📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌮𑌹𑌾𑌨𑍍𑌯𑌾𑌸𑌮𑍍 - 7.4. 𑌅𑌪𑍍𑌰𑌤𑌿𑌰𑌥𑌂
Shri Mahanyasam - 7.4. Apratiratham
Vedic Grantha
(𑌤𑍈. 𑌸𑌂. 4.6.4.1 - 𑌤𑍈. 𑌸𑌂. 4.6.4.5)
𑌆॒𑌶𑍁-𑌶𑍍𑌶𑌿𑌶𑌾॑𑌨𑍋 𑌵𑍃𑌷॒𑌭𑍋 𑌨 𑌯𑍁॒𑌧𑍍𑌮𑍋 𑌘॑𑌨𑌾𑌘॒𑌨𑌃, 𑌕𑍍𑌷𑍋𑌭॑𑌣-𑌶𑍍𑌚𑌰𑍍​𑌷𑌣𑍀॒𑌨𑌾𑌮𑍍 ।
𑌸॒॒𑌙𑍍𑌕𑍍𑌰𑌨𑍍𑌦॑𑌨𑍋-𑌽𑌨𑌿𑌮𑌿॒𑌷 𑌏॑𑌕 𑌵𑍀॒𑌰𑌶𑍍𑌶॒𑌤𑌗𑍍𑌂 𑌸𑍇𑌨𑌾॑ 𑌅𑌜𑌯𑌥𑍍𑌸𑌾॒-𑌕𑌮𑌿𑌨𑍍𑌦𑍍𑌰𑌃॑ ।
𑌸॒𑌙𑍍𑌕𑍍𑌰𑌨𑍍𑌦॑𑌨𑍇𑌨𑌾 𑌨𑌿𑌮𑌿॒𑌷𑍇𑌣॑ 𑌜𑌿॒𑌷𑍍𑌣𑍁𑌨𑌾॑ 𑌯𑍁𑌤𑍍𑌕𑌾॒𑌰𑍇𑌣॑ 𑌦𑍁𑌶𑍍𑌚𑍍𑌯𑌵॒𑌨𑍇𑌨॑ 𑌧𑍃॒𑌷𑍍𑌣𑍁𑌨𑌾᳚ ।
𑌤𑌦𑌿𑌨𑍍𑌦𑍍𑌰𑍇॑𑌣 𑌜𑌯𑌤॒ 𑌤𑌥𑍍𑌸॑𑌹𑌧𑍍𑌵𑌂॒-𑌯𑍁𑌁𑌧𑍋॑ 𑌨𑌰॒ 𑌇𑌷𑍁॑ 𑌹𑌸𑍍𑌤𑍇𑌨॒ 𑌵𑍃𑌷𑍍𑌣𑌾᳚ ।
𑌸 𑌇𑌷𑍁॑𑌹𑌸𑍍𑌤𑍈॒-𑌸𑍍𑌸 𑌨𑌿॑𑌷॒𑌙𑍍𑌗𑌿𑌭𑌿॑ 𑌰𑍍𑌵॒𑌶𑍀 𑌸𑌗𑍍𑌗𑍍​𑌸𑍍𑌰॑𑌷𑍍𑌟𑌾॒ 𑌸𑌯𑍁𑌧॒ 𑌇𑌨𑍍𑌦𑍍𑌰𑍋॑ 𑌗॒𑌣𑍇𑌨॑ ।
𑌸॒𑌗𑍍𑌂॒𑌸𑍃॒𑌷𑍍𑌟॒-𑌜𑌿𑌥𑍍𑌸𑍋॑𑌮॒𑌪𑌾 𑌬𑌾॑𑌹𑍁 𑌶॒𑌰𑍍𑌧𑍍𑌯𑍂᳚𑌰𑍍𑌧𑍍𑌵-𑌧॑𑌨𑍍𑌵𑌾॒ 𑌪𑍍𑌰𑌤𑌿॑𑌹𑌿𑌤𑌾-𑌭𑌿॒𑌰𑌸𑍍𑌤𑌾᳚ ।
𑌬𑍃𑌹॑𑌸𑍍𑌪𑌤𑍇॒ 𑌪𑌰𑌿॑𑌦𑍀𑌯𑌾॒ 𑌰𑌥𑍇॑𑌨 𑌰𑌕𑍍𑌷𑍋॒𑌹𑌾-𑌽𑌮𑌿𑌤𑍍𑌰𑌾𑌗𑍍𑌂॑ 𑌅𑌪॒ 𑌬𑌾𑌧॑𑌮𑌾𑌨𑌃 । 1
𑌪𑍍𑌰॒𑌭॒𑌞𑍍𑌜-𑌨𑍍𑌥𑍍𑌸𑍇𑌨𑌾𑌃᳚ 𑌪𑍍𑌰𑌮𑍃॒𑌣𑍋 𑌯𑍁॒𑌧𑌾 𑌜𑌯॑𑌨𑍍𑌨॒𑌸𑍍𑌮𑌾𑌕॑-𑌮𑍇𑌦𑍍𑌧𑍍𑌯𑌵𑌿॒𑌤𑌾 𑌰𑌥𑌾॑𑌨𑌾𑌮𑍍 ।
𑌗𑍋॒𑌤𑍍𑌰॒𑌭𑌿𑌦॑-𑌙𑍍𑌗𑍋॒𑌵𑌿𑌦𑌂॒-𑌵𑌁𑌜𑍍𑌰॑𑌬𑌾𑌹𑍁॒-𑌞𑍍𑌜𑌯॑𑌨𑍍𑌤॒𑌮𑌜𑍍𑌮॑ 𑌪𑍍𑌰𑌮𑍃॒𑌣𑌨𑍍𑌤॒-𑌮𑍋𑌜॑𑌸𑌾 ।
𑌇॒𑌮𑌗𑍍𑌂 𑌸॑𑌜𑌾𑌤𑌾॒ 𑌅𑌨𑍁॑𑌵𑍀𑌰-𑌯𑌧𑍍𑌵॒𑌮𑌿𑌨𑍍𑌦𑍍𑌰𑌗𑍍𑌂॑ 𑌸𑌖𑌾॒𑌯𑍋-𑌽𑌨𑍁॒ 𑌸𑌰॑𑌭𑌧𑍍𑌵𑌮𑍍 ।
𑌬॒𑌲॒𑌵𑌿॒𑌜𑍍𑌞𑌾॒𑌯-𑌸𑍍𑌸𑍍𑌥𑌵𑌿॑𑌰𑌃॒ 𑌪𑍍𑌰𑌵𑍀॑𑌰॒-𑌸𑍍𑌸𑌹॑𑌸𑍍𑌵𑌾𑌨𑍍 𑌵𑌾॒𑌜𑍀 𑌸𑌹॑𑌮𑌾𑌨 𑌉॒𑌗𑍍𑌰𑌃 ।
𑌅॒𑌭𑌿𑌵𑍀॑𑌰𑍋 𑌅॒𑌭𑌿𑌸॑𑌤𑍍𑌵𑌾 𑌸𑌹𑍋॒𑌜𑌾 𑌜𑍈𑌤𑍍𑌰॑𑌮𑌿𑌨𑍍𑌦𑍍𑌰॒ 𑌰𑌥॒𑌮𑌾𑌤𑌿॑𑌷𑍍𑌠 𑌗𑍋॒𑌵𑌿𑌤𑍍 । 2
𑌅॒𑌭𑌿 𑌗𑍋॒𑌤𑍍𑌰𑌾𑌣𑌿॒ 𑌸𑌹॑𑌸𑌾॒ 𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑍋 𑌵𑍀॒𑌰 𑌶𑍍𑌶॒𑌤-𑌮॑𑌨𑍍𑌯𑍁॒𑌰𑌿𑌨𑍍𑌦𑍍𑌰𑌃॑ ।
𑌦𑍁॒𑌶𑍍𑌚𑍍𑌯॒𑌵॒𑌨𑌃 𑌪𑍃॑𑌤𑌨𑌾॒𑌷𑌾𑌡॑ 𑌯𑍁॒𑌦𑍍𑌧𑍍𑌯𑍋᳚-𑌽𑌸𑍍𑌮𑌾𑌕॒𑌗𑍍𑌂॒ 𑌸𑍇𑌨𑌾॑ 𑌅𑌵𑌤𑍁॒ 𑌪𑍍𑌰𑌯𑍁॒𑌥𑍍𑌸𑍁 ।
𑌇𑌨𑍍𑌦𑍍𑌰॑ 𑌆𑌸𑌾-𑌨𑍍𑌨𑍇॒𑌤𑌾 𑌬𑍃𑌹॒𑌸𑍍𑌪𑌤𑌿॒ 𑌰𑍍𑌦𑌕𑍍𑌷𑌿॑𑌣𑌾 𑌯॒𑌜𑍍𑌞𑌃 𑌪𑍁॒𑌰 𑌏॑𑌤𑍁॒ 𑌸𑍋𑌮𑌃॑ ।
𑌦𑍇॒𑌵॒𑌸𑍇॒𑌨𑌾𑌨𑌾॑-𑌮𑌭𑌿𑌭-𑌞𑍍𑌜𑌤𑍀॒𑌨𑌾-𑌞𑍍𑌜𑌯॑𑌨𑍍𑌤𑍀𑌨𑌾-𑌮𑍍𑌮॒𑌰𑍁𑌤𑍋॑ 𑌯॒𑌨𑍍𑌤𑍍𑌵𑌗𑍍𑌰𑍇᳚ ।
𑌇𑌨𑍍𑌦𑍍𑌰॑𑌸𑍍𑌯॒ 𑌵𑍃𑌷𑍍𑌣𑍋॒ 𑌵𑌰𑍁॑𑌣𑌸𑍍𑌯॒ 𑌰𑌾𑌜𑍍𑌞॑ 𑌆𑌦𑌿॒𑌤𑍍𑌯𑌾𑌨𑌾᳚-𑌮𑍍𑌮॒𑌰𑍁𑌤𑌾॒𑌗𑍍𑌂॒ 𑌶𑌰𑍍𑌧॑ 𑌉॒𑌗𑍍𑌰𑌮𑍍 ।
𑌮॒𑌹𑌾𑌮॑𑌨𑌸𑌾-𑌮𑍍𑌭𑍁𑌵𑌨𑌚𑍍𑌯॒𑌵𑌾𑌨𑌾॒-𑌙𑍍𑌘𑍋𑌷𑍋॑ 𑌦𑍇॒𑌵𑌾𑌨𑌾॒-𑌞𑍍𑌜𑌯॑𑌤𑌾॒ 𑌮𑍁𑌦॑𑌸𑍍𑌥𑌾𑌤𑍍 ।
𑌅॒𑌸𑍍𑌮𑌾𑌕॒-𑌮𑌿𑌨𑍍𑌦𑍍𑌰𑌃॒-𑌸𑌮𑍃॑𑌤𑍇𑌷𑍁-𑌧𑍍𑌵॒𑌜𑍇-𑌷𑍍𑌵॒𑌸𑍍𑌮𑌾𑌕𑌂॒-𑌯𑌾𑌁 𑌇𑌷॑𑌵॒𑌸𑍍𑌤𑌾 𑌜॑𑌯𑌨𑍍𑌤𑍁 । 3
𑌅॒𑌸𑍍𑌮𑌾𑌕𑌂॑-𑌵𑍀𑌁॒𑌰𑌾 𑌉𑌤𑍍𑌤॑𑌰𑍇 𑌭𑌵𑌨𑍍𑌤𑍍𑌵॒𑌸𑍍𑌮𑌾𑌨𑍁॑ 𑌦𑍇𑌵𑌾 𑌅𑌵𑌤𑌾॒ 𑌹𑌵𑍇॑𑌷𑍁 । 𑌉𑌦𑍍𑌧॑𑌰𑍍​𑌷𑌯 𑌮𑌘𑌵॒𑌨𑍍𑌨𑌾-𑌯𑍁॑𑌧𑌾॒-𑌨𑍍𑌯𑍁𑌥𑍍𑌸𑌤𑍍𑌵॑𑌨𑌾-𑌮𑍍𑌮𑌾𑌮॒𑌕𑌾𑌨𑌾॒-𑌮𑍍𑌮𑌹𑌾𑌗𑍍𑌂॑𑌸𑌿 ।
𑌉𑌦𑍍𑌵𑍃॑𑌤𑍍𑌰𑌹𑌨𑍍 𑌵𑌾॒𑌜𑌿𑌨𑌾𑌂॒-𑌵𑌾𑌁𑌜𑌿॑𑌨𑌾॒-𑌨𑍍𑌯𑍁𑌦𑍍𑌰𑌥𑌾॑𑌨𑌾॒-𑌞𑍍𑌜𑌯॑𑌤𑌾𑌮𑍇𑌤𑍁॒ 𑌘𑍋𑌷𑌃॑ ।
𑌉𑌪॒𑌪𑍍𑌰𑍇𑌤॒ 𑌜𑌯॑𑌤𑌾 𑌨𑌰-𑌸𑍍𑌸𑍍𑌥𑌿॒𑌰𑌾 𑌵𑌃॑ 𑌸𑌨𑍍𑌤𑍁 𑌬𑌾॒𑌹𑌵𑌃॑ । 𑌇𑌨𑍍𑌦𑍍𑌰𑍋॑ 𑌵॒-𑌶𑍍𑌶𑌰𑍍𑌮॑ 𑌯𑌚𑍍𑌛𑌤𑍍𑌵𑌨𑌾-𑌧𑍃॒𑌷𑍍𑌯𑌾 𑌯𑌥𑌾-𑌽𑌸॑𑌥 । 𑌅𑌵॑𑌸𑍃𑌷𑍍𑌟𑌾॒ 𑌪𑌰𑌾॑𑌪𑌤॒ 𑌶𑌰॑𑌵𑍍𑌯𑍇॒ 𑌬𑍍𑌰𑌹𑍍𑌮॑ 𑌸𑌗𑍍𑌂𑌶𑌿𑌤𑌾 । 𑌗𑌚𑍍𑌛𑌾॒𑌮𑌿𑌤𑍍𑌰𑌾॒-𑌨𑍍𑌪𑍍𑌰𑌵𑌿॑𑌶॒ 𑌮𑍈𑌷𑌾॒-𑌙𑍍𑌕𑌞𑍍𑌚॒𑌨𑍋𑌚𑍍𑌛𑌿॑𑌷𑌃 ।
𑌮𑌰𑍍𑌮𑌾॑𑌣𑌿 𑌤𑍇॒ 𑌵𑌰𑍍𑌮॑𑌭𑌿𑌶𑍍𑌛𑌾-𑌦𑌯𑌾𑌮𑌿॒ 𑌸𑍋𑌮॑𑌸𑍍𑌤𑍍𑌵𑌾॒ 𑌰𑌾𑌜𑌾॒-𑌽𑌮𑍃𑌤𑍇॑𑌨𑌾॒-𑌭𑌿𑌵॑𑌸𑍍𑌤𑌾𑌮𑍍 । 𑌉॒𑌰𑍋 𑌰𑍍𑌵𑌰𑍀॑𑌯𑍋॒ 𑌵𑌰𑌿॑𑌵𑌸𑍍𑌤𑍇 𑌅𑌸𑍍𑌤𑍁॒ 𑌜𑌯॑𑌨𑍍𑌤॒-𑌨𑍍𑌤𑍍𑌵𑌾𑌮𑌨𑍁॑ 𑌮𑌦𑌨𑍍𑌤𑍁 𑌦𑍇॒𑌵𑌾𑌃 । 𑌯𑌤𑍍𑌰॑ 𑌬𑌾॒𑌣𑌾-𑌸𑍍𑌸॒𑌮𑍍𑌪𑌤॑𑌨𑍍𑌤𑌿 𑌕𑍁𑌮𑌾॒𑌰𑌾 𑌵𑌿॑𑌶𑌿॒𑌖𑌾 𑌇॑𑌵 ।
𑌇𑌨𑍍𑌦𑍍𑌰𑍋॑ 𑌨॒𑌸𑍍𑌤𑌤𑍍𑌰॑ 𑌵𑍃𑌤𑍍𑌰॒𑌹𑌾 𑌵𑌿॑𑌶𑍍𑌵𑌾॒𑌹𑌾 𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 4 ॥
𑌓-𑌨𑍍𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌆𑌶𑍁𑌶𑍍𑌶𑌿𑌶𑌾𑌨𑍋-𑌽𑌪𑍍𑌰𑌤𑌿𑌰𑌥-𑌙𑍍𑌕𑌵𑌚𑌾𑌯 𑌹𑍁𑌮𑍍 ।
Roman (IAST) Transliteration
(tai. saṃ. 4.6.4.1 - tai. saṃ. 4.6.4.5)
ā॒śu-śśiśā̭no vṛṣa॒bho na yu॒dhmo gha̭nāgha॒naḥ, kṣobha̭ṇa-ścar​ṣaṇī॒nām |
sa॒॒ṅkranda̭no-'nimi॒ṣa ḙka vī॒raśśa॒tagṃ senā̭ ajayathsā॒-kamindraḥ̭ |
sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ |
tadindrḙṇa jayata॒ tathsa̭hadhvaṃ॒-yu~dho̭ nara॒ iṣṷ hastena॒ vṛṣṇā᳚ |
sa iṣṷhastai॒-ssa ni̭ṣa॒ṅgibhi̭ rva॒śī sagg​sra̭ṣṭā॒ sayudha॒ indro̭ ga॒ṇena̭ |
sa॒gṃ॒sṛ॒ṣṭa॒-jithso̭ma॒pā bā̭hu śa॒rdhyū᳚rdhva-dha̭nvā॒ prati̭hitā-bhi॒rastā᳚ |
bṛha̭spate॒ pari̭dīyā॒ rathḙna rakṣo॒hā-'mitrāgṃ̭ apa॒ bādha̭mānaḥ | 1
pra॒bha॒ñja-nthsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām |
go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā |
i॒magṃ sa̭jātā॒ anṷvīra-yadhva॒mindragṃ̭ sakhā॒yo-'nu॒ sara̭bhadhvam |
ba॒la॒vi॒jñā॒ya-ssthavi̭raḥ॒ pravī̭ra॒-ssaha̭svān vā॒jī saha̭māna u॒graḥ |
a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit | 2
a॒bhi go॒trāṇi॒ saha̭sā॒ gāha̭māno-'dā॒yo vī॒ra śśa॒ta-ma̭nyu॒rindraḥ̭ |
du॒ścya॒va॒naḥ pṛ̭tanā॒ṣāḍa̭ yu॒ddhyo᳚-'smāka॒gṃ॒ senā̭ avatu॒ prayu॒thsu |
indra̭ āsā-nne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ |
de॒va॒se॒nānā̭-mabhibha-ñjatī॒nā-ñjaya̭ntīnā-mma॒ruto̭ ya॒ntvagre᳚ |
indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram |
ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt |
a॒smāka॒-mindraḥ॒-samṛ̭teṣu-dhva॒je-ṣva॒smākaṃ॒-yā~ iṣa̭va॒stā ja̭yantu | 3
a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu | uddha̭r​ṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si |
udvṛ̭trahan vā॒jināṃ॒-vā~ji̭nā॒-nyudrathā̭nā॒-ñjaya̭tāmetu॒ ghoṣaḥ̭ |
upa॒preta॒ jaya̭tā nara-ssthi॒rā vaḥ̭ santu bā॒havaḥ̭ | indro̭ va॒-śśarma̭ yacchatvanā-dhṛ॒ṣyā yathā-'sa̭tha | ava̭sṛṣṭā॒ parā̭pata॒ śara̭vye॒ brahma̭ sagṃśitā | gacchā॒mitrā॒-npravi̭śa॒ maiṣā॒-ṅkañca॒nocchi̭ṣaḥ |
marmā̭ṇi te॒ varma̭bhiśchā-dayāmi॒ soma̭stvā॒ rājā॒-'mṛtḙnā॒-bhiva̭stām | u॒ro rvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ | yatra̭ bā॒ṇā-ssa॒mpata̭nti kumā॒rā vi̭śi॒khā i̭va |
indro̭ na॒statra̭ vṛtra॒hā vi̭śvā॒hā śarma̭ yacchatu || 4 ||
o-nnamo bhagavatḙ rudrā॒ya || āśuśśiśāno-'pratiratha-ṅkavacāya hum |
InfoLyter.in — Sacred Vedic Knowledge Portal · Free forever