Shri Bagalamukhi Stotram - 1

ॐ

𑌶𑍍𑌰𑍀 𑌬𑌗𑌲𑌾𑌮𑍁𑌖𑍀 𑌸𑍍𑌤𑍋𑌤𑍍𑌰𑌮𑍍 - 1

Stotram Grantha

𑍐 𑌅𑌸𑍍𑌯 𑌶𑍍𑌰𑍀𑌬𑌗𑌲𑌾𑌮𑍁𑌖𑍀𑌸𑍍𑌤𑍋𑌤𑍍𑌰𑌸𑍍𑌯

𑌨𑌾𑌰𑌦𑍃𑌷𑌿𑌃

𑌶𑍍𑌰𑍀 𑌬𑌗𑌲𑌾𑌮𑍁𑌖𑍀 𑌦𑍇𑌵𑌤𑌾

𑌮𑌮 𑌸𑌨𑍍𑌨𑌿𑌹𑌿𑌤𑌾𑌨𑌾𑌂 𑌵𑌿𑌰𑍋𑌧𑌿𑌨𑌾𑌂 𑌵𑌾𑌙𑍍𑌮𑍁𑌖-𑌪𑌦𑌬𑍁𑌦𑍍𑌧𑍀𑌨𑌾𑌂 𑌸𑍍𑌤𑌮𑍍𑌭𑌨𑌾𑌰𑍍𑌥𑍇 𑌸𑍍𑌤𑍋𑌤𑍍𑌰𑌪𑌾𑌠𑍇 𑌵𑌿𑌨𑌿𑌯𑍋𑌗𑌃

𑌮𑌧𑍍𑌯𑍇𑌸𑍁𑌧𑌾𑌬𑍍𑌧𑌿 𑌮𑌣𑌿𑌮𑌣𑍍𑌟𑌪 𑌰𑌤𑍍𑌨𑌵𑍇𑌦𑌿

𑌸𑌿𑌂𑌹𑌾𑌸𑌨𑍋𑌪𑌰𑌿𑌗𑌤𑌾𑌂 𑌪𑌰𑌿𑌪𑍀𑌤𑌵𑌰𑍍𑌣𑌾𑌮𑍍 ।

𑌪𑍀𑌤𑌾𑌮𑍍𑌬𑌰𑌾𑌭𑌰𑌣 𑌮𑌾𑌲𑍍𑌯𑌵𑌿𑌭𑍂𑌷𑌿𑌤𑌾𑌙𑍍𑌗𑍀𑌂

𑌦𑍇𑌵𑍀𑌂 𑌭𑌜𑌾𑌮𑌿 𑌧𑍃𑌤𑌮𑍁𑌦𑍍𑌗𑌰𑌵𑍈𑌰𑌿 𑌜𑌿𑌹𑍍𑌵𑌾𑌮𑍍 ॥ 1 ॥

𑌜𑌿𑌹𑍍𑌵𑌾𑌗𑍍𑌰𑌮𑌾𑌦𑌾𑌯 𑌕𑌰𑍇𑌣 𑌦𑍇𑌵𑍀𑌂

𑌵𑌾𑌮𑍇𑌨 𑌶𑌤𑍍𑌰𑍂𑌨𑍍 𑌪𑌰𑌿𑌪𑍀𑌡𑌯𑌨𑍍𑌤𑍀𑌮𑍍 ।

𑌗𑌦𑌾𑌭𑌿𑌘𑌾𑌤𑍇𑌨 𑌚 𑌦𑌕𑍍𑌷𑌿𑌣𑍇𑌨

𑌪𑍀𑌤𑌾𑌮𑍍𑌬𑌰𑌾𑌢𑍍𑌯𑌾𑌂 𑌦𑍍𑌵𑌿𑌭𑍁𑌜𑌾𑌂 𑌭𑌜𑌾𑌮𑌿 ॥ 2 ॥

𑌚𑌲𑌤𑍍𑌕𑌨𑌕𑌕𑍁𑌣𑍍𑌡𑌲𑍋𑌲𑍍𑌲𑌸𑌿𑌤𑌚𑌾𑌰𑍁𑌗𑌣𑍍𑌡𑌸𑍍𑌥𑌲𑌾𑌂

𑌲𑌸𑌤𑍍𑌕𑌨𑌕𑌚𑌮𑍍𑌪𑌕 𑌦𑍍𑌯𑍁𑌤𑌿𑌮𑌦𑌿𑌨𑍍𑌦𑍁𑌬𑌿𑌮𑍍𑌬𑌾𑌨𑌨𑌾𑌮𑍍 ।

𑌗𑌦𑌾𑌹𑌤 𑌵𑌿𑌪𑌕𑍍𑌷𑌕𑌾𑌂 𑌕𑌲𑌿𑌤𑌲𑍋𑌲𑌜𑌿𑌹𑍍𑌵𑌾𑌞𑍍𑌚𑌲𑌾𑌂

𑌸𑍍𑌮𑌰𑌾𑌮𑌿 𑌬𑌗𑌲𑌾𑌮𑍁𑌖𑍀𑌂 𑌵𑌿𑌮𑍁𑌖𑌵𑌾𑌙𑍍𑌮𑌨𑌸𑍍𑌸𑍍𑌤𑌮𑍍𑌭𑌿𑌨𑍀𑌮𑍍 ॥ 3 ॥

𑌪𑍀𑌯𑍂𑌷𑍋 𑌦𑌧𑌿𑌮𑌧𑍍𑌯𑌚𑌾𑌰𑍁 𑌵𑌿𑌲𑌸 𑌦𑍍𑌰𑌕𑍍𑌤𑍋𑌤𑍍𑌪𑌲𑍇 𑌮𑌣𑍍𑌟𑌪𑍇

𑌸𑌤𑍍𑌸𑌿𑌂𑌹𑌾𑌸𑌨 𑌮𑍗𑌲𑌿𑌪𑌾𑌤𑌿𑌤𑌰𑌿𑌪𑍁𑌂 𑌪𑍍𑌰𑍇𑌤𑌾𑌸𑌨𑌾𑌧𑍍𑌯𑌾𑌸𑌿𑌨𑍀𑌮𑍍 ।

𑌸𑍍𑌵𑌰𑍍𑌣𑌾𑌭𑌾𑌂 𑌕𑌰𑌪𑍀𑌡𑌿𑌤𑌾𑌰𑌿𑌰𑌸𑌨𑌾𑌂 𑌭𑍍𑌰𑌾𑌮𑍍𑌯𑌦𑍍𑌗𑌦𑌾𑌂 𑌵𑌿𑌭𑍍𑌰𑌮𑌾𑌂

𑌇𑌤𑍍𑌥𑌂 𑌧𑍍𑌯𑌾𑌯𑌤𑌿 𑌯𑌾𑌨𑍍𑌤𑌿 𑌤𑌸𑍍𑌯 𑌵𑌿𑌲𑌯𑌂 𑌸𑌦𑍍𑌯𑍋𑌥 𑌸𑌰𑍍𑌵𑌾𑌪𑌦𑌃 ॥ 4 ॥

𑌦𑍇𑌵𑌿𑌤𑍍𑌤𑍍𑌵𑌚𑍍𑌚𑌰𑌣𑌾𑌮𑍍𑌬𑍁𑌜𑌾𑌰𑍍𑌚𑌨𑌕𑍃𑌤𑍇 𑌯𑌃 𑌪𑍀𑌤 𑌪𑍁𑌷𑍍𑌪𑌾𑌞𑍍𑌜𑌲𑍀𑌨𑍍

𑌭𑌕𑍍𑌤𑍍𑌯𑌾 𑌵𑌾𑌮𑌕𑌰𑍇 𑌨𑌿𑌧𑌾𑌯 𑌚 𑌮𑌨𑍁𑌂 𑌮𑌨𑍍𑌤𑍍𑌰𑍀 𑌮𑌨𑍋𑌜𑍍𑌞𑌾𑌕𑍍𑌷𑌰𑌮𑍍 ।

𑌪𑍀𑌠𑌧𑍍𑌯𑌾𑌨𑌪𑌰𑍋𑌽𑌥 𑌕𑍁𑌮𑍍𑌭𑌕𑌵𑌶𑌾𑌦𑍍𑌬𑍀𑌜𑌂 𑌸𑍍𑌮𑌰𑍇𑌤𑍍𑌪𑌾𑌰𑍍𑌥𑌿𑌵-

𑌸𑍍𑌤𑌸𑍍𑌯𑌾𑌮𑌿𑌤𑍍𑌰𑌮𑍁𑌖𑌸𑍍𑌯 𑌵𑌾𑌚𑌿 𑌹𑍃𑌦𑌯𑍇 𑌜𑌾𑌡𑍍𑌯𑌂 𑌭𑌵𑍇𑌤𑍍𑌤𑌤𑍍‍𑌕𑍍𑌷𑌣𑌾𑌤𑍍 ॥ 5 ॥

𑌵𑌾𑌦𑍀 𑌮𑍂𑌕𑌤𑌿 𑌕𑌙𑍍𑌕𑌤𑌿 𑌕𑍍𑌷𑌿𑌤𑌿𑌪𑌤𑌿𑌰𑍍𑌵𑍈𑌶𑍍𑌵𑌾𑌨𑌰𑌶𑍍𑌶𑍀𑌤𑌿𑌤𑌿

𑌕𑍍𑌰𑍋𑌧𑍀𑌶𑌾𑌮𑍍𑌯𑌤𑌿 𑌦𑍁𑌰𑍍𑌜𑌨𑌸𑍍𑌸𑍁𑌜𑌨𑌤𑌿 𑌕𑍍𑌷𑌿𑌪𑍍𑌰𑌾𑌨𑍁𑌗𑌃 𑌖𑌞𑍍𑌜𑌤𑌿 ।

𑌗𑌰𑍍𑌵𑍀 𑌖𑌰𑍍𑌵𑌤𑌿 𑌸𑌰𑍍𑌵𑌵𑌿𑌚𑍍𑌚 𑌜𑌡𑌤𑌿 𑌤𑍍𑌵𑌦𑍍𑌯𑌨𑍍𑌤𑍍𑌰𑌣𑌾 𑌯𑌨𑍍𑌤𑍍𑌰𑌿𑌤𑌃

𑌶𑍍𑌰𑍀𑌨𑌿𑌤𑍍𑌯𑍇 𑌬𑌗𑌲𑌾𑌮𑍁𑌖𑌿 𑌪𑍍𑌰𑌤𑌿𑌦𑌿𑌨𑌂 𑌕𑌲𑍍𑌯𑌾𑌣𑌿 𑌤𑍁𑌭𑍍𑌯𑌂 𑌨𑌮𑌃 ॥ 6 ॥

𑌮𑌨𑍍𑌤𑍍𑌰𑌸𑍍𑌤𑌾𑌵𑌦𑌯𑌂 𑌵𑌿𑌪𑌕𑍍𑌷𑌦𑌲𑌨𑍇 𑌸𑍍𑌤𑍋𑌤𑍍𑌰𑌂 𑌪𑌵𑌿𑌤𑍍𑌰𑌂 𑌚 𑌤𑍇

𑌯𑌨𑍍𑌤𑍍𑌰𑌂 𑌵𑌾𑌦𑌿𑌨𑌿𑌯𑌨𑍍𑌤𑍍𑌰𑌣𑌂 𑌤𑍍𑌰𑌿𑌜𑌗𑌤𑌾𑌂 𑌜𑍈𑌤𑍍𑌰𑌂 𑌚 𑌚𑌿𑌤𑍍𑌰𑌂 𑌚 𑌤𑍇 ।

𑌮𑌾𑌤𑌃 𑌶𑍍𑌰𑍀𑌬𑌗𑌲𑍇𑌤𑌿 𑌨𑌾𑌮 𑌲𑌲𑌿𑌤𑌂 𑌯𑌸𑍍𑌯𑌾𑌸𑍍𑌤𑌿 𑌜𑌨𑍍𑌤𑍋𑌰𑍍𑌮𑍁𑌖𑍇

𑌤𑍍𑌵𑌨𑍍𑌨𑌾𑌮𑌗𑍍𑌰𑌹𑌣𑍇𑌨 𑌸𑌂𑌸𑌦𑌿 𑌮𑍁𑌖 𑌸𑍍𑌤𑌮𑍍𑌭𑍋 𑌭𑌵𑍇𑌦𑍍𑌵𑌾𑌦𑌿𑌨𑌾𑌮𑍍 ॥ 7 ॥

𑌦𑍁𑌷𑍍𑌟𑌸𑍍𑌤𑌮𑍍𑌭𑌨𑌮𑍁𑌗𑍍𑌰𑌵𑌿𑌘𑍍𑌨𑌶𑌮𑌨𑌂 𑌦𑌾𑌰𑌿𑌦𑍍𑌰𑍍𑌯𑌵𑌿𑌦𑍍𑌰𑌾𑌵𑌣𑌂

𑌭𑍂𑌭𑍃𑌦𑍍𑌭𑍀𑌶𑌮𑌨𑌂 𑌚𑌲𑌨𑍍𑌮𑍃𑌗𑌦𑍃𑌶𑌾𑌂 𑌚𑍇𑌤𑌸𑍍𑌸𑌮𑌾𑌕𑌰𑍍𑌷𑌣𑌮𑍍 ।

𑌸𑍗𑌭𑌾𑌗𑍍𑌯𑍈𑌕𑌨𑌿𑌕𑍇𑌤𑌨𑌂 𑌸𑌮𑌦𑍃𑌶𑌃 𑌕𑌾𑌰𑍁𑌣𑍍𑌯𑌪𑍂𑌰𑍍𑌣𑌾𑌮𑍃𑌤𑌂

𑌮𑍃𑌤𑍍𑌯𑍋𑌰𑍍𑌮𑌾𑌰𑌣𑌮𑌾𑌵𑌿𑌰𑌸𑍍𑌤𑍁 𑌪𑍁𑌰𑌤𑍋 𑌮𑌾𑌤𑌸𑍍𑌤𑍍𑌵𑌦𑍀𑌯𑌂 𑌵𑌪𑍁𑌃 ॥ 8 ॥

𑌮𑌾𑌤𑌰𑍍𑌭𑌞𑍍𑌜𑌯 𑌮𑍇 𑌵𑌿𑌪𑌕𑍍𑌷𑌵𑌦𑌨𑌾𑌂 𑌜𑌿𑌹𑍍𑌵𑌾𑌂 𑌚 𑌸𑌙𑍍𑌕𑍀𑌲𑌯

𑌬𑍍𑌰𑌾𑌹𑍍𑌮𑍀𑌂 𑌮𑍁𑌦𑍍𑌰𑌯 𑌨𑌾𑌶𑌯𑌾𑌶𑍁𑌧𑌿𑌷𑌣𑌾𑌮𑍁𑌗𑍍𑌰𑌾𑌂 𑌗𑌤𑌿𑌂 𑌸𑍍𑌤𑌮𑍍𑌭𑌯 ।

𑌶𑌤𑍍𑌰𑍂𑌂𑌶𑍍𑌚𑍂𑌰𑍍𑌣𑌯 𑌦𑍇𑌵𑌿 𑌤𑍀𑌕𑍍𑌷𑍍𑌣𑌗𑌦𑌯𑌾 𑌗𑍗𑌰𑌾𑌙𑍍𑌗𑌿 𑌪𑍀𑌤𑌾𑌮𑍍𑌬𑌰𑍇

𑌵𑌿𑌘𑍍𑌨𑍗𑌘𑌂 𑌬𑌗𑌲𑍇 𑌹𑌰 𑌪𑍍𑌰𑌣𑌮𑌤𑌾𑌂 𑌕𑌾𑌰𑍁𑌣𑍍𑌯𑌪𑍂𑌰𑍍𑌣𑍇𑌕𑍍𑌷𑌣𑍇 ॥ 9 ॥

𑌮𑌾𑌤𑌰𑍍𑌭𑍈𑌰𑌵𑌿 𑌭𑌦𑍍𑌰𑌕𑌾𑌲𑌿 𑌵𑌿𑌜𑌯𑍇 𑌵𑌾𑌰𑌾𑌹𑌿 𑌵𑌿𑌶𑍍𑌵𑌾𑌶𑍍𑌰𑌯𑍇

𑌶𑍍𑌰𑍀𑌵𑌿𑌦𑍍𑌯𑍇 𑌸𑌮𑌯𑍇 𑌮𑌹𑍇𑌶𑌿 𑌬𑌗𑌲𑍇 𑌕𑌾𑌮𑍇𑌶𑌿 𑌰𑌾𑌮𑍇 𑌰𑌮𑍇 ।

𑌮𑌾𑌤𑌙𑍍𑌗𑌿 𑌤𑍍𑌰𑌿𑌪𑍁𑌰𑍇 𑌪𑌰𑌾𑌤𑍍𑌪𑌰𑌤𑌰𑍇 𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌪𑍍𑌰𑌦𑍇

𑌦𑌾𑌸𑍋𑌽𑌹𑌂 𑌶𑌰𑌣𑌾𑌗𑌤𑌃 𑌕𑌰𑍁𑌣𑌯𑌾 𑌵𑌿𑌶𑍍𑌵𑍇𑌶𑍍𑌵𑌰𑌿 𑌤𑍍𑌰𑌾𑌹𑌿𑌮𑌾𑌮𑍍 ॥ 10 ॥

𑌸𑌂𑌰𑌮𑍍𑌭𑍇 𑌸𑍗𑌰𑌸𑌙𑍍𑌘𑍇 𑌪𑍍𑌰𑌹𑌰𑌣𑌸𑌮𑌯𑍇 𑌬𑌨𑍍𑌧𑌨𑍇𑌵𑌾𑌰𑌿𑌮𑌧𑍍𑌯𑍇

𑌵𑌿𑌦𑍍𑌯𑌾𑌵𑌾𑌦𑍇𑌵𑌿𑌵𑌾𑌦𑍇 𑌪𑍍𑌰𑌤𑌿𑌕𑍃𑌤𑌿𑌨𑍃𑌪𑌤𑍗 𑌦𑌿𑌵𑍍𑌯𑌕𑌾𑌲𑍇 𑌨𑌿𑌶𑌾𑌯𑌾𑌮𑍍 ।

𑌵𑌶𑍍𑌯𑍇 𑌵𑌾 𑌸𑍍𑌤𑌮𑍍𑌭𑌨𑍇 𑌵𑌾 𑌰𑌿𑌪𑍁𑌵𑌧𑌸𑌮𑌯𑍇 𑌨𑌿𑌰𑍍𑌜𑌨𑍇 𑌵𑌾 𑌵𑌨𑍇 𑌵𑌾

𑌗𑌚𑍍𑌛𑌂𑌸𑍍𑌤𑌿𑌷𑍍𑌠𑌂𑌸𑍍𑌤𑍍𑌰𑌿𑌕𑌾𑌲𑌂 𑌯𑌦𑌿 𑌪𑌠𑌤𑌿 𑌶𑌿𑌵𑌂 𑌪𑍍𑌰𑌾𑌪𑍍𑌨𑍁𑌯𑌾𑌦𑌾𑌶𑍁 𑌧𑍀𑌰𑌃 ॥ 11 ॥

𑌤𑍍𑌵𑌂 𑌵𑌿𑌦𑍍𑌯𑌾 𑌪𑌰𑌮𑌾 𑌤𑍍𑌰𑌿𑌲𑍋𑌕𑌜𑌨𑌨𑍀 𑌵𑌿𑌘𑍍𑌨𑍗𑌘𑌸𑌞𑍍𑌛𑍇𑌦𑌿𑌨𑍀

𑌯𑍋𑌷𑌾𑌕𑌰𑍍𑌷𑌣𑌕𑌾𑌰𑌿𑌣𑍀 𑌤𑍍𑌰𑌿𑌜𑌗𑌤𑌾𑌮𑌾𑌨𑌨𑍍𑌦𑌸𑌂𑌵𑌰𑍍𑌧𑌿𑌨𑍀 ।

𑌦𑍁𑌸𑍍𑌫𑍋𑌟𑍋𑌚𑍍𑌚𑌾𑌟𑌨𑌕𑌾𑌰𑌿𑌣𑍀 𑌜𑌨𑌮𑌨𑌸𑍍𑌸𑌮𑍍𑌮𑍋𑌹𑌸𑌨𑍍𑌦𑌾𑌯𑌿𑌨𑍀

𑌜𑌿𑌹𑍍𑌵𑌾𑌕𑍀𑌲𑌨𑌭𑍈𑌰𑌵𑍀 𑌵𑌿𑌜𑌯𑌤𑍇 𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌮𑌨𑍍𑌤𑍍𑌰𑍋 𑌯𑌥𑌾 ॥ 12 ॥

𑌵𑌿𑌦𑍍𑌯𑌾𑌲𑌕𑍍𑌷𑍍𑌮𑍀𑌸𑍍𑌸𑌰𑍍𑌵𑌸𑍗𑌭𑌾𑌗𑍍𑌯𑌮𑌾𑌯𑍁𑌃

𑌪𑍁𑌤𑍍𑌰𑍈𑌃 𑌪𑍗𑌤𑍍𑌰𑍈𑌃 𑌸𑌰𑍍𑌵𑌸𑌾𑌮𑍍𑌰𑌾𑌜𑍍𑌯𑌸𑌿𑌦𑍍𑌧𑌿𑌃 ।

𑌮𑌾𑌨𑍋 𑌭𑍋𑌗𑍋 𑌵𑌶𑍍𑌯𑌮𑌾𑌰𑍋𑌗𑍍𑌯𑌸𑍗𑌖𑍍𑌯𑌂

𑌪𑍍𑌰𑌾𑌪𑍍𑌤𑌂 𑌤𑌤𑍍𑌤𑌦𑍍𑌭𑍂𑌤𑌲𑍇𑌽𑌸𑍍𑌮𑌿𑌨𑍍𑌨𑌰𑍇𑌣 ॥ 13 ॥

𑌯𑌤𑍍𑌕𑍃𑌤𑌂 𑌚 𑌜𑌪𑌂 𑌹𑍋𑌮𑌂 𑌗𑌦𑌿𑌤𑌂 𑌪𑌰𑌮𑍇𑌶𑍍𑌵𑌰𑍀 ।

𑌦𑍁𑌷𑍍𑌟𑌾𑌨𑌾𑌂 𑌨𑌿𑌗𑍍𑌰𑌹𑌾𑌰𑍍𑌥𑌾𑌯 𑌤𑌦𑍍𑌗𑍃𑌹𑌾𑌣 𑌨𑌮𑍋𑌽𑌸𑍍𑌤𑍁 𑌤𑍇 ॥ 14 ॥

𑌪𑍀𑌤𑌾𑌮𑍍𑌬𑌰𑌾𑌂 𑌤𑌾𑌂 𑌦𑍍𑌵𑌿𑌭𑍁𑌜𑌾𑌂 𑌤𑍍𑌰𑌿𑌨𑍇𑌤𑍍𑌰𑌾𑌂 𑌗𑌾𑌤𑍍𑌰𑌗𑍋𑌜𑍍𑌜𑍍𑌵𑌲𑌾𑌮𑍍 ।

𑌶𑌿𑌲𑌾𑌮𑍁𑌦𑍍𑌗𑌰𑌹𑌸𑍍𑌤𑌾𑌂 𑌚 𑌸𑍍𑌮𑌰𑍇𑌤𑍍𑌤𑌾𑌂 𑌬𑌗𑌲𑌾𑌮𑍁𑌖𑍀𑌮𑍍 ॥ 15 ॥

𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌮𑌿𑌤𑌿 𑌵𑌿𑌖𑍍𑌯𑌾𑌤𑌂 𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌵𑌿𑌶𑍍𑌰𑍁𑌤𑌮𑍍 ।

𑌗𑍁𑌰𑍁𑌭𑌕𑍍𑌤𑌾𑌯 𑌦𑌾𑌤𑌵𑍍𑌯𑌂 𑌨𑌦𑍇𑌯𑌂 𑌯𑌸𑍍𑌯 𑌕𑌸𑍍𑌯𑌚𑌿𑌤𑍍 ॥ 16 ॥

𑌨𑌿𑌤𑍍𑌯𑌂 𑌸𑍍𑌤𑍋𑌤𑍍𑌰𑌮𑌿𑌦𑌂 𑌪𑌵𑌿𑌤𑍍𑌰𑌮𑌿𑌹 𑌯𑍋 𑌦𑍇𑌵𑍍𑌯𑌾𑌃 𑌪𑌠𑌤𑍍𑌯𑌾𑌦𑌰𑌾𑌤𑍍

𑌧𑍃𑌤𑍍𑌵𑌾𑌯𑌨𑍍𑌤𑍍𑌰𑌮𑌿𑌦𑌂 𑌤𑌥𑍈𑌵 𑌸𑌮𑌰𑍇 𑌬𑌾𑌹𑍗 𑌕𑌰𑍇 𑌵𑌾 𑌗𑌲𑍇 ।

𑌰𑌾𑌜𑌾𑌨𑍋𑌽𑌪𑍍𑌯𑌰𑌯𑍋 𑌮𑌦𑌾𑌨𑍍𑌧𑌕𑌰𑌿𑌣𑌸𑍍𑌸𑌰𑍍𑌪𑌾 𑌮𑍃𑌗𑍇𑌨𑍍𑌦𑍍𑌰𑌾𑌦𑌿𑌕𑌾𑌃

𑌤𑍇 𑌵𑍈 𑌯𑌾𑌨𑍍𑌤𑌿 𑌵𑌿𑌮𑍋𑌹𑌿𑌤𑌾 𑌰𑌿𑌪𑍁𑌗𑌣𑌾 𑌲𑌕𑍍𑌷𑍍𑌮𑍀𑌃 𑌸𑍍𑌥𑌿𑌰𑌾𑌸𑍍𑌸𑌿𑌦𑍍𑌧𑌯𑌃 ॥ 17 ॥

𑌇𑌤𑌿 𑌶𑍍𑌰𑍀 𑌰𑍁𑌦𑍍𑌰𑌯𑌾𑌮𑌲𑍇 𑌤𑌨𑍍𑌤𑍍𑌰𑍇 𑌶𑍍𑌰𑍀 𑌬𑌗𑌲𑌾𑌮𑍁𑌖𑍀 𑌸𑍍𑌤𑍋𑌤𑍍𑌰𑌮𑍍 ॥

Roman (IAST) Transliteration

oṃ asya śrībagalāmukhīstotrasya

nāradṛṣiḥ

śrī bagalāmukhī devatā

mama sannihitānāṃ virodhināṃ vāṅmukha-padabuddhīnāṃ stambhanārthe stotrapāṭhe viniyogaḥ

madhyesudhābdhi maṇimaṇṭapa ratnavedi

siṃhāsanoparigatāṃ paripītavarṇām |

pītāmbarābharaṇa mālyavibhūṣitāṅgīṃ

devīṃ bhajāmi dhṛtamudgaravairi jihvām || 1 ||

jihvāgramādāya kareṇa devīṃ

vāmena śatrūn paripīḍayantīm |

gadābhighātena ca dakṣiṇena

pītāmbarāḍhyāṃ dvibhujāṃ bhajāmi || 2 ||

calatkanakakuṇḍalollasitacārugaṇḍasthalāṃ

lasatkanakacampaka dyutimadindubimbānanām |

gadāhata vipakṣakāṃ kalitalolajihvāñcalāṃ

smarāmi bagalāmukhīṃ vimukhavāṅmanasstambhinīm || 3 ||

pīyūṣo dadhimadhyacāru vilasa draktotpale maṇṭape

satsiṃhāsana maulipātitaripuṃ pretāsanādhyāsinīm |

svarṇābhāṃ karapīḍitārirasanāṃ bhrāmyadgadāṃ vibhramāṃ

itthaṃ dhyāyati yānti tasya vilayaṃ sadyotha sarvāpadaḥ || 4 ||

devittvaccaraṇāmbujārcanakṛte yaḥ pīta puṣpāñjalīn

bhaktyā vāmakare nidhāya ca manuṃ mantrī manojñākṣaram |

pīṭhadhyānaparo'tha kumbhakavaśādbījaṃ smaretpārthiva-

stasyāmitramukhasya vāci hṛdaye jāḍyaṃ bhavettat‍kṣaṇāt || 5 ||

vādī mūkati kaṅkati kṣitipatirvaiśvānaraśśītiti

krodhīśāmyati durjanassujanati kṣiprānugaḥ khañjati |

garvī kharvati sarvavicca jaḍati tvadyantraṇā yantritaḥ

śrīnitye bagalāmukhi pratidinaṃ kalyāṇi tubhyaṃ namaḥ || 6 ||

mantrastāvadayaṃ vipakṣadalane stotraṃ pavitraṃ ca te

yantraṃ vādiniyantraṇaṃ trijagatāṃ jaitraṃ ca citraṃ ca te |

mātaḥ śrībagaleti nāma lalitaṃ yasyāsti jantormukhe

tvannāmagrahaṇena saṃsadi mukha stambho bhavedvādinām || 7 ||

duṣṭastambhanamugravighnaśamanaṃ dāridryavidrāvaṇaṃ

bhūbhṛdbhīśamanaṃ calanmṛgadṛśāṃ cetassamākarṣaṇam |

saubhāgyaikaniketanaṃ samadṛśaḥ kāruṇyapūrṇāmṛtaṃ

mṛtyormāraṇamāvirastu purato mātastvadīyaṃ vapuḥ || 8 ||

mātarbhañjaya me vipakṣavadanāṃ jihvāṃ ca saṅkīlaya

brāhmīṃ mudraya nāśayāśudhiṣaṇāmugrāṃ gatiṃ stambhaya |

śatrūṃścūrṇaya devi tīkṣṇagadayā gaurāṅgi pītāmbare

vighnaughaṃ bagale hara praṇamatāṃ kāruṇyapūrṇekṣaṇe || 9 ||

mātarbhairavi bhadrakāli vijaye vārāhi viśvāśraye

śrīvidye samaye maheśi bagale kāmeśi rāme rame |

mātaṅgi tripure parātparatare svargāpavargaprade

dāso'haṃ śaraṇāgataḥ karuṇayā viśveśvari trāhimām || 10 ||

saṃrambhe saurasaṅghe praharaṇasamaye bandhanevārimadhye

vidyāvādevivāde pratikṛtinṛpatau divyakāle niśāyām |

vaśye vā stambhane vā ripuvadhasamaye nirjane vā vane vā

gacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ || 11 ||

tvaṃ vidyā paramā trilokajananī vighnaughasañchedinī

yoṣākarṣaṇakāriṇī trijagatāmānandasaṃvardhinī |

dusphoṭoccāṭanakāriṇī janamanassammohasandāyinī

jihvākīlanabhairavī vijayate brahmāstramantro yathā || 12 ||

vidyālakṣmīssarvasaubhāgyamāyuḥ

putraiḥ pautraiḥ sarvasāmrājyasiddhiḥ |

māno bhogo vaśyamārogyasaukhyaṃ

prāptaṃ tattadbhūtale'sminnareṇa || 13 ||

yatkṛtaṃ ca japaṃ homaṃ gaditaṃ parameśvarī |

duṣṭānāṃ nigrahārthāya tadgṛhāṇa namo'stu te || 14 ||

pītāmbarāṃ tāṃ dvibhujāṃ trinetrāṃ gātragojjvalām |

śilāmudgarahastāṃ ca smarettāṃ bagalāmukhīm || 15 ||

brahmāstramiti vikhyātaṃ triṣu lokeṣu viśrutam |

gurubhaktāya dātavyaṃ nadeyaṃ yasya kasyacit || 16 ||

nityaṃ stotramidaṃ pavitramiha yo devyāḥ paṭhatyādarāt

dhṛtvāyantramidaṃ tathaiva samare bāhau kare vā gale |

rājāno'pyarayo madāndhakariṇassarpā mṛgendrādikāḥ

te vai yānti vimohitā ripugaṇā lakṣmīḥ sthirāssiddhayaḥ || 17 ||

iti śrī rudrayāmale tantre śrī bagalāmukhī stotram ||