📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌸𑌰𑌸𑍍𑌵𑌤𑍀 𑌸𑍍𑌤𑍋𑌤𑍍𑌰𑌮𑍍 (𑌯𑌾𑌜𑍍𑌞𑌵𑌲𑍍𑌕𑍍𑌯 𑌕𑍃𑌤𑌮𑍍)
Sarasvati Stotram (yajnavalkya Kritam)
Saraswati Stotram Yagnavalkya Grantha
𑌨𑌾𑌰𑌾𑌯𑌣 𑌉𑌵𑌾𑌚 ।
𑌵𑌾𑌗𑍍𑌦𑍇𑌵𑌤𑌾𑌯𑌾𑌃 𑌸𑍍𑌤𑌵𑌨𑌂 𑌶𑍍𑌰𑍂𑌯𑌤𑌾𑌂 𑌸𑌰𑍍𑌵𑌕𑌾𑌮𑌦𑌮𑍍 ।
𑌮𑌹𑌾𑌮𑍁𑌨𑌿𑌰𑍍𑌯𑌾𑌜𑍍𑌞𑌵𑌲𑍍𑌕𑍍𑌯𑍋 𑌯𑍇𑌨 𑌤𑍁𑌷𑍍𑌟𑌾𑌵 𑌤𑌾𑌂 𑌪𑍁𑌰𑌾 ॥ 1 ॥
𑌗𑍁𑌰𑍁𑌶𑌾𑌪𑌾𑌚𑍍𑌚 𑌸 𑌮𑍁𑌨𑌿𑌰𑍍𑌹𑌤𑌵𑌿𑌦𑍍𑌯𑍋 𑌬𑌭𑍂𑌵 𑌹 ।
𑌤𑌦𑌾 𑌜𑌗𑌾𑌮 𑌦𑍁𑌃𑌖𑌾𑌰𑍍𑌤𑍋 𑌰𑌵𑌿𑌸𑍍𑌥𑌾𑌨𑌂 𑌚 𑌪𑍁𑌣𑍍𑌯𑌦𑌮𑍍 ॥ 2 ॥
𑌸𑌮𑍍𑌪𑍍𑌰𑌾𑌪𑍍𑌯𑌤𑌪𑌸𑌾 𑌸𑍂𑌰𑍍𑌯𑌂 𑌕𑍋𑌣𑌾𑌰𑍍𑌕𑍇 𑌦𑍃𑌷𑍍𑌟𑌿𑌗𑍋𑌚𑌰𑍇 ।
𑌤𑍁𑌷𑍍𑌟𑌾𑌵 𑌸𑍂𑌰𑍍𑌯𑌂 𑌶𑍋𑌕𑍇𑌨 𑌰𑍁𑌰𑍋𑌦 𑌚 𑌪𑍁𑌨𑌃 𑌪𑍁𑌨𑌃 ॥ 3 ॥
𑌸𑍂𑌰𑍍𑌯𑌸𑍍𑌤𑌂 𑌪𑌾𑌠𑌯𑌾𑌮𑌾𑌸 𑌵𑍇𑌦𑌵𑍇𑌦𑌾𑌙𑍍𑌗𑌮𑍀𑌶𑍍𑌵𑌰𑌃 ।
𑌉𑌵𑌾𑌚 𑌸𑍍𑌤𑍁𑌹𑌿 𑌵𑌾𑌗𑍍𑌦𑍇𑌵𑍀𑌂 𑌭𑌕𑍍𑌤𑍍𑌯𑌾 𑌚 𑌸𑍍𑌮𑍃𑌤𑌿𑌹𑍇𑌤𑌵𑍇 ॥ 4 ॥
𑌤𑌮𑌿𑌤𑍍𑌯𑍁𑌕𑍍𑌤𑍍𑌵𑌾 𑌦𑍀𑌨𑌨𑌾𑌥𑍋 𑌹𑍍𑌯𑌨𑍍𑌤𑌰𑍍𑌧𑌾𑌨𑌂 𑌜𑌗𑌾𑌮 𑌸𑌃 ।
𑌮𑍁𑌨𑌿𑌃 𑌸𑍍𑌨𑌾𑌤𑍍𑌵𑌾 𑌚 𑌤𑍁𑌷𑍍𑌟𑌾𑌵 𑌭𑌕𑍍𑌤𑌿𑌨𑌮𑍍𑌰𑌾𑌤𑍍𑌮𑌕𑌨𑍍𑌧𑌰𑌃 ॥ 5 ॥
𑌯𑌾𑌜𑍍𑌞𑌵𑌲𑍍𑌕𑍍𑌯 𑌉𑌵𑌾𑌚 ।
𑌕𑍃𑌪𑌾𑌂 𑌕𑍁𑌰𑍁 𑌜𑌗𑌨𑍍𑌮𑌾𑌤𑌰𑍍𑌮𑌾𑌮𑍇𑌵𑌂 𑌹𑌤𑌤𑍇𑌜𑌸𑌮𑍍 ।
𑌗𑍁𑌰𑍁𑌶𑌾𑌪𑌾𑌤𑍍𑌸𑍍𑌮𑍃𑌤𑌿𑌭𑍍𑌰𑌷𑍍𑌟𑌂 𑌵𑌿𑌦𑍍𑌯𑌾𑌹𑍀𑌨𑌂 𑌚 𑌦𑍁𑌃𑌖𑌿𑌤𑌮𑍍 ॥ 6 ॥
𑌜𑍍𑌞𑌾𑌨𑌂 𑌦𑍇𑌹𑌿 𑌸𑍍𑌮𑍃𑌤𑌿𑌂 𑌦𑍇𑌹𑌿 𑌵𑌿𑌦𑍍𑌯𑌾𑌂 𑌵𑌿𑌦𑍍𑌯𑌾𑌧𑌿𑌦𑍇𑌵𑌤𑍇 ।
𑌪𑍍𑌰𑌤𑌿𑌷𑍍𑌠𑌾𑌂 𑌕𑌵𑌿𑌤𑌾𑌂 𑌦𑍇𑌹𑌿 𑌶𑌕𑍍𑌤𑌿𑌂 𑌶𑌿𑌷𑍍𑌯𑌪𑍍𑌰𑌬𑍋𑌧𑌿𑌕𑌾𑌮𑍍 ॥ 7 ॥
𑌗𑍍𑌰𑌨𑍍𑌥𑌨𑌿𑌰𑍍𑌮𑌿𑌤𑌿𑌶𑌕𑍍𑌤𑌿𑌂 𑌚 𑌸𑌚𑍍𑌛𑌿𑌷𑍍𑌯𑌂 𑌸𑍁𑌪𑍍𑌰𑌤𑌿𑌷𑍍𑌠𑌿𑌤𑌮𑍍 ।
𑌪𑍍𑌰𑌤𑌿𑌭𑌾𑌂 𑌸𑌤𑍍𑌸𑌭𑌾𑌯𑌾𑌂 𑌚 𑌵𑌿𑌚𑌾𑌰𑌕𑍍𑌷𑌮𑌤𑌾𑌂 𑌶𑍁𑌭𑌾𑌮𑍍 ॥ 8 ॥
𑌲𑍁𑌪𑍍𑌤𑌾𑌂 𑌸𑌰𑍍𑌵𑌾𑌂 𑌦𑍈𑌵𑌵𑌶𑌾𑌨𑍍𑌨𑌵𑌂 𑌕𑍁𑌰𑍁 𑌪𑍁𑌨𑌃 𑌪𑍁𑌨𑌃 ।
𑌯𑌥𑌾𑌙𑍍𑌕𑍁𑌰𑌂 𑌜𑌨𑌯𑌤𑌿 𑌭𑌗𑌵𑌾𑌨𑍍𑌯𑍋𑌗𑌮𑌾𑌯𑌯𑌾 ॥ 9 ॥
𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌾 𑌪𑌰𑌮𑌾 𑌜𑍍𑌯𑍋𑌤𑌿𑌰𑍂𑌪𑌾 𑌸𑌨𑌾𑌤𑌨𑍀 ।
𑌸𑌰𑍍𑌵𑌵𑌿𑌦𑍍𑌯𑌾𑌧𑌿𑌦𑍇𑌵𑍀 𑌯𑌾 𑌤𑌸𑍍𑌯𑍈 𑌵𑌾𑌣𑍍𑌯𑍈 𑌨𑌮𑍋 𑌨𑌮𑌃 ॥ 10 ॥
𑌯𑌯𑌾 𑌵𑌿𑌨𑌾 𑌜𑌗𑌤𑍍𑌸𑌰𑍍𑌵𑌂 𑌶𑌶𑍍𑌵𑌜𑍍𑌜𑍀𑌵𑌨𑍍𑌮𑍃𑌤𑌂 𑌸𑌦𑌾 ।
𑌜𑍍𑌞𑌾𑌨𑌾𑌧𑌿𑌦𑍇𑌵𑍀 𑌯𑌾 𑌤𑌸𑍍𑌯𑍈 𑌸𑌰𑌸𑍍𑌵𑌤𑍍𑌯𑍈 𑌨𑌮𑍋 𑌨𑌮𑌃 ॥ 11 ॥
𑌯𑌯𑌾 𑌵𑌿𑌨𑌾 𑌜𑌗𑌤𑍍𑌸𑌰𑍍𑌵𑌂 𑌮𑍂𑌕𑌮𑍁𑌨𑍍𑌮𑌤𑍍𑌤𑌵𑌤𑍍𑌸𑌦𑌾 ।
𑌵𑌾𑌗𑌧𑌿𑌷𑍍𑌠𑌾𑌤𑍃𑌦𑍇𑌵𑍀 𑌯𑌾 𑌤𑌸𑍍𑌯𑍈 𑌵𑌾𑌣𑍍𑌯𑍈 𑌨𑌮𑍋 𑌨𑌮𑌃 ॥ 12 ॥
𑌹𑌿𑌮𑌚𑌨𑍍𑌦𑌨𑌕𑍁𑌨𑍍𑌦𑍇𑌨𑍍𑌦𑍁𑌕𑍁𑌮𑍁𑌦𑌾𑌮𑍍𑌭𑍋𑌜𑌸𑌨𑍍𑌨𑌿𑌭𑌾 ।
𑌵𑌰𑍍𑌣𑌾𑌧𑌿𑌦𑍇𑌵𑍀 𑌯𑌾 𑌤𑌸𑍍𑌯𑍈 𑌚𑌾𑌕𑍍𑌷𑌰𑌾𑌯𑍈 𑌨𑌮𑍋 𑌨𑌮𑌃 ॥ 13 ॥
𑌵𑌿𑌸𑌰𑍍𑌗 𑌬𑌿𑌨𑍍𑌦𑍁𑌮𑌾𑌤𑍍𑌰𑌾𑌣𑌾𑌂 𑌯𑌦𑌧𑌿𑌷𑍍𑌠𑌾𑌨𑌮𑍇𑌵 𑌚 ।
𑌇𑌤𑍍𑌥𑌂 𑌤𑍍𑌵𑌂 𑌗𑍀𑌯𑌸𑍇 𑌸𑌦𑍍𑌭𑌿𑌰𑍍𑌭𑌾𑌰𑌤𑍍𑌯𑍈 𑌤𑍇 𑌨𑌮𑍋 𑌨𑌮𑌃 ॥ 14 ॥
𑌯𑌯𑌾 𑌵𑌿𑌨𑌾𑌽𑌤𑍍𑌰 𑌸𑌙𑍍𑌖𑍍𑌯𑌾𑌕𑍃𑌤𑍍𑌸𑌙𑍍𑌖𑍍𑌯𑌾𑌂 𑌕𑌰𑍍𑌤𑍁𑌂 𑌨 𑌶𑌕𑍍𑌨𑍁𑌤𑍇 ।
𑌕𑌾𑌲𑌸𑌙𑍍𑌖𑍍𑌯𑌾𑌸𑍍𑌵𑌰𑍂𑌪𑌾 𑌯𑌾 𑌤𑌸𑍍𑌯𑍈 𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 15 ॥
𑌵𑍍𑌯𑌾𑌖𑍍𑌯𑌾𑌸𑍍𑌵𑌰𑍂𑌪𑌾 𑌯𑌾 𑌦𑍇𑌵𑍀 𑌵𑍍𑌯𑌾𑌖𑍍𑌯𑌾𑌧𑌿𑌷𑍍𑌠𑌾𑌤𑍃𑌦𑍇𑌵𑌤𑌾 ।
𑌭𑍍𑌰𑌮𑌸𑌿𑌦𑍍𑌧𑌾𑌨𑍍𑌤𑌰𑍂𑌪𑌾 𑌯𑌾 𑌤𑌸𑍍𑌯𑍈 𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 16 ॥
𑌸𑍍𑌮𑍃𑌤𑌿𑌶𑌕𑍍𑌤𑌿𑌰𑍍𑌜𑍍𑌞𑌾𑌨𑌶𑌕𑍍𑌤𑌿𑌰𑍍𑌬𑍁𑌦𑍍𑌧𑌿𑌶𑌕𑍍𑌤𑌿𑌸𑍍𑌵𑌰𑍂𑌪𑌿𑌣𑍀 ।
𑌪𑍍𑌰𑌤𑌿𑌭𑌾 𑌕𑌲𑍍𑌪𑌨𑌾𑌶𑌕𑍍𑌤𑌿𑌰𑍍𑌯𑌾 𑌚 𑌤𑌸𑍍𑌯𑍈 𑌨𑌮𑍋 𑌨𑌮𑌃 ॥ 17 ॥
𑌸𑌨𑌤𑍍𑌕𑍁𑌮𑌾𑌰𑍋 𑌬𑍍𑌰𑌹𑍍𑌮𑌾𑌣𑌂 𑌜𑍍𑌞𑌾𑌨𑌂 𑌪𑌪𑍍𑌰𑌚𑍍𑌛 𑌯𑌤𑍍𑌰 𑌵𑍈 ।
𑌬𑌭𑍂𑌵 𑌜𑌡𑌵𑌤𑍍𑌸𑍋𑌽𑌪𑌿 𑌸𑌿𑌦𑍍𑌧𑌾𑌨𑍍𑌤𑌂 𑌕𑌰𑍍𑌤𑍁𑌮𑌕𑍍𑌷𑌮𑌃 ॥ 18 ॥
𑌤𑌦𑌾𑌜𑌗𑌾𑌮 𑌭𑌗𑌵𑌾𑌨𑌾𑌤𑍍𑌮𑌾 𑌶𑍍𑌰𑍀𑌕𑍃𑌷𑍍𑌣 𑌈𑌶𑍍𑌵𑌰𑌃 ।
𑌉𑌵𑌾𑌚 𑌸𑌤𑍍𑌤𑌮𑌂 𑌸𑍍𑌤𑍋𑌤𑍍𑌰𑌂 𑌵𑌾𑌣𑍍𑌯𑌾 𑌇𑌤𑌿 𑌵𑌿𑌧𑌿𑌂 𑌤𑌦𑌾 ॥ 19 ॥
𑌸 𑌚 𑌤𑍁𑌷𑍍𑌟𑌾𑌵 𑌤𑌾𑌂 𑌬𑍍𑌰𑌹𑍍𑌮𑌾 𑌚𑌾𑌜𑍍𑌞𑌯𑌾 𑌪𑌰𑌮𑌾𑌤𑍍𑌮𑌨𑌃 ।
𑌚𑌕𑌾𑌰 𑌤𑌤𑍍𑌪𑍍𑌰𑌸𑌾𑌦𑍇𑌨 𑌤𑌦𑌾 𑌸𑌿𑌦𑍍𑌧𑌾𑌨𑍍𑌤𑌮𑍁𑌤𑍍𑌤𑌮𑌮𑍍 ॥ 20 ॥
𑌯𑌦𑌾𑌪𑍍𑌯𑌨𑌨𑍍𑌤𑌂 𑌪𑌪𑍍𑌰𑌚𑍍𑌛 𑌜𑍍𑌞𑌾𑌨𑌮𑍇𑌕𑌂 𑌵𑌸𑍁𑌨𑍍𑌧𑌰𑌾 ।
𑌬𑌭𑍂𑌵 𑌮𑍂𑌕𑌵𑌤𑍍𑌸𑍋𑌽𑌪𑌿 𑌸𑌿𑌦𑍍𑌧𑌾𑌨𑍍𑌤𑌂 𑌕𑌰𑍍𑌤𑍁𑌮𑌕𑍍𑌷𑌮𑌃 ॥ 21 ॥
𑌤𑌦𑌾 𑌤𑍍𑌵𑌾𑌂 𑌚 𑌸 𑌤𑍁𑌷𑍍𑌟𑌾𑌵 𑌸𑌨𑍍𑌤𑍍𑌰𑌸𑍍𑌤𑌃 𑌕𑌶𑍍𑌯𑌪𑌾𑌜𑍍𑌞𑌯𑌾 ।
𑌤𑌤𑌶𑍍𑌚𑌕𑌾𑌰 𑌸𑌿𑌦𑍍𑌧𑌾𑌨𑍍𑌤𑌂 𑌨𑌿𑌰𑍍𑌮𑌲𑌂 𑌭𑍍𑌰𑌮𑌭𑌞𑍍𑌜𑌨𑌮𑍍 ॥ 22 ॥
𑌵𑍍𑌯𑌾𑌸𑌃 𑌪𑍁𑌰𑌾𑌣𑌸𑍂𑌤𑍍𑌰𑌂 𑌚 𑌸𑌮𑌪𑍃𑌚𑍍𑌛𑌤 𑌵𑌾𑌲𑍍𑌮𑌿𑌕𑌿𑌮𑍍 ।
𑌮𑍗𑌨𑍀𑌭𑍂𑌤𑌃 𑌸 𑌸𑌸𑍍𑌮𑌾𑌰 𑌤𑍍𑌵𑌾𑌮𑍇𑌵 𑌜𑌗𑌦𑌮𑍍𑌬𑌿𑌕𑌾𑌮𑍍 ॥ 23 ॥
𑌤𑌦𑌾 𑌚𑌕𑌾𑌰 𑌸𑌿𑌦𑍍𑌧𑌾𑌨𑍍𑌤𑌂 𑌤𑍍𑌵𑌦𑍍𑌵𑌰𑍇𑌣 𑌮𑍁𑌨𑍀𑌶𑍍𑌵𑌰𑌃 ।
𑌸 𑌪𑍍𑌰𑌾𑌪 𑌨𑌿𑌰𑍍𑌮𑌲𑌂 𑌜𑍍𑌞𑌾𑌨𑌂 𑌪𑍍𑌰𑌮𑌾𑌦𑌧𑍍𑌵𑌂𑌸𑌕𑌾𑌰𑌣𑌮𑍍 ॥ 24 ॥
𑌪𑍁𑌰𑌾𑌣 𑌸𑍂𑌤𑍍𑌰𑌂 𑌶𑍍𑌰𑍁𑌤𑍍𑌵𑌾 𑌸 𑌵𑍍𑌯𑌾𑌸𑌃 𑌕𑍃𑌷𑍍𑌣𑌕𑌲𑍋𑌦𑍍𑌭𑌵𑌃 ।
𑌤𑍍𑌵𑌾𑌂 𑌸𑌿𑌷𑍇𑌵𑍇 𑌚 𑌦𑌧𑍍𑌯𑍗 𑌚 𑌶𑌤𑌵𑌰𑍍𑌷𑌂 𑌚 𑌪𑍁𑌷𑍍𑌕𑌰𑍇 ॥ 25 ॥
𑌤𑌦𑌾 𑌤𑍍𑌵𑌤𑍍𑌤𑍋 𑌵𑌰𑌂 𑌪𑍍𑌰𑌾𑌪𑍍𑌯 𑌸 𑌕𑌵𑍀𑌨𑍍𑌦𑍍𑌰𑍋 𑌬𑌭𑍂𑌵 𑌹 ।
𑌤𑌦𑌾 𑌵𑍇𑌦𑌵𑌿𑌭𑌾𑌗𑌂 𑌚 𑌪𑍁𑌰𑌾𑌣𑌾𑌨𑌿 𑌚𑌕𑌾𑌰 𑌹 ॥ 26 ॥
𑌯𑌦𑌾 𑌮𑌹𑍇𑌨𑍍𑌦𑍍𑌰𑍇 𑌪𑌪𑍍𑌰𑌚𑍍𑌛 𑌤𑌤𑍍𑌤𑍍𑌵𑌜𑍍𑌞𑌾𑌨𑌂 𑌶𑌿𑌵𑌾 𑌶𑌿𑌵𑌮𑍍 ।
𑌕𑍍𑌷𑌣𑌂 𑌤𑍍𑌵𑌾𑌮𑍇𑌵 𑌸𑌞𑍍𑌚𑌿𑌨𑍍𑌤𑍍𑌯 𑌤𑌸𑍍𑌯𑍈 𑌜𑍍𑌞𑌾𑌨𑌂 𑌦𑌧𑍗 𑌵𑌿𑌭𑍁𑌃 ॥ 27 ॥
𑌪𑌪𑍍𑌰𑌚𑍍𑌛 𑌶𑌬𑍍𑌦𑌶𑌾𑌸𑍍𑌤𑍍𑌰𑌂 𑌚 𑌮𑌹𑍇𑌨𑍍𑌦𑍍𑌰𑌶𑍍𑌚 𑌬𑍃𑌹𑌸𑍍𑌪𑌤𑌿𑌮𑍍 ।
𑌦𑌿𑌵𑍍𑌯𑌂 𑌵𑌰𑍍𑌷𑌸𑌹𑌸𑍍𑌰𑌂 𑌚 𑌸 𑌤𑍍𑌵𑌾𑌂 𑌦𑌧𑍍𑌯𑍗 𑌚 𑌪𑍁𑌷𑍍𑌕𑌰𑍇 ॥ 28 ॥
𑌤𑌦𑌾 𑌤𑍍𑌵𑌤𑍍𑌤𑍋 𑌵𑌰𑌂 𑌪𑍍𑌰𑌾𑌪𑍍𑌯 𑌦𑌿𑌵𑍍𑌯𑌂 𑌵𑌰𑍍𑌷𑌸𑌹𑌸𑍍𑌰𑌕𑌮𑍍 ।
𑌉𑌵𑌾𑌚 𑌶𑌬𑍍𑌦𑌶𑌾𑌸𑍍𑌤𑍍𑌰𑌂 𑌚 𑌤𑌦𑌰𑍍𑌥𑌂 𑌚 𑌸𑍁𑌰𑍇𑌶𑍍𑌵𑌰𑌮𑍍 ॥ 29 ॥
𑌅𑌧𑍍𑌯𑌾𑌪𑌿𑌤𑌾𑌶𑍍𑌚 𑌯𑍈𑌃 𑌶𑌿𑌷𑍍𑌯𑌾𑌃 𑌯𑍈𑌰𑌧𑍀𑌤𑌂 𑌮𑍁𑌨𑍀𑌶𑍍𑌵𑌰𑍈𑌃 ।
𑌤𑍇 𑌚 𑌤𑍍𑌵𑌾𑌂 𑌪𑌰𑌿𑌸𑌞𑍍𑌚𑌿𑌨𑍍𑌤𑍍𑌯 𑌪𑍍𑌰𑌵𑌰𑍍𑌤𑌨𑍍𑌤𑍇 𑌸𑍁𑌰𑍇𑌶𑍍𑌵𑌰𑌿 ॥ 30 ॥
𑌤𑍍𑌵𑌂 𑌸𑌂𑌸𑍍𑌤𑍁𑌤𑌾 𑌪𑍂𑌜𑌿𑌤𑌾 𑌚 𑌮𑍁𑌨𑍀𑌨𑍍𑌦𑍍𑌰𑌮𑌨𑍁𑌮𑌾𑌨𑌵𑍈𑌃 ।
𑌦𑍈𑌤𑍍𑌯𑍇𑌨𑍍𑌦𑍍𑌰𑍈𑌶𑍍𑌚 𑌸𑍁𑌰𑍈𑌶𑍍𑌚𑌾𑌪𑌿 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌦𑌿𑌭𑌿𑌃 ॥ 31 ॥
𑌜𑌡𑍀𑌭𑍂𑌤𑌃 𑌸𑌹𑌸𑍍𑌰𑌾𑌸𑍍𑌯𑌃 𑌪𑌞𑍍𑌚𑌵𑌕𑍍𑌤𑍍𑌰𑌶𑍍𑌚𑌤𑍁𑌰𑍍𑌮𑍁𑌖𑌃 ।
𑌯𑌾𑌂 𑌸𑍍𑌤𑍋𑌤𑍁𑌂 𑌕𑌿𑌮𑌹𑌂 𑌸𑍍𑌤𑍗𑌮𑌿 𑌤𑌾𑌮𑍇𑌕𑌾𑌸𑍍𑌯𑍇𑌨 𑌮𑌾𑌨𑌵𑌃 ॥ 32 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌯𑌾𑌜𑍍𑌞𑌵𑌲𑍍𑌕𑍍𑌯𑌶𑍍𑌚 𑌭𑌕𑍍𑌤𑌿𑌨𑌮𑍍𑌰𑌾𑌤𑍍𑌮𑌕𑌨𑍍𑌧𑌰𑌃 ।
𑌪𑍍𑌰𑌣𑌨𑌾𑌮 𑌨𑌿𑌰𑌾𑌹𑌾𑌰𑍋 𑌰𑍁𑌰𑍋𑌦 𑌚 𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 33 ॥
𑌤𑌦𑌾 𑌜𑍍𑌯𑍋𑌤𑌿𑌸𑍍𑌸𑍍𑌵𑌰𑍂𑌪𑌾 𑌸𑌾 𑌤𑍇𑌨𑌾𑌦𑍃𑌷𑍍𑌟𑌾𑌪𑍍𑌯𑍁𑌵𑌾𑌚 𑌤𑌮𑍍 ।
𑌸𑍁𑌕𑌵𑍀𑌨𑍍𑌦𑍍𑌰𑍋 𑌭𑌵𑍇𑌤𑍍𑌯𑍁𑌕𑍍𑌤𑍍𑌵𑌾 𑌵𑍈𑌕𑍁𑌣𑍍𑌠𑌂 𑌚 𑌜𑌗𑌾𑌮 𑌹 ॥ 34 ॥
𑌯𑌾𑌜𑍍𑌞𑌵𑌲𑍍𑌕𑍍𑌯 𑌕𑍃𑌤𑌂 𑌵𑌾𑌣𑍀𑌸𑍍𑌤𑍋𑌤𑍍𑌰𑌂 𑌯𑌃 𑌸𑌂𑌯𑌤𑌃 𑌪𑌠𑍇𑌤𑍍 ।
𑌸 𑌕𑌵𑍀𑌨𑍍𑌦𑍍𑌰𑍋 𑌮𑌹𑌾𑌵𑌾𑌗𑍍𑌮𑍀 𑌬𑍃𑌹𑌸𑍍𑌪𑌤𑌿 𑌸𑌮𑍋 𑌭𑌵𑍇𑌤𑍍 ॥ 35 ॥
𑌮𑌹𑌾𑌮𑍂𑌰𑍍𑌖𑌶𑍍𑌚 𑌦𑍁𑌰𑍍𑌮𑍇𑌧𑌾 𑌵𑌰𑍍𑌷𑌮𑍇𑌕𑌂 𑌚 𑌯𑌃 𑌪𑌠𑍇𑌤𑍍 ।
𑌸 𑌪𑌣𑍍𑌡𑌿𑌤𑌶𑍍𑌚 𑌮𑍇𑌧𑌾𑌵𑍀 𑌸𑍁𑌕𑌵𑌿𑌶𑍍𑌚 𑌭𑌵𑍇𑌦𑍍𑌧𑍍𑌰𑍁𑌵𑌮𑍍 ॥ 35 ॥
𑌇𑌤𑌿 𑌶𑍍𑌰𑍀 𑌬𑍍𑌰𑌹𑍍𑌮𑌵𑍈𑌵𑌰𑍍𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑍍𑌰𑌕𑍃𑌤𑌿 𑌖𑌣𑍍𑌡𑍇 𑌨𑌾𑌰𑌦 𑌨𑌾𑌰𑌾𑌯𑌣 𑌸𑌂𑌵𑌾𑌦𑍇 𑌯𑌾𑌜𑍍𑌞𑌵𑌲𑍍𑌕𑍍𑌯𑍋𑌕𑍍𑌤 𑌵𑌾𑌣𑍀 𑌸𑍍𑌤𑌵𑌨𑌂 𑌨𑌾𑌮 𑌪𑌞𑍍𑌚𑌮𑍋𑌽𑌧𑍍𑌯𑌾𑌯𑌃 ॥
Roman (IAST) Transliteration
nārāyaṇa uvāca |
vāgdevatāyāḥ stavanaṃ śrūyatāṃ sarvakāmadam |
mahāmuniryājñavalkyo yena tuṣṭāva tāṃ purā || 1 ||
guruśāpācca sa munirhatavidyo babhūva ha |
tadā jagāma duḥkhārto ravisthānaṃ ca puṇyadam || 2 ||
samprāpyatapasā sūryaṃ koṇārke dṛṣṭigocare |
tuṣṭāva sūryaṃ śokena ruroda ca punaḥ punaḥ || 3 ||
sūryastaṃ pāṭhayāmāsa vedavedāṅgamīśvaraḥ |
uvāca stuhi vāgdevīṃ bhaktyā ca smṛtihetave || 4 ||
tamityuktvā dīnanātho hyantardhānaṃ jagāma saḥ |
muniḥ snātvā ca tuṣṭāva bhaktinamrātmakandharaḥ || 5 ||
yājñavalkya uvāca |
kṛpāṃ kuru jaganmātarmāmevaṃ hatatejasam |
guruśāpātsmṛtibhraṣṭaṃ vidyāhīnaṃ ca duḥkhitam || 6 ||
jñānaṃ dehi smṛtiṃ dehi vidyāṃ vidyādhidevate |
pratiṣṭhāṃ kavitāṃ dehi śaktiṃ śiṣyaprabodhikām || 7 ||
granthanirmitiśaktiṃ ca sacchiṣyaṃ supratiṣṭhitam |
pratibhāṃ satsabhāyāṃ ca vicārakṣamatāṃ śubhām || 8 ||
luptāṃ sarvāṃ daivavaśānnavaṃ kuru punaḥ punaḥ |
yathāṅkuraṃ janayati bhagavānyogamāyayā || 9 ||
brahmasvarūpā paramā jyotirūpā sanātanī |
sarvavidyādhidevī yā tasyai vāṇyai namo namaḥ || 10 ||
yayā vinā jagatsarvaṃ śaśvajjīvanmṛtaṃ sadā |
jñānādhidevī yā tasyai sarasvatyai namo namaḥ || 11 ||
yayā vinā jagatsarvaṃ mūkamunmattavatsadā |
vāgadhiṣṭhātṛdevī yā tasyai vāṇyai namo namaḥ || 12 ||
himacandanakundendukumudāmbhojasannibhā |
varṇādhidevī yā tasyai cākṣarāyai namo namaḥ || 13 ||
visarga bindumātrāṇāṃ yadadhiṣṭhānameva ca |
itthaṃ tvaṃ gīyase sadbhirbhāratyai te namo namaḥ || 14 ||
yayā vinā'tra saṅkhyākṛtsaṅkhyāṃ kartuṃ na śaknute |
kālasaṅkhyāsvarūpā yā tasyai devyai namo namaḥ || 15 ||
vyākhyāsvarūpā yā devī vyākhyādhiṣṭhātṛdevatā |
bhramasiddhāntarūpā yā tasyai devyai namo namaḥ || 16 ||
smṛtiśaktirjñānaśaktirbuddhiśaktisvarūpiṇī |
pratibhā kalpanāśaktiryā ca tasyai namo namaḥ || 17 ||
sanatkumāro brahmāṇaṃ jñānaṃ papraccha yatra vai |
babhūva jaḍavatso'pi siddhāntaṃ kartumakṣamaḥ || 18 ||
tadājagāma bhagavānātmā śrīkṛṣṇa īśvaraḥ |
uvāca sattamaṃ stotraṃ vāṇyā iti vidhiṃ tadā || 19 ||
sa ca tuṣṭāva tāṃ brahmā cājñayā paramātmanaḥ |
cakāra tatprasādena tadā siddhāntamuttamam || 20 ||
yadāpyanantaṃ papraccha jñānamekaṃ vasundharā |
babhūva mūkavatso'pi siddhāntaṃ kartumakṣamaḥ || 21 ||
tadā tvāṃ ca sa tuṣṭāva santrastaḥ kaśyapājñayā |
tataścakāra siddhāntaṃ nirmalaṃ bhramabhañjanam || 22 ||
vyāsaḥ purāṇasūtraṃ ca samapṛcchata vālmikim |
maunībhūtaḥ sa sasmāra tvāmeva jagadambikām || 23 ||
tadā cakāra siddhāntaṃ tvadvareṇa munīśvaraḥ |
sa prāpa nirmalaṃ jñānaṃ pramādadhvaṃsakāraṇam || 24 ||
purāṇa sūtraṃ śrutvā sa vyāsaḥ kṛṣṇakalodbhavaḥ |
tvāṃ siṣeve ca dadhyau ca śatavarṣaṃ ca puṣkare || 25 ||
tadā tvatto varaṃ prāpya sa kavīndro babhūva ha |
tadā vedavibhāgaṃ ca purāṇāni cakāra ha || 26 ||
yadā mahendre papraccha tattvajñānaṃ śivā śivam |
kṣaṇaṃ tvāmeva sañcintya tasyai jñānaṃ dadhau vibhuḥ || 27 ||
papraccha śabdaśāstraṃ ca mahendraśca bṛhaspatim |
divyaṃ varṣasahasraṃ ca sa tvāṃ dadhyau ca puṣkare || 28 ||
tadā tvatto varaṃ prāpya divyaṃ varṣasahasrakam |
uvāca śabdaśāstraṃ ca tadarthaṃ ca sureśvaram || 29 ||
adhyāpitāśca yaiḥ śiṣyāḥ yairadhītaṃ munīśvaraiḥ |
te ca tvāṃ parisañcintya pravartante sureśvari || 30 ||
tvaṃ saṃstutā pūjitā ca munīndramanumānavaiḥ |
daityendraiśca suraiścāpi brahmaviṣṇuśivādibhiḥ || 31 ||
jaḍībhūtaḥ sahasrāsyaḥ pañcavaktraścaturmukhaḥ |
yāṃ stotuṃ kimahaṃ staumi tāmekāsyena mānavaḥ || 32 ||
ityuktvā yājñavalkyaśca bhaktinamrātmakandharaḥ |
praṇanāma nirāhāro ruroda ca muhurmuhuḥ || 33 ||
tadā jyotissvarūpā sā tenādṛṣṭāpyuvāca tam |
sukavīndro bhavetyuktvā vaikuṇṭhaṃ ca jagāma ha || 34 ||
yājñavalkya kṛtaṃ vāṇīstotraṃ yaḥ saṃyataḥ paṭhet |
sa kavīndro mahāvāgmī bṛhaspati samo bhavet || 35 ||
mahāmūrkhaśca durmedhā varṣamekaṃ ca yaḥ paṭhet |
sa paṇḍitaśca medhāvī sukaviśca bhaveddhruvam || 35 ||
iti śrī brahmavaivarte mahāpurāṇe prakṛti khaṇḍe nārada nārāyaṇa saṃvāde yājñavalkyokta vāṇī stavanaṃ nāma pañcamo'dhyāyaḥ ||
InfoLyter.in — Sacred Vedic Knowledge Portal · Free forever