📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑌿𑌵 𑌸𑍁𑌵𑌰𑍍𑌣𑌮𑌾𑌲𑌾 𑌸𑍍𑌤𑍁𑌤𑌿
Shiva Suvarnamala Stuti
Shiva Adi Shankaracharya Grantha
𑌅𑌥 𑌕𑌥𑌮𑌪𑌿 𑌮𑌦𑍍𑌰𑌾𑌸𑌨𑌾𑌂 𑌤𑍍𑌵𑌦𑍍𑌗𑍁𑌣𑌲𑍇𑌶𑍈𑌰𑍍𑌵𑌿𑌶𑍋𑌧𑌯𑌾𑌮𑌿 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 1 ॥
𑌆𑌖𑌣𑍍𑌡𑌲𑌮𑌦𑌖𑌣𑍍𑌡𑌨𑌪𑌣𑍍𑌡𑌿𑌤 𑌤𑌣𑍍𑌡𑍁𑌪𑍍𑌰𑌿𑌯 𑌚𑌣𑍍𑌡𑍀𑌶 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 2 ॥
𑌇𑌭𑌚𑌰𑍍𑌮𑌾𑌮𑍍𑌬𑌰 𑌶𑌮𑍍𑌬𑌰𑌰𑌿𑌪𑍁𑌵𑌪𑍁𑌰𑌪𑌹𑌰𑌣𑍋𑌜𑍍𑌜𑍍𑌵𑌲𑌨𑌯𑌨 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 3 ॥
𑌈𑌶 𑌗𑌿𑌰𑍀𑌶 𑌨𑌰𑍇𑌶 𑌪𑌰𑍇𑌶 𑌮𑌹𑍇𑌶 𑌬𑌿𑌲𑍇𑌶𑌯𑌭𑍂𑌷𑌣 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 4 ॥
𑌉𑌮𑌯𑌾 𑌦𑌿𑌵𑍍𑌯𑌸𑍁𑌮𑌙𑍍𑌗𑌲𑌵𑌿𑌗𑍍𑌰𑌹𑌯𑌾𑌲𑌿𑌙𑍍𑌗𑌿𑌤𑌵𑌾𑌮𑌾𑌙𑍍𑌗 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 5 ॥
𑌊𑌰𑍀𑌕𑍁𑌰𑍁 𑌮𑌾𑌮𑌜𑍍𑌞𑌮𑌨𑌾𑌥𑌂 𑌦𑍂𑌰𑍀𑌕𑍁𑌰𑍁 𑌮𑍇 𑌦𑍁𑌰𑌿𑌤𑌂 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 6 ॥
𑌋𑌷𑌿𑌵𑌰𑌮𑌾𑌨𑌸𑌹𑌂𑌸 𑌚𑌰𑌾𑌚𑌰𑌜𑌨𑌨𑌸𑍍𑌥𑌿𑌤𑌿𑌲𑌯𑌕𑌾𑌰𑌣 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 7 ॥
𑍠𑌕𑍍𑌷𑌾𑌧𑍀𑌶𑌕𑌿𑌰𑍀𑌟 𑌮𑌹𑍋𑌕𑍍𑌷𑌾𑌰𑍂𑌢 𑌵𑌿𑌧𑍃𑌤𑌰𑍁𑌦𑍍𑌰𑌾𑌕𑍍𑌷 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 8 ॥
𑌲𑍁𑌵𑌰𑍍𑌣𑌦𑍍𑌵𑌨𑍍𑌦𑍍𑌵𑌮𑌵𑍃𑌨𑍍𑌤𑌸𑍁𑌕𑍁𑌸𑍁𑌮𑌮𑌿𑌵𑌾𑌙𑍍𑌘𑍍𑌰𑍗 𑌤𑌵𑌾𑌰𑍍𑌪𑌯𑌾𑌮𑌿 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 9 ॥
𑌏𑌕𑌂 𑌸𑌦𑌿𑌤𑌿 𑌶𑍍𑌰𑍁𑌤𑍍𑌯𑌾 𑌤𑍍𑌵𑌮𑍇𑌵 𑌸𑌦𑌸𑍀𑌤𑍍𑌯𑍁𑌪𑌾𑌸𑍍𑌮𑌹𑍇 𑌮𑍃𑌡 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 10 ॥
𑌐𑌕𑍍𑌯𑌂 𑌨𑌿𑌜𑌭𑌕𑍍𑌤𑍇𑌭𑍍𑌯𑍋 𑌵𑌿𑌤𑌰𑌸𑌿 𑌵𑌿𑌶𑍍𑌵𑌮𑍍𑌭𑌰𑍋𑌽𑌤𑍍𑌰 𑌸𑌾𑌕𑍍𑌷𑍀 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 11 ॥
𑌓𑌮𑌿𑌤𑌿 𑌤𑌵 𑌨𑌿𑌰𑍍𑌦𑍇𑌷𑍍𑌟𑍍𑌰𑍀 𑌮𑌾𑌯𑌾𑌸𑍍𑌮𑌾𑌕𑌂 𑌮𑍃𑌡𑍋𑌪𑌕𑌰𑍍𑌤𑍍𑌰𑍀 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 12 ॥
𑌔𑌦𑌾𑌸𑍍𑌯𑌂 𑌸𑍍𑌫𑍁𑌟𑌯𑌤𑌿 𑌵𑌿𑌷𑌯𑍇𑌷𑍁 𑌦𑌿𑌗𑌮𑍍𑌬𑌰𑌤𑌾 𑌚 𑌤𑌵𑍈𑌵 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 13 ॥
𑌅𑌨𑍍𑌤𑌃𑌕𑌰𑌣𑌵𑌿𑌶𑍁𑌦𑍍𑌧𑌿𑌂 𑌭𑌕𑍍𑌤𑌿𑌂 𑌚 𑌤𑍍𑌵𑌯𑌿 𑌸𑌤𑍀𑌂 𑌪𑍍𑌰𑌦𑍇𑌹𑌿 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 14 ॥
𑌅𑌸𑍍𑌤𑍋𑌪𑌾𑌧𑌿𑌸𑌮𑌸𑍍𑌤𑌵𑍍𑌯𑌸𑍍𑌤𑍈 𑌰𑍂𑌪𑍈𑌰𑍍𑌜𑌗𑌨𑍍𑌮𑌯𑍋𑌽𑌸𑌿 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 15 ॥
𑌕𑌰𑍁𑌣𑌾𑌵𑌰𑍁𑌣𑌾𑌲𑌯 𑌮𑌯𑌿 𑌦𑌾𑌸 𑌉𑌦𑌾𑌸𑌸𑍍𑌤𑌵𑍋𑌚𑌿𑌤𑍋 𑌨 𑌹𑌿 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 16 ॥
𑌖𑌲𑌸𑌹𑌵𑌾𑌸𑌂 𑌵𑌿𑌘𑌟𑌯 𑌘𑌟𑌯 𑌸𑌤𑌾𑌮𑍇𑌵 𑌸𑌙𑍍𑌗𑌮𑌨𑌿𑌶𑌂 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 17 ॥
𑌗𑌰𑌲𑌂 𑌜𑌗𑌦𑍁𑌪𑌕𑍃𑌤𑌯𑍇 𑌗𑌿𑌲𑌿𑌤𑌂 𑌭𑌵𑌤𑌾 𑌸𑌮𑍋𑌽𑌸𑍍𑌤𑌿 𑌕𑍋𑌽𑌤𑍍𑌰 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 18 ॥
𑌘𑌨𑌸𑌾𑌰𑌗𑍗𑌰𑌗𑌾𑌤𑍍𑌰 𑌪𑍍𑌰𑌚𑍁𑌰𑌜𑌟𑌾𑌜𑍂𑌟𑌬𑌦𑍍𑌧𑌗𑌙𑍍𑌗 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 19 ॥
𑌜𑍍𑌞𑌪𑍍𑌤𑌿𑌃 𑌸𑌰𑍍𑌵𑌶𑌰𑍀𑌰𑍇𑌷𑍍𑌵𑌖𑌣𑍍𑌡𑌿𑌤𑌾 𑌯𑌾 𑌵𑌿𑌭𑌾𑌤𑌿 𑌸𑌾 𑌤𑍍𑌵𑌂 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 20 ॥
𑌚𑌪𑌲𑌂 𑌮𑌮 𑌹𑍃𑌦𑌯𑌕𑌪𑌿𑌂 𑌵𑌿𑌷𑌯𑌦𑍍𑌰𑍁𑌚𑌰𑌂 𑌦𑍃𑌢𑌂 𑌬𑌧𑌾𑌨 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 21 ॥
𑌛𑌾𑌯𑌾 𑌸𑍍𑌥𑌾𑌣𑍋𑌰𑌪𑌿 𑌤𑌵 𑌤𑌾𑌪𑌂 𑌨𑌮𑌤𑌾𑌂 𑌹𑌰𑌤𑍍𑌯𑌹𑍋 𑌶𑌿𑌵 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 22 ॥
𑌜𑌯 𑌕𑍈𑌲𑌾𑌸𑌨𑌿𑌵𑌾𑌸 𑌪𑍍𑌰𑌮𑌥𑌗𑌣𑌾𑌧𑍀𑌶 𑌭𑍂𑌸𑍁𑌰𑌾𑌰𑍍𑌚𑌿𑌤 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 23 ॥
𑌝𑌣𑍁𑌤𑌕𑌝𑌙𑍍𑌕𑌿𑌣𑍁𑌝𑌣𑍁𑌤𑌤𑍍𑌕𑌿𑌟𑌤𑌕-𑌶𑌬𑍍𑌦𑍈𑌰𑍍𑌨𑌟𑌸𑌿 𑌮𑌹𑌾𑌨𑌟 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 24 ॥
𑌜𑍍𑌞𑌾𑌨𑌂 𑌵𑌿𑌕𑍍𑌷𑍇𑌪𑌾𑌵𑍃𑌤𑌿𑌰𑌹𑌿𑌤𑌂 𑌕𑍁𑌰𑍁 𑌮𑍇 𑌗𑍁𑌰𑍁𑌸𑍍𑌤𑍍𑌵𑌮𑍇𑌵 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 25 ॥
𑌟𑌙𑍍𑌕𑌾𑌰𑌸𑍍𑌤𑌵 𑌧𑌨𑍁𑌷𑍋 𑌦𑌲𑌯𑌤𑌿 𑌹𑍃𑌦𑌯𑌂 𑌦𑍍𑌵𑌿𑌷𑌾𑌮𑌶𑌨𑌿𑌰𑌿𑌵 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 26 ॥
𑌠𑌾𑌕𑍃𑌤𑌿𑌰𑌿𑌵 𑌤𑌵 𑌮𑌾𑌯𑌾 𑌬𑌹𑌿𑌰𑌨𑍍𑌤𑌃 𑌶𑍂𑌨𑍍𑌯𑌰𑍂𑌪𑌿𑌣𑍀 𑌖𑌲𑍁 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 27 ॥
𑌡𑌮𑍍𑌬𑌰𑌮𑌮𑍍𑌬𑍁𑌰𑍁𑌹𑌾𑌮𑌪𑌿 𑌦𑌲𑌯𑌤𑍍𑌯𑌨𑌘𑌂 𑌤𑍍𑌵𑌦𑌙𑍍𑌘𑍍𑌰𑌿𑌯𑍁𑌗𑌲𑌂 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 28 ॥
𑌢𑌕𑍍𑌕𑌾𑌕𑍍𑌷𑌸𑍂𑌤𑍍𑌰𑌶𑍂𑌲𑌦𑍍𑌰𑍁𑌹𑌿𑌣𑌕𑌰𑍋𑌟𑍀𑌸𑌮𑍁𑌲𑍍𑌲𑌸𑌤𑍍𑌕𑌰 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 29 ॥
𑌣𑌾𑌕𑌾𑌰𑌗𑌰𑍍𑌭𑌿𑌣𑍀 𑌚𑍇𑌚𑍍𑌛𑍁𑌭𑌦𑌾 𑌤𑍇 𑌶𑌰𑌗𑌤𑌿𑌰𑍍𑌨𑍃𑌣𑌾𑌮𑌿𑌹 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 30 ॥
𑌤𑌵 𑌮𑌨𑍍𑌵𑌤𑌿𑌸𑌞𑍍𑌜𑌪𑌤𑌃 𑌸𑌦𑍍𑌯𑌸𑍍𑌤𑌰𑌤𑌿 𑌨𑌰𑍋 𑌹𑌿 𑌭𑌵𑌾𑌬𑍍𑌧𑌿𑌂 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 31 ॥
𑌥𑍂𑌤𑍍𑌕𑌾𑌰𑌸𑍍𑌤𑌸𑍍𑌯 𑌮𑍁𑌖𑍇 𑌭𑍂𑌯𑌾𑌤𑍍𑌤𑍇 𑌨𑌾𑌮 𑌨𑌾𑌸𑍍𑌤𑌿 𑌯𑌸𑍍𑌯 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 32 ॥
𑌦𑌯𑌨𑍀𑌯𑌶𑍍𑌚 𑌦𑌯𑌾𑌲𑍁𑌃 𑌕𑍋𑌽𑌸𑍍𑌤𑌿 𑌮𑌦𑌨𑍍𑌯𑌸𑍍𑌤𑍍𑌵𑌦𑌨𑍍𑌯 𑌇𑌹 𑌵𑌦 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 33 ॥
𑌧𑌰𑍍𑌮𑌸𑍍𑌥𑌾𑌪𑌨𑌦𑌕𑍍𑌷 𑌤𑍍𑌰𑍍𑌯𑌕𑍍𑌷 𑌗𑍁𑌰𑍋 𑌦𑌕𑍍𑌷𑌯𑌜𑍍𑌞𑌶𑌿𑌕𑍍𑌷𑌕 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 34 ॥
𑌨𑌨𑍁 𑌤𑌾𑌡𑌿𑌤𑍋𑌽𑌸𑌿 𑌧𑌨𑍁𑌷𑌾 𑌲𑍁𑌬𑍍𑌧𑌧𑌿𑌯𑌾 𑌤𑍍𑌵𑌂 𑌪𑍁𑌰𑌾 𑌨𑌰𑍇𑌣 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 35 ॥
𑌪𑌰𑌿𑌮𑌾𑌤𑍁𑌂 𑌤𑌵 𑌮𑍂𑌰𑍍𑌤𑌿𑌂 𑌨𑌾𑌲𑌮𑌜𑌸𑍍𑌤𑌤𑍍𑌪𑌰𑌾𑌤𑍍𑌪𑌰𑍋𑌽𑌸𑌿 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 36 ॥
𑌫𑌲𑌮𑌿𑌹 𑌨𑍃𑌤𑌯𑌾 𑌜𑌨𑍁𑌷𑌸𑍍𑌤𑍍𑌵𑌤𑍍𑌪𑌦𑌸𑍇𑌵𑌾 𑌸𑌨𑌾𑌤𑌨𑍇𑌶 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 37 ॥
𑌬𑌲𑌮𑌾𑌰𑍋𑌗𑍍𑌯𑌂 𑌚𑌾𑌯𑍁𑌸𑍍𑌤𑍍𑌵𑌦𑍍𑌗𑍁𑌣𑌰𑍁𑌚𑌿𑌤𑌾𑌂 𑌚𑌿𑌰𑌂 𑌪𑍍𑌰𑌦𑍇𑌹𑌿 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 38 ॥
𑌭𑌗𑌵𑌨𑍍𑌭𑌰𑍍𑌗 𑌭𑌯𑌾𑌪𑌹 𑌭𑍂𑌤𑌪𑌤𑍇 𑌭𑍂𑌤𑌿𑌭𑍂𑌷𑌿𑌤𑌾𑌙𑍍𑌗 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 39 ॥
𑌮𑌹𑌿𑌮𑌾 𑌤𑌵 𑌨 𑌹𑌿 𑌮𑌾𑌤𑌿 𑌶𑍍𑌰𑍁𑌤𑌿𑌷𑍁 𑌹𑌿𑌮𑌾𑌨𑍀𑌧𑌰𑌾𑌤𑍍𑌮𑌜𑌾𑌧𑌵 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 40 ॥
𑌯𑌮𑌨𑌿𑌯𑌮𑌾𑌦𑌿𑌭𑌿𑌰𑌙𑍍𑌗𑍈𑌰𑍍𑌯𑌮𑌿𑌨𑍋 𑌹𑍃𑌦𑌯𑍇 𑌭𑌜𑌨𑍍𑌤𑌿 𑌸 𑌤𑍍𑌵𑌂 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 41 ॥
𑌰𑌜𑍍𑌜𑌾𑌵𑌹𑌿𑌰𑌿𑌵 𑌶𑍁𑌕𑍍𑌤𑍗 𑌰𑌜𑌤𑌮𑌿𑌵 𑌤𑍍𑌵𑌯𑌿 𑌜𑌗𑌨𑍍𑌤𑌿 𑌭𑌾𑌨𑍍𑌤𑌿 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 42 ॥
𑌲𑌬𑍍𑌧𑍍𑌵𑌾 𑌭𑌵𑌤𑍍𑌪𑍍𑌰𑌸𑌾𑌦𑌾𑌚𑍍𑌚𑌕𑍍𑌰𑌂 𑌵𑌿𑌧𑍁𑌰𑌵𑌤𑌿 𑌲𑍋𑌕𑌮𑌖𑌿𑌲𑌂 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 43 ॥
𑌵𑌸𑍁𑌧𑌾𑌤𑌦𑍍𑌧𑌰𑌤𑌚𑍍𑌛𑌯𑌰𑌥𑌮𑍗𑌰𑍍𑌵𑍀𑌶𑌰 𑌪𑌰𑌾𑌕𑍃𑌤𑌾𑌸𑍁𑌰 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 44 ॥
𑌶𑌰𑍍𑌵 𑌦𑍇𑌵 𑌸𑌰𑍍𑌵𑍋𑌤𑍍𑌤𑌮 𑌸𑌰𑍍𑌵𑌦 𑌦𑍁𑌰𑍍𑌵𑍃𑌤𑍍𑌤𑌗𑌰𑍍𑌵𑌹𑌰𑌣 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 45 ॥
𑌷𑌡𑍍𑌰𑌿𑌪𑍁𑌷𑌡𑍂𑌰𑍍𑌮𑌿𑌷𑌡𑍍𑌵𑌿𑌕𑌾𑌰𑌹𑌰 𑌸𑌨𑍍𑌮𑍁𑌖 𑌷𑌣𑍍𑌮𑍁𑌖𑌜𑌨𑌕 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 46 ॥
𑌸𑌤𑍍𑌯𑌂 𑌜𑍍𑌞𑌾𑌨𑌮𑌨𑌨𑍍𑌤𑌂 𑌬𑍍𑌰𑌹𑍍𑌮𑍇𑌤𑍍𑌯𑍇𑌤𑌲𑍍𑌲𑌕𑍍𑌷𑌣𑌲𑌕𑍍𑌷𑌿𑌤 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 47 ॥
𑌹𑌾𑌹𑌾𑌹𑍂𑌹𑍂𑌮𑍁𑌖𑌸𑍁𑌰𑌗𑌾𑌯𑌕𑌗𑍀𑌤𑌾𑌪𑌦𑌾𑌨𑌪𑌦𑍍𑌯 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 48 ॥
𑌲𑌾𑌦𑌿𑌰𑍍𑌨 𑌹𑌿 𑌪𑍍𑌰𑌯𑍋𑌗𑌸𑍍𑌤𑌦𑌨𑍍𑌤𑌮𑌿𑌹 𑌮𑌙𑍍𑌗𑌲𑌂 𑌸𑌦𑌾𑌸𑍍𑌤𑍁 𑌵𑌿𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 49 ॥
𑌕𑍍𑌷𑌣𑌮𑌿𑌵 𑌦𑌿𑌵𑌸𑌾𑌨𑍍𑌨𑍇𑌷𑍍𑌯𑌤𑌿 𑌤𑍍𑌵𑌤𑍍𑌪𑌦𑌸𑍇𑌵𑌾𑌕𑍍𑌷𑌣𑍋𑌤𑍍𑌸𑍁𑌕𑌃 𑌶𑌿𑌵 𑌭𑍋 ।
𑌸𑌾𑌮𑍍𑌬 𑌸𑌦𑌾𑌶𑌿𑌵 𑌶𑌮𑍍𑌭𑍋 𑌶𑌙𑍍𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 50 ॥
𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌨𑍍𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌭𑌗𑌵𑌤𑌃 𑌕𑍃𑌤𑍗 𑌸𑍁𑌵𑌰𑍍𑌣𑌮𑌾𑌲𑌾 𑌸𑍍𑌤𑍁𑌤𑌿𑌃 𑌸𑌮𑍍𑌪𑍂𑌰𑍍𑌣𑌾 ॥
Roman (IAST) Transliteration
atha kathamapi madrāsanāṃ tvadguṇaleśairviśodhayāmi vibho |
sāmba sadāśiva śambho śaṅkara śaraṇaṃ me tava caraṇayugam || 1 ||
ākhaṇḍalamadakhaṇḍanapaṇḍita taṇḍupriya caṇḍīśa vibho |
sāmba sadāśiva śambho śaṅkara śaraṇaṃ me tava caraṇayugam || 2 ||
ibhacarmāmbara śambararipuvapurapaharaṇojjvalanayana vibho |
sāmba sadāśiva śambho śaṅkara śaraṇaṃ me tava caraṇayugam || 3 ||
īśa girīśa nareśa pareśa maheśa bileśayabhūṣaṇa bho |
sāmba sadāśiva śambho śaṅkara śaraṇaṃ me tava caraṇayugam || 4 ||
umayā divyasumaṅgalavigrahayāliṅgitavāmāṅga vibho |
sāmba sadāśiva śambho śaṅkara śaraṇaṃ me tava caraṇayugam || 5 ||
ūrīkuru māmajñamanāthaṃ dūrīkuru me duritaṃ bho |
sāmba sadāśiva śambho śaṅkara śaraṇaṃ me tava caraṇayugam || 6 ||
ṛṣivaramānasahaṃsa carācarajananasthitilayakāraṇa bho |
sāmba sadāśiva śambho śaṅkara śaraṇaṃ me tava caraṇayugam || 7 ||
ṝkṣādhīśakirīṭa mahokṣārūḍha vidhṛtarudrākṣa vibho |
sāmba sadāśiva śambho śaṅkara śaraṇaṃ me tava caraṇayugam || 8 ||
luvarṇadvandvamavṛntasukusumamivāṅghrau tavārpayāmi vibho |
sāmba sadāśiva śambho śaṅkara śaraṇaṃ me tava caraṇayugam || 9 ||
ekaṃ saditi śrutyā tvameva sadasītyupāsmahe mṛḍa bho |
sāmba sadāśiva śambho śaṅkara śaraṇaṃ me tava caraṇayugam || 10 ||
aikyaṃ nijabhaktebhyo vitarasi viśvambharo'tra sākṣī bho |
sāmba sadāśiva śambho śaṅkara śaraṇaṃ me tava caraṇayugam || 11 ||
omiti tava nirdeṣṭrī māyāsmākaṃ mṛḍopakartrī bho |
sāmba sadāśiva śambho śaṅkara śaraṇaṃ me tava caraṇayugam || 12 ||
audāsyaṃ sphuṭayati viṣayeṣu digambaratā ca tavaiva vibho |
sāmba sadāśiva śambho śaṅkara śaraṇaṃ me tava caraṇayugam || 13 ||
antaḥkaraṇaviśuddhiṃ bhaktiṃ ca tvayi satīṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 14 ||
astopādhisamastavyastai rūpairjaganmayo'si vibho |
sāmba sadāśiva śambho śaṅkara śaraṇaṃ me tava caraṇayugam || 15 ||
karuṇāvaruṇālaya mayi dāsa udāsastavocito na hi bho |
sāmba sadāśiva śambho śaṅkara śaraṇaṃ me tava caraṇayugam || 16 ||
khalasahavāsaṃ vighaṭaya ghaṭaya satāmeva saṅgamaniśaṃ bho |
sāmba sadāśiva śambho śaṅkara śaraṇaṃ me tava caraṇayugam || 17 ||
garalaṃ jagadupakṛtaye gilitaṃ bhavatā samo'sti ko'tra vibho |
sāmba sadāśiva śambho śaṅkara śaraṇaṃ me tava caraṇayugam || 18 ||
ghanasāragauragātra pracurajaṭājūṭabaddhagaṅga vibho |
sāmba sadāśiva śambho śaṅkara śaraṇaṃ me tava caraṇayugam || 19 ||
jñaptiḥ sarvaśarīreṣvakhaṇḍitā yā vibhāti sā tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 20 ||
capalaṃ mama hṛdayakapiṃ viṣayadrucaraṃ dṛḍhaṃ badhāna vibho |
sāmba sadāśiva śambho śaṅkara śaraṇaṃ me tava caraṇayugam || 21 ||
chāyā sthāṇorapi tava tāpaṃ namatāṃ haratyaho śiva bho |
sāmba sadāśiva śambho śaṅkara śaraṇaṃ me tava caraṇayugam || 22 ||
jaya kailāsanivāsa pramathagaṇādhīśa bhūsurārcita bho |
sāmba sadāśiva śambho śaṅkara śaraṇaṃ me tava caraṇayugam || 23 ||
jhaṇutakajhaṅkiṇujhaṇutatkiṭataka-śabdairnaṭasi mahānaṭa bho |
sāmba sadāśiva śambho śaṅkara śaraṇaṃ me tava caraṇayugam || 24 ||
jñānaṃ vikṣepāvṛtirahitaṃ kuru me gurustvameva vibho |
sāmba sadāśiva śambho śaṅkara śaraṇaṃ me tava caraṇayugam || 25 ||
ṭaṅkārastava dhanuṣo dalayati hṛdayaṃ dviṣāmaśaniriva bho |
sāmba sadāśiva śambho śaṅkara śaraṇaṃ me tava caraṇayugam || 26 ||
ṭhākṛtiriva tava māyā bahirantaḥ śūnyarūpiṇī khalu bho |
sāmba sadāśiva śambho śaṅkara śaraṇaṃ me tava caraṇayugam || 27 ||
ḍambaramamburuhāmapi dalayatyanaghaṃ tvadaṅghriyugalaṃ bho |
sāmba sadāśiva śambho śaṅkara śaraṇaṃ me tava caraṇayugam || 28 ||
ḍhakkākṣasūtraśūladruhiṇakaroṭīsamullasatkara bho |
sāmba sadāśiva śambho śaṅkara śaraṇaṃ me tava caraṇayugam || 29 ||
ṇākāragarbhiṇī cecchubhadā te śaragatirnṛṇāmiha bho |
sāmba sadāśiva śambho śaṅkara śaraṇaṃ me tava caraṇayugam || 30 ||
tava manvatisañjapataḥ sadyastarati naro hi bhavābdhiṃ bho |
sāmba sadāśiva śambho śaṅkara śaraṇaṃ me tava caraṇayugam || 31 ||
thūtkārastasya mukhe bhūyātte nāma nāsti yasya vibho |
sāmba sadāśiva śambho śaṅkara śaraṇaṃ me tava caraṇayugam || 32 ||
dayanīyaśca dayāluḥ ko'sti madanyastvadanya iha vada bho |
sāmba sadāśiva śambho śaṅkara śaraṇaṃ me tava caraṇayugam || 33 ||
dharmasthāpanadakṣa tryakṣa guro dakṣayajñaśikṣaka bho |
sāmba sadāśiva śambho śaṅkara śaraṇaṃ me tava caraṇayugam || 34 ||
nanu tāḍito'si dhanuṣā lubdhadhiyā tvaṃ purā nareṇa vibho |
sāmba sadāśiva śambho śaṅkara śaraṇaṃ me tava caraṇayugam || 35 ||
parimātuṃ tava mūrtiṃ nālamajastatparātparo'si vibho |
sāmba sadāśiva śambho śaṅkara śaraṇaṃ me tava caraṇayugam || 36 ||
phalamiha nṛtayā januṣastvatpadasevā sanātaneśa vibho |
sāmba sadāśiva śambho śaṅkara śaraṇaṃ me tava caraṇayugam || 37 ||
balamārogyaṃ cāyustvadguṇarucitāṃ ciraṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 38 ||
bhagavanbharga bhayāpaha bhūtapate bhūtibhūṣitāṅga vibho |
sāmba sadāśiva śambho śaṅkara śaraṇaṃ me tava caraṇayugam || 39 ||
mahimā tava na hi māti śrutiṣu himānīdharātmajādhava bho |
sāmba sadāśiva śambho śaṅkara śaraṇaṃ me tava caraṇayugam || 40 ||
yamaniyamādibhiraṅgairyamino hṛdaye bhajanti sa tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 41 ||
rajjāvahiriva śuktau rajatamiva tvayi jaganti bhānti vibho |
sāmba sadāśiva śambho śaṅkara śaraṇaṃ me tava caraṇayugam || 42 ||
labdhvā bhavatprasādāccakraṃ vidhuravati lokamakhilaṃ bho |
sāmba sadāśiva śambho śaṅkara śaraṇaṃ me tava caraṇayugam || 43 ||
vasudhātaddharatacchayarathamaurvīśara parākṛtāsura bho |
sāmba sadāśiva śambho śaṅkara śaraṇaṃ me tava caraṇayugam || 44 ||
śarva deva sarvottama sarvada durvṛttagarvaharaṇa vibho |
sāmba sadāśiva śambho śaṅkara śaraṇaṃ me tava caraṇayugam || 45 ||
ṣaḍripuṣaḍūrmiṣaḍvikārahara sanmukha ṣaṇmukhajanaka vibho |
sāmba sadāśiva śambho śaṅkara śaraṇaṃ me tava caraṇayugam || 46 ||
satyaṃ jñānamanantaṃ brahmetyetallakṣaṇalakṣita bho |
sāmba sadāśiva śambho śaṅkara śaraṇaṃ me tava caraṇayugam || 47 ||
hāhāhūhūmukhasuragāyakagītāpadānapadya vibho |
sāmba sadāśiva śambho śaṅkara śaraṇaṃ me tava caraṇayugam || 48 ||
lādirna hi prayogastadantamiha maṅgalaṃ sadāstu vibho |
sāmba sadāśiva śambho śaṅkara śaraṇaṃ me tava caraṇayugam || 49 ||
kṣaṇamiva divasānneṣyati tvatpadasevākṣaṇotsukaḥ śiva bho |
sāmba sadāśiva śambho śaṅkara śaraṇaṃ me tava caraṇayugam || 50 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau suvarṇamālā stutiḥ sampūrṇā ||
InfoLyter.in — Sacred Vedic Knowledge Portal · Free forever