📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌸𑌰𑌸𑍍𑌵𑌤𑍀 𑌕𑌵𑌚𑌮𑍍
Sarasvati Kavacham
Saraswati Kavacham Grantha
(𑌬𑍍𑌰𑌹𑍍𑌮𑌵𑍈𑌵𑌰𑍍𑌤 𑌮𑌹𑌾𑌪𑍁𑌰𑌾𑌣𑌾𑌨𑍍𑌤𑌰𑍍𑌗𑌤𑌂)
𑌭𑍃𑌗𑍁𑌰𑍁𑌵𑌾𑌚 ।
𑌬𑍍𑌰𑌹𑍍𑌮𑌨𑍍𑌬𑍍𑌰𑌹𑍍𑌮𑌵𑌿𑌦𑌾𑌂𑌶𑍍𑌰𑍇𑌷𑍍𑌠 𑌬𑍍𑌰𑌹𑍍𑌮𑌜𑍍𑌞𑌾𑌨𑌵𑌿𑌶𑌾𑌰𑌦 ।
60
𑌸𑌰𑍍𑌵𑌜𑍍𑌞 𑌸𑌰𑍍𑌵𑌜𑌨𑌕 𑌸𑌰𑍍𑌵𑌪𑍂𑌜𑌕𑌪𑍂𑌜𑌿𑌤 ॥ 60
𑌸𑌰𑌸𑍍𑌵𑌤𑍍𑌯𑌾𑌶𑍍𑌚 𑌕𑌵𑌚𑌂 𑌬𑍍𑌰𑍂𑌹𑌿 𑌵𑌿𑌶𑍍𑌵𑌜𑌯𑌂 𑌪𑍍𑌰𑌭𑍋 ।
𑌅𑌯𑌾𑌤𑌯𑌾𑌮𑌮𑌨𑍍𑌤𑍍𑌰𑌾𑌣𑌾𑌂 𑌸𑌮𑍂𑌹𑍋 𑌯𑌤𑍍𑌰 𑌸𑌂𑌯𑍁𑌤𑌃 ॥ 61 ॥
𑌬𑍍𑌰𑌹𑍍𑌮𑍋𑌵𑌾𑌚 ।
𑌶𑍃𑌣𑍁 𑌵𑌤𑍍𑌸 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌕𑌵𑌚𑌂 𑌸𑌰𑍍𑌵𑌕𑌾𑌮𑌦𑌮𑍍 ।
𑌶𑍍𑌰𑍁𑌤𑌿𑌸𑌾𑌰𑌂 𑌶𑍍𑌰𑍁𑌤𑌿𑌸𑍁𑌖𑌂 𑌶𑍍𑌰𑍁𑌤𑍍𑌯𑍁𑌕𑍍𑌤𑌂 𑌶𑍍𑌰𑍁𑌤𑌿𑌪𑍂𑌜𑌿𑌤𑌮𑍍 ॥ 62 ॥
𑌉𑌕𑍍𑌤𑌂 𑌕𑍃𑌷𑍍𑌣𑍇𑌨 𑌗𑍋𑌲𑍋𑌕𑍇 𑌮𑌹𑍍𑌯𑌂 𑌵𑍃𑌨𑍍𑌦𑌾𑌵𑌨𑍇 𑌵𑌨𑍇 ।
𑌰𑌾𑌸𑍇𑌶𑍍𑌵𑌰𑍇𑌣 𑌵𑌿𑌭𑍁𑌨𑌾 𑌰𑌾𑌸𑍇 𑌵𑍈 𑌰𑌾𑌸𑌮𑌣𑍍𑌡𑌲𑍇 ॥ 63 ॥
𑌅𑌤𑍀𑌵 𑌗𑍋𑌪𑌨𑍀𑌯𑌞𑍍𑌚 𑌕𑌲𑍍𑌪𑌵𑍃𑌕𑍍𑌷𑌸𑌮𑌂 𑌪𑌰𑌮𑍍 ।
𑌅𑌶𑍍𑌰𑍁𑌤𑌾𑌦𑍍𑌭𑍁𑌤𑌮𑌨𑍍𑌤𑍍𑌰𑌾𑌣𑌾𑌂 𑌸𑌮𑍂𑌹𑍈𑌶𑍍𑌚 𑌸𑌮𑌨𑍍𑌵𑌿𑌤𑌮𑍍 ॥ 64 ॥
𑌯𑌦𑍍𑌧𑍃𑌤𑍍𑌵𑌾 𑌪𑌠𑌨𑌾𑌦𑍍𑌬𑍍𑌰𑌹𑍍𑌮𑌨𑍍𑌬𑍁𑌦𑍍𑌧𑌿𑌮𑌾𑌂𑌶𑍍𑌚 𑌬𑍃𑌹𑌸𑍍𑌪𑌤𑌿𑌃 ।
𑌯𑌦𑍍𑌧𑍃𑌤𑍍𑌵𑌾 𑌭𑌗𑌵𑌾𑌞𑍍𑌛𑍁𑌕𑍍𑌰𑌃 𑌸𑌰𑍍𑌵𑌦𑍈𑌤𑍍𑌯𑍇𑌷𑍁 𑌪𑍂𑌜𑌿𑌤𑌃 ॥ 65 ॥
𑌪𑌠𑌨𑌾𑌦𑍍𑌧𑌾𑌰𑌣𑌾𑌦𑍍𑌵𑌾𑌗𑍍𑌮𑍀 𑌕𑌵𑍀𑌨𑍍𑌦𑍍𑌰𑍋 𑌵𑌾𑌲𑍍𑌮𑌿𑌕𑍀 𑌮𑍁𑌨𑌿𑌃 ।
𑌸𑍍𑌵𑌾𑌯𑌮𑍍𑌭𑍁𑌵𑍋 𑌮𑌨𑍁𑌶𑍍𑌚𑍈𑌵 𑌯𑌦𑍍𑌧𑍃𑌤𑍍𑌵𑌾 𑌸𑌰𑍍𑌵𑌪𑍂𑌜𑌿𑌤𑌾𑌃 ॥ 66 ॥
𑌕𑌣𑌾𑌦𑍋 𑌗𑍗𑌤𑌮𑌃 𑌕𑌣𑍍𑌵𑌃 𑌪𑌾𑌣𑌿𑌨𑌿𑌃 𑌶𑌾𑌕𑌟𑌾𑌯𑌨𑌃 ।
𑌗𑍍𑌰𑌨𑍍𑌥𑌂 𑌚𑌕𑌾𑌰 𑌯𑌦𑍍𑌧𑍃𑌤𑍍𑌵𑌾 𑌦𑌕𑍍𑌷𑌃 𑌕𑌾𑌤𑍍𑌯𑌾𑌯𑌨𑌃 𑌸𑍍𑌵𑌯𑌮𑍍 ॥ 67 ॥
𑌧𑍃𑌤𑍍𑌵𑌾 𑌵𑍇𑌦𑌵𑌿𑌭𑌾𑌗𑌞𑍍𑌚 𑌪𑍁𑌰𑌾𑌣𑌾𑌨𑍍𑌯𑌖𑌿𑌲𑌾𑌨𑌿 𑌚 ।
𑌚𑌕𑌾𑌰 𑌲𑍀𑌲𑌾𑌮𑌾𑌤𑍍𑌰𑍇𑌣 𑌕𑍃𑌷𑍍𑌣𑌦𑍍𑌵𑍈𑌪𑌾𑌯𑌨𑌃 𑌸𑍍𑌵𑌯𑌮𑍍 ॥ 68 ॥
𑌶𑌾𑌤𑌾𑌤𑌪𑌶𑍍𑌚 𑌸𑌂𑌵𑌰𑍍𑌤𑍋 𑌵𑌸𑌿𑌷𑍍𑌠𑌶𑍍𑌚 𑌪𑌰𑌾𑌶𑌰𑌃 ।
𑌯𑌦𑍍𑌧𑍃𑌤𑍍𑌵𑌾 𑌪𑌠𑌨𑌾𑌦𑍍𑌗𑍍𑌰𑌨𑍍𑌥𑌂 𑌯𑌾𑌜𑍍𑌞𑌵𑌲𑍍𑌕𑍍𑌯𑌶𑍍𑌚𑌕𑌾𑌰 𑌸𑌃 ॥ 69 ॥
𑌋𑌷𑍍𑌯𑌶𑍃𑌙𑍍𑌗𑍋 𑌭𑌰𑌦𑍍𑌵𑌾𑌜𑌶𑍍𑌚𑌾𑌸𑍍𑌤𑍀𑌕𑍋 𑌦𑍇𑌵𑌲𑌸𑍍𑌤𑌥𑌾 ।
𑌜𑍈𑌗𑍀𑌷𑌵𑍍𑌯𑍋𑌽𑌥 𑌜𑌾𑌬𑌾𑌲𑌿𑌰𑍍𑌯𑌦𑍍𑌧𑍃𑌤𑍍𑌵𑌾 𑌸𑌰𑍍𑌵𑌪𑍂𑌜𑌿𑌤𑌃 ॥ 70 ॥
𑌕𑌵𑌚𑌸𑍍𑌯𑌾𑌸𑍍𑌯 𑌵𑌿𑌪𑍍𑌰𑍇𑌨𑍍𑌦𑍍𑌰 𑌋𑌷𑌿𑌰𑍇𑌷 𑌪𑍍𑌰𑌜𑌾𑌪𑌤𑌿𑌃 ।
𑌸𑍍𑌵𑌯𑌂 𑌬𑍃𑌹𑌸𑍍𑌪𑌤𑌿𑌶𑍍𑌛𑌨𑍍𑌦𑍋 𑌦𑍇𑌵𑍋 𑌰𑌾𑌸𑍇𑌶𑍍𑌵𑌰𑌃 𑌪𑍍𑌰𑌭𑍁𑌃 ॥ 71 ॥
𑌸𑌰𑍍𑌵𑌤𑌤𑍍𑌤𑍍𑌵𑌪𑌰𑌿𑌜𑍍𑌞𑌾𑌨𑍇 𑌸𑌰𑍍𑌵𑌾𑌰𑍍𑌥𑍇𑌽𑌪𑌿 𑌚 𑌸𑌾𑌧𑌨𑍇 ।
𑌕𑌵𑌿𑌤𑌾𑌸𑍁 𑌚 𑌸𑌰𑍍𑌵𑌾𑌸𑍁 𑌵𑌿𑌨𑌿𑌯𑍋𑌗𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ॥ 72 ॥
( 𑌕𑌵𑌚𑌂 )
𑍐 𑌹𑍍𑌰𑍀𑌂 𑌸𑌰𑌸𑍍𑌵𑌤𑍍𑌯𑍈 𑌸𑍍𑌵𑌾𑌹𑌾 𑌶𑌿𑌰𑍋 𑌮𑍇 𑌪𑌾𑌤𑍁 𑌸𑌰𑍍𑌵𑌤𑌃 ।
𑌶𑍍𑌰𑍀𑌂 𑌵𑌾𑌗𑍍𑌦𑍇𑌵𑌤𑌾𑌯𑍈 𑌸𑍍𑌵𑌾𑌹𑌾 𑌭𑌾𑌲𑌂 𑌮𑍇 𑌸𑌰𑍍𑌵𑌦𑌾𑌽𑌵𑌤𑍁 ॥ 73 ॥
𑍐 𑌹𑍍𑌰𑍀𑌂 𑌸𑌰𑌸𑍍𑌵𑌤𑍍𑌯𑍈 𑌸𑍍𑌵𑌾𑌹𑍇𑌤𑌿 𑌶𑍍𑌰𑍋𑌤𑍍𑌰𑍇 𑌪𑌾𑌤𑍁 𑌨𑌿𑌰𑌨𑍍𑌤𑌰𑌮𑍍 ।
𑍐 𑌶𑍍𑌰𑍀𑌂 𑌹𑍍𑌰𑍀𑌂 𑌭𑌗𑌵𑌤𑍍𑌯𑍈 𑌸𑌰𑌸𑍍𑌵𑌤𑍍𑌯𑍈 𑌸𑍍𑌵𑌾𑌹𑌾 𑌨𑍇𑌤𑍍𑌰𑌯𑍁𑌗𑍍𑌮𑌂 𑌸𑌦𑌾𑌽𑌵𑌤𑍁 ॥ 74 ॥
𑌐𑌂 𑌹𑍍𑌰𑍀𑌂 𑌵𑌾𑌗𑍍𑌵𑌾𑌦𑌿𑌨𑍍𑌯𑍈 𑌸𑍍𑌵𑌾𑌹𑌾 𑌨𑌾𑌸𑌾𑌂 𑌮𑍇 𑌸𑌰𑍍𑌵𑌦𑌾𑌽𑌵𑌤𑍁 ।
𑌹𑍍𑌰𑍀𑌂 𑌵𑌿𑌦𑍍𑌯𑌾𑌧𑌿𑌷𑍍𑌠𑌾𑌤𑍃𑌦𑍇𑌵𑍍𑌯𑍈 𑌸𑍍𑌵𑌾𑌹𑌾 𑌚𑍋𑌂𑌷𑍍𑌠 𑌸𑌦𑌾𑌽𑌵𑌤𑍁 ॥ 75 ॥
𑍐 𑌶𑍍𑌰𑍀𑌂 𑌹𑍍𑌰𑍀𑌂 𑌬𑍍𑌰𑌾𑌹𑍍𑌮𑍍𑌯𑍈 𑌸𑍍𑌵𑌾𑌹𑍇𑌤𑌿 𑌦𑌨𑍍𑌤𑌪𑌙𑍍𑌕𑍍𑌤𑌿𑌂 𑌸𑌦𑌾𑌽𑌵𑌤𑍁 ।
𑌐𑌮𑌿𑌤𑍍𑌯𑍇𑌕𑌾𑌕𑍍𑌷𑌰𑍋 𑌮𑌨𑍍𑌤𑍍𑌰𑍋 𑌮𑌮 𑌕𑌣𑍍𑌠𑌂 𑌸𑌦𑌾𑌽𑌵𑌤𑍁 ॥ 76 ॥
𑍐 𑌶𑍍𑌰𑍀𑌂 𑌹𑍍𑌰𑍀𑌂 𑌪𑌾𑌤𑍁 𑌮𑍇 𑌗𑍍𑌰𑍀𑌵𑌾𑌂 𑌸𑍍𑌕𑌨𑍍𑌧𑌂 𑌮𑍇 𑌶𑍍𑌰𑍀𑌂 𑌸𑌦𑌾𑌽𑌵𑌤𑍁 ।
𑍐 𑌹𑍍𑌰𑍀𑌂 𑌵𑌿𑌦𑍍𑌯𑌾𑌧𑌿𑌷𑍍𑌠𑌾𑌤𑍃𑌦𑍇𑌵𑍍𑌯𑍈 𑌸𑍍𑌵𑌾𑌹𑌾 𑌵𑌕𑍍𑌷𑌃 𑌸𑌦𑌾𑌽𑌵𑌤𑍁 ॥ 77 ॥
𑍐 𑌹𑍍𑌰𑍀𑌂 𑌵𑌿𑌦𑍍𑌯𑌾𑌸𑍍𑌵𑌰𑍂𑌪𑌾𑌯𑍈 𑌸𑍍𑌵𑌾𑌹𑌾 𑌮𑍇 𑌪𑌾𑌤𑍁 𑌨𑌾𑌭𑌿𑌕𑌾𑌮𑍍 ।
𑍐 𑌹𑍍𑌰𑍀𑌂 𑌕𑍍𑌲𑍀𑌂 𑌵𑌾𑌣𑍍𑌯𑍈 𑌸𑍍𑌵𑌾𑌹𑍇𑌤𑌿 𑌮𑌮 𑌪𑍃𑌷𑍍𑌠𑌂 𑌸𑌦𑌾𑌽𑌵𑌤𑍁 ॥ 78 ॥
𑍐 𑌸𑌰𑍍𑌵𑌵𑌰𑍍𑌣𑌾𑌤𑍍𑌮𑌿𑌕𑌾𑌯𑍈 𑌪𑌾𑌦𑌯𑍁𑌗𑍍𑌮𑌂 𑌸𑌦𑌾𑌽𑌵𑌤𑍁 ।
𑍐 𑌰𑌾𑌗𑌾𑌧𑌿𑌷𑍍𑌠𑌾𑌤𑍃𑌦𑍇𑌵𑍍𑌯𑍈 𑌸𑌰𑍍𑌵𑌾𑌙𑍍𑌗𑌂 𑌮𑍇 𑌸𑌦𑌾𑌽𑌵𑌤𑍁 ॥ 79 ॥
𑍐 𑌸𑌰𑍍𑌵𑌕𑌣𑍍𑌠𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾 𑌪𑍍𑌰𑌚𑍍𑌯𑌾𑌂 𑌸𑌦𑌾𑌽𑌵𑌤𑍁 ।
𑍐 𑌹𑍍𑌰𑍀𑌂 𑌜𑌿𑌹𑍍𑌵𑌾𑌗𑍍𑌰𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾𑌽𑌗𑍍𑌨𑌿𑌦𑌿𑌶𑌿 𑌰𑌕𑍍𑌷𑌤𑍁 ॥ 80 ॥
𑍐 𑌐𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌸𑌰𑌸𑍍𑌵𑌤𑍍𑌯𑍈 𑌬𑍁𑌧𑌜𑌨𑌨𑍍𑌯𑍈 𑌸𑍍𑌵𑌾𑌹𑌾 ।
𑌸𑌤𑌤𑌂 𑌮𑌨𑍍𑌤𑍍𑌰𑌰𑌾𑌜𑍋𑌽𑌯𑌂 𑌦𑌕𑍍𑌷𑌿𑌣𑍇 𑌮𑌾𑌂 𑌸𑌦𑌾𑌽𑌵𑌤𑍁 ॥ 81 ॥
𑍐 𑌹𑍍𑌰𑍀𑌂 𑌶𑍍𑌰𑍀𑌂 𑌤𑍍𑌰𑍍𑌯𑌕𑍍𑌷𑌰𑍋 𑌮𑌨𑍍𑌤𑍍𑌰𑍋 𑌨𑍈𑌰𑍃𑌤𑍍𑌯𑌾𑌂 𑌮𑍇 𑌸𑌦𑌾𑌽𑌵𑌤𑍁 ।
𑌕𑌵𑌿𑌜𑌿𑌹𑍍𑌵𑌾𑌗𑍍𑌰𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾 𑌮𑌾𑌂 𑌵𑌾𑌰𑍁𑌣𑍇𑌽𑌵𑌤𑍁 ॥ 82 ॥
𑍐 𑌸𑌦𑌮𑍍𑌬𑌿𑌕𑌾𑌯𑍈 𑌸𑍍𑌵𑌾𑌹𑌾 𑌵𑌾𑌯𑌵𑍍𑌯𑍇 𑌮𑌾𑌂 𑌸𑌦𑌾𑌽𑌵𑌤𑍁 ।
𑍐 𑌗𑌦𑍍𑌯𑌪𑌦𑍍𑌯𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾 𑌮𑌾𑌮𑍁𑌤𑍍𑌤𑌰𑍇𑌽𑌵𑌤𑍁 ॥ 83 ॥
𑍐 𑌸𑌰𑍍𑌵𑌶𑌾𑌸𑍍𑌤𑍍𑌰𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑍈𑌶𑌾𑌨𑍍𑌯𑌾𑌂 𑌸𑌦𑌾𑌽𑌵𑌤𑍁 ।
𑍐 𑌹𑍍𑌰𑍀𑌂 𑌸𑌰𑍍𑌵𑌪𑍂𑌜𑌿𑌤𑌾𑌯𑍈 𑌸𑍍𑌵𑌾𑌹𑌾 𑌚𑍋𑌰𑍍𑌧𑍍𑌵𑌂 𑌸𑌦𑌾𑌽𑌵𑌤𑍁 ॥ 84 ॥
𑌐𑌂 𑌹𑍍𑌰𑍀𑌂 𑌪𑍁𑌸𑍍𑌤𑌕𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾𑌽𑌧𑍋 𑌮𑌾𑌂 𑌸𑌦𑌾𑌵𑌤𑍁 ।
𑍐 𑌗𑍍𑌰𑌨𑍍𑌥𑌬𑍀𑌜𑌰𑍂𑌪𑌾𑌯𑍈 𑌸𑍍𑌵𑌾𑌹𑌾 𑌮𑌾𑌂 𑌸𑌰𑍍𑌵𑌤𑍋𑌽𑌵𑌤𑍁 ॥ 85 ॥
𑌇𑌤𑌿 𑌤𑍇 𑌕𑌥𑌿𑌤𑌂 𑌵𑌿𑌪𑍍𑌰 𑌸𑌰𑍍𑌵𑌮𑌨𑍍𑌤𑍍𑌰𑍗𑌘𑌵𑌿𑌗𑍍𑌰𑌹𑌮𑍍 ।
𑌇𑌦𑌂 𑌵𑌿𑌶𑍍𑌵𑌜𑌯𑌂 𑌨𑌾𑌮 𑌕𑌵𑌚𑌂 𑌬𑍍𑌰𑌹𑍍𑌮𑌾𑌰𑍂𑌪𑌕𑌮𑍍 ॥ 86 ॥
𑌪𑍁𑌰𑌾 𑌶𑍍𑌰𑍁𑌤𑌂 𑌧𑌰𑍍𑌮𑌵𑌕𑍍𑌤𑍍𑌰𑌾𑌤𑍍𑌪𑌰𑍍𑌵𑌤𑍇 𑌗𑌨𑍍𑌧𑌮𑌾𑌦𑌨𑍇 ।
𑌤𑌵 𑌸𑍍𑌨𑍇𑌹𑌾𑌨𑍍𑌮𑌯𑌾𑌽𑌽𑌖𑍍𑌯𑌾𑌤𑌂 𑌪𑍍𑌰𑌵𑌕𑍍𑌤𑌵𑍍𑌯𑌂 𑌨 𑌕𑌸𑍍𑌯𑌚𑌿𑌤𑍍 ॥ 87 ॥
𑌗𑍁𑌰𑍁𑌮𑌭𑍍𑌯𑌰𑍍𑌚𑍍𑌯 𑌵𑌿𑌧𑌿𑌵𑌦𑍍𑌵𑌸𑍍𑌤𑍍𑌰𑌾𑌲𑌙𑍍𑌕𑌾𑌰𑌚𑌨𑍍𑌦𑌨𑍈𑌃 ।
𑌪𑍍𑌰𑌣𑌮𑍍𑌯 𑌦𑌣𑍍𑌡𑌵𑌦𑍍𑌭𑍂𑌮𑍗 𑌕𑌵𑌚𑌂 𑌧𑌾𑌰𑌯𑍇𑌤𑍍𑌸𑍁𑌧𑍀𑌃 ॥ 88 ॥
𑌪𑌞𑍍𑌚𑌲𑌕𑍍𑌷𑌜𑌪𑍇𑌨𑍈𑌵 𑌸𑌿𑌦𑍍𑌧𑌂 𑌤𑍁 𑌕𑌵𑌚𑌂 𑌭𑌵𑍇𑌤𑍍 ।
𑌯𑌦𑌿 𑌸𑍍𑌯𑌾𑌤𑍍𑌸𑌿𑌦𑍍𑌧𑌕𑌵𑌚𑍋 𑌬𑍃𑌹𑌸𑍍𑌪𑌤𑌿 𑌸𑌮𑍋 𑌭𑌵𑍇𑌤𑍍 ॥ 89 ॥
𑌮𑌹𑌾𑌵𑌾𑌗𑍍𑌮𑍀 𑌕𑌵𑍀𑌨𑍍𑌦𑍍𑌰𑌶𑍍𑌚 𑌤𑍍𑌰𑍈𑌲𑍋𑌕𑍍𑌯𑌵𑌿𑌜𑌯𑍀 𑌭𑌵𑍇𑌤𑍍 ।
𑌶𑌕𑍍𑌨𑍋𑌤𑌿 𑌸𑌰𑍍𑌵𑌂 𑌜𑍇𑌤𑍁𑌂 𑌸 𑌕𑌵𑌚𑌸𑍍𑌯 𑌪𑍍𑌰𑌭𑌾𑌵𑌤𑌃 ॥ 90 ॥
𑌇𑌦𑌂 𑌤𑍇 𑌕𑌾𑌣𑍍𑌵𑌶𑌾𑌖𑍋𑌕𑍍𑌤𑌂 𑌕𑌥𑌿𑌤𑌂 𑌕𑌵𑌚𑌂 𑌮𑍁𑌨𑍇 ।
𑌸𑍍𑌤𑍋𑌤𑍍𑌰𑌂 𑌪𑍂𑌜𑌾𑌵𑌿𑌧𑌾𑌨𑌂 𑌚 𑌧𑍍𑌯𑌾𑌨𑌂 𑌵𑍈 𑌵𑌨𑍍𑌦𑌨𑌂 𑌤𑌥𑌾 ॥ 91 ॥
𑌇𑌤𑌿 𑌶𑍍𑌰𑍀 𑌬𑍍𑌰𑌹𑍍𑌮𑌵𑍈𑌵𑌰𑍍𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑍍𑌰𑌕𑍃𑌤𑌿𑌖𑌣𑍍𑌡𑍇 𑌨𑌾𑌰𑌦𑌨𑌾𑌰𑌾𑌯𑌣𑌸𑌂𑌵𑌾𑌦𑍇 𑌸𑌰𑌸𑍍𑌵𑌤𑍀𑌕𑌵𑌚𑌂 𑌨𑌾𑌮 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃 ।
Roman (IAST) Transliteration
(brahmavaivarta mahāpurāṇāntargataṃ)
bhṛguruvāca |
brahmanbrahmavidāṃśreṣṭha brahmajñānaviśārada |
sarvajña sarvajanaka sarvapūjakapūjita || 60
sarasvatyāśca kavacaṃ brūhi viśvajayaṃ prabho |
ayātayāmamantrāṇāṃ samūho yatra saṃyutaḥ || 61 ||
brahmovāca |
śṛṇu vatsa pravakṣyāmi kavacaṃ sarvakāmadam |
śrutisāraṃ śrutisukhaṃ śrutyuktaṃ śrutipūjitam || 62 ||
uktaṃ kṛṣṇena goloke mahyaṃ vṛndāvane vane |
rāseśvareṇa vibhunā rāse vai rāsamaṇḍale || 63 ||
atīva gopanīyañca kalpavṛkṣasamaṃ param |
aśrutādbhutamantrāṇāṃ samūhaiśca samanvitam || 64 ||
yaddhṛtvā paṭhanādbrahmanbuddhimāṃśca bṛhaspatiḥ |
yaddhṛtvā bhagavāñchukraḥ sarvadaityeṣu pūjitaḥ || 65 ||
paṭhanāddhāraṇādvāgmī kavīndro vālmikī muniḥ |
svāyambhuvo manuścaiva yaddhṛtvā sarvapūjitāḥ || 66 ||
kaṇādo gautamaḥ kaṇvaḥ pāṇiniḥ śākaṭāyanaḥ |
granthaṃ cakāra yaddhṛtvā dakṣaḥ kātyāyanaḥ svayam || 67 ||
dhṛtvā vedavibhāgañca purāṇānyakhilāni ca |
cakāra līlāmātreṇa kṛṣṇadvaipāyanaḥ svayam || 68 ||
śātātapaśca saṃvarto vasiṣṭhaśca parāśaraḥ |
yaddhṛtvā paṭhanādgranthaṃ yājñavalkyaścakāra saḥ || 69 ||
ṛṣyaśṛṅgo bharadvājaścāstīko devalastathā |
jaigīṣavyo'tha jābāliryaddhṛtvā sarvapūjitaḥ || 70 ||
kavacasyāsya viprendra ṛṣireṣa prajāpatiḥ |
svayaṃ bṛhaspatiśchando devo rāseśvaraḥ prabhuḥ || 71 ||
sarvatattvaparijñāne sarvārthe'pi ca sādhane |
kavitāsu ca sarvāsu viniyogaḥ prakīrtitaḥ || 72 ||
( kavacaṃ )
oṃ hrīṃ sarasvatyai svāhā śiro me pātu sarvataḥ |
śrīṃ vāgdevatāyai svāhā bhālaṃ me sarvadā'vatu || 73 ||
oṃ hrīṃ sarasvatyai svāheti śrotre pātu nirantaram |
oṃ śrīṃ hrīṃ bhagavatyai sarasvatyai svāhā netrayugmaṃ sadā'vatu || 74 ||
aiṃ hrīṃ vāgvādinyai svāhā nāsāṃ me sarvadā'vatu |
hrīṃ vidyādhiṣṭhātṛdevyai svāhā coṃṣṭha sadā'vatu || 75 ||
oṃ śrīṃ hrīṃ brāhmyai svāheti dantapaṅktiṃ sadā'vatu |
aimityekākṣaro mantro mama kaṇṭhaṃ sadā'vatu || 76 ||
oṃ śrīṃ hrīṃ pātu me grīvāṃ skandhaṃ me śrīṃ sadā'vatu |
oṃ hrīṃ vidyādhiṣṭhātṛdevyai svāhā vakṣaḥ sadā'vatu || 77 ||
oṃ hrīṃ vidyāsvarūpāyai svāhā me pātu nābhikām |
oṃ hrīṃ klīṃ vāṇyai svāheti mama pṛṣṭhaṃ sadā'vatu || 78 ||
oṃ sarvavarṇātmikāyai pādayugmaṃ sadā'vatu |
oṃ rāgādhiṣṭhātṛdevyai sarvāṅgaṃ me sadā'vatu || 79 ||
oṃ sarvakaṇṭhavāsinyai svāhā pracyāṃ sadā'vatu |
oṃ hrīṃ jihvāgravāsinyai svāhā'gnidiśi rakṣatu || 80 ||
oṃ aiṃ hrīṃ śrīṃ sarasvatyai budhajananyai svāhā |
satataṃ mantrarājo'yaṃ dakṣiṇe māṃ sadā'vatu || 81 ||
oṃ hrīṃ śrīṃ tryakṣaro mantro nairṛtyāṃ me sadā'vatu |
kavijihvāgravāsinyai svāhā māṃ vāruṇe'vatu || 82 ||
oṃ sadambikāyai svāhā vāyavye māṃ sadā'vatu |
oṃ gadyapadyavāsinyai svāhā māmuttare'vatu || 83 ||
oṃ sarvaśāstravāsinyai svāhaiśānyāṃ sadā'vatu |
oṃ hrīṃ sarvapūjitāyai svāhā cordhvaṃ sadā'vatu || 84 ||
aiṃ hrīṃ pustakavāsinyai svāhā'dho māṃ sadāvatu |
oṃ granthabījarūpāyai svāhā māṃ sarvato'vatu || 85 ||
iti te kathitaṃ vipra sarvamantraughavigraham |
idaṃ viśvajayaṃ nāma kavacaṃ brahmārūpakam || 86 ||
purā śrutaṃ dharmavaktrātparvate gandhamādane |
tava snehānmayā''khyātaṃ pravaktavyaṃ na kasyacit || 87 ||
gurumabhyarcya vidhivadvastrālaṅkāracandanaiḥ |
praṇamya daṇḍavadbhūmau kavacaṃ dhārayetsudhīḥ || 88 ||
pañcalakṣajapenaiva siddhaṃ tu kavacaṃ bhavet |
yadi syātsiddhakavaco bṛhaspati samo bhavet || 89 ||
mahāvāgmī kavīndraśca trailokyavijayī bhavet |
śaknoti sarvaṃ jetuṃ sa kavacasya prabhāvataḥ || 90 ||
idaṃ te kāṇvaśākhoktaṃ kathitaṃ kavacaṃ mune |
stotraṃ pūjāvidhānaṃ ca dhyānaṃ vai vandanaṃ tathā || 91 ||
iti śrī brahmavaivarte mahāpurāṇe prakṛtikhaṇḍe nāradanārāyaṇasaṃvāde sarasvatīkavacaṃ nāma caturtho'dhyāyaḥ |
InfoLyter.in — Sacred Vedic Knowledge Portal · Free forever