📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌸𑌿𑌦𑍍𑌧 𑌕𑍁𑌞𑍍𑌜𑌿𑌕𑌾 𑌸𑍍𑌤𑍋𑌤𑍍𑌰𑌮𑍍
Siddha Kunjika Stotram
Stotram Grantha
𑍐 𑌅𑌸𑍍𑌯 𑌶𑍍𑌰𑍀𑌕𑍁𑌞𑍍𑌜𑌿𑌕𑌾𑌸𑍍𑌤𑍋𑌤𑍍𑌰𑌮𑌨𑍍𑌤𑍍𑌰𑌸𑍍𑌯 𑌸𑌦𑌾𑌶𑌿𑌵 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃,
𑌶𑍍𑌰𑍀𑌤𑍍𑌰𑌿𑌗𑍁𑌣𑌾𑌤𑍍𑌮𑌿𑌕𑌾 𑌦𑍇𑌵𑌤𑌾, 𑍐 𑌐𑌂 𑌬𑍀𑌜𑌂, 𑍐 𑌹𑍍𑌰𑍀𑌂 𑌶𑌕𑍍𑌤𑌿𑌃, 𑍐 𑌕𑍍𑌲𑍀𑌂 𑌕𑍀𑌲𑌕𑌮𑍍,
𑌮𑌮 𑌸𑌰𑍍𑌵𑌾𑌭𑍀𑌷𑍍𑌟𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌶𑌿𑌵 𑌉𑌵𑌾𑌚
𑌶𑍃𑌣𑍁 𑌦𑍇𑌵𑌿 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌕𑍁𑌞𑍍𑌜𑌿𑌕𑌾𑌸𑍍𑌤𑍋𑌤𑍍𑌰𑌮𑍁𑌤𑍍𑌤𑌮𑌮𑍍 ।
𑌯𑍇𑌨 𑌮𑌨𑍍𑌤𑍍𑌰𑌪𑍍𑌰𑌭𑌾𑌵𑍇𑌣 𑌚𑌣𑍍𑌡𑍀𑌜𑌾𑌪𑌃 𑌶𑍁𑌭𑍋 𑌭𑌵𑍇𑌤𑍍 ॥ 1 ॥
𑌨 𑌕𑌵𑌚𑌂 𑌨𑌾𑌰𑍍𑌗𑌲𑌾𑌸𑍍𑌤𑍋𑌤𑍍𑌰𑌂 𑌕𑍀𑌲𑌕𑌂 𑌨 𑌰𑌹𑌸𑍍𑌯𑌕𑌮𑍍 ।
𑌨 𑌸𑍂𑌕𑍍𑌤𑌂 𑌨𑌾𑌪𑌿 𑌧𑍍𑌯𑌾𑌨𑌂 𑌚 𑌨 𑌨𑍍𑌯𑌾𑌸𑍋 𑌨 𑌚 𑌵𑌾𑌰𑍍𑌚𑌨𑌮𑍍 ॥ 2 ॥
𑌕𑍁𑌞𑍍𑌜𑌿𑌕𑌾𑌪𑌾𑌠𑌮𑌾𑌤𑍍𑌰𑍇𑌣 𑌦𑍁𑌰𑍍𑌗𑌾𑌪𑌾𑌠𑌫𑌲𑌂 𑌲𑌭𑍇𑌤𑍍 ।
𑌅𑌤𑌿 𑌗𑍁𑌹𑍍𑌯𑌤𑌰𑌂 𑌦𑍇𑌵𑌿 𑌦𑍇𑌵𑌾𑌨𑌾𑌮𑌪𑌿 𑌦𑍁𑌰𑍍𑌲𑌭𑌮𑍍 ॥ 3 ॥
𑌗𑍋𑌪𑌨𑍀𑌯𑌂 𑌪𑍍𑌰𑌯𑌤𑍍𑌨𑍇𑌨 𑌸𑍍𑌵𑌯𑍋𑌨𑌿𑌰𑌿𑌵 𑌪𑌾𑌰𑍍𑌵𑌤𑌿 ।
𑌮𑌾𑌰𑌣𑌂 𑌮𑍋𑌹𑌨𑌂 𑌵𑌶𑍍𑌯𑌂 𑌸𑍍𑌤𑌮𑍍𑌭𑌨𑍋𑌚𑍍𑌚𑌾𑌟𑌨𑌾𑌦𑌿𑌕𑌮𑍍 ।
𑌪𑌾𑌠𑌮𑌾𑌤𑍍𑌰𑍇𑌣 𑌸𑌂𑌸𑌿𑌦𑍍𑌧𑍍𑌯𑍇𑌤𑍍 𑌕𑍁𑌞𑍍𑌜𑌿𑌕𑌾𑌸𑍍𑌤𑍋𑌤𑍍𑌰𑌮𑍁𑌤𑍍𑌤𑌮𑌮𑍍 ॥ 4 ॥
𑌅𑌥 𑌮𑌨𑍍𑌤𑍍𑌰𑌃 ।
𑍐 𑌐𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌚𑌾𑌮𑍁𑌣𑍍𑌡𑌾𑌯𑍈 𑌵𑌿𑌚𑍍𑌚𑍇 ।
𑍐 𑌗𑍍𑌲𑍗𑌂 𑌹𑍁𑌂 𑌕𑍍𑌲𑍀𑌂 𑌜𑍂𑌂 𑌸𑌃 𑌜𑍍𑌵𑌾𑌲𑌯 𑌜𑍍𑌵𑌾𑌲𑌯 𑌜𑍍𑌵𑌲 𑌜𑍍𑌵𑌲 𑌪𑍍𑌰𑌜𑍍𑌵𑌲 𑌪𑍍𑌰𑌜𑍍𑌵𑌲
𑌐𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌚𑌾𑌮𑍁𑌣𑍍𑌡𑌾𑌯𑍈 𑌵𑌿𑌚𑍍𑌚𑍇 𑌜𑍍𑌵𑌲 𑌹𑌂 𑌸𑌂 𑌲𑌂 𑌕𑍍𑌷𑌂 𑌫𑌟𑍍 𑌸𑍍𑌵𑌾𑌹𑌾 ॥ 5 ॥
𑌇𑌤𑌿 𑌮𑌨𑍍𑌤𑍍𑌰𑌃 ।
𑌨𑌮𑌸𑍍𑌤𑍇 𑌰𑍁𑌦𑍍𑌰𑌰𑍂𑌪𑌿𑌣𑍍𑌯𑍈 𑌨𑌮𑌸𑍍𑌤𑍇 𑌮𑌧𑍁𑌮𑌰𑍍𑌦𑌿𑌨𑌿 ।
𑌨𑌮𑌃 𑌕𑍈𑌟𑌭𑌹𑌾𑌰𑌿𑌣𑍍𑌯𑍈 𑌨𑌮𑌸𑍍𑌤𑍇 𑌮𑌹𑌿𑌷𑌾𑌰𑍍𑌦𑌿𑌨𑌿 ॥ 6 ॥
𑌨𑌮𑌸𑍍𑌤𑍇 𑌶𑍁𑌮𑍍𑌭𑌹𑌨𑍍𑌤𑍍𑌰𑍍𑌯𑍈 𑌚 𑌨𑌿𑌶𑍁𑌮𑍍𑌭𑌾𑌸𑍁𑌰𑌘𑌾𑌤𑌿𑌨𑌿 ।
𑌜𑌾𑌗𑍍𑌰𑌤𑌂 𑌹𑌿 𑌮𑌹𑌾𑌦𑍇𑌵𑌿 𑌜𑌪𑌂 𑌸𑌿𑌦𑍍𑌧𑌂 𑌕𑍁𑌰𑍁𑌷𑍍𑌵 𑌮𑍇 ॥ 7 ॥
𑌐𑌙𑍍𑌕𑌾𑌰𑍀 𑌸𑍃𑌷𑍍𑌟𑌿𑌰𑍂𑌪𑌾𑌯𑍈 𑌹𑍍𑌰𑍀𑌙𑍍𑌕𑌾𑌰𑍀 𑌪𑍍𑌰𑌤𑌿𑌪𑌾𑌲𑌿𑌕𑌾 ।
𑌕𑍍𑌲𑍀𑌙𑍍𑌕𑌾𑌰𑍀 𑌕𑌾𑌮𑌰𑍂𑌪𑌿𑌣𑍍𑌯𑍈 𑌬𑍀𑌜𑌰𑍂𑌪𑍇 𑌨𑌮𑍋𑌽𑌸𑍍𑌤𑍁 𑌤𑍇 ॥ 8 ॥
𑌚𑌾𑌮𑍁𑌣𑍍𑌡𑌾 𑌚𑌣𑍍𑌡𑌘𑌾𑌤𑍀 𑌚 𑌯𑍈𑌕𑌾𑌰𑍀 𑌵𑌰𑌦𑌾𑌯𑌿𑌨𑍀 ।
𑌵𑌿𑌚𑍍𑌚𑍇 𑌚𑌾𑌭𑌯𑌦𑌾 𑌨𑌿𑌤𑍍𑌯𑌂 𑌨𑌮𑌸𑍍𑌤𑍇 𑌮𑌨𑍍𑌤𑍍𑌰𑌰𑍂𑌪𑌿𑌣𑌿 ॥ 9 ॥
𑌧𑌾𑌂 𑌧𑍀𑌂 𑌧𑍂𑌂 𑌧𑍂𑌰𑍍𑌜𑌟𑍇𑌃 𑌪𑌤𑍍𑌨𑍀 𑌵𑌾𑌂 𑌵𑍀𑌂 𑌵𑍂𑌂 𑌵𑌾𑌗𑌧𑍀𑌶𑍍𑌵𑌰𑍀 ।
𑌕𑍍𑌰𑌾𑌂 𑌕𑍍𑌰𑍀𑌂 𑌕𑍍𑌰𑍂𑌂 𑌕𑌾𑌲𑌿𑌕𑌾 𑌦𑍇𑌵𑌿 𑌶𑌾𑌂 𑌶𑍀𑌂 𑌶𑍂𑌂 𑌮𑍇 𑌶𑍁𑌭𑌂 𑌕𑍁𑌰𑍁 ॥ 10 ॥
𑌹𑍁𑌂 𑌹𑍁𑌂 𑌹𑍁𑌙𑍍𑌕𑌾𑌰𑌰𑍂𑌪𑌿𑌣𑍍𑌯𑍈 𑌜𑌂 𑌜𑌂 𑌜𑌂 𑌜𑌮𑍍𑌭𑌨𑌾𑌦𑌿𑌨𑍀 ।
𑌭𑍍𑌰𑌾𑌂 𑌭𑍍𑌰𑍀𑌂 𑌭𑍍𑌰𑍂𑌂 𑌭𑍈𑌰𑌵𑍀 𑌭𑌦𑍍𑌰𑍇 𑌭𑌵𑌾𑌨𑍍𑌯𑍈 𑌤𑍇 𑌨𑌮𑍋 𑌨𑌮𑌃 ॥ 11 ॥
𑌅𑌂 𑌕𑌂 𑌚𑌂 𑌟𑌂 𑌤𑌂 𑌪𑌂 𑌯𑌂 𑌶𑌂 𑌵𑍀𑌂 𑌦𑍁𑌂 𑌐𑌂 𑌵𑍀𑌂 𑌹𑌂 𑌕𑍍𑌷𑌮𑍍 ।
𑌧𑌿𑌜𑌾𑌗𑍍𑌰𑌂 𑌧𑌿𑌜𑌾𑌗𑍍𑌰𑌂 𑌤𑍍𑌰𑍋𑌟𑌯 𑌤𑍍𑌰𑍋𑌟𑌯 𑌦𑍀𑌪𑍍𑌤𑌂 𑌕𑍁𑌰𑍁 𑌕𑍁𑌰𑍁 𑌸𑍍𑌵𑌾𑌹𑌾 ॥ 12 ॥
𑌪𑌾𑌂 𑌪𑍀𑌂 𑌪𑍂𑌂 𑌪𑌾𑌰𑍍𑌵𑌤𑍀 𑌪𑍂𑌰𑍍𑌣𑌾 𑌖𑌾𑌂 𑌖𑍀𑌂 𑌖𑍂𑌂 𑌖𑍇𑌚𑌰𑍀 𑌤𑌥𑌾 ।
𑌸𑌾𑌂 𑌸𑍀𑌂 𑌸𑍂𑌂 𑌸𑌪𑍍𑌤𑌶𑌤𑍀 𑌦𑍇𑌵𑍍𑌯𑌾 𑌮𑌨𑍍𑌤𑍍𑌰𑌸𑌿𑌦𑍍𑌧𑌿𑌂 𑌕𑍁𑌰𑍁𑌷𑍍𑌵 𑌮𑍇 ॥ 13 ॥
𑌕𑍁𑌞𑍍𑌜𑌿𑌕𑌾𑌯𑍈 𑌨𑌮𑍋 𑌨𑌮𑌃 ।
𑌇𑌦𑌂 𑌤𑍁 𑌕𑍁𑌞𑍍𑌜𑌿𑌕𑌾𑌸𑍍𑌤𑍋𑌤𑍍𑌰𑌂 𑌮𑌨𑍍𑌤𑍍𑌰𑌜𑌾𑌗𑌰𑍍𑌤𑌿𑌹𑍇𑌤𑌵𑍇 ।
𑌅𑌭𑌕𑍍𑌤𑍇 𑌨𑍈𑌵 𑌦𑌾𑌤𑌵𑍍𑌯𑌂 𑌗𑍋𑌪𑌿𑌤𑌂 𑌰𑌕𑍍𑌷 𑌪𑌾𑌰𑍍𑌵𑌤𑌿 ॥ 14 ॥
𑌯𑌸𑍍𑌤𑍁 𑌕𑍁𑌞𑍍𑌜𑌿𑌕𑌯𑌾 𑌦𑍇𑌵𑌿 𑌹𑍀𑌨𑌾𑌂 𑌸𑌪𑍍𑌤𑌶𑌤𑍀𑌂 𑌪𑌠𑍇𑌤𑍍 ।
𑌨 𑌤𑌸𑍍𑌯 𑌜𑌾𑌯𑌤𑍇 𑌸𑌿𑌦𑍍𑌧𑌿𑌰𑌰𑌣𑍍𑌯𑍇 𑌰𑍋𑌦𑌨𑌂 𑌯𑌥𑌾 ॥ 15 ॥
𑌇𑌤𑌿 𑌶𑍍𑌰𑍀𑌰𑍁𑌦𑍍𑌰𑌯𑌾𑌮𑌲𑍇 𑌗𑍗𑌰𑍀𑌤𑌨𑍍𑌤𑍍𑌰𑍇 𑌶𑌿𑌵𑌪𑌾𑌰𑍍𑌵𑌤𑍀𑌸𑌂𑌵𑌾𑌦𑍇 𑌕𑍁𑌞𑍍𑌜𑌿𑌕𑌾𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ।
Roman (IAST) Transliteration
oṃ asya śrīkuñjikāstotramantrasya sadāśiva ṛṣiḥ, anuṣṭup chandaḥ,
śrītriguṇātmikā devatā, oṃ aiṃ bījaṃ, oṃ hrīṃ śaktiḥ, oṃ klīṃ kīlakam,
mama sarvābhīṣṭasiddhyarthe jape viniyogaḥ |
śiva uvāca
śṛṇu devi pravakṣyāmi kuñjikāstotramuttamam |
yena mantraprabhāveṇa caṇḍījāpaḥ śubho bhavet || 1 ||
na kavacaṃ nārgalāstotraṃ kīlakaṃ na rahasyakam |
na sūktaṃ nāpi dhyānaṃ ca na nyāso na ca vārcanam || 2 ||
kuñjikāpāṭhamātreṇa durgāpāṭhaphalaṃ labhet |
ati guhyataraṃ devi devānāmapi durlabham || 3 ||
gopanīyaṃ prayatnena svayoniriva pārvati |
māraṇaṃ mohanaṃ vaśyaṃ stambhanoccāṭanādikam |
pāṭhamātreṇa saṃsiddhyet kuñjikāstotramuttamam || 4 ||
atha mantraḥ |
oṃ aiṃ hrīṃ klīṃ cāmuṇḍāyai vicce |
oṃ glauṃ huṃ klīṃ jūṃ saḥ jvālaya jvālaya jvala jvala prajvala prajvala
aiṃ hrīṃ klīṃ cāmuṇḍāyai vicce jvala haṃ saṃ laṃ kṣaṃ phaṭ svāhā || 5 ||
iti mantraḥ |
namaste rudrarūpiṇyai namaste madhumardini |
namaḥ kaiṭabhahāriṇyai namaste mahiṣārdini || 6 ||
namaste śumbhahantryai ca niśumbhāsuraghātini |
jāgrataṃ hi mahādevi japaṃ siddhaṃ kuruṣva me || 7 ||
aiṅkārī sṛṣṭirūpāyai hrīṅkārī pratipālikā |
klīṅkārī kāmarūpiṇyai bījarūpe namo'stu te || 8 ||
cāmuṇḍā caṇḍaghātī ca yaikārī varadāyinī |
vicce cābhayadā nityaṃ namaste mantrarūpiṇi || 9 ||
dhāṃ dhīṃ dhūṃ dhūrjaṭeḥ patnī vāṃ vīṃ vūṃ vāgadhīśvarī |
krāṃ krīṃ krūṃ kālikā devi śāṃ śīṃ śūṃ me śubhaṃ kuru || 10 ||
huṃ huṃ huṅkārarūpiṇyai jaṃ jaṃ jaṃ jambhanādinī |
bhrāṃ bhrīṃ bhrūṃ bhairavī bhadre bhavānyai te namo namaḥ || 11 ||
aṃ kaṃ caṃ ṭaṃ taṃ paṃ yaṃ śaṃ vīṃ duṃ aiṃ vīṃ haṃ kṣam |
dhijāgraṃ dhijāgraṃ troṭaya troṭaya dīptaṃ kuru kuru svāhā || 12 ||
pāṃ pīṃ pūṃ pārvatī pūrṇā khāṃ khīṃ khūṃ khecarī tathā |
sāṃ sīṃ sūṃ saptaśatī devyā mantrasiddhiṃ kuruṣva me || 13 ||
kuñjikāyai namo namaḥ |
idaṃ tu kuñjikāstotraṃ mantrajāgartihetave |
abhakte naiva dātavyaṃ gopitaṃ rakṣa pārvati || 14 ||
yastu kuñjikayā devi hīnāṃ saptaśatīṃ paṭhet |
na tasya jāyate siddhiraraṇye rodanaṃ yathā || 15 ||
iti śrīrudrayāmale gaurītantre śivapārvatīsaṃvāde kuñjikāstotraṃ sampūrṇam |
InfoLyter.in — Sacred Vedic Knowledge Portal · Free forever