📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌭𑌦𑍍𑌰𑌕𑌾𑌲𑍀 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮𑌾 𑌸𑍍𑌤𑍋𑌤𑍍𑌰𑌂
Shri Bhadrakali Ashtottara Shata Nama Stotram
Kali Ashtottara Sata Namavali Grantha
𑌶𑍍𑌰𑍀𑌨𑌨𑍍𑌦𑌿𑌕𑍇𑌶𑍍𑌵𑌰 𑌉𑌵𑌾𑌚
𑌭𑌦𑍍𑌰𑌕𑌾𑌲𑍀𑌮𑌹𑌂 𑌵𑌨𑍍𑌦𑍇 𑌵𑍀𑌰𑌭𑌦𑍍𑌰𑌸𑌤𑍀𑌂 𑌶𑌿𑌵𑌾𑌮𑍍 ।
𑌸𑍁𑌤𑌾𑌮𑍍𑌰𑌾𑌰𑍍𑌚𑌿𑌤𑌪𑌾𑌦𑌾𑌬𑍍𑌜𑌂 𑌸𑍁𑌖𑌸𑍗𑌭𑌾𑌗𑍍𑌯𑌦𑌾𑌯𑌿𑌨𑍀𑌮𑍍 ॥ 1 ॥
𑌅𑌥 𑌸𑍍𑌤𑍋𑌤𑍍𑌰𑌮𑍍
𑌭𑌦𑍍𑌰𑌕𑌾𑌲𑍀 𑌕𑌾𑌮𑌰𑍂𑌪𑌾 𑌮𑌹𑌾𑌵𑌿𑌦𑍍𑌯𑌾 𑌯𑌶𑌸𑍍𑌵𑌿𑌨𑍀 ।
𑌮𑌹𑌾𑌶𑍍𑌰𑌯𑌾 𑌮𑌹𑌾𑌭𑌾𑌗𑌾 𑌦𑌕𑍍𑌷𑌯𑌾𑌗𑌵𑌿𑌭𑍇𑌦𑌿𑌨𑍀 ॥ 2 ॥
𑌰𑍁𑌦𑍍𑌰𑌕𑍋𑌪𑌸𑌮𑍁𑌦𑍍𑌭𑍂𑌤𑌾 𑌭𑌦𑍍𑌰𑌾 𑌮𑍁𑌦𑍍𑌰𑌾 𑌶𑌿𑌵𑌙𑍍𑌕𑌰𑍀 ।
𑌚𑌨𑍍𑌦𑍍𑌰𑌿𑌕𑌾 𑌚𑌨𑍍𑌦𑍍𑌰𑌵𑌦𑌨𑌾 𑌰𑍋𑌷𑌤𑌾𑌮𑍍𑌰𑌾𑌕𑍍𑌷𑌶𑍋𑌭𑌿𑌨𑍀 ॥ 3 ॥
𑌇𑌨𑍍𑌦𑍍𑌰𑌾𑌦𑌿𑌦𑌮𑌨𑍀 𑌶𑌾𑌨𑍍𑌤𑌾 𑌚𑌨𑍍𑌦𑍍𑌰𑌲𑍇𑌖𑌾𑌵𑌿𑌭𑍂𑌷𑌿𑌤𑌾 ।
𑌭𑌕𑍍𑌤𑌾𑌰𑍍𑌤𑌿𑌹𑌾𑌰𑌿𑌣𑍀 𑌮𑍁𑌕𑍍𑌤𑌾 𑌚𑌣𑍍𑌡𑌿𑌕𑌾𑌨𑌨𑍍𑌦𑌦𑌾𑌯𑌿𑌨𑍀 ॥ 4 ॥
𑌸𑍗𑌦𑌾𑌮𑌿𑌨𑍀 𑌸𑍁𑌧𑌾𑌮𑍂𑌰𑍍𑌤𑌿𑌃 𑌦𑌿𑌵𑍍𑌯𑌾𑌲𑌙𑍍𑌕𑌾𑌰𑌭𑍂𑌷𑌿𑌤𑌾 ।
𑌸𑍁𑌵𑌾𑌸𑌿𑌨𑍀 𑌸𑍁𑌨𑌾𑌸𑌾 𑌚 𑌤𑍍𑌰𑌿𑌕𑌾𑌲𑌜𑍍𑌞𑌾 𑌧𑍁𑌰𑌨𑍍𑌧𑌰𑌾 ॥ 5 ॥
𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌲𑍋𑌕𑍇𑌶𑍀 𑌦𑍇𑌵𑌯𑍋𑌨𑌿𑌰𑌯𑍋𑌨𑌿𑌜𑌾 ।
𑌨𑌿𑌰𑍍𑌗𑍁𑌣𑌾 𑌨𑌿𑌰𑌹𑌙𑍍𑌕𑌾𑌰𑌾 𑌲𑍋𑌕𑌕𑌲𑍍𑌯𑌾𑌣𑌕𑌾𑌰𑌿𑌣𑍀 ॥ 6 ॥
𑌸𑌰𑍍𑌵𑌲𑍋𑌕𑌪𑍍𑌰𑌿𑌯𑌾 𑌗𑍗𑌰𑍀 𑌸𑌰𑍍𑌵𑌗𑌰𑍍𑌵𑌵𑌿𑌮𑌰𑍍𑌦𑌿𑌨𑍀 ।
𑌤𑍇𑌜𑍋𑌵𑌤𑍀 𑌮𑌹𑌾𑌮𑌾𑌤𑌾 𑌕𑍋𑌟𑌿𑌸𑍂𑌰𑍍𑌯𑌸𑌮𑌪𑍍𑌰𑌭𑌾 ॥ 7 ॥
𑌵𑍀𑌰𑌭𑌦𑍍𑌰𑌕𑍃𑌤𑌾𑌨𑌨𑍍𑌦𑌭𑍋𑌗𑌿𑌨𑍀 𑌵𑍀𑌰𑌸𑍇𑌵𑌿𑌤𑌾 ।
𑌨𑌾𑌰𑌦𑌾𑌦𑌿𑌮𑍁𑌨𑌿𑌸𑍍𑌤𑍁𑌤𑍍𑌯𑌾 𑌨𑌿𑌤𑍍𑌯𑌾 𑌸𑌤𑍍𑌯𑌾 𑌤𑌪𑌸𑍍𑌵𑌿𑌨𑍀 ॥ 8 ॥
𑌜𑍍𑌞𑌾𑌨𑌰𑍂𑌪𑌾 𑌕𑌲𑌾𑌤𑍀𑌤𑌾 𑌭𑌕𑍍𑌤𑌾𑌭𑍀𑌷𑍍𑌟𑌫𑌲𑌪𑍍𑌰𑌦𑌾 ।
𑌕𑍈𑌲𑌾𑌸𑌨𑌿𑌲𑌯𑌾 𑌶𑍁𑌭𑍍𑌰𑌾 𑌕𑍍𑌷𑌮𑌾 𑌶𑍍𑌰𑍀𑌃 𑌸𑌰𑍍𑌵𑌮𑌙𑍍𑌗𑌲𑌾 ॥ 9 ॥
𑌸𑌿𑌦𑍍𑌧𑌵𑌿𑌦𑍍𑌯𑌾 𑌮𑌹𑌾𑌶𑌕𑍍𑌤𑌿𑌃 𑌕𑌾𑌮𑌿𑌨𑍀 𑌪𑌦𑍍𑌮𑌲𑍋𑌚𑌨𑌾 ।
𑌦𑍇𑌵𑌪𑍍𑌰𑌿𑌯𑌾 𑌦𑍈𑌤𑍍𑌯𑌹𑌨𑍍𑌤𑍍𑌰𑍀 𑌦𑌕𑍍𑌷𑌗𑌰𑍍𑌵𑌾𑌪𑌹𑌾𑌰𑌿𑌣𑍀 ॥ 10 ॥
𑌶𑌿𑌵𑌶𑌾𑌸𑌨𑌕𑌰𑍍𑌤𑍍𑌰𑍀 𑌚 𑌶𑍈𑌵𑌾𑌨𑌨𑍍𑌦𑌵𑌿𑌧𑌾𑌯𑌿𑌨𑍀 ।
𑌭𑌵𑌪𑌾𑌶𑌨𑌿𑌹𑌨𑍍𑌤𑍍𑌰𑍀 𑌚 𑌸𑌵𑌨𑌾𑌙𑍍𑌗𑌸𑍁𑌕𑌾𑌰𑌿𑌣𑍀 ॥ 11 ॥
𑌲𑌮𑍍𑌬𑍋𑌦𑌰𑍀 𑌮𑌹𑌾𑌕𑌾𑌲𑍀 𑌭𑍀𑌷𑌣𑌾𑌸𑍍𑌯𑌾 𑌸𑍁𑌰𑍇𑌶𑍍𑌵𑌰𑍀 ।
𑌮𑌹𑌾𑌨𑌿𑌦𑍍𑌰𑌾 𑌯𑍋𑌗𑌨𑌿𑌦𑍍𑌰𑌾 𑌪𑍍𑌰𑌜𑍍𑌞𑌾 𑌵𑌾𑌰𑍍𑌤𑌾 𑌕𑍍𑌰𑌿𑌯𑌾𑌵𑌤𑍀 ॥ 12 ॥
𑌪𑍁𑌤𑍍𑌰𑌪𑍗𑌤𑍍𑌰𑌪𑍍𑌰𑌦𑌾 𑌸𑌾𑌧𑍍𑌵𑍀 𑌸𑍇𑌨𑌾𑌯𑍁𑌦𑍍𑌧𑌸𑍁𑌕𑌾𑌙𑍍𑌕𑍍𑌷𑌿𑌣𑍀 ।
𑌇𑌚𑍍𑌛𑌾 𑌶𑌮𑍍𑌭𑍋𑌃 𑌕𑍃𑌪𑌾𑌸𑌿𑌨𑍍𑌧𑍁𑌃 𑌚𑌣𑍍𑌡𑍀 𑌚𑌣𑍍𑌡𑌪𑌰𑌾𑌕𑍍𑌰𑌮𑌾 ॥ 13 ॥
𑌶𑍋𑌭𑌾 𑌭𑌗𑌵𑌤𑍀 𑌮𑌾𑌯𑌾 𑌦𑍁𑌰𑍍𑌗𑌾 𑌨𑍀𑌲𑌾 𑌮𑌨𑍋𑌗𑌤𑌿𑌃 ।
𑌖𑍇𑌚𑌰𑍀 𑌖𑌡𑍍𑌗𑌿𑌨𑍀 𑌚𑌕𑍍𑌰𑌹𑌸𑍍𑌤𑌾 𑌶𑍂𑌲𑌵𑌿𑌧𑌾𑌰𑌿𑌣𑍀 ॥ 14 ॥
𑌸𑍁𑌬𑌾𑌣𑌾 𑌶𑌕𑍍𑌤𑌿𑌹𑌸𑍍𑌤𑌾 𑌚 𑌪𑌾𑌦𑌸𑌞𑍍𑌚𑌾𑌰𑌿𑌣𑍀 𑌪𑌰𑌾 ।
𑌤𑌪𑌃𑌸𑌿𑌦𑍍𑌧𑌿𑌪𑍍𑌰𑌦𑌾 𑌦𑍇𑌵𑍀 𑌵𑍀𑌰𑌭𑌦𑍍𑌰𑌸𑌹𑌾𑌯𑌿𑌨𑍀 ॥ 15 ॥
𑌧𑌨𑌧𑌾𑌨𑍍𑌯𑌕𑌰𑍀 𑌵𑌿𑌶𑍍𑌵𑌾 𑌮𑌨𑍋𑌮𑌾𑌲𑌿𑌨𑍍𑌯𑌹𑌾𑌰𑌿𑌣𑍀 ।
𑌸𑍁𑌨𑌕𑍍𑌷𑌤𑍍𑌰𑍋𑌦𑍍𑌭𑌵𑌕𑌰𑍀 𑌵𑌂𑌶𑌵𑍃𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀 ॥ 16 ॥
𑌬𑍍𑌰𑌹𑍍𑌮𑌾𑌦𑌿𑌸𑍁𑌰𑌸𑌂𑌸𑍇𑌵𑍍𑌯𑌾 𑌶𑌾𑌙𑍍𑌕𑌰𑍀 𑌪𑍍𑌰𑌿𑌯𑌭𑌾𑌷𑌿𑌣𑍀 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌦𑌿𑌹𑌾𑌰𑌿𑌣𑍀 𑌸𑍁𑌮𑌨𑌸𑍍𑌵𑌿𑌨𑍀 ॥ 17 ॥
𑌪𑍁𑌣𑍍𑌯𑌕𑍍𑌷𑍇𑌤𑍍𑌰𑌕𑍃𑌤𑌾𑌵𑌾𑌸𑌾 𑌪𑍍𑌰𑌤𑍍𑌯𑌕𑍍𑌷𑌪𑌰𑌮𑍇𑌶𑍍𑌵𑌰𑍀 ।
𑌏𑌵𑌂 𑌨𑌾𑌮𑍍𑌨𑌾𑌂 𑌭𑌦𑍍𑌰𑌕𑌾𑌲𑍍𑌯𑌾𑌃 𑌶𑌤𑌮𑌷𑍍𑌟𑍋𑌤𑍍𑌤𑌰𑌂 𑌵𑌿𑌦𑍁𑌃 ॥ 18 ॥
𑌪𑍁𑌣𑍍𑌯𑌂 𑌯𑌶𑍋 𑌦𑍀𑌰𑍍𑌘𑌮𑌾𑌯𑍁𑌃 𑌪𑍁𑌤𑍍𑌰𑌪𑍗𑌤𑍍𑌰𑌂 𑌧𑌨𑌂 𑌬𑌹𑍁 ।
𑌦𑌦𑌾𑌤𑌿 𑌦𑍇𑌵𑍀 𑌤𑌸𑍍𑌯𑌾𑌶𑍁 𑌯𑌃 𑌪𑌠𑍇𑌤𑍍 𑌸𑍍𑌤𑍋𑌤𑍍𑌰𑌮𑍁𑌤𑍍𑌤𑌮𑌮𑍍 ॥ 19 ॥
𑌭𑍗𑌮𑌵𑌾𑌰𑍇 𑌭𑍃𑌗𑍗 𑌚𑍈𑌵 𑌪𑍗𑌰𑍍𑌣𑌮𑌾𑌸𑍍𑌯𑌾𑌂 𑌵𑌿𑌶𑍇𑌷𑌤𑌃 ।
𑌪𑍍𑌰𑌾𑌤𑌃 𑌸𑍍𑌨𑌾𑌤𑍍𑌵𑌾 𑌨𑌿𑌤𑍍𑌯𑌕𑌰𑍍𑌮 𑌵𑌿𑌧𑌾𑌯 𑌚 𑌸𑍁𑌭𑌕𑍍𑌤𑌿𑌮𑌾𑌨𑍍 ॥ 20 ॥
𑌵𑍀𑌰𑌭𑌦𑍍𑌰𑌾𑌲𑌯𑍇 𑌭𑌦𑍍𑌰𑌾𑌂 𑌸𑌮𑍍𑌪𑍂𑌜𑍍𑌯 𑌸𑍁𑌰𑌸𑍇𑌵𑌿𑌤𑌾𑌮𑍍 ।
𑌪𑌠𑍇𑌤𑍍 𑌸𑍍𑌤𑍋𑌤𑍍𑌰𑌮𑌿𑌦𑌂 𑌦𑌿𑌵𑍍𑌯𑌂 𑌨𑌾𑌨𑌾 𑌭𑍋𑌗𑌪𑍍𑌰𑌦𑌂 𑌶𑍁𑌭𑌮𑍍 ॥ 21 ॥
𑌅𑌭𑍀𑌷𑍍𑌟𑌸𑌿𑌦𑍍𑌧𑌿𑌂 𑌪𑍍𑌰𑌾𑌪𑍍𑌨𑍋𑌤𑌿 𑌶𑍀𑌘𑍍𑌰𑌂 𑌵𑌿𑌦𑍍𑌵𑌾𑌨𑍍 𑌪𑌰𑌨𑍍𑌤𑌪 ।
𑌅𑌥𑌵𑌾 𑌸𑍍𑌵𑌗𑍃𑌹𑍇 𑌵𑍀𑌰𑌭𑌦𑍍𑌰𑌪𑌤𑍍𑌨𑍀𑌂 𑌸𑌮𑌰𑍍𑌚𑌯𑍇𑌤𑍍 ॥ 22 ॥
𑌸𑍍𑌤𑍋𑌤𑍍𑌰𑍇𑌣𑌾𑌨𑍇𑌨 𑌵𑌿𑌧𑌿𑌵𑌤𑍍 𑌸𑌰𑍍𑌵𑌾𑌨𑍍 𑌕𑌾𑌮𑌾𑌨𑌵𑌾𑌪𑍍𑌨𑍁𑌯𑌾𑌤𑍍 ।
𑌰𑍋𑌗𑌾 𑌨𑌶𑍍𑌯𑌨𑍍𑌤𑌿 𑌤𑌸𑍍𑌯𑌾𑌶𑍁 𑌯𑍋𑌗𑌸𑌿𑌦𑍍𑌧𑌿𑌂 𑌚 𑌵𑌿𑌨𑍍𑌦𑌤𑌿 ॥ 23 ॥
𑌸𑌨𑌤𑍍𑌕𑍁𑌮𑌾𑌰𑌭𑌕𑍍𑌤𑌾𑌨𑌾𑌮𑌿𑌦𑌂 𑌸𑍍𑌤𑍋𑌤𑍍𑌰𑌂 𑌪𑍍𑌰𑌬𑍋𑌧𑌯 ।
𑌰𑌹𑌸𑍍𑌯𑌂 𑌸𑌾𑌰𑌭𑍂𑌤𑌂 𑌚 𑌸𑌰𑍍𑌵𑌜𑍍𑌞𑌃 𑌸𑌮𑍍𑌭𑌵𑌿𑌷𑍍𑌯𑌸𑌿 ॥ 24 ॥
𑌇𑌤𑌿 𑌶𑍍𑌰𑍀𑌭𑌦𑍍𑌰𑌕𑌾𑌲𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
śrīnandikeśvara uvāca
bhadrakālīmahaṃ vande vīrabhadrasatīṃ śivām |
sutāmrārcitapādābjaṃ sukhasaubhāgyadāyinīm || 1 ||
atha stotram
bhadrakālī kāmarūpā mahāvidyā yaśasvinī |
mahāśrayā mahābhāgā dakṣayāgavibhedinī || 2 ||
rudrakopasamudbhūtā bhadrā mudrā śivaṅkarī |
candrikā candravadanā roṣatāmrākṣaśobhinī || 3 ||
indrādidamanī śāntā candralekhāvibhūṣitā |
bhaktārtihāriṇī muktā caṇḍikānandadāyinī || 4 ||
saudāminī sudhāmūrtiḥ divyālaṅkārabhūṣitā |
suvāsinī sunāsā ca trikālajñā dhurandharā || 5 ||
sarvajñā sarvalokeśī devayonirayonijā |
nirguṇā nirahaṅkārā lokakalyāṇakāriṇī || 6 ||
sarvalokapriyā gaurī sarvagarvavimardinī |
tejovatī mahāmātā koṭisūryasamaprabhā || 7 ||
vīrabhadrakṛtānandabhoginī vīrasevitā |
nāradādimunistutyā nityā satyā tapasvinī || 8 ||
jñānarūpā kalātītā bhaktābhīṣṭaphalapradā |
kailāsanilayā śubhrā kṣamā śrīḥ sarvamaṅgalā || 9 ||
siddhavidyā mahāśaktiḥ kāminī padmalocanā |
devapriyā daityahantrī dakṣagarvāpahāriṇī || 10 ||
śivaśāsanakartrī ca śaivānandavidhāyinī |
bhavapāśanihantrī ca savanāṅgasukāriṇī || 11 ||
lambodarī mahākālī bhīṣaṇāsyā sureśvarī |
mahānidrā yoganidrā prajñā vārtā kriyāvatī || 12 ||
putrapautrapradā sādhvī senāyuddhasukāṅkṣiṇī |
icchā śambhoḥ kṛpāsindhuḥ caṇḍī caṇḍaparākramā || 13 ||
śobhā bhagavatī māyā durgā nīlā manogatiḥ |
khecarī khaḍginī cakrahastā śūlavidhāriṇī || 14 ||
subāṇā śaktihastā ca pādasañcāriṇī parā |
tapaḥsiddhipradā devī vīrabhadrasahāyinī || 15 ||
dhanadhānyakarī viśvā manomālinyahāriṇī |
sunakṣatrodbhavakarī vaṃśavṛddhipradāyinī || 16 ||
brahmādisurasaṃsevyā śāṅkarī priyabhāṣiṇī |
bhūtapretapiśācādihāriṇī sumanasvinī || 17 ||
puṇyakṣetrakṛtāvāsā pratyakṣaparameśvarī |
evaṃ nāmnāṃ bhadrakālyāḥ śatamaṣṭottaraṃ viduḥ || 18 ||
puṇyaṃ yaśo dīrghamāyuḥ putrapautraṃ dhanaṃ bahu |
dadāti devī tasyāśu yaḥ paṭhet stotramuttamam || 19 ||
bhaumavāre bhṛgau caiva paurṇamāsyāṃ viśeṣataḥ |
prātaḥ snātvā nityakarma vidhāya ca subhaktimān || 20 ||
vīrabhadrālaye bhadrāṃ sampūjya surasevitām |
paṭhet stotramidaṃ divyaṃ nānā bhogapradaṃ śubham || 21 ||
abhīṣṭasiddhiṃ prāpnoti śīghraṃ vidvān parantapa |
athavā svagṛhe vīrabhadrapatnīṃ samarcayet || 22 ||
stotreṇānena vidhivat sarvān kāmānavāpnuyāt |
rogā naśyanti tasyāśu yogasiddhiṃ ca vindati || 23 ||
sanatkumārabhaktānāmidaṃ stotraṃ prabodhaya |
rahasyaṃ sārabhūtaṃ ca sarvajñaḥ sambhaviṣyasi || 24 ||
iti śrībhadrakālyaṣṭottaraśatanāma stotram |
InfoLyter.in — Sacred Vedic Knowledge Portal · Free forever