📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌛𑌿𑌨𑍍𑌨𑌮𑌸𑍍𑌤𑌾 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮𑌾 𑌸𑍍𑌤𑍋𑌤𑍍𑌰𑌂
Shri Chinnamasta Ashtottara Shata Nama Stotram
Tara Ashtottara Sata Namavali Grantha
𑌶𑍍𑌰𑍀 𑌪𑌾𑌰𑍍𑌵𑌤𑍍𑌯𑍁𑌵𑌾𑌚
𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌪𑌰𑌮𑌂 𑌛𑌿𑌨𑍍𑌨𑌮𑌸𑍍𑌤𑌾𑌪𑍍𑌰𑌿𑌯𑌂 𑌶𑍁𑌭𑌮𑍍 ।
𑌕𑌥𑌿𑌤𑌂 𑌭𑌵𑌤𑌾 𑌶𑌮𑍍𑌭𑍋𑌸𑍍𑌸𑌦𑍍𑌯𑌶𑍍𑌶𑌤𑍍𑌰𑍁𑌨𑌿𑌕𑍃𑌨𑍍𑌤𑌨𑌮𑍍 ॥ 1 ॥
𑌪𑍁𑌨𑌃 𑌪𑍃𑌚𑍍𑌛𑌾𑌮𑍍𑌯𑌹𑌂 𑌦𑍇𑌵 𑌕𑍃𑌪𑌾𑌂 𑌕𑍁𑌰𑍁 𑌮𑌮𑍋𑌪𑌰𑌿 ।
𑌸𑌹𑌸𑍍𑌰𑌨𑌾𑌮𑌪𑌾𑌠𑍇 𑌚 𑌅𑌶𑌕𑍍𑌤𑍋 𑌯𑌃 𑌪𑍁𑌮𑌾𑌨𑍍 𑌭𑌵𑍇𑌤𑍍 ॥ 2 ॥
𑌤𑍇𑌨 𑌕𑌿𑌂 𑌪𑌠𑍍𑌯𑌤𑍇 𑌨𑌾𑌥 𑌤𑌨𑍍𑌮𑍇 𑌬𑍍𑌰𑍂𑌹𑌿 𑌕𑍃𑌪𑌾𑌮𑌯 ।
𑌶𑍍𑌰𑍀 𑌸𑌦𑌾𑌶𑌿𑌵 𑌉𑌵𑌾𑌚
𑌅𑌷𑍍𑌟𑍋𑌤𑍍𑌤𑌰𑌶𑌤𑌂 𑌨𑌾𑌮𑍍𑌨𑌾𑌂 𑌪𑌠𑍍𑌯𑌤𑍇 𑌤𑍇𑌨 𑌸𑌰𑍍𑌵𑌦𑌾 ॥ 3 ॥
𑌸𑌹𑌸𑍍𑌰𑌨𑌾𑌮𑌪𑌾𑌠𑌸𑍍𑌯 𑌫𑌲𑌂 𑌪𑍍𑌰𑌾𑌪𑍍𑌨𑍋𑌤𑌿 𑌨𑌿𑌶𑍍𑌚𑌿𑌤𑌮𑍍 ।
𑍐 𑌅𑌸𑍍𑌯 𑌶𑍍𑌰𑍀𑌛𑌿𑌨𑍍𑌨𑌮𑌸𑍍𑌤𑌾𑌦𑍇𑌵𑍍𑌯𑌷𑍍𑌟𑍋𑌤𑍍𑌤𑌰 𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑌹𑌾𑌮𑌨𑍍𑌤𑍍𑌰𑌸𑍍𑌯 𑌸𑌦𑌾𑌶𑌿𑌵
𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃 𑌶𑍍𑌰𑍀𑌛𑌿𑌨𑍍𑌨𑌮𑌸𑍍𑌤𑌾 𑌦𑍇𑌵𑌤𑌾 𑌮𑌮 𑌸𑌕𑌲𑌸𑌿𑌦𑍍𑌧𑌿 𑌪𑍍𑌰𑌾𑌪𑍍𑌤𑌯𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥
𑍐 𑌛𑌿𑌨𑍍𑌨𑌮𑌸𑍍𑌤𑌾 𑌮𑌹𑌾𑌵𑌿𑌦𑍍𑌯𑌾 𑌮𑌹𑌾𑌭𑍀𑌮𑌾 𑌮𑌹𑍋𑌦𑌰𑍀 ।
𑌚𑌣𑍍𑌡𑍇𑌶𑍍𑌵𑌰𑍀 𑌚𑌣𑍍𑌡𑌮𑌾𑌤𑌾 𑌚𑌣𑍍𑌡𑌮𑍁𑌣𑍍𑌡𑌪𑍍𑌰𑌭𑌞𑍍𑌜𑌿𑌨𑍀 ॥ 4 ॥
𑌮𑌹𑌾𑌚𑌣𑍍𑌡𑌾 𑌚𑌣𑍍𑌡𑌰𑍂𑌪𑌾 𑌚𑌣𑍍𑌡𑌿𑌕𑌾 𑌚𑌣𑍍𑌡𑌖𑌣𑍍𑌡𑌿𑌨𑍀 ।
𑌕𑍍𑌰𑍋𑌧𑌿𑌨𑍀 𑌕𑍍𑌰𑍋𑌧𑌜𑌨𑌨𑍀 𑌕𑍍𑌰𑍋𑌧𑌰𑍂𑌪𑌾 𑌕𑍁𑌹𑍂𑌃 𑌕𑌲𑌾 ॥ 5 ॥
𑌕𑍋𑌪𑌾𑌤𑍁𑌰𑌾 𑌕𑍋𑌪𑌯𑍁𑌤𑌾 𑌕𑍋𑌪𑌸𑌂𑌹𑌾𑌰𑌕𑌾𑌰𑌿𑌣𑍀 ।
𑌵𑌜𑍍𑌰𑌵𑍈𑌰𑍋𑌚𑌨𑍀 𑌵𑌜𑍍𑌰𑌾 𑌵𑌜𑍍𑌰𑌕𑌲𑍍𑌪𑌾 𑌚 𑌡𑌾𑌕𑌿𑌨𑍀 ॥ 6 ॥
𑌡𑌾𑌕𑌿𑌨𑍀𑌕𑌰𑍍𑌮𑌨𑌿𑌰𑌤𑌾 𑌡𑌾𑌕𑌿𑌨𑍀𑌕𑌰𑍍𑌮𑌪𑍂𑌜𑌿𑌤𑌾 ।
𑌡𑌾𑌕𑌿𑌨𑍀𑌸𑌙𑍍𑌗𑌨𑌿𑌰𑌤𑌾 𑌡𑌾𑌕𑌿𑌨𑍀𑌪𑍍𑌰𑍇𑌮𑌪𑍂𑌰𑌿𑌤𑌾 ॥ 7 ॥
𑌖𑌟𑍍𑌵𑌾𑌙𑍍𑌗𑌧𑌾𑌰𑌿𑌣𑍀 𑌖𑌰𑍍𑌵𑌾 𑌖𑌡𑍍𑌗𑌖𑌰𑍍𑌪𑌰𑌧𑌾𑌰𑌿𑌣𑍀 ।
𑌪𑍍𑌰𑍇𑌤𑌾𑌸𑌨𑌾 𑌪𑍍𑌰𑍇𑌤𑌯𑍁𑌤𑌾 𑌪𑍍𑌰𑍇𑌤𑌸𑌙𑍍𑌗𑌵𑌿𑌹𑌾𑌰𑌿𑌣𑍀 ॥ 8 ॥
𑌛𑌿𑌨𑍍𑌨𑌮𑍁𑌣𑍍𑌡𑌧𑌰𑌾 𑌛𑌿𑌨𑍍𑌨𑌚𑌣𑍍𑌡𑌵𑌿𑌦𑍍𑌯𑌾 𑌚 𑌚𑌿𑌤𑍍𑌰𑌿𑌣𑍀 ।
𑌘𑍋𑌰𑌰𑍂𑌪𑌾 𑌘𑍋𑌰𑌦𑍃𑌷𑍍𑌟𑌿𑌃 𑌘𑍋𑌰𑌰𑌾𑌵𑌾 𑌘𑌨𑍋𑌦𑌰𑍀 ॥ 9 ॥
𑌯𑍋𑌗𑌿𑌨𑍀 𑌯𑍋𑌗𑌨𑌿𑌰𑌤𑌾 𑌜𑌪𑌯𑌜𑍍𑌞𑌪𑌰𑌾𑌯𑌣𑌾 ।
𑌯𑍋𑌨𑌿𑌚𑌕𑍍𑌰𑌮𑌯𑍀 𑌯𑍋𑌨𑌿𑌰𑍍𑌯𑍋𑌨𑌿𑌚𑌕𑍍𑌰𑌪𑍍𑌰𑌵𑌰𑍍𑌤𑌿𑌨𑍀 ॥ 10 ॥
𑌯𑍋𑌨𑌿𑌮𑍁𑌦𑍍𑌰𑌾 𑌯𑍋𑌨𑌿𑌗𑌮𑍍𑌯𑌾 𑌯𑍋𑌨𑌿𑌯𑌨𑍍𑌤𑍍𑌰𑌨𑌿𑌵𑌾𑌸𑌿𑌨𑍀 ।
𑌯𑌨𑍍𑌤𑍍𑌰𑌰𑍂𑌪𑌾 𑌯𑌨𑍍𑌤𑍍𑌰𑌮𑌯𑍀 𑌯𑌨𑍍𑌤𑍍𑌰𑍇𑌶𑍀 𑌯𑌨𑍍𑌤𑍍𑌰𑌪𑍂𑌜𑌿𑌤𑌾 ॥ 11 ॥
𑌕𑍀𑌰𑍍𑌤𑍍𑌯𑌾 𑌕𑌪𑌰𑍍𑌦𑌿𑌨𑍀 𑌕𑌾𑌲𑍀 𑌕𑌙𑍍𑌕𑌾𑌲𑍀 𑌕𑌲𑌕𑌾𑌰𑌿𑌣𑍀 ।
𑌆𑌰𑌕𑍍𑌤𑌾 𑌰𑌕𑍍𑌤𑌨𑌯𑌨𑌾 𑌰𑌕𑍍𑌤𑌪𑌾𑌨𑌪𑌰𑌾𑌯𑌣𑌾 ॥ 12 ॥
𑌭𑌵𑌾𑌨𑍀 𑌭𑍂𑌤𑌿𑌦𑌾 𑌭𑍂𑌤𑌿𑌰𑍍𑌭𑍂𑌤𑌿𑌧𑌾𑌤𑍍𑌰𑍀 𑌚 𑌭𑍈𑌰𑌵𑍀 ।
𑌭𑍈𑌰𑌵𑌾𑌚𑌾𑌰𑌨𑌿𑌰𑌤𑌾 𑌭𑍂𑌤𑌭𑍈𑌰𑌵𑌸𑍇𑌵𑌿𑌤𑌾 ॥ 13 ॥
𑌭𑍀𑌮𑌾 𑌭𑍀𑌮𑍇𑌶𑍍𑌵𑌰𑍀 𑌦𑍇𑌵𑍀 𑌭𑍀𑌮𑌨𑌾𑌦𑌪𑌰𑌾𑌯𑌣𑌾 ।
𑌭𑌵𑌾𑌰𑌾𑌧𑍍𑌯𑌾 𑌭𑌵𑌨𑍁𑌤𑌾 𑌭𑌵𑌸𑌾𑌗𑌰𑌤𑌾𑌰𑌿𑌣𑍀 ॥ 14 ॥
𑌭𑌦𑍍𑌰𑌕𑌾𑌲𑍀 𑌭𑌦𑍍𑌰𑌤𑌨𑍁𑌰𑍍𑌭𑌦𑍍𑌰𑌰𑍂𑌪𑌾 𑌚 𑌭𑌦𑍍𑌰𑌿𑌕𑌾 ।
𑌭𑌦𑍍𑌰𑌰𑍂𑌪𑌾 𑌮𑌹𑌾𑌭𑌦𑍍𑌰𑌾 𑌸𑍁𑌭𑌦𑍍𑌰𑌾 𑌭𑌦𑍍𑌰𑌪𑌾𑌲𑌿𑌨𑍀 ॥ 15 ॥
𑌸𑍁𑌭𑌵𑍍𑌯𑌾 𑌭𑌵𑍍𑌯𑌵𑌦𑌨𑌾 𑌸𑍁𑌮𑍁𑌖𑍀 𑌸𑌿𑌦𑍍𑌧𑌸𑍇𑌵𑌿𑌤𑌾 ।
𑌸𑌿𑌦𑍍𑌧𑌿𑌦𑌾 𑌸𑌿𑌦𑍍𑌧𑌿𑌨𑌿𑌵𑌹𑌾 𑌸𑌿𑌦𑍍𑌧𑌾 𑌸𑌿𑌦𑍍𑌧𑌨𑌿𑌷𑍇𑌵𑌿𑌤𑌾 ॥ 16 ॥
𑌶𑍁𑌭𑌦𑌾 𑌶𑍁𑌭𑌗𑌾 𑌶𑍁𑌦𑍍𑌧𑌾 𑌶𑍁𑌦𑍍𑌧𑌸𑌤𑍍𑌤𑍍𑌵𑌾 𑌶𑍁𑌭𑌾𑌵𑌹𑌾 ।
𑌶𑍍𑌰𑍇𑌷𑍍𑌠𑌾 𑌦𑍃𑌷𑍍𑌟𑌿𑌮𑌯𑍀 𑌦𑍇𑌵𑍀 𑌦𑍃𑌷𑍍𑌟𑌿𑌸𑌂𑌹𑌾𑌰𑌕𑌾𑌰𑌿𑌣𑍀 ॥ 17 ॥
𑌶𑌰𑍍𑌵𑌾𑌣𑍀 𑌸𑌰𑍍𑌵𑌗𑌾 𑌸𑌰𑍍𑌵𑌾 𑌸𑌰𑍍𑌵𑌮𑌙𑍍𑌗𑌲𑌕𑌾𑌰𑌿𑌣𑍀 ।
𑌶𑌿𑌵𑌾 𑌶𑌾𑌨𑍍𑌤𑌾 𑌶𑌾𑌨𑍍𑌤𑌿𑌰𑍂𑌪𑌾 𑌮𑍃𑌡𑌾𑌨𑍀 𑌮𑌦𑌾𑌨𑌤𑍁𑌰𑌾 ॥ 18 ॥
𑌇𑌤𑌿 𑌤𑍇 𑌕𑌥𑌿𑌤𑌂 𑌦𑍇𑌵𑍀 𑌸𑍍𑌤𑍋𑌤𑍍𑌰𑌂 𑌪𑌰𑌮𑌦𑍁𑌰𑍍𑌲𑌭𑌮𑍍 ।
𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌰𑌂 𑌗𑍋𑌪𑍍𑌯𑌂 𑌗𑍋𑌪𑌨𑌿𑌯𑌂 𑌪𑍍𑌰𑌯𑌤𑍍𑌨𑌤𑌃 ॥ 19 ॥
𑌕𑌿𑌮𑌤𑍍𑌰 𑌬𑌹𑍁𑌨𑍋𑌕𑍍𑌤𑍇𑌨 𑌤𑍍𑌵𑌦𑌗𑍍𑌰𑍇 𑌪𑍍𑌰𑌾𑌣𑌵𑌲𑍍𑌲𑌭𑍇 ।
𑌮𑌾𑌰𑌣𑌂 𑌮𑍋𑌹𑌨𑌂 𑌦𑍇𑌵𑌿 𑌹𑍍𑌯𑍁𑌚𑍍𑌚𑌾𑌟𑌨𑌮𑌤𑌃 𑌪𑌰𑌮𑍍 ॥ 20 ॥
𑌸𑍍𑌤𑌮𑍍𑌭𑌨𑌾𑌦𑌿𑌕𑌕𑌰𑍍𑌮𑌾𑌣𑌿 𑌋𑌦𑍍𑌧𑌯𑌸𑍍𑌸𑌿𑌦𑍍𑌧𑌯𑍋𑌽𑌪𑌿 𑌚 ।
𑌤𑍍𑌰𑌿𑌕𑌾𑌲𑌪𑌠𑌨𑌾𑌦𑌸𑍍𑌯 𑌸𑌰𑍍𑌵𑍇 𑌸𑌿𑌦𑍍𑌧𑍍𑌯𑌨𑍍𑌤𑍍𑌯𑌸𑌂𑌶𑌯𑌃 ॥ 21 ॥
𑌮𑌹𑍋𑌤𑍍𑌤𑌮𑌂 𑌸𑍍𑌤𑍋𑌤𑍍𑌰𑌮𑌿𑌦𑌂 𑌵𑌰𑌾𑌨𑌨𑍇
𑌮𑌯𑍇𑌰𑌿𑌤𑌂 𑌨𑌿𑌤𑍍𑌯𑌮𑌨𑌨𑍍𑌯𑌬𑍁𑌦𑍍𑌧𑌯𑌃 ।
𑌪𑌠𑌨𑍍𑌤𑌿 𑌯𑍇 𑌭𑌕𑍍𑌤𑌿𑌯𑍁𑌤𑌾 𑌨𑌰𑍋𑌤𑍍𑌤𑌮𑌾
𑌭𑌵𑍇𑌨𑍍𑌨 𑌤𑍇𑌷𑌾𑌂 𑌰𑌿𑌪𑍁𑌭𑌿𑌃 𑌪𑌰𑌾𑌜𑌯𑌃 ॥ 22 ॥
𑌇𑌤𑌿 𑌶𑍍𑌰𑍀𑌛𑌿𑌨𑍍𑌨𑌮𑌸𑍍𑌤𑌾𑌦𑍇𑌵𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ॥
Roman (IAST) Transliteration
śrī pārvatyuvāca
nāmnāṃ sahasraṃ paramaṃ chinnamastāpriyaṃ śubham |
kathitaṃ bhavatā śambhossadyaśśatrunikṛntanam || 1 ||
punaḥ pṛcchāmyahaṃ deva kṛpāṃ kuru mamopari |
sahasranāmapāṭhe ca aśakto yaḥ pumān bhavet || 2 ||
tena kiṃ paṭhyate nātha tanme brūhi kṛpāmaya |
śrī sadāśiva uvāca
aṣṭottaraśataṃ nāmnāṃ paṭhyate tena sarvadā || 3 ||
sahasranāmapāṭhasya phalaṃ prāpnoti niścitam |
oṃ asya śrīchinnamastādevyaṣṭottara śatanāma stotramahāmantrasya sadāśiva
ṛṣiḥ anuṣṭup chandaḥ śrīchinnamastā devatā mama sakalasiddhi prāptaye jape viniyogaḥ ||
oṃ chinnamastā mahāvidyā mahābhīmā mahodarī |
caṇḍeśvarī caṇḍamātā caṇḍamuṇḍaprabhañjinī || 4 ||
mahācaṇḍā caṇḍarūpā caṇḍikā caṇḍakhaṇḍinī |
krodhinī krodhajananī krodharūpā kuhūḥ kalā || 5 ||
kopāturā kopayutā kopasaṃhārakāriṇī |
vajravairocanī vajrā vajrakalpā ca ḍākinī || 6 ||
ḍākinīkarmaniratā ḍākinīkarmapūjitā |
ḍākinīsaṅganiratā ḍākinīpremapūritā || 7 ||
khaṭvāṅgadhāriṇī kharvā khaḍgakharparadhāriṇī |
pretāsanā pretayutā pretasaṅgavihāriṇī || 8 ||
chinnamuṇḍadharā chinnacaṇḍavidyā ca citriṇī |
ghorarūpā ghoradṛṣṭiḥ ghorarāvā ghanodarī || 9 ||
yoginī yoganiratā japayajñaparāyaṇā |
yonicakramayī yoniryonicakrapravartinī || 10 ||
yonimudrā yonigamyā yoniyantranivāsinī |
yantrarūpā yantramayī yantreśī yantrapūjitā || 11 ||
kīrtyā kapardinī kālī kaṅkālī kalakāriṇī |
āraktā raktanayanā raktapānaparāyaṇā || 12 ||
bhavānī bhūtidā bhūtirbhūtidhātrī ca bhairavī |
bhairavācāraniratā bhūtabhairavasevitā || 13 ||
bhīmā bhīmeśvarī devī bhīmanādaparāyaṇā |
bhavārādhyā bhavanutā bhavasāgaratāriṇī || 14 ||
bhadrakālī bhadratanurbhadrarūpā ca bhadrikā |
bhadrarūpā mahābhadrā subhadrā bhadrapālinī || 15 ||
subhavyā bhavyavadanā sumukhī siddhasevitā |
siddhidā siddhinivahā siddhā siddhaniṣevitā || 16 ||
śubhadā śubhagā śuddhā śuddhasattvā śubhāvahā |
śreṣṭhā dṛṣṭimayī devī dṛṣṭisaṃhārakāriṇī || 17 ||
śarvāṇī sarvagā sarvā sarvamaṅgalakāriṇī |
śivā śāntā śāntirūpā mṛḍānī madānaturā || 18 ||
iti te kathitaṃ devī stotraṃ paramadurlabham |
guhyādguhyataraṃ gopyaṃ gopaniyaṃ prayatnataḥ || 19 ||
kimatra bahunoktena tvadagre prāṇavallabhe |
māraṇaṃ mohanaṃ devi hyuccāṭanamataḥ param || 20 ||
stambhanādikakarmāṇi ṛddhayassiddhayo'pi ca |
trikālapaṭhanādasya sarve siddhyantyasaṃśayaḥ || 21 ||
mahottamaṃ stotramidaṃ varānane
mayeritaṃ nityamananyabuddhayaḥ |
paṭhanti ye bhaktiyutā narottamā
bhavenna teṣāṃ ripubhiḥ parājayaḥ || 22 ||
iti śrīchinnamastādevyaṣṭottaraśatanāma stotram ||
InfoLyter.in — Sacred Vedic Knowledge Portal · Free forever