📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 47 - 𑌉𑌲𑍂𑌖𑌲𑌬𑌨𑍍𑌧𑌨𑌮𑍍
Narayaniyam Dashaka 47 - Ulukhalabandhanam
Vishnu Grantha
𑌏𑌕𑌦𑌾 𑌦𑌧𑌿𑌵𑌿𑌮𑌾𑌥𑌕𑌾𑌰𑌿𑌣𑍀𑌂 𑌮𑌾𑌤𑌰𑌂 𑌸𑌮𑍁𑌪𑌸𑍇𑌦𑌿𑌵𑌾𑌨𑍍 𑌭𑌵𑌾𑌨𑍍 ।
𑌸𑍍𑌤𑌨𑍍𑌯𑌲𑍋𑌲𑍁𑌪𑌤𑌯𑌾 𑌨𑌿𑌵𑌾𑌰𑌯𑌨𑍍𑌨𑌙𑍍𑌕𑌮𑍇𑌤𑍍𑌯 𑌪𑌪𑌿𑌵𑌾𑌨𑍍 𑌪𑌯𑍋𑌧𑌰𑍗 ॥1॥
𑌅𑌰𑍍𑌧𑌪𑍀𑌤𑌕𑍁𑌚𑌕𑍁𑌡𑍍𑌮𑌲𑍇 𑌤𑍍𑌵𑌯𑌿 𑌸𑍍𑌨𑌿𑌗𑍍𑌧𑌹𑌾𑌸𑌮𑌧𑍁𑌰𑌾𑌨𑌨𑌾𑌮𑍍𑌬𑍁𑌜𑍇 ।
𑌦𑍁𑌗𑍍𑌧𑌮𑍀𑌶 𑌦𑌹𑌨𑍇 𑌪𑌰𑌿𑌸𑍍𑌰𑍁𑌤𑌂 𑌧𑌰𑍍𑌤𑍁𑌮𑌾𑌶𑍁 𑌜𑌨𑌨𑍀 𑌜𑌗𑌾𑌮 𑌤𑍇 ॥2॥
𑌸𑌾𑌮𑌿𑌪𑍀𑌤𑌰𑌸𑌭𑌙𑍍𑌗𑌸𑌙𑍍𑌗𑌤𑌕𑍍𑌰𑍋𑌧𑌭𑌾𑌰𑌪𑌰𑌿𑌭𑍂𑌤𑌚𑍇𑌤𑌸𑌾।
𑌮𑌨𑍍𑌥𑌦𑌣𑍍𑌡𑌮𑍁𑌪𑌗𑍃𑌹𑍍𑌯 𑌪𑌾𑌟𑌿𑌤𑌂 𑌹𑌨𑍍𑌤 𑌦𑍇𑌵 𑌦𑌧𑌿𑌭𑌾𑌜𑌨𑌂 𑌤𑍍𑌵𑌯𑌾 ॥3॥
𑌉𑌚𑍍𑌚𑌲𑌦𑍍𑌧𑍍𑌵𑌨𑌿𑌤𑌮𑍁𑌚𑍍𑌚𑌕𑍈𑌸𑍍𑌤𑌦𑌾 𑌸𑌨𑍍𑌨𑌿𑌶𑌮𑍍𑌯 𑌜𑌨𑌨𑍀 𑌸𑌮𑌾𑌦𑍍𑌰𑍁𑌤𑌾 ।
𑌤𑍍𑌵𑌦𑍍𑌯𑌶𑍋𑌵𑌿𑌸𑌰𑌵𑌦𑍍𑌦𑌦𑌰𑍍𑌶 𑌸𑌾 𑌸𑌦𑍍𑌯 𑌏𑌵 𑌦𑌧𑌿 𑌵𑌿𑌸𑍍𑌤𑍃𑌤𑌂 𑌕𑍍𑌷𑌿𑌤𑍗 ॥4॥
𑌵𑍇𑌦𑌮𑌾𑌰𑍍𑌗𑌪𑌰𑌿𑌮𑌾𑌰𑍍𑌗𑌿𑌤𑌂 𑌰𑍁𑌷𑌾 𑌤𑍍𑌵𑌮𑌵𑍀𑌕𑍍𑌷𑍍𑌯 𑌪𑌰𑌿𑌮𑌾𑌰𑍍𑌗𑌯𑌨𑍍𑌤𑍍𑌯𑌸𑍗 ।
𑌸𑌨𑍍𑌦𑌦𑌰𑍍𑌶 𑌸𑍁𑌕𑍃𑌤𑌿𑌨𑍍𑌯𑍁𑌲𑍂𑌖𑌲𑍇 𑌦𑍀𑌯𑌮𑌾𑌨𑌨𑌵𑌨𑍀𑌤𑌮𑍋𑌤𑌵𑍇 ॥5॥
𑌤𑍍𑌵𑌾𑌂 𑌪𑍍𑌰𑌗𑍃𑌹𑍍𑌯 𑌬𑌤 𑌭𑍀𑌤𑌿𑌭𑌾𑌵𑌨𑌾𑌭𑌾𑌸𑍁𑌰𑌾𑌨𑌨𑌸𑌰𑍋𑌜𑌮𑌾𑌶𑍁 𑌸𑌾 ।
𑌰𑍋𑌷𑌰𑍂𑌷𑌿𑌤𑌮𑍁𑌖𑍀 𑌸𑌖𑍀𑌪𑍁𑌰𑍋 𑌬𑌨𑍍𑌧𑌨𑌾𑌯 𑌰𑌶𑌨𑌾𑌮𑍁𑌪𑌾𑌦𑌦𑍇 ॥6॥
𑌬𑌨𑍍𑌧𑍁𑌮𑌿𑌚𑍍𑌛𑌤𑌿 𑌯𑌮𑍇𑌵 𑌸𑌜𑍍𑌜𑌨𑌸𑍍𑌤𑌂 𑌭𑌵𑌨𑍍𑌤𑌮𑌯𑌿 𑌬𑌨𑍍𑌧𑍁𑌮𑌿𑌚𑍍𑌛𑌤𑍀 ।
𑌸𑌾 𑌨𑌿𑌯𑍁𑌜𑍍𑌯 𑌰𑌶𑌨𑌾𑌗𑍁𑌣𑌾𑌨𑍍 𑌬𑌹𑍂𑌨𑍍 𑌦𑍍𑌵𑍍𑌯𑌙𑍍𑌗𑍁𑌲𑍋𑌨𑌮𑌖𑌿𑌲𑌂 𑌕𑌿𑌲𑍈𑌕𑍍𑌷𑌤 ॥7॥
𑌵𑌿𑌸𑍍𑌮𑌿𑌤𑍋𑌤𑍍𑌸𑍍𑌮𑌿𑌤𑌸𑌖𑍀𑌜𑌨𑍇𑌕𑍍𑌷𑌿𑌤𑌾𑌂 𑌸𑍍𑌵𑌿𑌨𑍍𑌨𑌸𑌨𑍍𑌨𑌵𑌪𑍁𑌷𑌂 𑌨𑌿𑌰𑍀𑌕𑍍𑌷𑍍𑌯 𑌤𑌾𑌮𑍍 ।
𑌨𑌿𑌤𑍍𑌯𑌮𑍁𑌕𑍍𑌤𑌵𑌪𑍁𑌰𑌪𑍍𑌯𑌹𑍋 𑌹𑌰𑍇 𑌬𑌨𑍍𑌧𑌮𑍇𑌵 𑌕𑍃𑌪𑌯𑌾𑌽𑌨𑍍𑌵𑌮𑌨𑍍𑌯𑌥𑌾𑌃 ॥8॥
𑌸𑍍𑌥𑍀𑌯𑌤𑌾𑌂 𑌚𑌿𑌰𑌮𑍁𑌲𑍂𑌖𑌲𑍇 𑌖𑌲𑍇𑌤𑍍𑌯𑌾𑌗𑌤𑌾 𑌭𑌵𑌨𑌮𑍇𑌵 𑌸𑌾 𑌯𑌦𑌾।
𑌪𑍍𑌰𑌾𑌗𑍁𑌲𑍂𑌖𑌲𑌬𑌿𑌲𑌾𑌨𑍍𑌤𑌰𑍇 𑌤𑌦𑌾 𑌸𑌰𑍍𑌪𑌿𑌰𑌰𑍍𑌪𑌿𑌤𑌮𑌦𑌨𑍍𑌨𑌵𑌾𑌸𑍍𑌥𑌿𑌥𑌾𑌃 ॥9॥
𑌯𑌦𑍍𑌯𑌪𑌾𑌶𑌸𑍁𑌗𑌮𑍋 𑌵𑌿𑌭𑍋 𑌭𑌵𑌾𑌨𑍍 𑌸𑌂𑌯𑌤𑌃 𑌕𑌿𑌮𑍁 𑌸𑌪𑌾𑌶𑌯𑌾𑌽𑌨𑌯𑌾 ।
𑌏𑌵𑌮𑌾𑌦𑌿 𑌦𑌿𑌵𑌿𑌜𑍈𑌰𑌭𑌿𑌷𑍍𑌟𑍁𑌤𑍋 𑌵𑌾𑌤𑌨𑌾𑌥 𑌪𑌰𑌿𑌪𑌾𑌹𑌿 𑌮𑌾𑌂 𑌗𑌦𑌾𑌤𑍍 ॥10॥
Roman (IAST) Transliteration
ekadā dadhivimāthakāriṇīṃ mātaraṃ samupasedivān bhavān |
stanyalolupatayā nivārayannaṅkametya papivān payodharau ||1||
ardhapītakucakuḍmale tvayi snigdhahāsamadhurānanāmbuje |
dugdhamīśa dahane parisrutaṃ dhartumāśu jananī jagāma te ||2||
sāmipītarasabhaṅgasaṅgatakrodhabhāraparibhūtacetasā|
manthadaṇḍamupagṛhya pāṭitaṃ hanta deva dadhibhājanaṃ tvayā ||3||
uccaladdhvanitamuccakaistadā sanniśamya jananī samādrutā |
tvadyaśovisaravaddadarśa sā sadya eva dadhi vistṛtaṃ kṣitau ||4||
vedamārgaparimārgitaṃ ruṣā tvamavīkṣya parimārgayantyasau |
sandadarśa sukṛtinyulūkhale dīyamānanavanītamotave ||5||
tvāṃ pragṛhya bata bhītibhāvanābhāsurānanasarojamāśu sā |
roṣarūṣitamukhī sakhīpuro bandhanāya raśanāmupādade ||6||
bandhumicchati yameva sajjanastaṃ bhavantamayi bandhumicchatī |
sā niyujya raśanāguṇān bahūn dvyaṅgulonamakhilaṃ kilaikṣata ||7||
vismitotsmitasakhījanekṣitāṃ svinnasannavapuṣaṃ nirīkṣya tām |
nityamuktavapurapyaho hare bandhameva kṛpayā'nvamanyathāḥ ||8||
sthīyatāṃ ciramulūkhale khaletyāgatā bhavanameva sā yadā|
prāgulūkhalabilāntare tadā sarpirarpitamadannavāsthithāḥ ||9||
yadyapāśasugamo vibho bhavān saṃyataḥ kimu sapāśayā'nayā |
evamādi divijairabhiṣṭuto vātanātha paripāhi māṃ gadāt ||10||
InfoLyter.in — Sacred Vedic Knowledge Portal · Free forever