📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 79 - 𑌰𑍁𑌕𑍍𑌮𑌿𑌣𑍀𑌹𑌰𑌣𑌂 𑌵𑌿𑌵𑌾𑌹𑌂 𑌚
Narayaniyam Dashaka 79 - Rukminiharanam Vivaham Cha
Vishnu Grantha
𑌬𑌲𑌸𑌮𑍇𑌤𑌬𑌲𑌾𑌨𑍁𑌗𑌤𑍋 𑌭𑌵𑌾𑌨𑍍 𑌪𑍁𑌰𑌮𑌗𑌾𑌹𑌤 𑌭𑍀𑌷𑍍𑌮𑌕𑌮𑌾𑌨𑌿𑌤𑌃 ।
𑌦𑍍𑌵𑌿𑌜𑌸𑍁𑌤𑌂 𑌤𑍍𑌵𑌦𑍁𑌪𑌾𑌗𑌮𑌵𑌾𑌦𑌿𑌨𑌂 𑌧𑍃𑌤𑌰𑌸𑌾 𑌤𑌰𑌸𑌾 𑌪𑍍𑌰𑌣𑌨𑌾𑌮 𑌸𑌾 ॥1॥
𑌭𑍁𑌵𑌨𑌕𑌾𑌨𑍍𑌤𑌮𑌵𑍇𑌕𑍍𑌷𑍍𑌯 𑌭𑌵𑌦𑍍𑌵𑌪𑍁𑌰𑍍𑌨𑍃𑌪𑌸𑍁𑌤𑌸𑍍𑌯 𑌨𑌿𑌶𑌮𑍍𑌯 𑌚 𑌚𑍇𑌷𑍍𑌟𑌿𑌤𑌮𑍍 ।
𑌵𑌿𑌪𑍁𑌲𑌖𑍇𑌦𑌜𑍁𑌷𑌾𑌂 𑌪𑍁𑌰𑌵𑌾𑌸𑌿𑌨𑌾𑌂 𑌸𑌰𑍁𑌦𑌿𑌤𑍈𑌰𑍁𑌦𑌿𑌤𑍈𑌰𑌗𑌮𑌨𑍍𑌨𑌿𑌶𑌾 ॥2॥
𑌤𑌦𑌨𑍁 𑌵𑌨𑍍𑌦𑌿𑌤𑍁𑌮𑌿𑌨𑍍𑌦𑍁𑌮𑍁𑌖𑍀 𑌶𑌿𑌵𑌾𑌂 𑌵𑌿𑌹𑌿𑌤𑌮𑌙𑍍𑌗𑌲𑌭𑍂𑌷𑌣𑌭𑌾𑌸𑍁𑌰𑌾 ।
𑌨𑌿𑌰𑌗𑌮𑌤𑍍 𑌭𑌵𑌦𑌰𑍍𑌪𑌿𑌤𑌜𑍀𑌵𑌿𑌤𑌾 𑌸𑍍𑌵𑌪𑍁𑌰𑌤𑌃 𑌪𑍁𑌰𑌤𑌃 𑌸𑍁𑌭𑌟𑌾𑌵𑍃𑌤𑌾 ॥3॥
𑌕𑍁𑌲𑌵𑌧𑍂𑌭𑌿𑌰𑍁𑌪𑍇𑌤𑍍𑌯 𑌕𑍁𑌮𑌾𑌰𑌿𑌕𑌾 𑌗𑌿𑌰𑌿𑌸𑍁𑌤𑌾𑌂 𑌪𑌰𑌿𑌪𑍂𑌜𑍍𑌯 𑌚 𑌸𑌾𑌦𑌰𑌮𑍍 ।
𑌮𑍁𑌹𑍁𑌰𑌯𑌾𑌚𑌤 𑌤𑌤𑍍𑌪𑌦𑌪𑌙𑍍𑌕𑌜𑍇 𑌨𑌿𑌪𑌤𑌿𑌤𑌾 𑌪𑌤𑌿𑌤𑌾𑌂 𑌤𑌵 𑌕𑍇𑌵𑌲𑌮𑍍 ॥4॥
𑌸𑌮𑌵𑌲𑍋𑌕𑌕𑍁𑌤𑍂𑌹𑌲𑌸𑌙𑍍𑌕𑍁𑌲𑍇 𑌨𑍃𑌪𑌕𑍁𑌲𑍇 𑌨𑌿𑌭𑍃𑌤𑌂 𑌤𑍍𑌵𑌯𑌿 𑌚 𑌸𑍍𑌥𑌿𑌤𑍇 ।
𑌨𑍃𑌪𑌸𑍁𑌤𑌾 𑌨𑌿𑌰𑌗𑌾𑌦𑍍𑌗𑌿𑌰𑌿𑌜𑌾𑌲𑌯𑌾𑌤𑍍 𑌸𑍁𑌰𑍁𑌚𑌿𑌰𑌂 𑌰𑍁𑌚𑌿𑌰𑌞𑍍𑌜𑌿𑌤𑌦𑌿𑌙𑍍𑌮𑍁𑌖𑌾 ॥5॥
𑌭𑍁𑌵𑌨𑌮𑍋𑌹𑌨𑌰𑍂𑌪𑌰𑍁𑌚𑌾 𑌤𑌦𑌾 𑌵𑌿𑌵𑌶𑌿𑌤𑌾𑌖𑌿𑌲𑌰𑌾𑌜𑌕𑌦𑌮𑍍𑌬𑌯𑌾 ।
𑌤𑍍𑌵𑌮𑌪𑌿 𑌦𑍇𑌵 𑌕𑌟𑌾𑌕𑍍𑌷𑌵𑌿𑌮𑍋𑌕𑍍𑌷𑌣𑍈𑌃 𑌪𑍍𑌰𑌮𑌦𑌯𑌾 𑌮𑌦𑌯𑌾𑌞𑍍𑌚𑌕𑍃𑌷𑍇 𑌮𑌨𑌾𑌕𑍍 ॥6॥
𑌕𑍍𑌵𑌨𑍁 𑌗𑌮𑌿𑌷𑍍𑌯𑌸𑌿 𑌚𑌨𑍍𑌦𑍍𑌰𑌮𑍁𑌖𑍀𑌤𑌿 𑌤𑌾𑌂 𑌸𑌰𑌸𑌮𑍇𑌤𑍍𑌯 𑌕𑌰𑍇𑌣 𑌹𑌰𑌨𑍍 𑌕𑍍𑌷𑌣𑌾𑌤𑍍 ।
𑌸𑌮𑌧𑌿𑌰𑍋𑌪𑍍𑌯 𑌰𑌥𑌂 𑌤𑍍𑌵𑌮𑌪𑌾𑌹𑍃𑌥𑌾 𑌭𑍁𑌵𑌿 𑌤𑌤𑍋 𑌵𑌿𑌤𑌤𑍋 𑌨𑌿𑌨𑌦𑍋 𑌦𑍍𑌵𑌿𑌷𑌾𑌮𑍍 ॥7॥
𑌕𑍍𑌵 𑌨𑍁 𑌗𑌤𑌃 𑌪𑌶𑍁𑌪𑌾𑌲 𑌇𑌤𑌿 𑌕𑍍𑌰𑍁𑌧𑌾 𑌕𑍃𑌤𑌰𑌣𑌾 𑌯𑌦𑍁𑌭𑌿𑌶𑍍𑌚 𑌜𑌿𑌤𑌾 𑌨𑍃𑌪𑌾𑌃 ।
𑌨 𑌤𑍁 𑌭𑌵𑌾𑌨𑍁𑌦𑌚𑌾𑌲𑍍𑌯𑌤 𑌤𑍈𑌰𑌹𑍋 𑌪𑌿𑌶𑍁𑌨𑌕𑍈𑌃 𑌶𑍁𑌨𑌕𑍈𑌰𑌿𑌵 𑌕𑍇𑌸𑌰𑍀 ॥8॥
𑌤𑌦𑌨𑍁 𑌰𑍁𑌕𑍍𑌮𑌿𑌣𑌮𑌾𑌗𑌤𑌮𑌾𑌹𑌵𑍇 𑌵𑌧𑌮𑍁𑌪𑍇𑌕𑍍𑌷𑍍𑌯 𑌨𑌿𑌬𑌧𑍍𑌯 𑌵𑌿𑌰𑍂𑌪𑌯𑌨𑍍 ।
𑌹𑍃𑌤𑌮𑌦𑌂 𑌪𑌰𑌿𑌮𑍁𑌚𑍍𑌯 𑌬𑌲𑍋𑌕𑍍𑌤𑌿𑌭𑌿𑌃 𑌪𑍁𑌰𑌮𑌯𑌾 𑌰𑌮𑌯𑌾 𑌸𑌹 𑌕𑌾𑌨𑍍𑌤𑌯𑌾 ॥9॥
𑌨𑌵𑌸𑌮𑌾𑌗𑌮𑌲𑌜𑍍𑌜𑌿𑌤𑌮𑌾𑌨𑌸𑌾𑌂 𑌪𑍍𑌰𑌣𑌯𑌕𑍗𑌤𑍁𑌕𑌜𑍃𑌮𑍍𑌭𑌿𑌤𑌮𑌨𑍍𑌮𑌥𑌾𑌮𑍍 ।
𑌅𑌰𑌮𑌯𑌃 𑌖𑌲𑍁 𑌨𑌾𑌥 𑌯𑌥𑌾𑌸𑍁𑌖𑌂 𑌰𑌹𑌸𑌿 𑌤𑌾𑌂 𑌹𑌸𑌿𑌤𑌾𑌂𑌶𑍁𑌲𑌸𑌨𑍍𑌮𑍁𑌖𑍀𑌮𑍍 ॥10॥
𑌵𑌿𑌵𑌿𑌧𑌨𑌰𑍍𑌮𑌭𑌿𑌰𑍇𑌵𑌮𑌹𑌰𑍍𑌨𑌿𑌶𑌂 𑌪𑍍𑌰𑌮𑌦𑌮𑌾𑌕𑌲𑌯𑌨𑍍 𑌪𑍁𑌨𑌰𑍇𑌕𑌦𑌾 ।
𑌋𑌜𑍁𑌮𑌤𑍇𑌃 𑌕𑌿𑌲 𑌵𑌕𑍍𑌰𑌗𑌿𑌰𑌾 𑌭𑌵𑌾𑌨𑍍 𑌵𑌰𑌤𑌨𑍋𑌰𑌤𑌨𑍋𑌦𑌤𑌿𑌲𑍋𑌲𑌤𑌾𑌮𑍍 ॥11॥
𑌤𑌦𑌧𑌿𑌕𑍈𑌰𑌥 𑌲𑌾𑌲𑌨𑌕𑍗𑌶𑌲𑍈𑌃 𑌪𑍍𑌰𑌣𑌯𑌿𑌨𑍀𑌮𑌧𑌿𑌕𑌂 𑌸𑍁𑌖𑌯𑌨𑍍𑌨𑌿𑌮𑌾𑌮𑍍 ।
𑌅𑌯𑌿 𑌮𑍁𑌕𑍁𑌨𑍍𑌦 𑌭𑌵𑌚𑍍𑌚𑌰𑌿𑌤𑌾𑌨𑌿 𑌨𑌃 𑌪𑍍𑌰𑌗𑌦𑌤𑌾𑌂 𑌗𑌦𑌤𑌾𑌨𑍍𑌤𑌿𑌮𑌪𑌾𑌕𑍁𑌰𑍁 ॥12॥
Roman (IAST) Transliteration
balasametabalānugato bhavān puramagāhata bhīṣmakamānitaḥ |
dvijasutaṃ tvadupāgamavādinaṃ dhṛtarasā tarasā praṇanāma sā ||1||
bhuvanakāntamavekṣya bhavadvapurnṛpasutasya niśamya ca ceṣṭitam |
vipulakhedajuṣāṃ puravāsināṃ saruditairuditairagamanniśā ||2||
tadanu vanditumindumukhī śivāṃ vihitamaṅgalabhūṣaṇabhāsurā |
niragamat bhavadarpitajīvitā svapurataḥ purataḥ subhaṭāvṛtā ||3||
kulavadhūbhirupetya kumārikā girisutāṃ paripūjya ca sādaram |
muhurayācata tatpadapaṅkaje nipatitā patitāṃ tava kevalam ||4||
samavalokakutūhalasaṅkule nṛpakule nibhṛtaṃ tvayi ca sthite |
nṛpasutā niragādgirijālayāt suruciraṃ rucirañjitadiṅmukhā ||5||
bhuvanamohanarūparucā tadā vivaśitākhilarājakadambayā |
tvamapi deva kaṭākṣavimokṣaṇaiḥ pramadayā madayāñcakṛṣe manāk ||6||
kvanu gamiṣyasi candramukhīti tāṃ sarasametya kareṇa haran kṣaṇāt |
samadhiropya rathaṃ tvamapāhṛthā bhuvi tato vitato ninado dviṣām ||7||
kva nu gataḥ paśupāla iti krudhā kṛtaraṇā yadubhiśca jitā nṛpāḥ |
na tu bhavānudacālyata tairaho piśunakaiḥ śunakairiva kesarī ||8||
tadanu rukmiṇamāgatamāhave vadhamupekṣya nibadhya virūpayan |
hṛtamadaṃ parimucya baloktibhiḥ puramayā ramayā saha kāntayā ||9||
navasamāgamalajjitamānasāṃ praṇayakautukajṛmbhitamanmathām |
aramayaḥ khalu nātha yathāsukhaṃ rahasi tāṃ hasitāṃśulasanmukhīm ||10||
vividhanarmabhirevamaharniśaṃ pramadamākalayan punarekadā |
ṛjumateḥ kila vakragirā bhavān varatanoratanodatilolatām ||11||
tadadhikairatha lālanakauśalaiḥ praṇayinīmadhikaṃ sukhayannimām |
ayi mukunda bhavaccaritāni naḥ pragadatāṃ gadatāntimapākuru ||12||
InfoLyter.in — Sacred Vedic Knowledge Portal · Free forever