📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌨𑌾𑌰𑌾𑌯𑌣 𑌉𑌪𑌨𑌿𑌷𑌦𑍍
Narayana Upanishad
Vishnu Upanishad Grantha
𑍐 𑌸॒𑌹 𑌨𑌾॑𑌵𑌵𑌤𑍁 । 𑌸॒𑌹 𑌨𑍗॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯॑-𑌙𑍍𑌕𑌰𑌵𑌾𑌵𑌹𑍈 ।
𑌤𑍇॒𑌜॒𑌸𑍍𑌵𑌿𑌨𑌾॒𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥
𑍐 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥
𑍐 𑌅𑌥 𑌪𑍁𑌰𑍁𑌷𑍋 𑌹 𑌵𑍈 𑌨𑌾𑌰𑌾𑌯𑌣𑍋-𑌽𑌕𑌾𑌮𑌯𑌤 𑌪𑍍𑌰𑌜𑌾-𑌸𑍍𑌸𑍃॑𑌜𑍇𑌯𑍇॒𑌤𑌿 ।
𑌨𑌾॒𑌰𑌾॒𑌯॒𑌣𑌾𑌤𑍍𑌪𑍍𑌰𑌾॑𑌣𑍋 𑌜𑌾॒𑌯𑌤𑍇 । 𑌮𑌨-𑌸𑍍𑌸𑌰𑍍𑌵𑍇𑌨𑍍𑌦𑍍𑌰𑌿॑𑌯𑌾𑌣𑌿॒ 𑌚 ।
𑌖𑌂-𑌵𑌾𑌁𑌯𑍁𑌰𑍍𑌜𑍍𑌯𑍋𑌤𑌿𑌰𑌾𑌪𑌃 𑌪𑍃𑌥𑌿𑌵𑍀 𑌵𑌿𑌶𑍍𑌵॑𑌸𑍍𑌯 𑌧𑌾॒𑌰𑌿𑌣𑍀 ।
𑌨𑌾॒𑌰𑌾॒𑌯॒𑌣𑌾𑌦𑍍𑌬𑍍𑌰॑𑌹𑍍𑌮𑌾 𑌜𑌾॒𑌯𑌤𑍇 ।
𑌨𑌾॒𑌰𑌾॒𑌯॒𑌣𑌾𑌦𑍍𑌰𑍁॑𑌦𑍍𑌰𑍋 𑌜𑌾॒𑌯𑌤𑍇 ।
𑌨𑌾॒𑌰𑌾॒𑌯॒𑌣𑌾𑌦𑌿॑𑌨𑍍𑌦𑍍𑌰𑍋 𑌜𑌾॒𑌯𑌤𑍇 ।
𑌨𑌾॒𑌰𑌾॒𑌯॒𑌣𑌾𑌤𑍍𑌪𑍍𑌰𑌜𑌾𑌪𑌤𑌯𑌃 𑌪𑍍𑌰॑𑌜𑌾𑌯॒𑌨𑍍𑌤𑍇 ।
𑌨𑌾॒𑌰𑌾॒𑌯॒𑌣𑌾𑌦𑍍𑌦𑍍𑌵𑌾𑌦𑌶𑌾𑌦𑌿𑌤𑍍𑌯𑌾 𑌰𑍁𑌦𑍍𑌰𑌾 𑌵𑌸𑌵𑌸𑍍𑌸𑌰𑍍𑌵𑌾𑌣𑌿 𑌚 𑌛॑𑌨𑍍𑌦𑌾𑌗𑍍𑌂॒𑌸𑌿 ।
𑌨𑌾॒𑌰𑌾॒𑌯॒𑌣𑌾𑌦𑍇𑌵 𑌸𑌮𑍁॑𑌤𑍍𑌪𑌦𑍍𑌯॒𑌨𑍍𑌤𑍇 ।
𑌨𑌾॒𑌰𑌾॒𑌯॒𑌣𑍇 𑌪𑍍𑌰॑𑌵𑌰𑍍𑌤॒𑌨𑍍𑌤𑍇 ।
𑌨𑌾॒𑌰𑌾॒𑌯॒𑌣𑍇 𑌪𑍍𑌰॑𑌲𑍀𑌯॒𑌨𑍍𑌤𑍇 ॥
𑌓𑌮𑍍 । 𑌅𑌥 𑌨𑌿𑌤𑍍𑌯𑍋 𑌨𑌾॑𑌰𑌾𑌯॒𑌣𑌃 । 𑌬𑍍𑌰॒𑌹𑍍𑌮𑌾 𑌨𑌾॑𑌰𑌾𑌯॒𑌣𑌃 ।
𑌶𑌿॒𑌵𑌶𑍍𑌚॑ 𑌨𑌾𑌰𑌾𑌯॒𑌣𑌃 । 𑌶॒𑌕𑍍𑌰𑌶𑍍𑌚॑ 𑌨𑌾𑌰𑌾𑌯॒𑌣𑌃 ।
𑌦𑍍𑌯𑌾॒𑌵𑌾॒𑌪𑍃॒𑌥𑌿॒𑌵𑍍𑌯𑍗 𑌚॑ 𑌨𑌾𑌰𑌾𑌯॒𑌣𑌃 । 𑌕𑌾॒𑌲𑌶𑍍𑌚॑ 𑌨𑌾𑌰𑌾𑌯॒𑌣𑌃 ।
𑌦𑌿॒𑌶𑌶𑍍𑌚॑ 𑌨𑌾𑌰𑌾𑌯॒𑌣𑌃 । 𑌊॒𑌰𑍍𑌧𑍍𑌵𑌶𑍍𑌚॑ 𑌨𑌾𑌰𑌾𑌯॒𑌣𑌃 ।
𑌅॒𑌧𑌶𑍍𑌚॑ 𑌨𑌾𑌰𑌾𑌯॒𑌣𑌃 । 𑌅॒𑌨𑍍𑌤॒𑌰𑍍𑌬॒𑌹𑌿𑌶𑍍𑌚॑ 𑌨𑌾𑌰𑌾𑌯॒𑌣𑌃 ।
𑌨𑌾𑌰𑌾𑌯𑌣 𑌏𑌵𑍇॑𑌦𑌗𑍍𑌂 𑌸॒𑌰𑍍𑌵𑌮𑍍 ।
𑌯𑌦𑍍𑌭𑍂॒𑌤𑌂-𑌯𑌁𑌚𑍍𑌚॒ 𑌭𑌵𑍍𑌯𑌮𑍍᳚ ।
𑌨𑌿𑌷𑍍𑌕𑌲𑍋 𑌨𑌿𑌰𑌞𑍍𑌜𑌨𑍋 𑌨𑌿𑌰𑍍𑌵𑌿𑌕𑌲𑍍𑌪𑍋 𑌨𑌿𑌰𑌾𑌖𑍍𑌯𑌾𑌤-𑌶𑍍𑌶𑍁𑌦𑍍𑌧𑍋 𑌦𑍇𑌵
𑌏𑌕𑍋॑ 𑌨𑌾𑌰𑌾𑌯॒𑌣𑌃 । 𑌨 𑌦𑍍𑌵𑌿॒𑌤𑍀𑌯𑍋᳚𑌸𑍍𑌤𑌿॒ 𑌕𑌶𑍍𑌚𑌿॑𑌤𑍍 ।
𑌯 𑌏॑𑌵𑌂-𑌵𑍇𑌁॒𑌦 ।
𑌸 𑌵𑌿𑌷𑍍𑌣𑍁𑌰𑍇𑌵 𑌭𑌵𑌤𑌿 𑌸 𑌵𑌿𑌷𑍍𑌣𑍁𑌰𑍇॑𑌵 𑌭॒𑌵𑌤𑌿 ॥
𑌓𑌮𑌿𑌤𑍍𑌯॑𑌗𑍍𑌰𑍇 𑌵𑍍𑌯𑌾॒𑌹𑌰𑍇𑌤𑍍 । 𑌨𑌮 𑌇॑𑌤𑌿 𑌪॒𑌶𑍍𑌚𑌾𑌤𑍍 ।
𑌨𑌾॒𑌰𑌾॒𑌯॒𑌣𑌾𑌯𑍇𑌤𑍍𑌯𑍁॑𑌪𑌰𑌿॒𑌷𑍍𑌟𑌾𑌤𑍍 ।
𑌓𑌮𑌿॑𑌤𑍍𑌯𑍇𑌕𑌾॒𑌕𑍍𑌷𑌰𑌮𑍍 । 𑌨𑌮 𑌇𑌤𑌿॑ 𑌦𑍍𑌵𑍇 𑌅॒𑌕𑍍𑌷𑌰𑍇 ।
𑌨𑌾॒𑌰𑌾॒𑌯॒𑌣𑌾𑌯𑍇𑌤𑌿 𑌪𑌞𑍍𑌚𑌾᳚𑌕𑍍𑌷𑌰𑌾॒𑌣𑌿 ।
𑌏𑌤𑌦𑍍𑌵𑍈 𑌨𑌾𑌰𑌾𑌯𑌣𑌸𑍍𑌯𑌾𑌷𑍍𑌟𑌾𑌕𑍍𑌷॑𑌰-𑌮𑍍𑌪॒𑌦𑌮𑍍 ।
𑌯𑍋 𑌹 𑌵𑍈 𑌨𑌾𑌰𑌾𑌯𑌣𑌸𑍍𑌯𑌾𑌷𑍍𑌟𑌾𑌕𑍍𑌷𑌰-𑌮𑍍𑌪𑌦॑𑌮𑌧𑍍𑌯𑍇॒𑌤𑌿 ।
𑌅𑌨𑌪𑌬𑍍𑌰𑌵𑌸𑍍𑌸𑌰𑍍𑌵𑌮𑌾॑𑌯𑍁𑌰𑍇॒𑌤𑌿 ।
𑌵𑌿𑌨𑍍𑌦𑌤𑍇 𑌪𑍍𑌰𑌾॑𑌜𑌾𑌪॒𑌤𑍍𑌯𑌗𑍍𑌂 𑌰𑌾𑌯𑌸𑍍𑌪𑍋𑌷॑-𑌙𑍍𑌗𑍗𑌪॒𑌤𑍍𑌯𑌮𑍍 ।
𑌤𑌤𑍋-𑌽𑌮𑍃𑌤𑌤𑍍𑌵𑌮𑌶𑍍𑌨𑍁𑌤𑍇 𑌤𑌤𑍋-𑌽𑌮𑍃𑌤𑌤𑍍𑌵𑌮𑌶𑍍𑌨𑍁॑𑌤 𑌇॒𑌤𑌿 ।
𑌯 𑌏॑𑌵𑌂-𑌵𑍇𑌁॒𑌦 ॥
𑌪𑍍𑌰𑌤𑍍𑌯𑌗𑌾𑌨𑌨𑍍𑌦-𑌮𑍍𑌬𑍍𑌰𑌹𑍍𑌮 𑌪𑍁𑌰𑍁𑌷-𑌮𑍍𑌪𑍍𑌰𑌣𑌵॑𑌸𑍍𑌵𑌰𑍂॒𑌪𑌮𑍍 ।
𑌅𑌕𑌾𑌰 𑌉𑌕𑌾𑌰 𑌮𑌕𑌾॑𑌰 𑌇॒𑌤𑌿 ।
𑌤𑌾𑌨𑍇𑌕𑌧𑌾 𑌸𑌮𑌭𑌰𑌤𑍍𑌤𑌦𑍇𑌤॑𑌦𑍋𑌮𑌿॒𑌤𑌿 ।
𑌯𑌮𑍁𑌕𑍍𑌤𑍍𑌵𑌾॑ 𑌮𑍁𑌚𑍍𑌯॑𑌤𑍇 𑌯𑍋॒𑌗𑍀॒ 𑌜॒𑌨𑍍𑌮॒𑌸𑌂𑌸𑌾॑𑌰𑌬॒𑌨𑍍𑌧𑌨𑌾𑌤𑍍 ।
𑌓-𑌨𑍍𑌨𑌮𑍋 𑌨𑌾𑌰𑌾𑌯𑌣𑌾𑌯𑍇𑌤𑌿 𑌮॑𑌨𑍍𑌤𑍍𑌰𑍋𑌪𑌾॒𑌸𑌕𑌃 ।
𑌵𑍈𑌕𑍁𑌣𑍍𑌠𑌭𑍁𑌵𑌨𑌲𑍋𑌕॑-𑌙𑍍𑌗𑌮𑌿॒𑌷𑍍𑌯𑌤𑌿 ।
𑌤𑌦𑌿𑌦-𑌮𑍍𑌪𑌰-𑌮𑍍𑌪𑍁𑌣𑍍𑌡𑌰𑍀𑌕𑌂-𑌵𑌿𑌁॑𑌜𑍍𑌞𑌾𑌨॒𑌘𑌨𑌮𑍍 ।
𑌤𑌸𑍍𑌮𑌾𑌤𑍍𑌤𑌦𑌿𑌦𑌾॑𑌵𑌨𑍍𑌮𑌾॒𑌤𑍍𑌰𑌮𑍍 ।
𑌬𑍍𑌰𑌹𑍍𑌮𑌣𑍍𑌯𑍋 𑌦𑍇𑌵॑𑌕𑍀𑌪𑍁॒𑌤𑍍𑌰𑍋॒ 𑌬𑍍𑌰𑌹𑍍𑌮𑌣𑍍𑌯𑍋 𑌮॑𑌧𑍁𑌸𑍂॒𑌦𑌨𑍋𑌮𑍍 ।
𑌸𑌰𑍍𑌵𑌭𑍂𑌤𑌸𑍍𑌥𑌮𑍇𑌕॑-𑌨𑍍𑌨𑌾𑌰𑌾॒𑌯𑌣𑌮𑍍 ।
𑌕𑌾𑌰𑌣𑌰𑍂𑌪𑌮𑌕𑌾𑌰 𑌪॑𑌰𑌬𑍍𑌰॒𑌹𑍍𑌮𑍋𑌮𑍍 ।
𑌏𑌤𑌦𑌥𑌰𑍍𑌵 𑌶𑌿𑌰𑍋॑𑌯𑍋-𑌽𑌧𑍀॒𑌤𑍇 𑌪𑍍𑌰𑌾॒𑌤𑌰॑𑌧𑍀𑌯𑌾॒𑌨𑍋॒ 𑌰𑌾𑌤𑍍𑌰𑌿𑌕𑍃𑌤-𑌮𑍍𑌪𑌾𑌪॑-𑌨𑍍𑌨𑌾𑌶॒𑌯𑌤𑌿 ।
𑌸𑌾॒𑌯𑌮॑𑌧𑍀𑌯𑌾॒𑌨𑍋॒ 𑌦𑌿𑌵𑌸𑌕𑍃𑌤-𑌮𑍍𑌪𑌾𑌪॑-𑌨𑍍𑌨𑌾𑌶॒𑌯𑌤𑌿 ।
𑌮𑌾𑌧𑍍𑌯𑌨𑍍𑌦𑌿𑌨𑌮𑌾𑌦𑌿𑌤𑍍𑌯𑌾𑌭𑌿𑌮𑍁𑌖𑍋॑-𑌽𑌧𑍀𑌯𑌾॒𑌨𑌃॒ 𑌪𑌞𑍍𑌚𑌪𑌾𑌤𑌕𑍋𑌪𑌪𑌾𑌤𑌕𑌾᳚𑌤𑍍𑌪𑍍𑌰𑌮𑍁॒𑌚𑍍𑌯𑌤𑍇 ।
𑌸𑌰𑍍𑌵 𑌵𑍇𑌦 𑌪𑌾𑌰𑌾𑌯𑌣 𑌪𑍁॑𑌣𑍍𑌯𑌂-𑌲𑌁॒𑌭𑌤𑍇 ।
𑌨𑌾𑌰𑌾𑌯𑌣𑌸𑌾𑌯𑍁𑌜𑍍𑌯𑌮॑𑌵𑌾𑌪𑍍𑌨𑍋॒𑌤𑌿॒ 𑌨𑌾𑌰𑌾𑌯𑌣 𑌸𑌾𑌯𑍁𑌜𑍍𑌯𑌮॑𑌵𑌾𑌪𑍍𑌨𑍋॒𑌤𑌿 ।
𑌯 𑌏॑𑌵𑌂-𑌵𑍇𑌁॒𑌦 । 𑌇𑌤𑍍𑌯𑍁॑𑌪॒𑌨𑌿𑌷॑𑌤𑍍 ॥
𑍐 𑌸॒𑌹 𑌨𑌾॑𑌵𑌵𑌤𑍁 । 𑌸॒𑌹 𑌨𑍗॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯॑-𑌙𑍍𑌕𑌰𑌵𑌾𑌵𑌹𑍈 ।
𑌤𑍇॒𑌜॒𑌸𑍍𑌵𑌿𑌨𑌾॒𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥
𑍐 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥
Roman (IAST) Transliteration
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |
te॒ja॒svinā॒vadhī̭tamastu॒ mā vi̭dviṣā॒vahai᳚ ||
oṃ śānti॒-śśānti॒-śśāntiḥ̭ ||
oṃ atha puruṣo ha vai nārāyaṇo-'kāmayata prajā-ssṛ̭jeye॒ti |
nā॒rā॒ya॒ṇātprā̭ṇo jā॒yate | mana-ssarvendri̭yāṇi॒ ca |
khaṃ-vā~yurjyotirāpaḥ pṛthivī viśva̭sya dhā॒riṇī |
nā॒rā॒ya॒ṇādbra̭hmā jā॒yate |
nā॒rā॒ya॒ṇādrṷdro jā॒yate |
nā॒rā॒ya॒ṇādi̭ndro jā॒yate |
nā॒rā॒ya॒ṇātprajāpatayaḥ pra̭jāya॒nte |
nā॒rā॒ya॒ṇāddvādaśādityā rudrā vasavassarvāṇi ca cha̭ndāgṃ॒si |
nā॒rā॒ya॒ṇādeva samṷtpadya॒nte |
nā॒rā॒ya॒ṇe pra̭varta॒nte |
nā॒rā॒ya॒ṇe pra̭līya॒nte ||
om | atha nityo nā̭rāya॒ṇaḥ | bra॒hmā nā̭rāya॒ṇaḥ |
śi॒vaśca̭ nārāya॒ṇaḥ | śa॒kraśca̭ nārāya॒ṇaḥ |
dyā॒vā॒pṛ॒thi॒vyau ca̭ nārāya॒ṇaḥ | kā॒laśca̭ nārāya॒ṇaḥ |
di॒śaśca̭ nārāya॒ṇaḥ | ū॒rdhvaśca̭ nārāya॒ṇaḥ |
a॒dhaśca̭ nārāya॒ṇaḥ | a॒nta॒rba॒hiśca̭ nārāya॒ṇaḥ |
nārāyaṇa evḙdagṃ sa॒rvam |
yadbhū॒taṃ-ya~cca॒ bhavyam᳚ |
niṣkalo nirañjano nirvikalpo nirākhyāta-śśuddho deva
eko̭ nārāya॒ṇaḥ | na dvi॒tīyo᳚sti॒ kaści̭t |
ya ḙvaṃ-ve~॒da |
sa viṣṇureva bhavati sa viṣṇurḙva bha॒vati ||
omitya̭gre vyā॒haret | nama i̭ti pa॒ścāt |
nā॒rā॒ya॒ṇāyetyṷpari॒ṣṭāt |
omi̭tyekā॒kṣaram | nama iti̭ dve a॒kṣare |
nā॒rā॒ya॒ṇāyeti pañcā᳚kṣarā॒ṇi |
etadvai nārāyaṇasyāṣṭākṣa̭ra-mpa॒dam |
yo ha vai nārāyaṇasyāṣṭākṣara-mpada̭madhye॒ti |
anapabravassarvamā̭yure॒ti |
vindate prā̭jāpa॒tyagṃ rāyaspoṣa̭-ṅgaupa॒tyam |
tato-'mṛtatvamaśnute tato-'mṛtatvamaśnṷta i॒ti |
ya ḙvaṃ-ve~॒da ||
pratyagānanda-mbrahma puruṣa-mpraṇava̭svarū॒pam |
akāra ukāra makā̭ra i॒ti |
tānekadhā samabharattadeta̭domi॒ti |
yamuktvā̭ mucya̭te yo॒gī॒ ja॒nma॒saṃsā̭raba॒ndhanāt |
o-nnamo nārāyaṇāyeti ma̭ntropā॒sakaḥ |
vaikuṇṭhabhuvanaloka̭-ṅgami॒ṣyati |
tadida-mpara-mpuṇḍarīkaṃ-vi~̭jñāna॒ghanam |
tasmāttadidā̭vanmā॒tram |
brahmaṇyo deva̭kīpu॒tro॒ brahmaṇyo ma̭dhusū॒danom |
sarvabhūtasthameka̭-nnārā॒yaṇam |
kāraṇarūpamakāra pa̭rabra॒hmom |
etadatharva śiro̭yo-'dhī॒te prā॒tara̭dhīyā॒no॒ rātrikṛta-mpāpa̭-nnāśa॒yati |
sā॒yama̭dhīyā॒no॒ divasakṛta-mpāpa̭-nnāśa॒yati |
mādhyandinamādityābhimukho̭-'dhīyā॒naḥ॒ pañcapātakopapātakā᳚tpramu॒cyate |
sarva veda pārāyaṇa pṷṇyaṃ-la~॒bhate |
nārāyaṇasāyujyama̭vāpno॒ti॒ nārāyaṇa sāyujyama̭vāpno॒ti |
ya ḙvaṃ-ve~॒da | ityṷpa॒niṣa̭t ||
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |
te॒ja॒svinā॒vadhī̭tamastu॒ mā vi̭dviṣā॒vahai᳚ ||
oṃ śānti॒-śśānti॒-śśāntiḥ̭ ||
InfoLyter.in — Sacred Vedic Knowledge Portal · Free forever