍍𑌰 𑌲𑌭𑌤𑍇 𑌨𑌿𑌰𑍍𑌵𑌾𑌣𑌂 𑌪𑌰𑌮𑌂 𑌸𑍁𑌖𑌮𑍍 ॥ 143 ॥
𑌗𑍁𑌰𑍁𑌵𑌾𑌰𑍇 𑌦𑌤𑍍𑌤𑌭𑌕𑍍𑌤𑍋 𑌭𑌕𑍍𑌤𑌿𑌭𑌾𑌵𑌸𑌮𑌨𑍍𑌵𑌿𑌤𑌃 ।
𑌪𑌠𑍇𑌤𑍍 𑌸𑌦𑍈𑌵 𑌯𑍋 𑌹𑍍𑌯𑍇𑌤𑌤𑍍 𑌸 𑌲𑌭𑍇𑌚𑍍𑌚𑌿𑌨𑍍𑌤𑌿𑌤𑌂 𑌧𑍍𑌰𑍁𑌵𑌮𑍍 ॥ 144 ॥
𑌇𑌤𑌿 𑌶𑍍𑌰𑍀𑌮𑌦𑍍𑌦𑌤𑍍𑌤𑌾𑌤𑍍𑌰𑍇𑌯𑌪𑍁𑌰𑌾𑌣𑍇 𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
munayaḥ ūcuḥ
nikhilāgamatattvajña brahmadhyānaparāyaṇa |
vadāsmākaṃ muktyupāyaṃ sūta sarvopakārakam || 1 ||
sarvadeveṣu ko devaḥ sadyo mokṣaprado bhavet |
ko manurvā bhavettasya sadyaḥ prītikaro dhruvam || 2 ||
sūta uvāca |
nigamāgamatattvajño hyavadhūtaścidambaraḥ |
bhaktavātsalyapravaṇo datta eva hi kevalaḥ || 3 ||
sadā prasannavadano bhaktacintaikatatparaḥ |
tasya nāmānyanantāni vartante'thāpyadaḥ param || 4 ||
dattasya nāmasāhasraṃ tasya prītivivardhanam |
yastvidaṃ paṭhate nityaṃ dattātreyaikamānasaḥ || 5 ||
mucyate sarvapāpebhyaḥ sa sadyo nātra saṃśayaḥ |
ante taddhāma saṃyāti punarāvṛttidurlabham || 6 ||
asya śrīmaddattātreyasahasranāmastotramantrasya avadhūta ṛṣiḥ, anuṣṭup chandaḥ, digambaro devatā, oṃ bījaṃ, hrīṃ śaktiḥ, krauṃ kīlakaṃ, śrīdattātreyaprītyarthe jape viniyogaḥ |
atha dhyānam
digambaraṃ bhasmavilepitāṅgaṃ
bodhātmakaṃ muktikaraṃ prasannam |
nirmānasaṃ śyāmatanuṃ bhaje'haṃ
dattātreyaṃ brahmasamādhiyuktam ||
atha stotram
dattātreyo mahāyogī yogeśaścāmaraprabhuḥ |
munirdigambaro bālo māyāmukto madāpahaḥ || 1 ||
avadhūto mahānāthaḥ śaṅkaro'maravallabhaḥ |
mahādevaścādidevaḥ purāṇaprabhurīśvaraḥ || 2 ||
sattvakṛtsattvabhṛdbhāvaḥ sattvātmā sattvasāgaraḥ |
sattvavitsattvasākṣī ca sattvasādhyo'marādhipaḥ || 3 ||
bhūtakṛdbhūtabhṛccaiva bhūtātmā bhūtasambhavaḥ |
bhūtabhāvo bhavo bhūtavittathā bhūtakāraṇaḥ || 4 ||
bhūtasākṣī prabhūtiśca bhūtānāṃ paramā gatiḥ |
bhūtasaṅgavihīnātmā bhūtātmā bhūtaśaṅkaraḥ || 5 ||
bhūtanātho mahānātha ādinātho maheśvaraḥ |
sarvabhūtanivāsātmā bhūtasantāpanāśanaḥ || 6 ||
sarvātmā sarvabhṛtsarvaḥ sarvajñaḥ sarvanirṇayaḥ |
sarvasākṣī bṛhadbhānuḥ sarvavit sarvamaṅgalaḥ || 7 ||
śāntaḥ satyaḥ samaḥ pūrṇo ekākī kamalāpatiḥ |
rāmo rāmapriyaścaiva virāmo rāmakāraṇaḥ || 8 ||
śuddhātmā pāvano'nantaḥ pratītaḥ paramārthabhṛt |
haṃsasākṣī vibhuścaiva prabhuḥ pralaya ityapi || 9 ||
siddhātmā paramātmā ca siddhānāṃ paramā gatiḥ |
siddhisiddhastathā sādhyaḥ sādhano hyuttamastathā || 10 ||
sulakṣaṇaḥ sumedhāvī vidyāvānvigatāntaraḥ |
vijvaraśca mahābāhurbahulānandavardhanaḥ || 11 ||
avyaktapuruṣaḥ prājñaḥ parajñaḥ paramārthadṛk |
parāparavinirmukto yuktastattvaprakāśavān || 12 ||
dayāvān bhagavān bhāvī bhāvātmā bhāvakāraṇaḥ |
bhavasantāpanāśaśca puṣpavān paṇḍito budhaḥ || 13 ||
pratyakṣavasturviśvātmā pratyagbrahma sanātanaḥ |
pramāṇavigataścaiva pratyāhāraniyojakaḥ || 14 ||
praṇavaḥ praṇavātītaḥ pramukhaḥ pralayātmakaḥ |
mṛtyuñjayo viviktātmā śaṅkarātmā paro vapuḥ || 15 ||
paramastanuvijñeyaḥ paramātmani saṃsthitaḥ |
prabodhakalanādhāraḥ prabhāvapravarottamaḥ || 16 ||
cidambaraścidvilāsaścidākāśaściduttamaḥ |
cittacaitanyacittātmā devānāṃ paramā gatiḥ || 17 ||
acetyaścetanādhāraścetanācittavikramaḥ |
cittātmā cetanārūpo lasatpaṅkajalocanaḥ || 18 ||
paraṃ brahma paraṃ jyotiḥ paraṃ dhāma parantapaḥ |
paraṃ sūtraṃ paraṃ tantraṃ pavitraḥ paramohavān || 19 ||
kṣetrajñaḥ kṣetragaḥ kṣetraḥ kṣetrādhāraḥ purañjanaḥ |
kṣetraśūnyo lokasākṣī kṣetravān bahunāyakaḥ || 20 ||
yogendro yogapūjyaśca yogya ātmavidāṃ śuciḥ |
yogamāyādharaḥ sthāṇuracalaḥ kamalāpatiḥ || 21 ||
yogeśo yoganirmātā yogajñānaprakāśanaḥ |
yogapālo lokapālaḥ saṃsāratamanāśanaḥ || 22 ||
guhyo guhyatamo gupto mukto yuktaḥ sanātanaḥ |
gahano gaganākāro gambhīro gaṇanāyakaḥ || 23 ||
govindo gopatirgoptā gobhāgo bhāvasaṃsthitaḥ |
gosākṣī gotamāriśca gāndhāro gaganākṛtiḥ || 24 ||
yogayukto bhogayuktaḥ śaṅkāmuktasamādhimān |
sahajaḥ sakaleśānaḥ kārtavīryavarapradaḥ || 25 ||
sarajo virajo puṃso pāvanaḥ pāpanāśanaḥ |
parāvaravinirmuktaḥ paraṃ‍jyotiḥ purātanaḥ || 26 ||
nānājyotiranekātmā svayaṃ‍jyotiḥ sadāśivaḥ |
divyajyotirmayaścaiva satyavijñānabhāskaraḥ || 27 ||
nityaśuddhaḥ paraḥ pūrṇaḥ prakāśaḥ prakaṭodbhavaḥ |
pramādavigataścaiva pareśaḥ paravikramaḥ || 28 ||
yogī yogo yogapaśca yogābhyāsaprakāśanaḥ |
yoktā moktā vidhātā ca trātā pātā nirāyudhaḥ || 29 ||
nityamukto nityayuktaḥ satyaḥ satyaparākramaḥ |
sattvaśuddhikaraḥ sattvastathā sattvabhṛtāṃ gatiḥ || 30 ||
śrīdharaḥ śrīvapuḥ śrīmān śrīnivāso'marārcitaḥ |
śrīnidhiḥ śrīpatiḥ śreṣṭhaḥ śreyaskaścaramāśrayaḥ || 31 ||
tyāgī tyāgārthasampannastyāgātmā tyāgavigrahaḥ |
tyāgalakṣaṇasiddhātmā tyāgajñastyāgakāraṇaḥ || 32 ||
bhogo bhoktā tathā bhogyo bhogasādhanakāraṇaḥ |
bhogī bhogārthasampanno bhogajñānaprakāśanaḥ || 33 ||
kevalaḥ keśavaḥ kṛṣṇaḥ kaṃvāsāḥ kamalālayaḥ |
kamalāsanapūjyaśca harirajñānakhaṇḍanaḥ || 34 ||
mahātmā mahadādiśca maheśottamavanditaḥ |
manobuddhivihīnātmā mānātmā mānavādhipaḥ || 35 ||
bhuvaneśo vibhūtiśca dhṛtirmedhā smṛtirdayā |
duḥkhadāvānalo buddhaḥ prabuddhaḥ parameśvaraḥ || 36 ||
kāmahā krodhahā caiva dambhadarpamadāpahaḥ |
ajñānatimirāriśca bhavārirbhuvaneśvaraḥ || 37 ||
rūpakṛdrūpabhṛdrūpī rūpātmā rūpakāraṇaḥ |
rūpajño rūpasākṣī ca nāmarūpo guṇāntakaḥ || 38 ||
aprameyaḥ prameyaśca pramāṇaṃ praṇavāśrayaḥ |
pramāṇarahito'cintyaścetanāvigato'jaraḥ || 39 ||
akṣaro'kṣaramuktaśca vijvaro jvaranāśanaḥ |
viśiṣṭo vittaśāstrī ca dṛṣṭo dṛṣṭāntavarjitaḥ || 40 ||
guṇeśo guṇakāyaśca guṇātmā guṇabhāvanaḥ |
anantaguṇasampanno guṇagarbho guṇādhipaḥ || 41 ||
gaṇeśo guṇanāthaśca guṇātmā gaṇabhāvanaḥ |
gaṇabandhurvivekātmā guṇayuktaḥ parākramī || 42 ||
atarkyaḥ kraturagniśca kṛtajñaḥ saphalāśrayaḥ |
yajñaśca yajñaphalado yajña ijyo'marottamaḥ || 43 ||
hiraṇyagarbhaḥ śrīgarbhaḥ khagarbhaḥ kuṇapeśvaraḥ |
māyāgarbho lokagarbhaḥ svayambhūrbhuvanāntakaḥ || 44 ||
niṣpāpo nibiḍo nandī bodhī bodhasamāśrayaḥ |
bodhātmā bodhanātmā ca bhedavaitaṇḍakhaṇḍanaḥ || 45 ||
svābhāvyo bhāvanirmukto vyakto'vyaktasamāśrayaḥ |
nityatṛpto nirābhāso nirvāṇaḥ śaraṇaḥ suhṛt || 46 ||
guhyeśo guṇagambhīro guṇadoṣanivāraṇaḥ |
guṇasaṅgavihīnaśca yogārerdarpanāśanaḥ || 47 ||
ānandaḥ paramānandaḥ svānandasukhavardhanaḥ |
satyānandaścidānandaḥ sarvānandaparāyaṇaḥ || 48 ||
sadrūpaḥ sahajaḥ satyaḥ svānandaḥ sumanoharaḥ |
sarvaḥ sarvāntaraścaiva pūrvātpūrvatarastathā || 49 ||
khamayaḥ khaparaḥ khādiḥ khaṃ‍brahma khatanuḥ khagaḥ |
khavāsāḥ khavihīnaśca khanidhiḥ khaparāśrayaḥ || 50 ||
anantaścādirūpaśca sūryamaṇḍalamadhyagaḥ |
amoghaḥ paramāmoghaḥ parokṣaḥ paradaḥ kaviḥ || 51 ||
viśvacakṣurviśvasākṣī viśvabāhurdhaneśvaraḥ |
dhanañjayo mahātejāstejiṣṭhastaijasaḥ sukhī || 52 ||
jyotirjyotirmayo jetā jyotiṣāṃ jyotirātmakaḥ |
jyotiṣāmapi jyotiśca janako janamohanaḥ || 53 ||
jitendriyo jitakrodho jitātmā jitamānasaḥ |
jitasaṅgo jitaprāṇo jitasaṃsāravāsanaḥ || 54 ||
nirvāsano nirālambo niryogakṣemavarjitaḥ |
nirīho nirahaṅkāro nirāśīrnirupādhikaḥ || 55 ||
nityabodho viviktātmā viśuddhottamagauravaḥ |
vidyārthī paramārthī ca śraddhārthī sādhanātmakaḥ || 56 ||
pratyāhārī nirāhārī sarvāhāraparāyaṇaḥ |
nityaśuddho nirākāṅkṣī pārāyaṇaparāyaṇaḥ || 57 ||
aṇoraṇutaraḥ sūkṣmaḥ sthūlaḥ sthūlatarastathā |
ekastathā'nekarūpo viśvarūpaḥ sanātanaḥ || 58 ||
naikarūpo virūpātmā naikabodhamayastathā |
naikanāmamayaścaiva naikavidyāvivardhanaḥ || 59 ||
ekaścaikāntikaścaiva nānābhāvavivarjitaḥ |
ekākṣarastathā bījaḥ pūrṇabimbaḥ sanātanaḥ || 60 ||
mantravīryo mantrabījaḥ śāstravīryo jagatpatiḥ |
nānāvīryadharaścaiva śakreśaḥ pṛthivīpatiḥ || 61 ||
prāṇeśaḥ prāṇadaḥ prāṇaḥ prāṇāyāmaparāyaṇaḥ |
prāṇapañcakanirmuktaḥ kośapañcakavarjitaḥ || 62 ||
niścalo niṣkalo'saṅgo niṣprapañco nirāmayaḥ |
nirādhāro nirākāro nirvikāro nirañjanaḥ || 63 ||
niṣpratīto nirābhāso nirāsakto nirākulaḥ |
niṣṭhāsarvagataścaiva nirārambho nirāśrayaḥ || 64 ||
nirantaraḥ sarvagoptā śānto dānto mahāmuniḥ | [sattva]
niḥśabdaḥ sukṛtaḥ svasthaḥ satyavādī sureśvaraḥ || 65 ||
jñānado jñānavijñānī jñānātmā''nandapūritaḥ |
jñānayajñavidāṃ dakṣo jñānāgnirjvalano budhaḥ || 66 ||
dayāvān bhavarogāriścikitsācaramāgatiḥ |
candramaṇḍalamadhyasthaścandrakoṭisuśītalaḥ || 67 ||
yantrakṛtparamo yantrī yantrārūḍhāparājitaḥ |
yantravidyantravāsaśca yantrādhāro dharādharaḥ || 68 ||
tattvajñastattvabhūtātmā mahattattvaprakāśanaḥ |
tattvasaṅkhyānayogajñaḥ sāṅkhyaśāstrapravartakaḥ || 69 ||
anantavikramo devo mādhavaśca dhaneśvaraḥ |
sādhuḥ sādhuvariṣṭhātmā sāvadhāno'marottamaḥ || 70 ||
niḥsaṅkalpo nirādhāro durdharo hyātmavitpatiḥ |
ārogyasukhadaścaiva pravaro vāsavastathā || 71 ||
pareśaḥ paramodāraḥ pratyakcaitanyadurgamaḥ |
durādharṣo durāvāso dūratvaparināśanaḥ || 72 ||
vedavidvedakṛdvedo vedātmā vimalāśayaḥ |
viviktasevī ca saṃsāraśramanāśanastathā || 73 ||
brahmayonirbṛhadyonirviśvayonirvidehavān |
viśālākṣo viśvanātho hāṭakāṅgadabhūṣaṇaḥ || 74 ||
abādhyo jagadārādhyo jagadārjavapālanaḥ |
janavān dhanavān dharmī dharmago dharmavardhanaḥ || 75 ||
amṛtaḥ śāśvataḥ sādhyaḥ siddhidaḥ sumanoharaḥ |
khalubrahmakhalusthāno munīnāṃ paramā gatiḥ || 76 ||
upadraṣṭā tathā śreṣṭhaḥ śucibhūto hyanāmayaḥ |
vedasiddhāntavedyaśca mānasāhlādavardhanaḥ || 77 ||
dehādanyo guṇādanyo lokādanyo vivekavit |
duṣṭasvapnaharaścaiva gururguruvarottamaḥ || 78 ||
karmī karmavinirmuktaḥ sannyāsī sādhakeśvaraḥ |
sarvabhāvavihīnaśca tṛṣṇāsaṅganivārakaḥ || 79 ||
tyāgī tyāgavapustyāgastyāgadānavivarjitaḥ |
tyāgakāraṇatyāgātmā sadguruḥ sukhadāyakaḥ || 80 ||
dakṣo dakṣādivandyaśca jñānavādapravartakaḥ |
śabdabrahmamayātmā ca śabdabrahmaprakāśavān || 81 ||
grasiṣṇuḥ prabhaviṣṇuśca sahiṣṇurvigatāntaraḥ |
vidvattamo mahāvandyo viśālottamavāṅmuniḥ || 82 ||
brahmavidbrahmabhāvaśca brahmarṣirbrāhmaṇapriyaḥ |
brahma brahmaprakāśātmā brahmavidyāprakāśanaḥ || 83 ||
atrivaṃśaprabhūtātmā tāpasottamavanditaḥ |
ātmavāsī vidheyātmā hyatrivaṃśavivardhanaḥ || 84 ||
pravartano nivṛttātmā pralayodakasannibhaḥ |
nārāyaṇo mahāgarbho bhārgavapriyakṛttamaḥ || 85 ||
saṅkalpaduḥkhadalanaḥ saṃsāratamanāśanaḥ |
trivikramastridhākārastrimūrtistriguṇātmakaḥ || 86 ||
bhedatrayaharaścaiva tāpatrayanivārakaḥ |
doṣatrayavibhedī ca saṃśayārṇavakhaṇḍanaḥ || 87 ||
asaṃśayastvasammūḍho hyavādī rājavanditaḥ |
rājayogī mahāyogī svabhāvagalitastathā || 88 ||
puṇyaślokaḥ pavitrāṅghrirdhyānayogaparāyaṇaḥ |
dhyānastho dhyānagamyaśca vidheyātmā purātanaḥ || 89 ||
avijñeyo hyantarātmā mukhyabimbasanātanaḥ |
jīvasañjīvano jīvaścidvilāsaścidāśrayaḥ || 90 ||
mahendro'maramānyaśca yogendro yogavittamaḥ |
yogadharmastathā yogastattvastattvaviniścayaḥ || 91 ||
naikabāhuranantātmā naikanāmaparākramaḥ |
naikākṣī naikapādaśca nāthanāthottamottamaḥ || 92 ||
sahasraśīrṣā puruṣaḥ sahasrākṣaḥ sahasrapāt |
sahasrarūpadṛk caiva sahasrāramayoddhavaḥ || 93 ||
tripādapuruṣaścaiva tripādūrdhvastathaiva ca |
tryambakaśca mahāvīryo yogavīryaviśāradaḥ || 94 ||
vijayī vinayī jetā vītarāgī virājitaḥ |
rudro raudro mahābhīmaḥ prājñamukhyaḥ sadāśuciḥ || 95 ||
antarjyotiranantātmā pratyagātmā nirantaraḥ |
arūpaścātmarūpaśca sarvabhāvavinirvṛtaḥ || 96 ||
antaḥśūnyo bahiḥśūnyaḥ śūnyātmā śūnyabhāvanaḥ |
antaḥpūrṇo bahiḥpūrṇaḥ pūrṇātmā pūrṇabhāvanaḥ || 97 ||
antastyāgī bahistyāgī tyāgātmā sarvayogavān |
antaryogī bahiryogī sarvayogaparāyaṇaḥ || 98 ||
antarbhogī bahirbhogī sarvabhogaviduttamaḥ |
antarniṣṭho bahirniṣṭhaḥ sarvaniṣṭhāmayastathā || 99 ||
bāhyāntaravimuktaśca bāhyāntaravivarjitaḥ |
śāntaḥ śuddho viśuddhaśca nirvāṇaḥ prakṛteḥ paraḥ || 100 ||
akālaḥ kālanemī ca kālakālo janeśvaraḥ |
kālātmā kālakartā ca kālajñaḥ kālanāśanaḥ || 101 ||
kaivalyapadadātā ca kaivalyasukhadāyakaḥ |
kaivalyakalanādhāro nirbharo harṣavardhanaḥ || 102 ||
hṛdayastho hṛṣīkeśo govindo garbhavarjitaḥ |
sakalāgamapūjyaśca nigamo nigamāśrayaḥ || 103 ||
parāśaktiḥ parākīrtiḥ parāvṛttirnidhismṛtiḥ |
paravidyā parākṣāntirvibhaktiryuktasadgatiḥ || 104 ||
svaprakāśaḥ prakāśātmā parasaṃvedanātmakaḥ |
svasevyaḥ svavidāṃ svātmā svasaṃvedyo'naghaḥ kṣamī || 105 ||
svānusandhānaśīlātmā svānusandhānagocaraḥ |
svānusandhānaśūnyātmā svānusandhānakāśrayaḥ || 106 ||
svabodhadarpaṇo'bhaṅgaḥ kandarpakulanāśanaḥ |
brahmacārī brahmavettā brāhmaṇo brahmavittamaḥ || 107 ||
tattvabodhaḥ sudhāvarṣaḥ pāvanaḥ pāpapāvakaḥ |
brahmasūtravidheyātmā brahmasūtrārthanirṇayaḥ || 108 ||
ātyantiko mahākalpaḥ saṅkalpāvartanāśanaḥ |
ādhivyādhiharaścaiva saṃśayārṇavaśoṣakaḥ || 109 ||
tattvātmajñānasandeśo mahānubhavabhāvitaḥ |
ātmānubhavasampannaḥ svānubhāvasukhāśrayaḥ || 110 ||
acintyaśca bṛhadbhānuḥ pramadotkarṣanāśanaḥ |
aniketa praśāntātmā śūnyāvāso jagadvapuḥ || 111 ||
cidgatiścinmayaścakrī māyācakrapravartakaḥ |
sarvavarṇavidārambhī sarvārambhaparāyaṇaḥ || 112 ||
purāṇaḥ pravaro dātā sundaraḥ kanakāṅgadī |
anasūyātmajo dattaḥ sarvajñaḥ sarvakāmadaḥ || 113 ||
kāmajit kāmapālaśca kāmī kāmapradāgamaḥ |
kāmavān kāmapoṣaśca sarvakāmanivartakaḥ || 114 ||
sarvakarmaphalotpattiḥ sarvakāmaphalapradaḥ |
sarvakarmaphalaiḥ pūjyaḥ sarvakarmaphalāśrayaḥ || 115 ||
viśvakarmā kṛtātmā ca kṛtajñaḥ sarvasākṣikaḥ |
sarvārambhaparityāgī jaḍonmattapiśācavān || 116 ||
bhikṣurbhaikṣākaraścaiva bhaikṣāhārī nirāśramī |
akūlaścānukūlaśca vikalo hyakalastathā || 117 ||
jaṭilo vanacārī ca daṇḍī muṇḍī ca gaṇḍavān |
dehadharmavihīnātmā hyekākī saṅgavarjitaḥ || 118 ||
āśramyanāśramārambho'nācārī karmavarjitaḥ |
asandehī ca sandehī na kiñcinna ca kiñcanaḥ || 119 ||
nṛdehī dehaśūnyaśca nābhāvī bhāvanirgataḥ |
nābrahmā ca parabrahma svayameva nirākulaḥ || 120 ||
anaghaścāguruścaiva nāthanāthottamo guruḥ |
dvibhujaḥ prākṛtaścaiva janakaśca pitāmahaḥ || 121 ||
anātmā na ca nānātmā nītirnītimatāṃ varaḥ |
sahajaḥ sadṛśaḥ siddhaścaikaścinmātra eva ca || 122 ||
na kartāpi ca kartā ca bhoktā bhogavivarjitaḥ |
turīyasturīyātītaḥ svacchaḥ sarvamayastathā || 123 ||
sarvādhiṣṭhānarūpaśca sarvadhyeyavivarjitaḥ |
sarvalokanivāsātmā sakalottamavanditaḥ || 124 ||
dehabhṛddehakṛccaiva dehātmā dehabhāvanaḥ |
dehī dehavibhaktaśca dehabhāvaprakāśanaḥ || 125 ||
layastho layaviccaiva layābhāvaśca bodhavān |
layātīto layasyānto layabhāvanivāraṇaḥ || 126 ||
vimukhaḥ pramukhaścaiva pratyaṅmukhavadācarī |
viśvabhugviśvadhṛgviśvo viśvakṣemakarastathā || 127 ||
avikṣipto'pramādī ca parardhiḥ paramārthadṛk |
svānubhāvavihīnaśca svānubhāvaprakāśanaḥ || 128 ||
nirindriyaśca nirbuddhirnirābhāso nirākṛtaḥ |
nirahaṅkārarūpātmā nirvapuḥ sakalāśrayaḥ || 129 ||
śokaduḥkhaharaścaiva bhogamokṣaphalapradaḥ |
suprasannastathā sūkṣmaḥ śabdabrahmārthasaṅgrahaḥ || 130 ||
āgamāpāyaśūnyaśca sthānadaśca satāṅgatiḥ |
akṛtaḥ sukṛtaścaiva kṛtakarmā vinirvṛtaḥ || 131 ||
bhedatrayaharaścaiva dehatrayavinirgataḥ |
sarvakāmamayaścaiva sarvakāmanivartakaḥ || 132 ||
siddheśvaro'jaraḥ pañcabāṇadarpahutāśanaḥ |
caturakṣarabījātmā svabhūścitkīrtibhūṣaṇaḥ || 133 ||
agādhabuddhirakṣubdhaścandrasūryāgnilocanaḥ |
yamadaṃṣṭro'tisaṃhartā paramānandasāgaraḥ || 134 ||
līlāviśvambharo bhānurbhairavo bhīmalocanaḥ |
brahmacarmāmbaraḥ kālastvacalaścalanāntakaḥ || 135 ||
ādidevo jagadyonirvāsavārivimardanaḥ |
vikarmakarmakarmajño ananyagamako'gamaḥ || 136 ||
abaddhakarmaśūnyaśca kāmarāgakulakṣayaḥ |
yogāndhakāramathanaḥ padmajanmādivanditaḥ || 137 ||
bhaktakāmo'grajaścakrī bhāvanirbhāvabhāvakaḥ |
bhedāntako mahānagryo nigūho gocarāntakaḥ || 138 ||
kālāgniśamanaḥ śaṅkhacakrapadmagadādharaḥ |
dīpto dīnapatiḥ śāstā svacchando muktidāyakaḥ || 139 ||
vyomadharmāmbaro bhettā bhasmadhārī dharādharaḥ |
dharmagupto'nvayātmā ca vyatirekārthanirṇayaḥ || 140 ||
ekānekaguṇābhāsābhāsanirbhāsavarjitaḥ |
bhāvābhāvasvabhāvātmā bhāvābhāvavibhāvavit || 141 ||
yogihṛdayaviśrāmo'nantavidyāvivardhanaḥ |
vighnāntakastrikālajñastattvātmā jñānasāgaraḥ || 142 ||
itīdaṃ dattasāhasraṃ sāyaṃ prātaḥ paṭhettu yaḥ |
sa ihāmutra labhate nirvāṇaṃ paramaṃ sukham || 143 ||
guruvāre dattabhakto bhaktibhāvasamanvitaḥ |
paṭhet sadaiva yo hyetat sa labheccintitaṃ dhruvam || 144 ||
iti śrīmaddattātreyapurāṇe śrī dattātreya sahasranāma stotram |
InfoLyter.in — Sacred Vedic Knowledge Portal · Free forever