📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌦𑍁𑌰𑍍𑌗𑌾 𑌸𑌹𑌸𑍍𑌰 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Shri Durga Sahasra Nama Stotram
Durga Stotram Grantha
॥ 𑌅𑌥 𑌶𑍍𑌰𑍀 𑌦𑍁𑌰𑍍𑌗𑌾 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌮𑍍 ॥
𑌨𑌾𑌰𑌦 𑌉𑌵𑌾𑌚 -
𑌕𑍁𑌮𑌾𑌰 𑌗𑍁𑌣𑌗𑌮𑍍𑌭𑍀𑌰 𑌦𑍇𑌵𑌸𑍇𑌨𑌾𑌪𑌤𑍇 𑌪𑍍𑌰𑌭𑍋 ।
𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌦𑌂 𑌪𑍁𑌂𑌸𑌾𑌂 𑌸𑌰𑍍𑌵𑌪𑌾𑌪𑌪𑍍𑌰𑌣𑌾𑌶𑌨𑌮𑍍 ॥ 1॥
𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌰𑌂 𑌸𑍍𑌤𑍋𑌤𑍍𑌰𑌂 𑌭𑌕𑍍𑌤𑌿𑌵𑌰𑍍𑌧𑌕𑌮𑌞𑍍𑌜𑌸𑌾 ।
𑌮𑌙𑍍𑌗𑌲𑌂 𑌗𑍍𑌰𑌹𑌪𑍀𑌡𑌾𑌦𑌿𑌶𑌾𑌨𑍍𑌤𑌿𑌦𑌂 𑌵𑌕𑍍𑌤𑍁𑌮𑌰𑍍𑌹𑌸𑌿 ॥ 2॥
𑌸𑍍𑌕𑌨𑍍𑌦 𑌉𑌵𑌾𑌚 -
𑌶𑍃𑌣𑍁 𑌨𑌾𑌰𑌦 𑌦𑍇𑌵𑌰𑍍𑌷𑍇 𑌲𑍋𑌕𑌾𑌨𑍁𑌗𑍍𑌰𑌹𑌕𑌾𑌮𑍍𑌯𑌯𑌾 ।
𑌯𑌤𑍍𑌪𑍃𑌚𑍍𑌛𑌸𑌿 𑌪𑌰𑌂 𑌪𑍁𑌣𑍍𑌯𑌂 𑌤𑌤𑍍𑌤𑍇 𑌵𑌕𑍍𑌷𑍍𑌯𑌾𑌮𑌿 𑌕𑍗𑌤𑍁𑌕𑌾𑌤𑍍 ॥ 3॥
𑌮𑌾𑌤𑌾 𑌮𑍇 𑌲𑍋𑌕𑌜𑌨𑌨𑍀 𑌹𑌿𑌮𑌵𑌨𑍍𑌨𑌗𑌸𑌤𑍍𑌤𑌮𑌾𑌤𑍍 ।
𑌮𑍇𑌨𑌾𑌯𑌾𑌂 𑌬𑍍𑌰𑌹𑍍𑌮𑌵𑌾𑌦𑌿𑌨𑍍𑌯𑌾𑌂 𑌪𑍍𑌰𑌾𑌦𑍁𑌰𑍍𑌭𑍂𑌤𑌾 𑌹𑌰𑌪𑍍𑌰𑌿𑌯𑌾 ॥ 4॥
𑌮𑌹𑌤𑌾 𑌤𑌪𑌸𑌾𑌽𑌽𑌰𑌾𑌧𑍍𑌯 𑌶𑌙𑍍𑌕𑌰𑌂 𑌲𑍋𑌕𑌶𑌙𑍍𑌕𑌰𑌮𑍍 ।
𑌸𑍍𑌵𑌮𑍇𑌵 𑌵𑌲𑍍𑌲𑌭𑌂 𑌭𑍇𑌜𑍇 𑌕𑌲𑍇𑌵 𑌹𑌿 𑌕𑌲𑌾𑌨𑌿𑌧𑌿𑌮𑍍 ॥ 5॥
𑌨𑌗𑌾𑌨𑌾𑌮𑌧𑌿𑌰𑌾𑌜𑌸𑍍𑌤𑍁 𑌹𑌿𑌮𑌵𑌾𑌨𑍍 𑌵𑌿𑌰𑌹𑌾𑌤𑍁𑌰𑌃 ।
𑌸𑍍𑌵𑌸𑍁𑌤𑌾𑌯𑌾𑌃 𑌪𑌰𑌿𑌕𑍍𑌷𑍀𑌣𑍇 𑌵𑌸𑌿𑌷𑍍𑌠𑍇𑌨 𑌪𑍍𑌰𑌬𑍋𑌧𑌿𑌤𑌃 ॥ 6॥
𑌤𑍍𑌰𑌿𑌲𑍋𑌕𑌜𑌨𑌨𑍀 𑌸𑍇𑌯𑌂 𑌪𑍍𑌰𑌸𑌨𑍍𑌨𑌾 𑌤𑍍𑌵𑌯𑌿 𑌪𑍁𑌣𑍍𑌯𑌤𑌃 ।
𑌪𑍍𑌰𑌾𑌦𑍁𑌰𑍍𑌭𑍂𑌤𑌾 𑌸𑍁𑌤𑌾𑌤𑍍𑌵𑍇𑌨 𑌤𑌦𑍍𑌵𑌿𑌯𑍋𑌗𑌂 𑌶𑍁𑌭𑌂 𑌤𑍍𑌯𑌜 ॥ 7॥
𑌬𑌹𑍁𑌰𑍂𑌪𑌾 𑌚 𑌦𑍁𑌰𑍍𑌗𑍇𑌯𑌂 𑌬𑌹𑍁𑌨𑌾𑌮𑍍𑌨𑍀 𑌸𑌨𑌾𑌤𑌨𑍀 ।
𑌸𑌨𑌾𑌤𑌨𑌸𑍍𑌯 𑌜𑌾𑌯𑌾 𑌸𑌾 𑌪𑍁𑌤𑍍𑌰𑍀𑌮𑍋𑌹𑌂 𑌤𑍍𑌯𑌜𑌾𑌧𑍁𑌨𑌾 ॥ 8॥
𑌇𑌤𑌿 𑌪𑍍𑌰𑌬𑍋𑌧𑌿𑌤𑌃 𑌶𑍈𑌲𑌃 𑌤𑌾𑌂 𑌤𑍁𑌷𑍍𑌟𑌾𑌵 𑌪𑌰𑌾𑌂 𑌶𑌿𑌵𑌾𑌮𑍍 ।
𑌤𑌦𑌾 𑌪𑍍𑌰𑌸𑌨𑍍𑌨𑌾 𑌸𑌾 𑌦𑍁𑌰𑍍𑌗𑌾 𑌪𑌿𑌤𑌰𑌂 𑌪𑍍𑌰𑌾𑌹 𑌨𑌨𑍍𑌦𑌿𑌨𑍀 ॥ 9॥
𑌮𑌤𑍍𑌪𑍍𑌰𑌸𑌾𑌦𑌾𑌤𑍍𑌪𑌰𑌂 𑌸𑍍𑌤𑍋𑌤𑍍𑌰𑌂 𑌹𑍃𑌦𑌯𑍇 𑌪𑍍𑌰𑌤𑌿𑌭𑌾𑌸𑌤𑌾𑌮𑍍 ।
𑌤𑍇𑌨 𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑍇𑌣 𑌪𑍂𑌜𑌯𑌨𑍍 𑌕𑌾𑌮𑌮𑌾𑌪𑍍𑌨𑍁𑌹𑌿 ॥ 10॥
𑌇𑌤𑍍𑌯𑍁𑌕𑍍𑌤𑍍𑌵𑌾𑌨𑍍𑌤𑌰𑍍𑌹𑌿𑌤𑌾𑌯𑌾𑌂 𑌤𑍁 𑌹𑍃𑌦𑌯𑍇 𑌸𑍍𑌫𑍁𑌰𑌿𑌤𑌂 𑌤𑌦𑌾 ।
𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌦𑍁𑌰𑍍𑌗𑌾𑌯𑌾𑌃 𑌪𑍃𑌚𑍍𑌛𑌤𑍇 𑌮𑍇 𑌯𑌦𑍁𑌕𑍍𑌤𑌵𑌾𑌨𑍍 ॥ 11॥
𑌮𑌙𑍍𑌗𑌲𑌾𑌨𑌾𑌂 𑌮𑌙𑍍𑌗𑌲𑌂 𑌤𑌦𑍍 𑌦𑍁𑌰𑍍𑌗𑌾𑌨𑌾𑌮 𑌸𑌹𑌸𑍍𑌰𑌕𑌮𑍍 ।
𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌦𑌾𑌂 𑌪𑍁𑌂𑌸𑌾𑌂 𑌬𑍍𑌰𑌵𑍀𑌮𑍍𑌯𑌖𑌿𑌲𑌕𑌾𑌮𑌦𑌮𑍍 ॥ 12॥
𑌦𑍁𑌰𑍍𑌗𑌾𑌦𑍇𑌵𑍀 𑌸𑌮𑌾𑌖𑍍𑌯𑌾𑌤𑌾 𑌹𑌿𑌮𑌵𑌾𑌨𑍃𑌷𑌿𑌰𑍁𑌚𑍍𑌯𑌤𑍇 ।
𑌛𑌨𑍍𑌦𑍋𑌨𑍁𑌷𑍍𑌟𑍁𑌪𑍍 𑌜𑌪𑍋 𑌦𑍇𑌵𑍍𑌯𑌾𑌃 𑌪𑍍𑌰𑍀𑌤𑌯𑍇 𑌕𑍍𑌰𑌿𑌯𑌤𑍇 𑌸𑌦𑌾 ॥ 13॥
𑌅𑌸𑍍𑌯 𑌶𑍍𑌰𑍀𑌦𑍁𑌰𑍍𑌗𑌾𑌸𑍍𑌤𑍋𑌤𑍍𑌰𑌮𑌹𑌾𑌮𑌨𑍍𑌤𑍍𑌰𑌸𑍍𑌯 । 𑌹𑌿𑌮𑌵𑌾𑌨𑍍 𑌋𑌷𑌿𑌃 । 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃 ।
𑌦𑍁𑌰𑍍𑌗𑌾𑌭𑌗𑌵𑌤𑍀 𑌦𑍇𑌵𑌤𑌾 । 𑌶𑍍𑌰𑍀𑌦𑍁𑌰𑍍𑌗𑌾𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 । ।
𑌶𑍍𑌰𑍀𑌭𑌗𑌵𑌤𑍍𑌯𑍈 𑌦𑍁𑌰𑍍𑌗𑌾𑌯𑍈 𑌨𑌮𑌃 ।
𑌦𑍇𑌵𑍀𑌧𑍍𑌯𑌾𑌨𑌮𑍍
𑍐 𑌹𑍍𑌰𑍀𑌂 𑌕𑌾𑌲𑌾𑌭𑍍𑌰𑌾𑌭𑌾𑌂 𑌕𑌟𑌾𑌕𑍍𑌷𑍈𑌰𑌰𑌿𑌕𑍁𑌲𑌭𑌯𑌦𑌾𑌂 𑌮𑍗𑌲𑌿𑌬𑌦𑍍𑌧𑍇𑌨𑍍𑌦𑍁𑌰𑍇𑌖𑌾𑌂
𑌶𑌙𑍍𑌖𑌂 𑌚𑌕𑍍𑌰𑌂 𑌕𑍃𑌪𑌾𑌣𑌂 𑌤𑍍𑌰𑌿𑌶𑌿𑌖𑌮𑌪𑌿 𑌕𑌰𑍈𑌰𑍁𑌦𑍍𑌵𑌹𑌨𑍍𑌤𑍀𑌂 𑌤𑍍𑌰𑌿𑌨𑍇𑌤𑍍𑌰𑌾𑌮𑍍 ।
𑌸𑌿𑌂𑌹𑌸𑍍𑌕𑌨𑍍𑌧𑌾𑌧𑌿𑌰𑍂𑌢𑌾𑌂 𑌤𑍍𑌰𑌿𑌭𑍁𑌵𑌨𑌮𑌖𑌿𑌲𑌂 𑌤𑍇𑌜𑌸𑌾 𑌪𑍂𑌰𑌯𑌨𑍍𑌤𑍀𑌂
𑌧𑍍𑌯𑌾𑌯𑍇𑌦𑍍 𑌦𑍁𑌰𑍍𑌗𑌾𑌂 𑌜𑌯𑌾𑌖𑍍𑌯𑌾𑌂 𑌤𑍍𑌰𑌿𑌦𑌶𑌪𑌰𑌿𑌵𑍃𑌤𑌾𑌂 𑌸𑍇𑌵𑌿𑌤𑌾𑌂 𑌸𑌿𑌦𑍍𑌧𑌿𑌕𑌾𑌮𑍈𑌃 ॥
𑌶𑍍𑌰𑍀 𑌜𑌯𑌦𑍁𑌰𑍍𑌗𑌾𑌯𑍈 𑌨𑌮𑌃 ।
𑍐 𑌶𑌿𑌵𑌾𑌥𑍋𑌮𑌾 𑌰𑌮𑌾 𑌶𑌕𑍍𑌤𑌿𑌰𑌨𑌨𑍍𑌤𑌾 𑌨𑌿𑌷𑍍𑌕𑌲𑌾𑌽𑌮𑌲𑌾 ।
𑌶𑌾𑌨𑍍𑌤𑌾 𑌮𑌾𑌹𑍇𑌶𑍍𑌵𑌰𑍀 𑌨𑌿𑌤𑍍𑌯𑌾 𑌶𑌾𑌶𑍍𑌵𑌤𑌾 𑌪𑌰𑌮𑌾 𑌕𑍍𑌷𑌮𑌾 ॥ 1॥
𑌅𑌚𑌿𑌨𑍍𑌤𑍍𑌯𑌾 𑌕𑍇𑌵𑌲𑌾𑌨𑌨𑍍𑌤𑌾 𑌶𑌿𑌵𑌾𑌤𑍍𑌮𑌾 𑌪𑌰𑌮𑌾𑌤𑍍𑌮𑌿𑌕𑌾 ।
𑌅𑌨𑌾𑌦𑌿𑌰𑌵𑍍𑌯𑌯𑌾 𑌶𑍁𑌦𑍍𑌧𑌾 𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌗𑌾𑌽𑌚𑌲𑌾 ॥ 2॥
𑌏𑌕𑌾𑌨𑍇𑌕𑌵𑌿𑌭𑌾𑌗𑌸𑍍𑌥𑌾 𑌮𑌾𑌯𑌾𑌤𑍀𑌤𑌾 𑌸𑍁𑌨𑌿𑌰𑍍𑌮𑌲𑌾 ।
𑌮𑌹𑌾𑌮𑌾𑌹𑍇𑌶𑍍𑌵𑌰𑍀 𑌸𑌤𑍍𑌯𑌾 𑌮𑌹𑌾𑌦𑍇𑌵𑍀 𑌨𑌿𑌰𑌞𑍍𑌜𑌨𑌾 ॥ 3॥
𑌕𑌾𑌷𑍍𑌠𑌾 𑌸𑌰𑍍𑌵𑌾𑌨𑍍𑌤𑌰𑌸𑍍𑌥𑌾𑌽𑌪𑌿 𑌚𑌿𑌚𑍍𑌛𑌕𑍍𑌤𑌿𑌶𑍍𑌚𑌾𑌤𑍍𑌰𑌿𑌲𑌾𑌲𑌿𑌤𑌾 ।
𑌸𑌰𑍍𑌵𑌾 𑌸𑌰𑍍𑌵𑌾𑌤𑍍𑌮𑌿𑌕𑌾 𑌵𑌿𑌶𑍍𑌵𑌾 𑌜𑍍𑌯𑍋𑌤𑍀𑌰𑍂𑌪𑌾𑌕𑍍𑌷𑌰𑌾𑌮𑍃𑌤𑌾 ॥ 4॥
𑌶𑌾𑌨𑍍𑌤𑌾 𑌪𑍍𑌰𑌤𑌿𑌷𑍍𑌠𑌾 𑌸𑌰𑍍𑌵𑍇𑌶𑌾 𑌨𑌿𑌵𑍃𑌤𑍍𑌤𑌿𑌰𑌮𑍃𑌤𑌪𑍍𑌰𑌦𑌾 ।
𑌵𑍍𑌯𑍋𑌮𑌮𑍂𑌰𑍍𑌤𑌿𑌰𑍍𑌵𑍍𑌯𑍋𑌮𑌸𑌂𑌸𑍍𑌥𑌾 𑌵𑍍𑌯𑍋𑌮𑌧𑌾𑌰𑌾𑌽𑌚𑍍𑌯𑍁𑌤𑌾𑌽𑌤𑍁𑌲𑌾 ॥ 5॥
𑌅𑌨𑌾𑌦𑌿𑌨𑌿𑌧𑌨𑌾𑌽𑌮𑍋𑌘𑌾 𑌕𑌾𑌰𑌣𑌾𑌤𑍍𑌮𑌕𑌲𑌾𑌕𑍁𑌲𑌾 ।
𑌋𑌤𑍁𑌪𑍍𑌰𑌥𑌮𑌜𑌾𑌽𑌨𑌾𑌭𑌿𑌰𑌮𑍃𑌤𑌾𑌤𑍍𑌮𑌸𑌮𑌾𑌶𑍍𑌰𑌯𑌾 ॥ 6॥
𑌪𑍍𑌰𑌾𑌣𑍇𑌶𑍍𑌵𑌰𑌪𑍍𑌰𑌿𑌯𑌾 𑌨𑌮𑍍𑌯𑌾 𑌮𑌹𑌾𑌮𑌹𑌿𑌷𑌘𑌾𑌤𑌿𑌨𑍀 ।
𑌪𑍍𑌰𑌾𑌣𑍇𑌶𑍍𑌵𑌰𑍀 𑌪𑍍𑌰𑌾𑌣𑌰𑍂𑌪𑌾 𑌪𑍍𑌰𑌧𑌾𑌨𑌪𑍁𑌰𑍁𑌷𑍇𑌶𑍍𑌵𑌰𑍀 ॥ 7॥
𑌸𑌰𑍍𑌵𑌶𑌕𑍍𑌤𑌿𑌕𑌲𑌾𑌽𑌕𑌾𑌮𑌾 𑌮𑌹𑌿𑌷𑍇𑌷𑍍𑌟𑌵𑌿𑌨𑌾𑌶𑌿𑌨𑍀 ।
𑌸𑌰𑍍𑌵𑌕𑌾𑌰𑍍𑌯𑌨𑌿𑌯𑌨𑍍𑌤𑍍𑌰𑍀 𑌚 𑌸𑌰𑍍𑌵𑌭𑍂𑌤𑍇𑌶𑍍𑌵𑌰𑍇𑌶𑍍𑌵𑌰𑍀 ॥ 8॥
𑌅𑌙𑍍𑌗𑌦𑌾𑌦𑌿𑌧𑌰𑌾 𑌚𑍈𑌵 𑌤𑌥𑌾 𑌮𑍁𑌕𑍁𑌟𑌧𑌾𑌰𑌿𑌣𑍀 ।
𑌸𑌨𑌾𑌤𑌨𑍀 𑌮𑌹𑌾𑌨𑌨𑍍𑌦𑌾𑌽𑌽𑌕𑌾𑌶𑌯𑍋𑌨𑌿𑌸𑍍𑌤𑌥𑍇𑌚𑍍𑌯𑌤𑍇 ॥ 9॥
𑌚𑌿𑌤𑍍𑌪𑍍𑌰𑌕𑌾𑌶𑌸𑍍𑌵𑌰𑍂𑌪𑌾 𑌚 𑌮𑌹𑌾𑌯𑍋𑌗𑍇𑌶𑍍𑌵𑌰𑍇𑌶𑍍𑌵𑌰𑍀 ।
𑌮𑌹𑌾𑌮𑌾𑌯𑌾 𑌸𑌦𑍁𑌷𑍍𑌪𑌾𑌰𑌾 𑌮𑍂𑌲𑌪𑍍𑌰𑌕𑍃𑌤𑌿𑌰𑍀𑌶𑌿𑌕𑌾 ॥ 10॥
𑌸𑌂𑌸𑌾𑌰𑌯𑍋𑌨𑌿𑌃 𑌸𑌕𑌲𑌾 𑌸𑌰𑍍𑌵𑌶𑌕𑍍𑌤𑌿𑌸𑌮𑍁𑌦𑍍𑌭𑌵𑌾 ।
𑌸𑌂𑌸𑌾𑌰𑌪𑌾𑌰𑌾 𑌦𑍁𑌰𑍍𑌵𑌾𑌰𑌾 𑌦𑍁𑌰𑍍𑌨𑌿𑌰𑍀𑌕𑍍𑌷𑌾 𑌦𑍁𑌰𑌾𑌸𑌦𑌾 ॥ 11॥
𑌪𑍍𑌰𑌾𑌣𑌶𑌕𑍍𑌤𑌿𑌶𑍍𑌚 𑌸𑍇𑌵𑍍𑌯𑌾 𑌚 𑌯𑍋𑌗𑌿𑌨𑍀 𑌪𑌰𑌮𑌾𑌕𑌲𑌾 ।
𑌮𑌹𑌾𑌵𑌿𑌭𑍂𑌤𑌿𑌰𑍍𑌦𑍁𑌰𑍍𑌦𑌰𑍍𑌶𑌾 𑌮𑍂𑌲𑌪𑍍𑌰𑌕𑍃𑌤𑌿𑌸𑌮𑍍𑌭𑌵𑌾 ॥ 12॥
𑌅𑌨𑌾𑌦𑍍𑌯𑌨𑌨𑍍𑌤𑌵𑌿𑌭𑌵𑌾 𑌪𑌰𑌾𑌰𑍍𑌥𑌾 𑌪𑍁𑌰𑍁𑌷𑌾𑌰𑌣𑌿𑌃 ।
𑌸𑌰𑍍𑌗𑌸𑍍𑌥𑌿𑌤𑍍𑌯𑌨𑍍𑌤𑌕𑍃𑌚𑍍𑌚𑍈𑌵 𑌸𑍁𑌦𑍁𑌰𑍍𑌵𑌾𑌚𑍍𑌯𑌾 𑌦𑍁𑌰𑌤𑍍𑌯𑌯𑌾 ॥ 13॥
𑌶𑌬𑍍𑌦𑌗𑌮𑍍𑌯𑌾 𑌶𑌬𑍍𑌦𑌮𑌾𑌯𑌾 𑌶𑌬𑍍𑌦𑌾𑌖𑍍𑌯𑌾𑌨𑌨𑍍𑌦𑌵𑌿𑌗𑍍𑌰𑌹𑌾 ।
𑌪𑍍𑌰𑌧𑌾𑌨𑌪𑍁𑌰𑍁𑌷𑌾𑌤𑍀𑌤𑌾 𑌪𑍍𑌰𑌧𑌾𑌨𑌪𑍁𑌰𑍁𑌷𑌾𑌤𑍍𑌮𑌿𑌕𑌾 ॥ 14॥
𑌪𑍁𑌰𑌾𑌣𑍀 𑌚𑌿𑌨𑍍𑌮𑌯𑌾 𑌪𑍁𑌂𑌸𑌾𑌮𑌿𑌷𑍍𑌟𑌦𑌾 𑌪𑍁𑌷𑍍𑌟𑌿𑌰𑍂𑌪𑌿𑌣𑍀 ।
𑌪𑍂𑌤𑌾𑌨𑍍𑌤𑌰𑌸𑍍𑌥𑌾 𑌕𑍂𑌟𑌸𑍍𑌥𑌾 𑌮𑌹𑌾𑌪𑍁𑌰𑍁𑌷𑌸𑌞𑍍𑌜𑍍𑌞𑌿𑌤𑌾 ॥ 15॥
𑌜𑌨𑍍𑌮𑌮𑍃𑌤𑍍𑌯𑍁𑌜𑌰𑌾𑌤𑍀𑌤𑌾 𑌸𑌰𑍍𑌵𑌶𑌕𑍍𑌤𑌿𑌸𑍍𑌵𑌰𑍂𑌪𑌿𑌣𑍀 ।
𑌵𑌾𑌞𑍍𑌛𑌾𑌪𑍍𑌰𑌦𑌾𑌽𑌨𑌵𑌚𑍍𑌛𑌿𑌨𑍍𑌨𑌪𑍍𑌰𑌧𑌾𑌨𑌾𑌨𑍁𑌪𑍍𑌰𑌵𑍇𑌶𑌿𑌨𑍀 ॥ 16॥
𑌕𑍍𑌷𑍇𑌤𑍍𑌰𑌜𑍍𑌞𑌾𑌽𑌚𑌿𑌨𑍍𑌤𑍍𑌯𑌶𑌕𑍍𑌤𑌿𑌸𑍍𑌤𑍁 𑌪𑍍𑌰𑍋𑌚𑍍𑌯𑌤𑍇𑌽𑌵𑍍𑌯𑌕𑍍𑌤𑌲𑌕𑍍𑌷𑌣𑌾 ।
𑌮𑌲𑌾𑌪𑌵𑌰𑍍𑌜𑌿𑌤𑌾𑌽𑌽𑌨𑌾𑌦𑌿𑌮𑌾𑌯𑌾 𑌤𑍍𑌰𑌿𑌤𑌯𑌤𑌤𑍍𑌤𑍍𑌵𑌿𑌕𑌾 ॥ 17॥
𑌪𑍍𑌰𑍀𑌤𑌿𑌶𑍍𑌚 𑌪𑍍𑌰𑌕𑍃𑌤𑌿𑌶𑍍𑌚𑍈𑌵 𑌗𑍁𑌹𑌾𑌵𑌾𑌸𑌾 𑌤𑌥𑍋𑌚𑍍𑌯𑌤𑍇 ।
𑌮𑌹𑌾𑌮𑌾𑌯𑌾 𑌨𑌗𑍋𑌤𑍍𑌪𑌨𑍍𑌨𑌾 𑌤𑌾𑌮𑌸𑍀 𑌚 𑌧𑍍𑌰𑍁𑌵𑌾 𑌤𑌥𑌾 ॥ 18॥
𑌵𑍍𑌯𑌕𑍍𑌤𑌾𑌽𑌵𑍍𑌯𑌕𑍍𑌤𑌾𑌤𑍍𑌮𑌿𑌕𑌾 𑌕𑍃𑌷𑍍𑌣𑌾 𑌰𑌕𑍍𑌤𑌾 𑌶𑍁𑌕𑍍𑌲𑌾 𑌹𑍍𑌯𑌕𑌾𑌰𑌣𑌾 ।
𑌪𑍍𑌰𑍋𑌚𑍍𑌯𑌤𑍇 𑌕𑌾𑌰𑍍𑌯𑌜𑌨𑌨𑍀 𑌨𑌿𑌤𑍍𑌯𑌪𑍍𑌰𑌸𑌵𑌧𑌰𑍍𑌮𑌿𑌣𑍀 ॥ 19॥
𑌸𑌰𑍍𑌗𑌪𑍍𑌰𑌲𑌯𑌮𑍁𑌕𑍍𑌤𑌾 𑌚 𑌸𑍃𑌷𑍍𑌟𑌿𑌸𑍍𑌥𑌿𑌤𑍍𑌯𑌨𑍍𑌤𑌧𑌰𑍍𑌮𑌿𑌣𑍀 ।
𑌬𑍍𑌰𑌹𑍍𑌮𑌗𑌰𑍍𑌭𑌾 𑌚𑌤𑍁𑌰𑍍𑌵𑌿𑌂𑌶𑌸𑍍𑌵𑌰𑍂𑌪𑌾 𑌪𑌦𑍍𑌮𑌵𑌾𑌸𑌿𑌨𑍀 ॥ 20॥
𑌅𑌚𑍍𑌯𑍁𑌤𑌾𑌹𑍍𑌲𑌾𑌦𑌿𑌕𑌾 𑌵𑌿𑌦𑍍𑌯𑍁𑌦𑍍𑌬𑍍𑌰𑌹𑍍𑌮𑌯𑍋𑌨𑌿𑌰𑍍𑌮𑌹𑌾𑌲𑌯𑌾 ।
𑌮𑌹𑌾𑌲𑌕𑍍𑌷𑍍𑌮𑍀 𑌸𑌮𑍁𑌦𑍍𑌭𑌾𑌵𑌭𑌾𑌵𑌿𑌤𑌾𑌤𑍍𑌮𑌾𑌮𑌹𑍇𑌶𑍍𑌵𑌰𑍀 ॥ 21॥
𑌮𑌹𑌾𑌵𑌿𑌮𑌾𑌨𑌮𑌧𑍍𑌯𑌸𑍍𑌥𑌾 𑌮𑌹𑌾𑌨𑌿𑌦𑍍𑌰𑌾 𑌸𑌕𑍗𑌤𑍁𑌕𑌾 ।
𑌸𑌰𑍍𑌵𑌾𑌰𑍍𑌥𑌧𑌾𑌰𑌿𑌣𑍀 𑌸𑍂𑌕𑍍𑌷𑍍𑌮𑌾 𑌹𑍍𑌯𑌵𑌿𑌦𑍍𑌧𑌾 𑌪𑌰𑌮𑌾𑌰𑍍𑌥𑌦𑌾 ॥ 22॥
𑌅𑌨𑌨𑍍𑌤𑌰𑍂𑌪𑌾𑌽𑌨𑌨𑍍𑌤𑌾𑌰𑍍𑌥𑌾 𑌤𑌥𑌾 𑌪𑍁𑌰𑍁𑌷𑌮𑍋𑌹𑌿𑌨𑍀 ।
𑌅𑌨𑍇𑌕𑌾𑌨𑍇𑌕𑌹𑌸𑍍𑌤𑌾 𑌚 𑌕𑌾𑌲𑌤𑍍𑌰𑌯𑌵𑌿𑌵𑌰𑍍𑌜𑌿𑌤𑌾 ॥ 23॥
𑌬𑍍𑌰𑌹𑍍𑌮𑌜𑌨𑍍𑌮𑌾 𑌹𑌰𑌪𑍍𑌰𑍀𑌤𑌾 𑌮𑌤𑌿𑌰𑍍𑌬𑍍𑌰𑌹𑍍𑌮𑌶𑌿𑌵𑌾𑌤𑍍𑌮𑌿𑌕𑌾 ।
𑌬𑍍𑌰𑌹𑍍𑌮𑍇𑌶𑌵𑌿𑌷𑍍𑌣𑍁𑌸𑌮𑍍𑌪𑍂𑌜𑍍𑌯𑌾 𑌬𑍍𑌰𑌹𑍍𑌮𑌾𑌖𑍍𑌯𑌾 𑌬𑍍𑌰𑌹𑍍𑌮𑌸𑌞𑍍𑌜𑍍𑌞𑌿𑌤𑌾 ॥ 24॥
𑌵𑍍𑌯𑌕𑍍𑌤𑌾 𑌪𑍍𑌰𑌥𑌮𑌜𑌾 𑌬𑍍𑌰𑌾𑌹𑍍𑌮𑍀 𑌮𑌹𑌾𑌰𑌾𑌤𑍍𑌰𑍀𑌃 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌜𑍍𑌞𑌾𑌨𑌸𑍍𑌵𑌰𑍂𑌪𑌾 𑌵𑍈𑌰𑌾𑌗𑍍𑌯𑌰𑍂𑌪𑌾 𑌹𑍍𑌯𑍈𑌶𑍍𑌵𑌰𑍍𑌯𑌰𑍂𑌪𑌿𑌣𑍀 ॥ 25॥
𑌧𑌰𑍍𑌮𑌾𑌤𑍍𑌮𑌿𑌕𑌾 𑌬𑍍𑌰𑌹𑍍𑌮𑌮𑍂𑌰𑍍𑌤𑌿𑌃 𑌪𑍍𑌰𑌤𑌿𑌶𑍍𑌰𑍁𑌤𑌪𑍁𑌮𑌰𑍍𑌥𑌿𑌕𑌾 ।
𑌅𑌪𑌾𑌂𑌯𑍋𑌨𑌿𑌃 𑌸𑍍𑌵𑌯𑌮𑍍𑌭𑍂𑌤𑌾 𑌮𑌾𑌨𑌸𑍀 𑌤𑌤𑍍𑌤𑍍𑌵𑌸𑌮𑍍𑌭𑌵𑌾 ॥ 26॥
𑌈𑌶𑍍𑌵𑌰𑌸𑍍𑌯 𑌪𑍍𑌰𑌿𑌯𑌾 𑌪𑍍𑌰𑍋𑌕𑍍𑌤𑌾 𑌶𑌙𑍍𑌕𑌰𑌾𑌰𑍍𑌧𑌶𑌰𑍀𑌰𑌿𑌣𑍀 ।
𑌭𑌵𑌾𑌨𑍀 𑌚𑍈𑌵 𑌰𑍁𑌦𑍍𑌰𑌾𑌣𑍀 𑌮𑌹𑌾𑌲𑌕𑍍𑌷𑍍𑌮𑍀𑌸𑍍𑌤𑌥𑌾𑌽𑌮𑍍𑌬𑌿𑌕𑌾 ॥ 27॥
𑌮𑌹𑍇𑌶𑍍𑌵𑌰𑌸𑌮𑍁𑌤𑍍𑌪𑌨𑍍𑌨𑌾 𑌭𑍁𑌕𑍍𑌤𑌿𑌮𑍁𑌕𑍍𑌤𑌿 𑌪𑍍𑌰𑌦𑌾𑌯𑌿𑌨𑍀 ।
𑌸𑌰𑍍𑌵𑍇𑌶𑍍𑌵𑌰𑍀 𑌸𑌰𑍍𑌵𑌵𑌨𑍍𑌦𑍍𑌯𑌾 𑌨𑌿𑌤𑍍𑌯𑌮𑍁𑌕𑍍𑌤𑌾 𑌸𑍁𑌮𑌾𑌨𑌸𑌾 ॥ 28॥
𑌮𑌹𑍇𑌨𑍍𑌦𑍍𑌰𑍋𑌪𑍇𑌨𑍍𑌦𑍍𑌰𑌨𑌮𑌿𑌤𑌾 𑌶𑌾𑌙𑍍𑌕𑌰𑍀𑌶𑌾𑌨𑍁𑌵𑌰𑍍𑌤𑌿𑌨𑍀 ।
𑌈𑌶𑍍𑌵𑌰𑌾𑌰𑍍𑌧𑌾𑌸𑌨𑌗𑌤𑌾 𑌮𑌾𑌹𑍇𑌶𑍍𑌵𑌰𑌪𑌤𑌿𑌵𑍍𑌰𑌤𑌾 ॥ 29॥
𑌸𑌂𑌸𑌾𑌰𑌶𑍋𑌷𑌿𑌣𑍀 𑌚𑍈𑌵 𑌪𑌾𑌰𑍍𑌵𑌤𑍀 𑌹𑌿𑌮𑌵𑌤𑍍𑌸𑍁𑌤𑌾 ।
𑌪𑌰𑌮𑌾𑌨𑌨𑍍𑌦𑌦𑌾𑌤𑍍𑌰𑍀 𑌚 𑌗𑍁𑌣𑌾𑌗𑍍𑌰𑍍𑌯𑌾 𑌯𑍋𑌗𑌦𑌾 𑌤𑌥𑌾 ॥ 30॥
𑌜𑍍𑌞𑌾𑌨𑌮𑍂𑌰𑍍𑌤𑌿𑌶𑍍𑌚 𑌸𑌾𑌵𑌿𑌤𑍍𑌰𑍀 𑌲𑌕𑍍𑌷𑍍𑌮𑍀𑌃 𑌶𑍍𑌰𑍀𑌃 𑌕𑌮𑌲𑌾 𑌤𑌥𑌾 ।
𑌅𑌨𑌨𑍍𑌤𑌗𑍁𑌣𑌗𑌮𑍍𑌭𑍀𑌰𑌾 𑌹𑍍𑌯𑍁𑌰𑍋𑌨𑍀𑌲𑌮𑌣𑌿𑌪𑍍𑌰𑌭𑌾 ॥ 31॥
𑌸𑌰𑍋𑌜𑌨𑌿𑌲𑌯𑌾 𑌗𑌙𑍍𑌗𑌾 𑌯𑍋𑌗𑌿𑌧𑍍𑌯𑍇𑌯𑌾𑌽𑌸𑍁𑌰𑌾𑌰𑍍𑌦𑌿𑌨𑍀 ।
𑌸𑌰𑌸𑍍𑌵𑌤𑍀 𑌸𑌰𑍍𑌵𑌵𑌿𑌦𑍍𑌯𑌾 𑌜𑌗𑌜𑍍𑌜𑍍𑌯𑍇𑌷𑍍𑌠𑌾 𑌸𑍁𑌮𑌙𑍍𑌗𑌲𑌾 ॥ 32॥
𑌵𑌾𑌗𑍍𑌦𑍇𑌵𑍀 𑌵𑌰𑌦𑌾 𑌵𑌰𑍍𑌯𑌾 𑌕𑍀𑌰𑍍𑌤𑌿𑌃 𑌸𑌰𑍍𑌵𑌾𑌰𑍍𑌥𑌸𑌾𑌧𑌿𑌕𑌾 ।
𑌵𑌾𑌗𑍀𑌶𑍍𑌵𑌰𑍀 𑌬𑍍𑌰𑌹𑍍𑌮𑌵𑌿𑌦𑍍𑌯𑌾 𑌮𑌹𑌾𑌵𑌿𑌦𑍍𑌯𑌾 𑌸𑍁𑌶𑍋𑌭𑌨𑌾 ॥ 33॥
𑌗𑍍𑌰𑌾𑌹𑍍𑌯𑌵𑌿𑌦𑍍𑌯𑌾 𑌵𑍇𑌦𑌵𑌿𑌦𑍍𑌯𑌾 𑌧𑌰𑍍𑌮𑌵𑌿𑌦𑍍𑌯𑌾𑌽𑌽𑌤𑍍𑌮𑌭𑌾𑌵𑌿𑌤𑌾 ।
𑌸𑍍𑌵𑌾𑌹𑌾 𑌵𑌿𑌶𑍍𑌵𑌮𑍍𑌭𑌰𑌾 𑌸𑌿𑌦𑍍𑌧𑌿𑌃 𑌸𑌾𑌧𑍍𑌯𑌾 𑌮𑍇𑌧𑌾 𑌧𑍃𑌤𑌿𑌃 𑌕𑍃𑌤𑌿𑌃 ॥ 34॥
𑌸𑍁𑌨𑍀𑌤𑌿𑌃 𑌸𑌙𑍍𑌕𑍃𑌤𑌿𑌶𑍍𑌚𑍈𑌵 𑌕𑍀𑌰𑍍𑌤𑌿𑌤𑌾 𑌨𑌰𑌵𑌾𑌹𑌿𑌨𑍀 ।
𑌪𑍂𑌜𑌾𑌵𑌿𑌭𑌾𑌵𑌿𑌨𑍀 𑌸𑍗𑌮𑍍𑌯𑌾 𑌭𑍋𑌗𑍍𑌯𑌭𑌾𑌗𑍍 𑌭𑍋𑌗𑌦𑌾𑌯𑌿𑌨𑍀 ॥ 35॥
𑌶𑍋𑌭𑌾𑌵𑌤𑍀 𑌶𑌾𑌙𑍍𑌕𑌰𑍀 𑌚 𑌲𑍋𑌲𑌾 𑌮𑌾𑌲𑌾𑌵𑌿𑌭𑍂𑌷𑌿𑌤𑌾 ।
𑌪𑌰𑌮𑍇𑌷𑍍𑌠𑌿𑌪𑍍𑌰𑌿𑌯𑌾 𑌚𑍈𑌵 𑌤𑍍𑌰𑌿𑌲𑍋𑌕𑍀𑌸𑍁𑌨𑍍𑌦𑌰𑍀 𑌮𑌾𑌤𑌾 ॥ 36॥
𑌨𑌨𑍍𑌦𑌾 𑌸𑌨𑍍𑌧𑍍𑌯𑌾 𑌕𑌾𑌮𑌧𑌾𑌤𑍍𑌰𑍀 𑌮𑌹𑌾𑌦𑍇𑌵𑍀 𑌸𑍁𑌸𑌾𑌤𑍍𑌤𑍍𑌵𑌿𑌕𑌾 ।
𑌮𑌹𑌾𑌮𑌹𑌿𑌷𑌦𑌰𑍍𑌪𑌘𑍍𑌨𑍀 𑌪𑌦𑍍𑌮𑌮𑌾𑌲𑌾𑌽𑌘𑌹𑌾𑌰𑌿𑌣𑍀 ॥ 37॥
𑌵𑌿𑌚𑌿𑌤𑍍𑌰𑌮𑍁𑌕𑍁𑌟𑌾 𑌰𑌾𑌮𑌾 𑌕𑌾𑌮𑌦𑌾𑌤𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌪𑌿𑌤𑌾𑌮𑍍𑌬𑌰𑌧𑌰𑌾 𑌦𑌿𑌵𑍍𑌯𑌵𑌿𑌭𑍂𑌷𑌣 𑌵𑌿𑌭𑍂𑌷𑌿𑌤𑌾 ॥ 38॥
𑌦𑌿𑌵𑍍𑌯𑌾𑌖𑍍𑌯𑌾 𑌸𑍋𑌮𑌵𑌦𑌨𑌾 𑌜𑌗𑌤𑍍𑌸𑌂𑌸𑍃𑌷𑍍𑌟𑌿𑌵𑌰𑍍𑌜𑌿𑌤𑌾 ।
𑌨𑌿𑌰𑍍𑌯𑌨𑍍𑌤𑍍𑌰𑌾 𑌯𑌨𑍍𑌤𑍍𑌰𑌵𑌾𑌹𑌸𑍍𑌥𑌾 𑌨𑌨𑍍𑌦𑌿𑌨𑍀 𑌰𑍁𑌦𑍍𑌰𑌕𑌾𑌲𑌿𑌕𑌾 ॥ 39॥
𑌆𑌦𑌿𑌤𑍍𑌯𑌵𑌰𑍍𑌣𑌾 𑌕𑍗𑌮𑌾𑌰𑍀 𑌮𑌯𑍂𑌰𑌵𑌰𑌵𑌾𑌹𑌿𑌨𑍀 ।
𑌪𑌦𑍍𑌮𑌾𑌸𑌨𑌗𑌤𑌾 𑌗𑍗𑌰𑍀 𑌮𑌹𑌾𑌕𑌾𑌲𑍀 𑌸𑍁𑌰𑌾𑌰𑍍𑌚𑌿𑌤𑌾 ॥ 40॥
𑌅𑌦𑌿𑌤𑌿𑌰𑍍𑌨𑌿𑌯𑌤𑌾 𑌰𑍗𑌦𑍍𑌰𑍀 𑌪𑌦𑍍𑌮𑌗𑌰𑍍𑌭𑌾 𑌵𑌿𑌵𑌾𑌹𑌨𑌾 ।
𑌵𑌿𑌰𑍂𑌪𑌾𑌕𑍍𑌷𑌾 𑌕𑍇𑌶𑌿𑌵𑌾𑌹𑌾 𑌗𑍁𑌹𑌾𑌪𑍁𑌰𑌨𑌿𑌵𑌾𑌸𑌿𑌨𑍀 ॥ 41॥
𑌮𑌹𑌾𑌫𑌲𑌾𑌽𑌨𑌵𑌦𑍍𑌯𑌾𑌙𑍍𑌗𑍀 𑌕𑌾𑌮𑌰𑍂𑌪𑌾 𑌸𑌰𑌿𑌦𑍍𑌵𑌰𑌾 ।
𑌭𑌾𑌸𑍍𑌵𑌦𑍍𑌰𑍂𑌪𑌾 𑌮𑍁𑌕𑍍𑌤𑌿𑌦𑌾𑌤𑍍𑌰𑍀 𑌪𑍍𑌰𑌣𑌤𑌕𑍍𑌲𑍇𑌶𑌭𑌞𑍍𑌜𑌨𑌾 ॥ 42॥
𑌕𑍗𑌶𑌿𑌕𑍀 𑌗𑍋𑌮𑌿𑌨𑍀 𑌰𑌾𑌤𑍍𑌰𑌿𑌸𑍍𑌤𑍍𑌰𑌿𑌦𑌶𑌾𑌰𑌿𑌵𑌿𑌨𑌾𑌶𑌿𑌨𑍀 ।
𑌬𑌹𑍁𑌰𑍂𑌪𑌾 𑌸𑍁𑌰𑍂𑌪𑌾 𑌚 𑌵𑌿𑌰𑍂𑌪𑌾 𑌰𑍂𑌪𑌵𑌰𑍍𑌜𑌿𑌤𑌾 ॥ 43॥
𑌭𑌕𑍍𑌤𑌾𑌰𑍍𑌤𑌿𑌶𑌮𑌨𑌾 𑌭𑌵𑍍𑌯𑌾 𑌭𑌵𑌭𑌾𑌵𑌵𑌿𑌨𑌾𑌶𑌿𑌨𑍀 ।
𑌸𑌰𑍍𑌵𑌜𑍍𑌞𑌾𑌨𑌪𑌰𑍀𑌤𑌾𑌙𑍍𑌗𑍀 𑌸𑌰𑍍𑌵𑌾𑌸𑍁𑌰𑌵𑌿𑌮𑌰𑍍𑌦𑌿𑌕𑌾 ॥ 44॥
𑌪𑌿𑌕𑌸𑍍𑌵𑌨𑍀 𑌸𑌾𑌮𑌗𑍀𑌤𑌾 𑌭𑌵𑌾𑌙𑍍𑌕𑌨𑌿𑌲𑌯𑌾 𑌪𑍍𑌰𑌿𑌯𑌾 ।
𑌦𑍀𑌕𑍍𑌷𑌾 𑌵𑌿𑌦𑍍𑌯𑌾𑌧𑌰𑍀 𑌦𑍀𑌪𑍍𑌤𑌾 𑌮𑌹𑍇𑌨𑍍𑌦𑍍𑌰𑌾𑌹𑌿𑌤𑌪𑌾𑌤𑌿𑌨𑍀 ॥ 45॥
𑌸𑌰𑍍𑌵𑌦𑍇𑌵𑌮𑌯𑌾 𑌦𑌕𑍍𑌷𑌾 𑌸𑌮𑍁𑌦𑍍𑌰𑌾𑌨𑍍𑌤𑌰𑌵𑌾𑌸𑌿𑌨𑍀 ।
𑌅𑌕𑌲𑌙𑍍𑌕𑌾 𑌨𑌿𑌰𑌾𑌧𑌾𑌰𑌾 𑌨𑌿𑌤𑍍𑌯𑌸𑌿𑌦𑍍𑌧𑌾 𑌨𑌿𑌰𑌾𑌮𑌯𑌾 ॥ 46॥
𑌕𑌾𑌮𑌧𑍇𑌨𑍁𑌬𑍃𑌹𑌦𑍍𑌗𑌰𑍍𑌭𑌾 𑌧𑍀𑌮𑌤𑍀 𑌮𑍗𑌨𑌨𑌾𑌶𑌿𑌨𑍀 ।
𑌨𑌿𑌃𑌸𑌙𑍍𑌕𑌲𑍍𑌪𑌾 𑌨𑌿𑌰𑌾𑌤𑌙𑍍𑌕𑌾 𑌵𑌿𑌨𑌯𑌾 𑌵𑌿𑌨𑌯𑌪𑍍𑌰𑌦𑌾 ॥ 47॥
𑌜𑍍𑌵𑌾𑌲𑌾𑌮𑌾𑌲𑌾 𑌸𑌹𑌸𑍍𑌰𑌾𑌢𑍍𑌯𑌾 𑌦𑍇𑌵𑌦𑍇𑌵𑍀 𑌮𑌨𑍋𑌮𑌯𑌾 ।
𑌸𑍁𑌭𑌗𑌾 𑌸𑍁𑌵𑌿𑌶𑍁𑌦𑍍𑌧𑌾 𑌚 𑌵𑌸𑍁𑌦𑍇𑌵𑌸𑌮𑍁𑌦𑍍𑌭𑌵𑌾 ॥ 48॥
𑌮𑌹𑍇𑌨𑍍𑌦𑍍𑌰𑍋𑌪𑍇𑌨𑍍𑌦𑍍𑌰𑌭𑌗𑌿𑌨𑍀 𑌭𑌕𑍍𑌤𑌿𑌗𑌮𑍍𑌯𑌾 𑌪𑌰𑌾𑌵𑌰𑌾 ।
𑌜𑍍𑌞𑌾𑌨𑌜𑍍𑌞𑍇𑌯𑌾 𑌪𑌰𑌾𑌤𑍀𑌤𑌾 𑌵𑍇𑌦𑌾𑌨𑍍𑌤𑌵𑌿𑌷𑌯𑌾 𑌮𑌤𑌿𑌃 ॥ 49॥
𑌦𑌕𑍍𑌷𑌿𑌣𑌾 𑌦𑌾𑌹𑌿𑌕𑌾 𑌦𑌹𑍍𑌯𑌾 𑌸𑌰𑍍𑌵𑌭𑍂𑌤𑌹𑍃𑌦𑌿𑌸𑍍𑌥𑌿𑌤𑌾 ।
𑌯𑍋𑌗𑌮𑌾𑌯𑌾 𑌵𑌿𑌭𑌾𑌗𑌜𑍍𑌞𑌾 𑌮𑌹𑌾𑌮𑍋𑌹𑌾 𑌗𑌰𑍀𑌯𑌸𑍀 ॥ 50॥
𑌸𑌨𑍍𑌧𑍍𑌯𑌾 𑌸𑌰𑍍𑌵𑌸𑌮𑍁𑌦𑍍𑌭𑍂𑌤𑌾 𑌬𑍍𑌰𑌹𑍍𑌮𑌵𑍃𑌕𑍍𑌷𑌾𑌶𑍍𑌰𑌿𑌯𑌾𑌦𑌿𑌤𑌿𑌃 ।
𑌬𑍀𑌜𑌾𑌙𑍍𑌕𑍁𑌰𑌸𑌮𑍁𑌦𑍍𑌭𑍂𑌤𑌾 𑌮𑌹𑌾𑌶𑌕𑍍𑌤𑌿𑌰𑍍𑌮𑌹𑌾𑌮𑌤𑌿𑌃 ॥ 51॥
𑌖𑍍𑌯𑌾𑌤𑌿𑌃 𑌪𑍍𑌰𑌜𑍍𑌞𑌾𑌵𑌤𑍀 𑌸𑌞𑍍𑌜𑍍𑌞𑌾 𑌮𑌹𑌾𑌭𑍋𑌗𑍀𑌨𑍍𑌦𑍍𑌰𑌶𑌾𑌯𑌿𑌨𑍀 ।
𑌹𑍀𑌙𑍍𑌕𑍃𑌤𑌿𑌃 𑌶𑌙𑍍𑌕𑌰𑍀 𑌶𑌾𑌨𑍍𑌤𑌿𑌰𑍍𑌗𑌨𑍍𑌧𑌰𑍍𑌵𑌗𑌣𑌸𑍇𑌵𑌿𑌤𑌾 ॥ 52॥
𑌵𑍈𑌶𑍍𑌵𑌾𑌨𑌰𑍀 𑌮𑌹𑌾𑌶𑍂𑌲𑌾 𑌦𑍇𑌵𑌸𑍇𑌨𑌾 𑌭𑌵𑌪𑍍𑌰𑌿𑌯𑌾 ।
𑌮𑌹𑌾𑌰𑌾𑌤𑍍𑌰𑍀 𑌪𑌰𑌾𑌨𑌨𑍍𑌦𑌾 𑌶𑌚𑍀 𑌦𑍁𑌃𑌸𑍍𑌵𑌪𑍍𑌨𑌨𑌾𑌶𑌿𑌨𑍀 ॥ 53॥
𑌈𑌡𑍍𑌯𑌾 𑌜𑌯𑌾 𑌜𑌗𑌦𑍍𑌧𑌾𑌤𑍍𑌰𑍀 𑌦𑍁𑌰𑍍𑌵𑌿𑌜𑍍𑌞𑍇𑌯𑌾 𑌸𑍁𑌰𑍂𑌪𑌿𑌣𑍀 ।
𑌗𑍁𑌹𑌾𑌮𑍍𑌬𑌿𑌕𑌾 𑌗𑌣𑍋𑌤𑍍𑌪𑌨𑍍𑌨𑌾 𑌮𑌹𑌾𑌪𑍀𑌠𑌾 𑌮𑌰𑍁𑌤𑍍𑌸𑍁𑌤𑌾 ॥ 54॥
𑌹𑌵𑍍𑌯𑌵𑌾𑌹𑌾 𑌭𑌵𑌾𑌨𑌨𑍍𑌦𑌾 𑌜𑌗𑌦𑍍𑌯𑍋𑌨𑌿𑌃 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌜𑌗𑌨𑍍𑌮𑌾𑌤𑌾 𑌜𑌗𑌨𑍍𑌮𑍃𑌤𑍍𑌯𑍁𑌰𑍍𑌜𑌰𑌾𑌤𑍀𑌤𑌾 𑌚 𑌬𑍁𑌦𑍍𑌧𑌿𑌦𑌾 ॥ 55॥
𑌸𑌿𑌦𑍍𑌧𑌿𑌦𑌾𑌤𑍍𑌰𑍀 𑌰𑌤𑍍𑌨𑌗𑌰𑍍𑌭𑌾 𑌰𑌤𑍍𑌨𑌗𑌰𑍍𑌭𑌾𑌶𑍍𑌰𑌯𑌾 𑌪𑌰𑌾 ।
𑌦𑍈𑌤𑍍𑌯𑌹𑌨𑍍𑌤𑍍𑌰𑍀 𑌸𑍍𑌵𑍇𑌷𑍍𑌟𑌦𑌾𑌤𑍍𑌰𑍀 𑌮𑌙𑍍𑌗𑌲𑍈𑌕𑌸𑍁𑌵𑌿𑌗𑍍𑌰𑌹𑌾 ॥ 56॥
𑌪𑍁𑌰𑍁𑌷𑌾𑌨𑍍𑌤𑌰𑍍𑌗𑌤𑌾 𑌚𑍈𑌵 𑌸𑌮𑌾𑌧𑌿𑌸𑍍𑌥𑌾 𑌤𑌪𑌸𑍍𑌵𑌿𑌨𑍀 ।
𑌦𑌿𑌵𑌿𑌸𑍍𑌥𑌿𑌤𑌾 𑌤𑍍𑌰𑌿𑌣𑍇𑌤𑍍𑌰𑌾 𑌚 𑌸𑌰𑍍𑌵𑍇𑌨𑍍𑌦𑍍𑌰𑌿𑌯𑌮𑌨𑌾𑌧𑍃𑌤𑌿𑌃 ॥ 57॥
𑌸𑌰𑍍𑌵𑌭𑍂𑌤𑌹𑍃𑌦𑌿𑌸𑍍𑌥𑌾 𑌚 𑌤𑌥𑌾 𑌸𑌂𑌸𑌾𑌰𑌤𑌾𑌰𑌿𑌣𑍀 ।
𑌵𑍇𑌦𑍍𑌯𑌾 𑌬𑍍𑌰𑌹𑍍𑌮𑌵𑌿𑌵𑍇𑌦𑍍𑌯𑌾 𑌚 𑌮𑌹𑌾𑌲𑍀𑌲𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ॥ 58॥
𑌬𑍍𑌰𑌾𑌹𑍍𑌮𑌣𑌿𑌬𑍃𑌹𑌤𑍀 𑌬𑍍𑌰𑌾𑌹𑍍𑌮𑍀 𑌬𑍍𑌰𑌹𑍍𑌮𑌭𑍂𑌤𑌾𑌽𑌘𑌹𑌾𑌰𑌿𑌣𑍀 ।
𑌹𑌿𑌰𑌣𑍍𑌮𑌯𑍀 𑌮𑌹𑌾𑌦𑌾𑌤𑍍𑌰𑍀 𑌸𑌂𑌸𑌾𑌰𑌪𑌰𑌿𑌵𑌰𑍍𑌤𑌿𑌕𑌾 ॥ 59॥
𑌸𑍁𑌮𑌾𑌲𑌿𑌨𑍀 𑌸𑍁𑌰𑍂𑌪𑌾 𑌚 𑌭𑌾𑌸𑍍𑌵𑌿𑌨𑍀 𑌧𑌾𑌰𑌿𑌣𑍀 𑌤𑌥𑌾 ।
𑌉𑌨𑍍𑌮𑍂𑌲𑌿𑌨𑍀 𑌸𑌰𑍍𑌵𑌸𑌭𑌾 𑌸𑌰𑍍𑌵𑌪𑍍𑌰𑌤𑍍𑌯𑌯𑌸𑌾𑌕𑍍𑌷𑌿𑌣𑍀 ॥ 60॥
𑌸𑍁𑌸𑍗𑌮𑍍𑌯𑌾 𑌚𑌨𑍍𑌦𑍍𑌰𑌵𑌦𑌨𑌾 𑌤𑌾𑌣𑍍𑌡𑌵𑌾𑌸𑌕𑍍𑌤𑌮𑌾𑌨𑌸𑌾 ।
𑌸𑌤𑍍𑌤𑍍𑌵𑌶𑍁𑌦𑍍𑌧𑌿𑌕𑌰𑍀 𑌶𑍁𑌦𑍍𑌧𑌾 𑌮𑌲𑌤𑍍𑌰𑌯𑌵𑌿𑌨𑌾𑌶𑌿𑌨𑍀 ॥ 61॥
𑌜𑌗𑌤𑍍𑌤𑍍𑌤𑍍𑌰𑌯𑍀 𑌜𑌗𑌨𑍍𑌮𑍂𑌰𑍍𑌤𑌿𑌸𑍍𑌤𑍍𑌰𑌿𑌮𑍂𑌰𑍍𑌤𑌿𑌰𑌮𑍃𑌤𑌾𑌶𑍍𑌰𑌯𑌾 ।
𑌵𑌿𑌮𑌾𑌨𑌸𑍍𑌥𑌾 𑌵𑌿𑌶𑍋𑌕𑌾 𑌚 𑌶𑍋𑌕𑌨𑌾𑌶𑌿𑌨𑍍𑌯𑌨𑌾𑌹𑌤𑌾 ॥ 62॥
𑌹𑍇𑌮𑌕𑍁𑌣𑍍𑌡𑌲𑌿𑌨𑍀 𑌕𑌾𑌲𑍀 𑌪𑌦𑍍𑌮𑌵𑌾𑌸𑌾 𑌸𑌨𑌾𑌤𑌨𑍀 ।
𑌸𑌦𑌾𑌕𑍀𑌰𑍍𑌤𑌿𑌃 𑌸𑌰𑍍𑌵𑌭𑍂𑌤𑌶𑌯𑌾 𑌦𑍇𑌵𑍀 𑌸𑌤𑌾𑌮𑍍𑌪𑍍𑌰𑌿𑌯𑌾 ॥ 63॥
𑌬𑍍𑌰𑌹𑍍𑌮𑌮𑍂𑌰𑍍𑌤𑌿𑌕𑌲𑌾 𑌚𑍈𑌵 𑌕𑍃𑌤𑍍𑌤𑌿𑌕𑌾 𑌕𑌞𑍍𑌜𑌮𑌾𑌲𑌿𑌨𑍀 ।
𑌵𑍍𑌯𑍋𑌮𑌕𑍇𑌶𑌾 𑌕𑍍𑌰𑌿𑌯𑌾𑌶𑌕𑍍𑌤𑌿𑌰𑌿𑌚𑍍𑌛𑌾𑌶𑌕𑍍𑌤𑌿𑌃 𑌪𑌰𑌾𑌗𑌤𑌿𑌃 ॥ 64॥
𑌕𑍍𑌷𑍋𑌭𑌿𑌕𑌾 𑌖𑌣𑍍𑌡𑌿𑌕𑌾𑌭𑍇𑌦𑍍𑌯𑌾 𑌭𑍇𑌦𑌾𑌭𑍇𑌦𑌵𑌿𑌵𑌰𑍍𑌜𑌿𑌤𑌾 ।
𑌅𑌭𑌿𑌨𑍍𑌨𑌾 𑌭𑌿𑌨𑍍𑌨𑌸𑌂𑌸𑍍𑌥𑌾𑌨𑌾 𑌵𑌶𑌿𑌨𑍀 𑌵𑌂𑌶𑌧𑌾𑌰𑌿𑌣𑍀 ॥ 65॥
𑌗𑍁𑌹𑍍𑌯𑌶𑌕𑍍𑌤𑌿𑌰𑍍𑌗𑍁𑌹𑍍𑌯𑌤𑌤𑍍𑌤𑍍𑌵𑌾 𑌸𑌰𑍍𑌵𑌦𑌾 𑌸𑌰𑍍𑌵𑌤𑍋𑌮𑍁𑌖𑍀 ।
𑌭𑌗𑌿𑌨𑍀 𑌚 𑌨𑌿𑌰𑌾𑌧𑌾𑌰𑌾 𑌨𑌿𑌰𑌾𑌹𑌾𑌰𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ॥ 66॥
𑌨𑌿𑌰𑌙𑍍𑌕𑍁𑌶𑌪𑌦𑍋𑌦𑍍𑌭𑍂𑌤𑌾 𑌚𑌕𑍍𑌰𑌹𑌸𑍍𑌤𑌾 𑌵𑌿𑌶𑍋𑌧𑌿𑌕𑌾 ।
𑌸𑍍𑌰𑌗𑍍𑌵𑌿𑌣𑍀 𑌪𑌦𑍍𑌮𑌸𑌮𑍍𑌭𑍇𑌦𑌕𑌾𑌰𑌿𑌣𑍀 𑌪𑌰𑌿𑌕𑍀𑌰𑍍𑌤𑌿𑌤𑌾 ॥ 67॥
𑌪𑌰𑌾𑌵𑌰𑌵𑌿𑌧𑌾𑌨𑌜𑍍𑌞𑌾 𑌮𑌹𑌾𑌪𑍁𑌰𑍁𑌷𑌪𑍂𑌰𑍍𑌵𑌜𑌾 ।
𑌪𑌰𑌾𑌵𑌰𑌜𑍍𑌞𑌾 𑌵𑌿𑌦𑍍𑌯𑌾 𑌚 𑌵𑌿𑌦𑍍𑌯𑍁𑌜𑍍𑌜𑌿𑌹𑍍𑌵𑌾 𑌜𑌿𑌤𑌾𑌶𑍍𑌰𑌯𑌾 ॥ 68॥
𑌵𑌿𑌦𑍍𑌯𑌾𑌮𑌯𑍀 𑌸𑌹𑌸𑍍𑌰𑌾𑌕𑍍𑌷𑍀 𑌸𑌹𑌸𑍍𑌰𑌵𑌦𑌨𑌾𑌤𑍍𑌮𑌜𑌾 ।
𑌸𑌹𑌸𑍍𑌰𑌰𑌶𑍍𑌮𑌿𑌃𑌸𑌤𑍍𑌵𑌸𑍍𑌥𑌾 𑌮𑌹𑍇𑌶𑍍𑌵𑌰𑌪𑌦𑌾𑌶𑍍𑌰𑌯𑌾 ॥ 69॥
𑌜𑍍𑌵𑌾𑌲𑌿𑌨𑍀 𑌸𑌨𑍍𑌮𑌯𑌾 𑌵𑍍𑌯𑌾𑌪𑍍𑌤𑌾 𑌚𑌿𑌨𑍍𑌮𑌯𑌾 𑌪𑌦𑍍𑌮𑌭𑍇𑌦𑌿𑌕𑌾 ।
𑌮𑌹𑌾𑌶𑍍𑌰𑌯𑌾 𑌮𑌹𑌾𑌮𑌨𑍍𑌤𑍍𑌰𑌾 𑌮𑌹𑌾𑌦𑍇𑌵𑌮𑌨𑍋𑌰𑌮𑌾 ॥ 70॥
𑌵𑍍𑌯𑍋𑌮𑌲𑌕𑍍𑌷𑍍𑌮𑍀𑌃 𑌸𑌿𑌂𑌹𑌰𑌥𑌾 𑌚𑍇𑌕𑌿𑌤𑌾𑌨𑌾𑌽𑌮𑌿𑌤𑌪𑍍𑌰𑌭𑌾 ।
𑌵𑌿𑌶𑍍𑌵𑍇𑌶𑍍𑌵𑌰𑍀 𑌭𑌗𑌵𑌤𑍀 𑌸𑌕𑌲𑌾 𑌕𑌾𑌲𑌹𑌾𑌰𑌿𑌣𑍀 ॥ 71॥
𑌸𑌰𑍍𑌵𑌵𑍇𑌦𑍍𑌯𑌾 𑌸𑌰𑍍𑌵𑌭𑌦𑍍𑌰𑌾 𑌗𑍁𑌹𑍍𑌯𑌾 𑌦𑍂𑌢𑌾 𑌗𑍁𑌹𑌾𑌰𑌣𑍀 ।
𑌪𑍍𑌰𑌲𑌯𑌾 𑌯𑍋𑌗𑌧𑌾𑌤𑍍𑌰𑍀 𑌚 𑌗𑌙𑍍𑌗𑌾 𑌵𑌿𑌶𑍍𑌵𑍇𑌶𑍍𑌵𑌰𑍀 𑌤𑌥𑌾 ॥ 72॥
𑌕𑌾𑌮𑌦𑌾 𑌕𑌨𑌕𑌾 𑌕𑌾𑌨𑍍𑌤𑌾 𑌕𑌞𑍍𑌜𑌗𑌰𑍍𑌭𑌪𑍍𑌰𑌭𑌾 𑌤𑌥𑌾 ।
𑌪𑍁𑌣𑍍𑌯𑌦𑌾 𑌕𑌾𑌲𑌕𑍇𑌶𑌾 𑌚 𑌭𑍋𑌕𑍍𑌤𑍍𑌤𑍍𑌰𑍀 𑌪𑍁𑌷𑍍𑌕𑌰𑌿𑌣𑍀 𑌤𑌥𑌾 ॥ 73॥
𑌸𑍁𑌰𑍇𑌶𑍍𑌵𑌰𑍀 𑌭𑍂𑌤𑌿𑌦𑌾𑌤𑍍𑌰𑍀 𑌭𑍂𑌤𑌿𑌭𑍂𑌷𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌪𑌞𑍍𑌚𑌬𑍍𑌰𑌹𑍍𑌮𑌸𑌮𑍁𑌤𑍍𑌪𑌨𑍍𑌨𑌾 𑌪𑌰𑌮𑌾𑌰𑍍𑌥𑌾𑌽𑌰𑍍𑌥𑌵𑌿𑌗𑍍𑌰𑌹𑌾 ॥ 74॥
𑌵𑌰𑍍𑌣𑍋𑌦𑌯𑌾 𑌭𑌾𑌨𑍁𑌮𑍂𑌰𑍍𑌤𑌿𑌰𑍍𑌵𑌾𑌗𑍍𑌵𑌿𑌜𑍍𑌞𑍇𑌯𑌾 𑌮𑌨𑍋𑌜𑌵𑌾 ।
𑌮𑌨𑍋𑌹𑌰𑌾 𑌮𑌹𑍋𑌰𑌸𑍍𑌕𑌾 𑌤𑌾𑌮𑌸𑍀 𑌵𑍇𑌦𑌰𑍂𑌪𑌿𑌣𑍀 ॥ 75॥
𑌵𑍇𑌦𑌶𑌕𑍍𑌤𑌿𑌰𑍍𑌵𑍇𑌦𑌮𑌾𑌤𑌾 𑌵𑍇𑌦𑌵𑌿𑌦𑍍𑌯𑌾𑌪𑍍𑌰𑌕𑌾𑌶𑌿𑌨𑍀 ।
𑌯𑍋𑌗𑍇𑌶𑍍𑌵𑌰𑍇𑌶𑍍𑌵𑌰𑍀 𑌮𑌾𑌯𑌾 𑌮𑌹𑌾𑌶𑌕𑍍𑌤𑌿𑌰𑍍𑌮𑌹𑌾𑌮𑌯𑍀 ॥ 76॥
𑌵𑌿𑌶𑍍𑌵𑌾𑌨𑍍𑌤𑌃𑌸𑍍𑌥𑌾 𑌵𑌿𑌯𑌨𑍍𑌮𑍂𑌰𑍍𑌤𑌿𑌰𑍍𑌭𑌾𑌰𑍍𑌗𑌵𑍀 𑌸𑍁𑌰𑌸𑍁𑌨𑍍𑌦𑌰𑍀 ।
𑌸𑍁𑌰𑌭𑌿𑌰𑍍𑌨𑌨𑍍𑌦𑌿𑌨𑍀 𑌵𑌿𑌦𑍍𑌯𑌾 𑌨𑌨𑍍𑌦𑌗𑍋𑌪𑌤𑌨𑍂𑌦𑍍𑌭𑌵𑌾 ॥ 77॥
𑌭𑌾𑌰𑌤𑍀 𑌪𑌰𑌮𑌾𑌨𑌨𑍍𑌦𑌾 𑌪𑌰𑌾𑌵𑌰𑌵𑌿𑌭𑍇𑌦𑌿𑌕𑌾 ।
𑌸𑌰𑍍𑌵𑌪𑍍𑌰𑌹𑌰𑌣𑍋𑌪𑍇𑌤𑌾 𑌕𑌾𑌮𑍍𑌯𑌾 𑌕𑌾𑌮𑍇𑌶𑍍𑌵𑌰𑍇𑌶𑍍𑌵𑌰𑍀 ॥ 78॥
𑌅𑌨𑌨𑍍𑌤𑌾𑌨𑌨𑍍𑌦𑌵𑌿𑌭𑌵𑌾 𑌹𑍃𑌲𑍍𑌲𑍇𑌖𑌾 𑌕𑌨𑌕𑌪𑍍𑌰𑌭𑌾 ।
𑌕𑍂𑌷𑍍𑌮𑌾𑌣𑍍𑌡𑌾 𑌧𑌨𑌰𑌤𑍍𑌨𑌾𑌢𑍍𑌯𑌾 𑌸𑍁𑌗𑌨𑍍𑌧𑌾 𑌗𑌨𑍍𑌧𑌦𑌾𑌯𑌿𑌨𑍀 ॥ 79॥
𑌤𑍍𑌰𑌿𑌵𑌿𑌕𑍍𑌰𑌮𑌪𑌦𑍋𑌦𑍍𑌭𑍂𑌤𑌾 𑌚𑌤𑍁𑌰𑌾𑌸𑍍𑌯𑌾 𑌶𑌿𑌵𑍋𑌦𑌯𑌾 ।
𑌸𑍁𑌦𑍁𑌰𑍍𑌲𑌭𑌾 𑌧𑌨𑌾𑌧𑍍𑌯𑌕𑍍𑌷𑌾 𑌧𑌨𑍍𑌯𑌾 𑌪𑌿𑌙𑍍𑌗𑌲𑌲𑍋𑌚𑌨𑌾 ॥ 80॥
𑌶𑌾𑌨𑍍𑌤𑌾 𑌪𑍍𑌰𑌭𑌾𑌸𑍍𑌵𑌰𑍂𑌪𑌾 𑌚 𑌪𑌙𑍍𑌕𑌜𑌾𑌯𑌤𑌲𑍋𑌚𑌨𑌾 ।
𑌇𑌨𑍍𑌦𑍍𑌰𑌾𑌕𑍍𑌷𑍀 𑌹𑍃𑌦𑌯𑌾𑌨𑍍𑌤𑌃𑌸𑍍𑌥𑌾 𑌶𑌿𑌵𑌾 𑌮𑌾𑌤𑌾 𑌚 𑌸𑌤𑍍𑌕𑍍𑌰𑌿𑌯𑌾 ॥ 81॥
𑌗𑌿𑌰𑌿𑌜𑌾 𑌚 𑌸𑍁𑌗𑍂𑌢𑌾 𑌚 𑌨𑌿𑌤𑍍𑌯𑌪𑍁𑌷𑍍𑌟𑌾 𑌨𑌿𑌰𑌨𑍍𑌤𑌰𑌾 ।
𑌦𑍁𑌰𑍍𑌗𑌾 𑌕𑌾𑌤𑍍𑌯𑌾𑌯𑌨𑍀 𑌚𑌣𑍍𑌡𑍀 𑌚𑌨𑍍𑌦𑍍𑌰𑌿𑌕𑌾 𑌕𑌾𑌨𑍍𑌤𑌵𑌿𑌗𑍍𑌰𑌹𑌾 ॥ 82॥
𑌹𑌿𑌰𑌣𑍍𑌯𑌵𑌰𑍍𑌣𑌾 𑌜𑌗𑌤𑍀 𑌜𑌗𑌦𑍍𑌯𑌨𑍍𑌤𑍍𑌰𑌪𑍍𑌰𑌵𑌰𑍍𑌤𑌿𑌕𑌾 ।
𑌮𑌨𑍍𑌦𑌰𑌾𑌦𑍍𑌰𑌿𑌨𑌿𑌵𑌾𑌸𑌾 𑌚 𑌶𑌾𑌰𑌦𑌾 𑌸𑍍𑌵𑌰𑍍𑌣𑌮𑌾𑌲𑌿𑌨𑍀 ॥ 83॥
𑌰𑌤𑍍𑌨𑌮𑌾𑌲𑌾 𑌰𑌤𑍍𑌨𑌗𑌰𑍍𑌭𑌾 𑌵𑍍𑌯𑍁𑌷𑍍𑌟𑌿𑌰𑍍𑌵𑌿𑌶𑍍𑌵𑌪𑍍𑌰𑌮𑌾𑌥𑌿𑌨𑍀 ।
𑌪𑌦𑍍𑌮𑌾𑌨𑌨𑍍𑌦𑌾 𑌪𑌦𑍍𑌮𑌨𑌿𑌭𑌾 𑌨𑌿𑌤𑍍𑌯𑌪𑍁𑌷𑍍𑌟𑌾 𑌕𑍃𑌤𑍋𑌦𑍍𑌭𑌵𑌾 ॥ 84॥
𑌨𑌾𑌰𑌾𑌯𑌣𑍀 𑌦𑍁𑌷𑍍𑌟𑌶𑌿𑌕𑍍𑌷𑌾 𑌸𑍂𑌰𑍍𑌯𑌮𑌾𑌤𑌾 𑌵𑍃𑌷𑌪𑍍𑌰𑌿𑌯𑌾 ।
𑌮𑌹𑍇𑌨𑍍𑌦𑍍𑌰𑌭𑌗𑌿𑌨𑍀 𑌸𑌤𑍍𑌯𑌾 𑌸𑌤𑍍𑌯𑌭𑌾𑌷𑌾 𑌸𑍁𑌕𑍋𑌮𑌲𑌾 ॥ 85॥
𑌵𑌾𑌮𑌾 𑌚 𑌪𑌞𑍍𑌚𑌤𑌪𑌸𑌾𑌂 𑌵𑌰𑌦𑌾𑌤𑍍𑌰𑍀 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌵𑌾𑌚𑍍𑌯𑌵𑌰𑍍𑌣𑍇𑌶𑍍𑌵𑌰𑍀 𑌵𑌿𑌦𑍍𑌯𑌾 𑌦𑍁𑌰𑍍𑌜𑌯𑌾 𑌦𑍁𑌰𑌤𑌿𑌕𑍍𑌰𑌮𑌾 ॥ 86॥
𑌕𑌾𑌲𑌰𑌾𑌤𑍍𑌰𑌿𑌰𑍍𑌮𑌹𑌾𑌵𑍇𑌗𑌾 𑌵𑍀𑌰𑌭𑌦𑍍𑌰𑌪𑍍𑌰𑌿𑌯𑌾 𑌹𑌿𑌤𑌾 ।
𑌭𑌦𑍍𑌰𑌕𑌾𑌲𑍀 𑌜𑌗𑌨𑍍𑌮𑌾𑌤𑌾 𑌭𑌕𑍍𑌤𑌾𑌨𑌾𑌂 𑌭𑌦𑍍𑌰𑌦𑌾𑌯𑌿𑌨𑍀 ॥ 87॥
𑌕𑌰𑌾𑌲𑌾 𑌪𑌿𑌙𑍍𑌗𑌲𑌾𑌕𑌾𑌰𑌾 𑌕𑌾𑌮𑌭𑍇𑌤𑍍𑌤𑍍𑌰𑍀 𑌮𑌹𑌾𑌮𑌨𑌾𑌃 ।
𑌯𑌶𑌸𑍍𑌵𑌿𑌨𑍀 𑌯𑌶𑍋𑌦𑌾 𑌚 𑌷𑌡𑌧𑍍𑌵𑌪𑌰𑌿𑌵𑌰𑍍𑌤𑌿𑌕𑌾 ॥ 88॥
𑌶𑌙𑍍𑌖𑌿𑌨𑍀 𑌪𑌦𑍍𑌮𑌿𑌨𑍀 𑌸𑌙𑍍𑌖𑍍𑌯𑌾 𑌸𑌾𑌙𑍍𑌖𑍍𑌯𑌯𑍋𑌗𑌪𑍍𑌰𑌵𑌰𑍍𑌤𑌿𑌕𑌾 ।
𑌚𑍈𑌤𑍍𑌰𑌾𑌦𑌿𑌰𑍍𑌵𑌤𑍍𑌸𑌰𑌾𑌰𑍂𑌢𑌾 𑌜𑌗𑌤𑍍𑌸𑌮𑍍𑌪𑍂𑌰𑌣𑍀𑌨𑍍𑌦𑍍𑌰𑌜𑌾 ॥ 89॥
𑌶𑍁𑌮𑍍𑌭𑌘𑍍𑌨𑍀 𑌖𑍇𑌚𑌰𑌾𑌰𑌾𑌧𑍍𑌯𑌾 𑌕𑌮𑍍𑌬𑍁𑌗𑍍𑌰𑍀𑌵𑌾 𑌬𑌲𑍀𑌡𑌿𑌤𑌾 ।
𑌖𑌗𑌾𑌰𑍂𑌢𑌾 𑌮𑌹𑍈𑌶𑍍𑌵𑌰𑍍𑌯𑌾 𑌸𑍁𑌪𑌦𑍍𑌮𑌨𑌿𑌲𑌯𑌾 𑌤𑌥𑌾 ॥ 90॥
𑌵𑌿𑌰𑌕𑍍𑌤𑌾 𑌗𑌰𑍁𑌡𑌸𑍍𑌥𑌾 𑌚 𑌜𑌗𑌤𑍀𑌹𑍃𑌦𑍍𑌗𑍁𑌹𑌾𑌶𑍍𑌰𑌯𑌾 ।
𑌶𑍁𑌮𑍍𑌭𑌾𑌦𑌿𑌮𑌥𑌨𑌾 𑌭𑌕𑍍𑌤𑌹𑍃𑌦𑍍𑌗𑌹𑍍𑌵𑌰𑌨𑌿𑌵𑌾𑌸𑌿𑌨𑍀 ॥ 91॥
𑌜𑌗𑌤𑍍𑌤𑍍𑌤𑍍𑌰𑌯𑌾𑌰𑌣𑍀 𑌸𑌿𑌦𑍍𑌧𑌸𑌙𑍍𑌕𑌲𑍍𑌪𑌾 𑌕𑌾𑌮𑌦𑌾 𑌤𑌥𑌾 ।
𑌸𑌰𑍍𑌵𑌵𑌿𑌜𑍍𑌞𑌾𑌨𑌦𑌾𑌤𑍍𑌰𑍀 𑌚𑌾𑌨𑌲𑍍𑌪𑌕𑌲𑍍𑌮𑌷𑌹𑌾𑌰𑌿𑌣𑍀 ॥ 92॥
𑌸𑌕𑌲𑍋𑌪𑌨𑌿𑌷𑌦𑍍𑌗𑌮𑍍𑌯𑌾 𑌦𑍁𑌷𑍍𑌟𑌦𑍁𑌷𑍍𑌪𑍍𑌰𑍇𑌕𑍍𑌷𑍍𑌯𑌸𑌤𑍍𑌤𑌮𑌾 ।
𑌸𑌦𑍍𑌵𑍃𑌤𑌾 𑌲𑍋𑌕𑌸𑌂𑌵𑍍𑌯𑌾𑌪𑍍𑌤𑌾 𑌤𑍁𑌷𑍍𑌟𑌿𑌃 𑌪𑍁𑌷𑍍𑌟𑌿𑌃 𑌕𑍍𑌰𑌿𑌯𑌾𑌵𑌤𑍀 ॥ 93॥
𑌵𑌿𑌶𑍍𑌵𑌾𑌮𑌰𑍇𑌶𑍍𑌵𑌰𑍀 𑌚𑍈𑌵 𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌾𑌯𑌿𑌨𑍀 ।
𑌶𑌿𑌵𑌾𑌧𑍃𑌤𑌾 𑌲𑍋𑌹𑌿𑌤𑌾𑌕𑍍𑌷𑍀 𑌸𑌰𑍍𑌪𑌮𑌾𑌲𑌾𑌵𑌿𑌭𑍂𑌷𑌣𑌾 ॥ 94॥
𑌨𑌿𑌰𑌾𑌨𑌨𑍍𑌦𑌾 𑌤𑍍𑌰𑌿𑌶𑍂𑌲𑌾𑌸𑌿𑌧𑌨𑍁𑌰𑍍𑌬𑌾𑌣𑌾𑌦𑌿𑌧𑌾𑌰𑌿𑌣𑍀 ।
𑌅𑌶𑍇𑌷𑌧𑍍𑌯𑍇𑌯𑌮𑍂𑌰𑍍𑌤𑌿𑌶𑍍𑌚 𑌦𑍇𑌵𑌤𑌾𑌨𑌾𑌂 𑌚 𑌦𑍇𑌵𑌤𑌾 ॥ 95॥
𑌵𑌰𑌾𑌮𑍍𑌬𑌿𑌕𑌾 𑌗𑌿𑌰𑍇𑌃 𑌪𑍁𑌤𑍍𑌰𑍀 𑌨𑌿𑌶𑍁𑌮𑍍𑌭𑌵𑌿𑌨𑌿𑌪𑌾𑌤𑌿𑌨𑍀 ।
𑌸𑍁𑌵𑌰𑍍𑌣𑌾 𑌸𑍍𑌵𑌰𑍍𑌣𑌲𑌸𑌿𑌤𑌾𑌽𑌨𑌨𑍍𑌤𑌵𑌰𑍍𑌣𑌾 𑌸𑌦𑌾𑌧𑍃𑌤𑌾 ॥ 96॥
𑌶𑌾𑌙𑍍𑌕𑌰𑍀 𑌶𑌾𑌨𑍍𑌤𑌹𑍃𑌦𑌯𑌾 𑌅𑌹𑍋𑌰𑌾𑌤𑍍𑌰𑌵𑌿𑌧𑌾𑌯𑌿𑌕𑌾 ।
𑌵𑌿𑌶𑍍𑌵𑌗𑍋𑌪𑍍𑌤𑍍𑌰𑍀 𑌗𑍂𑌢𑌰𑍂𑌪𑌾 𑌗𑍁𑌣𑌪𑍂𑌰𑍍𑌣𑌾 𑌚 𑌗𑌾𑌰𑍍𑌗𑍍𑌯𑌜𑌾 ॥ 97॥
𑌗𑍗𑌰𑍀 𑌶𑌾𑌕𑌮𑍍𑌭𑌰𑍀 𑌸𑌤𑍍𑌯𑌸𑌨𑍍𑌧𑌾 𑌸𑌨𑍍𑌧𑍍𑌯𑌾𑌤𑍍𑌰𑌯𑍀𑌧𑍃𑌤𑌾 ।
𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑌾 𑌸𑌰𑍍𑌵𑌬𑌨𑍍𑌧𑌵𑌿𑌵𑌰𑍍𑌜𑌿𑌤𑌾 ॥ 98॥
𑌸𑌾𑌙𑍍𑌖𑍍𑌯𑌯𑍋𑌗𑌸𑌮𑌾𑌖𑍍𑌯𑌾𑌤𑌾 𑌅𑌪𑍍𑌰𑌮𑍇𑌯𑌾 𑌮𑍁𑌨𑍀𑌡𑌿𑌤𑌾 ।
𑌵𑌿𑌶𑍁𑌦𑍍𑌧𑌸𑍁𑌕𑍁𑌲𑍋𑌦𑍍𑌭𑍂𑌤𑌾 𑌬𑌿𑌨𑍍𑌦𑍁𑌨𑌾𑌦𑌸𑌮𑌾𑌦𑍃𑌤𑌾 ॥ 99॥
𑌶𑌮𑍍𑌭𑍁𑌵𑌾𑌮𑌾𑌙𑍍𑌕𑌗𑌾 𑌚𑍈𑌵 𑌶𑌶𑌿𑌤𑍁𑌲𑍍𑌯𑌨𑌿𑌭𑌾𑌨𑌨𑌾 ।
𑌵𑌨𑌮𑌾𑌲𑌾𑌵𑌿𑌰𑌾𑌜𑌨𑍍𑌤𑍀 𑌅𑌨𑌨𑍍𑌤𑌶𑌯𑌨𑌾𑌦𑍃𑌤𑌾 ॥ 100॥
𑌨𑌰𑌨𑌾𑌰𑌾𑌯𑌣𑍋𑌦𑍍𑌭𑍂𑌤𑌾 𑌨𑌾𑌰𑌸𑌿𑌂𑌹𑍀 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌦𑍈𑌤𑍍𑌯𑌪𑍍𑌰𑌮𑌾𑌥𑌿𑌨𑍀 𑌶𑌙𑍍𑌖𑌚𑌕𑍍𑌰𑌪𑌦𑍍𑌮𑌗𑌦𑌾𑌧𑌰𑌾 ॥ 101॥
𑌸𑌙𑍍𑌕𑌰𑍍𑌷𑌣𑌸𑌮𑍁𑌤𑍍𑌪𑌨𑍍𑌨𑌾 𑌅𑌮𑍍𑌬𑌿𑌕𑌾 𑌸𑌜𑍍𑌜𑌨𑌾𑌶𑍍𑌰𑌯𑌾 ।
𑌸𑍁𑌵𑍃𑌤𑌾 𑌸𑍁𑌨𑍍𑌦𑌰𑍀 𑌚𑍈𑌵 𑌧𑌰𑍍𑌮𑌕𑌾𑌮𑌾𑌰𑍍𑌥𑌦𑌾𑌯𑌿𑌨𑍀 ॥ 102॥
𑌮𑍋𑌕𑍍𑌷𑌦𑌾 𑌭𑌕𑍍𑌤𑌿𑌨𑌿𑌲𑌯𑌾 𑌪𑍁𑌰𑌾𑌣𑌪𑍁𑌰𑍁𑌷𑌾𑌦𑍃𑌤𑌾 ।
𑌮𑌹𑌾𑌵𑌿𑌭𑍂𑌤𑌿𑌦𑌾𑌽𑌽𑌰𑌾𑌧𑍍𑌯𑌾 𑌸𑌰𑍋𑌜𑌨𑌿𑌲𑌯𑌾𑌽𑌸𑌮𑌾 ॥ 103॥
𑌅𑌷𑍍𑌟𑌾𑌦𑌶𑌭𑍁𑌜𑌾𑌽𑌨𑌾𑌦𑌿𑌰𑍍𑌨𑍀𑌲𑍋𑌤𑍍𑌪𑌲𑌦𑌲𑌾𑌕𑍍𑌷𑌿𑌣𑍀 ।
𑌸𑌰𑍍𑌵𑌶𑌕𑍍𑌤𑌿𑌸𑌮𑌾𑌰𑍂𑌢𑌾 𑌧𑌰𑍍𑌮𑌾𑌧𑌰𑍍𑌮𑌵𑌿𑌵𑌰𑍍𑌜𑌿𑌤𑌾 ॥ 104॥
𑌵𑍈𑌰𑌾𑌗𑍍𑌯𑌜𑍍𑌞𑌾𑌨𑌨𑌿𑌰𑌤𑌾 𑌨𑌿𑌰𑌾𑌲𑍋𑌕𑌾 𑌨𑌿𑌰𑌿𑌨𑍍𑌦𑍍𑌰𑌿𑌯𑌾 ।
𑌵𑌿𑌚𑌿𑌤𑍍𑌰𑌗𑌹𑌨𑌾𑌧𑌾𑌰𑌾 𑌶𑌾𑌶𑍍𑌵𑌤𑌸𑍍𑌥𑌾𑌨𑌵𑌾𑌸𑌿𑌨𑍀 ॥ 105॥
𑌜𑍍𑌞𑌾𑌨𑍇𑌶𑍍𑌵𑌰𑍀 𑌪𑍀𑌤𑌚𑍇𑌲𑌾 𑌵𑍇𑌦𑌵𑍇𑌦𑌾𑌙𑍍𑌗𑌪𑌾𑌰𑌗𑌾 ।
𑌮𑌨𑌸𑍍𑌵𑌿𑌨𑍀 𑌮𑌨𑍍𑌯𑍁𑌮𑌾𑌤𑌾 𑌮𑌹𑌾𑌮𑌨𑍍𑌯𑍁𑌸𑌮𑍁𑌦𑍍𑌭𑌵𑌾 ॥ 106॥
𑌅𑌮𑌨𑍍𑌯𑍁𑌰𑌮𑍃𑌤𑌾𑌸𑍍𑌵𑌾𑌦𑌾 𑌪𑍁𑌰𑌨𑍍𑌦𑌰𑌪𑌰𑌿𑌷𑍍𑌟𑍁𑌤𑌾 ।
𑌅𑌶𑍋𑌚𑍍𑌯𑌾 𑌭𑌿𑌨𑍍𑌨𑌵𑌿𑌷𑌯𑌾 𑌹𑌿𑌰𑌣𑍍𑌯𑌰𑌜𑌤𑌪𑍍𑌰𑌿𑌯𑌾 ॥ 107॥
𑌹𑌿𑌰𑌣𑍍𑌯𑌜𑌨𑌨𑍀 𑌭𑍀𑌮𑌾 𑌹𑍇𑌮𑌾𑌭𑌰𑌣𑌭𑍂𑌷𑌿𑌤𑌾 ।
𑌵𑌿𑌭𑍍𑌰𑌾𑌜𑌮𑌾𑌨𑌾 𑌦𑍁𑌰𑍍𑌜𑍍𑌞𑍇𑌯𑌾 𑌜𑍍𑌯𑍋𑌤𑌿𑌷𑍍𑌟𑍋𑌮𑌫𑌲𑌪𑍍𑌰𑌦𑌾 ॥ 108॥
𑌮𑌹𑌾𑌨𑌿𑌦𑍍𑌰𑌾𑌸𑌮𑍁𑌤𑍍𑌪𑌤𑍍𑌤𑌿𑌰𑌨𑌿𑌦𑍍𑌰𑌾 𑌸𑌤𑍍𑌯𑌦𑍇𑌵𑌤𑌾 ।
𑌦𑍀𑌰𑍍𑌘𑌾 𑌕𑌕𑍁𑌦𑍍𑌮𑌿𑌨𑍀 𑌪𑌿𑌙𑍍𑌗𑌜𑌟𑌾𑌧𑌾𑌰𑌾 𑌮𑌨𑍋𑌜𑍍𑌞𑌧𑍀𑌃 ॥ 109॥
𑌮𑌹𑌾𑌶𑍍𑌰𑌯𑌾 𑌰𑌮𑍋𑌤𑍍𑌪𑌨𑍍𑌨𑌾 𑌤𑌮𑌃𑌪𑌾𑌰𑍇 𑌪𑍍𑌰𑌤𑌿𑌷𑍍𑌠𑌿𑌤𑌾 ।
𑌤𑍍𑌰𑌿𑌤𑌤𑍍𑌤𑍍𑌵𑌮𑌾𑌤𑌾 𑌤𑍍𑌰𑌿𑌵𑌿𑌧𑌾 𑌸𑍁𑌸𑍂𑌕𑍍𑌷𑍍𑌮𑌾 𑌪𑌦𑍍𑌮𑌸𑌂𑌶𑍍𑌰𑌯𑌾 ॥ 110॥
𑌶𑌾𑌨𑍍𑌤𑍍𑌯𑌤𑍀𑌤𑌕𑌲𑌾𑌽𑌤𑍀𑌤𑌵𑌿𑌕𑌾𑌰𑌾 𑌶𑍍𑌵𑍇𑌤𑌚𑍇𑌲𑌿𑌕𑌾 ।
𑌚𑌿𑌤𑍍𑌰𑌮𑌾𑌯𑌾 𑌶𑌿𑌵𑌜𑍍𑌞𑌾𑌨𑌸𑍍𑌵𑌰𑍂𑌪𑌾 𑌦𑍈𑌤𑍍𑌯𑌮𑌾𑌥𑌿𑌨𑍀 ॥ 111॥
𑌕𑌾𑌶𑍍𑌯𑌪𑍀 𑌕𑌾𑌲𑌸𑌰𑍍𑌪𑌾𑌭𑌵𑍇𑌣𑌿𑌕𑌾 𑌶𑌾𑌸𑍍𑌤𑍍𑌰𑌯𑍋𑌨𑌿𑌕𑌾 ।
𑌤𑍍𑌰𑌯𑍀𑌮𑍂𑌰𑍍𑌤𑌿𑌃 𑌕𑍍𑌰𑌿𑌯𑌾𑌮𑍂𑌰𑍍𑌤𑌿𑌶𑍍𑌚𑌤𑍁𑌰𑍍𑌵𑌰𑍍𑌗𑌾 𑌚 𑌦𑌰𑍍𑌶𑌿𑌨𑍀 ॥ 112॥
𑌨𑌾𑌰𑌾𑌯𑌣𑍀 𑌨𑌰𑍋𑌤𑍍𑌪𑌨𑍍𑌨𑌾 𑌕𑍗𑌮𑍁𑌦𑍀 𑌕𑌾𑌨𑍍𑌤𑌿𑌧𑌾𑌰𑌿𑌣𑍀 ।
𑌕𑍗𑌶𑌿𑌕𑍀 𑌲𑌲𑌿𑌤𑌾 𑌲𑍀𑌲𑌾 𑌪𑌰𑌾𑌵𑌰𑌵𑌿𑌭𑌾𑌵𑌿𑌨𑍀 ॥ 113॥
𑌵𑌰𑍇𑌣𑍍𑌯𑌾𑌽𑌦𑍍𑌭𑍁𑌤𑌮𑌹𑌾𑌤𑍍𑌮𑍍𑌯𑌾 𑌵𑌡𑌵𑌾 𑌵𑌾𑌮𑌲𑍋𑌚𑌨𑌾 ।
𑌸𑍁𑌭𑌦𑍍𑌰𑌾 𑌚𑍇𑌤𑌨𑌾𑌰𑌾𑌧𑍍𑌯𑌾 𑌶𑌾𑌨𑍍𑌤𑌿𑌦𑌾 𑌶𑌾𑌨𑍍𑌤𑌿𑌵𑌰𑍍𑌧𑌿𑌨𑍀 ॥ 114॥
𑌜𑌯𑌾𑌦𑌿𑌶𑌕𑍍𑌤𑌿𑌜𑌨𑌨𑍀 𑌶𑌕𑍍𑌤𑌿𑌚𑌕𑍍𑌰𑌪𑍍𑌰𑌵𑌰𑍍𑌤𑌿𑌕𑌾 ।
𑌤𑍍𑌰𑌿𑌶𑌕𑍍𑌤𑌿𑌜𑌨𑌨𑍀 𑌜𑌨𑍍𑌯𑌾 𑌷𑌟𑍍𑌸𑍂𑌤𑍍𑌰𑌪𑌰𑌿𑌵𑌰𑍍𑌣𑌿𑌤𑌾 ॥ 115॥
𑌸𑍁𑌧𑍗𑌤𑌕𑌰𑍍𑌮𑌣𑌾𑌽𑌽𑌰𑌾𑌧𑍍𑌯𑌾 𑌯𑍁𑌗𑌾𑌨𑍍𑌤𑌦𑌹𑌨𑌾𑌤𑍍𑌮𑌿𑌕𑌾 ।
𑌸𑌙𑍍𑌕𑌰𑍍𑌷𑌿𑌣𑍀 𑌜𑌗𑌦𑍍𑌧𑌾𑌤𑍍𑌰𑍀 𑌕𑌾𑌮𑌯𑍋𑌨𑌿𑌃 𑌕𑌿𑌰𑍀𑌟𑌿𑌨𑍀 ॥ 116॥
𑌐𑌨𑍍𑌦𑍍𑌰𑍀 𑌤𑍍𑌰𑍈𑌲𑍋𑌕𑍍𑌯𑌨𑌮𑌿𑌤𑌾 𑌵𑍈𑌷𑍍𑌣𑌵𑍀 𑌪𑌰𑌮𑍇𑌶𑍍𑌵𑌰𑍀 ।
𑌪𑍍𑌰𑌦𑍍𑌯𑍁𑌮𑍍𑌨𑌜𑌨𑌨𑍀 𑌬𑌿𑌮𑍍𑌬𑌸𑌮𑍋𑌷𑍍𑌠𑍀 𑌪𑌦𑍍𑌮𑌲𑍋𑌚𑌨𑌾 ॥ 117॥
𑌮𑌦𑍋𑌤𑍍𑌕𑌟𑌾 𑌹𑌂𑌸𑌗𑌤𑌿𑌃 𑌪𑍍𑌰𑌚𑌣𑍍𑌡𑌾 𑌚𑌣𑍍𑌡𑌵𑌿𑌕𑍍𑌰𑌮𑌾 ।
𑌵𑍃𑌷𑌾𑌧𑍀𑌶𑌾 𑌪𑌰𑌾𑌤𑍍𑌮𑌾 𑌚 𑌵𑌿𑌨𑍍𑌧𑍍𑌯𑌾 𑌪𑌰𑍍𑌵𑌤𑌵𑌾𑌸𑌿𑌨𑍀 ॥ 118॥
𑌹𑌿𑌮𑌵𑌨𑍍𑌮𑍇𑌰𑍁𑌨𑌿𑌲𑌯𑌾 𑌕𑍈𑌲𑌾𑌸𑌪𑍁𑌰𑌵𑌾𑌸𑌿𑌨𑍀 ।
𑌚𑌾𑌣𑍂𑌰𑌹𑌨𑍍𑌤𑍍𑌰𑍀 𑌨𑍀𑌤𑌿𑌜𑍍𑌞𑌾 𑌕𑌾𑌮𑌰𑍂𑌪𑌾 𑌤𑍍𑌰𑌯𑍀𑌤𑌨𑍁𑌃 ॥ 119॥
𑌵𑍍𑌰𑌤𑌸𑍍𑌨𑌾𑌤𑌾 𑌧𑌰𑍍𑌮𑌶𑍀𑌲𑌾 𑌸𑌿𑌂𑌹𑌾𑌸𑌨𑌨𑌿𑌵𑌾𑌸𑌿𑌨𑍀 ।
𑌵𑍀𑌰𑌭𑌦𑍍𑌰𑌾𑌦𑍃𑌤𑌾 𑌵𑍀𑌰𑌾 𑌮𑌹𑌾𑌕𑌾𑌲𑌸𑌮𑍁𑌦𑍍𑌭𑌵𑌾 ॥ 120॥
𑌵𑌿𑌦𑍍𑌯𑌾𑌧𑌰𑌾𑌰𑍍𑌚𑌿𑌤𑌾 𑌸𑌿𑌦𑍍𑌧𑌸𑌾𑌧𑍍𑌯𑌾𑌰𑌾𑌧𑌿𑌤𑌪𑌾𑌦𑍁𑌕𑌾 ।
𑌶𑍍𑌰𑌦𑍍𑌧𑌾𑌤𑍍𑌮𑌿𑌕𑌾 𑌪𑌾𑌵𑌨𑍀 𑌚 𑌮𑍋𑌹𑌿𑌨𑍀 𑌅𑌚𑌲𑌾𑌤𑍍𑌮𑌿𑌕𑌾 ॥ 121॥
𑌮𑌹𑌾𑌦𑍍𑌭𑍁𑌤𑌾 𑌵𑌾𑌰𑌿𑌜𑌾𑌕𑍍𑌷𑍀 𑌸𑌿𑌂𑌹𑌵𑌾𑌹𑌨𑌗𑌾𑌮𑌿𑌨𑍀 ।
𑌮𑌨𑍀𑌷𑌿𑌣𑍀 𑌸𑍁𑌧𑌾𑌵𑌾𑌣𑍀 𑌵𑍀𑌣𑌾𑌵𑌾𑌦𑌨𑌤𑌤𑍍𑌪𑌰𑌾 ॥ 122॥
𑌶𑍍𑌵𑍇𑌤𑌵𑌾𑌹𑌨𑌿𑌷𑍇𑌵𑍍𑌯𑌾 𑌚 𑌲𑌸𑌨𑍍𑌮𑌤𑌿𑌰𑌰𑍁𑌨𑍍𑌧𑌤𑍀 ।
𑌹𑌿𑌰𑌣𑍍𑌯𑌾𑌕𑍍𑌷𑍀 𑌤𑌥𑌾 𑌚𑍈𑌵 𑌮𑌹𑌾𑌨𑌨𑍍𑌦𑌪𑍍𑌰𑌦𑌾𑌯𑌿𑌨𑍀 ॥ 123॥
𑌵𑌸𑍁𑌪𑍍𑌰𑌭𑌾 𑌸𑍁𑌮𑌾𑌲𑍍𑌯𑌾𑌪𑍍𑌤𑌕𑌨𑍍𑌧𑌰𑌾 𑌪𑌙𑍍𑌕𑌜𑌾𑌨𑌨𑌾 ।
𑌪𑌰𑌾𑌵𑌰𑌾 𑌵𑌰𑌾𑌰𑍋𑌹𑌾 𑌸𑌹𑌸𑍍𑌰𑌨𑌯𑌨𑌾𑌰𑍍𑌚𑌿𑌤𑌾 ॥ 124॥
𑌶𑍍𑌰𑍀𑌰𑍂𑌪𑌾 𑌶𑍍𑌰𑍀𑌮𑌤𑍀 𑌶𑍍𑌰𑍇𑌷𑍍𑌠𑌾 𑌶𑌿𑌵𑌨𑌾𑌮𑍍𑌨𑍀 𑌶𑌿𑌵𑌪𑍍𑌰𑌿𑌯𑌾 ।
𑌶𑍍𑌰𑍀𑌪𑍍𑌰𑌦𑌾 𑌶𑍍𑌰𑌿𑌤𑌕𑌲𑍍𑌯𑌾𑌣𑌾 𑌶𑍍𑌰𑍀𑌧𑌰𑌾𑌰𑍍𑌧𑌶𑌰𑍀𑌰𑌿𑌣𑍀 ॥ 125॥
𑌶𑍍𑌰𑍀𑌕𑌲𑌾𑌽𑌨𑌨𑍍𑌤𑌦𑍃𑌷𑍍𑌟𑌿𑌶𑍍𑌚 𑌹𑍍𑌯𑌕𑍍𑌷𑍁𑌦𑍍𑌰𑌾𑌰𑌾𑌤𑌿𑌸𑍂𑌦𑌨𑍀 ।
𑌰𑌕𑍍𑌤𑌬𑍀𑌜𑌨𑌿𑌹𑌨𑍍𑌤𑍍𑌰𑍀 𑌚 𑌦𑍈𑌤𑍍𑌯𑌸𑌙𑍍𑌗𑌵𑌿𑌮𑌰𑍍𑌦𑌿𑌨𑍀 ॥ 126॥
𑌸𑌿𑌂𑌹𑌾𑌰𑍂𑌢𑌾 𑌸𑌿𑌂𑌹𑌿𑌕𑌾𑌸𑍍𑌯𑌾 𑌦𑍈𑌤𑍍𑌯𑌶𑍋𑌣𑌿𑌤𑌪𑌾𑌯𑌿𑌨𑍀 ।
𑌸𑍁𑌕𑍀𑌰𑍍𑌤𑌿𑌸𑌹𑌿𑌤𑌾𑌚𑍍𑌛𑌿𑌨𑍍𑌨𑌸𑌂𑌶𑌯𑌾 𑌰𑌸𑌵𑍇𑌦𑌿𑌨𑍀 ॥ 127॥
𑌗𑍁𑌣𑌾𑌭𑌿𑌰𑌾𑌮𑌾 𑌨𑌾𑌗𑌾𑌰𑌿𑌵𑌾𑌹𑌨𑌾 𑌨𑌿𑌰𑍍𑌜𑌰𑌾𑌰𑍍𑌚𑌿𑌤𑌾 ।
𑌨𑌿𑌤𑍍𑌯𑍋𑌦𑌿𑌤𑌾 𑌸𑍍𑌵𑌯𑌞𑍍𑌜𑍍𑌯𑍋𑌤𑌿𑌃 𑌸𑍍𑌵𑌰𑍍𑌣𑌕𑌾𑌯𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ॥ 128॥
𑌵𑌜𑍍𑌰𑌦𑌣𑍍𑌡𑌾𑌙𑍍𑌕𑌿𑌤𑌾 𑌚𑍈𑌵 𑌤𑌥𑌾𑌮𑍃𑌤𑌸𑌞𑍍𑌜𑍀𑌵𑌿𑌨𑍀 ।
𑌵𑌜𑍍𑌰𑌚𑍍𑌛𑌨𑍍𑌨𑌾 𑌦𑍇𑌵𑌦𑍇𑌵𑍀 𑌵𑌰𑌵𑌜𑍍𑌰𑌸𑍍𑌵𑌵𑌿𑌗𑍍𑌰𑌹𑌾 ॥ 129॥
𑌮𑌾𑌙𑍍𑌗𑌲𑍍𑌯𑌾 𑌮𑌙𑍍𑌗𑌲𑌾𑌤𑍍𑌮𑌾 𑌚 𑌮𑌾𑌲𑌿𑌨𑍀 𑌮𑌾𑌲𑍍𑌯𑌧𑌾𑌰𑌿𑌣𑍀 ।
𑌗𑌨𑍍𑌧𑌰𑍍𑌵𑍀 𑌤𑌰𑍁𑌣𑍀 𑌚𑌾𑌨𑍍𑌦𑍍𑌰𑍀 𑌖𑌡𑍍𑌗𑌾𑌯𑍁𑌧𑌧𑌰𑌾 𑌤𑌥𑌾 ॥ 130॥
𑌸𑍗𑌦𑌾𑌮𑌿𑌨𑍀 𑌪𑍍𑌰𑌜𑌾𑌨𑌨𑍍𑌦𑌾 𑌤𑌥𑌾 𑌪𑍍𑌰𑍋𑌕𑍍𑌤𑌾 𑌭𑍃𑌗𑍂𑌦𑍍𑌭𑌵𑌾 ।
𑌏𑌕𑌾𑌨𑌙𑍍𑌗𑌾 𑌚 𑌶𑌾𑌸𑍍𑌤𑍍𑌰𑌾𑌰𑍍𑌥𑌕𑍁𑌶𑌲𑌾 𑌧𑌰𑍍𑌮𑌚𑌾𑌰𑌿𑌣𑍀 ॥ 131॥
𑌧𑌰𑍍𑌮𑌸𑌰𑍍𑌵𑌸𑍍𑌵𑌵𑌾𑌹𑌾 𑌚 𑌧𑌰𑍍𑌮𑌾𑌧𑌰𑍍𑌮𑌵𑌿𑌨𑌿𑌶𑍍𑌚𑌯𑌾 ।
𑌧𑌰𑍍𑌮𑌶𑌕𑍍𑌤𑌿𑌰𑍍𑌧𑌰𑍍𑌮𑌮𑌯𑌾 𑌧𑌾𑌰𑍍𑌮𑌿𑌕𑌾𑌨𑌾𑌂 𑌶𑌿𑌵𑌪𑍍𑌰𑌦𑌾 ॥ 132॥
𑌵𑌿𑌧𑌰𑍍𑌮𑌾 𑌵𑌿𑌶𑍍𑌵𑌧𑌰𑍍𑌮𑌜𑍍𑌞𑌾 𑌧𑌰𑍍𑌮𑌾𑌰𑍍𑌥𑌾𑌨𑍍𑌤𑌰𑌵𑌿𑌗𑍍𑌰𑌹𑌾 ।
𑌧𑌰𑍍𑌮𑌵𑌰𑍍𑌷𑍍𑌮𑌾 𑌧𑌰𑍍𑌮𑌪𑍂𑌰𑍍𑌵𑌾 𑌧𑌰𑍍𑌮𑌪𑌾𑌰𑌙𑍍𑌗𑌤𑌾𑌨𑍍𑌤𑌰𑌾 ॥ 133॥
𑌧𑌰𑍍𑌮𑍋𑌪𑌦𑍇𑌷𑍍𑌟𑍍𑌰𑍀 𑌧𑌰𑍍𑌮𑌾𑌤𑍍𑌮𑌾 𑌧𑌰𑍍𑌮𑌗𑌮𑍍𑌯𑌾 𑌧𑌰𑌾𑌧𑌰𑌾 ।
𑌕𑌪𑌾𑌲𑌿𑌨𑍀 𑌶𑌾𑌕𑌲𑌿𑌨𑍀 𑌕𑌲𑌾𑌕𑌲𑌿𑌤𑌵𑌿𑌗𑍍𑌰𑌹𑌾 ॥ 134॥
𑌸𑌰𑍍𑌵𑌶𑌕𑍍𑌤𑌿𑌵𑌿𑌮𑍁𑌕𑍍𑌤𑌾 𑌚 𑌕𑌰𑍍𑌣𑌿𑌕𑌾𑌰𑌧𑌰𑌾𑌽𑌕𑍍𑌷𑌰𑌾।
𑌕𑌂𑌸𑌪𑍍𑌰𑌾𑌣𑌹𑌰𑌾 𑌚𑍈𑌵 𑌯𑍁𑌗𑌧𑌰𑍍𑌮𑌧𑌰𑌾 𑌤𑌥𑌾 ॥ 135॥
𑌯𑍁𑌗𑌪𑍍𑌰𑌵𑌰𑍍𑌤𑌿𑌕𑌾 𑌪𑍍𑌰𑍋𑌕𑍍𑌤𑌾 𑌤𑍍𑌰𑌿𑌸𑌨𑍍𑌧𑍍𑌯𑌾 𑌧𑍍𑌯𑍇𑌯𑌵𑌿𑌗𑍍𑌰𑌹𑌾 ।
𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌦𑌾𑌤𑍍𑌰𑍀 𑌚 𑌤𑌥𑌾 𑌪𑍍𑌰𑌤𑍍𑌯𑌕𑍍𑌷𑌦𑍇𑌵𑌤𑌾 ॥ 136॥
𑌆𑌦𑌿𑌤𑍍𑌯𑌾 𑌦𑌿𑌵𑍍𑌯𑌗𑌨𑍍𑌧𑌾 𑌚 𑌦𑌿𑌵𑌾𑌕𑌰𑌨𑌿𑌭𑌪𑍍𑌰𑌭𑌾 ।
𑌪𑌦𑍍𑌮𑌾𑌸𑌨𑌗𑌤𑌾 𑌪𑍍𑌰𑍋𑌕𑍍𑌤𑌾 𑌖𑌡𑍍𑌗𑌬𑌾𑌣𑌶𑌰𑌾𑌸𑌨𑌾 ॥ 137॥
𑌶𑌿𑌷𑍍𑌟𑌾 𑌵𑌿𑌶𑌿𑌷𑍍𑌟𑌾 𑌶𑌿𑌷𑍍𑌟𑍇𑌷𑍍𑌟𑌾 𑌶𑌿𑌷𑍍𑌟𑌶𑍍𑌰𑍇𑌷𑍍𑌠𑌪𑍍𑌰𑌪𑍂𑌜𑌿𑌤𑌾 ।
𑌶𑌤𑌰𑍂𑌪𑌾 𑌶𑌤𑌾𑌵𑌰𑍍𑌤𑌾 𑌵𑌿𑌤𑌤𑌾 𑌰𑌾𑌸𑌮𑍋𑌦𑌿𑌨𑍀 ॥ 138॥
𑌸𑍂𑌰𑍍𑌯𑍇𑌨𑍍𑌦𑍁𑌨𑍇𑌤𑍍𑌰𑌾 𑌪𑍍𑌰𑌦𑍍𑌯𑍁𑌮𑍍𑌨𑌜𑌨𑌨𑍀 𑌸𑍁𑌷𑍍𑌠𑍁𑌮𑌾𑌯𑌿𑌨𑍀 ।
𑌸𑍂𑌰𑍍𑌯𑌾𑌨𑍍𑌤𑌰𑌸𑍍𑌥𑌿𑌤𑌾 𑌚𑍈𑌵 𑌸𑌤𑍍𑌪𑍍𑌰𑌤𑌿𑌷𑍍𑌠𑌤𑌵𑌿𑌗𑍍𑌰𑌹𑌾 ॥ 139॥
𑌨𑌿𑌵𑍃𑌤𑍍𑌤𑌾 𑌪𑍍𑌰𑍋𑌚𑍍𑌯𑌤𑍇 𑌜𑍍𑌞𑌾𑌨𑌪𑌾𑌰𑌗𑌾 𑌪𑌰𑍍𑌵𑌤𑌾𑌤𑍍𑌮𑌜𑌾 ।
𑌕𑌾𑌤𑍍𑌯𑌾𑌯𑌨𑍀 𑌚𑌣𑍍𑌡𑌿𑌕𑌾 𑌚 𑌚𑌣𑍍𑌡𑍀 𑌹𑍈𑌮𑌵𑌤𑍀 𑌤𑌥𑌾 ॥ 140॥
𑌦𑌾𑌕𑍍𑌷𑌾𑌯𑌣𑍀 𑌸𑌤𑍀 𑌚𑍈𑌵 𑌭𑌵𑌾𑌨𑍀 𑌸𑌰𑍍𑌵𑌮𑌙𑍍𑌗𑌲𑌾 ।
𑌧𑍂𑌮𑍍𑌰𑌲𑍋𑌚𑌨𑌹𑌨𑍍𑌤𑍍𑌰𑍀 𑌚 𑌚𑌣𑍍𑌡𑌮𑍁𑌣𑍍𑌡𑌵𑌿𑌨𑌾𑌶𑌿𑌨𑍀 ॥ 141॥
𑌯𑍋𑌗𑌨𑌿𑌦𑍍𑌰𑌾 𑌯𑍋𑌗𑌭𑌦𑍍𑌰𑌾 𑌸𑌮𑍁𑌦𑍍𑌰𑌤𑌨𑌯𑌾 𑌤𑌥𑌾 ।
𑌦𑍇𑌵𑌪𑍍𑌰𑌿𑌯𑌙𑍍𑌕𑌰𑍀 𑌶𑍁𑌦𑍍𑌧𑌾 𑌭𑌕𑍍𑌤𑌭𑌕𑍍𑌤𑌿𑌪𑍍𑌰𑌵𑌰𑍍𑌧𑌿𑌨𑍀 ॥ 142॥
𑌤𑍍𑌰𑌿𑌣𑍇𑌤𑍍𑌰𑌾 𑌚𑌨𑍍𑌦𑍍𑌰𑌮𑍁𑌕𑍁𑌟𑌾 𑌪𑍍𑌰𑌮𑌥𑌾𑌰𑍍𑌚𑌿𑌤𑌪𑌾𑌦𑍁𑌕𑌾 ।
𑌅𑌰𑍍𑌜𑍁𑌨𑌾𑌭𑍀𑌷𑍍𑌟𑌦𑌾𑌤𑍍𑌰𑍀 𑌚 𑌪𑌾𑌣𑍍𑌡𑌵𑌪𑍍𑌰𑌿𑌯𑌕𑌾𑌰𑌿𑌣𑍀 ॥ 143॥
𑌕𑍁𑌮𑌾𑌰𑌲𑌾𑌲𑌨𑌾𑌸𑌕𑍍𑌤𑌾 𑌹𑌰𑌬𑌾𑌹𑍂𑌪𑌧𑌾𑌨𑌿𑌕𑌾 ।
𑌵𑌿𑌘𑍍𑌨𑍇𑌶𑌜𑌨𑌨𑍀 𑌭𑌕𑍍𑌤𑌵𑌿𑌘𑍍𑌨𑌸𑍍𑌤𑍋𑌮𑌪𑍍𑌰𑌹𑌾𑌰𑌿𑌣𑍀 ॥ 144॥
𑌸𑍁𑌸𑍍𑌮𑌿𑌤𑍇𑌨𑍍𑌦𑍁𑌮𑍁𑌖𑍀 𑌨𑌮𑍍𑌯𑌾 𑌜𑌯𑌾𑌪𑍍𑌰𑌿𑌯𑌸𑌖𑍀 𑌤𑌥𑌾 ।
𑌅𑌨𑌾𑌦𑌿𑌨𑌿𑌧𑌨𑌾 𑌪𑍍𑌰𑍇𑌷𑍍𑌠𑌾 𑌚𑌿𑌤𑍍𑌰𑌮𑌾𑌲𑍍𑌯𑌾𑌨𑍁𑌲𑍇𑌪𑌨𑌾 ॥ 145॥
𑌕𑍋𑌟𑌿𑌚𑌨𑍍𑌦𑍍𑌰𑌪𑍍𑌰𑌤𑍀𑌕𑌾𑌶𑌾 𑌕𑍂𑌟𑌜𑌾𑌲𑌪𑍍𑌰𑌮𑌾𑌥𑌿𑌨𑍀 ।
𑌕𑍃𑌤𑍍𑌯𑌾𑌪𑍍𑌰𑌹𑌾𑌰𑌿𑌣𑍀 𑌚𑍈𑌵 𑌮𑌾𑌰𑌣𑍋𑌚𑍍𑌚𑌾𑌟𑌨𑍀 𑌤𑌥𑌾 ॥ 146॥
𑌸𑍁𑌰𑌾𑌸𑍁𑌰𑌪𑍍𑌰𑌵𑌨𑍍𑌦𑍍𑌯𑌾𑌙𑍍𑌘𑍍𑌰𑌿𑌰𑍍𑌮𑍋𑌹𑌘𑍍𑌨𑍀 𑌜𑍍𑌞𑌾𑌨𑌦𑌾𑌯𑌿𑌨𑍀 ।
𑌷𑌡𑍍𑌵𑍈𑌰𑌿𑌨𑌿𑌗𑍍𑌰𑌹𑌕𑌰𑍀 𑌵𑍈𑌰𑌿𑌵𑌿𑌦𑍍𑌰𑌾𑌵𑌿𑌣𑍀 𑌤𑌥𑌾 ॥ 147॥
𑌭𑍂𑌤𑌸𑍇𑌵𑍍𑌯𑌾 𑌭𑍂𑌤𑌦𑌾𑌤𑍍𑌰𑍀 𑌭𑍂𑌤𑌪𑍀𑌡𑌾𑌵𑌿𑌮𑌰𑍍𑌦𑌿𑌕𑌾 ।
𑌨𑌾𑌰𑌦𑌸𑍍𑌤𑍁𑌤𑌚𑌾𑌰𑌿𑌤𑍍𑌰𑌾 𑌵𑌰𑌦𑍇𑌶𑌾 𑌵𑌰𑌪𑍍𑌰𑌦𑌾 ॥ 148॥
𑌵𑌾𑌮𑌦𑍇𑌵𑌸𑍍𑌤𑍁𑌤𑌾 𑌚𑍈𑌵 𑌕𑌾𑌮𑌦𑌾 𑌸𑍋𑌮𑌶𑍇𑌖𑌰𑌾 ।
𑌦𑌿𑌕𑍍𑌪𑌾𑌲𑌸𑍇𑌵𑌿𑌤𑌾 𑌭𑌵𑍍𑌯𑌾 𑌭𑌾𑌮𑌿𑌨𑍀 𑌭𑌾𑌵𑌦𑌾𑌯𑌿𑌨𑍀 ॥ 149॥
𑌸𑍍𑌤𑍍𑌰𑍀𑌸𑍗𑌭𑌾𑌗𑍍𑌯𑌪𑍍𑌰𑌦𑌾𑌤𑍍𑌰𑍀 𑌚 𑌭𑍋𑌗𑌦𑌾 𑌰𑍋𑌗𑌨𑌾𑌶𑌿𑌨𑍀 ।
𑌵𑍍𑌯𑍋𑌮𑌗𑌾 𑌭𑍂𑌮𑌿𑌗𑌾 𑌚𑍈𑌵 𑌮𑍁𑌨𑌿𑌪𑍂𑌜𑍍𑌯𑌪𑌦𑌾𑌮𑍍𑌬𑍁𑌜𑌾 ।
𑌵𑌨𑌦𑍁𑌰𑍍𑌗𑌾 𑌚 𑌦𑍁𑌰𑍍𑌬𑍋𑌧𑌾 𑌮𑌹𑌾𑌦𑍁𑌰𑍍𑌗𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ॥ 150॥
𑌫𑌲𑌶𑍍𑌰𑍁𑌤𑌿𑌃
𑌇𑌤𑍀𑌦𑌂 𑌕𑍀𑌰𑍍𑌤𑌿𑌦𑌂 𑌭𑌦𑍍𑌰 𑌦𑍁𑌰𑍍𑌗𑌾𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌤𑍍𑌰𑌿𑌸𑌨𑍍𑌧𑍍𑌯𑌂 𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌤𑌸𑍍𑌯 𑌲𑌕𑍍𑌷𑍍𑌮𑍀𑌃 𑌸𑍍𑌥𑌿𑌰𑌾 𑌭𑌵𑍇𑌤𑍍 ॥ 1॥
𑌗𑍍𑌰𑌹𑌭𑍂𑌤𑌪𑌿𑌶𑌾𑌚𑌾𑌦𑌿𑌪𑍀𑌡𑌾 𑌨𑌶𑍍𑌯𑌤𑍍𑌯𑌸𑌂𑌶𑌯𑌮𑍍 ।
𑌬𑌾𑌲𑌗𑍍𑌰𑌹𑌾𑌦𑌿𑌪𑍀𑌡𑌾𑌯𑌾𑌃 𑌶𑌾𑌨𑍍𑌤𑌿𑌰𑍍𑌭𑌵𑌤𑌿 𑌕𑍀𑌰𑍍𑌤𑌨𑌾𑌤𑍍 ॥ 2॥
𑌮𑌾𑌰𑌿𑌕𑌾𑌦𑌿𑌮𑌹𑌾𑌰𑍋𑌗𑍇 𑌪𑌠𑌤𑌾𑌂 𑌸𑍗𑌖𑍍𑌯𑌦𑌂 𑌨𑍃𑌣𑌾𑌮𑍍 ।
𑌵𑍍𑌯𑌵𑌹𑌾𑌰𑍇 𑌚 𑌜𑌯𑌦𑌂 𑌶𑌤𑍍𑌰𑍁𑌬𑌾𑌧𑌾𑌨𑌿𑌵𑌾𑌰𑌕𑌮𑍍 ॥ 3॥
𑌦𑌮𑍍𑌪𑌤𑍍𑌯𑍋𑌃 𑌕𑌲𑌹𑍇 𑌪𑍍𑌰𑌾𑌪𑍍𑌤𑍇 𑌮𑌿𑌥𑌃 𑌪𑍍𑌰𑍇𑌮𑌾𑌭𑌿𑌵𑌰𑍍𑌧𑌕𑌮𑍍 ।
𑌆𑌯𑍁𑌰𑌾𑌰𑍋𑌗𑍍𑌯𑌦𑌂 𑌪𑍁𑌂𑌸𑌾𑌂 𑌸𑌰𑍍𑌵𑌸𑌮𑍍𑌪𑌤𑍍𑌪𑍍𑌰𑌦𑌾𑌯𑌕𑌮𑍍 ॥ 4॥
𑌵𑌿𑌦𑍍𑌯𑌾𑌭𑌿𑌵𑌰𑍍𑌧𑌕𑌂 𑌨𑌿𑌤𑍍𑌯𑌂 𑌪𑌠𑌤𑌾𑌮𑌰𑍍𑌥𑌸𑌾𑌧𑌕𑌮𑍍 ।
𑌶𑍁𑌭𑌦𑌂 𑌶𑍁𑌭𑌕𑌾𑌰𑍍𑌯𑍇𑌷𑍁 𑌪𑌠𑌤𑌾𑌂 𑌶𑍃𑌣𑍁𑌤𑌾𑌮𑌪𑌿 ॥ 5॥
𑌯𑌃 𑌪𑍂𑌜𑌯𑌤𑌿 𑌦𑍁𑌰𑍍𑌗𑌾𑌂 𑌤𑌾𑌂 𑌦𑍁𑌰𑍍𑌗𑌾𑌨𑌾𑌮𑌸𑌹𑌸𑍍𑌰𑌕𑍈𑌃 ।
𑌪𑍁𑌷𑍍𑌪𑍈𑌃 𑌕𑍁𑌙𑍍𑌕𑍁𑌮𑌸𑌮𑍍𑌮𑌿𑌶𑍍𑌰𑍈𑌃 𑌸 𑌤𑍁 𑌯𑌤𑍍𑌕𑌾𑌙𑍍𑌕𑍍𑌷𑌤𑍇 𑌹𑍃𑌦𑌿 ॥ 6॥
𑌤𑌤𑍍𑌸𑌰𑍍𑌵𑌂 𑌸𑌮𑌵𑌾𑌪𑍍𑌨𑍋𑌤𑌿 𑌨𑌾𑌸𑍍𑌤𑌿 𑌨𑌾𑌸𑍍𑌤𑍍𑌯𑌤𑍍𑌰 𑌸𑌂𑌶𑌯𑌃 ।
𑌯𑌨𑍍𑌮𑍁𑌖𑍇 𑌧𑍍𑌰𑌿𑌯𑌤𑍇 𑌨𑌿𑌤𑍍𑌯𑌂 𑌦𑍁𑌰𑍍𑌗𑌾𑌨𑌾𑌮𑌸𑌹𑌸𑍍𑌰𑌕𑌮𑍍 ॥ 7॥
𑌕𑌿𑌂 𑌤𑌸𑍍𑌯𑍇𑌤𑌰𑌮𑌨𑍍𑌤𑍍𑌰𑍗𑌘𑍈𑌃 𑌕𑌾𑌰𑍍𑌯𑌂 𑌧𑌨𑍍𑌯𑌤𑌮𑌸𑍍𑌯 𑌹𑌿 ।
𑌦𑍁𑌰𑍍𑌗𑌾𑌨𑌾𑌮𑌸𑌹𑌸𑍍𑌰𑌸𑍍𑌯 𑌪𑍁𑌸𑍍𑌤𑌕𑌂 𑌯𑌦𑍍𑌗𑍃𑌹𑍇 𑌭𑌵𑍇𑌤𑍍 ॥ 8॥
𑌨 𑌤𑌤𑍍𑌰 𑌗𑍍𑌰𑌹𑌭𑍂𑌤𑌾𑌦𑌿𑌬𑌾𑌧𑌾 𑌸𑍍𑌯𑌾𑌨𑍍𑌮𑌙𑍍𑌗𑌲𑌾𑌸𑍍𑌪𑌦𑍇 ।
𑌤𑌦𑍍𑌗𑍃𑌹𑌂 𑌪𑍁𑌣𑍍𑌯𑌦𑌂 𑌕𑍍𑌷𑍇𑌤𑍍𑌰𑌂 𑌦𑍇𑌵𑍀𑌸𑌾𑌨𑍍𑌨𑌿𑌧𑍍𑌯𑌕𑌾𑌰𑌕𑌮𑍍 ॥ 9॥
𑌏𑌤𑌸𑍍𑌯 𑌸𑍍𑌤𑍋𑌤𑍍𑌰𑌮𑍁𑌖𑍍𑌯𑌸𑍍𑌯 𑌪𑌾𑌠𑌕𑌃 𑌶𑍍𑌰𑍇𑌷𑍍𑌠𑌮𑌨𑍍𑌤𑍍𑌰𑌵𑌿𑌤𑍍 ।
𑌦𑍇𑌵𑌤𑌾𑌯𑌾𑌃 𑌪𑍍𑌰𑌸𑌾𑌦𑍇𑌨 𑌸𑌰𑍍𑌵𑌪𑍂𑌜𑍍𑌯𑌃 𑌸𑍁𑌖𑍀 𑌭𑌵𑍇𑌤𑍍 ॥ 10॥
𑌇𑌤𑍍𑌯𑍇𑌤𑌨𑍍𑌨𑌗𑌰𑌾𑌜𑍇𑌨 𑌕𑍀𑌰𑍍𑌤𑌿𑌤𑌂 𑌮𑍁𑌨𑌿𑌸𑌤𑍍𑌤𑌮 ।
𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌰𑌂 𑌸𑍍𑌤𑍋𑌤𑍍𑌰𑌂 𑌤𑍍𑌵𑌯𑌿 𑌸𑍍𑌨𑍇𑌹𑌾𑌤𑍍 𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ॥ 11॥
𑌭𑌕𑍍𑌤𑌾𑌯 𑌶𑍍𑌰𑌦𑍍𑌧𑌧𑌾𑌨𑌾𑌯 𑌕𑍇𑌵𑌲𑌂 𑌕𑍀𑌰𑍍𑌤𑍍𑌯𑌤𑌾𑌮𑌿𑌦𑌮𑍍 ।
𑌹𑍃𑌦𑌿 𑌧𑌾𑌰𑌯 𑌨𑌿𑌤𑍍𑌯𑌂 𑌤𑍍𑌵𑌂 𑌦𑍇𑌵𑍍𑌯𑌨𑍁𑌗𑍍𑌰𑌹𑌸𑌾𑌧𑌕𑌮𑍍 ॥ 12॥ ॥
𑌇𑌤𑌿 𑌶𑍍𑌰𑍀𑌸𑍍𑌕𑌾𑌨𑍍𑌦𑌪𑍁𑌰𑌾𑌣𑍇 𑌸𑍍𑌕𑌨𑍍𑌦𑌨𑌾𑌰𑌦𑌸𑌂𑌵𑌾𑌦𑍇 𑌦𑍁𑌰𑍍𑌗𑌾𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ॥
Roman (IAST) Transliteration
|| atha śrī durgā sahasranāmastotram ||
nārada uvāca -
kumāra guṇagambhīra devasenāpate prabho |
sarvābhīṣṭapradaṃ puṃsāṃ sarvapāpapraṇāśanam || 1||
guhyādguhyataraṃ stotraṃ bhaktivardhakamañjasā |
maṅgalaṃ grahapīḍādiśāntidaṃ vaktumarhasi || 2||
skanda uvāca -
śṛṇu nārada devarṣe lokānugrahakāmyayā |
yatpṛcchasi paraṃ puṇyaṃ tatte vakṣyāmi kautukāt || 3||
mātā me lokajananī himavannagasattamāt |
menāyāṃ brahmavādinyāṃ prādurbhūtā harapriyā || 4||
mahatā tapasā''rādhya śaṅkaraṃ lokaśaṅkaram |
svameva vallabhaṃ bheje kaleva hi kalānidhim || 5||
nagānāmadhirājastu himavān virahāturaḥ |
svasutāyāḥ parikṣīṇe vasiṣṭhena prabodhitaḥ || 6||
trilokajananī seyaṃ prasannā tvayi puṇyataḥ |
prādurbhūtā sutātvena tadviyogaṃ śubhaṃ tyaja || 7||
bahurūpā ca durgeyaṃ bahunāmnī sanātanī |
sanātanasya jāyā sā putrīmohaṃ tyajādhunā || 8||
iti prabodhitaḥ śailaḥ tāṃ tuṣṭāva parāṃ śivām |
tadā prasannā sā durgā pitaraṃ prāha nandinī || 9||
matprasādātparaṃ stotraṃ hṛdaye pratibhāsatām |
tena nāmnāṃ sahasreṇa pūjayan kāmamāpnuhi || 10||
ityuktvāntarhitāyāṃ tu hṛdaye sphuritaṃ tadā |
nāmnāṃ sahasraṃ durgāyāḥ pṛcchate me yaduktavān || 11||
maṅgalānāṃ maṅgalaṃ tad durgānāma sahasrakam |
sarvābhīṣṭapradāṃ puṃsāṃ bravīmyakhilakāmadam || 12||
durgādevī samākhyātā himavānṛṣirucyate |
chandonuṣṭup japo devyāḥ prītaye kriyate sadā || 13||
asya śrīdurgāstotramahāmantrasya | himavān ṛṣiḥ | anuṣṭup chandaḥ |
durgābhagavatī devatā | śrīdurgāprasādasiddhyarthe jape viniyogaḥ | |
śrībhagavatyai durgāyai namaḥ |
devīdhyānam
oṃ hrīṃ kālābhrābhāṃ kaṭākṣairarikulabhayadāṃ maulibaddhendurekhāṃ
śaṅkhaṃ cakraṃ kṛpāṇaṃ triśikhamapi karairudvahantīṃ trinetrām |
siṃhaskandhādhirūḍhāṃ tribhuvanamakhilaṃ tejasā pūrayantīṃ
dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ ||
śrī jayadurgāyai namaḥ |
oṃ śivāthomā ramā śaktiranantā niṣkalā'malā |
śāntā māheśvarī nityā śāśvatā paramā kṣamā || 1||
acintyā kevalānantā śivātmā paramātmikā |
anādiravyayā śuddhā sarvajñā sarvagā'calā || 2||
ekānekavibhāgasthā māyātītā sunirmalā |
mahāmāheśvarī satyā mahādevī nirañjanā || 3||
kāṣṭhā sarvāntarasthā'pi cicchaktiścātrilālitā |
sarvā sarvātmikā viśvā jyotīrūpākṣarāmṛtā || 4||
śāntā pratiṣṭhā sarveśā nivṛttiramṛtapradā |
vyomamūrtirvyomasaṃsthā vyomadhārā'cyutā'tulā || 5||
anādinidhanā'moghā kāraṇātmakalākulā |
ṛtuprathamajā'nābhiramṛtātmasamāśrayā || 6||
prāṇeśvarapriyā namyā mahāmahiṣaghātinī |
prāṇeśvarī prāṇarūpā pradhānapuruṣeśvarī || 7||
sarvaśaktikalā'kāmā mahiṣeṣṭavināśinī |
sarvakāryaniyantrī ca sarvabhūteśvareśvarī || 8||
aṅgadādidharā caiva tathā mukuṭadhāriṇī |
sanātanī mahānandā''kāśayonistathecyate || 9||
citprakāśasvarūpā ca mahāyogeśvareśvarī |
mahāmāyā saduṣpārā mūlaprakṛtirīśikā || 10||
saṃsārayoniḥ sakalā sarvaśaktisamudbhavā |
saṃsārapārā durvārā durnirīkṣā durāsadā || 11||
prāṇaśaktiśca sevyā ca yoginī paramākalā |
mahāvibhūtirdurdarśā mūlaprakṛtisambhavā || 12||
anādyanantavibhavā parārthā puruṣāraṇiḥ |
sargasthityantakṛccaiva sudurvācyā duratyayā || 13||
śabdagamyā śabdamāyā śabdākhyānandavigrahā |
pradhānapuruṣātītā pradhānapuruṣātmikā || 14||
purāṇī cinmayā puṃsāmiṣṭadā puṣṭirūpiṇī |
pūtāntarasthā kūṭasthā mahāpuruṣasañjñitā || 15||
janmamṛtyujarātītā sarvaśaktisvarūpiṇī |
vāñchāpradā'navacchinnapradhānānupraveśinī || 16||
kṣetrajñā'cintyaśaktistu procyate'vyaktalakṣaṇā |
malāpavarjitā''nādimāyā tritayatattvikā || 17||
prītiśca prakṛtiścaiva guhāvāsā tathocyate |
mahāmāyā nagotpannā tāmasī ca dhruvā tathā || 18||
vyaktā'vyaktātmikā kṛṣṇā raktā śuklā hyakāraṇā |
procyate kāryajananī nityaprasavadharmiṇī || 19||
sargapralayamuktā ca sṛṣṭisthityantadharmiṇī |
brahmagarbhā caturviṃśasvarūpā padmavāsinī || 20||
acyutāhlādikā vidyudbrahmayonirmahālayā |
mahālakṣmī samudbhāvabhāvitātmāmaheśvarī || 21||
mahāvimānamadhyasthā mahānidrā sakautukā |
sarvārthadhāriṇī sūkṣmā hyaviddhā paramārthadā || 22||
anantarūpā'nantārthā tathā puruṣamohinī |
anekānekahastā ca kālatrayavivarjitā || 23||
brahmajanmā haraprītā matirbrahmaśivātmikā |
brahmeśaviṣṇusampūjyā brahmākhyā brahmasañjñitā || 24||
vyaktā prathamajā brāhmī mahārātrīḥ prakīrtitā |
jñānasvarūpā vairāgyarūpā hyaiśvaryarūpiṇī || 25||
dharmātmikā brahmamūrtiḥ pratiśrutapumarthikā |
apāṃyoniḥ svayambhūtā mānasī tattvasambhavā || 26||
īśvarasya priyā proktā śaṅkarārdhaśarīriṇī |
bhavānī caiva rudrāṇī mahālakṣmīstathā'mbikā || 27||
maheśvarasamutpannā bhuktimukti pradāyinī |
sarveśvarī sarvavandyā nityamuktā sumānasā || 28||
mahendropendranamitā śāṅkarīśānuvartinī |
īśvarārdhāsanagatā māheśvarapativratā || 29||
saṃsāraśoṣiṇī caiva pārvatī himavatsutā |
paramānandadātrī ca guṇāgryā yogadā tathā || 30||
jñānamūrtiśca sāvitrī lakṣmīḥ śrīḥ kamalā tathā |
anantaguṇagambhīrā hyuronīlamaṇiprabhā || 31||
sarojanilayā gaṅgā yogidhyeyā'surārdinī |
sarasvatī sarvavidyā jagajjyeṣṭhā sumaṅgalā || 32||
vāgdevī varadā varyā kīrtiḥ sarvārthasādhikā |
vāgīśvarī brahmavidyā mahāvidyā suśobhanā || 33||
grāhyavidyā vedavidyā dharmavidyā''tmabhāvitā |
svāhā viśvambharā siddhiḥ sādhyā medhā dhṛtiḥ kṛtiḥ || 34||
sunītiḥ saṅkṛtiścaiva kīrtitā naravāhinī |
pūjāvibhāvinī saumyā bhogyabhāg bhogadāyinī || 35||
śobhāvatī śāṅkarī ca lolā mālāvibhūṣitā |
parameṣṭhipriyā caiva trilokīsundarī mātā || 36||
nandā sandhyā kāmadhātrī mahādevī susāttvikā |
mahāmahiṣadarpaghnī padmamālā'ghahāriṇī || 37||
vicitramukuṭā rāmā kāmadātā prakīrtitā |
pitāmbaradharā divyavibhūṣaṇa vibhūṣitā || 38||
divyākhyā somavadanā jagatsaṃsṛṣṭivarjitā |
niryantrā yantravāhasthā nandinī rudrakālikā || 39||
ādityavarṇā kaumārī mayūravaravāhinī |
padmāsanagatā gaurī mahākālī surārcitā || 40||
aditirniyatā raudrī padmagarbhā vivāhanā |
virūpākṣā keśivāhā guhāpuranivāsinī || 41||
mahāphalā'navadyāṅgī kāmarūpā saridvarā |
bhāsvadrūpā muktidātrī praṇatakleśabhañjanā || 42||
kauśikī gominī rātristridaśārivināśinī |
bahurūpā surūpā ca virūpā rūpavarjitā || 43||
bhaktārtiśamanā bhavyā bhavabhāvavināśinī |
sarvajñānaparītāṅgī sarvāsuravimardikā || 44||
pikasvanī sāmagītā bhavāṅkanilayā priyā |
dīkṣā vidyādharī dīptā mahendrāhitapātinī || 45||
sarvadevamayā dakṣā samudrāntaravāsinī |
akalaṅkā nirādhārā nityasiddhā nirāmayā || 46||
kāmadhenubṛhadgarbhā dhīmatī maunanāśinī |
niḥsaṅkalpā nirātaṅkā vinayā vinayapradā || 47||
jvālāmālā sahasrāḍhyā devadevī manomayā |
subhagā suviśuddhā ca vasudevasamudbhavā || 48||
mahendropendrabhaginī bhaktigamyā parāvarā |
jñānajñeyā parātītā vedāntaviṣayā matiḥ || 49||
dakṣiṇā dāhikā dahyā sarvabhūtahṛdisthitā |
yogamāyā vibhāgajñā mahāmohā garīyasī || 50||
sandhyā sarvasamudbhūtā brahmavṛkṣāśriyāditiḥ |
bījāṅkurasamudbhūtā mahāśaktirmahāmatiḥ || 51||
khyātiḥ prajñāvatī sañjñā mahābhogīndraśāyinī |
hīṅkṛtiḥ śaṅkarī śāntirgandharvagaṇasevitā || 52||
vaiśvānarī mahāśūlā devasenā bhavapriyā |
mahārātrī parānandā śacī duḥsvapnanāśinī || 53||
īḍyā jayā jagaddhātrī durvijñeyā surūpiṇī |
guhāmbikā gaṇotpannā mahāpīṭhā marutsutā || 54||
havyavāhā bhavānandā jagadyoniḥ prakīrtitā |
jaganmātā jaganmṛtyurjarātītā ca buddhidā || 55||
siddhidātrī ratnagarbhā ratnagarbhāśrayā parā |
daityahantrī sveṣṭadātrī maṅgalaikasuvigrahā || 56||
puruṣāntargatā caiva samādhisthā tapasvinī |
divisthitā triṇetrā ca sarvendriyamanādhṛtiḥ || 57||
sarvabhūtahṛdisthā ca tathā saṃsāratāriṇī |
vedyā brahmavivedyā ca mahālīlā prakīrtitā || 58||
brāhmaṇibṛhatī brāhmī brahmabhūtā'ghahāriṇī |
hiraṇmayī mahādātrī saṃsāraparivartikā || 59||
sumālinī surūpā ca bhāsvinī dhāriṇī tathā |
unmūlinī sarvasabhā sarvapratyayasākṣiṇī || 60||
susaumyā candravadanā tāṇḍavāsaktamānasā |
sattvaśuddhikarī śuddhā malatrayavināśinī || 61||
jagatttrayī jaganmūrtistrimūrtiramṛtāśrayā |
vimānasthā viśokā ca śokanāśinyanāhatā || 62||
hemakuṇḍalinī kālī padmavāsā sanātanī |
sadākīrtiḥ sarvabhūtaśayā devī satāmpriyā || 63||
brahmamūrtikalā caiva kṛttikā kañjamālinī |
vyomakeśā kriyāśaktiricchāśaktiḥ parāgatiḥ || 64||
kṣobhikā khaṇḍikābhedyā bhedābhedavivarjitā |
abhinnā bhinnasaṃsthānā vaśinī vaṃśadhāriṇī || 65||
guhyaśaktirguhyatattvā sarvadā sarvatomukhī |
bhaginī ca nirādhārā nirāhārā prakīrtitā || 66||
niraṅkuśapadodbhūtā cakrahastā viśodhikā |
sragviṇī padmasambhedakāriṇī parikīrtitā || 67||
parāvaravidhānajñā mahāpuruṣapūrvajā |
parāvarajñā vidyā ca vidyujjihvā jitāśrayā || 68||
vidyāmayī sahasrākṣī sahasravadanātmajā |
sahasraraśmiḥsatvasthā maheśvarapadāśrayā || 69||
jvālinī sanmayā vyāptā cinmayā padmabhedikā |
mahāśrayā mahāmantrā mahādevamanoramā || 70||
vyomalakṣmīḥ siṃharathā cekitānā'mitaprabhā |
viśveśvarī bhagavatī sakalā kālahāriṇī || 71||
sarvavedyā sarvabhadrā guhyā dūḍhā guhāraṇī |
pralayā yogadhātrī ca gaṅgā viśveśvarī tathā || 72||
kāmadā kanakā kāntā kañjagarbhaprabhā tathā |
puṇyadā kālakeśā ca bhokttrī puṣkariṇī tathā || 73||
sureśvarī bhūtidātrī bhūtibhūṣā prakīrtitā |
pañcabrahmasamutpannā paramārthā'rthavigrahā || 74||
varṇodayā bhānumūrtirvāgvijñeyā manojavā |
manoharā mahoraskā tāmasī vedarūpiṇī || 75||
vedaśaktirvedamātā vedavidyāprakāśinī |
yogeśvareśvarī māyā mahāśaktirmahāmayī || 76||
viśvāntaḥsthā viyanmūrtirbhārgavī surasundarī |
surabhirnandinī vidyā nandagopatanūdbhavā || 77||
bhāratī paramānandā parāvaravibhedikā |
sarvapraharaṇopetā kāmyā kāmeśvareśvarī || 78||
anantānandavibhavā hṛllekhā kanakaprabhā |
kūṣmāṇḍā dhanaratnāḍhyā sugandhā gandhadāyinī || 79||
trivikramapadodbhūtā caturāsyā śivodayā |
sudurlabhā dhanādhyakṣā dhanyā piṅgalalocanā || 80||
śāntā prabhāsvarūpā ca paṅkajāyatalocanā |
indrākṣī hṛdayāntaḥsthā śivā mātā ca satkriyā || 81||
girijā ca sugūḍhā ca nityapuṣṭā nirantarā |
durgā kātyāyanī caṇḍī candrikā kāntavigrahā || 82||
hiraṇyavarṇā jagatī jagadyantrapravartikā |
mandarādrinivāsā ca śāradā svarṇamālinī || 83||
ratnamālā ratnagarbhā vyuṣṭirviśvapramāthinī |
padmānandā padmanibhā nityapuṣṭā kṛtodbhavā || 84||
nārāyaṇī duṣṭaśikṣā sūryamātā vṛṣapriyā |
mahendrabhaginī satyā satyabhāṣā sukomalā || 85||
vāmā ca pañcatapasāṃ varadātrī prakīrtitā |
vācyavarṇeśvarī vidyā durjayā duratikramā || 86||
kālarātrirmahāvegā vīrabhadrapriyā hitā |
bhadrakālī jaganmātā bhaktānāṃ bhadradāyinī || 87||
karālā piṅgalākārā kāmabhettrī mahāmanāḥ |
yaśasvinī yaśodā ca ṣaḍadhvaparivartikā || 88||
śaṅkhinī padminī saṅkhyā sāṅkhyayogapravartikā |
caitrādirvatsarārūḍhā jagatsampūraṇīndrajā || 89||
śumbhaghnī khecarārādhyā kambugrīvā balīḍitā |
khagārūḍhā mahaiśvaryā supadmanilayā tathā || 90||
viraktā garuḍasthā ca jagatīhṛdguhāśrayā |
śumbhādimathanā bhaktahṛdgahvaranivāsinī || 91||
jagatttrayāraṇī siddhasaṅkalpā kāmadā tathā |
sarvavijñānadātrī cānalpakalmaṣahāriṇī || 92||
sakalopaniṣadgamyā duṣṭaduṣprekṣyasattamā |
sadvṛtā lokasaṃvyāptā tuṣṭiḥ puṣṭiḥ kriyāvatī || 93||
viśvāmareśvarī caiva bhuktimuktipradāyinī |
śivādhṛtā lohitākṣī sarpamālāvibhūṣaṇā || 94||
nirānandā triśūlāsidhanurbāṇādidhāriṇī |
aśeṣadhyeyamūrtiśca devatānāṃ ca devatā || 95||
varāmbikā gireḥ putrī niśumbhavinipātinī |
suvarṇā svarṇalasitā'nantavarṇā sadādhṛtā || 96||
śāṅkarī śāntahṛdayā ahorātravidhāyikā |
viśvagoptrī gūḍharūpā guṇapūrṇā ca gārgyajā || 97||
gaurī śākambharī satyasandhā sandhyātrayīdhṛtā |
sarvapāpavinirmuktā sarvabandhavivarjitā || 98||
sāṅkhyayogasamākhyātā aprameyā munīḍitā |
viśuddhasukulodbhūtā bindunādasamādṛtā || 99||
śambhuvāmāṅkagā caiva śaśitulyanibhānanā |
vanamālāvirājantī anantaśayanādṛtā || 100||
naranārāyaṇodbhūtā nārasiṃhī prakīrtitā |
daityapramāthinī śaṅkhacakrapadmagadādharā || 101||
saṅkarṣaṇasamutpannā ambikā sajjanāśrayā |
suvṛtā sundarī caiva dharmakāmārthadāyinī || 102||
mokṣadā bhaktinilayā purāṇapuruṣādṛtā |
mahāvibhūtidā''rādhyā sarojanilayā'samā || 103||
aṣṭādaśabhujā'nādirnīlotpaladalākṣiṇī |
sarvaśaktisamārūḍhā dharmādharmavivarjitā || 104||
vairāgyajñānaniratā nirālokā nirindriyā |
vicitragahanādhārā śāśvatasthānavāsinī || 105||
jñāneśvarī pītacelā vedavedāṅgapāragā |
manasvinī manyumātā mahāmanyusamudbhavā || 106||
amanyuramṛtāsvādā purandarapariṣṭutā |
aśocyā bhinnaviṣayā hiraṇyarajatapriyā || 107||
hiraṇyajananī bhīmā hemābharaṇabhūṣitā |
vibhrājamānā durjñeyā jyotiṣṭomaphalapradā || 108||
mahānidrāsamutpattiranidrā satyadevatā |
dīrghā kakudminī piṅgajaṭādhārā manojñadhīḥ || 109||
mahāśrayā ramotpannā tamaḥpāre pratiṣṭhitā |
tritattvamātā trividhā susūkṣmā padmasaṃśrayā || 110||
śāntyatītakalā'tītavikārā śvetacelikā |
citramāyā śivajñānasvarūpā daityamāthinī || 111||
kāśyapī kālasarpābhaveṇikā śāstrayonikā |
trayīmūrtiḥ kriyāmūrtiścaturvargā ca darśinī || 112||
nārāyaṇī narotpannā kaumudī kāntidhāriṇī |
kauśikī lalitā līlā parāvaravibhāvinī || 113||
vareṇyā'dbhutamahātmyā vaḍavā vāmalocanā |
subhadrā cetanārādhyā śāntidā śāntivardhinī || 114||
jayādiśaktijananī śakticakrapravartikā |
triśaktijananī janyā ṣaṭsūtraparivarṇitā || 115||
sudhautakarmaṇā''rādhyā yugāntadahanātmikā |
saṅkarṣiṇī jagaddhātrī kāmayoniḥ kirīṭinī || 116||
aindrī trailokyanamitā vaiṣṇavī parameśvarī |
pradyumnajananī bimbasamoṣṭhī padmalocanā || 117||
madotkaṭā haṃsagatiḥ pracaṇḍā caṇḍavikramā |
vṛṣādhīśā parātmā ca vindhyā parvatavāsinī || 118||
himavanmerunilayā kailāsapuravāsinī |
cāṇūrahantrī nītijñā kāmarūpā trayītanuḥ || 119||
vratasnātā dharmaśīlā siṃhāsananivāsinī |
vīrabhadrādṛtā vīrā mahākālasamudbhavā || 120||
vidyādharārcitā siddhasādhyārādhitapādukā |
śraddhātmikā pāvanī ca mohinī acalātmikā || 121||
mahādbhutā vārijākṣī siṃhavāhanagāminī |
manīṣiṇī sudhāvāṇī vīṇāvādanatatparā || 122||
śvetavāhaniṣevyā ca lasanmatirarundhatī |
hiraṇyākṣī tathā caiva mahānandapradāyinī || 123||
vasuprabhā sumālyāptakandharā paṅkajānanā |
parāvarā varārohā sahasranayanārcitā || 124||
śrīrūpā śrīmatī śreṣṭhā śivanāmnī śivapriyā |
śrīpradā śritakalyāṇā śrīdharārdhaśarīriṇī || 125||
śrīkalā'nantadṛṣṭiśca hyakṣudrārātisūdanī |
raktabījanihantrī ca daityasaṅgavimardinī || 126||
siṃhārūḍhā siṃhikāsyā daityaśoṇitapāyinī |
sukīrtisahitācchinnasaṃśayā rasavedinī || 127||
guṇābhirāmā nāgārivāhanā nirjarārcitā |
nityoditā svayañjyotiḥ svarṇakāyā prakīrtitā || 128||
vajradaṇḍāṅkitā caiva tathāmṛtasañjīvinī |
vajracchannā devadevī varavajrasvavigrahā || 129||
māṅgalyā maṅgalātmā ca mālinī mālyadhāriṇī |
gandharvī taruṇī cāndrī khaḍgāyudhadharā tathā || 130||
saudāminī prajānandā tathā proktā bhṛgūdbhavā |
ekānaṅgā ca śāstrārthakuśalā dharmacāriṇī || 131||
dharmasarvasvavāhā ca dharmādharmaviniścayā |
dharmaśaktirdharmamayā dhārmikānāṃ śivapradā || 132||
vidharmā viśvadharmajñā dharmārthāntaravigrahā |
dharmavarṣmā dharmapūrvā dharmapāraṅgatāntarā || 133||
dharmopadeṣṭrī dharmātmā dharmagamyā dharādharā |
kapālinī śākalinī kalākalitavigrahā || 134||
sarvaśaktivimuktā ca karṇikāradharā'kṣarā|
kaṃsaprāṇaharā caiva yugadharmadharā tathā || 135||
yugapravartikā proktā trisandhyā dhyeyavigrahā |
svargāpavargadātrī ca tathā pratyakṣadevatā || 136||
ādityā divyagandhā ca divākaranibhaprabhā |
padmāsanagatā proktā khaḍgabāṇaśarāsanā || 137||
śiṣṭā viśiṣṭā śiṣṭeṣṭā śiṣṭaśreṣṭhaprapūjitā |
śatarūpā śatāvartā vitatā rāsamodinī || 138||
sūryendunetrā pradyumnajananī suṣṭhumāyinī |
sūryāntarasthitā caiva satpratiṣṭhatavigrahā || 139||
nivṛttā procyate jñānapāragā parvatātmajā |
kātyāyanī caṇḍikā ca caṇḍī haimavatī tathā || 140||
dākṣāyaṇī satī caiva bhavānī sarvamaṅgalā |
dhūmralocanahantrī ca caṇḍamuṇḍavināśinī || 141||
yoganidrā yogabhadrā samudratanayā tathā |
devapriyaṅkarī śuddhā bhaktabhaktipravardhinī || 142||
triṇetrā candramukuṭā pramathārcitapādukā |
arjunābhīṣṭadātrī ca pāṇḍavapriyakāriṇī || 143||
kumāralālanāsaktā harabāhūpadhānikā |
vighneśajananī bhaktavighnastomaprahāriṇī || 144||
susmitendumukhī namyā jayāpriyasakhī tathā |
anādinidhanā preṣṭhā citramālyānulepanā || 145||
koṭicandrapratīkāśā kūṭajālapramāthinī |
kṛtyāprahāriṇī caiva māraṇoccāṭanī tathā || 146||
surāsurapravandyāṅghrirmohaghnī jñānadāyinī |
ṣaḍvairinigrahakarī vairividrāviṇī tathā || 147||
bhūtasevyā bhūtadātrī bhūtapīḍāvimardikā |
nāradastutacāritrā varadeśā varapradā || 148||
vāmadevastutā caiva kāmadā somaśekharā |
dikpālasevitā bhavyā bhāminī bhāvadāyinī || 149||
strīsaubhāgyapradātrī ca bhogadā roganāśinī |
vyomagā bhūmigā caiva munipūjyapadāmbujā |
vanadurgā ca durbodhā mahādurgā prakīrtitā || 150||
phalaśrutiḥ
itīdaṃ kīrtidaṃ bhadra durgānāmasahasrakam |
trisandhyaṃ yaḥ paṭhennityaṃ tasya lakṣmīḥ sthirā bhavet || 1||
grahabhūtapiśācādipīḍā naśyatyasaṃśayam |
bālagrahādipīḍāyāḥ śāntirbhavati kīrtanāt || 2||
mārikādimahāroge paṭhatāṃ saukhyadaṃ nṛṇām |
vyavahāre ca jayadaṃ śatrubādhānivārakam || 3||
dampatyoḥ kalahe prāpte mithaḥ premābhivardhakam |
āyurārogyadaṃ puṃsāṃ sarvasampatpradāyakam || 4||
vidyābhivardhakaṃ nityaṃ paṭhatāmarthasādhakam |
śubhadaṃ śubhakāryeṣu paṭhatāṃ śṛṇutāmapi || 5||
yaḥ pūjayati durgāṃ tāṃ durgānāmasahasrakaiḥ |
puṣpaiḥ kuṅkumasammiśraiḥ sa tu yatkāṅkṣate hṛdi || 6||
tatsarvaṃ samavāpnoti nāsti nāstyatra saṃśayaḥ |
yanmukhe dhriyate nityaṃ durgānāmasahasrakam || 7||
kiṃ tasyetaramantraughaiḥ kāryaṃ dhanyatamasya hi |
durgānāmasahasrasya pustakaṃ yadgṛhe bhavet || 8||
na tatra grahabhūtādibādhā syānmaṅgalāspade |
tadgṛhaṃ puṇyadaṃ kṣetraṃ devīsānnidhyakārakam || 9||
etasya stotramukhyasya pāṭhakaḥ śreṣṭhamantravit |
devatāyāḥ prasādena sarvapūjyaḥ sukhī bhavet || 10||
ityetannagarājena kīrtitaṃ munisattama |
guhyādguhyataraṃ stotraṃ tvayi snehāt prakīrtitam || 11||
bhaktāya śraddhadhānāya kevalaṃ kīrtyatāmidam |
hṛdi dhāraya nityaṃ tvaṃ devyanugrahasādhakam || 12|| ||
iti śrīskāndapurāṇe skandanāradasaṃvāde durgāsahasranāmastotraṃ sampūrṇam ||
InfoLyter.in — Sacred Vedic Knowledge Portal · Free forever