📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌲𑌕𑍍𑌷𑍍𑌮𑍀 𑌅𑌷𑍍𑌟𑍋𑌤𑍍𑌤𑌰 𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Shri Lakshmi Ashtottara Shatanama Stotram
Tara Ashtottara Sata Namavali Grantha
𑌦𑍇𑌵𑍍𑌯𑍁𑌵𑌾𑌚
𑌦𑍇𑌵𑌦𑍇𑌵! 𑌮𑌹𑌾𑌦𑍇𑌵! 𑌤𑍍𑌰𑌿𑌕𑌾𑌲𑌜𑍍𑌞! 𑌮𑌹𑍇𑌶𑍍𑌵𑌰!
𑌕𑌰𑍁𑌣𑌾𑌕𑌰 𑌦𑍇𑌵𑍇𑌶! 𑌭𑌕𑍍𑌤𑌾𑌨𑍁𑌗𑍍𑌰𑌹𑌕𑌾𑌰𑌕! ॥
𑌅𑌷𑍍𑌟𑍋𑌤𑍍𑌤𑌰 𑌶𑌤𑌂 𑌲𑌕𑍍𑌷𑍍𑌮𑍍𑌯𑌾𑌃 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌤𑌤𑍍𑌤𑍍𑌵𑌤𑌃 ॥
𑌈𑌶𑍍𑌵𑌰 𑌉𑌵𑌾𑌚
𑌦𑍇𑌵𑌿! 𑌸𑌾𑌧𑍁 𑌮𑌹𑌾𑌭𑌾𑌗𑍇 𑌮𑌹𑌾𑌭𑌾𑌗𑍍𑌯 𑌪𑍍𑌰𑌦𑌾𑌯𑌕𑌮𑍍 ।
𑌸𑌰𑍍𑌵𑍈𑌶𑍍𑌵𑌰𑍍𑌯𑌕𑌰𑌂 𑌪𑍁𑌣𑍍𑌯𑌂 𑌸𑌰𑍍𑌵𑌪𑌾𑌪 𑌪𑍍𑌰𑌣𑌾𑌶𑌨𑌮𑍍 ॥
𑌸𑌰𑍍𑌵𑌦𑌾𑌰𑌿𑌦𑍍𑌰𑍍𑌯 𑌶𑌮𑌨𑌂 𑌶𑍍𑌰𑌵𑌣𑌾𑌦𑍍𑌭𑍁𑌕𑍍𑌤𑌿 𑌮𑍁𑌕𑍍𑌤𑌿𑌦𑌮𑍍 ।
𑌰𑌾𑌜𑌵𑌶𑍍𑌯𑌕𑌰𑌂 𑌦𑌿𑌵𑍍𑌯𑌂 𑌗𑍁𑌹𑍍𑌯𑌾𑌦𑍍-𑌗𑍁𑌹𑍍𑌯𑌤𑌰𑌂 𑌪𑌰𑌮𑍍 ॥
𑌦𑍁𑌰𑍍𑌲𑌭𑌂 𑌸𑌰𑍍𑌵𑌦𑍇𑌵𑌾𑌨𑌾𑌂 𑌚𑌤𑍁𑌷𑍍𑌷𑌷𑍍𑌟𑌿 𑌕𑌲𑌾𑌸𑍍𑌪𑌦𑌮𑍍 ।
𑌪𑌦𑍍𑌮𑌾𑌦𑍀𑌨𑌾𑌂 𑌵𑌰𑌾𑌨𑍍𑌤𑌾𑌨𑌾𑌂 𑌨𑌿𑌧𑍀𑌨𑌾𑌂 𑌨𑌿𑌤𑍍𑌯𑌦𑌾𑌯𑌕𑌮𑍍 ॥
𑌸𑌮𑌸𑍍𑌤 𑌦𑍇𑌵 𑌸𑌂𑌸𑍇𑌵𑍍𑌯𑌂 𑌅𑌣𑌿𑌮𑌾𑌦𑍍𑌯𑌷𑍍𑌟 𑌸𑌿𑌦𑍍𑌧𑌿𑌦𑌮𑍍 ।
𑌕𑌿𑌮𑌤𑍍𑌰 𑌬𑌹𑍁𑌨𑍋𑌕𑍍𑌤𑍇𑌨 𑌦𑍇𑌵𑍀 𑌪𑍍𑌰𑌤𑍍𑌯𑌕𑍍𑌷𑌦𑌾𑌯𑌕𑌮𑍍 ॥
𑌤𑌵 𑌪𑍍𑌰𑍀𑌤𑍍𑌯𑌾𑌦𑍍𑌯 𑌵𑌕𑍍𑌷𑍍𑌯𑌾𑌮𑌿 𑌸𑌮𑌾𑌹𑌿𑌤𑌮𑌨𑌾𑌶𑍍𑌶𑍃𑌣𑍁 ।
𑌅𑌷𑍍𑌟𑍋𑌤𑍍𑌤𑌰 𑌶𑌤𑌸𑍍𑌯𑌾𑌸𑍍𑌯 𑌮𑌹𑌾𑌲𑌕𑍍𑌷𑍍𑌮𑌿𑌸𑍍𑌤𑍁 𑌦𑍇𑌵𑌤𑌾 ॥
𑌕𑍍𑌲𑍀𑌂 𑌬𑍀𑌜 𑌪𑌦𑌮𑌿𑌤𑍍𑌯𑍁𑌕𑍍𑌤𑌂 𑌶𑌕𑍍𑌤𑌿𑌸𑍍𑌤𑍁 𑌭𑍁𑌵𑌨𑍇𑌶𑍍𑌵𑌰𑍀 ।
𑌅𑌙𑍍𑌗𑌨𑍍𑌯𑌾𑌸𑌃 𑌕𑌰𑌨𑍍𑌯𑌾𑌸𑌃 𑌸 𑌇𑌤𑍍𑌯𑌾𑌦𑌿 𑌪𑍍𑌰𑌕𑍀𑌰𑍍𑌤𑌿𑌤𑌃 ॥
𑌧𑍍𑌯𑌾𑌨𑌂
𑌵𑌨𑍍𑌦𑍇 𑌪𑌦𑍍𑌮𑌕𑌰𑌾𑌂 𑌪𑍍𑌰𑌸𑌨𑍍𑌨𑌵𑌦𑌨𑌾𑌂 𑌸𑍗𑌭𑌾𑌗𑍍𑌯𑌦𑌾𑌂 𑌭𑌾𑌗𑍍𑌯𑌦𑌾𑌂
𑌹𑌸𑍍𑌤𑌾𑌭𑍍𑌯𑌾𑌮𑌭𑌯𑌪𑍍𑌰𑌦𑌾𑌂 𑌮𑌣𑌿𑌗𑌣𑍈𑌃 𑌨𑌾𑌨𑌾𑌵𑌿𑌧𑍈𑌃 𑌭𑍂𑌷𑌿𑌤𑌾𑌮𑍍 ।
𑌭𑌕𑍍𑌤𑌾𑌭𑍀𑌷𑍍𑌟 𑌫𑌲𑌪𑍍𑌰𑌦𑌾𑌂 𑌹𑌰𑌿𑌹𑌰 𑌬𑍍𑌰𑌹𑍍𑌮𑌾𑌧𑌿𑌭𑌿𑌸𑍍𑌸𑍇𑌵𑌿𑌤𑌾𑌂
𑌪𑌾𑌰𑍍𑌶𑍍𑌵𑍇 𑌪𑌙𑍍𑌕𑌜 𑌶𑌙𑍍𑌖𑌪𑌦𑍍𑌮 𑌨𑌿𑌧𑌿𑌭𑌿𑌃 𑌯𑍁𑌕𑍍𑌤𑌾𑌂 𑌸𑌦𑌾 𑌶𑌕𑍍𑌤𑌿𑌭𑌿𑌃 ॥
𑌸𑌰𑌸𑌿𑌜 𑌨𑌯𑌨𑍇 𑌸𑌰𑍋𑌜𑌹𑌸𑍍𑌤𑍇 𑌧𑌵𑌲 𑌤𑌰𑌾𑌂𑌶𑍁𑌕 𑌗𑌨𑍍𑌧𑌮𑌾𑌲𑍍𑌯 𑌶𑍋𑌭𑍇 ।
𑌭𑌗𑌵𑌤𑌿 𑌹𑌰𑌿𑌵𑌲𑍍𑌲𑌭𑍇 𑌮𑌨𑍋𑌜𑍍𑌞𑍇 𑌤𑍍𑌰𑌿𑌭𑍁𑌵𑌨 𑌭𑍂𑌤𑌿𑌕𑌰𑌿 𑌪𑍍𑌰𑌸𑍀𑌦𑌮𑌹𑍍𑌯𑌮𑍍 ॥
𑍐
𑌪𑍍𑌰𑌕𑍃𑌤𑌿𑌂 𑌵𑌿𑌕𑍃𑌤𑌿𑌂 𑌵𑌿𑌦𑍍𑌯𑌾𑌂 𑌸𑌰𑍍𑌵𑌭𑍂𑌤-𑌹𑌿𑌤𑌪𑍍𑌰𑌦𑌾𑌮𑍍 ।
𑌶𑍍𑌰𑌦𑍍𑌧𑌾𑌂 𑌵𑌿𑌭𑍂𑌤𑌿𑌂 𑌸𑍁𑌰𑌭𑌿𑌂 𑌨𑌮𑌾𑌮𑌿 𑌪𑌰𑌮𑌾𑌤𑍍𑌮𑌿𑌕𑌾𑌮𑍍 ॥ 1 ॥
𑌵𑌾𑌚𑌂 𑌪𑌦𑍍𑌮𑌾𑌲𑌯𑌾𑌂 𑌪𑌦𑍍𑌮𑌾𑌂 𑌶𑍁𑌚𑌿𑌂 𑌸𑍍𑌵𑌾𑌹𑌾𑌂 𑌸𑍍𑌵𑌧𑌾𑌂 𑌸𑍁𑌧𑌾𑌮𑍍 ।
𑌧𑌨𑍍𑌯𑌾𑌂 𑌹𑌿𑌰𑌣𑍍𑌮𑌯𑌯𑍀𑌂 𑌲𑌕𑍍𑌷𑍍𑌮𑍀𑌂 𑌨𑌿𑌤𑍍𑌯𑌪𑍁𑌷𑍍𑌟𑌾𑌂 𑌵𑌿𑌭𑌾𑌵𑌰𑍀𑌮𑍍 ॥ 2 ॥
𑌅𑌦𑌿𑌤𑌿𑌂 𑌚 𑌦𑌿𑌤𑌿𑌂 𑌦𑍀𑌪𑍍𑌤𑌾𑌂 𑌵𑌸𑍁𑌧𑌾𑌂 𑌵𑌸𑍁𑌧𑌾𑌰𑌿𑌣𑍀𑌮𑍍 ।
𑌨𑌮𑌾𑌮𑌿 𑌕𑌮𑌲𑌾𑌂 𑌕𑌾𑌨𑍍𑌤𑌾𑌂 𑌕𑌾𑌮𑌾𑌕𑍍𑌷𑍀𑌂 𑌕𑍍𑌰𑍋𑌧𑌸𑌮𑍍𑌭𑌵𑌾𑌮𑍍 [𑌕𑌾𑌮𑍍𑌯𑌾𑌂 𑌕𑍍𑌷𑍀𑌰𑍋𑌦𑌸𑌮𑍍𑌭𑌵𑌾𑌮𑍍] ॥ 3 ॥
𑌅𑌨𑍁𑌗𑍍𑌰𑌹𑌪𑍍𑌰𑌦𑌾𑌂 𑌬𑍁𑌦𑍍𑌧𑌿-𑌮𑌨𑌘𑌾𑌂 𑌹𑌰𑌿𑌵𑌲𑍍𑌲𑌭𑌾𑌮𑍍 ।
𑌅𑌶𑍋𑌕𑌾-𑌮𑌮𑍃𑌤𑌾𑌂 𑌦𑍀𑌪𑍍𑌤𑌾𑌂 𑌲𑍋𑌕𑌶𑍋𑌕𑌵𑌿𑌨𑌾𑌶𑌿𑌨𑍀𑌮𑍍 ॥ 4 ॥
𑌨𑌮𑌾𑌮𑌿 𑌧𑌰𑍍𑌮𑌨𑌿𑌲𑌯𑌾𑌂 𑌕𑌰𑍁𑌣𑌾𑌂 𑌲𑍋𑌕𑌮𑌾𑌤𑌰𑌮𑍍 ।
𑌪𑌦𑍍𑌮𑌪𑍍𑌰𑌿𑌯𑌾𑌂 𑌪𑌦𑍍𑌮𑌹𑌸𑍍𑌤𑌾𑌂 𑌪𑌦𑍍𑌮𑌾𑌕𑍍𑌷𑍀𑌂 𑌪𑌦𑍍𑌮𑌸𑍁𑌨𑍍𑌦𑌰𑍀𑌮𑍍 ॥ 5 ॥
𑌪𑌦𑍍𑌮𑍋𑌦𑍍𑌭𑌵𑌾𑌂 𑌪𑌦𑍍𑌮𑌮𑍁𑌖𑍀𑌂 𑌪𑌦𑍍𑌮𑌨𑌾𑌭𑌪𑍍𑌰𑌿𑌯𑌾𑌂 𑌰𑌮𑌾𑌮𑍍 ।
𑌪𑌦𑍍𑌮𑌮𑌾𑌲𑌾𑌧𑌰𑌾𑌂 𑌦𑍇𑌵𑍀𑌂 𑌪𑌦𑍍𑌮𑌿𑌨𑍀𑌂 𑌪𑌦𑍍𑌮𑌗𑌨𑍍𑌧𑌿𑌨𑍀𑌮𑍍 ॥ 6 ॥
𑌪𑍁𑌣𑍍𑌯𑌗𑌨𑍍𑌧𑌾𑌂 𑌸𑍁𑌪𑍍𑌰𑌸𑌨𑍍𑌨𑌾𑌂 𑌪𑍍𑌰𑌸𑌾𑌦𑌾𑌭𑌿𑌮𑍁𑌖𑍀𑌂 𑌪𑍍𑌰𑌭𑌾𑌮𑍍 ।
𑌨𑌮𑌾𑌮𑌿 𑌚𑌨𑍍𑌦𑍍𑌰𑌵𑌦𑌨𑌾𑌂 𑌚𑌨𑍍𑌦𑍍𑌰𑌾𑌂 𑌚𑌨𑍍𑌦𑍍𑌰𑌸𑌹𑍋𑌦𑌰𑍀𑌮𑍍 ॥ 7 ॥
𑌚𑌤𑍁𑌰𑍍𑌭𑍁𑌜𑌾𑌂 𑌚𑌨𑍍𑌦𑍍𑌰𑌰𑍂𑌪𑌾-𑌮𑌿𑌨𑍍𑌦𑌿𑌰𑌾-𑌮𑌿𑌨𑍍𑌦𑍁𑌶𑍀𑌤𑌲𑌾𑌮𑍍 ।
𑌆𑌹𑍍𑌲𑌾𑌦 𑌜𑌨𑌨𑍀𑌂 𑌪𑍁𑌷𑍍𑌟𑌿𑌂 𑌶𑌿𑌵𑌾𑌂 𑌶𑌿𑌵𑌕𑌰𑍀𑌂 𑌸𑌤𑍀𑌮𑍍 ॥ 8 ॥
𑌵𑌿𑌮𑌲𑌾𑌂 𑌵𑌿𑌶𑍍𑌵𑌜𑌨𑌨𑍀𑌂 𑌤𑍁𑌷𑍍𑌟𑌿𑌂 𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌿𑌨𑍀𑌮𑍍 ।
𑌪𑍍𑌰𑍀𑌤𑌿𑌪𑍁𑌷𑍍𑌕𑌰𑌿𑌣𑍀𑌂 𑌶𑌾𑌨𑍍𑌤𑌾𑌂 𑌶𑍁𑌕𑍍𑌲𑌮𑌾𑌲𑍍𑌯𑌾𑌮𑍍𑌬𑌰𑌾𑌂 𑌶𑍍𑌰𑌿𑌯𑌮𑍍 ॥ 9 ॥
𑌭𑌾𑌸𑍍𑌕𑌰𑍀𑌂 𑌬𑌿𑌲𑍍𑌵𑌨𑌿𑌲𑌯𑌾𑌂 𑌵𑌰𑌾𑌰𑍋𑌹𑌾𑌂 𑌯𑌶𑌸𑍍𑌵𑌿𑌨𑍀𑌮𑍍 ।
𑌵𑌸𑍁𑌨𑍍𑌧𑌰𑌾 𑌮𑍁𑌦𑌾𑌰𑌾𑌙𑍍𑌗𑌾𑌂 𑌹𑌰𑌿𑌣𑍀𑌂 𑌹𑍇𑌮𑌮𑌾𑌲𑌿𑌨𑍀𑌮𑍍 ॥ 10 ॥
𑌧𑌨𑌧𑌾𑌨𑍍𑌯𑌕𑌰𑍀𑌂 𑌸𑌿𑌦𑍍𑌧𑌿𑌂 𑌸𑍍𑌤𑍍𑌰𑍈𑌣𑌸𑍗𑌮𑍍𑌯𑌾𑌂 [𑌸𑌦𑌾𑌸𑍗𑌮𑍍𑌯𑌾𑌂] 𑌶𑍁𑌭𑌪𑍍𑌰𑌦𑌾𑌮𑍍 ।
𑌨𑍃𑌪𑌵𑍇𑌶𑍍𑌮𑌗𑌤𑌾𑌂 𑌨𑌨𑍍𑌦𑌾𑌂 𑌵𑌰𑌲𑌕𑍍𑌷𑍍𑌮𑍀𑌂 𑌵𑌸𑍁𑌪𑍍𑌰𑌦𑌾𑌮𑍍 ॥ 11 ॥
𑌶𑍁𑌭𑌾𑌂 𑌹𑌿𑌰𑌣𑍍𑌯𑌪𑍍𑌰𑌾𑌕𑌾𑌰𑌾𑌂 𑌸𑌮𑍁𑌦𑍍𑌰𑌤𑌨𑌯𑌾𑌂 𑌜𑌯𑌾𑌮𑍍 ।
𑌨𑌮𑌾𑌮𑌿 𑌮𑌙𑍍𑌗𑌲𑌾𑌂 𑌦𑍇𑌵𑍀𑌂 𑌵𑌿𑌷𑍍𑌣𑍁𑌵𑌕𑍍𑌷𑌃𑌸𑍍𑌥𑌲𑌸𑍍𑌥𑌿𑌤𑌾𑌮𑍍 ॥ 12 ॥
𑌵𑌿𑌷𑍍𑌣𑍁𑌪𑌤𑍍𑌨𑍀𑌂, 𑌪𑍍𑌰𑌸𑌨𑍍𑌨𑌾𑌕𑍍𑌷𑍀𑌂 𑌨𑌾𑌰𑌾𑌯𑌣𑌸𑌮𑌾𑌶𑍍𑌰𑌿𑌤𑌾𑌮𑍍 ।
𑌦𑌾𑌰𑌿𑌦𑍍𑌰𑍍𑌯𑌧𑍍𑌵𑌂𑌸𑌿𑌨𑍀𑌂 𑌦𑍇𑌵𑍀𑌂 𑌸𑌰𑍍𑌵𑍋𑌪𑌦𑍍𑌰𑌵𑌵𑌾𑌰𑌿𑌣𑍀𑌮𑍍 ॥ 13 ॥
𑌨𑌵𑌦𑍁𑌰𑍍𑌗𑌾𑌂 𑌮𑌹𑌾𑌕𑌾𑌲𑍀𑌂 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌤𑍍𑌮𑌿𑌕𑌾𑌮𑍍 ।
𑌤𑍍𑌰𑌿𑌕𑌾𑌲𑌜𑍍𑌞𑌾𑌨𑌸𑌮𑍍𑌪𑌨𑍍𑌨𑌾𑌂 𑌨𑌮𑌾𑌮𑌿 𑌭𑍁𑌵𑌨𑍇𑌶𑍍𑌵𑌰𑍀𑌮𑍍 ॥ 14 ॥
𑌲𑌕𑍍𑌷𑍍𑌮𑍀𑌂 𑌕𑍍𑌷𑍀𑌰𑌸𑌮𑍁𑌦𑍍𑌰𑌰𑌾𑌜 𑌤𑌨𑌯𑌾𑌂 𑌶𑍍𑌰𑍀𑌰𑌙𑍍𑌗𑌧𑌾𑌮𑍇𑌶𑍍𑌵𑌰𑍀𑌮𑍍 ।
𑌦𑌾𑌸𑍀𑌭𑍂𑌤 𑌸𑌮𑌸𑍍𑌤𑌦𑍇𑌵 𑌵𑌨𑌿𑌤𑌾𑌂 𑌲𑍋𑌕𑍈𑌕 𑌦𑍀𑌪𑌾𑌙𑍍𑌕𑍁𑌰𑌾𑌮𑍍 ॥
𑌶𑍍𑌰𑍀𑌮𑌨𑍍𑌮𑌨𑍍𑌦 𑌕𑌟𑌾𑌕𑍍𑌷 𑌲𑌬𑍍𑌧 𑌵𑌿𑌭𑌵𑌦𑍍-𑌬𑍍𑌰𑌹𑍍𑌮𑍇𑌨𑍍𑌦𑍍𑌰 𑌗𑌙𑍍𑌗𑌾𑌧𑌰𑌾𑌮𑍍 ।
𑌤𑍍𑌵𑌾𑌂 𑌤𑍍𑌰𑍈𑌲𑍋𑌕𑍍𑌯 𑌕𑍁𑌟𑍁𑌮𑍍𑌬𑌿𑌨𑍀𑌂 𑌸𑌰𑌸𑌿𑌜𑌾𑌂 𑌵𑌨𑍍𑌦𑍇 𑌮𑍁𑌕𑍁𑌨𑍍𑌦𑌪𑍍𑌰𑌿𑌯𑌾𑌮𑍍 ॥ 15 ॥
𑌮𑌾𑌤𑌰𑍍𑌨𑌮𑌾𑌮𑌿! 𑌕𑌮𑌲𑍇! 𑌕𑌮𑌲𑌾𑌯𑌤𑌾𑌕𑍍𑌷𑌿!
𑌶𑍍𑌰𑍀 𑌵𑌿𑌷𑍍𑌣𑍁 𑌹𑍃𑌤𑍍-𑌕𑌮𑌲𑌵𑌾𑌸𑌿𑌨𑌿! 𑌵𑌿𑌶𑍍𑌵𑌮𑌾𑌤𑌃!
𑌕𑍍𑌷𑍀𑌰𑍋𑌦𑌜𑍇 𑌕𑌮𑌲 𑌕𑍋𑌮𑌲 𑌗𑌰𑍍𑌭𑌗𑍗𑌰𑌿!
𑌲𑌕𑍍𑌷𑍍𑌮𑍀! 𑌪𑍍𑌰𑌸𑍀𑌦 𑌸𑌤𑌤𑌂 𑌸𑌮𑌤𑌾𑌂 𑌶𑌰𑌣𑍍𑌯𑍇 ॥ 16 ॥
𑌤𑍍𑌰𑌿𑌕𑌾𑌲𑌂 𑌯𑍋 𑌜𑌪𑍇𑌤𑍍 𑌵𑌿𑌦𑍍𑌵𑌾𑌨𑍍 𑌷𑌣𑍍𑌮𑌾𑌸𑌂 𑌵𑌿𑌜𑌿𑌤𑍇𑌨𑍍𑌦𑍍𑌰𑌿𑌯𑌃 ।
𑌦𑌾𑌰𑌿𑌦𑍍𑌰𑍍𑌯 𑌧𑍍𑌵𑌂𑌸𑌨𑌂 𑌕𑍃𑌤𑍍𑌵𑌾 𑌸𑌰𑍍𑌵𑌮𑌾𑌪𑍍𑌨𑍋𑌤𑍍-𑌯𑌯𑌤𑍍𑌨𑌤𑌃 ।
𑌦𑍇𑌵𑍀𑌨𑌾𑌮 𑌸𑌹𑌸𑍍𑌰𑍇𑌷𑍁 𑌪𑍁𑌣𑍍𑌯𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌯𑍇𑌨 𑌶𑍍𑌰𑌿𑌯 𑌮𑌵𑌾𑌪𑍍𑌨𑍋𑌤𑌿 𑌕𑍋𑌟𑌿𑌜𑌨𑍍𑌮 𑌦𑌰𑌿𑌦𑍍𑌰𑌤𑌃 ॥ 17 ॥
𑌭𑍃𑌗𑍁𑌵𑌾𑌰𑍇 𑌶𑌤𑌂 𑌧𑍀𑌮𑌾𑌨𑍍 𑌪𑌠𑍇𑌤𑍍 𑌵𑌤𑍍𑌸𑌰𑌮𑌾𑌤𑍍𑌰𑌕𑌮𑍍 ।
𑌅𑌷𑍍𑌟𑍈𑌶𑍍𑌵𑌰𑍍𑌯 𑌮𑌵𑌾𑌪𑍍𑌨𑍋𑌤𑌿 𑌕𑍁𑌬𑍇𑌰 𑌇𑌵 𑌭𑍂𑌤𑌲𑍇 ॥
𑌦𑌾𑌰𑌿𑌦𑍍𑌰𑍍𑌯 𑌮𑍋𑌚𑌨𑌂 𑌨𑌾𑌮 𑌸𑍍𑌤𑍋𑌤𑍍𑌰𑌮𑌮𑍍𑌬𑌾𑌪𑌰𑌂 𑌶𑌤𑌮𑍍 ।
𑌯𑍇𑌨 𑌶𑍍𑌰𑌿𑌯 𑌮𑌵𑌾𑌪𑍍𑌨𑍋𑌤𑌿 𑌕𑍋𑌟𑌿𑌜𑌨𑍍𑌮 𑌦𑌰𑌿𑌦𑍍𑌰𑌤𑌃 ॥ 18 ॥
𑌭𑍁𑌕𑍍𑌤𑍍𑌵𑌾𑌤𑍁 𑌵𑌿𑌪𑍁𑌲𑌾𑌨𑍍 𑌭𑍋𑌗𑌾𑌨𑍍 𑌅𑌨𑍍𑌤𑍇 𑌸𑌾𑌯𑍁𑌜𑍍𑌯𑌮𑌾𑌪𑍍𑌨𑍁𑌯𑌾𑌤𑍍 ।
𑌪𑍍𑌰𑌾𑌤𑌃𑌕𑌾𑌲𑍇 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵 𑌦𑍁𑌃𑌖𑍋𑌪 𑌶𑌾𑌨𑍍𑌤𑌯𑍇 ।
𑌪𑌠𑌨𑍍𑌤𑍁 𑌚𑌿𑌨𑍍𑌤𑌯𑍇𑌦𑍍𑌦𑍇𑌵𑍀𑌂 𑌸𑌰𑍍𑌵𑌾𑌭𑌰𑌣 𑌭𑍂𑌷𑌿𑌤𑌾𑌮𑍍 ॥ 19 ॥
𑌇𑌤𑌿 𑌶𑍍𑌰𑍀 𑌲𑌕𑍍𑌷𑍍𑌮𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌂
Roman (IAST) Transliteration
devyuvāca
devadeva! mahādeva! trikālajña! maheśvara!
karuṇākara deveśa! bhaktānugrahakāraka! ||
aṣṭottara śataṃ lakṣmyāḥ śrotumicchāmi tattvataḥ ||
īśvara uvāca
devi! sādhu mahābhāge mahābhāgya pradāyakam |
sarvaiśvaryakaraṃ puṇyaṃ sarvapāpa praṇāśanam ||
sarvadāridrya śamanaṃ śravaṇādbhukti muktidam |
rājavaśyakaraṃ divyaṃ guhyād-guhyataraṃ param ||
durlabhaṃ sarvadevānāṃ catuṣṣaṣṭi kalāspadam |
padmādīnāṃ varāntānāṃ nidhīnāṃ nityadāyakam ||
samasta deva saṃsevyaṃ aṇimādyaṣṭa siddhidam |
kimatra bahunoktena devī pratyakṣadāyakam ||
tava prītyādya vakṣyāmi samāhitamanāśśṛṇu |
aṣṭottara śatasyāsya mahālakṣmistu devatā ||
klīṃ bīja padamityuktaṃ śaktistu bhuvaneśvarī |
aṅganyāsaḥ karanyāsaḥ sa ityādi prakīrtitaḥ ||
dhyānaṃ
vande padmakarāṃ prasannavadanāṃ saubhāgyadāṃ bhāgyadāṃ
hastābhyāmabhayapradāṃ maṇigaṇaiḥ nānāvidhaiḥ bhūṣitām |
bhaktābhīṣṭa phalapradāṃ harihara brahmādhibhissevitāṃ
pārśve paṅkaja śaṅkhapadma nidhibhiḥ yuktāṃ sadā śaktibhiḥ ||
sarasija nayane sarojahaste dhavala tarāṃśuka gandhamālya śobhe |
bhagavati harivallabhe manojñe tribhuvana bhūtikari prasīdamahyam ||
oṃ
prakṛtiṃ vikṛtiṃ vidyāṃ sarvabhūta-hitapradām |
śraddhāṃ vibhūtiṃ surabhiṃ namāmi paramātmikām || 1 ||
vācaṃ padmālayāṃ padmāṃ śuciṃ svāhāṃ svadhāṃ sudhām |
dhanyāṃ hiraṇmayayīṃ lakṣmīṃ nityapuṣṭāṃ vibhāvarīm || 2 ||
aditiṃ ca ditiṃ dīptāṃ vasudhāṃ vasudhāriṇīm |
namāmi kamalāṃ kāntāṃ kāmākṣīṃ krodhasambhavām [kāmyāṃ kṣīrodasambhavām] || 3 ||
anugrahapradāṃ buddhi-managhāṃ harivallabhām |
aśokā-mamṛtāṃ dīptāṃ lokaśokavināśinīm || 4 ||
namāmi dharmanilayāṃ karuṇāṃ lokamātaram |
padmapriyāṃ padmahastāṃ padmākṣīṃ padmasundarīm || 5 ||
padmodbhavāṃ padmamukhīṃ padmanābhapriyāṃ ramām |
padmamālādharāṃ devīṃ padminīṃ padmagandhinīm || 6 ||
puṇyagandhāṃ suprasannāṃ prasādābhimukhīṃ prabhām |
namāmi candravadanāṃ candrāṃ candrasahodarīm || 7 ||
caturbhujāṃ candrarūpā-mindirā-minduśītalām |
āhlāda jananīṃ puṣṭiṃ śivāṃ śivakarīṃ satīm || 8 ||
vimalāṃ viśvajananīṃ tuṣṭiṃ dāridryanāśinīm |
prītipuṣkariṇīṃ śāntāṃ śuklamālyāmbarāṃ śriyam || 9 ||
bhāskarīṃ bilvanilayāṃ varārohāṃ yaśasvinīm |
vasundharā mudārāṅgāṃ hariṇīṃ hemamālinīm || 10 ||
dhanadhānyakarīṃ siddhiṃ straiṇasaumyāṃ [sadāsaumyāṃ] śubhapradām |
nṛpaveśmagatāṃ nandāṃ varalakṣmīṃ vasupradām || 11 ||
śubhāṃ hiraṇyaprākārāṃ samudratanayāṃ jayām |
namāmi maṅgalāṃ devīṃ viṣṇuvakṣaḥsthalasthitām || 12 ||
viṣṇupatnīṃ, prasannākṣīṃ nārāyaṇasamāśritām |
dāridryadhvaṃsinīṃ devīṃ sarvopadravavāriṇīm || 13 ||
navadurgāṃ mahākālīṃ brahmaviṣṇuśivātmikām |
trikālajñānasampannāṃ namāmi bhuvaneśvarīm || 14 ||
lakṣmīṃ kṣīrasamudrarāja tanayāṃ śrīraṅgadhāmeśvarīm |
dāsībhūta samastadeva vanitāṃ lokaika dīpāṅkurām ||
śrīmanmanda kaṭākṣa labdha vibhavad-brahmendra gaṅgādharām |
tvāṃ trailokya kuṭumbinīṃ sarasijāṃ vande mukundapriyām || 15 ||
mātarnamāmi! kamale! kamalāyatākṣi!
śrī viṣṇu hṛt-kamalavāsini! viśvamātaḥ!
kṣīrodaje kamala komala garbhagauri!
lakṣmī! prasīda satataṃ samatāṃ śaraṇye || 16 ||
trikālaṃ yo japet vidvān ṣaṇmāsaṃ vijitendriyaḥ |
dāridrya dhvaṃsanaṃ kṛtvā sarvamāpnot-yayatnataḥ |
devīnāma sahasreṣu puṇyamaṣṭottaraṃ śatam |
yena śriya mavāpnoti koṭijanma daridrataḥ || 17 ||
bhṛguvāre śataṃ dhīmān paṭhet vatsaramātrakam |
aṣṭaiśvarya mavāpnoti kubera iva bhūtale ||
dāridrya mocanaṃ nāma stotramambāparaṃ śatam |
yena śriya mavāpnoti koṭijanma daridrataḥ || 18 ||
bhuktvātu vipulān bhogān ante sāyujyamāpnuyāt |
prātaḥkāle paṭhennityaṃ sarva duḥkhopa śāntaye |
paṭhantu cintayeddevīṃ sarvābharaṇa bhūṣitām || 19 ||
iti śrī lakṣmyaṣṭottaraśatanāmastotraṃ sampūrṇaṃ
InfoLyter.in — Sacred Vedic Knowledge Portal · Free forever